When the the non-Muslim world thinks of clothing for observant Muslim women, they tend to picture unflattering and loose silhouettes in drab, dark colors. But style options are endless as long as modesty is a component: some women choose to cover their hair with turban styles, others with hijabs wrapped in soft layers to frame the face; and others do not cover their hair at all, choosing to focus on long dress lengths and sleeves. Source: Hiiraan Online

Riyadh (Caasimada Online) – Kaddib markii Mohammed bin Salman uu noqday qofka labaad ee ugu awoodda qasriga boqortooyada Sacuudi Careebiya, waxa uu diiradda saaray sidii uu u burburin lahaa qoyska caanka ah Bin Laden. 2015-kii, xlligaas oo uu ahaa 29 jir, Maxamed Bin Salman waxa uu ku dhawaaday Bakr bin Laden, oo ah gudoomiyaha shirkadda weyn ee dhismaha ee Bin Laden Group, waxa uu u sheegay sida laga xiganayo lix qofood oo waxa dhexmaray loo sheegay, in uu ka dalbaday in uu doonayo in la shiraakoobo shirkadda. Amiirka waxa uu dalabkiisa u arkayey mid wadanninimo taas oo uu uga caawinayo shirkadda si ay uga gudubto dhibaatada dhaqaale. Bakr bin Laden, maadama uu yahay madaxa shirkadda dhismaha ee ay qoyska uu ka dhashay Osama Bin Laden, islamarkaana boqortooyada ka heli jiray qandaraasyo, waxa uu u nuglaa codsiyada boqortooyada. Laakiin waxa uu markan diiday dalabkii Amiirka, wuxuuna dalbaday waqti uu kula tashado saamileyda kale ee qoyska. Bilihii ku xigay, Amiir Mohammed bin Salman, oo ay dadka inta badan u garan ogyihiin MBS, awooddiisa wey sii korotay. Dhinaca kale shirkadda Bin Laden, waxa ku yimi hoos u dhac awoodeed oo aad u hooseeya. Markii uu xukunka qabsaday Bin Salman, mid ka mid ah tallaabooyinka dowladda qaaday 2015 waxa ay ahayd in dib u eegis lagu sameeyo qandaraasyada dowladda, iyada oo diiradda la saarayo mashaariicda waa weyn kuwaas oo ay ku tiirsanaayeen kooxda Bin Laden. September 2015, maalmo kahor xilligii gudashada Xajka wiish dhisme oo ay leeyihiin kooxda Bin Laden, oo ku dhacay Masjidka weyn ee Makka ayaa sababay dhimashada 107 ruux. Dowladda waxa ay tallaabo ka qaaday shirkadda, iyada oo ka mamnuucday qandaraasyadii ay heli jireen halka ay xannibaad safar ku soo rogtay madaxda sar sare ee shirkadda. Sidoo kale waxa ay dowladda Wasaaradda Maaliyadda ku amartay in ay dib u eegis ku sameyso maashaaricda ay hadda haystaan, iyaga oo u aaneeyey tayo xumadooda. Mas’uul sare oo ka tirsan shirkadda Bin Laden iyo Ilo wareed ka ag dhaw qoyska ayaa sheegay in shilkaas uu dowladda siiyey albaabkii ay shirkadda ka soo geli lahaayeen. Markii la waayey lacagtii ay ka heli jireen dowladda, dhaqaalaha shirkadda Bin Laden hoos u dhac ayaa ku yimi, waxa ayna joojiyeen mushaaraadkii ay siin jireen tobanaan kun oo shaqaaleheeda ah taas oo horseeday rabshado. Bartamihii 2016 waxaa inta badan joogsaday shaqadiii dhisme ee shirkadda Bin Laden oo ay ku jiraan dhismeyaal aas aasi u ahaa qorshaha is bedel ee Maxamed Bin Salman. Habeenkii ay bisha November ahayd 4, 2017, mas’uuliyiinta Sucuudiga wax ay xireen Bakr bin Laden iyo 200 oo ka mid ah madaxda waa weyn ee boqortooyada Sacuudiga, waa tallaabo ay ugu yeeraan mas’uuliyiinta in ay kula dirirayaan mausuq maasuqa. Sidoo kale, Daraasiin ka mid ah qoyska Bin Laden oo ay ku jiraan carruurta ay dhaleen walaalahood waxaa laga xannibay akoonnadoodii iyo safaradda dibedda. Bakr waxa u bilowday xarig soconayey muddo ka badan 10 bilood. Sida kuwo badan oo kale waxaa lagu hayey Hotel-ka Rits-Carlton ee ku yaal Riyaad. Sidaas oo kale waxaa lagu hayey walaalahiis Saleh iyo Saad kuwaas oo saamiley waa weyn shirkadda ka ah. Walaalaha kale ee Bin Laden – Omar, Ahmed, Mohamed Abdullah iyo Yahya waxaa muddo yar iyagana lagu hayey Hotel-ka, sida laga soo xiganayo afar qof oo xiriir la leh qoyska. 23kii April, dowladda oo soo mareysa shirkadda Istidama Holding Company waxa a la wareegtay 36.2% saamiga shirkadda Bin Laden, iyada oo ka faa’iideysaneysa dhibaaooyinkii garay. Waxa ay taas ka dhigneyd intii ay saamiga u lahaayeen Bakr iyo Saleh, sidaas waxaa laga soo xiganayaa dikuminti ay heshay Reuters oo ka timi Wasaaradda Ganacsiga. Mas’uuliyiin sar sare oo ka tirsan dowladda ayaa u xaqiijiyey Reuters in Wasaaradda Maaliyadd ay leedahay Istidama. Si Shaaric ah looma yaqaan shirkadda maadama aysan ahayn mid diiwaan gashan, Reuters wey ku adkaatay in ay xiriir la sameyso shirkadda. Dowladda waxa ay sameysy guddi shan nin ka kooban oo la socday sida shirkadda Bin Laden loo maamulo. Xubnaha waxaa ka mid ah Abdulrehman al-Harkan,oo hore u ahaa madaxii fulinta ee shirkadda horumarinta Dar Al Arkan ee fadhigeedu yahay Riyaad; Khaled Nahas, oo ah xubin ka mid ah petrochemical producer Saudi Basic Industries Corp; iyo Khalid al-Khowaiter, madaxa maaliyadda ee at Advanced Electronics Company, shirkad Teknooloji oo ay sameysay dowladda. Dadkan ay dowladda magacowday ayey dad badan u arkaan in ay maamulidda shirkdda loolan ugu jiraan. “Gundhigga waxa weeye in dowladdu la wareegtay,” waaa sidaas yiri qof Jidda jooga. Saddex meelood labada meel shirkaddda Bin Laden ka soo hartay waxaa wali haysta 15 da’yar ah oo la dhashay walaaha Bin Laden, sida laga soo xigaayo dikuminti ay leedahay Wasaaradda Ganacsiga. Laba qof oo ka tirsan qoyska Bin Laden ayaa lagu daray gudiga shanta ah ee kor joogteenaya habka shirkadda loo maamulayo, Yaha kaas oo jooga xafiiska dame iyo Abdullah, abukaate wax ku soo bartay Jaamacadda Harvard kaas oo gacanta ku haya danaha shirkadda ee Mareykanka. Sidaas darteed shirkadda Bin Laden Group ayaa ayada oo hadda aad u liidata, waxaa qeyb ka mid ah yeeshay Maxamed Bin Salman. Caasimada Online Xafiiska Qaahira Caasimada@live.com

SOUTHAVEN, Miss. (Reuters) - President Donald Trump made an undiplomatic remark about close ally Saudi Arabia on Tuesday, saying he warned Saudi Arabia’s King Salman he would not last in power “for two weeks” without the backing of the U.S. military. Source: Hiiraan Online

Dunidan aan ku Nool nahay Waxaa ka jira Dhaqan Siyaasadeed oo ah Hal mar ayaad Fursad Siyaasadeed lee dahay, Hadaad markaa ka Faa’iideysan waydo Hoggaankaa lagugu aaminay, oo ay kugu Cadaato in Xilkaaga ka soo bixi weyday waa inaad ogolaataa in aad Siyaasada Ka fariisato. Waa inaad noqota nin Aqbalay Fashilkii Siyaasadeed ee uu ka hantiyay Tijaabadii iyo Hoggaankii loo dhiibay, ee uu ku Furay Geediga Ruun aan Cows iyo Biyo toona laheyn, lagana Dhaxlay Dhib iyo Daal ka dhashay Waqtigii Dheeraa ee la soo socday. Madaxweynihii Hore ee Jamhuuriyadda Federaalka Soomaaliya Xassan Sheekh Maxamuud, oo ahaa nin Siyaasadda Soomaaliya ku soo galay Waji Cusub oo aysan Bulshadu horey u Arag Xiligiisii, una Hamuum qabto Haggaankiisa, waxaa uu ka tagay Dal Soomaaliyeed oo aan la Dhaqaajin, lana Dibin daab-yeeyay Dadkiisii. Waxaan Arkayaa Mudane Xassan Sheekh oo Haatan ku Mashquulsan inuu Mar kale dib u soo koro Masraxa Hoggaanka Siyaasadeed ee Soomaaliya, Yag leelayna Xisbi Siyaasadeed, la Sheegay inuu Gun dheer yahay, kuna Mideysan yihiin Xubno Siyaasiyiin iyo Xildhibaano ah. Waa Arrin I Cajab gelisay, waana mid aan Horey u Filayay inaan Arki doono Damac Xassan Sheekh Weli uu ka lee yahay Hoggaanka Siyaasadeed ee Soomaaliya, maadama Siyaasiyiinta Soomaaliyeed aysan Aqoon Fashil haduu ku Taabto Fadhi Wanaag ku Bedel, taas oo ah tan Hor-taagan in Soomaaliya horey u Socoto. Madaxweynihii Hore ee JF Soomaaliya Mudane Xasan Sheekh, Isagu Sidee isku Arkaa? Taariikh-du se Sidee u Aragtaa ? Waa inaan Wax Iska Waydiino Ma Shacabka Soomaaliyeed ayaa liita oo wax Magarato ah Mise Madaxda Soomaaliyeed ayaa ah dad aan damiir lahay oo aan xishoon. oo aan Khaladka ka ay galaan aan xisaabin. Madaxweynihii Hore ee Jamhuuriyadda Federaalka ah ee Soomaaliya Mudane Xasan Sheekh Maxamuud, tan iyo Socdaalkiisii uu dib ugu laabtay Magaalada Muqdisho, waxaa soo baxayay inuu noqonayo Hoggaanka Xisbi Siyaasadeed ay ku mideysan yihiin Mucaaradka, kaas oo ka qeyb-galaya Doorashada 2020-ka, taas oo si Rasmi ah loogu dhawaaqay 30-September-2018-ka. Xisbigan cusub oo loo bixiyey yahay Midowga Nabadda iyo Dimoqraadiyadda, ayaa waxaa ku Midoobay Xisbiga Daljir, Kutlada Horu-socod, PDP iyo Siyaasiyiin, mana aha Aragti ahaanteyda Xisbi lagu abuuray dareen dad kala gadisan iyo qadiyada dalka soomaaliya dhibaatada dheeraatay looga saarayo. Waxaa Is-weydiin Mudan Xisbiyadda iyo Siyaasiyiin ku Midoobay Xisbigan Cusub, Sidee u tir-tiri karaan Taariikh-da Madow ee u Gashay Masraxa Siyaasadda Soomaaliya Xassan Sheekh, iyadoo Xusid mudan tahay in Siyaasiyiinta Xisbigan qeybta ka ah inay ahaayeen kuwii ugu Caansanaa ee Dhaliili jiray Siyaasadda Fashilmatay ee Mr. Xassan. Xassan Sheekh Maxamuud, waxaa taabtay Fashil Siyaasadeed intii u dhaxeysay 2012-2016-kii, ee uu Hoggaanka u hayay Siyaasadda Soomaaliya, waxaa uu Soomaaliya Dhaxal siiyay Ceebo aysan Hortiis laheyn, waxaana uu Hanjab ku riday Shacabka Soomaaliyeed oo Qaarkood Ilmo ilaa ay haatan ka Qubaneyso. Maxaad Ka Xasuusataa Hoggaamintii Fashilmatay Ee Madaxweynihii Hore Mudane Xassan Sheekh ? Anigoon Aragti ahaanteyda aan soo Koobi Karin Xasuusihii Xumaa ee laga Dhaxlay Hoggaamiyihii ku Fashilmay Siyaasadda Xassan Sheekh, ayaa waxaan ku soo koobi Doonaa 5 Qodob, oo ay Muhiim aheyd inuu Mr. Xassan uga baxo Damaca weli uga jira Hoggaanka Siyaasadeed ee Soomaaliya. 1)Aqoontiisa Siyaasadeed oo Saldhig u Noqotay Abuurida Ururo gaar ah. 2)Dhicida iyo boobka Dhaqaalaha Wadanka iyo Xilalkii dawladda. 3)Magacaabista iyo Is-qabashada Ra’iisulwasaarayaal badan. 4)Fashilinta Siyaasadii Arrimaha Dibedda Soomaaliya, oo Meeshii ugu Hooseysay Gaartay. 5)Sharci u Sameyn-sashada iyo Dhaca Dhulkii Danta Guud ee Muqdisho ku yaallay. 7)Dilka xildhibaano iyo siyaasiin iyo dad qiimo kuleh bulshada 8 Fadeexadii Gobalka hiiraan iyo Galmudug Qasbida shacabka 9)xil u dhiibida wiila u adeer u yahay Taliyaasha Ciidanka Qaranka sida NISA 10)Iska horkeenida madaxda maamul gobaleedyada bur burinta heshiisyada laga lay. Talo ku Socota Madaxweynihii Hore ee JF Soomaaliya Xassan Sheekh. Soomaalidu Waxa ay ku Maah-maahdaa “Baso Waa Baso, Si Kastoo Loo Subko”, Sidoo kale Waxa ay ku Maah-maahdaa Soomaalidu “Wax Tagay Tiigsimaad ma Leh”, Mudane Xassanow hadii aad Hoggaan Siyaasadeed oo Wanaagsan lee dahay, horaan kuugu soo Aragnay Hoggaan xumi. Waxaa ku haleelay Fashil Siyaasadeed oo aan Marnaba Fursad ku siin doonin inaad Hoggaamiso Siyaasadda Soomaaliya, “adna Waxba Carro iyo Ceeb ha ka sii Fagin”, Fadlan Jaanis sii Siyaasiyiinta kale ee Soomaaliyeed ee Damacuna uga jiro inay Hoggaan-shaan Dalka. Danjire Maxamed Caalim Aqoonyahan Soomaaliyeed, oo Muddo 30 Sanno ahna kusoo Dhex jiray Siyaasadda Soomaaliya. Email: Caalim68@hotmail.com Telfoon: +358458712195 Helisink, Finland Afeef: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada caasimada@live.com Mahadsanid

Hordhac/Gogol-Dhig Allaah ayey mahad oo idili usugnaatay. Nabadgalyo iyo naxariisina nabigeena Muxammad ah korkiisa Allaha yeelo. Intaa kabacdi, aqristoow safaaradaha Soomaaliya waxbadanoo kamid ah musuqmaasuqa xad dhaafka ah ee kasocda, weey kadharagsan yihiin ardeyda, ganacsatada, iyo qoysaska dalalkaa jooga, mahubo in dowlada dhexee loowada dhanyahaye hadda jirtaahi, sidaa si la mid ah iyana uga dharagsan tahay. Aan toos ugalee anigoon wadamo gaar ahna tilmaamin, hadana dalalka qaar ee safaaradaha aan kuleenahay, waxeey bixiyaan deeq-waxbarasho/Minxooyin/Scholarships, ama hadaan sikale udhahno, waxbarasho lacag la’aan ah, oo nuuckasta isugu jirta.Waxbarashadaas lacag la’aanta ah, waxaa loogu deeqay ummadeena Soomaaliyeed, ee dhibka dagaalka sokeeye uu haleelay. Waxaana loogu dhiibaa safaaradaha dalalkaa inooga wakiiilka ah. Meeshii ummada Soomaaliyeed, si xalaal ah, oo cadaaladi kujirto, lagusoo gaarsiin lahaa, ayaa nasiibdarro! Waxaa gatoo booba, dhaqaalana kasameeya deeqdaa waxbarasho, ee loogu talagalay ardeyda Soomaaliyeed, safiirka, kuxigeenkiisa, iyo inta sida hoose ugala shaqeeysa. Waxaa deeqdaa waxbarasho lagu gataa, qiimo kala duwan, waxaana loogadaa, qaab qabyaaladeed, mararka qaarna, sida loo kala dhaqaale badanyahay. Tusaale ahaan; kuraasta deeqda waxbarasho, ee caafimaadka (Medicine), waxaa lagu kala gataa, inta udhaxeeysa: Lix kunoo doolar-Illaa-toban kunoo doolar ($6000-to-$10,000). Kuraasta Injineerinka (Engineering), iyana waxaa lagu kalagataa: Sadex kunoo doolar-illaa-lix kunoo doolar ($3000-to-$6000). Taqasusyada kalee waxbarasho, sida shareecada, ganacsiga, dhaqaalaha, arimaha qaanuunka, saxaafada……iwm iyaga waxa lagu kala gataa: Kun iyo shan boqoloo doolar-illaa-sadex kunoo doolar ($1500-to-$3000). Waxaa intaa kuusiidheer, in kuraasta ama boosaska deeqaha waxbarasho, ee sanadkasta dowladahaa bixiyaan, aaneey aheyn hal iyo labo kursi, oo xaqiiqdii tira badan yihiin. Nasiibdarro! Dhaqaalahaa ardeyda Soomaaliyeed, ee masaakiinta ah laga qaado, masoogaaro dowlada Soomaaliya, oo jeebka shaqsiyaad gaar ah, ayey si toos ah ugu dhacdaa, sida: Safiirka, Kuxigeenkiisa, iyo inta ka agdhow. Waxaa intaa kuusii dheer, marka kuraastaa madaxda safaaradu isla gataan, lacagtana sida eey hore ugu heshiiyeen ukala qeybsadaan, ayaa hadana waxaa jira, kuraas dheeri ah, oo eey uqaraab tagaan. Waxaa jira wadamo qani ah, sida Carabta guud ahaan, gaar ahaana kuwa Khaliijka, kuwaasoo kahela sanadkasta, deeqo waxbarashoo aaneey ubaahneyn. Qaar kamid ah safaaradaha Soomaalida, oo arintaa kadharagsan, ayaa uqaraab iyo lufluf taga safaaradaha dalalkaa, si kuraastaa wadamadaa kale aaneey ubaahneyn ugasoo qaataan, iyagoo kusoo tuugsanaya, in dalkeenu burburay, xarumihii waxbarshoo dhanna inaga baaba’een, cidkastana aan uga baahi badannahay deeqahaa waxbarasho, sidaa daraadeedna ummada Soomaaliyeed lasiiyo, kuraasta deeqahaa waxbarasho. Marka lasoo siiyana, nasiibdarro! Waxeey sidaa si lamid ah, hadana uga gadaan ummadii Soomaaliyeed, ee madaxooda, iyo magacooda deeqahaa waxbarasho, eey kusoo qaadeen, iyagoo uga iibinaya, qaabkii iyo qiimihii aan hore usoo sharaxnay. Safaaradaha marka eey sidaa uga gadanayaan, ummadeena Soomaaliyeede tabaaleeysan, kuraasta deeqihii waxbarasho, ee iyaga loogu talagalay, waxeey ku andacoodaan, in dhaqaalahaa eey ukaashanayaan qarashaadka safaarada, sida: Korontada, biyaha, ijaarka guriga iyo mushaarka….iwm. Hadana qaarkoodbaa guryo waaweynoo dibadaha ah kadhistay. Waxaase xusid mudan, in safaaradaha qaar waxkastoo qarashaad ah, eey kabixiyaan dowladaha eey inoo fadhiiyaan. Taasoo masiibo qaran inoo keentay. Halkan kafiiri qormo aan arintaa kasameeyney. Sababta kuqasbeeysa Ummadeena Soomaaliyeed, ineey safaaradahaa kagataan kuraasta deeqda waxbarasho, ee magacooda lagusoo qaaday, looguna talagalay in lacag la’aan, si cadaalad ah loogu qeeybiyo ayaa ah, waa marka koobaade, hadii eeysan lacagtaa bixin, cidkaloo bixineeysa ayaa hore looga gadanayaa, cid waxkaqaadeeysa madaxdaa safaaradaana, aaneey hore ujiri, sidii burburkaba udhacay, waloow hadda xaalku isasoo badalayo, oo eey muuqato in safaaradaha eey laxisaabtameeyso xukuumada Nabad iyo Nolol. Tusaale waxaa inoogu filan, arintii kadhacday safaarada Suudaan. Tan labaad hadii aad dhahdo si shaqsi (Private), ayaan isaga bixinayaa, dadka intiisa badan ma awoodi karaan, maxaayeelay booska caafimaadka, marka aad wadamada qaar, adiga qarashka iska bixineeyso sanadkii, waxaa laga yaabaa, in lagu dhoho iskabixi sanadkii: Kow iyo labaatan kunoo doolar ($21,000/year), sidaa daraadeed, waxaa ummada udhib yar, ineey waxoo dhan iska bixiyaan, inta udhaxeeysa: Lix kunoo doolar-illaa-toban kunoo doolar ($6000-to-$10,000). Wixii intaa kadambeeyana qarashaadka nolosha (living cost) ardeyga, waalidka iska bixiyo, waloow eey xaq ugu lahaayeen safaarada, in si lacag la’aan ah lagusiiyo deeqda waxbarsho. Waxyaabaha ugu calool xumada badan, ayaa waxaa ka mid ah, sida safaaradaha qabyaalad ugu bixiyaan kuraasta deeqaha waxbarasho, maxaayeelay iyadoo dadka lacag wax looga wadagadayo, ayaa hadana labadii qofoode lacagta wada bixin lahaa, midkood lacagta looga qaadayaa, oo lagu hormarinayaa oo lagu tixgainayaa qaab qabyaaladeed. Waxaa sidoo kale dhacda, in qof saf (Line) mudo sanado ah kujiray, oo sugayey ineey usoo baxdo deeqdaa waxbarasho, laga hormariyo qof hada cunigiisa dugsigii sare soodhameeyey, balse dhaqaale hoogan heeysta, bixinayana lacag kabadan tii lagula heshiiyey, qofkaa safka sanadaha kujiray. Nasiibdarro! Cid uu uga dacwoodo malaha, maxaayeelay marka horaba, warqad cadeyn ah lagama siinayo lacagtii uu bixiyey. Waxaa sidoo kale jira, dadka tahriibayaasha ah, ee qaab mukhallasnimo ah safaaradaha ugu soosaaraan, dhaqaalana uga qaataan, fiisooyinka dalalkaa eey kusoo dhexmarilahaayeen. Safaaradaga qaar waxaa lagu eedeeyaa ineey xitaa kaganacsadaan Soomaalida kuxiran dalalkaa eey joogaan.Kabasii darane, qaarbaa ganacsato usoo galiya dalalkaa badeecooyin kotorabaan ah. Talooyin soojeedin (Recommendations) Safaaradaha isu badalay dhiig-miiratada, mukhallasiinta, iyo kuwo kaganacsada kotorabaanka, fadlan dowlada hadda jirta, gaar ahaan Wasaarada Arimnaha Dibada Soomaaliyeed, wax hakaqabato, arimahaa oo dhanna, marka hore si dhab ah ha ubaarto, xaqiiqda marka eey ogaatana, si dhab ah, oo degdeg ah wax ha uga qabato. Maxaa yeelay Ummada Soomaaliyeed iyagaa ka mas’uul ah, iyaga cid aan aheyn, oo eey sugayaana majirto. Mahadsanidiin. Qoraa: C/Qaadir Maxamed Cismaan (Cabdiboqor). Dhaqaaleyahan, qoraa, iyo falanqeeye siyaasadeed. abdulkadirphd@hotmail.com. Minnesota-USA. Afeef: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada caasimada@live.com Mahadsanid

Muqdisho (Caasimada Online) – Ra’isul wasaaraha dalka Ethiopia Abiy Axmed ayaa daboolka ka qaaday in dowladiisa ay ku khasban tahay inay xal waara u raadiso dalalka dhaca Qaarada madow ee colaaduhu ka jiran. Ra’isul wasaare Abiye oo ka qeybgalaayay shir looga hadlaayay Amniga iyo Xasiloonida ayaa sheegay in dowladiisa ay ahmiyad gaara siineyso degnaanshiyaha dowladaha kale ee Africa. Abiy Axmed, waxa uu sababta ku sheegay in nabad la’aanta ka jirta wadamada deriska la’ah dalkiisa ay saameyn xoogan ku yeelankarto Ethiopia, waxa uuna carab ***** in Nabadda Ethiopia ay tahay mid ku xiran tan Somalia. Waxa uu tilmaamay inay doonayaan in Ethiopia ay hesho Nabad iyo Xasilooni balse taasi ay ku imaankarto keliya iyaga oo marka hore Nabad iyo wada shaqeyn ka dhex abuura dalalka ku hareersan Ethiopia iyo kuwa aan ku hareereysneen. Nabada Ethiopia ayuu sheegay inay tahay mid ku xiran Nabad ka dhalata Somalia iyo South Sudan oo uu cadeeyay inay saameyn ku yeelan karaan Ethiopia oo iminka nabdoon. “Nabada Ethiopia waxa ay ku xiran tahay Somalia iyo South Sudan oo helaa degnaanshi, maxaa yeelay waxa aanu wadaagnaa soohdin dalka deriska kula ah oo aan heysan Nabad waxa ay meesha ka saareysaa in adigana aad heshaa Nabad” Ra’isul wasaare Abiy Axmed ayaa sheegay in dowladiisa ay dhibka intaa la’eg u martay sida ay Ethiopia ku heli laheyd nabad waarta, waxa uuna meesha ka saaray inay ka raali noqon doonaan carqalad loo geysto amniga. Waxa uu tusaale usoo qaatay qaar kamid ah dhalinyarada dalkiisa oo caqabad ku ah amniga hase yeeshee waxa uu ku goodiyay in dadka noocaasi ah ay muteysan doonaan ciqaab adag oo aan cafis laheyn. Dadka kasoo jeeda deegaanada Soomaalida iyo Oromada ayuu ugu baaqay inay la shaqeeyan ciidamada isla markaana ka fogaadan carqalada ay ku hayaan amniga, isagoo Hay’adaha amaanka ku amray in sharciga ay horgeeyan dadka dhibta ku haya amniga. Sidoo kale, nabada Ethiopia ayuu sheegay inay mas’uul ka yihiin dhamaan dadka ku nool dalka maadaama nabad xumo ay wada saameyneyso dadka dhan. Geesta kale, Abiy Axmed ayaa dhinacyada dhaliilsan Siyaasada ay ku shaqeyneyso dowladiisa ugu baaqay in dhankooda ay ka raacan muwaadiniinta kale. Caasimada Online Xafiiska Muqdisho Caasimada@live.com

Muqdisho (Caasimada Online) – Dhaliilo kala duwan oo dhanka amniga ah ayaa waxa ay kasoo baxayan isku biirida ciidamada labisan ee Hay’adda NISA iyo kuwa Booliska Somalia. Dadka qaar ayaa dowlada Somalia ku dhaliilay inay ku fududaatay isku darka labada ciidan oo kala quwad badnaa, iyadoo isku darkooda lagu sheegay mid wiiqay amniga Muqdisho. Axmed Xasan Cadow (Axmed Daaci) oo mar soo noqday Guddoomiye degmo ayaa kamid ah dadka sida aadka ah u dhaliilay isku darka labada ciidan. Axmed Daaci, waxa uu sheegay in talaabadaasi ay tahay mid lagu fududaaday, isagoo soo jeediyay in dowlada Somalia ay sameyso ciidamo u dhigmi kara kuwa la burburiyay. Axmed Daaci, oo la hadlaayay idaacada Knn ee magaalada Muqdisho ayaa sheegay in amni darada ka jirta magaalada Muqdisho ay u sababtahay burburinta ciidamada NISA ee lagu daray Booliska, waxa uuna cadeeyay in amni darada jirta ay gaartay meel xun. Waxa uu xusay in koox bistoolad wadata ay dilal ka geystaan Muqdisho, taasina ay tahay mid aad looga xumaado maadaama ciidamada aadka looga baqi jiray ay ahaayen kuwa NISA. “Waan dareemi karnaa howsha ay ciidamada NISA ee lagu daray Booliska u hayeen Muqdisho, NISA iyo Boolis isma qaadan karaan waayo Booliska ma sameyn karaan waxyaabo badan oo ay sameynayeen ciidamada Nabadsugida” Magaalada Muqdisho ayaa waxaa ku soo kordhay mudooyinkii ugu dambeeyay dilal qorsheysan oo ay geystaan Kooxo kala ceyn ah oo Bistoolado ku hubeysan kuwaa oo qaabab silac ah u dila dhalinyarada. Hadalka Axmed Daaci ayaa kusoo beegmaya xili amniga magaalada Muqdisho uu yahay mid faraha kasii baxaaya, waxaana xusid mudan in ay kordhayaan dilalka bareerka ah. Caasimada Online Xafiiska Muqdisho Caasimada@live.com

Dhambaalkaani wuxuu ku socdaa Madaxa Dowlad Goboleedka K/Galbeed Shariif Xasan Sh.Aadan, waana tusaale iyo wax xasuusin laga yaabo inay anfacdo isaga iyo wixi la jaanqaada. Waxaa jiray beri nin nolosha aad ugu dhibtooday oo ugu dambeynti go’aan ku gaaray inuu is-dilo. Asagoo socda meel xeeba ee u dhaw jabal ama buur uu rabay inuu iska tuuro, ayaa waxaa ka hor yimid nin aad u lebis fiican oo weydiiyay “xageed ku socotaa”..markaasuu ku yiri “waxaan rabaa inaan is-dilo oo noloshi ayaa aad iigu adkaatay”.. Ninkiibaa ugu jawaabay “waxba ha-isdilin, aniga waxaan ahay MALAKUL MOWT wixi manta ka dambeeyana waad I arki doontaa ee qofki aan ka fadhiyo lugaha waa ruux nolaa naaya ee Qur’aan saar, lacagna ka qaado…laakin qofki aan madaxa ka fadhiyo u sheeg dadkiisa in qofkaani ay tiisi gashay”. Ninkii wuxuu naqday maal-qabeen la wada yaqaanno magac fiican iyo ictiraaf ku yeeshay bulshadi oo dadki oo dhan ay radinayaan. Maalinti dambe ayuu xanuunsaday markaasaa MALAKUL MOWTKI ka soo fadhiistay madaxa..markaasuu lugaha xejiyay..Malaki waa soo wareegtay uu madaxi ka fadhiistay..markaasuu isku dayay inuu lugaha u wareejiyo…markaasaa la yiri manta ama madaxa I xeji ama lugaha manta waa maalintaadi ee bal xasuuso maalinti aan kaa soo celiyay inaad is-disho!!! Haddaba Shariif Xasan manta waa maalintaadi, ma ahan saadaalin inay dhimaneyso, ee ama Baydhabo ka dhuumo ama god qodo ee gal waxaa la soo gaaray xilligaad socoheysay ee Ilaahey dembi dhaaf weydiiso iyo inaad ka sabarto jagadaan dhibka badan kaa qanciyo waayoo dadka ku taagersan iyo kuwa kaa soo horjeeda waxaa laga yaabaa in tiro ahaan ay isla egyihiin..waxaana iga tala ah inad dadka ka qariso wejigaaga ood meel kale raadsato iskana illawdo ood isku qanciso in Madaxweyennimo dambe iyo adiga aad kala socoteen…ma laga yaabaa inaad ku qanacdo hadalkaan oon wax dan ah ka lahayn Koofur/Galbeed ciddi madax ka noqota. W/Q: Axmad Calasow

Muqdisho (Caasimada Online) – Xisbi siyaasadeedka cusub ee magaalada Muqdisho laga sameeyey, islamarkaana uu hogaaminayo madaxweynihii hore ee Soomaaliya Xasan Sheekh Maxamuud, ayaa lagu sameeyey isbeddel lama filaan ah oo dhinaca magaca ah. Xisbigan oo magaciisa hore uu ahaa Midowga Nabadda iyo Dimoqraadiyadda ama Union for Peace an Democracy (UPD), ayaa waxaa loo beddelay Midowga Nabadda iyo Horumarka ama Union for Peace an Development (UPD), kadib markii muran la geliyey laguna qabsaday magacii hore. Siyaasiga Cabdullaahi Sheekh Xasan ayaa markii xisbigaas lagu dhawaaqay durba sheegtay in magaca xisbiga uu leeyahay isaga, islamarkaana kooxda Xasan Sheekh ay bililiqeysatay. Cabdullaahi Sheekh Xasan ayaa soo bandhigay caddeymo muujinaya inuu magacaas isaga la baxay sanaddii 2011. Kooxda Xasan Sheekh ayaa markii hore ku doodday in magaca ay qaadaan karaan maadaama uusan Cabdullaahi Sheekh Xasan si rasmi ah u diiwaan gashan. Si kastaba waxaa hadda muuqata inay magacaas ka tanaasuleen una daayeen Cabdullaahi Sheekh Xasan. Xisbiga cusub ee Union for Peace an Development (UPD) ayaa waxaa si rasmi loogu dhawaaqi doonaa xaflad weyn oo maalinta khamiista ah lagu qaban doono magaalada Muqdisho ee caasimadda Soomaaliya. Xisbigan cusub ayaa waxaa ku midoobay kooxaha Damu-Jadiid, Daljir iyo Kutladda Horusocod, waxaana la sheegay inay xubno ka yihiin ilaa 80 xildhibaan oo ka tirsan baarlamanka Soomaaliya. Caasimada Online Xafiiska Muqdisho Caasimada@live.com

Muqdisho (Caasimada Online) – Taliyaha ciidamada xoogga dalka Daahir Aadan Cilmi oo ku magac-dheer Indha-qarshe, ayaa markii ugu horeysay digniin kasoo saaray qorshooyin uu sheegay in lagu doonaayo in lagu iibiyo dhulalka ciidamada. Indha-qarshe, waxa uu sheegay inay la socdaan in shaqsiyaad gaara ay ku howlan yihiin iibinta dhulalka ciidamada Xoogga, waxa uuna ku goodiyay in dadkaasi lagu soo oogi doono danbi Qaran. Waxa uu ka digay in dhulkaas la iibiyo,isla markaana aanan marnaba la aqbaleyn in dhulkii ciidanka ay dad Shacab ah iibsadaan. Waxa uu tilmaamay in ciidamada Xoogga ay dhulal badan ku leeyihiin min caasimad ilaa iyo Gobol, waxa uuna cadeeyay in dhamaantooda la doonaayo in ciidamada looga dhiso xirooyin inta lagu guda jiro 2019. “Waxaa socda qorsho dib loogu dhisayo Xarumihii Ciidamada xoogga dalka waxaa jira dad ku sheekeeya in ciidamada aysan u baahneyn dhulalkooda burbursan adeer yaan been niila sheegin cidii laga iibiyaa dhul ay leeyihiin ciidamada waa laga qaadi doonaa” Indha-qarshe, waxa uu sheegay inay jiraan Xarumo badan oo dalka ku yaalla oo uu ciidanku lahaa balse dad Shacba ah ay gacanta ku hayaan, isla markaana dowladda ay dayactir iyo dib u dhis ku sameysneyso lana doonayo in laga raadsado guryo kale. Haddalka Taliyaha CXD Daahir Aadan Cilmi ayaa imaanaya xili inta badan dhulalka xirooyinka u ahaa ciidamada Xoogga ay guryo u yihiin dad shacab ah, halka ciidamadu ay yihiin kuwo aan heysan xirooyin ku filan. Caasimada Online Xafiiska Muqdisho Caasimada@live.com

Raysal wasaare xigeenka Soomaaliya Mahdi Maxamed Guuleed ayaa maanta tegay xarunta guddiga madaxabannaan ee doorashooyinka qaranka. Diinwaagaliyaha xisbiyada qaranka ayuu sheegay in uu ku soo wareejiyay foomka xisbiyada iyo sharuucdooda. Ra’iisal wasaare xigeenku, mudane Mahdi baa hadalkiisa intaa ku daray in ay soo wadaan xisbi sal weyn oo dastuur iyo siyaasad laga baaraandegay wata. Qorshaha lagu doonayo in lagu dhiso xisbigani oo ka soconaya Villa Somalia ayaa ku soo aadaya iyadoo dhowaan magaalada Muqdisho looga dhawaaqay isbahaysi ay ku midoobeen seddex xisbi siyaasadeed oo heysta aqlabiyadda baarlamaanka federaalka Soomaaliya, kaasi oo uu guddoomiye KMG ah u yahay madaxweynihii hore Mudane Xasan Sheekh Maxamuud. Horay Villa Somalia ayaa loogu eedeeyay in ay ku mashquulsan tahay olaha doorashada 20250-ka ee Soomaaliya. HOOS KA DHAGEYSO: https://goobjoog.com/wp-content/uploads/2018/10/RW-ku-xigeynka-Mahdi-Guled-oo-la-soo-wareegay-Fomka-diiwaan-gelinta-Xisbigooda.mp3 Goobjoog News Source: goobjoog.com

Guddoomiye xigeenka gobolka Hiiraan Cabdiraxiin Muxamed Taakooy, ayaa wareysi uu siiyay mareegta Goobjoog News kaga hadlay howlgalladii u dambeeyay ee ciidamada AMISOM iyo kuwadowladda ee wadada isku xirta magaalooyinka Baladweyne iyo Buuloburde oo ku wada yaalla gobolka. Wuxuu sheegay in howlgalka oo socda maalmo uu qorshahoodu yahay sidii loo furi lahaa waddooyinka isku xira degmooyinka gobolka oo badi u xirnaa muddo sanado ah colaado awgood. Guddoomiye xigeenka amniga Hiiraan baa sidoo kale waxaan wax ka weydiinnay duqeyn diyaaradeed oo shalay galab Hiiraan ka dhacday iyo dagaalladii dhacay khasaaraha ka dhashay. Dagaallada u dhaxeeyay ciidamada dowladda federaalka Soomaaliya oo gacan ka helaya kuwa AMISOM iyo Xarakada Alshabaab oo dhinac ah ayaa ku dagaallamay degaanno dhowr ah oo xiriiriya magaalooyinka Baladweyne iyo Buuloburde. HOOS KA DHAGEYSO: https://goobjoog.com/wp-content/uploads/2018/10/GUD-XIGEENKA-HIIRAAN-AMNIGA-.mp3 Goobjoog News Source: goobjoog.com

Guddoomiyaha gobolka Hiiraan ayaa gallinkii dambe ee maanta xabsiga u taxaabay shaqaale ka tirsan wasaaradda maaliyadda ee Hirshabeelle. Shaqaalahani oo ka howlgalayay xarunta maaliyadda gobolka ee magaalada Baladweyne ku taalla ayaa caawa xabsiga ku hoyanaya. Goobjoog News ayaa ogaatay in amar ka soo baxay guddoomiyaha gobolka Hiiraan Yuusuf Axmed Hagar lagu xiray shaqaalahani. Xubnaha la xiray ayaa la garanayn sababta xarigooda ka dambeeysa, waxaase warar horudhac ah ay sheegayaan in muran uu soo kala dhex galay, waxaana sidoo kale tiradooda lagu sheegay inay yihiin labo qof oo rag iyo dumar. Waa amarkii ugu horreeyay oo ka soo baxa guddoomiyaha dhowaan loo magacaabay gobolka Hiiraan Yuusuf Dabageed. HOOS KA DHAGEYSO: https://goobjoog.com/wp-content/uploads/2018/10/MSIYAAD-XARIGA-02-10-2018.mp3 Goobjoog News Source: goobjoog.com

Muqdisho (Caasimada Online)-Waxaa lagu wadaa in gudaha bishan October 2018 magaalada Muqdisho ee caasimada Somalia looga dhawaaqo Xisbi cusub oo ay hoggaamin doonaan Madaxweyne Farmaajo iyo Ra’isul wasaare Xasan Kheyre. Xisbigan ayaa waxaa isku dubaridkiisa ku howlan Wasaare ku-xigeenka Somalia Mahdi Maxamed Guuleed oo maanta gaaray Xarunta Guddiga doorashooyinka madaxa banaan. Ra’isul wasaare ku-xigeenka dalka oo maraayay nidaamka dalka ayaa halkaa ka soo qaatay xeerka asxaabta siyaasadda iyo shuruudaha diiwaan gelinta Xisbiyada siyaasadeed iyadoo ujeedka ugu weyn uu yahay hanaanka sharciyeyenta xisbiga cusub. Ra’isul wasaare ku-xigeenka dalka Mr. Mahad Guuleed oo warbaahinta qaar kula hadlay xarunta ayaa sheegay in uu xarunta ku maraayay sharciga axsaabta oo loo siman yahay. ”Xisbi weyn ayaanu soo wadnaa oo ah xisbiga xisbiyada, madaxweynuhuna uu hormuud u yahay, siyaasaddii guushii Febraayo-na lagu hogaamin doono” Waxa uu Mahad Guuleed sheegay in gaaristiisa xarunta ay tahay si uu u guddoom xeerka asxaabta siyaasadda dalka, si loo waafajiyo Xisbiga dhowaan lagu dhawaaqo doono oo ay Hoggaamin doonaan Madaxweyne Farmaajo iyo Ra’isul wasaare Kheyre. Xisbiga talada dalka haya ayaa la filayaa in dhowaan lagu dhawaaqo, iyadoo in muddo ah soo socotay diyaar garowga Xisbiga dowladda ee (Nabad Iyo Nolol) oo la filayo inuu hoggaaminayo Madaxweyne Farmaajo. Xisbiga diiwaan galintiisa ay socto ayaa waxaa la filayaa in loogu wanqali doono Nabad Iyo Nolol oo iminka ka dhaqan galay dalka oo idil. Ololaha bilowga ah ee xisbiga Nabad Iyo Nolol waxa uu soo ifbaxay labo maalin un ka hor markii magaalada Muqdisho looga dhawaaqay Xisbi siyaasadeed oo ay ku mideysan yihiin Xildhibaano iyo Siyaasiyiin mucaarad ah kaa oo uu Hoggaaminaayo Madaxweynihii hore ee Somalia Xasan Sheekh Maxamuud. Sidoo kale, waxaa muddo sannad iyo bar ah laga joogaa markii la doortay dowladda uu hogaamiyo madaxweyne Maxamed Cabdullaahi Farmaajo, xiligaasi oo ay Soomaaliya ka baxday ololihii doorashada ee muddada socday. Si kastaba ha ahaatee, dadka aragtida fog ayaa qaba in DFS ay iminka ku mashquushay sidii dib loogu soo dooran lahaa si ay wax muuqda uga qabato amniga iyo dhisida ciidan qaran. Caasimada Online Xafiiska Muqdisho Caasimada@live.com

Xildhibaan Axmed Maxamed Diiriye(Nac-nac) oo ka tirsan golaha wakiilada Somaliland iyo xildhibaan Cadiraxmaan Cismaan Jaamac(Shaadh) oo kamid ah golaha guurtida maamulkaas,ayaa si kulul uga jawaabay hadal ka soo yeeray ra’iisul wasaare ku xigeenka Soomaaliya,Mahdi Maxamed Guuleed(Khadar),kaasoo ahaa in madaxweyne farmaajo diyaar u yahay in uu booqdo Hargeysa,haddii Somaliland ogolaato. Labada xildhibaan oo shir jaraa’id ku qabtay magaalada Hargeysa ayaa si wadajir ah u sheegay in ra’iisal wasaare ku xigeenka Soomaaliya uu yahay nin reer Somaliland ah oo u shaqa-tegay magaalada Muqdisho,islamarkaana uusan hadalkiisu wax dhib ah ku hayn Somaliland,balse marnaba aan la aqbali Karin in Farmaajo Hargeysa yimaado isagoo xil iyo mas’uuliyad u haya Soomaaliya. Xildhibaannadu waxay intaas raaciyeen in wadada keliyah ee madaxweyne farmaajo ku tegi karo Somaliland,isagoo xilka haya ay tahay,in uu marka hore u aqoonsado dal ka madax-bannaan Soomaaliya oo deris la’ah,haddii kalese ay tallaabo sharci ah ka qaadayaan,sida ay hadalka u dhigeen. Dhinaca kale xildhinaabbadu waxay sheegeen in ra’iisul wasaare ku xigeenka Soomaaliya ee ay hadalkiisa ka jawaabayeen,haddii uu isagu shakhsi ahaan Somaliland ku laabanayo cafis loo fidin doono,balse marka hore ay waajib ku tahay in uu ka tego mas’uuliyadda uu Soomaaliya ka hayo. PUNTLAND POST The post Xildhibaano ka tirsan Somaliland oo Farmaajo u hanjabay appeared first on Puntland Post.

Muqdisho (PP) ─ Cilmi-baaris ay si Wadajir ah u sameeyeen Hay’adaha Farsight Africa iyo IPSOS, ayaa muujineysa in xilligaan uu jiro hoos dhac ku yimid kalsoonida shacabka Soomaaliyeed ay ku qabeen Hay’adaha Dowladdu Federaalka Soomaaliay, marka loo eego sannadkii hore ee 2017-kii. Cilmi-baarista ayaa muujisay in Dowladdu Federaalka ah ay ku taagan tahay dhabbihii Dowladnimada, balse ay hoos u dhacday kalsoonidii lagu qabay, sida madaxweynaha, Ra’iisul Wasaaraha, Garsoorka iyo Baarlamaanka. Madaxa fulinta hay’adda Farsight Africa, C/risaaq Aadan Maxmaed ayaa ku sheegay cilmi-baritsan inay xoogga ku saareen arrimaha ugu muhiimsan sida Amniga, Garsoorka iyo Kalsoonida Shacabku ay ku qabaan dowladda. Madaxa fulinta hay’adda Farsight Africa ayaa wuxuu sheegay ujeedada ay arrintan u sameeyeen inay tahay sidii ay u dhiiragelin lahaayeen shacabka Soomaaliyeed. Sidoo kale, wuxuu xusay shan bilood kaddib markii la doortay madaxweyne Maxamed C/laahi Farmaajo inay sameeyeen cilmi-baaris xilligaana uu helay kalsooni badan, laakiinse markan ay hoos uga dhacday 19% cilmi-baaristii sannadkii hore, sidoo kale ra’iisul wasaaraha ayuu sheegay in kalsoonida ay ku qabaan shacabka hoos uga dhacday 21%. Golaha wasiirada ayuu sheegay in dhankooda ay hoos u dhacday kalsoonida ay ku qabaan shacabka 37%, taasoo uu ku sabeeyay inta badan inaan lala socon shaqadooda. Kalsoonida shacabka ay ku qabaan in dowladda ay wax ka ammaanka Muqdisho ayaa waxaa lagu qiyaasay inay tahay 3%5, waxaana shacabka saameyn ku yeelatay qaraxii 14-kii Oktoobar, weerarada xarumaha DFS iyo dilalka magaalada ka dhaca. Dhanka shacabka ayaa Dowladda ku kalsoon in ay wax ka qabaneyso arrimaha dhaqaalaha 62%, halka kalsoonida lagu qabo Cadaaladda in dowladda wax ka qabato ay tahay 49%. Ugu dambeyn, Cilmi-baaristan ay si wadajir ah u sameeyeen hay’adaha Farsight Africa iyo IPSOS, ayaa waxaa ka qayb-galay xubno kala matalayay Dowladda Somalia iyo mucaaradka oo labadooda dhinac eedeeyay qaabka loo soo bandhigay cilmi-baaristan. PUNTLAND POST The post Kalsoonida ay shacabku ku qabeen Dowladda Soomaaliya oo si aad ah hoos ugu dhacday appeared first on Puntland Post.

Garoowe (Caasimada Online) – Maleeshiyada Daacish ayaa qoraal ay soo saartay ku sheegatay mas’uuliyada weerar abaabulnaa oo ka dhacay magaalada Boosaaso ee Puntland. Weerarka oo ahaa mid lagu laayay ajaaniib kasoo jeeda dalka Ethiopia ayaa waxaa sheegtay isla markaana ku faanay xagjiriinta Daacishta Somalia. Toogashada oo dhacay xalay fiidkii ayaa waxa ay si gaara uga dhacday xaafada Suwayta oo ku dhow aaga Dakada Boosaaso waxaana lagu dilay 4 Ethiopian ah oo kasoo jeeda qowmiyada Oromo. Isla weerarka ayey Daacish ku dhaawacday laba kale oo ajaaniib ah oo iminka lagu dabiibayo isbitaalka weyn ee magaalada. Waxay ku sheegen qoraalkooda in weerarka ay si gaara u fuliyeen rag hubeysan oo qeyb ka ah shaqsiyaadka camaliyaadka khaaska ah fuliya kuwaasi oo ay tilmaameen inay si nabad gelyo dilka kadib goobta uga baxsadeen. C/salaam Bashiir, oo ah Duqa degmada Boosaaso ayaa xaqiijiyay raggii dilka geystay inay baxsadeen, balse ay jiraan baaritaan ay wadaan ciidamada ammaanka. Dilka ay ku faantay Kooxdan Daacish ee ku cusub Somalia ayaa kusoo beegmaya xili dhalinyaro u badan rag iyo dumar una dhashay dalka Ethiopia ay ku nool yihiin magaalada Boosaaso ee Puntland. Dhinaca kale, maamulka Puntland ay la tacaalaya xal u helida beegsiga lagu hayo ajaaniibtan oo Seddexdii bil ee ugu danbeysay sii kordhaayay. Caasimada Online Xafiiska Garoowe Caasimada@live.com

Muqdisho (PP) ─ Duqa Muqdisho ahna Guddoomiyaha Gobolka Banaadir Mudane Cabdiraxmaan Cumar Cusmaan (Eng. Yarisow) ayaa boggaadiyey dar-darta ay ku socoto howlaha dib loogu hagaajinayo Garoonka Cayaaraha ee Staadiyo Muqdisho. Guddoomiyaha Gobolka Banaadir ayaa ka qeyb galay barnaamij qeyb ka ah Ololaha Is-xilqaan oo 100 dumar ah shaqo loogu abuuray, si ay u dar-dargeliyaan nadaafadda iyo dib u habeynta Garoonka. Cabdiraxmaan Cumar Cusmaan ayaa sheegay muddo labo bilood gudahood ah in lagu dhameystirayo wajiga koowaad howlaha dib u habeynta garoonka oo qeyb ka tahay Nadaafadda iyo nalayn lagu sameynayo si loogu qabto Cayaaraha Maamullada ee dhowaan nagu soo fool-leh. “Hawshan dib loogu hagaajinayo garoonka StadiumMuqdisho waxay qeyb ka tahay qorshaha noo dagsan oo muddo labo bilood gudahood ah lagu dhameystirayo qeybta hore ee dib u howlgelinta Garoonka si loogu qabto Cayaaraha Maamullada Gobollada iyo Gobolka Banaadir,” ayuu yiri Eng. Yariisow. Ugu dambeyn, Ololaha Is-xilqaan ee laga sameeyay Garoonka Cayaaraha ayaa waxaa ka qeyb galay Guddoomiye-ku-xigeenka Arrimaha Bulshada, Guddoomiye-xigeenka Howllaha Guud, Guddoomiyeyaasha Degmooyinka Waaberi iyo Warta-Nabadda, Xildhibaan ka tirsan Aqalka Sare iyo 100-ka qof ee shaqo abuurka loo sameeyey si ay nadaafadda Garoonka u dar-dargeliyaan. PUNTLAND POST The post Duqa Muqdisho oo Shaaciyay xilliga uu Hawl-geli doono Garoonka Stadium Muqdisho appeared first on Puntland Post.

War-murtiyeed ka soo baxay guddiga joogtada ah ee aqalka sare Baarlamanka Soomaaliya ayaa looga hadlay khilaafka curyaamiyay hay’adihii maamulka ee u dhexeeya madaxda sare dowlad goboleedka Galmudug. War-murtiyeedka ayaa lagu sheegay in dhinacyada is-khilaafsan ee madaxda Galmudug ay weli ku jiraan dhaqdhaqaaqyo nidaam burburina oo ay ku duminayan haykalkii dowlad goboleedka Galmudug,waxaana mas’uuliyiinta loogu jeediyay baaq ka kooban saddex qodob oo ku saabsan in la ilaaliyo midnimada iyo wada-shaqeynta hay’adaha dastuuriga ah ee Galmudug. Guddiga joogtada ah waxay sidoo kale war-murtiyeedkooda ku sheegeen in aysan aqoonsaneyn xil ka qaadista ay isku-sameeyeen dhinacyada khilaafku ka dhexeeyo ee mas’uuliyiinta Galmudug,waxaana ay ugu baaqeen qeybaha kala duwan ee bulshada Galmudug in ay ka qeyb qaatan dadaallada xal u raadinta khilaafkaasi. halkaan ka akhriso war-murtiyeedka PUNTLAND POST The post Aqalka sare oo war ka soo saaray khilaafka Galmudug appeared first on Puntland Post.

The United States believes Russia is developing a ground-launched system in breach of a Cold War treaty that could allow Russia to launch a nuclear strike on Europe at short notice, but Moscow has consistently denied any such violation. Source: Hiiraan Online

National Assembly Majority leader Aden Duale has lost his elder sister to cancer. The Garissa Township Member of Parliament said on his Twitter handle his sister.... Source: Hiiraan Online

Muqdisho (Caasimadda Online) – Madaxweynaha Jamhuuriyadda Federal-ka Soomaaliya Maxamed Cabdullaahi Farmaajo ayaa noqday hoggaamiyaha taageerada ugu badan ka haysta shacabkiisa marka lala barbar dhigo 10 hoggaamiyo oo dunida caanka ah. Xog uruurin ama qiimeyn ay sameysay hay’adda IPSOS/Farsight Africa Research ayaa sheegtay in Madaxweyne Faraamjo shacabkiisa ka haysto tageero boqolkiiba 67 (67%) waaa sanadkan 2018 oo uu ku dhaw yahay sanad guuraddiisii labaad halka uu marka uu talada dalka qabtay uu haystay boqolkiiba 86 (86%). Xogtan waxa ay muujineysaa in Madaxweyne Farmaajo haysto kalsooni shacab oo ka badan 10-ka hoggaamiye ee hoos ku xusan inta ay ka haystaan shucuubta ay hoggaamiyaan. Dhinaca kale Raisul Wasaare Xassan Cali Kheyre ayaa shacabka Soomaaliyeed tageero weyn ka haysta marka la eego qiimeynta ay sameysay isla hay’adda qiimeysay kalsoonida uu shacabka Soomaaliyeed ka haysto bulshada Soomaaliyeed. Ra’usl Wasaare Xassan Cali Kheyre waxa uu haystaa boqolkiiba 62%, waana sanadkan 2018 halka 2017 uu haystay boqolkiiba 83%. Walow ay caqabado waa weyn soo food saareen dowladda Soomaaliya ee ay gadh wadeenka ka yihiin Madaxweyne Farmaajo iyo Raisul Wasaare Xassan Cali Kheyre, hadana waxa ay la yimaadeen waxqabad muuqda oo ay bulshadu u riyaaqday sida horumar dhinaca ammaanka ah, siyaasadda loo dhan yahay, hagaajinta hannaaka dhaqaale ee dalka iyo la dagaalanka musuq maasuqa. Halkaan hoose ka akhriso Liiska Madaxweynayaasha uu ka taageero badan yahay Farmaajo Caasimada Online Xafiiska Muqdisho Caasimada@live.com

Wasiir ku xigeenka wasaaradda waxbarashada hiddaha iyo tacliinta sare e xukuumadda Soomaaliya Feysal Cumar Guuleed ayaa maanta iskuullada dowladda u qeybiyay buugaagta manhajka ee dhowaan ay diyaarisay wasaaradda waxbarashada Soomaaliya. Iskuulladan oo ku yaalla gobolka Banaadir isla markana ah dugsiyadii dhowaan dowladda ay la soo wareegtay ayaa mid mid u galay fasallada isagoo ardeydda u qeybiyay bugaagta cusub. Agaasimaha waaxda dugsiyadda wasaaradda waxbarshada Soomaaliya Muuse Maxamed Caraale ayaa bogaadiyay manhajka waxbarashada dalka isagoo kula dardaarmay walidiinta inay ka shaqeeyan sidii loo kobcin lahaa garaadka caruurtooda. Wasiir ku xigeenka wasaaradda waxbarashada Mudane Feysal Cumar Guuleed ayaa sheegay in iskuullada ay la soo wareegta dowladda intooda badan loo qeybiyay manhajkan cusub. “Maanta waxaa nasiib u yeeshay in iskuulladii dhowaan la soo wareegtay wasaaradda waxbarashada hiddaha iyo tacliinta sare in u qeybiyo bugaagtii ay wax ku baran lahayeen, intooda badan waa la soo qeybiyay”ayuu yiri wasiir ku xigeenka wasaaradda waxbarashada Feysal Cumar Guuleed. Wasiir ku xigeenka wasaaradda waxbarashada Mudane Feysal Cumar Guuleed ayaa tilmaamay in wasaaradda waxbarashada ay la soo wareeji doonto dhammaan iskuullada ay leedahay dowladda, islamarkana loo dhameystirayo manhajka waxbarshadda dalka. “ Bulshada Soomaaliyeed waxaan u sheegaya in maanta ay lee yihiin manhaj mideysan oo wax lagu barayo ardaydda Soomaaliyeed”ayuu yiri Mudane Feysal Cumar Guuleed. Wasaaradda waxbarashada xukuumadda federaalka Soomaaliya ayaa dhowaan ku guuleystay inay la soo wareegto 24 iskuul oo ku yaalla gobolka Banaadir. Goobjoog News Source: goobjoog.com

Muqdisho (Caasimadda Onilne) – Sida ay wararka ku heleyso Shabakadda Caasimadda Online waxaa xilkii laga qaaday Guddoomiyihii Degmada Dayniile Cabduweli Nuur Faarax. Wareegto kasoo baxday Xafiiska Guddoomiyaha Gobolka Banaadir Eng cabdiraxmaan Cumar Cismaan Yariisow ayaa xilka looga qaaday Guddoomiyaha. Sidoo kale waxaa xilkaas loo magacaabay Maxamed Abuukar Jacfar oo mar soo noqday guddoomiyaha degmada Howl-Wadaag iyo taliyaha Ciidanka xasilinta Caasimadda walow markii dambe la kala diray. Ilaa hadda faahfaahin lagama bixin sababta keentay in xilka laga qaado mana lagu faahfaahin degreetada soo baxday. Gudoomiyaha Xilka laga qaaday ayaa Guddoomiyaha Degmada Dayniile ahaa wax ka yar lix bilood. Wixii kusoo kordha waan idinla socodsiin doonaa Inshaa Allah

Muqdisho (Caasimada Online) – Cilmi baaris ay wada jir ah u sameeyeen hay’adaha Farsight Africa iyo IPSOS ayaa muujineesa in hoos dhac kalsoonida dadweynaha ay ku qabaan hey’adaha dowladdu ay jirto xilligan marka loo eego sanadkii 2017-kii. Cilmi baarista ayaa dhinaca kale muujisay in dowladdu ay ku taagantahay dhabbihii dowladnimada balse ay hoos u dhacday kalsoonidii lagu qabay sida madaxweynaha, ra’iisul wasaaraha, garsoorka iyo baarlamaanka. Hay’adaha sameeyey daraasadda ayaa waxa ay su’aalo weydiiyeen 1,500 oo qof oo Soomaali ah oo ku kala nool magaalooyinka waa weyn ee Soomaaliya, sida Muqdisho, Kismaayo, Beledweyne iyo Garoowe. Waxyaabaha dadka wax laga weydiiyey ayaa waxaa ka mid ahaa arrimaha ammaanka, dhaqaalaha iyo garsoorka, ayada oo magaalooyinka ay ku kala duwaanayeen heera kalsoonida. Hay’adda waxa ay sheegtay in kalsoonidii lagu qabay madaxweyne Farmaajo tan iyo markii la doortay, oo ahayd 89% ay hoos u dhacday 19%, halka Kheyre uu lumiyey 21%. Sanadkii 2017-kii, heerka kalsoonida madaxweynaha waxay mareysay 86%, balse haatan ay tahay 67%, tan oo weli ah tiro aad u sarreysa marka la barbardhigo inta badan madaxda dunida. Sidoo kale, kalsoonida ra’iisal wasaare Xasan Cali Kheyre ay ku qabaan shacabka ayaa hoos u dhacday oo gaartay 62% halka sanadkii 2017-kii ay ahayd 83%. Dhinaca kale, wasiirka warfaafinta Soomaaliya Daahir Maxamuud Geelle ayaa sheegay inay soo dhaweynayaan cilmi-baaristan, ayna ku faraxsan yihiin in dadku aaminsan yihiin in dowladda ay jidka toosan ku socoto. Cabdirisaaq Aadan Maxmaed, oo ah madaxa fulinta hay’adda Farsight Africa oo wareysi siiyey idaacadda VOA-da ayaa ka warramay cilmi baaristan iyo waxa ay ku saleeyeen. https://www.caasimada.net/wp-content/uploads/2018/10/1be8ae13-3a71-40ae-9269-bc86a16da856_48k.mp3Caasimada Online Xafiiska Muqdisho Caasimada@live.com