Ciidanka PMPF ee Puntland, ayaa sheegay in ay gacanta ku dhigeen Taliskii Al-shabaab ku lahayd Buuraleyda Calmiskaad ee Gobolka Bari. War Qoraal ah oo ka soo baxay Ciidanka PMPF, ayay ku sheegteen in ay hawlgal qorshaysan ku qabsadeen Taliskii Al-shabaab ee Buuraleyda Calmiskaad ee Gobolka Bari. Ciidanka ayaa tilmaamay in ay saldhigaas ku qabteen saanad hub ah, Walxaha qarxa, aaladaha lagu farsameeyo Qaraxyada iyo Tuutayaal. PMPF kama hadlin, haddii uu jiro iska hor-imaad ka dhacay saldhiga ama khasaare ka dhashay hawlgalkaas. PUNTLAND POST The post Puntland oo sheegtay in ay qabsatay Taliskii Al-shabaab ee Gobolka Bari appeared first on Puntland Post.

Muqdisho (Caasimada Online) – Xerada tabbabarada ciidanka xoogga dalka ee Janaraal Dhaga-badan oo ah Xerada loogu magac daray Janaraal Cabdikariim Yuusuf Adan Dhaga-badan, ee ku taallo Degmada Wadajirwaa goob lagu tababaro ciidamada xoogga dalka Soomaaliya. Tan iyo 2010-kii, marki la billaabay in ciidamada lagu tababaro, waxaa xeradaas ka soo baxayey dufcado ciidamo iyo maleeshiyaad aan dowladda ka tirsanayn. Haddaba wax badan ka ogoow taariikhda Xeradaasi. Xerada goorta la aasassay Xerda Janaraal Dhega-badan oo ku taallaa xaafadda Jasiira ee Magaalada Muqdisho, waxay ku dhawdahay xerada Turkisom uu Turkigu ku tababaro ciidamada Soomaaliya. Waxaana xeradan la aasaasay billowgii sannadkii 1991. Waxay xarunta xeredaasi laga yagleelay horay u ahaan jirtay warshaddii Nac-naca, balse ku burburtay dagaalladi sokeeye ee Soomaaliya ka dhacay. Inkasta oo ay Xerada maaulkeeda guud ahaan, ay gacanta ku hayso dowladda Soomaaliya, haddana qaar ka mid ah waddamada reer galbeedka ayaa dowladda gacan ka siiyo dhanka tababarrada iyo arrimo la xiriira. Xerada goorta magaca laga beddelay Xerada waxaa magacii hore ee ahaa ‘Warshadda Nacnaca’ laga beddelay sannadkii 2015, iyada oo wixi intaa ka dambeeyey loogu magacdaray Janaraal Dhega-badan, oo ahaa Abaanduulihi hore ee ciidamada xoogga dalka oo isla sannadkaasi ku dhintay weerar ay Al-shabab ku qaadeen Hoteel Saxafi. Janaraal Dhega-badan oo ah sarkaal ka tirsanaa ciidanka Soomaaliya oo magac iyo maamuusba ku lahaa, ayaa looga magacdaray wixi ka dambeeyey sannadkii 2015. Xerada oo marki hore ahayd Warshaddi nacnaca ee Soomaaliya, kuna burtay dagaalladi sokeeye ee Soomaaliya ka dhacay billowgi sagaashamaadkii, waxay mar ahayd xero ay Al-Shabaab ku tababarayeen ciidamadooda. Markii Muqdisho laga saaray ururkaas xiriirka la leh Al-Qaacidda, sannadkii 2010-kii, waxaa loo bedelay goob lagu tababaro ciidamada dowladda. Waxayna ka mid ahayd xerooyiinka ugu muhiimsan ee ciidamada ugu badan ay ka soo baxaan. Ciidamada lagu tababaro Xerada Dhega-badan waa goob ciidan oo lagu tababaro dhammaan noocyada askarta Soomaaliya, mana ahan goob u gaar ah askar qaas ah. Cabdisalaan Guuleed, oo ah taliye-kuxigeenkii hore ee Hay’adda Nabad Sugidda, haddana ka faalloda arrimaha amniga Soomaaliya, ayaa BBC Somali u sheegay: “Maalmahan waxay dowladdu sheegeysay in dadka doonaya ay ka mid noqdaan ciidamada gorgor ku soo biireen, ay halkaa tagaan. Marka xeradu waxay ahayd meel tijaabada koobaad qofka lagu marsiiyo”. “Ciidamada gorgor ee hadda lag qorayey, marka dadka raba inay qortaan ayaa lagu kala saarayey – qofka caafimaadkiisa, inuu yahay qof askarinimo ka bixi kara – ka dibna waxaa loo sii gudbinayey qaybaha kale uu tababarka ay ku qaadan lahaayeen ,” ayuu yiri Cabdisalaam Guuleed. Inta badan ciidamada cusub ee ka mid noqonaya kuwa dowladda Soomaaliya, waxaa tijaabada ugu horreyso looga qaadaa xeradaas, ka dibna, waxaa loo sii gudbiyaa waddamadii ama goobihi kale ee lagu tababari lahaa. Jananka xeradaasi loogu magac daray Janaraal Dhega-badan, wuxuu ka mid ahaa taliyeyaashii ugu caansanaa ee ciidamada Soomaaliya. Cabdikariim Yuusuf Adan (Dhega-badan), ayaa ka mid ahaa dadkii 2015-kii lagu dilay qaraxi lala beegsaday Hoteel saxafi, oo ay ku dhinteen 15 qof. Dhega-badan ayaa sida oo kale ka mid ahaa saraakiisha ciidan ee sida weyn uga muuqday dagaalki Soomaaliya ay Itoobiya la gashay, taariikh badanna ku lahaa guulo badanna ka soo hoyey. Waxaa sida oo kale lagu xusuustaa inuu yahay sarkaal ciidan oo muddo dheer hoggaaminayey dagaalka lagula jiro Ururka Al-shabaab ee ka dagaallamay Soomaaliya. Qaraxa shalay ka dhacay xerada ciidmada lagu tababaro ee General Dhega-badan, waxaa ku dhintay ugu yaraan 10 qof oo ka mid ahaa dhallinyaro dooneysay in ay ku biiraan ciidamada xoogga dalka. Sidoo kale waxaa jiro dhaawac soo gaaray illaa 20 kale oo ku sugnaa bannaanka koontarool-ka laga galo xerada, ciidanka ee General Dhaga badan. “Dadka qaraxaas ku waxyeelloobay waxaa u badan dhalinyaro sugeysay Baaritaanka koontoroolka, ka hor inta uusan dhex galin qof naftii halige ah”, sidaas waxaa Warbaahinta Qaranka u sheegay, Taliyaha ciidanka xoogga dalka, Janaraal Odawaa Yuusuf Raage. Ma aha marki ugu horreysay oo xeradan uu weeraro qof isku soo xiray walxaha qarxa. 4-tii bishii tobnaad, sannadkii 2017-kii, ayey ahayd marki uu gudaha xerada isku qarxiyey nin watay dharka ciidanka, halkaasna ay ku dhinteen shan askari, 15 kalana ay ku dhaawacmeen. Isha: BBC The post Saddax arrin ka ogow xerada ciidamada Jeneral Dhega-badan ee shalay la qarxiyey appeared first on Caasimada Online.

Norway: Saddex Ruux oo is dhalay oo Maxkamad loo soo taagay qoys soomaaliya oo ay cunsuriyadeeyeen Aabe norwiiji ah iyo labo wiil oo uu dhalay ayay maanta maxkamad uga bilaabatay magaalada Elverum kadib markii sannad ka hor ay halkaasi uga soo guureen cunsuriyad ay ku hayeen in muddo ah qoys soomaaliyeed oo ka kooban hooyo iyo lix carruur oo ay dhashay. Aabaha fal-dambiyeedka loo haysto oo magaciisa la qariyay ayaa da`diisa lagu sheegay 55-jir, halka labada wiil ee uu dhalay da`aadooda iyana lagu kala sheegay 18 iyo 16 sano jir. Hooyo Faadumo Bulxan oo muddo toboneeyo sano daganeyd magaalada Elverum, kuna ilmo dhashay ayaa ka cabaneysay aabahan iyo labadiisa wiil in muddo ah, waxaana sannadkii tagay xoogeystay cadaadiska kaga imaanayay ninkan oo isugu jirtay gacan-ka-hadal iyo hanjabaad taas oo ugu dambeyn ku khasabtay hooyo Faadumo in ay isaga soo cararto magaaladaasi, una soo guurto caasimadda Oslo. Labada wiil ee uu ninkani dhalay ayaa loo haystaa in ay biro iyo eey ku ceydhsadeen labo wiil oo ay dhashay hooyo Faadumo iyo shan carruur oo kale kuwaas oo iyana ahaa ajaaniib aan dalka Norway u dhalanin. Waxa ay ku qeylinayeen markii ay ceydhsanayeen erayo ay ka mid yihiin «neger» iyo «Nav er den veien» oo xarafka dambe micnihiisu yahay “Wadada xafiiska ceydhu waa tanaa”. Aabaha ayaa isna loo haysaa in uu hooyo Faadumo iyo laba gabdhood oo ay dhashay ku ceydhsaday gurigooda, isagoona ugu hanjabayay in uu dili doono. Hooyo Faadumo ayuu ugu dambeyn wax aan la cadeyn uga dhuftay dhabarka. Qareen u hadlay aabahan iyo labadiisa wiil ayaa warbaahinta NRK u sheegay in uusan qeysan wax dambi ah, isagoona iminka ka qoomameynaya in arrintani ay si weyn u saameysay nolosha qoyskiisa, uuna iminka diyaar u yahay in ay dhinac u dhacdo. Maxkamadda ayaa lagu wadaa in ay go`aan ka gaahdo kiiskan kaddib dhageysiga labada dhinac. Qaran News

Furitaanka Ururada Ma Run Baa Ma Riyaa? Muddo yar ka hor doorashadii 31 May dalka ka qabsoontay Golaha Wakiilada ee 16ka sanadood fadhiyay waxay fadhigoodii ugu dambeeyay ku soo gebogabeeyaan nuqul qabyo-qoraal ah oo Xeerka Furitaanka Ururada Siyaasadda ku saabsan. Ka dib markii Goluhu ansixiyay xeerka waxay u gudbiyeen Guurtida oo ilaa hadda uu hor yaal balse aan ka gudanin waajibkoodii dqstuuriga ah ee hoosta dhigay. Hadii arinka xeerkani caadi ahaan lahaa Guurtidu sabab la’aan hoosta may dhigteen oo wakhti ku filan way haysteen oo ay kaga bogtaan kuna ansixiyaan si ay ugu celiyaan Wakiilada oo sharci ahaan iyagu u gudbin lahaa Madaxwaynaha. Sida aan filayo nuqulkan qabyo-qoraalka ahi markiisa muu ahayn mooshin sharci oo curintiisa ay lahayd xukuumaddu waayo xukuumadda ayaa daba socon lahayd Guurtiduna hoosta may dhigteen. Sidaa daraadeed wuxu noqonayay mooshin curintiisu ay ku koobnayd xildhibaanada Wakiilada qaarkood in xaga madaxtooyada laga soo taabtay iyo in kalena mooyi. Markaa yaa og in uu ahaa keliya fariin gaar ah oo ku wajahnayd xisbiyada mucaaridka uun oo lagu hubsanayay dareenka ay ka qabaan xili la og yahay in muddo kooban uuni ay ka hadhsantay dhici taankii shahaadadaha xisbinimada ee sadexda xisbi. Hadii aan xal kale la gaadhin inta ka horaysa dhicitaanka shahaadadaha xisbinimada sadexda xisbi oo wakhtigu ka dhacdo markaa sadexdan xisbi waxay dib ugu noqon doonaan heerkii ururada sharci ahaan. Markaa maxaa xal ah ilayn waa la og yahay oo doorasha madaxtooyada waxa tartami kara uun xisbiyo qaran oo sharci ah ee ururo siyaasadeed ma geli karaan doorasho madaxtooyo eh. Dabcan waa laba mid: ta hore in sadexdan xisbi loo helo sharciyad ay ku sii ahaan karaan xisbiyo qaran ka dib marka ay ka dhacaan shahaadaduhu iyo in inta ka horaysa dhicitaanka shahaadadaha sadexda xisbi la helo Xeer lagu furan karo ururo siyaasadeed oo tartan la geli kara sadexdan xisbi si sadex xisbi qaran oo sharci ahi uga soo baxaan. Wixii kale ee aan labadaa midna ahayn waa mugdi uun wax la fahmi karona maaha Qaran News

Wakiilka Qaramada Midoobay u qaabilsan Soomaaliya James Swan iyo wefdi uu hoggaaminayo ayaa maanta oo Arbaco ah ku wajahan magaalada Dhuusamareeb. Wefdiga ayaa sida qorshaysan kulan la qaadan doona Madaxweynaha Galmudug Axmed Cabdi Kaariye Qoor Qoor iyo mas’uuliyiinta Xukuumaddiisa. Labada dhinac ayaa la filayaa in ay ka wada-hadlaan xaaladda Galmudug iyo guud ahaan Arrimaha Soomaaliya. Madaxweynaha Galmudug oo ku sugnaa Muqdisho ayaa shalay gelinkii dambe ku laabtay magaalada Dhuusamareeb. PUNTLAND POST The post James Swan oo maanta la kulmaya Madaxweyne Qoor Qoor appeared first on Puntland Post.

Muqdisho (Caasimada Online) – Sida ay hore u sheegtay Caasimada Online, maamulka gobalka Banaadir ayaa wajahaya dhaqaalo la’aan xoog leh taasi oo saameyn weyn ku yeelataay mushaarka shaqaalaha dowladda Hoose ee Xamar. Bishii la soo dhaafay ee May ayaa la sheegay in ilaa hadda aysan mushaarkooda helin shaqaalaha maamulka gobalka Banaadir, iyadoo ay soo baxayaan warar sheegaya in aysan muuqan rajo lagu bixin karo mushaarka sababo la xariira dhaqaalo la’aan heysata maamulka. Xogta aan helnay ayaa tilmaameysa in Guddoomiyaha Gobalka Banaadir uu wado dadaalo la xariira in uu isku dayo in waxyar waxyar lacagta gobalka soo gasha laga siiyo shaqaalaha, taasoo keeni karta in todobaadyo kale ay mushaar la’aan sii ahaadaan qaar ka mid ah shaqaalaha gobalka maadaama aan halmar la wada siin karin. Hadal heyn xoog leh ayaa ka dhax jirta shaqaalaha waxayna is weydiinayaan sida uu xaalku noqon karo haddii aysan helin xuquuqda ka maqan iyo sida ay ku sii socon karto shaqada dowladda Hoose. Si guud dowladda Soomaaliya ayaa wajaheysa dhaqaalo la’aan taasoo ka dhalatay muddo korarsigii iyo murankii doorashada Soomaaliya iyadoo lacagta gobalka ay noqotay mida kaliya oo ay ku tashato dowladda dhexe iyo canshurta gaadiidka Bajaajta iyo canshuuro kalaba oo hakad ku yimid kadib markii ay shaqada joojisay shirkadii gobalka kala shaqeyn jirtay qaadista Canshuurta. Gobolka Banaadir ayaa waxaa soo gala dhaqaale ku filan mushaharka shaqaalaheeda oo sidoo kalena lagu hormarin karo gobolka, hase yeeshee lacagtaas ayaa waxaa qaata dowladda federaalka ayada oo lagu biilo, xildhibaano, wasiiro iyo shaqaale aan gobolka u dhalan oo ka kala yimid gobollada kale ee dalka. The post Xaalka dhaqaale ee maamulka G/Banaadir oo sii xumaanaya appeared first on Caasimada Online.

Ra’iisul Wasaaraha Xukuumadda Federaalka Soomaaliya Maxamed Xuseen Rooble ayaa booqday dhaawacyada dadkii ku waxyeelloobay Qaraxii shalay ka dhacay Muqdisho. Ra’iisul Wasaaraha ayaa mid mid u dul istaagay dhaawacyada, iyadoo ay uga warbixinayeen xaaladdooda dhakhaatiirta dabiibaysa, isagoo xaqiijiyey in dowladdu ay ku bixin doonto dadaal kasta sidii ay u heli lahaayeen daryeel caafimaad oo dhammaystiran. Wasiirka Gaashaandhigga Xukuumadda Federaalka Soomaaliya Xasan Xuseen Xaaji oo ku weheliyey kormerkan Ra’iisul Wasaaraha Xukuumadda ayaa tilmaamay in dhallinyarada Soomaaliyeed ee ay dhaawacyadu soo gaareen ay u muujiyeen Ra’iisul Wasaaraha sida ay uga go’an tahay in ay dalkooda iyo dadkooda difaacaan. Sidoo kale, Ra’iisul Wasaare Maxamed Xuseen Rooble ayaa sheegay in shacabka Soomaaliyeed oo isku duuban ay ka guuleysan doonaan Al-shabaab sida uu hadalka u dhigay. PUNTLAND POST The post Ra’iisul wasaare Rooble oo isbitaalka ku booqday dhaawacyada Qaraxii Muqdisho appeared first on Puntland Post.

It is the target of folklore jokes for different reasons: It produces daring and assertive residents, characteristics considered negative or derogatory by more urban residents of old Mogadishu, and by others as well. It attracts envy from rest of Somalia for contributing the finest soldiers to the Somali National Army. It is the home town of prominent Somalia’s politicians and leaders. It had led the way in the struggle for national independence. For the bravery of its residents, Italian Colonial Administration Authorities called it “Rocco Littorio”, after the name of Italian Warship for brave soldiers. Galkayo was the epicenter of repression and persecution by the Military Dictatorship of General Barre for no good reasons other than the strong character of its residents. Lately, since the foundation of Puntland State, Galkayo and entire North Mudugh Region had been neglected in terms of good governance and development projects, dismissing it as nuisance frontier and despicable Puntland trouble spot. It has been left to its own device as irredeemable enclave and ungovernable location of the State. Since the inception of Puntland State Galkayo has been suffering from Administrative vacuum. Regional authorities there were appointed in nominal fashion without any meaningful State backup to address the the unique chronic issues and historical problems in the absence of well-intended governance strategy. The City has been treated as an outcast in the family. Even Galkayo road links to the rest of Puntland State had been disowned and allowed to deteriorate beyond repair. It is now three times easier and faster to travel more than four hundred Kms on the way to Bosaso on the shores of the Red Sea in the east than to drive a little more than two hundred Kms to Galkayo from Garowe, the main administrative center of Puntland State. Any vehicle that reaches Galkayo safely from Garowe would need total overhaul and expensive repairs. A multi-clan Somalia’s town of a quarter million residents with the potential to become the future National Capital City has been let to ruin and rot. As a result of despair due to neglect, residents of Galkayo became disillusioned and lost any hope in the future. Elders and youth have been taken advantage of by Al-Shabab and other extremist organizations of all form and shape; youth, and even elders, have been recruited as killers and murderers of their own kinship. The cream of its residents had been assassinated by local hopeless youth under the spell of Al-Shabab. For the first time, strange questions on whether Galkayo belongs to Puntland or Galmudugh were raised. Some residents of the city have been contemplating the idea of seceding from Puntland altogether since being part of the State has lost all meaning. Most recently, a break has come to the residents of North Galkayo: Relationships and good neighborliness with the Southern Galkayo have significantly improved. Relative security and calm have returned to the City of Galkayo in both parts of the town. Dozens of Al- Shabab assassins have been apprehended and persecuted, a security campaign still underway as we write this article. These prisoners of Al-Shabab assassins have been narrating, in their debriefings, graphic details of their murder exploits. But, it is still premature to conclude that the Dystopian Somalia’s City of Galkayo is out of the woods. It is too good to see Galkayo that lucky. https://amazon.com/author/ismailwarsame The post GALKAYO: THE DYSTOPIAN CITY OF SOMALIA appeared first on Puntland Post.

Shan arrimood oo ku saabsan Cabdikariim Mooge – Maayirka dooran ee Hargeysa CABDIKARIIM MOOGE Cabdikariin Axmed Mooge ayaa la filayaa in uu noqdo maayirka magaalada Hargeysa ka dib markii ay isku waafaqeen seddaxda xisbi siyaasadeed ee Jamhuuriyadda Iskeed Madaxbannaanida ugu dhawaaqday ee Somaliland. Wuxuu helay codadkii ugu badnaa ee uu helo musharax u tartamayay Golaha deegaanka. Wuxuuna ku soo baxay in ka badan 26 kun oo cod. Magaca Mooge Cabdikariim waxaa dhalay fannaankii caanka ahaa ee Axmed Mooge Liibaan, oo gayiga Soomaalida aad looga yaqaanay. Waxaa suuragal ah in magacaas uu wax badan ka caawiyay, marka la eego caannimada aabihiis oo fannaan ahaa. Qofkasta marka la soo qaado magaca Mooge wuxuu xasuusanaya Aabihihii iyo saameyntii uu ku lahaa fanka Soomaalida. Markii axsaabta ay isku raaceen Ka dib markii lagu dhawaaqay guusha Cabdikariim Axmed Mooge ee Golaha Deegaanka, waxa uu khudbad u jeediyay shacabkii soo doortay. “Guushan waa mid xagga rabbi ka timid; waa hiil shacab; waa hiil Hargeysa; waa midnimo umadeed; waa shacabkii oo tuuray heeryadi qabyaaladda; waa guul lawada leeyahay oo aan la kala lahayn oo ay leeyihiin shacabka Hargeysa iyo shacabka Somaliland oo dhan.” ayuu yiri Cabdikariim. Cabdikariim waxaa kale uu sheegay: “Waxaad ka timaaddeen magaalooyin fara badan oo Somaliland ku yaalla iyo qurbaha. Waad mahadsan tihiin. Qaar kaloo idinka mid ihina, waxaad qabteen baahiya gaar ah sida aragga, maqalka iyo lixaadka. Waxaad u adkeysateen dhibka aad u mareysaan in aad codkiinna i siisaan. Waad mahadsan tihiin.” Wuxuu sheegay in guushiisa ay afjartay in “oday dambe uu go’aan ka gaaro musharraxa ama qofka umaddan isu soo sharaxaya”. Wuxuu Alle ka baryay in xilka ay loo doortay uu ku asturo, wuxuuna xusay inuu “codka shacabka uu xujo ku yahay uuna ogyahay in ay wax badan ka filayaan.” Markii uu ku guuleystay doorashada Golaha Deegaanka Cabdikariin Axmed Mooge, ayaa laba jeer uu hadlay ku cel celiyey ‘in la ixtiraamo doonista shacabka’, oo dabcan uu ula jeeday codka badan ee uu ku soo baxay in ha loo dhug yeesho. “Waxaad dirteen farriin dadban oo ah qofka aad rabtaan in uu maayir idiin noqdo, anna maanta laga bilaabo waxaan gelayaa dedaalkeeda,” ayuu yiri Cabdikariin. “Codkaa aad i siiseenna waa farriin aad u dirteen madaxda qaranka. Waxaanan rajeynayaa in ay qaddarin doonaan rabitaanka shacabka,” ayuu hadalka ku sii daray. Dad badan ayaa markii hore u arkeyey in caqabadda ugu weyn ee Cabdikariin wejahi doonaa ay tahay in uusan ka soo bixin xisbiga talada hayey – Kulmiye. Isbuucii hore, waxaa madaxtooyada ku kulmay Cabdikariin Axmed Mooge iyo madaxweyne Muuse Biixi Cabdi. Kulankaas, oo war-saxafaadeedkii ka soo baxay madaxtooyada lagu sheegay in madaxweynuhu ajiibay baaq uga yimi Cabdikariin. Waxaa kulankaas madaxweynaha uu ka sheegay, “in xaqiisa uu la baadi dooni doono”. “Codkaagii sahal muu ahayn, nin waxaagii ma diidi karo. Codkiinnii iyo miisaankiinna xisbi iyo sharci midna ma diidi karo,” ayuu ka yidhi Muuse Biixi, kulankaas. Cabdikariin Axmed Mooge, maaddaama uu ka soo baxay xisbi mucaarad ah, waa mid ka mid ah fursadaha uu haystay. Inkasta oo musharrax kastaa dadkiisa uu wato, taageerada uu haystaana ay caddayn u tahay in uuba u soo baxi karo kursiga uu u taagan yahay, haddana waxaa jiro dad tiro ah oo siyaabo kala duwan oo si bareer ah ugu muujiyey taageerada Cabdikariin. Waxaana u danbeeyey Madasha Barkulanka Somaliland-jire, oo ka kooban waayeel iyo odayaal guurti ah oo sheegay in ay tahay in xilkaas lagu ixtiraamo Cabdikariin Axmed Mooge. “Waxaan ahay nin aan qabiil matali doonin cid walba oo reer Hargeisa ah u doodi doono isla markaana matali doono, xisbiga aan maalayana aan ka horreysiinayo inaan shacabkeyga Hargeisa aan wada matali doono aniga oo aan u abtirineyn.” ayuu yiri “Qofka ay u soo dooranayan golaha deegaanka aad ha uga fiirsadaana maadaamaa qof aad soo doorataan uu ku xiran yahay mustaqbalka Hargeisa.” “Cabdikariim waxa uu sidoo kale inuu noqon noqon doono xildhibaanka matali doono dhamaan shacbka hargeysa.” Waxa uu qabanayo Cabdikariim ayaa sheegay inuu ka jawaabayo xilka ay 31 May u doorteen shacabka isagoona u sheegay in shanta sanno ee soo socota uu aahaan doono hiilkooda. “Waxaan ahay mudane gole deegaan oo huwan codkii ugu badnaa oo ay bixiyaan shacabka reer Hargeysa iyo shacabka Somaliland. Waxaan ahay mudane Qaran, mana noqonayo mudane qolo ku suntan.” “Waxaa iga go’an in aan rumeeyo riyooyinkiinna iyo rajadinnaba, qof kasta oo tabanaya inuu mudane xaafaddiisu u soo bixin, aniga ayaana mudane u ah.” Waxuu sheegay in sinnaanta iyo caddaallad uu xoojin doono. “Waxaynu kor yeeli doonnaa sinnaanta, wada noolaashaha, reer Hargeysanimada, waxaan soo afjari doonnaa oo aan halgankeedi sii wadi doonnaa qabiilka iyo qolo-qolada.” Sidee loo qurxin karaa magaalada Hargeisa? Cabdikariim ayaa ballan qaaday inuu magaalada Hargeysa aad u qurxin doono oo uu bilicdeeda baddeli doono. “Magaala Cagaaran ayaan sameynayaa. Barnaamijkeyaga wuxuu leeyahay qof iyo geed, Guri iyo geed. Guri kasta waxaan ka raba ugu yaraan hal geed inuu beero, qof kasta oo reer Somaliland ahna waxan ku wacyigelineynaa inuu hal geed beero. “Ciiddan iyo bustan magaalada yaallo markaan ka gurno hubaal magalada Hargeysa waxay noqoneysaa magaalda cagaaran. Dowladda hoosana waxay waraabineysaa dhirtu, xoolahana magaalada dhex daaqayana waan ka saarayaa.” Qaran News

Golaha Degaanka Hargeysa oo la ansixiyey Maxkamada gobolka Maroodijeex ayaa maanta si rasmiya u ansixisay natiijada guddida doorashooyinka ee golaha degaanka ee degmada Hargeysa, waxaana ansixinta maxkamadda goob joog ka ahaa masuuliyiinta gobolka Marooijeex, saraakiil ka socday saddexda xisbi Qaran, taliyaha ciidanka booliska ee Somaliland, iyo mudanayaasha golaha degaanka ee la doortay. Guddoomiyaha maxkamadda gobolka Maroodijeex Cabdi Qawdhan Cabdi, oo fadhiga maxkamadda furay waxaa uu sheegay in aanay jirin wax dacwad doorasho ah oo soo gaadhay maxkamadda gobolka isla markaana waafaqsan sharciga. Sidoo kale guddoomiyuhu waxaa uu si rasmiya ugu dhawaaqay ansixinta natiijada hor dhaca ahayd ee guddida doorashooyinka Qaranka Somaliland, u soo gudbiyeen maxkamadda, iyada maxkmadduna mid mid u dhaarisay toddoba iyo tobanka xubnood ee noqonaya golaha degaanka ee degmada Hargeysa. Qaran News

Madaxweynaha dowlad Goboleedka Hirshabeelle Cali Cabdullaahi Xuseen Guudlaawe oo ku sugan Magaalada Muqdisho ayaa kulan la qaatay Safiirka dowlada Ingiriiska ee Soomaaliya Ambassador Kate Foster. Kulankaan dhexmaray Madaxweyne Cali Guudlaawe iyo Safiirka ayaa waxaa looga hadlay Arrimaha Doorashooyinka, ilaalinta qoondada haweenka Soomaaliyeed, Amniga, Bini’aadanimada iyo dhismaha Golayaasha Degaanka. Madaxweynaha Hirshabeelle ayaa Safiirka la wadaagay baaxada dhibaatada ka dhalatay fatahaadaha Wabiga shabeelle, isagoo ugu baaqay in loo gurmado dadkii ka barakacay fatahaadihii ka dhacday Hirshabeelle oo dhibaato xoogan heysato. Cali Cabdullaahi Xuseen Guudlaawe ayaa dowladda Ingiriiska ka dalbaday taageerada tababarada ciidamada booliiska iyo Daraawiishta si ay ugu filnaadaan amniga guud ee Dowlad Goboleedka Hirshabeelle. PUNTLAND POST The post Madaxweynaha Hirshabeelle oo la kulmay Safiirka Ingiriiska appeared first on Puntland Post.

Israel ayaa sheegtay inay bilowday duqeymo dhanka cirka ah oo ka dhan ah bartilmaameedyada Xamaas ee marinka Gaza, ka dib markii buufimoyoyin qarax sameeyaa kaga yimaaddeen dhanka Gaza. Qaraxyo ayaa laga maqlay magaalada Gaza subaxnimadii hore ee saaka. Dhowr buufimooyin oo qarxaya ayaa ka yimi Gaza oo laga arkay Israel gelinkii hore ee Talaadada, taas oo sababtay dab badan oo kacay, sida ay sheegtay waaxda dab damiska ee Israel. Waa markii ugu horreysay ee uu dagaal qarxo tan iyo 11 maalmood oo dagaal u dhexeeyay labada dhinac uu ku dhammaaday xabad joojin 21-kii May. PUNTLAND POST The post Israel oo mar kale duqaysay marinka GAZA appeared first on Puntland Post.

Dhuusamareeb (Caasimada Online) – Wafdi ka socda xubnaha beesha caalamka ayaa saacadaha soo socda ku wajahan magaalada Dhuusamareeb ee gobolka Galgaduud. Wafdigan ayaa waxaa horkacaya wakiilka gaarka ah ee xoghayaha Qaramada Midoobay u qaabilsan arrimaha Soomaaliya James Swan, waxaana wehlinayo safiiro kale. Socdaalka wafdigan ayaa la xiriira u kuur-gelida xaaladaha ka jira gobollada dhexe, gaar ahaan Galgaduud iyo Mudug ee bartamaha Soomaaliya. Sidoo kale waxay xubnaha dalalka beesha caalamka kulan gaar ah ay la qaadan doonaan madaxweynaha Galmudug oo shalay dib ugu laabtay magaalada Dhuusamareeb, iyaga oo kala hadli doono dardar-gelina arrimaha doorashooyinka, maadaama heshiis laga gaaray. Ammaanka ayaa sidoo kale aad loo adkeeyey, iyada oo ciidamo dheeraad ah la dhigay waddooyinka qaar ee magaalada, si loo xoojiyo amniga caasimada Galmudug. Xubnaha beesha caalamka ayaa wada dadaallo xoogan oo ku aadan sida loo wajahayo doorashooyinka, waxaana ay horey u tageen magaalooyinka Garoowe iyo Kismaayo, iyaga oo la kulmay hoggaamiyeyaasha dowlad goboleedyada Puntland iyo sidoo kale Jubbaland. Soomaaliya ayaa haatan isku diyaarineyso doorasho guud oo isugu jirto tan baarlamaanka iyo mida madaxweynaha, taas oo heshiis rasmi ah looga gaaray magaalada Muqdisho. The post Wafdi ka socda beesha caalamka oo ku wajahan magaalada Dhuusamareeb appeared first on Caasimada Online.

Muqdisho (Caasimada Online) – Kenya ayaa dib u fasaxday duulimaayadii ka imaan jiray Soomaaliya iyo kuwii tagi jiray. Qoraal ay sii deysay wasaaradda arrimaha debadda Kenya ayey sabab la’aan ku fasdaxday socdaalka labada wadan oo uu xiriirkooda xumaa 10-kii bilood ee lasoo dhaafay. Dadka labada wadan isaga kala goosha ayaa sameystay dhowr dal oo socdaal seddexaad ah si ay u tagaan dhinaca ay danta ka leeyihiin. Shacabka labada dal ayaa wajahayey dhibaatada socdaalka dheer iyo dhaqaalaha siyaaday. Nairobi maadama ay iyada joojisay duulimaadkii haddana iyada ayaa fasaxday, halka Soomaaliya oo markii hore jartay xiriirka labada dal sidoo kalana xirtay safaaradeeda ay shaacisay inay dib usoo celisay xiriirka isla markaasna ay dib u fureyso safaaradeeda Nairobi. Waxyaabo badan ayaa weli xayiran, waxaana kamid ah ganacsiga qaadka, sidoo kale dacwadda Badda ee labada dal ayaa weli taagan, haddaba maxaa sababay in Nairobi iyo Muqdisho ku dhawaaqaan tallaabooyinkaan dabacsan? waxaan warbixintaan ku eegi doonaa illaa 4 qodob oo sabab u ah. 1) Dhaqaalaha Kenya kasoo geli jiray socdaalka Ku dhawaad 10 duulimaad oo 5 illaa 6 kamid ah ay yihiin kuwa rakaabka ayaa maalin walba ka bixi jiray Nairobi oo tagi jiray Caasimadda Soomaaliya ee Muqdisho, adeegyo ganacsi ayaa sidoo kale laga qaadi jiray Magaalada Nairobi, Diyaaradaha laga leeyahay Kenya ayaa guud ahaan ka howlgala gudaha Soomaaliya, shaqaale badan oo Kenya ah ayaa ku hoos noolaa ganacsiga socdaalka ee Kenya iyo Soomaaliya. Dhamaan adeegyadaas diyaaradaha, safarada joogtada, adeegyadii laga soo qaadi jiray Nairobi iyo fursadihii ay heli jireen shaqaalaha Kenyanka ah ayaa meesha ka baxay, sidoo kala Magaalada Addis Ababa ayaa noqotay marin ka faa’iday hakadkaas. Nairobi waxay fahamtay in xayiraadaan aysan macaash badan ugu jirin, dhinaca kalana aysan joogsaneyn dadka soo gala dalkeeda ama ka baxa ee Soomaaliya aada ayna ka faa’ideyso dal kale oo Itoobiya ah. 2) Dowladda Qatar Dowladda yar ee Qatar ayaa markii hore hagaajisay cilaaqaadka labada dal, waxay Doha sheegtay in labada dal ay dhex dhigtay heshis balse xiisadda laba dal ayaa durba halkeeda ku laabatay taasoo fashilisay guusha ay sheegatay Qatar. Diblomaasiyiinta ayaa waxay sheegayaan in Doha ay mar kale xoogeeda isugu geysay in labada dal ay ku cadaadiso inay soo celiyaan xiriirkooda, waxaana la rumeysan yahay in Qatar ay gacan weyn ku leedahay heshiiska cusub ee la gaaray. 3) Dhaqa-dhaqaaqa doorashada Kenya waxay si weyn u dooneysaa in Farmaajo la bixiyo, inay haweeda sii xirnaato ma caawin karin siyaasiyiinta isbadal doonka ah ee laga yaabo inay taageereyso Nairobi si ay meesha uga saaraan madaxweynaha waqtigiisa dhammaaday ee Maxamed Cabdullaahi Farmaajo . Fasixidda diyaaradaha waxay in badan caawineysaa dhaq-dhaqaaqa siyaasadeed iyo midka socdaal ee xubnaha mucaaradka Soomaaliya. 4) Daaweynta cilaaqaadka Arrimaha Debadda Nidaamka Farmaajo wuxuu bilaabay inuu iska dhayo boogaha siyaasadda, dhawaan waxay bilaabeyn hagaajinta cilaaqaadka Imaaraadka, iyadoo ay Muqdisho isku arkeyn Ra’isulwasaaraha xil-gaarsiinta Maxamed Xuseen Rooble iyo Safiirka Imaaraadka ee Soomaaliya. Sidoo kale waxaa Nairobi loo diray wafdi ka socdo wasaaradda Arrimaha Debadda Soomaaliya. Arrintaan ayaa waxaa la sheegay inuu Farmaajo uga gol leeyahay in aysan dilalkaas la gelin dagaal culus xilliga doorashada balse uma badna in arrintaan ay sababi karto inay ka dabciyaan dagaalka siyaasadda maadaama la wada fahmi karo danta ka dambeyso arrintaan. W/Q: Cabdullaahi Cusmaan Faarax The post Afar arrin oo tiirar u ah dib usoo laabashada xiriirka Soomaaliya iyo Kenya appeared first on Caasimada Online.

Muqdisho (Caasimada Online) – Kadib markii maanta dhalinyarada ku shaqeysata mooto Bajaajta ee ka howlgala magaalada Muqdisho ay dhigeen banaanbax ay ku dalbanayeen in la dayac tiro wadooyinka burburka iyo biyaha roobku jareen ee isaga kala goosha degmooyinka gobolka Banaadir ayaa ciidamada booliska oo qaaday tallaabo ka dhan ah dhalinyaradaas waxay xabsiga dhigeen qaar ka mid xubnihii hoggaaminayey banaanbaxaas. Cabdifitaax Ismaaciil Maxamed oo ka mid ahaa dhalinyaradii sida aadka ah uga soo muuqday warbaahinta intii uu socday banaanbaxa ayaa lagu xiray saldhigga booliska degmada Xamarweyne, isaga iyo dhalinyaro kale, kuwaas oo mar dambe lagu soo baxay arrintooda. Ciidamada booliska degmada Xamarweyne ayaa daba galay dhalinyaraas, waxaana markii ay xabsiga dhigeen arrintooda ku soo baxay mas’uuliyiin ka tirsan dowladda, iyadoo wadahadal kadib xabsiga laga sii daayey galabta. Caro xoog leh ayaa la sheegay inay mar kale ka dhalatay dhalinyaradaas lagu xiray sababta ay u banaanbaxeen oo fikradooda ay u cabireen, iyagoo canshuurta laga qaado ku dalbanaya in jidadka burbursan oo biyaha Roobka ay fariisteen loogu dayac tiro. Dhalinyaradaan ayaa maanta isugu soo baxay isgoyska Shabeelle ee taallada Daljirka Daahsoon, waxayna sheegeen in caqabad weyn ay ka heysato isticmaalka inta badan wadooyinka isaga kala goosha degmooyinka magaalada Muqdisho, iyagoo maamulka gobolka Banaadir ka dalbaday in canshuurta ay bixiyaan lagu dhiso wadooyinka burbursan ee magaalada. The post DF oo xirtay dhallinyaradii hoggaamineysay dibad-bixii maanta ka dhacay Muqdisho appeared first on Caasimada Online.

Midawga musharixiinta ayaa soo dhaweeyay go’aanka ra’iisul wasaaraha dalka uu guddi ugu saaray waalidiintooda carruurta tababarka loo qaday dalka Eritrea. Golaha ayaa sidoo kale ugu baaqay in ra’iisul wasaaraha uu guddiga ku soo daro xubna ka tirsan ururada bulshada rayid iyo dad dhex dhexaad ah . hadalka golaha midawga musharixiinta ayaa ku soo aadayo xilli Ururada bulshada rayid ay maanta ra’iisul wasaaraha ugu baaqeen in guddiga xubno lagu soo daro. Hoos ka akhriso qoraalka midawga musharixiinta Source: goobjoog.com

Muqdisho (Caasimada Online) – Madaxweynaha waqtigiisu dhamaaday ee Maxamed Cabdullahi Farmaajo ayaa la filayaa in saacadaha soo socda uu u duulo dalka Turkiga, sida ay Caasimada Online u sheegen xubno ka tirsan Villa Somalia. Madaxweyne Farmaajo ayaa sida uu qorshuhu yahay waxa uu ka qeyb galaya shir looga hadlaya diblomaasiyadda, oo ka dhacaya magaalada Mediterranean-ka ee Antalya. Inkastoo shirkan uu yahay mid heer Wasiir Arrimo dibadeed iyo Madax ka socota Ururo dowli ah iyo kuwa aan dowli aheyn, hadana Madaxweyne Farmaajo ayaa ka mid ah martida ku casuuman shirkaas. Shirkan oo soconaya inta u dhaxeysa 18-20 bishaan, waxaana ka qeyb galaya madaxweynaha Turkiga Erdogan iyo madax dalal kale oo dhowr ah oo aysan qeyb ka aheyn dalalka leh quwado millateri. Dhinaca kale, shirkaan looga hadlayo diblomaasiyada ayaa waxaa hore u qaadacay dalalka ugu waaweyn dunida ee Mareykanka iyo Yurub, waxaana ilaa hadda inta la ogyahay ka qeyb galaya madaxda 36 dal oo u badan dalalka qaaradaha Afrika iyo Asia. Waxaa xusid mudan in dalalka Yurub ee aqbalay ka qeybgalka shirkan ay yihiin dalal yaryar, oo aan miisaan ku laheyn midowga Yurub. Dalalka aan awood badan ku dhex laheyn Midowga Yurub ee shirkaas qeybta ka ah, ayaa waxay kala yihiin: Malta, Kosovo, Montenegro, Bosnia iyo Herzegovina, Croatia, North Macedonia, Albania, Moldova, Ukraine, Romania, iyo The Qubrusta waqooyi oo ah dal uu aqoonsan yahay Turkiga keliya. Safarka lagu wado inuu Farmaajo ugu baxo Antalya ayaa noqonaya midkii ugu dambeeyay ee uu baxo inta aan la gelin doorashada loo balansan yahay, wuxuuna qeyb ka noqonayaa tirsiga safaradiisa oo in ka badan 100 jeer uu uga baxay dalka. The post Madaxweyne Farmaajo oo safar dibadeed u baxaya appeared first on Caasimada Online.

MOGADISHU (HOL) - Farmers in Somalia will now conduct their business from the comfort of their homes thanks to the introduction of a new mobile money service. Source: Hiiraan Online

A number of bodies washed up at Ras al-Arah on Yemen's Red Sea coast on Monday from a suspected migrant boat that sank offshore, a local official said. Source: Hiiraan Online

At least six al-Shabab militants have been killed in an ongoing security operation in southern Somalia, the military said. Source: Hiiraan Online

Kismayo (HOL) - Jubaland President Ahmed Mohamed Islam (Ahmed Madobe) welcomed members of the international community to Kismayo on Tuesday to discuss the upcoming federal elections. Source: Hiiraan Online

Qaran News

Mogadishu (HOL) - The Commander of the Somali National Army, General Odowa Yusuf Rage, said that Al-Shabaab carried out Tuesday's suicide attack that targeted a military training facility in Mogadishu. Source: Hiiraan Online

Muqdisho (Caasimada Online) – Kulan ay maanta iskugu yimaadeen waxgaradka, Nabadoonada iyo Siyaasiyiinta Beelaha Mudullood oo ka qabsoomay magaalada Muqdisho ayaa waxaa looga horyimid dhul boob ka socda degmada Dayniile. Kulanka oo sidoo kale uu goobjoog ka ahaa wasiiru-dowlaha wasaaradda ciyaaraha Soomaaliya ayaa waxaa looga digay dhul boob ka socda dhul la sheegay in garoon diyaaradeed ay ka hirgelinayso dowladda. Guddoomiyaha horumarinta Beelaha Mudullood, Muxiyadiin Xasan Afrax iyo qaar kamid ah Odayaal dhaqameedka Beesha oo ka hadlay kulankaas ayaa madaxda sarre ee dowladda usoo jeediyay inay wax ka qabtaan dhul boobka lagu hayo dhulka ay leeyihiin Reer Sheekh Axmed Mataan. Sidoo kale waxay soo bandhigeen dukomuntiyo ay ku cadeynayaan in dhulkaas ay leeyihiin dad kasoo Reer Sheekh Axmed Mataan, ayada oo uu dhawaan Wasiir Duraan ku sheegay in dhulkaas laga hirgelinayo garoon diyaaradeed. “Waxaa sheegayna, oo u sheegayna ra’iisal wasaaraha iyo wasiirka gaadiidka iyo cirka in meesha laga rabo garoonka waxaa ka taagan qeylo oo dadkii lahaa wey taagan-yihiin,” ayuu yiri Guddoomiyaha horumarinta beelaha Mudulood. Odayaasha beesha Mudulood ayaa ku hanjabay haddii la dhageysan waayo baaqa maanta ay jeedinayaan arrintu isku badali doonto dagaal gacan ka hadal ah, sida ay hadalka u dhigeen. Kulanka maanta ayaa imanaya xili si weyn isu-soo tarayso cabasho xoogan oo laga muujinayo hadal kasoo yeeray Wasiirka gaadiidka iyo duulista Soomaaliya, kaasi oo uu ku sheegayay in uu shaqo billaabi doono garoon la sheegay in laga dhisayo dhul shacab laga boobay oo ku yaalla degmada Deyniile. Cabashada ayaa waxay ka taagan tahay goobta ay dowladda u asteysay garoonka laga hirgelinayo degmada Deyniile, maadama uu yahay dhul shacab oo maamulka degmada Dayniile uu boobay, kaasi oo wasiir Duraan laga dhaadhiciyey inuu sharciyeeyo. Hoos ka daawo muuqaalka The post Daawo: Beesha Mudulood oo ka digtay dhul boobka ka socda degmada Dayniile appeared first on Caasimada Online.

Garoowe (Caasimada Online) – Madaxweyne Saciid Cabdullaahi Deni oo Talaadada maanta ah si rasmi ah u daahfuray kalfadhiga 48-aad ee Golaha Wakiiladda ee Maamulka Puntland, ayaa ayaa sheegay in la joojiyey lacagihii shirkadda P&O oo hoos tagta shirkadda DP World ay ka qaadi jirtay dekedda Boosaaso. Heshiiska P&O ee marsada Boosaaso ayuu xusay in dib-u-eegis lagu bilaabay. Khuburo ka socda shirkada ayuu xusay in ay sahmiyeen xafaarida goobta ayna shaqada ku bilaabaneyso muddo laba bil gudaheeda. Mudada dib-u-habeynta socoto oo aan la cayimin ayuu ka dhawaajiyey in akoonka shirkada P&O laga wareejiyey dakhliga dekadda isla markaana haatan ay ku dhacdo akoonka kale oo ay maamusho dowlada Puntland. Shirkadan DP World ee laga leeyahay Emirate-ka, ayaa heshiisyo la gashey maamulada Somaliland iyo Puntland, taasoo ay isku maan dhaafeen dowladda dhexe ee Soomaaliya. Shirkadda P&O Port ee hoostagta DPWorld ayaa bishii October sanadkii 2017 heshiis kula wareegtay Dekadda Boosaaso iyadoo afar sano kadib weli aysan waxba ka qaban dhismaha Dekedda sida uu qabey heshiisku. Xiriirka Dowladda Soomaaliya iyo Imaaraadka Carabta ayaa go’ay kadib markii sanadkii 2018-kii dawladda Soomaaliya ay u yeertay Safiirka Iimaaraadka Carabta u fadhiya Muqdisho, iyadoo ujeedada u yeeriddu la xiriirtay sidii qaab diblomaasiyadda waafaqsan ay Soomaaliya ugu gudbin lahayd mowqifkeeda ku aaddan arrinta shirkadda DP World iyo faragelinta ay ku heyso Dekadaha Soomaaliya. 12-kii bishii Maarso ee isla sanadkaas ayu Baarlamaanka Soomaaliya gaashaanka ku dhuftay heshiis dhex maray shirkaddaas iyo maamulka Somaliland, kaasoo saamiga ugu badan ay Dekedda Berbera ku yeelanaysay DP World, hallka Itoobiyana loo qoondeeyay 19%. The post Saciid Deni oo ku dhowaaqay go’aan ka dhan ah DP World appeared first on Caasimada Online.