Guddiga Doorashooyinka Puntland ee PEC ayaa caawa shaaciyay liiska xildhibaanada ku soo baxay golayaasha deegaanka saddexda degmo ee Garowe, Dangorayo iyo Godobjiraan, kuwaas oo doorashoodu dhacday 23 July 2024. PINTLAND POST The post Liiska xildhibaanada golayaasha deegaanka degmooyinka Garowe, Dangorayo iyo Godobjiraan appeared first on Puntland Post.

Jabuuti (Caasimada Online) – Madaxweynaha Jabuuti Ismaaciil Cumar Geelle iyo dhiggiisa Faransiiska Emmanuel Macron ayaa ku heshiiyey in dib loo cusboonaysiiyo iskaashiga dhanka difaaca ee labada dal, kadib wadahadallo laba sano socday. Sida lagu sheegay bayaan ka soo baxay Faransiiska, waxay saxiixeen heshiis ku saabsan dib u habeynta heshiiska difaaca oo ay ku mideysan yihiin Faransiiska iyo Jabuuti. Heshiiskan oo lagu saxiixay madaxtooyada Fransiiska ayaa ah mid quseeya qaabkii loo maareyn lahaa 1,500 oo askari oo Faransiis ah oo fadhigoodu yahay dalka yar ku yaalla bariga Afrika. Heshiiskan ma aha mid cusub ee waa heshiis ay labada dowladood dhowr mar oo hore dib u soo cusbooneysiiyay. Heshiiska difaaca ayaa markii ugu horreysay la saxiixay 1977-kii markaasoo Jabuuti ay xorriyadda ka qaadatay Faransiiska , waxaana dib loo cusbooneysiiyay 2011-kii. Dalku waxa uu ku yaalaa meel ka soo u dhaw dalka Yemen, una dhow badda cas, halkaas oo qayb weyn oo ka mid ah ganacsiga caalamiga ah ee Aasiya iyo Galbeedka uu mara. Ciidamada Faransiiska ayaa dhawaan xiray saldhigyo ciidan oo ku yaala Mali iyo Niger ka dib afgambiyo militari oo ka dhacay labada dal, laakiin marnaba ma dhicin su’aal ah inay ka tanaasulaan Jabuuti, oo ah saldhigga ugu weyn ee Faransiiska ee dibadda. Heshiiskan iskaashiga militari ee Jabuuti iyo Faransiiska ayaa ku soo beegmaya xilli dhawaan ay dalalka Soomaliya iyo Turkiga ay ka saxiixdeen heshiis iskaashi militari ah. Dalka Jabuuti oo ah dal yar oo xasilooni ay ka jirto Islamarkana ku yaalla gobol ay daganaashiyo la’aan ka jiro ayaa waxaa saldhigyo militari ku leh dalal kala duwan. Jabuuti waxa ay martigelisaa saldhigga milatari ee ugu weyn ee Maraykanku ku leeyahay Afrika, Camp Lemonnier, kaas oo ay ku nool yihiin in ka badan 4,000 oo shaqaale ah oo badankood ay askar yihiin. The post Jabuuti iyo Faransiiska oo kala saxiixday heshiis militeri oo xasaasi ah appeared first on Caasimada Online.

The classification of several African countries as lower-middle-income puts them in a distinct position globally. Although this classification denotes a step up from low-income status, it also has a unique mix of benefits and drawbacks that influence these countries’ growth paths. Benin Lower-middle-income African nations frequently struggle with substantial levels of poverty and income inequality despite their being a level above low income countries. This inequality affects vulnerable populations, social mobility and inclusive growth. Additionally, many low- and middle-income African countries suffer from infrastructural deficits and institutional weaknesses. Inadequate roads, electrical supply, and bureaucratic inefficiencies can stifle business operations, discourage investment, and hamper overall economic growth. However, lower-middle-income countries are better positioned to participate in international commerce should the trajectory of their economies look positive. This could result in preferential trade agreements, lower tariffs, and better market access. Investors tend to view lower-middle-income countries favorably due to a promising economic prospect and growth potential. This can attract foreign direct investment (FDI), which in turn stimulates job creation, technology transfer, and industrial development, contributing to overall economic expansion. With that said, here are the African countries listed as lower-middle income countries by the World Bank. List of African countries categorized as lower-middle income countries • Angola • Benin • Cabo Verde • Cameroon • Comoros • Congo, Republic • Côte D’Ivoire • Djibouti • Egypt • Eswatini • Ghana • Guinea • Kenya • Lesotho • Mauritania • Morocco • Nigeria • Sao Tome and Principe • Senegal • Tanzania • Tunisia • Zambia • Zimbabwe Source: Business Insider Africa The post List of African countries categorized as lower-middle income countries appeared first on Puntland Post.

Moqokori (Caasimada Online) –Madaxweynaha Hirshabeelle Cali Guudlaawe ayaa safar ku maraya deegaanada maamulkaas, wuxuuna maanta gaaray degmada Moqokori ee Gobalka Hiiraan, waxaana xusid mudan in Hiiraan laga diidanaa xukunka Cali Guudlaawe. Safarka uu ku tegay Moqokori waxaa ku wehliya Madaxweyne ku-xigeenka HirShabeelle Yuusuf Dabageed oo ka soo jeeda gobolka Hiiraan, waxaana si weyn u soo dhoweeyey Guddoomiyaha iyo shacabka degmada Moqokori. “Sida aad la socotaan waxaan degmo ka dhignay Moqokori, kadib markaan ka xoreynay Khawaarijta, waadna u dhabar adeygteen miraha dowladnimada ee aad guraneysaan,” ayuu yiri Cali Guudlaawe. Maalmihii lasoo dhaafay Cali Guudlaawe ayaa socdaal shaqo ku marayay degmooyin ka tirsan Gobalka Shabeellada Dhexe, waxaana uu uga sii gudbay Gobalka Hiiraan, halkaas oo tabasho xoog leh ay ka jirto. Madaxweynaha ayaa mudada uu joogo degmada Moqokori waxa uu xariga ka jari doonaa mashaariic horumarineed oo ay ka hirgelisay Dowladda Goboleedka Hirshabeelle, waxana uu ka mahadceliyay sida loogu soo dhaweeyay degmada Moqokori. Beesha Xawaadle oo degta Moqokori iyo inta badan deegaanada kale ee gobolka Hiiraan ayuu Madaxweynaha HirShabeelle Cali Guudlaawe ku dhiiraday inuu hortago. Beesha Xawaadle ayaa diidan gabi ahaanba inay kasii mid noqdaan maamulka HirShabeelle, waxayna kol sii horeysay ku dhawaaqeen maamul kale oo ay ugu magac-dareen Hiiraan State. Cali Guudlaawe ayaa qorsheynaya in safarkaan uu ku tago degmooyin kale oo muhiim ah oo beesha Xawaadle ay degto, sida Beledweyne, Maxaas, Buulburde, degmooyin iyo deegaano kale, waxaana safarkaan madaxweynaha ku riixaya ku xigeenkiisa Cali Guudlaawe. Hoos ka daawo The post Daawo: Cali Guudlaawe oo u bareeray inuu hortago reer Hiiraan oo diidan maamulkiisa appeared first on Caasimada Online.

Kismaayo (Caasimada Online) – Madaxweynaha dowlad-goboleedka Jubbaland Axmed Madoobe ayaa maanta ku safray wadada isku xirta magaalooyinka Kismaayo iyo Afmadow. Wadadan oo dhawaan ay ciidamada xoogga dalka iyo kuwa Jubbaland isku fureen, kana sifeeyeen Shabaab-kii ku sugnaa ayaa maanta waxaa maray Axmed Madoobe booqasho ku tagay Degmada Afmadow ee Gobolka Jubada Hoose. Qeybaha kala duwan ee bulshada ku nool degmada ayaa madaxweynaha kusoo dhaweeyay bartamaha Magaalada isagoo mid mid u gacan qaaday dadweynahii soo dhaweeyay. Madaxweynaha ayaa u tagay degmada Afmadow dardar-galinta howl-galada ay wadaan ciidamada Jubaland iyo ciidamada xooga dalka, kuwaas oo guulo wax ku ool ah laga gaaray maalmahii lasoo dhaafay. Maalin kahor ayey aheyd markii uu madaxweynaha Jubbaland booqasho ku tegay deegaanka Buulo-xaaji oo uu dhawaan ka dhacay dagaal lagu jabiyay Al-Shabaab, isaggo dhiirogeliyay ciidamada ku sugan halkaas ee jilibka u dhigay dagaal-yahaanada kooxda ee weerarka soo qaaday. Axmed Madoobe ayaa sheegay in jab wayn la gaarsiiyay Al-Shabaab, islamarkaana xubno isugu jiro Soomaali iyo Ajaaniib looga dilay dagaalladii ka dhacay Jubbada Hoose. Sidoo kale wuxuu tilmaamay in kooxda ay la kulantay arrin aysan fileyn oo u horseeday guul darro. Madaxweynaha Jubbaland ayaa sheegay in kooxda ay hadda qorsheyneyso aar-gudasho, sidaas daraadeedna loo baahan yahay in loo diyaar garoobo si ka duwan sidii hore. Sidoo kale wuxuu hoggaamiyaha Jubbaland dalacsiiyay ciidamadii guusha keenay, isaggoo bilado geesinimo ah guddoonsiiyay saraakiishii ku hoggaamisay dagaalladii adkaa ee ay la galeen maleeshiyaadkii la laayay ee kooxda Al-Shabaab. The post Sawirro: Axmed Madoobe oo maanta ku safray waddo halis ah, gaareyna… appeared first on Caasimada Online.

Addis Ababa (Caasimada Online) – Dowladda Itoobiya ayaa soo saartay qoraal ay iskaga fogeynayso eedeymihii ay dowladda federaalka Soomaaliya u jeedisay, oo ay ugu dambeysay middii hubka. War-saxaafadeed kasoo baxay wasaaradda arrimaha dibadda Itoobiya oo ku qornaa Af-Soomaali ayaa waxaa lagu sheegay in Itoobiya ay si dhaw ula socoto weedhaha kicinta ah ee soo noq-noqday ee kasoo yeeraya dowladda federaalka Soomaaliya. “Si ka duwan eedeymaha aan salka lahayn ee dowladda Soomaaliya, sodon sanno iyo dheeraad Itoobiya waxay si hagar la’aan ah ugu tafoxaydnayd ka shaqaynta xaslloonida iyo dawlad dhiska dadka walaalaha ee Soomaaliya oo ay u hurtay naf iyo maal,” ayaa lagu yiri qoraalka kasoo baxay dowladda Itoobiya. Itoobiya ayaa sheegtay inay aad uga xun tahay hadallo ay ku tilmaamtay kuwa aan loo meel dayin iyo masuuliyad darro oo ay ku kaceen marar kala duwan madaxda sare ee dowladda federaalka Soomaaliya, si ay muhmal u galiyaan doorka togan ee dowladda Itoobiya ku leedahay dowladnimada Soomaaliya, sida lagu yiri qoraalka. “Iyada oo maanka lagu hayo isku tiirsanaanta xooggan ee mandaqada, xidhiidhka dhaqanka iyo midka taariikheed ee ku dhidban dhiigga iyo dhidid wadaagga, Itoobiya waxay qaadatay in aysan dheg jalaq u siin eedeymaha marin habowsan ee kasoo burqanaya madaxda Soomaaliya.” Waxa kale oo lagu yiri qoraalka “Itoobiya oo ay u muuqato garadarrada eedaymaha qaawan ee lala daba socdo, waxay haddana door bidday in ay qaado hilinta samirka, qal-qaalada togan iyo baxnaannada danta guud ee dadkeenna aan marnaba kala maarmayn.” Sidoo kale waxay Itoobiya walaac ka muujisay ka ganacsiga hubka fudud ee kusoo qul-qulaya Geeska Afrika, loolanka colaaddeed ee ka aloosan xeebaha iyo sidoo klae xuduudaha aan amnigooda gacanta lagu hayn, xilli dhawaan hub la sheegay inuu kasoo gudbay dhanka Itoobiya lagu bililiqeystay degmada Caabudwaaq ee gobolka Galgaduud. “Itoobiya waxay sii wadi doontaa isbar-bartaagga walaalaha Soomaaliya si loo xaqiijiyo hiigsigooda ah helitaanka nabad waarta, xasillooni, horumar dhaqaale iyo iskaashiga gobolka,” ayaa lagu yiri qoraalka oo uu ku saxiixna afhayeenka wasaaradda arrimaha dibadda Itoobiya. The post Itoobiya oo qoraal aan looga baran ugu jawaabtay DF – Maxaa ku qoran? appeared first on Caasimada Online.

Mumbai (Caasimada Online) – Xildhibaan ka tirsan baarlamaanka India oo lagu magacaabo Raghav Chadha ayaa tusaale xun usoo qaatay Soomaaliya xilli uu khudbad ka jeediyay golaha. Raghav ayaa sheegay in muwaadiniinta India ay canshuurta u bixiyaan sida Ingiriiska oo kale, ayna helaan adeeg liita oo lamid ah kan Soomaaliya. “Muwaadiniinta India sidii kuwa Ingiriiska ayey canshuurta u bixiyaan, haddana waxay helaan adeeg lamid ah midka dadka ku nool Soomaaliya,” ayuu yiri Raghav Chadha oo si weyn u dhaliilsan adeega ay bixiso dowladda India. Xildhibaanka oo si weyn u dhaliilsan xadiga canshuurta ay qaado iyo tayada adeegyada ay bixiso ayaa tusaalaha foosha xun usoo qaatay Soomaaliya, oo lagu tiriyo waddamada ay madaxdeedu ka shaqeystaan ee aysan u shaqeyn bulshadooda. Soomaaliya oo in ka badan 30 sano kusoo jirtay fowdo, nidaam la’aan iyo colaado, ayaa adduunka u noqotay tusaale xun, ayada oo horey sidan oo kale madax kala duwan tusaaleyaal fool xun ugu soo qaateen dalkeenna. Trump, madaxweynihi hore ee Mareykanka ayaa la xasuusta Trump in Soomaaliya uu horer ugu tilmaamay wadamada ugu halista badan caalamka, islamarkaana ah gunta argagixisada. Halka Museveni oo ah madaxweynaha Uganda ayaa isna kamid ah madaxda caadiyeystay inay Soomaaliya u soo qaatan tusaalayaasha ugu xun-xun, oo liidid ah. Falalkan aan garowshiyo lahayn ayaa sharaf-dhac ku ah sharafta dowladda Soomaaliya iyo guud ahaan dadka iyo dalka Soomaaliyeed. The post Xildhibaan Hindi ah oo si weyn ugu gefay Soomaaliya appeared first on Caasimada Online.

Muqdisho (Caasimada Online) – Sida aad u qaabeyso xukunkaaga ayaa dhalin karta jaceyl ama naceyb, kalsooni ama kala shaki bulsho. Haddii qofka madaxda ah uu la yimaado qorshe xumo, eex siyaasadeed ama qabyaalada qoysaysan dhaxalku waa niyad jab shacab, waxaana dhici karta in dadka si buuxda uga horyimaadan qofka xukunka haysta ama inay taageeraan fikrado kale oo halis ah. Xasan Sheekh Maxamuud oo xukunka Soomaaliya laba jeer qabtay ayaa weli lagu eedeynayaa musuq, qabyaalad iyo maamul xumo. Xildhibaan Xuseen Dhagaweyne oo ka tirsan golaha shacabka ee baarlamaanka Soomaaliya wuxuu asbuucan ku eedeeyay madaxweyne Xasan Sheekh iyo maamulkiisa hoggaan xumo, qorshe xumo, cadaalad darro iyo eex. Wuxuu sheegay in dhaqamadaasi ay yihiin kuwo u daneynaya ama caawinaya argagixisada. Xildhibaan Dhagaweyne oo kasoo jeeda degmada Ceelbuur ee gobolka Galgaduud ee bartamaha Soomaaliya oo kamid ah goobaha ay weli haysato argagixisada oo wax laga weydiiyay sababta dhulkaasi loo xoreyn waayay ayaa sheegay in sida dagaalka loo hoggaamiyay oo qaldaneyd inay keentay in cadowga laga xoreyn waayo deegaanadaas. Wuxuu ku baaqay in hoggaanka Xasan Sheekh uu is hagaajiyo si dalka loo hagaajiyo. Madaxweyne Xasan Sheekh Maxamuud ayaa ereyo toosin ah ka helay labada aqal ee baarlamaanka Soomaaliya, tan iyo markii uu furmay kal-fadhigga 5-aad ee baarlamaanka. Laakiin Villa Somalia waxay dhaliilahaasi u taqaana duullaan siyaasadeed. Qofkasta oo madax looga dhigo Soomaaliya waxaa laga rabaa cadaalad iyo sinaan bulsho, inuu amaanada ilaaliyo oo xoolaha dadka la boobin iyo in uusan uga sii darin xaalka oo aanay dadka dooran duul qaldan sida argagixisada. Marka aad soo qaadato ereyada cadaalad, sinaan, ammaano iyo hufnaan maamul oo aad ku fiiriso nidaamka madaxweyne Xasan Sheekh waxaa kusoo baxaya is-diidooyin badan iyo niyad-jab. Laakiin madaxweynaha weli wuxuu haystaa waqti uu dalka ku badbaadin karo, niyada shacabka kusoo celin karo, waana haddii uu hagaajiyo maamulkiisa oo eexda iyo musuqa wax laga qabto, mudnaana la siiyo dowlad wanaaga iyo dad isku haynta. The post Hab-dhaqanka dowladda Xasan Sheekh oo laga digayo inuu caawiyo dhinac halis ah appeared first on Caasimada Online.

Washington (Caasimada Online) – Madaxweynihii hore ee Mareykanka Barack Obama iyo marwadii koowaad ee hore Michelle Obama ayaa ku taageeray Kamala Harris doonisteeda Aqalka Cad, taasi oo siisay madaxweyne ku-xigeenka taageerada la filayo balse weli muhiimka ah ee labada qof ee ugu caansan xisbiga Dimoqraadiga. Taageerada ayaa subaxnimadii Jimcaha lagu shaaciyey muuqaal muujinaya Harris oo aqbaleysa telefon ay u soo direen Barack iyo Michelle Obama, xilli ay dhiseyso dardarta ay ku noqoneyso musharraxa xisbigeeda. Tani waxay ka dambeysay kadib markii madaxweynaha Mareykanka Joe Biden uu Axaddii ku dhowaaqay inuu ka haray isku daygiisa dib u doorasho, kuna dhowaaqay inuu taageerayo in ku-xigeenkiisa ay la tartanto musharraxa Jamhuuriga Donald Trump. “Waxaan u wacay in aan ku dhaho, aniga iyo Michelle ma jirto wax nooga farxad badan in aan ku taageerno oo aan sameyno wax walba oo aan awoodno si aan kaaga caawino doorashadan oo aad u gasho Xafiiska Oval,” madaxwaynihii hore ayaa sidaas u sheegay Harris, oo muuqaal lagu muujiyey iyada oo qabaneysa taleefonka. Michelle Obama ayaa iyana tiri “Kuma soo wici laheyn aniga aan ku dhaheyn, gabadheyda Kamala, aad ayaan kuugu faanaa.” “Tani waxay noqon doontaa taariikh,” ayey ku dartay. Harris, oo aqoon u laheyd labada Obama ka hor tan iyo doorashadoodii 2008, ayaa uga mahad celisay saaxiibtinimadooda, waxayna sheegtay inay rajaynayso inay “halkaas gaarto, oo ay waddada hayso” ayna kala qeyb galaan saddex bil oo olole doorasho ah, ka hor 5-ta November. Sida ay shaacisay wakaaladda wararka AP, Harris ayaa horey u xaqiijisay taageerada ergo ku filan kahor Shirweyaha Qaran ee Dimoqraadiga oo 19-ka August ka dhacaya Chicago. Guddiga Qaran ee Dimoqraadiga ayaa qaban doonaa codeyn hab fogaan arag ah taasi oo la filayo in ka hor 7-da August ay xaqiijiso in Harris ay noqoto musharraxa rasmiga ah ee xisbiga. The post Kamala Harris oo heshay taageero horleh iyo wararkii ugu dambeeyay appeared first on Caasimada Online.

Muqdisho (Caasimada Online) – Dowladda federaalka Soomaaliya ayaa ku dhowaaqday in aan dalka la keeni karin daawooyinka loo isticmaalo maandooriyaasha, kuwaasi oo muddooyinkii dambe soo badanayay. Wasiir ku-xigeenka wasaaradda caafimaadka Maxamed Xasan ayaa sheegay in dowladda ay ka go’an tahay sidii loo joojin lahaa daawooyinka aan laheyn nidaamka iyo habraacyada sharci ee ay wasaaradda ugu tala-gashay qaabka ka ganacsiga adeegyada daawooyinka. “Haddii waddo qaldan dalka lagu soo geliyo daawo qaldan waxaan ku qasbanahay in aan wax ka qabanno halista ay wajahayaan dadkeenna,” ayuu yiri wasiirka, oo hoosta ka xariiqay in ganacsiga dawooyinka ay noqdaan kuwo waafaqsan sharciyada dalka. Sidoo kale wuxuu ku baaqay in laga waantoobo iibka daawooyinka aan tayada laheyn, kuwa dhacay iyo maandoooriyaasha intaba, “ha laga digtoonaado daawooyinka liita iyo kuwa sida qaldan loo isticmaalo.” Wasiirka oo ka qeyb-galay kulanka todobaadka warbaainta qaranka ayaa dhanka kale waxa uu tilmaamay in lagu baxay dowlad ahaan cudur la sheegay in uu ka dillaacay gobolka Shabeellaha Dhexe, kaasi oo loo yaqaanno cudurka Gowracatada. Waxa uu sheegay in cudurkaasi ay illaa hadda u dhinteen laba ruux, halka laga daaweynayo illaa 21 qof, isaggoo calaamadooyinkiisa uu ku tilmaamay dhuun xiran, beef qabatoow iyo tabar-yari. Ugu dambeyntiina waxa uu sheegay in adeeg caafimaad oo buuxa laga hirgeliyay deegaanadii laga xoreeyay kooxda Al-Shabaab, islamarkaana ay dowladda dib u dayactir ku sameysay isbitaallo muddo xirnaa, lana gaarsiiyay gawaarida caafimaad ee qalabkooda u dhameystiran yahay. The post DF oo mamnuucday in Soomaaliya la keeno… appeared first on Caasimada Online.

Wasiirka arrimaha Gudaha Somaliland Maxamed Kaahin Axmed ayaa beeniyay warar dadka dhexdiisa ku faafay maalmihii u dambeeyay oo sheegayay in xisbiga Kulmiye uu musharraxa madaxweyne uu isaga ka dhigi doono. Wasiir Kaahin oo BBC wareysatay ayaa yidhi; “arrintaas waxba kama jiraan xisbigu Musharrax buu leeyahay waana caddahay arrintaasi” Source

Muqdisho (Caasimada Online) – La-taliyaha amniga qaranka ee madaxweyne Xasan Sheekh oo faah-faahin ka bixiyay ciidamada Turkiga usoo dirayo Soomaaliya ayaa sheegay inay daba socoto heshiiskii difaaca ee dhawaan gaareen labada dal. Xuseen ayaa sheegay in ciidamada Turkiga ee Muqdisho imaanaya ay door weyn ka qaadanayaan dhismaha ciidanka Soomaaliya, gaar ahaan kuwa badda, sida ay horey ugu heshiiyeen dhinacyada. “Ciidamada imaanaya waa ciidamadii badda noo dhisi lahaa, oo heshiiskii dhaqaale ee la kala saxiixday fulinteeda qeyb ayey ka tahay,” ayuu Xuseen Macalin ku yiri wareysi uu siiyay VOA. Waxa uu intaas kusii daray “Qaabka ay u hawl-gali doonaan, sida ay u hawl-geli doonaan iyo goobta ay ka hawl-geli doonaan waa wax aan weli la guda-gelin, laakiin in heshiiskii la bilaabo oo la hirgeliyo si howshii dhaqaale iyo milatari isku mar bilowdaan.” Ciidankan oo la sheegay inay milatariga ka imaan lahaayeen ayuu madaxweynaha Turkiga u jeediyay in loo daabulo si ay u caawiyaan maraakiibta sahanka shidaalka ka sameynaysa Soomaaliya. Inkasta oo bilowgii sanadkaan heshiis wayn ee difaac iyo dhaqaale ay wada saxiixdeen Soomaaliya iyo Turkiga, ayaa haddana dhawaan waxay dowladda federaalka Soomaaliya heshiis baaris shidaal ah la saxiixatay dowladda Turkiga. Heshiiskan ayaa dhigaya in Turkiga uu shidaal ka baari doono saddex aag oo ku yaalla gudaha biyaha Soomaaliya, sida ay sheegtay wakaaladda wararka Turkiga ee Anadol. Heshiiskan ayaa wuxuu xaquuq qaas ah u siinayaa Turkiga inay hydrocarbon oo ah shidaal iyo gaaska dabiiciga ah ka baarto kadib kasoo saarto saddex aag oo kiiba yahay 5-kun kilomitir oo isku wareeg ah, sida uu sheegay wasiirka Tamarta iyo Macadanta ee dalka Turkiga Bayraktar. Labada ka mid ah aagagga ayaa waxay 50 kilimitir loo galayaa badda, halka mid ka mid ahna uu gudaha badda loo aadayo ilaa 100 kilomitir. Si kastaba, Turkiga ayaa sida uu qorshuhu yahay bisha Sebtember ee sanadkan samayn doona sahaminta shidaalka goobihii lagu heshiiyey inay shaqada shidaalka ka qabtaan Soomaaliya. The post Villa Somalia oo xog ka bixisay ciidamo cusub oo Turkiga usoo dirayo Somalia appeared first on Caasimada Online.

Hargeysa (Caasimada Online) – Xukuumada Somaliland ayaa markii u horreysay shaacisay inay diyaar u tahay in wada-hadal la furto hoggaanka gacanta ku haya Laascaanood, kaas oo salka ku haya maxaabiistii lagu kala qabsaday dagaalkii labada dhinac. Wasiirka arrimaha guddaha Somaliland Maxamed Kaahin oo la hadlay BBC ayaa ku dhowaaqay arrintaan, isaggoo sheegay in xukuumadiisu ay diyaar u tahay in wadaxaajood laga furo arrinta maxaabiiista. “Somaliland maxaabiista meel fiican ayay ka taagan tahay, markastana waxay diyaar u tahay si nabad-galyo ah oo aan shuruudo lahayn in arrinta maxaabiistaa dhinacyadu uga wada-hadlaan,” ayuu yiri wasiir Kaahin. Sidoo kale wuxuu xusay in wada-hadalka dhinacyada ay wax ka bilaaban yihiin laakiin ay wali qabyo badani ku jirto, sidaas darteedna aan la sheegi karin waqti rasmi ah oo xal laga gaari karo arrinta maxaabiista, oo muddo ku kala xiran Hargeysa iyo Laascaanood. Somaliland iyo SSC-Khaatumo ayaa maxaabiis ku kala qabsaday dagaalkii Laascaanood, illaa haddana ma jiro wada-hadal rasmi ah oo lagula kala wareegayo maxaabiista, marka laga imaado daadallada hoose ee Somailand shaacisay. Horey, SSC-Khaatumo ayaa shuruud uga dhigtay sii deynta maxaabiista Somaliland ee gacanta ku hayaan illaa inta laga gaarayo heshiis nabadeed buuxa, mana cadda inay taas aqbashay xukuumadda Somaliland. Somaliland ayaa dhankeeda dhowr jeer SSC-Khaatumo ku eedeysay in si arxan darro ah ula dhaqantay maxaabiista gacanta ku hayaan, halka taasi bedelkeeda ay SSC sheegtay in maxaabiistaas si wanaagsan loola dhaqmo, iyada oo u ogolaatay inay booqato hay’adda ICRC. The post Somaliland oo ogolaatay arrin ay muddo diidaneyd oo la xiriirta SSC-Khaatumo appeared first on Caasimada Online.

Dowladda Soomaaliya ayaa si weyn u danaynaysa in Ruushku uu safaarad rasmi ah ku yeesho Muqdisho sida ay qortay warbaahinta dalkaasi Ruushka. Soomaaliya ayaa usoo jeedisay Ruushka in uu safaarad rasmi ah ka furto magaalada Muqdisho , sida ay sheegtay warbaahinta dowladda Ruushka ee RIA Novosti oo xiganaysa Wasiirka Arrimaha dibadda Soomaaliya, Danjire Axmed Macallin Fiqi. Ruushka oo 40 sanno ka hor Muqdisho ku lahaa adeegga diblomaasiyadeed ee ugu weyn gobolka geeska Afrika iyo halka kaliya ee ku taalla badweynta Hindiya ee safaarad uu ku lahaa , ayaa dhowaan soo bandhigay inuu doonayo sare u qaadista xiriirka Soomaaliya. Tallaabadani ayaa timid kadib markii bishii May ee sannadkan uu Muqdisho soo booqday Safiirka Ruushka ee Soomaaliya , Danjire Mikhail Golovanov — kaasi oo aan degganayn Muqdisho. PUNTLAND POST The post Dowladda Soomaaliya oo Ruushka u soo jeedisay in uu safaarad rasmi ah ka furto Muqdisho appeared first on Puntland Post.

Madaxweynaha Faransiiska Emmanuel Macron iyo dhiggiisa Jabuuti Ismaaciil Cumar Geelle ayaa Talaadadii ku heshiiyey in dib loo cusboonaysiiyo iskaashiga dhanka difaaca ee labada dal, kaddib wadahadallo laba sano socday. Sida lagu sheegay bayaan ka soo baxay Faransiiska, waxay saxiixeen heshiis ku saabsan “dib u habeynta heshiiska difaaca oo ay ku mideysan yihiin Faransiiska iyo Jabuuti. Heshiiskan oo lagu saxiixay madaxtooyada Fransiiska ayaa ah mid quseeya qabakii loo maareeyn lahaa 1,500 oo askari oo Faransiis ah oo fadhigoodu yahay dalka yar ku yaal bariga Afrika. Heshiiskan ma aha mid cusub ee waa heshiis ay labada dowladood dhowr mar oo hore dib u soo cusbooneysiiyay. Heshiiska difaaca ayaa markii ugu horreysay la saxiixay 1977-kii markaasoo Jabuuti ay xorriyadda ka qaadatay Faransiiska , waxaana dib loo cusbooneysiiyay 2011-kii. Dalku waxa uu ku yaalaa meel ka soo u dhaw dalka Yemen, una dhow badda cas, halkaas oo qayb weyn oo ka mid ah ganacsiga caalamiga ah ee Aasiya iyo Galbeedka uu mara. Ciidamada Faransiiska ayaa dhawaan xiray saldhigyo ciidan oo ku yaala Mali iyo Niger ka dib afgambiyo militari oo ka dhacay labada dal, laakiin marnaba ma dhicin su’aal ah inay ka tanaasulaan Jabuuti, oo ah saldhigga ugu weyn ee Faransiiska ee dibadda. Maxay tahay faa’idada Jabuuti ugu jirta heshiiskan? Aadan Cumar Cabdillaahi, Agaasimaha Machadka Daraasaadka Siyaasadda iyo Istiraatiijiyadda ee Jabuuti ayaa sheegay in heshiiskan uu yahay mid labada dal-ba ay dan ku qabaan. Waxaa uu xusay in Faransiiska uu u arko ciidamada Jabuuti ka jooga kuwa muhiimad gaar ah ugu fadhiya. “Heshiiskan waa heshiis ay dan ku qabaan labada dal-ba, Faransiiska waxaa Jabuuti ka jooga 1,500 oo askari xarun militari ayuu ku lahaa 47 sano ee la soo dhaafay ee ay Jabuuti xorriyadda ahyad, danta Faransiiska waxaa weeye ragga halkan kaa jooga sharciga ay ku joogayaan muxuu yahay, sharcigaas ayayna ku dadaalayaan”, ayuu yiri Mr Aadan. Aadan Cumar Cabdillaahi, ayaa dhanka kale sheegay in Jabuuti ay heshiiskan ka faa’ideyso in la sugo amniga badda cas iyo guud ahaan ammaanka gobolka. Waxaa uu xusay in saldhigyada militari ee ay Jabuuti ku leeyihiin dalalka kala duwan ay dan ugu jirto guud ahaan amniga gobolka iyo badda cas. “Jabuuti waxa ugu jiro waxaa weeye labo faa’ido ayaa ugu jirta tan ugu horeysa waa in ragaasi ay ka qeyb galaan amniga guud ee Jabuuti, badda cas iyo geeska Afrika, ” ayuu intaa ku daray. Agaasimaha Machadka Daraasaadka Siyaasadda iyo Istiraatiijiyadda ee Jabuuti Aadan Cumar Cabdillaahi, ayaa sidoo kale qaba in saldhigyada ay Jabuuti ku leeyihiin dalalka shisheeye ay Jabuuti u soo jiideyso maalgashi caalami ah. “Jabuuti ma ah dal sidaasi loo garanayo aduunyada waa dal yar oo dhaqaalo yar, dadkiisu ay yaryihiin mar jabuti tan waxay siinaysaa way muujinaysaa Jabuuti si ay u hesho maalgalino ajnabi ah iyo si ay u sii sugto jiritaankeeda” ayuu yiri. Heshiiskan iskaashiga militari ee Jabuuti iyo Faransiiska ayaa ku soo begmaya xilli dhawaan ay dalalka Soomaliya iyo Turkiga ay ka saxixdeen heshiis iskaashi militari. Dalalka kale ee saldhigayada ku leh Jabuuti Dalka Jabuuti oo ah dal yar oo xasilooni ay ka jirto Islamarkana ku yaalla gobol ay daganaashiyo la’aan ka jiro ayaa waxaa saldhigyo militari ku leh dalal kala duwan. Jabuuti waxa ay martigelisaa saldhigga milatari ee ugu weyn ee Maraykanku ku leeyahay Afrika, Camp Lemonnier, kaas oo ay ku nool yihiin in ka badan 4,000 oo shaqaale ah oo badankood ay askar yihiin. Shiinaha ayaa 1-dii Ogosto ee sannadkii 2017-kii si rasmi ah u furay saldhig miltari oo uu ku leeyahay dalka Jabuuti, kaas oo ah kii ugu horreeyay uu dalkaasi ka dhiso dibedda. Shiinaha ayaa billaabay dhismaha saldhigan sanadkii 2016-kii. Kharasha ahaan wuxuu Shiinaha sheegay in dhismaha xaruntan ay ka baxday lacag dhan 590 million oo doolar. Tiro ahaan militariga ku sugan ayaa lagu sheegay inay yihiin kun ilaa laba kun oo askri. Dalka Japan ayaa dhankooda ku soo biiray loolanka saldhig ee Jabuuti waxaan saldhig yar ay ka fureen dalka Jabuuti. Ma jiro dal kale oo Afrika ku yaalla oo ay saldhigyo intaa dhan ku leeyihiin dalal shisheeye o qaarkood siyaasad ahaan iyo istaraatijayad ahaan is diidan. bbcsomali Qaran News