The United States (U.S.) embassy in Kenya has issued a security warning, urging American citizens to remain vigilant. Source: Hiiraan Online

Dowladda Iran ayaa hawada sare u dirtay dayax gacmeed cusub oo cilmi baaris ah, kaas oo ku duulaya wareeg jawiyeedka orbit-ka, warbaahinta dowladda ayaana sheegtay in tallaabadani ay tahay mid lagu hormarinayo barnaamijkeeda hawada, ayadoo aan dheg jalaq u siinayn dhaleeceynta iyo diidmada dalalka reer galbeedka. Hadafka aasaasiga ah ee dayax-gacmeedka cilmi-baarista ee Chamran-1, oo culeyskiisu yahay 60kg ayaa ah in la tijaabiyo qalabka iyo nidaamyada software si loo muujiyo tikniyoolajiyadda dhaqdhaqaaqa wareegga orbit-ka. Dirista dayax-gacmeedkan cusub ayaa si guul ah ku soo dhammaatay sida ay dowladdu sheegtay, dalalka reer galbeedka ayaana walaac ka qaba tillaabadan ay qaaday Jamhuuriyadda Islaamiga ah ee Iran. Source: goobjoog.com

Muqdisho (Caasimada Online) – Maxkamadda Ciidamada Qalabka Sida ee Soomaaliya ayaa maanta dhageysatay kiiska askar ka tirsan ciidamada dowladda oo uu is-fahamwaa soo kala dhex-galay, kuwaas oo isku qabsaday isgoyska Siinaay ee magaalada Muqdisho. Maxkamadda ayaa soo bandhigtay muuqaal argagax leh oo ay duubtay Kaamirada CCTV, taas oo laga daawaday israsaaseyn goobta ka dhacday oo dhalisay dhimasho iyo dhaawac. Muuqaalka ayaa waxaa laga arkayay darawalka sarkaal ka tirsan ciidanka Booliska oo toos rasaas ugu furayo askar iyo dad kale oo meesha joogay, waxaana toogashadaas ku dhintay hal askari oo ka tirsanaa isla ciidamada Booliska Soomaaliya oo ku sugnaa barta Siinaay. Sababta keentay dagaalka ayaa ahayd in waddada oo xirneyd kadib gaariga looga shakiyay qarax oo goobta yiilay ay yimaadeen askar kale oo ka tirsan dharcadda NISA oo watay gaari Probox ah, waxaana eedeysane Yaasir Cabdullaahi Xirsi (Baakaay) uu isku dayay inuu xoog uga sii daayo goobta, taas oo keentay inay is khilaafsaan isaga iyo askartii kale. Cali Xasan Cali waa askariga ku qornaa waardiyaha goobta, wuxuu ka sheekeeyay sida ay wax u dhaceen, isaga oo tilmaamay in Yaasir Cabdullaahi Xirsi (Baakaay) oo ah ninka lagu soo eedeeyay bilaabidda dagaalka uu kusoo furay rasaas, kadibna uu iska difaacay, kana dhaawacay gacanta. “Markii aan gaariga daayay kadib waxaa ii yimid ninkan oo qoray wato kadibna xabad ayuu soo riday anigane naftaada badbaadso ayaan gacanta uga dhaawacay” ayuu yiri Cali Xasan. Eedeysanaha oo isna maxkamadda kahor hadlay ayaa qirtay inuu rasaas furay, balse waxa uu sheegay in aanu caddeyn karin in rasaastaas ay haleeshay marxuumka. “Dhib ayaa meesha ka dhacay oo buuq ah askar meesha joogtay ayaan is qabsanay sidaas aawgeed ayaa xabadaha u riday” ayuu isna ku jawaabay eedeysane Yaasir Cabdullaahi Xirsi (Baakaay). Sidoo kale wuxuu sii raaciyay “Ma caddeyn karo cidda dishay marxuumka iyo inay ku dhaceen xabadaheyga, ninkaas nin walaalkey ah ayuu ahaa oo aan isku koorsa ahayn wax dagaal ahna nagama dhexeynin”. Waxaa sidoo kale goobta la keenay marqaatiyeyaal kala duwan oo goobjoog ahaa, kuwaas oo ay wareystay maxkamadda ciidamada qalabka sida ee Soomaaliya. Intaas kadib xeer ilaalinta ayaa dalbaday in eedeysane Yaasir Cabdullaahi Xirsi (Baakaay) lagu xukumo dil toogasho ah, dhanka kalena lasii daayo Cali Xasa Cali oo ay sheegtay in aanu laheyn wax dambe ah. Ugu dambeyn guddoomiyaha maxkamadda Xasan Cali Nuur (Shuute) oo fadhigga soo xiray ayaa ku dhowaaqay go’aanka, wuxuuna sheegay in Yaasir Cabdullaahi Xirsi (Baakaay) lagu xukumay dil toogasho ah, halka uu amray in xorriyaddiisa lasiiyo Xasan Cali Xasan oo ay maxkamadda u aqoonsatay difaacu nafsi, una taagnaa shaqada loo igmaday ee qaranka. The post Muqdisho: Muuqaal argagax leh iyo toogasho toos ah + Go’aan appeared first on Caasimada Online.

The United Arab Emirates has mediated an exchange of 206 prisoners of war between Russia and Ukraine, Emirati state news agency WAM said on Saturday. Source: Hiiraan Online

459756032_838507201703504_5074613200353119115_n Qaran News

Baydhaba (Caasimada Online) – Madaxweynaha dowlad goboleedka Koonfur Galbeed Soomaaliya, Mudane Cabdicasiis Xasan Maxamed (Laftagareen) oo weli xiisad xoogan ay kala dhexeyso dowladda dhexe ayaa maanta qaaday tallaabo kale, wuxuuna kulan deg-deg ah isugu yeetay Senatorada Koonfur Galbeed ku metala Golaha Aqalka Sare Soomaaliya. Kulanka oo ahaa mid xasaasi ah ayaa ka dhacay xarunta madaxtooyada magaalada Baydhabo, iyada oo looga hadlay arrimo xasaasi ah oo ku aadan xaaladda dalka. Qoraal kooban oo kasoo baxay xafiiska madaxweyne Laftagareen ayaa waxaa lagu sheegay in kulankan diiradda lagu saaray arrimo ay kamid yihiin xaaladda siyaasadeed ee ka taagan dalka, arrimaha ammaanka iyo sidoo kale hormarinta bulshada ku dhaqan Koonfur Galbeed. “Madaxweynaha Dowladda Koonfur Galbeed Mudane Cabdicasiis Xasan Maxamed Laftagareen ayaa kulan gaar ah la qaatay Xildhibaanada Aqalka Sare ee Baarlamaanka Dalka Deegan Doorashadoodu ay Tahay Koonfur Galbeed. Madaxweyne Laftagareen iyo Xildhibaanada Aqalka Sare ayaa ka wada hadlay Arimaha Taagan ee Siyaasada Dalka, Hormarinta Bulshada iyo Amniga Guud ee Deeganada Koonfur Galbeed” ayaa lagu yiri warsaxaafadedka. Dhaq-dhaqaaqa ay hadda bilaabeen Senetorada kasoo jeeda Koonfur Galbeed waxaa uga sii horeeyay xildhibaannada maamulkaas ee ku jira Golaha Shacabka oo 25 kamid ah ay si toos ah u taageereen shacabka Koonfur Galbeed ee u dibadbaxay ciidamada Itoobiya. Arrimahan ayaa sidoo kale kusoo aadayo, xilli maalin kahor ra’iisul wasaaraha Soomaaliya, Xamza Cabdi Barre uu booqasho ku tegay magaalada Baydhaba ee xarunta KMG ee Koonfur Galbeed, halkaas oo uu kulamo kula yeesheen madaxweyne Cabdicasiis Laftagareen. Inta badan kulamada ayaa waxaa looga hadlay xiisadda u dhexeysa Villa Soomaaliya iyo Koonfur Galbeed , balse ma jirto natiijo rasmi ah oo laga gaaray wada-hadalladaasi. The post Madaxweynaha Koonfur Galbeed oo maanta qaaday tallaabo kale + Sawirro appeared first on Caasimada Online.

Hargeysa (Caasimada Online) – Koomiishanka doorashooyinka Somaliland ayaa maanta tallaabo u qaaday doorashada maamulkaasi, waxaana shahaadooyinka musharraxinimo uu guddoonsiiyay musharixiinta u taagan madaxweynaha ee maamulkaasi. Munaasabad ka dhacday magaalada Hargeysa ayaa waxaa shahaadada musharraxinimo ku qaatay saddexda musharrax ee xisbiyada Somaliland oo kala ah Madaxweynaha Somaliland Muuse Biixi Cabdi,oo ka sharaxan xisbiga Kulmiye, Cabdiraxmaan Maxamed Cabdillaahi Cirro, oo ka sharaxan xisbiga Waddani iyo Faysal Cali Waraabe oo ka sharaxan xisbiga UCID . Sidoo kale saddexdaan xisbi iyo sidoo kale ururada kala ah Kaah, Hilaac, Barwaaqo, Rajo, Talo Wadaag, Shacabka iyo Horseed ayaa loo ogolaaday in ay ka qaybgalaan doorashada ururada oo ku lamaanan doorashada madaxtooyada. Diyaargarow xoogan ayaa haatan ka socda Somaliladn, kaas oo ku aadan doorashooyinka isku sidkan ee dhici doona 13 -ibsha November, kuwaas oo si weyn loogu loolami doono. Sida qorshuhu yahay olola doorashada ayaa si rasmi ah u bilaabmi doono soo socota ee October, iyada oo musharixiinta saddexda ah ee is diiwaangeliyay ay u tartami doonaan xilka madaxweynaha, halka ay madaxda ururaduna isku dayi doonaan in ay ururadooda u raadiyaan cod gaarsiiya xisbinimo. Muddo dheer ayaa waxaa khilaaf xoogan uu ka taagnaa doorashada Somaliland, kaas oo sababay in muddo laba sano ah dib looga dhaco waqtigii loo asteeyay doorashadaasi. Si kastaba, Somaliland ayaa hada u diyaar garoobeyso doorasho xasaasi ah oo ay ku loolami doonaan xisbitada talada haya Kulmiye oo wajihi doona Wadani iyo UCID. The post Wararkii ugu dambeeyay ee doorashada S/Land + Sawirro appeared first on Caasimada Online.

Madaxweynah maamulka Puntland Mudane Siciid Cabdullaahi Deni iyo Madaxweynaha Galmudug Mudane Axmed Cabdi Kaariye (Qoorqoor) ayaa si wadajir ah waxa ay u fureen shirweynaha Dardargelinta Nabadaynta Gobolka Mudug. Shirka waxaa ka soo qayb galay Odeyaasha dhaqanka, Culimada, Ganacsatada, Dhallinyarada, Haweenka, Maamulka heer Gobol iyo Degmo ee labada dhinac iyo xubnaha labada Gole ee Dowladda Puntland iyo Dowladda Galmudug. Shirku intuu socdey waxaa lagu lafa-guray muhiimadda nabadda, wadda-noolaanshaha, Isdhexgalka bulshada, wax wada-lahaanshaha iyo faa’iidooyinka ku jirta guud ahaan Bulshada ku nool Gobolka Mudug. Ugu danbayn waxaa shirka ka soo baxay war-murtiyeedkan hoos ku xusan; Shirku wuxuu soo jeediyey in si bilaa shuruud ah loo joojiyo dagaalka beelaha Dir iyo Shiikhaal islamarkaana dhakhso loo furo wada-hadaladii nabadaynta ee labada beelood. Shirku wuxuu go’aamiyey in si deg deg ah dib loogu furo gogosha nabadaynta beelaha walaalaha ah ee Sacad iyo Leelkase. Shirku wuxuu bogaadiyey dhammaan dedaalladii looga shaqaynayey nabadaynta Gobolka Mudug. Shirku wuxuu garowsaday muhiimadda ay u leedahay nabaddu Horumarinta iyo wada noolaanshaha bulshada Gobolka Mudug. Shirku wuxuu soo jeedinayaa in ay Hay’adaha garsoorka ee labada maamul ka wada shaqeeyaan dhacdooyinka labada dhinac saameynaya. Si loo xoojiyo nabadda iyo badqabka muwaadinka, Shirku wuxuu soo jeediyey in wixii maanta ka danbeeya qofkii qof dila la horgeeyo ha’yadaha garsoorka si caaddaladda loo mariyo. Shirku wuxuu farayaa odayaasha dhaqanka ee Gobolka Mudug in ay mudo 120 casho ah ku xalliyaan dhammaan kiisaskii hore u taagnaa ee caqabadda ku ahaa nabadda. Shirku wuxuu go’aamiyey in dib loo howlgeliyo lana tayeeyo Guddigii Odayaasha dhaqanka ee labada dhinac ee ka shaqayn jirey nabadda Gobolka tiradoodana lagu soo koobo 30 xubnood, islamarkaana la dardargaliyo guddiyada kale ee Nabadda Gobolka Mudug. Shirku wuxuu go’aamiyey in la tayeeyo lana dardageliyo howlgaladii dhanka amniga ee ay wadeen ciidamadii isku-dhafka ah ee Gobolka Mudug. Shirku wuxuu go’aamiyey in si wadajir ah looga hor-tago dhammaan shaqaaqooyinka iyo ficilladda liddiga ku ah amniga iyo xasilloonida bulshada ku nool Gobolka Mudug. Shirku wuxuu u xilsaaray fullinta qodabada ka soo baxay shirka, Guddiga Amniga ee isku dhafka ah, Hay’adaha Amniga ee labada maamul iyo Guddigii Odayaasha dhaqanka labada dhinac ee ka shaqeeya nabadda Gobolka Mudug. Source: goobjoog.com

Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) oo uu wehliyo Guddoomiye Kuxigeenka Labaad ee Golaha Shacabka Mudane Cabdullaahi Cumar Abshirow ayaa shir guddoomiyay kulanka 22-aad kalfadhiga 5-aad ee Golaha Shacabka. Ajendaha kulanka ayaa ahaa aqrinta koowaad Heshiiska Qaramada Midoobay ee Ladagaalanka Dambiyada Abaabulan ee isaga gudba Qaramada iyo Baratakooladiisa, qaraar ku saabsan habraaca dhismaha iyo ansixinta hay’adaha madaxa banaan ee dowladda iyo labo qeybin oo kala ahaa Hindise Sharciyeedka Hanaanka Lacag Bixinta Qaranka iyo sharciga wax ka bedelka Sharciga Ka-hortaga Lacag-dhaqida iyo Maalgelinta Argagixisada. Wasiirka Wasaaradda Cadaaladda iyo Arrimaha Dastuurka ee Xukuumadda Federaalka Soomaaliya Mudane Xasan Macallin Maxamuud ayaa mudanayaasha Golaha Shacabka faah faahin ka siiyay Heshiiska Qaramada Midoobay ee La-dagaalanka Dambiyada Abaabulan ee isaga gudba Qaramada iyo Baratakooladiisa. Xildhibaanada Golaha Shacabka ayaa aragtidooda ka dhiibtay heshiiskan, muhiimada uu qaranka u leeyahay iyo saameynta uu yeelan karo. Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) ayaa sheegay in heshiiskan lagu wareejiyay Guddiga Arrimaha Dibadda iyo Iskaashiga Caalamiga ah ee Golaha Shacabka si ay u marsiiyaan habraacyada u dhiman. Sidoo kale Xildhibaanadda Golaha Shacabka ayaa akhrinta koowaad marsiiyay qaraar ku saabsan habraaca dhismaha iyo ansixinta hay’adaha madaxa banaan ee dowladda, waxaana faahfaahinta qaraarkan golaha la wadaagay Xildhibaan Dr. Cilmi Maxamuud Nuur. Intaasi ka dib mudanayaasha Golaha Shacabka oo cod u qaaday qaraarkan ayaa waxaa ogolaatay 149-Xildhibaan, afar xildhibaan ayaa diiday hal Xildhibaanna waa uu ka aamusay sida uu sheegay Guddoomiye Sheekh Aadan Madoobe oo kulanka soo xiray. Source: goobjoog.com

Madaxweynaha Puntland Siciid Cabdullaahi Deni iyo Madaxweynaha Galmudug Axmed Cabdi Kaariye (Qoorqoor) ayaa maanta oo Sabti ah si wadajir ah u furay shirweynaha dardargelinta Nabadaynta Gobolka Mudug. Shirka waxaa ka soo qayb galay Odeyaasha dhaqanka, Culimada, Ganacsatada, Dhallinyarada, Haweenka, Maamulka heer Gobol iyo degmo ee labada dhinac iyo mas’uuliyiinta labada gole ee Puntland iyo Galmudug. Shirku intuu socdey waxaa lagu lafa-guray muhiimadda nabadda, wadda-noolaanshaha, Isdhexgalka bulshada, wax wada-lahaanshaha iyo faa’iidooyinka ku jirta guud ahaan Bulshada ku nool Gobolka Mudug. Ugu danbayn waxaa shirka ka soo baxay war-murtiyeedkan hoos ku xusan; 1. Shirku wuxuu soo jeediyey in si bilaa shuruud ah loo joojiyo dagaalka beelaha Dir iyo Shiikhaal islamarkaana dhakhso loo furo wada-hadaladii nabadaynta ee labada beelood. 2. Shirku wuxuu go’aamiyey in si deg deg ah dib loogu furo gogosha nabadaynta beelaha walaalaha ah ee Sacad iyo Leelkase. 3. Shirku wuxuu bogaadiyey dhammaan dedaalladii looga shaqaynayey nabadaynta Gobolka Mudug. 4. Shirku wuxuu garowsaday muhiimadda ay u leedahay nabaddu Horumarinta iyo wada noolaanshaha bulshada Gobolka Mudug. 5. Shirku wuxuu soo jeedinayaa in ay Hay’adaha garsoorka ee labada maamul ka wada shaqeeyaan dhacdooyinka labada dhinac saameynaya. 6. Si loo xoojiyo nabadda iyo badqabka muwaadinka, Shirku wuxuu soo jeediyey in wixii maanta ka danbeeya qofkii qof dila la horgeeyo ha’yadaha garsoorka si caaddaladda loo mariyo. 7. Shirku wuxuu farayaa odayaasha dhaqanka ee Gobolka Mudug in ay mudo 120 casho ah ku xalliyaan dhammaan kiisaskii hore u taagnaa ee caqabadda ku ahaa nabadda. 8. Shirku wuxuu go’aamiyey in dib loo howlgeliyo lana tayeeyo Guddigii Odayaasha dhaqanka ee labada dhinac ee ka shaqayn jirey nabadda Gobolka tiradoodana lagu soo koobo 30 xubnood, islamarkaana la dardargaliyo guddiyada kale ee Nabadda Gobolka Mudug. 9. Shirku wuxuu go’aamiyey in la tayeeyo lana dardageliyo howlgaladii dhanka amniga ee ay wadeen ciidamadii isku-dhafka ah ee Gobolka Mudug. 10. Shirku wuxuu go’aamiyey in si wadajir ah looga hor-tago dhammaan shaqaaqooyinka iyo ficilladda liddiga ku ah amniga iyo xasilloonida bulshada ku nool Gobolka Mudug. 11. Shirku wuxuu u xilsaaray fullinta qodabada ka soo baxay shirka, Guddiga Amniga ee isku dhafka ah, Hay’adaha Amniga ee labada maamul iyo Guddigii Odayaasha dhaqanka labada dhinac ee ka shaqeeya nabadda Gobolka Mudug. PUNTLAND POST The post Gaalkacyo: Puntland iyo Galmudug oo si wadajir ah u go’aamiyay in Tiirka la geeyo qofkii dila qof kale appeared first on Puntland Post.

Ruushka ayaa qaaday tallaabo aan horey loo arag, kaddib markii diyaaradihiisa sahanka badda ee Tu-142 uu gudaha u geliyay meel aan ka fogeyn hawada Mareykanka, Canada, Jarmalka, Japan illaa Kuuriyada Koonfureed, waa mid ka mid ah dhaqdhaqaaqii ugu weynaa ee militari oo uu sameynayo Ruushka tan iyo dagaalkii qaboobaa. Taliska difaaca cirka ee waqooyiga Ameerika (NORAD) oo ay ku mideysanyihiin Mareykanka iyo Canada , waxay sheegeen 48 -dii saac ee la soo dhaafay laba diyaaradood oo Ruushka leeyahay inay ku duuleen aagga aqoonsiga difaaca cirka Alaska (ADIZ). Balse waxay sheegeen in aysan diyaaradahan gudaha usoo gelin hawada Mareykanka iyo Canada. Ciidanka Jarmalkana waxay sheegeen inay celiyeen diyaaradda Tu-142 oo ay wehelisay diyaaradda Su-30 oo heehaabayay badda Baltic, halka wasaaradda difaaca Japan ay sheegtay in diyaaradda Ruushka ee Tu-142 ay ku duushay badda u dhexeysa Japan iyo Kuuriyada Koonfureed. Khilaafka reer galbeedka iyo dalalka ay taageerraan oo dhinac ah iyo Ruushka ayaa meel sare gaaray , iyadoo laga digayo ficillada labada dhinac inay ka dhashaan iska horimaad, wax walba ayaa sare mari kara haddii NATO ay oggolaato Ukraine inay gantaallada riddada dheer ku garaacdo gudaha dhulka Ruushka oo la arko dab qabsaday saldhigyada militari ee Ruushka. PUNTLAND POST The post Ruushka oo qaaday tallaabo militari oo khatar gelisay Maraykanka iyo dalal kale appeared first on Puntland Post.

Muqdisho (Caasimada Online) – Odayaasha Dhaqanka Beelaha Mogadishu Clan oo warsaxaafadeed soo saaray ayaa u jawaabay Xildhibaan Yuusuf Geelle (Dhagey) oo ka tirsan mudanayaasha Golaha Shacabka oo dhowaan raalligelin siiyay odayaasha. Ugaas Dhagey oo kamid ahaa xildhibaano isku howlay xallinta xiisaddii ka dhalatay hadalladii kasoo baxay xildhibaannadii taageeray Itoobiya ayaa shir jaraa’id uu ku qabtay Muqdisho uga hadlay arrimo la xiriiray xiisaddaas oo si weyn u laba qaraxday. “Waxaan rabaa inaan ka hadlo waxqabadkii maalmahan aan ka shaqeyneynay annaga oo u istaagnay aniga iyo xildhibaanno kale in mad-madow aan dhammeyno oo ka dhex jiray baarlamaanka ayaa haddane arrintaas waxa ay keentay dhinaca kale teamka kale oo odayaal ah inay si kale u arkaan” ayuu horay u yiri Xildhibaan Yuusuf Geelle Ugaas. Intaas kadib waxaa soo jawaabay odayaasha dhaqanka beelaha Mogadishu Clan oo maanta warsaxaafadeed soo saaray, waxayna sheegeen inay aqbaleen raalli-geinta xildhibaanka. Sidoo kale waxay u mahadceliyeen dhammaan xildhibaannada beelaha Mogadishu Clan ee ku jira labada Gole ee baarlamaanka federaalka Soomaaliya. “Odayaasha Dhaqanka Beelaha Mogadishu Clan waxa aqbaleen raalli-galintii Xildhibaan Yuusuf Geelle Ugaas (Ugaas Dhagay) sidoo kale waxay u mahadcelinayaan dhammaan Xildhibaannada siyaasadda ku metala beesha” ayaa lagu yiri qoraalka Odayaasha. Waxaa kale oo lasii raaciyay “Odayaasha ayaa si gaar ah ugu mahadceliyay Xildhibaan Ugaas Yuusuf Geelle (Ugaas Dhagay) waayo aragnimadiisa iyo xogaalnimadiisa sodon iyo dhowrkii sano ee dalkan soo maray, sidoo kale waxay ku dhiirogelinayaan dadaalkiisa odaytinimo” Ugu dambeyn odayaasha Mogadishu Clan ayaa dadka Soomaaliyeed ugu baaqay midnimo iyo in si wadajir ah meel looga soo wada jeesto cadowga dalka, maadaama ay taagan tahay xiisad culus. The post Odayaasha beelaha Mogadishu Clan oo war culus soo saaray, una jawaabay Yuusuf Geelle appeared first on Caasimada Online.

Koomiishanka Doorashooyinka Somaliland ayaa shahaadooyinka musharaxnimo guddoonsiiyay musharixiinta madaxweynaha, xili uu meel sare marayo u diyaar garowga doorashooyinka isku sidkan ee dhici doona 13 November. Madaxweynaha Somaliland Muuse Biixi Cabdi, oo ka sharaxan xisbiga Kulmiye, Cabdiraxmaan Maxamed Cabdillaahi Cirro, oo ka sharaxan xisbiga Waddani iyo Faysal Cali Waraabe, oo ka sharaxan xisbiga UCID ayaa saaka shahaadooyinka aqoonsiga musharixiinta u doontay xarunta koomiishanka. Dhinaca kale, saddexda xisbi ee Kulmiye, Waddani iyo UCID, iyo todoba urur siyaasadeed oo kala ah Kaah, Hilaac, Barwaaqo, Rajo, Talo Wadaag, Shacabka, iyo Horseed ayaa loo ogolaaday in ay ka qaybgalaan doorashada ururada oo ku lamaan doorashada madaxtooyada. Ollolaha doorashooyinka isku lamaan, ayaa bilaabmi doona bishan soo aadan ee October, iyada oo musharixiinta saddexda xisbi ee hore u jiray ay si gaar ah ugu tartami doonaan xilka madaxweynaha, halka ay madaxda ururaduna isku dayi doonaan in ay ururadooda u raadiyaan cod gaadhsiiya xisbinimo. Source

Tartanka IGNITE Food Systems Challenge ayaa lagu qabtay magaalada Muqdisho, iyadoo la adeegsanayo fikradaha cusub ee dhalinyarada si loo dhiso nidaamyada cunnada joogtada ah. Afar ka mid ah tartamayaasha ayaa soo bandhigay fikradahooda si toos ah Muqdisho halka lix ka mid ah tartamayaasha kale ay si fogaan arag ah uga qayb galeen Hargeysa, iyadoo lala kaashanayo HarHub. Tartan lagu qabtay Muqdisho Talaadadii ayaa ka koobnaa toban tartame oo ka soo baxay codsiyo ka badan 120, kuwaas oo soo bandhigay fikradahooda iyagoo sharaxaya ganacsiyadooda iyo bilowga ay ugu adeegayaan xalal wax ku ool ah si loo xalliyo dhibaatooyinka joogtada ah ee sugnaanta cuntada dalka. Tartamayaasha oo ka kala yimid gobollo kala duwan ayaa isku dayay inay qanciyaan garsoorayaasha, iyagoo muujinaya waxa ay qabanayaan iyo qaabka ganacsi ee ay soo bandhigayaan haddii ay guuleystaan. Kadib dood dheer garsoorayaashu waxay doorteen 5 ka mid ah tartamayaasha – SomFarm Fresh, Raas Agribusiness Solution, Greenlife Agribusiness, Kaaliye Consulting Group, iyo Ruman Integrated Farm. Tartamayaasha waxaa loo doortay xalalkooda hal-abuurka leh, iyagoo bixiya habab loo yaqaan ‘locally-led’ si looga hortago dhibaatooyinka nidaamyada cunnada ee Soomaaliya. Kooxda Kaaliye Consulting waxay taageertaa iskaashatada iyada oo loo marayo horumarinta awoodda waxayna doonaysaa inay beddesho iskaashatada iyadoo bixisa hab isku-dhafan oo gaar ah iyadoo loo marayo Nidaamka Maareynta Iskaashatada (CMS). CMS waa barnaamij lagu xoojiyo ururka, maaraynta iyo howlgallada maalinlaha ah ee iskaashatada iyadoo la hubinayo diiwaangelin wax ku ool ah, helitaanka iyo hawlgallada maalinlaha ah. Kaaliye waxay sheegtay inay la shaqeyneyso shan Hay’adaha Maaliyadda Micro ee Soomaaliya si ay u taageeraan una ballaariyaan helitaanka maaliyadda. Shirkaddu waxay sidoo kale tababartay oo taageertay 12 iskaashato si loo dhiso awooddooda. Shirkaddu waxay tan iyo markii ay bilowday soo saartay $200,000. Raas Agri-Business Solution sidoo kale waxay ku guuleysatay oo ay ka mid noqotay shanta ugu sareysa. Waa shirkad gaar loo leeyahay oo bixisa xalal gaar ah oo ku saabsan beeraha. Shirkadda, oo ku taal Muqdisho, waxay bixisaa dhismaha iyo maaraynta greenhouse-yada, rakibida biyaha iyo irrigation-ka, qurxinta, iyo la-talin ku saabsan beeraha. Raas waxay sheegtay inay abuurtay 60 shaqo oo waqti buuxa ah oo ay si toos ah u taageerto 360 qof iyada oo loo marayo xalalka beeraha. Shirkaddu waxay qorsheyneysaa inay dhisto 20 greenhouse oo ay tababarto beeraleyda la xushay. Raas waxay dooneysaa inay wax soo saarto ilaa 497 metric tonnes oo khudaar ah. Raas waxay xiiseysaa inay ‘beddelato qaybta beeraha Soomaaliya iyadoo la siinayo tiknoolajiyadaha ku habboon cimilada iyada oo loo marayo iskaashiyo istiraatiiji ah, moodelada cusub sida maalgelinta iibiyaha iyo diiradda saarista bulshada liidata.’ Ruman Integrated Organic Farm waa shirkad xalal organic ah oo ku taal aagga Arabsiyo ee Somaliland. Waxay taageertaa beeraleyda yar yar ee inta badan ay haween iyo dhalinyaro leeyihiin iyada oo horumarisa xirfadahooda, iyo bixinta kirada qalabka iyo adeegyo kale. Ruman waxay sheegtay inay la timid xalinta caqabadaha aqoon la’aanta farsamada ee beeraleyda iyo helitaanka teknoolojiyada iyo qalabka beeraha ee casriga ah, Si looga hortago caqabadahan, Ruman waxay tababartaa beeraleyda dhaqamada beerashada ugu fiican waxayna siisaa taayirrada qiimaha $20 maalintii. Shirkaddu oo leh siddeed shaqaale joogto ah ayaa sidoo kale si firfircoon uga qayb qaadata beerashada dalagga iyadoo soo saaraysa 15 metric tonnes. Waxay qorsheyneysaa inay tababarto oo taageerto ilaa 10,000 beeraley. SomFarm Fresh oo ka socota Hargeysa ayaa sidoo kale ka mid noqday shanta guuleystayaal ee Tartanka IGNITE Food Systems Challenge. Waxaa la aasaasay sanadkii 2016, SomFarm waxay ku takhasustay nidaamyada keydinta qabow. Waxay qabataa kala soocidda, xirmidda, qaboojinta, iyo qaybinta khudaar iyo miro. Hadda, shirkaddu waxay bixisaa taageero keydinta qabow oo labadaba beeraleyda ganacsi si ay u yareeyaan khasaaraadka kadib goosashada iyo inay hubiyaan sahayda maalinlaha ah ee suuqa. SomFarm waxay qorsheyneysaa inay dhisto xarumo keydinta dheeraad ah oo ay ku dhigto qiimo dhan $1 per ton muddo seddex maalmood ah oo lagu daro iibinta iyo qaybinta khudaarta iyo miraha. Garsoorayaashu waxay sidoo kale doorteen Greenlife Agribusiness Ltd sidii mid ka mid ah guuleystayaasha tartanka. Shirkaddu waxay bixisaa xalal beerashada organic ah iyo sidoo kale soo saarista khudaar lagu iibiyo. Iyadoo lagu wargeliyey baahida loo qabo ka hortagga burburka ciidda iyo qiimaha sare ee bacriminta aan organic ahayn, Greenlife waxay bilowday dib-u-warshadaynta qoryaha qumbaha si loogu isticmaalo sida dheecaanka koritaanka. Ilaa 200 beeraley ayaa hadda isticmaalaya dheecaankan si ay u kordhiyaan wax soo saarkooda. Shanta guuleystayaal waxay galayaan marxaladda xigta oo ah tababar 3 bilood ah oo loogu talagalay inay horumariyaan xalalkooda. Waxay heli doonaan hageyn si ay u tijaabiyaan xalalkooda, la shaqeeyaan dadka isticmaala iyo inay ballaariyaan shabakadooda. Wakiilka iyo Agaasimaha Qaramada Midoobay ee Barnaamijka Cuntada adduunka (WFP) ee Soomaaliya El-Khidir Daloum ayaa sheegay in Tartanka IGNITE Food Systems Challenge uu ku saabsan yahay aqoonsiga, taageeridda, iyo awood-siinta ganacsatada Soomaalida gudaha si ay u soo bandhigaan xalal wax ku ool ah oo guryaha laga sameeyay si loo xalliyo dhibaatooyinka nidaamyada cunnada ee deegaanka. Waxa uu xusay muhiimadda ay leedahay wada shaqaynta si loo horumariyo xalalkan, kuwaas oo lagu soo celin karo ama la ballaarin karo. Intii lagu jiray dhacdada, Dr. Sadiyo Siad, rektarka Jaamacadda Teknolojiyadda Hano oo ka mid ahayd guddiga, ayaa ugu baaqday in la soo celiyo mashaariicda noocan oo kale ah si loo hubiyo in Soomaali badan, gaar ahaan haweenka, ay si firfircoon uga qayb qaataan bixinta xalalka dhibaatooyinka dalka. “Waxaan rabnaa inaan aragno mashaariicda cajiibka ah ee tuulo kasta oo Soomaaliya ah. Waxaan u baahanahay inaan aragno haween badan oo soo gala marxaladahaan oo ka faa’iideysta.” Dr. Hodan Osman, La-taliyaha Sare iyo Koordineerka Qaranka ee Horumarinta Aadanaha ee Xafiiska Ra’iisul Wasaaraha ayaa sidoo kale ka hadashay iyada oo sheegtay in ruuxa ganacsi ee Soomaalida la isticmaali karo si loo bixiyo xalalka dhibaatooyinka joogtada ah ee cuntada ee dalka. “Soomaalidu si dabiici ah ayey u tahay ganacsato. Waxaan si dabiici ah u leenahay ruuxa raadinta xalalka hal-abuurka leh ee dhibaatooyinka ugu daran. Dadkeena, gaar ahaan dhalinyarada, waa kuwo adkaysi leh, maskax adag iyo hal-abuur leh.” Source: goobjoog.com

Maxkamad ku taal dalka Sacuudiga ayaa ku xukuntay madaxii hore ee nabadsugidda 20 sano oo xadhig ah kadib markii lagu soo eedeeyay eedeymo musuqmaasuq. General Khaalid Bin Qarar Al-Xarbi ayaa sidoo kale lagu ganaaxay lacag dhan rubac milyan oo dollar, waxaana lagu xukumay inuu bixiyo saddex milyan iyo badh doollar oo laaluush ah iyo hanti la lunsaday. Agaasimihii hore ee amniga oo xilkan hayay muddo lix sanno ku dhow ayaa lagu helay dambiyo ah been abuur, laaluush qaadasho lacageed iyo ku takri falid dano gaar ah. Xukunku ayaa ah mid kama dambays ah oo aan rafcaan laga qaadan karin. Wasaaradda arrimaha gudaha Sacuudiga ayaa carabka ku adkeysay in dowladdu ay sii wadi doonto la dagaallanka musuqmaasuqa noocyadiisa kala duwan. Source

Spain oo martigelinaysa shir heerkiisu sareeyo oo ay isugu yimaadeen dalal badan oo Muslimiin ah iyo Yurub, kaas oo lagaga hadlayay sidii loo soo afjari lahaa dagaalka Gaza, ayaa ku baaqay in la sameeyo jadwal cad oo beesha caalamku ay ku dhaqangelinayaan xal laba dawladood ah oo laga gaadho colaadda Israa’iil iyo Falastiin. “Waxaan u kulmaynaa inaan sameyno dadaal kale oo lagu joojinayo dagaalka Gaza, si looga baxo rabshadaha aan dhammaadka lahayn ee u dhexeeya Falastiiniyiinta, Israa’iiliyiinta… Habkaas waa cad yahay, waa hirgelinta xalka labada waddan oo kaliya,” Wasiirka arrimaha dibadda Spain Jose Manuel Albares ayaa u sheegay warfidiyeenka. Waxaa ka soo qeyb galay dhiggiisa oo ay ka mid yihiin Norway iyo Slovenia, madaxa siyaasadda arrimaha dibadda ee Midowga Yurub Josep Borrell, Ra’iisul Wasaaraha Falastiin Maxamed Mustafa, xubno ka socday kooxda xiriirka Carabta iyo Islaamka ee Gaza oo ay ku jiraan Masar, Sacuudi Carabiya, Qatar, Jordan, Indonesia, Nigeria iyo Turkiga. Albares ayaa sheegay in ay jirto “rabitaan cad” oo ka mid ah ka qaybgalayaasha, kuwaas oo si gaar ah aan loogu darin Israa’iil, “in laga gudbo erayada iyo ficillada iyo in la sameeyo tallaabooyin loo qaadayo jadwal cad oo loogu talagalay hirgelinta wax ku oolka ah” ee xalinta khilaafka labada dal, oo uu ugu horeeyo, Falastiin oo ku biirtay Qaramada Midoobay. Source

Madaxweynaha Mareykanka Joe Biden ayaa Jimcihi shalay Aqalka Cad kula kulmay Ra’isul wasaaraha Britain Keir Starmer, iyaga oo laba hoggaamiye ka wada hadlay taageerada ay u hayaan Ukraine iyo Israel iyo ammaanka mandiqadda la isku yiraahdo Indo-Pacific. Biden ayaa u sheegay Starmer in Mareykanka ay ka go’antahay in uu Ingiriiska ku garab istaago taageeridda Ukraine si ay isaga difaacaan buu yidhi duullaanka gardarrada ah ee Ruushka. Biden ayaa intaasi raaciyay “Way caddahay in Putin aanu ku guulaysan doonin dagaalkan”. Kulankan ayaa imanaya xilli xulafada reer Galbeedka ay ka fakarayaan sidi ay u baddali lahaayeen siyaasaddooda ku aadan taageerada Ukraine, isla markaana doonaya in Ukraine ay u ogolaadaan in ay dagaalka ay kula jirto Ruushka u adeegsato gantaallada riddada dheer ee ay ugu deeqeen dowladaha Mareykanka iyo Ingiriiska. Madaxda Mareykanka iyo Britain ayaa sidoo kale ka wada xaajooday rajada laga qabo xabbad-joojin laga gaaro dagaalka Gaza ee Isra’il iyo Xamaas. Madaxweyne Biden ayaa billowgi kulanka ka dhacay Aqalka Cad ka sheegay, in ay ka hadli doonaan dadaallada lagu rabo in laga miro dhaliyo heshiiska xabbad-joojinta, si buu yiri loo soo daayo la heystayaasha ila markaana loo gaadho xabbad-joojin deg deg ah, taasoo ay raaci doonto buu yiri gargaar bani’aadannimo oo la geyn doono Gaza. Kulanki Jimcihi ayaa ahaa kii labaad oo ay si fool-ka-fool ah u yeeshaan Biden iyo Starmer, tan iyo inti uu xafiiska looga taliyo Britain tagay ra’isul wasaaraha cusub bishi July. Source

Waxaa la sheegay in Jarmalka uu albaabada u furayo 250 kun oo shaqaale Kenyan ah. Waxaa la sheegay in 250,000 oo shaqaale Kenyan ah oo qeyb ahaan iyo tabobar dhameystiran ay u gudbi doonaan dalka Jarmalka sida uu dhigayo heshiiska shaqo ee ay wada gaadheen dowladda Kenya iyo Jarmalka. Waxaa la isku raacay in la dabciyo sharciyada socdaalka dalka si loo shaqaaleysiiyo shaqaale Kenyan ah oo ka shaqeeya dhaqaalaha ugu weyn Yurub ee Jarmalka. Kenya ayaanan u suurta galin in ay abuurto fursado shaqo oo ay helaan dhalinyarada xirfadleyda ah ee dalkeeda ku nool, isla markaana ay helaan dakhli ku filan, halka Jarmalka laftigiisu lagasoo sheegayo shaqo la’aan daran. Shan darawal oo bas ah ayaa loo diray Flensburg ee waqooyiga Jarmalka si ay u tijaabiyaan mashruuca. Mid ka mid ah siyaabaha ugu muhiimsan ee ay dowladda cusub u qaaday dhimista tirada dadka sida sharci darrada ah ku gala dalka waxaa ka mid ah heshiiska socdaalka oo ay la gashay dalalka kale. Heshiiskan ayaa la sheegay inuu fududeynayo soo celinta dadka Kenyanka ah ee ku nool dalka Jarmalka, iyagoo aan heysan ogolaansho sharci ah. Arinta soo galootiga sharci darada ah ayaa dhibaato weyn ku noqotay dowlada dalkaasi,kadib markii uu dalka Jarmalka ka bilowday dhaq-dhaqaaqa xisbiga Alternative for Germany (AfD). Dowladihii kala dambeeyay ee Berlin ayaa u ogolaaday tiro badan oo magangalyo doon ah inay helaan sharciyo. Jarmalka waxa uu qaatay 1 milyan oo qof 2015-2016 sababtoo ah tirada badan ee muhaajiriinta ka dib dagaalka Suuriya, iyo 1.2 milyan oo reer Ukraine ah ka dib dagaalkii Ukraine iyo Ruushka. Source

Taageerayaasha Cristiano Ronaldo ee akoonada uu ku leeyahay Baraha bulshada ayaa gaadhay 1 bilyan– taas oo ka dhigaysa qofkii ugu horreeyay ee gaadha tiradaas Xisaabta tiradaas ayaa ah marka la isku daro wadarta tirada taageerayaasha Instagram, Facebook, Twitter, YouTube, iyo baraha bulshada Shiinaha ee Weibo iyo Kuaishou. kama dhigna in hal bilyan oo qof in ay ku xidhanyihiin, maadaama dad badani ay kaga xidhanyihiin meelo badan, qaarkood ayaa waxay noqon karaan xisaabaad been abuur ah. Si kastaba ha ahaatee khabiirka warbaahinta bulshada Paolo Pescatore, oo ka socda PP Foresight, ayaa ku tilmaamay “tira yaab leh” in warbaahinta iyo shirkaduhu ay fiiro gaar ah u yeelan doonaan. “Waa guul, waxa uuna hoosta ka xariiqay cisbeddelka dheeradka ah ee ka dhacaya warbaahinta.” Waxay taasi muujineysa “awoodda lagu gaadhi karo dhagaystayaal cusub, oo da’yara, wuxuuna u mahadcelinay tignoolajiyada”, sida uu u sheegay BBC. Garoonka dhexdiisa, Ronaldo ayaa caan ku ahaa xafiiltanka kala dhaxeeyo xiddigga reer Argentina ee Lionel Messi. Laakiin marka laga reebo, ma jirto tartan loogu jiro cidda ku guulaysaneysa tartanka baraha bulshada – Messi waxa uu haystaa 623 milyan oo taageerayaal ah. Source

Qaran News

Ra’iisul Wasaare Ku-Xigeenka Xukuumadda Federaalka Soomaaliya, Mudane Saalax Axmed Jaamac ayaa maanta daahfuray Bandhigga Dalxiiska Soomaaliya oo ay soo qaban qaabisay Wasaaradda Warfaafinta, Dhaqanka iyo Dalxiiska Xukuumadda Soomaaliya. Sidoo kole Bandhiggaan waxaa ka qayb galay wasiirro ka tirsan xukuumadda, wakiillo ka socda Midowga Afrika, turkiga iyo martisharaf kale. Sanad kasta maanta oo kole ayaa loo asteeyay Maalinta Dalxiiska Soomaaliya, waxaana lagu soo bandhigaa goobaha ku wacan dalxiiska dalkeenna iyo fursadaha Maagashi si loo hormariyo dalxiiska. Source: goobjoog.com

Hargeisa (HOL) — The Somaliland Electoral Commission has officially awarded candidacy certificates to three presidential candidates as preparations for the upcoming elections in November intensify. Source: Hiiraan Online

Muqdisho (Caasimada Online) – Dagaalka siyaasadeed ee haatan u dhexeeya dowladda federaalka Soomaaliya iyo Puntland ayaa kasii daray, kaas oo saameeyay wada-shaqeyntii iyo xiriirkii magaalooyinka Muqdisho iyo Garoowe oo gebi ahaanba meesha ka baxay. Kala tega dowladda dhexe iyo maamulka Puntland ayaa sii kala fogeeyay arrimo badan oo muhii ah, wuxuuna uga sii daray xaaladda guu ee dalka. Dagaalka haatan wuxuu gaaray meeshii ugu xumaa, waxaana kusoo biirtay warbaahinta dowladda oo si la yaableh uga hadashay shir xasaasi ah oo xalay madaxweynayaasha Puntland iyo Galmudug ay ku yeesheen waqooyiga magaalada Gaalkacyo ew xarunta gobolka Mudug. Shirka labada maamul ayaa waxaa si gaar ah looga hadlay iskaashiga amniga labada dhinac iyo waxyaabihii ka dhaqan-galay heshiisyadii hore, hayeeshee warbaahinta qaranka oo baahisay wadahadalladan ayaa ka tegtay sawirrada madaxweyne Saciid Dani iyo wasiiradiisa, waxaana ay qaadatay oo kaliya sawirrada safka madaxweyne Qoor Qoor iyo mas’uuliyiintii ku wehlinayay shirkaasi. Arrintan ayaa dhalisay hadal hayn xoogan, waxaana ka falceliyay dad badan oo Soomaaliyeed, kuwaaas oo si wayn u dhaleeceeyay warbaahinta dowladda Soomaaliya. Cabdiraxiin Cismaan ayaa yiri “Dagaal shaanshiyeed war ninka sawwirkiisa maxaa u reebteen Qoor Qoorba waa soo saarteenee mise TV-ga Qqoorta walaalihiis aa leh?”. Siidow Macallin Siidow oo caan ka ah baraha bulshada ayaa isna ku jawaabay “See camal Deni Soomaali ma ahan miyaa walee Tvga Qaranka waa wasaqeyseen?”. Maxamuud Maxamed Diiriye ayaa isaguna su’aal ka keenay arrintan “Oo sawirka madaxwayne Deni maxa uga tagteen?”. Cabdikariin Geelle ” War waxaani colaadin iyo xifaaltan rageed maaha! Waa maxay sawirada halka dhinac ah?!”. Luqmaan Cismaan “Hadhow baa lagu dhihi TV ga qaranka walee waaa la’is bartay. Waqtigiinana waa gabagabo waxaad haystan 1 sano iyo 8 bilood”. Khaliif Jaamac “Sawirkii madaxwayne Saciid Deni maxaad u qariseen oo Qoor Qoor kaliya usoo dhigteen cabsi miyaa wali Ka qabtaan oday Deni”. Tahliil Xuseen Axmed “Waxaani waa fadeexad tii ugu weynayd tv-ga qaranka wuxuu jarey sawirka Deni”. The post Dagaalka DF iyo Puntland oo meel xun gaaray, kadib arrin maanta dhacday appeared first on Caasimada Online.

Dowladda koonfurta Sudan ayaa ku dhawaaqday in dib loo dhigay doorashadooyinkii qaran ee dalkaas ka dhici lahaa, ayadoo madaxtooyadu ay shaacisay in doorashadu ay qabsoomi doonto bisha December ee sanadka 2026. Warka ay dowladda soo saartay ayaa lagu sheegay in madaxweynaha dalkaas Salva Kiir Mayardit muddo kordhin laba sano ah loo samaynayo, sidoo kalena dib loo dhigay doorashada, taasoo markii hore loo qorsheeyay inay dhacdo December 2024. Koonfurta Suudaan ayaa nabad-gelyo iyo xasillooni ku jirtay tan iyo markii heshiis sanadkii 2018 la gaaray uu soo afjaray colaad socatay shan sano ah, taas oo sababtay dhimashada boqolaal kun oo qof, balse suurta-gelinta jawi doorasho ayaan weli ka muuqan dalkaas, ayadoo madaxweyne Salva Kiir uu xafiiska joogay in ka badan 12 sano. Si kastaba ha ahaatee warka ka soo baxay madaxtooyada Jubba ayaa lagu sheegay in loo baahanyahay ammin/waqti dheeraad ah oo lagu dhammaystiri karo howlaha muhiimka ah ee doorashada la xariira. Source: goobjoog.com

Dowladda Sweden ayaa ku dhawaaqday in ay lacag malaayiin dollar ah ku dhiirigelineyso qaxootiga ay ku jiraan Soomaalida doorta inay dalalkooda iskood ah ugu laabanayaan. Talaabadan oo la dhaqan galin doono laga bilaabo sanadka 2026, ayaa galootiga si iskood ah uga taga Sweden waxay ku heli doona lacag dhan 350,000 oo karoon Swedish ah, taas oo u dhiganta ilaa $34,000 oo deeq ah, sida ay sheegtay shabakadda Channels News. Qorshahan ayaa qayb ka ah siyaasadda cusub ee ay waddo dowladda, taas oo lagu dhimayo dadka soogalootiga ah iyo wax ka qabashada caqabadaha la xiriira isdhexgalka bulshooyinka. Xisbiga Ra’iisul Wasaaraha Ulf Kristersson ee Sverigedemokraterna oo xukunka qabtay 2022 ayaa bilihii la soo dhaafay u ololeynayay in la adkeeyo kantaroolka socdaalka, islamarkaana ay isbadel ku samaysan doonaan hannaanka socdaalka dalkaas. Source: goobjoog.com