Dagaalyahannada Xarakada Al-Shabaab ayaa markale ergo ka mid ah kuwii wax soo doortay xildhibaanada baarlamaanka Somalia ku soo bandhigay deegaanka Bullo Fulaay oo ka tirsan gobolka Baay. Al-Shabaab ayaa tirada ergadan ku sheegtay 76 xubnood, iyadoona soo bandhigtay sawirradooda. Sidoo kale waxa ay sheegtay in Odayaashan ay ku jiraan kuwii soo doortay, Maxamed Sheekh Cismaan (Jawaari) guddoomiyihii hore ee golaha shacabka baarlamaanka federaalka Soomaaliya. Munaasabadda lagu soo bandhigay ergada ayaa waxaa ku sugnaa mas’uuliyiin ka tirsan Al-Shabaab oo khudbado ka jeediyey halkaasi. Dhowaan ayey aheyd markii 51 ergo ah lAl-Shabaab ay ku soo bandhigtay degmada Bu’aale ee xarunta maamulka Jubaland. View the full article

Madaxweynaha dowlad goboleedka Koonfur galbeed ee Soomaaliya mudane Cabdi Casiis Lafta gareen iyo maamulaha Koonfurta iyo badhtamaha ee shirkadda Dahabshil Goup mudane Xassan Cabdi Cawad ayaa goobjoog ka ahaa axaddii xaflad ay shirkadda Dahabshiil ku daahfurtay dhismaha ugu quruxda badan Baydhabo, iyada oo ay labada mas’uul xariga ka jareen. Maamulka Shirkadda Dahabshiil oo arrinkaas kala hadlay Goobjoog News ayaa sheegaya in dhismaha uu noqon-doono xarunta guud ee shirkada ee Baydhabo isla markaana laga heli doonno dhammaan adeegyada shirkada Dahabshil Group sida adeegyada Bahabahil Bank ee maali gelinta waaweyn iyo kuwa yaryar, sidoo kale adeegi xawaalada iyo isgaadhsiinti oo casriya sida Internetki guryaha iyo 4G sidoo kale 3G. Wasiirka Maaliyadda Koonfur Galbeed oo goobta ka hadlay ayaa shirkadda Dahabshiil uga mahadceliyey kobcinta dhaqaalaha iyo shaqo abuurka ay umadda somaliyeed kusoo kordhisay gaar ahaana dowlad foboleedka Koonfur Galbeed halka gudoomiyaha baarlamaanka Cabdikadir Shariif Sheekuna Maye oo isna khudbeeyey uu ka hadlay doorka ay hoggaamineed ee Dahabshil ay ka qaadatay horumarka KGS iyo Maalgelinta ay ka bixisay iyo sida ay kor ugu qaadayso ganacsiga KGS . Ugu dambeyntii, waxaa xafladda ka hadlay madaxweynaha dowlad goboleedka Koonfur Galbeed mudane Cabdi Casis Lafta-gareen isaga oo ugu horayn Dahabshil uga mahadceliyay inay Baydhabo ka dhistay dhismihii ugu quruxda badnaa, sidoo kale uu soo dhoweeyay adeega Microfinance ee ganacsiyada yaryar kor loogu soo qaadayo. Shirkadda Dahabshiil oo ka tirsan shirkadaha ganacsi ee ugu weyn dalka ayaa waddo isbalaarin xoogan, iyada oo mar walbo deegaannada dalka geysa adeegyo ay dadka ka faa’idaan, ugana kaaftoomaan safar dheer. Sawirrada Xarunta Dahabshiil ee Baydhabo: Source: goobjoog.com

Jigjiga (Caasimada Online) – Wararka naga soo gaaraya ismaamulka Soomaalida Itoobiya ayaa sheegaya in saacadihii la soo dhaafay dagaal u dhexeeyey Soomaalida iyo Canfarta uu ka dhacay halkaasi. Dagaaalka ayaa yimid, kadib markii koox ka tirsan Canfarta ay weerar gaadma ah ku soo qaadeen Soomaali xoolo dhaqato ah oo ku sugneyd deegaanka Alaale oo hoostaga maamulka Jigjiga. Ugu yaraan 14 Qof oo Soomaali ah ayaa ku dhintay dagaalkaasi, halka ay ku dhaawacmeen ku dhowaad 10 kale. Sidoo kale wararka ayaa intaasi ku daraya in deegaanka Alaale ay la wareegeen Canfarta, halkaas oo horay ugu sugnaayeen xoolo dhaqato. Ma jiro weli wax war ah oo ka soo baxay ismaamulka Soomaalida Itoobiya oo la xariira dagaalkaasi. Xaaaladda ayaa hadda kacsan, iyadoona xiisad u dhexeysa Soomaalida iyo Canfarta laga dareemayo halkaasi. Caasimada Online Xafiiska Jigjiga caasimada@live.com

Ciidamada ammaanka ee Puntland ayaa xalay howlgalllo ka sameeyey gudaha magaalada Boosaaso ee xarunta gobolka Bari Howlgallada oo ahaa kuwa lagu xaqiijinayey amniga ayaa waxa ay ciidamadu ku soo qab qabteen dad u badan dhalinyaro. Taliyaha qeybta Booliska gobolka Bari, Xuseen Cali Maxamed oo la hadlay warbaahinta ayaa ka warbixiyey baaritaanadaasi. Xuseen Cali Maxamed ayaa shaaciyey in howlgalladan lagu soo qab qabtay ku dhowaad 20 qof oo lala xiriirinayo falalka ammaan dari ee xilliyada habeenkii ka dhaca gudaha magaalada Boosaaso. Ammaanka Boosaaso ayaa muddooyinkii dambe laga deyrinayey, iyadoona cabasho ay ka soo yeeray shacabka magaaladaasi. Halkan hoose ka daawo Sawirrada: View the full article

Muqdisho (SMN) – Halkaan ka Dhageyso Warka Subax ee Idaacadda Shabelle. Hoos riix si aad u dhageysato. https://www.radioshabelle.com/wp-content/uploads/2019/09/Warka-Subax-30092019-sax.mp3 View the full article

BAIDOA (HOL) - Journalists in South West state have called for the release of their colleague who was arrested last week for covering a press conference by civil society groups. Source: Hiiraan Online

Boosaaso (Caasimada Online) – Faah faahinno dheeri ah ayaa ka soo baxaya howlgallo ciidamada amniga xalay ay ka sameeyeen magaalada Boosaaso ee xarunta ganacsiga maamulka Puntland. Howlgallada oo ahaa kuwa ballaaran ayaa waxa ay ciidamadu ka fuliyeen qeybo ka mid ah magaaladaasi. Sidoo kale ciidamada ayaa baarayey gaadiidka qeybihiisa kala duwan iyo dadweynaha, si loo xoojiyo nabad gelyada. Taliyaha qeybta Booliska gobolka Bari, Xuseen Cali Maxamed oo la hadlay warbaahinta ayaa sheegay in baaritaanadaasi lagu soo qab qabtay ku dhowaan 20 qof oo u badan dad dhalinyaro ah. Waxa kale uu intaas ku daray in haatan ay ku socdaan baaritaano dheeraad ah, islamarkaana la sii deyn doono cid aan dambi laheyn. Muddooyinkii dambe ammaanka Boosaaso ayaa laga deyrinayey, iyadoona cabasho ay ka soo yeeray shacabka magaaladaasi.

MOGADISHU (HOL) - Abdiwaahid Khalif Abdi aka Tarabuun whose arrest in 2017 was declared a major victory in the war against terror by Security Minister Abukar Islow served only two years behind bar and is now a free man, Somali government said Sunday amid a red alert in Kenya. Source: Hiiraan Online

Amiirka Boqortooyada Sacuudi Carabiya ayaa ka digay in qiimaha saliida uu sare u kici karo “tiro aan la qiyaasi karin” haddii aysan dunidu joojin ficilada Iiraan. Maxamed bin Salmaan ayaa sheegay in dagaalka u dhexeeya Saudi Arabia iyo Iran uu burburin doono dhaqaalaha adduunka, ka dib markii la weeraray xarun ay shidaal ku lahayd laba toddobaad ka hor, isagoo uu ku eedeeyay Tehran. Iran ayaa beenisay inay wax lug ah ku leedahay weeraradii lagu qaaday xarumaha saliida ee Sacuudiga. Maxamed Bin Salmaan, dhaxalka boqortooyada Sacuudiga, wuxuu yiri: “Haddii adduunku uusan ka qaadin tallaabo adag oo lagu xakameynayo Iiraan, waxaan arki doonnaa kacdoonno kale oo halis gelin doona danaha adduunka.” “Sahayda saliidda waa la carqaladeyn doonaa oo qiimaha saliiddu wuxuu u kor u kicidoonaa a si aan la qiyaasi karin oo aad u sarreeya oo aan horay u arag nolosheenna.” ayuu yidhi Salmaan. Sacuudi Carabiya ayaa sheegtay in 18 drones ah iyo toddobo gantaal oo kuwa qumaatiga u kaca ah lagu duqeeyey labada xarumood ee saliida ee ku yaal Abqaid iyo Aramco 14kii Sebtember. Puntland Post The post Sacuudiga oo ka digay Khatarta Iran ku hayso saliida adduunka appeared first on Puntland Post.

Dagaal u dhaxeeyay Soomaalida iyo Canfarta ayaa lagu soo waramayaa inuu ka dhacay ismaamulka Soomaalida, waxaana dagaalkaasi ka dhashay khasaare kala duwan. Sida ay dadka deegaanka sheegeen, ciidamada Canfarta ayaa weerar kusoo qaaday deegaanka Alaale ee ismaamulka Soomaalida, iyadoo Soomaalida iska caabiyeen Canfartii weerarka soo qaadday. Inta la xaqiijiyey 14 qof oo Soomaali ah ayaa dagaalkaasi ku dhimatay, waxaana ku dhaawacmay 7 kale, sida ay warbaahinta u xaqiijiyeen qaar ka mid ah odoyaasha dhaqanka ee Alaale. Sidoo kale, waxgaradkan ayaa sheegay in Canfarta ay doonayaan iney la wareegaan dhul ay Soomaalida leedahay, islamarkaana hadda meelihii lagu dagaallamay ku sugan yihiin Soomaalida. Dagaalkan ayaa la sheegay inaanay qeyb ka ahayn ciidamada Ismaamulka Soomaalida, iyadoo Canfarta iska caabinayaan shacabka ku dhaqan deegaannada lasoo weeraray. Lama oga khasaaraha soo gaaray dhanka ciidanka Canfarta ee weerarka kusoo qaaday Soomaalida, wallow xaaladdu ay tahay mid deggan. Warkaan wixii kusoo kordha kala soco wararkeena kale Goobjoog News Source: goobjoog.com

Amiirka Boqortooyada Sacuudi Carabiya, Mohammed bin Salman, ayaa si daah furan uga hadlay dilkii weriye Jamal Khashoggi, oo lagu dilay qunsuliyada Sacuudigu ku lahaa Stanbul, 2dii October, sanadkii 2018 Isaga oo la hadlayay telefishinka CBS News, wuxuu sheegay inuu aqbalay mas’uuliyada qaar dilkii wariye Jamal Khashoggi. Laakiin wuxuu dafiray shaqsiyan inuu amar ku bixiyay dilkiisa Amiirka, oo loo arko inuu yahay hogaamiyaha dhabta ah ee Sucuudiga, ayaa la tuhunsan yahay inuu shaqsi ahaan u bartilmaameedsaday Mr Khashoggi, oo ahaa suxufi Sucuudiga dhaleeceyn jiray. Wareysi uu siiyay barnaamijka ’60 Minit’ ee CBS maalintii Axadda, ayuu ku yiri: “Waxaan qaadanayaa mas’uuliyad buuxda hoggaamiye ahaan Saudi Arabia, maadaama ay dilka geysteen shakhsiyaad u shaqeeya dowladda Sacuudiga.” Si kastaba ha noqotee, wuxuu dafiray inuu si toos ah u amray dilka Khashoggi ama inuu aqoon u lahaa waqtigaas. Mas’uuliyiinta Sucuudiga ayaa tan iyo markii la dilay weriyahaan waxaay maxkamad horkeeneen 11 nin. Puntland Post The post Mohammed bin Salman oo aqbalay masuuliyada dilkii Jamal Khashoggi appeared first on Puntland Post.

A leading Egyptian pro-democracy activist was re-arrested on Sunday while he was under probation, his family and a security official said. Source: Hiiraan Online

Madaxweynaha dowlad goboleedka Galmudug, Axmed Ducaalle Geelle Xaaf ayaa qoraal uu soo saaray wuxuu kaga laabtay u wakiilashadiisii wasaaradda arrimaha gudaha ee ku aadaneyd doorashada Galmudug. Wuxuu Xaaf qoraalkiisa ku sheegay in ay soo badatay cabashada ay qabaan beelaha dhistay Galmudug, sidaasi darteedna lama huraan ay noqotay in howlaha doorashooyinka iyo dhab u heshiisiinta lagu soo celiyo gacanta maamulka. Wasiiradiisa ayuu faray in ugu dambeyn 10-10-2019 isku yimaadaan si loo dar-dargeliyo shaqooyinka horyaalla ee dowlad goboleedka Galmudug. Horey waxaa u jiray heshiis ay wada gaareen dowladda federaalka Soomaaliya iyo sidoo kale madaxweynaha Galmudug Axmed Ducaalle Geelle Xaaf. Halkaan hoose ka akhriso qoraalka: Goobjoog News Source: goobjoog.com

WASHINGTON (Reuters) - Saudi Arabia’s crown prince warned in an interview broadcast on Sunday that oil prices could spike to “unimaginably high numbers” if the world does not come together to deter Iran, but said he would prefer a political solution to a military one. Source: Hiiraan Online

Samafale Cabdimaalik muuse coldoon waxa lagula kacay waa dulmi cawaaqib xumadiisa la dhaxli doono. Cuquubada dulmigu ma raagto oo aakhiro ka hor adduunka ayay cidda fashay ku haleeshaa oo abaalkiisa ugu yaraan qayb ka mid ah la dhadhansiiyaa, waaya’aragnimadeenna adduunka ayaa taa inoo muujinaysa. Yaxya Khalid Albarmaki waxa uu ra’iisal wasaare u ahaan jiray khaliifkii Cabbaasiyiinta ee Haaruun Arrashiid la odhan jiray oo xukunka Muslimiinta la wareegay sannadkii 170 kii Hijrada Nebiga-scw- oo ku beegnayd 788 ee miilaadiga. Khaliifka Haaruun Arrashiid waxa soo korisay oo naaska jaqsiisay Yaxye xaaskiisa, sidaa awgeed Haaruun waxa uu ula dhaqmi jiray Yaxye sida aabihii oo kale, markii uu xukunka qabsadayna waxa uu ka dhigay Ra’iisal wasaarihiisa, waxkastana wuu uga danbeyn jiray. Yaxye waxa lagu yaqaannay faxalnimo iyo gacan furni aad looga sheekayn jiray. Waxa mar kaliya dhacay isbeddel aan sababtiisa la fahmin oo ku dhacay Haaruun Arrashiid, subax ayuu soo toosay markaasuu amray in la xidho Yaxye, la dilo inankiisa, lala wareego dhammaan xoolaha qoyskiisa iyo qaraabadiisa dhammaantooda xabsiga iyaga oo silsiladaysan la dhigo ! Sidii baa la yeelay, silic iyo saxariis ayay noloshooda intii u hadhanayd ku dhammaysteen, ilaa uu Yaxye xabsiga ku dhex dhintay ! Yaxye inankiisa ayaa wayddiiyey Aabo: Madaxnimadii, maalkii iyo awooddii dawladnimo ee aannu haysannay ka dib, maxay waxan oo dhibaato ahi noogu dhacayaan, xabsi, faqri, qaawani iyo silican oo dhan maxaa u sabab ah? Yaxye waxa uu ku jawaabay: “Aabo waxa laga yaabaa habaar dulmane oo saqdhexe Alle loo dirtay, oo aannu moogganayn Alle se aanu hilmaamin” ka dibna meerisyadan ayuu curiyey: رُبَّ قومٍ قد غَدَوْا في نَعْمةٍ*** زَمَناً والدهرُ رَيَّانٌ غَدَقْ سَكَتَ الدهرُ زَمَاناً عنهمُ*** ثم أبكاهُمْ دَماً حِينَ نَطَقْ ! meerisyo kale ayaa ahaa: لا تظلمن إذا ما كنت مقتدراً…فالظلم ترجع عقباه إلى الندمِ تنام عيناك والمظلوم منتبهٌ…يدعو عليك وعين الله لم تنمِ Dulmigu waa denbiyada dhulka guudkiisa lagu galo kuwooda ugu waaweyn, sidaa awgeed ayuu Alle uga xarrimay naftiisa, addoomada dhexdoodana xaaraan uga dhigay, dadkana uga abhiyey in ay is dulmiyaan, sida ku cad xadiisal qudsigan: يا عبادي إني حرمت الظلم على نفسي، وجعلته بينكم محرماً فلا تظالموا، رواه مسلم Dulmiga waxa ugu daran ka laga galo cid aan Alle mooyee cid kale kuula ciirsanaynin, yacnii aad wakhtigaas ka awood roontahay, waxaana ugu sii xun ka shaadhka sharci la huwiyo ee lagu xalaashado. Cuquubada dulmigu waxa ay dumisaa guryaha dhisan, waxaanay cumrigooda soo gaabisaa dawladaha, Ilaahay waxa uu suuratal Qasas ku yidhi: “Ma halaagno ummad/magaalo mooyaane in ay dadkeedu daalimiin yihiin” yacni waxa keliya ee halaagga magaalo/ummad sababi karaa waa dulmi (وَمَا كُنَّا مُهْلِكِي الْقُرَىٰ إِلَّا وَأَهْلُهَا ظَالِمُونَ)القصص 59. Imaam ibn Taymiya ayaa aayaddan ka dhiraandhiray qaaciido ama sunne kawni ah oo odhanaya: “Ilaahay ummad ay dhexdooda caddaaladi ka jirto ma halaago, xataa hadday gaalo yihiin, waxaanu burburiyaa dawladda daalimadda ah xataa hadday muslim tahay” Xukunka ku dhacay Cabdimaalik Muuse Coldoon sida ay qabaan qareennadii sharci yaqaanka ahaa ee difaacayey, dad badan oo aqoonyahan iyo sharci yaqaanno ah oo kalena ay aaminsanyihiin, waxa aan rumaysnahay in uu yahay aargoosi awood dawladeed loo adeegsaday oo dad gaar ahi denbigeeda leeyihiin. Waxa aan guddoomiyaha maxkamadda sare oo ah shakhsi aan aqoon iyo ammaano ku aqaanno ka codsanayaa in uu kiiskaas iyo kuwa la midka ah si dhow ula socdo oo dib u sixid ku sameeyo sida ay wax u dhacayaan. Waxa aynnu si wada jir ah uga codsan doonnaa madaxweynaha in uu dulmiga ku dhacay Cabdimalik soo farageliyo oo wax ka qabto. Dr-Abdulqani Hussein Beder Qaran News

Ciidamada Booliiska ee dowlad goboleedka Puntland ayaa waxa ay xalay howlgal ballaaran ka sameeyeen magaalada Boosaaso ee xarunta gobolka Bari, waxaana howlgalkaan uu ahaa mid ammaanka lagu xaqiijinayey. Taliyaha qeybta Booliska gobalka Bari, Xuseen Cali Maxamed ayaa u sheegay warbaahinta in howlgalkaan ay kusoo qabteen dhallinyaro lala xiriinayo falalka amni darri ee ka dhaca magaaladaasi. Wuxuu taliyaha tilmaamay in ciidamada ay sidoo kale baareen gaadiidka lagana fiiqayey bacaha madow, si aan loogu fulin falal amni darri ku aaddan. Inta uu howlgalkaan socday ayaa la arkayey ciidamada Booliiska oo dadka kasoo dejinaya gaadiidka, islamarkaana baaritaanno ku sameynaya. Amniga magaalada Boosaaso ayaa maalmihii dambe ahaa mid kasoo reynayey sidii hore, wallow mararka qaar ay dhacaan falal amniga wax u dhimaya. Goobjoog News Source: goobjoog.com

(SLT-Hargeysa)-Madaxweynihii hore ee Somaliland Daahir Rayaale Kaahin ayaa warraysi lala yeeshay waxa uu kaga hadlay arrimo ay ka mid tahay tabashada reer Awdal iyo qaabka ay u shaqeeyaan xisbiyada Somaliland, Halkan hoose ka DAAWO Source

(SLT-Iran)-Maxkamad ku taalla Dalka Iran ayaa waxa ay xukun ciqaab ah ku xukuntay dhakhtarada dalkaasi u dhalatay oo ku socotay xijaab la’aan isla markaana dusha kaga fadhiisatay gaadhi Bileysku leeyihiin kadib markii ay joojiyeen. Haweenaydan oo ah dhakhtarada ku takhasustay cudurada haweenka ayaa waxa ay Maxakamaddu ku xukuntay xukun ciqaab ah oo ah in ay muddo kun saacadood ah oo lacag la’aan ah ay ka shaqeyso xanaanooyinka caafimaadka isla markaana ay fuliso Qaliinka haweenka ummuliyaa u baahan yihiin oo tiradoodu dhan tahay ilaa 14 qaliin. Dhakhtaradan ayaa waxa ay ku nooshahay oo ay ka hawl gashaa magaalada Blast ee Galbeedka dalkaasi Iran. Source

Qaran News

(SLT-Riyadh)-Mid ka mid ah Ilaaladii ugu caansanaa ee Boqorka Sacuudi Carabiya Boqor Salmaan ayaa la dilay, kaddib mursan shaqsiyadeed soo kala dhex-galay isaga iyo askari kale oo saaxibkiis ahaa. Major General Abdulaziz al-Fagham oo aad ugu dhowaa Boqorka Sacuudiga, marar badan ka soo muuqday isagoo dhinac taagan, safaro badan oo dibadda ahna u raacay ayaa u geeriyooday dhaawac ka soo gaaray rasaas uu ku furay askari kale. Arrintan ayaa ka dhacday magaalada Dekedda leh ee Jeddah, sida ay soo warisay wakaalada wararka ee Sacuudiga SPA ayaa sheegtay in al-Fagham la dilay isaga oo booqanaya guriga saaxiibkiis. Ninka dilka geystay ayaa diiday inuu isu dhiibo booliska oo ku sugnaa agagaarka goobta wax ka dhaceen, waxaana kaddib isaga toogtay askari kale. Maalmihii u dambeeyay Sacuudiga ayaa wajahayay xaalado iyo xiisado kala duwan oo ka soo wajahay dalka deriska la ah ee Yemen, kaddib markii Kooxda Xuutiyiinta ay weerareen xarumaha laga soo saaro shidaalka Sacuudiga. Source

Sir Mo Farah has been announced as patron of a new initiative from Save the Children which will pilot innovative approaches in tackling malnutrition. Source: Hiiraan Online

Waa kuma Maxamed Bin Salmaan (MBS) Image captionWaxaa loo arkaa Maxamed Bin Salmaan inuu yahay ninka wakhtigan ugu awoodda badan Sacuudiga Maxamed Bin Salmaan wuxuu magaalada Jeddah ee dalka Sacuudiga ku dhashay 31-kii bishii Agoosto ee sannadkii 1985-kii. Wuxuu ahaa wiilka curadka ah ee uu dhalay boqor Salmaan Bin Cabdul Casiis Aala Sucuud oo xilliga uu Maxamed dhalanayay ahaa mid ka mid ah dhaxal sugeyaasha boqortooyada. Hooyadiis waa xaaska saddexaad ee boqor Salmaan, waxaana lagu magacaabaa Fahdah bint Falah bin Sultan. Ka dib markii uu shahaadada 1aad ee waxbarashada jaamacadeed ka qaatay Jaamacadda King Saud ee ku taalla magaalo madaxda Sucuudiga ee Riyaad, wuxuu ka soo shaqeeyay hay’ado kala duwan oo ay leedahay boqortooyada. Sannadkii 2009-kii, waxaa loo magacaabay inuu la taliye khaas ah u noqdo aabihiis, oo xilligaas ahaa Duqa magaalada Riyaad. Maxamed Bin Salman ayaa awoodda boqortooyada lugta la soo galay sannadkii 2013-kii, markaasoo loo magacaabay madaxa qasriga dhaxal sugaha boqortooyada, isagoo darajadiisu ay ahayd heer wasiir. Sannadkii ka horreeyay ee 2012-kii, ayaa aabihiis loo xushay inuu noqdo dhaxal sugaha taajka boqortooyada, ka dib geeridii Nayef bin Cabdul Casiis, oo ahaa qofka dhaxalka xilkaas ugu sokeeyay. Bishii Janaayo ee sannadkii 2015-kii ayuu geeriyooday boqor Cabdalla bin Cabdul Casiis, Salmaan ayaana xilka boqortooyada la wareegay isagoo markaas ay da’diisu ahayd 79 sano.Marka la eego Sacuudiga dibaddiisa, dad kooban ayaa yaqaannay magaca Maxamed Bin Salman Aala Sucuud, ka hor inta uusan aabihiis boqorka noqonin sannadkii 2015-kii. Balse hadda, 33 jirkan dhaxal sugaha boqortooyada ah waxaa loo aqoonsan yahay inuu yahay qofka rasmiga ah ee gacanta ku haya maamulka waddanka dhoofiya saliidda ugu badan ee caalamka. Wuxuu hantay qalbiyada hogaamiyeyaasha reer galbeedka ka dib markii uu ku dhaqaaqay tallaabooyin uu isbaddallo uga sameeyay Sucuudiga, oo ah waddan sharci adag, waxaana isbadalladaas ka mid ahaa xayiraaddii uu ka qaaday gaari wadista dumarka iyo dadaalkii uu ku raadinayay sidii loo ballaarin lahaa dhinacyada kala duwan ee dhaqaalaha. Laakiin waxaa si weyn loogu dhaliilay arrimo ay ka mid yihiin:- -Dagaalkii uu ku qaaday dalka dariska la ah ee Yemen, kaasoo sababay xadgudubyo waaweyn oo bani’aadannimo. -Inuu billaabay muranka siyaasadeed ee Qadar iyo Sucuudiga, oo kala qeybiyay midnimadii golaha iskaashiga khaliijka ee (GCC). -Inuu xoojiyay howlgalka adag ee ka dhanka ah dadka ka soo horjeeda siyaasadda Sucuudiga. BBC somali Qaran News

Lake Superior College has named Dr. Jamal Adam as its interim dean of liberal arts and sciences, the school announced Wednesday. Source: Hiiraan Online

(SLT- Austria)-Xisbiga muxaafidka ee dalka Austria ayaa ku guul ka soo hooyay doorashada Baarlamaaniga ee dhacday shalay. Hoggaamiyaha xisbigan Sebastian Kurz ayaa markale xilka dib ugu soo laabanaya balse wuxuu u baahnaan doonaa xisbiyada kale si loo soo dhiso xukuumad wadaag Ah. Xisbiga dadweynaha ayaa helay 37.1 halka xisbiga Social Democrats uu la yimid 22.6 xisbiga midigta fog ee Freedom isna helay 16.7. Doorashada baarlamaaniga ee shalay ka dhacay dalka Austria ayaa timid kadib markii ay burburtay bishii May kadib musuq maasuuq lagu eedeeyay xukuumada Viena. Source

Diyaaradda Boeing 737 oo cillad kale lagu arkay Diyaaradaha Boing 737-ng ayaa la sheegay in dildillaac lagu arkay qaybaha sare ee diyaaradda. Marki uu warkaasi soo if baxay wixi ka dambeeyey wakaaladda ammaanka diyaaradaha u qabilsan dalka Mareykanka ayaa amar ku bixisay in diyaaradaha noocoodu yahay Boing 737-ng baaritaanno degdeg ah lagu sameeyo. Wakaaladda dalka Mareykanka u qaabilsan dabagalka duullimaadyada ayaa sheegtay “diyaarado in mudda ah shaqeynayey marki la damcay in dib u habeyn lagu sameeyo in lagu arkay dildillaac ku yimid jambiga kore ee diyaaradaha”. Diyaarado dhawr ah oo baaritaanno kaa la mid ah lagu sameeyey waxaa iyaguna lagu arkay calaamadaha dillaaca oo la mid ah kuwilagu arkay diyaaradahi hore oo baaritaanka lagu sameeyey. Balse waxay khubaradu sheegeen inaan diyaaradahan laga helin cilladdi sababta u noqotay iney laba diyaaradood oo uu noocoodu yahay Boing 737 iney burburaan. Shirkadda Boeing waxay sheegtay shirkadaha diyaaradahan isticmaala iney xogaha diyaaradahaasi ku saabsan ay soo gaarsiiyeen balse ay sheegin wax cillad oo ay kala kulmeen inti ay diyaaradahaasi adeegsanayeen. Balse Shirkadda Boeing ma aysan sheegin inta diyaaradood ee ay cilladdaasi ay ka baareyso. “Maalmaha soo socda macamiishannada ee diyaaradahaasi istcmaala inaga oo kaashaneyno waxaan baaritaanno ku sameyn doonnaa diyaarado dhowr ah” ayey tiri shirkadda Boing oo BBc u warrantay. BBC oo isku dayday iney xog dheeraad ah ka hesho qaybaha diyaaradda ee dillaaca sida gaarka ah loga arkay kuwa ay yihiin iyo waxa ka dhalan karo dillaacaasi, waxay su’aashaa u bandhigtay shirkadda Boing balse weli shirkaddu su’aasha BBC wax jawaab ah kama bixin. Nooca diyaadaha 737-ng oo ay Boing sameyso waxay ka kooban yihiin diyaaradaha 737-700, 737-800 iyo 737-900, waxaana noocyada diyaaradahaasi isticmaala shirkada diyaaradeed oo kala duwan. Laba diyaaradood uu noocoodu yahay Boing 737 Max marki ay laba shil oo isku dhaw ay ku burbureen kaddib waxaa gabi ahaanba hawada laga saaray diyaaradaha noocoodu yahay Boing 737 Max. Diyaarad ay lahayd shirkadda diyaaradaha Itoobiya oo burburtay bishi April waxaa ku dhintay dhammaan 157 qof ee rakaabka diyaaraddaasi burbrutay saarnaa. Afar bilood ka hor xilliga ay diyaaraddan burburtayna waxaa sida oo kale burburtay diyaarad nooceedu yahay Boeing 737 Max oo ay lahayd shirkadda diyaaradaha Indonesia Line Air waxaa iyaduna ku dhimatay dhammaan 189-ki qof ee diyaaraddaasi saarneyd. BBC somali Qaran News