Wararka ka imaanaya deegaanka Laankadawo oo ka mid ah deegaanada hoos yimaada magaalada Gaalkacyo ee xarunta gobolka Mudug ayaa sheegaya in halkaasi shalay galinkii dambe lagu dilay Macalin Dugsi Quraan. Macalinka la dilay ayaa caan ka ahaa deegaanka Laankadawo iyo tuullooyinka ku dhawdhaw ayaa lagu magacaabi jiray Macalin Cabdisalaan Maxamuud ilkaweyne, kaaso la dilay xilli uu ku sugnaa hoygiisa sida ay xaqiijiyeen dadka deegaankaasi. Dilka Macalinka ayaa la sheegay inay geysteen laba wiil oo ka mid aheyd ardaydii uu barayay dugsi Quraanka, kuwaas oo dilka Macalinkooda u adeegsaday Faash iyo Maqar oo ay kala dhaceen qeybaha sare ee jidhkiisa, isagoona markiiba goobta ku geeriyooday, Halkan hoose ka DAAWO warkan Source

Waxaa saaka magaalada Baydhabo ee caasimadda kumeel gaarka ah ee maamulka Koonfur galbeed lagu wadaa in ay ka bilaabato doorashada kuraasta Aqalka sare ku leeyahay Maamulkaas. Guddiga doorashooyinka Dowlad gobaleedka Koonfur galbeed ayaa shaaciyay in ay maanta qabsoomeyso seddax kursi oo ka dhineyd kuraasta Aqalka sare. Madaxweynaha dowlad gobaleedka Koonfur galbeed Cabdi casiis Xasan Maxamed Lafta gareen ayaa Habeen ka hor magacabay xubnaha Musharixiinta Aqalka sare. Goobjoog News Source: goobjoog.com

Qaran News

A Michigan man has been sentenced to more than eight years in federal prison after pleading guilty to conspiring to provide material support to the Islamic State group. Source: Hiiraan Online

The Taliban’s blitz across Afghanistan pushed to within miles of Kabul on Saturday, as remaining towns and provinces continued to fall to the militants with a speed that seemed inconceivable just a week ago. Source: Hiiraan Online

Sidee 34 sano jirkan u noqday shakhsiga ugu awoodda badan dunida Muslimka ? Waxey aheyd sanadkii 2004-tii, markii Salman bin Abdulaziz, oo ah guddoomiyaha magaalada Riyadh, taliyaha ciidanka, kaasoo weerarey kooxdii BBC-da ee aan ka midka ahaa. Weerarkani, si xun ayaa la iiggu dhaawacey, halka sawir qaade Simon Cumbers uu u dhintey dhaawac kasoo gaarey xabado. Waxey ii sheegeen in amiirka uu igu soo booqday isbitaalka, si uu aniga ii arko, laakiin ma aanan laheyn wax xis ah, ma aanan xasuusan, maxaa yeelay, waan miir daboolnaa. Hadda, Salmaan bin Abdiaziz waa boqor. Boqor daciif ah oo caafimaadkiisu liito. Xitaa 2013-kii, waxaad dhihi kartaa sidaas ayuu ahaa, sababtoo ah wuxuu u socday si dhib ah, waxaana dhib ku ahaa hadalka. Ninkan dada yar, ayaa qiyaastii wuxuu jiray 28 sano, wuxuuna noqon doonaa boqorka uggu yar dunida, iyo ninka kasbada hadalhaynta ugu badan CarabtaWaxey aheyd sanadkii 2004-tii, markii Salman bin Abdulaziz, oo ah guddoomiyaha magaalada Riyadh, taliyaha ciidanka, kaasoo weerarey kooxdii BBC-da ee aan ka midka ahaa. Kiiskii Khashoggi Bishii October 2, sanadkii 2018-kii, kadib markii uu galey safaaradda yare ee Sucuudiga ku leeyahay Istanbul, wariye naqdiya Mohamed bin Salman, waa Jamal Khashoggi, ayaa waxaa diley koox sirdoonka Sucuudiga ka tirsan, oo laga soo direy Riyadh. Way dileen, way jar jareen, markaa kadibna way iska tuureen meydkiisa. Kumanaan qof ayaa lagu diley dagaalka lagu hoobtey ee aafeeyey Yemen, dad badan ayaa ku dhintey weerarada ay geysanayaan kooxaha xiriirka la leh Sucuudiga. Dad boqolaal gaaraya, kuwaasoo kasoo horjeeday Bin Salman, oo ay dad badan u yaqaanaan (MBS), ayaa la jirdiley intii ay kuxirnaayeen xabsiyada. Ha yeeshee dilkii foosha xumaa ee Khashoggi, ayaa keenay in indhaha caalamka dhan ay kusoo jeesteen boqorka. Dowladda Sacuudiga, ayaa iska fogeysay dilkani. Laakiin dalalka Reer Galbeedka, ayaa aaminsan in Mohamed bin Salman, uu wax ka ogaa dilka iyo khaarijinta qoraaga. Warbixino kale ayaa sheegaya in hey’adda sirdoonka Mareykanka (CIA), ay rumeysan tahay in dilka wariyaha uu amrey Mohamed bin Salman. Weriyaha oo galaya qunsuliyadda Turkiga ee Istanbul 2018-kii sida uu qabtay muuqaalka CCTV Boqorka ayaa qirtey ‘inuu mas’uul ka yahay wixii dhacey,’ laakiin taasi aaney micnaheedu aheyn in wax waliba oo dhacey inuu isagu qaadayo mas’uuliyaddeeda. Isaga iyo dowladdaba waxey iska diideen in ay ku lug leeyihiin dilka wariyaha. Sirta uggu weyn ayaa ah wixii ku dhacey la taliye hore ee Mohamed bin Salman oo aad uggu dhawaa. Waa Saud al Qahtani, waa duuliye hore. Wuxuu ka ruqsaystay jagada duuliyenimada, waxyar kadib markii la qaarajiyey Khashoggi, wuxuu aad uggu dhawaa boqorka. Sida ay sheegayaan warbixino laga helayo sirdoonka, Al Qahtani ayaa ahaa isku xiraha uggu weyn ee dadka lagu daba galayo gudaha iyo dibaddaba dalka, isagoo isticmaalayey barnaamij gaara oo computer-rada ah Jamal Khashoggi ayaa aad u dhaliili jiray dowladda MBS Sanadkii 2017-kii, ayaa la xir xirey dad badan oo ku naqdinayey boqorka baraha bulshada ku kulanto ee internet-ka, kuwo u dhaq dhaqaaqa dimuqraadiyadda iyo xuquuqda aadanahana xabsiga ayaa loo taxaabay, wariye Khashoggi wuu ogaa in naftiisa ay halis lasoo gudboonaatey. Wuxuu u cararey Mareykanka bishii June ee sanadkii 2017-kii. Wuxuu bilaabay markii uu tagey Mareykanka inuu dhaleeceeyo hab dhaqanka dowladda, isagoo kusoo qorayey maqaaladiisa jariidadda Washington Post. Qoraalladiisa owgood, magaca wariye Khashoggi ayaa cirka isku shareeray marka la eego Bariga Dhexe, iyadoo cabsi badan ay lasoo daristey badqabka wariyaha. Dilka looggu geystay safaaradda Sucuudiga yar ee ay Sucuudigu ku leeyihiin Turkey-ga, ayaa noqotey fadeexad caalamka oo idil wada gaartey, iyadoo ay dowladda Sucuudiga diiday ku lug lahaanshaha dilka wariye Khashoggi. Dowladda Sucuudiga ayaa soo qabatey 11 ruux ee lagu tuhmay iney ku lug lahaayeen dilka wariyaha, inkastoo uu ku jiro mugdi badan xukunkooda, dad badan ayaa aaminsan in raggani lo ciqaabay si loo bariyeelo Maxamed bin Salman, iyo sidoo kale dowladda Sucuudiga si guud ahaaneed. Sawirka Saud al Qahtani ee bartiisa Twitter-ka Ilaa iyo intii Mohamed bin Salman uu noqdey dhaxal sugaha boqorka,waxaa jiray isku dayo badan oo lagaga bari yeelayo Mohamed bin Salman dhacdadani, si loo ilaaliyo sharafta dalka. Muwaadiniin, dad u dhaq dhaqaaqa arrimaha bulshada, kuwa wax naqdiya iyo siyaasiyiin ka socda xisbiyada siyaasadda, in dhammaantood ay uggu danbeyn galeen xabsi, taasoo aan u oggoleyn iney qabsadaan qareeno ama in maxkamad lasoo taago,si dacwaddooda loo dhageysto. Sidoo kale, waxaa jirta warbixino ay gudbiyeen hey’addaha caalamiga ee xuquuqul insaanka, sida Human Rights Watch, taasoo lagu sheegay iney sara u kacdey xiritaanka dad badan, kuwaasoo aan loo meel dayin, oo ay kamid yihiin dad u dhaq dhaqaaqa arrimaha bulshada sanadkii 2018-kii. Loujain al Hathloul, oo ah haweeney ugu dhax dabaal degtay dhalashadeeda 30-ka sano gudaha xabsi , ayaa lagu eedeeyey iney difaaceysay xuquuqda dumarka, ee u oggolaanshaha iney gawaarida kaxeeyaan. Bishii September ee sanadkii 2018-kii, dacwad soo oogayaasha Sucuudiga, ayaa ku dhawaaqdey in qofkii soo bandhigo waxyaabo la xiriira sawiro qaaqaawan, in lagu xukumi doono shan sano oo xabsi ah, iyadoo lagu ganaaxi doono lacag dhan US $650,000 Mohamed bin Salman, ayaa qirey arrintani mar wareysi lala yeeshay, isagoo intaa raaciyey iney waxani dhacayaan markii isbadalo la sameeyo. Laakiin sidee nin aan la aqoon lix sano kahor, uu ku noqdey qofka ugu awoodda badan Bariga Dhexe? . “Cunugii yaraa ee qaranka” Wuxuu dhashey bishii August 31-geedii, sanadkii 1985-tii, Mohamed bin Salman, ayaa u korey sida uggu wanaasan, ee ay shanta kun ee carruurta kale ee reer boqor u hana qaadeen ee dalkani. Isagoo kamid ah 13 carruur ah oo u dhaley boqorka, wuxuu intiisii badneyd carruurnimadiisii ku qaatey qasriga boqortooyada, kaasoo mar waliba la ilaaliyo. Wuxuu lahaa dad ilaaliya, kuwo cuntada u kariyo, iyo darawalo caawiyo isaga mar waliba. Wuxuu ku bartey culuumta sharciga jaamacadda King Saud, iyadoo dad badan ay u qiimeeyaan inuu yahay ‘wiilkii qaranka’. Waa wax iska caadi ah dalka Sucuudiga in raggu guursadaan afar xaas, laakiin MBS, ayaa guursadey un hal xaas kaliya, wuxuu aad ugga gaabsadey in lala socdo noloshiisa gaarka ah Colaadda Yemen Siduu ku noqdey boqor awood badan Jawaabta fudud waxey si sahal ah ku tahay isku darka awoodda siyaasadda, marka lagu biiriyo awoodda waalidkiis, gaar ahaan boqorka, iyo dabeecaddiisa shaqsiga ah iyo hibadiisa gaarka uu uggu leeyahay dowladnimada. Ka gadaal markii uu ku biirey dowladda sanado kadib, isagoo uu ka siiyey jagooyin muhiim ah dowladnimada aabihiis, sanadkii 2015-kii, ayaa soo shaac bixidda Mohamed bin Salman bilaabatey iney aad u baahdo. Geeridii boqor Abdullah, bishii January ee isla sanadkaas, ayaa la micna la aheyd in boqortooyada ay si buuxda gacanta uggu gashey aabihiis, Salman bin Abdulaziz, kaasoo talada la wareegay isagoo dadiisu tahay 80 sano jir. Markaas ayaa loo magacaabay wasiirka gaashaandhiga iyo madaxa maxkamadda boqortooyada. Markaa wixii ka danbeeyey, wuxuu rabo ayuu dhihi karayey, go’aan kuu rabana wuu gaari karayey. Arrimuhu way is badaleen, awooddiisiina way sii korodhay. Dagaalka ayaa si xun ugu baahay dalka Yemen, wuxuu saameeyey in ka badan dad gaaraya labaatan milyan. Waxey aheyd 20-kii bishii June, ee sanadkii 2017-dii, taasoo uu is badal ku yimid taariikhda Mohamed bin Salman, kadib markii boqorkii lahaa dhaxalka, oo si rasmi ah loo magacaabay, Mohamed bin Nayef, uu qabsadey boqor Salman, isagoo ka dalbadey inuu is casilo, si MBS uu awoodda ula wareego. Sharciga Sucuudiga ayaa dhigaya, in awoodda boqorka aan la loodin karin, wuxuu yiraahdana waa in la qadariyaa, lagamana wada hadli karo. Markii la siiyey awooddaas, bishii November ee sanadkii 2017-kii, wuxuu amrey in lasoo xiro dad fara badan, oo ay ku jiraan carruurta boqortooyada. Waxey u ekeyd in kacdoonkii dhacey, isagoo aan dhiig ku daadan. Bishii November, ee sanadkii 2017-kii, wuxuu amrey soo xir xiridda laba boqol oo boqor oo caan ah, kuwaasoo loo heysto eedeymo la xiriira musuq maasuq. Ma jirto waqti uu soo dhamaanayo xukunka Maxamed bin Salmaan maanta ama bari, maadaama Sucuudiga uu diiradda saari doono dimuqraadiyad. Dadka wax naqdiya ama su’aalo ka keena qoyska boqortooyada iyo siyaasadahooda, ayey naftoodu halis gali doontaa, ama ku danbeyn doona xbsi. Sanado, ayuu kusoo naaloonayey Maxamed bin Salman kaalmada aabihiis, boqor Salmaan, iyo maxkamadda boqortooyada, kiiskii Khashoggi ayaa u muuqda mid la iska iloobey. Sidaa darteed, Sucuudiga waa Maxamed bin Salmaan, Sacuudigana waa isaga. Haddii marka uu aabihiis dhintana, wuxuu dhaxli doonaa dalkani ku yaalla Bariga Dhexe, isagoo aan maamuli doonin toban sano, hadduu nafta beena qabo, laakiin wuxuu xukumi doonaa dhabtii kontonka sano ee soo socda. Qaran News

Qaran News

The Independent Anti-Corruption Commission of the Federal Republic of Somalia (IACC) has on Saturday officially joined the international and regional anti-corruption laws, marking 14 August as Somalia’s National Anti-Corruption Day. Source: Hiiraan Online

Qaran News

Washington (Caasimada Online) – Qaar badan oo ka mid ah Yuhuudda ku nool dalka Maraykanka ee ka shaqeeya siyaasadda ayaa cambaareeyay weeraro iyo beegsi ay ururka Yahuudda Mareykanka ee AIPAC ay ku qaadeen Ilhaan Cumar oo ka tirsan Congress-ka, waxayna ku boorriyeen kooxda inay joojiyaan ololahooda xayeysiiska ah. Warqad la daabacay khamiistii ayaa lagu sheegay in dadkaan kasoo jeedo Yahuuda ay sidoo kale ku booriyeen AIPAC inay joojiso xayeysiimaha lagu beegsanayo haweenka ku jira Congress-ka ee kala ah, Ilhaan Cumar, Alexandria Ocasio Cortez, Cori Bush iyo Rashida Tlaib. “Inkasta oo laga yaabo in aanan dhammaanteen ku raacsanayn aragtida iyo astaamaha haweenka Congress-ka ee arrimaha la xiriira Israel iyo Falastiin, hadana waxaan ka mideysanahay inaan cambaareyno ololahaan xayeysiiska ah oo aan kaliya ahayn marin -habaabin, laakiin keeni karta khatar ah ay rabshado dhacaan oo la beegsado xildhibaanadaas,” ayaa lagu yiri bayaan ay soo saareen J Street, Americans for Peace Now, IfNotNow, iyo ACLU. “Xayeysiisyadan dhiiri-gelinta iyo kala qaybsanaanta ah ee ka dhanka ah haweenka sharci dejiyayaasha ah waa kuwa dhaqan ahaan xun, kuna saleysan nacayb iyo cunuriyad, sidoo kalena waa hanjabaad kala fiirsasho la’aan ah oo ku socota xildhibaannadaas ka tirsan Congress-ka Mareykanka,” ayaa lagu yiri qoraalka. Qoraalka ayaa intaas ku sii daray, “Waxaan ugu baaqeynaa AIPAC inay joojiso socodsiinta xayeysiisyadan iyo inay raalli-gelin siiso haweenka Congress-ka oo ay si cadaalad darro ah khatar u gelisay.” Qoraalka ololaha xayeysiiska Facebook ee AIPAC, oo ah kooxda ugu saameynta badan Washington ee u ololeeya Israa’iil ayaa lagu yiri, “Kicinta nacayb ka dhan ah Israa’iil iyo faafinta beenta xun ee halista ah ee ka imaaneysa saaxiibadeena dimuquraadiga ah ma hormariso rajada nabadda.” Golaha AIPAC ayaa soo daabacday sawirka haweeney kasta oo ka tirsan Golaha Wakiillada, iyadoo ku eedeyneysa inay ka been sheegeen Israa’iil oo ay adeegsadeen calaamado iyo erayo muujinaya midab kala sooc iyo isir sifeyn. APIAC ayaa si gaar ah u beegsatay Ilhaan Cumar oo asal ahaan kasoo jeedo Soomaaliya, waxayna ku eedeysay inay tahay argagixiso. “Ilhaan Cumar uma kala saarna Mareykanka iyo Taliban, Israa’iil iyo Xamaas ama Dimoqraadiyadda iyo Argagixisada,” ayaa lagu yiri qoraalkii APIAC ay ka soo saartay Xildhibaan Ilhaan Cumar. Sidoo kale tallaabada ay qaaday APIAC ayaa waxaa cambaareeyey shaqaalaha Ilhaan Cumar oo ku tilmaamay inay tahay mid halis lagu gelinayo nolosha Xildhibaan Ilhaan. Jeremy Slevin, oo ah agaasimaha isgaarsiinta ee xafiiska Ilhaan Cumar ayaa bartiisa twitter-ka ku soo qoray “Luqadda AIPAC ay u isticmaasho xayeysiisyada lacagta lagu bixiyo si ay u qariso oo u aflagaadeyso Ilhaan waxay lamid tahay luuqadda loo adeegsado hanjabaadaha dilka.” The post Urur Yahuudi Mareykan ah oo beegsi halis ah ku billaabay xildhibaan Ilhaan Cumar appeared first on Caasimada Online.

Qaran News

Madaxweyne ku doodaya in doorashadii lagaga shubtay oo aanay xor iyo xalaal ahayn Edgar Lungu, madaxweynaha Zambia. Madaxweynaha Zambia ee haatan talada haya ayaa ku tilmaamay doorashadii dhacday Khamiistii mid “aan xor iyo xalaal ahayn”. Natiijada hordhaca ah ayaa muujijaysa in Madaxweyne Edgar Lungu codadka uu helay ay in badan ka yaryihiin kuwa uu helay ninka ugu cadcad raga la tartamaya oo ah ninka ganacsadaha ah ee la yidhaa Hakainde Hichelema kuna magac dheer “HH”. Madaxweynuhu wuxuu sheegay in sarkaakiisha gudida doorashadu ay goobaha codbixinta ka eryeen muraaqibiintii xisbigiisa, sidaasna uu ku waayey cid codadkii uu helay u ilaalisa. Isaga oo arintaas ka jawaabaya ayaa Hichilema wuxu sheegay in hadalkaasi yahay “isku daygii ugu dambeeyey ee caal waaga ahaa ee maamulka galbanayna”. Lungu oo u tartamaya inuu mar labaad talada qabto ayaa sidoo kale sheegay in qalalaase ka dhacay gobolada qaarkood oo uu ku waayey codad taasina ka dhigaysto “in doorashada gabigeedaba la buriyo”. Taageerayaasha Hakainde Hichelema Wuxuu intaa ku daray in xisbigiisu ka fiirsanayo wixii uu haatan yeeli lahaa. Hase yeeshee gudida doorashooyinka Zambia ayaan ilaa haatan wax jawaab ah ka soo saarin hadalladiisa. Qalalaase ayaa ka dhacay gobollada koonfurta, woqooyi galbeed iyo galbeedka sida lagu sheegay warbixinta madaxweynu baahiyey. Lungu waxa uu sidoo kale soo hadal qaaday dilka gudoomiyihii xisbigiisa Patriotic Front ee gobolka woqooyi galbeed iyo iyo qof kale oo dhalin yaro ah oo ahaa firfircoone ka tirsan xisbiga bishan horraanteedii. Waxaana markii dilalkaasi dhaceen madaxweynuhu goobahaa u diray ciidanka milatariga. . Goob joogeyaasha Midowga Yurub ee doorashadan ayaa ku sheegay warbixintooda hordhaca ah in doorashada “ay hadheeysay xayiraad dhan keliya saaran oo ololaha ah, dadka oo laga horjoogsaday xorriyada isku imaatinka iyo dhaqdhaqaaqa iyo ku takri fal awoodeed oo maamulka talada hayaa ku tallaabsaday Qaran News

Baydhaba (Caasimada Online) – Degaanada Maamulka Koonfur Galbeed Soomaaliya waxaa maalmahaan aad loo hadal haayaa, islamarkaana ay siyaasiyiinta mucaaradka ah ka cabanayaan taliyaha ciidanka Asluubta Soomaaliya Janaraal Mahad Cabdiraxmaan Aadan oo saldhigtay magaalada Baydhaba ee xarunta gobalka Bay. Taliye Mahad ayaa bilooyin ka hor ka baxay Muqdisho, isagoo wata gaadiid dagaal iyo ciidamo ka tirsan Asluubta Soomaaliya, waxa uuna Baydhaba ka noqday shaqsiga loogu hadal heynta badan-yahay, waxaana aad uga cabanaya siyaasiyiinta iyo shaqsiyaadka kale ee ku dhow dhow xubnaha mucaaradka ah. Janaraal Mahad Cabdiraxmaan Aadan ma jirto xil muuqda uu ka haayo Koonfur Galbeed, hase yeeshee waxa uu saaxiib iyo ehal dhowba u yahay Madaxweyne Cabdicasiis Xasan Maxamed Lafta-gareen, taasoo ka dhigtay in uu aad uga soo dhax-muuqdo siyaasiinta Koonfur Galbeed. Lafta-gareen waxa uu qabaa gabadha uu dhalay taliye Mahad, oo lagu magacaabo Zamzam Mahad Cabdiraxmaan. Ilo kala duwan waxay Caasimada Online u xaqiijiyeen in Jeneral Mahad uu kamid yahay shaqsiyaad go’aanka ugu dambeeya ka qaata waxyaabaha qaar ee quseeya siyaasadda iyo ammaanka Koonfur Galbeed. Sidoo kale siyaasiinta ka soo jeeda maamulka Koofur Galbeed waxay aad uga cabanayaan Kulane Jiis oo kamid ah shaqsiyaadka aadka ugu dhow Madaxweyne Farmaajo ee saldhigga ka dhigtay Baydhaba, todobaadyadii la soo dhaafay. Koonfur Galbeed, waa maamulka loogu cabashada badan yahay xiligan, waxaana isa soo taraya qeyla dhaanta siyaasiinta mucaaradka ah oo sheegay in si gaar ah loo beegsanayo. Lafta-gareen ayaa dhowaan liiska Aqalka Sare kusoo daray wiilal qaba laba gabdhood oo uu dhalay Jeneral Mahad, kuwaas oo kala ah; Aadan Cabdinaasir Maxamed oo ah wasiiru dowlaha arrimaha gudaha Soomaaliya oo qaba Anisa Mahad Cabdirahman, iyo Dr. Xuseen Maxamed Daahir oo qaba Ilhaan Mahad Cabdirahman. The post Waa kuma taliyaha awooda badan ee ay ka cabsadaan siyaasiyinta Koonfur Galbeed? appeared first on Caasimada Online.

Ciidanka Booliiska Gobolka Bari, ayaa xalay hawlgal lagu sugayay Amniga ka sameeyay magaalada Boosaaso ee Xarunta Ganacsiga Puntland. Hawlgalkaas intii uu socday, waxay ciidanku baarayeen gaadiidka, goobaha ganacsiga,Huteelada iyo guryaha sidoo kale ee dadweynaha, si loo xaqiijiyo Amniga magaalada. Taliyaha Qaybta Boolisla Gobalka Bari G/Sare, Xuseen Cali Maxamud ayaa sheegay in howlgalka lagu soo qabtay dad la tuhmay, kuwaas oo haatan lagu hayo saldhigyada Booliska, si baaritaan loogu sameeyo. G/sare Xuseen Cali Maxamud, ayaa sidoo kale shacabka Boosaaso uga mahad-celiyay sida ay Ciidanka uga gacan-siiyaan sugidda iyo adkaynta Amniga magaalada. PUNTLAND POST The post Hawlgal dad lagu qabtay oo xalay ka dhacay magaalada Boosaaso appeared first on Puntland Post.

Baydhabo (Caasimada Online) – Magaalada Baydhabo ee xarunta gobolka Baay waxaa saaka ka socota qaban-qaabada doorashada kuraas ka mid ah Aqalka Sare, taas oo maanta ka dhaceyso magaaladaasi oo xarun KMG u ah dowlad goboleedka Koonfur Galbeed. Doorashadan oo saddex kursi ah ayaa waxaa ku loolaya illaa lix musharrax kuwaas oo kala ah: 1- Xasan Xuseen Xaaji iyo Cabdiraxmaan Maxamed Cabdullaahi, 2- Cali Sheekh Maxamuud Gacal iyo Cabdulqaadir Cabdi Axmed, 3- Cabdiweli Maxamed Ibraahim iyo Cabdullahi Roobow Maxamed. Lixdan musharrax ayaa ah kuwa cusub, iyada oo uu Lafta Gareeb meesha ka saaray saddexdii Senator ee horay ugu fadhisay kuraastan, kuwaas oo iyaguna kala ah; Mudane Cabdikaafi Macallin Xasan, Mudane Xuseen Cali Xaaji Cabdalla iyo Aadan Cabdi Aadan. Sidoo kale musharraxiinta ayaa ka hor doorashada hadal jeedin ka sameyn doono xarunta golaha wakiilada Koonfur Galbeed, sida uu shaaciyey guddiga qabanaya doorashadaasi. Ammaanka ayaa sidoo kale aad loo adkeeyey, waxaana goobta doorashada ka dhaceyso la dhigay ciidamo dheeraad ah, si ay u sugaan nabad-gelyada doorashadaasi. Koonfur Galbeed ayaa horey usoo xushay shan Senatar, kadib doorasho dhowaan lagu qabtay magaalada Baydhabo ee xarunta KMG ah ee maamulkaasi. Si kastaba, Koonfur Galbeed ayaa noqoneysa maamulkii labaad ee dhameystira xubnaha Aqalka Sare, kadib Puntland oo dhammaan soo xushay 11-kii xubnood ee maamulkaasi. The post Wararkii ugu dambeeyey doorashada maanta ka dhaceysa BAYDHABO appeared first on Caasimada Online.

Suldaan Maxamed suldaan Cabdillaahi Koor oo ka soo jeeda Gobolka Sanaag, gaar ahaanna degmada Yubbe, ayaa mudda saddex cisho ah u xiran Laamaha Amniga Somaliland. Laanta danbi-baarista Booliiska Somaliland ee C.I.D, ayaa saddex cisho ka hor xabsiga dhigtay suldaanka, sida laga soo xigtay xubno ka tirsan Qoyskiisa. Laamaha Amniga Somaliland weli kama hadlin sababta loo xiray suldaanka, waxaana arrintaas walaac ka muujiyay Ehelada iyo Qoyska suldaanka. PUNTLAND POST The post Suldaan ka soo jeeda Gobolka Sanaag oo muda sadex cisho ah u xiran Somaliland appeared first on Puntland Post.

Xoghayaha guud ee Qaramada Midoobey Antonio Guterres ayaa soo saaray digniin culus oo ku wajahan xaaladda dalka Afgaanistaan isagoo xusay inay gacanta kasii baxayso Afgaanistaan. Guterres ayaa ugu baaqay Taliban inay si deg deg ah u joojiso weerarka isla markaana ay gorgortan daacad ah uga gorgortamto si loo baajiyo dagaal sokeeye oo daba dheeraada, Guterres wuxuu kaloo sheegay in kooxdu ay xannibaadyo culus ku soo rogayso xuquuqda aadanaha, xoghayaha ayaa sheegay in Taliban si gaar ah u beegsanayso Haweenka iyo saxafiyiinta. Qaramada Midoobay ayaa hore uga digtay masiibo bini’aadanimo oo ka dhalan karta haddii dagaalada ku habsaday inta badan Afghanistan ay soo gaaraan waddooyinka caasimadda. Kooxda Taaliban ayaa badi gacanta ku dhigay Afgaanistaan ka dib markii xukuumadda Washington kala baxday Ciidankeedii,wararka ayaa sheegaya in caasimadda dalkaas ee Kabul khatar ugu jirto inay gacanta u gasho kooxda Taliban. PUNTLAND POST The post Qaramada Midoobay oo digniin ka soo saartay xaaladda Afgaanistaan appeared first on Puntland Post.

In ka badan 300 oo qof ayaa geeriyootay dhul-gariir xooggan oo ka dhacay waddanka Haiti. Madaxa Hay’adda Badbaadada Rayidka ee dalkaasi, Jerry Chandler ayaa sheegay in la xaqiijiyey in ay 304 qof ku geeriyootay dhul-gariirkaasi, halka ay ugu yaraan 1,800 oo kalena ku dhaawcmeen. Mas’uulkan oo xalay la hadlay Suxufiyiinta waxa uu tilmaamay in ay 160 dhimasho laga soo weriyey Waaxda Koonfureed ee Haiti, 42 dhimasho oo ka dhacday Nippes oo keliya. PUNTLAND POST The post Dad badan oo ku dhintay dhul-gariir ka dhacay dalka Haiti appeared first on Puntland Post.

Magaalada Baydhaba ee xarunta Gobolka Baay waxaa lagu wadaa in Maanta oo Axad ah ay ka dhacdo doorashada Saddex kursi oo ka harsan Sideeda kursi ee Aqalka Sare ku matala dowlad goboleedka Koonfur Galbeed. Labadii Bishaan ayaa waxaa Magaalada Baydhabo lagu doortay Shan kursi oo kamid ah 8 kursi ee Aqalka Sare ku matala Koonfur Galbeed, waxaana Maanta lagu wadaa in la dhameystiro 8 kursi ee Koonfur Galbeed ku leedahay Aqalka Sare. Ilaa lix Musharax ayaa Maanta ku tartami doona Saddexda Kursi ee doorashadooda ka dhaceysa Magaalada Baydhabo, kuwaas oo marka hore khudbadahooda musharaxnimo jeedin doona, waxaana Magacyadooda ay kala yihiin. 1: Xasan Xuseen Xaaji oo ah Wasiirka Gaashaandhigga Soomaaliya Cabdiraxmaan Maxamed Cabdullaahi 2: Cali Sheekh Maxamuud Gacal Cabdiqadir Cabdi Axmed 3: Cabdiwali Maxamed Ibraahim (Xaabsade). Cabdullaahi Roobow Maxamed PUNTLAND POST The post Doorashada kuraas kamid ah Aqalka sare oo maanta ka dhacaysa Baydhaba appeared first on Puntland Post.

Muqdisho (Caasimada Online) – Xog ay Caasimada Online ka heshay shirka Golaha midowga musharaxiinta maanta uga furmay Hotelka Jazeera ee magaalada Muqdisho ayaa sheegeysa inuu khilaaf xoog leh hareeyey kulankii maanta, kaas sababi gaaray in lagu kala tago. Khilaafka ayaa yimid kadib markii xubno ka tirsan golaha midowga musharaxiinta ay ka hor-yimaadeen in goluhu uu go’aan ka soo saaro hanaanka ay ku socdaan doorashooyinka dalka, gaar ahaan tan ka bilaabatay deegaanada dowlad goboleedyada, taas oo musharaxiinta qaar ay u arkaan inay ceeb ku tahay dimuquraadiyadda curdunka ah iyo sharafta dowladnimada Soomaaliya. Ilo xog ogaal ah oo ku dhaw golaha ayaa Caasimada Online u sheegay in musharaxiinta kala ah Xasan Cali Khayre iyo Shariif Sheekh Axmed ay musharaxiinta kale ka diideen in mowqif mideysan oo ka dhan ah sida ay doorashadu ku socoto lasoo saaro, waxaana jira tuhun ah in labadaas musharax ay lasoo xariireen oo xulufo ay la yihiin qaar ka mid ah madaxda dowlad goboleedyada. Iyadoo lagu kala tegi rabo shirkii maanta, maadaama la kala shakiyey ayey musharaxiintu goor dambe isla qaateen in waqtiga uu soconayo shirku la dheereeyo, oo la gaarsiiyo seddax maalmood, isla markaana wax la dharaan-dhiriyo la-tashiyadana la badiyo. Sababta keentay in musharaxiintu ay maanta shir isugu yimaadaan waxaa lagu sheegay inay hadda ku baraarugeen laba astaamood oo uga soo dhex-baxay qaabka ay u socoto doorashada dalka, kuwaas oo kala ah: 1 – In awoodii doorashada oo dhan, sida xulashada xubnaha ku soo baxaya Aqalka Sare iyo Golaha Shacabka ay gacanta u gashay madaxda dowlad goboleedyada. 2 – Iyo in Ergooyinka soo xuli doona xildhibaanada golaha shacabka ee laga sugayo odayaasha dhaqanka ay 80% soo xula doonaan madaxda dowlad goboleedyada. In madaxda dowlad goboleedyada ay saameyn ku yeeshaan soo xulidda Ergada soo dooraneysa xildhibaanada golaha shacabka waxaa la sheegay in si mal-dahan loogu daray heshiiskii 17-kii doorashada ee Sebtember, balse aan markaas lagu baraarugin. Ilaa hadda afar ka mid ah xarumaha dowlad goboleedyada dalka doorashooyin ka dhacay maalmihii lasoo dhaafay waxaa ku soo baxay 26-Senator, kuwaas oo madax goboleed kasta uu ku soo xushay rabitaankiisa, welina waxaa gobollada ka socota xulashada xubnaha ka mid noqonaya baarlamaanka 11-aad. The post Xog: Midowga Musharaxiinta oo laba u kala qeybsamay iyo shirkii maanta oo lagu kala tagi gaaray appeared first on Caasimada Online.

Madaxweynaha dowladda Federaalka Soomaaliya Maxamed Cabdullaahi Farmaajo oo ka qayb galay munaasabad lagu daah-furayey Guddiga Madaxa Bannaan ee La Dagaallanka Musuq-maasuqa iyo ka mid noqoshada Sharciyada Caalammiga ah ee La Dagaallanka Musuq-maasuqa ayaa tilmaamay in guddigani uu gundhig u yahay hufnaanta maamulka iyo maaliyadda ee Dalka. Madaxweyne Farmaajo ayaa u asteeyey 14-ka bisha Ogoosto ee sannad kasta maalinta La dagaallanka Musuq-maasuqa ee Soomaaliya. Madaxweynaha ayaa muujiyey muhiimadda ay leedahay in ay Soomaaliya ka mid noqoto Sharciyada Caalammiga ah ee La Dagaallanka Musuq-maasuqa, sida: Sharciga Heshiiska Midowga Afrika ee La Dagaallanka Musuq-maasuqa, Sharciga Heshiiska Jaamacadda Carabta ee La Dagaallanka Musuq-maasuqa iyo Sharciga Heshiiska Qarammada Midoobey ee La Dagaallanka Musuq-maasuqa. Madaxweyne Farmaajo ayaa kula dardaarmay Guddiga Madaxa Bannaan ee La Dagaallanka Musuq-maasuqa in ay waajibaadkooda u gutaan si ay ku dheehan tahay waddaniyad iyo hufnaan. Munaasabadda waxaa kale oo ka qayb galay Guddoomiyaha Maxkamadda Sare ee JFS Mudane Baashe Yuusuf Axmed, Wasiirro ka tirsan Golaha Xukuumadda Federaalka Soomaaliya, Xildhibaanno ka mid ah Baarlamaanka Federaalka Soomaaliya, Taliyeyaasha Ciidammada Booliiska iyo Asluubta Soomaaliyeed, Guddoomiyaha Guddiga Madax Bannaan ee La Dagaallanka Musuq-maasuqa. PUNTLAND POST The post Madaxweyme Farmaajo oo ka hadlay la dagaalanka musuq-maasuqa appeared first on Puntland Post.

Jowhar (Caasimada Online) – Caasimada Online ayaa heshay codad sir oo ku aadan xubno ka mid ah Golaha Wasiirada HirShabeelle oo ka cabanaya mushaar la’aan xoogleh oo ay wajahayaan muddo ka badan hal sano. Codadkaan oo la duubay bishii Ramadaanka, ayey wasiiradu ku dalbanayeen in bishaas uu maamulka u fidiyo gacan naxariis leh, maadaama aysan wax lacag ah qaadan muddo aad u dheer, sida ay sheegeen. Sidoo kale xogta ayaa tilmaamaysa in wasiirada iyo Xildhibaanada Baarlamaanka HirShabeelle ay ka cunteeyaan guriga Madaxweynaha kadib markii ay ku adkaatay iibsashada raashinka hoteelada iyo maqaayadaha. Waxay sidoo kale isla kireystaan guryaha kadib ay qolkiiba seexato 2-3 qof, kadibna ay isla bixiyaan lacagta kirada oo dhan $50. Maqaayadaha, hoteelada, iyo goobaha fadhi ku dirirka ayaa la sheegay in aysan tagi karin wasiirada, xildhibaanada iyo saraakiisha kale ee HirShabeelle, waxaana sababta lagu sheegay cabsi laga qabo Al-Shabaab oo joojiyay dhismiyaal badan iyo adeegyo kale oo muhiim u ahaa maamulka HirShabeelle. Bilooyinkii ugu darnaa oo soo mara Golaha Wasiirada HirShabeelle waxay ahaayeen bilihii Soon, Soon-fur iyo Carrafo, maadaama xiligaas qarash badan looga baahan-yahay. Wasiiradan ayaa codad isugu jira baryo iyo calaacal waxay soo dhigeen Group WhatsApp oo ay ku jiraan Golaha Wasiirada, Madaxweynaha iyo Madaxweyne ku-xigeenka. Xubno kamid ah dadka xog ogaalka ah waxay Caasimada Online u sheegeen in madaxda maamulka HirShabeelle ay xil ka qaadis iyo beegsi ku sameynayaan wasiirkii ka hadla dhibaatada ay wajahayaan. Bilooyin ka hor Madaxweynaha HirShabeelle ayaa xilkii ka qaaday mid kamid ah Golahiisa Wasiirada kadib markii lagu eedeeyay in uu lacag ka cunay gabar ay qaraabo ahaayeen oo u dirsatay VISO Turkey ah. Hoos ka dhageyso codadka The post Dhageyso: Codad sir ah oo laga duubay wasiirada HirShabeelle oo baahi iyo lacag la’aan ka cabanaya appeared first on Caasimada Online.

WAA IN AAN JAMHUURIYADA SOMALILAND LAGU MARIN HABAABIN EREY BIXINTA AFSOOMAALIGA EE MACNAYAASHA SHARCI XAMBAARSAN SIDA EREYGA (SOOMAALIYEED). Waxaa jira erey bixin dadka jamhuuriyada Somaliland adeegsadaan shacbi iyo dawladba oo sameynaya macneyaal kale ama dawlada soomaaliya u sameysatay erey bixin sharci si ay ujeedadeeda ugu gaadho iyo qaabka ay aduunka wax ugu sheegayso , oo ka duwan sidii loo adeegsan jiray hore . Erey bixinta sharci (legal terminology) ee dastuurka jamhuuriyada federaalka soomaaliya uu u adeegsado ereygan soomaaliyeed waxaa ay ku fadhidaa qodobka 8aad ee dastuurka kumeelgaadhka ah ee jamhuuriyada federaalka soomaaliya oo qoraya ; Qodobka 8aad ( shacabka iyo jinsiyada ) 1- Shacabka Jamhuuriyada Federalka Soomaaliyeed waa mid , lamana kala qaybin karo wuxuuna ka kooban yahay dhamaan muwaadiniinta. 2- Jinsiyada Soomaaliyeed waa mid qur ah , sharci gaar ah oo ay soo saaraan Golaha shacabka jamhuuriyada federalka Soomaaliyeed ayaa xadidaya sida lagu helayo , lagu laalayo ama lagu waayayo. Labada qaybood ee 3aad iyo 4aad na waa la mid qaabka ay wax u qorayaan. Sida ku cad Qodobka dastuurka jamhuuriyada federaalka soomaaliya ee 7aad oo sheegaya dhulka faqrada Qodobkaasi ee 5naad ayaa sidan u qoran ; 5) Xuduudaha Jamhuuriyada Federalka soomaaliya ; a) waqooyi : Gacanka Cadmeed b) waqooyi Galbeed ; Djibouti c) Galbeed ; Ethiopia d) Koonfur Galbeed ; Kenya e) Bari Badwaynta Hindiya Dastuurkani waxaa uu kaga duwan yahay dastuuradii Jamhuuriyadii Soomaaliya ( Somali Republic ) qofka uu u yaqaano muwaadinka Soomaaliyeed ayaa si dhab ah loo qeexay waxaana lagu soo koobay dadka jamhuuriyada Somaliland iyo dadka jamhuuriyada federaalka soomaaliya oo laga dhaxaysiiyey magaca ( jamhuuriyada federaalka soomaaliyeed ) , halkii ay dastuurada hore ee 1960skii qofka soomaaliga ahi ugu qeexnaa soomaalida 5 tii Soomaaliyeed. Waxaa halkaasi kaaga cad in dastuurkani loogu talogalay Jamhuuriyadii Somalia ( Somaliland iyo Somalia ) oo hadda kala ah Jamhuuriyada Somaliland iyo Jamhuuriyada Federalka Soomaaliyeed , ayaa waxa uu ka mid noqonayaa sheegashooyinka Jamhuuriyada Somaliland ee Soomaaliya oo sifo sharci loo soo dhigey. IFTIIMIN ; Sida ku cad dastuurka dalka jamhuuriyada Somaliland qodobkiisa 4’aad qofka muwaadinka jamhuuriyada Somaliland waxa uu u yaqaanaa ; Qodobka 4aad 1- Qof kasta oo u dhashay Somaliland kana isiran dadkii deganaa Somaliland 26 June 1960 kii iyo ka hor , waxa loo aqoonsanayaa muwaadin Somaliland. 2- Xeer baa cadeynaya sida lagu heli karo ama lagu waayo karo jinsiyada Somaliland. Xeerka muwaadinka jamhuuriyada Somaliland ama xeerka loo yaqaano xeerka jinsiyada waxa la yidhaahdaa xeer lr 22/2002 waxaana uu si cad u cadeynayaa muwaadinka jamhuuriyada Somaliland qodobkiisa 2aad. MAXAA DHIBAATO AH EE KU JIRA ADEEGSIGA EREYADA NOOCAN AH ? Qaranka jamhuuriyada somaliland waxa uu halgan ugu jiraa in uu aduunka iyo beesha caalamka ku qanciyo in uu yahay dal madax banaan oo dawlad gaar ah yahay, sida ku cad dastuurka dalka jamhuuriyada somaliland iyo go’aanadii dib ula soo noqoshada dawladnimada jamhuuriyada Somaliland ee ka soo baxay shirkii Burco 27 April ilaa 15 May la iskula qaatay , sidoo kale dastuurka dalka jamhuuriyada Somaliland afti dadwayne oo dhamayd ogolaansho 97% ah lagu ansixiyey 31-May-2001. Qadiyada jamhuuriyada Somaliland iyo raadinteeda aqoonsigu waxa ay ku taagan tahay laba tiir oo waaweyn oo aan aduunku iska indha tiri karin oo kala ah: 1- Dood sharci oo adag oo ay Somaliland haysato iyo cadaymo sheegaya in ay ahayd dal ama gobol gaar gobanimadiisa uga qaatay mahmiyadii ingiriiska 26-June-1960kii. 2- Doonista go’aanka shacabka jamhuuriyada Somaliland iyo waxgaradkoogu ay iskula qaateen shirkii Burco ee 27 April ilaa 15 May ee 1991 kii , iyo aftidii dadwaynaha jamhuuriyada Somaliland u qaadeen dastuurka dalka 31-May-2001. Haddaba waxyaabaha badan ee la rabo in lagu marin habaabiyo qadiyada iyo jiritaanka qaranka jamhuuriyada Somaliland oo loo tuso caalamka in uu yahay qayb ka mid jamhuuriyada federalka soomaaliya waxa la sameeyey xirfado iyo xeelado loogu talogalay in Somaliland lagu wiiqo oo badhna ka soo baxeen shirarkii wadahadalada , badhna ay yihiin beeno lagu celceliyo si aduunku u rumaysto oo ay ugu wayn tahay doorashada Somaliland baa muqdisho lagu qabanayaa. SOO JEEDIN Waxa aan u soo jeedinayaa hay’adaha xeer dejinta dalka , garsoorka iyo fulinta qaranka jamhuuriyada Somaliland; 1- in siyaasad cad iyo qorsheyaal qaran laga yeesho arimaha noocan ah ee ay ka mid yihiin erey bixinta dawlada jamhuuriyada Somaliland u taqaano wax badan oo hore loo adeegsan jiray in wax laga badalo laguna soo saaro faafin si aanay wax u yeelin oo u marin habaabin qadiyada iyo dawladnimada qaranka jamhuuriyada Somaliland. 2- In dib u eegis iyo is qiimeyn qaran lagu sameeyo shirarkii wadahadaladii jamhuuriyada Somaliland iyo jamhuuriyada federalka Somalia waxii ka soo baxay iyo saameynta uu Somaliland ku yeeshay faaiido iyo qasaare ba. 3- In xukuumadu mawqif cad ka istaagto siyaasada somaliya iyo Somaliland ka dhaxaynaysa , waxii aynu wadaagi karno iyo waxii lagu kala duwan yahay , aduunkana u cadeyso hadalada maalin walba lagu celcelinayo ee muqdisho in aanay ahayn qaar jamhuuriyada Somaliland quseeya. Mohamed Abdi Jama Mohamed Dhimbiil Qaran News

Muqdisho (Caasimada Online) – Waxaa faah-faahino dheeraad ah laga helayaa laba nin oo ciidamada ammaanka ay maanta ku dileen degmada Deyniile ee gobolka Banaadir, kuwaas oo watay mooto Labalugooley (FEKON) iyo qori AK-47 ah, sidoo kale nin kale ayey nolosha ku qabteen ciidamadu. Dadka ku nool xaafadda Gubta ee degmada Deyniile ayaa Caasimada Online u sheegay in ragaan ay marar badan dhac ka geysteen xaafadda, isla markaana ay maalmihii lasoo dhaafay baadi goob igu jireen ciidamada ammaanka oo lagu war-geliyey. Inta aan la dilin ragaas is-rasaaseyn kooban ayaa dhex-martay iyaga iyo ciidamada ammaanka ee ku sugan xaafadda Gubta ee degmada Deyniile, waxaana la toogtay iyagoo isku deyaya inay baxsadaan. Marka laga soo tago labada la toogtay, waxaa nolosha lagu qabtay nin kale oo la sheegay inuu ka mid ahaa ragii dhaca ka waday xaafadaas maalmihii lasoo dhaafay. Xubno ka tirsan maamulka degmada Deyniile ayaa Caasimada Online u sheegay in ragaan ay wateen markii la dilay taleefano ay dad ka soo dhaceen, kuwaas oo qoorkood isla goobta lagu siiyey dadkii lahaa, maadaama dadka xaafadaas ay isugu soo baxeen goobta uu dilku ka dhacay. Maamulka degmada ayaa goor dambe la sheegay inuu goobta ka qaaday meydadka labadaas nin oo ku lebisnaa Tuutaha Militeriga Soomaaliya, kadib markii ay isaga tageen askartii dishay. Inta badan xaafadaha degmooyinka gobolka Banaadir ayey tuugada ku lebisay tuutaha ciidamada dowladda waxay habeen iyo maalin ku dhacaan dadka shacabka ah, iyagoo ka furta taleefoonada, lacagaha iyo agabyada kale oo markaas ay wataan. The post Yey ahaayeen labadii nin ee maanta Muqdisho lagu toogtay? appeared first on Caasimada Online.

Diyaarad ay leeyihiin Ciidamada Cirka ee Maraykanka ayaa Madaarka magaalada Berbera todobaadkan ka soo degtay. Ma jiro war rasmi ah oo ka soo baxay hawlgalka ay u timid diyaaraddan laakiin, Mareegta Wararka ee Somalilandchronicle oo arrintan wax ka qortay ayaa tebisay in ay u muuqato in Maraykanku kordhiyay danayntiisa Somaliland lagana yaabo in ay arrintani xidhiidh la leedahay xiisadda ka aloosan Itoobiya. Wasaaradda Arrimaha dibadda Somaliland ayaan wax jawaab ah ka bixin xidhiidho Somalilanchronicle arrintan kala samaysay Source