Qaran News

Muqdisho (Caasimada Online) – Wakiilka Xoghayaha guud ee Qaramada Midoobey u qaabilsan arrimaha Soomaaliya James Swan ayaa fariin la xariirta shaqooyinka culus ee hor yaalla iyo talooyin u diray baarlamaanka federaalka Soomaaliya oo kalfadhigiisii u dambeeyay uu Sabtidii Muqdisho ka furmay. James Swan ayaa baarlamaanka Soomaaliya ku baraarujiyey in shaqooyin culus ay hor yaallaan ay ka bilaabaan kuwa deg degga ah ee mudnaanta leh, iyaga oo ku tashanaya taageerada xafiiskiisa Qaramada Midoobey. “Indhaha dadka Soomaaliyeed, iyo weliba indhaha saaxiibada Soomaaliya ee caalamka, waxay soo eegayaan Baarlamaanka idinkoo gudagalaya shaqadiina aad hore ugu sii waddaan arrimaha degdegga ah ee mudnaanta leh. Waxaad ogaataan oo aan idiin xaqiijinayaa in Qaramada Midoobay ay ka go’antahay inay taageerto shaqadiina idinkoo billaabaya kalfadhigan muhimka ah” ayuu yiri. War-saxaafadeedkan kasoo baxay xaafiiska Qaramada Midoobey ee Soomaaliya ayaa looga dalbaday xildhibaanada baarlamaanka Soomaaliya ee kalfadhigoodii u dambeeyay uu u furmay inay sii wadaan shaqadooda, iyadoo ay taagantahay khatarta cudurka COVID-19. “Anigoo ku hadlaya magaca bahda Qaramada Midoobay, waxaan jecelahay inaan muujiyo inaan garab taaganahay dadka iyo Dowladda Soomaaliyeed idinkoo wajahaya caqabaddan caalamiga ah” ayuu yiri James Swan. Sidoo kale Ergeygan gaarka ah ee Xoghayaha guud ee Qaramada Midoobey waxa uu sheegay in arrimaha ay Soomaaliya sida dhaw uga caawinayaan ay ka mid yihiin, geedi socodka doorashooyinka Qaranka, wax ka bedelka Sharciga xisbiyada siyaasadda iyo warbixinta guddiga doorashooyinka Qaranka. “Mudaneyaal, Xildhibaanada Sharafta leh, Soomaaliya waxay maraysaa marxalad xasaasi ah, oo shaqada Baarlamaanka Federaalku waxay qeexi doontaa waddada ay Soomaaliya u marayso dimuqraadiyad iyo xasillooni ee sannado badan oo soo socda.” “Waxaan idinku baaqaynaa inaad shaqadiina u qabsataan si isku duubni ah oo loo wada dhanyahay, idinkoo ka shidaal qaadanaya codadka dhammaan xoogagga siyaasadda iyo bulshada, haddana idinkoo muujinaya aragtiyada haweenka, kooxaha laga tirada badanyahay iyo kuwa taariikh ahaan matalaad la’aa. Midnimada dadka Soomaaliyeed waa lama huraan iyadoo uu dalku ka gudbayo marxaladdan adag ee xasaasiga ah” ayuu yiri. Ugu dambeyntii war-saxaafadeedkan ayaa xildhibaanada baarlamaanka Soomaaliya looga dalbaday inay isu keenaan dhammaan saamileyda siyaasadda Soomaaliya ee ay taladu ka go’do. “Waxaan jecelahay inaan idiinku mahadceliyo shaqadiina idiinkuna dhiirrigeliyo inaad isu keentaan dhammaan saamileyda ay taladu ka go’do, si aad u xoojisaan dibuheshiisiin, u dhistaan isafgarad wadarogol ah, oo laga yeesho arrimaha qaranka ee mudnaanta leh oo aad ka qaybqaadataan wax ka qabashada caqabadaha uu dalku wajahayo. Markaad gudagaleysaan doodihiina, fadlan ku xisaabtama taageerada Qaramada Midoobay.” ayaa lagu yiri.

Taliska Ciidamada Militariga dowladda Federaalka Soomaaliya ayaa howlgal qorsheysan ka fuliyay tuulooyin ku dhow degaanka Janaale ee Gobolka Shabellada Hoose,waxaana la sheegay in howlgalkaas ay kusoo qabteen Qaraxyo lagu diyaarinayay duleedka janaale. Taliyaha Ciidanka Dhulka Janeral C/Xamiid Dirir oo la hadlay Warbaahinta ayaa sheegay in Howlgal ay Ciidamada Xoogga Dalka ka fuliyeen Janaale ay lagu soo qabtay Qaraxyo ay Al-Shabaab doonayeen inay ku Aasaan wadada u dhaxeysa Janaale iyo tuulada urunji ee gobolka Shabeellaha Hoose. Sidoo kale Taliyaha waxaa uu sheegay in howlgalkaas ay sidoo kale ku dileen 13 dagaalame oo ka tirsan Al-Shabaab isla markaana ay sidoo kale bururiyeen Xarumo ay ku diyaarin jireen qaraxyada waa sida uu hadalka u dhigay. Degaano badan oo ka tirsan Gobolka Shabeellaha Hoose ayaa waxaa mararka qaar qaraxyo iyo weeraro toos ah waxaa ay Al-Shabaab la beegsadaan Ciidamada Dowladda iyo kuwa AMISOM xilliyada qaar oo ay howlgallada ku jiraan. PUNTLAND POST The post Militariga Soomaaliya oo fasiliyay Qaraxyo ay maleegayeen Al-shabaab appeared first on Puntland Post.

TACSI MADAXWEYNE: 07/06/2020 INNAA LILLAAHI WA INNAA ILAYHI RAAJICUUN Madaxweynaha Jamhuuriyadda Somaliland, Mudane Muuse Biixi Cabdi, isagoo ku hadlaya magaciisa, ka dawladda iyo ka shacbiga Somaliland, waxa uu dhambaal tacsi ah u dirayaa, waxgaradka, waayeelka, aqoonyahanka, qoyska, ehelada, qaraabada, asxaabta, iyo shacbiga Somaliland, gaar ahaan Gobolka Togdheer ee uu ka baxay Alle ha u naxariistee Gudoomiyihii Gobolka Togdheer Marxuum Xamse Maxamed Cabdi oo ku geeriyooday caawa oo ay taariikhdu tahay 06/07/2020, dalka dibediisa oo isla maanta loo qaaday dalka Turkiga. Madaxweynuhu waxa uu marxuumka ku sifeeyey masuul hawlkar ah oo xilal ka soo qabtay xukuumadihii kala danbeeyey, tilmaan iyo hiigsina u ahaa da’a yarta dalka, kuna suntanaa daacadnimo iyo dedaal. Waxaanu madaxweynuhu marxuumka ALLE uga baryayaa inuu naxariistii janno ka waraabiyo, waxgaradka, waayeelka, aqoonyahanka, qoyska, ehelada, qaraabada, asxaabta iyo shacbiga Somaliland ee uu ka baxayna samir iyo iimaan saadiqa ka siiyo. Qaran News

Muqdisho (Caasimada Online) – Warar lagu kalsoon yahay oo ay heshay Caasimada Online ayaa sheegay in dib loo dhigay furitaanka duulimaadyada dalka oo muddo dheer hakad ugu jira saameynta Covid-19. Duulimaadyada Soomaaliya ayaa lagu waday iney si rasmi ah u furmaan maanta oo Isniin 8-da bisha, hase yeeshee waxaa dib loo dhigay ilaa todobaadka dambe, sida ay noo sheegeen xubno xog ogaal ah oo ka tirsan wasaaradda duulimaadka. Shalay Galab ayaa warqado loo diray shirkadaha duulimaadyada dalka taas oo loogu sheegayo iney dib u dhacday furitaanka duulimaadyada dalka. Sababta keentay dib u dhaca ayaa lagu sheegay cilado farsamado islamarkaana la xalin doono maalmaha soo socda, sida aan ka soo xiganay xubno xog ogaal ah oo ka tirsan hay’adda duulista rayidka Soomaaliya. Muddo ka badan laba bilood waxaa hakad ku jira duulimaadyada Soomaaliya waxaana sababta lagu sheegay arimo la xariira Covid 19, kaas oo wali ka jira Soomaaliya iyo meelo kale oo dunida ah.

Qaran News

Damascus (Caasimada Online) – Ururo argagixiso ah oo ay taageerto Iran ayaa weerar ku qaaday macbad ku yaala Siiriya, halkaas oo la rumeysanyahay in lagu aasay Khaliifkii Umawayiinta Omar bin Abdulaziz waxayna soo saareen haraadigii meesha ku aasnaa. Muuqaal lagu daabacay baraha bulshadda ayaa muujiyay ururadda argagixisada oo qodaya xabaasha oo ku taalla magaaladda Deir Sharqi oo u dhow magaalada Maarat al-Numan. Muuqaal kale ayaa muujiyay xaabaasha oo lana furay lana faarujiyay. Lama hayo warbixin ku saabsan meesha lagu aasay haraadigii godka laga soo saaray. Bishii February, ciidanka Bishaar Al-Assad ayaa dab ku dhajiyay aaga ku hareereysan macbadka markii ay magaaladda qabsadeen waxaana gaarsiyeen waxyeello. Omar bin Abdulaziz, waxaa uu ahaa Khaliifkii sideedaad ee Umawiyiinta abtiriskiisuna waxaa uu dib ugu laabanayaa Cumar bin Khadaab, ilaahey ka raali ahaadee oo ka mid ahaa saxaabadii Nabi Maxamed NNKH. Cumar bin Cabdul Caziz waxaa lagu magacaabay khaliifkii shanaad ee ugu wanaagsanaa Islaamka, marka la eego cadaaladiisa mudadii uu xilka hayay oo ahayd laba sano iyo shan bilood.

MINNEAPOLIS (AP) — A majority of the members of the Minneapolis City Council said Sunday they support disbanding the city’s police department, an aggressive stance that comes just as the state has launched a civil rights investigation after George Floyd’s death. Source: Hiiraan Online

Muqdisho (Caasimada Online) – Kulan qaatay saacado una dhaxeeyay guddoomiyaha Golaha Shacabka Maxamed Mursal Sheekh Cabdiraxmaan iyo Madaxweynayaashii hore ee Soomaaliya Xasan Sheekh Maxamuud iyo Shiikh Shariif Sheekh Axmed ayaa aad looga hadlay arrimaha Soomaaliya. Mas’uuliyiintaan ayaa isku soo hadal qaaday arrimaha ammaanka, doorashada, khilaafka siyaasadeed iyo arrimaha Covid-19. Inta badan qodobada ayaa la isku afgartay markii laga reebo arrimaha doorashooyinka oo aan wali la cadeynin sidey u dhici doonto. Sheekh Shariif Sheekh Axmed iyo Xasan Sheekh Maxamuud ayaa guddoomiyaha Golaha shacabka u sheegay in qorshaha doorashada qof iyo cod ay tahay riyo aan suurta galeyn 2021-ka loona baahan yahay qorshe kale. Mas’uuliyiintaan oo ka socda Madasha Xisbiyada Qaran ayaa sheegay in ay waajib tahay in dalka ka dhacdo doorasho waqtigeeda aan ka dib marin, hufan oo xor ah, haddii ay dhici weyso ayey sheegeen in dalka lugaha la geli karo dhibaatooyin culus. Xog ay heshay Caasimada Online ayaa sheegaysa in sidoo kale mas’uuliyiintaan ay dalbadeen in laga qeyb geliyo saamilayda siyaasadda qorshaha looga go’aan gaarayo nuuca doorasho ee dalka ka dhici karto. Madasha Xisbiyada ayaa la filayaa iney soo saaraan war-saxaafeed ay kaga hadlayaan qodobadii ay kala hadleen guddooniyaha Golaha Shacabka ee baarlamaanka Soomaaliya waxaase ka horreeya kulan kale oo ay yeelan doonaan dhammaan mas’uuliyinta Madasha Xisbiyada Qaran.

Muqdisho (Caasimada Online) – Bayaan kasoo baxay Madasha Qurbo Joogta Gobolka Banaadir ee loo yaqaan Muqdisho Principals ayaa lagu cambaareeyey dibad-baxyadii maanta ka dhacay magaalada Muqdisho iyo hadalkii shalay kasoo yeeray madaxweyne Maxamed Cabdullahi Farmaajo. Hoos ka aqriso bayaanka. Ujeeddo: Cambaareyn ka dhan ah mudaaharaadkii maanta ka dhacay Muqdisho. Anagoo ah qurba joogta ka soo jeeda Gobolka Banaadir waxaan la wadaagaynaa guud ahaan shacabka Soomaaliyeed iyo Wakiilada Beesha Caalamka u jooga Soomaaliya baaq cambaareyn ah kaas oo xambaarsan dareen ka xumaansho ah mudaaharaadkii maanta ka dhacay mgalaada Muqdisho. Sidoo kalana digniin u diraya Madaxweynaha Jamhuuriyadda Federaaika Soomaaliya, Hogaanka iyo Guddoonka Gobolka Banaadir & Xukuumada uu hogaamiyo RW Xasan Cali Kheyre: Baaqana waxa uu u qoran yahay sida soo socota: Cambaarayn 1- Waxaan cambaarenaynaa hindisa sharciyeedkii ka soo baxay Gudigii isku dhafka ee Labada Aqal ee Baarlamaanka Soomaaliya ee ku saabsanaa matalaada Shacabka Gobolka Banaadir ee Aqalka Sare ee Baarlamaanka kaas oo ah gef ula-kac ah oo loo geystay shacabka deggan Gobolka Banaadir. 2- Waxaan si xoog leh u cambaaraynaynaa Khudbadii Madaxweyne, Maxamad Cabdullaahi Farmaajo uu ka horjeediyay kalfadhigii (7) toddobaad ee BFS taariikhdu marka ay ahayd 06/06/2020, taas oo si kutalagal ah aan loogu tacsiyadeen isla markaana aan lagu cambaarayn xasuuqii ka dhacay tuulada Gololay ee Gobolka Shabeellada Dhexe. 3- Waxaa wax laga xumaado ah in Hogaanka Dowlada Fedaraalka ka been abuuraan Matalaadda Gobolka Banaadir isla markaana xaqiraan baaqii ka soo baxay Ugaaska Qowmiyadda Mudulood uu dhawaan la wadaagay saxaafadda iyo guud ahaan Shacabka Soomaaliyeed. 4- Waxaan ka soo horjeednaa Mudaaharaadkii been abuurka ahaa ee ka dhacay magalaada Muqdisho 07/06/2020 laguna sheegay in lagu taageerayay khudbadii Madaxweynaha lagu doonayay in lagu jahawareeriyo shacabka Soomaaliyeed ee ku dhaqan Gobolka Banaadir. 5- Waxaan Soomaalida iyo Wakiiladda Beesha Caalamka u fadhiya dalka Soomaaliya u cadaynaynaa in dadka loo soo bixiyay in ay taageeraan Khudbadii Madaxweynaha ay ahaayeen dad isugu jiray baarkacayaal la soo kiraystay iyo kooxo lagu sheegay xoogagii wadaniyiinta oo u shaqeeya Farmaajo, laakiin ayan ahayn dad matalaya dareenka Shacabka deggen Gobolka Banaadir. 6- Waxaan si gooni ah u cambaaraynaynaa Guddoomiyaha Gobolka Banaadir Cumar Filish si ula kac ah u xaqiray hogaanka dhaqanka qowmiyada Mudulood (Ugaas Maxamuud Cali Ugaas Cabdulle) oo horay u diiday soo jeedinta gudiga isku dhafka ah ee BFS. Gudoomiyuhu wuxuu arintaan ku dhaqaaqay isagoo iska indha-tiraya mowqifka Ugaaska iyo shacabka Gobolka Banaadir, isla markaana si kutalagal ah u taageeray go’aanka guracan ee uu qaatay Madaxweyne Farmaajo 7- Waxaa Cadaynaynaa in shacabka Gobolka Banadir xor u yihiin, xaqna u leeyihiin in ay aayahooda siyaasadeed ka taliyaan. 8- Waxaan sidoo kale cambaaraynaynaa falkii argagaxa lahaa ee lagula kacay dibad baxayaashii diidanaa kana soo horjeeday taageerada Farmaajo iyo hogaankiisa kuwaas si nabad ah ku cabirayay dareenkooda. Talaabada ay qaadeen ciidamada daacada u ah Farmaajo waxa ay ka soo horjeedaa Sharuucda caalamiga. 9 – Waxaan si adag u cambaareynaynaa falal dembiyeedka ay sida joogtada Dowladda Farmaajo kula kacayso shacabka Gobolka Banaadir ee u doodaya xaquuqdooda. 10- Ugu dambeystii waxaan ka xunahay Xildhibaanada ka soo jeeda Gobolka Banaadir aamusnaanta ay ka amuusan yihiin xaalada cakiran ee ka jirta Gobolka Banaadir iyo iyaga oo gabay waajibaadkii ka saarnaa dadka ay wakilka uga yihiin labada Aqal.. Wabilahi Towfiiq DHAMAAD

Askari la sheegay inuu ka tirsanaa ciidamada dowladda federaalka Soomaaliya ayaa maanta galinkii dambe wiil dhalinyaro ah ku dilay agaarka isgooyska Tarabuunka degmada Hodan ee gobolka Banaadir. Marxuumka la dilay ayaa waxaa uu ahaa wiil dhalinyaro ah oo shaqeysta dhaqista gawaarida lagu dhaqo wadada dhinaceeda .. Askariga ayaana wiilka weydiistay lacag 1$ baad ah oo ka qaado dhalinyarada goobtaas wax ku dhaqda sida uu Goobjoog News u sheegay mid kamid ah dadkii goobjooga u ahaa dhacdada lagu dilay wiilka dhalinyarada ah. Halkaan ka Daawo Source: goobjoog.com

Muqdisho (Caasimada Online) – Xafiiska QM ee Soomaaliya ayaa soo dhoweeyey tallaabooyinkii ay dhowaan qaaday dowladda federaalka Soomaaliya ee wax looga qabanayo musuq-maasuqa. Golaha wasiirrada xukuumadda federaalka Soomaaliya, ayaa 4-tii June waxay meel mariyeen istaraatiijiyadda la dagaalanka musuq-maasuqa ee 2020-2023. Istaraatiijiyaddan ayaa waxaa looga gol leeyahay in lagula dagaalo musuq-maasuqa, lagu xoojiyo sumcadda hay’adaha, islamarkaana lagu dhiso hanaan ku saleysan tayo oo lagu xaqiijinayo daah-furnaanta maamulka maaliyadda dadweynaha, sarena loogu qaadayo la-xisaabtankooda. Dowladda Soomaaliya ayaa sidoo kale ku dhowaaqday inay diyaar u tahay inay ku biirto islamarkaana saxiixdo axdiga QM ee la-dagaalanka musuq-maasuqa ee UNCAC. “Waxaan soo dhoweyneynaa sida dowladda federaalka Soomaaliya ay uga go’an tahay la-dagaalanka musuq-maasuqa, islamarkaana ay u dhiseyso aaminaadda lagu qabo hay’adaha dowliga ah,” waxaa sidaas qoraal uu soo saaray ku yiri ergeyga QM ee Soomaaliya James Swan. “Tallaabooyinkan waa kuwa muhiim ah, islamarkaana xafiiska QM ee Soomaaliya wuxuu ku dhiiri-gelinayaa laamaha dowladda federaalka iyo dowlad goboleedyada inay qaadaan tallaabooyin dheeri ah oo lagu ilaalinayo laguna ballaarinayo daah-furnaanta, sumcadda iyo la-xisabataanka maamulka maaliyadda dadweynaha,” ayuu yiri. Swan ayaa intaas ku daray inuu filayo in lagu dhaqaaqo fulinta ballan-qaadyadan.

Taliska ciidamada Booliska Soomaaliya ayaa ka warbixiyey Qarax ay sheegeen in maanta ciidamada Booliska caasimadda ka howlgalla ay fashiliyeen sida ay hadalka u dhigeen waxaana xusid mudan in maanta magaalada Muqdisho ay ka jireen dibadbaxyo iska soo horjeeday oo ku aadana maqaamka caasimadda Muqdisho. Afhayeenka ciidamada Booliska Soomaaliya Dhamme Sidiiq Aadan Cali oo warbaahinta kula hadlay Muqdisho waxuu sheegay in ciidamada booliska Soomaaliya ay maanta qabteen nin doonayay inuu isku dhex qarxiyo dadweynihii maanata Muqdisho ka dhigayey banaanbaxa nabadeed ee lagu taageerayey maqaamka Muqdisho. Afhayeenka ayaa sheegay in shaqsiga qaraxa lagu qabtay uu ahaa qof rag ah oo xirnaa Jaakadda qaraxda, balse ay ka war heleen ciidamada ammaanka sidaasna lagu fashiliyey qaraxaas, oo hadda ay gacanta ku hayaan, waxaana uu xusay lagu guuleystay in la qabto nin gaari doonayey inuu qarax ku xiro agagaaraha Excontrol Afgooye . Halkaan ka Daawo Afhayeenka. Goobjoog News Source: goobjoog.com

Alle ha u naxariisto Guddoomiyihii gobolka Togdheer Xamse Maxamed Cabdi oo geeriyooday, iyadoo isla maanta uun xaalad caafimaad loogu qaaday dalka Turkiga. Guddoomiye marxuun Xamse Maxamed Cabdi ayaa muddooyinkii u dambeeyay xaalad caafimaad u jiifay. Wakiilka Somaliland u fadhiya dalka Baashe Cawil ayaa tacsi u diray marxuunka waxaanu yidhi “ TACSI: 7/6/2020 IN-NAA LILLAAHI WA IN-NAA ILAYHI RAAJICUUN Waxaan halkan tacsi uga dirayaa Qaranka JSL geerida naxdinta leh ee ku timid Guddoomiyihii Gobolka Togdheer Mudane Xamse Maxamed Cabdi, oo hadda la ii soo sheegay inuu xaqii u yimid, dhawaanahana xaaladiisa caafimaad ay aad u liidatay. Marxuumku wuxuu ahaa qof u dhashay degenaan, Af gaabani, iyo Alle ka Cabsi leh. Waxaan si gaar ah tacsidan ula waddaagayaa Qaranka JSL ee uu ka baxay, Sidoo Kale qoyskii, ehelkii iyo saaxiibadii uu marxuumku ka baxay, waxaanan Illaahay swc u waydiinaynaa in uu su’aalaha qabriga u dhib yareeyo oo Firdawsa ku janneeyo, samir iyo iimaana ka siiyo dhammaan Ehelkii, qaraabadii iyo saaxiibadii uu ka baxday marxuumku. Allahuma Aamiin إنالله وإنا إليه راجعون” Source

(SLT-Hargeysa)-Ugu yaraan shan dagaalyahan ayay dileen ciidamada dalka Hindiya oo ku sugnaa Shopian oo ka tirsan dhinaca Hindiya ay maamusho ee Kashmir. Dilka ayaa dhacay Axadii maanta, kaas oo keenay in dadka deegaankaasi deganaa ay ka dibadbaxaan dhacdadaasi. Wakaalada Wararka ee AP oo la hadashay Kornayl, Rajesh Kalia oo ah Afhayeen Ciidamada Hindida ayaa sheegay in ciidamo Milatari iyo boolis ahi ay isku gadaameen goob ku taala koonfurta Shopian oo lagu soo wargaliyey inay isku qarinayeen dablay hubaysani. Waxaanu intaasi ku daray in markii ay is-weydaarsadeen Rasaas ay keentay mishada shanta dagaalyaha, sida uu sheegay Rajesh Kalia oo u waramayey AP. Mudaharaadyo iyo iska hor imaad ayaa daba socday arintaasi, iyada oo boqolaal ka mid ah dadka deegaanka ay isku dayeen in ay ku dibadbaxaan goobta dablayda lagu laayey ee dagaalku ka dhacay. Waxaanay dadku ku dhawaaqayeen halku dhigyo ay kaga soo horjeedaan qabshada Hindiya ee Kashmir, lamina soo sheegin wax khasaare ah oo ka dhashay dibad-baxayaashii dhagaxaanta ku tuurayey bilayska iyo askarta milatariga, oo iyadugan ku ridayay rasaas iyo gaaska dadka ka ilmaysiiya. Source

Source

Guddoomiyaha Golaha shacabka Maxamed Mursal Sh. Abdirahman ayaa kulan gaar ah ku casuumay hoggaanka Madasha Xisbiyada Qaran. Guddoomiyaha Madasha Xisbiyada qaran Sh. Shariif Sheekh Ahmed iyo madaxweyne Xasan Sheekh Maxamuud ayaa kulankan gaarka ah la yeeshay guddoonka golaha shacabka. Kulanka waxaa looga hadlay arimaha quseeya doorashooyinka dalka ee 2020-2021, iyo Cudurka halista ah ee COVID-19 iyo guud ahaan siyaasadda dalka. Goobjoog News Source: goobjoog.com

Source

Muqdisho (Caasimada Online) – Taliska ciidamada Booliska Soomaaliya ayaa faahfaahin ka bixiyey qaraxyo ay maanta fashiliyeen ciidamada booliska Soomaaliya ee ka howlgala magaalada caasimadda ah ee Muqdisho, iyadoo ay xusid mudantahay in magaalada ay maanta ka socdeen banaan baxyo nabadeed. Afhayeenka ciidamada Booliska Soomaaliya Dhamme Sidiiq Aadan Cali oo warbaahinta kula hadlay magaalada Muqdisho ayaa sheegay in ciidamada booliska Soomaaliya ay maanta qabteen nin doonayay inuu isku dhex qarxiyo dadweynihii maanata Muqdisho ka dhigayey banaanbaxa nabadeed ee lagu taageerayey in Muqdisho metelaad yeelato. Afhayeenka ayaa sheegay in ninkaas la qabtay uu xirnaa Jaakadda qaraxda, balse ay ka war heleen ciidamada ammaanka sidaasna lagu fashiliyey qaraxaas, oo hadda ay gacanta ku hayaan. “Dhagar qabe doonayay inuu maanta isku qarxiyo banaan baxayaasha ayaa ciidamada ammaanku gacanta ku soo dhigeen iyo jaakadii qaraxa aheyd ee uu watay baaritaan ayaana ku socda hada”ayuu yiri Sidiiq Aadan. Afhayeenka ayaa sidoo kale sheegay in isla maanta la qabtay nin kale oo doonayey inuu muwaadin Soomaaliyeed qarax ugu xiro gaarigiisa, kaas oo sida uu sheegay dhaawac fudud uu kasoo gaaray asagii, haatana uu ku jiro gacanta booliska. Banaanabaxii maanta ee lagu taageerayey hadalkii madaxweynaha ayaa ka dhacay illaa afar goobood oo dadweynuhu ay isigu yimeedeen, kuwaas oo kala ah, isgoysyada Sanco, KM 4, Taalada Daljirka iyo saldhig Galbeed, balse Afhayeenka booliska Soomaaliya ma sheegin goobta sida gaarka ah loogu qabtay ninkaas doonayey in uu is qarxiyo. Waxaa xusid mudan in banaanbax labaad uu maanta ka dhacay Muqdisho, kaas oo lagu diidanaa in metelaadda Muqdisho lagu qeybisado 4.5, sidoo kalena looga dhiidhinayey xasuuqii Gololey loogu geystay dhalinyaradii dhakhaatiirta aheyd, oo dad badan ay ka caroodeen markii uu madaxweynuhu ku soo hadal aadi waayey khudbadiisii shalay.

Gurceel (Caasimada Online)-Degmada Gurceel ee gobolka Galgaduud caawa waxaa sun ku cabtay Caasho Cali Diiriye oo ah gabar da’yar. Qaar ka mid ah ehellada gabadhan ayaa Caasimada Online in sababta ku kaliftay inay sunta cabto loo aaneynayo arrimo jaceylo. Xaalada ay ku sugantahay gabadhaas ayaa aad looga deyrinayaa, waxaana xaaladeeda caafimaad lagu baxnaaninayaa isbitaal lagu magacaabo Fayo oo ku yaalla Gurceel. Sidoo kale ehellada Caasho waxay noo sheegeen in gabadhooda ay aheyd ardayad dhigata fasalka koowaad ee dugsiga sare. Reerka gabadhaas caawa sunta cabtay ayaa Gurceel ka degan xaafadda Towfiiq, waxayna Schoolka ka dhiganeysay isla xaafaddaas, sida ay noo sheegeen xubnaha noo waramay. Degmada Guriceel ee gobolka Galgaduud gabadhan caawa sunta ku cabtay waxay noqoneysaa qofkii seddaxaad ee sanadkan gudihiisa sun ku cabtay, waxayna seddaxda qofba ka mideysnaayeen arrimo jaceyl.

Somali Journalists Syndicate (SJS) and Somali Media Association (SOMA) have noticed for the first time in three months that Radio Hiigsi editor, Mohamed Abduwahaab Nuur (Abuuja) appeared before a military court in Mogadishu today on Sunday 07 June, 2020 and was transferred to the Mogadishu central prison. Source: Hiiraan Online

Wasaaradda Caafimaadka Xukuumadda Federaalka Soomaaliya ayaa warbixinta maalinlaha ah ee xogta Feyruska Karoona waxay ku xaqiijisay in 24-kii saac ee ugu dambeeyay guud ahaan dalka laga diiwaan geliyay 45 xaalado cusub oo COVID-19. Waxaa cudurka ka bogsooday 10 qof, waxaana geeriyooday hal bukaan. Wasiirka Caafimaadka iyo Daryeelka Bulshada Xukuumadda Federaalka Soomaaliya, Marwo Fowziya Abiikar Nuur ayaa caddeysay in 35 kamid ah bukaannada la xaqiijiyay ay rag yihiin halka 10-ka kale ay yihiin haween. 25 ka mid ah bukaannada cusub waxaa laga diiwaan geliyay Gobalka Banaadir Somaliland 17, Puntiland 2 iyo Koonfur Galbeed 1 qof. Tirada xaaladaha COVID-19 ee dalka laga diiwaan geliyay ayaa gaartay 2,334 waxaa bogsootay guud ahaan 441 ruux. Halka 83 ruux oo kale ay u geeriyoodeen cudurka. Marwo Fowziya Abiikar Nuur ayaa ugu baaqday mawaadiniinta Soomaaliyeed guud ahaan inay qaataan talooyinka caafimaad iyo wacyi gelinta looga digayo qatarta cudurka, qaybta uga aadanna ay ka qaataan dadaallada ka hor tagga iyo xakeynta Feyruska Karoona. Goobjoog News Source: goobjoog.com

Somali health ministry on Sunday confirmed 45 new cases of the novel coronavirus, bringing the total tally of infections in the country to 2,334. Fawziya Abikar, Somalia’s health minister said one patient succumbed to the disease in the last 24 hours, raising the total number of deaths to 83. Ten more people recovered from the deadly respiratory disease, raising the total number of recoveries to 441. Added the minister. The minister said 35 of the latest cases are male while 10 others are female persons amid concern from the UN that the cases are largely due to community transmission. Mogadishu, the country’s capital has 25 confirmed cases as of Sunday, 17 cases in Somaliland, 2 in Puntland and 1 in Southwest state. So far Somalia remains to have the highest death toll across East African region & Horn of Africa nation with 83 deaths as of Sunday. 441 cases have also been recorded as recovered. With many cases are going untested and undetected, local and international humanitarian agencies have warned that Somalia faces another desperate situation amid spiral of covid-19 cases. Somalia has faced decades of violence and cycles of drought and floods, leaving its health care system ill equipped to respond to this outbreak. The International Rescue Committee (IRC) has been preparing for the spread of coronavirus by training health care staff to screen patients for symptoms and safely isolate potential cases.

Madaxweyne Maxamed Cabdullahi Farmaajo ayaa sabtidiia khudbadda furitaanka kalfadhiga 7-aad ee Baarlamaanka Federaalka ah ka horjeediyay labada gole,isaga oo ka hadlay arrimo badan. Halkan Ka Daawo Warbixin Ku Saabsan Mug La’aanta Hadal JeedintII Madaxweyne Farmaajo https://goobjoog.com/wp-content/uploads/2020/06/whatssss.mp4 Source: goobjoog.com

Xuska Maalinta Caalamiga ah ee badqabka Cunnada Adduunka oo Muqdisho lagu qabtay. https://goobjoog.com/wp-content/uploads/2020/06/whss.mp4 Source: goobjoog.com