(SLT-Hargeysa)-Golaha Ammaanka Qaramada Midoobay ayaa diyaarinaya qaraar cunaqabataynta lagaga qaadayo dawladda Ereteriya kadib markii reer Galbeedku bedelay mawqifkooda. Heshiiska Itoobiya iyo Ereteriya ayaa fure u ah qorshaha cusub waxaanay cunaqabataynta hubku saarnaan doonta Somalia sida qaraarka cusub dhigayo. Dawladda Ingiriiska ayaa Khamiistii golaha u qaybisay qaraar ku baaqaya in Ereteriya laga qaado cuno qabataynta Hubka iyo dhammaan xariyaadda dhanka socdaalka, hantida laga xannibay iyo dhammaan cuno qabataynaha lagu bartilmaameedsaday Ereteriya sida uu dhigayo qaraarka Ingiriisku u ololanayo oo ay aragtay wakaaladda wararka ee AFP. Qaraarka ayaa loo codayn doona 14-ka bishan November, waxaana lagu rajo weyn yahay in la meel marin doono sida laga soo xigtay ilo diblamaasiyadeed. Maraykanka iyo Ingiriiska oo heshiiska Ereteriya iyo Itoobiya kadib dalbanayay in Asmara hagaajiso xorriyatul qawlka iyo xuquuqal iisaanka ayaa haddana mawqifkooda bedelay, islamarkaana ogolaaday in cuno qabataynta la qaado. Ereteriya waxa cuno qabataynta la saaray sanadkii 2009 kadib markii lagu eedeeyay in ay taageerto kooxaha ka dagaallama Soomaaliya, hase ahaatee waxa qaraarka lagu sheegay in Kooxda la socodka cuno qabataynta u qaabilsan Qaramada Midoobay aanay keenin wax caddayn ah oo ku saabsan in Ereteriya taageerto argagixisada. Dawladda Ereteriya ayaa eedahaasi dafirtay waxaanu wasiirkeeda arrimaha dibaddu bishii September kulanka guud ee Qaramada Midoobay ka sheegay in cuno qabatayntu curyaamisay dalkiisa iyada oo aanay wax sharci ah ku salaysnayn waxaana cuno qabatayntu buraysa isla maalinta loo codeeyo qaraarka sida ku xusan qaraarkan cusub. Dawladda Soomaaliya ayaa Itoobiya ku wehelinaysa baaqa ah in cuno qabataynta laga qaado Ereteriya intii isbedelku ka dhacay Geeska Afrika laakiin, sida uu dhigayo qaraarka cusub waxa Soomaaliya sii saarnaan doonta cuno qabataynta hubka. Dawladda Jabuuti ayaa hore si weyn uga soo hor jeedsatay in cuno qabataynta hubka laga qaado Ereteriya iyada oo ay u dhexeyso colaad dhanka xuduudka ah. Hase ahaatee qaraarkan ayaa Ereteriya iyo Jabuuti ku boorrinayo in la sii wado wada hadallada bilawday bishii September oo madaxda labada dal ku kulmeen Sucuudiga. Waxa xusid mudan in dawladda Ingiriiska oo qaraarkan dabada ka riixaysa la filayo in ay dhawaan xoojiso cilaaqaadka ay la leedahay Jabuuti. Wasiirka arrimaha dibadda Jabuuti Maxamuud Cali Yuusuf ayaa boggiisa twitter-ka ku sheegay in wasiirka arrimaha dibadda Ingiriisku sheegay in ay si dhakhso ah safaarad uga furan doonan Jabuuti. Wasiirku waxa uu sheegay in ay taasi ku timid siyaasadda arrimaha dibadda Jabuuti oo furfuran. Source

Muqdisho (Caasimada Online) – Wararka aan ka heleyno magaalada Gaalkacyo ee gobolka Mudug ayaa sheegaya in si Wadajir ah halkaasi ay maanta u gaareen madaxweynaha Galmudug iyo madaxa xukuumadda Galmudug. Labada masuul ayaa u gaaray magaalada Gaalkacyo ee gobolka Mudug inay la kulmaan wakiilka Xoghayaha guud ee Qaramada Midoobay u qaabilsan Soomaaliya oo maalmihii ugu dambeysay la kulmayay madaxda dowlad goboleedyada. Nicholas Heysom ayaa la kulmay madaxda Hirshabeelle, Koofur Galbeed, Jubbaland, Puntland iyo Somaliland, waxaana kaliya u harsan madaxda maamulka Galmudug. Madaxweynaha Galmudug iyo Madaxa Xukuumadda ayaa Diyaarad ku tegay Gaalkacyo,iyaga oo halkaasi u tegay la kulanka Ergeyga QM oo wada xal u raadinta khilaafka Dowladda iyo Dowlad Goboleedyada. Dhawaan ayaa la filayaa in magaalada Gaalkacyo lagu qabto shir dib u heshiisiin ah oo loo qabanayo madaxda maamul goboleedyada.

(SLT-Hargeysa)-Xildhibaan Cali Ibraahim Aareeye, oo ka mid ah Xildhibaanada Golaha Wakiillada Somaliland, ayaa ku taliyey in la tixgeliyo go’aankii Maxkamadda sare ee 2005, ee ahaa in Doorashada Wakiillada ee dambe in lagu galo saami qaybsi iyo in tirikoob la sameeyo. Xildhibaan Cali Ibraahim Aareeye, oo u waramay Wargeyska Geeska Afrika ayaa hadalkiisa ku bilaabay “Markii la qabanaayey Doorashada Golaha Wakiillada ee 2005, ayaa wakhtigaas waxay Maxkamadda Dastuuriga ahi ay go’aamisay in Doorashada dambe ee Golaha Wakiillada in lagu galo iyada oo la sameeyey tirikoob, imikana si ay Doorashadu inoogu qabsoonto, waxa haboon in la sameeyo tirikoobkaas iyo saami qaybsi, waana in sideeda loo fuliyaa go’aankaas Maxkamadda sare ay go’aamisay, haddii aanu nahay Xildhibaanada ka soo jeeda Gobolada Salel iyo Awdal mawqifkaygu waa in la sameeyaa Tikikoobkii iyo Saami qaybsigii kuraasta Barlamaanka, waana in la fuliyaa go’aankii Maxkamadda sare ee 2005, waana ayaan daro weyn haddii la dhaqan galin waayo go’aanka Maxkamadda sare” Xildhibaan Aareeye mar uu ka hadlaayey Komishanka ayaa yidhi “Xisbiyadu Mucaaradku haddii ay ku kalsoonaan waayeen Komishanka, xaq bay ku taagan yihiin, mar haddii ay cadaalad daro ku tuhmeen oo ay yidhaahdeen kuma kalsoonaan karno, xaq bay u leeyihiin in laga bedelo, madaama ay diidan yihiin” Source

Muqdisho (PP) ─ Gudiga joogtada ah ee Aqalka Sare ee Baarlamaanka Somalia oo maanta shir saacado socday ku yeeshay xaruntooda Muqdisho ayaa waxay ka digeen inaan wax faragelin ah lagu sameynin doorashooyinka dhawaan kuso wajahan maamul goboleedyadda dalka qaarkood. Xoghayaha Aqalka Sare, Cali Maxamed Jaamac oo Warbaahinta la hadlay shirka kaddib, ayaa sheegay inay ka digayaan inaan fara-gelin lagu sameyn Doorashada maamul-goboleedyada dalka, gaar ahaan midda bishaan ka dhici doonta Koonfur-galbeed. Sidoo kale, Wuxuu ugu baaqay musharixiinta u taagan xilka Madaxweynaha ee maamulka Koonfur-galbeed inay u hoggaansamaan shuruucda u dagsan maamulka Koonfur-galbeed iyo tan guud ee dalka. Doorashada Koonfur-galbeed ayaa dhici doonta 17-ka bishaan November ee lagu jiro, waxaana jiray cabashooyin fara badan oo kasoo yeeraha shacabka iyo waxgaradka maamulkaas, kuwaasoo Dowladda Federaalka ah uga digay in fara-gelinta ay ka dayso doorashada. Ugu dambeyn, Dowladda Somalia ayaa lagu eedeeyay inay fara-gelinno aan loo meel-dayin ku hayso maamul-goboleedyada dalka, gaar ahaan xilliyada ay dhacayaan doorashooyinka maamulladaas. DHAGEYSO: Warbixinta Guddiga Joogtada ah ee Aqalka Sare ee BFS; https://puntlandpost.net/wp-content/uploads/2018/11/DHAGEYSO_Warbxinta_Aqalka_Sare.mp3 PUNTLAND POST The post Golaha Aqalka Sare oo ka digay in fara-gelin lagu sameeyo Doorashooyinka Maamullada appeared first on Puntland Post.

Muqdisho (PP) ─ Ra’iisul Wasaaraha Somalia, Xasan Cali Khayre ayaa maanta daah-furay kulan sannadeedka Golaha Wasiirrada ee dar-dar gelinta qorshayaasha Qaranka oo looga tashanayo geeddi-socodka qorshe hawleedka mudnaanta iyo hor-tebinta leh ee xukuumaddu fulinayso sannadka 2019-ka. Shirka oo loo Qorsheeyay inuu socdo maanta iyo berri ayaa waxaa maanta dib loogu eegayay qorshooyinkii Wasaaradaha ee Sannadka dhammaadka ah, si loo ogaado wixii ka qabsoomay iyo caqabadihii lala kulmay iyada oo sidoo kale lagu qorsheynayay howlaha mudnaanta leh ee wasaaraddahu ay qabanayaan sannadka soo socda. Wasiirradii kulanka ka hadlay ayaa dhammaantood waxay soo gudbiyeen waxqabadkoodii sannadkan gaba-gabada ah iyo Qorshayaasha u degsan sannadka nagu soo fool leh. Dhanka kale, Wasiirrada aan fursadda u helin in ay maanta soo gudbiyaan waxqabadkooda sanadkan iyo qorshayaasna sannadka dambe ayaa lagu wadaa inay berri ka hadlaan kulanka. Ugu dabmeyn, Kulankaan ayaa wuxuu noqonayaa kii ugu horreeyay noociisa oo ay isugu yimaadaan golaha wasiirrada xukuumadda uu horkacayo Xasan Cali Khayre, iyadoo la filayo inay maalinta berri ah ay kasoo saaraan warbixin dhameystiran. PUNTLAND POST The post Shirka Sannadlaha ah ee Golaha Wasiirrada Soomaaliya oo maanta ka furmay Muqdisho appeared first on Puntland Post.

Muqdisho (Caasimada Online) – La dagaalanka Musuq Maasuqa waa balanqaadyada ugu badan ee ay sameeyaan Musharixiinta marka ay doonayaan qabashada xilka hogaanka sare ee dalka, waana waxa ragaadiyay Soomaaliya. Soomaaliya ayaa dhowr jeeda kaalmaha hore ka gashay dalalka ugu Musuq maasuqa badan caalamka, waxaana niyad jab dareema marka warbixinadaa lasoo saaro shacabka Soomaaliyeed. Xukuumadda Xasan Cali Kheyre, waxay horey u shaacisay inay la dagaalameyso Musuq maasuqa, waxaana loo xiray masuuliyiin dhowr ah oo ugu dambeyn xabsi sanado ah qaarkood lagu xukumay. Arintaan ayaa ka dhigan digniin loo jeedinayo dadka doonaya inay musuq maasuqaan hantida dadweynaha, laakiin waxaa wali la aaminsan yahay inay jiraan shaqsiyaad dowlada ka tirsan oo Musuq maasuq sameeya. Xafiisyo badan ayuu wali ka jiraa Musuq maasuqa haba loo kala badnaadee, balse talaabadan maxkamadda gobolka Banaadir ay ku xukuntay sagaal ruux oo eedeysanayaal ahaa ayaa noqoneysa mid bilow u noqon kartaa la dagaalanka Musuq maasuqa dalka hareeyay. Dhibaatada wali Soomaaliya ka taagan oo Qabiilka uu ugu horeeya ayaa keeni karta in Musuq maasuqa uusan ka dhamaan Somalia, maadaama shaqsiyaadka arrimahaasi ku kaca ay qabiilka isku haleeyaan. Hay’aha la xisaabtanka Musuqa oo aan awood buuxda laheyn ayaa sidoo kale keeni kara in guulo waaweyn aan laga gaarin musuq maasuqa. Caasimada Online Xafiiska Muqdisho Caasimada@live.com

(SLT-Hargaysa) Qaramada Midoobay ayaa markii ugu horraysay tariikhda Somaliland intii ay xorriyadeeda la soo noqotay waxay Ugu yeedheen Gobolada Waqooyi ee Soomaliya, sida lagu sheegay war-saxafadeed ka soo baxay Qaramada Midoobay. Kaas oo Soomali ahaan u dhignaa sidan : Ergayga Qaramada Midoobay ee Soomaaliya, Nicholas Haysom ayaa manta gaadhay Gobolada Waqooyi magaalada Hargeysa, intii uu halkaa ku sugnaa ayuu la kulmay madaxweynaha Somaliland, Muuse Biixi Abdi oo uu kala hadlay arrima dhawr ah oo ay ka mid yihiin xidhiidhka ay Somaliland la leedahay Soomaaliya, ammaanka iyo horumarka gobolka iyo khilaafka dhawaanahaan kala dhexeeyay dariskeeda Puntaland ee ku saabsan xaaladda Tukaraq. Hoos ka akhriso War-saxafadeedkii Qaramada Midoobay oo ku qoran luuqada Ingiriisiga. Source

(SLT-Dhuumay) Ergada Madax dhaqameedka Ah Ee ku sugan degaanka Dhuumay Koonfurta SOOL ayaa baaq qaylo dhaan Ah u diray dhammaan muslimiinta In Loo Soo gurmado Dadkii ku barakacay dagaalka Beelihii islaayay. Hoos ka DAAWO. Source

Xisaabiyaha Guud ee dowladda marwo Faadumo Cusmaan Faarax marka laga soo tago inay been abuur, marin habaabin, qas iyo xad-gudub maaliyadeed ku eedeysay xafiiska wasiirka maaliyadda ee JFS hadana waxaa ay sheegtay inay howlahooda kala madaxbannaan yihiin wasaaradda maaliyadda iyo xafiiska xisaabiyaha guud , iyada oo intaas raacisay in shaqaalaha xafiiska xisaabiyaha guud aaney ka mid aheyn kuwa wasaaradda maaliyadda, isla markaana aanu wasiirka magacaabi karin. Hadda Goobjoog News waxaa ay akhristayaasheeda la wadaageysaa in sida ku qoran website-ka wasaaradda maaliyadda, lagana heli karo ciddii booqata in xafiiska xisaabiyaha guud ku jira qeybaha ama hey’adaha hoos taga wasaaradda maaliyadda, isla markaana uu ka amar-qaato wasiirka maaliyadda, lana xisaabtamo. Sida aad ku arki-doontaa shaxda hoggaanka wasaaradda maaliyadda, xafiiska xisaabiyaha guud waa qeyb ka mid ah xafiisyada wasaaradda maaliyadda, isla markaana ay qasab tahay inuu amro, lana xisaabtamo, haa, waxaa la xisaabtamaayo xisaabiyaha guud ee qaranka wasiirka maaliyadda, waa sida ku qoran website-ka wasaaradda maaliyadda iyo shaxda maamul ee wasaaradda. Isla Website-ka waxaa ku qoran sida ay isu hoos tagaan iyo sida loo kala sareeyo ama habka xogta la isu siiyo amarradana ay maraan. Arrinta website-ka wasaaradda maaliyadda ku qoran waxaa ay ka hor imaaneysaa warka ay sheegtay xisaabiyaha guud ee Faadumo Cusmaan Faarax iyo sida ay dad badan aamisan yihiin oo ah in xisaabiyaha guud uu la xisaabtami karo dhammaan wasaaradaha oo ay ku jirto wasaaradda maaliyadda. Haddaba, waxaa su’aal ka taagantahay haddii ay labada xafiis kala madaxbannaanyihiin, maxaa keenay in wasiirka maaliyadda uu is hoos-geeyo? Haddii aysan kala madaxbannaaneen maxaa keenay muranka?! Waxaa xusid mudan in hey’adaha madaxabannaan uu ku jiro xafiiska hanti-dhowrka balse aanu ku jirin xafiiska xisaabiyaha, arrintaas oo u baahan in dood dheer laga galo. Goobjoog News Source: goobjoog.com

Muqdisho (Caasimadda Online) – Guddiga Joogtada ah ee Aqalka Sare ayaa digniin culus kasoo saaray Doorashooyinka ka dhici rabo Maamul Goboleedyada ka jiro Soomaaliya. Guddiga joogtada ah ayaa ka digay in faragelin lagu sameeyo Doorashooyinka, gaar ahaan midda 17 Bishaan ka dhici doonto Magaalada Baydhabo ee Xarunta Maamulka Koonfur Galbeed. Guddiga joogtada ah ee Aqalka Sare ayaa si cad u sheegay in shacabka Maamul Goboleedyada ay xaq u leeyihiin inay doortaan cidda ay rabaan iyadoo aan faragelin lagu sameyn. Guddiga ayaa walwel ka muujiyey in faragelin lagu sameeyo Doorashada Koonfur Galbeed ka dhici doonto, wuxuuna Guddiga musharixiinta faray inay u hoggaansamaan Shuruucda Dastuurka Dalka iyo Midka Maamul Goboleedyada. Shacabka Koonfur Galbeed ayuu guddiga ugu baaqay inay muujiyaan hufnaan Doorasho iyo in laga shaqeeyo midnimada iyo Xasiloonida deegaanadaas. Haddaba halkaan hoose ka akhriso qodobada kasoo baxay Guddiga joogtada ah ee Aqalka sare Caasimada Online Xafiiska-Muqdisho Caasimada@live.com

(SLT-Oslo) Mahad Abiib oo kamid ah Soomaalida ku dhaqan Dalka Norway sharciga wayna ay kala noqotay Dawladda Dalkaasi ayaa sheegay inuu go´aansaday inuu dib ugu noqdo Waddankiisi Hooyo. Wuxuuna u mahadceliyay dadkii garab istaagay xiliyadii adkaa ee uu soo maray mudadii ay socotay maxkamada u dhaxeysay isaga iyo dowlada Norway. Abiib ayaa labo isbuuc kahor markii labaad kasoo muuqday maxkamada Oslo, isaga oo racfaan ka gudbiyay go´aankii ay kiiskiisa ka gaartay maxkamada Oslo. Maxkamada racfaanka Oslo ayaan wali go´aan ka gaarin kiiska dacwada racfaanka Mahad Abiib, laakiin Abiib ayaa sheegay inuu go´aansaday inuu Norway isaga tago, uuna ku noqdo dalkiisii, dhinac walba oo ay dacwada racfaanku u dhacdaba. Mahad iyo kiiskiisa ayaa labadii sano ee ugu danbeeyay dhinaca kale u rogay sharciyada quseeya kala noqoshada dhalashada Norway. Waxaana dartiis iyo dagaalka uu la galay dowlada Norway, lagu badalay ilaa shan qodob oo ku saabsan xeerka soo galootiga dastuurka Norway. Source

Qaran News

(SLT-Riyad) Khalid Bin Talaal oo kamid ah qoyska boqortooyada Sucuudiga oo horraan loo xidhay inuu kasoo horjeeday hawlgalka ka dhan musuq maasuqa ayaa lagu soo warramaya in xabsiga laga soo daayay. Qoyska Khaalid bin Talaal waxay baraha bulshada soo geliyeen sawirro muujinaya dhaxal sugaha oo salaamaya eheladiisa. Dhaxal sugahan ayaa ah wiilka uu dhalay boqorka Salmaan walalkiis. Al Waliid oo la dhashay Khaalid wuxuu kamid ahaa tiro dad ah oo kamid ah qoyska reer boqor iyo mas’uuliyiin sar sare oo lagu eedeyay musuq maasuq kuwaaso xabsiga la dhigay sannadkii tagey. Arrintani ayaa imaaneysa xilli uu cadaadis caalami ah saaran yahay dhaxal sugaha Maxamed Bin Salmaan oo ku aadan dilkii loo geystay Jamaal Khaashuqji. Dadka ka faalooda siyaasadda gobolka waxay sheegayaan in mas’uuliyiinta Sucuudiga ay isku dayayaan inay dejiyaan qalalaasaha ka dhex taagaan qoyska si ay dhexdooda garab siyaasadeed isaga helaan. Sawirro ay baraha bulshada soo geliyeen qoyska Khaalid ayaa muujinaya isaga oo la joogo wiilkiisa oo muddo sannoyin ah kooma ku jiray. Dowladda Sucuudiga war rasmi ah kama aysan soo saarin sii deeynta Talaal. Wargeyska Wall Street ayaa ku warramay in Khaalid Talaal uu xirnaa 11 bilood kaddib markii la sheegay inuu kasoo horjeeday howlgalkii sannadkii tagey lagu xiray 200 qof oo isugu jiro qoyska boqortooyda, wasiiro iyo ganacsato kaddib lagu eedeeyay musuq maasuq. Waxaana lagu xiray huteelo ku yaalla magaalada Riyaadh. Dadka falanqeeyo siyaasadda Sucuudiga ayaa sheegay in howlgalkaasi uu ahaa isku day dhaxal sugaha Maxamed Bin Salmaan uu ku xoojinayo awoodda. Dabayaaqadii bishii January, dacwad oogaha guud ee Sucuuda wuxuu sheegay in kabadan 100 bilyan oo doolar laga helay dadkii musuq maasuqa loo haystay. Somalilamdtoday/Hargaysa/Office Source

Guddiga joogtada ah ee golaha aqalka sare ee baarlamaanka federaalka JFS oo maanta yeeshay kulanka 4aad, kalfadhiga 4aad ayaa baaq ka soo saarey doorashooyinka dowlad goboleedyada gaar ahaan tan ka dhaceysa dowlad goboleedka Koonfur galbeed. Qoraal-ka aqalka sare ayaa u qornaa: Waxa uu maanta Kalfadhiga 4 aad kulankiisa 4 aad ee 04 Nov. 2018 ku guddoonsaday soo saarida baaq leh qodobbada soo socdo: Guddiga Joogtada ah ee Golaha Aqalka Sare waxa uu adkeynayaa in Shacabka Dowladaha Xubnaha ka ah Dowladda Federaalka ay xaq u leeyihiin in ay u doortaan madaxdooda si xor ah oo caddalad ah. Guddiga Joogtada ah ee Golaha Aqalka Sare wuxuu welwel ka muujinayaa isla markaana ka digayaa in lagu sameeyo faro-gelin dhammaan dooshooyinka Dowlad Goboleedyada oo ay ugu soo horreyso doorashada Koonfur Galbeed. Guddiga Joogtada ah ee Golaha Aqalka Sare waxa uu ugu baaqayaa musharrixiinta madaxtinimo ee Dowlad Goboleedka Koonfur in ay ilaaliyaan una hoggaansamaan Dastuurka Federaalka, Dastuurka Dowlad Goboleedka, Shuruucda kale ee Dalka, ayna raacaan tilmaamaha Guddiga Dooroshooyinka Dowlad Goboleedka. Guddiga Joogtada ah Golaha Aqalka Sare waxa uu ugu baaqayaa dhammaan Ummadda Soomaaliyeed gaar ahaan Shacabka deegaannada Koonfur Galbeed in la wada ilaaliyo hufnaanta dooroshooyinka Dowlad Goboleedka, midnimada iyo xasiloonida deegannadaas. Goobjoog News Source: goobjoog.com

(SLT-Gaalkacayo)Madaxweynaha Galmudug Axmed Ducaale Geelle (Xaaf) iyo Madaxa xukuumadda maamulkaasi Sheekh Axmed Shaakir Cali Xasan oo hoggaamiya Garabka Galmudug ee fadhigiisu yahay magaalada Dhuusamareeb ayaa ku qasbanaaday inay tagaan magaalada Gaalkacyo si ay ula kulmaan Wakiilka Q/Midoobay ee Soomaaliya. Xaaf iyo Sheekh Axmed Shaakir ayaa safar cirka ah ku tegaya magaalada Gaalkacyo halkaas oo loo wareejiyey inuu ka dhaco kulanka wakiilka cusub ee Q/Midoobay Nicholas Haysom iyo madaxdan, kadib markii magaalada Cadaado lagu hor istaagay Gaadiid aanay rasaastu karin iyo xubno amni hordhac ah oo UN-ku u diray magaalada Dhuusamareeb. Wafdiga wakiilada Q/Midoobay iyo Midowga Afrika ayaa lagu waday inay Isniinta tagaan Magaalada Dhusamareb, laakiin waxaa qorshahaasi socon waayey markii Gaadiidkii UN-ka laga celiyey shalay Koontaroolka Waqooyi ee magaalada Cadaado, Gaadiidkaas waxaana laga diray magaalada Gaalkacyo, laguna waday inay adeegsadaan madaxda UN-ka. Magaalooyinka Cadaado iyo Dhuusamareeb oo ay kala fadhiyaan garabyada Galmudug ayaa isku soo rogay cunaqabteyn dhinac waliba leh, waxayna tani ka bilaabtay markii wafdigii ka socday Aqalka Sare inteey tagaan magaalada Cadaado. Xaaf iyo Sheekh Shaakir ayaa lagu wadaa inay magaalada Gaalkacyo kula kulmaan Ergeyga gaarka ah ee Qaramada Midoobay ee Somalia Nicholas Haysom oo maanta gaaray magaalada Hargeysa iyo wakiilka Midowga Afrika Francis Madeira. Somalilamdtoday/Muqdisho/Office Source

Xoghayaha Gaarka ah ee M/weyne Muuse Biixi Amar Culus duldhigay Wasiir Ka Tirsan Xukuumadda Tan iyo intii Madaxweyne Muuse Biixi Cabdi xilka la wareegay, waxa ummaddu hadal haysay saamaynta uu xukuumadda ku leeyay xoghayihiisa gaarka ah Md Mubaarig Ismaaciil Taanni, waxaana la tilmaami jiray inuu soo xulay qayb ka mid ah golaha wasiirrada. Shaqada xoghayuhu waxa ay tahay inuu garaaco waraaqaha madaxweynuhu soo saarayo, iyo inuu ilaaliyo cidda ballanta la leh madaxweynaha iyo weliba inuu Madaxweynaha ka taageero ama xasuusiya qorshayaasha shaqo ee sugayaa. Hase-yeeshee waxa la-yaab leh in Xoghaye Mubaarig Ismaaciil Taanni uu 9kii Sebtember 2018-ka soo saaray warqad amar ah, kuna socodsiiyey Wasiirka Gaashaandhigga Md Ciise Xawar, taasoo uu ku farayo in Wasaaradda Macdanta la siiyo agab ay u baahnaayeen. Bulshadu waxa ay isweydiinaysaa goorta uu Xoghayuhu yeeshay awood uu ku amro golaha wasiirrada, halkii ay ahayd in uu uga gudbiyo wasiirka warqad uu madaxweynuhu saxeexay iyo qoraalku u diray oo keliya, waxa uu soo saaray dhambaal ka yimi Xafiis u samaystay, lehna xasees, isla markaana uu ku amrayo Wasiirka oo ku magacaaban digreeto madaxweyne, sida ku cad warqadan oo lagu faafiyey baraha bulshada. Tallaabadani waxa ay u muuqanaysaa in Xoghayuhu si gurracan uu adeegsanayo awooddii madaxweynaha, lamana oga meel Madaxweyne Muuse Biixi Cabdi uu qayb ka mid ah awooddiisa maamul ugu wareejiyay Xoghayihiisa Mubaarig Ismaaciil Taanni. Warqaddan oo dhawaan lagu baahiyay baraha bulshadu, waxa ay jahawareer ku ridday ummadda Somaliland oo u niyadsamayd in madaxweyne Muuse Biixi Cabdi yahay hoggaamiye ka adag shaqadiisa, isla markaana la socda waxa ay gacan-yareyaashiisu xumeeyaan ee nidaamka dawliga ah. Waxa la sugayaa tallaabada uu madaxweynuhu ka qaado falkan xeer-jebinta ah ee ku cusub Somaliland, ee u ku kacay xoghayihiisa gaarka ahi Mubaarig Ismaaciil Taanni. Halkan ka akhri Qoraalka rasmiga ah: Qaran News

Qaran News

Muqdisho ( Sh. M. Network )-Taliyaha cusub ee Saldhigga degmada Kaaraan ee gobolka Banaadir Cabdi Sheekh Ciise ayaa maanta si rasmi ah xilka u gala wareegay taliyihii hore ee Saldhiggaasi C/fitaax Sabriye Canjeex. Guddi gaar ah oo loo saaray xil wareejintan ayaa ku guuleystay in ay xilka isku wareejiyaan 2 Taliye, kadib xiisad ka dhalatay magacabitsa taliyaha cusub. Cabdi Sheekh Ciise taliyaha cusub ee degmada ee Saldhigga Kaaraan oo la hadlay Shabelle ayaa ballan qaaday in uu dardar galin doono howlaha shaqo ee loo igmaday. Dhankiisa taliyihii hore ee Saldhiggaasi C/fitaax Sabriye Canjeex oo ay la xariirtay Shabelle ayaa sheegay in la dhameeyay tabashadiisa, islamarkaana uu xilka si daah furan ugu wareejiyay taliska cusub. Waxaana uu sheegay in xilku meerta yahay, islamarkaana ay muhiim tahay in la wada sahqeeyo. Dhinaca kale xiriiro aan la sameynay saraakiil ka tirsan taliska Ciidanka Booliska Soomaaliyeed ayaa waxa ay ka gaabsadeen in ay faah faahin ka bixiyaan isbedalka lagu sameeyay taliska Saldhigga degmada Kaaraan ee gobolkan Banaadir. Balse tallaabadan ayaa qeyb ka ah dadaallada lagu dardar galinayo howlaha lagu sugayo amniga magaalada Muqdisho. The post Taliyaha cusub Ee Saldhigga Kaaraan Oo xilka la wareegay appeared first on Shabelle. View the full article

Wasiirkii amniga ee xukuumadda federaalka ah Xildhibaan Cabdirisaaq Cumar Maxamuud oo maanta ka hadlayey qoraal oo barta Twitter-ka ay soo dhigtay hayadda nabad sugida iyo sirdoonka qaranka ayuu ku tilmaamay eedeynta been-abuur hey’addaasi sameysay si loo dhaawaco sharftiisa. Xildhibaan Cabdirisaq wuxuu hadalkiisa ku bilaabey“Sida aad la socotaan xalay hay’adda NISA waxaa ay boggeeda Tweterka ku soo galisay hadal qoraala hadalkaasna waxa uu u qornaa sidatan “Maanta, oo ah 3-da Nofembar 2018, NISA waxay hakisay una gudbisay Hanti-dhowrka guud ee Qaranka, qandaraasyo malaayiin doolar dhan, oo baxay sanadihii lasoo dhaafay, uuna saxiixay Wasiirkii hore ee amniga,si’ uu u baaro uguna gudbiyo hey’adaha ay khuseyso” Xildhibaan Cabdirisaq oo sii hadlaya “Waxaan leeyahay hadalkan waa hadal siyaasadeysan lehna ujeedooyin badan inta aanan ka hadlin, waxaan rabaa inaan ka hadlo qandaraaska ay halkan ku soo qoreen waxa uu yahay shacabkana aan lawadaago xog iyo xaqiiqooyin arintaan ku saabsan. Qandaraasku uu maray nidaamkii iibka qaranka, waxaan maamulka iyo maareynta qandaraasku dhacay si waafaqsan sharciga oo ayna hormuud ka aheyd wasaaradda maaliyadda. Waxa uu ahaa qandaraas furan oo la raacay waxii loo baahnaa oo ay ka mid aheeyd in lagu faafiyo baraha bulshada sida mediaha websideyada, tartanna loo galo tartankaas oo ah tartan furan, shirkadihii ku guuleysatana la siiyo qandaraaskaas, waxaa lacagta maamulka qandaraaska ka dhaxeysay NISA, shirkadda iyo wasaaradda maaliyadda. Kaalinta wasaaradda amniga oo anigu markaas aan hoggaaminayay waxauu ahaa mid xadidan, waxa uuna ahaa mid aan dhaafsiisneyn saxiixa aan saxiixay heshiiska, heshiiskaas oo ay soo diyaariyeen wasaaradda maaliyadda. Waxaan rabaa inaan shacabka Soomaaliyeed aan la wadaago, wasaaradda amniga waxaa ay qandaraaskaas ku laheed uun ahaa inaan saxiixo, maadama NISA ay hoos imaaneysay wasaaradda amniga, heshiiska shirkadda lala galayna waxaa soo diyaariyay wasaaradda maaliyadda. Wasaaradda maaliyadda ayaa ammaan badan ku heshay qaabka loo bixiyay qandaraaskaan oo guddiga mamulka maaliyada oo loo yaqaano (FGC) waxa ayna marwalba u soo qaadan jireen inuu ahaa qaabkii ugu wanaadsanaa in loo maareeyay qandaraaska laga hadlaayo waa qandaraas nuucaas ahaa. Waxaa uu is-weydiiyey waxa xilligan ku soo beegay “Waxaa u bahaan in lays weydiiyo maxaa labo sano ku dhawaad keenay in NISA ay soo dhigto barteeda waliba qaab aan asluubeysneyn loo soo dhigo, waxaan aaminsanahay arrintaan inay tahay mid ujeedo badan, waxaadna ogtihiin inaan anigu marwalbo ahay xildhibaan dowlada ku dhaliila qaladaadkeeda iyo madaxtooyada, arintaana waxa ay qeeb ka tahay dagaalka siyaasadeed ka socota xukuumadda iyo madaxtooyada lana rabo in lagu dhaawaco sumcadeyda, maadaama aan dhaliio badan shacabka aan la wadaago qaladaad badan oo dowladana aan ogahay xoga badan aan hayo badanaa xildhibaanada ayna heynin Xildhibaan Cabdirisaaq Cumar Maxamuud waxaa uu arrinkaas ku soo afjaray “waayahan danbe waxaa bilowday dhaqan siyaasiyiinta loogu hanjabayo lana leeyahay xeer ilaaliyaha iyo hantidhowrka ayaa laguu gudbinayaa, dhaqankaas oo ah mid cabsi galina laguna handadayo siyaasiyiinta lakiin aniga arrintaan waxa ay i galinaysaa yidadiillo hor leh waxa aya isiisay dhiiranaasho. Arrintan waxaa ay jawaab u tahay, hay’adda NISA oo sheegtay in ay hakisay Qandaraasyo malaayiin Doollar ah oo baxay sanadihii la soo dhaafay. Warkan ka soo baxay Taliska NISA ayaa sidoo kale lagu sheegay in qandaraasyadan la hakiyay uu saxiixay Wasiirkii Hore Amniga, islamarkaana loo gudbiyay Hanti-dhoorka guud ee Qarank. “Maanta, oo ah 3-da Nofembar 2018, NISA waxay hakisay una gudbisay Hanti-dhowrka guud ee Qaranka, qandaraasyo malaayiin doolar dhan, oo baxay sanadihii lasoo dhaafay, uuna saxiixay Wasiirkii hore ee amniga,si’ uu u baaro uguna gudbiyo hey’adaha ay khuseyso” ayaa lagu yiri Warkan ka soo baxay Hay’adda oo lagu baahiyay Barta Twitter-ka NISA. Goobjoog New Source: goobjoog.com

Inkastoo wararka suuqa ay ahayd in madaxweyne Gaas uu yahay Musharax Madaxweyne 2019,dhankiisana aan wali laga maqal inuu tartamayo iyo inkale , Laakiin warbaahinta Puntlandi ayaa maanta ogaatay in mar kale uu Madaxweyne Cabdiwali Maxamed Cali Gaas uu isku dayayo inuu noqdo Madaxweynaha Dowlada Puntland sidaas awgeed wuxuu hada kusoo biiray Murashixiinta tartamaya Doorashada Janaayo 2019-ka ka dhacaysa Garowe. U kuur gal dheer oo ay sameeyeen Howlwadeenada Warbaahinta Puntlandi ayaa xaqiijiyey in Madaxweyne Cabdiwali Maxamed Cali Gaas uu bishii hore ee Oktoobar uu bilaabay ololihiisa Doorashada, kaasi oo si hoose u socda, bishaannovember kowdeedii waxaa la diyaariyey boorarkii Musharxnimada oo sawirkiisu ku dhagan yahay. Sida aan xogta ku helnay Madaxweyne Gaas wuxuu hada diyaariyey Kooxda Abaabulaysa Ololihiisa doorashada, oo isugu jora wajiyo horay loogu arki jiray agagaarkiisa iyo kuwo cusub oo hada kusoo biirat Team-kiisa. Madaxweyne Gaas ayaa noqonaya mid kamid ah Murashixiinta ugu miisaanka weyn Raga Tartamaya, ilaa hada ma jiro qof dumar ah oo isu soo taagey u tartamida Doorashada 2019. Puntlandi.com Gaalkacyo

Qaran News

(SLT-Bahrain)-Hogaamiyaha mucaaradka dalka Baxreyn, Sheikh Cali Salman, ayaa xabsi daa’in lagu xukumay ka dib markii maxkamadda racfaanka dalkaasi ay ku heshay dambi ah in uu basaas u ahaa dowladda Qadar. Xukunkan ayaa ku soo beegmay bilooyiin uun ka dib markii maxkamadda sare ee dalkaasi ay ku wayday wax dambi ah . Maxkamada sare ayaa horey ugu wayday dacwadii lagu soo oogay oo ahayd “in uu la shaqaynayay” dal cadow ku ah Baxreyn. Xukuumadda Baxreyn ayaa xadhiidhka u jartay dowladda Qadar 2017. Hay’adda u dooda xuquuqda aadanaha ee Amnesty ayaa go’aankan ku tilmaamtay “cadaalad laga been sheegay ” iyada oo ay xukuumadda Baxreyn ay sii wado “howlgalka ka dhanka ah dadka ka soo horjeeda. “Go’aankan waxa uu ka turjumayaa dadaalka joogtada ee sharci darada ee ay Baxreyn ugu jirto sidii ay u aamusiin lahayd dadka ka soo horjeeda ,” waxaa sidaasi sheegtay agaasimaha Amnesty ee bariga dhexe iyo waqooyiga Afrika Heba Morayef. “Sheikh Cali Salman waa maxbuus la xidhay isaga oo si nabad ah u gudanaya xaqiisa xorriyatul qowlka”.ayay intaa ku dartay. Cali Salman, oo ah hogaamiyaha dhaqdhaqaaqa imika la mamnuucay ee Al-Wefaq , aya lagu eedeeyay in isaga oo kaashana Qadar uu maleegayay qalalaaso ka dhan ah Qadar 2011. Waxaa sidoo kale eedeeyn loo soo jeediyay hogaamiyayaasha kala ah Xassan Sultan iyo Cali al-Aswad. Eedeyntan ayaa soo baxday ka dib markii dalalka Baxreyn,Sacuudiga,Imaaraadka iyo Masar ay xiriirka u jareen Qadar bishii June 2017. Waxa ay dalalkan Qadar ku eedeeyeen in ay kooxaha argagixisada taageerto ayna xiriir dhaw la leedahay Iiraan. Qadar ayaa beenisay eedeeynta ay dowladahan u soo jeediyeen. Madaxda dhaqdhaqaaqa Wefaq ayaa eedeeynta loo soo jeediyay hogamiyahooda Sheikh Cali Salman ku tilmaamay in ay tahay isku day ay xukuumadda Baxreyn ku doonayso in ay xabsiga ugu sii haayso. Dalka Baxreyn ayaa waxaa talada haya Suniyiinta waxaana 6 sano ka hora ka dhacay dibadbaxyo ay dhigeen dadka Shiicada ah oo doonayay isbadal dimuqraadiyadeed taasi oo ay si wayn uga hortageen ciidamada ammaanka. Qoyska boqortooyada Al Khalifa ayaa cadaadis ba’an saaray dibadbaxayaasha iyaga oo gacan ka helaya dowladaha dariska gaar ahaan Sacuudiga. Cali Salman ayaa wali waxaa u furan racfaan uu ka qaadan kara go’aanka maxkamada racfaanka Source

Madaxweynaha Kenya UhuruKenyata ayaa maanta oo axada wuxuu la kulmay Madaxweynaha Dalka chine Xi Jinping, kulankaasooa ka dhacay Jasiirada Shiinaha ee Shanghai. Labada Masuul ayaa waxay kawada hadleen Ganacsiga labada Dal iyo xirirrika ay shiinuhu la leeyihiin geeska Afrikada Bari, waxay kaloo ka wada hadleen mashaariic ay Shiinuhu ka fuliyaan kenya iyo kuwo hor leh oo ay hada balan qaadeen. Sanadahaan waxaa sii xoogaysanayay xirirrika ay Dowlada Shiinuhu la yeelanayaan dowladaha Afrika inksatoo Wadamada Afrika qaarkood looga digay qaabka ay shiinuhu u maalgashanayaan Afrika , waxaa Shiinaha lagu eedeeyey iney Afrika ku maalgaliyaan lacago deym ku ah wadamada ay maaal galinayaan maalgalintaasoo ah deymo macaashkoodu aad u sareeyo oo wadamada qaarkood aysan abadkoodba iska bixinkarin. Puntlandi.com Nairobi

(SLT-Laascaanood)-Madaxweynaha Dawlad deegaanka Soomaalida Mustafe Cumar Cagjar ayaa gargaar raashin u soo diray beelihii dhawaan ku dagaalamay deegaanka Dhumay ee koonfurta magaalada Laascaanood ee xarunta gobolka Sool. Mustafe Cumar Madaxweynaha Dowlad deegaanka Soomaalida ayaa gaadiid sida gargaar raashin ah u diray dadkii ku barakacay dagaalka Dhumey ka dhacay ee keenfurta Gobolka Sool. Source

(SLT-Hargeysa)-Dowladda Ingiriiska ayaa markii ugu horeysay si waadax ah uga hadashay habka ay Somaliland Beesha Caalamka uga helo karto Ictiraaf. Dowladda Ingiriiska ayaa si rasmi ah u sheegtay in Ictiraafka Somaliland uu ku xidhan yahay inay ku heshiiyaan iyada iyo dowladda Federaalka Soomaaliya. Wargeyska Financial Times (FT) ee ka soo baxa London waxa uu bilowgii isbuucan Warbixin dheer ka qoray dadaalka Ictiraaf-raadiska Somaliland iyo Aragtida Dowladda Britain ee Yoolka lagu gaadhi karo Ictiraafkaasi. Afhayeenadda Waaxda Arrimaha Dibedda ee UK oo la hadashay Wargeyska FT waxay sheegtay inay Dowladda Britain rumeysan tahay inay u taallo DFS iyo Soomaaliland si ay u gaadhaan Mustaqbal Wadajir ah iyo inay dalalka Gobalka iyo Jilayaasha dalalkaasi kaalin hoggaamin ka qaataan Natiijada Heshiiska ee Dowladda Federaalka iyo Somaliland. Sida uu Wargeyska FT u sheegay Khabiir Axmer Sulaymaan oo ka tirsan Aqalka Chantam House ee London arrintaan ayaa waxaa isku raacsan dhammaan Dowladaha Reer Galbeedka. Ururka Midowga Afrika (AU) iyo Dalalka Gobalka uma muuqdaan inay qaadi doonaan tallaabada u dambaysa ee Ictiraafka S/Land ilaa uu wada-xaajoodka DFS iyo SL ka gaadhaan heshiis Mustaqbal Wadajir ah. Wadahadalada Dowladda Federaalka Soomaaliya iyo Somaliland ayaa istaagtay tan iyo markii uu dalka Madaxweyne ka noqday Maxamed Cabdullaahi Farmaajo, waxaana sabab u ah inuu wadahadalka istaago go’aanka ay dowladda ka qaadatay maalgashiga Dekadda Berbera. Somaliland ayaana si cad u sheegtay inaysan Dowladda Federaalka la fadhiisan doonin inta ay faragelinta ka deeneyso dowladda Dhexe sida ay hadalka u dhigeen. Dhawr jeer ayaa waxaa fashilmay wadahadal la doonayey inay labada dhinac yeeshaan, haddana ma jirto ififaalo muujinayo in la wada fadhiisan doono Source