(Bloomberg) -- Somalia’s breakaway Somaliland region vowed to push ahead with controversial plans to lease part of its territory to Ethiopia and criticized Turkish efforts to mediate an end to a standoff over the deal. Source: Hiiraan Online

Tokyo (Caasimada Online) – Ra’iisul-wasaaraha Japan Fumio Kishida ayaa Arbacadii sheegay inuu xilka ka degi doono bisha soo socota, isaga oo eersaday fadeexooyin siyaasadeed iyo sare u kaca maciishada ee Japan oo cirka ku jirtay muddadi saddexda sano ee uu xilka hayay. Ku dhawaaqista lama filaanka aheyd ee Kishida, ee ah in uusan u tartami doonin doorashada hoggaanka xisbigiisa ee bisha September, ayaa waddada u xaartay in Japan ay yeelan doonto ra’isulwasaare cusub. Kishida ayaa loo doortay hogaamiyaha xisbiga talada haya ee Liberal Democratic Party kaddibna noqday ra’isul-wasaaraha dalka sannadki 2021. Qofki ku soo baxa xilka hogaamiyaha xisbiga ayaana noqon doona ra’iuslwasaaraha soo socda ee Japan. Wasiirki hore ee gaashaandhiga Shigeru Ishiba oo markiiba shaaciyay in uu diyaar u yahay hogaanka sare ee Japan, haddii uu helo kalsoonida xisbiga talada haya. Waxaa sidoo kale xilka ra’isulwasaaraha isu soo taagay, wasiirka arrimaha dibadda Japan haweeneyda la yiraahdo Yoko Kamikawa, wasiirka arrimaha dijitalka Taro Kono, iyo wasiirki hore ee deegaanka Shinjiro Koizumi. VOA The post Ra’iIsul-wasaaraha JAPAN oo xilka ka dagaya appeared first on Caasimada Online.

Jilib (Caasimada Online) – Horjoogihii kooxda Al-Shabaab ugu magacownaa waxa ay ugu yeeraan Xisbada ama Jamhadaha ayaa xalay geeriyooday, sida ilo wareedyo xog-ogaal ah ay u xaqiijiyeen Caasimada Online. Ninkaas oo ahaa caan, kana soo jeeday degmada Cadaado ee gobolka Galgaduud waxaa lagu magacaabi jiray Xasan Caweer Cali Mataan. Horjooge Xasan Caweer ayaa u geeriyooday xanuun muddo ka hayey wadnaha, waxayna saameyntaan ka soo gaartay dhaawac ay horay ugu geysteen ciidanka Qaranka. Xasan Caweer Cali Mataan ayaa Al-Shabaab ka tirsanaa dhowr iyo tobankii sano ee lasoo dhaafay, wuxuuna caan ka ahaa gobollada dhexe, gaar ahaan Mudug iyo Galgaduud oo uu kasoo jeedo. Wuxuu ka dhashay beesha Saleebaan ee Habargidir, qof kasta oo reer Cadaado ama deegaanada kale ee Galmudug ku nool waa yaqaan ninkaan, wuxuuna ahaa nin dadka uu yaqaan soo waca oo u hanjaba. Xoolo baad ah ayuu ka qaada jiray dadka ka cabsada hanjabaadiisa, mararka qaarka wuxuu dadka u dhigi jiray dabino ay Shabaab ku dilayaan, maadaama uu kooxda ka ahaa horjooge weyn, waa ninkii Xarardheere geeyey Odayaashii Saleebaan ee markii dambe dowladda u soo gacan galay, kuwaas oo la maxkamadeeyey xabsina lagu xukumay. Horjooge Xasan Caweer oo muddooyinkaan xanuunsanaa sida xogtaani ay sheegeyso ayaa mar si dhuumaaleysi ah lagu geeyey Hargeysa, halkaas oo lagu soo daweeyey, kadibna waxaa la geeyey degmada Jilib ee gobolka Jubbada Dhexe. Ugu dambeyntii xalay ayuu horjooge Xasan Caweer u geeriyooday xanuunkii ka hayey wadnaha ee ilaa Hargeysa loo geeyey, waxaana maanta aad u farxay qof kasta oo yaqiinay ninkaas oo ahaa mid dhib badan oo beegsada qof kasta oo uu yaqaano. The post Xog: Horjoogihii ugu caansanaa Shabaab-ka gobollada dhexe oo geeriyooday appeared first on Caasimada Online.

Muqdisho (Caasimada Online) –Madaxweynaha hore ee Soomaaliya Maxamed Cabdullaahi Farmaajo ayaa qoraal ka soo saaray dhibaatada heysata dhalinyarada ku shaqeysata Mooto Bajaaj-ta ee ka howlgasha Muqdisho. Farmaajo ayaa sheegay in dhalinyaradaas oo banaanbaxyo ka dhigeysay Muqdisho labadii maalmood ee lasoo dhaafay ay mudan yihiin in la garab istaago. “Dhallinyarada Soomaaliyeed ee aaminay dalkooda, kuna shaqeynaya duruufaha adag, gaar ahaan xoogsatada Bajaajka, waxay mudan yihiin garab istaag iyo in laga fududeeyo culaysyada iyo canshuuraha ay ka cabanayaan,” ayuu yiri Farmaajo. Sidoo kale, Madaxweyne hore Farmaajo wuxuu sheegay in ciidamada dowladda ay rasaas u adeegsadeen dhalinyaradaas, isla markaana ay jiraan qaar dhaawacyo loo geystay, isagoo taasi ku tilmaamay wax laga xumaado oo niyad jebinaya dhalinyaradaan dalkooda ka shaqeysta. “Dhibaatada iyo dhaawacyada maanta loo gaystay xilli ay Muqdisho si nabad ah ugu soo bandhigayeen cabashadooda waa mid aan la aqbali karin oo niyad jab ku noqonaysa hammiga dhallinyarada Soomaaliyeed ee u istaagay dib u dhiska dalkooda,” ayuu Farmaajo qoraalkiisa ku yiri. Madaxweynihii hore ee dalka, wuxuu dalbaday in loo gurmado dhalinyarada lagu dhaawacay rasaastii ciidamada qaranka, sidoo kale dowladda ayuu ugu baaqay inay mudnaan gaar ah siiso cabashada ka soo yeertay dhalinyarada. “Alle waxaan ka baryayaa in uu u booga dhayo dhallinyaradeenna ku dhaawacmay rasaasta maanta lagu wajahay cabashadooda, waxaanna ugu baaqayaa Hay’adaha Dowladda in ay mudnaan siiyaan daryeelka caafimaad ee dhallinyaradan oo nolol-maalmeedkoodu ku tiirsanaa xoogsigooda maalin laha ah,” ayuu yiri. Maxamed Cabdullahi Farmaajo oo intii uu xukunka joogay dhegaha ka fureystay dadka reer Muqdisho oo duruufo adag soo maray ayaa hadda hadalkiisa loo arkaa ‘kaar ku xogasho.’ The post Farmaajo oo war culus ka soo saaray tacadiga ay DF ku heysto Bajaaj-leyda Muqdisho appeared first on Caasimada Online.

Murashaxa Madaxweynaha xisbiga WADDANI Dr Cabdiraxmaan Maxamed Cabdillaahi Cirro ayaa Xafiiskiisa ku soo dhaweeyey Siyaasi Cali Axmed Cali oo ka tirsanaa Xisbiga KULMIYE,Kaas oo si rasmi ugu soo biiray Xisbiga Rejada shacabka Somaliland ee WADDANI. Kulanka Waxa Murashaxa Ku Wehelinayaayey Xildhibaan Barkhad Maxamed Hurre Oo Ka Tirsan Golaha Wakiilada Soomaliland , Salaadiin, Aqoonyahano, Siyaasiyiin Iyo Waxgarad Musharraxa Madaxweyne ee Xisbiga WADDANI Dr Cabdiraxmaan Maxamed Cabdillaahi Cirro ayaa uga mahadnaqay siyaasi Cali Axmed Cali ku biiritaanka uu ku soo biiray Xisbiga WADDANI Iyo Sidii Isbadalka Diyaarka Ugu Yahay Qaran News

Mogadishu (HOL) – Security forces clashed with auto-rickshaw drivers protesting against a recent increase in license taxes in Mogadishu over the past two days. Source: Hiiraan Online

Jowhar (Caasimada Online) – Madaxweynaha dowlad-gboleedka HirShabelle Cali Guudlaawe ayaa maanta qaaday tallaabo muhiim ah, isaggoo guddoomiyey shir loogu gurmanayo ganacsatadii ku hanti beelay dabkii ka kacay suuqa magaalada Jowhar ee xarunta maamulkaas. Kulankaan ayaa waxaa goobjoog ka ahaa madaxweyne ku-xigeenka HirShabelle Yuusuf Dabageed, guddoomiyaha hay’adda SODMA Maxamuud Macalin, waxaana Warbixino looga dhageystay wasiirada arrimaha guddaha, ganacsiga, gargaarka iyo sidoo kale guddiga ganacsatada dhibka gaaray. Guddoomiyaha hay’adda maareynta masiibooyinka qaranka ee (SODMA) Maxamuud Macalin ayaa kulankaan ka sheegay sababta ay u yimaadeen magalaada Jowhar inay tahay uruurinta xogta musiibadii dhacday iyo qaabkii loo sameyn lahaa gurmad loo dhanyahay. Madaxweyne Cali Guudlaawe oo goobta ka hadlay ayaa sheegay dadka ku ganacsanayay suuqa hanti-wadaag ay soo gaartay dhibaato weyn oo ay ku ceytoobeen dabkii ka kacay suuqa. “Dadkii ku hanti beelay suuqa Hanti-wadaag ee magaalada Jowhar, hadda waa ceyr aan waxba heysan, anaga iyo hay’adda SODMA waxaan u istaagnay in si deg-deg ah loogu gurmado dadkaas, sidoo kale waxaana dalbaneynaa in la garab istaago dadka masaakiinta ah ee ku hanti beelay musiibada,” ayuu yiri madaxweynaha HirShabelle Cali Guudlaawe. Dhinaca kale, guddoomiyaha SODMA iyo wafdiga uu horkacayo ayaa booqday suuqa Hanti-wadaag, wuxuuna soo indho-indheeyay baaxada dabkii baabi’iyay hantida ganacsatada suuqaasi, oo uu saameyn ballaaran kasoo gaaray. Guddoomiyaha ayaa sidoo klae suuqa kula kulmay qaar kamid ah ganacsatadii ku hantibeelay dabkaas, oo la sheegay inuu sababay in ay baa ba’aan 500 oo goobo ganacsi ah. The post Sawirro: Guudlaawe oo qaaday tallaabo muhiim kadib dabkii baabi’iyey suuqa Jowhar appeared first on Caasimada Online.

Bismilahi Maamulaha Villa Somalia Xassan Sheikh Oo u guntaday sidii Colaad lagu Hoobto Uu uga Ridi lahaa Geeska Africa si Uu ugu qariyo Jabka ka Soo gaadhay Dagaaladii Dalkiisa gudahiisa ka socday iyo Dildilaaca ku yimid Dalkii Uu Madaxweynaha u Ahaa Ee Somalia, iyo Shacabkii Dhulkaa ku Noolaa oo ku dhamaaday Qaraxyo Iyo Dil aanay garaneyn goor ay ka baxayaan. Odey Xassan oo ay ka dhamaatay Balas-Balastii ayaa Maantana u Cararay Masar. Hadaba isweydiintu waxay tahay hadii Uu shalay Dawlaha Qaarkood ka iibiyey Badda iyo Hawada Somalia iyo dhamaan kheyraadkii ku jiray muxuu Maanta Doonayaa in Uu ka iibiyo Masar si ay uga qaybgasho Dagaal Cusub oo Dadka Somalia intii Hadhay ay ku Hoobtaan. Waxase Muuqata in Uu Dowlada Masarna ku Wareejinayo Labadii Wabi Ee Hadhay Juba Iyo Shabeele Maadaama ay Masaaridu ku wanaagSan tahay Wax Beerista si ay uga Soo kabato biyo yaraanta ka Soo wajaday Wabiga Nile Waxaanse u Soo Jeedin lahaa Xassan sheikh Maamulaha Villa Somalia in Uu isdaba qabateeyo oo Uu ka waantoobo waxaan waxba uga suuroobeynin. Waayo Heshiisyada ay wada galeen Somaliland iyo Ethiopia waa Heshiisyo Laba Diwladood ay wada galeen . Meel kaaga banaanina ayna jirin Intaasina Fadeexad iyo Fashilaad kuugu filan Ee ku Noqo Gurigaaga Gubanaya, Ee Xasuuqu ka socdo kuna Dadaal sidii aad ku Bakhtiin lahayd ama aad Kula heshiin lahayd kuwa aad is dileysaan. Ummadda Reer Somalilandna waxaad u Caddeysay in Cadowga kaliya Ee ay leeyihiin yahay Maamulka aad Maxdaxda aad ka tahay. Ali Mahamed Waranade Qaran News

Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, ayaa xafiiskiisa ku qaabilay sii hayaha safaaradda Suudaan ee Soomaaliya, Mudane Kamal Fathurahman. Labada dhinac ayaa ka wada hadlay xoojinta xiriirka ka dhexeeya labada dal ee walaalaha ah, iyagoo isla gartay in la sii xoojiyo iskaashiga iyo wadashaqeynta labada dhinac. Ra’iisul Wasaaraha ayaa carrabka ku adkeeyay sida ay dowladda iyo shacabka Soomaaliyeed uga xun yihiin xaaladda ka taagan Suudaan, wuxuuna xaqiijiyay in Dowladda Federaalka Soomaaliya ay garab taagan tahay walaalahooda Suudaan, iyagoo diyaar u ah inay ka qeyb-qaataan dadaallada nabadeynta iyo dib-u-heshiisiinta ee dalkaas. Source: goobjoog.com

Jabuuti (Caasimada Online) – Wasiirka arrimaha dibadda dalka Jamhuuriyadda Jabuuti, Maxamuud Cali Yuusuf ayaa markii ugu horreysay si faah-faahsan uga hadlay arrimo ku aadan xiisadda Soomaaliya iyo Itoobiya iyo wada-hadallada hadda u bilowday. Maxamuud Cali Yuusuf ayaa shaaciyay xog cusub oo ku aadan wada-hadallada u socda Addis Ababa iyo Muqdisho, wuxuuna sheegay in dowladdiisa ay horay isugu deyday inay dhex-dhexaadiso labada dhinac, balse aysan dhicin isaga oo sababta ka gaabsaday. Sidoo kale wuxuu rajo xumo ka muujiyay wada-hadallada Ankara ee markii labaad fashilka kusoo dhammaaday, wuxuuna xusay in aanu Turkuga ku guuleysan doonin xalinta xiisadda ka dhalatay heshiiska badda, sida uu hadalka u dhigay. Wasiirka arrimaha dibadda Jabuuti ayaa carabka ku adkeeyay in xalka uu ku imaan karo in mid kamid ah labada dowladood ee is haya ay ka tanaasusho mowqifkeeda. “Waxaan isku-daynay in aan wadahadal u qabno Soomaaliya iyo Itoobiya balse ma dhicin mana sheegayo sababta. Turkiga isagana kuma guuleysan doono. Xalka waxa uu ku jiraa in labada dal midkood uu ka tanaasulo mowqifkiisa” ayuu yiri wasiirku. Hadalkan ayaa kusoo aadayo, ayada oo shalay lagu kala tegay shirkii Ankara ee u dhexeeyay Soomaaliya iyo Itoobiya, kaas oo soo idlaaday natiijo la’aan, waxaase lagu ballamay in mar kale lagu isugu yimaado wareeg 3-aad oo dhacaya bisha soo socota. Sida ay ogaatay Caasimada Online, dhinacyada ayaa isku mari waayey qodobo ay kamid yihiin soo afjarida is-afgaradkii Somaliland iyo waxa xigga, iyada oo dowladda federaalka Soomaaliya ay ku adkeysatay mowqifkeeda ku aadan damaca Itoobiya ee badda. Wasiirka Arrimaha Dibedda iyo Iskaashiga Caalamiga ee Soomaaliya Mudane Axmed Macallin Fiqi oo hoggaaminayay wafdiga dowladda federaalka ee wada-hadalladaasi ayaa sheegay in Soomaaliya ay caddeysay mowqifkeeda ku aadan dhowrista qaranimada iyo madaxbanaanida dhuleed ee Jamhuuriyadda Federaalka Soomaaliya oo uu Wasiirku ku tilmaamay lama taabtaan. The post Jabuuti oo arrimo xasaasi ah ka shaacisay wada-hadallada Soomaaliya iyo Itoobiya appeared first on Caasimada Online.

Safarka Muuse ee bariga sheekooyin badan baa ka soo baxay, dad badani na si maadsi ah ayay u eegayaan waxa dhacaaya. Qaybta u gu maadda badnayd waxa ay ahayd markii uu ku hakaday Qoyta oo Shiikh iyo Burco u dhexaysa. “Ina Kaahinoow dadkan aad soo guraysaa maxay yihiin.” ayuu Muuse yidhi. Intii la qarinaayay ee Kulmiye na ay ka murmaayeen, oo ah in ay koox dad ah hadba meel u daad guraynayaan, si ay u mujiyaan in dadweyne soo dhaweeyay Muuse, ayuu kashifay. War ilayn aff aanad lahayn ma qabatid, ayay odayaashu odhan jireen marka ay halkaas oo kale arimuhu ka cago taagaan. Burco waad aragteenba in aanay cidina is ku hawlin u carcarar ka Muuse. Kaahin iyo Biixi ba ceeb ayay ku tahay in ay si baraad la’aan ah isaga socdaan, oo wixii ay fashil soo hooyeen ay is dhego mariyaan, oo kolba meel is ku soo sawiraan iyaka oo ciyaalka la boodboodaaya. Burco – cod midaysan ayay ku tidhi: – Hadda shalay ma dheerayn; – Waxa dhacay ma fududayn! Maxamed Haaruun Biixi Qaran News

Washington (Caasimada Online) – Waaxda caddaaladda ee Maraykanka ayaa sheegtay in Sarkaal la shaqaynayey waaxda sirdoonka ee ciidamada Mareykanka uu qirtay inuu dal kale ka iibiyay sirta ciidamada. Sarkaalkan oo lagu magacaabo Korbein Schultz ayaa qirtay eedo lagu soo oogay oo ahaa inuu sirta ciidamada Maraykanka ka iibiyey dalka Shiinaha, sida ay shaacisay waaxda cadaaladda ee Mareykanka. Schultz ayaa bishii March lagu soo oogay dacwad ah inuu maleegayay inuu gudbiyo macluumaad la xidhiidha difaaca qaranka ee Maraykanka iyo inuu debedda u diro agab iyo macluumaad la xidhiidha arrimaha difaaca isaga oo aan haysan ruqsadda uu ku dhoofin karayey. Sidoo kale waxaa loo haystaa inuu laaluushay qaar ka mida saraakiisha dawladda. Sarkaalkan oo haystay heerka sare ee ogaanshaha sirta qaranka (top secret clearance) ayaa xidhiidh soke la sameeyey qof ku nool Hong Kong, kaas oo loo malaynayo inuu xidhiidh dhow la leeyahay xukuumadda Shiinaha. Sarkaalkan ayaa ninkaas kala shaqaynayey in la ururiyo macluumaad ku saabsan sirta ciidamada difaaca ee Maraykanka oo ay ku jiraan macluumaad la xidhiidha xogta qarsoon. Sidoo kale waxaa macluumaadka sirta ah qeyb ka ahaa agabka xasaasiga ah ee arrimaha difaaca la xidhiidha, iyada oo lagaga bedelanayo, lacag la siinayey sarkaalkan, sida ku cad waraaqda qiraalka ee uu sameeyey. Sarkaalkan ayaa la siiyey illaa $42,000 si uu xogahan u ururiyo, sida ay sheegtay waaxda caddaaladdu. Waxaa la filayaa in xukunkiisa lagu dhawaaqo bisha January ee soo socota. The post Xogta sarkaal Mareykan ah oo qirtay inuu sir xasaasi ah ka iibinayey dalka… appeared first on Caasimada Online.

Markab dagaal oo ciidamada Badda ee dalka Turkiga ay leeyihiin, laguna magacaaboTCG KINALIADA ayaa gaaray dalka Jabbuuti, isaga oo ku guda jira howlgal uu ka wado Badda-cas iyo xeebaha Soomaaliya, ka dib heshiiskii ilaalinta Badda ee Dowladda Federaalka Soomaaliya la saxiixatay Turkiga. Dowladda Soomaaliya ayaa Turkiga la gashay heshiis dhinaca difaaca Xeebaha ah oo muddo toban sanadood ah socan doona, islamarkaana lagu xaqiijinayo nabad-gelyada badda Soomaaliya xilli ay Itoobiya ay hannaan gardarro ah ku doonayso inay ku qaadato qeyb kamida badda JFS. Socdaalka markabkan ayaa ku soo beegmaya xilli wada-hadalladii magaalada Ankara uga socday Soomaaliya iyo Itoobiya ay is mari-waa ku soo dhammaadeen, islamarkaana Xukuumadda Abii Axmed ay weli ay ka war wareegayso inay ka laabato is afgaradkii Soomaaliland. Source: goobjoog.com

Taliyaha Ciidanka Xoogga dalka Soomaaliyeed S/Gaas Ibraahim Sheekh Muxudiin ayaa xarunta Taliska Ciidanka Xoogga Dalka kulan kula qaatay safiirka Dowladda ingiriiska u fadhiya Soomaaliya Michael Nithavrianakis. Taliyaha Ciidanka xoogga Dalka Soomaaliyeed ayaa Safiirka UK ee Soomaaliya kala hadlay qorshaha dhismaha ciidanka xoogga, dib u habeynta xerooyinka Ciidanka iyo sare u qaadista taageerada Dowladda UK ee dhanka Milateriga. Dowladda Ingiriiska kamida ah saaxiibada Dowladda Federaalka Soomaaliya, waxayna ka taageertay tababarka ciidamada iyo arrimaha diblomaasiyadda, ayadoo kaalin weyn ku lahayd in Cuna-qabatayntii hubka ee mudda dheer saarnayd. Source: goobjoog.com

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa maanta shir muhiim ah la yeeshay Madaxweynaha dalka Masar, Mudane Cabdulfataax Al-Siisi, iyagagoo ka wadahadlay arrimo dhowr. Shirka, oo ka dhacay magaalada Qaahira, ayaa waxaa ka qeyb-galay Wasiirro ka tirsan labada dowladood, kuwaas oo qeyb ka ahaa wada-xaajoodyadii lagu gaari lahaa heshiisyada muhiimka ah ee iskaashiga difaaca iyo amniga ee Soomaaliya iyo Masar. Labada Madaxweyne ayaa si wadajir ah u xaqiijiyay in iskaashiga difaac ee u dhexeeya Soomaaliya iyo Masar uu yahay tallaabo muhiim ah oo kor loogu qaadayo amniga iyo xasilloonida gobolka. Heshiiskan cusub ee difaaca ayaa waxa uu dhabbaha u xaari doonaa iskaashi dhow oo ay yeelan doona wasaaradaha difaaca iyo amniga labada dal, waxaana lagu balamay in la fuliyo qorsheyaal wadajir ah oo lagu xoojinayo awoodda difaaca iyo amniga ee Soomaaliya. Kulanka kaddib, Madaxweyne Xasan Sheekh Maxamuud iyo Madaxweyne Cabdulfataax Al-Siisi ayaa qabtay shir jaraa’id oo ay uga warbixiyeen nuxurka heshiiska la gaaray iyo qorshayaasha mustaqbalka ee labada dal. Labada Madaxweyne ayaa adkeeyey muhiimada ay leedahay xoojinta xiriirka labada waddan ee walaalaha ah iyo iskaashiga dhinacyada kala duwan, iyagoo ka hadlay arrimo kale oo muhiim ah oo saameyn ku leh gobolka iyo xasilloonida qaaradda. Source: goobjoog.com

Qaahira (Caasimada Online) – Madaxweynaha Jamhuuriyadda Federaalka Soomaaliya Xasan Sheekh Maxamuud ayaa maanta shir muhiim ah la yeeshay Madaxweynaha dalka Masar Cabdulfataax Al-Siisi. Shirka oo ka dhacay magaalada Qaahira ayaa waxaa ka qeyb-galay Wasiirro ka tirsan labada dowladood, kuwaas oo qeyb ka ahaa wada-xaajoodyadii lagu gaari lahaa heshiisyada muhiimka ah ee iskaashiga difaaca iyo amniga ee Soomaaliya iyo Masar. Labada Madaxweyne ayaa si wadajir ah u xaqiijiyay in iskaashiga difaac ee u dhexeeya Soomaaliya iyo Masar uu yahay tallaabo muhiim ah oo kor loogu qaadayo amniga iyo xasilloonida gobolka. Heshiiskan cusub ee difaaca ayaa waxa uu dhabbaha u xaari doonaa iskaashi dhow oo ay yeelan doona wasaaradaha difaaca iyo amniga labada dal ee Soomaaliya iyo Masar. Sidoo kale waxaa lagu balamay in la fuliyo qorsheyaal wadajir ah oo lagu xoojinayo awoodda difaaca iyo amniga ee Soomaaliya. Kulanka kaddib, madaxweyne Xasan Sheekh Maxamuud iyo Madaxweyne Cabdulfataax Al-Siisi ayaa qabtay shir jaraa’id oo ay uga warbixiyeen nuxurka heshiiska la gaaray iyo qorshayaasha mustaqbalka ee labada dal. Labada Madaxweyne ayaa adkeeyey muhiimada ay leedahay xoojinta xiriirka labada wadan ee walaalaha ah iyo iskaashiga dhinacyada kala duwan, iyagoo ka hadlay arrimo kale oo muhiim ah oo saameyn ku leh gobolka iyo xasilloonida qaaradda. The post Soomaaliya iyo Masar oo kala saxiixday heshiiska difaaca iyo amniga + Sawirro appeared first on Caasimada Online.

454883751_515529584346396_5762600898096008414_n Qaran News

Muqdisho (Caasimada Online) – Waxaa shalay natiijo la’aan kusoo dhammaaday wada-hadalladii u socday Soomaaliya iyo Itoobiya ee ka dhacay magaalada Ankara, kaas oo uu dhex-dhexaadinayay Turkiga, si xal loogu helo xiisadda badda ee labada waddan. Sida ay ogaatay Caasimada Online, dhinacyada ayaa isku mari waayey qodobo ay kamid yihiin soo afjarida is-afgaradkii Somaliland iyo waxa xigga, iyada oo dowladda federaalka Soomaaliya ay ku adkeysatay mowqifkeeda ku aadan damaca Itoobiya ee badda. Wasiirka Arrimaha Dibedda iyo Iskaashiga Caalamiga ee Soomaaliya Mudane Axmed Macallin Fiqi oo hoggaaminayay wafdiga dowladda federaalka ee wada-hadalladaasi ayaa sheegay in Soomaaliya ay caddeysay mowqifkeeda ku aadan dhowrista qaranimada iyo madaxbanaanida dhuleed ee Jamhuuriyadda Federaalka Soomaaliya oo uu Wasiirku ku tilmaamay lama taabtaan. Waxaa wareeg 3-aad oo wadahadal ah loo balansan yahay bisha September, sida ay shaacisay Dowladda Turkiga. Haddaba sidee looga facleliyay? Qaar kamid ah dadweynaha Soomaaliyeed ee isticmaala baraha bulsada ayaa aragtiyo kala duwan ka bixiyay wada-hadallada fashilmay iyo wareegga 3-aad ee la balamiyay. Deeq Cali “Wareega 3-aad waxay ila tahay Ethiopia ayaa gaartay guusha labadii kulan ee Ankara ee ila meeraysada ahaa waayo waxay caalamka u tusaysaa in ay wada-hadal ka gali karto bad iyo bari aysan waxba kulahayn oo haday doontana heliba karto sidaas darteed UN-ta iyo AU-da cadaadiska ka daayaan maadama wadahadalba laga gali karo Madaxbanaanida Somalia”. Maxamed Careys “Aniga waxaan fahmi la ahay waxaan wada-hadal kala galeyno Itoobiyo ugu horeyn markan wada-hadal kala galeyno baddeena taas micnaheeda waxay lamid noqoneysaa aniga fikirkeyga in Itoobiya bada inala leedahay muranna uu inooga dhax taagan yahay”. Najma Binjadiid “Aad ayu ugu mahadsanyihiin shaqada wanaagsan ee aad soo qabateen sidaasi iyo si ka wanaagsan ayan ka rajeyneynaa,”. Cabdullahi Muuse “Wareega saddexaad waxa uu noqon doona mid aan Ethiopia kaga guuleysano oo aan ku bururburino heshiiski omalilnd iyo Ethiopia. Somalia badeeddu iib maaha”. Maxamed Xuseen “Waxaaba qalad ah in wada-hadal lala furo Ethiopia marka hore raaligelin haka bixiso MoU-gii sharci darada ahaan ee ay la gashay maamulka Muuse Biixi markay ka laabatana la yiraahdo bad kuuma haynee Eritrea ka doono bad”. Ismaaciil Cabdiraxiin “Yaab waayay oo hadda ma baddeena aan wada-hadal iyo dood ka galeeynaa arrintan ma fahmin illaa hadda?”. Cabdi-deeq Cali “Ereyga wada-hadal mesha ha laga saaro maxaan ka wada-hadleynaa o meesha yaalo ma badda Soomaaliyeed?”. Maxamed Cali “Ma xadgudubkii cadaa ayaa wareeg labaad iyo sadexaad loo qabtay oo gorgortan baddeena ah!!!!!!”. The post Sidee looga falceliyay fashilka ku yimid wada-hadalladii Somalia iyo Itoobiya? appeared first on Caasimada Online.

Mogadishu (HOL) – The Banadir regional administration has arrested at least 35 workers in Mogadishu who were found to be living with infectious diseases, including HIV/AIDS and Hepatitis. Source: Hiiraan Online

Muqdisho (Caasimada Online) – Magaalada Muqdisho ee caasimada Soomaaliya waxaa weli ka soconaya dibad-baxyo rabshada wata oo galay maalintii labaad oo xiriir ah, kuwaas oo ay dhigayaan dhalinyarada ku shaqeysata mootooyinka Bajaajta. Darawallada ayaa mar kale maanta isugu soo baxay isgoyska KM4, waxayna xirteen waddadaas oo muhiim u ah isku socodka dadweynaha magaalada Muqdisho. Sidoo kale waxay ku qaylinayeen erayo ka dhan ah madaxda dowladda oo ay ku eedeeyeen inay dhibaato ku hayaan shaqadooda. Qaar kamid ah Bajaajleyda oo la hadlay warbaahinta ayaa sheegay inay ka cabanayaan xaaladda adag ee ka taagan Muqdisho iyo lacag dheeraad ah oo lagu soo rogay. “In aan dhimano ama dhaqan helno ayaan rabnaa, qof kasta waraaq ayuu la ordayaa” ayuu yiri mid kamid ah dibad-baxayaasha. Dhinaca kale waxaa goobta uu ka socdo dibad-baxa gaaray ciidamo ka tirsan kuwa Boolis Milataaro oo kala eryaya dibad-baxayaasha, si ay xaaladda u dajiyaan. Guddoomiye ku xigeenka amniga iyo siyaasadda gobolka Banaadir, Maxamed Axmed Diiriye (Yabooh) oo qoraal soo saaray ayaa isna ka hadlay dibad-baxan, wuxuuna ugu baaqay Bajaajleyda inay dhowraan sharciga iyo nidaamka u yaalla dalka. Sidoo kale wuxuu hoosta ka xariiqay in shalay ay ballaameen iyaga iyo maamulka gobolka Banaadir, ayna haboon tahay inay sugaan inta laga xallinayo cabashadooda. “Waxaan ugu baaqaya muwaadiniinta dagan Gobalka Banaadir gaar ahaan kuwa ku shaqeeysta Gadiidka loo yaqaano bajaajta inaad ilaalisaan nidaamka iyo Amniga Caasimada” ayuu yidi guddoomiye Yabooh Sidoo kale wuxuu sii raaciyay “Waan balanay shalay waana lagu maqanyahay in cabashadiina laga jawaabo, hanoqon mid loo adeegsado in magaalada fowdo iyo qas laga sameeyo”. The post Daawo: Dibad-baxyada ka socda Muqdisho oo sii xoogeystay appeared first on Caasimada Online.

Guddiga gurmadka qaran ee qarixii xeebta liido oo kulan ku yeeshay magaalada Muqdisho ayaa ka warbixiyay halka ay marayaan howlaha samatabixinta ee lagu kaalmaynayo dadkii waxyeelladu ka soo gaarrtay musiibadii khasaaraha badan dhalisay ee 2-dii bishaan ka dhacday Huteelka Beach View. Guddigan oo uu guddoomiyaha u yahay wasiirka waxbarashada Xukuumadda Federaalka Soomaaliya Mudane Faarax Sheekh Cabdulqadir ayaa Kulankooda diiradda ku saaray arrimo muhiim ah, ayagoo sheegay In ugu danbeyn dhammaadka bisha October la daah-furo xarunta daryeelka dhaawacyada u baahan gargaarka deg degga ah ee dhismaheedu ka socdo gudaha isbitaal Madiina. Guddigaan ayaa sidoo kale shaaciyay in 41 qof oo ka mid ah dadkii ku dhaawacmay qaraxa ay ku wajeejiyeen min kun doolar ($1000), halka uu sidoo kale la bixiyay lacagta ay soo dallacdeen Isbitaallada la tacaalay dadka waxyeelladu gaartay. Ugu danbeyn Guddiga ayaa ballan-qaaday in la kaalmeyn doono qoysaska ay ka baxeen dadka weerarka ku naf-waayay, marka ay xogto soo dhammeystiranto. Source: goobjoog.com

. ayadoo magaalada Ankara ee dalka Turkiga lagu Soo gabagabeeyay wareeggii labaad ee wada-hadallada Soomaaliya iyo Itoobiya, islamarkaana loo ballamay waji seddaxaad oo dhici doona bisha September ee soo socata ayaa gebagabadii kulanka aan ka fool ka foolka ahayn ee labada dhinac wuxuu wasiirka arrimaha dibadda Soomaaliya ka jeediyay khodbadan hoos ku qoran. “Dowladda Federaalka Soomaaliya waxay u soo jeedinaysaa mahadcelin ballaaran Jamhuuriyadda Turkiga oo martigelisay wareegga 2-aad ee wadahadalada Soomaaliya iyo Ethiopia ee ka dhacay Ankara. Waxaan ku ammaaneynaa taageerada joogtada ah iyo sida daacadda ah ee Turkiga uga go’an tahay in la dhiirrigeliyo nabadda iyo xasilloonida gobolka. Waxaan u mahadcelineynaa Madaxweyne Recep Tayyip Erdogan, Madaxweynaha Jamhuuriyadda Turkiga, iyo dadaallada dawladdiisa ee ay ku go’aansadeen in ay horumariyaan xasilloonida gobolka. Wadahadalkan wareeggiisa 2-aad waxaa laga gaaray horumar. Soomaaliya waxaa si adag uga go’an ilaalinta madaxbannaanideeda iyo midnimadeeda dhulkeeda. Madaama aan isu diyaarinayno wareegga saddexaad ee wadahadallada, waxaan ku rajo weynahay in dadaalkeenna uu ku dhammaan doono go’aan kama dambays ah. Dowladda Federaalka Soomaaliya waxaa weli ka go’an in la gaaro natiijo nabadeed, iyadoo la raacayo sharciga caalamiga ah iyo heshiiska Qaramada Midoobay ee sharciga Badda, si loo ilaaliyo karaamada iyo kheyraadka shacabka Soomaaliyeed. Waxaan u mahadcelinaynaa mudane Hakan Fidan, wasiirka arrimaha dibadda ee Jamhuuriyadda Turkiga, doorka muhiimka ah ee uu ku leeyahay dhexdhexaadinta wadahadalladan, waxaana diyaar u nahay inaan si dhow u wada shaqeyno si xal loogu helo xiisadaha gobolka”. Source: goobjoog.com

Ilhan Cumar oo ah mudane ka tirsan Koongareeska Mareykanka, ayaa marki afraad ku guuleysatay murashaxnimada kursiga ay ku matasho degmada shanaad ee gobolka Minnesota ee xisbiga Dimoqraadiga Mareykanka. Ilhan ayaa doorashada kaga guuleysatay Don Samuels oo isna ah siyaasi dimoqraadi ah. Waa markii labaad oo xiriir ah oo ay Don ku garaaceyso doorashada is reeb reebka kursiga degmada Shanaad. Iyadoo taageerayaasheeda kula hadashay Minneapolis, Ilhan waxa uu ka dhawaajisay qaar ka mid ah mawduucyada musharaxa xisbiga Dimuqraadiga iyo madaxweyne ku xigeenka Kamala Harris ee ololihii doorashada. “Waxaan maamulnaa siyaasadda farxadda,” ayay tiri Talaadadii. “Sababtoo ah waxaan ognahay inay farxad u tahay inaad u dagaalanto deriskaaga. Waxaan ognahay inay farxad u tahay in la hubiyo in guriyeynta ay tahay xuquuq bani’aadamnimo. Waxaan ognahay inay farxad u tahay in loola dagaallamo daryeelka caafimaadka si ay u noqoto xuquuq aadanaha. Waan ognahay inay farxad tahay inaan rabno inaan ku noolaanno adduun nabdoon oo siman.” Ilhaan Cumar ayaa heshay 56.2 boqolkiiba, marka la barbar dhigo 42.9 boqolkiiba Samuels, sida uu sheegay xoghayaha dawladda ee Minnesota. Source: goobjoog.com

Abdisalam: “We have advised the Puntland State Government of the tender to ensure transparency, with the Federal Government of Somalia being the lead body, with Puntland State as a partner. We have tried to implement the projects as soon as possible.” Mogadishu (PP News Desk) — The Somali Federal Minister for Housing and Public Works, Abdisalam Abdi Ali, yesterday provided an update on the Galkayo-Xarfo Road project during a press briefing. This project is a key component of the broader Road Infrastructure Projects in Somalia, which has been underway since October 2020, following an agreement signed by the Somali Federal Government (SFG), Federal Member States (FMS) and the European Union (EU). The initiative is funded by the EU and managed by the African Development Bank. “The road infrastructure programme is divided into four main segments. These routes are vital for enhancing movement and trade across the region, with the Galkayo-Xarfo segment being the first to move forward with the tender process. On 1 August 2024, the Ministry of Housing and Public Works officially published the tender for this project” said the Minister. He referred to a statement issued by Puntland State Government on 3 August 2024 , asserting that the tendering process falls within its jurisdiction. The federal minister;s statement is intended “to reaffirm Puntland’s role in the project, which is part of a larger corridor development effort. The details of the agreement are available on the Ministry’s website”. Minister Abdisalam Abdi Ali emphasised the importance of transparency and cooperation between the Federal Government and Puntland State of Somalia in this project. “We have advised the Puntland State Government of the tender to ensure transparency, with the Federal Government of Somalia being the lead body, with Puntland State as a partner. We have tried to implement the projects as soon as possible,” he stated. The Federal Ministry of Housing and Public Works reiterated its commitment to the successful implementation of the project. The Minister praised the efforts of Puntland’s elders and community leaders, acknowledging their role in achieving the project’s goals. “We commend Puntland elders and notables for their role in moving the project forward. Puntland State Ministry of Housing and Public Words officials will be involved in the project. We have to avoid politicising or misrepresenting the project,” the Minister added. © Puntland Post, 2024 The post Puntland’s Role in Galkayo-Xarfo Road Project Affirmed by Federal Housing Minister appeared first on Puntland Post.

Muqdisho (Caasimada Online) – Magaalada Muqdisho waxaa shalay ka dhacay kulan dhex maray guddi xul ah oo ka socday ganacsatada magaalada Muqdisho iyo sidoo kale wasaaradda Maaliyadda Soomaaliya. Kulankaas waxaa looga hadlay cabashooyin ay mudooyinkan qabeen suuqleyda oo ay ugu danbeysay canshuurta iibka 5% ee dhawaan la so kordhiyay. Guddiga ganacsatada ayaa waxaa qaabilay wasiirka maaliyadda XFS iyo sidoo kale masuuliyiin dhanka canshuuraha wasaaradda ah, iyadoo ganacsatadu gudbiyeen cabaqadaha badan ee heysta. Ilo wareedyo ka tirsan ganacsatada ayaa Caasimada Online u sheegay in shirkaas lagu kala tegay gabal dhicii shalay, isagoo ku soo dhamaaday natiijo la’aan. Ganacsatada ayaa xaqiiqsatay in dowladdu aysan diyaar u aheyn in tabashadooda la xaliyo, waxayna shaki geliyeen inay dhici karaan kulamo dambe oo dhinacyadu isugu yimaadaan, markii la eego natiijada shirkii shalay lagu kala tegay. Xogaha ayaa tilmaamaya in wasiirka maaliyadda uu ganacsatada ka diiday codsi ku aadanaa in dib loo dhigo waqtiga loo qorsheeyay bilaabidda canshuurta iibka ee laga jarayo iibkasta oo la sameeyo ilaa inta natiijo laga gaarayo wadahadallada. Ganacsatada ayaa lagu waramayaa in wasiirka maaliyadda ay sidoo kale u gudbiyeen caqabado ka heysta lacago lagu qaado dekadda Muqdisho oo ku dhaca akoonada shaqsiyaad gaar ah, kuwaas oo dhawaan la soo kordhiyay. Shaqsiyaadkaas ayaa la sheegay in loo xiray adeegyo aan horay u jirin oo alaabaha la soo dejiyo la xiriira, laguna dallacayo lacag horleh oo qiimo koror bulshada ku laabta sameynaya. Xaaladda ganacsiga Muqdisho waxaa hadda ku furan guux xoog leh, waxayna ganacsatadu u sheegeen wasiirka maaliyadda in loo baahan yahay muddo bulshada lagu fahamsiiyo qaabka bixintana loogu qorsheyo canshuurta iibka. Ganacsatada la hadashay Caasimada Online ayaa sheegay in codsigooda aysan dheg-jalaq u siin wasiirka iyo kooxdiisa aruurinta maaliyadda u qaabilsan dowladda, isla markaana ay ku rajo xunyihiin inay talo ku yeeshaan qaabka wax u socdaan, maadaama dadka lagu soo rogayo canshuur cusub. The post Xog: Khilaaf xooggan oo ka dhex qarxay ganacsatada iyo wasiirka maaliyadda appeared first on Caasimada Online.