Muqdisho (Caasimada Online) – Madaxweynaha dowlad goboleedka Jubbaland, Axmed Maxamed Islaam (Axmed Madoobe) ayaa maanta soo gaaray magaalada Muqdisho ee caasimada Soomaaliya, waxaana si weyn loogu soo dhoweeyey garoonka Aadan Cadde. Axmed Madoobe iyo wafdiga uu hoggaaminayo ayaa waxaa garoonka diyaaradaha ee magaalada Muqdisho uga hortegay mas’uuliyiin ka tirsan labada gole ee dowladda. Madaxweynaha Jubbaland ayaa noqonaya madaxweynihii labaad ee soo gaaray Muqdisho, waxaana ka horreeyey madaxweynaha maamulka Koonfur Galbeed Cabdicasiis Lafta Gareen. Ujeedka socdaalka Axmed Madoobe ayaa waxa uu la xiriiraa ka qeyb-galka shirka golaha wada-tashiga qaran ee uu dhowaan iclaamiyey ra’iisul wasaare Rooble. Shirkan oo ah mid xasaasi ah ayaa waxaa wararkii ugu dambeeyey ee sheegayaan inuu ku yimid dib u dhac, maadaama lagu ballamay inuu si rasmi u furmo maanta oo Sabti ah. Dib u dhacan ayaa waxaa sababay arrimo la xiriira dabaal-degga xuska 26-ka June oo maanta ku beegan iyo sidoo kale madaxda qaar oo aan weli soo gaarin caasimada. Sidoo kale waxaa haatan la sugayaa oo saacadaha soo socda imaan doono Muqdisho madaxweynayaasha maamul goboleedyada Galmudug, HirShabelle iyo Puntland. Wada-hadallada markale Muqdisho ka dhacaya oo ku soo aadaya, xilli xasaasi ah ayaa waxaa diirada lagu saarayaa arrimaha doorashooyinka dalka, gaar ahaan qodobadii ka fuli waayey heshiiskii horey loo gaaray iyo dar-dar-gelinta jadwalka doorashooyinka 2021-ka. The post Madaxweyne goboleedkii labaad oo yimid & wararkii u dambeeyey shirka Muqdisho appeared first on Caasimada Online.

Ururka dhaqaatiirta aan xuduuda laheyn ayaa sheegay in dhaqaatiir looga dilay gobalka Tigre kadib markii ay dagaalo cusub ka qarxeen gobalka maalmihii la soo dhaafay . Kooxda ayaa ku sheegtay bayaan ay soo saartay in seddax ka mid ah howl wadeenadeeda lagu dilay Tigre Khamiistii . Isku duwaha xaaladaha deg degga ah Maria Hernandez, kaaliyaha isku duwaha Yohannes Halefom Reda iyo darawalka Tedros Gebremariam Gebremichael ayaa la sheegay in meydookada la helay kadib saacado la weysana. “Waxaan ku cambaareyneynaa weerarkan lagu qaaday asxaabteena sida ugu macquulsan ayaan u baari doonna wixii dhacay,” ayaa lagu yiri qoraal ka soo baxay MSF. Bayaanka ka soo baxay Dhaqaatiirta aan xuduuda laheyn ayaa sidoo kale lagu yiri “Ma jiro ereyo aan si dhab ah u soo gudbin karna murugadeena, naxdinta iyo carada aan ka qabno weerarkan argagaxa leh, mana joojin doonno gurmadka aan ka wadno Itoobiya “. Kadib markii xukuumadda Abiy ay sheegtay in la aga adkaday TPLF bilawgii sanadkan, Maalmihii la soo dhaafay ayeey soo laba kacleeyen Jabhadda iyagoo qabsaday magaalooyin badan oo ka tirsan gobalka waqooyiga dalka Itoobiya ku yaallo ee Tigre . GoobJoog News Source: goobjoog.com

Jowhar (Caasimada Online) – Warar kala duwan ayaa kasoo baxaya khasaaraha ka dhashay iska hor imaad u dhexeeyey ciidan ka tirsan kuwa dowladda oo xalay ka dhacay magaalada Jowhar oo caasimad u ah dowlad goboleedka Soomaaliyeed ee HirShabelle. Dagaalka oo ahaa mid culus ayaa yimid, kadib markii ay isku dhaceen ciidamo ka tirsan kuwa sida gaarka ah u tababaran ee Haramcad iyo kuwa Booliska ee magaaladaasi, waxaana dhex-maray is rasaaseyn khasaare dhalisay oo muddo ka socotay magaalada. Wararka ayaa sheegaya in ugu yaraan labo askari oo ka kala tirsanaa labada dhinac ay ku dhinteen dagaalkaasi, waxaana jira dhaawac kale oo ka dhashay iska hor imaadkaasi. Is-rasaaseynta ayaa dhacday, xilli loo dabaal-degayey xuska munaasadda 26-ka June, iyada oo cabsi soo wajahday dadkii ka qeyb-galayey xafladda dabaal-degga. Sidoo kale ma cadda illaa iyo hadda sababta rasmiga ah ee dhalisay dagaalka dhex-maray labada dhinac, mana jiro weli wax hadal ah oo kasoo baxay saraakiisha laamaha amniga. Xaaladda ayaa maanta degan, waxaana si caadi ah kusoo laabtay dhaq-dhaqaaqa goobihii lagu diriray ee magaalada Jowhar ee xarunta gobolka Shabeelah Dhexe. Inta badan ciidamada dowladda ayaa ku dagaalama gudaha magaalada Jowhar, waxaana ka dhasha khasaare kala duwan oo isugu jiro dhimasho iyo dhaawac. Si kastaba ciidamada Haramcad ayaa waxaa halkaasi loo geeyey sugida ammaanka, maadaama ay Jowhar ka dhaceyso doorasho heer baarlamaani ah. The post Dagaal culus oo ka dhacay Jowhar + khasaaraha appeared first on Caasimada Online.

Koonfurta Suudaan ayaa ku dhawaaqday in ay wabiga Nile ka dhisayso biyo-xidheen koranto oo lamid ah kan Itoobiya ka dhisayso isla wabiga. Wasiir ku xigeenka arrimaha dibadda ee Koonfurta Suudaan Deng Dau Deng, ayaa sheegay in la dhammaystiray qorshaha biyo-xidheenka, sida dhererkiisa, xaddiga biyaha uu kaydin doono iyo tirada marwaxadaha la rakibayo, inkasta oo aanu faahfaahin dheeri ah ka bixin. Dalalka Masar iyo Suudaan oo ah dalal haatan khilaaf kala dhaxeeyo Itoobiya oo ku saabsan biyo-xidheenka Grand Ethiopian Renaissance Dam, ayaan wali wax jawaab ah ka bixin qorshaha Koonfurta Suudaan ay ku dhiseyso biyo-xidheenkan. Source

In early January this year, Mandera Governor Ali Roba raised concerns over the worsening security situation in his county, saying that Kenya’s security personnel have failed to secure the county and abandoned it to Al-Shabaab. Source: Hiiraan Online

Wararka ka imaanaya dalka Germalka ayaa sheegaya in muwaadin Soomaaliyeed oo dalkaas ku dhaqan uu weerar ay dad ku dhinteen ku qaaday xilli ay ku sugnaayeen waddooyinka waaweyn ee magaalada Würzburg. Ugu yaraan inta la xaqiijiyay seddax qof ayaa ku dhimatay weerarka uu ku qaaday muwaadinka Soomaaliyeed dad marayay waddooyinka magaalada Würzburg ee dhacda dalka Jarmalka . Ninkan Soomaaliga ay oo la sheegay in uu jiro 24-sano ayaa weerarkan u adeegsaday Mindi halkas oo uu dad kalena ku dhaawacay . Muuqaallo lagu baahiyay baraha bulshada ayaa muujinayay ninkan oo ka ordaya booliska magaalada Würzburg oo eryanayay xilli uu galaaftay nolosha dad ku sugan bartamaha magaaladaas. Booliska dalka jarmalka ayaa sheegay in ninkan uu yahay Soomaali, xilli uu xirna markii uu weerarka qaadayay Af-saabka loogu tala galay in looga taxadaro xanuunka Corona . Goobjoog News Source: goobjoog.com

(SLT-Hargeysa)-Wararka ka imaanaya magaalada Jowhar ee xarunta maamulka Hirshabeelle ee dalka aynu dariska nahay ee Soomaaliya ayaa sheegaya in laba askari aay ku geeriyoodeen rasaas loo ridaayaay dabaaldega munaasabadda 26-Juun oo ah 61-guurada kasoo wareegtay Maalintii ay Somaliland xorriyaddeeda ka qaadatay Boqortooyada Ingiriiska. Goobta munaasabadda ka dhaceysay waxaa ku sugnaa madax ka tirsan maamulka Hirshabeelle, waxaana rasaasta badan ee la ridaayay iyo geerida labada askari oo ka kala tirsana ciidamada Militariga Soomaaliya iyo kuwa Haramcad ay sababtay cabsi xoogan oo soo waajahday madaxdii ku sugneed goobta munaasabadda ka dhaceysay. Majirto wax war ah oo ilaa hadda kasoo baxay laamaha amniga ee maamulka Hirshabeelle oo la xadhiidha falkii xalay ay ku dhinteen labada askari xili aay socotay munaasabadda 61-guurada kasoo wareegtay Maalintii ay Somaliland xorriyaddeeda ka qaadatay Boqortooyada Ingiriiska, taasoo xata cabsi ku abuurtay dadka ku nool magaalada Jowhar oo sida ay sheegeen u qaatay rasaasta dhaceysay mid dagaal ah. Source

Madaxweynaha dowlad gobaleedka Jubbaland Axmed Maxmed Islaam Madoobe ayaa goordhaw soo gaaray magaalada Muqdisho ee caasimadda dalka . Axmed Madoobe iyo Wafdigiisa ayaa waxaa garoonka diyaaradaha ku soo dhaweyay mas’uuliyiin ka tirsan xukuumadda, xildhibaano iyo qeybaha kala duwan ee bulshada . Madaxweynaha Jubbaland ayaa magaalad Muqdisho kaga qeyb galaya shirka wadatashiga doorashooyinka oo lagu dhameystirayo heshiiskii 27-kii May ay Muqdisho ku gaareen madaxda dowlad gobaleedyada dalka . Goobjoog News Source: goobjoog.com

Waxaa baaaqday shirka wadatashiga arrimaha doorashooyinka oo maanta sabti ah lagu waday magaalada Muqdisho in uu ka furmo madaxda dowladda federaalka iyo kuwa dowlad gobaleedyada dalka kadib markii uu isugu yeeray ra’iisul wasaaraha dalka Maxamed Xuseen Rooble. Madaxda dowlad gobaleedyada ayaanan intooda badan ku sugneyn magaalada Muqdisho kuwaas oo ka soo dib dhacay shirka. Madaxweynaha dowlad gobaleedka Koonfur galbeed Soomaaliya Cabdicasiis Xasan Maxamed Lafta-gareen iyo madaxweynaha Jubbaland Axmed Madoobe ayaa ku sugan muqdisho halka madaxda kale ay weli joogaan deeganadooda marka laga reebo madaxweynaha dowlad gobaleedka Hirshabeelle oo safar ku jooga dalka Turkiga. Shirkan ayaa lagu waday in lagu dhameystiro heshiiskii Muqdisho ay ku kala saxiixdeen 27-kii May magaalada Muqdisho madaxda dowladda federaalka iyo madaxda dowlad gobaleedyada dalka. Madaxweynayaasha Puntland, Galmudug iyo Hirshabelle ayaa la filaya in 48-saac ee soo aaddan ay soo gaaran magaalada Muqdisho. Goobjoog News Source: goobjoog.com

Source

Dowladda Canada ayaa sheegtay in ay boqolaal muhaajiriin ah kuwaas oo ay nolol la’aan ku heyso dalka Australia ay siineyso dib u dejin. Dadkaan oo hadda ku sugan gudaha dalka Australia ayaa waxaa ku jira dad soomaali ah kuwaas oo si dhuumaaleysi ah ku galay dalka Australia . Canada ayaa dowladda Australia ka codsatay in dadka ku dhibaateysan dalkeeda gaar ahaan magaalooyinka Melbourne iyo Sidney in ay ku soo wareejiso si ay u siiso magan-galyo. Dadkan ayaa gaaraya in ka badan 240 qof kuwaas oo ay badankood dowladda Australia ay diiday in ay siiso daganaasho kadib markii ay dalkeeda ku soo galeen sifo aan sharci aheyn . Goobjoog News Source: goobjoog.com

(SLT-Hargeysa)-Xarunta qasriga madaxtooyada Jamhuuriyadda Somaliland, waxa xalay lagu qabtay munaasibad ballaadhan oo loogu dabbaaldegayo 61-guurada kasoo wareegtay 26-kii June sannadkii 1960-kii oo ah markii ay Jamhuuriyadda Somaliland xorriyaddeeda ka qaadatay Boqortooyadii Ingiriiska. Munaasibadda 61-guurada kasoo wareegtay markii ay Jamhuuriyadda Somaliland xorriyaddeeda ka qaadatay Boqortooyada Ingiriiska, waxa ka soo qaybgalay madaxweynaha Jamhuuriyadda Somaliland, Mudane Muuse Biixi Cabdi, madaxweyne-ku-xigeenka, Mudane Cabdiraxmaan Cabdilaahi Ismaaciil (Saylici), shirguddoonka goleyaasha guurtida iyo wakiillada, Mudane Saleebaan Maxamuud Aadan iyo Mudane Baashe Maxamed Faarax, guddoomiyaha maxkamadda sare, garyaqaan Aadan Xaaji Cali Axmed, hoggaanka saddexda xisbi qaran ee KULMIYE, WADDANI iyo UCID, safiirrada, dalalka, Imaaraadka, Ethiopia, Taiwan iyo Jabuuti u fadhiya Somaliland, wufuud caalami ah oo ka kala socota, dalka guinea Bissau, Kenya, Imaaraadka Carabta, Ethiopia, diblomaasiyiin iyo safirro, xubno kamid ah golaha wasiirrada, xildhibaanno, agaasimeyaal katirsan xukuumadda iyo marti-sharaf oo kale oo aad u tiro badan. Ugu horrayn, waxa munaasibadda lagu soo bandhigay heeso ka turjumaya muhiimadda ay maalintani leedahay iyo guulaha dhinacyada kala duwan ee ay Jamhuuriyadda Somaliland ku tallaabsatay muddadii ay xorta ahayd iyo dhibaatadii ay kala kulantay midowgii Koonfurta Soomaaliya. Guddoomiyaha golaha wakiillada Jamhuuriyadda Somaliland, Mudane Baashe Maxamed Faarax oo halkaas ka hadlay, ayaa sharraxay midnidii lagu hungoobay ee ay Somaliland la qaadatay maamulkii Koonfureed ee keenay inay dib ugala soo noqoto xorriyaddeedii, markii uu guuldarraystay hadafkii midnimadu, isaga oo hoosta ka xarriiqay inay bulshada Somaliland muddadaa lixdanka sanno ka badan ee kasoo wareegtay xorriyadooda ay dhaxleen waayo-aragnimo, samir iyo bisayl dhinac walba ah. Xildhibaan Maxamed Macallin Maxamuud oo katirsan aqalka sare ee dalka Kenya oo isaga iyo wefti ballaadhan oo dalkiisa ka socdaa ku sugnaayeen munaasibadda oo goobta ka hadlay ayaa sheegay inay farxad gaar ah u tahay inay ka qaybgalaan munaasibadda 61-guurada kasoo wareegtay qaadashada xorriyaddeeda, isagoo caddeeyey in dawladda Kiiniya ay mar kasta garab taagan tahay shacabka reer Somaliland. Guddoomiyaha golaha guurtida Jamhuuriyadda Somaliland, Mudane Saleebaan Maxamuud Aadan, ayaa isaguna dhankiisa shacabka reer Somaliland ku bogaadiyey maalinta xorriyadda qarankooda, waxana uu ugu baaqay inay ilaashadaan dawladnimadooda, una samraan caqabad kasta oo kaga timaadda, isaga oo Koonfurta Soomaaliyana u caddeeyey inay Somaliland usoo soconnin. Madaxweynaha Jamhuuriyadda Somaliland, Mudane Muuse Biixi Cabdi oo halkaas ka jeediyey khudbad dhinacyo badan taabanaysa oo uu liishaanka ku saaray muhiimadda ay qaranka ugu fadhido maalinta xorriyadda Somaliland ee 26-ka June, isaga oo xusay midowgii iyo dhibkii ay Somaliland kala kulantay rabiteenkeedii ahaa shan Soomaaliyeed oo dawladnimo dhista. Madaxweyne Muuse Biixi Cabdi waxa uu si qoto dheer u sharraxay shuruucda iyo xeerarka aasaasiga ah ee Afrika ay ka dhaxashay isticmaarkii reer Yurub ee xuduudaha u kala sameeyey, waxana uu yidhi, “Somaliland waxay hore ugu martay ee ay nabadda u noqotay ee Koonfuri u degi weyday, xukunkeeda, gobolladeeda, doorashadeeda iyo maamulkeedu waxay ku fadhiyaan 26-kii June 1960-kii sharcigii ay ku deggenayd ee ay isticmaarka ka dhaxashay ee Afrika oo dhani ku fadhido ayey Somaliland ku fadhidaa.” Madaxweynaha Jamhuuriyadda Somaliland, Mudane Muuse Biixi Cabdi waxa uu is barbardhigay Somaliland iyo Soomaaliya, isaga oo ku dheeraaday horumarka ay Somaliland ka gaadhay dhinaca Dimuqraaddiyadda iyo doorashooyinka, waxana uu yidhi,“Muddadaa aynnu jirnay waxaynu ku guulaysannay, markii horena Toddoba doorasho, saddex madaxweyne ayaa isku beddelay si nabadgelyo ah oo qof iyo cod ah, laba gole oo Baarlamaan baa isu beddelay, laba gole deegaan baa doorasho nabadgelyo ah isku beddelay, waana Ilaahay mahaddii, intaynu Toddobadaa doorasho gelaynay soddonkaas sanno, Soomaaliya, iska daa doorasho’e waxa loogu taag la’yahay kolba shir ay u qabato dawlad shisheeye oo lagu soo magacaabo dad faro-ku-tiris ahi inay madaxweyne iyo Baarlamaan doortaan.” Madaxweynuhu waxa uu tilmaamay in dawladda taagta daran ee Soomaaliya dagaal qaawan kusoo qaadday Jamhuuriyadda Somaliland, dhinaca dhaqaalahana cunoqabatayn ka saartay, islamarkaana ay dagaal kale ka gashay horumarka Somaliland usoo kordha oo ay safka hore kaga jirto ballaadhinta dekedda Berbera. Ugu dambayntii, markii ay saacadda Geeska Afrika gaadhay 12:00AM (laba iyo tobankii habeennimo) waxa la saaray calanka Jamhuuriyadda Somaliland, waxana uu madaxweynuhu salaan siiyey calanka Jamhuuriyadda Somaliland ee la saaray. Wa-bilaahi Tawfiiq Source

Mogadishu (PP News Desk) — Residents of Hawlwadaag districts have accused Mustaf Cali Kheyre, District Commissioner of Hawlwadaag of introducing an annual illegal property tax. Kheyre sent notifications to families to pay the property tax or face harassment by the police at local neighbourhood centres of the district. Notification slips seen by Puntland Post divide types of houses into four. A family living in a concrete building will have to pay US$ 70. Mogadishu Municipality is unaware of the reintroduction of the property tax regime it had discontinued. Mustaf Cali Kheyre is allegedly collecting property tax in Hawlwadaag to finance his ambition to become a Parliamentarian “Mogadishu district commissioners are appointed on clan power-sharing basis. Each district commissioner runs the district like a dominion” said Adan Abdi, a Hawlwadaag resident. Kheyre is allegedly collecting the underhanded property tax to finance his ambition to become a parliamentarian. “There is no public finance accountability at Mogadishu districts” added Aden . In 2020 The Mayor of Mogadishu Omar Mohamud put moratorium on property tax due to the Covid-19 pandemic. The moratorium still remains in place. “Mustaf Cali Kheyre is robbing us of our money by using police-turned-militias as enforcers against people who question the legality of the property tax” said a Somali mother in Hawlwadaag. © Puntland Post, 2021 The post Hawlwadaag District Commissioner Imposes “Illegal Property Tax” on Residents appeared first on Puntland Post.

Waxaa guud ahaan dalka laga xusay xuska munaasibadda 61-sano guuradii ka soo waregatay markii gobalada waqooyi ee dalka xurnimada ka qaateen gumeystihii Ingiriiska . Munaasibada waaweyn oo lagu xusayo munaasibadda ayaa lagu qabtay magaaloyinka dalka, kuwaas oo ay ka qeyb galeen mas’uuliyiinta maamulada dalka . Magaalada Hargeysa ee caasimadda Somaliland waxaa xalay lagu qabtay munaasibad lagu xusayo sanad guuradii 61-aad ee ka soo wareegatay markii gobalada waqooyi ee dalka xurnimada ay ka qaateen gumeystihii Ingiriiska . Munaasibaddaa ayaa waxaa ka soo qeyb galay madaxweeynaha Somaliland, Guddoomiyayaasha golaha wakiilada iyo kuurtida Somaliland, Wasiira ka tirsan somaliland iyo mas’uuliyiin kale . Madaxweynaha Somaliland Muuse Biixi Cabdi ayaana salaan ka qaatay Calanka halkaas oo ay mas’uuliyiinta ka jeediyeen khudbado kale duwan oo ku aaddan halgankii loo soo maray xurnimada iyo sidii gumeystaha la isaga saaray. Dhanka kale magaalooyinka laga xusay xuska munaasibadda 26-ka june waxaa ka mid ah magaalada Muqdisho ee caasimadda dalka . Maalmihii la soo dhaafay oo ay shacabka ku dhaqan caasimadda diyaar garow xooggan ugu jireen xuska maalmaha xuriyadda (26,27-june iyo 1July), ayaa xalay waxaa munaasibad ay ka soo qeyb galeen mas’uuliyiinta ugu sareysa dalka lagu qabtay Madaxtooyada . Munaasibadda ayaa waxaa goobjoog ka ahaa Ra’iisul wasaaraha xilgaarsiinta Maxamed Xuseen Rooble, Guddonka golaha Shacabka, Wasiiro ka tirsan xukuumada, xidlhibaano, Madaxweynaha koonfur galbeed marti sharaf kale iyo madaxweynihii hore ee dalka Maxamed Cabdullahi Farmaajo. Dhanka kale shacabka ku dhaqan Caasimadda ayaa dhankooda isku soo baxyo balaaran oo ay ku soo dhaweynayaan xuska maalinta 26-ka june ka sameeyay goobaha lagu damaashado ee magaalada Muqdisho. Gobalada dalka ayaana dhankooda looga dabaal dagay xuska maalinta aan ka xurownay gumeeystihii ingiriiska ee dalka hay’san jiray . Dhica kale Soomaalida ku dhaqan dalka dibadiisa ayaa si wayn u xusay xuska munaasibadda sanad guuradii 61-aad ee ka soo wareegatay markii gobalada waqooyi xurnimada ka qaateen gumeystihii Ingiriiska. Goobaha laga xusay munaasibadda ayaa waxaa ka mid ah Minnesota ee dalka Maraykanka halkaas oo ay Soomaalida ku dhaqan ay ka sameyn isku soo bax balaaran oo loogu dabaal dagayo xuska xurnimada . Sawirada Xuska iyo Farxadda Shacabka Source: goobjoog.com

Muqdisho (Caasimada Online) – Madaxweynaha Soomaaliya, Mudane Maxamed Cabdullahi Maxamed (Farmaajo) oo xalay khudbad dheer ka jeediyey munaasabadda xuska 26-ka June ayaa si gaar ah ula hadlay dhalinyarada, isaga oo u jeediyey dar-daaran culus. Farmaajo ayaa shaaca ka qaaday in dhalinyarada qaar oo uu la kulmay ay u sheegeen in siyaasiyiinta Soomaaliyeed ay yihiin kuwa daneystayaal ah, wuxuuna qiray madaxweynuhu in hadalkaasi uu yahay mid dhab ah, isla-markaana ay siyaasiyiintu ka shaqeeyaan danahooda gaarka ah iyo sidoo kale tan gurigooda, sida uu hadalka u dhigay. “Dhalinyarada ii timid aad ayay noogu fogaadeen, waxay dhaheen siyaasiyiinta danaha dadka kama Shaqeeyaan ee danahooda iyo mida guryahooda ayay ka Shaqeeyaan, waxaana idin leeyahay hadalkaas waa dhab,” ayuu yiri madaxweyne Farmaajo. Sidoo kale wuxuu ugu baaqay dhalinyarada Soomaaliyeed inay u istaagaan, sida dhalinyaradii SYL oo kale oo aysan waxba ka sugun siyaasiyiinta Soomaaliyeed. Madaxweynaha intaasi ku daray in haatan ay socdaal is-bedallo ay dhaq-dhaqaaqyo ay sameynayaan dhalinyarada Soomaaliyeed oo kacdoon xoogan, si hore loogu sii socdo. “Dhalinyarada maanta waxaa ku socda isbadal maalinba maalinta ka dambeysa, waxaa socda dhaqdhaqaaq iyo kacdoon Midnimo doon ah oo xooggan oo ay wadaan dhalinyaro nooga timid waqooyiga” ayuu yiri madaxweynaha muddo xileedkiisa uu dhammaaday. Hadalkani kasoo yeeray madaxweyne Farmaajo ayaa u muuqdo mid uu ku dhaleeceynayo siyaasiyiinta isaga kasoo horjeedo ee mucaaradka ah, maadaama la galayo tartan adag oo ku aadan doorashooyinka soo socda, taas oo heshiis looga gaaray magaalada Muqdisho The post MW Farmaajo oo shaaciyey in daneystayaal uun ay yihiin siyaasiyiinta Soomaaliyeed appeared first on Caasimada Online.

(SLT-Würzburg)-Saddex qof ayaa ku dhintay dhowr kalana waa ay ku dhaawacmeen kadib markii nin ku hubeysan Mindi uu ku weeraray magaalada Würzburg ee dalka Jarmalka. Muuqaallo la soo dhigay baraha ay bulshadu ku wada xidhiidho ayaa waxa ay muujinayaan nin tooray wayn wata oo ay ka hortageen oo ay iska caabiyeen dad wadada marayay. Qofka laga shakisan yahay oo ah Soomaali 24-jir ah ayaa Boolisku dhaawaceen kahor inta aan la xidhin. Wasiirka arrimaha gudaha ee Bavaria, Joachim Herrmann ayaa waxa uu weriyayaasha u sheegay in shan ka mid ah dadka dhaawacmay ay xaaladoodu liidato oo aan la hubin inay badbaadi doonaan. Qofka laga shakisan yahay inuu dilka geystey ayaa waxaa su’aalo lagu waydiinayaa cisbitaal maxalli ah iyadoo sidoo kale Boolisku ay baadhayaan gurigiisa. Source

Madaxweynaha Jubaland Axmed Maxamed Islaam (Axmed Madoobe), ayaa maanta gaaray magaalada Muqdisho ee caasimadda dalka. Madaxweyne Axmed Madoobe oo hogaaminayay wafdi ka kooban labada gole ee Jubaland waxaa garoonka diyaaradaha ee magaalada Muqdisho ku soo dhaweeyay mas’uuliyiin katirsan labada gole ee dowlada Federaalka Soomaaliya. Madaxweynaha Jubaland ayaa magaalada Muqdisho kaga qeybgalayaa shir ay yeelanayaan mas’uuliyiinta Madasha Wadatashiga Qaran ee arimaha doorashooyinka. Dhanka kale waxaa lagu wadaa in ay saacadaha soo socda Muqdisho gaaraan madaxweynayaasha Puntland, Galmudug iyo Hirshabeelle, halka madaxweynaha Koonfur Galbeed uu shalay ka degay Muqdisho. Shirka Muqdisho ayaa looga hadlayaa howligii ka qabsoomay arrimaha doorashooyinka tan iyo heshiiskii 27 May iyo dardargelinta shaqooyinka harsan. PUNTLAND POST The post Axmed Madoobe oo ka degay Muqdisho appeared first on Puntland Post.

Dowladda Canada ayaa sheegtay, in ay dib u-dejin u samaynayso in ka badan 240 Qaxooti ah oo sharci la’aan ku haysato waddanka Australia. Qaxootigan oo u badan Soomaali, ayaa ku dayacan gudaha Australia iyo jasiiradda Papua new guinea, kadib markii dowladda Australia u diiday in ay aqoonsi siiso. Dowladda Canada oo kaashanaysa hay’adda Qaxootiga adduunka ee UNHCR, ayaa sheegtay in ay qaabilayso dhammaan Qaxootigaas sharci la’aanta ku ah Australia. Go’aankan ay ku dhawaaqday Canada waxa soo dhoweeyay Qaxootiga Soomaaliyeed ee ku dhibaataysan waddanka Australia. PUNTLAND POST The post Dowladda Canada oo sheegtay in ay qaadanayso Qaxooti Soomaaliyeed appeared first on Puntland Post.

A man armed with a long knife killed three people and seriously injured five others in an attack in the southern German city of Wuerzburg on Friday, authorities said. Source: Hiiraan Online

Hargeysa (Caasimada Online) – Madaxweynaha Somaliland, Mudane Muuse Biixi Cabdi oo khudbad ka jeediyey munaasabadda xuska 26 June oo ah markii ay gobollada waqooyi qaateen xornimada ayaa weerar afka ku qaaday madaxda dowladda dhexe ee Soomaaliya. Muuse Biixi ayaa shaaca ka qaaday in dowladda federaalka ah ay Somaliland ku qaaday dagaal dhinac kasta leh, isla-markaana ay saartay ‘cunaqabateen’ dhinaca dhaqaalaha ah, isaga oo hoosta ka xariiqay in afartii sano ee lasoo dhaafay ay ka xayirtay lacag dhan $60 milyan (Lixdan Milyan oo Doollar) oo ah kaalmo uga imaaneysay Bangiga Adduunka. Sidoo kale wuxuu intaasi ku daray in Qaramada Midoobay ku dacweysay dowladda Imaaraadka Carabka oo la macaamishay Somaliland, sida uu hadalka u dhigay. “Dowladda maanta Xamar joogta waxa ay Qaramada Midoobay ku dacweysay Imaaraatka Carabta oo mashaariic ka fulinayay Dekedda Berbera, Heshiiskii London 2012 ee dhigayay in kaalmada sanduuqa naloo furay aan u madax bannaanaano ayay xannibtay oo waxa ay naga joojisay afarta sanadii u dambeysay in ka badan $60 ayaa naga xayiran” ayuu yiri. Dhinaca kale madaxweynaha Somaliland oo hadalkiisa sii wata ayaa ‘meel ka dhac’ ku tilmaamay in xuska 26-ka June oo ah xornimada gobollada waqooyi in lagu qabto magaalada Muqdisho, iyada oo Somaliland ay dagaal ku heyso dowladda federaalka ah. “Xamar waxa ay leedahay waxa aan u dabbaaldegeynaa Gobollada Waqooyi xorriyadooda, aniga meel ka dhac ka weyn & Gardarro intaa ka weyn ma garanayo, In Xamar tiraahdo anaga ayaa Xukuno Somaliland balse dhanka kale dagaal gudaha ah mid, mid diblumaasi ah, mid xabad ah iyo mid cunaqabateyn ah saarto” ayuu yiri sii raaciyey Muuse Biixi Cabdi. Somaliland ayaa inta badan dhaliilo hawada u soo mariso dowladda federaalka ah, balse wuxuu hadalkan kusoo aadaya, iyada oo afartii sano ee lasoo dhaafay aan meelna loo dhaqaajin wada-hadalladii muddada fog soo socday ee u dhexeeyey labada dhinac. The post Muuse Biixi oo DF Somalia ku eedeeyey in ay ‘cunaqabateyn’ dhaqaale saartay Somaliland appeared first on Caasimada Online.

Nin Soomaali ah oo ku hubaysan mindi dheer, ayaa Jimcihii shalay dad ku laayay gudaha magaalada Wurzburg ee waddanka Jarmalka, sida laga soo xigtay Booliiska dalkaas. Ninkaas oo da’diisa lagu sheegay 24-sano jir, ayaa saddex ruux ku dilay Wurzburg shan kalena ku dhaawacay, sida ay sheegeen saraakiisha, ka hor intaan Booliisku isaga dhaawicin. Sarkaal ka tirsan Booliska oo lagu magacaabo, Joachim Hermann ayaa sheegay in dadka dhaawacmay uu ka mid yahay wiil yar kaasoo aabihii ay u badan tahay in uu ka mid yahay dadka dhintay. Ninka falkan geystay ayay boolisku sheegeen in uu daawo dhinaca dhimirka ah qaadanayay, kahor intii uusan weerarkan geysan, isla markaana ay boolisku la socdeen. PUNTLAND POST The post Nin Soomaali ah oo dad ku laayay gudaha Jarmalka appeared first on Puntland Post.

Over 80 medical students, including nine doctors, have graduated from a Turkish university on Friday in Somali capital Mogadishu Source: Hiiraan Online

Madaxweynaha Jamhuuriyadda Federaalka Soomaaliya Maxamed Cabdullaahi Farmaajo oo ka qayb galay Munaasabadda Xuska 26-ka Juun ayaa ugu hambalyeeyey dhammaan shacabka Soomaaliyeed Sannad Guurada 61-aad ee ka soo wareegtay Maalintii Xorriyadda Gobollada Waqooyi. Madaxweynaha oo khudbad ka jeediyey Munaasabadda 26-ka Juun ayaa soo bandhigay taariikhda halgankii xornimadoonka Dalkeenna, isaga oo shacabka Soomaaliyeed ee Gobollada Waqooyi ku ammaanay doorkoodii gobannimo u dirirka iyo isu-doonta ummadda Soomaaliyeed. “Halgankii gumaysi diidka iyo Soomaali isu doonku waxa uu ahaa mid ay hormuud u ahaayeen Gobollada Waqooyi. Dhaqdhaqaaqyadii gobonnimo doonka ahaa ee ka curtay Gobolladaa waxa ay horseed u ahaayeen madaxbannaanida iyo midnimada Soomaaliya, waxaana xusid mudan halgankii gobannimo u dirirka ahaa ee Daraawiishta iyo doorkii SNL ay ku lahayd xoreynta Gobollada Waqooyi oo la mid ahaa doorkii SYL ku lahayd xornimada Gobollada Koonfureed.” Madaxweyne Maxamed Cabdullaahi Farmaajo ayaa kula dardaarmay shacabka Soomaaliyeed in ay xejistaan gobannimadooda, wadajirkooda iyo sooyaalkooda, isaga oo walaalaha Gobollada Waqooyi ugu baaqay in ay hormuud u noqdaan midnimada iyo wadajirka ummadda Soomaaliyeed. “Gobannimadu waa xujo hortaalla cidda hesha, oo uga baahan xejisasho iyo ka miro-dhalin. Waa inaan dhowrannaa, waa inaan wadajir iyo midnimo ku wada waardiyeysannaa. Awooweyaasheen waxa ay u dhinteen inaan xornimo helno, innana waa in aan u guntanno ilaalinteeda, innaga oo jiilasha danbe u diyaarinayna mustaqbal iyo nolol wanaagsan.” Intii ay socotay munaasabaddu, waxaa khudbado xambaarsan sooyaalkii halgankii Xorriyadda Soomaaliya ka jeediyey masuuliyiin, waxgarad, Abwaanno iyo Hoobollada Qaranka Waaberi oo suugaan ku cabbirayey qiimaha gobannimada, waddaniyadda iyo wadajirka. Dhanka kale, Madaxweyne Maxamed Cabdullaahi Farmaajo oo salaan sharaf ay siinayaan cutubyo ka tirsan Ciidanka Xoogga Dalka, baambayduna ay ku maamuusayso heesta Calanka ayaa calan-saaray Madaxtooyada Qaranka, halkaas oo ay munaasabaddu ku qabsoontay. Munaasabadda waxaa sidoo kale ka qayb galay, Kusimaha Guddoomiyaha ahna Guddoomiye Ku-xigeenka 1-aad ee Golaha Shacabka Cabdiwali Ibraahim Muudeey, Ra’iisul Wasaaraha Xukuumadda Maxamed Xuseen Rooble, Guddoomiyaha Maxkamadda Sare ee dalka Garyaqaan Baashe Yuusuf Axmed, Guddoomiyaha Gobolka Banaadir, ahna Duqa Caasimadda Cumar Maxamuud Maxamed Filish, xubno ka tirsan Goleyaasha Dowladda, Taliyeyaasha Ciidammada Qalabka Sida iyo qaybaha kala duwan ee bulshada. PUNTLAND POST The post Madaxweyne Farmaajo oo ka qayb-galay Munaasabada Xuska 26-ka Juun appeared first on Puntland Post.

Madaxweyne ku xigeenka Puntland, Axmed Cilmi Cismaan (Karaash), ayaa shacabka Soomaaliyeed ugu hambalyeeyay munaasabadda xuska maalinta xorriyadda 26-ka June. Mudane Axmed Karaash, ayaa ku hambalyeeyay dhammaan dadka Soomaaliyeed sannad-guurada 61-aad ee ka soo wareegtay 26-kii June 1960, markaas oo Gobollada waqooyi ee Soomaaliya ka xornimadooda ka qaateen Gumeystihii Ingiriiska. Madaxweyne ku xigeenka Puntland ayaa sheegay in 26-ka June qiima badan ugu fadhido umadda Soomaaliyeed, maadaama ay tahay markii u horraysay oo calan Soomaali leedahay oo xor ah laga taago Gobollada waqooyi ee dalka. “Hambalyo dhammaan ummada Soomaaliyeed meel walba ay joogaan Sanad guurada 61-aad ee kasoo wareegtay markii u horaysay ee Calan Soomaliyeed laga taago ciiddeena 26 June 1960.” Ayuu yiri Axmed Karaash PUNTLAND POST The post Axmed karaash oo shacabka Soomaaliyeed ku hambalyeeyay munaasabadda xuska 26-a June appeared first on Puntland Post.

Nin Soomaali ah oo Saddex Qof ku Diley,Shana ku dhaawacay Toorri Jarmalka Nin toorey dheer ku hubeysan ayaa sedex qof ku diley halka 5 kalena uu ku dhaawacay oo qaarkood dhaawacoodu daran yahay magaalda dhinaca koofureed ku taala dalka Jarmalka ee Wurzburg jimcihii shaley ka hor intii aysan boolisku toogan isla markaana xirin. Ninkan ayey boolisku ku sheegeen 24 jir Somali ah oo ku noolaa magaaldaas, dhaawiciisa ayaan aheyn mid daran sida ay boolisku sheegeen. Sarkaal sare oo ka tirsan booliska oo lagu magacaabo Joachim Hermann ayaa sheegey in dadka dhaawacmey uu ka mid yahay wiil yar kaasoo aabihii ay u badan tahay inuu ka mid yahay dadka dhintey Ninka falkan geystey ayey boolisku sheegeen inuu daawo dhinaca dhimirka ah qaadanaayey ka hor intii uusan weerarkan geysan, isla markaana ay boolisku la socdeen, ma jiro wax badan oo laga ogyahay sababta ii ninkani weerarkan u geystey. Muuqaal bogaga inyternetka la soo galiyey ayaa muujinaayey dadweyne isku dayaaya in ay ninkan joojiyaan weerarkiisa iyagoo ulo iyo kuraasidii ay ku fadhiyeen u adeegsanaya. Qaran News