Xuutiyiinta Yemen, ayaa weerarkii ugu tayada sarreeyay ku qaaday Telaabiib Weerarkan ma wuxuu albaabka u furi kara dagaal gobolleed? Mise waa farrin ka timid Iran? Warbixintan ayaa ku siinaysa wax kasta oo ku saabsan weerarka Xuutiga; Israa’iil, ma aysan qarin inay Axadda maanta la kullantay weerar fadeexad ah oo dhaliyay dhaawaca 8 qof oo shan ka mid ah la sheegay inay ku jiraan xaalad dhimasho dhalin karta, kaddib markii gantaal nooca ballistic-ga oo ay kooxda Xuutiyiinta ka soo tureen Yemen, uu ku dhacay garoonka diyaaradaha ugu weyn Israa’iil ee Ben Gurion. Raadiyaha ciidamada Israa’iil oo soo xiganaya ilo militari ayaa sheegay in nidaamka difaaca Mareykanka ee THAAD iyo nidaamyada difaac ee Israa’iil ay isku dayeen in ay ka hortagaan gantaalka Xuutiyiinta,balse ay ku guuldareysteen, iyadoo in ka badan 3 milyan oo Israa’iiliyiin oo ay ku jiraan saraakiisha sare ee Israa’iil ay gabbaad galeen. Telefishinka Israa’iil ka soo baxa ee Channel-ka 12 , ayaa sheegay in gantaalka Yemen uu ka gudbay afar lakab oo ah hababka difaaca hawada, wuxuuna ku dhacay wadnaha garoonka diyaaradaha Ben Gurion ,waxa la arkay waa in goobta uu ku dhacay uu ka sameeyay god 25 mitir ah. Warbixinta Channel 12, ayaa shaaca ka qaaday in madaxa gantaalku uu ahaa mid aad u weyn, oo sababay mowjad qarax weyn oo laga maqlay xaafadaha Telaabiib, taa oo ka dhigan in Xuutiga ay wax ka beddel ku sameeyeen madaxyada qarxa ee gantaallada ay ku weerarrayaan Israa’iil. Booliiska Israa’iil ayaa amray in la mamnuuco in loo safro garoonka diyaaradaha ee Ben Gurion, halka Channel 12 ee Israa’iil uu sheegay in la hakiyay duullimaadyadii imanayey iyo kuwii dhoofayey. Wargeyska Israa’iil ee Yedioth Ahronoth ayaa sidoo kale ka soo xigatay madaxa guddiga shaqaalaha hay’adda duulista rayidka ee Israa’iil , in dadka ku dhaawacmay gantaalka uu mid ka mid ah ku sugnaa gudaha garoonka gaar ahaanna Terminal 3, taa oo ka dhigan qaraxyada gantaalka inay gudaha u galeen garoonka, taa oo noqonaysa markii u horreysay oo Xuutiga ay khasaare dhab ah gaarsiiyeen garoonka diyaaradaha ee Ben Gurion. Weerarka wuxuu dhaliyay si deg deg ah in loo joojiyo duulimaadyo ay Telaabiib ku imaan lahaayeen diyaaradaha Swiss, Austria, Australia , Lufthansa iyo tobannaan diyaaradood oo kale oo maanta la qorsheeyay inay duulimaad ku yimaadaan garoonka diyaaradaha ee Ben Gurion. Iyadoo warbaahinta Israa’iil ay sheegtay in hoggaanka ammaanka Israa’iil ay si weyn uga walaacsan yahay fashilinka ay kala kulmeen inay ka hortagi waayeen gantaalka Xuutiyiinta ee lagu bartilmaameedsaday garoonka diyaaradaha ee Ben Gurion, ayaa weerarka sidoo kale wuxuu dhaliyay in la baajiyay shirkii ugu muhiimsanaa ee golaha amniga israa’iil oo maanta la qorsheeyay inuu qabsoomo, sabab la xiriirta weerarka Xuutiyiinta, sida uu ku warramay wargeyska Walla. Wargeyska kale ee ka soo baxa israa’iil ee Yedioth Ahronoth ayaa sheegay, in shirkii golaha wasiirada amniga uu dib u dhacay ilaa 7-da fiidnimo ee caawa. Halka wargeyska Maariv uu sheegay in Netanyahu uu wada tashiyo dhanka ammaanka la yeeshay saraakiisha sare ee amniga , kaddib guul-darrada ay Israa’iil kala kullantay inay ka hortagto weerarka Xuutiyiinta. Warbixinta wargeyska ayaa sidoo kale lagu sheegay in Netanyahu uu qaban doono caawa kulan deg deg ah la xiriira habka ay Israa’iil uga jawaabi karto weerarka khasaaraha dhaliyay ee Israa’iil ay kala kulantay Xuutiyiinta Yemen. Muxuu yahay ujeeddada weerarkan? Afhayeenka dhinaca milatariga ee kooxda Xuutiyiinta Yemen, Yaxye Sariic ayaa saacado kaddib marka uu dhacay weerarka , warsaxaafadeed muuqaal ah oo uu baahiyay, wuxuu ku sheegay inay Xuutiyiinta fuliyeen weerar ay u adeegsadeen gantaal ballistic, si guul leh ugu dhacay bartilmaameedkiisa Sariic , ayaa xaqiijiyay in nidaamka difaaca Mareykanka iyo Israa’iil ay ku guul-darraysteen inay ka hortagaan gantaalka ay Xuutiga ku weerarreen garoonka diyaaradaha Ben Gurion, oo ka mid ah goobaha ugu muhiimsan ee Israa’iil ay si weyn u ilaaliso amnigiisa, isagoo sharraxaya ujeeddada weerarka wuxuu ku sheegay afhayeenka milatariga ee Xuutiyiinta; in weerarka uu daba socdo go’aankii ay horey usoo saareen ee la xiriira inuu si rasmi ah u xiranyahay garoonka diyaaradaha Israa’iil ee Ben Gurion, wuxuuna uga digay shirkadaha diyaaradaha inay sii adeegsadaan garoonkan oo uu sheegay inay kala kulmi doonaan khasaare iyo burbur haddii ay ku adkeystaan inay adeegsadaan, wuxuuna markaa caddeeyay in weerarrada ay noqon doonaan kuwa joogta ah oo ay ku joojinayaan shaqada garoonkan oo ah midka kaliya ee diyaaradaha caalamiga ay ka degaan kana duulaan ee Israa’iil, si meesha looga saaro go’doomintooda dhul, cir iyo badba ee ay geliyeen Israa’iil, kaddib markii ay Xuutiga horey u xireen dekedaha Israa’iil, xiritaankaa oo ka dhashay inay ka hortageen in wax maraakiiba ah ay soo gaareen, wuxuu sheegay in looga baahanyahay Israa’iil inay go’doominta ka qaado marinka Qasa ee dhulka Falastiiniyiinta. “Waan sii wadi doonnaa ka hortagga gardarrada Mareykanka iyo taageeridda shacabka Falastiin, iyadoo aan loo eegin cawaaqib xumada ka dhalan karta”.ayuu yiri Sariic. Hadalkan oo ujeedkiisu noqonayo ‘si kasta oo aah cawaaqib xun iyo dhibaato aan u wajaheyno, haddana waan taageerri doonaa dadka reer Qasa.” Maxay doonaysa Israa’iil inay sameyso kaddib weerarkan? Israa’iil oo aragta in mar kale ay Xuutiyiinta dunidda horteeda ku fadeexeeyaan, ayaa si caro leh waxaa weerarkan garoonka diyaaradaha ee Ben Gurion ka dhacay uga falceliyay wasiirka difaaca israa’iil, Yisrael Katz oo ku hanjabay inay si adag uga jawaabi doonaan weerarkan, isagoo intaa ku daray ; “ Cid kasta oo hal weerar nagu soo qaadaa, waxaan weerarri doonaan toddobo jeer.. si adag ayaanna uga jawaabi doonaan Xuutiyiinta.” Sidee weerarkan u dhalin karaa dagaal gobolleed? Weerarkan kaddib, waxaa gudaha Israa’iil laga maqlay codadka doonaya in weerarkan jawaabtiisa aan lagu koobin dhulka Yemen ee sidoo kale loo baahanyahay inay Israa’iil qaado weerarro ballaaraan. Benny Gantz, oo ah xubin hore oo ka tirsanaa golaha dagaalka ee Israa’iil , isla markaana ah hoggaamiya xisbiga mucaarad ah , ayaa soo baxay weerarkan kaddib, isagoo warbaahinta u sheegay ; “Iran waa tan bixisay gantaalaha ballistic-ga ee lagu weerarrayo Israa’iil, waana inay qaadato mas’uuliyadda iyaga.” Gantz waxa uu intaa ku daray in “Gantaallada lagu soo riday dhulka Israa’iil waa inay yeeshaan cawaaqibka adag oo ay tahay inay wajahdo Iran… waa inay Tehran noqotaa goobta sida adag weerarkan jawaabtiisa looga arkayo.” Telefishinka Israa’iil ka soo baxa ee Channel 12, ayaa dhankiisa ka soo xigtay taliyaha ciidanka kaydka Israa’iil , jen. Amir Avivi oo yiri ; “ Marka waddan si isdaba joog ah gantaallo ugu soo rido Israa’iil, tani waa dagaal.” Waxa uu intaasi ku daray “Casharkeenu waa inuu noqdaa in la dilo hoggaanka Xuutiyiinta, sidii ku dhacday Xisbullah.” Warbixinta telefishinkan ayaa sidoo kale, lagu sheegay inay saraakiisha amniga israa’iil diyaarinayaan nooc weerar adag oo ay uga jawaabayaan weerarka Xuutiga, waxaana lagu go’aamin doonaa kullamo la filayo hoggaanka Israa’iil iyo kuwa amniga inay yeeshaan caawa iyo galabta. Balse, iskuday kasta oo lagu soo daro jawaabta weerarkan in lagu weerarro Iran, ayaa ah midda dhalinaysa in weerarkan uu sababo dagaal gobolleed. Weerarka wuxuu yimid , maalmo kaddib markii Mareykanka uu dib u dhigay wada-hadalladii la xiriiray barnaamijka nukliyeerka ee uu kula jiray Iran, waxaa xigtay in la maqlay suragalnimada ay Israa’iil ku weerarri karto Iran, tan ayaa ka dhigaysa inan laga tagi karin surtagalnimada in weerarka uu yahay iskuduba ridka Iran, oo farriin u diraysa Israa’iil, si dib loogu soo celiyo wada-hadallada, ama iskuday kasta oo weerar oo ka dhan ah Iran, wuxuu noqon doonaa mid ay ka dhalan karto jawaabta weerarro goobo kale duwan ay ka wajihi karto Israa’iil. Xuutiga muxuu uga dhigan yahay weerarkan? Xuutiyiinta Yemen, wuxuu weerarka maanta u noqonayaa, mid ay dunidda ku ogeysiinayaan awoodooda dagaal. Weerarka kaliya looma eegayo inuu dhaawac iyo burbur dhaliyay, laakin macnaha wuxuu ku jiraa weerarka inuu ka gudbay nidaamkii difaac ee ugu xooggan Mareykanka oo ay sidoo kale howlgelintiisa ay u joogaan Israa’iil, ciidan ka tirsan guutooyinka difaac ee Mareykanka, balse awood uma aysan yeelan inay Israa’iil difaacaan oo gantaalka Xuutiga oo ku socday goob ka mid ah xarumaha ugu muhiimsan ee Israa’iil inuu ku dhaco, horey Xuutiga waxay dhaliyeen inuu fashilmo oo la xareeyo nidaamyadii difaac ee Israa’iil oo ay mar usoo muujinaysay kuwa la isku haleyn karo iyo nidaamka ugu sarreeya ee gobolka bariga dhexe. Xuutiga waxaa kaloo ay dusha u saareen Mareykanka iyo Israa’iil weerarrada ay ku qaadayaan Yemen inay noqdeen kuwa aan waxtar ahayn, wuxuu Mareykanka weerarro ka fulinayaa Yemen, tan iyo dabayaaqadii sannadkii 2023, muddada laguma gaarin in la dhimo awoodda Xuutiyiinta ama la gaara saldhigyadooda milatari iyo goobaha ay ku suganyihiin hoggaankooda, mar kastana waxa la arkayo waa in kooxdan ay awoodooda weerar sare u qaadayaan. Weerarka maanta, sidoo kale wuxuu tusay xulafada Israa’iil ee Carabta , iskuday kasta oo ay uga hor yimaadaan Xuutiga inay wajihi karaan cawaaqib u darran. Mar kale, sidee bay Mareykanka iyo Israa’iil u weerarrayaan Xuutiyiinta? Mise waxay aadi doonaan Tehran, haddii ay lumiyaan bartilmaameedyo sirdoon oo ay khasaare ku gaarsiin karaan Xuutiga? Waxay jawaabaha ku jiraan saacadaha iyo maalmaha ina soo aaddan..! Source

Muqdisho (Caasimada Online) – Guddoomiyaha degmada Xamarweyne ee Maamulka Gobalka Banaadir Cisman Muriidi Cali ayaa madaxda gobalka ku eedeyay takoor, faquuqid iyo cadaalad darro ay kula kaceen degmada Xamarweyne. Mashruuc uu bixiyey Bangiga Adduunka oo dhismaha waddooyinka degmada Xamarweyne ahaa ayaa loo leexiyay degmada Dayniile, halkaas oo maanta laga dhagax dhigay laami cusub. Caasimada Online, waxay heshay farriimo cabasho ah oo Guddoomiyaha degmada Xamarweyne uu ku qoray Group WhatsApp ay ku wadajiraan masuuliyiinta maamulka gobolka Banaadir. Guddoomiyaha Xamarweyne ayaa arrintaas toos ugu eedeeyey waaxda howlaha guud ee maamulka gobolka Banaadir, balse waxaa u jawaabay guddoomiye ku xigeenka waaxdaas oo u sheegay in amarka lagu leexiyey mashruucaas uu iyaga ka sareeyo. Isla qoraalkaas Guddoomiye Howlaha Guud ee Gobalka Banaadir wuxuu Guddoomiyaha degmada Xamarweyne ku amray in uu raali gelin bixiyo, isagoo sheegay in mashruucaas ay Dayniile u leexiyeen madax ka sarreysa iyaga. Eedeynta waaxda howlaha guud ayaa toos ugu socota Guddoomiyaha Gobalka Banaadir, ahna duqa Muqdisho Maxamed Axmed Amiir oo bulshada reer Xamarweyne dhaafiyey mashruucii ay ka heleen dhismaha laamiyada Muqdisho. Mashruuca uu duqa Muqdisho ka dhax dhigay Dayniile waxaa soo diyaariyay Guddoomiye Madaale, waxaana loo diyaariyay degmada Xamarweyne, wuxuu qorshuhu ahaa in lagu dhiso ilaa 4 waddo, balse waxaa loo weeciyay Dayniile. Maamul xumada ka jirta Gobalka Banaadir ayaa gaartay ilaa heer ay masuuliyiinta gobolka isugu jawaabaan Group-yada shaqada iyo in loo hanjabo Guddoomiyaha degmada Xamarweyne oo raali gelin lagu qasbayo, iyadoo mashruuc muhiim u ahaa degmadiisa laga dhacay. Guddoomiyaha degmada Xamarweyne ayaa qoraalkiisa cabashada ah ku sheegay inuu u dacwoonayo madaxda sare ee dalka, isla markaana uusan aqbali doonin waxa dhacay, sidoo kale wuxuu qoraalkiisa ku sharaxay muhiimada ay degmadiisa wadadaasi u laheyd. Hoos ka eeg farriimaha la isku dhaafsaday Group-yada maamulka gobolka Banaadir

Muqdisho (Caasimada Online) – Guddoomiyaha maamulka degmada Kaaran, Faarax Cadaani oo galabta shir jaraa’id ku qatay xafiiskiisa ayaa mar kale ka hadlay khudbad carro xooggan dhaliyay oo uu maanta jeediyay, isaga oo bixiyay raallgelin buuxda. Guddoomiye Cadaani ayaa goor sii horreysay si toos ah weerar ugu qaaday xubnaha mucaaradka, isaga oo amar ku bixiyay in lagu weeraryo guryahooda, taas oo abuurtay xasaasiyad wayn. Sidoo kale wuxuu tilmaamay in ay u adeegaan argagixisada, ayna kasoo horjeedaan horumarka iyo dowladnimada dalka, sida uu hadalka u dhigay. “Qofka mucaarad ku ah Dowladda Gurigiisa ku weerara, Dila maqaro u qaata waad u fasaxan tihiin, argagexiso ayaa soo dirtay, lafaha ka tuma, Degmada Karaan ma degna ruux sidaas oo kale ah hadii ay dhacdadana waa inaad soo xirtaan oo saldhiga keentaan aadna garaacdaan” ayuu goor sii horeysay yiri Guddoomiyaha Degmada Kaaraan. Intaas kadib guddoomiyaha oo mar kale soo hadlay ayaa raalligelin rasmi ah ka bixiyay hadalkiisa, wuxuuna ka cudur daartay khaladka maanta ka dhacay. “Waxaan rabaa inaan ka hadlo oo maanta waddo xarig jar ah oo khudbad aan ka jeediyay oo si kale loo dhigay waxaan caddeynaa haddii ay khaladaad ahayd inaan raalligelin ka bixiyo dhammaan wax allaale iyo wixii dhib loo arkay” ayuu yiri Cadaani. Waxaa kale oo uu intaasi kusii daray “Cid aan ula jeeday ma jirto cid gooni aan u dulminaayana ma jirto waxaan mar labaad iyo mar saddexaad leeyahay in hadalkaas oo dhibka loo arkay inaan raalligeli ka bixshay”. Cadaani ayaa horay qayb uga ahaa doorashadii hoore ee May, 2022-kii, waxaana lagu xasuustaa in isaga oo ahaa taliyaha saldhigga Booliska degmada Yaaqshiid inuu ku biiray ciidankii Badbaado Qaran, kadibna uu kasoo jeestay aagga Miranaayo halkaas oo ay ku sugnaayeen ciidamo badan oo xilligaas kasoo horjeestay madaxweynihii hore Farmaajo. Hadalka kasoo yeeray guddoomiyaha degmada Kaaraan ayaa dhaliyay hadal-heyn iyo carro xooggan, maadaama uu ku baaqay in la weeraro xubnaha mucaaradka ee haatan dhaq-dhaqaaqa ka wada Muqdisho, kana soo horjeedo hannaanka loo wado doorashada.

Muqdisho (Caasimada Online) – Wakiilada Beesha Caalamka ee fadhigoodu yahay magaalada Muqdisho ayaa haatan wada dadaallo dheeraad ah oo ku aadan xal u helidda muranka siyaasadeed ee ka taagan dalka, gaar ahaan hannaanka doorashooyinka. Beesha Caalamka ayaa si gaar ah cadaadis ugu haysa qaar kamid ah madaxda maamul goboleedyada, si ay u yimaadaan magaalada Muqdisho, uguna qayb-galaan shirka uu ku baaqay madaxweyne Xasan Sheekh Maxamuud ee looga hadlayo xaaladda dalka. Dadaallada socda ayaa waxaa hoggaaminayo Ergayga gaarka ah ee Qaramada Midoobay u qaabilsan Soomaaliya, James Swan oo maalmihii u dambeeyay booqashooyin ku tegay magaalooyinka Dhuusamareeb, Baydhabo iyo Boosaaso, halkaas oo uu kula soo kulmay madaxda maamulada, si uu uga dhageysto aragtiyadooda ku aaddan amniga iyo doorashooyinka. Maamullada Jubbaland iyo Puntland ayaa hadda maqan, kuwaas oo uu khilaaf xooggan kala dhexeeyo Villa Soomaaliya, iyada oo meeshii uu ka baxay xiriirkii kala dhexeeyay Dowadda federaalka. Sidoo kale dadaallada Beesha Caalamka ayaa waxaa qayb ka ah xal u helidda xiisadda taagan, si looga gudbo khilaafaadka hareeyay doorashooyinka dalka ee 2026. Dhankooda siyaasiyiinta mucaaradka ayaa iyaguna si weyn u diiday qorshaha madaxda dowladda ee ku aadan doorashooyinka qof iyo codka ah oo haatan diiwaanlgelintooda ay ka socoto magaalada Muqdisho, taas oo lasoo gabagabeynayo dhammaadka Juun, 2025. Si kastaba ha’ahaatee berri oo ay ku beegan tahay 5-ta May ayaa qorshuhuu yahay inuu Muqdisho ka furmo Shirka Golaha Wadatashiga Qaran, waxaana markii ugu horreysay ka qayb-galay hoggaamiyaha maamulka SSC-Khaatumo oo shalay soo gaaray caasimada. Soomaaliya ayaa haatan ku jirto marxalad siyaasadeed oo cakiran, waxaana usii dheer halista Al-Shabaab oo haatan culeys soo saartay gobollada Shabeellooyinka oo daris la ah magaalada Muqdisho. Lama oga sida ay wax noqon doonaan, waxaase laga war sugayaa natiijada kasoo baxda shirka haatan loo ballansan yahay oo ku soo aaday, xilli xasaasi ah oo loo baahnaa.

AQPuGpTXaggXLAP4WUBEA9ffSMuj1AbUORaahDK7bbwVysn2Q7FReeEP7ThEvCyuUmVZFU7VJZ_pTUEf0ohsupnv Qaran News

Muqdisho (Caasimada Online) – Dowladda Federaalka Soomaaliya oo warsaxaafadeed soo saartay ayaa sheegtay in duqeyn ay iska kaashadeen iyada iyo Mareykanka ay ka dhacday aagga buuraha Calmiskaad ee gobolka Bari, halkaas oo ay ka socdaan howlgallo culus ka dhan ah kooxda Daacish. Wasaaradda Gaashaandhigga dalka ayaa shaaca ka qaaday in duqeynta lala beegsaday bartilmaameedyo ay ku sugnaayeen maleesshiyaadka Daacish,iyada oo sheegtay in la gaarsiiyay jab culus. Sidoo kale waxa ay Wasaaraddu intaasi ku dartay in xubno badan lagu laayay, laguna dhaawacay weerarka cirka ah ee ka dhacay buuraha gobolka Bari ee Puntland. “Subixii hore annaga oo kaashaneyno taliska ciidamada Mareykanka ee AFRICOM, waxaan duqeymo ka fulinay Puntland, goob ay ku sugnaayeen Daacish, khasaare ayaa ka dhashay weerarka” ayaa lagu yiri qoraal ka soo baxay Wasaaradda Gaashaandhiga. Waxaa kale oo ay Dowladda Federaalka boggaadiyay iskaashiga milatari ee haatan kala dhexeeya Mareykanka, iyada oo ballan qaaday inay sii ballaarin doonto, si ay usii socdaan howlgallada wadajirka ah ee ay ugu qaadaan kooxaha Al-Shabaab iyo Daacish. “Wasaaradda Gaashaandhigga waxay bogaadinaysaa iskaashigan, waxayna xaqiijinaysaa sida ay nooga go’an tahay in aan ka adkaano argagixisada” ayaa mar kale lagu yiri. Weerarkan ayaa kusoo aadayo, saacado uun, kadib markii shalay ciidamada Puntland ay ka hortageen weerar ismiidaamin ah oo ay kooxda Daacish ku qaaday fariisimo ay ku leeyihiin aagga aagga Ceelka GuryoSamo oo aad ugu dhow deegaanka Dhasaan, waxaana kadib xigay dagaal toos ah oo u dhexeeyay labada dhinac. Xubnaha weerarka soo qaaday ayaa qaarkood waxa ay isku qarxiyeen bannaanka xerada, halka kuwii kale ay toogteen ciidamada, sida uu sheegay sarkaal sare oo u hadlay Daraawiishta Puntland. “Tiro kamid ah argagixisada ayaa is qarxiyay ka hor inta aysan soo gaarin difaacyadii hore ee ciidamada, waxaana ciidamadu toogasho ku dileen dhammaan intii soo hartay oo isku dayay in ay weerar toosa fuliyaan, kuwaasi oo meydadkooda la soo bandhigay markii waagu baryo” ayuu yiri sarkaal ka tirsan guutada labaad ee ciidamada difaaca Puntland ee ku sugan Dhasaan. Horay sidaan oo kale Puntland ayaa uga hortegtay weerar is-miidaamin ah oo ay soo abaabushay kooxda Daacish, kaas oo ay la damacsaneyd ciidamadii la wareegay Togga Miraale, waxaana la fashiliyay weerarkaas,, iyada oo la laayay xubnihii abaabulayay/

Muqdisho (Caasimada Online) – Guddoomiyaha degmada Kaaraan ee gobolka Banaadir oo maanta hadal kulul jeediyay ayaa soo saaray amar culus oo ka dhan ah siyaasiyiinta mucaaradka ee ku sugan gudaha magaalada caasimada ah ee Muqdisho. Faarax Cadaani ayaa shacabka degmada Kaaraan faray inay beegsadaan dadka mucaaradka ah ee degmadaas ku sugan, isaga oo kula taliyay inay tallaabo ka qaadaan. Guddoomiyaha ayaa tilmaamay in dadkaasi ay u adeegaan argagixisada, ayna kasoo horjeedaan horumarka iyo dowladnimada dalka, sida uu hadalka u dhigay. Sidoo kale wuxuu intaasi ku daray in shacabka ay u fasaxan yihiin inay weeraraan oo ay guryaha ugu daataan, ama ay kusoo xiraan saldhigga degmada. “Qofka mucaarad ku ah Dowladda Gurigiisa ku weerara, Dila maqaro u qaata waad u fasaxan tihiin, argagexiso ayaa soo dirtay, lafaha ka tuma, Degmada Karaan ma degna ruux sidaas oo kale ah hadii ay dhacdadana waa inaad soo xirtaan oo saldhiga keentaan aadna garaacdaan” ayuu yiri Guddoomiyaha Degmada Kaaraan Faarax Caddaani. Waxaa kale oo uu sii raaciyay “Degmada Kaaraan nin dowladda mucaaradaayo oo been sheegaayo haddii uu deganaado mas’uuliyadda idinka ayaa qaadaayo shacabka,”. Dhinaca kale, wuxuu wax laga xumaado ku tilmaamay in la diido diiwaan-gelinta ka socda degmooyinka gobolka oo uu xusay inay tahay fursad muhiim ah oo awoodda loogu soo celinayo shacabka Soomaaliyeed, si ay usoo doortaan dadka berri hoggaaminaya. Cadaani ayaa horay qayb uga ahaa doorashadii hoore ee May, 2022-kii, waxaana lagu xasuustaa in isaga oo ahaa taliyaha saldhigga Booliska degmada Yaaqshiid inuu ku biiray ciidankii Badbaado Qaran, kadibna uu kasoo jeestay aagga Miranaayo halkaas oo ay ku sugnaayeen ciidamo badan oo xilligaas kasoo horjeestay madaxweynihii hore Farmaajo. Hadalka kasoo yeeray guddoomiyaha degmada Kaaraan ayaa dhaliyay hadal-heyn iyo carro xooggan, maadaama uu ku baaqay in la weeraro xubnaha mucaaradka ee haatan dhaq-dhaqaaqa ka wada Muqdisho, kana soo horjeedo hannaanka loo wado doorashada.

Hoggaamiye fiiro-dheer lahaa: Madaxweyne Cabdirashiid Cali Sharmaarke wuu ka hortagay in Ra’iisal Wasaare Cigaal uu maamullo deegaan-doorashooyinka beelaha Hartiga Waqooyi doorashadii 1969kii. Muqdisho (Faallo ) — Sanadkii 1969kii ka hor intaysan ciidammadu afgambinin dowladdii rayidka, waxaa Soomaaliya ka dhacday doorasho. Doorashadaas waxaa lagu maamulayay hab uu xisbigii SYL dejiyay. Gobollada Hartiga Waqooyi dego waxaa maamulayay Yaasiin Nuur Xasan Bidde (oo ahaa Wasiirkii Arrimmaha Gudaha) iyo Madaxweyne Cabdirashiid Cali Sharmaake. Waxay labadooduba kula heshiiyeen Ra’iisal Wasaare Maxamed Ibraahim Cigaal inuu maamusho gobollada beesha Isaaq degaan si uu uga soo saaro xildhibaanno (deputati) meteli doona xisbigii SYL oo talada hayay waqtigaas. Cigaal kuma doodin inay jireen xuduudo uu Biritishku ka tagay oo u bannaynayay inuu maamulo doorashooyinka ka dhacay seejooyinka Hartiga Waqooyi. Ma jirin sabab uu ugu doodi karay sidaas. Jaamac Maxamed Qaalib, oo dhowr sano ka hor geeriyooday, ayaa xogtan ku qoray buuggiisa The Cost of Dictatorship: The Somali Experience, oo soo baxay sanadkii 1994kii. Madaxweyne Cabdirashiid Cali Sharmaake wuxuu ogaa in siyaasiyiintii Waqooyigu ku yimadeen koonfurta hab beelo ah oo aysan sida koonfurta lahayn xisbiyo sidii SYL iyo xisbiyadii u janjeeray Talyaaniga oo awoodda siyaasadda kaalin macne leh ku yeelan waayay markii Soomaaliya ay dal noqotay Luulyo 1960kii. I. M. Lewis, wuxuu ku qoray buuggiisa Modern History of the Somali: Nation and State in the Horn of Africa siyaasiyiinta Daaroodka dhulka Biritishku xukumi jiray ay yimaadeen Koonfurta oo tolkood ay awood siyaasadeed ku lahaayeen. Saleebaan Maxamuud Aadan oo, hadda ah Guddoomiyaga Guurtida maamulka goosasho-doonka ee Somaliland, ayaa 1965kii majaladdii Dalka ku gorfeeyey daabacaddii kowaad ee buugga Lewis. Saleebaan wuxuu dhaliilay wax uu arkay in Lewis waxba uusan ka soo qaadin halgammadii gumeysigii Biritishka lagaga horyimid aan ahayn kii uu hoggaaminayay Sayid Maxamed Cabdille Xasan. Madaxwyne Cabdirashiid Cali Sharmaarke oo aragti siyaasadeed oo dheer lahaa, wuxuu ahaa siyaasiga keliya oo ka hortagay inay soo baxdo dood goosasho-doon ah oo ku salaysan xudduudo Biritishkii ka tagay ka sokow in Biritishku jebiyay dhammaan heshiisyadii uu laga galay beelaha Soomaaliyeed oo qaarkood uu dib u hoos geeyey waxa Soomaalidu u taqaanno gumeysiga madow ee Xabashida. Siyaasiyiinta koonfurta Soomaaliya xilligii dowladdii rayidka way ogaayeen in dareen goosasho-doon ah oo beelaha waqooyiga qaarkood ay wadeen. Majaladdii Dalka, uu Yuusuf Jaamac Dhuxul lahaa, waxay u bixisay kooxdaas goosasho-doonka ah “katangists”, oo waxay ugu magacdartay kooxdii gobolkii Katanga ee Kongo ka jirtay oo goosasho-doon ahayd lixdamaadkii qarnigii hore. 1957 Xaaji Muuse Boqor Cusmaan wuxuu kala hadlay Qunsulkii Maraykanka u fadhiyay Muqdisho in Itoobiya ay doonayso inay soo weerarto dhul Soomaaliyeed. Dhulkii Talyaanigu u xilsaarnaaa inuu gobannimada gaarsiiyo (The Trust Territory of Somaliland) ma ahayn dhulka halista ku jiray; wuxuu ahaa dhulkii Biritishku Ilaalin Jiray ee Soomaalida (British Somaliland Protectorate) oo dadka ku nool ay cabsi joogto ah la soo daristay kaddib markii Biritishku dhulka Haud & Reserve ku daray Itoobiya isaga oo jebiyay heshiiskii beelaha Soomaaliyeed uu kula galay inuu ilaaliyo dhulkooda. Ra’iisal Wasaare Cigaal oo London 1968kii booqanayay ayaa ku eedeeyay Biritishka inuu siray Soomaalida oo dhulkooda ku daray Itoobiya. Birtishku wuu diiday in qareen Micheal Mariano cuskado Common Law (Sharciga Guud) waayo xukummaddii Biritishka waxay ku doodday in Soomaalida lagu dhaqayay xeer Soomaali (customary law) oo aan ka shaqaynin maxkamadaha Biritishka. Maanta Biritayn ma oggola in laga hadlo heshiiskii beelaha Soomaaliyeed la galeen Imbaradooriyaddii Biritishka. Magdhaw ama raalli gelin midkood inay Biritayn bixiso ayaa qasab noqonaysa. Shirkii Soomali Weyn (Greater Somalia Conference) ka dhacay Muqdisho 1959kii wuxuu halyay Cabdullaahi Ciise ka sheegay in dhulka Soomaalidu leedahay ku dhow yahay duleedka Addis Ababa. Hadalkaas hurdo la’aan ayuu ku riday Xayle Salaase oo markii dambe joojiyay hanjabaaddii dadbanayd uu ku hayay Waqooyiga Soomaaliya. Soomaalida oo aan lahayn dowlad aqoonsi buuxda leh ayaa waagaas danaheeda difaacanaysay. Soomaalida oo qaran ah, leh far qoran ma aha dal sidii la doono laga yeeli karo. Maxamuud Ciise (Trunji) wuxuu ku qoray buugiisa Somalia: The Untold History 1941-1969, in Talyaanigu ka leexday xisbiyadii ka horjeeday SYL, oo uu u leexday xisbiga u taagan himilada dadka Soomaaliyeed. Mar kasta dadka qarannimada Soomaaliya ka horjeeda ama yaraysta dhib siyaasadeed ayaa soo gaarta waayo qofka dalkiisa iyo dadkiisa jecel laguma soo degdego, laakiin qofka dalkiisa neceb oo dal shisheeye inuu u daneeyo isku daya maalin uun baa lagu danaystaa kaddibna la iska tuuraa, sida haashka sigaarka. Dib uma shidmi karo xitaa haashkaas. Aadan M. S. Xuseen waa bare taariikhda ka dhiga jaamcad ku taalla Muqdisho. © Puntland Post, 2025 The post Sida Madaxweyne Cabdirashiid Cali Sharmaarke Uga Hortagay Kala Goynta Soomaaliya appeared first on Puntland Post.

Shirweynaha Guddoomiyaasha Baarlamaanada Carabta oo maalintii labaad ka socda Magaaladda Algiers ee caasimadda wadanka Algeria ayaa waxaa ka qeybgalay Guddoomiyaha Baarlamaanka Soomaaliya, waxaana sanadkan shirka looga hadlay arrimaha guud ahaan wadamada carabta gaar ahaan xaaladda Falastiin. Guddoomiyaha Baarlamaanka Federaalka Soomaaliya, Aadan Maxamed Nuur (Madoobe) oo Soomaaliya shirka ku matalaya ayaa maanta Shirka ka jeediyay khudbad dhinacyo badan taabaneysa, waxaana uu ugu horeyn u mahadcelyay Guddoomiyaha Baarlamaanka wadanka Algeria Ibrahim Boughali oo sidoo kale ah Guddoomiyaha Baarlamaanadda carabta, guddoomiyaasha baarlamaanadda Carabta ee shirka ka qeyb galay, dowladda Algeria oo shirka sanadkan martigelineysa iyo guud ahaan shacabka wadankaasi soo dhoweynta qiimaha leh ee ay u sameeyeen isaga iyo wefdigiisa. Guddoomiyaha Aqalka Hoose ee Baarlamaanka Soomaaliya ayaa ku dheeraaday qadiyadda Falastiin iyo muhiimadda ay xiligan leedahay in si dhab ah oo ka go’naansho ah looga hadlo loona wajaho, waxa uuna tilmaamay in Soomaaliya ay taageersantahay in garab istaag buuxa loo muujiyo Falastiin iyo in la helo dowlad rasmi ah oo Falastiiniyiintu leeyihiin caasimadeedana tahay Qudus. Ugu dambeyn, Guddoomiye Aadan Madoobe ayaa khudbadiisa kusoo gaba gabeeyay muhiimada ay leedahay xoojinta iyo adkeynta iskaashiga wadamada Carabta dhexdooda ah gaar ahaan baarlamaanada Carabta oo uu sheegay in wadajir iyo midnimo lagu gaari karo dhamaan ujeedooyinka iyo sidoo kale hadafyada horumarin dhinac walba lagu gaarsiin karo dalalka Carabta iyo shucuubtooda. Sidoo kalena waxa uu ku booriyay guddoomiyaasha kale ee shirka ka qeyb galaya in la dhaqan geliyo qodobada shirka ka soo baxa. PUNTLAND POST The post Guddoomiye Aadan Madoobe: Falastiin waa in ay heshaa dowlad Rasmi ah oo Caasimadeedu tahay Qudus appeared first on Puntland Post.

Tel Aviv (Caasimada Online) – Gantaal Axadda maanta ah ku dhacay gudaha garoonka diyaaradaha ugu weyn Israel, Ben Gurion, ayaa sababay dhaawaca lix qof, hakiyay duulimaadyadii, isla markaana sameeyay god ballaaran — weerar ay sheegteen fallaagada Xuutiyiinta Yemen ee ay taageerto Iran. Milatariga Israel ayaa sheegay in la sameeyay “isku dayo dhowr ah” oo lagu doonayay in hawada lagu qabto gantaalka laga soo riday Yemen — weerar naadir ah oo fallaagada Xuutiyiintu ku suurtagaleen inay ka gudbaan difaacyada cirka ee Israel. Muuqaal uu baahiyay booliiska Israel ayaa muujinaya saraakiil taagan agagaarka god qoto dheer oo gadaal ay ka muuqata taallada kantaroolka. Ma jirto wax khasaare ah oo la soo wariyay oo gaaray dhismayaasha ama jidadka diyaaradaha ee garoonka. Booliisku waxay xaqiijiyeen in “gantaal uu ku dhacay” garoonka Ben Gurion, oo ah xarunta ugu weyn ee duulimaadyada caalamiga ah ee Israel. Weriye ka tirsan AFP oo goobta joogay ayaa sheegay in gantaalku ku dhacay meel u dhow baarkinka Terminal 3 — qeybta ugu weyn ee garoonka — iyadoo godka uu ka sameeyay uusan ka fogayn hal kiiloomitir (0.6 mayl) dhanka dhabbaha diyaaradaha. “Tusaale ahaan, waxaad arkeysaa goobtan gadaal naga xigta: godkan balaaran ayaa halkan ka sameysmay, wuxuuna gaarayaa tobanaan mitir ballac iyo qoto ah,” ayuu yiri taliyaha booliska bartamaha Israel, Yair Hezroni, oo ka muuqday muuqaal ay baahiyeen ciidamadiisa. Weli lama caddeyn in saameynta uu sababay gantaalka la riday ama mid difaac ah oo lagu qabtay. Weerarka waxaa sheegtay Xuutiyiinta Yemen, kuwaasoo ku andacoonaya inay taageerayaan shacabka Falastiin ee ku hooban dagaalka Gaza. “Guutada gantaalka ee ciidamada Yemen waxay fuliyeen howlgal milatari oo lagu beegsaday garoonka Ben Gurion, waxaana loo adeegsaday gantaal xawaare sare leh,” ayaa lagu yiri bayaan ay Xuutiyiintu soo saareen. Hay’adda gurmadka degdegga ah ee Magen David Adom ee Israel ayaa sheegtay inay daweysay ugu yaraan lix qof oo qaba dhaawacyo fudud ilaa kuwo dhexdhexaad ah. Weriye AFP ah oo ku sugnaa gudaha garoonka xilligii weerarka ayaa sheegay inuu maqlay “dhawaq aad u culus” abbaaro 9:35 subaxnimo (0635 GMT), isagoo xusay in “gilgilashada ay ahayd mid aad u xooggan.” “Saraakiisha ammaanka ayaa isla markiiba amray boqolaal rakaab ah in ay galaan meelaha gabbaadka, kuwa qaarna waxay u hoydeen godad dhulka hoostiisa ah,” ayuu intaas ku daray. “Rakaab badan ayaa hadda sugaaya duulimaadyo, halka kuwo kale ay raadinayaan diyaarado kale oo ay ka dhoofaan.” Duulimaad Air India ah oo soo socday ayaa loo weeciyay Abu Dhabi, sida uu AFP u sheegay sarkaal garoonka ka tirsan. Qof rakaab ah ayaa sheegay in weerarku, oo dhacay wax yar kadib markii qaybo ka mid ah dalka laga maqlay digniin duqeyn, uu sababay argagax. “Waa wax laga xumaado in la yiraahdo tan iyo 7-dii Oktoobar waan la qabsannay arrimahan,” ayuu yiri rakaabkaasi oo codsaday in aan la magacaabin, isagoo xusaya weerarkii Xamaas ee 2023 oo sababay dagaalka Gaza. “Gantaal kasta wuu iman karaa mar kasta, noloshana si ku meel gaar ah ayay u istaagtaa. Maanta garoonka waxaa ka dhacay argagax, anigana waan baqay, maxaa yeelay qaraxu aad buu u xooganaa.” – Ballanqaad aargoosi – Maamulka garoomada Israel ayaa sheegay in “duulimaadyadii dib u bilaabmeen” garoonka Ben Gurion wax yar kadib markii ay hakad galeen. “Garoonku wuu furan yahay wuuna shaqeynayaa,” ayaa lagu yiri bayaan kasoo baxay hay’adda duulista hawada Israel. Wasiirka difaaca Israel, Israel Katz, ayaa hanjabay in ay jawaab adag ka bixin doonaan weerarka: “Qof kasta oo na weerara, annaguna toddoba laab ayaan ugu jawaabi doonaa.” Kooxda Xuutiyiinta Yemen ee ay taageerto Iran, kuwaas oo maamula qaybo badan oo dalkaas ka mid ah, ayaa gantaallo iyo diyaarado aan duuliye lahayn ku weeraray Israel iyo maraakiibta maraysa Badda Cas tan iyo markii uu billowday dagaalka Gaza, iyagoo sheegay in weeraradoodu yihiin mid ay ugu hiilinayaan shacabka Falastiin. Sabtidii, Xuutiyiintu waxay sheegeen inay fuliyeen weerarkoodii saddexaad oo gantaal ah laba maalmood gudahood. Inta badan gantaallada ay Xuutiyiintu rideen tan iyo bilowgii dagaalka Gaza waxaa qabtay difaacyada cirka ee Israel. Xuutiyiinta ayaa hakiyay weerarradoodii intii lagu jiray xabbad-joojintii laba bilood ahayd ee dhawaan laga gaaray Gaza. Hase yeeshee bishii Maarso ayay ku hanjabeen inay dib u bilaabi doonaan weerarrada ka dhanka ah maraakiibta caalamiga ah, iyagoo ku sababeeyay xannibaadda Israel ay ku hayso gargaarka bini’aadantinimo ee Gaza. Arrintaasi waxay keentay in milateriga Mareykanka uu bilaabo weerarro joogto ah oo la beegsado fallaagada Yemen laga bilaabo 15-kii Maarso, si loo joojiyo khatarta ay ku hayaan gaadiidka badda ee Badda Cas iyo Gacanka Cadmeed. Duqeymaha Mareykanka ee ka dhanka ah Xuutiyiinta waxay bilaabmeen xilligii madaxweyne Joe Biden, balse si aad ah ayay u kordheen markii Donald Trump xilka la wareegay. Tan iyo bishii Maarso, Mareykanka ayaa sheegay inuu beegsaday in ka badan 1,000 bartilmaameed oo ku yaalla gudaha Yemen.

Israa’iil ayaa dawladda Qadar ku dhalleecaysay doorka laba geesoodka ah ee ay ka ciyaarayso dhexdhaadinta Xamaas iyo Israa’iil iyo dadaallada xabbd-joojinta. Ra’iisul wasaaraha Israa’iil ayaa qoraal uu soo dhigay bartiisa X ku sheegay in la gaadhay xilligii Qadar ay joojin lahayd hadalkeeda laba wajiilaynta ah. Waxaana uu intaasi ku daray in Qadar ay la gudboon tahay in ay la safato “ilbaxnimada”, haddii kale ay doorato “waxashnimada Xamaas”. Majed Al-Ansari oo ah afhayeenka Wasaaradda Arrimaha Dibadda Qadar ayaa gaashaanka u daruuray eedaymaha dawladdiisa ka dhanka ah, waxaana uu xusay in warka ka soo baxay xafiiska raysal wasaaraha Israa’iil Benjamin Netanyahu uu yahay mid anshaxa ka madhan, sidoo kalana uu ka dhigan yahay heerka ugu hooseeya ee mas’uuliyadda siyaasadeed. Qoraalkiisa ayuu si aad ah ugu duray sheegashada Israa’iil ee ku aaddan difaacidda ilbaxnimada isaga oo ku eedeeyay in gradarrada ka dhanka ah Qasa iyo gaboodfallada dadka ratidka ah ay xasuusinayso sheegashooyin noocooda ah oo taariikhda hore u galay. Afhayeenka oo la garnaqsanaya Israa’iil ayaa hadalkiisa raaciyay weydiintan “ugu yaraan 138 la haystayaal ma waxa lagu sii daayay awood ciidan mise waxa ay ku timid dhexdexaadin la sameeyay?” Al-Ansaari waxa uu carrabka ku adkeeyay in siyaasadda arrimaha dibadda ee Qatar oo ku salaysan mabaadi’ aan u oggolaanayn in ay ka hor yimaaddaan doorkooda dhexdhexaadinta oo sida uu sheegay ku dhisan “daacadnimo oo la isku halleyn karo”. Waxaana uu sheegay in dacaayadaha raqiiska ah aanay ka hor istaagayn ilaalinta xuquuqda dadka iyo qaynuunka caalamiga ah. Hadalka Netanyahu ayaa yimid kaddib markii Qadar ay Jimcihii ay maxkamadda caalamiga ah ee Hague ka hor sheegtay in Israa’iil ay xasuuq ku hayso Falastiiniyiinta ku nool Marinka Qasa. Hawlgal ballaadhan oo ka socda Qasa Xigashada Sawirka,Reuters Dhinaca kale, warbaahinta Israa’iil ayaa ku warrantay in milatarigeedu ay soo saareen amarro ay ugu yeedhayaan kumannaan askari oo kayd ah si ay u taageeraan duullaanka ay ka wadaan Qasa, kaddib markii uu raysal wasaaraha Israa’iil ku dhawaaqay in uu dib u dhigay booqashadiisa soo socota ee Asarbayjaan. Sida laga soo xigtay Yedioth Ahronoth, askarta kaydka ah ayaa la geyn doonaa xadka Israa’iil ay la wadaagto Lubnaan iyo Daanta Galbeed ee la haysto, iyagoo beddelaya askar joogta ah oo hoggaamin weerar hor leh oo ku wajahan Qasa, sida uu wargayskaasi sheegay. Ma jiro weli wax war ah oo ka soo baxay dhinaca millateriga, balse wakaaladda wararka ee France Press ayaa sheegtay in ehellada warfidyeenkeedu ay ka mid ahaayeen dadka la siiyay amarrada abaabulka Sida laga soo xigtay maamulka warbaahinta Israa’iil, golaha amniga Israa’iil ayaa lagu wadaa in ay kulmaan maanta si ay u ansixiyaan duullaanka millitari oo intii hore ka ballaadhan. Xafiiska Raysal wasaaraha Israa’iil ayaa hore u shaaciyay in Benjamin Netanyahu uu dib u dhigi doono booqashadiisa Azerbaijan, oo la qorsheeyay 7-11-ka bishan May, isaga oo ku sababeeyay dhacdooyinkii ugu dambeeyay ee Gaza iyo Suuriya. Xafiiskiisa ayaa sidoo kale laga soo xigtay “Jadwal diblomaasiyadeed iyo mid amni” oo aan la shaacin wakhtigooda rasmiga ah laakiin la filayo in ay la xidhiidhaan kulanka Netanyahu iyo Madaxweyne Ilham Aliyev. Warbaahinta Israa’iil ayaa ku warrantay Jimcihii in golaheeda amnigu ay ansixiyeen qorshayaasha hawlgal ballaadhan oo laga fulinayo marinka Qasa. Maxaan ka ognahay xaalka lahaystayaasha? Xigashada Sawirka,ABIR SULTAN/EPA-EFE/REX/Shutterstock Mid ka mid ah lahaystayaasha oo haysta dhalashada Ruushka iyo Israa’iil oo dhaawacmay ayaa dhaawaciisa ku sababeeyay duqaymaha cirka ee Israa’iil, sida laga arkay muuqaal cusub oo ay soo saareen guutada Izzad-Din al-Qassam, oo ah garabka millateri ee Xamaas. Muuqaalkan oo la sii daayay Sabtidii, ayaa waxa ka muuqday nin jiifa oo dhaawacan, oo faashado dhiig ahi kaga xidhan yihiin madaxa iyo gacanta bidix. Kaddibna waxa la arkay muuqaal kale oo ay ku jiraan rag Xamaas ka tirsan oo qodaya burburka si ay u soo badbaadiyaan, ka hor inta aanu muuqaalka ka soo bixin lahayste kale oo lagu magacaabo “Bar.” La haystaha dhaawaca ah ayaa ku hadlay luqadda Cibriga oo ay ka muuqato lahjad Ruush ah, isagoo sheegtay in uu yahay “Maxbuus lanbar. 24.” Waxa uu sharraxay duqaymaha Israa’iil ay halkaasi ka gaysanayso iyo sida ay u saameeyeen. Warbaahinta Israa’iil ayaa ku warrantay in la haystahaasi uu yahay Maxim Herkin, oo 37 jirsaday dhammaadka bishan. Qoyskiisa ayaa soo saaray bayaan ay ka ga codsanayaan warbaahinta aanay baahin muuqaalka Xamaas. Dilka siddeed qof oo isku qoys ah Xigashada Sawirka,Reuters Afhayeenka difaaca madaniga ah ee Gaza, Maxamuud Basal ayaa u sheegay wakaalada wararka ee AFP in 11 falastiiniyiin ah lagu dilay Sabtidii duqaymo ay diyaaradaha Israa’iil ku qaadeen guriga qoyska al-Bayram oo ku yaalla deegaanka al-Hawouz ee badhtamaha Khan Yuunis ee koonfurta marinka Qasa. Waxa uu xusay in siddeeda qof ee dhintay oo dhammaantood hal qoys ka soo jeeday ay ku jireen gabar iyo wiil hal sano jir ah iyo sidoo kale ilmo hal bil jir ah. Sida laga soo xigtay muuqaal uu baahiyay Difaaca Madaniga ah, samata-bixiyayaal iyo dad rayid ah adeegsanaya toosh si ay uga baadhaan dadka laga yaabo in ay ku hoos jiraan burburka ayaa soo bixiyay ilmo carruur ah. Milateriga Israa’iil ayaa xaqiijiyay duqeynta, iyagoo sheegay in ay bartilmaameedsadeen waxa ay ugu yeedheen “argagixisada Xamaas ah”, bal se ma ay bixin faahfaahin dheeraad ah. Difaaca madaniga ah ayaa intaa ku daray in shaqaalahoodu ay meydad iyo dhaawac ka soo saareen bartilmaameedka guriga qoyska Zarab ee ku yaala deegaanka Batn al-Sameen, ee koonfurta Khan Yuunis. Qaran News

Laascaanood (Caasimada Online) – Maamulka SSC-Khaatumo ayaa si rasmi ah uga jawaabtay hadal dhawaan kasoo yeeray Madaxweynaha Puntland, Saciid Cabdullaahi Deni, kaasoo muujiyay in Puntland ay ka xun tahay xiriirka dhow ee u dhexeeya SSC-Khaatumo iyo dowladda Federaalka Soomaaliya. Maamulka SSC ayaa si cad u sheegay in mowqifkooda siyaasadeed uusan ku xirnayn ra’yiga Puntland. Wasiirka Warfaafinta ee SSC-Khaatumo, Najiib Barkhadle Warsame, ayaa carabka ku dhuftay in maamulka SSC aanu u baahnayn in uu Puntland kala tashado xiriirka uu la leeyahay dowladda dhexe. Waxa uu xusay in labada dhinacba ay si madax-bannaan ula macaamili karaan dowladda Federaalka, taas oo aan waxba ka beddelayn sharcinimada iyo madax-bannaanida go’aannadooda. Najiib Barkhadle ayaa si adag u dhaliilay Puntland isagoo xusay in aysan wax wadatashi ah la samayn SSC markii ay xiriir la sameysay maamul gooni u goosad ah, oo ula jeedo Somaliland. Sidoo kale wuxuu su’aal geliyay sababta SSC looga filan karo inay Puntland kala tashato xiriirka ay la leedahay dowladda federaalka, iyadoo Puntland lafteedu tallaabooyin aan lala oggolayn qaaday. Wasiirku waxa uu sidoo kale shaaca ka qaaday in maamulka SSC-Khaatumo uu marar badan isku dayay inuu wada-hadal iyo xiriir la yeesho Puntland, hase yeeshee aysan wax jawaab ah ka helin dhanka maamulkaas, gaar ahaan Madaxweynaha Puntland. Isagoo arrinta sii faah-faahinaya, Wasiir Najiib ayaa sheegay in SSC aysan cidna uga baahnayn oggolaansho marka ay tahay difaaca danahooda siyaasadeed. Waxa uu xusay in SSC si cad u fahamsan tahay in taladooda u taallo iyaga, ayna tahay mid aan lala sugin go’aamada maamul kale. Sidoo kale, Wasiirka Warfaafintu waxa uu sheegay in SSC ay dantooda siyaasadeed iyo tan dadkooda ku arkeen in ay xiriir toos ah la yeeshaan dowladda federaalka. Tani waxay qeyb ka tahay dadaallada SSC ee ay ku doonayaan in codkooda laga maqlo heerka qaranka, lagana qayb-geliyo arrimaha siyaasadda dalka. Wasiirka ayaa ugu dambeyntiina adkeeyay in SSC ay ku howlan tahay sidii kuraasta deegaanadooda loogu soo dooran lahaa gudaha maamulaan, halkii laga geysan lahaa gobollo kale. Tallaabadan ayaa ah mid ay maamulka SSC ku doonayaan in ay xaqiijiyaan matalaad dhab ah oo salka ku haysa rabitaanka shacabka deegaanka.

Caasimadda Israa’iil ayaa wajahday weerar culus kadib markii Xuutiyiinta Yemen ay ku tuureen gantaallo iyo madaafiic la beegsaday garoonka diyaaradaha Ben Gurion ee magaalada Tel Aviv. Warar cusub ayaa sheegaya in qeybo kamid ah madaafiicdaasi si toos ah ugu dhaceen garoonka, taas oo sababtay waxyeello iyo hakad ku yimid dhammaan duullimaadyadii garoonka. Afhayeen u hadlay ciidamada milatariga Xuutiyiinta ayaa si cad u sheegay in ay mas’uul ka yihiin weerarka, isagoo yiri: “Waxaan fulinay howlgal milatari oo aan ku beegsanay madaarka Ben Gurion. Waxaan uga digeynaa dhammaan shirkadaha duulimaadyada caalamiga ah in ay isku dayaan in ay isticmaalaan garoonkaas, waayo hadda waa meel aan aamin ahayn.” Qalabka difaaca cirka ee Israa’iil, gaar ahaan nidaamka Iron Dome, ayaa la sheegay inuu ku guuldareystay inuu qabto dhammaan gantaallada, taasoo sababtay cabsi weyn iyo kala carar ka dhashay gudaha magaalada. Ilo caafimaad ayaa xaqiijiyay in ay jiraan dad rayid ah oo ku dhaawacmay weerarka, inkasta oo tirada saxda ah aan wali si rasmi ah loo shaacin. Maamulka garoonka Ben Gurion ayaa si degdeg ah u xiray garoonka, iyadoo dhammaan duullimaadyadii gudaha iyo kuwa caalamiga ah la joojiyay illaa amar dambe. Source: goobjoog.com

Mogadishu (HOL) — The SSC-Khaatumo administration has dismissed recent criticism from Puntland, saying it is under no obligation to consult the Puntland regional government about its relationship with Somalia’s Federal Government. Source: Hiiraan Online

Mogadishu (HOL) — Somali government forces, in collaboration with local community fighters, killed at least 50 Al-Shabaab militants in heavy fighting on Saturday along the border between the Hiiraan and Middle Shabelle regions, according to the Ministry of Defense. Source: Hiiraan Online

Mogadishu (HOL) — The leader of the SSC-Khatumo Regional State, Abdulqadir Ahmed Aw Ali Firdhiye, arrived in Mogadishu on Saturday ahead of the upcoming National Consultative Council (NCC) meeting set to open on Monday. Source: Hiiraan Online

Mogadishu (HOL) — Somalia’s Defense Minister Ahmed Moallim Fiqi said Saturday that the federal government’s recent decision to ban Taiwan-issued passports was triggered by a planned visit of senior Taiwanese officials to Somaliland, which he described as a violation of Somalia’s sovereignty. Source: Hiiraan Online

Somalia’s Minister of Petroleum and Mineral Resources, Dahir Shire Mohamed, has hailed the country’s new hydrocarbon partnership with Türkiye as a “timely boost” to unlock its vast but underdeveloped natural resources. Source: Hiiraan Online

More than 45,000 people have been affected by flash floods in Somalia since mid-April, the United Nations said, with at least four people killed in the rapidly rising waters. Source: Hiiraan Online

Arsenal paid the price for looking ahead to next week's Champions League semifinal return leg away to Paris Saint Germain on Saturday when Mikel Arteta's side was stunned by a 2-1 defeat at home to Bournemouth. Source: Hiiraan Online

The recent killing of five Special Operations Group (SOG) members and injuries suffered by eight officers have renewed fears over the resurgence of terror attacks in the country. Source: Hiiraan Online

Sudan’s paramilitary Rapid Support Forces (RSF) carried out a drone attack on a military air base and other facilities in the vicinity of Port Sudan Airport, a Sudanese army spokesperson said on Sunday, in the first RSF attack to reach the eastern port city. Source: Hiiraan Online

FC Barcelona survived a difficult night away to bottom of the table and already relegated Valladolid to open a seven-point lead over Real Madrid at the top of La Liga ahead of Madrid's game at home to Celta Vigo on Sunday. Source: Hiiraan Online

Dabley hubaysan oo aan weli la aqoonsan ayaa xalay abbaare 2:00am ee gelinkii danbe laba nin ku dilay bannaaanka hore ee hotel Baashe ee bartamaha Garoowe. Labada marxuum oo midkood waardiye ahaa ayaa u geeriyooday rasaas ay ku fureen dabley hubaysan oo goobta isaga baxsaday, kaddib markii ay dilka geysteen, islamarkaana baaritaan ayaa ku socda dhacdadaasi, siday sheegayaan saraakiisha Booliska gobolka Nugaal. Saraakiil ka tirsan ciidanka Booliska Nugaal ayaa noo sheegay in dilkaasi oo dhacay abbaare 2:00am ee gelinkii danbe ee xalay ay baaritaan ku wadaan, balse aysan wakhti xaadirkan bixin karin faahfaahin intaasi ka baxsan ilaa laga dhammaystiro baaritaanka. Marka laga soo tago saraakiisha aan sida gaarka ah xiriirka ula samaynay ma jirto warbixin ku saabsan dilkaasi oo si rasmi ah uga ka soo baxday laamaha Ammaanka Puntland gaar ahaanna ciidanka Booliska oo baaritaan ku wada dhacdadaasi. PUNTLAND POST The post Dabley hubaysan oo xalay laba nin ku dilay magaalada Garoowe appeared first on Puntland Post.

Dabley hubeysan ayaa habeenimadii xalay laba nin ku dilay gudaha hotel ku yaalla bartamaha magaalada Garoowe, caasimadda Puntland. Falkan naxdinta leh ayaa dhacay xilli fiid ah, iyadoo wararka hordhaca ah sheegayaan in mid ka mid ah ragga la dilay uu ahaa waardiye ka howlgalayay hotelka. Ciidanka ammaanka ee Garoowe ayaa si degdeg ah uga falceliyay dhacdada, waxayna sheegeen in ay bilaabeen baaritaanno lagu daba joogo kooxdii weerarka fulisay. Sida ay sheegeen saraakiisha booliiska, dableydu waxay ka baxsadeen goobta markii ay geysteen dilka, iyagoo aan weli la aqoonsan. Dilka ayaa cabsi hor leh ku abuuray dadka deegaanka, iyadoo shacabka qaar ay muujiyeen walaac ballaaran oo la xiriira ammaanka magaalada, gaar ahaan bartamaha Garoowe oo ah goob muhiim ah oo ay ku yaallaan xarumo ganacsi iyo hoteello badan. Source: goobjoog.com