Muqdisho (Caasimada Online) – Madaxweynihii hore ee dalka, Xasan Sheekh Maxamuud oo ka hadlayey shir madaxda xisbiyada uga socdo Muqdisho ayaa weerar afka ah ku qaaday dowladda, gaar ahaan Ra’iisul wasaaraha iyo madaxweynaha. Xasan Sheekh Maxamuud ayaa sheegay in dowladdu ay ka gaabisay u gurmashada dadka Soomaaliyeed ee ku dhibaateysan maamullada HirShabelle iyo Koonfur Galbeed, kuwaas oo ay saameeyeen fatahaadaha ka jira dalka. Sidoo kale wuxuu carabka ku dhuftay in aan la’is qabad siin karin in malaayiin Dollar oo aan bajadka ku jirin dowladda ay ku dhisto taalooyin, hadana aysan dadka Soomaaliyeed ee dhibaateysan u heli karin gurmad. Madaxaweynihii hore ee dalka, Xasan Sheekh Maxamuud oo hadalkiisa sii wata ayaa sheegay in tallaabo aan laga fileyn ay aheyd in dowladdu ay ku dhawaaqdo Qaaraan hala keeno, si loogu badbaadiyo dadka ku dhimanaya magaalada Beledweyne oo ka mid ah meelaha uu sida daran u saameeyey wabiga Shabelle “Dowladdu mallaayiin Dollar oo aan bajadka ku jirin taalooyin ku dhisi kartaa waa soo heli karta,dadka Reer Baladweyne ee Biyaha dhex-jiifa qaarkood ku dhamaadeen dowladda lacag uma heli karto ee qaaraan hala keeno in leys qabadsiiyo ayaa loo baahan yahay ayuu yiri.” Xasan Sheekh Maxamuud. Hadalkan ayaa ku soo aadaya, iyadoo weli jawaab rasmi ah dowladdu aysan ka bixin dhibaatada bani’aadanimo ee ka taagan Beledweyne, marka laga reebo dhaq dhaqaaqyo ay waddo, kuwaas oo loogu gurmanayo dadkaasi. Caasimada Online Xafiiska Muqdisho caasimada@live.com

Nairobi (Caasimada Onine) – Faah faahinno dheeri ah ayaa ka soo baxaya weerar qorsheysan oo dagaalyahanno ka tirsan Al-Shabaab ay xalay ku qaadeen qeybo ka mid ah magaalada Wajeer gobolka Waqooyi Bari ee dalka Kenya. Weerarka oo ahaa mid xoogan ayaal Al-Shabaab waxa ay la beegsatay saldhig Boolis oo ku yaalla deegaanka Dadajabula oo koonfur ka xiga Wajeer, waxaana halkaasi ka dhacay dagaal culus oo looga adkaaday ciidankii Booliska ee ku sugnaa saldhigga la weeraray. Sarkaal ka tirsan ciidamada ammaanka Kenya oo la hadlay warbaahinta ayaa sheegay in Al-Shabaab ay dab qabadsiisay saldhigga oo guud ahaan burburay. Sidoo kale wuxuu xaqiijiyey sarkaalkan in ragga fuliyey weerarka ay dileen labo qof oo ku eedeysnaa in ay xiriir la lahaayeen Al-Shabaab, kuwaas oo ku xirnaa saldigga deegaanka Dadajabula oo ah meesha uu weerarku ka dhacay. Wararka ayaa sidoo kale intaasi ku daraya in weerarkaasi lagu dhaawacay saddex sarkaal oo ka tirsan ciidamada Booliska ee dowladda Kenya. Sida aan xogta ku helnay Al-Shabaab ayaa dooneysay inay xoog ku soo furato, islamarkaana ay soo badbaadiso xubna uga xirnaa saldhigga, balse ay ku dhinteen dabkii ay ku gubeen xaruntaasi ciidan. Al-Shabaab oo sheegatay inay ka dambeysay weerarkan ayaanan weli shaacin khasaaraha, balse waxay sheegtay inuu jiro khasaare xoog leh, sida ay hadalka u dhigtay. Caasimada Online Xafiiska Nairobi caasimada@live.com

Xeer-Ilaalinta guud ee dowladda Puntland, ayaa dacwad ku soo oogtay xildhibaan Cawil Xassan Daad oo ka tirsan Golaha wakiilada Puntland. Qoraal lagu baahiyay bogga Telefishinka dowladda Puntland oo la sheegay in uu ka soo baxay ku xigeenka Xeer-Ilaaliyaha guud ee Puntland Maxamed Xareed Faarax, ayaa mudanayaasha Baarlamanka oo looga dalbaday in ay xasaanadda ka qaadan xildhibaan Cawil Xassan Daad, si loogu oogo dacwad-ciqabeed ku saabsan ku xad-gudubka Dastuurka iyo xeer-hoosaadka Baarlamanka. Sida ku cad qoraalka xeer ilaalinta, dacwad-ciqaabeedka lagu eedeeyay xildhibaan Cawil Xassan Daad ayaa ka dhalatay su’aal uu madaxweyne Deni ku weydiiyay furitaankii Kalfadhiga 45-aad ee Baarlamanka Puntland. Balse, Xeer-Ilaalintu faahfaahin kama bixin dacwad-ciqaabeedka loo haysto xildhibaanka iyo sidoo kale wakhtiga la maxkamadaynayo midna. Hoos ka eeg qoraalka Xeer-Ilaalinta PUNTLAND POST The post Xeer-Ilaalinta Puntland oo dacwad ku soo oogtay xildhibaan Cawil Daad appeared first on Puntland Post.

Shir goordhow ay yeesheen madasha xisbiyada qaran, kaas oo ka dhacay magaalada Muqdisho ayaa waxaa Sheekh Shariif Sheekh Axmed oo ahaa madaxweynihii hore ee Soomaaliya loogu doortay guddoomiyaha madasha. Arrintan ayaa la timid kadib wadatashi muddo socday taasi oo looga gol leeyahay in la mideeyo garabyada kala duwan ee xisbiyada mucaaradka. Sheekh Shariif waxaa uu ahaa hoggaamiyaha xisbiga Himilo Qaran, waxaana u tanaasulay madaxweyne Xasan Sheekh Maxamuud oo ah guddoomiyaha xisbiga UPD. Wararkan, oo faahfaahsan la soco Goobjoog News Source: goobjoog.com

Madaxweynaha Koonfur Galbeed Soomaaliya, Cabdicasiis Xasan Maxamed (Lafta Gareen) ayaa boooqday deegaanada ay saameeyeen fatahaadaha ka jira deegaanada maamulkaasi. Lafta Gareen ayaa sheegay in degmada Bardaale ay tahay meelaha aad ugu daran ee ay ku dhibaateysan dadka uu saameyey wabiga Shabelle. Sidoo kale wuxuu cod dheer ku sheegay in qof walba oo caawin kartaa dadkaasi looga baahan yahay inay u soo gurmato, si loo badbaadiyo. Halkan hoose ka dhageyso Codka. https://www.radioshabelle.com/wp-content/uploads/2019/10/ffff.mp3 View the full article

Wafdi uu hogaaminayo Wasiirka Boostada, Isgaarsiinta iyo Teknolojiyada, Eng Cabdi Cashuur Xasan, ayaa ka qeyb galaya shirarka iyo bandhiga tiknolojiyadda ee Qadar iyo shirka kooxda heerka sare ee Madasha ammaanka ee Munich (Munich Security Conference) Shirka iyo bandhiga Isgaarsiinta Qadar oo ay ka soo qeyb galeen madax ka socotay dalal kala duwan ayaa waxaa daahfurey Amiirka Dowladda Qadar Tamim bin Hamad Al Thani, Shirkan ayaa mudada uu socdo waxaa looga hadlayaa qodobbo ay ka mid yihiin ammaanka internetka, horumarinta iyo Isticmaalka Tiknolojiyadda, hal-abuurka dhalinyarada iyo dooddo kala duwan oo la xiriira isticmaalka adeegyada xukuumad daneebka (e-government), iyo ganacsiga elektarooniga ah (E-commerce). Wasiirka Boostada, Isgaarsiinta iyo Tiknolojiyadda ayaa sheegay in ka qeygalka shirarka iyo bandhigyada noocaan oo kale ah ay muhiim u yihiin wadaagista khibaradaha iyo qorshayaasha, gaar ahaan dalka Qadar oo ka mid ah kuwa ugu horeeya dalalka carabta dhinaca baahinta tiknolojiyadda. “Waxaa naga go’an in aan sahmino helitaanka dalal , ururro, shirkado iyo khubaro naga caawiya fulinta siyaasadda iyo Istaraatiijiyadda Qaran ee Tiknolojiyadda ee ay dhowaan wasaaraddu diyaarisey” ayuu yiri Wasiirka, Cabdi Cashuur Xasan. Wafdiga Wasiirka oo uu ka mid yahay Maareeyaha Guud ee Hay’adda Isgaarsiinta Qaranka Cabdi Sheekh Axmed ayaa inta ay joogaan dalka Qadar waxa uu shir gaar ah la yeelanayaa Wasaaradda Gaadiidka iyo Isgaarsiinta dalka Qadar. Waxaana looga hadlayaa iskaashiga labada dal ee dhinaca Isgaarsiinta iyo Tikonlojiyadda iyo isticmaalka tiknolojiyadda ee ka hortaga iyo gurmadka musoobooyinka. PUNTLAND POST The post Soomaaliya oo shirar iyo bandhigyo uga qeyb galeysa Qadar appeared first on Puntland Post.

Dowladda Federaalka Soomaaliya ayaa labo Diyaaradood oo gargaar ah u direysa maanta Magaalooyinka Baladweyne iyo Baydhabo,goordhow ayaa lagu wadaa labadaas diyaaradood inay ka duulaan garoonka diyaaraha ee Muqdisho iyaga oo ku sii kala jeeda Baladwayne iyo Baydhabo. Diyaaradaha Gargaarka saaran ayaa loogu talo galay in dadka dhibaateysan si dhaqsi ah loo gaarsiiyo maadaama dadka xaaladooda aad u liidato.Magaalada Baladweyne ayaa waxaa ku fatahay Wabiga Shabeelle kaas oo inta badan saameeyey Xaafadaha kala duwan ee magaaladaas. Dadka ayaa intooda badan isaga barakacay Baladwayne waxayna miciin bideen duleedka magaalada iyo meelaha dalcadaha si ay uga badbaadaan Fatahaadda. View the full article

Dhuusamareeb (Caasimada Online) – Madaxa xukuumadda Galmudug, kana mid ah hoggaanka Ahlu Sunna Sheekh Maxamed Shakaarir Cali Xasan oo shir jaraa’id ku qabtay Dhuusamareeb ayaa ka hadlay geerida hoggaamiyaha Ururka Daacish oo uu dhowaan sheegay Mareykanka inuu ku dilay weerar qorsheysnaa oo ka dhacay dalka Syria. Sheekh Shaakir ayaa shirkiisa jaraa’id ku sheegay in Abuubakar Al-Baqdaadi uu ahaa cadowga Islaamka, islamarkaana uu soo dhoweynayo dilkiisa, sida uu hadalka u dhigay. Sidoo kale wuxuu tilmaamay inuu ahaa axad dhibaateeyey dunida, dilkiisuna wuxuu xusay inuu faa’iido weyn u yahay Muslimiinta iyo Insaaniyadda. “Wuxuu ahaa axad dunida dhibaateeyey waxaan leenahay gacan walbo haku baxo, laakin waxaa weeeye faa’iido u soo hoytay dadka Muslimiinta.” ayuu yiri, Sheekh Maxamed Shaakri Cali Xasan oo ah madaxa xukuumadda dowlad goboleedka Galmudug. Dilka hoggaamiyaha Daacish oo uu dhowaan xaqiijiyey Madaxweynaha Mareykanka, Donald Trump ayaa la sheegay in ay tahay guul weyn oo lagagaaray dagaalka la gula jiro kooxda Daacish oo weeraro argagixiso ka fulisa dalal badan oo ku yaalla Caalamka. Halkan hoose ka dhageyso Codka. https://www.caasimada.net/wp-content/uploads/2019/10/Sheekh-Shaakir.mp3 Caasimada Online Xafiiska Dhuusamareeb caasimada@live.com

Wararkii ugu dambeeyey ee magaalada Baladweyn ayaa sheegaya in saaka la helay meyd hor leh oo ka tirsanaa dadkii la la’aa. Ilaa hadda dadka la helay waa 7 meyd halka qaar kale weli la’yahay, waxaana jiro dad ku go’doonsan xaafado badan oo ka tirsan degmada Baladweyn. Webiga waxaa la sheegayaa inuu weli fatahayo, oo xaaladdu ay sidii tahay, waxaana baxsanaya qoysas hor leh. Dhanka gargaarka: 410 bac iyo 30 kartoon oo sasayeeri oo 4 cisho ka hor ay dowladu geysay weli lama qeeybin, baahi kabadane way jiraa. Goobjoog News Source: goobjoog.com

Source

Xaalada Baledweyne ayaa kasii saraysa , Shacabka Deegaankana wali ma aysan helin kaalmadii ay u baahnaayeen, Dowlada Federaalka ayaa lagu eedeeyey inay ka gaabiyeen ka [...] Source

Maxkamadda Darajada Koowaad ee Ciidamada Qalabka sida Soomaliya ayaa maanta xukun ku riday gudoomiyihii hore ee degmada Maxaas iyo xubno kale. Dhageysiga kiiska gudoomiyaha aya a muddooyinkii dambe wuxuu ka socday maxkamadda ciidamada, kadib markii Gudoomiyihii hore degmada Maxaas lagu soo eedeeyay in uu wax ka ogaa qarax gaarigiisa loogu xiray gudoomiye Ku xigeenkii amniga degmadaasi, qaraxaasi oo uu ku dhintay. Maxkamadda Ciidamada ayaa xukun ku riday Cali Axmed Guure (Qoyane) oo maqane ah laguna eedeeyey in uu ka tirsan yahay Al-Shabaab iyo Nuur Ibraahim Mahad Alle ayaa lagu wada xukumay dil toogasha ah halka Cabdirxmaan Sheekh Cilmi Cawaale gudoomiyihii hore ee degmada Maxaaas lagu xukumay xabsi daa’in. Gudoomiyaha Maxkamadda Ciidamada Qalabka sida Somaliya Gaashaanle Xasan Cali Nuur Shuute ayaa ku dhawaaqay xukunka maxkamadda Ciidamada qalabka sida saaka ay riday. Goobjoog News Source: goobjoog.com

(SLT-Hargeysa)-Wasiirka wasaaradda warfaafinta, dhaqanka iyo wacyigelinta JSL Maxamed Muuse Diiriye ayaa xafiiskiisa kulan kula yeeshay madaxa xafiiska Ingiriiska ee Hargeysa Mr. Stuard Brown. Kulankaas ayaa ku saabsanaa xoojinta xidhiidhka wada shaqayneed ee wasaaradda warfaafinta iyo xafiiskaas, hirgelinta xeerka saxaafadda Somaliland oo meel gabo-gabo ah maraya, taageerida kulliyadda Saxaafadda ee jaamacadda Hargeysa iyo illaalinta xorriyadda saxaafadda Somaliland, waxaana kulankaas wasiirka ku wehelinaayay qaar ka mida agaasimeyaasha waaxyaha kala duwan ee wasaaradda warfaafinta. Mr. Stuard Brown, madaxa xafiiska Ingiriiska ee Hargeysa oo halkaas ka hadlay ayaa masuuliyiinta wasaaradda warfaafinta ku amaanay kaalinta ay kaga jirto dhamaystirka xeerka saxaafadda Somaliland iyo miisaaniyadda ay wasaaradda warfaafintu u qoondoondaysay kulliyada Saxaafadda labada sanno ee soo socda oo dhan, taas oo (Konton kun oo dollar ah), waxaanu sheegay in arrintaasi kaalin ka qaadan doonto kobcinta aqoonta saxafiyiinta Somaliland. Source

(SLT-Hargeysa)-Dawladda Itoobiya ayaa la sheegay inay gacanta ku dhigtay laba ka mid ah dablaydii habeen hore salaadii subax weerartay saldhiga degmada Borama ee gobalka Awdal. Sidaas waxa Geeska Afrika u xaqiijiyay ilo xogogaala. Dablaydan ayaa markii ay hawlgalka fuliyeen waxa ay qaarkood u talaabeen xuduudka Itoobiya ka dib markii ay hawlgal ay ku raad joogaan fuliyeen ciidamada ammaanka Somaliland, waxaana dawladda Itoobiya ay qabatay laba ka mid ah kooxda hubaysan ee u talowday, ka dib markii ay dawladda Somaliland ku wargelisay Itoobiya inay kooxdaasi u talowday xuduudkooda. Sida uu warkani sheegay dawladda Somaliland ayaa isla shalayba ka codsatay Itoobiya inay u soo gacangeliso labada xubnood ee ay qabatay. Kooxdan oo uu hawlgalkooda sheegtay Suldaan Wabar, ayaa waxa ay fuliyeen hawlgal kooban oo aan sababin wax khasaare ah, waana hawlgalkii u horeeyay ee ay fuliyeen tan iyo intii uu Madaxweyne Biixi qabtay talada Somaliland sannadkii 2017. Source

Maxkamadda Darajada Koowaad ee ciidamada Qalabka Sida ee dowladda Federaalka Soomaaliya ayaa saaka xukuno kala geddisan ku riday saddex eedaysane oo loo heysto in ay ka dambeeyeen qarax bishii April ee sanadkan lagu dilay guddoomiye ku xigeenkii degmada Maxaas ee gobolka Hiiraan Rashiid Cusmaan Cabdi. C/raxmaan Sheekh Cilmi Cawaale oo ahaa guddoomiyihii hore degmada Maxaas islamarkaana ku eedaysan in uu ku lug lahaa dilka guddoomiye kuxigeenkiisa Rashiid Cusmaan Cabdi ayaa maxkamaddu ku ridday xukun xabsi daa’in. Sidoo kale Maxkamadda Darajada Koowaad ee ciidamada Qalabka Sida waxay dil toogasho ku xukuntay eedaysane maqane ah Cali Axmed Guure Qoyane lagu eedeeyay in uu qeyb-kahaa kiiska islamarkaana ka tirsan yahay Al-Shabaab. Waxaa kale oo maxkamaddu dil toogasho ku ridday eedaysane Nuur Ibraahim Mahad Alle oo isna sida maxkamaddu sheeegtay lagu helay in uu ahaa ninkii goobta keenay qaraxii uu ku dhintay guddoomiye kuxigeenkii Maxaas. Maxkamadda ayaa sheegatay in ciddii aan ku qanacsanayn xukunka uu u furan yahay racfaan. Halkaan ka daawo muuqaalka oo dhan PUNTLAND POST The post Muqdisho: Maxkamada Ciidamada oo xukuntay guddoomihii hore ee degmada Maxaas iyo eedaysanayaal kale appeared first on Puntland Post.

(SLT-Hargeysa)-Suldaan Cabdilaahi Suldaan Cali Muuse, ayaa ka hadlay xaalada nabadgalyo ee dalka, waxaanu soo jeediyey in awooda la saaro sidii xaalada nabadgalyo ee dalka loo sugi lahaa, loona ilaalin lahaa, xilli doraad weerar ka dhacay Magaalada Boorama. Suldaan Cabdilaahi Suldaan Cali Muuse,oo u waramay Wargeyska Geeska Afrika ayaa ugu horeyn hadalkiisa ku bilaabay “Nabadgalyada oo la ilaaliya, waa waajib ina wada saaran, imaankii iyo amaankiina amaankii ayaa la horeeysiyey, waana hubaal in haddii amaanku meesha ka baxo in aanay Waxbarasho, Ganacsi iyo wax walba meesha ka baxayaan, markaas amaanka guud ee dalka ha la sugo, oo awooda la saaro sidii loo ilaalin lahaa, colaad iyo dagaalna faa’iido ay leeyihiin ma jiraan”. Mar uu ka hadlaayey xaalada Gobolada Barri ayaa yidhi “Xaalada Gobolada hadda wey roon yihiin, meel wacana hadda hawshu wey noo maraysaa, waxaana raynaynaa inshaha allaah inay wax walba si fiican noogu dhammadaan”. Source

Garoowe (Caasimada Online) – Madaxweynaha dowlad goboleedka Puntland, Mudane Siciid Cabdullaahi Maxamed (Deni) oo xalay ku hoyday Qardho ayaa kulamo ka bilaabay gudaha magaaladaasi, kuwaas oo looga hadlayo xaaladda amniga iyo arrimo kale. Deni ayaa xalay kulan gaar ah la qaatay guddiga amniga Qardho, waxaana Madaxweynaha ay uga warbixiyeen horumarada laga sameeyey amniga iyo xaaladda guud ee gobolka. Sidoo kale mas’uuliyiinta Qardho oo kulanka qeyb ka ahaan ayaa waxay Madaxweynaha uga warrameen hormarka ballaaran ee ka socda degmadaasi. Afhayeenka madaxtooyada Puntland, Jaamac Dabaraani oo la hadlay warbaahinta ayaa ka warbixiyey muhiimada kulankaasi iyo socdaalka Deni oo la filayo in deegaano kale uu ku gaaro, kuwaas oo ka tirsan maamulkaasi “Masuuliyiinta heer Gobol iyo heer Degmo ayaa kulan la qaatay Madaxweynaha, waxay uga xog-warameen xaaladda guud ee Gobolka Karkaar iyo kan Degmada, Saraakiisha Laamaha Amnigu waxay ka warbixiyeec n sida xaaladda Amni ay u wanaagsantahay, horumarada laga sameeyay dhinaca Amniga, Masuuliyiinta heer Degmo waxay ka warbixiyeen hormarka balaaran ee ka socda degmada Qardho.” ayuu yiri Dabaraani. Madaxweynaha Puntland oo shalay gaaray Qardho ayaa ujeedkiisu ahaa inuu xariga ka jaro dugsiga tababarka ciidamada ee Xorgoble oo dib u dhis lagu sameeyay, kaas oo uu shalay si rasmi ah u furay, Deni oo ka hadlay munaasabaddaasi ayaa sheegay in Puntland ay muhiimada 1-aad siinayso dib u dhiska iyo tayeynta ciidanka maamulkaasi. Caasimada Online Xafiiska Garoowe caasimada@live.com

Warar kala duwan ayaa ka soo baxaya weerar saaka dagaalyahanno ka tirsan Al-Shabaab ay ku qaadeen deegaan dhaca xadka dalalka Soomaaliya iyo Kenya. Weerarka oo ahaa mid qorsheysan ayaa waxaa lagu ekeeyey saldhig ciidamada Booliska Kenya ay ku leeyihiin deegaanka Dhadajabuuko oo u dhow Libooya. Ugu yaraan illa saddex qof oo labo ka mid ah ay ahaayeen Maxaabiis ayaa ku dhintay weerarkaasi, halka qofka kale ay aheyd Haweeney ka agdhaweyd goobta. Ma jiro weli wax hadal ah oo ka soo baxay labada dhinac oo ku aadan weerarkaasi iyo khaaaraha rasmiga ah ee ka dhashay. Inta badan Al-Shabaab ayaa weeraro xoogan ka fulisa gudaha Kenya, gaar ahaan deegaanada dhaca xadka Soomaaliya. View the full article

(SLT-Hargeysa)-Xisbiga WADDANI Oo Soo Bandhigay Muuqaalka Cabdirashiid Riyo-raac Oo Dhex Fadhiya Shirkii KULMIYE Ee Boorama, Halkan hoose ka DAAWO Source

Maxkamadda ciidamada qalabka sida ayaa saaka xukuno kala duwan ku riday mas’uuliyiin hore oo ka tirsan maamulka degmada Maxaas ee gobolka Hiiraan. Cali Axmed Guure (Qoyane) iyo Nuur Ibraahim Mahad Alle ayaa lagu wada xukumay dil toogasha ah halka Cabdirxmaan Sheikh Cilmi Cawaale gudoomiyihii hore ee degmada Maxaaas lagu xukumay xabsi daa’in. Dhammaantood waxaa loo heystaa Qarax uu ku dhintay Guddoomiye ku xigeenkii degmada Maxaaas Rashiid Cusmaan Cabdi qaraax oo degmada ka dhacay 19/04/2019ka. View the full article

(SLT-Washington)-Aqalka Wakiillada Mareykanka ayaa xalay cod aqlabiyad leh si rasmi ah xasuuq ugu aqoonsaday, dil-wadareedki ay Imbaraatooriyaddii Cusmaaniyiinta u geystay Armeeniyiinti ku nooleyd Anatoliya oo hadda dhulka loo yaqaano Turkey. Ilaa iyo 405 mudane ayaa haa ugu codeysay, halka 11 kaliyah ay ka aamuseen ama diidday. Waxana tallaabadan loo arkaa mid uu goluhu jawaab ugu dirayo Turkiga oo ku dhawaad hal qarni diidanaa in wixii ku dhacay dadki reer Armenia ayna aheyn xasuuq. Inkasta oo ay madaxweynayaal hore oo Mareykan ah ay dikreetooyin ku aqoonsadeen in uu xasuuq ku dhacay dadka reer Armenia, hadana waxay noqotay markii ugu horreysay oo uu Koongareeska Mareykanka si aqlabiyad leh u aqoonsado. Lama oga inuu Golaha Senetka ku waafaqi doono iyo in kale. Wasiirka Arrimaha Dibadda Turkiga Mevlut Cavusoglu ayaa markiiba cambaareeyay tallaabadan, ku tilmaamay go’aan ceeb ah oo aanan sinnaba ugu cuntamin shacabka iyo dowladda Turkiga. Wuxuu intaasi ku daray in qaraarka Koongareeska uu yahay mid ay dowladda Turkiga kaga aar-gudanayaan duullaanka ay Ankara ku qaadday waqooyiga Suuriya. Taariikhyahannada ayaa sheegaya in ku dhawaad 1 milyan iyo 500 oo kun oo Armeeniyiin ah ay ku dhinteen gacanta Khilaafadi hore ee Islaamka ee Cusmaaniyiinta inti u dhaxeysay 1915-ki ilaa 1923. Turkiga ayaa ku andacooda in dadkaasi ay ka mid ahaayeen malaayiinti ku dhimatay dagaalki 1-aad ee dunida, sidoo kalana ay intooda badani ku dhinteen gacanta ciidamadi Ruushka ee qeybta ka ahaa dagaalki 1-aad ee dunida. Source

Xildhibaan Cabdirisaaq Cumar Maxamed oo horay u ahaa wasiirkii amniga Soomaaliya aayaa eedeyn culus u jeediyey madaxda dowladda Soomaaliya. Cabdirisaaq oo la hadlay Shabelle ayaa sheegay in dowladda ay ka gaabisay wax ka qabashada dhibaatooyinka ka jira deegaanada maamulka HirShabelle. Sidoo kale wuxuu tilmaamay in dowladda looga fadhiyo inay deg deg gurmad ku gaarsiiso dadka Soomaaliyeed ee ku dhibaateysan gobolka Hiiraan. Halkan hoose ka dhageyso Codka. https://www.radioshabelle.com/wp-content/uploads/2019/10/cos-1.mp3 View the full article

Muqdisho (SMN) – Halkaan ka Dhageyso Warka Subax ee Idaacadda Shabelle. Hoos riix si aad u dhageysato. https://www.radioshabelle.com/wp-content/uploads/2019/10/Warka-Subax-30102019-ww.mp3 View the full article

Madaxweynaha Dowladda Puntland, Siciid Cabdullaahi Deni oo ku sugan magaaladda Qardho ee xarunta Gobolka Karkaar, ayaa caawa kulan la qaatay Guddiga Amniga ee Gobolka Karkaar. Afhayeenka Ahna Agaasimaha Warfaafinta Madaxtooyada Dowladda Puntland Mudane, Jaamac Dabaraani ayaa ka warbixiyey Kulanka uu Madaxweynuhu la yeeshay Guddiga Amniga ee Gobolka Karkaar. “Masuuliyiinta heer Gobol iyo heer Degmo ayaa kulan la qaatay Madaxweynaha, waxay uga xog-warameen xaaladda guud ee Gobolka Karkaar iyo kan Degmada, Saraakiisha Laamaha Amnigu waxay ka warbixiyeen sida xaaladda Amni ay u wanaagsantahay, horumarada laga sameeyay dhinaca Amniga, Masuuliyiinta heer Degmo waxay ka warbixiyeen hormarka balaaran ee ka socda degmada Qardho ” Ayuu yiri Afhayeen Jaamac Dabaraani. Hoos ka daawo muuqaalka PUNTLAND POST The post Madaxweynaha Puntland Oo Kulan La qaatay Guddiga Amniga Ee Gobolka Karkaar appeared first on Puntland Post.

Muqdisho (Caasimada Online) – Maxkamadda darajada 1-aad ee ciidamada qalabka sida ayaa saaka xukun adag ku riday eedeysanayaal uu ku jiro guddoomihii hore degmada Maxaas ee gobolka Hiiraan, Cabdiraxmaan Sheekh Cilmi Cawaale. Kiiskan oo muddo soo jiitamayey ayaa ku qotomay qarax lagu dilay guddoomiye ku xigeenkii amniga ee degmadaasi, marxuum Rashiid Cusmaan Cabdi, kaas oo dhacay 19/04/2019-ka. Maxkamadda ciidamada ayaa Cali Axmed Guure (Qoyane) oo maqane ah laguna Eedeeyey in uu ka tirsan yahay Al-Shabaab iyo Nuur Ibraahim Mahad Alle ku wada xukuntay dil toogasho ah, halka guddoomihii Maxaas, Cabdiraxmaan Sheekh Cilmi Cawaale lagu xukumay xabsi daa’in. Sidoo kale maxkamadda ayaa intii ay socotay dacwadda loo heystay raggan soo bandhigtay caddeymo iyo codad la duubay oo muujinaya inay ku lug lahaayee qaraxa lagu dilay mas’uulkaasi. Eedeysanayaashan la xukumay ayaa heysta fursad kale oo ay ku qaadan karaan Rafcaan, sida ay sheegtay maxkamadda ciidamada qalabka sida Soomaliya Waa markii ugu horreysay oo kiis noocaan ah ay qaado maxkamadda ciidamada, laguna helo dambi dil ah mas’uul sare oo si hoore xiriir ula lahaa kooxda Al-Shabaab. Caasimada Online Xafiiska Muqdisho caasimada@live.com