The Supreme Court ruled unanimously Monday that immigrants who entered the country unlawfully and were granted a temporary stay for humanitarian reasons do not become eligible to seek permanent residency. Source: Hiiraan Online

More than 130 al-Shabab militants have been killed in the past three weeks of security operations in the Middle Shabelle region, the Somali National Army (SNA) said on Monday. Source: Hiiraan Online

A man accused of killing four members of a Canadian Muslim family after running them over in his pickup truck, targeted them in an attack motivated by hate, police said on Monday. Source: Hiiraan Online

Afgooye (Caasimada Online) – Faah faahino dheeraad ah ayaa waxaa laga helayaa howl-gal qorsheysan oo ciidamada sida gaarka ah u tababaran ee Danab ay ka fuliyeen qeybo ka mid ah gobolka Shabeelaha Hoose oo hoostaga dowlad goboleedka Koonfur Galbeed Soomaaliya. Howl-galka ayaa waxaa lagu soo warramayaa inuu si gaar ah uga dhacay deegaanka Cali Boorow oo ay ku sugnaayeen dagaalyano ka tirsan kooxda Al-Shabaab. Saraakiil ka tirsan ciidamada Xoogga dalka Soomaaliyeed oo la hadlay warbaahinta ayaa shaaca ka qaaday in howl-galkan lagu qabtay xubno ka tirsan dagaalyahanada kooxda Al-Shabaab, isla-markaana u qaabilsanaa uruurinta lacagaha ay ugu yeeraan Zakawaat-ka. Sidoo kale saraakiisha ayaa tilmaamay in weli howl-galka uu socday, isla-markaana ujeedkiisa uu yahay sidii Al-Shabaab looga saari lahaa gobolka oo dhan. Ilo deegaanka ah ayaa sidoo kale innoo sheegay in wax dagaal ah uusan ka dhicin deegaanka Cali Boorow oo howl-galka qorsheysan ay ka fuliyeen ciidamada Danab. Ma jiro illaa iyo hadda wax hadal ah oo kasoo baxay dhinaca Al-Shabaab oo la xiriira howl-galkaasi ay guulaha ka sheegteen ciidamada dowladda federaalka ah ee Soomaaliya. Xaaladda ayaa haatan yare degan, balse waxaa dadka deegaanka ay cabsi ka muujinayaan inuu dagaal ka dhaco halkaasi, maadaama ay dhaq-dhaqaaqyo wadaan labada dhinac. Shabeelaha Hoose ayaa ka mid ah meelaha sida weyn ugu xoogan tahay kooxda Al-Shabaab, iyada oo weeraro qorsheysan iyo qaraxyo kasoo abaabusho gobolkaasi. The post Ciidamada Danab oo howl-gal qorsheysan ku qabtay xubno ka tirsan AlShabaab appeared first on Caasimada Online.

Wararka ka imaanaya Gobolka shabeellada Hoose ayaa sheegaya in dagaalamayaal iyo saraakiil ka tirsan Al-shabaab ay ku geeriyoodeen qarax ka dhacay tuulo hoostagta degmada Qoryoolay ee gobolkaasi. Qaraxa ayaa ka dhacay tuulada Aala-footow ee dhinaca galbeed qiyaastii 65-kiilo-mitir ka xigta degmada Qoryooleey ee gobolka Shabeelada hoose. Warbaahinta ku hadasha afka ciidamada qalabka sida ayaa shaacisay in qarax uu si gaar ah kaga dhacay xaruntii Al-shabaab ay ku farsameen jireen qaraxyada oo ku taala gobolka shabeellada hoose. Xarunta qaraxyada lagu farsameynayay ayaa waxaa ku sugnaa saraakiill ajaaniib iyo Soomaali ah iyo dagaalameyaal badan oo ka tirsan Al-shabaab, kuwaasi oo dhamaantooda goobta ku geeriyooday, kadib markii xiligaasi ay ku howlanaayeen diyaarinta waxyaabaha qarxa. PUNTLAND POST The post xubno ka tirsan Al-shabaab oo ku geeriyooday qaraxyo ay diyaarinayeen appeared first on Puntland Post.

Siyaasi Maxamed Biixi Haaruun oo ka hadlay Tartanka Xilka Maayernimo ee Hargeysa+Sadexda Musharax ee la kala wato Intii ay soo baxday natiijada doorashadii gobolka M/jeex, waxa soo xoogaysanaaya olole ku saabsan meeyarnimada Hargeysa oo sadexda xisbi kala wattaan. In kasta oo aanay xisbiyadu rasmi u shaacinin shakhsiyaadka ay wax u doonayaan, hadana waxa magaalada ku badan saddex magac – Cabdikariim A. Mooge (Waddani), C/raxmaan Soltelko oo Kulmiye ay rabaan in ay soo celiyaan, iyo nin kale oo magaciisa la iigu sheegay Siciid C/samad oo UCID ka socda. Sidoo kale, waxa aan maqlayaa Kulmiye in aanay Soltelko isku raacsanayn oo nin kale oo Siciid Jaamac lagu magacaabo uu isna safka hore ku jiro. Si kastaba, hadal gun buu leeyahay ee waxa xoog u adkaan doonta in Mooge oo daafaha iyo daamaha Hargeysa oo dhan laga doortay, lagu bedelo xildhibaan jifo, oo qoyskoodu doortay, oo dhawr kun oo cod dirqi iyo tu xun ku keenay. Xaaladda taas oo kale ah ma ahayn cidda xilkaas qabanaysaa in ay muran gasho, laakiin degmadeena wax u gaar ah ayaa jira. Haa, wax u gaar ah baa jira oo jilayaasha siyaasaddu badiyaa ma tix geliyaan rabitaanka dadweynaha, mana xishoodaan, tixgelin la’aanta iyo xishood darada ayaana sabab u ah dhaqamo badan oo aynu aragno/maqalno. Waxa qoray Maxamed Haaruun Biixi Qaran News

Marka hore waa run in ilaa iyo xad xisbiyada mucaaridku gaar ahaan WADDANI uu doorashadan guul lama filaan ah ka gaadhay markii uu kuraasida ugu badan ee wakiilada isagu ku guulaystay. Dabcan hadii aan ku hambalyeeyo lafteedana wax dhibaato ah uma arko mana ahi shakhsi ka tirsan sadexda xisbi midnaba. Keliya waxan qirayaa oo aan cid kalena dafiri karin in WADDANI uu guusha ku kasbay dadaal iyo qorshayaal uu aad uga baaraan degay sidii guusha uu kasbay ugu xaqiijin lahaa waanay u shaqaysay hadii aan la is xaasidayn. Mucaaridka waxa kale oo caawiyay xaaladda xisbul xaakimka Kulmiye oo dad badan oo taageersanaa ay muddoba ka dayrinayeen balse laga dhego adaygay ka hor doorashadaba. Intaasoo jirta hadana waxa run ah oo la yidhaa ciyaari waa gelin dambe. Kulmiye wax badani waxay kaga xidhan yihiin hadba sida Madaxwayne Muuse Biixi uu uga falceliyo guul darrada xisbigiisa ee doorashadan iyo talaabooyinka uu qaado si xisbigiisu uga soo kaban karo khasaaraha doorashadan xili ay 16 bilood oo keli ahi ka hadhsan tahay doorashadii Madaxtooyada. In kasta oo weli natiijadii rasmiga ahayd ee doorashadu aanay soo bixin haddana waxa durtaba muuqda in uu bilawday olole hor leh oo lagu kala xodxodanayo xildhibaanadii iyo xubnihii golayaasha degaamada ee ku soo baxay doorashada. Waxa la isku hayaana waa yaa noqon doona Shirgudoonka Golaha cusub ee wakiilada iyo weliba Meeyarada (Gudoomiyayaasha Golayaasha Degaanka) gaar ahaan degmooyinka heerka “Grade A” oo kuwa ugu muhiimsan ee mucaaridku ku taamayo ay yihiin caasimadda Hargeysa iyo Berbera oo ah magaalo-dekedeedka keliya ee Somaliland. Dhinaca kale isbahaysiga labada xisbi ee mucaaridka waxa jira dad sharaystay ama ka shakiyay balse maaha wax ku cusub Somaliland. Tan iyo xiligii Rayaale way dhici jirtay in mucaaridku mararka qaar ay heshiisyo gaar ah oo isxulafaysi ay dhex maraan si ay mawqifyo midaysan uga qaadan karaa arimo gaar ah oo xadidan xilyo gaar ah, oo ay u arkaan in ay jiraan dano gaar ah oo ay wadaagi karaan ama ay tahay in ay u midoobaan si ay isaga dhiciyaan xisbul xaakimka markaa talada haya. Hadana waa la og yahay oo maaha qasab in wax kasta mucaaridku ay isku aragti ka noqdaan waxanay inta badan ku xidhan tahay danaha ay wada leeyihiin iyo kuwa ay kala leeyihiin. Mararka qaar waxaba dhici jirtay in labada xisbi ee mucaaridka uu mid la daawaysto xisbul xaakimka maanta lafteeda iyo mustaqbalka dhawna maaha wax aan la fili karin in ay dhacdo. Qaran News

MOGADISHU (Reuters) – A Somali mother and her child were killed and four others injured when a Kenyan warplane bombed two towns in southern Somalia, the woman’s husband said on Monday. The bombing by the Kenyan plane occurred last Thursday night in two towns in the Gedo area in Somalia’s semi-autonomous state of Jubbaland. The Somali government on Friday condemned what it called “indiscriminate air strikes” in El Ade and Hisa-u-Gur towns carried out by Kenyan forces. A contingent of the Kenyan military is part of the African Union-mandated peacekeeping force AMISOM stationed in Somalia to help defend the government from the al Qaeda-linked insurgent group al Shabaab. Ali Ahmed Sheikh, the woman’s husband, told Reuters on Monday he had been out of the house when the warplane struck his family home in El Ade and that of a neighbour on Thursday night. “I found my house destroyed, my wife Sahra Aden and the baby she suckled dead,” Sheikh told Reuters from Erdogan Hospital in the Somali capital Mogadishu. He was there attending to his children – two boys and two girls – who were injured in the attack. He said that in the raid, the Kenyan planes had also bombed other villages and destroyed telecommunications masts of Hormud Telecom, a Somali telecoms firm. A Somali government statement said the air strikes had resulted in death and injury of civilians including women and children, but it gave no specific details about the victims. Zipporah Kioko, spokesperson for the Kenyan military, referred Reuters back to AMISOM for comment on the incident. In a statement on Saturday, AMISOM said it was gathering information on the reported incident. Al Shabaab is seeking to topple the government and establish its own rule in Somalia based on its own strict interpretation of Islamic sharia law. Source: Reuters The post Kenyan air strike in Somalia allegedly kills woman and her child appeared first on Caasimada Online.

Ceerigaabo (Caasimada Online) – Guddoomiyihii hore ee baarlamaanka Puntland, Mudane Cabdixakiin Maxamed Axmed (Dhoobo-Daareed) ayaa faah faahin dheeraad ah waxa uu ka bixiyey cida is hortaagtay in doorashada Somaliland ay ka dhacdo qeybo ka mid ah gobolka Sanaag ee waqooyiga Soomaaliya oo isku hayaan Somaliland iyo Puntland. Dhoobo-Daareed ayaa marka hore beeniyey sheegashada Puntland ee ah inay ka hortegtay in doorashada Somaliland lagu qabto deegaano muhiim ah oo ka tirsan gobolkaasi, isaga oo sidoo kale waxba kama jiraan ku tilmaamay warka kasoo baxay xukuumadda Garoowe. Sidoo kale wuxuu intaasi ku daray in doorashadaasi ay iska diideen dadka shacabka ah ee ku dhaqan gobolka Sanaag, isla-markaana ay mudan yihiin in lagu boggaadiyo. “Puntland kamay celin doorashada Somaliland dhulka Maakhir ee dadkaa diiday oo ku amaanan” ayuu yiri Cabdixakiin Maxamed Axmed (Dhooba-daareed). Guddoomiyihii hore ee golaha wakiilada Puntland oo hadalkiisa sii wata ayaa sidoo kale ugu baaqay shacabka inay sii adkeeyaan mowqifkooda. Hadalkan ayaa kusoo aadayo, iyada oo dhowaan deegaanada Somaliland oo gobolka Sool uu ka mid yahay ay ka dhacday doorashada golaha wakiilada iyo tan deegaanka ee maamulkaasi, taas oo ay ka qeyb-galeen in ka badan hal milyan oo qof oo codadkooda dhiibtay. Si kastaba labada maamul ee Somaliland iyo Puntland ayaa isku haya deegaano ka kala tirsan gobollada Sool iyo Sanaag, iyaga oo marar badan ku dagaallamay gobolladaasi. The post Dhoobo-Daareed oo war xasaasi ah kasoo saaray doorashada Somaliland appeared first on Caasimada Online.

Siduu Abuubakar Shekau ku noqday hoggaamiyaha Boko Xaraam?+Halkuu Dhaqaalaha ka heli jiray Abuubakar Shekau wuxuu awoodda kooxda la wareegay markii uu gacanta booliska ku dhintay ninkii aasaasay ururkaas, Maxamed Yusuf, sanadkii 2009-kii. Shekau wuxuu kooxda u horseeday in weeraro dhiig badan uu ku daatay ay ka fuliso waqooy bari Nigeria iyo dalalka qaar ee deriska la ah. Intii uu hoggaaminayay Boko Xaram, waxay kooxda fuliyeen weeraro loo adeegsaday bambaanooyin, falal afduub ah iyo in ay maxaabiis si xoog ah uga soo sii daayaan xabsiyada. Sannadkii 2014 waxay kooxda bilowday olole ay ku qabsaneysay magaalooyinka, si shareecada Islaamka ay halkaas ugu soo rogaan. Abuubakar Shekau ayaa la rumeysan yahay in uu jiray da’da 40 sano, wuxuu ka soo dhex muuqanayay muuqaallo uu uga hadlayay ololaha kooxda. “Waxaan ku raaxeystaa dilka, sida aan ugu raaxeysto marka aan gowracayo digaagta ama Idaha”, ayuu yiri mar uu ka soo muuqday muuqaal la baahiyay 2012-kii. Tan iyo markii uu hoggaanka kooxda la wareegay, in ka badan 30,000 oo qof ayaa ku dhimatay weerarrada, halka in ka badan 2 milyan oo qof ay guryahooda ka qaxeen. Kooxdan ayaa si weyn looga hadal hayay caalamka ka dib markii sannadkii 2014 ay boqollaal gabdho ah ka afduubteen iskuul ku yaalla degmada Chiboka ee gobolka Borno, waxaana bilowday olole lagu baadigoobayay gabdhahaas oo in badan oo ka mid ah ay wali maqan yihiin. Wixii xilliggaas ka dambeeyay, Mareykanka wuxuu ku dhawaaqay in Shekau uu yahay ‘argagixiso caalami ah’, waxaa uu dul digay madaxiisa $7 milyan oo doolar. Abuubakar Shekau wuxuu dagaal dhiig badan uu ku daatay ka waday waqooyi bari Nigeria, in ka badan 10 sano, waxaana ka hor yimid ururka la baxay dowladda Islaamka ee Galbeedka Afrika, maadama uu ahaa nin aad xagjir u ah. Dadka qaar waxay saadaalinayaan in geerida Abuubakar Shekau ay horseedi doonto in uu soo afjarmo dagaalkii kooxdan kala dhexeeyay ururka Iswap, waxaana dhici karta in dagaalyahanada Boko Xaraam ay ku biiraan ururkaas, halka dad qaar ay sheegayaan in dagaalyahannada ay weli kusii dheganaan doonaan fikradihii Shekau. Halkuu dhaqaalaha uu ka heli jiray? Boko Haram waxay soo caan baxday oo ay warbaahinta caalamka soo jiidatay sannadkii 2014-kii, ka dib marki dugsi ku yaallo magaalada Chibok ee gobolka Borno oo ay kooxda si aad ah uga dhaqdhaqaaqdo ay ka afduubteen 300 oo gabdhood oo iskuulkaas wax ka baraneysay. Machadka Dhaqaalaha iyo Nabadda ee Afrika ayaa sannadkii 2015-kii sheegay in kooxda Boko Xaram uu yahay midka ugu waxyeellada badan ee kooxaha argagixisada ee caalamka ka dagaallama. Xarunta dhexe ee gaashaandhigga Nigeria ayaa sheegtay in ka ganacsiga daroogada iyo lacag ka timid caalamka oo dhan ay tahay mida lagu maalgeliyo dhaqdhaqaaqyada Boko Xaram oo ay ku jiraan madaxfurasho laga helo afduubayada. Deegaannada kooxda gacanta ugu jira ayaa sannadihi ugu dambeeyey hoos u dhacayey, maadaamaa ay ururka dhexdiisa kala qaybsnaan ka dhalatay. Sannadkii 2015-kii, Abubakar Shekau wuxuu ballanqaaday inuu daacad u yahay ururkii la baxay Khilaafada Islaamka ee uu hoggaaminayay Abubakar Al-Baqdadi, wuxuuna ballanqaaday in uu magaca Boko Xaram u beddelo Iswap. Balse sannadkii 2016-kii, ISIS waxay u Shekau ku bedeshay Abu Muscab al-Barnawi oo ahaa hoggaamiye ka tirsanaa kooxda, taas oo keentay in Shekau uu sameeyo koox u gaar ah oo loogu yeero Jamaacatu Ahlu-Sunna Liddacwati wal-Jihadi (JAS). Sida kooxda ay u fiday intuu madaxda ka ahaa? Abuubakar Shekau wuxuu dagaal dhiig badan ku daatay kula jiray militariga Nigeria, Chad iyo Niger, 10-kii sano ee la soo dhaafay. Intii uu kooxda madaxda ka ahaa ayaa laga bartay daafaha caalamka, waxayna waarer ka geysteen Nigeria iyo dalalka deriska la ah, waxayna ku dileen boqollaal qof. Shekau wuxuu kala wareegay hoggaanka Boko Xaaram Mohammed Yusuf, oo meel fagaare ah ay ku dileen booliska Nigeria, sannadkii 2009-kii. Kooxdan ayaa si weyn looga hadal hayay caalamka ka dib markii ay bilowday afduubka gabdhaha iskuulleyda ah ee Waqooyi-Bari Nigeria. Waana xilligii uu bilowday olole kooxdaas ka dhan ah. Haddii la xaqiijiyo geerida Shekau, waxaa laga yaaba in kooxda ay soo afjaranto, sida ay sheegayaan falanqeeyayaasha gobolka. Kooxda la baxday dowladda Islaamka garabkooda galbeedka Afrika ayaa dagaal adag kula jira kooxdan Boko Xaram. Qaran News

Maxaa sababay in Doorashada Golaha Wakiilada Somaliland Dumar ku soo bixi waayaan Ururrada u dhaqdhaaqa arrimaha haweenka ee Jamhuuriyadda Somaliland, ayaa walaac ka muujiyey in haween badan aysan ku soo bixin Doorashooyinkii goleyaasha deegaanka iyo kan wakiillada ee dhawaan lagu soo gabogabeeyey. Seddax hablood oo keli ah ayaa ku soo baxay goleyaasha deegaanka, halka baarlamaanka aysan u soo bixinba qof dumar ah. Baarlamaanka hadda wakhtigiisu dhamaaday ee Somaliland waxaa ku jirtay hal gabadh, balse midda cusub, xitaa middii lagama heli doono. Haddaba maxa keenay in dumar badan ay doorashooyinka ku soo bixin waayaan? Maxaa loo aaneyn karaa arrintan? Iimaan Maxamed Cumar oo ka tirsan hawl wadeennada Dalladda ururrada aan dawliga ahayn ee Sonsaf, waxay sheegtay in arrinta ay dhaqan sabab u tahay. “Waxaa ka mid ah dhaqanka iyo dhaqan-dhaqaalaha ee shicbiga reer Somaliland ama umadda Soomaaliyeed qaabka ay u nool yihiin”, ayey tiri, iyadoo la hadlaysay BBC Somali. “Waxaad arkeysaa dad badan oo leh ‘dumarka may isku codeeyaan?’ balse dumarka iskuma codeyn karaan, waayo anigeygaan Imaan ah ee kul hadlaya waxaan u taaganahay qabiil, oo reerkeyegaas uunbaan u codeynayaan”. Waxay sidoo kale tilmaamtay in gabadha guursatay reer kale ay saameyn ku yeelaneyso arrintaas oo aysan heleynin codadka doorashada. Waxay Imaan tiri: “Gabadha laba reerood u dhexday waxaa ku dhacaya in ay wax ka wayso labada dhinacba. Waxay is waydiinayaan oo ay ka doorbidayaan inanka sharaxan.” Arrimaha kale ee loo sababeynayo waxaa ka mid ah dhaqaalaha oo dumarka aad ugu yaraan iyo in dhaqdhaqaaqooda baraha bulshada uu aad u koobnaa. Sidoo kale, Iimaan waxay tilmaamtay in xilliyada ololaha iyo sida ragga ay habeenka u safrayeen in ay haweenka ku adkayd. “Habluhu mayna lahayn meelo waaweyn oo la iskugu yimaada”. Ayey sheegtay. Qaran News

Hargeysa (Caasimada Online) – Xisbiyada mucaaridka Somaliland ayaa bilaabay kulamo looga arrinsanayo xilalka sarre ee golaha deegaanka iyo wakiilada, kadib markii ay dhawaan ku dhawaaqeen Isbaheysiga cusub oo siyaasadeed. Sida ay Caasimada Online u sheegen mas’uuliyiin sarre oo ka tirsan labada xisbi, hogaanka Waddani iyo Ucid ayaa isku raacay inay kala qeybsadaan maayirka Hargeysa iyo guddoonka golaha wakiiladda. Xogta ayaa sheegaysa in Xisbiga Ucid uu qaadanayo maayirka caasimada Somaliland ee Hargeysa, halka uu xisbiga Waddani isagna uu qaadanayo guddoonka golaha wakiilada, waxaana socda shirar looga hadlayo arrintaas. Guddiga ay labada xisbi u magacaabeen isbaheysigan cusub ayaa durtaba bilaabay kulamo uu ku qancinayo musharaxiinta labada xisbi ee kal hore isku soo taagay xilalka ay heshiiska ka gaareen hogaanka sarre. Dooda ugu adag ayaa xiligan waxay ka taagan tahay sidii loo qancin lahaa Xildhibaan Cabdikariin Axmed Mooge iyo qaabka shacabka reer Hargeysa looga dhaadhicin lahaa in maayirnimada caasimada Somaliland ee Hargeysa loo doorto shaqsi kale oo ka socda xisbiga Ucid. Cabdikariin Axmed Mooge oo kamid ahaa musharaxiintii dhawaan kusoo baxday doorashada golaha deegaanka oo ka sharaxnaa Waddani, ayaa waxaa u codeeyay dad ka badan 26-kun oo qof, wuxuuna ololihiisi doorashada ku galay inuu u taagan yahay xilka maayirnimada caasimada, midaasi oo shacabka reer Hargeysa ugu hiiliyeen codadka qeyrul xadka ah. Cabdikariin Mooge oo si weyn u hantay quluubta dadka reer Hargeysa, islamarkaana kusoo baxay codad ka badan afar jibaar kuwa musharaxiinta kale, ayaa xiligan wajahaya culeys uga imaanaya Isbaheysiga cusub ee xisbiyada mucaaridka. Magaalada Hargeysa ee caasimada Somaliland ayaa waxay sanadihii u dambeeyay la daala dhaceysay duruufo kala duwan, ha ugu horeeyan jidad xumi iyo dayac dhanka arrimaha bulshada, taasi oo ay si weyn uga gaabisay dowladda hoose, waana sababta la rumeysan yahay in shacabka reer Hargeysa ay codad xad dhaaf ah ugu rideen Cabdikariin Axmed Mooge oo u taagna maayirnimada caasimada. Dadka falanqeeya siyaasada ayaa u arka tallaabada ay qaadeen labada xisbi mid wax u dhimi karta kalsoonida curdinka ah ee shacabka ka qabo in codkooda wax ku bedeli karaan oo la ixtiraamayo, iyagoona ku doodaya in arrintaas gef ku tahay 26-ka kun ee 31-kii May u galay safafka dheer sidii ay codkooga ugu bedeli lahaayen hogaanka fadhiidka noqday ee caasimada. Si kastaba, waxaa weli socda kulamada uu isbaheysigu uga arrinsanayo sidii labada xisbi u kala qeybsan lahaayeen hogaanka, islamarkaana meesha looga saari lahaa in xisbul xaakimka Kulmiye uu hal kursi ku yeesho degmooyinka Somaliland. The post Xog: Sida uu mucaaridka Somaliland u kala qeybsanayo kuraasta cusub ee golayaasha appeared first on Caasimada Online.

Muqdisho (Caasimada Online) – Ilo-wareedyo lagu kalsoon yahay ayaa Caasimada Online u sheegay in Madaxweynayaashii hore ee Soomaaliya Sheekh Shariif Sheekh Axmed iyo Xasan Sheekh Maxamuud ay Ra’iisul Wasaare Maxamed Xuseen Rooble u gudbiyeen cabasho ay ka qabaan sida ay baarista u sameeyeen guddigii heerka wasiir ee loo saaray kala saarista xubnaha guddiga doorashooyinka ee cabashada laga qabo. Labadaan Madaxweyne oo sidoo kale Murashaxiin ah ayaa qoraalka ay u gudbiyeen Maxamed Xuseen Rooble waxay kaga aragti dhawaayeen hogaamiyaha Xisbiga Wadajir Cabdiraxmaan Cabdishakuur Warsame, kaasi oo ahaa in guddiga ay wali ku jiraan xubno ka tirsan ciidanka NISA iyo taageerayaasha Farmaajo. Sidoo kale xogta aan helnay ayaa tilmaameysa in ay cabasho ka ahaayeen in liiska guddiga oo ay ku wareejiyeen Ra’iisul Wasaare Maxamed Xuseen Rooble la faafiyay iyadoo aysan ballantu sidaas aheyn. Sheekh Shariif Sheekh Axmed iyo Xasan Sheekh Maxamuud ayaa sheegay in aan wax wadatashi ah laga yeelan qaabka baarista islamarkaana aan lala wadaagin natiijada ka hor inta aan la shaacin, iyagoo qoraalkooda ku dalbaday in dib u eegis markale la sameeyo si loo helo doorasho aan boob aheyn. Shaacinta liiska ayaa loo arkaa qorshe looga hortagayo in gadaal laga faro-geliyo liiska, ayada oo la tuhmayo inay ka dambeyso Villa Somalia, si mucaaradka looga dhigo kuwa cabasho joogto ah wada. Shariif iyo Xasan Sheekh iyo Murashaxiin kale oo ka tirsan Midowga Murashaxiinta ayaa wali ka hadlin arrintaan waxaana la sheegay in qaarkood ay si hoose u gudbiyeen cabashadooda. Sababta aysan Xasan iyo Shariif si shaacsan uga hadal arrintan ayaa lagu sheegay inaysan dooneyn inay culeys siyaasadeed saaraan Rooble, oo ay u arkaan nin wax badan ka qabtay arrimihii la isku hayey, balse ay rabaan in wax walba hab hoose lagu xaliyo. The post Xog: Xasan Sheekh iyo Sheekh Shariif oo Rooble la wadaagay arrin aysan ku qanacsaneyn appeared first on Caasimada Online.

Muqdisho (Caasimada Online) –Taliyaha ciidanka booliska qeybta gobolka Banaadir Farxaan Maxamuud Qaroole ayaa maanta kormeer ku tegay qeybo ka mid ah wadada xariirisa magaalooyinka Muqdisho iyo Afgooye oo tan iyo markii la dhisay ay dadka isticmaala ka cabanayeen isbaarooyin xad-dhaaf ah, jir-dil iyo dhac ay kula kacayeen ciidamo ka tirsan dowladda Soomaaliya. Taliyaha ayaa dadkii ku sugnaa goobaha uu tegay waxa uu sheegay in maalmaha soo socda dib loo furayo wadada oo haatan aysan isticmaalin inta badan gaadiidka isaga kala goosha Muqdisho iyo deegaanada koonfur ka xiga, illaa gobolka Shabeellada Hoose. Dadka ku nool inta u dhaxeysa Ex Control Afgooye ilaa deegaanka Ceelasha Biyaha ayaa la sheegay inay wajahayaan dhibka ugu badan, waxayna qaarkood warbaahinta u sheegeen in xataa meydka ay garabka ku qaataan. Gaadiidka kaliya ee inta badan loo ogolyahay inuu isticmaalo wadadaas waa mootada Labalooleyda ah ee FEKON, taas oo darawallada dadka ku qaada ay aad uga cabanayaan jir-dil iyo isbaaro xad-dhaaf ah. Taliye Farxaan Qaroole ayaa maanta amray in la furo jidadka yar-yar ee gudaha u gala xaafadda Galmudug, kuwaas oo ka leexda wadada laamiga ah ee dhawaan la dhisay, waxaana tallaabadaas ka mahad celiyey qaar ka mid dadka ku nool xaafadaas oo warbaahinta la hadlay. Tallaabadaan uu maanta qaaday Farxaan Qaroole waxay ku soo aaday saacado kooban kadib markii ay Idaacadda Kulmiye baahisay warbixin loo diyaariyey qaab qarsoodi ah, taas oo ka shiftay dhibaato baahsan oo shacabku ay ku qabeen isticmaalka wadadan dhawaan laamiga la saaray. Warbixinta Kulmiye waxaa laga dhex maqlayaa askarta oo lacag ku xujeyneysa wadayaasha gaadiidka, iyagoo ugu hanjabaya in aysan ka qaadi doonin kharash ka yar inta ay ka dalbadeen. Hoos ka daawo labada warbixin The post Farxaan Qaroole oo tallaabo qaaday kadib muuqaal sir ah oo laga soo duubay wadada Afgooye iyo Muqdisho + Video appeared first on Caasimada Online.

Muqdisho (Caasimada Online) – War qoraal ah oo ka soo baxay taliyaha ciidanka ilaalada xeebaha ee maamulka HirShabeelle Korneyl Cusmaan Maxamed Maxamuud (Xaadoole) ayaa diginin xooggan loogu diray Maraakiibta Kalluumeysi ee shisheeye iyo kuwa wata calanka Soomaaliya, kuwaasoo dhamaantood heysan shatiga ama ruqsadda maamulka. Qoraalka ka soo baxay taliyaha ayaa lagu sheegay in tallaabo sharci ah laga qaadi doono Markab kasta oo arrintaan isku daya ama hadda ku howlan, iyadoo loogu baaqay in ay dhaqso u raadsadaan shatiga maamulka. “Waxaa sii kordhaya Maraakiibta Kalluumeysi ee xeebaha Maamulka HirShabeelle ku sugan islamarkaana aan heysan fasax maamulka ah, iyagoo xeebaha ka wata howlo ballaaran, haddaba wixii ka dambeeyo lama aqbali doono,” ayaa lagu yiri qoraal taliska ka soo baxay oo ay heshay Caasimada Online. “Waxaan rabaa inan ku celiyo in dhammaan dadka jabiyay sharciga in la xiri karo oo dacwad lagu soo oogi karo ayagoon lasiinin digniin hore, waxayna la kulmi doonaan ciqaab dambiyeed haddii lagu helo dambi,” ayuu yiri Cusmaan Xaadoole. “Waxaa intaas sii dheer, macaamilka iyo duruufaha shaqo ee ay helaan shaqaalaha saaran maraakibta in si joogta ah loo aqoonsado inay yihiin mid kuwo bani’aadannimada ka baxan oo tacaddi ah. Qolyaha la ogaado inay ka masuul yihiin abuurista xaaladahan adag ku talo gal ha ahaato ama yeysan ahaanine waxaa loo heysan doonnaa (will be liable) gelitaanka xad gudubyo xuquuqda bani’aadamka ah sida uu qabo xeerka caalamiga ah.” Hoos ka aqriso qoraalka ka soo baxay taliska ilaalada xeebaha ee Maamulka HirShabeelle. The post Taliye Cusmaan Xaadoole oo soo saaray digniin culus appeared first on Caasimada Online.

At least one person was killed and more than ten others injured when al-Shabab militants attacked two commuter buses in Mandera county of northeast Kenya on Monday. Source: Hiiraan Online

Tallaabo isla xisaabtan toos ah ayey dhalinyaro ka tirsan Habar-gidir oo ah beesha uu kasoo jeedo guddoomiye ku xigeenka amniga ee gobolka Banaadir Cali Cabdi Wardheere (Cali Yare) ku sheegeen in uu mamaulka gobolka uu ka dhex bilaabay kutakri-fal awood, beegsiga qofka ka aragti duwan ee beesha Habar-gidir ah iyo arrimo kale. Wardheere oo lix bil uun jagadan haya ayaa lagu eedeeyey Ku takri-fal awood iyaga oo sheegay in gardarro ku shaqada uga ceyriyey Axmed Cumar Diini iyo shan dhalinyaro oo kale, beegsiga shaqaalaha gobolka ee Habar-gudir. Dhalinyarada oo shir jaraa’id ku qabtay caasimadda Muqdisho ayaa diray farriin ah inuu Cali yare ku dhacay tijaabada beeshiisa, waxayna ka codsadeen ra’iusl wasaare Maxamed Rooble inuu soo farageliyo halka xildhibaannada Habar-gidir iyaga loogu baaqay in ay arrinka Cali Yar wax ka qabtaan. Cabdiqaadir faarax diiriye (Carab) oo ka mid ahaa dhalinyarada Habar-gidir eek a hadashay shirka jaraa’id ayaa waxaa uu yiri“ Muddadii ay socotay Axmed dhibaateyntiisa, muddo ay socotay bil iyo labo iyo toban berri ayaa si shaqsi ah, maadama aan ka tirsanahay hay’adaha dowladda uga shaqeynayey in la hor istaago kiiskan dhibaateyntiisa , illaahey mahaddiis waan ku guuleysanaya illa iyo xad meel fiicana gaarsiinno, laakiin Cali inta uu baxay Cumar Filish uu tagay oo gondaha qabsaday ayuu yiri, amaa anaa xilka iska casiila ama Axmed waa in uu shaqada ka tago, waan ka xumahay in Mayorka uu ku dhici waayey in uu dulmiga diido, laakiin waxa uu ogolaaday in Axmed Cumar shaqada laga saaro ”. Cali axmed faarax Fa’le oo isna dhalinta Habar-gidir ahaa waxaa uu qabaa “ Maanta wax keeni karo ma lahan in aad shaqo ku badalataan sumcaddiinna iyo sharaftiinna, maanta sida aad walaalkeen iyo kuwa kale ee dhibanaha u difaacdeen, keligiisna ma ahan laakiin waa dad badan oo bahdaan laga eryay wasaaradaha laga eryay, gobalaa laga eryaa meel walba waxaa la ogaaday in aysan matalaad dhab ah ku laheeyn waa la bililiqeystay , mana yaro dadku laakiin ninkaan hogaamiyuu u yahay xuquuqdooda ninka u hadlaayo waye ”. Shamsi Cabdullahi Oreey oo ka tirsan haweenka Habar-gidir, Ogaaska beesha uu dhalay oo si kulul uga hadashay arrinta Cali Yare waxay qabtaa in aanu iskusoo doonan jago xildhibaannimo“ Dhalinyaradii yareyd ee gobalka ka shaqeyneyse ee adiga shaqada kaaga horeysay oo adiga shaqada kaga horeyay haddaad rabto in aad saarto aadna raadineyso kursigii beesha warkaas anigu waa warkii gurigeyga iga soo waday” . Cali Yare oo jagadan ku helkay inuu daacad u yahay madaxweynihii hore ee Soomaaliya Maxamed Cabdullahi Farmaajo, kuna jiray ololihiisa, doonayana inuu sanadkan u tartamo jagada xildhibaannimo federaalka ah ayaan weli ka hadlin eedda ay beeshiisa ku heysato . Goobjoog News Source: goobjoog.com

For ages, elders in Mandera have largely been the ones making political decisions on behalf of the people and determining who vies for crucial positions during elections. Source: Hiiraan Online

Source

Qaar ka mid ah shacabka ku dhaqan magaalada Garowe ee caasimadda dowlad gobaleedka Puntland ayaa hareeraha wadooyinka waaweyn ee magaalada ku soo daadiyay lacagta shilling soomaaliga . Ganacsatada ku dhaqan garowe ayaanan qaadanin lacagta shillinka soomaaliga ah tan iyo sanadkii hore , iyadoo maamulka Puntland ay tira dhowr jeer oo horay ah ay amren in la qaato lacagta . Saameyn badan ayaa ka dhalatay diidmada shilin Soomaaliga, maciishada ayaa kor u kacday, dad badan oo danyar ahna nolosha ayaa ku adkaatay. Laamiyada waaweyn ee Garowe ayaana maanta lagu arkaya lacago waddooyinka si raxan raxan ah ugu bidaya, kuwaas oo ay dadka iska foogeynayaan. Garowe ayaa hadda waxaa ka shaqeeysa lacagta la isugu diro moobile-ka xilli welli aan deeganada maamulkaas aan laga isticmaalin lacag ka yar Halka dooral ee mareykanka . Goobjoog News Source: goobjoog.com

(SLT-Taiwan)-Wasiirka Arrimaha Dibadda Taiwan Joseph Wu ayaa Maanta oo Isniin ah waxaa uu kulan dhinaca khadka Telefoonka la yeeshay Madaxweynaha Somaliland Muuse Biixi Cabdi. Wasiir Joseph Wu iyo Madaxweyne Muuse Biixi ayaa ka wada hadlay doorashadii Golaha Wakiilada iyo deegaanka ee Somaliland oo 31 bishii la soo dhaafay ee May ka dhacday deegaanada Somaliland. Wasiirka Arrimaha Dibadda Taiwan ayaa Muuse Biixi ugu hambalyeeyay qaabka ay u dhacday doorashada, isla markaana balan qaaday Wasiirka inay si dhow ula shaqeyn doonaan Madaxda Somaliland, ayna ka taageeri doonaan dhinacyo kala duwan. Taiwan ayaa 2 Milyan oo doollar ay ku taageertay doorashadii Somaliland, isla markaana waxaa xusid mudan inay ku wareejiyeen qalabka loo adeegsado hubinta Cod bixiyaha ee loo yaqaano Biometrics Voter Verification System. Si kastaba Taiwan iyo Somaliland ayaa waxaa ka dhexeeya xidhiidh wanaagsan oo dhinacyo kala duwan u saleysan, waxaana Taiwan ay Xarun safaarad ku leedahay gudaha Magaalada Hargeysa. Source

Muqdisho (Caasimada Online) – Magaalada Muqdisho waxaa maanta lagu qabtay xaflad si heer sare ah loo soo agaasimay oo ay xilalka ku kala wareegaayeen Gudoomiyaha cusub ee Dalladda Waxbarashada SAFE Mudane Keyse Mayow Abul-Xuseen iyo guddoomiyihii hore Mudane Prof. C/raxmaan Macalin Axmed (Ablaal). Xafladda waxa ka qeyb galay guddiga hogaanka sare ee Daladda Waxbarashada SAFE oo uu ugu horeeyo guddoomiyihii hore ahna aas aasaha Dalladda SAFE mudane Prof. C/raxmaan Macalin Axmed (Ablaal). “Maanta oo ay taariikhdu tahay 7 bisha Juun 2021 waxaan xilka Guddoomiyaha si rasmi ah ugu wareejiyay Walaalkeey Keyse Mayow Abul-Xuseen oo aan aaminsanahay inuu xilkan ka soo bixi karo una qalmo hogaaminta Dalladda SAFE,” ayuu yiri Prof. C/raxmaan Ablaal oo kahadlaayay xafladda Xi lwareejinta. Sidoo kale waxa uu sheegay in Keyse Mayow uu awood, karti iyo aqoonba u leeyahay shaqada loo igmaday isla markaana uu dalbaday in lala shaqeeyo. “Aniga maanta laga bilaabo waxaan ahay xubin ka tirsan guddiga sare ee Dalladda SAFE, waxaan codsanaya in lala shaqeeyo Guddoomiye Keyse Mayow, anigana waxaan diyaar u ahay inaan si dhow ula shaqeeyo,” ayuu mar kale yiri Guddoomiyihii hore ee Dalladda Prof. Cabdiraxmaan Ablaal. Guddoomiyaha cusub ee Dalladda Waxbarashada SAFE Mudane Keyse Mayow Abul-Xuseen oo dhankiisa ka hadlay xafladda Xilwareejinta ayaa soo dhaweeyay xilka lagu wareejiyay. “Waxaan u mahad celinaya guddiga hogaanka sare ee Dalladda SAFE oo ii idmaday iguna aaminay xilkaan culus, waxaan balan qaadaya inaan si daacad ah waajibkeyga u gudanayo, sidoo kale waxaan amaanaya guddoomiyihii hore oo mudadii uu xafiiska joogay muujiyay karti iyo dulqaad,” ayuu yiri guddoomiye Keyse Mayow. Ugu dambeyn waxaa xafladda ka hadlay Dr. Maxamuud Maxamed Cabdullaahi, Prof. Cabdullaahi Cali Axmed (Koyto), Eng. Xuseen Calas Cabdi iyo Prof. Cashir Cabdullaahi Maxamuud oo dhamaantooda amaanay soona dhaweeyay guddoomiyaha cusub ee Dalladda SAFE Mudane Keyse. Guddoomiyaha cusub ee Dalladda Waxbarashada SAFE mudane Keyse Mayow Abul-Xuseen ayaa mudo dheer ka mid ahaa bahda waxbarashada, isaga oo mudo badan ka soo shaqeeyay horumarinta Waxbarashada dalka. The post Guddoomiyaha cusub ee dalladda SAFE oo maanta xilka la wareegay + Sawirro appeared first on Caasimada Online.

Madaxweyne ku-xigeenka dowlad gobaleedka Jubbaland Maxamuud Sayid Adan ayaa ugu baaqay dowaldda somaliya in ay wax ka qabato duqeymaha diyaaradaha kenya ka geysanayaan gobalka gedo . Shir looga tashanayay amniga dowlad gobaleedka Jubbaland kaas oo uu shir gudoominayay madaxweyne ku-xigeenka dowlad gobaleedka Jubbaland ayaa looga hadlay xaaladda aminga deeganada maamulkaas iyadoo si gaar ah mas’uuliyiinta kulanka ka soo qeyb gashay ay u cambaareyn duqeymo ciidamada Kenya maalma ka hor ka geysatay deegana hoostaga Gobalka Gedo . Maxamuud Sayid Adan ayaa dowladda soomaaliya u soo jeediyay in ay jawaabta ku haboon ka bixiso duqeymaha ciidamada kenya ka wadaan dalka . Diyaaradaha ciidamada Kenya ayaa dhamaadkii todobaadkii hore waxa duqeymo aan loo meel dayin ka fuliyeen deegana hoostaga gobalka Gedo xilli dad shacab ah oo u badan carruur ay wax yeelo ka soo gaartay . Goobjoog News Source: goobjoog.com

Hargeysa (Caasimada Online) – Barkhad Jaamac Batuun oo kamid ahaa musharaxiintii kusoo baxay doorashadii golaha wakiilada Somaliland, islamarkaana ka keenay codad aad u badan ayaa maanta ku dhaqaaqay arrin cajiib ah oo ugu mahad celinayo taageerayaashiisa. Barkhad Batuun ayaa iibiyey gaari uu lahaa si uu kaalmo lacageed oo mahad celin ah u gaarsiiyo shaqsiyaadkii sida naf hurka ah ugu codeeyay 31-kii May. Tallaabada uu qaaday Xildhibaan Batuun ayaa lagu tilmaamay mid dhif iyo naadir ku ah geyiga Somaliland, maadama musharaxiinta badankooda markay guuleeystan aan dib loo arkin. “Adduun kale ma haynin gaari baan lahaa waana iibiyey, waxaana u iibiyey in aan dadkii naftooda ii huray wax dib ugu celiyo,” ayuu yiri Barkhad Batuun oo booqday qaar kamid ah dadkii naf hurka u muujiyey xiligii codeynta doorashada. “Waxa aad ii hurteen naftiini iyo maalkiina codkiina waad igu darteen, dhib badan ayaa idinku gaadhay, Damiirka iyo dadnimadu waxay i faraysa in aan wixi aan hayo idin hibeeyo, Gaadhigi aan watay ayaan dartiin u iibiyey oo aan jeclaaday in aad iga guddoontaan, Guushina waad hesheen oo waan soo baxay! 20ka kun ee codkooda i siiyeyna ma wada gaadhi karo laakin Abaal iyo Ogaal aan abid qalbigayga ka baxayn baan u haya.” Dadka uu sida gaarka ah u gaarsiiyay kaalmada lacageed ee mahad-celinta ayaa waxaa kamid aheyd haweenay ayadoo ku jirta safkii codeynta si ay ugu codeyso ku umushay, wiil dhalinyaro ah oo ku jabay goobtii codeynta iyo Nin kal hore gudoonsiiyey Buulkiisa si uu xarun olole uga dhigto Batuun. Muuqaalka uu Batuun kaalmada lacageed ku gudoonsiinayo shaqsiyaadkaas ayaa noqday mid si weyn usoo jiitay bulshada Soomaaliyeed, maadama uu xanbaarsan yahay dareen ugub ku ah Somaliland, islamarkaana muujinaya qalbi wanaagii uu ku hantay codadka 20-ka Kun ka badnaa. Hoos ka daawo Muuqaalka The post Daawo: Barkhad Jaamac Batuun oo maanta ku dhaqaaqay tallaabo ‘dhif iyo naadir ku ah’ Somaliland appeared first on Caasimada Online.

Madaxweynaha Puntland Siciid Cabdullaahi Deni ayaa u digay dadka inta badan dhulka xoogga ku qabsada, isagoo faray laamaha amniga iyo hay’adda garsoorka in dadkii lagu helo dhul boob la marsiiyo sharciga. Madaxweyne Deni ayaa hadalkan ka jeediyay munaasabad lagu daahfuray barnaamijka qorsheynta dhulka caasimadda Garoowe. Munaasabadda oo ka dhacday xarunta PDRC, ayaa lagu soo bandhigay xog maqal iyo muuqaal ah oo hab farshaxameysan ay dowladda hoose ee Garoowe ku faahfaahisay qorsheynta dhulka caasimadda iyo sida loo hirgelinayo. Madaxweyne Deni ayaa muujiyay muhiimada ay leedahay in nustaqbalka Garoowe loo diyaariyo mid horumarsan oo ka qurux badan dhinac dhisme iyo dhinac kasta, wuxuuna ku baaqay dowladd iyo shacaba in arrintaas laga wada shaqeeyo. PUNTLAND POST The post Garoowe: Madaxweyne Deni oo u digay dadka dhulka xoogga ku qabsada appeared first on Puntland Post.