Madaxweynaha dowlad-goboleedka Koofur galbeed Soomaaliya , Cabdicasiis Xasan Maxamed (Lafta gareen) iyo wafdi ballaaran oo uu hoggaaminayo ayaa Maanta gaaray Magaalada Xuddur ee Caasimadda Gobolka Bakool. Safarka Madaxweynaha uu ku tagay Xuddur ayaa waxaa qeyb ka ahaa Wasiirrada caafimaadka, maaliyadda, amniga, deegaanka, Xildhibaanno, Taliyayaasha Ciidanka xoogga Dalka ee degaanada Koonfur Galbeed iyo kan Darawiishta Koonfur Galbeed. Madaxweyne Lafta gareen, ayaa sheegay in Maalmaha uu ku sugan yahay Xuddur, inuu wax ka qaban doonaan baahiyaha ka jira Degmada, isla markaana uu Indha-indhayn ku sameyn doono sida ay u socdaan howlaha maamulka iyo Ciidamada. Ugu dambeytii Madaxweynaha dowlad-goboleedka Koofur galbeed Soomaaliya Cabdicasiis Xasan Maxamed (Lafta Gareen) ayaa lagu wadaa in uu xariga ka jaro Mashaariic horumarineed oo dowladda Soomaaliya ay ka sameysay Magaalada Xudur ee caasimada gobolka Bakool. Goobjoog News Source: goobjoog.com

Kulan aan hottest loo shaacin ayaa wuxuu iminka ka socdaa Xarunta Madasha Xisbiyada Qaran, kulankaasoo u dhexeeya Gudoomiyaha Baarlamaanka Mursal , Kuxigeenkiisa Muudeey, Madaxweynayaashii hore [...] The post Xarunta Madasha Xisbiyada oo kulan uga socdo Gudoomiyaha Baarlamaanka iyo Madaxweynayaashii hore appeared first on . Source

Gudoomiyaha Gobolka Hiiraan Cali Jeyte Cusmaan ayaa ka hadlay dagaal beel dhowaan ka dhacay deegaanno dhacoa goobolka Hiiraan, goddoomiye Jeyte ayaa sheegay in wax lagu xumaad ay tahay in ay dhacaan dagaalo u dhaxeeyo Beelo walaalo ah oo isku deegaan ah xili uu lahadlaayey warbaahinta qaranka. Gudoomiyaha Gobolka Hiiraan ayaa diray baaq nabadeed oo ku aadan colaad ka tagaan degaano hoos tago Degmada Maxaas ee Gobolka Hiiraan taasi oo sababtay dhimasho iyo dhaawac iyo weliba in la gubo qaar ka mid ah Guryihii ay daganaayeen dadkii colaadaha ka barakacay. Xaaladda deegaanada ay dagaalada ka dhaceen oo haatan ah mid dagan ayaa waxaa ku baxay Ciidanka Xooga dalka Soomaaliya oo kaashanayo Maamulka Degmada Maxaas iyo odayaasha dhaqanka ee labada dhinac ee uu dagaalku dhaxmaray. Gudoomiyaha Gobolka Hiraan ayaa u mahadceliyey dhinacyadda ku baxay hakinta colaada kusoo laalaabtay degaanada hoos tago Degmada Maxaas, isagoo ugu baaqay dhincyadda dirirta dhaxmartay oo uu sheegay in ay yihiin dad ehel ah in ay waxwalbo ku dhameeyaan wada hadal , isla markaan muhiimada kowaad siiyaan sidii loo baajin lahaa in uu halkaasi dhiig danbe ku daato. Mudane Cali Jayte ayaa sheegay in odayaasha dhaqanka ee labada dhinac ay ceeb ku tahay in halkaas dhiig danbe ku daato asaga oo ugu baaqay in dhaqaalahii ku bixi lahaa dagaalka loo weeciyo in laga shaqeeyo nabad kuwada noolashaha beelaha walaalaha ah ee wada daga. Ugu danbeyntii Gudoomiyaha Gobolka Hiiraan ayaa sheegay in ay lama huraan tahay in labada Maamul ee Gobolka Hiiraan iyo Galgaduud si dhab ah uga wada shaqeeyaan sidii loo damin lahaa Colaadaha kusoo laablaabtay deeganada Hoostago Degmooyinka Maxaas iyo Matabaan. Goobjoog News Source: goobjoog.com

Muqdisho (Caasimada Online) – War hadda nasoo gaaray ayaa sheegaya in guddoomiyaha Golaha Shacabka Maxamed Mursal iyo ku-xigeenka koowaad Cabdiweli Ibraahim Muudeey ay ku sugan yihiin xarunta Madasha Xisbiyada Qaran ee Muqdisho. Mursal iyo Muudey ayaa kulamo la leh madaxweynayaashii hore ee Soomaaliya Shariif Sheekh Axmed iyo Xasan Sheekh oo hoggaamiya Madasha, waxaana la sheegay in kulamadan ay la xiriiraan arrimaha doorashooyinka dalka ka dhacaya. Sida aan xogta ku helnay, kulankan ayaa daba socda kii uu Mursal Axaddii la yeeshay labada madaxweyne, waxaana wararka ay sheegayaan in Mursal iyo Muudey ay farriin ka wadaan Madaxweynaha iyo Ra’iisul Wasaaraha, iyagoo la wadaagaya madaxweynayaashi hore. Illaa iyo hadda ma cadda waxa ay tahay farriintaas, hase yeeshee waxa la rumeysan yahay inay xiriirto doorashada dalka, loona badaniyo inay sidaan damaanad qaad ku saabsan in doorashada ay waqtigeeda ku dhici doonto. Intii uu socday kulankii Axadda, ayaa Farmaajo iyo Kheyre waxay si kala gooni ah usoo waceen Mursal, isaga kadibna teleefonka ugu dhiibay Shariif iyo Xasan, halkaasi oo sheeko kooban iyo kaftan ay ku dhex-mareen. Madaxweynayaashii hore ayaa kulankii hore waxay ku dalbadeen in doorashada waqtigeeda ay ku dhacdo, islamarkaana ka tashigeeda laga qeyb-geliyo mucaaradka, dowlad goboleedyada iyo dhammaan saamileyda siyaasadda dalka. Kulanka kaddib ayaa la filayaa inay shir jaraa’id qabtaan Madaxweynayaashi hore, islamarkaana ay ku faah-faahiyaan waxa ay kala hadleen Mursal iyo Muudey.

Boqortooyada Sacuudiga oo war cusub ka soo saartay Qoondada Xajka sanadkan 2020 Sacuudi Carabiya ayaa laga yaabaa inay si weyn u xadiddo tirada dadka sanadkan imanaya Xajka, si looga hortago in cudurka Coronavirus uu sii faafo, kadib markii kiisaska safmareenkan ee dalkaas ay dhaafeen 100,000, waxaa sidaas sheegay ilo-wareedyo xog ogaal ah. Qiyaastii 2.5 milyan oo qof ayaa sanad kasta taga magaalooyinka Makka iyo Medina, si ay usoo gutaan Xajka, waxaana Sacuudiga sanadkiiba kasoo gala dakhli dhan 12 bilyan oo dollar. Sacuudi Carabiya ayaa bishii March weydiisatay Muslimiinta inay hakiyaan qorshyaashooda Xajka, waxaana illaa amar dambe ay hakisay Cumradii. Lab ail-wareed oo xog-ogaal u ah arrintan ayaa sheegay in mas’uuliyiinta ay ka fakarayaan in sanadkan la ogolaado “kaliya tiri matalaad ah”, ayada oo lasoo rogi doono tallaabooyin adag oo ay ka mid yihiin inaan la ogolaan dadka da’da ah, iyo tijaabooyin caafimaad oo dheeraad ah. Mas’uuliyiinta ayaa rumeysan in ayada oo la raacayo hanaan aad u adag, la ogolaan karo kaliay 20% qoondada tirada dadka uu dal walba helo sanadkii, sida uu il-wareed kale u sheegay Reuters. Qaar ka mid ah saraakiisha ayaa soo jeedinaya in gebi ahaan la baajiyo Xajka sanadkan, oo la filayo inuu billowdo daba-yaaqada bisha July, sida ay sheegeen saddex il-wareed oo kale. Xafiiska warbaahinta dowladda iyo afhayeenka Xajka ee wasaaradda Xajka iyo Cumrada ayaa diiday inay ka jawaabaan su’aalo arrintan laga weydiiyey. Xajkii 2019 ayaa waxaa ka qeyb galay 2.6 milyan oo qof, halka 19 milyan oo kale ay sanadkaas u tageen Sacuudiga Cumrada. Qaran News

African Development Bank Group (AfDB) PRESS RELEASE African Development Bank announces 100 finalists for IDEATHON #Africavs Virus challenge The #AfricaVsVirus challenge is part of the Bank’s continent-wide response to the COVID-19 pandemic ABIDJAN, Ivory Coast, June 9, 2020/ — The African Development Bank (www.AfDB.org) has announced the 100 finalists from the #AfricaVsVirus Challenge ideathon to find solutions to challenges raised by the COVID-19 pandemic in Africa. Some 25,000 participants from across Africa and beyond, joined the online platform to pitch their ideas for innovative solutions to the health and economic challenges caused by the virus. Participants in the 72-hour ideathon curated 750 solutions, from which an expert panel selected the Top 100 Solutions. “The quality of ideas and the level of engagement from participants during the online challenge showcases that innovation and a passion to find solutions are among Africa’s greatest resources,” said Dr. Jennifer Blanke, the Bank’s Vice President for Agriculture, Human and Social Development. “We’re looking forward to the next phase of the #AfricaVsVirus competition that will aim to boost the viability of the top solutions.” The solutions were focused on specific thematic areas relevant to the African context, such as public health and epidemiology, vulnerable populations, businesses & economy, community, education, entertainment, government support, environment and energy and food security. More than 4,000 moderators and mentors facilitated and supported the teams during the ideathon, making it one of the largest online brainstorming events ever conducted on the continent to seek out African solutions to African challenges. Judges evaluated submissions based on several criteria, including the relevance of solutions, the implementation plan, and the impact and quality of the team. The experts included: Yana Watson, Global Managing Partner Emeritus at Dalberg Global Development Advisors; Ada Osakwe, Creative Food Entrepreneur and Investor at Agrolay Ventures; and Vanessa M. Moungar, Director for Gender, Women and Civil Society at the African Development Bank Group. Through the African Development Bank’s Innovation and Entrepreneurship Lab Platform, the Bank will now act as an enabler to match the most relevant solutions to the initiative’s 140+ partners. The Bank will award the 20 best solutions out of the Top 100 Solutions finalists, further technical assistance. In addition, the 20 winners will be eligible to receive, from a pool of in-kind prizes, worth more than $1 million in awards, to be announced in September. The #AfricaVsVirus challenge is part of the Bank’s continent-wide response to the COVID-19 pandemic. The Bank has launched a $10 billion Covid Response Facility to help countries strengthen their health and social protection systems as well as build economic resilience to sustain jobs and livelihoods. The primary objective of the Bank’s Jobs for Youth in Africa Strategy is to harness the innovation, creativity and energy of Africa’s youth to solve Africa’s challenges. The AfricaVsVirus Challenge is implemented by the Bank strategy Innovation and Entrepreneurship Lab (https://bit.ly/2wtWect) as well as the Youth Entrepreneurship & Innovation Multi-Donor Trust Fund (https://bit.ly/30q7Mu4) working together with implementing partners Seedstars (www.Seedstars.com) digital agency WAAT (https://WAAT.eu) and development consultants Luvent Consulting (www.Luvent-Consulting.com). The full list of the Top 100 Solutions finalists will be posted to the #AfricaVsVirus website, www.AfricaVsVirus.com. Distributed by APO Group on behalf of African Development Bank Group (AfDB). Media Contacts: African Development Bank Gershwin Wanneburg Communication and External Relations Department Email: g.wanneburg@afdb.org Seedstars Adaeze Zita Regional Events Manager at Seedstars Africa Email: adaeze@seedstars.com SOURCE African Development Bank Group (AfDB) Qaran News

Maatarka Magaalada qæQardho ayaa Amar uu Xafiiskiisa kasoo saaray wuxuu ku amray inaan dib loo dhisi karin Guryihii ku burburay Daadadkii kusoo rogmaday Magaalada, Amarka [...] The post Warsaxaafadeed “Qardho oo la joojiyey dib u dhibka Guryihii ku burburay Daadadka”. appeared first on . Source

Madaxweynaha dowlad goboleedka Koofur galbeed Soomaaliya Cabdicasiis Xasan Maxamed (Lafta gareen) iyo wefdi uu hoggaaminayo ayaa Maanta gaaray Magaalada Xuddur ee xarunta Gobolka Bakool. Safarka Madaxweynaha uu ku tagay Xuddur waxaa ku weheliyay Wasiirrada Caafimaadka, Maaliyadda, Amniga, Degaanka, Xildhibaanno iyo Taliyaal Ciidan. Madaxweyne Lafta Gareen, ayaa sheegay in Maalmaha uu ku sugan yahay Xuddur, uu wax ka qaban doono baahiyaha ka jira Degmada, isla markaana uu Indha-indhayn ku sameyn doono sida ay u socdaan howlaha Maamulka iyo Ciidamada. Sidoo kale, Madaxweynaha dowlad goboleedka Koofur galbeed Soomaaliya ayaa lagu wadaa in uu xariga ka jaro Mashaariic horumarineed oo laga hir geliyay gudaha magaalada Xuddur ee xarunta gobolka Bakool. PUNTLAND POST The post Madaxweyne Lafta Gareen iyo wefdi uu hogaaminayo oo gaaray magaalada Xudur appeared first on Puntland Post.

Duqa Degmada Qardho ee Xarunta Gobolka Karkaar Cabdi Siciid Cismaan ayaa amar ku bixiyay in aan la dhisan Karin dhammaan Guryihii iyo Meheradihii kale ee ku dumay Daadadkii ka dhacay magaalada Qardho. Qoraal ka soo baxay Xafiiska Duqa Degmada Qardho ayaa Dadkii Guryaha iyo Meheradaha Daadadku ka burburiyeen lagu amray in aysan dib u dhisan Karin ilaa iyo amar dambe. Qoraalka ayaa lagu sheegay in dib u dhisidda Guryaha iyo Meheradaha dumay loo joojiyay maadaama uu socdo Sahan lagu xaqiijinayo sidii Xal waara loogu heli lahaa Daadadka ku soo fataha magaalada Qardho. Amarka joojinta ayaa la sheegay in uu ku egyahay mudada la xaqiijinayo Sahanka ku aaddan sida Xal waara loogu heli karo Daadadka ku soo rogmada gudaha Degmada Qardho. PUNTLAND POST The post Duqa Qardho oo amray in aan dib loo dhisan karin Guryihii iyo Meheradihii ku dumay Fatahaaddii Qardho appeared first on Puntland Post.

Xisbiga Tigray People’s Liberation Front (TPLF) ayaa iska diiday damaca ra’isul wasaaraha Itoobiya Abiy Axmed ee uu ku doonayo in markii 2aad dib ugu dhigo doorashada iyaga oo sheegay in deegaankooda ay doorasho ka dhici-doonto. Isniintii, waxaa is casishay, Keria Ibrahim oo aheyd guddoomiyaha aqalka sare iyo xubin muhiim ah oo ka tirsaneyd Tigray People’s Liberation Front (TPLF), tillaabadaas oo lagu sheegay mid lagu cadaadinayo maamulka Abiy Axmed, loogana soo horjeedo dib u dhigista doorashada. Itoobiya oo ah dalka 2aad ee ugu tiro badan dad ahaan qaaradda Afrika ayaa la filayaa in doorasho madaxweyne ka dhacdo September kolkaas oo ay ku egtahay muddo xilkeedka Abiy Axmed, laakin xukuumaddiisa waxaay marmarsiyo ka dhiganeysaa Covid 19 si doorashada dib loogu dhigo. Doorashada Baarlamaanka oo la filayey March ayaa dib loo dhigay, waxaana laga dhigay August, laakin waxaa hadda muuqato in xukuumadda Abiy Axmed ay dooneyso in mar kale dib loo dhigo taasi oo Tigray diidan yihiin. EPRDF ayaa xukunka Itoobiya qabsatay 1991-dii, waxaana iska heystay Tigray ilaa uu yimid Abiy Axmed oo Oroma ah, hadda Tigray waxaa ay doonayaan in awoodda dib u helaan, mana ogola in fursad waqti kororsi ah ay siiyaan maamulka Axmed. Goobjoog News Source: goobjoog.com

Afhayeenka golaha Federeeshiinka ee dalka Itoobiya Khayriya Ibrahim ayaa sheegtay si ka baxsan dastuurka dowlad kelitalis ah oo dhismeyso maadamaa ay dooneyn iney garab u noqoto, iney rabitaankeeda xilki afhayennimo ee ay haysay ay uga tagtay. Khayriya oo ka hadashay xilka guddoomiyenimo iney ka tagto waxa ku kallifay: “Koox kelitalis ah oo malinwalba dastuurka dalka ku xadgudbeysa inaan la sii shaqeeyo diyaar uma ihi”, ayey tiri. “Dowladda talada dalka Itoobiya hadda hayso waxay isku dayeysaa iney qodobbada dastuurka ay isku laaqdo si ay u kororsato mudda xileedkeeda.” “Si ka baxsan dastuurka oo aan horay looga baran dalka Itoobiya ayey isku dayayaan in qodobbada dastuurka loo macneeyo ama wax looga beddelo.” “Arrimahaasi oo dhan oo ay dowladda waddo oo khalad ah, haddana mas’uuliyiinta rabitaanka dowladda ka horyimaadda waxay maalin walba la kulmaan hanjabaado joogta ah” ayey tiri. Lahaanshaha sawirkaHOUSE OF FEDERETION “Markaan noqonayey afhayeenka golaha Federeeshiinka ee Jamhuuriyadda Dimuqraadiga Federaalka Itoobiya waxaan ballan qaaday inaan dastuurka ixtiraamo isla-markaana aan ka shaqeeyo sidiI loo ixtiraami lahaa, marka dastuurka in lagu xadgudbo oo aan dowlad kelitalis ah oo dhismeyso aan garab u noqdo ma doonayo, sidaana ay xilka uga tagtay” ayey tiri. Khayriya Ibrahim oo muddo laba sana ah soo ahayd guddoomiyaha aqlka sare ee dalka Itoobiya oo ka hadashay sababha ku kalliftay iney xilka ay haysay iska casisho, ayaa sheegtay talaabbada ay dowladda hadda jirto ku dhaqaaqday ay tahay mid ku xadgudbaysa awoodda xukun ee ay leeyihiin shucuubta iyo qowmiyadaha dalka Itoobiya. BBC oo iskudayday iney aqalka sare ka xaqiijiso xil katagista guddoomiyaha aqalka sare wuxuu goluhu sheegay inuu arrintaasi waxba kala socon. Ku xigeenka xiriirka dadweynaha ee aqalka sare Gabruu G/sillaase wuxuu BBC u sheegay inuu ka warhaynin xil katagista guddoomiyaha. Mr Gabruu wuxuu sheegay inuu warbaahinta kala duwan uu ka maqlay xil katagista guddoomiyaha golaha, balse weli xafiiska golaha wax codsi ama xog ah iney soo gaarin. Khayriya Ibrahim oo gudoomiye ka ahayd aqalka sare ee dalka Itoobiya ee loo yaqaanno golaha Federeeshiinka ayaa waxay ka tirsan tahay xisbiga talada deegaanka Tigreega haya ee TPLF iyada oo ka mid xubnaha guddiga fuulinta xisbigaasi. Iscasilaadda Guddoomiyaha aqalka sare ee dalka Itobiya Khayriya Ibrahim ayaa ku soo beegmaya xilli ay xildhibaannada ka soo jeeda deegaanka Tigreega ee ka tirsan aqalka hoose ee dalka Itoobiya ay shaly su’aalo kulul weydiiyeen ra’isal wasaare Dr Abiy Axmed ayna ku eedeeyeen iney dowladdiisa ay shacabka Tigreega gacan bidixeyso. Muxuu salka ku hayaa khilaafka u dhaxeeya Tigreega iyo Xukumadda Abiy Axmed? Tani iyo inta uu dalka Itoobiya majaraha u qabtay Abiy Axmed waxaa soo taagneyd khilaaf siyaasadeed oo u dhaxeeyey isaga iyo Mas’uuliyiinta sare ee deegaanka Tigreega iyo xisbiga talada deegaankaasi haya ee TPLF. TPLF waa xisbi ay leeyihiin qowmiyadda Tigreeda oo ka mid afarta xisbi ee ku bahoobay xisbiga PP oo horay loo odhan jiray EPRDF, waxaana TPLF lagu xusuustaa iney talada dalka Itoobiya ay soo hayeen ku dhawaad 26 sano, hogaamiyaha xisbiga TPLF wuxuu ahaa Ra’isal wasaarihi hore ee dalka Itoobiya ee geeriyooday Meles Zeenaawii. Khilaafka isbeddelka ka dhashay Xisbiga Tigreega iyo TPLF wuxuu soo billaabay marki Ra’isal wasaaraha ka soo jeeda ee qowmiyadda Tigreega loo doortay guddoomiyenimada xisbiga EPRDF uuna noqday Ra’isal wasaaraha Itoobiya Abiy Axmed. Abiy Axmed marki xilka loo dhaariyey tallaabbooyinka ugu horreeyey ee uu qaaday waxaa ka mid ahaa inuu macabiista siyaasadeed uu sii daayo, cadaadiska shacabka lagu hayey la joojiyo, mucaaradka gudaha iyo dibadda ka dhaqdhaqaaqayey oo uu cafis u fidiyey kaddibna uu heshiis la galay iyo siyaasadda dalka inuu furfuro. Tallaabbooyinkaasi oo dhan ayey ka biya diideen xisbiga iyo deegaanka tigreega intaba sababahan soo socdo awgood: – Heshiiska Eritrea uu la galay oo lagu soo afjaray colaaddii mudddada dheer u dhaxeysay Itoobiya iyo Eritrea ay u arkaan iney qowmiyadda Tigreega ku tahay halis siyaasadeed maadaamaa ay colaadda Addis Ababa iyo Asmara ay iyagu abuureen. – Xisbiyada siyaasadeed qaar oo ay u arkaan iney yihiin argagaxiso oo ay mudneen in heshiis lala galo. – Sii deynta macabiista siyaasadeed oo ay u arkeen iney madaxdi Tigreega ee siyaasiyiintaasi badankood gacantooda ku xiray iney colaad u abuureyso iwm. Mideynta Xisbiyada dalka Abiy Axmed tallaabbooyinka siyaasadeed oo uu ku dhaqaaqay waxaa ka mid ahaa xisbiga talada dalka Itoobiya hayey ee EPRDF oo ku koobnaa qowmiyadaha afarta qowmiyadeed ee Oromada, Amxaarada, Tigreega iyo Shucuubta Koonfureed inuu ballaadhiyo oo uu ka dhigo xisbi qaran oo ay qowmiyadaha dalka oo dhan ay iskadhex arkaan. Wuxuuna diyaariyey nidaam siyaasadeed oo suuragelin kara qowmiyadaha Soomaalida, Cafarta, Gaambbeella, Beni-shaangul iyo Harari ay ku biiraan xisbiga cusub ee heer qaran ee PP. Xisbiga Tigreegana wuxuu tallaabbadaasi uu ku tilmaamay mid ka hor imaneyso mabaadiidi aasaasiga ee u yiillay xisbiga hoggaamiya dalka Itoobiya mideynta xisbiyadana ay ka horimaneyso nidaamka Federaaliga. Abiy Axmed oo aan u joojinin diidmada ka yimid xisbiga TPLF wuxuu meel mariyey mideynta 9 xisbi ee ka arrimineysay 9-ka deegaan ee dalka Itoobiya oo ay Soomaalidu ka mid tahay. Doorashada xilliga ay qabsoomeyso Xisbiga TPLF ee Tigreega waxay diideen dib u dhigista doorashada guud ee ka dhici lahayd dalka Itoobiya. Wuxuuna xisbigu uu maamulka deegaanka Tigreega ay iisu diyaariyaan iney qabsadaan doorasha u gaar ah oo ay sugin xilliga ay qabsoomeyso doorashada dalka intiisa kale ka dhaceyso. Guddiga doorashooyinka qaranka ee dalka Itoobiya oo ka jawaabay hadalka ka soo yeeray TPLF waxay sheegeen sida uu dhigayo dastuurka dalka iyo sharciga guddiga doorashada lagu aasaasaya inuu deegaan uu iskii doorasho u qabsan karin. Abiy Axmed oo ka jawaabay mowqifka xisbiga TPLF uu iska taagay doorashada wuxuu sheegay “deegaan inuu doorasha gaar ah uu qabsan karin, ciddi sidaa sameysana ay dowladdu ka qaadeyso tallaabbo kasta oo ay kaga hortageyso dhaqdhaqaqyada dastuurka dalka ka horimanaya.” “Si ka baxsan dastuurka dalka Itoobiya u yaallo dhaqdhaqaaq kasta oo ka hormarinayo ay tahay khalad aad u weyn ayna xadgudub ku tahay shuruucda dalka iyo kan caalamka intaba.” Qaran News

Goobjoog ayaa booqtay garoonka Stadium Muqdisho oo ay Dowladda ku samaysay dib u hagaajin ,tan iyo kolkii ay iskaga goorayn ciidamada nabad ilaalinta Amisom 27 August 2018 waxaana mahsruucan dib u dayctirka garoonka Dowladda ka taageeray midowga yurub. Qaar ka mid ah shacabka Muqdishu oo aan la kulanay ayaa ku aragti ku duwan howlaha dib u quruxinta ee lagu sameeyay Stadium Muqdishu,iyagoo Goobjoog u sheegay in xooga la saaro ku qabshada tartamada gudaha iyo dibadda,si looga baxo guul darooyinka Xulalka kala duwan ee Soomaaliya. Wasaarada ciyaaraha Dowladda iyo xiriirka kubbadda cagta Soomaaliya ayaa kaliya xoog saaraysa dhismaha qeybta kubbadda cagta,iyadoo bahda isboortiga ay wasiirka ciyaaraha ku dhaliilayn in uu ka gaabiyay dib u qurxinta qeybaha kolayga,oradka,bootinta & dabaasha. Xuseen otte dheer oo ka mid laacibiintii horay kubadda kolayga Soomaaliya ayaa Goobjoog u sheegay in Stadium Muqdishu uusan aheyn qeybta kubbadda cagta oo kaliya,balse ay Wasaarada ciyaaraha Dowladda ka gaabisay qeybaha kale oo ka koobanyahay garoonka. Sida la qorshaynayo bilaha soo socda ayaa lagu wadaa in xariga laga jaro qeybta kubadda cagta ee Stadium Muqdisho waxaana dad badan ay u arkaan in uu ku soo aaday xili muhiim ah ,maadama Xulka kubada cagta uu guri ahaan ugu dheelo Wadanka Jabuuti. Halkan Ka Daawo Warbixin Ku Saabsan Aragtida Shacabka Muqdisho Ee Dhismaha Garoonka W/D-Maxamed Xuseen Qalinle Source: goobjoog.com

Muqdisho (Caasimada Online)– Wasiirka arrimaha dibadda Soomaaliya Danjire Axmed Ciise Cawad ayaa wareysi dhinacyo badan taabanaya siiyay Talafashinka Al-Araby ee xaruntiisu tahay UK, wuxuuna ka hadlay arrimo dhawr ah oo khuseeya siyaasadda dibadda ee wadanka. Wasiiirka wuxuu ka hadlay mowduucyo badan oo ay ka mid yahiin sida uu yahay xiriirka kala dhaxeeya wadanka Qatar, kan Imaaraadka, mowqifkii ay ka istaageen khilaafkii dowladaha Khaliijka iyo sidoo kale arinta Shirkadda Imaaraadka ee DP World. Danjire Axmed Ciise wuxuu si adag ugu amaanay dowladda Qatar sida ay Soomaaliya u garab istaagtay isla markaana ay la leeyahiin xiriir wanaagsan. “Sida la ogyahay Soomaaliya dhibaato muddo dheer ah ayey kasoo kabaneysaa, waxaan shacabka iyo dowladda Qatar uga mahad celineynaa kaalinta quruxda badan oo ay ka qaateen xalka Soomaaliya iyo sida ay noogu muujiyeen garab istaag,” ayuu wasiirka u sheegay Telefashinka Al-Araby. Sidoo kale Wasiirka wuxuu carabka ku dhuftay in xiriirka kala dhaxeeya dowladda Imaaraadka uu yahay mid aad u hooseeya wakhtigaan, balse gadaal laga hagaajin karo. Cawad wuxuu si adag uga hadlay arinta shirkadda DP World wuxuuna Imaaraadka ka codsaday iney soo faragaliyaan maadaama ay tahay shirkad gaar loo leeyahay. Sidoo kale wuxuu wareysiga ku sheegay iney si cad ugu soo xad gudbeen midnimada Soomaaliya, walina aysan ka waantoobin faragalinta ay waddo. “Ka wadan ahaan waan sabarnay, dulqaadka xad ayuu leeyahay, waxaanna diyaar u nahay sida dowladaha kale inaan difaacno dhulkeen” ayuu yiri wasiir Cawad.

(SLT-Hargeysa)-Somaliland ayaa sheegtay in hadalka ka soo yeedhay wasiirka arrimaha Dibadda Soomaaliya ee uu kaga hadlay arrinta shirkadda DP World ee Dekedda Berbera ay tahay khalkhal gelin lagu samaynayo xidhiidhka Somaliland iyo Imaraadka Carabta. qoraalka soo baxay wasaaradda arrimaha Dibadda Somaliland ayaa u dhignaa sidan. ” Dawladda Jamhuuriyadda Somaliland waxa ay ka xuntay hadalka ka soo yeedhay Wasiirka Arrimaha Dibadda Soomaaliya ee nuxurkiisu ahaa iska horkeenka iyo khalkhal galinta xidhiidhka labada wadan ee walaalaha ah ee Jamhuuriyadda Somaliland iyo Imaaradka Carabta. Dawladda taagta daran ee Soomaaliya waxa ay dedaal badan ku bixisay in ay hor istaagto, isla markaana siyaasadayso mashaariicda maalgashi iyo horumarineed ee dawladda Imaaradka Carabtu ka waddo Jumhuuriyadda Somaliland taas oo ah wax aan marnaba la aqbali karin. Jamhuuriyadda Somaliland waa dal madaxbannaan oo aan wax xidhiidh ah la lahayn Soomaaliya, wakhti xaadirkana ma jiraan wax is fahan ah ama wadahadallo ah oo u socda Jamhuuriyadda Somaliland iyo Soomaaliya madaama oo aannu maamulka Muqdisho ka jiraa ahayn maamul masuul ah, isla markaana aannu daacad ka ahayn wadahadallo midho dhal noqda oo ay labada dal ku kala baxaan. Ugu dambeyn dawladda Jamhuuriyadda Somaliland waxa ay si buuxda ugu wargalinaysaa dawladda Imaaraadka Carabta ee aannu walaalaha nahay, dawladdaha xubnaha ka ah Jaamacadda Carabta iyo adduunka intiisa kaleba in madaxbannaanida Somaliland tahay mid aan ka laabasho lahayn isla markaana dadka reer Somaliland diyaar u yihiin ka midho dhalinta qaddiyaddooda ay xaqa u leeyihiin wax kasta oo ay ku kacayso iyo wakhti kasta oo ay qaadanayso. Source

Riyadh (Caasimada Online) – Sacuudi Carabiya ayaa laga yaabaa inay si weyn u xadiddo tirada dadka sanadkan imanaya Xajka, si looga hortago in cudurka Coronavirus uu sii faafo, kadib markii kiisaska safmareenkan ee dalkaas ay dhaafeen 100,000, waxaa sidaas sheegay ilo-wareedyo xog ogaal ah. Qiyaastii 2.5 milyan oo qof ayaa sanad kasta taga magaalooyinka Makka iyo Medina, si ay usoo gutaan Xajka, waxaana Sacuudiga sanadkiiba kasoo gala dakhli dhan 12 bilyan oo dollar. Sacuudi Carabiya ayaa bishii March weydiisatay Muslimiinta inay hakiyaan qorshyaashooda Xajka, waxaana illaa amar dambe ay hakisay Cumradii. Lab ail-wareed oo xog-ogaal u ah arrintan ayaa sheegay in mas’uuliyiinta ay ka fakarayaan in sanadkan la ogolaado “kaliya tiri matalaad ah”, ayada oo lasoo rogi doono tallaabooyin adag oo ay ka mid yihiin inaan la ogolaan dadka da’da ah, iyo tijaabooyin caafimaad oo dheeraad ah. Mas’uuliyiinta ayaa rumeysan in ayada oo la raacayo hanaan aad u adag, la ogolaan karo kaliay 20% qoondada tirada dadka uu dal walba helo sanadkii, sida uu il-wareed kale u sheegay Reuters. Qaar ka mid ah saraakiisha ayaa soo jeedinaya in gebi ahaan la baajiyo Xajka sanadkan, oo la filayo inuu billowdo daba-yaaqada bisha July, sida ay sheegeen saddex il-wareed oo kale. Xafiiska warbaahinta dowladda iyo afhayeenka Xajka ee wasaaradda Xajka iyo Cumrada ayaa diiday inay ka jawaabaan su’aalo arrintan laga weydiiyey. Xajkii 2019 ayaa waxaa ka qeyb galay 2.6 milyan oo qof, halka 19 milyan oo kale ay sanadkaas u tageen Sacuudiga Cumrada. REUTERS + VOA

(SLT-Hargeysa)-Gudoomiyaha gobolka Gabiley Maxamed Cismaan Xaaji Axmed, ayaa sheegay in uu maray baadhis shaqsiyana oo la xidhiidha xannuunka safmareenka ah ee Covid-19 kadib markii uu kulan la qaatay mid ka mida wasiiradii hore looga helay xannuunkani. Waxa uu caddeeyay In ay jawaabta u soo baxday ay noqotay “Negative”, bulshadana waxa uu ugu baaqay in ay is baadhaan si loo yareeeyo fiditaanka xannuunkani. Source

Hay’adda Dalka Sweden u qaabilsan Mucaawimooyinka dibedda ayaa joojisay laba Mashruuc oo ay ka wadday dalalka Somaliland iyo Soomaaliya. Mashaariicdan oo ahaa kuwa waaweyn ayaa waxa fulin jiray Qurbe-joogta iyo Hay’adahooda iyagoo ka qayb-qaadanaya dib u dhiska dalalkooda. Mashaariic oo wax badan ka tarayey horumarinta Arrimaha Bulshada ayaa waxa maalgelinaysay Dawladda Sweden illaa sannadkii 2015-kii. Labadan Mashruuc ee istaagay oo ahaa kuwo si gaar ah loogu maalgelinayey Soomaalida ayaa lagu kala Magacaabi jiray ‘Somali Diaspora Programme iyo Somali Business Programme’. Hay’adda Forum Syd oo Sweden u qaabilsan Mucaawimooyinka Dibedda isla-markaana Maamulaysay Mashaariicda la joojiyey ayaa waxay Xafiiska ugu weyn ku lahayd Magaalada Hargeysa, waxaana jiray Xafiisyo hoos yimaadda ka Hargeysa oo ka furnaa Magaalooyinka Muqdisho iyo Garoowe. “Labada Mashruuc ee istaagay waxay kala yihiin ‘Somali Diaspora Programme iyo Somali Business Programme’. Somali Business Programme wuxuu ahaa Mashruuc loogu talo-galay ama ujeeddadiisu ahayd sidii Qurbe-joogta joogta Sweden ay uga qayb-qaadan lahaayeen Horumarinta dalka, Mashruucaasi wuxuu ahaa mid loogu talo-galay in Qurbe-joogto ay Ganacsiyo yaryar (Sameeyaan) si ay Shaqo-abuur ugu sameeyaan Dhallinyarada iyo haweenka, qaybaha lagu Maalgelinayey waxa ka mid ahaa Kalluumaysiga, Beeraha, Xoolaha, Isgaadhsiinta iyo Laydhka, markaa markii la joojiyey waxay noqonaysaa inay istaagaan waxaas oo dhami.” Ayuu yidhi, Cali Xasan oo ka mid ah Aqoonyahanka la shaqeeya Hay’adaha, wax badana kala socday Mashaariicda la joojiyey. Cali waxa kale oo uu tafaasiil ka bixiyey Mashruuca Somali Diaspora Programme oo ah ka labaad ee la joojiyey, waxaanu yidhi “Mashruuca kale ee isaguna istaagay ayaa wuxuu ahaa mid ay ka wada shaqaynayeen Hay’adaha Sweden jooga iyo Hay’adaha Waddanka gudihiisii jooga, waxaanu ku saabsanaa Xuquuqda aadamaha, ilaalinta deegaanka, Dimuqraadiyadda, Dawlad-wanaagga, Barnaamijkaasina wuu istaagay, inkasta oo qayb ka mid ah Mashruucu uu sii socon doono, haddana waalla yareeyay, maaddaama oo Kharashkii uu yaraaday waxay noqonaysaa inay yaraadaan Hay’adihii ka shaqaynayey laftoodu.” Cali Xasan oo Dalka Sweden ugu warramay ‘Somali Tv Sweden’ ayaa sharraxay sababta loo joojiyey Mashaariicdan “Sababta Mashruucan loo joojiyey ayaa waxay Hay’aduhu sheegeen inaan la gaadhin Natiijadii laga doonayey ama heerkii laga doonayey Mashaariicda, waxa kale oo ay Dawladda Sweden sheegtay in Maamulka iyo socdaalka ay ku baxday Lacag badan.” Ayuu yidhi, waxaanu intaa ku daray inay kulamo la yeelanayaan Dawladda Sweden iyo Hay’adda u qaabilsan Mucaawimooyinka Dibedda, si ay ugu sheegaan in weli loo baahan yahay Mashaariicdaasi oo baahidoodii taagan tahay. Source

The majority of Jubilee MPs are on the horns of a dilemma over a fresh push to kick out National Assembly Majority leader Aden Duale. Source: Hiiraan Online

Gaalkacyo (Caasimada Online) – Wasiirka Amniga maamul goboleedka Galmudug Axmed Macalin Fiqi ayaa digniin culus u jeediyay odayaal dhaqameedyo ku dhaqan Gobolka Mudug oo ay dhawaan Al-Shabaab u yeereen, wuxuuna fahamsan yahay in lagu amray ineysan hubka dhigin. Wasiir Fiqi wuxuu kaloo ogyahay in kooxda Al-Shabaab ee xiriirka la leh Al-Qaacida ayba yahiin kuwa ka dambeeya dagaal beeleedyada ka dhaca gobollada dalka gaar ahaan kuwa ka dhaca Mudug. “Waxaa nagu maqaalo ah in deegaanada Al-Shabaab laga wacay odayaasha qabaa’ilka, hadii ay tagaan yeysan noo soo noqon, kama duwana argagixisada,” ayuu yiri Axmed Macalin Fiqi. Wasiirka wuxuu sidoo kale aad uga soo horjeestay in odayaasha dhaqanka ee aada deeganada ay ka taliyaan Al-Shabaab inaysan dhex joogi karin deegaanada Galmudug, maadaama ay xambaarsan yahiin tilmaamahii kooxda Al-Shabaab. “Haku biiraan Al-Shabaab, waxba yeysan noo soo noqon, dagaalka dhinac haka soo galaan, suuragal maahan inuu na dhex joogo oday dhaqameed ku shaqeynaya awaamiirta Al-Shabaab isagoo xoriyad heysta”

(SLT-Hargeysa)-Dawladda Djibouti ayaa xabsiyada kala duwan ee dalkaas ku gurtay dadkii sameeyay dibad baxyada ay ku dalbanayeen in la sii daayoe duuliye Fuaad oo filim uu iska soo duubay ku soo bandhigay xaaladda nololeed ee adag ee ku haysata xabsiga uu ku xidhanyahay. Wasiirka arrimaha gudaha Djibouti ayaa sheegay inay xabsiga u taxaabeen ilaa lixdan ruux oo lagu xidhiidhinayo kacdoonkaas oo gigilay dawladda Djibouti, waxaanu sheegay in lagu samayn doono baadhis lagu kala saarayo kuwa uu sheegay inay dambiga leeyihiin iyo kuwa da’da yar. Waxa kale oo ay dawladdu u hanjabtay qaar ka mid ah culimada Djibouti ee ka soo horjeeda hoggaanka Madaxweyne Geele, kuwaas oo looga yeedhay taliska Booliska Djibouti. Geesta kale ciidamada ammaanka Djibouti ayaa habeen hore baadhis ku sameeyay guriga ay degenyihiin xaaska duuliye Fu’aad, waxaana ay xaaskiisu sheegtay inay ciidamadu garaacis u gaysteen qaar ka mid ah carruurta uu Fu’aad dhalay. Source

Guddoomiyihii hore ee bulshada rayidka Diini Maxamed Diini ayaa waxa uu dowladda federaalka ah gaar ahaan wasaaradeeda maaliyadda ku eedeeyay inay ku fashilantay inay dalka oo dhan si siman canshuurta uga qaado xilli wasaaraddu ay kaliya dalka ka canshuurto Muqdisho. Diini Maxamed Diini oo wareysi gaar ah siiyay Goobjoog News ayaa waxa uu hoosta ka xariiqay inay nasiib darro weyn ku tahay wasaaradda maaliyadda dalka inay wali canshuurto Muqdisho isaga oo carabka ku adkeeyay inay ahayd in dowladdu ay dekadaha Boosaaso iyo Kismaayo Canshuurto xilli xiriirka ka dhaxeeya maamul goboleedyada qaar iyo dowladda federaalka ah uu yahay mid aan wanaagsanayn. “Wasaaradda Maaliyaddu waxay ku fashilantay iney si siman cashuur uga qaaddo dalka oo dhan, weli waxaa la joogaa in Muqdisho la canshuuro. Maamul goboleedka haddii siyaasiyan oo qancin lahaa waxaa suurtaggal noqon lahayn in dakhliga kasoo xarooda dakadda boosaaso iyo Kismaayo iney dowladdu hesho ama dowladdu ama iyadu xisaab ha celiso ama iyada haloo soo celiyo. Laakiin nidaamkii (fiscal federalism) in la dhammeystiro” ayuu yiri guddoomiyihii hore ee bulshada rayidka. Dhanka kale guddoomiyihii hore ee bulshada rayidka ayaa madaxweyne Farmaajo ku eedeeyay inuu faham qaldan ka haysto waxa loogu yeero xasilooni siyaasadeed isaga oo xusay in laga yaabo in madaxweynaha iyo ra’isulwasaaraha ay kun jeer is khilaafeen balse aan wax wara ah laga heyn waxa uuna xasiloonida uu sheego Farmaajo uu ku tilmaamay guddoomiye Diini inay tahay xasilooni darro siyaasadeed. “Nasiib darrada jirta ayey ka mid tahay waxaa laga yabaa madaxweynaha iyo ra’isulwasaaraha inay kun jeer iskhilaafeen laakiin aan hadda cidna ogeyn oo aysan bannaanka u soo bixin marka aniga sidan uma arko xasilooni ee waxaan u arkaa inay tahay xasilooni darro siyaasadeed” ayuu sii raaciyay hadlkiisa gudoomiye Diini. Xiriirka aan wanaagsanayn ee ka dhaxeeya Dowladda dhexe iyo maamul goboleedyada ayaa ah culeyska ugu weyn ee ay wajahayaan madaxda ugu sareysa dalka oo xitaa keentay in shaki la geliyo sid ay dalka uga dhici karto doorasho lagu wada qanacsanyahay oo ay raali kawada yihiin maamul goboleedyada iyo xisbiyada siyaasadeed ee dalka ka jira. Halkan ka daawo wareysiga Diini Maxamed Diini Goobjoog News Source: goobjoog.com

Muqdisho (Caasimada Online) – Guddiga joogtada ee baarlamaannka Soomaaliya ayaa haatan wuxuu shir uga socdaa xarunta Villa Hargeysa ee Muqdisho. Shirka oo ah mid xasaasi ah ayaa waxaa looga hadlayaa ajandayaasha muhiimka ah ee looga doodayo kulamada soo socda ee kalfadhiga 7-aad ee baarlamaanka Soomaaliya, kaas oo uu Sabtidii furay Madaxweynaha Soomaaliya, Maxamed CabduLlaahi Farmaajo. Xubnaha guddiga joogtada ayaa si aayar ah uga baaran dagaya ajandayaashaasi, maadaama uu yahay kalfadhigii ugu dambeeyey ee baarlamaanka 10-aad ee dalka. Sidoo kale waxaa la filayaa in 27-da –bishan June xildhibaanada labada gole uu hortago guddiga madax banaan ee doorashooyinka qaranka, si looga dhageysto warbixintooda ku aadan doorashada 2020-2021 iyo nooca ay tahay in la qabto, si markale looga doodo. Arrimahan ayaa ku soo aadaya, iyadoo dalka uu ku jiro marxalad kala guur ah, islamarkaana aysan weli cadeyn nooca doorasho ee dalka ka dhaceysa. Xisbiyada mucaaradka iyo xubnaha beesha caalamka ayaa dhankooda ka digaya muddo kororsi, waxaana dowladda dhexe ay ku eedeeyeen inay ka gaabisay doorashooyinka.

BAYDHABO (HOL) - South West State President Abdiaziz Lafta Gareen has dismissed claims that his administration was opposed to meetings between the Federal Government and regional units. Source: Hiiraan Online

As the Minneapolis metropolitan area and the nation grapple with the death of St. Louis Park resident George Floyd, St. Louis Park Councilmember Nadia Mohamed reflected on her own emotional reaction. Source: Hiiraan Online

Addis Ababa (Caasimada Online) – Guddoomiyihii golaha aqalka sare ee dalka Itoobiya, Khayriya Ibrahim ayaa maanta ku dhawaaqday inay iska casishay xilkaasi, kadib wareysi kooban oo ay siisay Telefishinka Tigrayga ee ku yaalla magaalada Mekelle. Khayriya ayaa wareysiga ay bixisay ku shaacisay inay ay rabitaan-keeda xilka uga tegtay, islamarkaana aysan dooneyn inay garab u noqoto dowlad keli-talis ah. Sidoo kale waxay xildhibaanada baarlamaanka ku eedeysay inay ku xad-gudbiyeen Dastuurka, una dhaqmeyn si aan wanaagsaneyn. “Koox kelitalis ah oo malin-walba dastuurka dalka ku xad-gudbeysa inaan la sii shaqeeyo diyaar uma ihi.” ayey tiri. Sidoo kale Khayriya ayaa intaasi ku dartay “Si ka baxsan dastuurka oo aan horay looga baran dalka Itoobiya ayey isku dayayaan in qodobbada dastuurka loo macneeyo ama wax looga beddelo.” Ugu dambeyn waxa ay hoosta ka xariiday in dowladda hadda talada heysa ee Itoobiya ay dooneyso inay wax ka bedasho Dastuurka, si ay u sameysato muddo kororsi hor leh. “Dowladda talada dalka Itoobiya hadda hayso waxay isku dayeysaa iney qodobbada dastuurka ay isku laaqdo si ay u kororsato mudda xileedkeeda.” ayey markale wareysiga ku tiri guddoomiyihii golaha aqalka sare ee dalka Itoobiya, Khayriya Ibrahim ayaa xilkan heysay muddo laba sano ah, iyadoona xubin ka ah xisbiga Tigrayga ee loo yaqaano TPLF.