Muqdisho (Caasimadda Online) – War rasmi ah oo kasoo baxaya Xarakada Al Shabaab ayay ku sheegatay mas’uuliyadda qaraxyo shalay siyaaba kala duwan uga dhacay degmooyin katirsan gobolka Banaadir. Al- Shabaab waxay sheegtay in qarax ay laheshay gaari uu lahaa mid kamida xildhibaannada Baarlamaanka dowladda Federaalka Soomaaliya balse uu ka badbaaday “Xildhibaan Daahir Amiin Jeesoow oo katirsan Baarlamaanka Soomaaliya ayaa si dirqi ah uga badbaaday qarax ay Al-Shabaab gaarigiisa kula beegsadeen wadada Makka Al Mukarrama ee magaalada Muqdisho” ayaa lagu yiri warka kasoo baxay Al Shabaab. Sidoo kale Al-Shabaab waxay sheegtay in sarkaal sare oo katirsan ciidanka Melleteriga dowladda Federaalka ay ku dishay weerarka ka dhacay agagaarka Kuliyaddii Jaalle Siyaad ee degmada Hodon. Qarax xooggan ayaa haleelay gaari Roneed ah oo uu watay Col. Cabdi Fataax Yaasiin Cali oo kamid ahaa saraakiisha melleteriga, ilo wareedyo ayaa sheegaya in sarkaalku isla goobta ku dhintay waxaana burburay gaarigii uu watay. Dhinaca kale Xildhibaan Daahir Amiin Jeesoow ayaa warbaahinta u xaqiijiyay in uu si diqri ah uga fakaday qaraxa isagoo walaac ka muujiyay ammaanka xildhibaannada ka howlgala Muqdisho kadib shir jaraa’id oo uu qabtay. Caasimada Online Xafiiska Muqdisho Caasimada@live.com

Sadaashu sidaan rabi ayay ilaahada usugantahay inuu samirku sadyahay saatirkeenaa inoo sugay, waxaa manta aan maqmaqlayo ee ah soomaliwayn aad ayay ii damaqdaa se waxaan kaga ciilbaxayy qalbigana ku sifeeyaa halyeeyadii soo dhiciyay Somaliland in ay saaka suuldhabaalaynayaan gacanta sarena leeyihiine saadaasha socota hada rabina waxaanka baryayaa inuu rumeeyo guushana lajirsiiyo ragii usamray ee usafradooday, ee usigtay ayaa saaka usad dhicinaya oo uu majaraha u hayo Madaxwayne Muuse Biihi saadaashu waa guul waxaan guranaynaa midhahii aad usamirtay eed usafradootay eed usigatay adaana manta usad dhicinkara, hogaamiye ku sifoobay samir innalaaha maca saabiriin, dhabtii dhabada toosan buu kuriday qaranka, waa ka ilaaliye dheeliga iyo kuwa ku dheeldheela dhuuni qaate, waa lama huraan qaran, aan laalabadka, labaclabacda uurku taalaynta aqoon, beegshashada guusha qaran geesi gaamuray,(Cabdi Qays)ayaa yidhi ninka ragihi maseergmoo suuradii maguurtoo, carabkiisa sare iyo calooshii isma seegtoo, hadba sidii jeediyo kama weecdo surinkoo, waa xaaqiiq Madaxwayne Muse Biixi wuxuu jar iyo buuro uga soo dhacay hiilkii qarankan so badbaadintii jamhuuriyada Somaliland, ee galbatay lixdankii geesigii soo celiyay, waxaa uu usoo jilib dhigay xalado qadhaadh iyo waliba duruufo adag oo soo maray dalkan, waxaan qabaa manta waaxa yimid ragii hoyga ula noqday darted, dhaxanta,dhirta hoosteed,waxaana dhisi kara dhiirane hore dhidibada ugu tagay,Usamre, Usafradoode, Usigte Ayaa Usad Dhicinkara:Bihi Hiil Qaran W/Q Hassan Mohamed Muse Gafadhi qadaw30@gmail.com Source

(SLT-Burco) Madaxweynaha Somaliland Muuse Biixi Cabdi ayaa fariin u diray Dhalinyaradda Rer Togdheer. Hoos ka DAAWO Source

Kenya Defence Forces officers ride in an Armoured Personnel Carrier vehicle in Nairobi. The KDF has received a cache of weapons from the US. PHOTO | FILE | NATION MEDIA GROUP WEDNESDAY NOVEMBER 21 2018 By NATION TEAM The Kenya Defence Forces received a cache of weapons as the search for recruits continued countrywide. The US on Monday donated 12 Bastion Armoured Personnel Carriers to KDF to improve border surveillance and boost the fight against Al-Shabaab. Defence Attaché and Senior Defence Official Col. Kevin Balisky of the US, presented the vehicles to the Deputy Kenya Army Commander, Maj. Gen. Thomas Chepkuto, at a ceremony in Kahawa Barracks, Nairobi. “The vehicles represent the unwavering US commitment to Kenya and our shared national security interests. As the KDF continues to conduct daily operations against violent extremism, these vehicles will enhance the mobility and force protection of their troops in harm’s way,” said Col. Balisky. Source

(SLT-Hargaysa) Agaasimihii Guud ee Wasaaradda Cadaaladda Xuseen Maxamed Maxamuud (Xuseen Lucky) ayaa goor dhawayd iska casilay Xilkii uu ka hayay Xukuumadda Madaxweyne Muuse Biixi Cabdi . Ilaa hadda ma cada sababta dhabta ah ee Agaasime Xuseen Lucky ku riixday Inuu Iska casilo Xilkaas oo uu sannad ku dhawaad hayay . Wasaaradda Cadaaladda ayaa hore ula dhitinaysay Khibrad yaraan maamul waxaanu ahaa Agaasime Xuseen Lucky masuulka ugu waayo aragsan shaqada marka leego Wasiirka Wasaaradda oo ah shakhsi aan Xafiis hore ka soo shaqaynin. Wixii war ka soo kordha iscasilada Agaasimaha Cadaaladda kala soco Shabakada wararka ee Somalilamdtoday.com Somalilandtoday/Hargaysa/Office Source

(SLT-Hargeysa)-Agaasimihii wasaaradda caddaaladda Somaliland Xuseen Maxamed Maxamuud ayaa iska casilay xilkaasi. Agaasimaha ayaa is-casilaaddiisa kaga dhawaaqay magaalada Burco, isagoo kamid ahaa weftiga madaxweynaha Somaliland ee gobollada bariga. Wararka qaar ayaa sheegaya in sababta is-casilaaddiisu la xidhiidho xabsiga dhexe ee Burco oo maanta uu xadhiga ka jaray madaxweyne Biixi. Sidoo kale wararku waxa ay sheegayaan in agaasimaha guud loo diiday inuu ka hadlo jeelka weyn ee magaalada Burco oo uu maanta xadhiga ka jarayey madaxweyne Muuse Biixi Cabdi. Goor dhaw la soco muuqaalka warkan Source

(SLT-Hargeysa)-Idaacadda BBC-da ee dunidda la hadasha qaybteeda ciyaaraha, ayaa maanta warbixin ka qortay Akaadami dhinaca ciyaaraha ah oo laga furay Hargeysa, kaasi oo qorshuhu yahay in mustaqbalka laga soo dhiso xul qaran oo ay yeelato Somaliland. Warbixintaas oo uu qoray Weriye ciyaaraha qaabilsan oo la yidhaahdo Robert Kidd, ayey Wakaallada Wararka Somaliland ee SOLNA ka soo xigatay warkan oo si qoto-dheer tafaasiil uga bixiyey horumarinta ciyaaraha Somaliland iyo caqabadaha horyaalla, waxaana ay u qornayd sidan:- “Carruurta ku ciyaaraysa waddooyinka magaalada Hargeysa, waxay ku hamiyeyaan inay maalin uun metali doonan dalkooda oo aan la aqoonsan. Somaliland waxay leedahay baasaboor iyo lacag u gaar ah iyo calan ka ba’banaya Baarlamaanka Somaliland, halka madaxweynaha Somalilandna lagu soo doorto doorasho dimuqraadi ah oo xasilloon. Bishii Feberwari ee sannadkan dhallinyaro qurbajoog ah ayaa Somaliland ka furay Akaadamiga Kubadda Cagta Somaliland (Somaliland Football Academy), waxaana aasaasayaasha Akaadamigani kala yihiin Axmed Cali iyo Maxamed Siciid oo ka yimmi Birmingham iyo Cabdisalaan Axmed iyo Xuseen Aadan oo ka tagay London. Axmed Cali ayaa sheegay Somaliland in wax kasta laga soo bilaabayo hoosta, waxaanu tilmaamay in doonayaan sidii maalin uun ay u samayn lahaayeen xul qaran oo ay yeelato Somaliland. Warku wuxuu intaas ku daray in dhallinyarada aasaastay Akaadamiga Ciyaaraha Somaliland ay booqasho ku tageen Somaliland oo dhan,isla markaana ay carbiyeen 132 tababare, halka ay qaateen 1,600 oo ciyaar-yahan. Akaadamiga Kubadda cagta Somaliland ayaa warbixintu xaqiijisay inuu ku tiirsan yahay deeq ay ka heleen West Brom oo siisay agabka tababarka iyo qalab ciyaareed kale. Axmed Cali wuxuu sheegay inay rejo u abuureen da’yarta oo ka joojinayaan tahriibka oo tiiraanyo ku hayey hooyooyin badan.” Source

Muqdisho (Caasimada Online)-Ciidamada dowladda Soomaaliya ayaa ku guuleystay inay soo furtaan Haweeney u dhalatay dalka Germany oo Bishii Shanaad ee sanadkaan laga Afduubtay magaalada Muqdisho. Haweeneydaan oo lagu magacaabo Sonja Nienteit ayaa ka tirsaneyd hay’adda Laanqeyrta Cas, waxaana loo afduubtay gobolka Galgaduud, sida ay xaqiijiyeen ilo xog ogaal ah. Haweeneyda ayaa kooxaha hubeysan waxaa la sheegay inay ku heysteen deegaan ka tirsan gobolka Galgaduud, laakiin si cad looma sheegin halka ay ku sugnaayeen. Lama sheegin khasaare ka dhashay howlgalka, hase ahaatee 6 bilood kaddib Sonja Nientiet ayaa xorriyaddeedii dib u heshay Xalay, sida xubnaha saraakiisha howlgalka hogaaminayay ay shaaciyeen Sonja Nientiet,ayaa laga afduubtay Xarunta Hay’adda Laanqeyrta Cas ee Magaalada Muqdisho,waxaana Afduubkaas lagu eedeeyay in ay geysteen shaqaale ka tirsanaa Hay’adda Laanqeyrta Cas. Afduubkaas waxaa uu sababay Hay’adda in ay dhinto shaqaalihii ka joogay Soomaaliya sidoo kalena hakad geliso howlihii ay ka wadday Soomaaliya. Caasimada Online Xafiiska Muqdisho Caasimada@live.com

Koox ka socotay qurbaha kana timid dalalka Egland,Sweden,Canada,America iyo Kenya Safar kala duwan sanadihii lasoo dhaafay ku qaadatay wadamo badan oo caalamka ayaa intii u dhaxaysay 17 ilaa 30-Otober caasimada Muqdisho usoo gaartay ciyaaro saaxiibtinimo iyo is dhaxgal bulsho. Waxa ay la dheeleyn naadiyada horyaalka kubbadda cagta dalka ee kala ah Elman,Heegan,Dekedda iyo Horseed,iyagoo ciyaartii u danbeesay Muqdisho ku dheelay xili habeen ah waxayna u aheyd taariikh weyn sida ay inoo sheegeyn. Qaar ka mid ah Ciyaartooyda kooxda qurbajoogta weligood maysan arkin dalkooda hooyo ee Soomaaliya, iyagoo ku barbaaray wadamada yurub,balse waxa indhahooda ku arkeyn horomarka iyo shaqooyinka kala duwan ee dalka ka socda. ”Qurba joogta Soomaaliya waxay ka aaminsan yihiin dalka in ay jiraan dhibaato badan,balse ani ahaan waxaan arkay maalmihii aan joogay waxa ay aheyd wax ka weyn wixii la ii sheegi jiray saacada kasta iyo waxyaalaha aan ka aqristo baraha bulshada”sidaas waxaa Goobjoog Sports u sheegay Cabdi Axmed Cabdulle oo ka mid ahaa wafdiga kooxda qurbajoogta Kaliya uma aysan imaanin ciyaaro saaxiibtinimo iyo is dhaxgal bulsho sidoo kale waxa ay ka qeyb qaateyn olalaha nadaafada garoonka Stadium iyo dib u dhiska tiyaatarka qaranka,iyagoo balan qaaday in ay gacan weyn ka gaysandoonaan soo kabshada iyo dib u dhiska dalka. “Sida naloo soo dhaweeyay iyo marti qaadyadii kala duwanaa ay inoo sameeyeen madaxda dowlada,shacabka iyo bahda ciyaaraha dalka ayaa inoo ahaa cashar waanse ugu mahad celinaynaa qof walbo oo kaalin ka qaatay wixii aan ka samaynay caasimada Muqdisho” waxaa sidaas inoogu waramay Maxamed Macalin oo isna ka mid ah maamulka kooxda qurbajoogta. “Safarkeena waxaa kasoo haray dhowr laacib kuwaas oo ay walidiintooda ay inoo diideyn in ay Soomaliya noo soo racaan,balse markii ay arkeyn howlihii iyo wixii aan ka qabanay barabaha bulshada ayay nagu dhaheyn sanadaha danbe waa diyaar caruurteena taasina waa inoo farxad iyo guul”waxaa sidaas Goobjoog Sports ugu waramay Cabdirashiid Islaw oo ka mid ah maamulka kooxda qurbajoogta isagana wiilkiisa soo waday Maxaa Laga Faa’iday Safarka Kooxda Qurbajoogta Dhamaan xidigaha kooxda ayaa ahaa kuwa leh xirfad iyo aqoon waxaan darba isoo tarayay dalabyada ka imaanayay kooxaha ka dhisan gudaha iyo codsiga maalimiinta xulka qaranka oo ahaa in qaarkooda lagu daro,balse waxaa nasiib u yeeshay Feysal Xasan Axmed oo ka mid ahaa kooxda qurbjoogta,isagoo ka haray safarka kooxda kana mid noqday xidigaha xulka 23-jirada ee ka qeyb ka galay tartanka is reeb reebka ciyaaraha olimikada Feysal ayaa xulkiisa u dhaliyay gool ay kaga badiyeen dalka Ethiopia kulankii labaad ay labada wadan kuwada dheeleyn Jabuuti “Sanadaha soo aadan qorshaheen waxa weeye in la wada qaato dhamaan xirfadlayaasha kala duwan ee kooxdan si ay iyagana dalkooda waxa ugu kordhiyaan” waxaa sidaas inoo sheegay Tababare Nuur Xaaji Cabdi Wali oo ahaa macalinka kooxda qurbajoogta Wasaarada ciyaaraha iyo dhalinyarada dowlada,Maamulka Gobolka Banaadir iyo xiriirka kubbadda cagta ayaa iska kaashanaya in sanadaha soo aadan caasimadaha wadanka lagu qabto ciyaaraha Somali Week oo ay inta badan dheelaan kooxaha ka dhisan qurbaha hadii ay arintaas hergasho bahada ciyaaraha waxa ay qabaan in kooxaha gudaha iyo kuwa qurbajoogta ay yeelandoonaan saaxiibtinimo iyo xiriir wada shaqeeneyd oo buuxda Halkan Ka Daawo Safarkii kooxda Qurbajoogta Oo Dhameystiran W/D-Maxamed Xuseen Qalinle Email-qalinle39@gmail.com Source: goobjoog.com

Muqdisho (Caasimada Online)-Wararka ka imaanaya dalka Kenya ayaa sheegaya in kooxo la rumeysan yahay inay ka tirsan yihiin Al Shabaab ay dileen rag ajaaniib ah kuwo kalana ay afduubteen. Shan ruux ayaa la sheegayaa inay dhaawacmeen halka ruux u dhashay dalka Talyaaniga ay afduubteen Al Shabaab, kadib weerar ka dhacay gudaha dalka Kenya, sida wararka aan ku heleyno. Weerarka ayaa ka dhacay xarunta dukaamada ee Chakama oo ku taalla degaanka Kilifi hoos yimaada Magaalada Mombaza ee dalka Kenya, sida saraakiisha dalka Kenya ay saxaafadda u sheegeen. Kooxo hubeysan ayaa xalay weeraray goob ganacsi oo ku taala magaaladaasi, waxaan socda baadigoobta ruuxa Ajnabiga ah ee la afduubay. Dadka dhaawacmay ayaa loo qaaday Isbitaalka degmada Malindi Saakay,ilo wareedyo ayaa u sheegay Warbaahinta in labo ruux Xaaladooda Caafimaad ay halis tahay. Sarkaal ka tirsan Ciidanka Booliska ayaa Shabaab ku eedeeyay in ay ka dambeeyeen Weerarkaasi. Caasimada online Xafiiska Muqdisho Caasimada@live.com

(SLT-Burco)-Madaxwaynaha Somaliland Md. Muuse Biixi Cabdi iyo waftigii uu hogaaminayay ay hadda ka ambabaxay magaalada Burco ee xarunta gobolka Togdheer oo ay ilaa shalay ku sugnaayeen. Madaxwaynaha iyo waftigiisa ayaa wararku sheegayaan in uu u baxay magaalada Oodwayne ee xarunta gobolka Daadmadheedh. Ujeedada safarka madaxwayne Biixi saaka ugu baxay magaalada Oodwayne ayaa salka ku haysa sidii uu u dhagax dhigi lahaa Riig Biyood cusub oo la sheegay in laga qodayo gobolka Daadmadheedh. Madaxwaynaha iyo waftigiisi ayaa maanta loogu qaddo sameeynayaa magaalada Oodwayne waxaana soo dhawaynta madaxwaynaha laga dareemayo magaalada Oodwayne. Ila maanta ayaa la filayaa inuu kasoo laabto madaxwayne Biixi isaga oo dib ugu soo guryo noqonaya magaalada Burco. Lama garanayo inuu sii dhaafi doono Burco iyo inuu dib ugu soo laaban doono magaalada Hargeysa. Source

(SLT-Hargeysa)-Wasiirka wasaaradda shaqada, arrimaha bulshada iyo qoyska Marwo Hinda Jaamac Xirsi ayaa ka warbixisay socdaal nabadayn ah oo ay u joogaan magaalada Ceel-weyn , kaasi oo la xidhiidhi shaqadaadi hore deegaanka ugu dhexmartay labada ardaa ee walaalaha ah, Wasiir Hinda ayaa sheegtay in ay u jooogaan sidii xal loogu heli lahaa dhacda amaan oo kasoo cusboonaatay deegaanka iyo dhammaystirka qabyada hashiiskii hore ee la dhex dhigay laba beelood , waxaanay sidaasi ku sheegtay Waraysi gaar ah oo ay khadka Telefoonka ku siisay Wargeyska Dawan Ugu horayn wasiirka oo ka hadlaaya ujeedka ay ceel-afweyn u joogay ayaa waxa ay tidhi “safarkaygu waxa uu daba socdaa nabadayntii Ceel-afweyn oo ay taagan tahay wakhtigii kala qaadashada diyada iyo sidoo kale ninkii gacan ku dhiiglaha ahaa ee falka danbe galay soo qabashadiisi , waxaanan ka mid ahay wafti isugu jiro Wasiiro, culimo iyo madax dhaqameed uu madaxweynuhu maalintii khamiistii usoo diray inay ka hawl galaan hawlaha qabyada ah iyo kuwa soo cusboonaday” Wasiir Hinda ayaa sheegtay in hawshu ay weli socotay balse ay wax qabteen “qabyadii hore waxa soo soka maray colaad cusub iyo dil , iyada oo dadka qaar ay noqdeen wax la dilay iyo qaar ay irdhoobeen oo gacan ku dhiiglaha reerkooda ay noqdeen , marka waxa aanu galnay in aanu isku uruurino oo aanu kuwii gacan ku dhiigluhu ka dhashay la kulano annaga oo ka dalbaynay inay raadiyaan , sharciguna raadkiisa daba socdo , waxa aanu ardaagii uu marxuumka ka baxay ugu tagnay samirsiin iyo in aanu ku adkayno inay nabadgelyada ilaaliyaan , arrintaasina weli way socotaa “ Ugu danbayn waxa ay ka hadashay ujeedka uu daarnaa safar ay ku tagtay degmada Ceerigaabo ee gobolka Sanaag , waxana ay tidhi “iyada oo lagu jiro xilli qabowaha ayaa u gudbay gobolka Sanaag magaalada Ceerigaabo si caruurta aan hoyga lahayn ee aan ka masuulka ahayn u gaadhsiiyo dharka dhaxanta celiya , waxan kale oo aan u samaynay dawayn iyo nadiifin xagga timaha ah , kulan qado ahna waan la qaatay “ Source

(SLT-Boorama)-Magaalada Borama ee xarunta gobalka Awdal saddexdii Cisho ee ugu danbeeyey waxaa laga dareemay Dhul Gariir Goo goos ah isla markaana ah shacabku si xoogan u dareemeen, Halkan hoose ka DAAWO Source

Muqdisho (Sh.M.Network) – Wararka laga helayo gobolka Shabeellaha Hoose ayaa sheegaya in inta udhaxaysa degaanada Gan-dharshe iyo Jilib Marka lagu rasaaseeyay Gaari ay la socdeen dad Shacab ah oo isugu jira Rag iyo Dumar. Inta la hubiyay afar ruux ayaa ku geeryootay rasaasta lagu furay Gaariga, taasi oo la sheegay inay ka dambeeysay kooxda Al-Shabaab, xili dhaawaca uu intaas ka badan yahay, kuwaasi oo loo qaaday goobaha caafimaadka. Mid kamid ah ehelada dadkii wax ku noqday dhacadani oo la hadlay idaacadda Shabelle wuxuu fahfaahin dheeri ah uu ka bixinayaa qaabka ay wax udhaceen iyo xaaladihii ugu dambeeyay ee dadka waxyeeloobay. Hoos ka dhageyso codka http://radioshabelle.com/wp-content/uploads/2018/11/Marka.mp3 The post Gaari ay la socdeen shacab oo lagu rasaaseeyay Sh/Hoose appeared first on Shabelle. View the full article

Muqdisho (Sh.M.Network) – Xubnaha Gollaha Shacabka ee Baarlamaanka Soomaaliya ayaa maanta lagu wadaa in magaaladda Muqdisho ay ku yeeshaan mid kamid ah fadhiyadda ka tirsan Kal-fadhiga afaraad. Kulanka ayaa la filayaa inay mudanayaasha dood adag ay kaga yeeshaan sharciga Hanti-dhowrka qaranka, kaasi oo ay gelin doonan hadii ay usuuragasho akhrinta saddexaad, xili ay kadib cod u qaadi doonan. Sharcigaan oo ay soo diyaarisay wasaaradda maaliyadda ee xukuumadda Soomaaliya waxaa horey loosoo marsiiyay akhrinta koowaad iyo labaad, waxaana lagu wadaa inay soo afjaraan maanta. Guddiga maaliyadda ee Aqalka Hoose ayay wasaaraddu ku wareejiay markii ay wax ka bedalka kusoo sameysay, waxaana ay horgayn doonan Wakiilada Shacabka si ay ugu dambeyntii cod u geliyaan ama ay dib usoo celiyaan. The post BFS oo soo gabagabeynaya dooda sharciga Hantidhowrka appeared first on Shabelle. View the full article

(SLT-Addis Ababa)-Xisbiga TPLF oo hogaamin jiray taxaafulka EPRDF oo dalka Ethiopia soo maamulayey muddo labaatan sano ka badan ayaa eed kulul u jeediyey xukuumadda cusub ee hormoodka ka yahay RWe Abiy Ahmed. Ugu yaraan, 79 isugu jira saraakiil dhinaca amniga ah iyo ganacsato oo badidoodu qowmiyadda Tigreyga ah ayaa toddobaadkii hore lagu eedeeyey inay dambiyo galeen. Hay’adda Amneysty International iyo kuwa kale uu xuquuqda aadamaha u dooda ayaa talaabada dawladda soo dhaweeyey, hase yeeshee, madaxweynaha gobolka Tigreyga Debretsion Gebremichael ayaa sheegay in dadka qowmiyaddiisa la beegsanayo, iyada oo musumaasuq lagu soo gabanayo. Dhinaca kale, dawladda dhexe ee Ethiopia iyo dawlad goboleedyada Soomaalida iyo Oromada ay wali u taag la’yihiin xakameynta falalka gacanka hadalka wata oo dad ay ku dhimanayaan. Source

(SLT-Washington)-Madaxweynaha Maraykanka Donald Trump ayaa maalmihii lasoo dhaafay laga sugayey jawaabta kama danbeysta ah ee xukuumadiisa ka qaadeyso hogaamiyaha Sacuudiga ee Maxamed Bin Salmaan oo la xaqiijiyey inuu ka danbeeyey dilkii suxufi Jamal Khashoggi oo ay Sacuudiga ku dhex dileen Qunsuliyada ay ku leeyihiin magaalada Istanbul ee dalka Turkiga. Sirdoonka Maraykanka CIA ayaa todobaadkii tagay warbixin dheer ka diyaariyey qaabka dilka u dhacay iyo in amarka dilkaasi suxufi Khashoggi uu ahaa mid si toos ah uga yimid Dhaxal-sugaha Boqortooyada Sacuudiga Maxamed Bin Salmaan. Trump ayaa ugu danbeyntii qoraal uu kasoo saaray go’aankooda ku dooday in Adduunka oo dhan ay ka dhacaan falal xun, isagoona sheegay in uusan dhacdadan u burburin doonin xiriirka uu Maraykanka la leeyahay Sacuudiga. Wuxuu sidoo kale sheegay inay Maraykanka illaalsan doonaan dhaqaalaha badan oo ay ka helaan Sacuudiga dhanka iibka hubka, ganacsigaasi oo uu sheegay in hadii ay burburiyaan ay ka faa’iideysan doonaan dalalka China iyo Ruushka, waa siduu hadalka u dhigayee. Wuxuu Donald Trump dhinaca kale sheegay in Sacuudiga uu yahay xulafadooda muhiimka ah ee Bariga Dhexe oo ay u baahan yihiin inay gacan kasiiyaan qorshahooda ka dhanka ah Dowlada Iran. Go’aanka Trump ayaa waxaa si adag uga jawaabay qaar kamid ah Xildhibaanada Kongareeska Maraykanka oo sheegay inay iyagu qaadi doonaan tilaabooyin lagu ciqaabi doono Xukuumada Riyadh. Waxaa sidoo kale la filayaa in Turkiga oo dhamaan xogta dilka Suxufig Khashogii gacanta ku haya isla markaana la qeybsaday Maraykanka iyo Xulafadiisa, inay markale sii shaaciyaan xogta badan oo ay dilkan ka hayaan oo aysan weli shacabka usoo wada bandhigin. Source

Waxa ay ahayd bilowgii sanadkii 1993 kii iyo shirkii nabadaynta soomaalida ee Addis, markii ugu horaysay ee ay qarammada midoobay u caddaatay qaabka kaliya ee dawlad soomaaliyeed dib loogu yagleeli karaa inay tahay, in loo sameeyo soomaalida shan maamul oo u dhisan qaab isir-wadaaga, ka bacdina isugu yimaada dawlad dhexe. Madaxdii iyo siyaasiyiintii gobaladii waqooyi bari lama aysan dhacsanayn oo keliya fikirkaan ee waxay lug ku la haayeen hindisihiisa. Wixii xiligaas ka dambeeye dabaqadda siyaasadda ee reer waqooyi bari waxa ay dhexda u xirteen sidii fikraddaas looga mira dhalin lahaa. Waxa ayna ku guulaysteen isku-day goodii ugu horeeyey kolkii sanadkii 1998 ay dhidibbada u dhigeen dhardhaarkii ugu horeeyey oo fadaraala. Sanadkii 2004 tiina waxa ay ku guulaysteen inay tijaaba doodii ay soomaalidii kale ka gadaan, sidaasna ay ku dhalato dawlad fadaraalihi. Madaxwayne Cabdullaahi Yusuf oo ahaa hoggaamiyihii Puntland ee xilligaas waxa uu yiri waxa aanu ahayn cidda kaliya ee lahayd qorshe agaasiman iyo goolal ay ahayd in laga miro dhaliyo. Gool ka ugu wayna waxa uu ahaa nidaamka fadaraalka. Sidaas daraadeed ayaanu xoogga u saarnay ayuu yiri guddigii dastuurka oo muhiim noo ahaa. Eeg buugiisa halgan iyo hagardaamo. Xilligii xukunkii madaxweyne Faroolana reer Puntland waxa ay dhamays tireen hanaankii iyo hadafkii ay fadaraaliisimka ka la haayeen. MAXAY PUNTLAND FADARAALAYNTA U RABTAA? Gobollada iminka Puntland laysku yiraahdo waligood ba waxa ay ahaayeen mandiqad ay ilbaxnimo siyaasaseed ka jirtey. Laga soo bilaabo bilowgii qarnigii siddeed iyo tobnaad illaa bartamihii qarnigii labaatanaad waxaa gobolka ka hirgalay maamulo gayiga soomaaliyeed caan ka ahaa sida Boqortooyadii Baargaal, Saldanaddii Warsangaliga, Saldanaddii Hobyo iyo dhaqdhaqaaqii daraawiishta. Sidoo kale gobolku waxa uu saldhig u ahaa ururkii gobanima doonka ee SYL oo afar ka mida aasaasayaashiisii ay gobalka ka yimaadeen. Qaangaar nimada siyaasadeed ee gobalka ka jirtay ayaa u sahashey madax-siyaasadeedkii gobolku inay yeeshaan hiraal iyo aragti ka gadisan madaxdii kale ee dalka. Taas ayaana keentay inay hindisaan kuna qanciyaan bulshadii caalamka hanaan hoos wax ka dhisa oo lagu midayn karo quluubta qoomamka kala irdhoobey. Qodobka ugu muhiimsan ee reer Puntland nidaamkaan ku riixayse waxa uu ahaa tabasho tasowday oo ay waligood ba tirsanayeen. Xilligii dawladdii rayitka gobol kooda waxaa loo aqoon jirey gaari waa, adeeg yada dawladduna ma gaari jirin. Xilligii kacaan kii Maxamed Siyaad na gobolku waxa uu ahaa meeshii ugu horaysay ee lagu bilaabay siyaasaddii caburinta, dilka,dhaca,xariga,kufsiga iyo bara-kicinta. Xilligii burburkana waxa ay ahaayeen cidda uu khasaaraha ugu wayni ka soo gaaray dagaalkii sokeeye iyo barakicii caasimadda laga barakacay. Maadaama ay dhibbane u ahaayeen dhacdooyin kaan, marna ma doonayaan inay ka mid noqdaan nidaam ay awooddu hal magaalo, hal koox iyo hal qof ay ku uruursantahay. KHILAAFYADA PUNTLAND IYO DAWLADDA DHEXE Soomaalidu waxa ay ku maahmaah daa maan rag waa mudacyo afkood, waana ay adagtahay in labo mudac afkood laysku beego, khilaafkuna sidiisaba ceeb maahan ee waxaa ceeba inaan la oggolaan in lays khilaafi karo iyo inaan farqiga khilaafka xal loo heli karin. Bulsho kasta oo aqbasha khilaafka ayaa maaraysa xalna u hesha farqigiisa. Khliaafka Puntland iyo dawladaha dhexe ee hadba xamar ka hirgalaa waxa uu salka ku hayaa aragtida laga qabo fadaraaliisimka gaar ahaan awood qayb siga. Madaxda dawladda dhexe ee Xamar fadhidaa marna kuma qanacsana nidaamkaan, sidaas daraadeed waxa ay inta badan qaadaan tillaabooyin isku eg. Oo ay ugu horayso, shaki galinta iyo furfuritaanka fadaraaliisimku. Ayna labayso, faquuqidda iyo ciqaabista Puntland oo ay u arkaan dheeli-tiraha koobaad iyo dhardhaarka sharciyadda fadaraaliisimka. Saddexna ay tahay, marooqsiga iyo wiiqista awoodaha is dheeli-tira sida golayaasha xeer dajinta, garsoorka, dastuurka iyo maamul gobaleedyada. Puntland-na marna lagama yaabo inay aqbasho ama ka mid ahaato nidaam ka hooseeya dawlad fadaraala, sidaas daraadeed weerar walba oo lagu qaado sharci-siyaasadeed ka dalka waxa ay u aragtaa ka bixid laga baxay heshiiskii dawlad dhisida. DAWLADDA NABAD IYO NOLOL MAXAY UGA GADISAN TAHAY KUWII HORE? Dhamaan dawladihii dhexe ee dalka soo maray marka laga reebo dawladdii Cabdullaahi Yuusuf waxa ay ka midaysnaayeen la dagaalanka fadaraalka. Inkasta oo dawladdii Xassan Shiikh ay dagaal rasmiya iyadu la gashay nidaamkaan, haddana aakhirkii waa ay ku guulaysan waydey isku daygeedii. Lakiin dagaalka dawladda Farmaajo ayaa ah mid ka gadisan kana khatar badan dagaalkii dawladdii Xasan Shiikh. Dawladda Farmaajo ayaa ah dawladaha nooca xamaas ku dhaladka loo yaqaan, oo ah nooca uu saldhiga u yahay dhaqan kooda waxa la yiraahdo populism-ku oo ah laab la kaca aan waaqica ku salaysnayn. Inta badan mdaxda dawladaha noocaana hogaamiya ayaa loogu yeeraa marin-habaabiyayaal (demagogue leaders). Maxaa yeelay shacbigooda ayay u sheegaan khuraafaad iyo khudbooyin xamaasiya oo waaqica ka fog. Dhaqamada marin-habaabintu waxa ay si aada uga muuqdataa raysal wasaare Khayre oo ay aad ula wayntahay amar ku taag laynta iyo anaa iridu. Waxaa kale oo ay marin-habaabiyayaashu caan ku yihiin magac dilka iyo u magac bixinta dadka fikirka uga soo horjeeda. Marin-habaabiyayaasha (demagogue leaders) waxaa lagu yaqaan inay la diriraan sharciyadda, maxaa yeelay waxa ay u socdaan inay u xuubsiibtaan kali-talisnimo. Xiisaha ay uqabaan in la koolkooliyo magacooda iyo kharashka xad dhaafka ah ee ay ku bixiyaan baahinta muuqooda ayaa ah tilmaan kale oo aad ku garan kartid marin-habaabiyaha. Ogow marin-habaabiye aan la xakamayni wuxuu u xuubsiibtaa kali-talis kaas oo isna marka dambe u xuubsiibta dhiig-yacab. Waxa kaliya ee dhiig-yacab laga dhaxlaana waa wixii aynu dhaxalnay soddon sano ka hor. Sidii aynu horayba usheegnay Puntland ayaa iyana waxa kaliya ee ay u jirtaa waxa ay tahay inaan dhaqamadii kaligi-talis nimada iyo dhiig-yacab nimadu dib usoo noqon. Markasta oo ay dareento in marin-habaabiye uu bulshada weedhihiisa naxliga leh ku af-duubi rabana, dadka kale waa ay ka qaylo dheertahay. GUNAANAD Soomaaliya waa dal burburay oo hadana siyaasad ahaan u fashilay. Dhib aad u wayn ayaana laga soo maray isla baadi goob kiisa. Iyada oo maanka lagu hayo wixii rogay ayaa loo sameeyey nidaam ay ku kala badbaadi karto dibna ugu dhismi karto. Dadka aan xog-ogaalka ahayni waxa ay inta badan dhaleeceeyaan dastuurka dalka iyaga oo ku tilmaa inuu yahay mid is burinaya. Laakiin waxa ay hilmaansan yihiin inaynu nahay colaad ka soo daah (post conflict) sidaas daraadeed dalalka colaad ka soo daahaa waxaa lagu dhaqaa xeerar gooniya, maxaa yeelay waxaa looga turayaa inay colaadii dib ugu noqdaan. Si aysan taasi u dhicin waa in awooddu qaybsanataa. Dastuurka, Fadaraaliisamka, aqallada xeerdejinta iyo garsoor kuba waa dheeli-tirayaasha xakameeya ama dheeli-tira hay’adda fulinta si aysan awoodda ugu tagri falin. Dawladda nabad iyo nolol si ka gadisan ku wii ka horeeyey ayay ula dirirtay sharciyadaas, waxa ayna meesha ka saartay dheeli tirayaashii xakamyn lahaa awooddeeda. Nasiib daro waxaan jirin gole iyo garsoor madax banaan toona. Laakiin nasiib wanaag waxaa jira Puntland oo ah hormuudka maamulada ahna dheeli-tiraha kaliya ee rasmigaa ee u taagan dheeli-tirka dawladda dhexe, ha jeclaadeen iyagu amaba yaysan jeclaane. Dadka aan aqoonta u lahayn dhaqan siyaasadeedka reer Puntland waxaa isaga khaldama ashkhaasta maamulka joogta iyo hiraalka siyaasadeed ee ay Puntland ku dhisan tahay. Xilligii madaxwayne Faroole oo dawladdii Xasan Shiikh loolan adag uu kala dhaxeeyey ayaa qolyihii Xassan aad ugu farxeen dhicistiisii, Faroole isaga oo xasuusinaya in waxa ay is hayeen aysan ahayn shakhsiyaddiisa ee ay ahayd sharciyadda ay Puntland ku dhisan tahay ayuu yiri ” waxba ha ka farxina midka i badalayaa waa iga sii daran yahay” Iminka waxa aynu ku sugannahay marxalad kale oo is maan dhaafa iyo amin doorasho. Haddaba si aysan khalad noocii Xassan Shiikh oo kalaa aysan ugu dhicin qolyaha nabad iyo nolol, waa in ay ogaadaan in cid walba oo aaminsan wax ka hooseeya sharciyadda ay Puntland ku dhisantahay ay adagtahay in laga gado dadka reer Puntland, xitaa haday guulaystaana ay adag tahay inay ku hoggaamiyaan fikir ka hooseeya waxa ay Puntland u taagan tahay. Fiiro Gaara: haddaad rabtid inaad macluumaad dheeraada ka ogaato dhaqamada Marin-habaabiyaha, akhri maqaalka Saddexda Ilma Dage iyo dagaaga dal baa ka dhaxeeye oo bishii may ku soo baxay isla mareegtaan Puntland Post. Qalinkii: Mohamed Ahmed Elmi The post PUNTLAND: WAA DHARDHAARKA DHEELI TIRA FADARAALKA appeared first on Puntland Post.

Garbahaarreey (Sh.M.Network) – Cabdiqani Maxamed Bayow oo kamid ah siyaasiyiinta kasoo jeeda gobolka Gedo oo la hadlay idaacada Shabelle ayaa sheegay in gobolka ay ka taagan is-qabqabsi la xiriira dhinaca maamulka. Siyaasiga ayaa shaaciyay in is-qabqabsiga uu yimid markii maamulka Jubbaland uu gobolka usoo magacaabay labo gudoomiye, isaga oo ku eedeeyay masuuliyiinta madaxda dowlad goboleedkan inay gobolka ka abaaburayaan colaad beeleedyo. Mr Bayow ayaa ugu baaqay shacabka reer Gedo inay ka fogaan wax kasta oo keeni kara inuu dhiig-dato xili uu madaxda uu sareysa ee dowladda Federaalka ah ee Soomaaliya inay soo farageliyaan arrintaani. Hoos ka dhageyso warka oo Cod ah http://radioshabelle.com/wp-content/uploads/2018/11/Qani-1.mp3 The post Is-qabqabsi maamul oo ka taagan gobolka Gedo appeared first on Shabelle. View the full article

Maamulka gobolka Banaadir ayaa dib u howlgeliyey nalalkii ku shaqeynayey cadceedda ee muddooyinkaan dambe densanaa. Mugdi badan ayaa markii hore laga dareemayey waddooyinka waaweyn ee magaalada Muqdisho, sababtuna waxay ahayd nalalkii cadceedda ku shaqeynayey ayaa qaarkood densanaa, kuwana waaba ay burbureen. Balse Todobaadyadii ugu dambeeyey maamulka gobolka Banaadir ayaa dib u habeeyey dhammaan leerarkaasi, wuxuuna sidoo kale maamulka muday kuwo cusub oo lagu bedalay kuwii burburay. Hadaba Goobjoog ayaa warbixintaan muuqaalka ah ka diyaarisey dib u idinta caasimadda Muqdisho. Goobjoog News Source: goobjoog.com

(SLT-Yemen)-Magaalada Xeebta saaran ee Xudeydah ayey weli kasii socdaan dagaalo xoogleh xili ay dhinacyada dagaalamaya ay sheegeen inay diyaar u yihiin dhaqan gelinta xabad joojinta dagaalka Yemen. Kooxda Xuuthiyiinta ayaa isniintii sheegay inay diyaar u yihiin xabad joojin dalkaasi laga dhaqan geliyo, sidoo kale Sacuudiga ayaa sheegay inuu diyaar u yahay wadahadalka ay garwadeenka ka yihiin guddiga Qaramada Midoobay u qaabilsan Yemen. Balse waxaa muuqata inuusan weli joogsan dagaalka Xudeydah oo ay maalmihii lasoo dhaafay boqolaal dad ah ku dhinteen, dagaalkaasi ayaa sidoo kale caqabad ku ah gargaarkii la gaarsiin jiray shacabka Yemen, maadaama magaaladaasi Xudeydah oo ay ku taal dekkada ugu weyn ee deeqda loo marin jiray shacabka ku nool Waqooyiga Yemen. Xuuthiyiinta ayaa ku eedeeyey xulafada Sacuudiga inay doonayaan inay awooda militari magaaladaasi kula wareegaan kahor intaan la gaarin shirka dhamaadka sanadkan ay Qaramada Midoobay u qaban doonta dhinacyada dagaalamaya, shirkaasi oo la filayo inuu ka dhaco dalka Sweden. Source

(SLT-Berlin)-Dowlada Germany ayaa dhaqan gelisay go’aan adag oo ay uga jawaabeyso dilkii Sacuudiga u geystay Suxufi Jamal Khashoggi oo la dilay 2dii bishii Oktoober. Xukuumada Jarmalka ayaa sheegtay in gebi ahaan la joojiyey heshiisyadii horey loo saxiixay ee hubka wadankaasi ka iibin jiray Riyadh, isla markaana la hakiyey mashaariicdii kale ee militariga dalkaasi la lahaa Sacuudiga. Go’aankan ayaa noqonaya kii ugu horeeyey oo si toos ah u taabanaya xiriirka militari ee ka dhaxeeyey dalalka reer Galbeedka iyo Sacuudiga. Germany ayaa dooneysa in sidoo kale wadamada kale ee Midowga Yurub ee ganacsiga militari laleh Sacuudiga ay qaadaan tilaamo midan lamid ah. Sacuudiga ayaa hubkiisa ugu badan kasoo gata dalalka reer Galbeedka, gaar ahaan dalalka ay kamid yihiin; Maraykanka, Canada, UK, France, Germany iyo Spain. Dowlada Canada ayaa sidoo kale sheegtay inay go’aan ka qaadan doonto heshiisyadii ganacsiga hubka oo ay horey ulla lahayd dalka Sacuudiga. Source

Muqdisho (Sh.M.Network) – Warar dheeraad ah ayaa laga helayaa dagaal xoogan oo ciidanka dowladda iyo Al-Shabaab ku dhex-maray duleedka magaalada Marka ee Gobolka Shabeellaha Hoose, sida ay sheegeen illo wareedyo. Dadka degaanka ayaa kusooo waramaya in dagaalka uu geystay khasaaro isugu jira dhimasho iyo dhaawac, kaasi oo soo kala gaarey dhinacyadda ay dirirtu dhex-maray, xili ay shaaciyeen inay arkeen meydadka saddex Al-Shabaab ah. Illo wareedyo madax banaan oo gobolka ku sugan ayaa xaqiijinaya in Al-Shabaab ay dagaalka ku qabsadeen gadiid nooca dagaalka ah iyo 11 Qori oo ay ka furteen ciidamadda xooga dalka Soomaaliya. Wararkii ugu dambeeyay ee laga helayo meesha ay wax ka dhaceen ayaa sheegaya in xaaladu ay tahay mid degan, xili ciidamada dowladda ay magaalada Marka ku qabteen saaka ruux la sheegay inuu Al-Shabaab udagaalamayey. Gudoomiyaha gobolka Shabeellaha Hoose, Maxamed Ibraahim Barre oo la hadlay idaacadda Shabelle wuxuu tilmaamay in dagaalka ay ku qabsadeen degaanka Jilib Marka iyo tuulooyin kale oo ku dhow. Inta badan gobolka Shabeellaha Hoose waxaa ka dhaca dagaalo qaraar oo udhaxeeya Al-Shabaab iyo ciidanka dowladda, kaasi oo geystay khasaaro labada dhinac ah, wallow mararka qaarkood ay waxyeelo kasoo gaarto shacabka. The post Fahfaahino laga helay dagaal xoogan oo ka dhacay Sh. Hoose appeared first on Shabelle. View the full article

Maanta oo ay ku beegan tahay 21-ka November, waxaa loo dabaal degayaa maalinta Macallinka Soomaaliyeed, iyadoo sanad walba sidaan oo kale loogu dabaal dego. Macallinka oo ah hagaha bulshada, islamarkaana hadii aanu jiri lahayn aysan suurtagal noqon lahayn in la helo bulsho wax taqaan, ayaa hadana maanta shacabka Soomaaliyeed waxay u tahay maalin aad iyo aad ugu qiimo badan. Guud ahaan gobalada dalka Soomaaliyaa ayaa laga xusayaa maalintaan qiimaha badan, iyadoo ay jiraan munaasabado maalintaan loogu dabaal degayo. Macallimiinta Soomaaliyeed ayaa usoo dhabar adeegay in heerka waxbarasho ee dalka haatan marayo gaarsiiyaan, iyadoo dalka uu soo maray marxalado kala duwan. Goobjoog News Source: goobjoog.com

(SLT-Cabul)-Qarax ismiidaamin ah oo lala beegsaday goob ay ku shirayeen culumaa’udiin dalka Afqaanistaan ayaa waxaa ku dhintay ugu yaraan 43 qof. Qaraxa ayaa ka dhacay magaalada, Kabul ee xarunta dalka Afqaanistaan. Qarxani ayaa waxaa ugu yaraan ku dhaawacmay 83 qof. Kulanka culumadan ayaa ka dhacayay goob aroosyada lagu qabto oo lagu magacaabo Uranus wedding hall. Culumada qaraxa lala beegsaday ayaa ku guda jiray xuska dhalashada Nabi Maxamed Nabadgalyo iyo naxariis dushiis ha ahaatee. Waa qaraxii ugu dhimashada badnaa ee Kabul ka dhaca bilooyiinkii ugu dambeeyay. Ma jirto ilaa iyo imika cid sheegatay masuuliyadda qaraxaasi. Sidee wax u dhaceen? Waxaa la sheegay in goobta ay xafladda ka socotay ay ku jiraan 1,000 qof markii uu qaraxa dhacayay. Lahaanshaha sawirkaEPAImage captionCiidamada ammaanka Afhayeen u hadlay booliiska Kabul Basir Mujahid,ayaa sheegay”In culumada Islamka ay aqrinayeen quraanka iyaga oo u dabaaldagayay dhalashada Nabiga nabadgalyo iyo naxariis dushiisa ha ahaatee”. Qofka ismiidaamiyay ayaa ka soo galay albaabka hore ee xarunta halkaasi oo walxaha qarxa uu la beegsaday. Sheekh Mohammad Hanif ayaa sheegay uu qarax dhawaq xooggan uu dhacay “qof walibana uu qaaylinayay isaga oo caawin dalbanaya”. Sawiro laga soo qaaday goobta uu qaraxa ka dhacay ayaa waxay muujinayaan dhar dhiig badan uu ka muuqdo iyo quraarado jajabay oo goobta daadsan. Telefishinka 1TV News ayaa ka soo xigtay wasaaradda caafimaadka in 24 ka mid ah dadka dhaawacmay uu dhaawacooda halis yahay. Maxay tahay jawaabaha laga bixiyay? Madaxwaynaha Afqanistan Ashraf Ghani ayaa cambaareeyay waxa uuna ku tilmaamay “weerar argagixiso “. Waxa uu ku dhawaaqay in maanta oo Arbaco ah ay tahay maalin baroordiiq islamarkana calanka dalka hoos loo dhigi dono. Howlgalka Qaramada Midoobay ee Afqanistaan ayaa dhankooda waxay sheegeen in ay aad uga xun yihiin weerarkan ismiidaaminta. Rai’sul wasaaraha Pakistan Imran Khan ayaa cambaareeyay waxa uuna ku tilmaamay “fal argagixiso oo fulaynimo ah”. Source