Ciidamada difaaca Puntland ayaa maanta si toosa u bilaabay hawlgal sifayn ah oo dhammaystir u ah wejiga saddexaad ee hawlgalka Calmiskaad oo meel geba-gabo ah maraya. Ciidamada dowladda Puntland oo horay u go’doomiyay firxadka yar ee weli buuraha Calmiskaad kaga harsan mileeshiyaadka Daacish ayaa maanta ku ruqaansaday godadka ay ku go’doonsan yihiin kooxda si ay firxadkooda sifayn guud ugu sameeyaan. Sabtidii dowladda Puntland oo qoraal rasmi ah soo saartay ayaa ku dhawaaqday in ay qorshaysay hawlgal culus, oo ay weheliyaan duqeymo waaweyn, kaasi oo lagu dhammaystirayo sifaynta mileeshiyaadka kooxda Daacish, sida uu shaaciyay xafiiska Warbaahinta u qaabilsan Taliska ciidamada difaaca Puntland. Qoraalka ka soo baxay xafiiska Warbaahinta u qaabilsan Taliska ciidamada difaaca Puntland ayuu ku shaaciyay hawlgalkan xooggan, waxaana uu digniin u jeediyay reer guuraaga ku nool buuraha Calmiskaad, kuwaasi oo dowladdu ku wargelisay in ay mudda 24 saac gudahood ah isaga baxaan nawaaxiga dhulka uu ka socdo hawlgalkaasi. PUNTLAND POST The post Ciidamada Puntland oo maanta bilaabay hawlgal lagu dhammaystirayo wejiga saddexaad ee dagaalka Calmiskaad appeared first on Puntland Post.

Garoowe (Caasimada Online) – Dowlad-goboleedka Puntland ayaa si cad u beenisay wararka sheegaya in ay joojisay duulimaadka diyaaraddii Laascaanood geysay Ra’iisul Wasaaraha Soomaaliya, Xamza Cabdi Barre. Bayaankan oo ay soo saartay Wasaaradda Duulista Hawada iyo Garoomada Puntland ayaa lagu tilmaamay eedeymahaasi kuwo aan sal iyo raad toona lahayn. Warkan ay Puntland ku sheegtay been-abuur ayaa si xawli ah ugu faafay baraha bulshada, kuwaas oo sheegayay in Puntland ay shaqada ka joojisay diyaaraddii sidday wafdiga Ra’iisul Wasaaraha. Si kastaba ha ahaatee, Puntland waxay si degdeg ah uga falcelisay arrintan, iyadoo ka digtay faafinta wararka been-abuurka ah ee marin-habaabinaya bulshada. Wasaaradda Duulista Hawada iyo Garoomada Puntland ayaa shacabka Soomaaliyeed, gaar ahaan reer Puntland, ugu baaqday inay wararka xaqiiqda ah ka helaan ilo rasmi ah, isla markaana aysan ku kadsoomin qoraallo aan la xaqiijin. Waxay sidoo kale carrabka ku adkaysay in aysan jirin wax diyaarad ah oo la hor istaagay ama laga xanibay adeeggeedii caadiga ahaa. “Ma jiraan wax duulimaad ah oo wasaaraddu joojisay,” ayaa lagu yiri bayaan ay wasaaraddu soo saartay. Waxaana intaas lagu daray in qoraallada lagu faafiyay baraha bulshada ee sheegaya joojinta diyaaradda Ra’iisul Wasaaraha ay yihiin kuwo ay faafinayeen dad gaar ah. Puntland waxay uga digtay dadka falalka noocan ah sameynaya inay iska ilaaliyaan fidinta wararka aan la xaqiijin, maadaama ay taasi dhaawac ku tahay kalsoonida shacabka iyo xiriirka dowladda. Arrimahan ayaa imanaya xilli ay soo baxayaan warar hoose oo sheegaya in maamulka Puntland uusan raalli ka ahayn safarka Ra’iisul Wasaare Xamza, oo noqonaya markii u horreysay oo mas’uul sare oo dowladda federaalka ah ka tirsan uu booqdo magaalada Laascaanood.

Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, ayaa kulan la yeeshay xubno matalayey qeybaha kala duwan ee bulshada Gobolka Sanaag. Ra’iisul Wasaare Xamsa Cabdi Barre, oo ku guda-jira socdaalka nabadda iyo midnimada ayaa magaalada Laascaanood ee caasimadda Maamulka SSC-Khaatumo, ayaa sheegay in loo baahan yahay xoojinta nabadda, midnimada, is-dhexgalka bulshada, dib- u heshiisiinta,iyo in ay doorkooda ka qaataan dagaalka Kooxaha argagixisada ah Mudane Xamsa, oo tallooyin ka dhageystay odayaasha iyo wax-garadka gobolka Sanaag, ayaa tilmaamay muhiimadda ay leedahay in laga wada-shaqeeyo dowlad-dhiska Soomaaliya iyo sidii loo hirgalin lahaa amni iyo horumar, isaga oo xusay in kulamada uu la yeelanayo qeybaha kala duwan ee bulshada ay saldhig u yihiin hirgalinta midnimo buuxda oo dalkeenna la gaarsiiyo. Source: goobjoog.com

Soomaaliya waxa ay u muuqataa in ay qaadayso tallaabo weyn oo dhanka horumarinta isgaarsiinta ah, kadib markii la shaaciyay in dalka laga hirgelinayo adeegga internet-ka ee Starlink — adeeg casri ah oo uu leeyahay Elon Musk, islamarkaana bixiya internet xawaare sare leh iyadoo loo marayo dayax-gacmeedyo ku wareegaya cirka. Starlink, oo ay horumarisay shirkadda caalamiga ah ee SpaceX, waxaa loogu talagalay in uu xalliyo caqabadaha haysta dalalka aan si buuxda u helin adeegyada internet-ka ee fiber ka(Xadhkaha dulka hoostiisa Mara). Soomaaliya, oo muddo dheer la daalaa dhacaysay helitaanka internet tayo sare leh, ayaa rajaynaysa in Starlink uu noqdo furaha fura albaabada horumarka cusub, gaar ahaan meelaha fog fog ee dalka. Xaqiijin Rasmi ah: Starlink oo Si Buuxda uga Hawlgalaya Soomaaliya Elon Musk, aasaasaha SpaceX, ayaa bartiisa X (Twitter) si cad ugu shaaciyay in Starlink hadda laga heli karo Soomaaliya. Dowladda Federaalka Soomaaliya ayaa dhankeeda si rasmi ah rukhsad u siisay shirkadda, kadib wadaxaajoodyo adag oo socday muddo ku dhow laba sano iyo bar. Mustafa Yasiin, agaasimaha isgaarsiinta ee Wasaaradda Boostada iyo Isgaarsiinta Soomaaliya, ayaa arrintan ka hadlay, wuxuuna yiri: “Wadahadallo dheer kadib, maanta ayaan siinay shatiga. Waxaan rajeynaynaa in Starlink uu sare u qaadi doono tayada internet-ka ee hadda jira, sidoo kalena uu gaarsiin doono adeegga meelaha fog fog ee dalka.” Tallaabadan waxa ay si cad u muujinaysaa sida ay Dowladda Federaalka uga go’an tahay ballaarinta helitaanka internet-ka, lana siiyo muwaadiniinta fursad ay ugu xirmaan caalamka, iyagoo aan u baahnayn xarumo ballaaran oo xadhig leh. Starlink Sidee ayuu u Shaqeeyaa? Starlink wuxuu ku shaqeeyaa hab cusub oo aan ku tiirsanayn fiilooyin dhulka la geliyo, sida fiber optic-ka. Halkii laga dhisi lahaa xarumo waaweyn oo la jaanqaada baahiyaha adeegga internet-ka, Starlink wuxuu adeegsanayaa kumannaan dayax-gacmeedyo yaryar oo meeraha dhulka dul wareegaya, kuwaas oo si toos ah u siiya adeegga dadka isticmaala iyaga oo adeegsanaya saxan yar (dish antenna) iyo router fudud. Adeegga Starlink wuxuu bixiyaa: • Xawaare Sare: Isticmaaleyaasha waxa la filayaa inay helaan internet leh xawaare gaari kara boqolaal megabits ilbiriqsikii (Mbps). • Meel kasta oo aad joogtid: Deegaan kasta oo dalka ka mid ah, xitaa meelaha aan horey u lahayn adeeg internet oo xasiloon, Starlink wuxuu siin doonaa adeeg degdeg ah oo la isku halayn karo. • Rakibid Sahlan: Looma baahna farsamo yaqaan sare. Saxanka Starlink iyo router-ka fudud ayaa ku filan in aad si degdeg ah u bilowdo adeegga. Maxaa Soomaaliya Laga Filan Karaa? 1. Ganacsiyada Ganacsiyada yaryar iyo kuwa waaweynba waxay heli doonaan internet xasiloon oo suurtagal ka dhigi doona in si hufan oo aan hakad lahayn ay ula macaamilaan suuqyada gudaha iyo kuwa caalamiga ah. 2. Waxbarashada Goobaha waxbarashada ee ku yaalla deegaannada fog fog waxa ay heli doonaan fursad dahabi ah oo ay si toos ah uga qeyb qaataan barnaamijyada waxbarasho ee internet-ka ah, si fududna ula xiriiraan macallimiin iyo arday kale oo adduunka dacalladiisa ku sugan. 3. Adeegyada Dowladda iyo Hay’adaha Xarumaha dowladda iyo hay’adaha caalamiga ah ee ka howlgala Soomaaliya waxay heli doonaan isku xirnaan joogto ah oo dardar gelin doonta hawlahooda adeeg bixineed iyo maamulba. 4. Bulshada Caadiga ah Guryaha caadiga ah ee ku yaalla gobollada fog fog waxay heli doonaan fursad ay kaga mid noqon karaan bulshada casriga ah ee internet-ka si joogto ah u isticmaasha, taasoo xoojinaysa isgaarsiinta bulshada, fursadaha shaqo ee fog, iyo helitaanka adeegyo muhiim ah. Gunaanad Starlink wuxuu noqon karaa iftiin cusub oo Soomaaliya u ifaya, fureyna albaab horumarineed oo weyn oo gaaraya dhammaan qeybaha nolosha bulshada. Haddii si qorsheysan oo xeel dheer loo hirgeliyo, Starlink wuxuu awoodi karaa in uu si buuxda uga caawiyo Soomaaliya ka bixitaanka go’doominta isgaarsiineed, gaar ahaan gobollada fog fog ee aan weli gaadhin adeegyada caadiga Hareeri) @⁨Rijaal⁩ Source: goobjoog.com

Mogadishu (HOL) — Somali Foreign Minister Ahmed Moallim Fiqi and his Egyptian counterpart Sameh Shoukry held talks in Cairo on Wednesday, discussing regional security, migration, and bilateral ties—but announced no formal agreements following the meeting. Source: Hiiraan Online

In the dusty plains of Al-Hidaya camp on the outskirts of Mogadishu, Somalia's capital, mothers sit outside makeshift shelters, shielding their children from the scorching heat with scraps of cloth. The sudden suspension of U.S. humanitarian aid dealt them a devastating blow. Source: Hiiraan Online

Laascaanood (Caasimada Online) – Hoggaamiyaha KMG ah ee maamulka SSC-Khaatumo, Cabdiqaadir Firdhiye oo khudbad ka jeediyay munaasibad xalay ka dhacday magaalada Laascaanood ayaa ka hadlay arrimo la xiriira dagaalka kala dhexeeya Somaliland, isaga oo dalab culus u gudbiyay dowladda federaalka ah ee Soomaaliya. Firdhiye ayaa sheegay in mar kale ay Somaliland ugu baaqayaan nabad iyo deganaan, si looga gudbo xiisadaha colaadeed ee haatan ka jira gobollad Sool iyo Sanaag. Sidoo kale wuxuu tilmaamay in dhankooda ay diyaar u yihiin nabad ku wada noolaashaha iyo deris-wanaagga, si shuruud la’aan ah. “Laga soo bilaabo 25-kii August 2023-kii, waxa aanu ku baaqnay nabad, welina waan ku taagan nahay. Nabad aanay shuruudi ku xidhnayn ayaan diyaar u nahay. Laakiin aqbali mayno nabad wax u u dhimayso doonistayada,” ayuu yiri Cabdulqaadir Firdhiye. Dhinaca kale, wuxuu farriin culus u diray dowladda federaalka, isaga oo ka dalbaday in ay qaadato doorka wada-hadallada ee SSC-Khaatumo iyo Somaliland, si ay xal u wada gaaraan labada dhinac oo horay ugu dagaalamay Laascaanood iyo qaybo kale oo kamid ah Sool iyo Sanaag ee waqooyiga Soomaaliya. Firdhiye ayaa soo jeediyay in Madaxweynaha iyo Ra’iisul wasaaraha ay qaataan kaalintooda, si looga maarmo in dowlado shisheeye ay soo farogeliyaan xiisaddaasi. “Xukuumadda Dan-qaran iyo madaxweynaha Jamhuuriyadda waxa aan ugu baaqaynaa in ay qaataan doorka hoggaamineed ee nabadda, intii ay dawlado shisheeeye qaadan lahaayeen. Ha isu keen keento oo ha na wada hadashiiso. Wanaag aan waxba ka hoosayn ayaan u rajaynaynaa.” ayuu sii raaciyay hoggaamiyaha SSC-Khaatumo. Hadalkan ayaa kusoo aadayo, iyada oo dhowaan Madaxweyne Xasan Sheekh Maxamuud oo wax laga waydiiyay safarka Ra’iisul wasaarihiisa ee magaalada Laascaanood uu sheegay inuu u tegay xal raadin iyo sidii nabad loogu raadi lahaa colaadihii ka dhashay dagaalladii ka dhacay halkaas, gaar ahaan arrinta SSC-Khaatumo iyo Somaliland. Madaxweynaha ayaa sidoo kale xaqiijiyay in Xamza uu halkaas u tegay, si uu u abuuro jawi wada-hadal oo ay ku kulmi karaan labada dhinac. “Ra’iisul Wasaaruhu wuxuu halkaas u joogaa inuu xal raadiyo. Khilaafka weli lama xallin, wuu huursan yahay, labada dhinacna maxaabiis ayay kala haystaan. Sidaas darteed, ujeedadiisu waa in la abuuro jawi wadahadal dhab ah, maadaama ay jiraan caqabado hor taagan in si toos ah la isula fariisto,” ayuu yiri Madaxweyne Xasan Sheekh. Dhanka kale, Somaliland ayaa ka carootay booqashada Ra’iisul wasaaraha, iyada oo weli u aragta gobolka Sool inuu ka mid yahay dhulkeeda. Xukuumadda iyo goleyaasha Somaliland ayaa si adag u cambaareeyay booqashada Xamza ee degmada Laascaanood.

Las Anod (HOL) — Somalia’s federal government has officially recognized SSC-Khaatumo as a federal administration, placing it alongside the country’s existing member states, Prime Minister Hamza Abdi Barre announced Sunday during a visit to Las Anod. Source: Hiiraan Online

Mogadishu (HOL) — Somalia has formally offered the United States access to three of its most strategic ports—Mogadishu, Kismayo, and Berbera—as part of a broader effort to strengthen bilateral defence cooperation and dissuade Washington from recognizing Somaliland's claims of independence. Source: Hiiraan Online

Hargeisa (HOL) — Somaliland officials say the United States is rethinking its longstanding "One Somalia" policy, citing growing U.S. interest in direct engagement with the self-declared republic as Washington seeks to counter rising security threats and geopolitical competition in the Horn of Africa. Source: Hiiraan Online

Buulo-burde (Caasimada Online) – Faah-faahinno kala duwan ayaa kasoo baxaya dagaallo culus oo weli ka socda gudaha deegaanka Aboorey ee gobolka Hiiraan, kuwaas oo u dhexeeyo ciidamada dowladda, dadka deegaanka iyo maleeshiyaadka Al-Shabaab. Dagaalladan oo socda in ka badan laba todobaad oo xiriir ah ayaa marba marka dambeysa sii xoogeysanaya, waxaana dhinacyadu ay helayaan gurmadyo dheeraad ah. Khasaaraha ayaa sidoo kale sii kordhaya, maadaama dagaalka uu yahay mid xooggan oo dhinacyadu ay isku adeegsanayaan hubka noocyadiisa kala duwan. Sidoo kale, waxaa lasoo wariyay in weerar culus uu xalay ka dhacay deegaanka, kaas oo lagu beegsaday goobaha ay ku sugan yihiin xubnaha kooxda Al-Shabaab oo isku dayaya inay difaacdaan Aboorey oo ah deegaan istaraatiiji ah oo ay muddo dheer ka talinayeen. Wararka ayaa intaasi kusii daraya in horumarka ciidamada huwanta ay caqabad wayn ku noqotay hoos u dhaca taageerada cirka ah, taas oo sii dheereysay dagaalka ka socda halkaasi. Duqeymaha laga gaabiyay ayaa Al-Shabaab fursad u siiyey inay dagaalamaan oo weliba si aan horay loo arag ay jilibka u dhigtaan, sidoo kale waxaa u soo gurmanayo ciidamo xoog leh oo ka soo gudbayey galbeedka gobolka Hiiraan. Deegaanka Aboorey ayaa muhiim u ah isku socodka kooxda ee gobollada Hiiraan, Shabeellaha Dhexe iyo Galmudug, halkaas oo dagaalamayaal kale ay uga go’doonsan yihiin, waxayna markaan isku dayeen Al-Shabaab inay iska dhiciyaan oo dagaalka uga adkaadaan Xawaadle iyo Ciidamada Xoogga Dalka Soomaaliyeed ee aaggaas jooga. Dowladda federaalka ayaa dhankeeda dagaalka sii xoojineyso, waxayna ciidan dheeraad ah geysay deegaannada Aboorey iyo Yasooman, si loo xoojiyo howlgallada socda halkaasi Si kastaba, xaaladda ayaa weli kacsan, waxaana lasoo warrinayaa in ciidamada ay isku fidinayaan aagga degmada Buulo-burde oo ay hoostagaan deegaannada haatan lagu dagaalamayo, si Shabaab looga faramaroojiyo deegaannadaas oo ay ku xoogan tahay.

Muqdisho (Caasimada Online) – Madaxweynaha Mareykanka Donald J. Trump ayaa Axaddii soo saaray bayaan xooggan oo uu ku muujinayo taageerada Mareykanka ee Soomaaliya, isagoo uga digay Xuutiyiinta inay saldhig ka helaan dalka, sidoo kalena bogaadiyey duqeymo dhowaan lala beegsaday kooxda Daacish ee ku sugan Puntland. Bayaanka, oo lagu daabacay barta Truth Social, ayaa sidoo kale u muuqda mid wiiqaya dadaalladii diblomaasiyadeed ee Somaliland ay ku doonaysay inay ku hesho aqoonsi rasmi ah oo Mareykanku siiyo. “Waxaan garab taaganahay shacabka Soomaaliyeed, waa inaysan ogolaanin in Xuutiyiinta ay gudaha u galaan dalka (taas oo ay isku dayayaan!), si loo ciribtiro argagixisada loona gaarsiiyo dalka horumar iyo barwaaqo,” ayuu Trump ku yiri qoraalkiisa. Hadalka Trump ayaa imaanaya iyadoo dhowaan Madaxweynaha Somaliland, Cabdiraxmaan Maxamed Cabdullaahi Cirro, uu dib-u-doorashada Trump ku tilmaamay “fursaddii ugu weynayd” ee Somaliland ay ku heli karto aqoonsi caalami ah. Cirro ayaa u sheegay The New York Times inuu rumeysan yahay in aragtida Trump ee ganacsiga ku dhisan ay noqon karto fure u ah in Mareykanku ugu dambayn aqoonsado jamhuuriyadda iskeed isu magacawday. “Aniga iyo shacabka Somaliland waxaan si dhab ah u aaminsannahay in maskaxda ganacsi ee Madaxweyne Trump ay dhabbaha u xaari karto aqoonsigeenna,” ayuu yiri Cirro. Si kastaba, taageerada cad ee Trump uu u muujiyey dowladda federaalka Soomaaliya, iyo sida uu Soomaaliya ugu tilmaamay xulafo istiraatiiji ah oo muhiim u ah la-dagaallanka argagixisada, ayaa si weyn u niyad-jabin karta rajooyinkii Somaliland. Bayaanka Trump ayaa yimid kadib markii Taliska Ciidamada Mareykanka ee Afrika (AFRICOM) uu xaqiijiyey in 1-dii Febraayo 2025 uu fuliyey duqeymo lala kaashaday dowladda federaalka Soomaaliya. Duqeymahaasi ayaa lagu bartilmaameedsaday hoggaanka ISIS-Soomaaliya, kuwaas oo ku dhuumaaleysanayay godad buuraley ah oo ku yaalla qiyaastii 50 mayl koonfur-bari kaga beegan magaalada Boosaaso. AFRICOM ayaa sheegay in duqeymahaas lagu dilay ilaa 14 xubnood oo ka tirsanaa ISIS, kuwaas oo uu ka mid ahaa Axmed Maeleninine — qof muhiim ah oo ka tirsanaa kooxda, kana shaqeyn jiray qorista dagaalyahannada, maalgelinta, iyo qorsheynta weerarada ka baxsan gudaha Soomaaliya, oo ay ka mid ahaayeen dadaallo lagu gelinayay dagaalyahanno gudaha Mareykanka iyo qaaradda Yurub. Madaxweyne Trump ayaa sidoo kale sheegay inuu meesha ka saaray caqabadihii xukuumaddii hore ee uu sheegay inay hor istaageen awoodda buuxda ee ciidamada Mareykanka. “Waa waqtigii argagixisadu ay qarsan lahaayeen, balse ma waayi doonaan caddaalad. Ciidamadeenna — kuwa ugu awoodda badan ee dunidu aragtay — way heli doonaan, oo si degdeg ah cadaalad ugu fuliyaan,” ayuu yiri Trump. “Waxaan meesha ka saaray xeerarkii khatarta lahaa ee Joe Biden, waxaana mar kale awood siiyay ciidamadeenna — sidaan horey ugu sameeyay dagaalkii aan la galay ISIS, oo aan saddex toddobaad gudahood ku burburinay xilligii General Daniel Caine, oo ah Taliyaha cusub ee Ciidamada Mareykanka.” Haddaba, taageerada Trump uu siiyay Muqdisho waxa ay u muuqataa in ay albaabkii fursadda u xirtay Somaliland. “Trump wuxuu Soomaaliya ku tilmaamay xulafo muhiim u ah Mareykanka oo ka shaqeynaysa la-dagaallanka argagixisada,” ayuu yiri falanqeeye goboleed. “Taasina waxa ay aad u yareyneysaa suurtagalnimada taageerada Mareykanka ee gooni-u-goosadka Somaliland — gaar ahaan xilli ammaanka gobolka uu aad u xasaasi yahay.”

Laascaanood (Caasimada Online) – Ra’iisul wasaaraha xukuumadda federaalka Soomaaliya, Mudane Xamza Cabdi Barre oo weli ku sugan magaalada Laascaanood ayaa xalay la kulmay waxgaradka, qaybaha bulshad iyo hoggaanka sar ee maamulka SSC-Khaatumo, isaga oo ku dhowaaqay go’aan la xiriira aqoonsiga maamulkaas curdunka ah. Xamza oo jeediyay khudbad xasaasi ah ayaa marka hore ballan qaaday in bulshada SSC-Khaatumo ay heli doonaan xuquuq lamid ah kuwa maamul-goboleedyada kale ee dalka ka jira, waxaa uunna kula dardaarmay madaxda maamulkaasi in ay maamulka curdunka ah ka saaaran Ku-meelgaarnimadda. “Waxaa farxad iyo dareen kalgacayl ii sameeyay sida wadajirka ah ee aad u ilaaliseen midnimada iyo Calanka Jamhuuriyadda Federaalka Soomaaliya, waxaa nasiib wanaag ah in caawa Calanka Buluugga ah uu ka taagan yahay qeybo badan oo kamid ah gobollada waqooyi, waxaan joognaa xilligii ay dadka Soomaaliyeed ugu baahida badnaayeen nabad iyo midnimo, booqashada taariikhiga ah ee aan ku imid Laascaanood waa mid ka turjumasa adkaynta midnimada iyo wadajirka shacabka Soomaaliyeed” ayuu yiri Xamza. Intaasi kadib waxa uu si rasmi ah ugu dhowaaqay aqoonsiga SSC-Khaatumo, isaga oo sheegay inuu yahay maamul jira oo kamid ah maamullada Soomaaliyeed, wuxuuna sidoo kale meesha ka saaray in lagu muransan yahay deegaannada maamulkaasi. “DFS waxay si cad oo qoraal ah idinla qaadatay qaabkii aad wax u sameysateen si waafaqsan dastuurka KMG ah iyo xeerarka u degsan dalka” ayuu mar kale yiri Xamza. Waxaa kale oo uu sii raaciyay “Waxaan cod dheer ku sheegayaa in SSC ay tahay deegaan iyo maamul Soomaaliyeed oo ka tirsan DFS, mana ah meel lagu mursan yahay”. Xamza ayaa sidoo kale carabka ku adkeeyay in dowladda federaalka Soomaaliya ay si buuxda u garab taagan tahay SSC Khaatumo, isla markaana ay aqoonsan tahay dadaallada ay wadaan si ay u helaan maamul rasmi ah oo matala shacabka deegaankaas. Dhanka kale, SSC-Khaatumo ayaa markii ugu horreysay si rasmi ah uga qayb-galeyso shirka golaha wadatashiga qaranka ee dhowaan ka dhacaya magaalada Muqdisho, kaasi oo lagu casuumay hoggaamiyahooda Cabdulqaadir Firdhiye oo isna aqbalay. Casumaadda Madaxweynaha SSC-Khaatumo waxaa si rasmi ah u shaaciyay Ra’iisul Wasaaraha Soomaaliya, Xamza Cabdi Barre oo sheegay inuu imaanayo shirka Muqdisho. Ra’iisul Wasaaruhu wuxuu xaqiijiyay in Madaxweyne Firdhiye uu aqbalay casuumaaddaas isla markaana uu ka qeyb geli doono kulanka Shirka Golaha Wadatashiga Qaran, kaas oo ay ka qeyb-galayaan madax goboleedyada qaarkood, maadaama uu Xasan Sheekh ka reebay Madaxweynaha Jubbaland ka qeyb-galka kulankaan, halka Puntland ay is-hayaan hoggaanka Villada. Si kastaba, booqashada Xamza ayaa xusid mudan inay tahay tii ugu horreysay ee Ra’iisul Wasaare ka tirsan dowladda federaalka uu ku tago magaalada Laascaanood, waxayna wax badan ka beddashay xiriirka SSC-Khaatumo iyo dowladda dhexe.

Taliska Ciidanka Booliska Soomaaliyeed iyo masuuliyiin kala duwan ayaa ka tacsiyeeyay geerida Allaha u naxariistee Janeraal Maxamed Yuusuf Cumar (Madaale) oo saacado ka hor ku geeriyooday magaalada Muqdisho, ayagoo ku ammaanay kaalintii u ku lahaa dib u dhiska ciidanka iyo u adeegidda qaranka. S/Guuto Maxamed Yuusuf Cumar (Madaale) wuxuu ahaa sarkaal muddo dheer u soo adeegay dalkiisa iyo shacabkiisa Soomaaliyeed, isagoo kaalin muuqata ka soo qaatay horumarinta laamaha ammaanka iyo sugidda nabadgelyada dalka, waxayna dadka ay isla soo shaqeeyeene ku tilmaameen Janeraal aad u firfircoonaa o dalkiisa si daacadnimo ah ugu adeegayay muddo ku dhow 50 sano. Sargaalkan oo kamid ahaa taliyaasha ugu waaya-aragsan ciidamada qalabka sida ayaa xilal kala duwan oo dhinaca hoggaaminta ah ka soo qabtay ciidanka booliiska Soomaaliyeed, sida ay qireen xubno kamid ah dadkii ay isla soo shaqeeyeeni. Source: goobjoog.com

Ra’iisul wasaaraha xukuumadda Federaalka Soomaaliya, Xamse Cabdi Barre oo ku sugan magaalada Laascaanood ayaa xalay ku dhawaaqay in dowladda Soomaaliya maamul rasmi ah u aqoonsatay SSC-khaatumo. Ra’iisul wasaare Xamse oo hadal ka jeediyay kulan dadweyne oo ka dhacay magaalada Laascaanood ayaa sheegay in SSC-khaatumo ay tahay maamul Soomaaliyeed oo ka tirsan dowladda Federaalka Soomaaliya, islamarkaana aysan ahayn dhul iyo degaan lagu muransan yahay. “Waxaan cod dheer ku sheegayaa in SSC-khaatumo tahay maamul Soomaaliyeed oo ka tirsan dowladda Federaalka Soomaaliya mana ahan meel lagu muransan yahay, sidaasi darteed dhammaan saaxiibada Soomaaliya waxaa ku waajib ah in ay si lamid ah maamullada kale Khaatumo ula dhaqmaan” ayuu yiri Ra’iisul wasaaraha xukuumadda Federaalka Soomaaliya, Xamse Cabdi Barre. Ra’iisul wasaare Xamse ayaa sidoo kale sheegay in maamulka SSC-khaatumo uu dowladda Federaalka Soomaaliya ka heli doono xuquuq la siman tan dowlad goboleedyada kale ku lee yihiin dowladda, kaddib markii uu ku dhawaaqay in maamul rasmi ah loo aqoonsaday. Halkaan ka daawo Hadalkiisa PUNTLAND POST The post Dowladda Federaalka Soomaaliya oo ku dhawaaqday in ay maamul rasmi ah u aqoonsatay SSC-khaatumo appeared first on Puntland Post.

Qaar kamid ah Xildhibaanada labada gole ee Baarlamaanka Jamhuuriyadda Federaalka Soomaaliya oo laga soo doorto deegaanada Soomaaliland ayaa dhowaan soo saaray war saxaafadeed ay ku diiddanyihiin in hoggaamiyaha maamulka SSC-khaatumo uu ka qeyb-galo shirka Madasha wada-tashiga qaranka. Xildhibaanadan ayaa sheegay in hoggaamiyaha maamulka SSC-khaatumo uu maamulo qeyb kamid ah gobolka Sool, islamarkaana in Madasha wada-tashiga qaranka lagu casuumaahi ay tahay arrin sharci-darro ah, taas oo ay tilmaameen inay dhaawacayso dadaalka loogu jiro midnima doonka iyo wada-hadallada Soomaaliland. Haddaba markii uu soo baxay war saxaafadeedkaasi ayaa qaar kamid ah Xildhibaanadii ku saxiixnaa waxay sheegeen in lagu been-abuurtay oo aysan qeyb ka ahayn 29-ka mudane ee magacyadoodu qoraalka ku lifaaqnaayeen. Mundaneyaasha si adag u beeniyay warqaddaas waxaa kamid ah Ra’iisul Wasaare ku xegeenkii hore Mahdi Guuleed Qadar oo sheegay in war saxaafadeedkaas uu baraha bulshada ku arkay, islamarkaana uusan ka warqabin cidda soo saartay. Sidoo kale xubno kale oo ay kamid tahay Xildhibaan Gobsan ayaa iska fogeeyay ka qeyb-ahaansha war saxaafadeedkaas, taas oo su’aal gelisay sida ay ku soo baxday warqaddan lagu diidanyahay jiritaanka maamulka SSC-Khaatumo. Source: goobjoog.com

Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, oo ku guda-jira socdaalka nabadda iyo midnimada ee uu ku joogo magaalada Laascaanood, ayaa caawa ka qeyb-galay munaasabad weyn oo ay ka soo qeybgaleen madaxda heerarkooda kala duwan iyo kumanyaal dadweyne ah, taasi oo loogu magac-daray habeenka Ra’iisul Wasaare Xamsa iyo Bulshada SSC-Khaatumo. Mudane Xamsa, oo khudbad ka jeediyey munaasabadda, ayaa sheegay in maamulka Khaatumo ku yimid rabitaanka shacabka deegaannada SSC, caawa kadibna ay heli doonaan xuquuq lamid ah mid ah kuwa maamul-goboleedyada kale ee dalka ka jira, waxaa uunna kula dardaarmay madaxda SSC-Khaatumo in ay maamulka curdinka ah ka saaaran Ku-meelgaarnimadda. “Waxaa farxad iyo dareen kalgacayl ii sameeyay sida wadajirka ah ee aad u ilaaliseen midnimada iyo Calanka Jamhuuriyadda Federaalka Soomaaliya, waxaa nasiib wanaag ah in caawa Calanka Buluugga ah uu ka taagan yahay qeybo badan oo kamid ah gobollada waqooyi, waxaan joognaa xilligii ay dadka Soomaaliyeed ugu baahida badnaayeen nabad iyo midnimo, booqashada taariikhiga ah ee aan ku imid Laascaanood waa mid ka turjumasa adkaynta midnimada iyo wadajirka shacabka Soomaaliyeed”, Ayuu yiri Ra’iisul Wasaare Xamsa. Ra’iisul Wasaaraha, ayaa intii uu ku sugnaa munaasabadda, waxa uu kalmado ku aaddan midnimada Jamhuuriyadda Federaalka Soomaaliya, ka dhageystay madaxda heerarkooda kala duwan, isimada dhaqanka iyo dadweynihii kasoo qeyb-galay munaasabadda, waxaa uunna u mahadceliyey bulshada ku dhaqan deegaannada SSC-Khaatumo. Source: goobjoog.com

Madaxweynaha Mareykanka Donald Trump ayaa qoraal uu bartiisa X soo geliyay ku sheegay in kooxda Daacish ay hadda ku jirto xaalad dhuumaalaysi ah, balse waxba uma suurta-geli doonaan, waana heli doonaa meelaha ay u isku qarinayaan sida uu tilmaamay. Dhanka kale Trump ayaa ballanqaaday in maamulkiisu uu taageeri doono Shacabka Soomaaliyeed, si aan loogu ogolaan Xuutiyiinta inay soo dhex galaan, islamarkaana dadaal loo galo sidii looga hortagi lahaa argagixsada, dalkana barwaaqo looga dhigi lahaa. Farriintan ka timid madaxweyne Trump ayay xeeldheerayaashu ku tilmaameen inay ka dhigantahay in Washington ay ka go’antahay inay Soomaaliya ka taageerto dagaalka ay kula jirto kooxaha Daacish iyo Alshabaab, islamarkaana layska kaashado ammaanka badda cas iyo ka hortagga in xuutiyiinta ay saameyn ku yeeshaan dhulka Soomaalida. Mareykanka ayaa kamid ah saaxiibada ugu muhiimsan ee dowladda Soomaaliya ka gacansiiya dagaalka ay kula jirto kooxaha Daacish iyo Alshabaab, wuxuuna tababaraa cutubyo kamid ah ciidamada qalabka sida oo ka kala howlgala Koonfur dalka iyo deegaanada Puntland. Source: goobjoog.com

https://qarannews.com/wp-content/uploads/2025/04/AQN6ph3j0IiTKlSa5rUD_kxCkxvjTFmjDP3ZHD09jKcZ8qTPJwNO0XKvYESB8Sc3L4uEdOgtNw894K8kuaYE5xNt.mp4 Qaran News

https://qarannews.com/wp-content/uploads/2025/04/AQMmpG_Wq4AFXvc6doToH5WOOQhhDP1X27L9UPL63zRl3Pv_J_2-knABei90efIJwDf42v-mpjJpU8muqfSL4aFy.mp4 Qaran News

Wasiiru dawladaha Wasaaradda Arrimaha Dibadda ee Soomaaliya Cali Balcad ayaa sheegay in ay dawladda Maraykanka ay ka codsadeen in ay dib u cusboonaysiiso heshiiskii 1980-kii ay wada galeen dawladdii Kacaanka iyo dalka Maraykanka kaas ahaa in Maraykanku isticmaalo dekedaha Berbera, Muqdisho iyo Kismaanyo. Cali Balcad ayaa xusay in ay doonayaan sidii uu Maraykanku heshiiskan dib ugu cusboonaysiin lahaa isaga oo dekedahan qaadanaya iyo weliba in uu dawladda Soomaaliya ka taageero la dagaallanka kooxda AS. Dalabkan ayaa noqonaya kii labaad ee Soomaaliya u gudbiso maamuulka madaxweyne Trump iyada oo hore ugu dirtay codsi warqad ku qornaa oo dhigayey in uu Maraykanku qaato dekedaha Berbera, Boosaaso iyo garoonka Balli-Doogle ee Shabeellada hoose. Balse dawladda Maraykanka ayaa ilaa hadda u muuqata in aanay arrimahan si rasmi ah uga soo jawaabin. Source

Madaxweynaha Mareykanka, Donald J. Trump, ayaa mar kale ka hadlay dadaallada caalamiga ah ee lagula dagaallamayo argagixisada, isaga oo si gaar ah u xusay taageerada uu u hayo shacabka Soomaaliyeed. Trump ayaa sheegay in ciidamada Mareykanka ay diyaar u yihiin in ay ka hortagaan kooxaha argagixisada ah, isaga oo si gaar ah u xusay sidii ay u burburiyeen ISIS saddex toddobaad gudahood, xilligii uu xilka hayay. “Waxaan taageeri doonaa shacabka Soomaaliyeed,” ayuu yiri Trump, “waa inaysan oggolaan Xuutiyiinta inay saldhig ka dhigtaan dalkooda (sida ay isku dayayaan!), si loo soo afjaro argagixisada loona keeno barwaaqo iyo xasillooni Soomaaliya.” Soomaaliya ayaa hadda wajahaysa dagaal adag oo ay kula jirto kooxaha xagjirka ah ee Daacish iyo Al-Shabaab, kuwaas oo muddo sanado ah halis ku hayay nabadda, amniga iyo horumarka dalka. Dowladda Federaalka Soomaaliya ayaa garab ka helaysa saaxiibbada caalamiga ah, gaar ahaan Maraykanka, si loo xoojiyo dagaalka lagula jiro kooxahan. Madaxweyne Trump ayaa sheegay in laga takhalusay xeerar siyaasadeed oo hor istaagayay awoodda ciidamada Mareykanka, isaga oo xusay in General Daniel Caine uu hadda yahay guddoomiyaha cusub ee Golaha Taliyeyaasha Ciidanka Mareykanka, loona diyaariyay hoggaan adag oo lagula dagaallamo argagixisada meel kasta oo ay joogaan. Dowladda Soomaaliya ayaa la filayaa inay sii wado howl-gallada ka dhanka ah Daacish iyo Al-Shabaab, iyadoo kaashanaysa taageerada Maraykanka iyo beesha caalamka. Source: goobjoog.com

NCA senior leadership with Starlink said officials in Mogadishu earlier today. MOGADISHU, SOMALIA – April 13, 2025 —The National Communications Authority (NCA) of Somalia has officially granted operational license approval for Starlink to launch its services in Somalia. The announcement was made during a formal ceremony in Mogadishu, attended by representatives from Starlink and government officials. Speaking at the launch event, Mustafa Yasin Sheik, Director General of the NCA, stated: “Starlink’s entry into Somalia represents a significant milestone in our efforts to bridge the digital divide in our country, this partnership will especially benefit individuals and institutions in rural areas, where internet access has been extremely limited.” The Minister of Communications and Technology, H.E. Mohamed Mo’allim, who attended the event, expressed the government’s support: “We welcome Starlink’s entry to Somalia. This initiative aligns with our vision to deliver affordable and accessible internet services to all Somalis, regardless of where they live.” The introduction of Starlink is expected to enhance internet coverage and significantly improve digital inclusion nationwide. Source: nca.gov.so The post National Communications Authority Grants Starlink Official License to Operate in Somalia appeared first on Puntland Post.

Madaxweynaha Mareykanka Donald Trump “xaalkiisa caafimaad maskaxiyan iyo mid jireed waa heer sare”, ayuu yidhi dhaqtarkiisa Aqalka Cad. Baadhitaankiisa caafimaad ee sanadalaha ee ugu horreeyay tan iyo markii uu xafiiska kusoo laabtay, looguna sameeyay isbitaal ku yaalla Washington, ayaa waxaa sidoo kale Trump laga helay “in dhegtiisa midig uu dhaawac yar ku yaallo sababo la xiriira dhawaqa rasaasta” kadib isku daygii dil ee bishii July. “Madaxweyne Trump caafimaadkiisu waa heer sare, wadnaha, neef-mareenka, neerfayaasha iyo guud ahaan shaqada jirka,” ayuu yiri dhaqtarkiisa, Captain Sean Barbabella. Trump oo 78 jir ah, wuxuu ahaa qofkii ugu da’da weynaa ee xilka qabta bishii January, inkasta oo ninka uu xilka kala wareegay, Joe Biden, uu kasii weynaa uuna ahaa 82 jir markii uu xilka ka degayay. Tan oo qeyb ka ahayd baaritaanka caafimaad ee ku dhowaad shan saacadood qaatay kana dhacay isbitaalka Walter Reed ee ku yaalla Bethesda, Maryland, ayaa waxaa Trump lgu sameeyay dhowr baaritaan dhiig, mid wadnaha ah iyo raajo, sida uu sheegay dhaqtarkiisa, oo ah dhaqtar ciidamada badda ee Mareykanka ka tirsan kaas oo kasoo shaqeeyay Ciraaq iyo Afghanistan. “Madaxweyne Trump wuxuu caafimaadkiisa garaad iyo jir ahaan muujiyay heer sare mar kalena wuu gudan karaa xilalkiisa Madaxa Guud ee Ciidanka iyo Madaxa Dalka ayuu yiri Dr Barbabella. Madaxweynaha ayaa sidoo kale lagu sameeyay baaritaan dhanka maskaxda, neerfayaasha iyo shaqada dareemaha mana lagu arkin wax calaamado dhanka isku buuqa amaba walaaca ah. Trump ayaa sidoo kale lagu sameeyay baaritaanka garaadka ee Montreal Cognitive Assessment (MoCA), wuxuuna dhibcaha 30 ka keenay 30, sida uu sheegay Dr Barbabella. Baaritaanka ayaa guud ahaan waxaa loo adeegsadaa in lagu ogaado hoos u dhaca garaadka iyo calaamadaha hore ee cudurka asaasaqa waxaana xujooyinka ka mid ah magacaabidda xayawaannada, sawiridda saacad iyo in erayada lagu celiyo shan daqiiqo kadib. Mar uu weriyeyaasha la hadlayay shalay, ayuu Trump sheegay in baaritaanka garaadka uu “jawaab walba sida saxda ah u keenay”. “Guud ahaan, waxaan dareemay in xaalkeygu fiican yahay,” ayuu yiri Trump said. “Wadne fiican, naf wanaagsan, naf aad u wanaagsan.” He added that doctors had given him “a little bit” of advice on lifestyle changes to improve his health, though he did not provide details. Dr Barbabella ayaa sidoo kale sheegay in Trump lagu arkay waxyeello yar oo qorraxda ah oo jirkiisa saameysay. Madaxweynaha ayaa qaata daawooyin dhowr ah oo lagu xakameynayo kolataroolkiisa waxaana ka mid ah – Rosuvastatin iyo Ezetimibe – iyo sidoo kale Aspirin oo dhanka wadnaha ah iyo kareenka Mometasone oo dhanka maqaarka ah. Baaritaanka wadnaha ee Trump ma muujin “wax aan caadi ahayn”, ayuu sidoo kale yiri Dr Barbabella. Baaritaanka ayaa lagu ogaaday in madaxweynuhu qabo xaaladda “hypercholesterolemia oo aad loo xakameeyay”, taas oo ah xaalad kordhin karta khatarta bukaanka ee ah inuu ku dhaco wadno-istaag. Xaaladaha kale ee taariikhda caafimaad laga helay waxaa ka mid ah caabuq hore oo Covid ah, rosacea, oo ah xaalad maqaarka ah oo wajiga guduud ku keenta. Miisaanka madaxweynaha ahaa ah 224lb (101kg) halka dhererkiisuna yahay 6ft 2.5in, sida ku xusan diwaanka Dr Barbabella. Trump ayaa xoogaa miisaan iska dhimay tan iyo bishii February 2019, markaas oo culeyskiisu ahaa 243lb. Marka celceliska jireed la eego waxaa lagu xisaabinayaa dhanka cayilka, balse maaha buurni saa’id ah. Waxaa sidoo kale baaritaanka lagu ogaaday in kala goysyada iyo murqaha madaxweynaha ay si buuxda u shaqeynayaan, taas oo loo nisbeeyay hab-dhaqankiisa nolosha ee wanaagsan ayna ka mid tahay jimicsi uu joogto u sameeyo sida cayaarta golofka. Waa warbixintii caafimaad ee ugu horreysay ee Trump ee dadweynaha loo soo bandhigo tan iyo markii nin hubeysan uu isku dayay inuu ku dilo isu soo bax olole oo ka dhacay Butler, Pennsylvania, bishii July, taas oo rasaas ay sigtay dhegtiisa Source

Xildhibaanada labada Golle ee Barlamaanka Federaalka ah ee Soomaaliya kana soo jeeda Somaliland oo Warsaxaafadeed soo saaray ayaa sheegay in aad uga xun yihiim hadalkii Ra’iisul Wasaare Xamse Cabdi Barre kaga dhawaaqay magaalada Laascaanood oo ah in hoggaamiye Cabdiqaadir Axmed Aw Cali Firdhiye ka soo qayb-galo Madasha Qaranka ee Maamul Goboleedyada dalku ku mideysan yihiin. “Hadalka Ra’iisul Wasaaraha oo sida uu sheegay Madaxweynuhuna la qabo waa go’aan aan lahayn saldhig sharci, horseedina kara furfur hor leh oo ku yimaada hannaankii Dawlad-dhiska Soomaaliya, isla markaana keeni kara xasilooni daro cusub oo xagal daacinaysa dedaaladii nabada ee laga dhex-waday Beelaha walaalaha ee wada dega Gobolka Sool.” “Raadinta midnimada Soomaaliya waxay leedahay saldhig sharci oo ku salaysan midowgii labadii qaybood ee 1960-kii ku midoobey Jamhuuriyada Soomaaliya, talaabo kasta oo taas ka hor imaanaysaana wax ka tarimayso soo celinta midnimada, waxayna muujinaysaa garowsho darro siyaasadeed, mid sharci iyo mid taariikheed. Sidaas Awgeed, hadii aanu nahay Xildhibaannada JFS ee hoos ku saxeexan waxaanu aaminsanahay:- In dariiqa keli ah ee Soomaali midaysan, xasilloon, oo is ogol lagu heli karaa ay tahay dib u ambaqaadida wadahadaladii soo socday ee Soomaaliya iyo Somaaliland” ayaa lagu yiri Warsaxaafadeedka. “Hindise kasta oo degmo ama qaybo ka mid ah gobol loogu aqoonsanayo maamul Goboleed iyada oo dano dhaw oo siyaasaddeed laga leeyahay waxa ay ka horimanaysaa qodoka 48aad faqradiisa 2aad iyo qodobka 49, faqradiisa 6aad ee dastuurka JFS, waxayna albaabka u furaysaa in ay kala daataan maamullada hore u dhisnaa, waxa kale oo ay kala irdhaynaysaa dadka wada dega dhulkaas. Waxaanu soo dhoweynaynaa dedaal kasta oo nabad, xasilooni iyo wada noolaasnho loogu raadinayo colaadda ka taagan beriga Gobolada Sool” ayuu sii raaciyay Warsaxaafadeedka. Halkaan ka akhriso Warsaxaafadeedka PUNTLAND POST The post Xubno ka tirsan Baarlamaanka Soomaaliya oo cambaareeyay Hadal Ra’iisul Wasaare Xamse ka sheegay Laascaanood appeared first on Puntland Post.