Muqisho (Caasimadda Online) – Magaalada Muqdisho oo ah caasimadda dalka ayaa wajahaysa wasqayn xad dhaaf ah oo ay mu kacayaan shirkado ku shaqaysta Hagaajinta Nadaafadda oo qaarkood ay AMISOM Qandaraas ka qaateen, Kawaanlayaan iyo kooxo kale oo Iskood isu abaabulay oo gaadiidka qashanka wada lacag uga qaata goobaha ay wasaqaynayaan. Deegaannada sida joogta ah loo wasaqeeyo waxaa kamid ah Xeebaha Jazeera iyo Gubadlay ee koonfuta iyo Bariga Caasimadda oo lagu daadiyo qashan laga keeno gudaha Xalane iyo magaalada inteeda kale kaas oo ay geeyaan shirkado Qandaraaslayaal la shaqaysta AMISOM iyo shirkado kale. Wasaqaynta magaalada ayaa loo adeegsadaa Booyado iyo Baabuur kale oo waawayn oo qashan kasoo daabula gudaha Xalane kuna shuba dhinacyada waddada Jazeera, gudaha Badda iyo agagaarka Saldhigga Ciidanka ciidanka lagu tababaro ee Turk-som. Taliska Saldhigga Booliiska Wadajir ayaa si ay u baaraan xiray laba wade iyo labo caawiye oo waday laba booyadood oo ay leedahay Shirkadda Sahan oo kamid ah shirkadaha qandaraaska ka haysta AMISOM, kuwaas oo gacanta lagu dhigay iyaga oo ku guda jira ficillada wadaqaynta caasimadda Haraadiga iyo qashanka Kawaan Xoolaha lagu qalo ee ku yaalla agagaarka xeebta Jazeero ayaa sidoo kale joogto loogu daadiyaa deegaanka Jazeera. Xeebta Gubadlay ee degmada Kaaraan ayaa kamid ah goobaha sida joogtada ah loo wasaqeeyo, iyada oo qashanka gaadiidku ay ku rogaan oo xad dhaaf ah uu dhibaato ba’an ku hayo xeebta liido ee ay shacabka Soomaaliyeed u dalxiis tagaan. Waxaa kale oo jira Kooxo ka faa’iidaysta wasqaynta caasimadda oo gaadiika qashanka keenaya lacag uga qaata wasaqaynta deegaanka.

Maanta ayaa lagu wadaa in magaalada Jigjiga ee xarunta Somali State ay gaaraan hoggaanka jabhadda ONLF oo maalintii shalay ahayd lagu soo dhoweeyey magaalada Addis [...] Source

Hoggamiyaha jabhahda ONLF, Admiral Maxamed Cumar, oo ka hadlayey xaflad soo dhoweyn ah oo loo sameeyey isaga iyo xubno la socady ayaa sheegay in halganka aanu hadda bilaaban isaga intaas raaciyey in gobolka uu ku jiro xilli kala guur ah. Maxamed Cusmaan oo ka hadlaya wuxuu yiri“Ururka ONLF ma aha mid hadda bilowday, oo muddo dheerbuu soo jiray, muddadaas waxaa uu ku magacawnaa muddo qoray isu dhiib ah, oo shucladdii gobanimmo-doonka, qolaba qolo kale u dhiibeysay, Axmed Guray laga soo bilaabo ilaa maanta halgankaas wuu socday, halgankaas xaq-doon buu ahaa, gobannimadooda iyo xuquudooda ayey intaas raadinayeen, qoloba qole ayey soo badaleysay, ma joogsanin halgankaas gobannimo-doonka ee Axmed Guray soo bilowday, waxaa la diidan yahay gumeysi, waxaa la doonayaa cadaalad, dadkii intaas la cabanayey iney tiri, isbadalka cusub madaxda Itoobiya waxaa ay yiraahdeen waxaa rabnaa iney dadka wada noolaadaay, oo umadiihii xaq u leeyihiin, dadkii halgamanayey dalkaas si xor ah ku soo galaan, golaha dhexe ayaa go’aan qaatay, sidaas ayaa dalka ku soo galnay”. Admiral Maxamed Cumar Maxamed Cumar oo sidoo kale ka hadlay kala guurka waxaa hadaladiisa ka mid ahaa“Waxaan moodaa in xafladda ay tahay mid kala guur ah, oo waqti hore oo dhib badnaa, oo kala qeysan, dagaallo iyo is xaqiraad badan ay ka jirtay iney waqtigaas soo dhameyneysaa ayaa moodaa, waxaad moodaa iney ku baaqeyso ama bilaabeyso in caadaalad lagu wada noollaado, qof walbana xuquuqdii helo, marxaladdaas iney bilaabatay ayaad moodaa in xafladdan bilow u tahay, waxaan rajeneynaa in xafladda sidaas noqoto, oo dulmigii iyo is xaqiraaddii dhamaato, oo cadaaladdii iyo horumarkii xafladdan ka bilaabato. Mr. Maxamed Cusmaan ayaa isaga iyo wafdigiisa waxaa ay ku sii jeedaan Jigjiga, iyada oo halkaas ay bilaabi-doonaan wada hadal dheer, oo la xiriira nabadda iyo horumarka deegaanka. Goobjoog News Source: goobjoog.com

Madax ka socoto Wasaaradda Amniga Xukuumadda Federaalka Soomaaliya ayaa ka qeyb gashay shir looga hadlaayay baahida Soomaaliya ay u qabto ka hortaga Walxaha Qarxa si ay u fuliso waajibaadka ka saaran in ay bur-buriso Miinooyinka Dhulka iyo Walxaha qarxa, maadama Dowladda Soomaaliya ay qeyb ka tahay Dowladdaha Saxiixay heshiiska Ottowa Treaty iyo Caqabadaha hortaagan in laga dhigi Soomaaliya meel ka madax banaan Miinooyinka iyo Walxaha Qarxa. Shirka oo lagu soo gaba gabeeyey magaalada Geneva ee dalka Switzerland ayaa waxaa ka qeyb galay Wasiir Ku xigeenka Wasaaradda Amniga Cabdinasir Siciid Muuse oo ahaa Madaxa Wafdiga Soomaaliya, Safiirka Somaaliya ee Switzerland Faaduma Cabdullaahi Maxamed iyo Wafdi kale oo ka socday Hay’adda Miinooyinka iyo Walxaha Qarxa (SEMA) ee Soomaaliya. Waxaa sidoo kale kaso qeyb galay shirka Dowladdo daneynaya in ay wax ka qabtaan Soomaaliya iyo Hay’addo Caalami ah, sida Netherlands, Finland, European Union, Canada, Norway, UNDP, UNMAS iyo kuwa kale, iyadoo shirar gooni gooni lala yeeshay Hay’addaha kala ah UNMAS, UNDP ITF and DDG. Wasiir Ku xigeenka Wasaaradda Amniga Cabdinasir Siciid Muuse waxuu ka sheegay shirkaas si loo gaaro in ay Soomaaliya noqoto meel ka madax banaan miinooyinka sanadka 2022 in loo baahanyahay dardargelinta howlaha miino saarka Dalka ay ka hayaan Hay’addaha Caalamiga ah. Sidoo kale waxuu sheegay in Wasaaradda Amniga Gudaha ay geyn doonto Baarlamanka sharciga Miino Saarka Dalka Soomaaliya iyo kan Hay’adda SEMA iyo in sidoo kale la caawiyo dadka Ku wax yeelobay qaraxyadda Miinoyinka iyo walxaha. PUNTLAND POST The post Soomaaliya oo laga caawinayo saarista qaraxyada dhulka ku aasan appeared first on Puntland Post.

Magaalada Garoowe ayaa waxaa lagu qabtay shir lagu lafa gurayay sharciga low labar 7 oo lagu maamulo dowladdaha hoose ee Degmooyinka Puntland, kaas oo la sameeyay [...] Source

Madaxweynaha cusub ee Dowlad Deegaanka Soomaalida ee Itoobiya Mustafe Cumar Muxumed oo ka hadlayey xaflad lagu soo dhoweynayey hoggaamiyaha jabhadda ONLF, Admiral Maxamed Cumar ayaa ammaanay jabhadda gobannimo-doonka ONLF isaga oo sheegay in loo baahanyahay sidii dhibaatooyinkii dhacay looga qaadan lahaa cashar. Mustaf Cumar oo arrinkaas ka hadlayey wuxuu yiri “ Waxaa loo baahanyahay shalay wixii dhacay in aan waxbarasho ka qaadano, feejignaano, oo aan ka feejignaano wax kasta oo nagu celin kara wixii shalay dhibaatooyinka keenay, in wadatashi iyo dulqaad aan uga gudubno wax walbo oo dhexdeena yaalo”. Madaxweyne Mustaf waxaa uu ka hadlay in Itoobiya gashay siyaasad cusub “Dalka siyaasad cusub ayuu galay, siyaasaddaas cusub nafteeda diyaar-garow ayey u baahantahay, innaga diyaar ayaan u nahay in shacabka iyo jabhadda ONLF aan kala shaqeyno sidii danta guud looga wada shaqeyn lahaa, wax kasta oo soo baxa waa in si degan, oo caadifad laheyn looga xaajoodo, waxaan wada hadal u tagi-doonnaa Jigjiga, soo dhawaada dhammaan xubnaha muddada dheer ka dhiidhiyey dhibaatooyinka shacabkooda”. Hadalkan wuxuu ka jeediyey xaflad Adis loogu qabtay hoggamiyaha jabhahda ONLF, Admiral Maxamed Cumar, madaxda jabhadda oo Itoobiya dib ugu soo laabatay ayaa maanta ku sii-jeeda Jigjiga. Goobjoog News Source: goobjoog.com

La taliyahay arimaha isboortiga Gobolka Banaadir Cabdiqaadir Muxidiin Xaaji (Dacar) oo marti ku ahaa Barnaamijka Xeyndaabka ciyaaraha Goobjoog TV ayaa sheegay qurbajoogta dalka u imaanaysa ciyaaraha saaxiibtinimo iyo is dhaxgalka bulshada laga faa’idayo waxyaalo badan oo dalka u ah wanaag iyo horomar “Kooxda jaaliyada Australia waxa ay albaabada u furtay bahda ciyaaraha ee ku nool dalka dibadiisa imaatinkooda wadanka ladii sano ee laga soo gudbay ayaa keentay in Mqudisho iyo caasimadaha kale ay kusoo dhiiradaan qurbajoog badan waxaana arintaas ka dhalatay in Xiriirka kubbadda cagta ay dalbadaan xirfadlayaasha ku barbaaray qurbaha si ay u difaacan calanka iyo magaca dalkooda hooyo ee Soomaaliya”waxaa sidaas Xeyndaabka isboortiga Goobooj TV u sheegay Cabdiqaadir Muxidiin Xaaji (Dacar) oo La taliyahay arimaha isboortiga Gobolka Banaadir 17-30-October 2018 waxaa caasimada Muqdisho ciyaaro saaxiibtinimo iyo is dhaxgal bulsho u imaaday macalimiin iyo ciyaartooy Soomaaliyeed oo ku nool qurbaha,iyagoo aan waligooda arkin dalka ay iyaga lee yihiin waxayna ka kala yimaadeyn wadamada Egland,Sweden,Norway,America iyo Kenya “Bishii Lasoo dhaafay laacib Feysal Xasan Axmed ayaa markii ugu horeesay u saftay xulka qaranka dalka,isagoo gool cajiib ah ka dhaliyay Ethiopia ciyaaraha is reeb reebka olimikada aduunka,Feysal iminka waxa uu tusaale u yahay xirfadyahano badan oo ku haminaya in ay xertaan maaliyada dalkooda hadii aanu nahay bahda isboortiga gudaha iyo qurbajoogta waxaana xoojiaynaa horomarinta ciyaaraha gudaha” Si kastaba Wasaarada ciyaaraha iyo dhalinyarada,xiriirka kubbadda cagta iyo maamulka Gobolka Banaadir ayaa wada daa’daalo ku aadan in caasimada Muqdisho iyo magaalooyinka kale ee dalka sanadaha soo aadan lagu qabto ciyaaraha Somali Week oo ay inta badan ciyaaraan kooxaha qurbajoogta hadii arinta hergashan dad badan ayaa aaminsan in laga faa’ididoono wax badan oo horomar u ah kobaca ciyaaraha gudaha Halkan Ka Daawo Falanqeyn Ku Saabsan Imaatinka Kooxaha Qurbajoogta Ee Soomaaliya W/D-Maxamed Xuseen Qalinle Source: goobjoog.com

(SLT-Hargeysa)-Komishanka Doorashooyinka Qaranka ayaa saaka kulan la qaatay Madaxa Xafiiska Midawga Yurub ( EU ) Mr.David Korpela kulankaas oo Ka dhacay Hotel Maansoor, Labada Geesood Waxay ka wadahadleen Doorashooyinka isku sidkan ee Golaha Wakiilada iyo Golayaasha Degaanka ee Ku mudaysnaa Bisha March 2019. Komishanka Doorashooyinka Qaranka ayaa warbixin Ka siiyey xaalada doorashooyinka iyo halka Komishanka wax u marayaan. Safiirka ayaa Komishanka uga waramay sida ay diyaar ugu yihiin inay gacan ka gaystaan Dimuqraadiyada Somaliland. Source

Muqdisho (Caasimada Online)-Madaxa howgalka Zambia ee Soomaaliya haweeneyda lagu magacaabo Cecilia Kabube ayaa hoos u dhigtay amaanka magaalada Muqdisho oo mudooyinkii ugu dambeeyay laamaha amaanka guulo ay ka sheeganayeen. Haweeneydaan waa hogaamiyaha dhowr ciidan oo kamid ah booliska AMISOM ee ka howlgala Soomaaliya, iyagoo qeyb ka qaata xaqiijinta amaanka magaalada Muqdisho iyo howlgalada ay sameeyaan ciidamada. Haweeneyda ayaa waxaa wariyaal ka socday Africa ay kula kulmeen magaalada Muqdisho, iyada oo hogaamineysay ciidamo ka kooban Soomaaliya, Ghana,Seire Leone ,Kenya iyo kuwo kale. Kadib wareysi ay bixisay ayay ku sheegtay inay adag tahay marka ciidamada ay howlgal ka sameynayaan magaalada Muqdisho, iyadoo sheegtay in xaaladda amaan aysan mar walbaa hagaagsaneyn. “Waa howl adag, qof la aamini karo ma jiro, ma taqaanid qofka doonaya in uu ku dilo, mararka qaar kuwo boolis isu ekeysiiya ayaa dilaya biri mageydada, ma aamino booliska, iyaguna nama aaminaan, ilaa aan muddo dheer isla shaqeyno, waxaa ay wataan gaadiid u gaar ah,annagana waxaan wadannaa gaadiid noo gaar ah.”ayay tiri haweeyneydaan. “Waxa na ilaaliya waa cibaadada,dhaqan ayey u tahay saraakiisha halkan in ay cibaadeystaan, ma jirto meel amaan ah Muqdisho gudaheeda,dhimashada caadi ayey ka tahay, rasaasta xilli kasta ayaad maqleysaa, Qaraxyada ayaa la mid ah,” ayey hadalkeeda raacisay Kabube. Laamaha amaanka ayaa muddooyinkii ugu dambeeyay sheegay inay ku guuleysteen xaqiijinta amaanka magaalada Muqdisho, balse waxaa dhacayay dilal qorsheysan oo kooxaha ka horjeeda dowladda ay geysanayeen. Caasimada Online Xafiiska Muqdisho Caasimada@live.com

Somalia’s top leaders have held a special meeting at the office of the President in the heavily fortified hilltop presidential compound in the capital, Mogadishu on Saturday night. The meeting was deliberate between the President, the Prime Minister, the Senate chairman, and House of the People of the Federal parliament speaker and his two deputies. The meeting was attended by President Mohammed Abdullahi Mohamed Farmajo. A source close to the meeting said that the overnight meeting was focused on the controversy among members of the House of the People and the Southwest election. Since the disbanding of the House of the People’s Finance committee last week, there has been a standoff and wrangling among the Members of the Somali Parliament. The post Somalia’s top leaders meet over current situation in the country appeared first on Shabelle. View the full article

(SLT-Jigjiga)-Maanta ayaa lagu wadaa in magaalada Jigjiga ee xrunta Somali State ay gaaraan hoggaanka jabhadda ONLF oo maalintii shalay ahayd lagu soo dhoweeyey magaalada Addis Ababa ee dalka Itoobiya. Wararka waxay sheegayaan in si weyn looga diyaar garoobay Jigjiga, islamarkaana dadka ay doonayaan in si hufnaan ah kusoo dhoweeyaan madaxda ONLF. Waddooyinka waaweyn ee Jigjiga ayaa lagu xardhay calanka ONLF iyo sidoo kale sawiradda madaxda jabhaddaasi. In ka badan 20 sano ayeey ONLF la dagaallamayeen ciidanka Itoobiya iyo Soomaalidii taageereysay, wallow isbedallada Abiy ay sababeen in madaxda ONLF iyo ciidankoodaba si nabad ah ku tagaan Jigjiga. Source

Maanta ayaa lagu wadaa in magaalada Jigjiga ee xrunta Somali State ay gaaraan hoggaanka jabhadda ONLF oo maalintii shalay ahayd lagu soo dhoweeyey magaalada Addis Ababa ee dalka Itoobiya. Wararka waxay sheegayaan in si weyn looga diyaar garoobay Jigjiga, islamarkaana dadka ay doonayaan in si hufnaan ah kusoo dhoweeyaan madaxda ONLF. Waddooyinka waaweyn ee Jigjiga ayaa lagu xardhay calanka ONLF iyo sidoo kale sawiradda madaxda jabhaddaasi. In ka badan 20 sano ayeey ONLF la dagaallamayeen ciidanka Itoobiya iyo Soomaalidii taageereysay, wallow isbedallada Abiy ay sababeen in madaxda ONLF iyo ciidankoodaba si nabad ah ku tagaan Jigjiga. Warkaan wixii kusoo kordha kala soco wararkeena kale Goobjoog News Source: goobjoog.com

Qaran News

Shacabka ku dhaqan nawaaxiga isgoyska Zoobe ee magaalada Muqdisho ayaa saakay kusoo baraarugay dhagxaan ay dowladda federaalka ku xirtay kala wareeggii Isgoyskaasi. Gaadiidka ka yimaada dhanka KM-4 islamarkaana u socda dhanka Buulo-xubey ayaan suurtagal ahayn inuu ka leexdo Isgoyska Zoobe, wuuxna aadi doonaa dhanka Banaadir. Sidoo kale, gaariga ka yimaada dhanka Buulo-xuubey una socda dhanka Isgoyska Banaadir ayaa kasoo wareegan doona Laami yaraha Zoobe ee Muqdisho. Tani waxay sii keeni doontaa saxmad daran oo wadadan ah, iyadoo meelaha gaadiidka kasoo kala leexan doonaan ay tahay meello yar yar oo aan suurtagal ahayn gaadiid badan in si caadi ah isaga soo kala gudbaan. Goobjoog News Source: goobjoog.com

Maalmihii lasoo dhaafay waxaa jirtay hadalhayn aad u badan oo ku aaddan in musharraxiin u taagan xilka madaxweyne ee maamulka K/galbeed ay ciidamo la tageen magaalada Baydhabo ee xarunta gobolka Baay. Wasiirka warfaafinta K/galbeed Xasan Cabdi ayaa xaqiijiyey in musharraxiinta qaar ay ciidan iyo hubba la tageen magaaladaasi, balse waa uu sababeeyey. Waxa uu tilmaamay in qaarkood ay xilal sar-sare ka hayeen dowladda dhexe, xaaladda dalka ka jirta awgeedna ay ku qasbanaadeen in ilaaladooda horey usoo kaxeystaan. Sidoo kale, waxa uu sheegay in wax dhib ah aanay ku jirin in musharraxiinta ay wataan askar dowladda ah, maadaama ammaanka la xaqiijinayo. Horey saraakiisha ammaanka magaalada Baydhabo ayaa ka dalbaday musharraxiinta in ciidamadooda aanay ku dhex milmin waxa socda, islamarkaana ay joojiyeen dhaq-dhaqaaqyada wax u dhimi kara ammaanka. Goobjoog News Source: goobjoog.com

Sacuudiga miyuu bedelay mowqifkii Qatar+Boqor Salman oo tallaabo cusub oo aan la fileynin qaaday Diblumaasiyiin xog ogaal ah ayaa u sheegay wargeys kasoo baxa dalka Kuwait in xoghayaha Guud ee Golaha iskaashiga Khaliijka uu booqan doono magaalada Doha ee dalka Qatar, isaga oo ka wakiil ah Boqorka Sacuudiga Boqor Salmaan. Ujeedada Booqashada Xoghayaha uu ku tagayo magaalada Doha ayaa ah in Amiirka Dalka Qatar Sheikh Tamim Bin Hamad inuu ku casuumo ka qeyb galka Shirka golaha iskaashiga Khaliijka. Shirka ayaa la qorsheynayay in 9 December uu ka furmo magaalada Damaam ee bariga dalka Sacuudi Carabiga, laakiin xogaha ayaa sheegaya in hadda lagu qaban doono Dalka Cuman, oo tariiq wanaagsan ku leh dhexdhexaadinta khilaafka wadamada Khaliijka. Ujeedada shirka looga badalay magaalada Damaam ayaa ah in lagu dajiyo xiisadda soo bilaabatay sanadkii 2017 islamarkaana la xaqiijiyo guulaha iyo ujeedooyinka shirka laga leeyahay. Dowladda Kuwait, ayaa dadaal badan ku bixisay in shirkaasi la qabto iyadoo ay xaadir yihiin madaxda dalka Qatar, waxaana hadda la doonayaa in xoghayaha guud ee Golaha iskaashiga Khaliijka uu ku qanciyo boqorka dalka Qatar in shirkaasi uu ka qeyb galo. Wasiir ku xigeenka arrimaha dibadda Qatar Khaalid Al Jarallah ayaa sheegay in shirka la qaban doono waqtigiisa iyada oo ay ka qeyb galayaan dhamaan wadamada ku bahoobay golaha iskaashiga Khaliijka. Qaran News

Erdogan oo dalbaday in loo soo gacan geliyo dadka looga shakisan yahay dilkii Jamaal Khaashuqji+Meelaha Sacuudigu hubka ka iibsado Erdogan wuxuu sheegay in uusan waxyeello u gaysaneeynin sumcadda boqortooyada Sucuudiga qoyska Madaxweynaha Turkiga, Recep Tayyip Erdogan ayaa ka codsaday dowladda Sucuudi Carabiya inay usoo gacan geliso dadka ku sugan dalkaasi ee looga shakisan yahay inay ka dambeeyeen dilka weriye Jamaal Khaashugji. Recep oo ka hadlayay shirka dalalka ku horumaray dhaqaalaha ee ka socday Argentina ayaa sheegay in arrinta Khaashuqji aanan loogu talagelin in shirka looga hadlo balse ra’iisul wasaaraha Canada, Justin Trudeau oo kaliya ah ayaa kulanka kusoo hadal qaaday dhacdada ku aadan Khaashuqji. Dowladda Sucuudiga ayaa 11 qof u xirtay dilka balse ma jiraan go’aan ay dadkan ugu dhiibeyso Turkiga. Walwalka Erdogan Madaxweynaha Turkiga Erdogan wuxuu si wayn ugu murugeysan yahay jaawabta uu Sucuudiga ka bixiyay dilka Jamaal Khaashuqji. Wuxuu ku eedeeyay mas’uuliyiinta Sucuudiga inay hayaan been iyo hadallo is-burinayo isla markaasna ay baddalayaan sida ay wax u dhaceen ayna diideen inay macluumaad la wadagaan baarayaasha Turkiga. Wuxuu sheegay in dhaxal sugaha Sucuudiga Maxamed Bin Salmaan uu kulanka madaxda G20 ka sheegay ‘sharraxaad aanan la rumeysan karin’ oo ku aadan dilka Khaashuqji. Maxamed Bin Salmaan ayaa ku dooday in boqortooyada aanan eedeymo loo jeedin karin tan iyo inta laga caddeynayo dambiga. Erdogan muxuu ka yiri dilka Khaashuqji? Madaxweynaha Turkiga, Recep Tayyip Erdogan, ayaa ku tilmaamay arrinta ku saabsan saxafigii la waayey – xilli uu booqanayey qunsuliyadda Sucuudigu uu ku leeyahay magaalada Istanbuul mid niyad jab ah. Saraakiisha Turkiga ayaa rumaysan in Jamal Khashoggi – oo ahaa nin dhaliila madaxda Sucuudiga – in lagu dhex dilay dhismaha qunsuliyadda. Mr Erdogan ayaa sheegay in uu asago shakhsi ahaan isha ku hayn doono baadhitaanka lagu hayo arrintan, uuna dunida ku wargalin doono wixii kasoo baxa. Jamal Khashoggi ayaa aaday qunsuliyadda uu dalkiisu ku leeyahay Istanbul talaadadii lasoo dhaafay si uu uga soo qaato warqado la xidhiidha arooskiisa oo dhici lahaa. Taariikh nololeedkii Jamaal Khaashuuqji Sooyaalka xirfadeed ee Jamaal Khaashuqji wuxu ka soo bilaabmay sannadihii ugu horeeyey xirfadiisa ee uu bilaabay weriyenimada, waayadaas oo ay saaxiibeen Usaama Bin Laadin, ilaa uu haatan noqday qof mucaarad ku ah Sucuudiga oo uu dalkana ka tagay. Intaan la waayin raq iyo ruux ba maalintii uu galay Qunsuliyadda Sucuudiga ee Istanbul, Khaashuqji oo dalkiisa iskii uga tagay wuxu u dhexeeyey oo kolba mid joogayey dalalka Maraykanka, Ingiriiska iyo Turkiga. Wuxu Sucuudiga ka tagay bishii Sebtember 2017 ka dib markii ay isa seegeen maamulka Boqortooyada. Dalalakaa dibadda ee uu joogay ayuu ka soo qori jiray aragtidiisa sida adag uu ugu dhaliilo maamulka Sucuudiga, oo waxa uu ku qori jiray wargeyska Maraykanka ka soo baxa ee Washington Post iyo sidoo kale boggiisa Twitter-ka ee aadka loola socdo oo ay ku xidhanyihiin in ka badan 1.6 milyan oo qof. Khaashuqji boggiiska Twitter-ka waxa ku taxan 1.6 milyan oo qof Dilka Jamaal Khaashuqji iyo siyaasadda Bariga Dhexe Inta badan awoodaha qoyska boqortooyada waxaa gacanta ku haya Maxamed Bin Salmaan, dadka hadda looga shakinsan yahay dilka waxay hoos tagaan isaga, khuburrada ku sugan Sucuudiga waxay rumaysan yihiin inay suurogal ahayn in la fuliyay dilkan iyadoo aysan ammaro kasoo bixin maamulka sare ee boqortooyada. Inta badan waxaa laga dhuur sugaya, inta ay gaarsiisan yihiin caddeymaha ah in Maxamed Bin Salmaan uu si toos ugu lug lahaa dhacdada. Maxamed Bin Salmaan wuxuu sheegay in uusan wax ka ogayn dilka Weriye Jamaal Kaashogji Turkiga muxuu ka qaban doona dilka Jamaal? Madaxweynaha Turkiga Recep Tayyip Erdogan wuxuu ceersanaya dhaxal sugaha sida Bisadda ay u ceersato Jiirka. Recep wuxuu doonaya inuu xalliyo qalalaasaha isagoo raadinaya waddo sharci oo lagu maxkamadeeyo dadka lagu tuhunsan yahay dilka Khaashogji, wuxuuna farta ku fiiqaya dhaxal sugaha Maxamed Bin Salmaan. Turkiga iyo Sucuudiga waxay door muhiim ah ku leeyihiin dhaqaalaha iyo siyaasadda gobolka, labaduba waa dalal Sunniyiin ah, waxay doonayaan inay majaraha u qabtaan hogganka dalalka Bariga Dhexe. Erdogan waxay u noqonaysaa inuu adkeeyo arrimaha dalkiisa taaso u horseedi karto inuu xoojiyo xiriirka kala dhexeeyo Mareykanka. Xiriirka xukuumadaha Washington iyo Riyadh kuma salaysno oo kaliya ah heshiisyada hubka, waxay lahaayeen xiriir soo jireen ah oo ay isu la wadaagaan muhiimadda straatiijiyadda gobolka iyo iskaashi dhanka xoojinta ammaanka. Arrinta shidaalka ayaa ka qayb ah xiriirkooda, Mareykanka qudhiisa kuma tiirsano oo kaliya ah shidaalka ceyrinka ah ee Sucuudiga, boqortooyada waxay ku tiirsan tahay dhaqaalaha kasoo galo shidaalka. Isbaddallada uu wado dhaxal sugaha Maxamed Bin Salmaan waxay horseedeen tallaabooyin dhibaato leh, wuxuu mas’uul ka ahaa in Sucuudiga uu go’doomiyo Qatar , afduubkii ku meel gaarka ah ee lagu sameeyay ra’iisul wasaarihii Lubnaan iyo dagaalka Sucuudiga uu ka wado Yemen. Howlgalka uu Sucuudiga ka wado Yemen wuxuu dhaliyay waxyeelleenta rayidka iyo maacluul dalkaasi ka taagan, waa sida Mareykanka uu qabo, siyaasadda dhaxal sugaha waxay kasoo horjeedaa fikradda ah suggida amniga dalka Yemen. Xaaladda ayaa sii xumaatay sababtoo ah maamulka Trump wuxuu gogosha dhigtay guriga Maxamed Bin Salmaan. Trump wuxuu doonaya saddex arrimood, inuu ka caawiyo dagaalka ka dhanka ah waxa loogu yeero argagixisada gobolka, wadahallada Falastiiniyiinta iyo Israa’iil iyo in Sucuudiga ka qayb qaato dadaallada maamulka Trump ee ku aadan xoojinta cunaqabataynta dhaqaale ee saran Iiraan. Ma laga yaaba in Sucuudiga uu xakameeyo ninka sida xowli ah ku socda? Toddobaadkii lasoo dhaafay shirkii ganacsiga ee lagu soo gabagabeeyay magaalada Riyadh waxaa si kalsooni ay ku dheehantahay u shir guddoominayay Maxamed Bin Salmaan oo ay u muuqatay in dalkiisa aysan waxbo ka qasnayn. Ruushka wuxuu sheegay inuu ka dhuur sugayo baaritannada socda isla markaasna la aamino hadalka Sucuudiga uu kasoo saaray dilka Kaashogji, xukuumadda Moscow waxay ku rajo wayn tahay in mustaqbalka Sucuudiga ay la gasho heshiis dhanka hubka ay uga iibinayso. Ceelasha shidaalka Sucuudiga Madaxweyne Vladimir Putin wuxuu doonaya inuu xoojisto danaha uu ka leeyahay dalalka gobolka. Reer galbeedku,waxay ogyihiin in hubka inuu yahay seef labo af leh, balse waxaa uga darran dhaqaalaha ay ka helayaan, Sucuudiga inaba kama maarmo hubka uga yimaado reer galbeedka. Hubka, khuburrada iyo la-taliyeyaasha reer galbeedka ayaa sababay in diyaaradaha Sucuudiga ay weli duqeyn ka gaystaan hawada dalka Yemen. Qaran News

Hargeysa ( Sh. M. Network )-Madaxweynaha maamulka Somaliland Muuse Biixi Cabdi oo ka hadlayay arrimaha Soomaaliya iyo Somaliland ayaa sheegay in marnaba aysan la midoobi doonin Soomaaliya inteeda kale. Madaxweyne Biixi ayaa tilmaamay in madaxda Soomaaliya haatan ay qorsheynayaan in Somaliland ay markale wadahadal isugu yimaadaan. Waxaana uu shaaca ka qaaday in maamulkiisa iyo shacabkuba aysan diyaar u aheyn wadahadallo dambe oo ay la galaan dowladda federaalka Soomaaliya. Halkan hoose ka dhageyso Codka. http://radioshabelle.com/wp-content/uploads/2018/12/cod-ismacil-turki.mp3 iix The post Madaxweyne Biixi “Somaliland lama Midoobi doonto Soomaaliya” appeared first on Shabelle. View the full article

Jigjiga (Caasimada Online)-Waxaa diyaar garow balaaran uu ka jiraa magaalada Jigjiga oo maanta la filayo inuu gaaro hogaamiyaha Jabhadda ONLF oo muddo badan dagaal kula jirtay Ethiopia. Wafdiga uu hogaaminayo hogaamiyaha ONLF ayaa shalay si weyn loogu soo dhaweeyay magaalada Addis Ababa ee dalka Ethiopia, wuxuuna qeyb ka ahaa safarkiisa heshiiskii ay la galeen dowladda Ethiopia. Calanka dowlad Deegaanka iyo astaanta ONLF ayaa si weyn loogu xardhay waddooyinka waaweyn ee magaalada Jigjiga, halkaasi oo maanta hogaamiyaha uu tagi doono, waxaana kaga horeeyay boqolaal askar ka tirsan ONLF. Hogaamiyaha ONLF ayaa sheegay in dowladda Ethiopia ay ka doonayaan xaqii ay muddo u dagaalamayeen inay helaan, maadaama heshiiskooda uu qeyb ka ahaa in xuquuqdooda la siiyo. Ururka ONLF ayaa in ka badan 20 sano dagaal kula jiray dowladda Itoobiya, waxayna u dagaallamayeen in gobolka Soomaalida uu madaxbannaani ka qaato Itoobiya inteeda kale. Dowladda Itoobiya ayaa ururka ONLF ka saartay liiska argagixisada si loo ambaaqado dib u heshiisiinta , nabadda iyo isbaddalada ka socda dalkaasi. Caasimada Online Xafiiska Jigjiga Caasimada@live.com

Jigjiga ( Sh. M. Network )-Wafdi uu hoggaaminayo guddoomiyaha Jabhadda ONLF Maxamed Cumar Cismaan ayaa maanta ku wajahan magaalada Jigjiga ee xarunta Ismaamulka Soomaalida Dalka Ethiopia. Qaban qaabada soo dhaweynta wafdigan ayaa si weyn looga dareemayaa gudaha magaaladaasi. Calanka Ururka ONLF ayaa saaka ka babanaya waddooyinka waa weyn ee Jigjiga, si loogu soo dhaaweyo xubnaha ka socda Ururkaasi. Xubnahani oo tiradoodu ay gaareyso 20 ayaa shalay si maamuus leh loogu soo dhaweeyay magaalada Addis Ababa ba ee caasimadda dalka Ethiopia. Jabhadda ONLF iyo dowladda Ethiopia ayaa bishii la soo dhaafay Asmara ku saxiixday heshiis lagu soo afjaray colaaddii u dhexeysay labada dhinac. Heshiiskaasi ayaa ONLF u ogolaanaya in ay si nabad ah ku raadsato hankeeda siyaasadeed ee Ethiopia, iyadoona Ciidankeeda lagu biirinayo kuwa dalkaasi. The post Wafdi ka socda ONLF Oo ku wajahan magaalada Jigjiga appeared first on Shabelle. View the full article

Muqdisho ( Sh. M. Network )-Maamulka gobolka Banaadir ayaa xalay Dhagxaan waa weyn ku jaray qeyb ka mid ah Isgoyska Zoobe ee magaalada Muqdisho. Dhagxaantan ayaa la sheegay in la dhigay bartamaha Isgoyska, gaar ahaan halkii dhawaan laga dhalisay Taalada 14-ka Ocotber. Arrintan ayaa saameyn ku yeelaneysa Wadayaasha Gaadiidka, maadaama aysan Waddadaasi u goyn karin dhinaca Buulo-Xuubey. Tallaabadan ayaa lagu sheegay in ay tahay mid lagu yareynayo ciriirigii xooganaa ee ka jiray Isgoyska Zoobe ee magaalada Muqdisho. Muddooyinkii dambe ayaa waxaa sii xoogeysaneysa mashquulka iyo dhibaatada kale ee shacabka ku qabaan Isgoyskaasi. The post Maamulka G/ Banaadir Oo dhagxaan ku jaray Zoobe appeared first on Shabelle. View the full article

Madaxweynaha Turkiga Recep Tayyip Erdoğan ayaa Sacuudiga ka dalbaday iney soo dhibaan kooxdii dishay qoraaga Jamaal Khashoggi. Erdoğan oo hadlayey kadib shirka G20 ayaa sheegay in shirka aan arrimahaas looga hadlin balse uu si gooni ah uga hadlay ra’isul wasaaraha Canada. Sacuudiga ayaa arrinta dilka u xirtay 11 qof, laakin ma jirto wax muujinaya inay u dhiibi-doonaan dalka Turkiga. Dhinaca kale, dalka Sacuudiga waxaa ay beeniyeen inuu dilka ku lug lahaa dhaxal-sugaha dalkaasi Maxamed Bin Salmaan, waxaana sidaasi qaba madaxweynaha Mareykanka Trump. Goobjoog News Source: goobjoog.com

Muqdisho ( Sh. M. Network )-Madaxda ugu sarreysa dowladda Soomaaliya ayaa xalay kulan gaar ah ku yeeshay xarunta Madaxtooyada Soomaaliya ee M/Muqdisho. Kulanka oo ahaa mid xasaasi ah ayaa waxa uu u dhexeeyay Madaxweynaha, R/wasaaraha, guddoomniyaha Aqalka Sare , guddoomiyaha Golaha Shacabka iyo labadiisa ku xigeen. Sidoo kale wararka ayaa intaasi ku daraya in kulankan uu isugu xubnahani Madaxweynaha JFS Mudane Maxamed C/laahi Maxamed Farmaajo. Ilo ku dhow kulankaasi ayaa sheegay in diirada lagu saaray khilaafka ka dhex taagan Xildhibaanada Golaha Shacabka iyo arrimaha doorashada K/ Galbeed. Tan iyo markii la kala diray guddigii Maaliyadda ee Golaha Shacabka waxaa jiray khilaaf iyo dood adag oo u dhexeysa Xildhibaanada Baarlamaanka Soomaaliya. The post Madaxda DFS Oo kulan ku yeeshay xarunta Madatooyada appeared first on Shabelle. View the full article

Dhaga adayga xukuumada ,, Hal adayga xisbiga wadani iyo indha adayga komoshinka doorashooyinka ,…. Doorashadii madaxtooyada ee dalka kadhacday bishii november 2017 kii waxa ka muuqday madmadow kadib markii suuqa laga helay buugii oroginal ka ahaaa ee kaadhadhka lagu codaynayay , iyo waliba inay codeeyeen dad da,doodu kayartahay qaangaadh ,. isla markaana aanay gudida doorashooyinka qaranku si cadaaliya ugu garsoorin sadexdii xisbi ee kutartamayay doorashada madaxwaynaha ,,,, Hadaba xisbiga wadani inkaste oo ay ogolaadeen natiijadii ay soosaareen komoshinku ee madaxwaynaha loogu cumaamaday muuse biixi cabdi ,,, hadana bishii march 2018 waxay soosaareen war bixin ka koobnayd 14 bog ,, oo ay u gudbiyeen madaxwaynaha qaranka muuse biixi kuna sheegeen in ay kalsoonidii kala noqdeen gudida doorashoyinka ,, kana dalbadeen inuu madaxwaynuhu kala diro xubnaha komoshinka lanasoo magacaabo xubno cusub oolaga sooxulo sadexda xisbi ,,, Taasna uu madaxwaynuhu aanu dheg jalaq usiiin halkii laga filayay inuu kasoo jawaabo waliba ficil kaga jawaabana uu isla soo taagay madaxwaynuhu inuu yidhaahdo gudida komoshinku waxay qabteen doorasho xor iyo xalaala waxaanay mudan yihiiin bilad sharaf…. Hadaba madaxwaynuhu si kaste hakusoo baxo oo komoshinkani ugu xalaaleeyay inuu noqodo madaxwaynaha qaranka somaliland shanta snaadood ee soosocda laakiiin waxa u eekayd isagoo ixtiraamaya xisbiyada qaranka maadaamo oo ay yidhaahdedeen xeerbeegtidan ama garsoorayaashan kuma qanacsanin inay mardanbe inoo garsooraane aynu keeno xubno cusub oo kaakooban sadexda xisbi oolagu wada qanacsanyahay … Waxaanay taasi keentay in xitaaa shirkii sadexda xisbi qaran ee dhacay dabayaaqadii bishii sagaalaad ee xalinta khilaafkan lagu kala kaco xukuumaduna ku adkaysato inaanay bedelayn komoshinkan ,,,, Hadaba hal adayga xisbiga wadani in labedelo gudida komoshinka iyo dhaga adayga madaxwaynaha inaanu diyaar u ahayn in uubedelo komoshinka iyo indha adayga gudida komoshinku , waxay dhaxalsiisay in waqtigii loogu tala galay inay ku qabsoonto doorashooyinka is barkan ee baarlamaanka iyo Golaha Deegaanku aaany ku qabsoomayn waqtigii loogu tala galay oo ahaa march 2019. Tani waxay keeni doontaa go.doon ama handaraab kale oo dowladaha beesha caalamka ka caawiya doorashoyinka somaliland ay kusoo rogaaan ,,,,, Waxaanaynu eegi doonaa maalmaha soosocda in golaha gurtida miiska ay u sarantahay sidii caadada u ahayd inay shaanbada ugu dhuftaan mudo kordhin loo sameeyo sadexda gole ee baarlamaanka deegaanka iyo gurtida Waxa kale oo aynu eegi doonaa labada xisbi mucaarad maxay yeeli doonaaan hadii ay dhacdo in doorashadu kudhacdo mudadii loogu tala galay ,,, Qalinkii .. Qoraa Ahmed Lababaale Qaran News

Baydhabo (Caasimada Online)- Xildhibaan Xaniifa Maxamed Ibraahim oo kamid ah baarlamaanka Soomaaliya ayaa sabab cajiib ah u yeeshay qorshaha 19 December loo geeyay doorashada madaxweynaha Koofur Galbeed. Ujeedada laga leeyahay doorashada Koofur Galbeed ee dhamaadka December ayay ku sheegtay in la doonayo in korjoogto la’aan la rabo in doorashadaasi ay ka dhacdo magaalada Baydhabo. Waxay ku eedeysay xukuumadda Soomaaliya inay ka dambeyso arinta oo ay dooneyso in wakiilada Beesha caalamka oo aan joogin doorashada inay ka dhacdo magaalada Baydhabo, sida ay hadalka u dhigtay. Waxay sheegtay in dadka ajaaniibta ee jooga Soomaaliya ay aadayaan fasaxa Kirismaska, sidaasina ay kaga maqnaan karaan doorashada madaxweynaha Koofur Galbeed. Amaanka magaalada ayay dhinaca kale sheegtay inay qalqal galin karaan ciidamadii badnaa ee dhawaan la geeyay magaalada Baydhabo, iyadoo ka digtay in ciidamadaasi ay qeyb ka noqdaan qorshaha qalqalin gelinta amaan ee Baydhabo. Guddiga doorashada Koofur Galbeed ayaa shalay markii seddaxaad dib u dhigay doorashada iyaga oo ku dooday in aysan heysan agab doorasho oo ku filan iyo wakiillada Beesha Caalamka oo aan ku iman karin waqtiga ka harsan doorashada. Caasimada Online Xafiiska Baydhabo Caasimada@live.com