Madina (Caasimadda online) – Wararka ka imaanaya dhulka Xarameynka ee Sacuudiga loo yaqaan ayaa sheegaya in tobaneeyo qof ay dhinteen kuwa kalane ay dhaawacmeen kadib markii uu shil galay gaarigii ay la socdeen. Ugu yaraan 35 qof muslimiin Muctamiriin ah ayaa ku dhintay shil naxdin leh oo ka dhacay wadada xiriirisa magaalooyinka Barakaysan ee Madiina Al Munawarah iyo Makka Al Mukarrama. Afhayeen u hadlay booliska dowladda Aala Sacuud ayaa warbaahinta u sheegay in gaari bas ah oo ay la socdeen dad cimraysanaye uu ku dhacay gaari kale waxaana ka dhashay musiibo lama filaan ah. Dadka ku dhintayn shilkan ayaa badanaa kasoo jeeda qaaradda Asia kuwaas oo doonayay in ay ucumaraystaan dhulalka barakaysan. Dadka ku dhaawacmay shilka oo gaaraya illaa 4 ruux ayaa ladhigay isbitaalka guud ee magaalada Madiina. Ilaa hadda lama helin magacyada iyo wadamada ay kasoo kala jeedaan dadkii ku dhintay shilka Gaari oo ahaa mid si weyn looga hadal hayo guud ahaan dalka Sacuudiga. Maahan markii ugu horeysay oo shilal noocaan oo kale ah ay ka dhacaan dalka Sacuudiga, waxaana ugu dambeeyey midkii ay ku dhinteen muwaadiniin badan oo u dhashay dalka Ingiriiska. Caasimada Online Xafiiska Muqdisho caasimada@live.com

Ra’iisul Wasaaraha JF ee Soomaaliya Xasan Cali Kheyre ayaa xalay ka dhoofay magaalada Muqdisho, isagoo ku sii jeeda magaalada Washington ee dalka Maraykanka oo uu uga qayb gelayo shirka sannadlaha ah ee Bangiga adduunka iyo hey’adda lacagta adduunka (IMF). Shirkan oo ay ka soo qeyb galayaan madaxda adduunka ayaa lagu wadaa in lagu falanqeeyo arrimaha deymaha, hufnaanta iyo isla xisaabtanka, cimilada iyo arrimo kale oo muhiim ah. Ra’isul wasaare Xasan Kheyre waxaa uu sidoo kale fursad u heli-doonaa inuu kulamo doceed la qaato madaxda iyo mas’uuliyiinta caalamka. Bishii May ee sanadkan waxaa ay IMF iyo Soomaaliya kala saxiixdeen fourth Staff-Monitored Program (SMP IV), waxaana lagu wadaa in arrimahaas goobta lagu qaado. Goobjoog News Source: goobjoog.com

Guddoomiyaha Baarlamanka dowladda Puntland Cabdixakim Maxamed Axmed ayaa ka warbixiyey aqoon kororsi dalka Ugandha ugusoo dhamaaday xubno ka socday Baarlamaanada dowlad goboleedyada Puntland, Hirshabeelle iyo Koonfur Galbeed. Guddoomiye Dhoobo ayaa sheegay in ay qaateen aqoon kororsi ku saabsan habka loo maamulo doodaha barlamaanka, wuxuuna sheegay inay wax badan ka faa’ideen hannaanka uu u shaqeeyo barlamaanka Uganda. HLAKANA KA DAAWO The post Guddoomiyaha barlamaanka Puntland oo ka hadlay safarka uu ku joogo Uganda appeared first on Puntland Post.

Soddon iyo shan ajaanib ah ayaa dhintay kuwo kalena waay dhaawacmeen kadib markii bas ay la socdeen uu ku dhacay gaari kale oo culus uu ku dhowaa magaalada barakeysan ee muslimiinta ee Madiina, warbaahinta dowladda Sacuudi Carabiya ayaa sheegtay maanta. Dadka shilkaan ku lugta lahaa ayaa ahaa xujaaj carbeed iyo kuwo Aasiyaan ah, sida ay sheegeen warbaahinta maxalliga ah ee dalka Sacuudiga. Dowladda Sacuudiga ayaa sheegtay inay baarayso sababta shilkaan dhalisay. Shilka an ayaa kusoo beegmaya kadib markii afar qof oo ka tirsanaa xujaajta Ingiriiska dhinteen 12 kalena dhaawacmeen Saudi markii baskooda uu ku dhacay booyad shidaal bishii Abriil 2018. Waxayna kusii jeedeen magaalada barakeysan ee Makka. PUNTLAND POST The post 35 xujaaj ajaanib ah oo ku dhintay dalka Sacuudiga appeared first on Puntland Post.

Muqdisho (Caasimadda Online) – Faahfaahin dheeraad ah ayaa kasoo baxeysa saddex qof oo xalay toogasho lagu dilay degmada Waaberi eemagaalada Muqdisho, mar ay dabley hubeysan weerar ku qaadeen. Wararka ayaa sheegaya in weerarka uu ka dhacay agagaarka Baar Ha-i-dhaafin, iyadoo halkaasi lagu dilay saddex qofoo rag ah markii koox ku hubeysan Bistoolado ay rasaas ku fureen, iyadoo weerarka kadib goobta ka baxsaday. Wararkii ugu horeeyay ee sheegayay in dadka la dilay ay ahaayeen shacab, ayna wateen Mooto Feko, balse warar kale ayaa sheegaya inay ahaayeen ciidamo ka tirsan sirdoonka. Al-shabaab ayaa sheegatay dilka saddexda qof, waxayna ku sheegtay inay ka tirsanaayeen sirdoonka dhar-cadka ah ee Dowladda Soomaaliya, iyagoo markii la dilay laga furtay bistooladihii ay wateen, sida lagu sheegay warka Alshabaab. . Hay’adaha amaanka ee dowladda Federaalka ah ee Soomaaliya kama jawaabin sheegashooyinka AL-shabaab ee dilalka xalay ka dhacay Muqdisho. Ciidamada Booliska ayaa xalay tegay goobta dilka ka dhacay, waxayna halkaasi ka qaadeen meydka ragga dilay, laakiin laguma guuleysan in lasoo qabto kuwii dilka geystay. Dhinaca Al-shabaab ayaa sheegatay inay degmada Dharkeynley ee magaalada Muqdisho ku dileen sarkaal ka tirsanaa ciidamada dowladda oo lagu magacaabi jiray Maxamed Cusmaan Calasow. Al-Shabaab ayaa Muqdisho ka geysto mar kasta dilalka noocaan oo kale ah waxayna Ciidamada Dowladda Soomaaliya iyo sirdoonkaba ku fashilmeen inay ka hor tagaan falalka dilalka ah ee Muqdisho ka socdo. Caasimada Online Xafiiska Muqdisho caasimada@live.com

Xildhibaannada golaha degaanka degmada Buurtinle ayaa xalay doortay guddoomiye iyo ku xigeen cusub. Doorashad guddoomiyaha degmada Buurtinle ayaa hab gacan-taag ah u dhacday kadib markii uu tanaasulay mid kamid ah laba musharrax oo u tartamayey waxaana xilka guddoomiyaha ku guulaystay Sayid Maxamuud Xirsi oo habkaasi gacan-taaga ah loogu codeeyay sida ay shaacisay wasaaradda Arrimaha gudaha Puntland. Sidoo kale doorashada guddoomiye ku xigeenka degmada oo u dhacday habka qarsoodiga ah ee sanduuqa waxaa ku tartamay laba musharrax oo kala ah Saalax Maxamed Cabdulle iyo Cali Geelle Maxamed waxaana ku guulaystay Saalax Maxamed Cabdulle oo helay 11-cod halka musharraxa kale uu helay 9-cod oo keliya. Wasiirka Arrimaha gudaha Puntland Maxamed Cabdiraxmaan Dhabancad oo markii doorashadu dhammaatay khudbad u jeediyay maamulka cusub ee la doortay ayaa kula dardaarmay in ay la yimaadan hindise cusub oo ku dhisan wadajir iyo midnimo ku jihaysan hormarinta degmada Buurtinle. Halkaan ka daawo hadalkiisa wasiirka PUNTLAND POST The post Guddoomiyaha degmada Buurtinle oo hab gacan-taag ah loo doortay appeared first on Puntland Post.

Muqdisho (SMN) – Kulanka waxaa goob joog ahaa guddoomiyaha golaha shacabka ee BJFS Mudane Maxamee Mursal Sheekh Cabdiraxmaan ,guddoomiyaha golaha Aqalka Sare ee baarlamaanka Dalka Mudane Cabdi xaashi cabdullaahi Guddoomiye kuxigeenada koowaad iyo labaad ee Aqalka Sare iyo sidoo kale xubnaha Guddiga dib u eegista iyo la socodka ee baarlamaanka. Xubnaha Guddiga ayaa guddoonka baarlamaanka usoo gudbiyay warbixin dhameystiran oo ku saabsan dib u eegista dastuurka dalka iyo habraacii lagu ansixin lahaa. Xildhibaan Burhaan Aadan Cumar oo ka mid ah xubnaha Guddiga oo la hadlay warbaahinta ayaa sheegay in Sidoo kale waxyaabaha Kulanka looga hadlay ay ka mid ahaayeen labada golaha gole ee baarlamaanka ay yeeshaan kulan wadajir ah. Hoos ka dhageyso codka https://www.radioshabelle.com/wp-content/uploads/2019/10/Dastuurka.mp3 View the full article

Dhuusamareeb (SMN) – Wasiirka Amniga dowlad goboleedka Galmudug ayaa dadweynaha ugu baaqay in ay amniga ka shaqeeyaan. Saadaq Sheekh Yuusuf ayaa hoosta ka xariiqay in ay maamulkiisu ka go’an tahay sugitaanka nabad-gelyadda guud ahaan. Si gaar ah magaala madaxda Dhuusamareeb ayuu ku nuux-nuux saday in ay ahmiyad gaar ah siinayaan bilooyinka soo aadan. Hadlakan ayuu sheegay kadib markii shir looga hadlayey amniga caasimadda uu ka qabsoomay magaaladda Dhuusamareeb. Hoos ka dhageyso codka https://www.radioshabelle.com/wp-content/uploads/2019/10/Galmudug.mp3 View the full article

Muqdisho (SMN) – Warar kala duwan ayaa waxay ka soo baxayaan dilal xalay siyaabo kala duwan uga kala dhacay degmooyinka Waaberi iyo Dharkeenleey ee gobolka Banaadir. Rag hubeysan ayaa xalay waxa ay goobtiisa shaqo ku dileen Allah unaxaristee Maxamed Muuse Calasoow oo ahaa shaqsi si weyn looga yaqiinay degmada Dharkeenleey. Dadka dilka ka dambeeyay ayaa waxa ay ka baxsadeen halka uu falkaasi ka dhacay. Dilka kadib ayaa Radio Shabelle lahadlay xaaska marxuumka, waxaana ay ka warbixisay sida uu dilkaasi udhacay. Alshabab ayaa bartooda internet-ka ku baahiyay in rag hubeysan degmada Dharkeynleey ee magaalada Muqdisho ku dileen sarkaal katirsanaa ciidamada dowladda, kaasi oo lagu magacaabi jiray Maxamed Cusmaan Calasow. Sidoo kale, Al-Shabaab ayaa sheegtay in degmada Waaberi xalay fiidkii ay ku dileen ilaa sadax Saddex ruux, kuwaas oo wateen Mootada labada lug leh ee loo yaqaano Fekon. Al-Shabaab ayaa saraakiisha ciidamada sirdoonka dowladda Federaalka gaar ahaan kuwa dhar-cadka loo yaqaan. View the full article

Muqdisho (SMN) – Dhageysteyaasheena ku xiran website-ka waxaan halkaan idin kugu soo gudbineynaa warka Subax ee idaacadda Shabelle. Hoos ka dhageyso codka https://www.radioshabelle.com/wp-content/uploads/2019/10/arka-Subax-17102019-sx.mp3 View the full article

Ra’iisul Wasaaraha xukuumadda federaalka Soomaaliya Xasan Cali Khayre, ayaa xalay safar shaqo ugu baxay magaalada Washington ee dalka Maraykanka oo uu uga qayb gelayo shirka sannadlaha ah ee Bangiga adduunka iyo hey’adda lacagta adduunka (IMF) Shirka Sannadlaha ah oo looga hadlo horumarrada maaliyadeed, caqabadaha iyo wixii ka hir galay qorshayaashii maaliyadeed ee lagu soo bandhigay shirka guga ayaa waxyaabaha sannadkaan looga hadlayo waxaa kamid ah barnaamijka geedi socodka deyn Cafiska Soomaaliya. Mudane Xasan cali Khayre ayaa sidoo kale inta uu joogo Washington waxa uu kulamo la yeelanayaa madaxda Bangiga adduunka iyo hey’adda lacagta adduunka oo uu kala hadlayo in Soomaaliya lagu garab siiyo qorshaha deynta looga cafinayo dalka oo meel wanaagsan soo gaaray. PUNTLAND POST The post Ra’iisul wasaare Khayre oo shir kaga qeyb-galaya Washington appeared first on Puntland Post.

Muqdisho (SMN) – Ra’iisul Wasaaraha xukuumadda federaalka Soomaaliya (XFS), mudane Xasan Cali Khayre ayaa xalay safar shaqo ugu baxay magaalada Washington ee dalka Maraykanka oo uu uga qayb gelayo shirka sannadlaha ah ee Bangiga adduunka iyo hey’adda lacagta adduunka (IMF) Shirka Sannadlaha ah oo looga hadlo horumarrada maaliyadeed, caqabadaha iyo wixii ka hir galay qorshayaashii maaliyadeed ee lagu soo bandhigay shirka guga ayaa waxyaabaha sannadkaan looga hadlayo waxaa kamid ah barnaamijka geedi socodka deyn Cafiska Soomaaliya. Mudane Xasan cali Khayre ayaa sidoo kale inta uu joogo Washington waxa uu kulamo la yeelanayaa madaxda Bangiga adduunka iyo hey’adda lacagta adduunka oo uu kala hadlayo in Soomaaliya lagu garab siiyo qorshaha deynta looga cafinayo dalka oo meel wanaagsan soo gaaray. Dowladda Soomaaliya oo ay ka go’antahay ka guul gaaridda qorshaha deynta looga cafinayo dalka ayaa horay ugu guuleysatay shuruudihii ku xirnaa sedaxdii waji ee ugu horreeyay, waxaana hadda si wanaagsan ku socda wajiga afaradaad (SMP4). View the full article

Muqdisho (Caasimadda Online) – Ra’iisul Wasaaraha xukuumadda federaalka Soomaaliya Xasan Cali Khayre ayaa xalay u u safray magaalada Washington ee dalka Maraykanka. Wafdiga R/Wasaaraha Soomaaliya ayaa Waxaa ay ka qeyb gali doonaan shirka sannadlaha ah ee Bangiga adduunka iyo hey’adda lacagta adduunka (IMF), waxa uuna shirkan ka dhacayaa dalka mareykanka R/Wasaaraha Soomaaliya ayaa la filayaa inuu shirka ka jeediyo khudbad uu kaga hadlayo horumarka ay xukumadiisa ka gartay dhinaca deyn cafinta. Sidoo kale R/Wasaaraha Soomaaliya ayaa inta uu ku sugan yahay Washington waxa uu kulamo la yeelanayaa madaxda Bangiga adduunka iyo hey’adda lacagta adduunka oo uu kala hadlayo in Soomaaliya lagu garab siiyo qorshaha deynta looga cafinayo dalka oo meel wanaagsan soo gaaray. Dowladda Soomaaliya oo ay ka go’antahay ka guul gaaridda qorshaha deynta looga cafinayo dalka ayaa horay ugu guuleysatay shuruudihii ku xirnaa sedaxdii waji ee ugu horreeyay, waxaana hadda si wanaagsan ku socda wajiga afaradaad (SMP4). Caasimada Online Xafiiska Muqdisho caasimada@live.com

Canadian analysts say such an endorsement is rare, but probably won't move the polls. Source: Hiiraan Online

NAIVASHA, Kenya (Reuters) - Kenya’s opened a $1.5 billion Chinese-built railway line linking Nairobi to Naivasha on Wednesday, despite delays in building an industrial park in the Rift Valley town to encourage freight. Source: Hiiraan Online

RIYADH: The Saudi Ministry of Rural and Municipal Affairs has imposed new regulations on restaurants and cafes serving hookah. Source: Hiiraan Online

Former Kakamega Senator Boni Khalwale has asked President Uhuru Kenyatta and his Deputy William Ruto to consider withdrawing Kenya Defense Forces (KDF) from Somalia. Source: Hiiraan Online

QAWDHAN IYO DUBBAD OO FOODDA IS DARAY ! QAWDHAN: War maxaa lagu beryey saaka Dubbadoow DUBBAD: Qawdhanoow belo ma ogine, xaggiina sidee lagu ahaa QAWDHAN: Dubbadoow belo Jabuuti ka weyn iyo Cumar Geelle saaka ma ogi DUBBAD: War arrinkii maalintii dhoweyd ina Cali Waraabe iyo safiirka ma wax ka danbeeyaa ina dhex maray? QAWDHAN: War ninyohoow dee magaalada waad iska joogtaa warba ma haysid. DUBBAD: War haddaa ma inankii Ina Geelle Arab arrinkiisii baa wax ka soo cusboonaadeen? QAWDHAN: War ninyohoow shakhsiyaad baad ka hadlaysaa anna xaajo qaran baan kaala hadlyaa, sidee wax kaa yihiin DUBBAD: Toloow haddaa ma dekeddii Berberay soo faragelisay Jabuuti, waxan saaka dhiigga kugu kiciyey wax yar maahee, QAWDHAN: War inaadeer Berberdaa iyo waxaasi waa licib saqiire, ninkan ina Cumar Geelle yaa looga dacwoodaa DUBBAD: War heedhe sidee wax u jiraan, bal noo warran. Ma dhankii Xamar ee uu weligiiba u janjeedhay buu hub inagu siiyey QAWDHAN: War Xamartaasaaba sahlanaan lahyde, ninkii miyaanad maqal inuu nimankaynu saaxiibka ahayn ee isku hallaynayney ee walaalaheen uu maanta inoo daba maray DUBBAD: Faan badanaa ma isagaa Imaaraadka cag dhigi kara miyaanad ogayn inay ka dhex taagan tahay oo aanay isuba geli karin. QAWDHAN: War inaadeer Imaaraadkaa ka hadli maayee, dee adna degdeg baa lagugu imtixaanay. DUBBAD: Ma Itoobiyuu haddaa tegey weligiba wuu inagu qanjiidhin jirey taase. Ninku waa nin danihiisa eegta’e dekeddaas Berbera ayaa welwel ku haysee. QAWDHAN: War maahee nin yohoow na dhegeyso.. DUBBAD: Waar bal u kaadi, war ninkii ma Ingiriiskuu aaday, faan badnaa, sawtii la lahaa Ingiriiska nin ragaa u soo baxay oo Yurub iska furfuraya, kaasaabay rajadeennu ku xidhnayd markuu Yurub iska soo furfuree! QAWDHAN: Waar heedhe inaadeer anigu meelahan aad ku meeraalaysanayso sheegi maayee, waddankii aynu saaxiibtinnimada dheer lahayn ee walaalaheen ee Afrika inoo dhexgeli lahaa baan sheegayaa DUBBAD: Dee maad saa na tidhahdid, waar ninkaasi hadduu Kenya inoo daba maray waa “xiniinyo taabasho” wallaahay waa iska celinaynaa inaynaan dib oo u danbaysa ugu hamranayn. Oo inankii Fariidka ahaa ee Baashe Moorgan miyaa laga dul tallabsaday. Hadda ogoow Kenya marxuumkii cigaal iyo “marxuumkii Joomo Kiinyaati” iyana saaxiib bay ahaayeenoo abaal weyn baynu ku lahaynoo waa tii NFD Cigaal u saxeexay inay Ardu-Sawaaxil raacdo. QAWDHAN: War heedhe Kenya weligeenba waa is ag taagnayne irbadna dun inooma geline, waxaan kaala hadlayaa nimankaynu walaalaha ahayn ee berigii dhoweyd madaxweynaheena casuumadda weyn u fidiyey ee sida caalamiga ah u soo dhoweeyey ee ehelu-koobtarka ku qaaday. DUBBAD: Inaa Lillaah, war heedhe saw adigan sidii dhallaanka u fekeraya, war nin yohoow maanad nin weyn ahayn. Ma NIICDII yarayd ee gaajada ahayd ee Galbeedka Afrika ku taalley ee , waar muxuu ahaa magaceedii awol, war ma Gaanaa la odhan jirey? QAWDHAN: Waar Gaana ma ahayne Gini Koronkoro ayaa la yidhaa. War horta goormaad adduunka kala baranaysaa, ma saasaad ictiraafka dhankaaga kaga raadinaysey. DUBBAD: War ma niicdaasaad saaka nala soo aadday. War taasi iyadaa gaajo u bakhtiyaysa. Wallaahay ina Cumar Geellaanba u baqayaa inay shaxaad nafta kaga gooyaan. Waryaadhaheen war inanka ina Cumar Geelle xidid baynu nahaye cabashadan faraha badan iyo eedayntan aynu kala xishoonno. War bal nabad gelyo telefoonkaa dhacayaan ka jawabayaaye. Niicdaas oo kalaa wax inala qabanaysa maalin danbe hanala soo raadsan iyo yamyam iyo qadaadweyn toonna. War innagay doonaysaa inay “XAQUL-QALIM” inaga qaadato oo tidhaahdo citiraaf baan idin la raadinayaa! Mohamoud Ibrahim (Xaaji) dalmarbilaal@gmail.com Qaran News

Muqdisho (Caasimada Online) – Madaxweynihii hore ee Soomaaliya Sheekh Shariif Sheekh Axmed oo ka hadlay doorashada Soomaaliya ka dhacaysa 2021, ayaa ku gacan seeray shakiyada la gelinayo qabsoomiddeeda. Sheekh Shariif ayaa sheegay in dalka ay doorashooyin hore uga qabsoomeen iyadoo xaaladu ay ka adkayd sida ay hadda tahay, wuxuuna dalbaday doorashada waqtigeeda lagu qabto. Wuxuu soo jeediyay in wadatashi saddex geesood ah lagaga arrinsado habka lagu galayo doorashada soo socota ee 2021ka. ” Waxaanu doonaynaa in lagawada tashado oo inta ay wada fariistaan dowladda federaalka, maamul goboleedyada iyo Xisbiyada nidaamka doorashadu noqon karto oo macquulka ah in la Isla meeldhigo oo doorashada lagu galo” Sidaas waxaa yiri Sheekh shariif. ”Ma doonayno in dowladu keento cudur daar oo ah doorashadii waa la qaban waayay, MAYA, duruuftaas mid ka adag ayaa doorasho lagu soo qabtay, waa in wax cad oo doorasho lagu gali karo oo aysan noqon doorasho cid faraqa ugu jirta” ayuu sii raaciay Xukuumadda federaalka Soomaaliya ee uu hoggaamiyo Xasan Cali Khayre ayaa soo diyaarisay xeerka doorashadda Federaalka, taasi oo ay ka hor yimaadeen qaar ka mid ah maamul goboleedyada Dalka, Welina ma cada habka lagu gali doono doorashada barlamaanka iyo Madaxweynaha ee 2021ka. Caasimada Online Xafiiska Muqdisho caasimada@live.com

Muqdisho (Caasimada Online) – Ururka Al-Shabaab ayaa baahiyay bayaan uu hoggaamiyaha Ururka Al Qaacidda Ayman Al-Zawahiri ku bogaadinayo weerarkii ay Al Shabaab ku qaadeen saldhigga Ballidoogle oo fariirinka ugu weyn ay ku leeyihiin ciidamada Mareykanka ee ku sugan Soomaaliya. Bayaanka ka soo baxay hoggaamiyaha Al-Qaacidda oo aad u dheeraa ayaa intiisa badan looga hadlay dagaalka ay labada Urur kula jiraan dowladda Mareykanka. Ugu horeyn qoraalka oo dhowr bog ka kooban ayaa lagu yiri, “Inkastoo soo duulayaasha reer galbeedka ay dadaal xoogan ku bixiyeen qarinta kaalintooda gurracan ee Soomaaliya, hadana Xarakada Al-Shabaab ayaa dadaal midkaas ka badan gelisay soo bandhigida dowrkooda daahsoon, weerarkii ugu dambeeyay oo ay ka geysteen Ballidoogle waxa uu kalifay in tobanaan ka mid ah ciidamada Mareykanka loo celiyo eheladooda si iyagoo naxashyadooda ku jira. “Waxa uu la mid ahaa xasuuqii October ee sanadkii 1993-kii, kolkaas oo meydadkooda lagu jiid-jiiday wadooyinka Muqdishada dulmi-diidka ah, waxaana tirada meydadka askarta Mareykanka ee xilligaas lagu jiid-jiiday wadooyinka Muqdisho ahaayeen isla tirada halyeeyadii Muslimiinta ee fuliyey duullaankii 11-kii sept” ayaa lagu yiri qoraalka Al-Qaacidda ka soo baxay. “Waa duullaan kusoo beegmay iyadoo la xusayo duullaan kale, iyo dharbaaxooyin kadaba yimid mid hore. inkastoo hadda dhacdooyinkaas laga joogo muddo sanado ah, hadana Al-Shabaab kalama soocin dhiigga madow iyo midka cad, waxayna halkooda ka sii wadeen siina wadi doonaan masiirada Muqdishada dulmi-diidka ah looga daabulayo Naxashyada loo dhoofinayo Americada badowga ah ee aan ilaa hadda fahmin micnaha fariimahan kaga imaanaya jihaadiyiinta Soomaaliya”. “waxaan u mahadcelineynaa oo dhiiragelin hawada u soo marineynaa walaalaheena Al-Shabaab, Waxaan soo duulayaasha cod dheer ku leenahay: waa tan fariinteena oo ka cad biyo qulqulaya, waxaadna ogaataan in aadan gabaad ka heli doonin dhulalka Muslimiinta, mana ogolaan doono inaad ciqaab la’aan isaga dhex gudubtaan Soomaaliya”. “Qudus, Filistiin, Afghanistan, Sham, Ciraaq iyo dhulalka kale ee Islaamka, maanta waan tan isla iyadii oo aan idinku soo celinay iyadoo sideedii ah, ha eedeynina halyeeyada Soomaaliya ee difaacaya ehelkooda iyo Umadooda ee waxaad eedeysaan naftiina”. “Maraykanku wuxuu maanta ku noolyahay kala qeybsanaan uu dareemi karo qof kasta oo isha ku haya arimahooda gaarka ah, Trump iyo ciidankiisa, haddii dhibaatooyinkii aad kala soo kulanteen Vitnam, ay idin ku illowsiiyeen weeraradii Newyork, Washignton, iyo dagaalladii Ciraaq iyo Afqaanistaan, waxaad illoobi doontaan dhibtii aad kala kulanteen 11-kii septembar iyo dagaalladii xigay” ayaa lagu yiri qoraalka Al-Qaacidda oo soo socda. “Aan wadno dagaalka wacyiga, inagoo Umadda siineyna talooyin , dhawaaq dheer oo kicinaya shucuurta umadda ee ku aadan Muqadasaatkeedana kula hadleyna. Aan kicino raganimada iyo xamaasadda ku jirta umadda” ayuu hoggaamiyaha Al-Qaacidda kula dardaarmay Al-Shabaab. Isagoo sii bogaadinaya ayuu yiri, “Ogaada inaad u bixineysaan dhiigiina iyo madaxyadiina si ay u noqdaan bulkeetiyada ugu horeeyo ee lagu duminayo nidaamka caalamiga ee cusub oo is heysta, ee ka istaaga la dagaalanka Mareykanka iyo kuwa la jira, mowqifka ay istaagaan halyeeyada, dhismo iyo dhul camirid ma jirto illaa uu dagaalku joogsado”. Ugu dambeyntii hoggaamiyaha Ururka Al-Qaacidda oo xiriir la hel Al-Shabaab ayaa talooyinkii iyo bogaadintii uu u soo diray Maleeshiyada waxa uu ku soo gaba-gabeeyay, “Ku diiwaan geliya duulaannadiina maalmo dhalaalaya oo ay waariso Taariikhda Muslimiinta, haddii ay idin ka tira iyo xoolo badanyihiina, noqda kuwa ka sabar iyo sugnaan badan, ahaadana kuwa joogteeya Jihaadkooda, illaa Umadiina ay ka aragto iftiinka ka xuroobida reer Galbeedka”. Halkaan ka akhriso Bayaanka Al-Qaacidda oo Carabi ah: Caasimada Online Xaafiiska Muqdisho Caasimada@live.com

Hogaamiyaha Kuuriyada Waqooyi Kim Jong-un ayaa la arkay isaga oo saaran Faras isla markaasna fuulayo buurta ugu dheer dalkaas, sida ay ku warrantay warbaahinta dowladda. Sawirro dhowr ah oo ay baahisay wakaaladda wararka ee Kuuriyada Waqooyi ayaa muujinaya isaga oo saaran Faras cad xilli uu korayay buurta uu barafka qariyay ee Paektu. Ma aha markii ugu horreysay oo la arko Kim Jong-un oo fuulayo buurtaas dheereerkeedu uu gaarayo 2,750 Miitar balse dadka falanqeeyo siyaasadda gobolka waxay sheegayaan in tallaabadan ay astaan u tahay waxyaabaha la filayo inuu shaaca ka qaado. Buurtan ayaa si weyn looga qaddariyaa Kuuriyada Waqooyi, waxaana la sheegaa inay tahay goobtii uu ka dhashay aabihii dhalay Kim Jong-un. “In la arko isaga oo saaran faras oo kora buurta Paektu waa munaasabad weyn oo muujineyso taarikhda kacdoonka Kuuriya”, waxaa hadalkaas baahisay wakaaladda wararka ee Kuuriyada Waqooyi ee KCNA. Buurtan Paektu waxaa ka dhasha Folkaano, waxaana la sheegay inuu ku dhashay Dangun oo ah ninkii ugu horreeyay ee aasaaso boqortooyada Kuuriya in ka badan 4,000 sanno ka hor. Buurta ayaa boqolaal Kiiloomitar u jirtaa caasimadda Pyongyang, waxayna ku taal xadka Kuuriyada Waqooyi iyo Shiinaha. Qaran News

July 29, 2018, ayaa Ra’iisul-wasaare ku xigeenka dalka Mahdi Guuleed ‘Khadar’ oo Khudbeynayay uu sheegay in ay soo wadaan Xisbi weyn oo uu hoggaaminayo Madaxweyne Farmaajo. Waxaa uu tilaamay in Xisbigaas uu noqon doono Xisbiga Xisbiyada waxaana guddoomiye ka ahaan doona, ayuu yiri, Madaxweynaha Jamhuuriyadda Fedaraalka Soomaaliya Maxamed Cabdullahi Farmaajo. Mahdi oo la hadlayey Axsaabta, ayaa waxa uu yiri “Xisbiyada qaar waxa ay ka dhawaajiyeen in xukuumadda looga fadhiyo iney dhisato xisbi, xisbi weyn, Illaaheybaa weyne ayaan soo wadnaa, oo xisbigii xisbiyada ah, oo madaxweynaheennu hormuud u yahay, siyasaddii guushii Febraayo uu ku hoggaaminaayo, marka hala iska jiro, yaan la is dhiganin xisbiyada is-diiwaan geliyay , yaan la idin gaadin goor barqo ah adinka oo waaberiistey!.” Sanad iyo labo bilood ka hor ayey baalaxooftadaasi(booto) ahayd, illaa iyo hadda maxaa xisbigii loo sameyn waayey? Siyaasiyiinta mucaaradka maxaa loo laab kiciyey oo axsaab siyaasadeed iney sameeyaan lacago farabadanna ay ku bixiyaan loogu kallifay, haddii aaney Nabad iyo Nolol daacad ka ahayn in doorasho qof iyo cod ah dalkan ka dhacdo 2020? Halkey sartu ka qurun san tahay? Mise waxaa jira xeelado qarsoon iyo muddo korors aan tabaheeda lagu baraarugsaneyn? Markii aan fakaray oo xaajada dhan walba aan ka rogrogay waxaa ii soo baxday 5-sababood oo Nabad iyo Nolol u diiddan iney ku dhawaaqaan xisbi matala ayna la yimaaddaan saaxadda siyaasadda dalka: Madaxweyne Farmaajo iyo Ra’iisul-wasaarihiisa Xasan Kheyrre oo Aan Isku Waafaqsaneyn nooca Xisbi iyo Cidda Madax Ka noqoneysa Cidna kama qarsana hamiga iyo hanka ku jira Ra’iisul-wasaare Kheyrre inuu dalka Madaxtinimadiisa u tartamo 2020, socdaalkii uu ku gaaray Galmudug, habeen uu dhalinarayada Gaalkacyo kula hadlayey xaflad lagu soo dhaweynayey Juley 10, 2019, ayaa afku soo xaday waxa uurkiisa ku jira, dhacdo aan dad badani ku baaraarugsaneyn laakiin anigu aan si gaar ah hoosta uga xariiqday, wiil dhalinyaro ah oo farshaxamiiste ah ayaa waxa uu guddoonsiiyey, sawirka Kheyrre oo gacan ku sameysa oo loo sameeyay si farshaxan leh oo aad u heersarreysa, Ra’iisul-wasaaruhu farxad ayuu kala badbatay, makarafoonka ayuu qabsaday hadal kooban ayaa isagoo sawirkiisa kor u haya uu yiri: “Hadiyadda waad ku mahadsanihiid reer Gaalkacyo, madaxweynaha Mustaqbalka iska fiiriya.”, marlabaad ayuu hadalkii kusoo noqday isagoo farta ku tilmaamaya oo hadalkii ka dhigaya in wiilkan dhalinyarada ah ee farshaxamiista ah uu noqon karo madaxweynaha mustaqalka. Dhanka madaxweyne Farmaajo shaki kuma jiro inuu doonayo inuu xilli kale isku soo sharraxo xilka madaxweyne, waxaa tusaale kuugu filan; inuu August 1, 2019, iska kansalay dhalashadiisii Mareykan, taas oo ka dhigan inaanuu dalka dhinacna uga socon. Muddo Kororsi Ka Dhex Guuxaya Xilligan waxey ahayd in waxyaabo badan la dardargeliyo, dastuurka la dhammeystiro, afti dadweyne loo diyaariyo, axsaabta si rasmi ah loo kala xulo, sharciga doorashooyinka oo baarlamaanka laga meel mariyo, amniga la dardargeliyo oo goobo badan oo dalka ka tirsan loo diyaaro iney doorasho ka qabsoomi karto, arrimahaas oo dhan gaabis ayaa ku jira, oo si caga jiid ah ay waxwalbaa u socdaa, haddii sidaa lagu sii socdo, xaalku waxa uu imaanayaa labo arrimood in sidii Nabad iyo Nolol ay ku yimaaddeen wax loo doorto iyo in muddo kororsi ugu yaraan labo sanno ah baarlaamaanka la marsiiyo, arrintan dambe ayaana u fudud sida muuqata, oo awoodda ay isku halleynayaan waa xildhibaannada ay sida gaarka ah gacanta ugu hayeen ee samaan iyo xumaan aan marnba caasin ee golaha wasiirrada u badan, waxaana hubaal ah haddii aan la helin awood siyaasadeed iyo mid maamul goboleedyadu ka midaysan yihiin oo ka dhiidhiya isku day kasta oo muddo kororsi ah. Muquuninta Maamul Goboleedyada oo Ulajeeddo Leh Nabad iyo Nolol waxey dhibaato u arkaan jirintaan maamul goboleedyo xooggan oo amarkooda diidi kara, maadama doorasho kasta oo dalka ka dhacada ay dowlad gaboleedyadu asal u yihiin, haddii muddo korosi la sameyn lahaa ay lagama maarmaan ah in marka hore ogolaanshiyo laga helo dowlad goboleedyada lagana dhaadhiciyo xaalka oo aaney diidmo kala horimaan, sidaa darteed; waxaa lagama maarmaan noqotay iney dagaal toos ah oo aan gambasho lahayn ku qaadaan is bahaysiga awoodda badan ee dowlad goboleedyada oo qaar ka mid ah ay hadda gacanta ku dhigeen, kuwana ay ku fashilmeen, kuwo kalana ay hadda u hanqal taagayaan oo waxwalba ay u hurayaan maadama mustaqbalkooda siyaasadeed ay ku xireen kolba sida ay gacanta ugu dhigaan maamul goboleedyadaasi. Siyaasiyiinta Hibada leh ee waxgalka ah oo Axsaab Mug iyo Miisaan Leh Furtay Mararka qaar in runta la sheegaa wey fiican tahay, axsaabta hadda dalka ka jirta, waa kuwo awoodooda aan la iska indho tiri Karin, haddii maanta doorasho loo dhaqaaqo waxaa hubaal ah in xukuumadda Nabad iyo Nolol dharaar cad banaanka lagu diyaro, maxaa yeelay; siyaasiyiinta dhalinyarada ah ee mucaaradka ah waxey u badan yihiin qaran joog, haddii doorasho loo dareero waxey heli karaan dadka ugu badan ee codeynaya oo si toos ah iyo si dadbanba u garab taagan, gaar ahaa marka aad hadda ognahay sumcaddii iyo xiisihii madaxweyne Farmaajo iyo xumaddeediisa loo hayay ay si weyn u luntay, hadda waxey dadku doonayaa oo qura qof ay yaqaannaan oo qaranka la joogay baahidoodana si wanaagsan u fahmi kara. Fashilka Xukuumadda Khayrre ee Ammaanka Dalka Kadib qaraxyadii is xigxigay ee ay dadku ku dhammaadeen iyo qarixii weynaa ee Soobbe ee October, 2017 iyo deegaanno badan oo weli ka maqan caganta dowladda ayaa keentay in shay looga garaaabo oo dadku ay wanaag uga sheegi karaan xukuumadda Nabad iyo Nolol aaney jirin, marka laga yimaaddo mushaar bixin oo wax sidaa u sii buuran ah aan ahayn. Haddii aan eegno guulaha xukuumadihii ka horreyay Nabad iyo Nolol waa kuwo waaweyn oo ishu ay qaban karo, tusaale ahaan; xukuumadihii sheikh Shariif dalka waxey ka hirgeliyeen doorasho si nabad ah uga dhacda gudaha dalka, halka xilligii Madaxweyne Xasan Sheekh la gaaray guulihii ugu waaweyna oo la dhisay maamul goboleedyada hadda uu dalku ku dhisan yahay intooda badan waqtigiisii la hirgeliyay. Si kastaba, dalkan waxa uu u baahan yahay in la isku run sheego, madaxweyne Farmaajo iyo xukuumaddiisa waxaa looga fadhiyaa xisbigii mudada sanadka ah iyo labada bilood la sugayay, si loo hubiyo in xukuumadda ay daacad ka tahay in doorasho xor iyo xalaal ah ay dalkan ka dhacaan marka la gaaro 2020. W/Q: Khadar Xuseen Maxamed khadarhalgan@gmail.com AFEEF: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada caasimada@live.com Mahadsanid

Ankara (Caasimada Online) – Mdaxweynaha Turkiga Recep Tayyip Erdogan ayaa sheegay inuu la kulmi doono madaxweyne ku xigeenka Mareykanka Mike Pence iyo xog hayaha arrimaha dibadda Mike Pompeo, wax yar ka dib markii uu warbaahinta u sheegay inuusan la kulmi doonin saraakiishaas. Hadalkii uu sida aan ku talagalka ahayn uu u yiri madaxweyne Erdogan ee ahaa in uusan shakhsi ahaan ula kulmi doonin Mike Pence iyo Mike Pompeo marka ay tagaan magaalada Ankara ayaa ahaa hadal u muuqday “bahdil”. Mr Erdogan oo markaas la hadlayay suxufi wareysanayay ayaa sheegay in saraakiisha ka socota Mareykanka ay la kulmi doonaan oo kaliya saraakiisha reer Turki ee ay isku darajada yihiin, halka isaguna uu la kulmi karo madaxweyne Trump oo qura. Madaxweyne ku xigeenka Mareykanka oo si dabacsan uga falceliyay hadalkaas ayaa sheegay in si kastoo ay ahaataba uu tagi doono magaalada Ankara ee caasimadda u ah Turkiga. Hase ahaatee, xoogaa yar ka dib, agaasimaha waaxda isgaarsiinta ee Turkiga ayaa shaaciyay muuqaal muujinaya Mr Erdogan oo warfidiyeenka u sheegaya inuu la kulmi doono labada sarkaal ee ugu sarreysa wafdiga Mareykanka. Sidaas awgeed, waxaa iska cad in xurguf diblomaasiyadeed ay ka dhex aloosantay labada dal, balse dalabka Mareykanka xabad joojinta Suuriya ee ay saraakiisha Mareykanku la tagayaan Ankara ayaa wali kasii careysiin doona Mr Erdogan, maadaama uu horayba ugu gacan seyray arrintaas. Isha: BBC

Muqdisho (SMN) – Akhristayaasheena ku xiran website-ka waxaan halkaan idin kugu soo gudbineynaa Barnaamijka Qubanaha Wararka Shabelle. Hoos riix si aad u dhageysato https://www.radioshabelle.com/wp-content/uploads/2019/10/Bar__Qubanaha-16102019.mp3 View the full article