Muqdisho (Caasimada Online) – Guddoomiyaha Gobolka Banaadir oo ay wehliyaan saraakiil, culimo iyo masuuliyiin kale ayaa kormeer iyo dhiiragelin ugu tagay cutubyo ka tirsan Ciidamada Amniga ee Howlgalka daafaha Muqdisho. Guddoomiyaha ayaa si gaar ah ugu kuur-galay xaaladda ay ku shaqeynayaan ciidamada amniga ee ka howlgala duleedka degmada Garasbaaley ee magaalada Muqdisho. Duqa Muqdisho ayaa ku amaanay ciidmada sida geesinimada leh oo ay naftooda ugu hureen bad-baadinta nafta iyo maalka shacabka Soomaaliyeed. Madaale ayaa si gaar ah u xusay 4-marxuum oo ka tirsanaa ciidamada amniga oo isku dhigay gaari laga soo buuxiyay waxyaabaha qarxa oo lala damacsanaa in lagu dhibaateeyo shacabka, asigoona balan qaaday in uu ka-faalad qaadayo qoysaskooda. “Gaarigi Leyla Calaawiga ahaa ee Qaraxa ka buuxay wiilashii isku dhigay waxay bad baadiyeen shacab badan, maamulka Gobolka Banaadir wuxuu damaanad qaaday nololsha qoysaskooda” ayuu yiri guddoomiye Madaale. Guddoomiye Madaale ayaa saraakiisha laamaha amniga ku wareejiyay Deeq isugu jirtay 20-Neef oo Ari ah iyo raashin, taasi oo qeyb ka ah dhiira-gelinta, ka warqabka iyo kor joogteynta ciidamada ku howlan sugida amniga iyo bad-baadinta nafta iyo maalka shacabka Soomaaliyeed. Kormeerkaan ayaa waxaa qeyb ka ahaa Guddoomiye Kuxigeenka Amniga iyo Siyaasadda Gobolka Banaadir, Taliyaha Hey’adda NISA ee Gobolka Banaadir, Guddoomiyaha Degmada Garasbaaley, Guddoomiyaha Degmada Howlwadaag, Culuma’udiin iyo Saraakiil kale oo ka tirsan Laamaha Amniga. Hoos ka daawo The post Daawo: Madaale oo abaal-marinaya qoysaska askartii isku dhigtay qaraxa appeared first on Caasimada Online.

456623379_8319689351421326_2286238607391327874_n Qaran News

Somali filmmaker highlights his country’s potential to become a paradise in his debut feature film at Sarajevo Film Festival. Source: Hiiraan Online

Sanca (Caasimada Online) – Dallaaliinta hubka ee Yemen ayaa si aan gabbasho lahayn u adeegsanaya barta baraha bulshada ee X, ee loo aqoon jiray Twitter, iyagoo iibinaya qoryaha nooca Kalashnikovs, bistoolado, iyo bambooyin. Ganacsatada ayaa ka howlgala caasimadda Sanca iyo meelo kale oo ay heystaan Xuutiyiinta, oo ah koox ay taageerto Iiraan isla markaana ay dowladaha Mareykanka iyo Australia u yaqaannaan argagixiso. “Laguma fekeri karo in iyaga [dallaaliinta hubka] inaysan wakiil ka ahayn Xuutiyiinta,” ayuu yiri safiirkii hore ee Britain u fadhiyay Yemen, Edmund Fitton-Brown, oo haatan ka shaqeeya Mashruuca Kahortagga Xagjirnimada. “Dallaaliinta madaxa bannaan ee isku dayay inay ka faa’iidaan ka ganacsiga hubka, [tusaale ahaan] dowladda Yemen, degdeg bey u xiri lahayd.” Baaritaan uu sameeyay wargeyska The Times ayaa lagu ogaaday in dhowr akoon oo Yemen laga leeyahay ay heystaan astaanta buluugga ah ee xaqiijinta. The Times iyo BBC ayaa labadaba la xiriiray X si ay uga jawaabaan arrintan, balse ilaa iyo haatan ma helin wax jawaab ah. Inta badan shuruucda waxyaabaha lasoo dhigo bartan ayaa la hakiyay kadib markii milkiilaha cusub Elon Musk uu iibsaday shirkadda sanadkii 2022. Xayeysiimaha ayaa intooda badan lagu soo bandhigaa luqadda Carabiga waxaana marka hore loogu talogalay macaamiisha Yemen ee dalkaasi halkaasoo tirada hubka la sheegay inuu ka tiro badan yahay bulshada. BBC ayaa dhowr akoon oo hubka lagu iibiyo ku aragtay baraha internet-ka, iyagoo qiimaha hubka kusoo bandhigaya lacagta Yemen iyo riyaalka Sacuudiga. Erayada lagu dul qoro hubka ayaa loogu talogalay in lagu soo jiito dadka wax iibsada. “Farshaxan sarreeya iyo waaran sare,” ayay leedahay mid ka mid ah xayeysiimaha. “Qoriga AK ee Yemen lagu farsameeyay waa dookhaaga ugu sarreeya.” Muuqaal tijaabo ah, oo la duubay habeenkii, ayaa muujinaya qofka iibinaya oo ilaa 30 wareeg oo rasaas ah ridaya. Mid kale ayaa bistooladaha nooca Glock ee Pakistan lagu sameeyo ku iibinayay $900. Xayeysiinadaan laguma qariyo meelaha hubka iyo waxyaabaha sharci-darrada ah lagu soo bandhigo, waxay yaallaan meel la arki karo oo barta X, waxaana arki kara malaayiin qof. Mar ay arrintan ka hadleysay, ururka aan dowliga ahayn ee fadhigiisu yahay UK ee Tech Against Terrorism ayaa soo saartay waxa ay ugu yeertay codsi deg-deg ah oo ay ujeedisay shirkadaha teknolojiyadda inay ka saaraan waxyaabaha lagu taageerayo Xuutiyiinta ee lagu soo bandhigo internet-ka iyo baraha bulshada. Isha: BBC The post Dilaalinta hubka ee dal xad-wadaag yihiin Soomaaliya oo sameeyay arrin yaab leh appeared first on Caasimada Online.

Hay’adda Qaramada Midoobey u qaabilsan taageeridda Carruurta ee UNICEF ayaa ka hortimid dilkii afar dhalinyaro ah oo toddobaadkii hore ay Puntland ku toogatay magaalada Gaalkacyo, ka dib markii Maxkamad Ciidan ku xukuntay in ay ka mid ahaayeen kooxda Alshabaab. Hay’adda UNICEF waxa ay sheegtey in Puntland ay jebisey xeerarka ilaalinta carruurta oo ay xukunno dil ah ku fulisay carruur aan gaarin oo da’doodu ka yar tahay 18 jir islamarkaana u adeegsatay Maxkamad Ciidan, taasi oo hay’addu ku tilmaantay arrin qaldan. “Carruurta xiriirka la leh kooxaha hubeysan waa in loo arkaa dhibanayaal u baahan ilaalin iyo dib u dhaqan-celin waana in la ilaaliyaa xuquudooda lana jabin shuruucda caalamiga ah ee Soomaaliya saxiixday” ayaa lagu yiri qoraal ay soo saartay UNICEF Dilka toogashada ah ee Puntland fulisay ayaa yimi ka dib markii dhawaan ay xabsi ku yaalla Gaalkacyo ka baxsadeen rag eedaysanayaal oo loo haysto Shabaab taasi oo keentay in dil toogasho ah lagu fuliyo 10 xubnood oo kale. Xafiiska difaacaha Xuquuqda Insaanka Puntland ayaa horay uga digay xukuumadda Puntland ay xukunnada dilka ah ku fuliso carruurta aan weli qaan-gaarin ee xiriirka la leh kooxaha hubaysan. PUNTLAND POST The post Hay’adda UNICEF oo ka hortimid xukunkii dilka ahaa ee Puntland ku fulisay dhalinyaro lagu helay falal argagixiso appeared first on Puntland Post.

Muqdisho (Caasimada Online) – Premier Bank wuxuu si rasmi ah ugu dhawaaqay adeegga cusub ee ATM Lacag Dhigasho (Cash Deposit), oo si gaar ah loogu talagalay in uu macaamiisha siiyo xorriyad buuxda oo lacag dhigashada koontada bangiga ah. Adeeggan cusub wuxuu u suurto gelinayaa macaamiisha inay si fudud oo ammaan ah ugu shuban karaan lacagtooda waqti kasta oo ay doortaan, maalin iyo habeenba; iyadoo ATM-yadeennu ay u adeegayaan si joogto ah. Faa’iidooyinka ugu Muhiimsan ee Adeeggan: Helitaan Joogto ah: ATM-yadeenna ayaa udiyaarsan in la heli karo waqti kasta; si aad lacagtaada ugu shuban karto koontadaada marka aad u baa- hato, iyadoon xilliga loo eegin. Hufnaan, Ammaan, iyo Degdegsiimo: Adeeggan wuxuu ku siinayaa kalsooni iyo ammaan, iyadoo la adeegsanayo tiknoolajiyaddii ugu dambeysay si lacagtaadu si dhaqso ah ugu gasho koontadaada. Madaxa Howlaha & ku simaha Maareeyaha Guud ee Premier Bank Mahad Axmed Maxamed ayaa hoosta ka xariiqay faa’iidada adeeggsan isagoo yiri: “Soo bandhigida adeegga ATM Cash Deposit waa caddeyn buuxda oo muu- jinaysa sida aan ugu heellanahay casriyeynta iyo horumarinta adeegyada bangiga, si aan macaamiisheena u siino adeeg bangi oo dhamaystiran, ammaan ah laguna kalsoonyahay. Sidaas darteed ATM Cash Deposit wuxuu kusiinayaa xorriyad lacag dhigasho 24/7 ah, taasoo si sahlan u daboolaysa baahiyaha bulshada maaliyadeed.” The post Sawirro: Premier Bank oo markii ugu horreysay dalka ka daah-furay ATM Cash Deposit appeared first on Caasimada Online.

456479311_1540147856911354_6295333308977860168_n Qaran News

Muqdisho (Caasimada Online) – Ra’iisul Wasaaraha Soomaaliya Mudane Xamza Cabdi Barre oo xalay ka qeyb-galay kulan dadweyne oo su’aallo lagaga waydiinayey waxqabadka xukuumadda Dan-Qaran oo jirsatay labo sano. Ra’iisul Wasaaraha ayaa kulankaas ku soo bandhigay guullo uu sheegay inay xukuumaddiisu ka gaartay shan dhinac, kuwaasi oo kala ah amniga, dhaqaalaha, garsoorka, adeegyada aasaasiga ah, iyo siyaasadda arrimaha dibadda. Xamza ayaa sheegay in xukuumaddiisa ay si guul leh uga hortagtay kooxda Al-Shabaab, iyada oo fulisay hawlgallo ciidan oo lagu xoreeyey in ka badan 215 goobood oo kala duwan oo ku yaal gobollada Soomaaliya. Howl-galladan ayaa si weyn hoos ugu dhigay falalkii argagixisadu ay geysan jireen ee lagu xasuuqi jiray shacabka Soomaaliyeed, waxaana la curyaamiyey ilihii dhaqaalaha iyo tiknaloojiyadda ay kooxdaasi ku tiirsanayd. Sidoo kale wuxuu dul istaagay guusha weyn ee ay xukuumadda ka gaartay arrimaha dhaqaalaha, isagoo xusay in lagu guuleystay in dalkeenna laga dulqaado $4.5 bilyan oo dayn ah, kaddib markii la dhammeystiray hannaankii dayn cafinta. Wuxuu intaa ku daray in dakhliga dalka uu kordhay 25%, taas oo kaalin weyn ka qaadatay koboca dhaqaalaha dalka. Ra’iisul Wasaaraha ayaa sheegay in xukuumaddu ay meel-marisay sharciyo iyo siyaasado muhiim ah oo la xiriira, caddaaladda iyo garsoorka, isagoo sidoo kale tilmaamay in la xoojiyay la dagaalanka musuqmaasuqa iyo lacag dhaqista. Tallaabooyinkan ayaa abuurtay kalsooni dheeraad ah oo ay dadweynuhu ku qabaan nidaamka garsoorka dalka, sida uu sheegay ra’iisul wasaare Xamza Cabdi Barre. Waxa kale oo uu sheegay in xukuumaddiisa ay ka shaqeynayso sidii dalkaan looga hirgelin lahaa doorasho qof iyo cod ah, iyada oo la diyaariyey shuruucdii doorashooyinka, una gudbisay labada gole ee Baarlamaanka. Ra’iisul Wasaaraha ayaa xusay guulaha la xiriira in Soomaaliya ay ku biirtay ururka auuqa dhaqaalaha Bulshada Bariga Afrika (EAC), taas oo suurta gelinaysa fursado dhaqaale iyo ganacsi. Sidoo kale, wuxuu tilmaamay in dowladda Soomaaliya ay ku guuleysatay in laga qaaday dalkeenna cunaqabateyntii hubka ee saarneyd iyo in aan hananay kursiga Golaha Ammaanka ee QM. Ugu dambeyntiina wuxuu ballan-qaaday in xukuumaddiisu ay sii wadi doonto dadaallada ay ugu jirto horumarinta iyo nabadda Soomaaliya. The post Maxay yihiin 5-ta guul ee uu R/W Xamza sheegtay inta uu joogo xafiiska? appeared first on Caasimada Online.

Mogadishu (HOL) — Somalia is facing a severe food insecurity crisis, with 4 million people suffering from acute food insecurity, according to the 2024 Global Report on Food Crises Source: Hiiraan Online

https://qarannews.com/wp-content/uploads/2024/08/452705838_449193614750113_2385857316612209699_n-1.mp4 TELESOM ZAAD SERVICES oo ku guulaysatay shahaadada caalamiga ah ee lacagaha moobilka ee ay bixiso hay’adda GSMA, taas oo loo yaqaan GSMA Mobile Money Certification. Certified Mobile Money Providers #Telesom #GSMA #mobilemoneycertification #ZAAD Qaran News

452705838_449193614750113_2385857316612209699_n Qaran News

Kampala (Caasimada Online) – Dowladda federaalka Soomaaliya ayaa bilowday dadaal ay wax uga qabaneyso dhibaatada Soomaalida ku haysata dalkaas iyo sidoo kale caqabadaha ay la kulmaan kuwa u safraya. Sii-hayaha safaaradda Soomaaliya ee dalka Uganda Cabdiladiif Maxamuud Cali oo kulan kula qaatay xarunta wasaaradda arrimaha dibadda ee Uganda Gen. Jeje Odongo Abubakar, ayaa hordhigay dalab muhiim ah. Mudane Cabdiladiif ayaa wasiirka u sheegay in ay jiraan caqabado lasoo gudboonaaday Jaaliyadda Soomaaliyeed ee dalka Uganda ku nool, taas oo ay ka mid tahay in hay’adda socdaalka dalkaas ay dhowr jeer xir-xireen muwaadiniin Soomaaliyeed oo Kampala ku nool iyagoo ku sababeeyay in aanay sharci deganaasho ku joogin dalka. Sida la ogyahayna in muddo labo sano ku dhaw waa xiran tahay xaruntii laga diiwaan gelin jiray dadka qaxootiga soo galootiga ah, iyadoo kaarka qaxootiga qofka haystaa uu la mid yahay isagoo sharci deganaasho leh oo kale, Soomaalida badankeeda ayaa ku jooga dalka Uganda aqoonsiga qaxootiga, sidaas darteed sii-hayaha ayaa codsaday in arrintaas wax laga qabto. Arrinta labaad ee uu sii-hayaha safaaradda ka hadlay ayaa ahaa in hay’adaha waxbarashada dalka Uganda looga baahan yahay inay dhaqan-geliyaan Barotokoolada wadamada ururka dhaqaalaha iyo iskaashiga dalalka Bariga Afrika (EAC) ee khuseeya arrimaha waxbarashada si ardayda Soomaaliyeed u helaan xuquuq la mid ah ardayda ee dalalka Bariga Afrika. Sidoo kale Sii-hayaha ayaa wasiirka ka codsaday in muwaadiniinta Soomaaliyeed ee imanaya dalkan Uganda ay dalkugal-ka (Visas) ka qaataan airport-ka iyo xuduudaha dalka markay soo gaaraan oo laga dhaafo dalabka Visa-ha si loo fududeeyo isu socodka dadka labada dal. Ugu dambeyntii sii-haye Cabdiladiif Maxamuud ayaa wasiirka u sheegay in ay diyaar u yihiin fulinta heshiisyadii labada Wasaaradood ay horay u gaareen ee xagga tababarada diblumaasiyiinta iyo karti dhiska shaqaalaha, taas oo qeyb ka ahayd isfahmkii (MoU) horay ay u kala saxiixdeen labada dal. Sidoo kalena wuxuu sii-hayuhu la socodsiiyay wasiirka in shirka guddiyada wadajirka ah ee labada dal (Joint Permanent Commission) wasaaradda arrimaha dibadda iyo iskaashiga caalamiga ee DFS ay qaban-qaabadiisa waddo laguna qaban doono magaalada Muqdisho bisha Oktoobar ee nagu soo aadan 2024. Dhankiisa Wasiir Gen. Jeje Odongo Abubakar, ayaa sheegay in labada arrin ee kala ah Visa la’aanta iyo arrinka ah in ardayda Soomaaliyeed loola tacaamulo sida kuwa ka yimaada wadamada ururka dhaqaalaha iyo iskaashiga Bariga Afrika ay tahay laba arrimood oo ay xaq u leeyihiin muwaadiniinta Soomaaliyeed. Wasiirka ayaa sidoo kale balan-qaaday in la fulin doono isfahamyadii horey ay u kala saxiixdeen labada wasaaradood oo ay ku jirto iswaydaarsiga khibradaha iyo tababarada diblomaasiyadeed ee shaqaalaha arrimaha dibadda labada dal, dhawaanna ay soo saari doonaan qorshaha fulinta barnaamijkaan. The post Somalia oo Uganda u gudbisay dalab muhiim u ah Soomaalida kuna dhibanayeen appeared first on Caasimada Online.

Mogadishu (HOL) — Flydubai has fully complied with the Somali Civil Aviation Authority's (SCAA) ultimatum regarding the representation of Somali destinations on its booking platforms, ensuring the continuation of its operations within Somalia. In contrast, it is unclear if Ethiopian Airlines continues to face the threat of suspension after only partially adhering to the SCAA's demands. Source: Hiiraan Online

Mogadishu (HOL) — The International Organization for Migration (IOM) is urgently appealing for $18.5 million to address the rapidly worsening mpox outbreak across East, Horn, and Southern Africa. Source: Hiiraan Online

British-Somali photographer Mohamed Mohamud is on a mission to rewrite the narrative of his people—one portrait at a time. Source: Hiiraan Online

Cardiff Bay Warriors are a small amateur football team here in the capital - made up of mostly Somali players. But now the minnows have brought home a big prize after winning a competition for Somali communities worldwide in Canada. Source: Hiiraan Online

Laascaanood (Caasimada Online) – SSC-Khaatumo ayaa digniin culus kasoo saartay safar maalmihii lasoo dhaafay uu madaxweynaha Somaliland uu ku marayay qeybo kamid ah Sanaag. Bayaan uu soo saaray hoggaanka sare ee maamulka KMG ee SSC-Khaatumo ayaa socdaalka Muuse Biixi lagu sheegay inuu yahay mid daan-daasi iyo colaad cusub uu kaga hurinayo deegaanada maamulkooda. “Maamulka Khaatumo waxa uu si buuxda ula socdaa dhaq-dhaqaaq kasta oo uu qaado horjoogaha Somaliland,” ayaa lagu yiri bayaanka kasoo baxay SSC-Khaatumo. Khaatumo ayaa sidoo kale caddeysay inay dooneyso xasiloonida gobolka, balse ay marwalba u diyaarsan tahay difaaca deegaanadeeda iyo iska dhicinta cid walba oo ku soo xad-gudubta. “Maamulka wuxuu markasta u taagan yahay astaan nabadeed iyo xasillooni ka hanaqaadda Geeska Afrika, balse ciddii kusoo xad-gudubya deegaannadiisa waxay la kulmi doonaan jawaab culus.” Khaatumo ayaa madaxda dowladda federaalka iyo beesha caalamka ku wargelisay colaad hurin ay sheegtay inuu ka shaqeynayo madaxweynaha Somaliland Muuse Biixi, taas oo reebi doonta cawaaqib xumo aan la mahdin. Tan ayey sheegtay inuu masuuliyadeeda qaadi doono madaxweyne Biixi oo maamulka KMG ee Khaatumo uu ku tilmaamah “dagaal ooge”, sida lagu yiri qoraalka kasoo baxay hoggaanka sare. The post SSC-Khaatumo oo digniin culus kasoo saartay qorshe uu BIIXI u tegay SANAAG appeared first on Caasimada Online.

Weapons dealers in Yemen are openly using the social media platform X, formerly known as Twitter, to sell Kalashnikovs, pistols, grenades and grenade-launchers. Source: Hiiraan Online

Mogadishu (HOL) — Somalia's Prime Minister, Hamza Abdi Barre, has declared that Ethiopian forces will be excluded from the upcoming African Union Support Mission in Somalia (AUSSOM) unless Ethiopia withdraws from a controversial Memorandum of Understanding (MoU) signed with Somaliland earlier this year. Source: Hiiraan Online

Muqdisho (Caasimada Online) – Waxaa banaanka u soo baxay khilaaf xooggan oo ka taagan wasaaradda qorsheynta Soomaaliya, kaasi oo u dhaxeeya masuuliyiinta ugu sarreysa wasaaradda. Khilaafkan ayaa si gaar ah uga dhex aloosan saddexda masuul ee kala ah wasiirka wasaaradda, wasiir ku-xigeenka iyo wasiiru-dowlaha, kuwaas oo isku haya maamulka wasaaradda, sida ay ogaatay Caasimada Online. Khilaafka iyo is qab-qabsiga u dhaxeeya masuuliyiintan oo la tilmaamay inuu mudo si hoose usoo jiitamayay ayaa banaanka yimid kadib markii uu wasiirka qorsheynta Mudane Beene-Beene uu xilkii ka qaaday agaasimaha hay’adda istaatistikadda qaranka Sharmaake Faarax. Xil ka qaadista uu sameeyay wasiir Beene-Beene ayaa ku timid soo jeedin ay u dhamaayeen xubnaha guddiga sare ee golaha maamulka istaatikada qaranka, kuwaas oo isku raacay in xilka laga qaado. Guddiga ayaa ku eedeeyay agaasimaha fadhiidnimo shaqo, iyagoo waisirka wasaaradda qorsheynta, maalgashiga iyo horumarinta dhaqaalaha XFS usoo jeediyay inuu aqbalo xil ka qaadista agaasimaha xafiiska istaatiskida qaranka. Tallaabada uu qaaday wasiir Beene-Beene ee xilka uga qaaday agaasime Sharmaake ayaa waxaa si cad uga horyimid wasiir ku-xigeenka wasaarada oo sheegay in wasiirka uusan kaligiis awood u laheyn inuu sameeyo xil ka qaadis. Wasiir ku-xigeenka Maxamed Cabduqaadir ayaa xil ka qaadista agaasimaha ku tilmaamay sharci daro, isaga oo wasiirka ku eedeeyay in uusan ka tala-gelin go’aankan oo ay aheyd inuu kala tashado masuuliyiinta kale ee wasaaradda. Sidoo kale wuxuu faray in agaasimaha hay’adda istaastitikadda qaranka Sharmaake Faarax uu sii wato shaqadiisa, taas oo ka hor imaneysa xil ka qaadista wasiirka wasaaradda qorsheynta Soomaaliya. Sida ay ogaatay Caasimada Online, khilaafkan ayaa hadda gaaray xafiiska ra’iisul wasaaraha, waxaana la filayaa inuu ra’iisul wasaare Xamza xal ka gaaro khilaafka mudadda huursanaa ee ka taagan ee ka taagan wasaaradda qorsheynta. The post Xogta khilaaf xooggan oo ka taagan wasaaradda qorsheynta – Maxaa la isku hayaa? appeared first on Caasimada Online.

Maamulka SSC-khaatumo ayaa si adag u cambaareeyay safarkii Madaxweynaha Somaliland Muuse Biixi uu ku tegey degaanno ka tirsan Gobolka Sanaag. War-saxaafadeed ka soo baxay Maamulka SSC-khaatumo ayaa ku tilmaamay Safarka Muuse Biixi ee Gobolka Sanaag mid colaad abuur iyo daandaansi ah islamarkaama uu degaannadaasi colaad kaga hurinayo. War-saxaafadeedka ayaa sidoo kale lagu sheegay in Maamulka SSC-khaatumo uu si buuxda ula socdo dhaq dhaqaaq kasta oo uu sameeyo Madaxweynaha Somaliland Muuse Biixi uuna heegan u yahay difaaca iyo sugidda Amniga Shacabka SSC. Maamulka SSC-khaatumka ayaa ugu danbayn la socod siiyay dowladda Federaalka Soomaaliya iyo Beesha Caalamka in dagaal iyo colaad cusub oo ka dhacda degaannadaasi ay reebi doonto cawaaqib xumo aan la mahadin oo uu mas’uuliyadeeda qaadi doono Muuse Biixi. PUNTLAND POST The post Maamulka SSC-khaatumo oo si adag u cambaareeyay Safarka Madaxweynaha Somaliland ee Gobolka Sanaag appeared first on Puntland Post.

Ra’iisul wasaaraha Xukuumadda Federaalka Soomaaliya oo ka qeyb-galay kulan dadweyne, islamarkaana ka jawaabayay su’aalo madashaas lagu weydiiyay ayaa sheegay in dowladda Soomaaliya ay diyaar u tahay in Itoobiya ay wax kala soo degto oo adeegsado dekadaha kala duwan ee dalka. Ra’iisul Wasaaraha ayaa carrabka ku adkeeyay in haddii Itoobiya ay soo marto hannaanka caalamiga ah iyo sharciyada dunida ee ay ku wada dhaqmaan dalalka badda leh iyo kuwa xirani ay Soomaaliya oggoshay in Itoobiya si lamida sida ay dekadaha Jabuuti u adeegsato ay wax kala soo degto dekadaha kale ee Soomaaliya. Wuxuu intaa ku daray in aan marnaba la aqbali karin in badda Soomaaliya loo adeegsado sida goobo ciidan oo saldhigyo militari laga dhigto, sidoo kalena aan cidna laga kirayn karin ayadoo loo marayo heshiisyo sharci darro ah oo dalka madax-bannaanidiisa xadgudub ku ah. Itoobiya ayaa weli ku dheggan dameceedii gurracnaa ee ay ku doonaysay in ku qaadato qeyb kamida badda Soomaaliya, balse madaxda dowladda iyo dadweynaha Soomaaliyeed waxay wacad ku mareen inay arrintaas si walba oo ay ugu hortagi karaan ku wajahayaan. Source: goobjoog.com

Muqdisho (Caasimada Online) – Dowladda federaalka Soomaaliya ayaa shuruud uga dhigtay Itoobiya inay ka laabato is-afgaradkii Somaliland ee badda, si ay ciidankeedu qeyb usii joogaan gudaha Soomaaliya. Tan ayaa ka dhigan in Soomaaliya ay Itoobiya u ogolaan doonto inay qeyb ka noqoto howl-galka soo socda ee beddelaya ATMIS, haddii ay Itoobiya ka laabato is-afgaradka Somaliland oo xiisad xooggan ka dhex abuuray labada dal. Ra’iisul Wasaaraha Soomaaliya Xamza Cabdi Barre oo ka qeyb-galay kulan dadweyne oo su’aallo lagu weydiinayay ayaa si cad u sheegay in Itoobiya aanay ciidankeeda kamid noqon doonin howl-galka cusub ee ATMIS lagu baddelayo haddii ay diido inay dib uga laabato heshiiskii ay la gashay maamulka Somaliland. Xamza ayaa xusay in dowladda federaalka Soomaaliya ay gudbisay qaraar ka dhan ah xad-gudubka Itoobiya, ayadoo hadda laga sugayo xukuumadda Addis Ababa inay ka laabato haddii ay diiddana ciidankeeda laga saarayo gudaha dalka. “Haddii Itoobiya aysan ka noqon MOU-da (heshiiskii ay la gashay maamulka Somaliland) ciidankeeda kama mid ahaan doonnaan howl-galka soo socda, haddii ay sii joogaan magac kale ayay yeelan doonaan,” ayuu yiri ra’iisul wasaare Xamza. Waxa uu intaas ku daray “in haddii aanay ixtiraam u muujin midnimada iyo wada-jirka Soomaaliya in aan Itoobiya laga aqbali doonin in ay kasii mid ahaadaan howl-galka Midowga Afrika ee fasaxa ka heysta Golaha Ammaanka ee Qaramada Midoobay.” Go’aanka dowladda federaalka ayaa imanaya xilli bisha soo socota ee September loo ballansan yahay in wajiga saddexaad ee wada-hadalka Soomaaliya iyo Itoobiya uu ka dhaco dalka Turkiga, ayada oo uusan weli muuqan wax isku soo dhawaansho ah oo labada dhinaca. The post Soomaaliya oo hal shardi ku xirtay Itoobiya si ay ciidamadeeda u joogaan dalka appeared first on Caasimada Online.

Raysal wasaaraha Ingiriiska Keir Starmer, ayaa sheegay in uu qorsheynayo tillaabooyin adag oo wax looga qabanayo dadka wax tahriibiya iyo sidii lagu dhimi lahaa tirada dadka ka gudbaya kanaalka. Qorshe ay xukuumaddii hore ee Conservative-ka ku doonaysay in dadka muhaajiriinta ah loogu masaafuriyo Rwanda, ayay meesha ka saareen xisbiga hadda talada haya ee Labour-ka. Immisa qof ayaa ka gudba kanaalka iyagoo raacaya doomo yaryar? Laga bilaabo 19-kii bishaan Agoosto ee sii dhamaaneysa 2024, waxaa kanaalka ka gudbay 19,294 qof. Taas oo ah tiro ka badan sanadkii ka horeeyay bishaan oo kale, inkasta oo guud ahaan sanadkii 2023 ay Ingiriiska galeen dad gaaraya 29,437 qof kuwaas oo isticmaalayay doomo yar yar, balse waxaa ka sii badnaa sanadkii 2022 oo ay dad aad u badan ka gudbeen kanaalka. Xiligaas waxaa gudbay dad tiradooda lagu sheegay 45,755 qof, waana tiradii ugu badneyd ee dalkaas gasha tan iyo 2018, xilligaas oo la sameeyay tirakoobka muhaajiriinta. Guud ahaan tirada muhaajiriinta ah ee Ingiriiska gashay tan iyo xiligaas waxa ay ahaayeen in ka badan 130,000, kuwaas oo dalal kala duwan ka yimid. Yaa u badan dadka doomaha yaryar ku gala Ingiriiska? Sanadkaan sii dhamaanaya dadka u dhashay Afgaanistaan, ayaa ahaa kuwa ugu badan ee ka gudbay kanaalka, waxa ayna ku dhawaan shan jeer ku jibaarmaan dhamaan dadka kale ee doomaha yaryar ku soo gudbay. Iiraaniyiinta ayaa lagu sheegay in ay ahaayeen (12%) halka muwaadiniinta Turkiga lagu sheegay (11%) waana labada jinsiyadood ee ugu soo xiga Afgaanistaan, dadka doomaha yaryar ku tagay Ingiriiska. Tan iyo bilowgii sanadkaan tirada doomaha yaryar ee ka gudbay kanaalka ayaa lagu qiyaasay 85%, waxa ayna ahaayeen rag, kuwaas oo inta badan da’da laga diiwaan galiyay ay u dhaxeysay 25 ilaa 39 jir. Ururka caalamiga ah ee socdaalka ayaa muhaajiriinta ku dhintay kanaalka Ingiriiska ku qiyaasay 184 qof, intii u dhaxeysay sanadihii 2018 ilaa dhamaadka bishii la soo dhaafay ee July 2024. Tirada dadka magangelyo doonka ah ee UK Saddaxdii bilood ee ugu horeysay sanadkaan waxaa magangalyo ka raadsaday Ingiriiska 19,395 qof, halka sanadkii ka horeeyay ee 2023 dadku ay ka badnaayeen 84,000 oo qof. Sanadkii 2022, wax ka yar 100,000 oo qof ayaa codsaday magangalyo, iyadoona doomaha yaryar ee xiligaas yimid ay ahaayeen ilaa 45%. Tirada sanadlaha ah ee codsadayaasha magangalyada, oo ay ku jiraan kuwa dadkoodu u dacwoodeen ayaa gaartay 103,000 sanadkii 2002, xiligaas oo dadku ay ka soo cararayeen iskahorimaadyadii ka jiray dalalka Afgaanistaan, Soomaaliya iyo Ciraaq. Tiradii xiligaas ayaa waxaa ku yimid hoos u dhac iyadoona mar kale muhaajiriintu ay dib u bilaabeen safaradoodii doomaha yaryar sanadkii 2010, xiligaas oo dadka ugu badan ay ka soo qaxeen Suuriya. Qoraalka sawirka,Dadka magangalyo doonka ah Dalalka magangalyo doonka ugu badan ay ka yimaadeen Dalka Afgaanistaan ayaa labadii sano ee u danbeysay ahaa dalka ugu badan ee magangalyo doonka Ingiriiska galay, waxaana sanadkasta lagu qiyaasaa in 9,307 qof ay ka gudbaan kanaalka. Dalka ku xiga waa Iran kaas oo dadka magangalyo doonka ah lagu sheegay 7,400, sidoo kale waxaa tiradaan ka agdhaw dalalka Pakistan, India, iyo Bangladesh. Balse sanadkii 2022, Albaaniyaanka ayaa ahaa jinsiyaddii ugu badneyn ee gasha UK, waxaana lagu sheegay xiligaas 17,300 oo qof oo ay ku jiraan dadka loo dacwooday, inkastoo saddex meelood meel ay ku yimaadeen doomo yaryar. Wixii ka horeeyay 6-dii bishaan Agoosto ee sanadkaan 2024, waxaa fiisooyin la siiyay 261,600 oo qof kuwaas oo u dhashay dalka Ukrain, waana kuwo ku yimid dariiqo sax ah, wallow aanan lagu darin kuwa tahriibka ah. Waxaa kale oo jirta qaabab kala duwan oo dadka qaar ay ku yimaadaan Ingiriiska, oo ay kamid yihiin qaxootiga Afgaanistaan iyo muwaadiniinta Hong Kong. Kiisaska magangalyo ee sugaya in laga shaqeeyo Dadka qaar ayaa suga in la tixgaliyo sheegashooyinkooda bilo ama sanado. Dib u dhac ku yimid nidaamka dowladda Ingiriiska ayaa sababay in ay dib u dhacdo aqbalaadda sheegashooyinka dad kor u dhaafaya 128,000 qof. Raysal wasaarihii hore ee UK, Rishi Sunak, ayaa markii uu xafiiska joogay balan qaaday in uu joojinayo sheegashooyinka dadka qaar ee dhanka da’da ah, sanadkii 2023, balse 4,500 oo qof ayay kiisaskoodu adkaadeen kuwaas oo sugaya go’aanka natiijada dhamaadka sanadkaan. Tirakoobka rasmiga ah ayaa muujinaya in 14-kii Abriil ee sanadkaan, dad gaaraya 2,377 qof oo ka mid ah magangalyodoonka ay weli sugayeen go’aankii hore. Dowladda Ingiriiska tiro intee la eg oo magangalyo doon ah ayay dib u celisay? Xafiiska qaabilsan arimaha soogalootiga ayaa dalka ka saari kara dadka aan sharci ahaan xaq u lahayn inay sii joogaan UK, sidoo kale waa ay diidi karaan soo galootiga. Sanadkii 2023, 6,014 qof oo aan magangalyo ka siin ayaa dib loogu celiyay dalalkooda, waana tiro ka badan dadkii la celiyay sanadkii 2022, waxa ayna ahaayeen 2,931, dadkaas ayaana u badnaa kuwo ka soo jeeda Albania. Intii u dhaxeysay sanadihii 2018 ilaa 2023, xiliyo kala duwan ayaa dad magangalyo doon ah la celiyay. Dhanka kale bishii Diseembar 2023, xafiiska arimaha soogalootiga ayaa shaaca ka qaaday in 408 qof oo ku yimid doomo yaryar ay dib u celiyeen. Isbarbar dhigga doomaha yaryar ee taga UK iyo kuwa taga Yurub Sanadkii 2023, muhaajiriinta Yurub tagay waxa ay ahaayeen 263,048 qof, iyadoona Talyaaniga ay galeen 60% oo u dhiganta 157,314 qof. Dalka Spain waxaa galay dad gaaraya 57,071 qof, halka Giriiga ay galeen 41,561 qof. La bilaabo 12-kii bishaan Agoosto, in ka badan 91,500 qof, ayaa galay dalalka Yurub waxa ayna isticmaaleen doomo yaryar. Sanadkii 2015 ayaa ahaa xilligii ugu badnaa oo muhaajiriin ay galaan dalalka Yurub, waxaana lagu qiyaasay dadka tahriibayay hal milyan oo qof, dadkaas inta ugu badan ayaa ka soo cararay colaado dalal ay ka mid yihiin Suuriya. Qoraalka sawirka,Sanadkii 2023, muhaajiriinta Yurub tagay waxa ay ahaayeen 263,048 qof Tiro intee la eg ayaa magangalyo ka codsaday dalalka Yurub? Sanadkii 2023, dalka Ingiriiska ayaa kaalinta shanaad uga jiray dalalka ugu badan ee laga codsaday magangalyada, waxaana muhaajiriintii xiligaas ay gaarayeen 329,035 qof. Jarmarka ayaa kamid ahaa dalalkii helay codsiyadii ugu badnaa ee uga yimaada muhaajiriinta. Dalka Spain ayaa kaalinta labaad ee ugu sareysa ku jiray xilligaas waxaana iska dhiibay dad gaarayay 160,460 qof, waxaana ku soo xigay Faransiiska oo ay galeen 145,095 qof, halka Talyaaniga ah qaabileen dad magangalyo doon ah oo gaarayay 130,565 qof. Sanadkii 2023, dowladda Ingiriiska ayaa qaadatay go’aan ay ku qaabileyso codsiyada dad ay tiradoodu gaareysay 93,303 qof, kuwaas oo qaarkood ka koobnaa qoysas ay carruurtooda la socdeen, waxa ayna xilligaas magangalyada siisay saddex meelood laba meel oo u dhigantay 67%. Isla xilligaas dalka Jarmalka ayaa qaabilay muhaajiriin gaaraya 217,430 qof, oo u dhiganta 62%. Faransiiska ayaa isna qaatay qaxooti gaaraya 132,695 qof, oo u dhiganta 31% tirada dadkii gaaray. Bbcsomali Qaran News

Kooxd dabley ah ayaa weerar gaadmo ah ku qaaday kolonyo booliis ah oo ku sugnaa bariga gobolka Punjab ee dalka Pakistan, halkaasi oo ay ku dileen ugu yaraan 11 askari, 7 kalana waa ay ku dhaawaceen, sida ay masuuliyiinta dalkaasi sheegeen. Ma jirto cid si degdeg ah u sheegatay mas’uuliyadda weerarka ka dhacay degmada Rahim Yar Khan ee magaalada Kacha, sidoo kale dowladda Pakistan faahfaahin dheeraada kama bixin weeararkan dhimashada badan horseeday. Saraakiishan ayaa la sheegay in ay ku guda jireen roondo ay ku sugnaayeen goob cidlo ah oo ay ku baadi goobayeen burcadda ka howlgasha gobolka xilliga ay weerarka lama filaanka ah la kulmeen, Booliska ayaana tilmaamay in dableyda ay u badan tahay inay ahaayeen tuugo oo aysan ka tirsaneyn koox gaar ah. Source: goobjoog.com