Muqdisho (Caasimada Online) – War rasmi ah oo kasoo baxay maleeshiyada Al-Shabaab ayay ku sheegatay mas’uuliyadda weerarkii is-miidaaminta ahaa ee Muqdisho lagula beegsaday ciidamada Talyaaniga. Al-Shabaab waxay sheegtay in dagaalyahan is-miidaamiye uu gaari miinaysan ku dhuftay kolonyo gaadiid ah xilli ay marayeen meel ku dhow wasaaradda Gaaashaandhigga ee Soomaaliya. “Mujaahidiinta ayaa howlgal istish-haadi ah ku beegsaday kolonyo gaadiid ah oo ay la socdeen saraakiil katirsan saliibiyiinta Midowga Yurub xilli ay marayeen agagaarka wasaaradda Gaashaandhigga ee magaalada Muqdisho, khasaaraha cadowga gaarayna dib ayaan kasoo sheegi doonnaa haddii Alle idmo” ayaa lagu yiri qoraal kooban oo Al-Shabaab ay ku baahiyeen warbaahintooda. Dadka deegaanka ayaa waxa ay sheegayaan in marka uu qaraxa dhacay gaadiidka qufulan ay wataan ciidmada Talyaaniga ee qaraxa lala beegsaday ay rasaas fureen, islamarkaana khasaaro nafeed uu jiro. Qaraxa ayaa la sheegay inuu ahaa mid loo adeegsaday gaari NOHA ah oo waxyaabah qarxa laga soo buuxiyey, laguna weeraray gawaarida Ciidamada Talyaaniga ay la socdeen kuwaas oo Ciidamada dowladda ka caawiya dhinaca tababarada. Qof naftii hore ah ayaa la sheegay inuu waday baabuurka, kuna dhuftay ciidamada. Qof ka mid ah dadka ku nool, agagaarka aargada degmada Dayniile oo ah halka uu qaraxa ka dhacay ayaa sheegtay inay aragtay dhaawac iyo dhimasho badan. Caasimada Online Xafiiska Muqdisho caasimada@live.com

A suicide car bomb hit a European Union armoured convoy in Somalia’s capital Mogadishu on Monday, damaging one vehicle but causing no casualties, police said. Source: Hiiraan Online

Waxaa warar dheeraad ah ay ka soo baxayaan qarax ismiidaamin ahaa oo loo adeegsaday gaari oo ka dhacay magaalada Muqdisho. Qaraxa ayaa waxa uu ka dhacay agagaarka Aargada degmada Deeyniile ee Gobolka Banaadir oo ku dhow xarunta wasaarada Gaashaandhiga. Qaraxa ayaa waxaa la la eegtay kolonyo gaadiidka ciidamada Talyaaniga ee ku sugan Muqdisho oo xiligaasi ku safarayay wadada Warshada. Qaraxaasi ayaa waxaa qasaare ka soo gaaray dad rayid ahaa oo goobtaasi marayay sida goobjoogayaashu ay xaqiijiyeen. Ciidamada la qarxiyay ayaa ka soo baxay xarunta wasaarada Gaashaandhiga oo ay tababaro iyo caawin dhanka ciidanka ah ay ku siiyaan ciidamada Dowlada Soomaaliya. Wali laamaha amniga dowlada Soomaaliya kama hadlin qarixii ka dhacay maanta Muqdisho iyo qasaaraha ka dhashay. Hoos ka Daawo Sawirada Xasan Maxamed Samatar Cowke Puntland Post Muqdisho The post Faah Faahin Qarax Ismiidaamin ah oo ka dhacay Muqdisho appeared first on Puntland Post.

Qarax weyn ayaa goor dhow waxaa uu ka dhacaya agagaarka wasaaradda gashaandhigga ee magaalada Muqdisho. Weriyaha Goobjoog News ayaa soo sheegay in qaraxa lala eegtay gawaarida gaashaaman ee ciidamada Talyaaniga. Khasaare badan oo isugu jira dhimasho iyo dhaawac ayaa ka soo gaaray dadkii goobta ka dhowaa, Wixii faah-faahin kala soco halkan. Goobjoog News Source: goobjoog.com

Qarax ayaa goordhow waxa uu ka dhacay magaalada Muqdisho ee caasimada dalka Soomaaliya. Maqalka qaraxa ayaa si weyn looga maqlay degmooyinka gobolka Banaadir ee caasimada Soomaaliya. Qaraxa ayaa ka dhacay aargada degmada Deyniile oo ku dhow xarunta wasaarada Gaashaandhiga Soomaaliya. Warar soo baxaya waxay sheegayaan in qaraxaasi bartilmaameedkiisu uu ahaa ciidamo la sheegay in yihiin Talyaani oo halkaasi marayay. Qaraxa ayaa waxyeelo ka soo gaartay dad shacab ah oo goobtaasi marayay sida ay goobjoogayaal Puntland Post u xaqiijiyeen Faah Faahinta dib kala soco Insha allah Xasan Maxamed Samatar Cowke Puntland Post Muqdisho The post Qarax ka dhacay Muqdisho appeared first on Puntland Post.

Baydhabo (Caasimadda Online) – Wararka laga helayo Gobolka Bay ee Soomaaliya ayaa sheegaya in saaka aroortii hore ciidammo ka tirsan Xarakada Al-Shabaab ay qabsadeen tuulada Goofguduud Buureey oo qiyaastii 30 km magaalada Baydhabo uga beegan dhinaca waddada aada degmada Waajid sida ay sheegeen dadka deegaanka. Ciidanka weerarka qaaday ayaa tuulada dagaal la’aan ku galay ka dib markii ciidanka dawladdu ay isaga baxeen halkaasi. Illaa hadda dhinacyada Al-Shabaab iyo maamulka Konfur Galbeed kama aysan hadlin weerarkan u dambeeyay. Al-Shabaab ayaa horey u qabsatay tuulada Goofguduud Shabeelow oo qiyaastii 30 km magaalada Baydhabo uga beegan dhinaca wadada aada degmada Diinsoor. Wararkii ugu danbeeyay ayaa sheegay in maleeshiyadii Alshabaab ay dib uga baxeen halkaasi markii gurmad ciidamo ah uu ka baxay magaalada Baydhaba. Saraakiisha Ciidamada Dowladda iyo kuwa Maamulka Koonfur Galbeed ee Gobolka Baay weli kama hadlin la-wareegitaanka Al-Shabaab ee deegaanka Goofguduud Buureey. Caasimada Online Xafiiska Muqdisho Caasimada@live.com

Muqdisho (Caasimada Online)-Qulub-qanaad, Fowdo, Is-eedeysi iyo Isbaaro Siyaasadeed waa Hab-dhaqan Siyaasadeed aan ka duugoobin Somalia, waxaana taasi laga dheehan karaa sida ay Madaxda DFS iyo kuwa Dowlad Goballeedyadda Federalka (DGF) ku kala Aragti duwan yihiin. Haatan, Madaxda DFS iyo kuwa DGF waxay u muuqdaan kuso aan Towfiiq Siyaasadeed iyo Hiigsi Dowladnimo lahayn, waxayna u muuqdaan 2 koox oo uu ka dhexeeyo Hardan Siyaasadeed. Waa naadir inay Talo Wadaag Mideysan yeeshaan, waxayna had iyo jeer Shirarkooda bud-dhiga uga dhigaan Isqancinta Shaqsiyadeed ama Kooxeed, waxaana War-murtiyeed kasta lagu soo qoraa hadba Mas’uul kasta waxa uu ka dhex arki karo Danahiisa iyo tan Isbahaysigiisa. Madaxda DFS oo iyagu ah Hay’adda Hoggaamineed ee ugu sarraysa Waddanka ayaa loo arkayaa inay baylihiyaan Fursadaha Mas’uuliyadeed, waxayna dhufays kaga jiraan sidii ay isaga moosi lahaayeen Mu’aamarada Siyaasadeed ee Hoggaamiyayasha DGF, kuwaasi oo iyagu Gole Isbahaysi u samaystay si ay kula loolamaan Dhaqdhaqaaqa Horumarka ee ay DFS ku tallaabsato. Kulankii Madaxda DGF ee Golaha Iskaashiga iyo War-murtiyeedlii laga soo saaray magaalladda Kismaayo ayaana sababay in Khilaaf Siyaasadeed mar kale cagaha lala galo, waxayna Maamul-gobaleedyadda si dhiiranaan leh u go’aansadeen inay hakiyeen Xirirkii ay la lahaayeen Dowladda Dhexe, taasina waxa uu Tusaale u noqotay Karar-dhaafka Khilaafka labada dhinac. Xeel-dheerayaasha ayaa rumeysan inay Madaxda DGF uga dan leeyihiin Khilaafka, si ay Tashwiish u furan iyo inaysan DFS faraha la soo gelin Doorashadda ku soo fool leh Madaxweynayaasha Puntland, K/Glabeed iyo Jubbaland, iyadoo la sheegayo inay Murashixiin loo xaglinayo DFS kaalin firfircoon kaga jiraan Ololaha Doorashooyinkaasi. Qeylo-dhaantaasi ayaa u muuqata Gorgortan ay Madaxda Maamul-gobaleedyadda ugu jiraan si ay DFS uga helaan Kalsooni lagu af-jari karo cabsidooda ku aadan inay xilalkooda ku waayaan Doorashooyinka ku soo fool leh. Sidoo kale, Madaxweynaha DFS, Maxamed C/llaahi Farmaajo ayaa isagana dareensan Dhaqdhaqaaqa Mideynsan ee Madaxda DGF, wuxuuna aad uga caraysan yahay sida ay Madaxdaasi u laaleen 2-dii Casuumaad ee uu u fidiyey, wuxuuna Madaxweyne Farmaajo dhawaan afka furtay, isagoo arrintaasi ka muujiyey Xanaaq Siyaasadeed. Waxa uu si aan gambasho lahayn u sheegay inay jiraan Siyasiyiin Xanaaqsan oo aan oggolayn Nabadda iyo dadaalka Ciiddamadda DFS ku soo celinayaan Nabadda. Xeeldheerayaasha ayaana rumeysan in ay Madaxweynaha ka idlaatay Dulqaadkii Dimuqraadiyadda, isla markaana uu Xasaasiyad ka qaaday Hab-dhaqanka Madaxda Maamul-gobaleedyadda iyo Siyaasiyiinta kale ee Xisbiyadda Mucaaradka ee had iyo jeer dhaliisha la daba-taagan DFS ee hayinka dalka haya qiyaasitii wax ku dhow 2-sanno. Bal qiyaas, Ficiladooda Is-mucaaradka ah waxa uu ku soo xusuusinayaa Xilligii Hoggaamiyayaashii Hubeysnaa (Qabqablayaasha Kooxaha), kuwaasi oo iyagu Waayahooda u kala qoqobay Waddankeenna sidii Saldanad Beeleed oo kale. Si kastaba ha ahaatee,Is-maandiidka Siyaasiyiinta Muxaafidka iyo kuwa Mucaaradka ma wada leh Dhaqan ay Hayinka ugu wada qaban karaan Hoggaaminta Qaranka iyo Hiigsiga Doorashadda sannadka 2020-ka ee Hal qof iyo Hal Cod (One Man and One Voice). Caasimada Online Xafiiska Muqdisho Caasimada@live.com

Muqdisho (Caasimada Online)-Warar dheeraad ah ayaa waxa uu kasoo baxayaa haddal uu Guddoomiyaha Gobolka Banaadir Cabdiraxmaan Cumar Cusmaan (Eng.Yarisow) shalay ka sheegay shirka ballaarinta Sohdimaha ay Caasimaddu leedahay. Guddoomiyaha Gobolka ayaa hadalkiisa ku sheegay in baahi saa’id ah loo qabo in caasimaddu ay sii ballaarato, maadaama xiligan ay ku nool yihiin tiro aad uga badan dadkii hore Waxa uu Guddoomiyuhu shirkaasi ka sheegay in bulshada Caasimaddu ay tallo ahaan u soo jeediyeen in la gaarsiiyo labada Wabi ee Balcad iyo Afgooye. Daa’uud Xaaji Cirro, oo ah Afhayeenka Maamul goboleedka Hirshabeelle ayaa intaa kadib sheegay in arrintan ay ka hor imaaneyso dastuurka Hirshabeelle, isla markaana cabashadooda arrintan la xiriirta ay u gudbiyeen Guddiga Aqalka Sare ee Baarlamaanka Federaalka. Nuqul kamid ah haddalkiisa ayaa ahaa “Arrinku saabsan ballaarinta Caasimadda Muqdisho iyo in lagu daro degmada Balcad waxay ka hor imaaneysaa Dastuurka Hirshabeelle, waxaana cabashadaas Madaxda dowlad Goboleedka Hirshabeelle u gudbiyeen Guddiga Aqalka Sare” Afhayeenku waxa uu sheegay in hadalka kasoo yeeray Guddoomiyaha Maamulka Gobolka Banaadir uu dhaawacayo rajooyinka maamulka iyo qodobada Dastuurka maamulka kaasi oo ah in Degmada balcad lagu daro Caasimada Muqdisho. Waxa uu sheegay in Hirshabelle ay dhibaato ku tahay in degmada balcad lagu daro Caasimadda muqdisho,isagoona tilmaamay in guddiga aqalka sare ee kasoo tala bixinta khilaafadka maamulkaasi ay u gudbiyeen arrinkaan. Si kastaba ha ahaatee, qeyla dhaanta Hirshabeelle ayaa imaaneysa xili sanadkii 2014 uu jiray muran xuduudeed oo u dhexeeyay maamulka Koofur Galbeed iyo Caasimadda Muqdisho, kaddib markii maamulka Gobolka Banaadir uu burburiyay tabeelo laga taagay agagaarka deegaanka Jaziira. Caasimada Online Xafiiska Muqdisho Caasimada@live.com

Muqdisho (Caasimada Online)-Dowlada Federaalka ah ee Somalia ayaa mar kale adduunka ka dalbatay in il gaara lagu eego arrinta Dowlada Eriterea isla markaana laga qaado cunaqabateynta saran. Dowladu waxa ay tilmaantay in Somalia ay dhinacyo badan ka eegeyso baahida xiligan loo qabo in cunaqabateynta laga qaado Eriterea. Wasiirka arrimaha dibadda Somalia Axmed Ciise Cawad, ayaa hadalkaas ku sheegay khudbad uu ka jeedinaayay shirka Golaha guud ee Qaramada Midoobey waxa uuna ku baaqay in cunaqabateynta laga qaado Eriterea. Wasiir Cawad, waxa uu tilmaamay in cunaqabateynta laga qaada Eriterea ay ka dhigan tahay albaabo nabadeed hor leh oo u furma dalalka Geeska, sida uu hadalka u dhigay. Wasiirka arrimaha dibadda Ethiopia, Workneh Gebeyehu, ayaa isna shirka ka sheegay inay muhiim tahay in lasoo dadajiyo wado waliba oo cunaqabateynta looga qaadi lahaa Eriterea waxa uuna soo jeediyay in la garab istaago isbedelada ka socda Geeka. Wasiirka arrimaha dibadda Eritrea Cismaan Saalax, ayaa isaguna dhamaan Khudbaddiisii Golaha guud ee Qaramada Midoobey uga hadlay cunaqabeynta oo uu sheegay in ay tahay mid sharci darro ah. Wasiirka arrimaha dibadda Jabuuti Maxamuud Cali Yuusuf oo isna Jabuuti ku matalayay Golaha Guud ee Qaramada Midoobey ayaan sameynin codsiga ah in cunaqabateynta laga qaado dalka Eritrea. Wadamada Somalia,Eritrea,Ethiopia iyo Jabuuti ayaa wasiirradooda arrimaha dibadda u diray shirkii 73aad ee Golaha guud ee Qaramada Midoobey kuwaa oo halkaa ka jeediyay khudbadaha ay jeedin lahaayen madaxdooda. Si kastaba ha ahaatee, arimahaani ayaa kusoo beegmaya iyadoo DFS ay 30kii July 2018 ku baaqday in cunaqabeynta laga qaado dalka Eritrea,waxaa arrintaas aad uga carooday dalka Jabuuti oo la baxday danjiraheedii Muqdisho. Caasimada Online Xafiiska Muqdisho Caasimada@live.com

Wasiirka arrimaha dibadda Eritrea Cusmaan Maxamed Saalax ayaa ku eedeeyey dalal ku jira golaha ammaanka ee Qaramada Midoobey in aaney dooneyn in cunuqabateynta laga qaado dalkiisa kadib heshiiska ay la gaareen Soomaaliya iyo Itoobiya. December 23, 2009, golaha ammaanka ayaa cunaqabateyn hubka ah saaray Eritrea, waxaa kale oo safarka loo diiday hoggaamiyeyaal dalkaasi ah, iyada oo hanti badan ka hakiyey, sababta lagu heystay waxaa ay aheyd in maal-geliyaan Al-shabaab. July 2012, U.N. Monitoring Group on Somalia and Eritrea ayaa sheegay in Eritrea ay jartay taageeradii ay siin jirtay Al-shabaab. Hadal uu ka jeediyay golaha ammaanka, Saalax waxaa uu sheegay in cunaqabateynta ah tahay mid aan loo baahneyn, isla markaana ay wadato dhibaato dhaqaale, isaga oo ku baaqay in laga qaado. Wasiir arrimaha dibadda Eritrea waxaa uu daba socday hadal uu ka jeediyey Congress-ka Tibor Nagy, oo kaaliyaha arrimaha Afrika ee wasiirka arrimaha dibadda Mareykanka, isaga oo cabsi ka muujiyey xuquuqul insaanka ka jira Eritrea iyo xiriir uu sheegay inay la leedahay Waqooyiga Kuuriya. Dhankeeda, dowladda federaalka Soomaaliya ayaa ka dalbatay Qaramada Midoobay in dalka laga qaado xayiraadda saaran ee dhanka hubka ah. Axmed Ciise Cawad oo ah wasiirka arrimaha dibadda ee xukuumadda federaalka Soomaaliya ayaa hadal uu ka jeediyey golaha loo dhan yahay ee Qaramada Midoobay wuxuu sheegay in xayiraaddan oo la qaado ay sahleyso in Soomaaliya hesho awood ciidan iyo in laga adkaado waxa loogu yeero argagaxisada. Soomaaliya iyo Eritrea waxaa saaray cunaqabateyn hubka ah tan iyo 2009-kii, labada dal waxaa ay muhiim u arkaan in la joogo xilligii laga qaadaa, iyada oo laga jawaabayo dabeesha nabadeed ee geeska Afrika. Ma jirto dalal waaweyn, oo ku jira golaha ammaanka ama xataa kuwa guud qaramada midoobey oo si gaar ah ugu xamaasadeysan in Soomaaliya iyo Eritrea laga qaado cunaqabateynta hubka, labada dal ayaa laga rabaa inay dalabkooda suuq-geeyaan, una muujiyaan dunida in hubka ay heli-doonaan aanu geli-doonin gacan 3aad, taas oo caalamka ka cabsi qabo. Goobjoog News Source: goobjoog.com

The world will never hear Anthony Bourdain’s growling, amiable voice ever again. Source: Hiiraan Online

In Toronto, the colour of money is mainly white. New demographic charts show a strikingly segregated city, with visible minorities.... Source: Hiiraan Online

Wariyeyaasha ku sugan magaalada Cadaado ee gobolka Galgaduud ayaa cambaareeyey xukun ay shalay maxkamad ku taalla Dhuusamareeb ku riddey wariye C/weli Tooxow. Waxa ay sheegeen wariyeyaashan in ay ka xun yihiin falkaasi, ayna u arkaan mid lagu xadgudbay xuquuqda suxufiga. Suxufiyiintan ayaa sheegay in si qaldan loo xukumay wariye Tooxow oo aan loo siin fursad uu isku difaaco. Halkaan hoose ka dhageyso: https://goobjoog.com/wp-content/uploads/2018/10/Warka-wariyayaasha-cadaado.mp4-alcadaala.mp3 Goobjoog News Source: goobjoog.com

Muqdisho (Caasimada Online)-Taliyaha CXD Jeneraal Daahir Aadan Cilmi (Indha Qarshe) ayaa sheegay in maleeshiyaadka Al-Shabaab ay xasuuq ba’an ku hayaan dadka deegaanka ku ah degamada Marko ee gobolka Sh/Hoose. Indha Qarshe, waxa uu sheegay in maleeshiyada Al-Shabaab ay dhibkaasi bilaabeen kadib markii ay guul daro kala kulmeen dagaalo ay la galeen ciidamada dowlada. Indha Qarshe, waxa uu tilmaamay in Al-Shabaab ay xasuuq noocyo badan u geystaan shacabka, isgoo tilmaamay in ujeedka uu yahay xanuunjin si ay naxariis uga helaan. “Al-Shabaab markii looga adkaaday dagaalka waxa ay bilaaben in si khasab ah ay u adeegsadan dadka shacabka, waxaa nasiib daro ah in dano argagixiso loo xasuuqo shacab dowladnimo raadinaaya” “Shacabka iyagaa laga doonayaa inay iska dulqaadan xagjiriinta Al-Shabaab anaguba albaabada ayan u fureynaa” “Runtii dhibaatooyinka ay ka geystaan deegaanada ay la wareegen ciidamada dhagahaaga ma maqli karaan, waxaanu dooneynaa in rag iyo dumarba laga gaashanto Al-Shabaab si loogasaaro dalka oo dhan” “Shacabka anaga ayaa meel waliba uga hormari doona waxaana u sheegeynaa in nolol aysan u noqon doonin la dhaqanka ama ka cabsida Kooxo argagixiso oo gumaad uu u muuqdo” Indha Qarshe, waxa uu sheegay in ciidamada xoogga dalka ay Al Shabaab kala wareegeen degaano hoostagga degamada Marko ee gobolka Sh/Hoose. Taliyaha ayaa sidoo kale sheegay in la furay wadada xiriirisa Muqdisho iyo Marko ee ka kala tirsan gobolka Shabeellaha Hoose iyo gobolka Banaadir. Waxa uu xusay in ciidanka xoogga dalka ay hada qorsheynayaan in ay Al Shabaab kala wareegeen degaano kale oo hada ay ciidamada ku wajahan yihiin. Sidoo kale, Indha Qarshe ayaa cod dheer ku sheegay in degaanada laga qabsado Al-Shabaab ay ka jiraan xaalado adag maadaama Al-Shabaab ay horay u sii qaatan dhammaan adeegyadii bulshada. Dhinaca kale, Indha Qarshe ayaa carab ***** in CXD aysan awood u lahayn in gurmad deg deg ah ay u fidiyaan shacabka ku nool degaanada Al Shabaab laga qabsado. Caasimada Online Xafiiska Muqdisho Caasimada@live.com

Iran launched missiles at militants in Syria allegedly responsible for an attack in Ahvaz last week which left 25 dead and dozens wounded, according to the IRIB news agency. Source: Hiiraan Online

Guddoomiyaha cusub ee gobolka Hiiraan Yuusuf Axmed Hagar Dabageed ayaa sheegay in ay dhammaatay waqtigii madaxda Hirshabelle ogaal la’aan ku kala bedali jireen mas’uuliyiinta degmooyinka maamulkaasi. Wuxuu sheegay Dabageed in uu dhammaaday waqtigii ogaal la’aan loo bedalayey mas’uuliyiinta, islamarkaana isaga iyo madaxda maamulka Hirshabelle isku raaceen in looga dambeeyo shaqooyinka gobolka Hiiraan. “Hiiraan anigaa xukuma, gacan dhaaf ma jiro, waxaan kaloo idiin sheegayaa in madaxweynaha Hirshabelle iyo wasiirka arrimaha gudaha isku garanay in aniga mas’uul ka ahay wax walbo oo gobolka ah, cid haddii la bedalo ama mid kale la keeno anigaa sameeyee ogaada” ayuu yiri Dabageed. Dhanka kale, Yuusuf Dabageed oo si gaar ah ula hadlay warbaahinta ayaa sheegay in looga baahan yahay dhankooda iney ka shaqeeyaan nabadda, islamarkaana haddii ay baahiyaan wax aanu maamulka la ogeyn tallaabo laga qaadi doono. Dhowaan ayaa gobolka Hiiraan waxaa loo soo magacaabay Yuusuf Dabageed, iyadoo marar badanna uu xilkan uu soo qabtay. Goobjoog News Source: goobjoog.com

Ciidamada xoogga dalka oo garabsanaya kuwa AMISOM ayaa lagu soo waramayaa in ay saakay howlgallo ballaaran ka wadaan deegaanno ka mid ah gobolka Hiiraan, gaar ahaan deegaannadii ay shalay kala wareegeen Al-shabaab. Ciidamada ayaa baaraya dhammaan guryaha ku yaalla deegaannadaasi, iyadoo dhanka kalena ay ku socdaan deegaanno kale oo gobolka Hiiraan ah, islamarkaana ay maamulaan Al-shabaab. Jeneraal Saalax Yacquub, abaanduulaha ciidanka xoogga dalka qeybta 27-aad ayaa warbaahinta u sheegay in deegaannada ay la wareegeen dhammaantood ay nabad tahay. Waxa uu sheegay iney wadaan sidii loo kordhin lahaa howlgallada ammaanka lagu sugayo. “Ammaanka waa uu wanaagsan yahay, waxaana wadnaa qorsheyaal amni xaqiijin ah, howlgallada waa ay socdaan, nabad diidkana waa laga saarayaa meelaha ay kaga sugan yihiin gobolka Hiiraan” ayuu yiri abaanduule Saalax. Ciidanka xoogga dalka oo garab ka helaya kuwa AMISOM ayaa Labadii cisho ee ugu dambeysay waxay howlgallo ballaaran ka wadeen deegaanno ka mid ah gobolka Hiiraan. Goobjoog News Source: goobjoog.com

Garissa Senator Yusuf Haji who served as the head of Kenya defense Ministry has warned youth against being lured to join terror militant groups like Al-Shabaab. Source: Hiiraan Online

Saudi Crown Prince Mohammed bin Salman arrived in Kuwait on Sunday, state media reported, amid expectation that he will discuss oil supplies and a Kuwaiti mediation effort to resolve Saudi Arabia’s conflict with Qatar. Source: Hiiraan Online

Somali president is planning to fly to the breakaway northern Somalia enclave of Somaliland, the government said on Sunday in a rare and first trip laden with significance by a Somali leader to the region which often looks it's history with Somalia through binoculars of conflict and resentment since 1990s. Source: Hiiraan Online

OTTAWA – Canada has reached a new trilateral trade agreement with the United States and Mexico, after nearly 14 months of NAFTA renegotiations. Source: Hiiraan Online

Somali National Army (SNA) on Sunday killed five al-Shabab militants and injured several others during a fierce fighting between the soldiers and insurgents in the southern part of the Horn of Africa nation. Source: Hiiraan Online

Muqdisho (Caasimada Online) – Madaxweynaha maamulka Koonfur Galbeed ee Soomaaliya Shariif Xasan Sheekh Aadan ayaa ku gacan seeray yabooh heshiis oo kaga yimid ra’iisul wasaare Xasan Cali Kheyre, si uu uga soo goostay golaha iskaashiga maamul goboleedyada Soomaaliya, ee dowladda u kacsan. Ilo-wareedyo lagu kalsoon yahay ayaa Caasimada Online u sheegay in ra’iisul wasaare Xasan Cali Kheyre uu Shariifka u bandhigay heshiis ka kooban labada qodonb oo midka koowaad uu yahay in dowladda Soomaaliya ogolaaneyso inuu muddo sanad ah ku darsado xilka, ayada oo doorashada maamulka Koonfur Galbeed dib loo dhigayo illaa bisha November ee sanadda 2019. Doorashada ayaa waxaa iminka la qorsheeyey bisha November ee sanadkan. Waxaa sidoo kale yabooha qeyb ka ahaa shixnad lacageed, oo aan la shaacin in ta ay la eg tahay oo dowladda Soomaaliya ay u ballan-qaad Shariif Xasan. Labadan qodob ayaa la sheegay in dowladda dooneysay in Shariifka uga soo jarta isbaheysiga maamul goboleedyada. Si kastaba, Shariif Xasan ayaa la sheegay inuu ku gacan seeray yabooha dowladda, waxaana ilo-wareedyo ku dhow isaga ay shaaciyeen inuu diyaar u yahay inuu doorasho galo, isaga oo ku kalsoon inuu ka guuleysan karo musharaxiinta la loolamaya. Dowladda oo horey isbaheysiga madax goboleedyada uga saartay madaxweynehaa HirShabelle Maxamed Cabdi Waare ayaa rumeysan inay u baahan tahay ugu yaraan laba ama saddex madaxweyne inay usoo go’an dowladda, si ay u burburiso isbaheysigan. Waare ayaa qaatay laba milyan oo dollar, oo ay bixisay dowladda Qatar, waxaana sidoo kale loo sameeyey ballan-qaadyo kale oo taageero oo bil kasta uu heli doono. Caasimada Online Xafiiska Muqdisho Caasimada@live.com

Washington (Caasimada Online) – Dowladda Mareykanka ayaa malaayiin dollar ku bixineysa dhismaha mid ka mid ah garoomada diyaaradaha ee ku yaalla Koonfurta Soomaaliya, sida lagu sheegay war kasoo baxay wasaaradda gaashaandhigga Mareykanka, oo lasoo gaarsiiyey Caasimada Online. Wasaaradda Gaashaandhigga Mareykanka ayaa ku dhwaaqday in lacag gaareysa 12.3 milyan oo dollar ay ku abaal-marisay shirkad fadhigeedu yahay gobolka North Carolina oo lagu magacaabo URS Group, taasi oo fulin doona dayactir deg deg ah oo lagu sameynayo dhabbaha diyaaradaha ay ku ordaan ee garoonka Balli Doogle ee goblka Shabeellaha Hoose. Wasaaradda Gaashaandhigga waxa ay sheegtay in dayactirka uu ku jiro in si qoto dheer loo dhiso dhabbaha, si ay u fududaato howlgallada ee diyaaradaha ku samaynayaan garoonkaas. Dhismaha garoonka ayaa la filayaa in lasoo geba gebeeyo bisha September ee sanadda 2019, sida lagu sheegay warbixinta. Dhabbaha garoonka Balli Doogle ayaa dhererkiisu dhan yahay 3.2 km, waxaana sanadadiihi toddobaatamaadkii loo dhisay ciidamadii milatariga Soomaaliya, oo xilligaas taageero ka helayey Midowga Soviet ama Ruushka. Garoonka ayaa waxaa hadda isticmaala, oo deggan ciidamada Mareykanka ee howl-gallada ka fuliya Soomaaliya iyo sidoo kale kuwa Amisom, oo ayna wehliyaan ciidamada howlgallada gaarka ah fuliya ee dowladda Soomaaliya ee loo yaqaan Danab. Caasimada Online Xafiiska Minneapolis Caasimada@live.com

Nairobi (Caasimada Online) – Siyaasiga Faarax Macallin ayaa Madaxweynaha Kenya Uhurro Kenyatta ku eedeeyay inuusan dooneynin ka hadalka dhibta ay ciidamadiisa ku hayaan Somalia. Waxa uu Siyaasiga Faarax sheegay in ciidamada Kenya ay dilal iyo gaboofallo joogta ah ka geystaan Gudaha wadamada Somalia iyo Kenya, waxa uuna tilmaamay in dowladiisa aysan diyaar u aheyn in xal loo helo dhibaatooyinkaasi lagu hayo Soomaalida. Siyaasiga Faarax Macallin waxa uu tusaale u soo qaatay ciidan ka tirsan Kenya oo todobaadkan garaacay dad rayid ah sidoo kalena dab qabadsiiyay guryo ay dad rayid ah leeyihiin oo ku yaala degaanka daba City lagu magacaabo oo ka tirsan Mandheera. Waxaa uu Uhuru Kenyatta ugu baaqay in uu wax ka qabto Ciidanka Kenya ee labada dhinacba ku dhibaateeya dadka rayidka ah. Wuxuu intaa raaciyay Faarax Macallin in Ciidanka Kenya ee aan ku jirin AMISOM ay bur buriyeen siinka Isgaarsiinta Hormuud,waxaana uu Madaxweynaha ugu baaqay in uu Magdhow ka bixiyo dhibaatada Ciidanka Kenya ka wadaan gudaha labada dal. Eeda iyo dhaliisha uu Faarax Macallin u jeediyay Madaxweynaha Kenya Uhurro Kenyaatta ayaa waxaa nooga soo ifbaxay 3 Arrin oo kala ah:- 1-In ciidamo badan Kenyan ah oo aan u diiwaan gashneyn AMISOM ay ka howlgalaan deegaanada Jubbaland. 2-In Ciidamada Kenya ay ka goosa heystan Madaxda ugu sareysa dalkaas oo aan iyagu ka hadal xasuuqa iyo boobka lagu hayo Soomaalida. 3-In Madaxda Kenya ay eedeymaha xasuuqa u qaatan dhaliilo mucaarad, isla markaana ku amana ciidamadooda si ay usoo xoojiyaan falalkaasi. Faarax Macalin ayaa muddo dhowr jeer Dowlada Kenya ku eedeeyay xasuuqa, hase yeeshee waxaa sii kordhay dhibta lagu hayo Soomaalida, halka uu ujeedku ahaa in la yareeyo xadgudubka. Si kastaba ha ahaatee, ciidamada Kenya kuwooda jooga deegaanada Jubbaland iyo xadka ayaa xasuuq ba’an u geysta dadka shacabka ah, taa oo sii kordhisay tirada geerida muwaadiniinta Soomaaliyeed. Caasimada Online Xafiiska Nairobi Caasimada@live.com