Wararka ka imaanaya gobolka Hiiraan ayaa waxay sheegayaan in ciidanka xoogga dalka oo garabsanaya kuwa AMISOM ay la waregeen deegaanno ka mid ah gobolka Hiiraan. Ciidamadan oo shalay ka baxay magaalada B/weyne ayaa aaday dhanka wadada isku xirta magaaladaas iyo degmada Buulo-burde, waxaana jiray dagaallo kooban oo ay kala kulmeen Al-shabaab. Saraakiil ka tirsan xoogga dalka ayaa sheegay in ciidanka ay maanta la wareegeen deegaannada kala ah Baardheere iyo Nuur Fanax ee gobolka Hiiraan. Waxaa jiray qaraxyo lala eegtay gaadiidka la socdeen ciidamada dowladda ee howlgalladan wada balse lama oga khasaaraha ka dhashay halkaasi. Warkaan wixii kusoo kordha kala soco wararkeena kale Goobjoog News Source: goobjoog.com

Muqdisho (Caasimadda Online) – Wasiirka Amniga Dowlad goboleedka Jubbaland Cabdi rashiid Xasan Cabdi Nuur(Janan) ayaa Dowladda Federaalka iyo Dowlad goboleedyada ku eedeeyey inaysan ka warqabin xaaladaha ka jira dalka. Waxa uu sheegay in todobaadkii la soo dhaafay gobolada Gedo iyo jubbooyinka lagu dilay ku dhawaad 10 Askari oo ka tirsanaa Ciidamada Jubbaland,balse aan laga waqabin. C/rashiid Janan ayaa sheegay in dowladdu aanay ka warqabin ciidamada Soomaaliyeed ee maalin kasta dagaalka ku jira, isagoo soo hadal qaaday Ciidamo lagu dilay Gobolada Gedo iyo Jubbada Hoose oo Shabaabka qaraxyo ku dileen Waxaa uu sheegay in dowladdu ay ku mashquulsan tahay kaliya baraha bulshada iyo dadka qoraalada ku soo qora Facebook ee buun buuniya. “Todobaadkii la soo dhaafay dhowr iyo toban askari ayaa ku dhintay Gedo iyo Jubbada Hosoe,hal qof isma weeydiin kan wax dilay iyo kan la dilay dowladda maba oga,waana askari soomaaliyeed oo muwaadin ah,in badan oo ka mid ah dadka dalka madaxda ka ah waxa socda waxba kala socdaan” ayuu yiri. https://www.caasimada.net/wp-content/uploads/2018/09/Wasiir-Janaan.mp3Caasimada Online Xafiiska Muqdisho Caasimada@live.com

Doorasho boos buuxin kursi ka banaan Golaha shacabka ee Baarlamaanka federaalka Soomaaliya oo deegaan doorashadiisu tahay Puntland oo maanta dhici lahayd ayaa qabsoomin, iyadoo aan la sheegin sababta. Wa-saxaafadeed ka soo baxay Guddiga madaxa banaan ee doorashooyinka Qaranka 20-kii bishan September ayaa lagu sheegay in la qabanayo doorashada kursi ka banaan Golaha shacabka oo 6-dii bishan September iska casilay Xildhibaan Daahir Cali Faarax (Dhahar). Guddiga ayaa faray oday dhaqameedkii ku jiray liiska 135-ta oday ee kursigan banaanaaday matala inuu soo guddiyo liiska 51 Ergo ee dooran lahayd kursigan muddo 7 cisho gudahood, iyagoo ku wargeliyay musharaxiinta u tartameysa inay isa soo diiwaan geliyaan inta u dhaxeysa 22-ka ilaa iyo 29 bishan September 2018. Sida qorshu ahaa maanta oo bishu tahay 30 September 2018 ayay ku beegan tahay xiligii ay dhici la hayd doorashada kursigaas, iyadoo ay soo baxayaan sababaha baajiyay dooraashadaas. Guddiga madaxa banaan ee doorashooyinka Qaranka war-saxaafadeedkiisii wuxuu ku sheegay in doorashada korsigaasi ka dhacayso Muqdisho, balse sida sharcigaa ayaa ah in kursiga la bedelo dib looga soo doorto deegaankii horey looga soo doortay, iyadoo ay xusid mudan tahay in dhawaan Xildhibaankii ugu horeyay oo is casilay Cabdiqaadir Gaafow oo horey looga soo doortay Galmududg ay doorashada kursigaasi ka dhacday Dhuusa-mareeb uuna ku guuleystay walaalkiis ka weyn Cabdulaahi Gaafow. Warar ay heshay PUNTLAND POST, ayaa sheegaya in Puntland ku dooday in kursigan doorshadiisa lagu qabto magaalada Garowe oo horey looga doortay Xildhibaankii is casilay Daahir Cali Faarax (Dhahar), iyadoo uu jiro khilaaf xoogan oo u dhexeeya Federaalka iyo Puntland. Sidoo kale odayaal kamid ah beesha leh kursiga oo maalin ka hor shir jaraa’id ku qabtay Garowe ay ka hor yimid doorashadaas oo ay sheegeen in dowlada federaalka wado musuqmaasuq ay doonasyo in ay qof kula soo baxdo. Xubnaha kursigan u tartamaya waxaa ka mid Wasiirka qorsheynta Xukuumadda Soomaaliya Jamaal Maxamed Xasan, oo ay Xildhibaanka is casilay isku beel yihiin, la sheegay in ay ku heshiiyeen inuu u baneeyo kursigan, halka Dhahar-na loo magacaabay safiirka Soomaaliya u dhafiya dalka Jubuuti. Madaxweyne farmaajo, Wasiir Jamaal, Dhahar iyo odayaal dhaqameed Jamaal Maxamed Xasan ayaa kamid ah Wasiirada ugu firfircoon Xukuumadda Soomaaliya, waxaana Faramaajo iyo Kheyre qorsheeyeen in uu kamid noqdo Golaha sharci dajinta oo ah kuwa la xisaab-tama Golaha fulinta. Guddiga madaxa banaan ee doorashooyinka Qaranka ayaa ilaa iyo hadda wax war ah ka soo saarin sababta ay u dhici-weyday doorashada kursigan oo ay horey loo sheeciyay. PUNTLAND POST The post Maxay u baaqatay doorasho kursi Xildhibaan oo ka dhici la ahayd Garowe? appeared first on Puntland Post.

Muqdisho (Caasimadda Online) – Xisbi cusub oo uu hoggaaminayo madaxweynihii hore ee Soomaaliya Xildhibaan Xasan Sheekh Maxamuud ayaa lagu wadaa in looga dhawaaqo magaalada Muqdisho. Xisbigan uu hoggaaminayo Xasan Sheekh Maxamuud ayaa la sheegay in Khamiista looga dhawaaqi doonaa magaalada Muqdisho ayaa loo bixiyey “Midowga Nabadda & Dimoqraadiyadda”, waxaana ku midoobay Xisbiga Daljir iyo Kutladii Horusocod ee xildhibaanadii qabyo ay ku jireen. Shirweyne ay shalay ku yeesheen magaalada Muqdisho Xisbiga Daljir ayaa waxay ku shaaciyeen inay si rasmi ah ugu biirayaan midow Xisbiyo Qaran oo hal xisbi isku noqonaya, iyadoo dhaqan galkiisa uu bilaabayo maanta oo 30-ka bisha September ah. Shirar ka socday gudaha dalka iyo dibadiisa ayaa lagu heshiiyay inay hal xisbi ku midoobaan Xubno siyaasiyiin iyo Xildhibaano mucaarad ah, waxaana Xisbigan la filayaa inuu noqdo xisbiga ugu weyn ee mucaaradka ku midoobaan. Wararka ayaa sheegay in xisbiga C/raxmaan C/shakuur Warsame ee Wadajir oo hore loogu waday inuu ka mid noqdo xisbigan cusub uu ka hakaday arrimo aan la shaacin dartood, waxaana xisbigan ku mideysan in ku dhow 50 xildhibaan oo ka tirsan Baarlamaanka Federaalka.

Maamulka deegaanka Lafoole ee gobolka Shabellaha Hoose ayaa sheegay in heshiis ay kala dhex dhigeen beello walaalo ah oo horey u dagaallamay. Xuseen Nuur Geesey oo ah madaxa arrimaha bulshada ee deegaankaasi ayaa u sheegay Goobjoog News, in dagaalladan ahaayeen kuwo soo noq-noqday, balse ay ku guuleysteen daminta colaaddan. Waxa uu tilmaamay in markii hore dagaalladan ka bilowdeen arrimo la xiriira dhul, balse dedaal badan oo ay sameeyeen kadib xal laga gaaray arrintaasi. Guddoomiye Geesey ayaa sheegay in xilligan aanu dagaal wanaagsaneyn, wuxuuna shacabka Soomaaliyeed usoo jeediyey in la wada heshiiyo. Halkaan hoose ka dhageyso: https://goobjoog.com/wp-content/uploads/2018/09/WAREEYSI-GUD-XIGEN-MAAMULKA-LAFOOLE-MUQTAAR-NUUR-GEESEEY-.mp3 Goobjoog News Source: goobjoog.com

Ciidamada militariga dowladda federaalka Soomaaliya oo kaashanaya kuwa Darwiishta Jubbaland ayaa howlgal ay ka sameeyeen gobolka Jubbada Hoose kula wareegay deegaano hoostaga degmada Jamaame oo ay gacanta ku haysay Al-shabaab,sida ay sheegtay wakaaladda wararka SONNA. Howlgallada ayaa bilowday saaka aroortii hore kadib marii ciidamadu weerar qorsheysan ay ku qaadeen degaanno ku teedsan degmada Jamaame,waxaana ay gacanta ku dhigeen tuulooyinka;Bangiini,Maana-muufo iyo Koban oo dhammaantood hoosyimaada magaalada jamaame ee gobolka Jubada Hoose. Generaal lagu magacaabo Yuusuf Xuseen Cismaan(Dhuumaal) oo ay soo xigatay wakaaladda wararka Soomaaliya ee SONN ayaa xaqiijiyay in Al-shabaab hawlgalladii saaka looga saaray degaanno badan oo ay hore uga sugnaayeen gobolka,islamarkaana laga dilay ilaa shan xubnood ,sida uu hadalka u dhigay. “Hadda maanta koban baa la joogaa ciidanku Baar-sanguuni wuu ka tagay,howlgalkaasi gurmadkiisa iyo u diyaargarowgiisi iyo ciidankii horaydaasi jiro haday wax soo gaaraan u gurmashadooda ka mid bay ahayd,hadana wax qasaare ah 2 will oo dhaawac ayaa naloo sheegay,iyagana 5 qof ayaa laga dilay mooto ay wateena waa laga qabsaday,hoobiyaal in ay soo ridayeen baa la ii sheegay”ayuu yiri Yuusuf Dhuumal. Sidoo kale malayshiyaadka Al-shabaab ayaa la sheegaya in ay ka baxeen degmada Jamaame kadib markii ciidamadu ku soo dhowaadeen,inkastoo aysan jirin weli cid si rasmi ah xaqiijisay warkaasi. PUNTLAND POST The post Ciidamada xoogga dalka oo hawlgallo culus ka fuliyay Jubada Hoose appeared first on Puntland Post.

Shacab u badan Kalluumeysato ayaa maanta waxa ay dibadbax ka dhigeen degmada C/casiis illaa taalada Daljirka Daahsoon ee magaalada Muqdisho. Dadkan ayaa ka cabanayey sida ay sheegeen Kawaankii Malayga degmada C/casiis oo laga xirtay, loona sheegay ineysan ku ganacsan karin. Qaar ka mid ah dadkii dibadbaxan dhigayey ayaa sheegay in Kawaanka laga iibiyey shaqsiyaad gaar ah, sidaasi darteedna shaqooyinkooda loo hor istaagay. “Shaqooyinkeenna waa la hor istaagay, waxaa naloo sheegay in aanu geli karin Kawaanka, waa la xiray, Kalluunkii aan soo Jillaabanay Labo cisho doomaha ayuu dul saaran yahay” sidaasi waxaa yiri mid ka mid ah dibadbaxayaasha. Arrintan weli kama aanay hadal maamulka gobolka Banaadir iyo kan degmada C/casiis. Shalay ayey sidan oo kale dadkan u dhigeen dibadbaxan, mana jirto cid arrintooda ka hadashay. Warkaan wixii kusoo kordha kala soco wararkeena kale Goobjoog News Source: goobjoog.com

Jaamacadda Culuumta Caafimaadka ee Racep Tayip Erdogan oo furneyd tan iyo 2016-kii, isla markaana ay dhigtaan 270 arday ayaa maanta si rasmi ah loo furay. Xafladda furitaanka oo hadda ka socota xarunta Jaamacadda waxaa ka soo qeyb galay mas’uuliyiin ka socota dowladda Soomaaliya, Turkiga iyo bulshada rayidka ah. Ardeydan oo luqadda iyo culuumta caafimaadka ee hoose laga dhisay ayaa lagu wadaa inay qaarkood Diploma qaataan dhammaadka sanadkan. Olgen Baker Safiirka Turkiga ee Muqdisho ayaa Sheegay in ka Dowlad ahaan dadkan ay ka fakareen horumarin lagu sameeyo barashadooda caafimaadka Wasiir ku-xigeenka wasaaradda Waxbarashada Soomaaliya Xil. Feysal Cumar Guuled ayaa sheegay in ardayda cafimaadka baranaysa looga baahan yahay in ay ku dadaalaan sidiii ay u hormarun lahaayeen Caafimaadka. Goobjoog News Source: goobjoog.com

Dowladda Federaalka Soomaaliya ayaa ka dalbatay Qaramadda Midoobay in laga qaado cuna-qabateynta hubka saaran Soomaaliya. Wasiirka arrimaha dibadda ee xukuumadda federaalka Soomaaliya Axmed Ciise Cawad oo khudbad ka jeediyay Shirka golaha guud ee Qaramadda Midoobay ayaa sheegay In xayiraadda hubka Soomaaliya oo laga qaado ay sahleyso in Soomaaliya hesho awood ciidan iyo in laga adkaado waxa loogu yeero argagaxisada. Dhanka kale Wasiir Cawad ayaa khudbadiisa kusoo hadal qaaday howlgalka AMISOM ee Soomaaliya, wuxuuna sheeegay in Ciidamadda AMISOM oo ka socda dhowr dal ay yihiin geesiyaal naftooda u huray badbaadada Soomaaliya,islamarkaana laga shaqeeyo sidii ay dalka usoo joogi lahaayeen. Wasiirka arimaha dibada Soomaaliya Amb Axmed Ciise Cawad ayaa khudbadiisa ku matalayay madaxweyne Farmaajo oo ka baaqday shirkaasi Qaramada Midoobay. Puntland Post The post Soomaaliya oo codsatay in cuna-qabateynta hubka laga qaado appeared first on Puntland Post.

Prime Minister Ruhakana Rugunda on Thursday warned world leaders gathered for the 73rd session of the UN General Assembly (UNGA) in New York that any reduction of peacekeeping troops in Somalia should match the strengthening of the country’s security forces. Source: Hiiraan Online

Muqdisho (Caasimada Online)-Ra’isul wasaaraha Ugandha Dr.Ruhakana Rugunda ayaa QM uga digay qorshaha lagu doonayo in lagu dhimo ciidamada AMISOM ee Somalia. Wuxuu sheegay in qorshahaasi uu wax u dhimayo dadaalka loogu jiro xoojinta amaanka Somalia iyo kor u qaadista tayada ciidamada Somalia. Waxa uu hadalkaasi ka sheegay shirweynaha 73-aad ee Golaha guud ee QM waxa uuna hoosta ka xariiqay in dhimis waliba oo lagu sameeyo ciidamada jooga Somalia ay xagal daacineyso hormarka Siyaasada iyo amaanka Somlia. Dr. Ruhakana Rugunda, waxa uu carabka ku dhuftay in xaalada amaan ee Somalia soo hagaagtay tan iyo markii ciidamada AMISOM loo soo daabulay Somalia oo iminka laga joogo 11 Sano. Mar uu ka hadlaayay dagaalka Al-Shabaab waxa uu sheegay in haatan 80% Al-Shabaab laga xureeyay dhulka ay heysteen, isla markaana dowlada Somalia iyo Hay’adaha shisheeye ee ka shaqeyn jiray dibadda ay usoo wareegen Muqdisho, taa oo xoojineysa guusha la gaaray. Waxa uu intaa ku daray in Somalia ay tusaale weyn u tahay iskaashiga u dhexeeya QM iyo Midowga Africa si loo xaliyo mashaakilka Africa. Inkabadan 6,000 askari oo Ugandhees ah ayaa ku sugan Somalia, waana dalka ugu balaaran ee ciidamada ugu badan ay ka joogan Somalia. Dalalka kale ee ciidamada ka joogan Somalia ayaa waxa ay kala yihiin Jabuuti, Ethiopia, Kenya, Burundi iyo Ugandha. Bishii Augusta 2016 15-ka xubnood ee Golaha amaanka QM waxay soo saaren qaraar ku baaqaya in dadaalka ugu badan la galiyo xoojinta ciidamada Qaranka Somalia, si ay u hantaan amaanka dalkood ee xiliga mudada dheer. ISHA Daily Monitor Caasimada Online Xafiiska Muqdisho Caasimada@live.com

Muqdisho (Caasimada Online)-Xukuumada Somalia ayaa sheegtay inay ka shaqeyneyso sida loo xoojin lahaa barnaamijka Isxilqaan oo si hordhac ah iminka uga dhaqan galay Somalia. Wasiir ku-xigeenka Wasaaradda Howlaha Guud iyo dib u dhiska Xukuumadda Somalia Jamaal Xasan Ismaaciil oo ka qeyb galayay shir looga hadlayay sidii looga qeyb qaadan lahaa Barnaamijka Isxilqaan ayaa sheegay in Wasaaradda ay saxiixday heshiisyo kala duwan oo xoojinaaya barnaamijka isxilqaam. Waxa uu Wasiir ku-xigeenku sheegay in Heshiisyadaasi ay u baahan tahay in si wada jira looga shaqeeyo dhaqan galkooda isla markaana leyska kaashto sida looga miro dhalin lahaa. Wasiir ku-xigeenka ayaa tilmaamay in Heshiisyada qaar oo ay la gashay Beesha caalamka uu yahay mid ku aadan dib u dhiska iyo soo celinta bilicda dalka. Waxa uu sheegay in Wasaaraddu ay goob joog ka aheyd heshiis dhawaan ay Wasaaradda arrimada dibadda la saxiixatay Beesha Caalamka, taa oo sahashay inay kordhaan Heshiisyada ay galayaan. Waxa uu carab ***** Wasiir ku-xigeenka in dib u dhiska dalka uu u baahan yahay iskaashi, waxa uuna cadeeyay in Heshiisyada heerka caalami keliya uusan waxba u tareynin, isla markaana la doonayo in lagu sii shaqeeyo barnaamijka isxilqaam. Sidoo kale, waxa uu Wasiir ku-xigeenta tilmaamay in Wasaaradda Howlaha Guud iyo dib u dhiska Xukuumadda Somalia ay waddo qorshayaal lagu dhisayo Magaalada Muqdisho ee Caasimadda Soomaaliya iyo Gobollada dalka. Dadka Soomaaliyeed ayuu ugu baaqay inay ka faa’iideystan barnaamijka isxilqaam, isagoo ka dalbaday inay heegan u galaan sida ay u dhisan lahaayen dalkooda. Dhinaca kale, heshiisyada heerka caalami ayuu sheegay in ilaa iyo xad ay ka faa’iideysan doonto Somalia, hase yeeshee dal waliba uu dadkiisa dhisto. Caasimada Online Xafiiska Muqdisho Caasimada@live.com

Muqdisho (Caasimada Online)-Wasiirka arrimaha dibadda Somalia Axmed Ciise Cawad, ayaa u sheegay Golaha guud ee QM in dowladiisa curdunka ah ay talaabooyin muuqda ka qaaday la dagaalanka Maleeshiyada Al-Shabaab. Cawad, waxa uu ugu baaqay QM in la qaado cunaqabateynta Hubka ee mudada dheer saran Somalia. Wuxuu yiri “Qaadista cunaqabateynta Hubka waxay sare u qaadi doontaa dagaalka aan kula jirno maleeshiyaadka xagjirka ah, iyadoo awooda xoojinta dagaalka u suurtagalin karto ciidamada Somalia inay gacan sare yeeshan” ayuu yiri Wasiir Cawad oo ku hadlaayay magaca Madaxweynaha Somalia. Dhanka kale, Wasiir Cawad waxa uu sheegay in dadka da’da yar aysan kusii biireynin Al-Shabaab, isla markaana aragtida Al-Shabaab aad loo taageersaneyn. Cawad, waxa uu intaa ku daray in dowlada Somalia ay arrintaa la kaashato hogaamiyayaasha Diinta, Dadka da’da yar iyo Odayaasha sidii looga hortagi lahaa aragtida naceybka Al-Shabaab. Cawad, waxa uu intaa ku daray in Taliyayaal sare oo ka tirsan Al-Shabaab ay ka faa’iideysteen cafiska dowlada isla markaana si nabad galyo ah isugu soo dhiibeen dowlada. Maleeshiyada Al-Shabaab ayaa isku dayeysa in dowlad Islaami ah ka dhisaan Somalia, waana Kooxda xagjirka ee dhimashada badan ka geystay Somalia. Geesta kale, Cawad ayaa Beesha Caalamka ugu baaqay in la taageero howlgalka Somalia inta ay Soomaaliya kala wareegeyso amaanka dalka. ISHA AP Caasimada Online Xafiiska Muqdisho Caasimada@live.com

Beledweyne (Caasimada Online)-War goordhow nasoo gaaray ayaa sheegaya in dagaal xoogan uu iminka ka socdo degaanka Beerxaano oo ka tirsan Gobalka Hiiraan. Dagaalka oo aad u xoogan ayaa waxaa lasoo sheegayaa inuu u dhexeeyo ciidamada xooga oo garab ka helaya kuwa AMISOM iyo maleeshiyaadka Al-Shabaab oo dhinac ah. Dadka deegaanka ayaa soo sheegaya in dagaalka leysu adeegsanayo Hubka noocyadiisa kala duwan, iyadoo dhawaqa rasaasta iyo Madaafiic laga maqlayo tuulooyin ka agdhow goobta uu dagaalka ka soconayo. Gaadiid dagaal oo gurmad u ah ciidamada dowlada iyo kuwa AMISOM ayaa ku qulqulaaya goobta dagaalka, waxaana lasoo sheegayaa in dagaalka uu aad u xoogan yahay. Xaalada degaanka ayaa waxaa ay tahay mid aad u kacsan, iyadoona Ciidamada xoogga iyo kuwa AMISOM ay dhaq-dhaqaaqyo ciidan ka wadaan degaano hor leh oo ku yaala duleedka Magaalada Beledweyne ee Gobalka Hiiraan. Dhianaca kale, waxaan ilaa iyo hada la ogeyn khasaaraha rasmiga ah ee ka dhashay dagaalkaasi, wallow la maqlaayo dhawaqa gaadiidka gurmadka ee daabula dhaawacyada. Caasimada Online Xafiiska Beledweyne Caasimada@live.com

Mogadishu (HOL) - A Somali journalist, Munasar Mohamed, based in the Somali capital Mogadishu, said he had been receiving threatening phone calls and text messages since the past few days. Source: Hiiraan Online

Wasiirka arrimaha Dibedda Somalia Axmed Ciise Cawad oo sabtidii ka hadlay kulanka sanadlaha ah ee jimciyadda qurumaha ka dhaxeysa ayaa ka hadlay arrimo ay ka mid yihiin argixisada, horumarrada jira, AMISOM, sidii Soomaaliya looga qaadi karaa cunaqabateynta iyo maalgeshi. “In kasta uu Soomaaliya ay ku tilaabsatay “tallaabooyin aad u fiican”, oo xagga isbadal siyaasadda iyo dhaqaalaha ah, hadana weli waxaa uu dalka loolan kula jiraa argigixisada” sidaasi waxaa sabtidii jimciyadda qaramada midoobey ka hor sheegay wasiirka arrimaha dibadda ee Soomaaliya Axmed Cawad Wasiir Cawad waxaa uu intaasi raaciyey in xal waara arrintan loo helo, waxaa ay u baahantahay qaab wejiyo badan. Mr. Cawad waxaa kale uu shirka sanadlaha ah ee jimciyadda qaramada midoobey ka hor sheegay “Iyada oo kaashaneysa saxiibadeed, qaranka waxaa uu xididad u siibay shabakada argigixisada iyo goobaha ay ku dhuuntaan, arrintaasi waxaa lala kaashtay culimaa’udiinka, oday dhaqameedka, haweenka, dhalinyarada iyo qeybaha kala duwan ee bulshada, si loo badalo faafitaanka fikradaha ay ku jiraan naceynbka iyo mayal adeegga diinta”. Wasiirka waxaa uu ku dooday in fikradaha Al-shabaab iyo Al-qaa’ida aaney aheyn kuwa dadka soo jiita, waxaa intaas dheer dadka oo hubka iska dhiibaya. Wasiirka arrimaha dibadda ee Soomaaliya Axmed Cawad waxaa uu qaramada midoobey ugu baaqay inay ka qaaddo cunaqabateynta hubka si ciidamada xoogga dalka ay awood ugu yeeshaan inay baabi’iyaan kooxaha argigixisada ah, weliba waqti kooban. Waxaa kale uu u mahadceliyey AMISOM iyo shaqadaalaheeda, isaga oo ku ammaanay dadaalka ay ku bixiyaan nabadeynta Soomaaliya, isaga oo intaa ku daraya inay “abaal ku leeyihiin”. Ugu dambeyntii, wasiir Cawad waxaa sheegay in Soomaaliya iyo saaxibadeed ay raadinayaan fursado ganacsi iyo mid maal-geshi in loo helo Soomaaliya. Goobjoog News Source: goobjoog.com

When Nassir Abdallah Skanda was cleared of terror charges last year, his family was relieved. It was a chance for the 31-year-old to rebuild his life. But that may be no more. Skanda has not been seen since September 14 when he was picked up by armed men. Source: Hiiraan Online

Barakacayaal ku sugan degmada Dayniile ee gobolka Banaadir ayaa ka cabanaya xaalad adag oo dhanka nolosha ah, waxaana ay sheegeen iney u baahan yihiin gurmad bini’aadannimo. Qaar ka mid ah barakacayaashan oo la hadlay Goobjoog News, ayaa sheegay in aanay jirin wax ay haystaan, waxaana ay tilmaameen in wax walbo u baahan yihiin. Waxay sidoo kale sheegeen barakacayaashan iney kasoo barakaceen colaadaha ka jira qaar ka mid ah degmooyinka gobolka Shabellaha Hoose. Dowladda federaalka Soomaaliya iyo sidoo kale hay’adaha samofalka ah ayeey ugu baaqeen in gurmad degdeg ah lasoo gaaraan. Magaalada Muqdisho waxaa Labdii bil ee ugu dambeysay soo gaaray boqolaal qoys oo kasoo barakacay colaadaha ka jira gobolka Shabellaha Hoose. Halkaan hoose ka dhageyso: https://goobjoog.com/wp-content/uploads/2018/09/WAR-CABDIWAHAB-BARAKACAYAASHA-DAYNIILE-_2-1.mp3 Goobjoog News Source: goobjoog.com

Dowladda federaalka Soomaaliya ayaa ka dalbatay Qaramada Midoobay in dalka laga qaado xayiraadda saaran ee dhanka hubka ah. Axmed Ciise Cawad oo ah wasiirka arrimaha dibadda ee xukuumadda federaalka Soomaaliya ayaa hadal uu ka jeediyey golaha loo dhan yahay ee Qaramada Midoobay wuxuu sheegay in xayiraaddan oo la qaado ay sahleyso in Soomaaliya hesho awood ciidan iyo in laga adkaado waxa loogu yeero argagaxisada. Dhanka kale, wasiirka ayaa ku amaanay doorka AMISOM ee ku aadan nabadeynta Soomaaliya, wuxuuna sheegay in kaalin weyn ka qaataan howlaha lagu xasilinayo dalka. Waxa uu sheegay iney yihiin geesiyaal naftooda u huray badbaadada Soomaaliya, isaga oo ku baaqay in ay sii socdaan howlgallada Midowga Africa ee Soomaaliya. Halkaan hoose ka dhageyso: https://goobjoog.com/wp-content/uploads/2018/09/Flash1.mp3 Goobjoog News Source: goobjoog.com

MOGADISHU, Sept. 28 (Xinhua) -- The African Union Mission in Somalia (AMISOM) on Friday awarded 30 police officers deployed in Somalia to boost stabilization efforts for their distinguished service. Source: Hiiraan Online

Dagaalyahanno ka mid ah Al-shabaab ayaa shalay la wareegay deegaanno dhowr ah oo ka tirsan gobolka Shabellaha Dhexe, si gaar ahna u hoostaga degmada Balcad. Saakay ayaa lasoo sheegayaa in halkaasi laga dareemayo dhaq-dhaqaaqyo, iyadoo ciidanka xoogga dalka isku diyaarinayaan iney dib ugu laabtaan deegaannadaasi. Al-shabaab ayaa dadka meel fagaare ah kula hadlay shalay, waxayna u sheegeen iney iyaga la shaqeeyaan. Waxaa jira dad isaga barakacay deegaannada ay Al-shabaab qabsadeen, kuwaasi oo ka baqayey in waxyeello ay soo gaarto. Saraakiisha ciidanka xoogga dalka ee Sh/dhexe ayaa sheegay in dib ugu laabanayaan dhammaan deegaannadan oo shalay ciidanku si iskood ah isaga soo baxeen. Halkaan hoose ka dhageyso: https://goobjoog.com/wp-content/uploads/2018/09/Cismaan-Cabdalla.mp3 Goobjoog News Source: goobjoog.com

NAIROBI, Kenya (AP) — The first Kenyan feature film to premiere at the Cannes Film Festival has received overwhelming audience support since a court temporarily lifted a ban imposed by censors over the film’s gay content, a lawyer said Friday. Source: Hiiraan Online

UNITED NATIONS (AP) -- The Latest on the U.N. General Assembly (all times local): Source: Hiiraan Online

Warar dheeraad ah ayaa laga helayaa dil xalay magaalada Gaalkacyo ee gobolka Mudug loogu geystay haweeney ka mid ahayd dadka deegaanka. Dhallinyaro ku hubeysnaa Mindiyo (Tooreey) ayaa haweeneydaan weeraray xilli ay meel waddo ah mareysay, kadibna gaarsiiyey dhaawac halis ah. Sida ay dadka deegaanka sheegeen, dhaawicii soo gaaray haweeneydan ayeey ugu geeriyootey isla xalay isbitaalka magaalada Gaalkacyo. Ciidamada ammaanka ayaa howlgallo ay sameeyeen waxay ku soo qabteen dhowr qof oo arrintan lagu tuhunsan yahay. Ammaanka guud ee magaalada Gaalkacyo ayaa maalmahan dambe faraha kasii baxayey, waxaana magaaladaasi kusoo batay rag dadka ku dhaca Mindiyo. Goobjoog News Source: goobjoog.com

Amal Fathy, an actor and a former activist, uploaded a video to her Facebook account in May detailing how she was sexually harassed during a visit to her bank and criticising the government’s failure to protect women. Source: Hiiraan Online