Iska Jirka Shilalka ay sababaan Xoolaha iyo Xayawaanku sida Geella. Khatarka Geella ee sida Joogtada ah u Mara waddooyinka waxay Keenan Shilalkan faraha badan ee aynu Maalinkasta aragno waxa qayb ka ah Geella waddooyinka soo gala iyo xawaaraha aad ku socotid oo ah mid xad dhaaf ah. Maalin maalmaha kamida anigoo Hargeysa ka imid ayay igu dhacday anigoo gaadhi wadda ay Hal yari ka soo booday meelo kaymo ah ka dibna waxa Alle igu badbaadiyey waxay ahayd xawaaraha aan ku socday oo hooseeyay. Haddaba haddii aad safar gellaysid waxaan kugula Tallin lahaa. 1. In aad xawaare degan ku socotid, ugu badnaan 80KM. 2. Innaad markasta la socotid Xoolaha Waddooyinka soo dhex mara. 3. In wacyigalin la siiyo dadka Geelle iyo Xoolaha ku ag raaca Agagaarka Waddooyinka. 4. In Darawalku awood u leeyahay xakameynta Shookaanta iyo waddista Gaadhiga. Qodobka Labaad. Gawaadhida ku xumaata waddooyinka dhexdoodu waxay kaga tagaan dhagxaan iyo Waxyaalo kale oo ay iskaga dhigaan gawaadhida Soo socota taasna waxaan ka leeyahay:- 1. In haddii gaadhigaagu Waddada dhexdeeda ku xumaado aad isku daydid inaad parking uga baxdid haddii ay suurogaliweydana marka aad cillada ka saartid aad wixii aad dhigtay ka sii nadiifisid waddada. 2. In haddii aad aragtid dhagax ama taayir ama wax kale oo waddada dhex yaalla aad degtid oo aad ka qaadid haddii kale ay dhib u geysan doonnnaan Gawaadhida kaa dambeysa. 3. In aad markasta taxadir iyo xawaare dhexdhexaad ah ku socotid. 4. In haddii aanad hore ugu socon waddooyinkaad mareysid aad ka feejignaatid Qatarta xawaaraha badan. 5. In dawladdu degmo kasta dhigto gaadiidka jiida gaadiidka xumaada. Labadan dhib ee aan sheegayba waxay sababeen shilal dhimasho iyo dhaawacba leh haddii laga hor taggo waa bad-baadada Bulshadda. Sawirkani waa waddada u dhexeysa Burco iyo degmadda Sheekh. Rakad Mxd Sultan Berbera Farxaanmxd@gmail.com Qaran News

(SLT-Guddoomiyaha xisbiga mucaaridka ah ee WADDANI Dr. Cabdiraxmaan Maxamed Cabdillaahi Cirro ayaa maanta buuxiyay xilal ka bannaanaa xisbigaasi. Halkan hoose ka akhris Source

Kooxda Dekedaha Football Club ayaa sanadkii saddexaad ku guulaystay horyaalka Somalia Premier League waxaana sanadahaas door wanaagsan kulahaa kabtanka naadiga naadiga Cabaas Amiin Maxamed. Ciyaaryahan Cabaas Amiin Maxamed waxa uu sabab ahaa hanashada horyaalka Somalia Premier League markii saddexaad oo xariir ah,ka dib markii uu naadigiisa u dhaliyay goolal ay u baahneed saddexdii fasal ciyaareed ee lasoo dhaafay waxayna maamulka kooxda u qireen in uu yahay halyeey guulaystay. Guddoomiye ku xigeenka naadiga Dekeddaha Football Club Maxamuud Nuur Waasuge ayaa Goobjoog u sheegay in ka maamul ahaan ayay aad ugu mahad celiyaan kabtan Cabaas Amiin iyo dhamaan xidigaha kale ee kooxda kubbadda cagta da’daalka iyo shaqada adag ay qabteen kol ciyaareedyadii lasoo dhaafay. Yuusuf Cali Nuur (Yuu-Cali) oo ah tabaraha kooxda Dekedda ayaa laacib Cabaas kaga mahad celiyay sida uu markasta isaga xil saaro marka ay kooxdiisa u baahantahay goolasha muhiim ay ku tiigsanayso koobabka. Xoghayaha naadiga Dekedda Cabdullahi Bashiir Kuwaataro ayaa xirfdyahan Cabaas Amiin ku qeexay halyayadii soo maray naadiga Badda xiligii barisamaadka ee kaalinta wanaagsan soo qaatay guulaha. Ciyaaryahanada iyo taageerayaasha naadiga Dekedaha ayaa qudhooda bogaadiyay da’daalka iyo goolasha muhiimka uu saaxiibkooda kabtan Cabaas Amiin Maxamed u dhaliyay saaddexdii fasal ciyaareed laga soo gudbay,iyagoo u rajeeyay in uu sii sameeyo horomaro kale oo waaweyn sanadaha soo socda. Halkan Ka Daawo Warbixin Ku Saabsan Doorkii Uu Kabtan Cabaas Kulahaa Kooxdiisa Dekedda Source: goobjoog.com

Muqdisho (SMN) -Halkaan ka Dhageyso Warka Duhur ee Idaacadda Shabelle. Hoos riix si aad u dhageysato. https://www.radioshabelle.com/wp-content/uploads/2019/10/Warka-Duhur-28102019-fff.mp3 View the full article

Bu’aale (Caasimada Online) – Wararka ka imanaya degmooyinka Saakow iyo Bu’aale oo ka tirasn gobalka Jubada Dhexe ayaa soo sheegay in xalay diyaarado dagaal ay duqeyn ka geesteen xaafado ka tirsan degmooyinkaasi. Duqeymaha ayaa la sheegay in lala bartilmaameedsaday laba xarun oo mid kamid ah aheyd goob ay Al-Shabaab ku diyaariyaan qaraxyada waa-weyn iyo xarun ciidan, sida ay soo sheegayaan mas’uuliyiin ka tirsan hey’adaha amaanka. Saraakiil ka tirsan ciidamada Soomaaliya ayaa sheegay in duqeymihii xalay dhacay ay ka dhasheen khasaare dhimsaho iyo dhaawac ah oo soo gaaray dagaalamayaasha Al-Shabaab, islamarkaana ay dhowaan soo bandhigi doonaan. Dadka degaanka ayaa sheegay in ay maqleen dhawaaqa in kabadan 7 gantaal islamarkaana ay arkeen holac ifaya kaas oo la sheegay in si weyn looga dareemay degmooyinkii la weeraray. Saraakiisha ciidamada Soomaaliya ee milateriga ayaa sheegay in duqeynta ka dhacday Bu’aale ay ku beegsadeen gawaari qaraxyo lagu soo xiray oo ay Al-Shabaab doonayeen in ay ku soo weeraraan magaalada Muqdisho iyo fariismo ciidan oo ku yaala Shabeellada Hoose. Lama oga diyaaradaha duqeynta geystey heybtooda waxaana soo badanaya beegsiga xaruumaha muhiimka ah ee Al-Shabaab. Caasimada Online Xafiiska Muqdisho caasimada@live.com

(SLT-Muqdisho)-Wasaaradda Arrimaha Dibadda ee Finland ayaa ku dhawaaqday inay $ 8.9 milyan deeqay Soomaaliya, iyadoo loo sii marinayo Bangiga Adduunka. “Waxaan ku qanacsanahay horumarka ballaadhan ee lagu sameeyay hay’adaha kala duwan ee Dowladda Soomaaliya iyo dib u habeynta la sameeyay tan iyo 2012, laakiin caqabado badan ayaa jira, gaar ahaan xaqiijinta gaadhsiinta adeegyada meelaha ugu liita” ayuu yidhi Danjire Eric Landberg, oo ah Afhayeenka Wasaaradda arrimaha dibadda Finland. Sidoo kale, Danjire Eric Landberg, ayaa sheegay in Dowladda Finland ay ka go’an tahay in Soomaaliya ay ka caawiso sidii ay uga gudbi lahayd caqabadaha jira, islamarkaana ula jaanqaadi lahayd horumarka iyo dib u dhiska dalka. Hague Riedel, oo ah Agaasimaha Xafiiska Bangiga Adduunka ee Soomaaliya ayaa yidhi “Finland waxay weli tahay la-hawlgale muhiim u ah Bangiga Adduunka iyo Soomaaliya. “Taageerada cusub ee Xukuumadda Finland waxay noo suura galineysaa inaan sare u qaadno taageerada awoodda Dowladda si loo hagaajiyo adeegyada muhiimka u ah Soomaaliya, Finlandna door muhiim ah ayey ku leedahay qaabeynta jihada Sanduuqa,”ayuu hadalkiisa ku sii daray Hague Riedel. Source

(SLT-Hargaysa) Shirakadda Dhaweeye oo Abaalmarisay Shaqaalihii Iyo Darawaladii Ugu Mudnaa. Munaasibad lagu abaal marinayay macaamiisha ku xidhan shirkada dhaweeye iyo darawaliinta shirkadaasi ayaa lagu qabtay magaalada hargaysa. Munaasibadan oo maamulka sare Ee shirkada dhaweeye soo qaban qaabiyeen ayaa ahayd mid lagu muujiyanayo muhimada shaqaalaheeda iyo macaamiisha ku xidhan Munaasibada abaal marinta ah waxa ka soo qayb galay wasiirkii hore ee madaxtooyada somaliland maxamuud xaasho wasiirka shaqo gelinta iyo arrimaha bulshada hinda gaani Gudoomiye ku xigeenka golaha wakiilada somaliland ahmed yaasiin Wasiir ku xigeenka wasaarada gaadiidka somaliland sahal maxamed Agaasimaha guud ee wasaarada ganacsiga somaliland Dhamaan masuuliyiintan ayaa ku dheeraday adeega dhaweeye iyo faa,idooyinka uu bulshada ku dhaqan somaliland u hayo waxa ayna ka markhaati kaceen in xiligii ugu haboona adeegani dalka yimi isla markaana ka shaqeeyay Wasiirka Shaqo gelinta iyo arrimaha bulshada ayaa ka hadashay doorka ganacsiga ee hablaha iyo faa,idada shirkada dhaweeye u leedahay shacabka somaliland “Awal hore ganacsatadu xaga raga ayay u badan jirtaye hada xaga hore in dumar dhalinyaro ah fadhiyaan aad baan ugu faraxsanahay waxaan qabaa sadex shay oo dhaweeye leeyahay in umadeena oo dhami u baahan tahay Marka kowaad dhanka shaqo abuurka ganacsigu wuxuu ka mid yahay waxyaabaha shaqo abuurka keena Marka labaad waxa ay door wanaagsan ka qaateen amaanka waddanka qaybta u danbaysa sidii loo helay dhaweeye waxaan qabaa in la helay gacan aamin ah” Wasiirka Shaqo gelinta Marwo Hinda Gaani Gudoomiye ku xigeenka golaha wakiilada somaliland ahmed yaasiin ayaa isna ku dheeraaday kaalinta uu bulshada ugu jiro adeega dhaweeye “Waxa dhaba in adeega dhaweeye aanu ka shaqayn Karin meel aan dawladnimo kala danbayn iyo midnimo aan lahayn Waxaan aad ula dhacsanahay ikhtiraaca cusub ee maamulka shirkada dhaweeye la yimi oo ah mid caalamka casriga ah la jaanqaadaya” Gudoomiye ku xigeenka golaha wakiilada somaliland Wasiir ku xigeenka wasaarada gaadiidka somaliland ayaa sheegay inuu shirkada dhaweeya aad ugu jecel yahay doorkeeda amaanka “Anigu waxaan aad ugu jeclaystaa amaanka meel kasta oo qof la geynaayo haduu helayo meel uu ku amaan helayo oo naftiisi iyo maalkiisi ba amaan ku helayo wax ka wanaagsan ma jiraan shirkada dhaweeye waa wax marka aad dalbato ba aad helayso waxaan leeyahay adeeg wanaagsan baa soo kordhiseen maamulkii shirkadan hal-abuurkooda dalka keenay”Wasiir ku xigeenka wasaarada gaadiidka somaliland Agaasimaha guud ee wasaarada ganacsiga somaliland ayaa isna ka markhaati kacay kaalinta dhaweeye kaga jiro amaanka iyo hufnaanta shaqo “Dhaweeye wuxu ka shaqeeya amaanka waa adeeg xiliga doonto helayso waana hal-abuur cusub ee dalka shaqaale badan ka faa,idaysteen inay ka shaqeeyaan” Agaasimaha guud ee wasaarada ganacsiga somaliland Ugu danbeyn waxa munaasibada shirkada dhaweeye ka hadlay wasiirkii hore ee wasaarada madaxtooyada somaliland maxamuud xaashi cabdi oo ku dheeraday qiimaha adeega dhaweeye “waxaan ka markhaati kacaynaa in adeegani bulshada ku soo kordhiyay wax weyn oo ka maqnaa adeeg kasta oo bulsho u yimaada waxa uu samayn ku yeesha siday ay bulshadu ugu baahan tahay kuma yeesho saamayn faa,idada adeegu doonayo waayo cida ka jawaabaysaa waa bulshada waxaan leeyahay adeegani wuxuu ahaa mid loo baahna horumarka wadankana qayb ka qaadanaya Faa,idooyinka faraha badan ee gudoomiyuhu ka waramayay ama farax ka warramaysay dartii ayaynu u danaynaynaa berigii aan wasiirka duulista ahaa waxaan xasuustaa sidaan dhaweeye ugu baahnayn dad baa qurbaha kai man jiray oo garoonka ka soo dega waxay u baahan yihiin gawaadhi qaada waxaa nagu soo noqon jirtay cabasho ah gaadhigii I qaaday lacag badan buu iga qaaday 100 doler 200 oo doler marka uu dhigo ayaa ugu danbaysa waayo qofkani qurbaha ayuu ka yimi nidaamka wadanka waxba kalama socdo waxaa iman jiray alaabta uu kaga tago inuu waayo waxaa iman jiray gaadhiga oo jidka kaga jaba dawladuhu hal-abuurka lacag ayay ku bixiyaan waan bogaadinayaa dhaweeye” Wasiirkii Hore madaxtooyada somaliland maxamuud xaashi Munaasibadan abaal marinta macaamiisha dhaweeye iyo darawaliinta gaadiidka shirkada ayaa la gudoonsiiyay hadyado kala duwan oo isugu jira mobile iyo hadyado kale oo qaali ah waxaana macmiisha shirkadu la dhacsanaayeen qaabka shirkadu u danaynayso isla markaana abaal marinta ugu garatay Maamulka shirkada dhaweeye ayaa sidoo kale fariin farxad ah u gudbiyay shacabka somaliland waxaana ay sheegeen in adeega shirkadu u haysay macaamisha dalka ay qiimo dhimis ku samaysay isla markaana hada laga dhigay 4000 kun oo shilinka somaliland ah Source

(SLT-Hargeysa)-Suldaan Wabar Oo Qirtay In Jabahadiisu Ka Damabaysay Weerarkii Xalay Lagu Qaaday Saldhiga Dhexe Ee Magaalada Borama, Halkan hoose ka DAAWO Source

(SLT-Hargeysa)-Xisbiga KULMIYE ayaa markii ugu horraysay ka hadlay muran ka taagan guddiga doorashooyinka cusub iyo xubinmada Cabdirashiid Riyo-raac, waxaanu shaaciyay in uu maxkamad la tiigsan doono xisbiga mucaaridka ah ee WADDANI, Halkan hoose ka DAAWO Source

MOGADISHU (HOL) - Somali President Mohamed Farmaajo Sunday signed into law the National Revenue Act marking a major milestone for the Horn of Africa nation in its bid to secure debt cancellation and spur economic growth. Source: Hiiraan Online

Madaxweynaha Soomaaliya Maxamed Cabdillaahi Farmaajo iyo Madaxweynaha Djibouti Ismaaciil Cumar Geele ayaa ku guuldaraystay olole ay ku doonayeen in qof ka soo jeeda Djibouti ama Soomaaliya loo magacaabo xoghayaha fulinta ee urur goboleedka IGAD. Madaxweynaha Soomaaliya Farmaajo ayaa wuxuu watay in Dr. Cabdisalaan Hadliye oo dhalasho ahaan ka soo jeeda Somaliland, balse aaminsan mabda’a federaalka loo magacaabo xoghayaha fulinta ee IGAD, halka uu Madaxweyne Ismaaciil Cumar Geele isna watay in jagadaas loo magacaabo siyaasi ka soo jeeda Djibouti oo uu soo xulay. Hase yeeshee Raysalwasaaraha Itoobiya oo hadda haya guddoonka urur goboleedka IGAD ayaa wuxuu xilkaas u magacaabay Dr. Workeneh Gebeyuhu oo hore u ahaa wasiirka arrimaha dibadda Itoobiya, waxaana halkaas ku soo afjarmay dedaaladii Madaxweyne Geele iyo Madaxweyne Farmaajo. Dr. Workeneh ayaa wuxuu xilka kala wareegayaa Maxbuub Macalin oo ka soo jeeda dalka Kenya. Waxa kale oo ay warar diblomaasiyadeed sheegayaan in uu Dr. Abiye guddoonka IGAD ku wareejin doono Madaxweynaha Kenya Uhurru Kenyata oo si aan toos ahayn la iskula gartay shir madaxda IGAD ay Addis Ababa ku yeesheen inuu qabto guddoonka kursiga IGAD ee wareega. Wargeyska The East African ee ka soo baxa magaalada Nayrobi ee dalka Kenya ayaa wuxuu qoray in Djibouti ay dareemayso in IGAD ay 11 kii sannadood ee u dambeeyay isku wareejinayeen Kenya iyo Itoobiya, waxaanu dalka Djibouti ku cabanayaa in Itoobiya iyo Kenya ay iska bahaysteen dalalka kale ee gobalka siyaasad ahaan oo ay la wareegeen maamulka IGAD. Djibouti iyo Kenya ayaa waxa soo dhex galay khilaaf ku saabsan kursiga golaha ammaanka ee Afrika oo ay si weyn ugu tartameen iyadoo Kenya heshay kalsoonida Midowga Afrika. Soomaaliya iyo Kenya ayaa iyaguna waxa ay isku seeganyihiin xuduudka badda iyadoo ay maxkamadda caalamiga ah taalo dacwad u dhaxaysa labadaas dal. Dadka falanqeeya siyaasadda gobalka Geeska Afrika ayaa saadaalinaya in khilaaf soo kala dhex geli doono madaxda IGAD, haddii aanu Raysalwasaaraha Itoobiya ku guulaysan dedaalo uu doonayo inuu ku dejiyo xiisadan, waxaanu dhawaan Dr. Abiye socdaal ku tagay dalka Djibouti si uu u dejiyo dareenka Madaxweyne Geele ka qaatay arrinta IGAD. Geeska Qaran News

Federation of Somali Journalists condemns in the strongest possible terms the brief arbitrary arrests of five journalists covering demonstration by Somali police on Sunday,27 October 2019 in Mogadishu. Journalists Farhan Mohamed Hussien ,Yonis Durraan Ali and Yahye Olad of Kulmiye radio ,Ali Aden Mumin from Goobjoog and Ahmed Ali Barre from Uinversal TV were arrested while covering agravatted demonstrators who took to some streets in Mogadishu on Sunday . The Protesters who were drivers of civilian buses have been complaining about additional taxation imposed by the federal government on them and an increased road blockage that affected their day-today work. Governnment police have closed KM4 and Zobe junctions and dispersed the demonstrators. additionally, the troops detained some bus drivers. Journalists who spoke to FESOJ after their release told that they were forced into a police car while conducting their normal work, some experienced torture and damaged & lost equipment and were arrested in Howlwadaag district police station for about an hour The journalists were released unconditionally after the intervention of Mogadishu Mayor Omar Flish who ordered the journalist to be released as quickly as possible. “We firmly condemn this police crackdown, which did not spare journalists who were just doing their job, said Mohamed Ibrahim Moalimuu, the Secretary-General of Federation of Somali Journalists (FESOJ) . We call on police chiefs to respect, and ensure that their personnel respect, the work of journalists during demonstrations and the press should be allowed to cover this period of national importance without fear of retaliation.” Moalimuu added FESOJ thanks the Mayor of Mogadishu Omar Mohamed Mohamud “Filish” for his understanding and for his quick order to the release of journalists. It is a good sign that some government officials are sympathetic to journalists when faced with illegal detention.

Qaran News

Dhuusamareeb (Caasimada Online) – Madaxa xukuumadda Galmudug, Sheekh Maxamed Shaakir Cali Xasan ayaa maanta gudaha magaalada Dhuusamareeb kulan ku yeeshay saraakiisha ciidamada AMISOM ee ka howgala deegaanada maamulkaasi. Kulanka oo ahaa mid xasaasi ah ayaa waxaa Sheekh Shaarkir ku wehlinayey wasiirka wasaaradda amniga Galmudug, Mudane Saadaq Sheekh Yuusuf, iyadoona diirada lagu saaray xaaladda guud ee maamulkaasi, gaar ahaan tan magaalada Dhuusamareeb. Ilo ku dhow shirkaasi ayaa Caasimada Online u xaqiijiyey inuu Sheekh Shaakir saraakiisha AMISOM oo uu hoggaaminayey isku xiraha AMISOM iyo Galmudug, Kabtan Cabdullaahi Sheekh Xuseen uu ka dalbaday in aysan ku lug yeelan arrimaha siyaasadeed ee maamulka Galmudug, gaar ahaan xiisada u dhexeysa dowladda iyo ururka Ahlu Sunna Waljamaaca. Sidoo kale wararka ayaa sheegaya in kulankan lagu soo qaaday arrimaha ammaanka, sida ciidamada AMISOM iyo kuwa Soomaalida ay isaga kaashan lahaayeen howlaha amni xaqiijinta iyo dagaalka ka dhanka ah kooxda Al-Shabaab ee ka socda halkaasi. Saraakiisha AMISOM ee madasha ka hadlay ayaa ballan qaaday inay qaadan doonaan kaalintooda, islamarkaana ay ka shaqeyn doonaan sidii loogu guuleysan lahaa amniga, si loo qabto doorasho xalaal ah oo dhaba cusub u xaartay Galmudug oo loo dhan yahay. Kulanka ay wada qaateen madaxa xukuumadda Galmudug iyo AMISOM ayaa ku soo aadayaa, iyadoo dhowaanahan xiisad u dhexeysay ciidamada Ahlu Sunna iyo kuwa dowladda ay ka taagneyd Dhuusamareeb, kadib markii ciidamadu dowladda ay rasaaseeyeen Sheekh Shaakir, walow markii dambe laga heshiiyey xiisadaasi. Galmudug oo dhowaan galeysa doorasho ayaa waxaa hareeyey khilaaf xoogan oo ka dhashay guddiga farsamada, kadib markii ay isku fahmi waayeen dowladda iyo Ahlu Sunna.

Mudanayaasha Golaha Wakiilada dowladda Puntland ayaa maanta ansixiyay Ajandaha Kalfadhiga 45-aad ee Baarlamanka oo ka kooban 15 qodob. Qodobada AJandah, waxaa kamid ah daba-galka Heshiisyadii xukuumadda haatah jirta iyo kuwii ka horreeyay ay galeen iyo dib u-habaynta xeerarka u baahan in dib u-eegis lagu sameeyo. Sidoo kale, waxaa ku jira ka doodista xaaladda Amniga, Siyaasadda iyo Dhaqaalaha Puntland iyo u yeeridda madaxweynaha & madaxweyne ku xigeenka, si wax looga weydiiyo arrimahaasi. Waxa kale oo Ajandaha ku xusan ka doodista Dastuurka, Arrimaha Federaalka, dhammaystirka maxkamadda Dastuuriga ah iyo dib u-habaynta hay’adda Waddooyinka Puntland ee PHA. La-xisaabtanka xukuumadda iyo xaaladda gobollada maqan ayaa sidoo kale kamid ah qodobada Ajandaha. Hoos ka daawo muuqalka oo dhan PUNTLAND POST The post Baarlamanka Puntland oo ansixiyay Ajandaha Kalfadhigooda appeared first on Puntland Post.

Boorama (Caasimada Online) – Wararka naga soo gaaraya magaalada Boorama ee gobolka Awdal, ayaa sheegaya in Jabhad ka tirsan kuwa ka jira gudaha gobolkaasi ay weerar ku soo qaadeen saldhiga dhexe ee Boorama. Weerarkan oo bar-tilmaameedkiisu ahaa saldhigaasi dhexe ayaa waxa soo qaaday ciidamo ka tirsan Jabhada Suldaan Wabar, iyagoona rasaas xoogan ooda kaga qaaday ilaaladii iyoo ciidankii ku sugnaa saldhigaasi, midaasi oo si weyn looga maqlay gudaha magaalada. Ciidamadaasi weerarka ku soo qaaday saldhiga dhexe ee Boorama ayaa waxay rabeen in ay saldhiga kala baxaan ragg u xirnaa murano dhul sida ay Caasimada Online u xaqiijiyeen ilo lagu kalsoonyahay. Weerarkan oo ahaa mid ay Jabhada Suldaan Wabar soo qorsheysa, ayaa haddana waxa la soo warinayaa inay gacan ka helaysay Jabhad kale oo iyadu muddooyinkii u dambeeyay ka dilaacday deegaanka Dilla ee gobolka Awdal. Ilaa iyo hadda si rasmiya looma oga khasaaraha ka dhashay weerarkaasi iyo in uu fulay qorshihii ay ka damacsanaayen ciidamada Jabhadu weerarkooda, balse waxa la sheegaya in uu jiro dhaawac labada dhinac ah. Si kastaba, Caasimada Online ayaa hore u baahisay xog ah in ciidamada Jabhada Suldaan Wabar ay ku suganyihiin meel u dhow magaalada Boorama, isla markaana ay wadaan dar-dar gelin xoogan oo ka dhan ah dagaalka ay kula jiraan xukuumada Biixi. Wixii faah-faahin ah isha ku hay Caasimada Online Caasimada Online Xafiiska Boorama Caasimada@live.com

Kismaayo (Caasimadda Online) – Dowlad Goboleedka Jubbaland ayaa markale waxaa uu si kulul uga hadlay xariga dowladda Federaalka Soomaaliya ay dhowr bilood ka hor Magaalada Muqdisho ugu geysatay Wasiirka Amniga Maamulka Jubbaland Cabdi Rashiid Xasan Cabdi Nuur (Janan). Wasiir kuxigeenka Wasaaradda Arrimaha Gudaha Maamulka Jubbaland Cabdiraxmaan Maxamed Xuseen ayaa sheegay in Cabdi Rashiid Janan uusan aheyn dambiile, isla markaana Madaxda Dowladda Federaalka looga baahan yahay inay siideyso. Sidoo kale wasiir ku xigeenka ayaa Guddoonka Golaha Shacabka iyo Aqalka Sare ka dalbaday inay kaalin ka qaataan sidii loo siideyn lahaa Wasiirka Amniga Jubbaland oo tan iyo markii la xiray hal jeer kasoo muuqday Maxkamada Gobolka Banaadir. Ugu dambeyn waxaa uu sheegay in hadii la siideyn waayo Wasiirka cawaaqib xumada ka dhalata uu mas’uuliyadeeda qaadi doono Madaxweynaha Soomaaliya Maxamed Cabdullaahi Farmaajo. Si kastaba Dowladda Soomaaliya ayaa 31-dii Bishii Agoosto ee anadkaan 2019 waxaa ay garoonka Diyaaradaha Muqdisho ka soo xirtay Wasiirka Amniga Jubbaland C/Rashiid Janaan, iyada oo lagu Eedeeyey xadgudub dhanka bani’aadannimada Kiiska Janan loo haysto ayaa wuxuu yahay inuu gaystay tacadiyo ka dhan ah shacabka gaar ahaan arrin ka dhacday sanadkii 2015 Degmada Doolow ee Gobolka Gedo, halkaasoo afar ruux oo maxaabiis ahaa lagu dhex dilay xabsigii ay ku jireen. Caasimada Online Xafiiska Muqdisho Caasimada@live.com

Muqdisho (Caasimada Online) – Xisbiga Ilays ee uu hoggaamiyo, Xildhibaan Cabduqaadir Cali Cosoble ayaa war ka soo saaray banaanbaxyada maalintii 3-aad ka dhacay magaalada Muqdisho, kuwaas oo ay dhigayaan darawallada ka shaqeeya BL-ka. Ugu horreyn xisbiga ayaa ugu baaqay dowladda federaalka ah ee Soomaaliya inay ka jawaabto cabashada gaadiidleyda, islamarkaana ay u furto waddooyinka xiran ee Caasimada, si ay uga shaqeystaan. Sidoo kale warka ka soo baxay xisbiga Ilays ayaa looga dalbaday dibadbaxayaasha in aysan ku xadgubin ciidamada ammaanka, sidoo kale aysan burburin hantida shacabka. Banaanaxyadan oo galay maalintii saddexaad ayaa saameyn ku yeeshay dhaq dhaqaaq guud ee Muqdisho, mana jirto weli jawaab rasmi ah oo ay dowladdu ka bixisay cabashada gaadiidleyda, marka laga reebo ballaan qaad uu sameeyey guddoomiye Cumar Filish. Gaadiidleyda ayaa ka cabanaya laba arrin oo kala ah jidadka xiran iyo sidoo kale lacago dheeraad oo lagu soo rogay, sida ay sheegeen. Halkan hoose ka aqriso

(SLT-Hargeysa)-Xildhibaan Maxamed Faarax Qabile oo ka tirsan golaha wakiillada Somaliland ayaa ka hadlay suxufiyiin reer Somaliland oo u baxsaday magaalada Muqdisho, Halkan hoose ka DAAWO Source

Mas’uuliyiinta laga soo badbaadiyay doonta rogmatay Mas’uuliyiin ka tirsan maamulka gobolka Hiiraan ayaa xaqiijiyay in duqa degmada Beledweyne, Safiyo Xassan Sheikh Cali Jimcaale iyo guddoomiyihii hore ee gobolka Hiiraan, Cabdifitaax Xassan Afrax laga soo badbaadiyay doonni saaka kula rogmatay fatahaadda webiga Shabeelle uu ka sameeyay Beledweyne. Doonta oo ay saarnaayeen dad ku dhow 20 qof, ayaa ku qallibantay fatahaadda webiga shabeelle, xilli ay ku sii jeeday degaanka Ceel-jaalle oo ay ku nool yihiin dad ka barakacay fatahaadda webiga Shabeelle ka sameeyay xaafadaha kala duwan ee magaalada Beledweyne. Marka laga reebo mas’uuliyiinta la soo badbaadiyay, waxaa jira dad kale oo isugu jira mas’uuliyiin iyo shacab, kuwaasi oo saarnaa doonida rogmatay, islamarkaana qaarkood weli la la’yahay, halka qaar kalena la sheegay in ay saran yihiin saqafyada guryaha, kadib markii ay dabaasheen. Mas’uuliyiinta gobolka ayaa laga soo xigtay in uu socdo gurmad lagu soo badbaadinayo dadkii ka dabaashay doonta ee saqafyada guryaha iyo dhirta saran sidoo kalena lagu baadi-goobayo dadka weli la la’yahay. PUNTLAND POST The post Mas’uuliyiin laga soo badbaadiyay doon ku rogmatay fatahaadda webiga Shabeelle appeared first on Puntland Post.

Wararka naga soo gaaraya Shabeelaha Hoose ayaa sheegaya in saacadihii la soo dhaafay Al-Shabaab ay dil ka geysatay qeybo ka mid ah gobolkaasi. Dilka ayaa waxaa lagu soo warramayaa in loo geystay mid ka mid ahaa Odayaasha Dhaqanka degmada Awdheegle ee gobolka Shabeelaha Hoose. Wararka ayaa sheegaya in Al-Shabaab ay Odayaasha degmadaasi oo gaarayey 25 ay ugu yeereen Kunyo-Barow, kadibna ay dileen mid ka mid ah, sida aan xogta ku helnay. Odayaasha ayaa la sheegay in ay ka qeyb qaateen deeq gaar gaar oo dhowaan laga qeybiyey Awdheegle oo horay looga saaray Al-Shabaab. Lama oga sababta rasmiga ah ee ka dambeysa dilka marxuumka, mana jiro weli wax hadal ah oo soo baxay dhinaca Al-Shabaab. View the full article

Beledweyne (Caasimadda Online) – Wararka naga soo gaarayo Magaalada Beledweyne ee Gobolka Hiiraan ayaa sheegayo in la la’yahay mas’uuliyiin saarnaa Doon isaga kala gooshaysay xaafadaha ay saameeyeen fatahaadaha wabiga Shabelle oo ku qalibmatay Biyaha dhexdeeda. Mas’uuliyiinta ay doonta la rogmatay ayaa waxay wadeen qiimeyn ay ku sameenayaan baxaadda uu garsiin yahay fatahaadaha Wabiga Shabeelle ee Magaalada Beledweyne. Doonta qalibmatay ayaa waxaa saarnaa in ka badan 20 ruux oo ay kamid ahaayeen Duqa Magaalada Beledweyne Safiyo Xasan Sheekh Cali, Guddoomiyihii hore ee Gobolka Hiiraan, ilaaladooda iyo dad kale. Waxaa illaa hadda la xaqiijiyey inay soo badbaadeen Duqa magaalada Beledweyne Safiyo iyo Guddoomiyihii hore Gobolka Hiiraan C/fataax Xasan Afrax. Dad kale ayaa isugu jiray kuwa la la’yahay iyo kuwa kale oo saaran Guryaha iyo Geedaha korkooda kuwaas oo dabaal halkaas ku tagay. La Taliyaha Arrimaha Haweenka Madaxweynaha Hirshabeelle iyo ilaaladiisa ayaa kamid ah dadka ilaa hadda la la’yahay. Wararka ayaa waxaa ay intaasi ku darayaan in haatan uu socdo dadaalo kala duwna iyo gurmad lagu soo badbaadinayo doonta ay la degtay mas’uuliyiin katirsan maamulka Hir-Shabeelle ee ka baxday Baladwyene kuna sii jeeday deegaanka Ceel-Jaale. Warar qaar ee la helayo ayaa waxaa ay sheegayaan in ay jirto dhimasho ka dhalatay doonta degtay oo ay saaran yihiin in ka badan 20 ruux oo mas’uuliyiin ka tirsan Maamulka hir-Shabeelle u badan. Fatahaaddauu sameeyay Wabiga Shabeelle ayaa saameyn xooggan ku yeeshay xaafadaha magaalada, waxaana jira dad wali ku dhax go’doonsan biyaha dhaxdooda oo doonaya in gurmad loo fidiyo. Caasimada Online Xafiiska Beled-Weyne Caasimada@live.com

(SLT-Hargeysa)-Siyaasiyiin, mujaahidiin iyo madax-dhaqameed ayaa si weyn u dhaliilay Madaxweyne Muuse Biixi, waxaanay baaq culus u direen bulshada reer Somaliland, Halkan hoose ka DAAWO Source

Guddoomiyaha gobolka Banaadir, ahna Duqa magaalada Muqdisho, Cumar Maxamuud Maxamed (Filish) oo la hadlay Wariyeyaasha ayaa sheegay inuu wax ka qaban doono cabashada ka soo yeereysa gaadiidleyda dadweynaha ee ka howlgala Caasimadda. Filish ayaa sheegay in maamulkiisa uu sida ugu dhaqsiyaha badan uu wax uga qaban doono cabashadaasi. Gaadiileyda Muqdisho ayaa maalintii saddexaad shaqo joojin sameeyey, waxaana ay dhigeen dibadbaxyo ay uga cabanayaan jidadka xiran iyo lacago lagu soo rogay. Halkan hoose ka dhageys Codka. https://www.radioshabelle.com/wp-content/uploads/2019/10/cod.mp3 View the full article

Dowlad goboleedka Jubbaland ayaa sheegay in dowladda dhexe looga baahan yahay siideynta wasiirka amniga ee maamulkaasi, C/rashiid Xasan (Janan) C/raxmaan Maxamed Xuseen oo ah wasiir ku xigeenka wasaaradda arrimaha gudaha ee dowlad goboleedka Jubbaland, ayaa isaga oo la hadlayey warbaahinta wuxuu ugu horreyn sheegay in madaxda Jubbaland ka codsanayaan DFS iney sii deyso wasiir Janan. Wuxuu tilmaamay in wax laga xumaado ay tahay in la afduubto wasiirkooda, wuxuuna ku baaqay in si shuruud la’aan ah lagu soo daayo Janan. Dhanka kale, wasiir ku xigeenka ayaa sheegay in haddii aysan DFS soo deyn Janan wixii cawaaqib xumo ah ee ka dhashay ay mas’uuliyaddeeda qaadi doono madaxweyne Farmaajo. “Wasiirka amniga Jubbaland Dambiile ma ahan, waxaan idin ka codsaneynaa inaad soo deysaan, haddii aad soo deyn weydaan wixii cawaaqib xumo ah ee ka dhashay waxaa mas’uuliyaddeeda yeelanaya ama qaadaya madaxweynaha dowladda federaalka” ayuu yiri wasiir C/raxmaan. Wasiir Janan ayaa weli u xiran dowladda federaalka Soomaaliya, iyada oo lagu eedeeyey inuu dhibaato u geystay shacab ku sugnaa gobolka Gedo. Goobjoog News Source: goobjoog.com