Muuse Biixibaa Gabyoo Yidhi Axmed Geelle waan xidhi waana sii gudbinayaa #Muusa Gabyoo Yidhi Hadaad Maanta Gabay iyo Geeraaro Tirisaan Ma badalo Go,aanada Aan Hore u Gooyaye Hadal Waa Gunaanade Axmed Geele Waan Xidhi Waanan Sii Gudbinayaa Sidii uu Gugii Hore Uu u Galay Farmaajo Halgamaagii Weynaa #Qalbi_Dhagax Gediisii Ayuun Baan u Galayaa Qaran News

(SLT-Hargeysa)-12 Wiil Oo Gabadh Ku Kufsaday Magaalada Boorama Iyo Xildhibaan Ka Tirsan Golaha Guurtida Oo Si Adag Uga Hadlay, Halkan hoose ka DAAWO Source

Jowhar (Caasimada Online)- Xildhibaanada maamulka Hirshabeelle iyo madax kale oo ka tirsan maamulkaasi ayaa lagu amray inay isaga guuraan hotelka Suubiye ee ku yaal magaalada Jowhar, kadib markii kooxda Al-Shabaab ay amar ku siiyeen maamulka hotelka in ay banneeyaan. Maamulka hotelka ayaa u hoggaansamay amarka kasoo baxay Al-Shabaab, waxaana durbadiiba lagu wargeliyay xildhibaanada iyo madaxda kale ee hotelka deganaa in saacado gudahood isaga guuraan, iyadoo hotelka ay ku hareen dad tiro yar oo shacab ah. Waxay xildhibaanada iyo madaxdii kale ee amarka Shabaab saameeyay ay u guureen hotelka kale ee lagu magacaabo Wehliye oo aan ka fogeyn halka uu ku yaal hotel Sabre.Lama oga sababta amarkaan ka danbeyso iyadoo hotelka si weyn loo ilaalin jiray oo uu lahaa difaacyo dhagxaan iyo biro lagu gooyay, hase ahaatee warar hoose ayaa sheegaya in maamulka hotelka uu doorbiday inuu badbaadsado dhismaha iyo dhaqaalaha hotelka si aysan u dhicin weerar kaga yimaad Al-Shabaab. Mudooyinkii u danbeeyay ayaa amaanka Jowhar cabsi laga muujinayay, iyadoo ay jiraan in Al-Shabaab ay howlgalo ka fuliyaan inta u dhaxeysa Jowhar, Qalimoow iyo degmada Balcad oo todobaadyadii lasoo dhaafay gaadiid fara badan ku gubay. Caasimada Online Xafiiska Jowhar Caasimada@live.com

(SLT-Hargeysa)-Guddoomiyaha Golaha Guurtidda Somaliland ayaa dhalinyaradda reer Somaliland u soo jeediyay ammaan ballaadhan, waxaanu ka difaacay eedaymo uga yimid golaha guurtida, Halkan hoose ka DAAWO Source

(SLT-Hargeysa)-Waxa jira aad u tiro badan oo caadeystay cabista shaaha aadka u kulul waxaana marar fara badan aad arkaysaa dad ku odhanaya ma jecli haddii uu shaahu aanu aad u kululeyn. Balse, deraasaddo kala duwan ayaa arrintaasi ka digtay, waxaanay deraasaddahaasi kala duwan ka digeen halista ka dhalan karta arrintaasi oo ah inay sababto Cancer-ka ku dhaca dhuunta amase cunaha. Dhakhaatiirtu waxay kula taliyeen dadka jecel cabista shaaha aadka u kulul inay in yar iska qaboojiyaan isla markaana ay cabaan isaga oo diiran. Heer kulka shaaha aadka u kulul ayaa waxa lagu sheegay inuu yahay 60 derajo oo ah heerkul aad u sareeya ah, dhakhtar magaciisa la yidhaahdo Farhad Islami oo ka tirsan ururka la dagaalanka Cancer-ka ee dalkaasi Maraykanka waxaanu yidhi isagoo arrintaasi ka digaya, “Cabsita shaaha aadka u kulul waa arrin aad ugu badan Dunida waxa aanay kor u qaadaysa halista ah in dad badan ku dhaco dhibaatada Cancer-ka Cunaha”. Sidaasi awgeed waxa habboon in dadka caba shaaha aadka u kulul ay hoos u dhigaan kuleylkaasi xad dhaafka isla markaana ay cabaan isaga oo diiran oo aan aad u kululayn. Source

(SLT-London)-Booliska magaalada London waxay sheegeen in qofkii 5-aad muddo 4 maalmooda gudaheeda tooreey lala dhacay, isla markaana ay xaalladiisu liidato. Weerarka shalay ayaa la sheegay in nin da’da 30-aadka ku jiray la dhaawacay, lana dhigay Cisbitaalka. Sidoo kale, 4 Dhibane ayaa la sheegay in maalmihii la soo dhaafay lagu dhaawacay Tooreey Deegaanka Edmonton ee W/galbeed ee London. Raysal wasaare Theresa May waxay ka qeyb gashay kulan looga xaajoonayey fal-dembiyeedka Tooreyda oo ku soo badanayo dalka Britain. Tiro-koob rasmi ah ayaa muujinaya in 285 dhaawacyo Tooreey loo adeegsaday ay ka dhaceen England iyo Weelis sannadkii hore, waana heerkii ugu sarreeyey muddo ka badan 70 sanno. Source

Guddiga Olombikada Qaranka Soomaaliyeed waxaa tartanka ku matalaya Xulalka qaranka kubadda Kolayga iyo ciyaaraha Fudud xidigaha Kubbadda kolyga ayaa ka qeyb galay tartanka 3×3,halka xidigaha ciyaaraha Fudud ay iyagana ka qeb galindoonaan orado kala gedisan waxaana sanadkan marta gelinaya dalka Ruwanda. Caasimadda dalka Rwanda ee Kigali waxaa si rasmi ah uga furmay cayaaraha Olombikada Da’yarta wadamada Zone 5 kaasoo ah tartankii ugu horeeyay oo ay dalalka Soonka shannaad ay Heer Olymipic u qabtaan sanada 2019. “Xulalka kala duwan ee dalkeena Soomaaliya sanadihii lasoo dhaafay tartamadda caalamka kasoo hooyeen guulo waaweyn oo oo horomar u horeesaday wadankeena waxayna arinta bundhig u noqotay in ciyaartooyda Soomaaliyeed loo muujiyo kal gaceyl iyo taageerinino yooleed taa madaxda isboortiga dalka waxa ay juhdi ku bixinayaan in lasoo celiyo sharafkii uu wadankeena kulaa caalamka”waxaa sidaas Waaxda Wafraafinta GOS u sheegay guddomiyahay Xiriirka Soomaaliyeed ee kubbadda Kolyaga Cabdullahi Nuur Maxamed (Cadaane) Tartankan waxaa ka qayb galaya 300 cayaaryahan oo ka kala socda 12 wadan waxayna ku loolami doonaan 39 biladood. Tartanka oo socon doona muddo 5 cisho ah waxaa ka qayb galaya cayaartoyda da’ahaan dhalatay 1-di January 2001 iyo 1-di January 2003, waxayna ka socdaan Wadamada kala ah Somalia, Kenya, Tanzania, Rwanda, Burundi, Egypt, Eritrea, Uganda, South Sudan, Ethiopia, Sudan, martigeliyaasha tartanka Rwanda iyo Olombikada dalka faransiiska oo si marti ah kaga qayb galaysa. Xulka qaranka Kubadda Kolayga waxay kulankooda ugu horeeyay la ciyaari doonaan wadanka Koofurta Sudan kulan bilaaban doona 12:05 xilliga geeska Afrika. Waaxda Wafraafinta GOS Info@nocsom.com Source: goobjoog.com

Muqdisho (Caasimada Online)-Taliska ciidamada AMISOM ayaa war kasoo saaray Howlgaladii ugu dambeeyay ee ciidamada dowladda Soomaaliya iyo kuwa AMISOM ka sameeyeen deegaano ka tirsan Shabeelaha Hoose. Howlgaladaasi ayaa waxaa ciidamada isku dhafka ah ay kaga saareen Al Shabaab deegaano dhowr ah oo katirsan Shabeelaha Hoose, waxaana ka mid ah deegaanka Sabiid oo Shalay ciidamada amaanka ay ku qabteen booyad lagu diyaarinayay waxyaabaha qarxa. Madaxa ciidamada AMISOM ahna wakiilka midowga Africa ee Soomaaliya Francisco Madiera ayaa sheegay in howlgalkaasi uu qeyb ka ahaa qorshaha wadajirka ah ee ay sameynayaan ciidamada isku dhafka ah. Wuxuu sidoo kale sheegay in isbadalka istaraatiijiyada AMISOM uu qeyb ka ahaa howlgalka ciidamada ay ka sameeyeen deegaanada Shabeelaha Hoose oo Al Shabaab looga saaray tuulooyin dhowr ah. Francisco Madiera, ayaa tilmaamay in deegaankaasi uu muhiim u ahaa Al Shabaab, islamarkaana hadda Al Shabaab ay ku adkaan doonto inay isaga kala gudbaan gobolka Shabeelaha Hoose. Deegaanka Sabiib ayuu sheegay inay Al Shabaab ka diyaarin jireen weerarada kala duwan oo Banaadir iyo Shabeelaha Hoose ay ka fulin doonaan, balse hadda ay go’doon ku noqon doonaan deegaano dhowr ah, sida uu hadalka u dhigay. Tigabu Yilma oo kamid ah saraakiisha ciidamada AMISOM ayaa sheegay in howlgalo kale oo lagu dhabar jibinayo Al Shabaab ay ka sameyn doonaan deegaanada Shabeelaha Hoose, isagoo xusay in qorshaha cusub uu qeyb ka yahay hanaan loo diyaariyay in loo wajaho Al Shabaab. Caasimada Online Xafiiska Muqdisho Caasimada@live.com

(SLT-Malaysia)-Hogaamiyihii hore ee dalka Malaysia Najib Razak ayaa maanta oo Arbaca ah maxkamad lasoo taagi doonaa, iyadoo loo heysto musuqmaasuq ah inuu lunsaday lacago malaayiin dollar ah. Ku tagri-falidda lacagahaasi tirada badan ayaa aad uga yaabisay aduunyada, waxana ay door ka ciyaartay isbaheysigii uu madaxda ka ahaa ee muddada dheer soo xakumayay dalkaasi uu guuldarrooyin kala kulmo doorashooyinki dalkaasi ka dhacay sannadi hore. 65 jirkaan ayaa maanta wajahaya mid ka mid ah dhowr dacwadood oo lagu soo oogay, waxaana tan ugu weyni ay tahay xatooyo malaayiin dollar ah. Lacagahaasi ayaa markoodii hore loogu talagalay maalgeshi dibadda uga yimid Maleysia, taasoo la rabay in lagu horumariyo dhaqaaqalah dalkaasi dhaca Koofurbari Asia. Ka hor inti aanu lumin doorashadi sannadki hore, waxaa aad loogu saadaalinayay inuu si fudud ugu guuleysan doono, balse waxaa kaga guuleystay doorashada, hogaamiyihii muddada dheer soo xakumayay Maleysia Mahathir Mohamad. Najib Razak ayaa beeniyay eedaha loo soo jeediyay. Source

(SLT-Jigjiga)-Xisbiga tallada haya ee Gobolka Soomaalida ee hoostaga dowladda Federaalka Itoobiya oo shir uga socda magaalada Jigjiga ayaa isku raacay in la bedelo magaca iyo Calanka Xisbiga. Xubnaha Xisbiga oo shirkooda la soo gabagabeyn doono maanta oo Arbaco ah ayaa ansixiyay in la bedelo calanka iyo magaca Xisbiga, waxaana magacii Xisbiga ee ahaa Xisbiga Dimoqraadiga Shacabka Soomaalida Itoobiya lagu bedelay Xisbiga Dimoqraadiga Shacabka Soomaalida (SDP). Sidoo kale waxaa la bedelay Astaanta calanka Xisbiga oo markii hore ku dhex jiray Calanka dowladda Federaalka Itoobiya, waxaana astaanta lagu soo koobay Xidig qeybta sare kaga taal Calan Buluug ah oo dhexda kaga jiro Geel. Tan iyo markii is bedelada ka dhaceen Gobolka Soomaalida degto ee hoostaga Itoobiya ayaa waxaa isa soo tarayay tallaabooyin wax looga bedelayo hab dhaqankii maamulkii hore ee uu hoggaaminayay Cabdi Maxamuud Cumar. Source

(SLT-Algeria)-Madaxweynaha Algeria Abdelaziz Bouteflika ayaa xalay ku dhawaaqay inuu iska casilay xilka madaxweynenimo, sidaasi waxaa islaamisay wakaaladda rasmiga ah ee wararka u faafisa dowlada Algeria. Ku dhawaaqistan ayaa ka danbeysay kaddib lix todobaad oo ay shacabka dalkaasi ku madaaharaadayeen guud ahaan dalka oo dhan, iyaga oo ku cadaadiyay in madaxweyne Boutiflika uu xilka isaga dago. Go’aanka uu xilka isaga casilay madaxweyne Abdulaziz Bouteflika ayaa soo gaba gabeeyay muddo 20 sano ah oo uu xakumayay waddankaasi dhaca waqooyiga Africa. Boqollaal ka mid ah shacabka ku nool caasimadda Algiers ayaa ku dabaaldagay wadooyinka. War kasoo baxay dowladda Mareykanka ayaa lagu sheegay in mustaqbalka Algeria uu gacanta ugu jiro shacabka dalkaasi. Sida uu qabo dastuurka dalkaasi, afhayeenka baarlamaanka ayaa si kumeel gaar ah dalka u maamuli doono muddo 90 cisho ah, si loo diyaariyo doorasho ay shacabka kusoo doortaan hogaamiyahooda cusub. Source

Baydhabo (Caasimada Online)-Sida ay baahisay Idaacadda Kulmiye ee magaalada Muqdisho kulan ayaa deegaanka Buulo Fuulaay ee gobolka Baay ku dhexmaray odayaasha dhaqanka deegaanada Koofur Galbeed iyo xubno ka tirsan Al Shabaab. Kulanka ka dhacay deegaanka Buulo Fuulaay ayaa la sheegay in looga hadlayay go’doonka ay ku jiraan deegaanada maamulka Koofur Galbeed iyo sidii loo furi lahaa waddooyinka Al Shabaab ay go’doomiyeen. Dadka deegaanka iyo odayaal kulanka ka qeyb galay ayay laga soo xigtay in kulanka kadib sharuudo adag la hor dhigay odayaasha dhaqanka ee la kulmay madaxda Al Shabaab, waxaana lagu wargeliyay inay bixiyaan dhaqaalo gaaraya 30 Kun oo Doolar, sida Idaacadda ay baahisay. Odayaasha dhaqanka ayaa la sheegay inay ku wargeliyeen madaxda ay la kulmeen inay beelahooda kula laabanayaan lacagta loosoo bandhigay, balse la isku fahmay in Al Shabaab aysan sii go’doomin deegaanada maamulka Koofur Galbeed. Al Shabaab ayaa go’doomiyay degmooyinka Diinsoor, Qansax dheer, Waajid iyo deegaano kale oo ka tirsan Baay iyo Bakool, waxaana culees badan dareemay dadka deegaanadaasi ku sugan. Ciidamada dowladda Soomaaliya iyo kuwa AMISOM oo ka socdo dowladda Ethiopia ayaa ku sugan deegaanada qaar oo Al Shabaab ay go’doomiyeen. Dadka deegaanka ayaa raashiinka waxaa loogu geeyaa diyaarado iyo gaari dameero oo haddii Al Shabaab ay arkaan la sheegay inay raashiinka gubaan, waxaana taasi ay culees ku noqotay dadka deegaanka. Ma jiro war kasoo baxay dhanka Al Shabaab oo ku aadan inay sharuudaasi lacageed ku xireen furitaanka waddooyinka ay go’doomiyeen ee ku yaala deegaanada Koofur Galbeed. Caasimada Online Xafiiska Baydhabo Caasimada@live.com

(SLT-Washington)-Waaxda beeraha ee dalka Maraykanka ayaa sheegtay in ay joojinayso xarun bisadaha lagu dilo oo cilmibaadhis loo adeegsado, ka dib markii ay bulshadu aad u dhaliishay arrintaas. Bisadaha waawayn iyo kuwa dhasha ah ayaa la qali jiray si loogu adeegsado cilmibaadhis lagu samaynayo caabuq ama fayras inta badan bisadaha ku dhaca oo mararka qaar cuntooyinka lagu arko Bisadahan ayaa lagu quudiyaa hilib xanuun lagu tallaalay iyo waxyaabo kale si loogu tijaabiyo. Dhakaatiirta xayawaanka ayaa ku dooday in xannuunka bisadaha lagu tallaalo uu yahay mid la dawayn karo, sidaas darteedna loo baahan yahay in la daweeyo oo lagu wareejiyo dad xanaanaysta badalkii la dili lahaa. In kabadan 3,000 oo bisadood ayaa la dilay tan iyo markii cilmibaaristan la billaabay 1982, WCWP oo u dooda xuquuqda ayaa sheegay in barnaamijka bisadaha lagu laayo ay ku baxdo 22 milyan oo doolar oo ka mid ah canshuurtii shacabka laga soo aruuriyay. Bishii maarso ayay xildhibaannada Kongareska ee labada xisbi oo midaysan u codeeyeen in meesha laga saaro sharcigaas bisadaha lagu laayo, iyaga oo ugu yeeray “kawaanka bisadaha ee canshuur bixiyeyaasha”. Jimmy Panetta oo ka mid xisbiga Dimuqraadiga aadna ugu ol’olaynayay in meesha laga saaro sharciga fasaxayay in bisadaha la laayo ayaa markii meesha laga saaray sheegay in arrintan ay muujinayso waxa ka suuragali kara siyaasadda. Bisadaha hadda xaraysan ee dilka sugayay oo 14 ah ayaa lagu wareejin doonaa shaqaale ka tirsan wasaaradda beeraha ee dalka Maraykanka, si ay u xannaanaystaan. Dadkii cilmibaarista samaynayay ayaa sheegay in ay kala bar yareeyeen halista xanuunka toxoplasmosis, kaas oo halis ku ah carruurta uurka ku jirta iyo dadka uu liito habka difaaca jirkooda. Source

Xildhibaan Warsame Maxamed Xasan Joodax oo kamid ah guddiga ganacsiga ee golaha shacabka ayaa sheegay in laamaha amniga ayna ka fiirsan xiridda wadooyinka Muqdisho, taaas badalkeeda waxa uu sheegay in loo baahnaa in amniga la sugo ayadoo jidadka aan la xirin. “Ammaanka iyo dadka waa la ilaalshaa, ayadoo howluhu kala socdaan, ayadoo wax layska baarayo oo wax layska eegayo in dadka loo shaqeeyo ayaa la rabaa. Shaqada ay gaarka u leeyihiin in lagu xaqdhowro loona qabto ayaa la rabaa, midda qaranku rabo oo lagu ilaalinaao inay barbar socoto ayaa rabaa”. Xildhibaanka oo hadalkiisa sii wato ayaa sheegay in haddii wadooyinka iyo xaafada adkaato in laysku gudbo ay ka dhalan doonto xaalad adag oo shacabka iyo dowladda iska hor keena marka loo baahan yahay in dadka nolosha lagu adkaynin. “ Haddii laga dhigo meeshaan la galimaayo, wadadaana la mari maayo, jidka waxaa loogu tala galay maritaan kaasoo cilmiyeeysan, duruufihii jirana lagu xaliyo. Laakiin haddii waxii oo dhan albaab xiran laga dhigo, oo laamigoo dhan xaafad iyo guri laga dhigo, waad garan kartaa dhibka dadka ku soo noqon kara, waad ogtahay dhibka ka imaan kara haddii arrintaan ay sii socoto mustaqalka dhow iyo midka fogba laga fakaro, madaxda qarankana ay ka fakaraan ay ka fakaraan mutaqbalka gog” Dhanka kale Xildhibaan Warsame joodax ayaa xusay in haddii dadka laga joojiyo wax yaaaha nolosha aasaaska u ah inay suuqyada ka soo baxaan dadkana ay soo gaaran ay keenay in xaaladdu sii cakiranto shacabkuna kacdoomaaan. “Haddii la xiro badeecooyinkii kala duwanaa ee looga baahnaa suuqyada iyo meelihii dadku ka adeegan lahaayeen sida hilibkii kawaanka laga keenayay iyo kaluunkii, waxii oo dhan hadii la xiro dalkii oo dhan waa isku cakirmaa, waxaana imaanaya buuq iyo qeylo shacabka ah in qorshe fiican oo ammaanka lagu xaqiijinayo dadkana lagu ilaalinayo in madaxdu ay u fakarto ayaa la rabaa”. Ugu danbeyn Xildhibaan Warsame Maxamed Xasan Joodax ayaa carabka ku dhuftay in ciidamada qaranka loo baahan yahay inay horan ugu sii socdaan deegaanada dowladda gacanteeda ka maqan ammaankana ay sii xasiliyaan “Hadda waxaan maqlaynaa ciidamo meelo qabsaday waxan leeyahay waa inay sii socdaan ammaanka ha sii xaliyaan inta ay gaarikaraana ha gaaraan, dowladdana waxii lojisitik ah iyo wixii dhiira galin ah ha la siiso ay noqoto dowlad sidii dowlad u shaaqeysoo oo shacabkeedana wax ugu tarto” . Goobjoog News Source: goobjoog.com

Muqdisho (SMN) – Waxaa maanta lagu wadaa in magaalada Muqdisho kulan ay ku yeeshaan xildhibaanada Golaha Shacabka ee Baarlamaanka Soomaaliya. Kulankan ayaa qorshuhu yahay in khubad dhinacyo badan taabaneyso uu xildhibaanada u jeediyo guddoomiye Maxamed Mursal Sheekh C/raxmaan. Sidoo kale xildhibaanada Golaha Shacabka ayaa warbixin ka dhageysan doona guddiga dib u eegista Dastuurka labada Aqal ee Baarlamaanka Soomaliya. Labadii kulan ee la soo dhaafay ayaa baaqday, kadib markii uu buuxsami waayay kooramka loogu talagalay in uu ku furmo fadhiga Golaha Shacabka. View the full article

Jigjiga (SMN) – Wakaaladda wararka dalka Itoobiya ayaa sheegtay in la bedelay magacii iyo astaantii Xisbiga haya talada dowlad degaanka Soomaaliya markii ugu horreysay, kadib markii xukunka laga tuuray Madaxweynihii hore Cabdi Maxamed Cumar sanadkii tagey. Magaca cusub ee xisbiga ayaa laga dhigay Xisbiga dimuqraadiga Soomaalida, halka uu horey u ahaan jiray SPDP, iyadoo sidoo kale wax laga bedelay qaab dhismeedka xisbigan. Kulan ayaa maalintii 3-aad uga socda xubnaha xisbiga magaaladda Jigjiga kaas oo ay ka qeybgalayaan mas’uuliyiin uu kamid yahay Madaxweyne Mustafe Cagjar iyo Axmed Shide oo hadda hoggaamiya xisbiga, isagoo sidoo kalena ah wasiirka Maaliyadda dowladda Itoobiya. Shirka 10-aad ee Xisbiga ayaa lagu wadaa in la soo gabagabeeyo maanta oo Arbaco ah, iyadoo la dooran doono guddoomiye cusub iyo ku xigeenkiisa oo la filayo in uu noqdo Mutafe Cagjar. Hoggaanka ugu dambeyn ka soo bixi doona iyo qorshayaasha shirka lagu ansixin doono ayaa ah kuwa lagu wajihi doono doorashooyinka sanadka dambe ka dhici doono Itoobiya, xilli loolan adag ay dhankooda soo bandhigi doonaan xisbiyada mucaaradka ah, sida ONLF oo isu soo baxyo iyo wax olole doorashooyin u eg ka wada guud ahaan deegaanka. Waxay noqonaysaa markii 1-aad oo xisbiga tallada haya uu la kulmo loolan muddo dheer, kadib markii isbadal uu ka dhacay dalka Itoobiya, lana fur furey siyaasadda dalkaasi. View the full article

Muqdisho (SMN) – Ra’iisul Wasaaraha xukuumadda federaalka Soomaaliya, mudane Xasan Cali Khayre ayaa xalay waxa uu hoygiisa casho sharaf ugu samaayeeyay madaxwayaha Jubaland, Axmed Maxamed Islaam iyo wafdiga uu hogaaminayo ee Muqdisho ku sugan. Madaxweynaha Jubaland ayaa Ra’iisul Wasaare Xasan Cali Khayre uga mahadceliyay cashada uu ku sharfay isaga iyo wafdiga ku wehliya socdaalkiisa magaalada Muqdisho. Casho sharafta kadib ayaa ra’iisul Wasaare Xasan Cali Khayre iyo madaxwaynaha Jubaland, waxa ay kormeereen qaybaha uu ka koobanyahay xafiiska Ra’iisul Wasaararaha oo dib-u-dhis ballaaran lagu sameeyay. View the full article

Muqdisho (SMN) – Aweys Maxamed Diinle oo ah Aabaha dhalay Marxuum Ibraahim Aweys oo ahaa wiil Bajaajle ah oo dhawaan lagu dilay magaalada Muqdisho ayaa uga mahadceliyay dowladda federaalka Soomaaliya iyo maamulka gobolka Banaadir garab istaaga ay u muujiyeen, kadib geerida ku timid Wiilkiisa. Aabe Aweys ayaa sheegay in Duqa Muqdisho uu yahay mas’uul dhageysta shacabkiisa, islamarkaana u damqada. Sidoo kale waxa ugu baaqay hay’adaha amniga in ay gacanta ku soo dhigaan Askarta dhibaatooyinka u geysta dadka rayidka ah, si loo helo nabadgalyo waarta. Halkan hoose ka dhageyso Codka. https://www.radioshabelle.com/wp-content/uploads/2019/04/Fatjoy-1.mp3 View the full article

Muqdisho (SMN) – Taliska howlgalka Midowga Africa ee AMISOM ayaa war ka soo saaray la wareegista dhowr deegaan oo labadii maalmood ee la soo dhaafay ay ciidamada dowladda federaalka kala wareegeen Al Shabaab. Wakiilka Midowga Africa ee Soomaaliya, ahna madaxa AMISOM Francisco Madeira ayaa soo dhaweeyay guusha ciidamada dowladda Soomaaliya ka gaareen howlgalkii ugu dambeeyay ee ka dhacay Shabeellaha Hoose. Madeira ayaa sheegay in la wareegida Tuulada Sabiid ay muhiim u tahay in laga hortago weerarada Xarakada Al Shabaab ku diyaariso gobolka ee laga fuliyo magaaladda Muqdisho. Sidoo kale taliyaha AMISOM General Tigabu Yilma ayaa ugu hambalyeeyay ciidamada qabsashada Sabiid, isagoo intaasi ku daray in tani ay qeyb ka tahay isbedelka iyo dar-dargelinta howlgalka Al Shabaab looga saarayo deegaanada iyo degmooyinka ay ku sugan yihiin. Warka ka soo baxay AMISOM ayaa yimid, kadib markii wasaaradda warfaafinta dowladda Soomaaliya ay shaacisay shalay in ciidamada xoogga dalka ay Al Shabaab ka saareen Baladul Amiin, Cumar Berre, Sabiid iyo Caanoole oo ka wada tirsan gobolka Shabeelaha Hoose ee koonfurta Soomaaliya. View the full article

Cadaado (SMN) – Warsaxaafadeed ka soo baxay xafiiska madaxweynaha Galmudug garabka lagu doortay magaalada Cadado ee gobolka Galgaduud Axmed Maxamuud Xasan (Axmed Baasto) ayaa waxaa looga hadlay dhibaatooyinka Ciidamada Kenya ay ka geystaan gobollada dhaca koonfurta Soomaaliya. Ugu horreyn Axmed Baasto ayaa sheegay in Galmudug ay aad uga xun tahay burburinta hantida Ummadda Soomaaliyeed ay ku heyso dowladda Kenya iyo tallaabooyinka foosha xun ee Ciidamadeeda ku gubayaan xarumaha shirkadda Hormuud ee gobollada Gedo iyo Jubbooyinka. Sidoo kale waxa uu xusay in duqeynta Ciidamada Kenya ay ku duminayaan xarumaha ganacsi shirkadaha Soomaaliyeed ay tahay mid ka hor imaaneyso xuquul insaanka, xeerka ganacsiga iyosharciga darisnimada Soomaaliya iyo Kenya. Ugu dambeyn warkan ka soo baxay Galmudug ayaa loogu baaqay dowladda federaalka Soomaaliya iyo Beesha Caalamka in aysan indhaha ka fiirsan dhibtaada joogtada ah ee ay Ciidamada Kenya ku burburinayaan xarumaha shirkadaha waa weyn ee ay ku tiirsan yihiin guud ahaan nolosha bulshada Soomaaliyeed. View the full article

Waxaa aad loo hadal hayey saacadihii lasoo dhaafay gabar Soomaaliyeed oo ciidanka Booliiska u maleeyeen iney tahay rag soo xirtay dharka dumarka, islamarkaana la geeyey saldhigga Booliiska degmada Boondheere si baaritaan loogu sameeyo. Faa’iso Cabdi Maxamed oo ah gabadha arrinta ku dhacday ayeey ciidanka waxa ay kala degeen Mooto Bajaaj ay saarneyd, iyada oo ku socotay hoygeeda ku yaalla isla degmada Boondheere. Waxay Booliiska saacad ka badan ku hayeen saldhigga Boondheere iyaga oo u sheegaya iney rag tahay, xitaa haddii baaritaan ay ku sameeyeen dumarkii Booliiska ah. Hadaba Faa’iso uu u warantay Goobjoog ayaa waxay ka sheekeysay sida ay wax u dhaceen, sidoo kalena waxay faa’iso sheegtay in aflagaado badan kala kulantay Booliiska qabtay iyo waliba taliyahii joogay saldhigga Boondheere. Halkaan hoose ka daawo muuqaalka: Source: goobjoog.com

Muqdisho (SMN) – Sarreeye guuto Zakiyo Xuseen Axmed taliye ku xigeenka Ciidanka Booliska Soomaaliyeed ayaa shaaca ka qaaday in 23 Askari loo soo xiray falal Musuq-maasuq oo abuuri kara dhibaatooyin amni daro. Zakiyo ayaa sheegay in askarta la xiray ay lacago laaluush ka qaadanayeen dadka rayidka ah, islamarkaana xogtaasi ay ka heleen shacabka. Sidoo kale taliye ku xigeenka Ciidanka Booliska Soomaaliyeed ayaa ugu baaqday qeybahala kala duwan ee bulshda ku dhaqan M/Muqdisho in ay muujiyaan dulqaad inta uu socda qorshaha cusub iyo howlgallada lagu xaqiijinayo amniga Caasimadda. Hadalkan ayaa ku soo aadaya, xilli si weyn loo xoojiyay ammaanka magaalada Muqdisho, islamarkaana uu socdo howlgal lagu sugayo amniga guud ee gobolka Banaadir, si looga hortago weerarada ay soo abaabulaan Al Shabaab. View the full article

Muqdisho (SMN) Halkaan ka Dhageyso Warka Subax ee Idaacadda Shabelle. Hoos riix si aad u Dhageysato:- https://www.radioshabelle.com/wp-content/uploads/2019/04/War-Subax-04022019.mp3 View the full article

Muqdisho (Caasimada Online) – Kulan ay isugu yimaadeen siyaasiyiinta, xildhibaanada iyo saraakiisha beesha Abgaal ayaa xalay ka dhacay magaalada Muqdisho, xilli ay xiisad ka dhex oogan tahay dowladda iyo Senator Xaaji Muuse Suudi Yalaxow. Xiisaddan ayaa ka dhalatay go’aan kasoo baxay dowladda oo lagu amray in la isaga guuro xerada Mariino ee ciidanka Badda Soomaaliya, oo uu degan yahay Muuse Suudi. Xaajiga ayaa waxaa dhulkan siiyey dowladdihii hore, isla markaana waxa sida uu sheegay uu haystaa Document ay u saxiixeen Madaxdii hore ee dalka, maadaama horay dowladdii C/llaahi Yuusuf uu ugu wareejiyay hubkiisa, looguna bedelay xarunta uu dgean yahay. Sida ay ilo-wareedyo u sheegeen Caasimada Online, Kulanka xalay oo aan loo kala harin ayaa lagu go’aamiyey in wafti kale loo diray dowladda looguna sheego in Muuse Suudi uu xaq u leeyahay dhulkan, islamarkaana dowladda ay ka laabato damaceeda ah inay xoog isku daydo. Kulanka ayaa ka dambeeyey kulan horey u dhex-maray madaxweyne Farmaajo iyo wafti ka socday beesha Abgaal, oo madaxweynaha uu ka codsaday inay Xaajiga qanciyaan. Waxaa kulanka xalay sidoo kale lagu go’aamiyey in dowladda loo sheego in dhib kasta oo ka dhasha arrintan ay mas’uuliyadeeda qaadi doonaan. Dhinaca kale, ciidamo badan iyo gawaari dagaal oo tiro badan ayaa ku qul-qulaya halka uu degan yahay Xaaji Muuse, si ay uga difaacaan gardarrada ay sheegeen inay dowladda kusoo maagtay. Inkasta oo aan la hayn tirada rasmiga ah ee ciidamadan, haddana waxaa la sheegay inay kor u dhaafayaan ilaa shan boqol oo askari. Waxaa ciidankan hoggaaminaya jeneraalo iyo korneylo sare oo caan ah oo sheegay inay Muuse ka difaaci doonaan gar-darrada dowladda. Wararka aan heleyno ayaa sheegaya in dowladda oo markii hore rumeysneyd inay si fudud ku kicin karto Muuse ay hadda garwaaqsatay in xaaladda ay ka adag tahay sidii hore, lagana yaabo inay raadiso xal kale, sida inay tanaasusho ama Muuse lacag malaayin dollar ah ka siiso dhulka. Caasimada Online Xafiiska Muqdisho caasimada@live.com

Muqdisho (Caasimada Online) – Ururka Al-Shabaab ayaa baahiyay magaca qof labaad oo la sheegay inuu ka mid ahaa dadkii ka dambeeyay weerarkii 23 Maarso ka dhacay xarumaha wasaaradda shaqada iyo shaqaalaha iyo midda Howlaha Guud ee xukuumadda Soomaaliya. Warbaahinta Al-Shabaab ayaa baahisay in Cabdullaahi Maxamed Ibraahim, oo Al-Shabaab dhexdooda looga yaqaan Cabdullaahi Dacwo ama Bilaal, uu ahaa ruuxii ka dambeeyay weerarka gudaha loogu galay xarumaha wasaaradda. Cabdullaahi Bilaal, ayaa la sheegay inuu ahaa 29 sano jir kasoo jeeda gobolka Waqooyi Bari ee dalka Kenya, waxaana la cadeeyay inuu kasoo jeedo Beesha Ogaadeen Jufada Reer Cabdalla. Cabdulaahi ayaa la sheegay inuu ka yimid markii hore deegaanada dhanka Waqooyi Bari ee dalka Kenya, waxaana uu sheegay inuu kasoo tagay deegaanada NFD kadib markii uu u dulqaadan waayay dhibaatada shacabka lagu hayo, sida uu hadalka u dhigay. Wareysi uu bixiyay ayuu ku sheegay in muddo kooban inuu ku dhex jiray Al-Shabaab, isaga oo sheegay in muddadaa uu ku dhexjiray Al-Shabaab uu ku dhexjiray JIHAAD iyo mujaahidiin, sida uu yiri. Sidoo kale wuxuu sheegay inay yareyd muddada uu joogay magaalooyinka, islamarkaana uu ku sugnaa deegaanada dhanka miyiga, sida uu hadaka u dhigay. Al-Shabaab ayaa maalin ka hor soo bandhigay magaca iyo qabiilka ruuxii fuliyay qaraxa koowaad ee lagu weeraray xarunta wasaaradda Shaqada iyo shaqaalaha oo ku taala degmada Shangaani. Waxay sidoo kale sheegeen inay soo bandhigi doonaan dhamaan dadkii weeraray Wasaaradda magacyadooda iyo qabiiladooda, waxaana sidaan oo kale ay sameeyeen marar badan. Caasimada Online Xafiiska Muqdisho Caasimada@live.com