Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre ayaa maanta xafiiskiisa ku qaabiley Ergeyga kumeel gaarka ah ee Xoghayaha Guud ee Qaramada Midoobay ee Soomaaliya, James Swan oo ay kawada hadleen xoojinta wadashaqeynta hay’adaha Qaramada Midoobay iyo dowladda Soomaaliya. Ra’iisul Wasaaraha ayaa uga mahadceliyey hay’adda Qaramada Midoobay taageerada ay la garab taagan yihiin dowladda iyo shacabka Soomaaliyeed,isagoo intaa ku daray inay diyaar u yihiin in si dhow uga wada shaqeeyaan arrimaha bini’aadamtinimada, horumarinta bulshada iyo xasillinta deegaannada laga xoreeyey Khawaariijta. Ergayga ayaa dhankiisa ka mahadceliyey soo dhawaynta loo sameeyey,isagoo sheegay in Qaramada Midoobay diyaar u tahay in dowladda Soomaaliya ay gacan ka siiyaan barnaamijyada hortabinta u leh qorshaha Xukuumadda DanQaran. Source: goobjoog.com

Madaxweyne ku xigeenka koobaad ee dowlad goboleedka Jubaland mudane Maxamuud Sayid Aaden oo ku sugan degmada Ceelwaaq ee Gobalka Gedo ayaa booqday ciidan cusub oo dhawaan tababar loosoo xiray, kuwaas oo loo diyaariyay inay ka qeyb qaataan sugidda Amniga iyo howl-gallada ka dhanka kooxda Alshabaab Madaxweyne ku xigeenka oo la hadlay ciidanka cusub ee Daraawiishta Jubaland, ayaa kula dardaarmay inay u diyaar garoobaan howl-agalada lagula dagaalamaya kooxda Alshabaab, isagoo sheegay inay la garab taagan yihiin wax kasta oo ay ubaahan yihiin. Jubbaland ayaa kamida meelaha ay kooxda Alshabaab deegaanada badan ka joogaan, waxaana la filayaa in wajiga labaad ee dagaalka ka dhanka ah Alshabaab uu dhowaan ka billowday. Source: goobjoog.com

Muqdisho (Caasimada Online) – Ra’iisul wasaaraha Soomaaliya, Mudane Xamza Cabdi Barre ayaa maanta kulan gaar ah la yeeshay ergeyga kumeel gaarka ah ee Xoghayaha Guud ee Qaramada Midoobay ee Soomaaliya, James Swan oo maanta booqasho ugu tegay. Labada mas’uul ayaa waxa ay kulankooda uga wada-hadleen xoojinta wadashaqeynta hay’adaha Qaramada Midoobay iyo dowladda federaalka Soomaaliya. Xamza oo madasha ka hadlay ayaa sidoo kale uga mahadceliyey hay’adaha Qaramada Midoobay taageerada ay la garab taagan yihiin dowladda iyo shacabka Soomaaliyeed, isagoo intaa ku daray inay diyaar u yihiin in si dhow uga wada shaqeeyaan arrimaha bini’aadamtinimada, horumarinta bulshada iyo xasillinta deegaannada laga xoreeyey Khawaariijta. Dhankiisa Ergayga aya ka mahadceliyey soo dhawaynta loo sameeyey, isagoo sheegay in Qaramada Midoobay diyaar u tahay in dowladda Soomaaliya ay gacan ka siiyaan barnaamijyada hortabinta u leh qorshaha Xukuumadda DanQaran. Swan oo dhowaan Muqdisho yimid ayaa wada kulamo xasaasi ah oo uu la yeelanayo madaxda dowladda dhexe, isaga oo horay ula kulmay wasiirka arrimaha dibadda Soomaaliya, oo ay ka wada-hadleen dhisidda guddi farsamo oo wadaag ah oo kala matalaya Soomaaliya iyo Qaramada Midoobey oo ujeedkooda shaqo uu yahay unkidda Xafiis Qaramada Midoobey ku yeelato dalka. Sidoo kale waxa ay isla soo qaadeen sare u qaadida iskaashi wax-ku-ool ah iyo iskuduwid sarraysa si loo gaaro ujeeddooyinka wadaagga ah ee ka shaqaynaya hannaanka kala guurka ee la qorsheeyay. Waa markii labaad ee uu James Swan qabanayo xilkan, balse markan waa kusime, isaga oo si KMG usii hayn doono, waxaana uu dhameystiri doonaa howsha xafiiska UNSOM oo la qorsheynayo in sanadkan dib u eegis lagu sameeyo. Isku soo wada duubo, Swan oo horay xilka Ergeyga QM ee Soomaaliya u soo qabtay sanadihii 2019-2022, si fiicana u yaqaana madaxda Soomaalida ayaa waxaa hadda hortaalla sidii uu dhinacyada isugu soo jiidi lahaa, si miiska wada-hadalka la iskugu yimaado, waana mid kamid ah shaqooyinka adag ee imaatinkiisa uu markaan la koowsanayo. The post Sawirro: Xamza iyo Swan oo kulmay iyo arrimaha laga wada-hadlay appeared first on Caasimada Online.

Muqdisho (Caasimada Online) – Wasiirka arrimaja dibadda xukuumadda federaalka Soomaaliya, mudane Axmed Macallin Fiqi ayaa maanta xafiiskiisa ku qaabilsay Siihayaha Safaaradda Liibiya Nasr Mohamed Assanosi, isaga oo kala hadlay arrimo xasaasi ah. Fiqi ayaa danjiraha kala hadlay laba arrimood oo kala ah xoojinta xiriirka labada wadan iyo bedqabka muhaajiriinta Soomaaliyeed, sida lagu sheegay qoraal kasoo baxay wasaaradda. “Wasiirka Arrimaha Dibadda iyo Iskaashiga Caalamiga, Mudane Danjire Axmed Macallin Fiqi Axmed, ayaa maanta oo Talaado ah ku qaabilay xafiiskiisa Wasaaradda, Siihayaha Safaaradda Dowladda Liibiya ee Jamhuuriyadda Federaalka Soomaaliya, Nasr Mohamed Assanosi, oo uu kala hadlay siyaabaha lagu xoojin karo xiriirka labo geesoodka iyo iskaashiga labada dal ee walaalaha ah u dhexeeya” ayaa lagu yiri warsaxaafadeedka. Inta uu socday kulanka waxaa intiisa badan xoogga lagu saaray arrinta muhaajiriinta Soomaaliyeed ee ku sugan dalka Liibiya, tallaabooyinka lama huraanka ah ee lagu hagaajin karo xaaladdooda nololeed, bedqabkooda iyo ilaalintooda. Sidoo kale waxaa la’isla soo qaadau sidii loo soo celin lahaa muwaadiniinta danaynaysa inay si iskood ah oo nabad-qab ah ay dib ugu soo guryo-noqdaan dalkooda. Dhinaca kale waxaa kualanka kulanka lagu faaqiday xaaladihii ugu dambeeyay ee siyaasadda iyo ammaanka dalka Liibiya, sida lagu xusay qoraalka wasaaradda. Liibiya ayaa waxaa ku sugan dhalinyaro badan oo Soomaaliyeed, kuwaas oo sanado magafe uu ku haysto dalkaasi, waxaana ku haystaa xaalado nololeed oo aad u daran. Si kastaba, kulankan ayaa kusoo aaday, ayada oo todobaadkii lasoo dhaafay Magafe laga soo badbaadiyay muhaajiriin badna oo ay ku jiraan Soomaali, kadib markii gacanta lagu soo dhigay ninkii muddada haystay, ayada oo muqaaladooda lagu faafiyay Internet-ka. The post DF oo Liibiya kala hadashay arrinta muhaajiriinta xilli dad badan laga soo furtay Magafe appeared first on Caasimada Online.

Burco,(Qaran news)-Waxa maabta mudaharaad balaadhan isugu soo baxay shaqaalaha cisbatalka guud ee magaalada Burco. Mudaharaadkani oo xooganaa waxa markii danbe shaqaalahii caafimaadka ee cisbatalka kala dareeriyay ciidamada amaanka iyada oo goobtaasi uu gaadhay badhisaabka gobolka Togdheer oo isagu la hadlay dadkii mudahraadaayay waxana uu u sheegay in cabashadoida la dhegaysanaayo. Hore waxa u jirtay cabasho xoogan oo ka soo baxaysay qaar ka mid ah shaqaalaha cisbatalka oo sheegaayay in ayna in mudo ah helin mushaarkoodii. Hadaba shaqaalaha cisbatalka Burco ee maanta mudaharaaday waxa ay ka cabnayaan oo ay ka soo hor jeedaan markii ay dawladu u sheegtay in la dhimaayo nushaarkooda ay qaataan oo markii horaba ay ka cabanayeen iyo adeegyada caafimaad ee cisbatalkaasi uu bixin jiray oo qaarkoof istaageen Dalku waxa uu u baahanyahay is bedel siyaasadeed oo kor u soo qaada adeegyda bulshada ee dalka oo dhan siiba cisbatalka Burco oo ay cabashadiisu in badan inagu soo noq noqotay . Qaran News

Xudur (Caasimada Online) – Faah-faahino dheeraad ah ayaa kasoo baxaya dagaal qaraar oo saaka ka dhacay degmada Xudur ee xarunta gobolka Bakool ee koonfurta Soomaaliya. Dagaalka oo ahaa mid xoogan ayaa waxaa lagu soo warramayaa inuu u dhexeeyay Al-Shabaab iyo ciidamada Itoobiya ee ku sugan halkaasi, waxayna xaaladdu tahay mid cakiran. Ilo dadka deegaanka ah ayaa innoo sheegay in dagaalka uu yimid, kadib markii xoogag Al-Shabaab ay weerar ku billowday madaafiic ku qaadeen saldhig ay leeyihiin ciidanka Itoobiya, waxaana kadib sidaas ku qarxay dagaal foolka fool ah. Dagaalka oo saacad ka badan qaatay ayaa la’isku adeegsaday hubka noocyadiisa kala duwan, mana cadda khasaaraha rasmiga ah ee soo kala gaaray labada dhinac. Al-Shabaab oo war kaso saartay dagaalkan iyo weerarka ka horreeyay ayaa guul sheegatay, waxayna sheegtay in khasaare lixaadleh ay u gaysatay ciidanka Itoobiya. Dhankooda saraakiil u hadashay ciidanka la weeraray ee ku sugan magaalada Xudur ayaa sheegay inay iska difaaceen weerarka lagu qaaday, isla markaana haatan ay howlgallo amni xaqiijin ah ka waday aagga lagu dagaalamay. Xaaladda ayaa haatan ah mid deggan, waxaana dib u laabtay maleeshiyaadkii kooxda Al-Shabaab ee weerarka ku qaadan saldhigga ciidanka Itoobiya ee ku yaalla degmada Xudur. Bakool ayaa kamid ah meelaha ay ku xoogan tahay kooxda Al-Shabaab, waxaana sidoo kale kus ugan ciidamada dowladda iyo kuwa Itoobiya ee qaybta ka ah howlgalka ATMIS. The post Al-Shabaab iyo ciidanka Itoobiya oo ku dagaalamay BAKOOL appeared first on Caasimada Online.

Sakariye Nuur Saajin Waa inan dhalinyaro ah. Haduu Cabdiraxmaan Cirro isla soo sawirey Shacabka waxuu u dirayaa fariin tolmoon. Waar shacabow Isbedelka xaqiiq ah. Muuse iyo Hooley si walba wey i isticmaaleen waa faashil. Istaaqfurala. Dalkuna isbedel buu u bahan yahey. Ka balaadhan. Lafti Nagaa. Wax walba u hore u yidhi. Waxu soo taabtey gidaarka fashilka xukumadda kulmiye iyo hogaaminta M Muuse. Raga Muuse la soo shaqeyey. Shacabka iyaga wax badan oo dhacey. Idinka waramayee. Daaya. Xabsi dusha ka furan bey ka soo baxeen. Ninba ninku ka xogogaalsan yahuu ka soo baxaya. Wasiira is casili doona dhowaan Xukumadda Muuse waa Fashiluu. Muuse waa Fashiluu. Markaa isbedelka dabeyshiisa soo dhoweeya bulshoy. Hebel iyo Hebel Haku Mashquulina. Badbaadda Dalka iyo Dadka ka shaqeeya Muwaadin walba oo soo waayo arkey, yaan la baacsanin. Dalka iyo dadkaba isbedel bisil beynu ku hageynaa. Raga isbedel doonka ee kulmiye haku Foodhyina Waa muwaadiniin u baahan badbaado qaran. Soo dhoweeya. Dalkeena u baahan in dad iyo duunyoba la badbaadiyo. Haku Mashquulina Sawirkan wiilkan Isbedelka ka shaqee Muwadin Badbaado Qaran dad iyo duunyoba Ciro Waa Damal La Hadhsaddo Dalka iyo dadku badbaadinaya Kuma mashquulo Dareenka Cadifadda Waligii qof maagey umu Jawaabin. Waxu ka hadla Siyaasadd iyo Hogaamin Wax ka fog baa u Muuqda. Inta idiiin muuqata shacabow Hogaamiyaha La rabaana Waa kaas ee bulshaddiisa. Badbaadin karaana waa kaas. Dal iyo Dad Mideysan Beynu Rabnaa Isbedelka dalkeenu Waa Badbaado Qaran. Shaqsiyaad Haku Mashquulina. Aan ka shaqeyno Isbedelka dalka iyo dadka. Qof Walowba Shaqada Socota Dhincaacaga qabo si aan u wadda Guuleysano dalkeena u badbaadino Hon-Envoy Abdirizak Diinaari Qaran News

Waxaa jira tobanka faa’iido oo cabitaanka shaahu u leeyahay caafimaadka isla markaana laga yaabo inaadan ka warqabin. Shaahu waa mid ka mid ah cabitaannada loogu isticmaalka badan yahay caalamka, waxaana ay dadku ku raaxaysan jireen qarniyo badan. 21-ka May ayaa sidoo kale loo dabaaldegaa maalinta shaaha adduunka. Waxaa jira noocyo kala duwan oo shaaha ah sida madow, cagaar, caddaan iyo qaar kale. Mid kastaa wuxuu leeyahay dhadhan gaar ah iyo astaamo u gaar ah oo la xiriiriyo nooca caleenta shaaha iyo habayntiisa. Waa maxay tobanka faa’iido ee shaaha? Dejinta cadaadiska dhiigga Cabitaanka shaaha waxa uu wanaajin karaa habka ay u shaqeeyaan xididaheenna dhiigga iyo in ay hoos u dhigaan cadaadiska dhiigga. Waxa ay kordhinaysa helitaankawaxa loo yaqaanno nitric oxide, taas oo caawisa in ay dabcaan murqaha xididdada dhiiggeenna oo u ogolaata in dhiiggu si xor ah ugu dhex socdo jirka intiisa kale. Yareynta macaanka ma sonkorta Sida laga soo xigtay cilmi-baarista, isticmaalka joogtada ah ee waxa loo yaqaanno polyphenols oo kamid ah geedaha lagu daro shaaha ayaa waxay noqon kartaa mid waxtar leh sida daawooyinka qaarkood si loo yareeyo khatarta sonkorowga. Laakiin cilmi baaris dheeraad ah ayaa loo baahan yahay meeshan. Hagaajinta xaaladaha caloosha Noocyo badan oo polyphenols ah oo ku jira cuntada, oo uu ku jiro shaaha, ayaa bixiya il muhiim ah oo loogu talagalay bakteeriyada mindhicirka oo ay faa’iido u leedahay, iyaga oo ka caawinaya inay koraan oo kala duwanaadaan oo ay hagaajiyaan shaqada mindhicirka waxayna nidaamiyaan habka difaaca. Yareynta kansarka Geedaha loo yaqaanno Polyphenols-ka laga helo shaaha ayaa laga yaabaa inay la shaqeeyaan arrimo kale si loo yareeyo koritaanka noocyada kansarka qaarkood. Si kastaba ha ahaatee, caddaynta la hayo waxay ku kooban tahay kansarka afka, laakiin waxaa jira calaamado muujinaya faa’iidooyinka noocyada kale ee kansarka sida beerka, naaska iyo kansarka mindhicirka. Yareynta wel-welka iyo murugada Si ka duwan kafeega, oo loo arko cabitaan xoog leh, shaaha guud ahaan waxaa loo yaqaan cabitaan nasasho leh. Inkasta oo labaduba ay ku jiraan caffeine, kaliya shaaha ayaa ka kooban waxyaabo ka dabacsan kafeega, kaas oo leh saameyn dejin sababtoo ah awoodda uu u leeyahay inuu kordhiyo hirarka maskaxda ee alfa. Habeynta dareenka iyo feejignaanta Cabitaannada ay ku jiraan kafeyn iyo maaddada loo yaqaanno L-theanine labadaba waxay saameyn weyn ku leeyihiin dareenka iyo feejignaanta. Hal koob oo shaaha cagaaran ah ayaa bixiya 25 milligram oo L-theanine ah waxaana lala xiriiriyay ka hortagga xusuus luminta. Waxay naga caawinaysaa inaan ahaanno kuwo feejigan. Kaliya maaha shaaha cagaaran inuu leeyahay faa’iidooyinkan, laakiin qiimeyn cusub oo lagu sameeyay saameynta cabitaanka shaaha madow ayaa sidoo kale lagu sheegay waxqabad degdeg ah oo xusuusta wanaagsan. Yareynta lafo xanuunka Waxaa jira caddaymo muujinaya in cabitaanka shaaha, gaar ahaan shaaha cagaaran, uu kaa caawin karo ka hortagga dhibaatooyinka lafaha iyo, beddelkeeda iyo yaraynta khatarta jabka. Saamayn intee le’eg ayay ku keeni kartaa in shaaha lagu daro caano iyo sonkor? Waxaa jira cadaymo is khilaafaya oo ku saabsan saamaynta caanaha lagu daro shaaha madow. Qaarkood waxay yiraahdaan waxay saameyn kartaa awoodda jirka si uu u nuugo polyphenols-ka faa’iidada leh oo si xun u saameeya faa’iidooyinka caafimaadka wadnaha ee shaaha. Laakiin daraasadaha qaarkood, ku darista caanaha shaaha wax saameyn ah kuma laha faa’iidooyinkeeda. Intaa waxaa dheer, waxay u muuqataa in lagu daro waxyar oo caano ah iyo sonkor shaaha ay wax yar ka beddesho, laakiin ku darida xaddi badan oo caano ah ayaa bedeli kara xaaladda. Sonkorta lagu daro cabitaannada kulul sida shaaha waxaa loo tixgaliyaa ‘sonkor aan saameyn lahayn’, sidaas darteed dhakhaatiirtu waxay ku talinayaan in la iska ilaaliyo wax badan. Sonkorta badan waxay sidoo kale saameyn kartaa nuugista polyphenols ee jirkeena. Intee in le’eg oo shaah ah ayaa habboon in aad cabto maalintii? Inkasta oo noocyada shaaha qaarkood ay ka faa’iidooyin badan yihiin kuwa kale, haddana caddayntu waxay tilmaamaysaa in shaaha si joogto ah loo cabbo uu faa’iidooyin badan leeyahay. Celcelis ahaan, qofka aan dhibaato ku qabin caffeine-ka, saddex ilaa afar koob oo shaah madow ah maalintii ayaa laga yaabaa inay noqoto qadar macquul ah, laakiin qof jecel shaaha cagaaran wuxuu u baahan karaa inuu cabbo wax yar. Haddii ay dhibaato kaa haysato kafeynka, waxaa lagula talinayaa in aad hoos u dhigto qadarka cabitaannada kafeynka, oo uu ku jiro shaaha. Cabitaanka shaaha badan waxa ay khalkhal gelisaa hurdadaada waxaanay dadka qaar ku keentaa walaac. Dadka kale ee ay tahay inay xaddidaan qaadashada waa haweenka uurka leh. Isku soo wada duuboo, shaahu ma kuu fiican yahay? Shaahu waxa uu leeyahay faa’iidooyin dawo oo badan. Waa cabbitaan dejinaya oo gacan ka geysta kordhinta feejignaanteenna iyo fir-fircoonideenna. bbcsomali Qaran News

Boosaaso (Caasimada Online) – Xogo dheeraad ah ayaa laga helayaa duqeyn Axaddii ka dhacday buurta Calmadow ee maamulka Puntland. Weerarkan oo jiritaankiisa ay dafirtay Puntland kadib markii ay dowladda federaalka Soomaaliya soo saartay bayaan ay ku shaacisay in howl-galkaas lagu dilay in ka badan 20 Al-Shabaab ah oo ay ku jireen saddex horjooge. Duqeyntan oo ay iska kaashadeen Soomaaliya iyo saaxiibada caalamiga ah, ayaa la xaqiijiyay inay ka dhacday aag ka mid ah buurta Caalmadow ee gobolka Sanaag. Cabdirisaaq Maxamed oo ku sugan yahay deegaanka Caalmadow oo la hadlay VOA ayaa sheegay in duqeyntaasi dhacday subaxnimaddii hore ee maalintaas, uuna maqlay qaraxyo dhowr ah oo illaa saddex ah. “Waa isku xig-xigeen oo waxay ku dhaceen aag isku dhow. Meesha duqeynta ka dhacday waxaa la dhahaa Dul oo beero ayaa ku yaallo. Waa meel xagga Gubataa usii jeeda oo waa buuro dhexdood,” ayuu yiri Cabdirisaaq Maxamed. Sidoo kale waxa uu sheegay in duqeymo noocaan ah ay ka dhaceen dhowr jeer, “Waxaa ka dhacay duqeymo mar Al-Shabaab lala beegsaday iyo mar ay cidlo ka dhaceenba.” Waxa uu intaas kusii daray “Ciidanka Puntland Gal-gala ayay ku sugan yihiin oo illaa 54 ayay u jiraan aagga ay ka dhacday duqeynta.” Duqeynta ayaa lagu bar-tilmaameedsaday xero ay dagaal-yahaanno Al-Shabaab ah isku aruursanayeen, taasi oo ku taalla aaggaasi, ayada oo halkaasi lagu jabiyay dhagartii ay u maleegayeen shacabka ku nool deegaannada Puntland, sida lagu sheegay qoraal ay soo saartay DF. Howl-galkan ayaa noqonaya midkii ugu cuslaa ee muddooyinkan dambe lagu beegsado Shabaab-ka ku dhuumaaleysanaya maamulka Puntland, xilli qeybo kamid ah dalka dib looga abaabulayo dagaalka dhanka ah kooxda. Hoos ka dhageyso: https://www.caasimada.net/wp-content/uploads/2024/05/01000000-0aff-0242-c781-08dc7e4b8bca_48k.mp3The post Xog cusub: Sidee u dhacay weeararkii CAALMADOW ee Puntland ay ku dafirtay DF? appeared first on Caasimada Online.

Dowladda Spain ayaa ku dhawaaqday inay si rasmi ah u aqoonsatay Dowladnimada Falastiin. Raysal Wasaaraha dalka Spain Pedro Sanchez oo shir jaraa’id qabtay ayaa ku dhawaaqay go’ aankan oo la sugayey. Dalalka Ireland iyo Norway ayaa iyagana la filayaa inay ku dhawaqaan aqoonsiga Dowladda Falastiin iyadoo dalal kale oo badana laga sugayo go’aan lamid ah kan ay qaateen dalalka yurub. PUNTLAND POST. The post Spain oo ku dhawaaqday inay aqoonsatay dawladda Falstiin. appeared first on Puntland Post.

Nairobi (Caasimada Online) – Madaxwaynaha Jamhuuriyadda Federaalka ah ee Soomaaliya Mudane Xasan Sheekh Maxamuud ayaa maanta shirka sanadlaha ah ee bangiga horumarinta Afrika uga qeyb-galaya magaalada Nairobi Kenya. Shirkan oo ah mid heer madaxweyne ayaa waxaa sanadkaan diirada lagu saarayaa dib u qaabaynta qaab-dhismeedka maaliyadeed ee Afrika. Shirkaan ayaa waxaa kasoo qeyb-geli doona madaxweynayaasha dalalka Africa qaar badan oo ka mid ah iyo madaxda bangiga horumarinta Afrika. Soomaaliya ayaa heer fiican ka gaartay toosinta, maaraynta iyo maamulka maaliyadda, sida ay sheegtay xukuumadda Dan-Qaran ee uu hoggaamiyo ra’iisul wasaare Xamza Cabdi Barre. Tallaabooyinka dhanka horumarka maaliyadeed uu dalkeenna u qaaday ayaa horseed u ah in dalka laga cafiyo dayntii lagu lahaa, islamarkaana hay’adaha dhaqaalaha ee adduunku sida World Bank, IMF iyo AfDB ay ku amanaan dawladda Soomaaliyeed heerkeeda maaraynta maaliyadda. Si kastaba, Safarka madaxweyne Xasan Sheekh ee Nairobi ayaa noqonaya kii afaraad oo muddo bil gudaheed ah uu ku tegay dalkaasi Kenya. Madaxweynaha Soomaaliya ayaa mid kamid ah safaradaas uga qeyb-galay shirka Madaxda Afrika iyo Bangiga Adduunka oo lagu qabtay magaalada Nairobi, halka uu mid kalena wada-xaajood dhanka gobolka uu kula qaatay madaxda Kenya, oo ugu horreeyo madaxweyne William Ruto. The post Xogta kulan muhiim ah oo madaxweyne Xasan uu maanta uga qeyb-galayo Nairobi appeared first on Caasimada Online.

Munaasibad kooban oo lagu saxiixay Heshiiska Bangiga iyo Dowladda Soomaaliya ayaa maanta lagu qabtay Magaalada Nairobi, halkaas oo uu ka soconayo shirka Sanad laha ah ee Bangiga Horumarinta Afrika. Wasiirka Maaliyadda Xukumadda Federaalka Soomaaliya Mudane Biixi Imaan Cige iyo Madaxweyne Ku Xigeenka Bangiga Horumarinta Afrika Marwo Dr. Beth Dunford ayaa wadajir u saxiixay heshiiskaan maaliyadeed oo aad muhiimka ugu ah Dowladda Soomaaliya xiligaan la taagan yahay, maadaama dunida uu saameyn ku yeeshay Isbadalka Cimilada. Saxiixa kadib, Wasiirka Maaliyadda XFS Mudane Biixi Imaan Cige ayaa munaasibadda ka jeediyay khudbad kooban oo uu kaga hadlay faaiidada uu Soomaaliya u lee yahay Mashruucaan iyo guud ahaan Wadashaqaynta Bangiga. Bangiga Horumarinta Afrika waxa uu aad u xoojiyay wada shaqeynta iyo taageerada Dowladda Soomaaliya, tan iyo markii si rasmi ah loogu guuleystay dib-u-habeynta Maaliyadda iyo hannaanka hufnaanta dhaqaalaha dalka Source: goobjoog.com

In ka badan 130 qof ayaa ku dhintay hal isbitaal oo ku yaalla magaalada go’doonsan ee El Fasher ee gobolka Darfur ee dalka Suudaan, sida ay sheegtay hay’adda samafalka caafimaadka ee Médecins Sans Frontières (MSF). Dagaallada u dhaxeeya kooxaha isku haya dalka Suudaan ee dagaalka kula jira gacan ku heynta magaalada ayaa waayadan sii xoogeystay. Xaaladdu waxay ahayd “mid aad u xun,” ayuu mid ka mid ah dadka deegaanka u sheegay BBC-da, iyadoo isbitaallada iyo suuqyada ay ka dhaceen “duqeymo xooggan oo madaafiic ah”. El Fasher waa xaruntii ugu dambeysay ee ugu weyneyd Darfur ee ku sii jirta gacanta ciidamada Sudan. Ciidanka ayaa in ka badan hal sano waxa ay dagaal kula jireen jabhadda Rapid Support Forces (RSF), dagaal sokeeye oo ay ku dhinteen kumannaan qof, malaayiin kalena ay ku qasbeen in ay ka cararaan guryahooda. Ciidanka ayaa weli gacanta ku haya El Fasher. Magaalada ayaa hoy u ahayd dadkii ka barakacay dagaaladii ka dhacay deegaano kale. Cusbitaalka Koonfurta ayaa daweeyay 979 dhaawac ah in ka badan laba toddobaad gudahood, hay’addu waxay sheegtay Axaddii. 134 in ay ku dhinteen, “calaamad muujinaysa xoojinta rabshadaha dagaalka”, ayay raacisay. Agabyada cisbitaalka ayaa sii yaraanaya waxayna sii dhaqeyn doonaan muddo hal toddobaad ah, ayay Qaramada Midoobay sheegtay. Qaran News

Dowladda Soomaaliya ayaa si kulul uga jawaabtay hadalka kasoo yeeray madaxweynaha Kenya ee ah in Shabaab ay dalka qabsanayaan hadii ciidanka ATMIS la saaro xili uu booqasho ku joogo dalka Mareykanka. Wasiiru Dawlaha Wasaaradda Arrimahada Dibadda ee Soomaliya Cali Cumar Balcad, ayaa hadalka Ruto ka falceliyey, kadib farriin uu ku daabacay barta loo yaqaan X ee hore loo odhan jirey Twitter. “Dhaqdhaqaaqa Soomaaliya aad ayuu uga duwan yahay kuwa Afgaanistaan. Bixitaanka ciidamada shisheeye ma horseedi doonto xaalad la mid ah taas oo kale. Awoodda aynu saarno dariiqa gaarka ah ee Soomaaliya u marayso xasilloonideeda“ ayuu baahiyey Wasiir Cali Balcad. Dowladda Kenya ayaa u muuqata inay doonayso inay ka faa’iidaysato dalalka xasaradaha amni daro ka jiraan si ciidamadda dalkeeda loo geeyo dalalkaas qaab nabad ilaalin ah. PUNTLAND POST The post Dawladda Soomaaliya oo si adag uga hadashay hadalkii madaxweynaha Kenya appeared first on Puntland Post.

Muqdisho (Caasimada Online) – Dowladda federaalka ah ee Soomaaliya waxay Axaddii sheegtay in 20 xubnood oo ka tirsan maleeshiyadda argagixisada in lagu dilay deegaanka Caalmadow ee maamulka Puntland. Sida ay faafisay dowladda federaalka ah ee Soomaaliya waxaa weerarkaasi iska kaashaday ciidanka dowladda Soomaaliya iyo saaxiibada caalamiga ah. War-saxaafadeed ay soo saartay wasaaradda warfaafinta Soomaaliya ayaa lagu sheegay in xog ay heleen ciidanka dowladda Soomaaliya oo sheegaysay in koox argagixiso ay isku aruursanayaan Caalmadow inay sababtay in la duqeeyo argagixisadaasi, taasina ay dhashay geerida 20 maleeshiyo ah oo ku jiraan horjoogayaal. Laakiin Puntland ayaa diiday libintaasi ay sheegteen ciidanka dowladda Soomaaliya. War-saxaafadeed ay soo saartay wasaaradda warfaafinta ee Puntland ayuu maamulka ku beeniyay inay ciidan taabacsan dowladda federaalka joogaan ama wax howl-gal ah ka sameeyeen deegaanka Caalmadow ee maamulka Puntland. Maamulka waxay been abuur ku tilmaameen farriinta kasoo baxday dowladda federaalka, waxay intaas ku dareen in deegaanadooda aanay joogin ciidan ka tirsan xoogga dalka ama kuwo taabacsan dowladda dhexe, iyaguna Puntland ahaan ay amnigooda masuul ka yihiin. Laakiin Puntland ma aanay beenin mana xaqiijin inay duqeyn ka dhacday Caalmadow. Maadaama ciidan ka tirsan kuwa dowladda federaalka Soomaaliya aanay joogin deegaanada Puntland waxay dad badani isweydiinayaan sidee ayay macquul ku tahay inay dowladda federaalka ku lug yeelato weerarkan, laakiin waxay ugu lug yeelan kartaa sirdoon ahaan. Inta badan ciidanka dowladda Soomaaliya iyaga ayaa bixiya xogaha duqeymaha oo siiya saaxiibada caalamiga ah, xogtaasi ayaana badi lagu fuliyaa duqeymaha, kadibna dowladda federaalka Soomaaliya ayaa faafisa natiijada duullaanka. Marka sidaas loo eego dowladda federaalka waa sheegan kartaa ku lug lahaanshaha duullaanada nuucaan ah meel walba oo dalka kamid ah oo ay ka dhacaan. Farriinta maamulka Puntland waxay u muuqata mid weli baalka ku haysa khilaaf siyaasadeedka dowladda dhexe iyo maamulka Puntland. Laakiin waxaa fiicnaan laheyd in siyaasadda laga fogeeyo la-dagaalanka argagixisada, maadaama ay argagixisada tahay cadow dhib ku haya guud ahaan umadda Soomaaliyeed. Laamaha amniga ee heer federaal iyo kuwa heer maamul goboleed waxaa hortaalla inay qaatan masuuliyad ka weyn isriix-riixa siyaasiyiinta oo ay wada-jir ula dagaalamaan argagixisada naafeysay nabaddii iyo horumarkii umadda Soomaaliyeed. The post Xogta sida ay dowladda federaalka howl-gallo uga fulin karto deegaanada Puntland appeared first on Caasimada Online.

Ireland, Norway iyo Spain ayaa maanta si rasmi ah u aqoonsan doona dowladda Falastiin. Saddexda waddan ee Yurub waxay rajeynayaan in ficilka astaantu u badan yahay uu diiradda saari doono baahida loo qabo in la soo afjaro tobanaan sano oo dagaal ah oo ka socday Bariga Dhexe iyo soo nooleynta xal laba dawladood ah oo Israel iyo Falastiin ah. Israa’iil ayaa si caro leh uga jawaabtay, waxayna saddexda waddan ku eedaysay inay abaal-gud u siiyeen argagixisada. Waxay la baxday safiirradeedii saddexda waddan waxayna si rasmi ah u canaanatay ergadoodii Israa’iil. Xamaas iyo maamulka Falastiin ayaa soo dhaweeyay aqoonsiga. Inta badan wadamada Qaramada Midoobay waxay u aqoonsan yihiin Falastiin inay tahay dowlad, inkastoo dalal yar oo Yurub ah ay sidaas sameeyaan. Source

Wasiirka arrimaha dibadda Shiinaha Wang Yi ayaa ku baaqay in la soo afjaro weerarrada lagu hayo maraakiibta mara badda cas, kaddib kulan uu magaalada Beijing kula qaatay dhiggiisa Yemen. Shiinaha ayaa horay ugu baaqay in degenaansho lagu soo celiyo biyaha ku xeeran Yemen, halkaa soo Xuutiyiinta ay tan iyo bishii November ee sanadkii hore bartilmaameedsanayeen maraakiibta ku sugan badda cas iyo gacanka cadmeed si ay ugu cadaadiyaan xulafada Israa’iil dagaalka ka socda Qasa. Bishii Maarso, Bloomberg ayaa sheegtay in kooxda Xuutiyiinta ay dammaanad qaadeen badqabka maraakiibta Ruushka iyo Shiinaha ee gobolka. Kooxda Xuutiyiinta Yemen ayaa sheegay inay weerarayaan maraakiibta maraya badda cas iyo badweynta Hindiya ee u socda Israa’iil, iyagoo shalay weeraro ku qaaday maraakiib shixnado ganacsi iyo military oo ay leeyihiin Israa’iil iyo Maraynkanka. PUNTLAND POST The post Shiinaha oo ku baaqay in la joojiyo weerarada Badda Cas ee Xuutiyiinta appeared first on Puntland Post.

Ireland, Norway iyo Spain oo kamid ah dalalka reer Yurub ayaa maanta si rasmi ah u aqoonsan doona dowladda Falastiin, kulan la filayo inuu ka dhaco magaalada Geneva ee dalka Switzerland, waxaana lagu wadaa in ay sidoo kale tallaabadaan ay ku dayadaan dowlado dhowr todobaadyada soo aadan ee June. Saddexda waddan ee Yurub waxay rajeynayaan in ficilka astaantu u badan yahay uu diiradda saari doono baahida loo qabo in la soo afjaro tobanaan sano oo dagaal ah oo ka socday Bariga Dhexe iyo sidii dib loogu soo nooleyn lahaa xal laba dawladood ah oo Israel iyo Falastiin ah looga helo aaga Bariga dhexe. Israa’iil ayaa si caro leh uga jawaabtay, waxayna saddexda waddan ku eedaysay inay abaal-gud u siiyeen argagixisada, sida lagu sheegay bayaan kasoo baxay wasaaradda arrimaha dibadda Israel, waxaana sidoo kale dhacday in safiirradeeda ay kasoo qaadayo dalalkaan aqoonsiga dowladeed siiyay bulsha Falastiin. Xamaas iyo maamulka Falastiin ayaa soo dhaweeyay aqoonsiga. Inta badan wadamada Qaramada Midoobay waxay u aqoonsan yihiin Falastiin inay tahay dowlad, inkastoo dalal yar oo Yurub ah ay sidaas sameeyaan, dowladda Colombia ayaa shaacisay ku dhawaaqday in safaarad ka furaneyso magalada Ramalla. Tan iyo markii uu bilowday dagaalka Israel ay ku heyso marinka Qaza ayaa waxaa dunida kusoo kordhay shacabka isbedel doonka ee ka dhiidhiyay tallaabadaas, waxaana jirtay in jaamacado waaweyn oo dalka Mareykanka ku yaalla ay ka dhaceen Bannaanbaxyo lagu cambaareynayo tallaabada iyo xasuuqa Gaza. Source: goobjoog.com

Nairobi (HOL) — The leader of the SSC-Khatumo administration, Abdiqadir Ahmed Ali Firdhiye, has urged Somalia’s federal government to grant full recognition to their administration and move it from its temporary status. Source: Hiiraan Online

Mogadishu (HOL) — Brand Africa has released its 14th annual Brand Africa 100: Africa's Best Brands rankings, highlighting a consistent preference for non-African brands despite 64% of Africans expressing confidence in the continent's potential. African brands maintained only 14% of the top 100 most admired brands in Africa for the second consecutive year. Source: Hiiraan Online

Muqdisho (Caasimada Online) – Booliska magaalada Muqdisho ayaa soo xiray dad ka badan 30 qof todobaad kii ugu dambeeyay, kuwaas oo ku eedeysan falal lidi ku ah amniga, kicin dadweyne iyo faafin anshax xumo. Dadkan oo dhammaantood horey uga soo muuqday telefishano maxali iyo baraha bulshada ayaa jeediyay haddallo ay ku durayaan go’aanno maxakamadeed oo soo baxay, hanjabaado loo jeediyay madaxda dowladda iyo warar u muuqaday kicin qabyaaladeysan. Dadka la soo xiray qaarkood ayaa dhigay bannaanbaxyo rabshado wata kuwaas oo ay ku diidanaayeen degmo cusub oo looga dhawaaqay xaafadda Daaru-Salaam ee magaalada Muqdisho. Taliyaha booliska Soomaliya Janaraal Sulub Axmed Firin oo ka hadlayay magaalada Muqdisho ayaa sheegay in maalmihii la soo dhaafay ay kordheen dhaliyarada u isticmasha barraha bulshada sida aan saxda ahayn. Sidoo kale wuxuu hoosta ka xariiqay in boolisku xaq u leeyahay in uu soo qabto, isla markaana uu geeyo saldhigyada, muwaadinka sameeya wax sharciga ka baxsan, lana waydiiyo sax ahaanshaha wixii uu ku hadlay. “Qofka makarfoonka qaatay ama muuqaal iska duubay baraha bulshada ama dadka Soomaaliyeed hortooda wax ka sheegay, wuxuu sheegay ayaa laga rabaa in uu caddeeyo, wax kale oo loo haysto oo loo geysanayo ma jirto, hadduu cadeyn waayo sharciga ayaa la horgeynayaa, wixii uu ka helo ayuuna leeyahay,” ayuu yiri taliyaha ciidanka booliska Soomaaliya Janaraal Sulub. Taliyaha ayaa ugu baaqay dhalinyarada qaar ee isticmaasha barraha bulshada in ay ku badallaan muuqaalada kicinta iyo anshax xumada, kuwa dadka iyo dalka wax taraya. Sidee ku dhacday eedeysanayaasha la soo xiray in lagu soo qabto dharkii ay muuqaallada isaga duubeen? Sawirrada eedeysanayaasha uu baahiyay Taliska Qeybta Guud ee Gobolka Banaadir ayaa muujinaya iyagoo xiran isla dharkii ay muuqaallada isaga duubeen, iyagoo siyaabo kala duwan uga hadlaya dhacdooyin ay kamid yihiin xukunno ay gaareen maxkamaddaha dalka, diidmo amarro horey dawladda uga soo baxay, iyo hanjabaado loo jeediyay madaxda dawladda iyo kuwa garsoorka. Dadka barraha bulshada isticmaala ayaa aad u hadal haya waxa isku beegay dharka lagu soo xiray iyo kii ay wateen markii ay hadallada xanafta leh jeedinayeen. Taliyaha Qaybta Guud ee Booliska Gobolka Banaadir Korneyl Mahdi Cumar Muumin oo wareysi siiyay BBC-da ayaa sheegay in si eedeysanaha loo dareensiiyo in aan dambigan looga hareynin oo maalin loo soo qabanayo lala sugo isla dharkii uu muuqaalka isaga duubay, halka qaar kale la soo xiro iyagoo gacanta kula jira falka. ‘’Dadkan sida aad la socotidba way iska hadlayaan, markii ay hadlaana waxay rabaan ayay isaga hadaaqaan, uma haystaan in ay dambi galeen, iyagoo fal dambiyeed galaya ayay duurka iska galaan,” ayuu yiri taliye Mahad. “Marka si loo dareensiiyo in aan dambigan looga hareyn oo maalin uun loo soo qabanayo ayaa lala sugaa, in ay subixii iska yimaadaan oo maalin kale iska yimaadaan, markii ay dharkii soo qaataan oo caadi yihiin baa la helaa, waana lala sugaa,” ayuu sii raaciyay taliyaha. Qaar kale waxa la qabtaa iyagoo hawsha ku jira, sidaas ayaana loogu soo xiraa dharka ay muuqaallada isaga duubeen, sida uu sheegay taliyaha. “Kuwo qaarkood marka fal dambiyeedka ay galeen isla markii ayaa la helaa, iyagoo muuqaal soo dhigay ama bannaanbax ka hadlaya ayaa la soo helayaa,’’ ayuu yiri Mahdi. Dadka 30-ka qof ka badan ee boolisku soo xiray, intooda badan waxa lagu soo xiray isla dharkii ay xirnaayeen markii ay muuqaalladooda soo dhigayeen barraha bulshada, taasi oo fal celin badan ay ka sameeyeen dad kale duwan. Warbixintan qeybo kamid ah waxaa laga soo xigtay BBC. The post Booliska miyaa ku qasba eedeysanaha inuu xirto dharkii uu muuqaalka ku duubay? appeared first on Caasimada Online.

Saddexda waddan ee Yurub waxay rajeynayaan in ficilka astaantu u badan yahay uu diiradda saari doono baahida loo qabo in la soo afjaro tobanaan sano oo dagaal ah oo ka socday Bariga Dhexe iyo soo nooleynta xal laba dawladood ah oo Israel iyo Falastiin ah. Israa’iil ayaa si caro leh uga jawaabtay, waxayna saddexda waddan ku eedaysay inay abaal-gud u siiyeen argagixisada. Waxay la baxday safiirradeedii saddexda waddan waxayna si rasmi ah u canaanatay ergadoodii Israa’iil. Xamaas iyo maamulka Falastiin ayaa soo dhaweeyay aqoonsiga. Inta badan wadamada Qaramada Midoobay waxay u aqoonsan yihiin Falastiin inay tahay dowlad, inkastoo dalal yar oo Yurub ah ay sidaas sameeyaan. bbcsomali Qaran News

Muqdisho (Caasimada Online) – Saraakiil iyo Saraakiil Xigeeno ka tirsan ciidanka dhulka XDS oo loo soo xiray tababar lagu barayay isticmaalka hubka culus. Taliye xigeenka ciidanka xoogga dalka Soomaaliyed Gen. Maadeey Shekh Nuur Ufuroow oo uu wehliyo taliyaha ciidanka dhulka Gen. Dayax Cabdi Cabdulle ayaa tababarka usoo xiray saraakiishan oo laga soo xulay guutooyinka iyo qeybaha ciidanka dhulka xoogga dalka Soomaaliyeed. Saraakiishan ayaa muddo la barayay isticmaalka hubka culus oo Llagama maar-maan u ah dagaalka ka dhanka ah kooxaha argagixisada, xilli uu dalka ka socda howl-gallo lagu beegsanayo Al-Shabaab. Taliye xigeenka ciidanka xoogga dalka Soomaaliyed ayaa taliska ciidanka dhulka xoogga dalka Soomaaliyeed oo uu horkacayay Gen. Dayax Cabdi Cabdulle ku amaanay dadaalada aqoon kororsiga ah ee lagu tayeeynayo saraakiisha iyo saraakiil xigeenada ka tirsan qaybaha Iyo guutooyinka ciidanka dhulka xoogga dalka Soomaaliyeed. Taliyaha ayaa xusay muhiimadda ay ciidanka xoogga dalka xiligaan u leedahay inuu helo saraakiil iyo saraakiil xigeeno maarayn kara hubka culus aqoon dheeraadana u leh. Sidoo kale taliyaha ciidanka dhulka xoogga dalka Soomaaliyeed Gen. Dayax Cabdi Cabdulle oo munaasabadda xiritaanka ka hadlay ayaa saraakiisha iyo saraakiil xigeenada qaatay tababarka kula dardaarmay in laga sugayo ka mira-dhalinta dadaalka iyo waqtiga la geliyay ee ku aadan qaadashada tababarka muhiimka ah. Intaas kadib taliyaasha ayaa si wadajir ah u kormeeray qeyb deegaameed cusub oo loo hirgeliyay taliska ciidanka dhulka, oo tiir-dhexaad u ah ciidanka xoogga dalka iyo bar hogaamineedka howl-galka dalka looga sifeynayo Khawaarijta. The post Saraakiil xul ah oo Muqdisho loogu soo xiray tababar hubka culus ah + Sawirro appeared first on Caasimada Online.

Isku duwaha Gargaarka Degdegga ah Martin Griffiths ayaa $2 milyan oo doollarka Mareykanka ah uga qoondeeyay Sanduuqa Waxqabadka Degdegga ah ee Dhexe (CERF) si wax looga qabto daacuunka ka dillaacay Soomaaliya. Sida laga soo xigtay Ururka Caafimaadka Adduunka, in ka badan 10,000 xaaladood iyo 120 dhimasho ah ayaa laga soo sheegay toddobo gobol oo dalka ah tan iyo bishii Janaayo. Saamaynta abaarihii dalka soo maray, oo ay weheliso saamaynta daadadka ee ay sababtay El Niño horraantii sanadkan, ayaa sii huriyay dillaaca shuban biyoodka iyo daacuunka Soomaaliya. Burburka soo gaaray ilaha biyaha, , fayadhowrka iyo tas-hiilaadka nadaafadda ayaa uga sii daraya shuban biyoodka iyo daacuunka dillaacay. Qoondayntan CERF ayaa ah mid ay ku taageerayso hay’adaha Qaramada Midoobay iyo la-hawlgalayaasheeda si ay gargaar naf-badbaadin ah u fidiyaan 60,000 oo qof, iyada oo bixinaysa wax ka qabashada caafimaadka, biyaha, fayadhowrka iyo nadaafadda. Warbixinta cusub ayaa sheegaya in meelaha ugu badan ee hadda dhibaatada ay ka jirto ay ka mid yihiin Koonfurta iyo bartamaha Soomaaliya. Wali meelo badan oo ka mid ah Soomaaliya waxaa ka jira daadad iyo barakac sababay in dadkii aysan wali kusoo laaban deeganadoodii. Source: goobjoog.com

Ra’iisul Wasaaraha Xukuumadda Jamhuuriyadda Federaalka Soomaaliya Mudane Xamsa Cabdi Barre, ayaa la kulan la yeeshay wafdi sare ka socday dalka Jarmalka, kulanka ayaa looga hadlay arrimo dhowr ah. Wafdigan oo uu hoggaaminayey agaasimaha dowladda Jarmalka u qaabilsan dalalka saaxil iyo saraha afrika Danjire Christoph Retzlaff iyo Ra’iisul Wasaaraha ayaa ka wada hadlay xoojinta xiriirka iyo iskaashiga ka dhaxeeya labada dal. Ra’iisul Wasaaraha ayaa tilmaamay muhiimadda ay leedahay in la adkeeyo xiriika soo jireenka ah ee u dhaxeeya labada dhinac, isaga oo ka mahadceliyay taageerada dowladda Jarmalka ee Soomaaliya. Agaasimaha Dowladda Jarmalka u qaabilsan dalalka Saaxil iyo Saxara ee Afrika Christoph Retzlaff ayaa asna dhankiisa Dowladda Soomaaliya ku bogaadiyay dadaalladeeda ku aaddan dowlad-dhiska iyo xaqiijinta nabad-galyada guud ee dalka, wuxuuna sheegay in dalkiisu uu sii xoojin doono taageerada dhinaca horumarinta ee uu siiyo Soomaaliya. Si kastaba ha ahaatee wufuudda heerka sare ah ee dalka imaanaysa ayaa kordhay sanadihii la soo dhaafay, taasoo astaan u ah hormarka laga gaaray dhinacyada nabad-galyada iyo dib u dhiska dowlnimo. Source: goobjoog.com