Deeq A.

Nomad
  • Content Count

    211,244
  • Joined

  • Last visited

  • Days Won

    13

Everything posted by Deeq A.

  1. Muqdisho (Caasimada Online) – Kulan weyn ayaa maanta lagu qabtay xerada ciidamada SSC-Khaatumo ee deegaanka Guumays ee gobolka Sool, halkaas oo lagu xusay sanad guuradii koowaad ee ka soo wareegtay markii ciidamada Somaliland laga saaray xerada Goojacadde iyo deegaanno ka tirsan gobolka Sool. Hoggaamiyaha SSC-Khaatumo Cabdulqaadir Axmed Aw-Cali (Firdhiye) oo la hadlay boqolaal ka tirsan ciidamadiisa oo ku sugan jiidda Guumeys ayaa sheegay in ay maanta ka xoog badan yihiin sidii ay ahaayeen sanad ka hor markii uu socday dagaalkii dhex maray iyaga iyo Somaliland. “Ciidankeennu sanad ka hor iyo maanta wuxuu awood badan yahay maanta, waxa uu tayo roon yahay maanta, waxa uu tiro badan yahay maanta, waxaa maanta barbar taagan ummadda Soomaaliyeed ee midnimada jecel dhamaantood, waxaynu difaacayno waa dalkeenna iyo dadkeenna inaan dhibaato dambe loo geysan iyo midnimada iyo wadajir ka qaranka Soomaaliyeed,” ayuu yiri Hoggaamiyaha SSC-Khaatumo. Cabdulqaadir Firshiye ayaa u mahad celiyay cid kasta oo ku gacan siisay sanad ka hor dagaalkii ay la galeen Somaliland, isagoo sheegay in aan marnaba laga tanaasuli doonin qadiyaddii ay u dagaalameen dadkii uga dhintay dagaal 8-bilood ay kula jireen Somaliland. Goojacadde sanad ka hor wuxuu ahaa taliskii ugu weynaa ee ciidamada Somaliland ay ku lahaayeen aagga bari, hada waa taliska ugu weyn ciidamada SSC Khatumo oo qadiyadoodu sanad jirsatay. SSC ayaa sameysay muddo sanad ah hormar weyn, waxaa si KMG ah maamul ka tirsan dowladda federaalka ugu aqoonsatay dowladda dhexe ee Madaxweyne Xasan Sheekh uu hoggaamiyo, halka Somaliland ay sanadkaan soo gaartay guul-daradii ugu weyneed abid. Hadda Somaliland waxay u muuqataa inay ku qanacday guul daradeedii Goojacadde iyo lumintii Laascaanood, Sool iyo beelaha Daarood ee Sool clan iyo East Sanaag Clan. Muuse Biixi ayaa maalmo ka hor tegay saldhigii ay degeen ciidamada Somaliland ee sanad ka hor dagaalka looga saaray Laascaanood iyo Goojacadde, wuxuuna ku goodiyey in Somaliland dagaalka wadi doonto ilaa ay ka noqoto qaran la aqoonsan yahay. The post Firdhiye oo tegay furimaha dagaalka ee Goojacadde, kana hadlay qadiyadda SSC appeared first on Caasimada Online.
  2. Muqdisho (Caasimada Online) – 40 Arday oo fursad waxbarasho oo PhD ah uu Madaxweyne Xasan Sheekh ka siiyey Jaamacadda Nabadda Qaramada Midoobay ayaa aqoon kororsi loogu diray dalka Uganda. Ardaydaan ayaa maanta diyaarad looga qaaday magaalada Muqdisho ee caasimada Soomaaliya, waxayna koorso aqoon kororsi ah ku soo qaadanayaan Jaamacada Makarera ee dalka Uganda. Dhamaan gobollada dalka ayey ka kala yimaadeen 40-ka arday ee aqoonyahanada ah ee ka faa’iideystay safarkaan aqoon kororsiga ah ee dalka Uganda ay ugu baxeen. Ardayda maanta baxday oo warbaahinta kula hadashay garoonka Aadan Cadde ee magaalada Muqdisho ayaa madaxweynaha dalka Xasan Sheekh Maxamuud uga mahad celiyey fursadaan qaaliga ah ee uu siiyey. Aqoonyahan kasta waxa uu maanta sheegay deegaanka uu ka yimid, sida uu dareenkiisu yahay taqasuskiisa iyo waxay kaga dhigan tahay fursadaan uu siiyey Madaxweyne Xasan Sheekh oo horay uga baxay Jaamacadaan. Madaxweynaha ayaa xafladii qalinjebintiisa ka balan-qaaday in jaamacadda uu ka bixinayo ilaa 100 aqoonyahan oo qaadanaya heerka 3-aad ee waxbarashada Jaamacadda PhD. Jaamacadda Makareri ee dalka Uganda ayaa lagu qaadanayaa koorsooyinkaas aqoon kororsiga ah, in kastoo aan warbixintan lagu shaacin inta ay soconeyso ama ardaydaan ay ku maqnaaneyso. Hoos ka daawo The post Daawo: Xasan Sheekh oo 40 arday waxbarasho jaamacadeed oo PhD ah u diray appeared first on Caasimada Online.
  3. Hantidhowraha Guud ee Qaranka Mudane Axmed Ciise Gutaale, ayaa maanta kulan miro-dhal ah la yeeshay wafdi ka socda Midowga Yurub. Kulanka waxaa si qoto dheer loogu falanqeeyay horumarada shaqo ee xafiiska, muhiimadda taageerada la-taliyayaasha farsamo, iyo sidii loo xoojin lahaa wada shaqeynta hay’adaha hantidhowr ee heer federaal iyo heer dowlad goboleed. Waxaa kulanka si gaar ah looga hadlay taageerada dhaqaale ee Midowga Yurub u fidiyo Dowladda Federaalka iyo Dowlad Goboleedyada, iyo sidii loo horumarin lahaa habraaca baarista lacagaha taageerada ee la marsiiyo Nidaamka Maareynta Maaliyadda Dalka (SFIMS), laguna maamulo khasnadda dhexe ee dowladda. Sidoo kale, waxaa la isla gartay muhiimadda ay leedahay wada shaqaynta joogtada ah ee Xafiiska Hantidhowrka Guud la leyahay Guddiga Miisaaniyadda iyo Maaliyadda Baarlamaanka, si loo xaqiijiyo dabagalka iyo fulinta talooyinka baarista hantidhowr ee Xafiisku horay u bixiyay. Xafiiska Hantidhowrka Guud waxa uu adkeynayaa xiriirka wada shaqeyn ee uu la leeyahay Dowlad Goboleedyada, si loo gaaro guulo wax ku ool ah oo ku saabsan horumarinta adeegyada dadweynaha iyo hufnaanta maaliyadeed ee dalka. Sidoo kale kulanka waxa looga hadlay horumarinta iyo taageerada Xafiisyada hantidhowr ee Dowladaha xubnaha ka ah Dowladda Federaalka. Kulanku waxa uu ku dhamaaday guul iyo isafgarad horseedaya wadashaqeyn joogta ah. Source: goobjoog.com
  4. Waxbarashada Soomaaliya waxay muhiimad weyn u leedahay bulshada si loo hagaajiyo aqoonta, xirfadaha, iyo awoodda waxqabad ee jiilka cusub. Marka la helo macalimiin tayo leh oo ku filan, waxaa la xaqiijin karaa in carruurta Soomaaliyeed ay helaan waxbarasho wanaagsan oo u horseedi karta nolol ka wanaagsan. Waxbarashadu waxay kaloo door ka qaadan kartaa yaraynta saboolnimada, horumarinta nabadda, iyo kobcinta dhaqaalaha dalka. Marka dadku helaan aqoon, waxay awoodaan inay kasbadaan xirfado u suurtageliya inay helaan shaqooyin wanaagsan, taasoo kordhin karta dakhliga qoysaska, dhaqaalaha qaranka, iyo kobcinta guud ee dalka. Sidoo kale, aqoontu waxay door ka ciyaartaa fahamka iyo soo celinta nabadda iyo xasiloonida, taasoo wax weyn ka tari karta xalinta khilaafaadka iyo dagaallada daba dheeraaday ee Soomaaliya ka jiray. ku dhawaad 14,000 oo macalin ayaa maanta imtixaan u fadhiistay, waxaa laga xulan doonnaa Saddex kun oo macalin, waxay muujineysaa arrimo muhiim ah oo ku saabsan xaaladda waxbarashada Soomaaliya: Soomaaliya waxay ku jirtaa marxalad isbeddel ah oo ku saabsan tayada waxbarashada. Tani waxaa lagu muujiyey tallaabooyinka cusub ee lagu kordhinayo macalimiinta, si loo helo barayaasha ku filan oo tayo leh. Wasiirka Waxbarashada Soomaaliya, Faarax Sheekh Cabdulqaadir, ayaa dhawaan muujiyey sida ay xukuumaddu u go’an tahay kor u qaadista tayada waxbarashada dalka. Wasiir Faarax Sheekh Cabdulqaadir ayaa si cad u sheegay in xukuumadda ay ka go’an tahay kordhinta tayada waxbarashada. Madaxweynaha Xasan Sheekh Maxamuud: Xasan Sheekh Maxamuud, oo hadda ah Madaxweynaha Soomaaliya, ayaa horey u soo qabtay xilka macallinimo iyo hogaaminta waxbarashada. Xirfadiisa iyo waaya-aragnimadiisa waxbarashada ayaa ka caawisay inuu si qoto dheer u fahmo baahida iyo muhiimadda waxbarashada ee dalka. Madaxweynaha ayaa door muhiim ah ka ciyaaray hirgelinta siyaasado iyo mashaariic loogu talagalay in lagu horumariyo tayada waxbarashada, gaar ahaan marka laga hadlayo sidii loo heli lahaa macalimiin tayo leh iyo qalab waxbarasho oo ku filan. Ra’iisul Wasaare Xamsa Cabdi Barre: Ra’iisul Wasaare Xamsa Cabdi Barre, oo horey u soo qabtay xilal muhiim ah oo la xiriira waxbarashada, wuxuu ahaa shaqsi muhiim ah oo dadaal weyn u galay horumarinta waxbarashada. Intii uu xilka hayay, Xamsa Cabdi Barre wuxuu ku dadaalay sidii loo taageeri lahaa barnaamijyada waxbarashada ee dalka, isagoo la tacaamulaayay sidii loo xoojin lahaa adeegyada waxbarashada iyo sidii loo kordhin lahaa fursadaha waxbarasho ee dadka Soomaaliyeed. Wasiirka Waxbarashada Faarax Sheekh Cabdulqaadir: Faarax Sheekh Cabdulqaadir, Wasiirka Waxbarashada, ayaa kaalin muhiim ah ka qaatay horumarinta nidaamka waxbarashada ee Soomaaliya. Intii uu xilka hayay, Wasiir Faarax wuxuu ku howlan yahay sidii loo hagaajin lahaa tayada waxbarashada, iyadoo la dhiirrigelinayo siyaasado cusub oo kor u qaadaya heerka waxbarasho iyo xirfadaha macalimiinta. Waxaa sidoo kale la sameeyay qorsheyaal lagu taageerayo iskuulada iyo kor loogu qaadayo fursadaha waxbarasho ee bulshada. Source: goobjoog.com
  5. Wasaaradda Waxbarashada Xukuumadda Federaalka Soomaaliya ayaa maanta imtixaanka ka qaaday in ka 12 kun oo Macallin, kuwaas oo doonaya inay kamid noqdaan bareyaal cusub oo ay dowladdu dhowaan ka howlgelin doonto dugsiyada hoose dhexe iyo sare ee dalka. Wasiirka Wasaaradda Waxbarashada XFS Mudane Faarax Sheekh Cabdulqadir oo daahfuray imtixaanka ayaa sheegay in ay dowladdu shaqaalaysiinayso 3-da kun ee bareyaasha imtixaanka galay ugu sarreysa, islamarkaana ay ka qeyb-qaadan doonaan horumarka Waxbarashada dalka. Imtixaanka macallimiinta ayaa ka dhacay magaalada Muqdisho iyo dowlad goboleedyada Galmudug, Hirshabeelle, koonfur galbeed, Jubbaland, iyo maamulka ku meelgaarka ah ee SSC-Khaatumo, waana qeybtii labaad ee 10 kun oo Macallin oo ay dowladda Soomaaliya qorshaynayso inay howlgeliso. Source: goobjoog.com
  6. Ra’iisal wasaare Ku xigeenka Xukuumadda Federaalka Soomaaliya mudane Saalax Axmed Jaamac ayaa sheegay in waxyaabaha xukuumaddu xoogga saareyso ay kamid tahay diwaangalinta muwaadininta Soomaliyeed, si xogta Muwaadin kasta loo hayo. Mudane Saalax Axmed Jaamac ayaa sheegay in diiwaangelinta muwaadinka iyo qaadashada aqoonsigu ay kaalin mug leh ka qaadan doonaan hormarka dalka, islamarkaana ay dowladda u fududaan doonto inay mashaariicda iyo adeegyada aasaasiga ah si miisaaman u fuliso. Ra’iisul Wasaare ku xigeenka Xukuumadda Federaalka Soomaaliya oo hadalkiisa sii watay ayaa sheegay in yaraynta saboolnimada iyo shaqa la’aanta ay wax weyn ka badeli doonto diiwaangelinta dadka iyo qaadashada aqoonsigu, asagoo tilmaamay in haynta xogta qofku ay wax badan u soo kordhin doonto dadka danyarta ah. Soomaaliya oo kamid ah dalalka ugu hodansan dunida, balse dadkeedu ay garan la’yihiin nimcada Alle siiyay ayaa sanad walba mageceeda lagu cunaa malaayiin dollar oo lagu sheegayo deeq iyo gurmad dad barakacayaal ah oo tiradii la rabo lagu tilmaamto, balse Ra’iisul Wasaare ku xigeenku waxa uu sheegay in arrintaas keliya wax looga badeli karo diiwaangelinta muwaadinka. Sidoo kale dowladda Soomaaliya waxay ballanqaaday inay dalka ka dhacayso doorasho qof iyo cod ahi, diiwaangelinta iyo tira-koobka dadweynuhuna waa lagama maarmaan haddii doorasho toos ah laga hadlayo. Source: goobjoog.com
  7. Bulshooyin badan oo ku nool Soomaaliya ayaa khatar degdeg ah ugu jira fatahaad, maadaama heerarka wabiyada ay sii kordhayaan qaybaha dhexe ee dalka, sida uu ka digay hay’ad ka tirsan Qaramada Midoobay oo soo saartay digniin fatahaad. Sida laga soo xigtay saadaasha Hay’adda Cuntada iyo Beeraha ee Qaramada Midoobay iyo Maareynta Biyaha iyo Dhulka ee Soomaaliya (FAO-SWALIM), waxaa jiro khatar fatahaad degdeg ah iyo fatahaad ka dhalata wabiyada inkasta oo roobabku ka maqanyihiin Soomaaliya iyo qaybaha bari ee Itoobiya. Hay’adda ayaa sheegtay in biyaha kasoo qulqulaya dooxooyinka ee bartamaha buuraha Itoobiya ay sababtay in heerarka biyaha Wabiga Shabeelle ee Soomaaliya ay si joogto ah kor ugu kacaan. “Heerka wabiga wuxuu si joogto ah u kacayay maalmihii ugu dambeeyay, laakiin wuxuu ahaa mid deggan oo ka hooseeya heerka khatarta fatahaada dhexdhexaadka ah bishii July, wuxuuna si rasmi ah uga gudbay heerka khatarta fatahaada dhexdhexaadka ah August 8,” ayay tiri FAO-SWALIM oo warbixinteeda fatahaada ku soo saartay Muqdisho, caasimadda Soomaaliya. FAO-SWALIM waxay ugu baaqday in la hawlgaliyo qorshayaasha daadguraynta, iyadoo ka digaysa in khatarta sare ee fatahaadaha wabiga ay ka jiraan degmooyinka Beledweyne, Bulo Burte, Jalalaqsi, Jowhar, iyo Balcad iyo deegaanada ku xeeran. Hay’adda ayaa ugu baaqday dadka deggan meelaha halista fatahaadda leh, gaar ahaan Beledweyne iyo Bulo Burte, inay feejignaadaan. Sida laga soo xigtay Qaramada Midoobay, Soomaaliya waxay la kulantay abaartii ugu xumayd tobankii sano ee la soo dhaafay sannadkii 2023, waxaana xigay fatahaadihii ugu baaxadda weynaa ee jiilal dhan soo mara, dhammaan intii lagu jiray muddo yar oo dhowr bilood ah oo keliya. Tirada dadka ay saameeyeen fatahaaduhu waxaa lagu qiyaasay 2.48 milyan sanadkii 2023, oo ay ku jiraan 1.2 milyan oo ka barakacay guryahoodii iyo ku dhawaad 118 dhimasho, sida ay sheegtay Hay’adda Maareynta Masiibooyinka Soomaaliya. Source: goobjoog.com
  8. Ugu yaraan 13 qof ayaa dhimatay halka 14 kalena ay weli maqan yihiin kaddib markii doon tahriib ah ay ku qalibmatay xeebaha Yemen, sida uu Axaddii ku soo warramay Ururka Caalamiga ah ee Socdaalka (IOM). Sida laga soo xigtay warbixinnada ka imaanaya IOM, doontan oo ka soo ambabaxday Djibouti ayaa sidday 25 muhaajiriin Itoobiyaan ah iyo laba Yemeni ah, waxayna ku qalibantay Talaadadii meel u dhow degmada Dubab ee degaanka Bani Al-Hakam. Maydadka dadka dhintay, oo kala ahaa 11 rag ah iyo labo dumar ah, ayaa la helay, iyadoo weli baaritaanno lagu raadinaayo dadka maqan ay socdaan, sida uu sheegtay IOM, iyadoo intaas ku daray in sababta shilka doonta aysan weli caddayn. “Masiibadan ugu dambeysay waa xasuusin cad oo ku saabsan khataraha ay wajahaan muhaajiriinta ku safra jidkan… waa muhiim inaanan caadi ka dhigin khasaarahan naxdinta leh ee halkii aan ka shaqayn lahayn sidii loo ilaalin lahaa loona taageeri lahaa muhaajiriinta inta ay safarkooda ku jiraan,” ayuu yiri Matt Huber, ku-simaha madaxa IOM Yemen. Inkasta oo digniino iyo faragelinno badan ay jireen, haddana biyaha xeebaha Yemen waxay si xawli ah u sii wadaan inay nolosha muhaajiriinta galaaftaan. IOM ayaa ku baaqday in dhammaan dhinacyadu ay kordhiyaan taageerada iyo in wax laga qabto sababaha aasaasiga ah ee keenaya tahriibka sharci-darrada ah, oo ay ka mid yihiin colaadaha, saboolnimada, iyo dhibaatooyinka la xiriira cimilada. Source: goobjoog.com
  9. Muqdisho (Caasimada Online) – Ra’iisul Wasaaraha Soomaaliya, Mudane Xamza Cabdi Barre ayaa maanta qaabilay Sii-hayaha Ergayga gaarka ah ee Xoghayaha Guud ee Qaramada Midoobay u qaabilsan Soomaaliya James Swan. Labada masuul ayaa kulankoodan uga wada-hadlay xoojinta wada-shaqeynta hay’adaha Qaramada Midoobay iyo Soomaaliya, xilli ay laba sano jirsatay xukuumadda ra’iisul wasaare Xamza. Mudane Xamsa ayaa Qaramada Midoobay uga mahad-celiyey taageerada dhinacyada kala duwan leh ee ay u fidiyaan Soomaaliya, gaar ahaan dadaalka ay geliyaan dhinaca arrimaha bini’aadanimada. Sidoo kale waxa uu muujiyey sida ay xukuumadda Dan-Qaran uga go’an tahay in ay si dhow ula shaqeyso QM, iyada oo xoogga la saarayo arrimaha ahmiyadda u leh xukuumadda si loo xaqiijiyo guulaha la hiigsanayo. Swan oo bilo ku sugan Muqdisho ayaa weli wada kulamo xasaasi ah oo uu la yeelanayo madaxda dowladda dhexe, isaga oo horay ula kulmay wasiirka arrimaha dibadda Soomaaliya, oo ay ka wada-hadleen dhisidda guddi farsamo oo wadaag ah oo kala matalaya Soomaaliya iyo Qaramada Midoobey oo ujeedkooda shaqo uu yahay unkidda Xafiis Qaramada Midoobey ku yeelato dalka. Sidoo kale waxa ay isla soo qaadeen sare u qaadida iskaashi wax-ku-ool ah iyo iskuduwid sarraysa si loo gaaro ujeeddooyinka wadaagga ah ee ka shaqaynaya hannaanka kala guurka ee la qorsheeyay. Waa markii labaad ee uu James Swan qabanayo xilkan, balse markan waa kusime, isaga oo si KMG usii hayn doono, waxaana uu dhameystiri doonaa howsha xafiiska UNSOM oo la qorsheynayo in sanadkan dib u eegis lagu sameeyo. Isku soo wada duubo, Swan oo horay xilka Ergeyga QM ee Soomaaliya u soo qabtay sanadihii 2019-2022, si fiicana u yaqaana madaxda Soomaalida ayaa waxaa hadda hortaalla sidii uu dhinacyada is-diidan isugu soo jiidi lahaa, si miiska wada-hadalka la iskugu yimaado, waana mid kamid ah shaqooyinka adag ee imaatinkiisa uu markaan la koowsanayo. The post Xamza iyo Swan oo yeeshay kulan xasaasi ah iyo arrimaha looga hadlay + Sawirro appeared first on Caasimada Online.
  10. 457020139_530014789523636_2721794722520929674_n Qaran News
  11. Bukaankan ayaa lasheegay inuu yahay Kiiskii ugu horeeyay Caabuqa Furuq-Daanyeerka ee Laga helay Qabalaha Gilo ee Degmada QabriBayax. Xanuunkan Noocan ayaa horay loogu yaqaanay “Sugur ama Hablo-Baas” Sida ay maamulka Degmada Qabribayax ay cadeeyeen Kiiskaan ayaa ah kii Ugu Horeeyay ee Guud ahaan Ethiopia laga helay Caabuqa Halista badan ee Furuq Daanyeer. Qaran News
  12. Madaxweynaha dalka Masar Cabdifitaax Casiisi oo kulan la yeeshay Taliyaha ugu sarreeya ciidamada Mareykanka Janaraal C.Q. brown ayaa ka digay halista iyo cawaaqib xumada ka dhalan kara xiisadda sii kordhaysa ee maamulka Israa’iil iyo ururka Xisbullaahi. General C.Q. Brown, oo ah guddoomiyaha guud ee saraakiisha ciidamada Mareykanka ayaa gaaray Masar saacado ka dib markii ay Israa’iil iyo Xisbullaahi isweydaarsadeen weerarro gantaallo ah. Ururka Xisbullah ayaa boqolaal gantaal iyo diyaarado Drones ah ku garaacay Israa’iil, waxayna Israa’iil dhankeeda sheegtay in ay Lubnaan ku garaacday ilaa 100 diyaaradood si ay uga hortagaan weerar horleh oo ay qorshaynayso Xisbullaahi. War qoraal ah oo uu soo saaray xafiiska Madaxweynaha Masar ayaa lagu sheegay in beesha caalamku looga baahan yahay in ay ay sameyso dadaal kasta oo ay xoojinayso cadaadiska dhinacyada si loo qaboojiyo xiisadda, loona joojiyo xaaladda sii xumaanaysa ee halista ku ah nabad-gelyada iyo xasiloonida gobolka oo dhan. Source: goobjoog.com
  13. Pavel Durov, the Russian-born billionaire founder and owner of the Telegram messaging app, was arrested at Le Bourget airport outside Paris shortly after landing on a private jet late on Saturday and placed in custody, a police source said. Source: Hiiraan Online
  14. Ra’iisul Wasaaraha Xukuumadda Federaalka Soomaaliya, Mudane Xamse Cabdi Barre, ayaa maanta qaabilay Sii hayaha Ergeyga gaarka ah ee Xoghayaha Guud ee Qaramada Midoobey u u qaabilsan Soomaaliya James Swan. Qoraal ka soo baxay Xafiiska Ra’iisul wasaaraha Soomaaliya ayaa lagu sheegay in mudane Xamse Cabdi Barre uu Xafiiskiisa ku qaabiley Sii hayaha Ergeyga gaarka ah ee Xoghayaha Guud ee Qaramada Midoobey u u qaabilsan Soomaaliya James Swan. Qoraalka ayaa sidoo kale lagu sheegay in Ra’iisul wasaare Xamse iyo Sii hayaha Ergeyga gaarka ah ee Xoghayaha Guud ee Qaramada Midoobey u u qaabilsan Soomaaliya James Swan ay ka wada hadleen xoojinta wada-shaqeynta hay’adaha QM iyo Soomaaliya. Ra’iisul Wasaare Xamse ayaa Qaramada Midoobay uga mahadceliyey taageerada dhinacyada kala ee ay u fidiyaan Soomaaliya, gaar ahaan dadaalka ay geliyaan dhinaca arrimaha bini’aadanimada, isagoo muujiyey sida ay Xukuumadda Dan Qaran uga go’an tahay in ay si dhow ula shaqeyso QM, iyada oo xoogga la saarayo arrimaha ahmiyadda u leh Xukuumadda si loo xaqiijiyo guulaha la hiigsanayo. PUNTLAND POST The post Ra’iisul Wasaare Xamse oo qaabiley Ergeyga gaarka ah ee Xoghayaha Guud ee Qaramada Midoobey u u qaabilsan Soomaaliya appeared first on Puntland Post.
  15. Muqdisho (Caasimada Online) – Ra’iisul Wasaaraha Soomaaliya Xamza Cabdi Barre ayaa maalmo kahor kulan su’aallo lagu weydiinayay ka sheegay in haddii uu isbeddel ka dhaco Somaliland ay si fiican iskula jaan-qaadi doonaan. Waxa uuna hadalkiisa sii raaciyay inay taas ka shaqeynayay, isaggoo yiri “Haddii ay doorasho ka ka dhacdo Somaliland oo ay madax cusubi ay timaado, waxa aan rajeyneyna in aan isla jaan qaadi doono, oo Soomaaliya oo mid ah oo walaalo ah aan heli doono.” Hadalkan ayaa durba kala shaki xooggan ka abuuray gudaha Somaliland, ayada oo xukuumadda Somaliland ay musharaxa xisbiga Waddani ka dalbatay inuu caddeeyo mowqifkiisa, xilli uu Xirsi Cali Xaaji oo ragga ugu culus xisbiga uu ku tilmaamay “riyo maalmeed”. Hase yeeshe, Cabdinasir Buuni oo hadda ah wasiirka xiriirka golayaasha iyo arrimaha dastuurka ee Somaliland ayaa ku dooday farriinta ra’iisul wasaare Xamza aysan ku socon Xirsi, ee ay tahay mid toos u taabaneyso Ciro, sidaas darteedna aysan jawaabta Xirsi oo keliya ku filneyn hadalkaasi. Xisbiga Waddani ayaa ah kan ugu tunka weyn ee mucaarada, ayada oo loo tiriyo haddii uu isbeddel ka dhaco Somaliland inuu la wareegi doono xukunka, xilli xukuumadda Muuse Biixi uu hoggaamiyo ay wajaheyso eedeymihii ugu badnaa oo ugu weyn tahay “oogida dagaallo gudaha ah.” Arrinka wasiirka ayaa dadka qaarkii u arkaan mid siyaasadeed oo la doonayo in galaan-gal loogu yeesho ololaha doorashada Somaliland ee bisha November dhacaya. Balse wasiirka ayaa sii adkeeyay hadalka kadib markii uu ku doodday in xisbiga Kulmiye iyo Ucid oo kaliya ay aaminsan yihiin Somaliland ee Waddani aanu aaminsaneyn Somaliland, laakiin taasi ay ka hor imaanayso mowqifka xisbiga Waddani oo uu danbeeyay bayaankii uu saaray guddoomiye Xirsi Cali Xaaji Xasan ee lagu sheegay in siyaasadda Waddanina ay tahay dadka Somaliland oo mid ah, oo beesha caalamka kamid ah. Somaliland oo ayadu ku doodda inay ka go’day Soomaaliya muddo ka badan 30 sano ayaa weli helin wax aqoonsi ah, ayada oo caalamk auu intiisa badan ula tacaamulo siddii maamul goboleed ka tirsan Soomaaliya. Si kastaba, xiisadda Soomaaliya iyo Somaliland ayaa waxay cirka isku shareetay kadib markii madaxweynaha xilka kasii degaya ee Muuse Biixi Cabdi uu horraantii sanadkan Addis Ababa uu Abiy Axmed kula saxiixday is-afgarad lagu bixinayo badd, taas oo ay ka carootay dowladda federaalka Soomaaliya. The post Hadal uu yiri Xamza oo ‘kala shaki xooggan’ ka abuuray gudaha Somaliland appeared first on Caasimada Online.
  16. Ra’iisul wasaaraha Xukuumadda Jamhuuriyadda Federaalka Soomaaliya Mudane Xamsa Cabdi Barre, ayaa maanta qaabilay Siihayaha Ergayga gaarka ah ee Xoghayaha Guud ee Qaramada Midoobay u u qaabilsan arrimaha Soomaaliya danjire James Swan, iyagoo ka wada-hadlay xoojinta wada-shaqeynta hay’adaha QM iyo dowladda Soomaaliya. Ra’iisul Wasaare Xamsa ayaa Qaramada Midoobay uga mahadceliyey taageerada dhinacyada kala ee ay u fidiso Soomaaliya, gaar ahaan dadaalka ay geliyaan dhinaca arrimaha bini’aadanimada, isagoo muujiyey sida ay Xukuumaddiisa uga go’an tahay in ay si dhow ula shaqeyso QM, iyada oo xoogga la saarayo arrimaha ahmiyadda u leh Xukuumadda si loo xaqiijiyo guulaha la hiigsanayo. Source: goobjoog.com
  17. Dib u milicso sanad ka hor maanta. Waa maamta maalinteedii oo Cabdiraxmaan ugu hor hadlay kana hadlay dhibkii dhacay kuna dardaarmay midnimo iyo wadajir in qaranka lagu difaaco, khilaafkana meel la iska dhigo. Hoos ka daawo VID-20240825-WA0003 Qaran News
  18. Addis Ababa (Caasimada Online) – Waxaa soo baxeysa in la qariyay xogta diyaaraddii Ethiopian Airlines ee bur buri jirtay, taas oo nooceedu ahaa 737 MAX. Sida uu shaaciyay maamule hore oo ka tirsanaa shirkadda diyaadaha ee Boeing waxay shirkaddu qarisay xogta cilad ay laheyd diyaaraddaasi, isaggoo tilmaamay inay laheyd diyaaraddu cilad dhanka dabka ah. Ninkaan oo horay u maamuli jiray xafiiska shirkadda ee Washington ayaa haatan hogaamiya koox la yiraahdo hay’adda badbaadada duulimaadka, wuxuuna sheegay in shirkadda ay ogeyd cilad diyaaradaasi. Diyaaraddan oo lix sano kahor burburi jirtay oo ay ku dhinteen 157 qof ee ay Soomaalidu ku jirtay ayaa waxay laheyd cilad dhinaca dabka ama korontada ah, sida uu shaaciyay maamulahan hore, oo sheegay in shirkaddu ay qarisay arrintaasi. Sidoo kale waxa uu intaas ku daray in diyaaradu ay konotoroolka lumin kartay mar walba oo ay ku duulayso joog hoose, sidoo kalena cillado badan ay lahayd. Hay’adda uu ninkaan hogaaminayo ayaa waxay sheegtay in inka badan 1,000 diyaaradood oo ay nuuca Boeing ah oo haatan hawada ku jira ama la adeegsado ay halis ugu jiraan in ay wajahaan cillad dhinaca dabka ah oo ay sabab u tahay qaabka ay shirkaddu markii horeba u sameysay diyaaradda. Waxa uu sheegay in diyaaraddu markii ay lix daqiiqo uun ka sii maqan tahay garooonka Bole ee Addis Ababa in cilladu ku bilaabatay. Diyaaradda ayaa ah kuwii ugu dambeeyay nuuca 737 Max ee xilligaas Boeing sameysay. Sidoo kale isla nuuca 737 Max ayaa kol hore waxay ku burburtay dalka Indonesia iyada oo ay ku dhinteen ilaa 189 qof. Waxaa la sheegay in nidaamka kontoroolka duulimaadka ee Boeing ee loo yaqaano MCAS ay cillad badan ku timaado, taas oo sababta in diyaaraddu ay dhulka ku dhacdo iyada oo wali la isku dayayo in la kontoroolo. The post Xog ka cusub diyaaraddii Itoobiya ee ku dhinteen dad Soomaali ku jirto appeared first on Caasimada Online.
  19. Hargeysa (Caasimada Online) – Xukuumada Somaliland ayaa si adag uga jawaabtay tallaabaddii ay shalay qaaday dowladda federaalka Soomaaliya, taas oo ay ku fartay shirkadaha iyo xawaaladaha ka shaqeeya Somaliland in ay adeegooda ku bixiyaan magaca Soomaaliya. Amarka dowladda federaalka Soomaaliya oo si gaar ah ugu socday shirkadaha Dahabshiil, Jubba Express iyo adeega Paysii iyo weliba shirkadaha kale ee lamidka ah ayaa waxay adeegooda ku bixiya magaca Somaliland, iyagoo muujinaya inay u aqoonsan yihiin dal ka madax-banaan jamhuuriyadda Soomaaliya, taasi oo ka careysiisay dowladda federaalka Soomaaliya. “Xawaaladaha iyo shirkadaha ay wargelintaani ku socoto waxaa la farayaa inay joojiyaan xadgudubka lidiga ku ah gobanimada jamhuuriyadda federaalka Soomaaliya, isla markaana ay ka saaraan mareegaha iyo hababka kale oo ay isticmaalaan magaca Somaliland, kuna koobaan kaliya magaca Soomaaliya,” ayaa lagu yiri amar kasoo baxay dowladda federaalka Soomaaliya. Xukuumaddq Somaliland oo iyaduna si adag uga jawaabtay amarkan ayaa sheegtay inay tallaabo adag ka qaadi doonto shirkaddii u hoggaansanta warqadda kasoo baxday dowladda federaalka Soomaaliya. Wasiirka warfaafinta Somaliland Cali Mareexaan ayaa sheegay in dowladda Xasan Sheekh ay dambi ka gashay Somaland iyo shacabkeeda, sidaas darteedna ciddii u hoggaansanta ay kula xisaabtami doonaan. “Warqadda lagu qoray Villa Soomaaliya ama meesha yar ee 50-ka dowladood degan yihiin ee aan gaari karin Deyniile, cida waxaa tix-galisaa ee Somalilanf ah kuna dhaqanta ee amarkaas fulisa Somaliland iyo shacabkeeda ayay dambi ka galeen Somaliland-na way kula xisaabtamaysa,” ayuu yiri wasiirka warfaafinta Somaliland. Jawaabta Somaliland ayaa imaneysa xilli dowladda federaalka ay shirkadahaas u qabatay in magaca Soomaaliya ay adeeg kasta ku qoraan ugu dambeyn 1-da bisha soo socota ee September. “Fulinta amarkaan waxaa la farayaa shirkad kasta oo wada shaqeyn ay kala dhaxeyso shirkadaha ku xadgudbaya qaranimada Jamhuuriyadda Soomaaliya,” ayaa lagu yiri amarka dowladda federaalka. Wasaaradda Ganacsiga oo si gaar ah uga soo baxay amarkan ayaa ku wargelisay shirkadii ama xawaaladii jebisa amarkaan in loo tixgeli doono inay si bareer ah u jebisay amarka dowlada kana soo horjeedo qaranimada Soomaaliya. The post SOMALILAND oo ku dhowaaqday tallaabo ay qaadeyso kadib amarkii kasoo baxay DF appeared first on Caasimada Online.
  20. VID-20240825-WA0001 Qaran News
  21. Mogadishu (HOL) — Somali Council of Ministers held a performance retreat in Mogadishu on Saturday, where they reviewed the government's achievements over the past two years as the cabinet faces increasing criticism from opposition groups. Source: Hiiraan Online
  22. Hargeisa (HOL) — The Waddani Party has issued a sharp rebuke of the Somali government's recent directive, which orders money transfer companies to cease using the name "Somaliland." The move, according to the Waddani Party, risks escalating tensions and could provoke conflict and hostility in the region. Source: Hiiraan Online
  23. Muqdisho (Caasimada Online) – Madaxweynaha dowladda federaalka Soomaaliya Mudane Xasan Sheekh Maxamuud oo xalay khudbad ka jeediyay bandhigga waxqabadka xukuumadda DanQaran ayaa ka hadlay arrimo xasaasi ah oo ku aadan xaaladda dalka. Xasan Sheekh ayaa si gaar ah hadal jeedintiisa diiradda ugu saaray horumarada dowladda, wuxuuna sheegay in labada sano ee soo soctaa ay ka wanaagsanaan doonaan, labadii sano ee u dhammaatay dowladdiisa. Madaxweynaha ayaa sidoo kale shaaca ka qaaday inay soo socoto mashaariic waa wayn, isla markaana ay wax badan u tari doonaan shacabka Soomaaliyeed. “Labada sano ee soo socotaa waa ka duwanaan doonaan, labadii sano ee la soo dhaafay, mashaariic aad u waaweyn ayaan soo kordhin doonaa, waana balan qaadeynaa taas” ayuu yiri Xasan Sheekh Maxamuud. Sidoo kale wuxuu hoosta ka xariiaqay in aan la in kiri karin waxqabadka dowladdiisu la timid labadii sano ee la soo dhaafay taasi oo uu sheegay inay ku timid midnimada iyo wadashaqeynta dawladda dhexdeeda. “Orodkii iyo xawaarihii aan labo sano ku soo gaarnay, labada sano ee dhiman waa in aan ka sii dheeraynaa, kana duwanaadaan kuwii hore, mashaariic aad u waaweyn ayaan soo kordhin doonaa waana balan qaadaynaa taas” ayuu mar kale Madaxweyne Xasan Sheekh. Hadalkan ayaa kusoo aaday xilli haatan dowladda federaalka ay la kulmeyso mucaarado xoogleh oo aad u dhaliilsan, sida ay wax ku wadaan Xasan iyo Xamza, waxaana kamid ah xubaha sida wayn u dhaleeceeya hoggaanka dalka xildhibaano ka tirsan labada Gole. The post Xasan Sheekh oo sameeyay ballan-qaad la xiriira labada sano ee soo socota appeared first on Caasimada Online.
  24. Mogadishu (HOL) — In Mogadishu, a surprising trend is emerging: skilled professionals from war-torn countries like Sudan, Syria, and Yemen are seeking refuge and a fresh start in Somalia. As they rebuild their lives, they face an unexpected challenge—mastering the Somali language, a key to integrating into society. Source: Hiiraan Online
  25. Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) ayaa xafiiskiisa ku qaabilay Danjiraha cusub ee dowladda Shiinaha usoo magacowday Soomaaliya Wang Yu oo ay wehliyaan diblomaasiyiinta safaaradda. Ugu horeyn Safiirka Shiinaha ee Soomaaliya oo guddoomiyaha Golaha Shacabka soo gaarsiiyay salaan uu kaga waday dhigiisa dalka Shiinaha ayaa uga mahadceliyay guddoomiyaha Golaha Shacabka soo dhoweyntiisa ,isaga oo sheegay inuu ku faraxsanyahay inuu Soomaaliya safiir ka noqdo sidoo kalena ay tahay markii ugu horeysay oo dal Afrika ku yaala uu safiir ka noqdo. Danjiraha Dowladda Shiinaha ee Soomaaliya Wang Yu ayaa sheegay inuu ka shaqeyn doono xoojinta xiriirka labada wadan diyaarna ay u yihiin taageerida Shacabka Soomaaliyeed iyo Dowladooda. Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) ayaa Jamhuuriyadda dadka ee Shiinaha uga mahadceliyay taageerada dhincyada kala duwan leh ee ay mar walba siiyaan Soomaaliya,waxaana uu sheegay in Soomaaliya iyo Shiinaha uu ka dhaxeeyo xiriir qotodheer oo dhinacyo badan ah. Source: goobjoog.com