Global conservation networks have raised the alarm over the intensifying smuggling of cheetahs trafficked out of East Africa through Somaliland to meet the rising pet trade in Arabian countries. The cheetahs, according to the organisations, are suspected to be originating from Ethiopia, Kenya and Somalia. Source: Hiiraan Online

President Recep Tayyip Erdoğan visited Somalia with his family in 2011, when he was the prime minister, and took important steps eight years ago to ensure lasting peace in the region. Source: Hiiraan Online

Kismaayo (Caasimada Online ) – Madaxweynaha Jubbaland, Axmed Maxamed Islaam (Axmed Madoobe) ayaa maanta dalacsiiyey Saadiiq Maxamuud Dhogor oo ah taliyaha ciidanka amniga garoonka magaalada Kismaayo ee xarunta gobolka Jubbada Hoose. Munaasabad ka dhacday xarunta Madaxtooyada Jubbaland ayaadarajada Gaashaanle Dhexe loogu xiray Saadiiq Dhogor oo ka mid ahaa sarakiishii sida gaarka aheyd uga shaqeysay amniga doorashadii dib loogu doortay Madaxweyne Axmed Madoobe. Khudbad uu Madaxweynaha Jubbaland ka jeediyey madasha ayuu ku sheegay in taliyuhu dalacsiintan ku muteystay dadaal badan iyo karti uu la yimid. Sidoo kale wuxuu ka booriyey saraakiisha kale ee Jubbaland in ay labo jibaaran shaqooyinka adag ee ay u hayaan dadka reer Jubbaland. Tallaabadan ayaa u muuqata mid uu Axmed Madoobe ugu abaal gudayo dadkii ka shaqeeyey doorashadii muranka dhalisay ee dib loogu doortay hoggaanka Jubbaland.

(SLT-Ankara)-Turkiga ayaa ku gacan seedhay cadaadiska caalamiga ah ee lagaga dalbanayo inay joojiso hawl-galka millatari ee ka dhanka ah Kurdiyiinta ee ciidamadeeda ay ka wadaan Waqooyiga Suuriya. Dagaal xooggan ayaa maanta ka socda magaalada xuduudda Suuriya ku taalla ee Ras a-Ain, ayada oo ciidamada Kurdiyiinta ay isku dayayaan inay sii haystaan magaalada, iskana caabiyaan ciidamada kale ee Syria ee Turkiga uu taageero. Weriye ka tirsan AFP ayaa sheegay in dagaalka magaalada uu weli socdo, inkasta oo Ankara ay dhowr jeer sheegtay inay gacanta ku dhigtay magaalada. Tan iyo markii dagaalka uu billowda 9-kii October, ciidamada Turkiga uu taageerayo ayaa qabsaday in ka badan 100 km oo dhulka xuduudda ah, hase yeeshee Ras al-Ain iyo Siri Kani ayaan weli gacanta usoo gelin. Madaxweynaha Turkiga Reccep Tayyip Erdogan ayaa weriyayaasha u sheegay “waxay na lee yihiin ‘xabad-joojin ku dhowaaqa’. Weligeen xabad-joojin ku dhowaaqi mayno.” “Insha Allah, waxaan dhowaan gacanta ku dhigi doonnaa dhul ku teedsan Manbij illaa xuduudeenna Ciraq,” ayuu yidh Erdogan. Hawl-galkan ayaa taageero ballaadhan ka haysta gudaha Turkiga, halkaasi oo dagaal jabhadeyn ah oo sannado badan ay wadeen Kurdiyiinta dalkaas ay ku dhinteen kumanaan qof. Source

(SLT- Shenzhen)-Shirkadda Huawei ee Shiinaha ayaa maanta sheegtay in dakhligeeda sagaalkii bilood ee hore ee sannadka uu kordhay rubac, in kasta oo ay wajaheysay cadaadis Mareykanka uu shirkaddan ka goynayo dunida inteeda kale. Dakhliga Huawei ayaa kordhay 24.4% islamarkaana gaadhay 610.8 bilyan oo Yuan, una dhiganta 86.2 bilyan oo dollar, halka faa’iideeda ay korodhay 8.7%, sida ay shirkadda sheegtay. Huawei, oo fadhigeedu yahay magaalada ku taalla koonfurta Shiinaha ee Shenzhen, ayaa ah shirkadda ugu badan ee qeybisa qalabka isku-xidhka isgaadhsiinta caalamka, halka ay kaalinta labaad kaga jirto soo saarka taleefon gacmeedyada. Hase yeeshee waxa ay sannadkan cadaadis kala kulmeysay saraakiisha Mareykanka oo dunida ka waday olole ay xulufadooda kaga dhaadhicinayaan inay ka fogaadaan qalabka shirkadda, cabsi amni darteed. Bishii May, Washington ayaa sheegtay inay liiska madow ku darayso Huawei, kana mamnuucayso suuqyada Mareykanka iyo inay iibsato qalab Mareykan ah, inkasta oo laba jeer ay muddo 90 malamood ah dib u dhigtay go’aankaas, ayada oo tii ugu dambeysay ay ahayd bishii August. Dowladda Mareykanka ayaa walaac ka muujisay in qalabka Huawei ay ku jiraan aalado u ogolaanaya Shiinaha inay ay basaasaan qulqulka isgaadhiisnta caalamka. Huawei marar badan ay beenisay eedeymahan. Source

(SLT-Hargeysa)-Muwaadin Mukhtaar Xuseen Cali ayaa muddo 4 sanno xukun la’aan ugu xidhan magaalada Hargeysa. Muwaadinkan ayaa waxa uu u xidhan yahay shirkadda Alxarbi ee ay mulkiyadeeda leeyihiin ee ilma faarax Xarbi sida uu sheegay garyaqaan Garyaqaan Jamaal Xuseen Mandeela. Garyaqaan Jamaal Xuseen Mandeela ayaa waxa uu ku yidhi qoraal uu ku baahiyay bartiisa Facebook sida tan: “Mukhtaar Xuseen Cali oo u xidhan dacwad ay dhibane ka tahay shirkada Alxarbi ee ilma faarax Xarbi waxa uu xidhan yahay tan iyo 27/8/2015 oo la xidhay. Mudada intaas leeg ee uu eedeysanahaasi xidhnaa afar sano waxa uu ahaa rumaan. sharciyanna mudada u badan ee eedeysane rumaan ahaan karaa waa mudo 90 cisho ah.Taasi oo iyana aan la ogolayn sabab la’aan. Waxa taa ka daran imika oo afar bilood ka hor dhagaysiga dacwadiisa la bilaabay. Hadana ma jirto wax go’aan ah oo ilaa hadda maxkamada ka soo baxay!. Hadaba iyadoo eedeysanahaasi marka la eego danbiga loo haysto,hadiiba lagu heli lahaa uu maanta xadhiga dhamaysan lahaa, waxa aanu ugu baaqaynaa garsoorka in uu cadaalada ilaaliyo oo uu xayndaabka sharciga ku soo noqdo.Eedeysanahaas mudada intaa leeg xukun la’aanta xabsiga iskaga jiray na uu cadaalad helo,oo si dhakhso ah dacwadiisa loo dhamaystiro, islamarkaana xukun cadaaladeed uu helo. Waa ku ceeb bahda garsoorka,waana jawr iyo cadaalad daro weyn in mudo afar sano ah uu qof bilaa xukun xabsiga ugu jiro oo uu rumaan u ahaadaa. Waligeedna intii dacwado garsoorka soo maraysay,xataa kuwa argagaxisada loo haysto may dhicin in qof mudo intaas leeg uu rumaan iska ahaado. Iga dhan!.” Source

Guddoomiyaha maxkamadda derejada kowaad ee degmada Boosaaso Abukar Cabdinuur Jaamac ayaa warbaahinta Puntland post u sheegay in dib xorriyaddiisa loogu celiyay siyaasi Muuse Cali Jaamac oo maalmo ka hor lagu xiray magaalada Boosaaso ee xarunta gobolka Bari. Guddoomiyaha ayaa sheegay in siyaasiga loo haystay gef uu ka galay laamaha garsoorka Puntland kadib markii uu ku eedeeyay in ay laaluushka qaataan isagoo aan wax caddayn ah u haysan sidaasi darteedna maxkamadda lagu geeyay balse markii dambe cafis loo fidiyay iyadoo la tixgeliyay da’diisa iyo caafimaadkiisa. Guddoomiye Abukar ayaa xusay in maxkamadda la horkeenay muuqaal uu ka hadlayo siyaasi Muuse Cali Jaamac oo kalmado ihaano ah ka sheegaya laamaha garsoorka hase ahaatee aan wax caddayna soo bandhigin sidaasi darteedna ku mutaystay xukun saddex sano oo xarig ah balse laga cafiyay markii la tixgeliyay da’diisa iyo xaaladdiisa caafimaad. Halkaan ka daawo wareysiga guddoomiyaha PUNTLAND POST The post Maxkamadda magaalada Boosaaso oo siidaysay siyaasi Muuse Cali jaaamac appeared first on Puntland Post.

Madaxweynihii ugu horeeyay ee Soomaaliya si dimoqraadi ah loogu doortay, Cabdirashiid Cali Sharmaake, ayaa la dilay 15-kii October 1969-kii oo ay kasoo wareegatay muddo ku suntay 50-sano. Khaarijintiisa oo la rumeysan yahay in ay ahayd mid siyaasadeysan uuna ka dambeeyay askari boolis ah kaasoo ilaaladiisa kamid ahaa ayaa ka dhacay magaaladda Laascaanood. Gacan ku dhiiglaha ayaa durba la toogtay. Alle ha u naxariistee Sharmaake ayaa 1960-kii illaa iyo 1964-tii wuxuu wasiirka koowaad ee xukuumadda uu u ahaa Aadan Cabdulle Cismaan. Isla markii uu xilku qabtay waxa uu dhiirogeliyay dhaqdhaqaaqyadii gobanimo doonka. Mudadii uu xafiiska joogay Soomaaliya ayaa dagaalo qaraar la gashay Itoobiya oo ciidamo iyo hub culus haysatay. Kaliya xoogaga Soomaaliya waxaa lagu qiyaasay saddex kun oo bilaa hub iyo gaadiid ah balse aad u dhiiran. Hadaladdii taariikhda galay ee aadka loogu xasuusto lagana qabtay intii ay dagaaladdu socdeen oo ay Soomaaliya iska difaacday Itoobiya waxaa kamida “gacan waan ku dagaalameynaa, gacanna doorashadan ku galeynaa”. Markii dagaalku istaagay dalkana ay ka dhacday doorasho dibna uu ugu soo laabtay ra’iisul wasaare-nimadda ayaa waxa uu socdaal taageero raadis ah uu ugu baxay dalal ay ku jiraan; France, UK, Germany iyo Canada. Ujeedada ugu weyn ee safarkiisa ayaa lagu sheegay dhismaha ciidamadda xoogan oo ay Soomaaliya yeelato si ay dib ugu soo ceshato dhulalka ka maqan. Balse, socdaalkiisa wuxuu ahaa mid aanan wax miro dhan ah kasoo bixin. Heshiisyadii “sababay” dhimashadiisa Isaga oo ka qeybgalaya Shirka loo dhan yahay ee Qaramada Midoobay, waxa ay wada kulmeen Wasiirka Arrimaha Dibadda Russia, kaasi oo uu u bandhigay qorshihiisa dhismaha ciidan xoog leh oo ay Soomaaliya hesho. Ra’iisul wasaarihii dowladdii KMG ahayd ee Soomaaliya, Maxamed Cabdi Yuusuf oo dilka madaxweynaha usoo joogay ayaa wuxuu dib uga faaloodey xusuustiisa. Wada hadalo kadib ayay isla qaateen in ay u wada safraan Ruushka. Sharmaake waxaa xiligaas wehliyay Wasiiradda Arrimaha Dibadda, Difaaca iyo saraakiisha kala duwan ee Ciidamadda Qalabka Sidda ee Soomaaliya. “Miis baa loo keenay, waxaa la yiri ‘waxaad ku qortaa waxaad rabtaan’ 20-kun oo ciidan, hubkood, taangi iyo wax walbaa lagu qoray,” ayuu Yuusuf ku sheegay wareysi uu siiyey VOA-da laanta Af Soomaaliga. Maadaama uu xifaaltan ka dhaxeeyay, reer Galbeedka ayaa aad uga carooday bogga cusub ee u furmay xiriirka Soomaaliya iyo Ruushka, waxayna cadaadis xoogan saareen madaxweynihii waqtigaas dalka xumayey. Yuusuf ayaa ka jawaabaya sababta loo dilay Sharmaake: “Midowgii Suufiyeenti [Ruushka] buu xiriir la sameeyay 17-mashruuc baa la saxiixay oo ciidanka, shirkadaha iyo waxbarashada, dabadeedna Midowgii Suufiyeenti iyo Dowladda Soomaaliya ayaa isku dhawaaday, markaas ayaa nimanka reer Galbeedku ka xumaadeen dabagalna ku sameeyeen”. Kadib doorashadii qabsoontay 1964-tii, Sharmaake ayaa waxa uu waayey jagadiisa, waxaana ra’iisul wasaare noqday waqtigaas Cabdirisaaq Xaaji Xuseen xili Aadan Cabdulle Cismaan uu difaacday kursigiisa. Sidda laga soo xigtay Yuusuf, in Sharmaake la eryo waxay ka dambeysay markii ay madaxweynaha saameeysay dhabar ka taabashada reer Galbeedka oo Sharmaake u arkayey “caqabad”. – Madaxweyne – Kadib doorashadii madaxweynaha ee qabsoontay 1967-dii ayaa waxa uu Cabdirashiid Cali Sharmaake kusii baxay xilka madaxweynaha, isaga oo ra’iisul wasaare ka dhigtay Maxamuud Xaaji Cigaal, oo ka tirsanaa xisbiga SNT. “Cigaal oo xisbiga SNT ka tirsanaa ayaa intii ay reer Galbeedku la hadleen waxaa la yiri ‘SNT kasoo tag Leegada tag, Cabdirashiid baa soo bixi doono’. Cabdirashiid-na la hadleen la yiri ‘Cigaal ra’iisul wasaare ha dhig’ wax waan wada qeyb-saneynaayeen tanaasulaad buu la galay,” ayuu raaciyey hadalkiisa. Wuxuu intaasi ku daray: “Markaad kadib reer Galbeedku aad buu xirmay. Kolka maxaa dhacay? Waxaa dhacay shacabkii oo kacay, Soofiyeedku gacanta ku hayaan meeshuu doono qabsan karo. Reer Galbeedku waxay ku fekereen marka in Cabdirashiid meesha ka saaraan, ciidanka la bedelo, rag iyaga ah [reer Galbeedka] la keensado”. Dilkiisa kadib dhowr cisho waxaa taladii waddanka afgembi kula wareegay ciidamadii militariga ee uu hoggaaminayey allaha u naxariistee Jeneral Maxamed Siyaad Barre, kaas oo dalka xukumayey in ka badan 30-sano. Xigasho: Garoweonline

(SLT-Sanaag)-Wasaarada Deegaanka iyo reer Miyiga Somaliland ayaa ka fulisay deegaano ka tirsan Gobolka Sanaag hawlgallo lagula dagaalamayo dadka xaalufinta ku haya deegaanka. Isuduwaha Wasaarada Deegaanka iyo Reer Miyiga ee Gobolka Sanaag Cabdi Warsame Xirsi aya sheegay in ay soo baabiyeen Beero loo ootay si Sharci darro ah waxaanu intaa ku daray in Maxkamada la soo taagi doono cidii lagu soo qabto iyadoo shidaysa dhuxusha, Cabdi Warsame Xirsi oo arimahaasi ka hadlayayna waxa uu yidhi“Waxaanu soo kormeernay jiidaha Koonfurta iyo Waqooyiga Gobolka Sanaag waxaanan ka hortegaynaa xaalufinta deegaanka iyo nabaad guurka iyo dhuxul shidista babiinta seerayaasha la ootay ee dadku doonayaan in ay kaligood nooladaan,waxaanan soo maray 12 deegaan waxaanan soo baabiinay beero si sharci darro ah loo ootay Maxkamada ayaana la soo tagi doonaa ciddii seerayaashaa sharci darada ah oodatay ”. Sidoo kale Maamulaha Degmada Ceerigaabo ee Wasaarada Deegaanka iyo Reer Miyiga Axmed Maahir Cabdi,ayaa digniin u diry gaadiidka dhuxusha qaada,waxaanu yidhi. “Waxaanu ka hawl galnay jiidaha koonfurta gobolka Sanaag waxaana la soo qabtay shan nin oo gubayay dhirta waana la soo qabtay waxaan u mahadcelinayaa waayeelka deegaankaas iyo Ciidamada Qaranka iyo Booliska,waxa kale oo aan u mahacelinayaa Guddoomiyaha Gobolka Sanaag waxaanan u digaynaa in gacan bira lagu qaban doono gaadiidka dhuxusha soo qaada ee Gobalada kale ka yimaada ee dhibaatada ku haya deegaanka haddii aanay joojin dhuxushaa ay shidayaan,cawaaqib xumo ayaanay la kulmi doonan dadka dhuxusha shidaya iyo gaadiidkaa lagu soo rarayaaba.”. Source

(SLT-Hargeysa)-Wasiirka maaliyadda Somaliland Dr. Sacad Cali Shire, ayaa sheegay in Somaliland lixdii bilood ee sannadkan u horeeyay ay soo iibsatay qaad dhan 19 milyan oo kiiloo oo ay ku baxday lacag dhan 190 milyan oo dollar. Wasiir Sacad oo soo xidhayay kulan ay ardayda jaamacaduhu ku faaqidayeen caqabadaha hortaagan dhaqaalaha dalka, waxa kale oo uu ka hadlay caqabado kale oo hortaagan in dalka ay wershado ka abuurmaan, kuwaas oo samayn lahaa shaqo abuur, “Meesha dadka inaga qarin kartaa waa wershadaha, maxaynu wershado u yeelan waynay, waxyaabaha u horeeyaa waa dhaqan, wershad dhaqan uma lihin, inagu waxaynu dhaqan u leenahay ganacsi, laakiin wershad lacagta la geliyo waxa ka soo baxaya maba garanayo ganacsaduhu oo wuxuu ku odhanayaa maxaa khatartaas I gelinayaba.” Ayuu yidhi Wasiir Sacad oo intaas raaciyay “Imika hadaad is tidhaahdo wershad same oo hangar u baahan waa inaad dhul iibsato soo dayrto, biyo keento, laydhka keento intaas oo kugu kacaya qiyaastii milyan dollar badhkeed intaanad wershad keenin, waxa kale oo jira ma lihin xirfadihii wershadaha oo birta jabta Germany ama hindiya ayaa loo qaadayaa.” Wasiir Sacad oo ka hadlaya lacagta adag ee Somaliland qaadka kaga baxda wuxuu yidhi “Lixdii bilood ee u horeeyay sannadkan waxaynu soo iibsanay 19 milyan oo kilo oo qaad ah, hadaad 10 dollar ku dhufato 190 milyan oo dollar weeye, mushkiladu lacagta oo keliya maaha ee waa wakhtigii; caafimaadkii, iyo dhaqankii, waxaynu nahay umad daroogo la qabsatay, waana meelaha loo baahanyahay in wax laga qabto haddaynu doonayno inaynu horumarmno.” Wuxuu intaas ku daray “Kal hore cashuur yar baan ku kordhinay, inaan cashuurtaas ku kordhino mooyee wakhtigan xaadirka ah joojinteedu waa tallo qaran, anigu waxaan qabaa inaynu joojino laakiin waa fikirkayga, xaqiiqdu waxa weeye ila toban kun oo qof ayaa ku nool oo nolol ka hela markaas waa inaynu u samaynaa ilo kale dadkaas.” Source

Gaalkacyo (Caasimadda Online) – Wararka ka imaanaya Magaalada Gaalkacyo ee Gobolka Mudug ayaa sheegaya in isku day dil uu ka badbaaday Taliyaha Saldhiga Waqooyiga Magaalada Gaalkacyo Cabdiqani Xabuun. Taliyaha ayaa la sheegay in Gaarigiisa uu ogaaday in qarax uu ku xiran yahay,kadib markii uu ka shakiyey xilli uu doonayey in uu ku aado goobtiisa Shaqada,waxaana la sheegay in uu qarxay mudo 15 daqiiqao kadib markii la ogaaday. Markii Taliyaha uu ogaaday gaariga inuu qarax ku xiran yahay ayaa 15 daqiiqo kadib waxaa qarxay gaarigii. Wararka ayaa waxaa ay intaasi ku darayaan in qaraxaasi aysan wax khasaaro ah kasoo gaarin taliyaha iyo qoyskiisa, kadib markii dhamaantood ay ka baxeen guriga oo uu dhex yaallay gaariga miinada lagu xiray ee qarxay. Qaraxa Baabuurka Taliyaha lagu xiray ayaa noociisa wuxuu yahay midka dhajiska ah ee Baabuurta lagu hoos xiro. Weli ma jiro wax war ah oo ka soo laamaha amniga Degmada Gaalkacyo ee dhinaca Puntland oo ay hadlayaan qaraxaas uu ka badbaaday ahaa Taliyaha Saldhigga bartamaha Magaalada Gaalkacyo Cabdiqani Xabuun.

(SLT-Hargeysa)-Wasiirkii Wasaaradda Gaashandhiga ee Xukuumaddii Axmed Siillaanyo Axmed Xaaji Cali Caddami, ayaa ka hadlay xaalada Deeganada Ceel-afweyn, waxaanu sheegay in labadaas beelood ee halkaas wada dega u baahan yihiin inay dantooda gartaan, oo ay ducaystaan, soona af jaraan colaada dhexdooda taala. Wasiirkii Wasaaradda Gaashandhiga ee Xukuumaddii Axmed Siillaanyo Axmed Xaaji Cali Caddami, oo u waramay Wargeyska Geeska Afrika ayaa ugu horeyn yidhi “Dagaal xaq daro ahi faan ma galo, oo dhiig daadanayaa faan ma galo, aano iyo aarsi faan ma galaan, ee dhibaatada ka taagan Ceel-afweyn, waa dhibaato soo noq-noqotay, oo u baahan in wax laga qabto, marar badan labadaas reer ee halkaas wada dega waa la heshiisiyey, oo waa loo duceeyey, imikana waanu u ducaynaynaa, ee ALLE bogooda burcad ha isku mariyo, labada Beeloodna, dantoodu waxay ku jirtaa heshiiskooda iyo nabadooda, ee ha ilaashadan, mar haddii uu Madaxweyne Muuse Biixi yidhi coladaas waanu soo af jaraynaa ALLE ha u aqbalo niyadiisa, sida ugu haboona u soo af jaro, waxaana rajanayaa inay nabad waarta uu ka dhex dhaliyo labada Beelood, Madaxweynuhu haddii uu soo af jaro dhibta ka taagan ceel-afweyn, bilad sharaf buu inaga mudan yahay oo waynu gudoonsiin.” Source

(SLT-Kampala)- Dawladaha Somaliland iyo Uganda ayaa wada gaadhay heshiis dhanka macdan baadhista iyo ka faa`iidaysiga khayraadka dhinayada Tamarta iyo Macdanta. Wasiirka Tamarta iyo Macdanta Jamhuuriyadda Somaliland Md. Jaamac Maxamuud Cigaal ayaa sheegay inay is-afgarad ku gaadheen kulan dhexmaray Wasiiru-duwlaha Tamarta iyo Macdanta dalka Uganda Md. D`ujanga Simon. Qoraal Wasiir Jaamac shalay ku baahiyey bartiisa Twitter oo uu kaga hadlay kulanka dhexmary madaxada wasaaradda Tamarta ayuu ku yidhi, “kulan midho dhal ah ayaa nagu dhexmary xafiiska Wasiiru-duwlaha macdanta Ugandha. Wasiir Jaamac oo faahfaahin ka bixiyey ujeedada kulanka iyo natiijada laga gaadhay ayaa raaciyey, inay kaga wada hadleen “Horumarinta xidhiidhka laba geesoodka ah ee labada Wasaaradood waa laga wada hadlay, oo la isku afgartay.” ayuu yidhi wasiirka Macdanta somaliland jaamac. Kulankan ayaa ku soo beegmaya socdaal shaqo oo wasiirka Macdanta iyo Tamarta Somaliland Md jaamac maxamuud Cigaal iyo agaasamaha waaxada Macadnta wasaaradda Md Cumur yuusuf Cumar ku joogeen todobaadkii u dambeeyay dalka uganda, islamarkaana kulamo iyo codaalo goobaha macdanaha laga qodo ee dalkaasi ku marayeen qeybo ka aheyd. Source

Gaariga taliyaha ee la qarxiyay Taliyaha saldhiga bartamaha waqooyiga magaalada Gaalkacyo ee Puntland Cabdiqani Jaamac Axmed (Xabuun) oo khadka taleefonka kula hadlay warbaahinta Puntland Post ayaa faahfaahin ka bixiyay qarax loogu xiray gaarigiisa oo uu ka badbaaday. Taliyaha ayaa sheegay in saaka isagoo u socda shaqadiisa uu arkay gaarigiisa deyrka guriga u yaallay oo qarax loogu xiray kadibna uu xaaskii iyo carruurtii ka daad-gureeyay guriga si aysan dhibaato uga soo gaarin haddii gaarigu qarxo. Balse sida uu sheegay gaariga ayaa qarxay waxyar kadib markii dhammaan dadkii guriga laga saaray inkastoo aan wax khasaare nafeed ah ka dhalan qaraxaasi haddana wuxuu tilmaamay in gaariga qarxay iyo qeybo kamid ah guriga burbur gaaray. Taliye Xabuun ayaa sheegay in xalay intii la hurday loo soo dhacay gurigiisa kadibna qarax nooca taleefonku cariyaa loogu xiray gaarigiisa oo deyrka yaallay si loo qarxo marka uu subaxii ka xaysto. Hoos ka daawo wareysiga oo dhan PUNTLAND POST The post Taliyaha Saldhiga bartamaha Gaalkacyo oo faahfaahin ka bixiyay qarax saaka lala eegtay appeared first on Puntland Post.

Baardheere (Caasimadda Online) – Taliska ciidanka xoogga dalka ee gobolka Gedo ayaa faah faahin ka bixiyey howlgallo ay ka sameeyeen deegaanno ku dhow degmada Baardheere ee gobolka Gedo. Taliyaha Ururka 49-aad qeybta 43-aad ee Ciidanka xoogga dalka Maxamed Cali Cabdullaahi ayaa u sheegay warbaahinta in howlgalkaan ay ka sameeyeen deegaan 50-km u jira degmada Baardheer, kuna dileen dagaalyahanno Al-shabaab ah, sidoo kalena kusoo celiyeen xoolo ay horey dad shacab ah uga dhaceen. “Howlgalka wuxuu ahaa mid qorsheysan, waxaan ku dilnay rag ka mid ah cadowga Al-shabaab, waxaan soo celinnay xoolo isugu jira ari iyo Geel oo ay shacabka xoolo dhaqatada ah horey uga dhaceen” ayuu yiri taliyaha. Taliye Maxamed ayaa sheegay in ay sii wadi doonaan howlgallada ay ku baacsanayaan Al-shabaab, inta dalka oo dhan laga saarayo, waa sida uu hadalka u dhigaye. Dhanka Xarakada Al-shabaab wax war ah kama aanay soo saarin hadalka kasoo yeeray taliska ciidanka xoogga dalka ee gobolka Gedo. Caasimada Online Xafiiska Muqdisho caasimada@live.com

(SLT-Muqdisho)-Magaalada Muqdisho ee Caasimadda dalka Sooomaaliya ayaa Maanta waxaa ka degay Wasiirka Wasaaradda Warfaafinta iyo Isgaadhsiinta dalka Jabuuti, iyadoona lagu soo dhaweeyay. Garoonka diyaaradaha Aadan Cadde ee Muqdisho ayaa Wasiir Ridwaan Cabdilaahi Bahdoon waxaa kusoo dhaweeyay dhiggiisa Soomaaliya Maxamed Cabdi Xayid Maareeye iyo xubno kale oo ka tirsan dowladda Soomaaliya. Wasiirka Wasaaradda Warfaafinta iyo Isgaadhsiinta dalka Jabuuti oo booqasho ku yimid Magaalada Muqdisho ayaa waxaa kulan la qaadan doonaan Wasiirka Warfaafinta dhaqanka iyo dalxiiska Maxamed Cabdi Xayid Maareeye. Source

(SLT-New York)-Madaxweynaha Mareykanka Donald Trump ayaa Talaadadii shalay ku dhawaaqay inuu dalka Turkiga u dirayo wafdi heer sare ah oo uu hogaaminayo ku xigeenkiisa Mike Pence, si ay Turkiga ugu cadaadiyaan inuu joojiyo dagaalka uu ku qaaday Waqooyiga Suuriya. Trump wuxuu sheegay in wafdigan oo uu sidoo kale ku jiro wasiirka arrimaha dibadda Mareykanka Mike Pompeo ay Turkiga u amba bixi doonaan maanta oo Arbaca ah, hadafka ugu weynna uu yahay sidii ay Anakra u weydiisan lahaayeen xabad joojin. Mike Pence oo lagu wado inuu madaxweyne Erdogan Khamiista berrito ah la kulmo, ayaa miiska saari doono shuruudo ay ku jiraan xabad joojin deg deg ah wada-xaajood ay Turkiga kala galaan arrinta dib u dejinta qaxootiga Suuriya. Sidoo kale waxay isku soo qaadi doonaan arrinta cunaqabateynta uu Mareykanka saaray Turkiga, taasoo oo uu maamulka Trump wacad ku maray in lasii xoojin doono haduu uusan Turkiga ka laaban weerarka uu ku hayo maleeshiyaadka Kuddiyiinta Suuriya. Source

Taliska ciidanka xoogga dalka ee gobolka Gedo ayaa faah faahin ka bixiyey howlgallo ay ka sameeyeen deegaanno ku dhow degmada Baardheere ee gobolka Gedo. Taliyaha Ururka 49-aad qeybta 43-aad ee Ciidanka xoogga dalka Maxamed Cali Cabdullaahi ayaa u sheegay warbaahinta in howlgalkaan ay ka sameeyeen deegaan 50-km u jira degmada Baardheer, kuna dileen dagaalyahanno Al-shabaab ah, sidoo kalena kusoo celiyeen xoolo ay horey dad shacab ah uga dhaceen. “Howlgalka wuxuu ahaa mid qorsheysan, waxaan ku dilnay rag ka mid ah cadowga Al-shabaab, waxaan soo celinnay xoolo isugu jira ari iyo Geel oo ay shacabka xoolo dhaqatada ah horey uga dhaceen” ayuu yiri taliyaha. Taliye Maxamed ayaa sheegay in ay sii wadi doonaan howlgallada ay ku baacsanayaan Al-shabaab, inta dalka oo dhan laga saarayo, waa sida uu hadalka u dhigaye. Dhanka Xarakada Al-shabaab wax war ah kama aanay soo saarin hadalka kasoo yeeray taliska ciidanka xoogga dalka ee gobolka Gedo. Goobjoog News Source: goobjoog.com

(SLT-Moscow)-Madaxweynaha dalka Ruushka Vladimir Putin ayaa Boqorka Sacuudiga Salman bin Abdulaziz hadiyad ahaan ugu geeyay Shimbir nooceeda uu dhif yahay oo laga helo waddanka Ruushka oo kaliya. Shimbirtan oo u eg sida gorgorka ayaa lagu magacaabaa Arctic falcon, ama gyrfalcon, waxaana laga helaa gacanka Kamchatka ee ku yaalla bariga fog ee dalka Ruushka. Waxaa jira kumannaan xabo oo ka mid ah shimbirkan, wuxuuna halis ugu jiraa inuu dabar go’o. Muuqaal lagu shaaciyay telefishinnada ruushka iyo Sacuudiga iyo qaar ka mid ah baraha bulshada ayaa laga arkayay boqor Salmaan oo u muuqda inuu aad ula dhacsan yahay hadiyadda qeyrul caadiga ah. Booqashada uu Putin Isniintii ku tagay Sacuudiga ayaa ahayd mid qeyrul caadi ah, waana tii ugu horreysay ee uu halkaas ku gaadho tan iyo sanadkii 2007-dii. Waxaa la filayaa in hoggaamiyaha Ruushka uu Sacuudiga uga sii gudbo waddanka Isutagga Imaaraadka Carabta, si uu usii xoojiyo xidhiidhka kala dhaxeeya dalalka bariga dhexe. Intii kuu ku sugnaa Riyaad Sacuudiga wuxuu madaxda boqortooyada Sacuudiga kala hadlay arrimo badan oo khuseeya cilaaqaadka labada dal iyo wadashaqeynta dhinacyada siyaasadda, dhaqaalaha iyo ganacsiga saliidda. Qodobbada uu sida gaar ah ugala hadlay hoggaamiyeyaasha Sacuudiga waxaa ka mid ahaa amniga gobolka, khaasatan cadawtooyada u dhaxeysa Sacuudiga iyo Iiraan, sida ay shaaciyeen qaar ka mid ah warbaahinta carabta. Source

Magaalada Muqdisho waxaa saakay soo gaaray wafdi ballaaran oo uu hoggaaminayo wasiirka wasaaradda warfaafinta ee dowladda Jabuuti, Ridwaan C/laahi Bahdoon, waxaana lagu soo dhoweeyey garoonka diyaaradaha ee Aadan Cadde. Wasiirka warfaafinta xukuumadda federaalka Soomaaliya, Maxamed Cabdi Xayir (Maareeye) ayaa dhiggiisa dalka Jabuuti kusoo dhoweeyey garoonka Aadan Cadde, waxayna kulan horudhac ah ku yeesheen qeybta VIP-da ee Garoonka. Wasiir Bahdoon ayaa la sheegayaa in safarkan uu ku yimid Muqdisho yahay mid rasmi ah, wuxuuna inta uu joogo la kulmi doonaa mas’uuliyiin kale oo DFS. Wasaarada warfaafinta ee Soomaaliya iyo Jabuuti ayaa ka wadahadli doona xoojinta xiriirkooda iyo sidii loo ballaarin lahaa wadashaqeyntooda. Goobjoog News Source: goobjoog.com

Muqdisho (Caasimadda Online) – Taliyaha Ciidanka Booliska Soomaaliyeed Gen, Cabdi Xasan Xijaar ayaa isku shaandheyn ku sameeyay qaar ka mida taliyeyaasha iyo Saraakiisha sare ee ciiidamada Booliska Soomaaliyeed, iyadoo qaarkood xilalkii laga qaaday. Taliyeyaasha qeybaha iyo taliska sare qaarkood ayay saameysay xil ka qaadista iyo isku shaandheynta uu sameeyya taliyaha ciidamada Booliska, waxaana saraakiisha la magacaabay ka mida taliyaha saldhiga Booliska Dharkeynley, taliyaha qeybta Waliyow Cadde, taliyaha ciidamada Birmadka Booliska iyo taliyaha Daraawiishta, waxayna kala yihiin: Sidoo kale Taliyeyaasha la magacaabay ayaa waxaa la faray inay si toos ah u gutaan waajibaadkooda shaqo ee loo idmaday. Taliyaasha la magacaabay oo gaaraya ilaa lix taliye ayaa kala ah: 1-Gaashaanle Mahad Cabdi Xakiin Cumar (Mahad Korow) ayaa loo magacaabay Taliyaha qeybta Booliska Waliyow Cadde. 2-Cabdullaahi Mire Siyaad ayaa loo magacaabay La-taliyaha Ciidanka Booliska Soomaaliyeed,isagol horey u ahaa Taliyaha qeybta Waliyow Cadde. 3-Taliyaha Birmadka Ciidamada Booliska ayaa loo magacaabay Yuusuf Xundubey oo hore u ahaa Taliyaha Saldhiga Galbeed ee G/Banaadir. 4-Yaasiin Nuur Kheyre ayaa loo magacaabay Taliyaha Saldhiga Booliska Degamada Dharkeenley. 5-Gaashaanle Sare Cabdullaahi Mire Siyaad ayaa lol magacaabay Taliyaha Daraawiishta Booliska. 6-Aadan Xersi ayaa loo magacaabay Taliyaha socdaalka Ciidamada Booliska. Caasimada Online Xafiiska Muqdisho caasimada@live.com

Wasiirka amniga Galmudug, Saadaq Sheekh Yuusuf ayaa xalay kulan gaar ah la qaatay saraakiisha hay’adaha amniga ee ka howlgalla deegaanada maamulkaasi. Kulanka oo ahaa mid xasaasi ah ayaa waxaa diirada lagu saaray xaaladda ee ammaan ee magaaladaasi. Sidoo kale shirka intii uu socday ayaa waxaa diirada lagu saaray howlgallada lagu sugayo amniga ee ka socda deegaanada mamulka Galmudug. Waxa kale shirkan ka soo baxay go’aanno culus oo la xariira amniga Dhuusamareeb, iyadoona digniin loo diray dadka hubka sharci darrada ah ku dhex wata magaaladaasi. Muddooyinkii la soo dhaafay ammaanka degmada Dhuusamareeb ayaa ahaa mid degan, iyadoona ay howlgallo ka wadeen ciidamada ammaanka ee ku sugan halkaasi. View the full article

(SLT- Kuwait)-Ku xigeenka Wasiirka Arrimaha Dibadda ee dalka Kuwait Khaled Al-Jarallah ayaa shaaciyey in wadankiisa uu marti gelin doono shir lagu taageerayo Soomaaliya. Wasiirka ayaa sheegay in shirkaas oo ah mid Soomaaliya looga caawinayo dhanka Waxbarashada waxaanu dhici doono sanadka soo socdo ee 2020 kaasoo lacago loogu deeqi doono. Wakaaladda Wararka ee dalka Kuwaite ee marka lasoo gaabiyo loo yaqaan (KUNA) ayaa sheegtay in Al-Jarallah uu Axadii hoggaamiyey kulan loogu diyaar garoobayo shirkaas loogu deeqayo Soomaaliya oo noqonayo midkii ugu horreeeyey noociisa ah oo ay soo diyaariyaan Dowladaha Khaliijka. Ku xigeenka Wasaaradda Arrimaha Dibadda ayaa la kulmay Diblomaasiyiin u dhashay Dalka Kuwait iyo xubno ka tirsan Wasaaradda Waxbarashada ee dalkaas si ay uga wada hadlaan sidii uu u dhici lahaa shirkaas lagu taageerayo Soomaaliya lagana hortago wax walba oo keeni karo inuu shirkaas baaqdo. Source

Saraakiil ka tirsan Madaxtooyada oo uu hoggaaminayo Kusimaha Agaasimaha Guud ee Madaxtooyada Ahna Agaasime Kuxigeenka Mudane Cabdullaahi Sheekh Cabdikariim ayaa Xarunta Wasaaradda Arrimaha Dibadda kulan kula qaatay Wasiirka Arrimaha Dibadda Danjire Axmed Ciise Cawad, Wasiiru Dowlaha Arrimaha Dibadda Mudane Cabdulqaadir Axmedkheyr Cali iyo dhammaan Agaasimeyaasha Wasaaradda. Kulanku inta uu socday waxaa laga wada hadlay qorsheyaasha booqasho ee Madaxda dalka iyo marti qaadyada caalamiga, dadaallada martigelinta shirarka caalamiga ah iyo sidii dib u habeyn loogu sameyn lahaa hannaanka habmaamuska ee dowladda. Wasiirka Arrimaha Dibadda Danjire Axmed Ciise Cawad ayaa la wadaagay masuuliyiinta ka socotay Madaxtooyada ballamaha iyo booqashooyinka Madaxweynaha ee muddada soo socota, qorsheyaasha xoojinta xiriirka caalamiga ah iyo sidii kor loogu qaadi lahaa wadashaqeynta shaqaalaha Madaxtooyada iyo kuwa Wasaaradda ee ay shaqo wadaagga yihiin. Kulankan dhinaca Madaxtooyada waxaa ka socday Agaasime Kuxigeenka Madaxtooyada Mudane Cabdullaahi Sheekh Cabdikariim, Agaasimaha Habmaamuuska Madaxtooyada Mudane Cabdi Cumar Cali, Agaasime Kuxigeenka Warfaafinta iyo Xiriirka Warbaahinta Madaxtooyada Mudane Cabdirishiid Maxamed Xaashi. View the full article

Wararka naga soo gaaraya degmada Xudur ee gobolka Bakool ayaa waxay sheegayaan in ciidanka DFS oo garabsanaya kuwa K/galbeed ay howlgal ka wadaan duleedka degmadaasi. Ciidamo aad u badan oo ka baxay degmada Xudur iyo kuwo kale oo ku sugnaa duleedka degmadaasi ayaa maanta u dhaqaaqay deegaanno hor leh oo hoostaga degmadaasi. Saraakiil ka tirsan ciidanka K/galbeed ayaa inoo xaqiijiyey in ulajeedkoodu tahay sidii ay Al-shabaab uga saari lahaayeen deegaannada hoostaga Xudur. Howlgalkan ayaa daba socda dagaal culus oo habeen hore dhex-maray ciidankan howlgalka wada iyo Al-shabaab, kaasi oo ka dhacay xero ay ciidanka DFS iyo kuwa K/galbeed ku lahaayeen duleedka degmada Xudur. Warkaan wixii kusoo kordha kala soco wararkeena kale Goobjoog News Source: goobjoog.com