Muqdisho (Caasimada Online) – Shirkii 4-aad ee Culuumta Caafimaadka oo ay si wadajir ah u wada qabanqaabiyeen Jaamacadda SIMAD iyo Jaamacadda Jamhuuriya ayaa Maanta Ka furmay Magaalada Muqdisho. Shirka ayaa waxaa kasoo qeyb galay Wasiir dowlaha wasaarada Waxbarashada Cabdiraxmaan Maxamuud Cabdulle Jaabiri, Gudoomiyaha Midowga Jaamacadaha Soomaaliyeed ahna Gudoomiyaha Jaamacada SIMAD Daahir Xasan Carab, Gudoomiyaha Jaamacadda Jamhuuriya Eng Maxamed Axmed Maxamuud, Gudoomiyaha Jaamacada Banaadir Dr Maxamed Maxamuud Bideey, Macallimiin, Cilmibaarayaal. Shirka Oo Muddo Laba Maalin ah Muqdisho ka socon doona ayaa waxaa diiradda lagu saarayaa Arrimaha Caafimaadka Soomaaliya, soo laba kacleynta Covid-19 iyo soo bandhigidda Cilmi baarisyo ay sameeyeen cilmi baarayaal ka tirsan Jaamacadaha SIMAD iyo Jamhuuriya. Gudoomiye ku xigeenka Cilmi baarista iyo horumarinta Jaamacadda Jamhuuriya ahana Gudomiyah Gudika Qabanqaabada Shirka Qaasim Cabdi Jimcaale oo warbaahinta la hadlay ayaa sheegay in labada Maalin ee shirku uu socdo lagu soo bandhigi doono inka badan 20 cilmi baaris oo ay sameeyeen cilmi baarayaal ka tirsan Jaamacadaha SIMAD iyo Jamhuuriya. Sido kale Shirkan labada maalin socon doona ayaa waxaa daah furay Wasiir dowlaha wasaaradda waxbarashada Cabdiraxmaan Jaabiri, waxa uuna labada Jamaacadood ee SIMAD iyo Jamhuuriya ku amaanay kaalinta ay ka qaadanayaan horumarinta Ardayda iyo Dalka Dhinaca kale Gudoomiyaha Midowga Jaamacadaha Soomaaliya ahna Gudoomiyaha Jaamacada SIMAD Daahir Xasan Carab, Gudoomiyaha Jaamacadda Jamhuuriya Eng Maxamed Axmed Maxamuud ayaa ballan qaaday in ay joogteyn doonaan Barnaamijyada ay ku tayey nayaan kuna hormarinayaan Macallimiinta, Cilmibaarayaasha iyo Ardayda Soomaaliyeed Ugu dambeyn waxaa la filayaa in Shirka Caafimaadka ee Maanta ka furmay in Maalinta Barrita ah lagu soo gaba gabayndoono. The post Sawirro: Shirkii afaraad ee culuumta caafimaadka oo maanta ka furmay Muqdisho appeared first on Caasimada Online.

Maalin kadib markii ay la wareegeen gacan ku haynta caasimadda kaabul,Taaliban ayaa waxa ay cutubyo gaar ah oo ka tirsan ciidamadeeda ku fidisay magaalada si ay amniga u sugaan una xaqiijiyaan xasilloonida caasimadda Afghanistan. Wakaaladda wararka ee Reuters oo soo xiganaysa sarkaal Mareykan ah ayaa sheegtay in ciidamada Mareykanka lagu qasbay inay hawada ku uridaan rasaas si ay uga hor istaagaan muwaadiniinta reer Afghanistan inay raacaan diyaaradaha militariga ee ka duulaya garoonka diyaaradaha ee Kabul Isniintii, isgoo xusay in diyaaradaha milateri ay yihiin oo kaliya gaadiidka lagu daad guraynayo diblomaasiyiinta iyo shaqaalaha safaaraddaha. CNN oo soo xigatay ilo xog ogaal ah oo Mareykan ah ayaa sheegtay in calanka Mareykanka laga dajiyay safaaradda, waana tallaabadii ugu dambeysay ee hannaanka daadgureynta. Masuuliyiin ka tirsan Taalibaan ayaa sheegay in xaaladda Afghanistan Isniinta maanta ay deggan tahay, isla markaana dagaalyahannada aysan melna kula dagaallamin ciidamada dowladda waqtigeedu dhammaaday ama dadka rayidka ah, maalin kadib markii ay xarakadu la wareegtay caasimadda Kabul oo ay burburtay dowladdii uu Mareykanku taageerayay. Reuters ayaa soo xigatay saraakiil ka tirsan xarakada aya sheeagay aysan helin wax warbixin ah oo ku saabsan isku dhacyo ka dhacayguud ahaan dalka, xubin sare oo ka tirsan xarakada ayaa tilmaamay in “xaaladdu ay deggan tahay. ” Hogaaamiye ka tirsan Taalibanka Afghanistan ayaa Isniintii sheegay in ay ku amartay dagaalyahannadeeda Kaabul inaysan cabsi gelin dadka rayidka ah oo ay u oggolaadaan inay dib u bilaabaan hawlahoodii caadiga ahaa. Hogaamiyaha oo codsaday inaan la magacaabin, ayaa wakaaladda wararka ee Reuters usheegay inan la joogin waqtigii in laga hadli lahaa sida xarakadu ay awoodda ula wareegi doonto. Dhanka kale Xoghayihii hore ee arrimaha dibedda Mareykanka Mike Pompeo ayaa wareysi uu siiyay telefishinka FOX NEWS waxa ku sheegay in lo baahanyahay milatariga Mareykanka in ay soo farageliyaan sidii ay caasimadda Afqaanistaan, Kabul, fara maroojin lahayeen lahaayeen Taalibaan, iyagoo adeegsanaya “awoodda ciidamada cirka Mareykanka”. “Waxaan rajeynayaa in maamulka Madaxweyne Joe Biden uu adeegsan doono Diyaardaha dagaalka … waa inay burburiyaan Taalibaanka ku hareereysan Kabul … waa inaan sameynaa annagoo gacan ka heleyna Ciidamada Cirka ee Mareykanka, waa inaan cadaadis saarnaa oo aan waxyeello ugeysana ayuu yiri mike Pompeo. Diblomaansigii ugu sareeyay maamulkii trump aya waxa usheegay in maraykanku uusan kaga heebaysan daalibaan gudaha caaasimadda Kabul, kadib muddo 20 sano ah oo ciidamo maraykanku dagal kaga jireen dalkan” Kama baryeeyno inay badbaadiyaan nolosha Mareykanka.” Ayuu hadalkiisa kusoo koobay mr. Pompeo. Taalibaan waxa ay cadeysay in imaaradda islaamiga oo ay dhisayso aysan ku koobnaan doonin xubnaha Taalibaan . Wakiilka xafiiska siyaasadda Taaliban ee Qadar, Suhayl Shaheen, waxa uu sheegay in dowladda cusub ee Afgaanistaan ay ku jiri doonaan masuliyiin aan ka tirsaneyn Taalibaan. Goor sii horreysay, ka dib markii xoogaggoodu ay axadii qabsadeen Kabul afhayeenka xafiiska siyaasadda ee Taalibaan Muhammad Naciim, ayaa ku dhawaaqay in dagaalkii Afgaanistaan uuso idlaaday. Naeem wuxuu xaqiijiyay ballanqaadkii xarakada ee ahaa in la siinayo amaan muwaadiniinta iyo ergooyinka diblomaasiyadeed. Muhammad Naeem, oo ah xubin ka mid ah ergada Taalibaan ee wadahadalada Doha, ayaa sheegay in mudnaanta koowaad ee Taaliban ay tahay xallinta dhibaatooyinka iyo joojinta dagaalka 40 sano ka socday Afghanistan. Naciim wuxuu inta ku daray in qaar badan oo ka mid ah guddoomiyayaasha gobollada dawladii madaxweyne gaani ay ku sugan yihiin Afgaanistaan, iyo in Taaliban aysan cidna ka reebin ayn diyaar u tahay wadahadal dhinac kasta ah. Madaxa xafiiska siyaasadda ee Taalibaan, Mullah Abdul Ghani Bar adar, ayaa sheegay in la wareegitaanka Taalibaan ee Kabul iyo guud ahaan dhulka Afgaanistaan ay tahay mas’uuliyad weyn. Khudbad uu ugu hambalyeeyay dadka reer Afghanistan, Mullah Baradar wuxuu ku sheegay in xarakadu ay gaartay heer aysan filayn, wuxuuna tilmaamay in ay gudo galeen marxalad tijaabo ah oo ku aadan sidii dalka Afgaanistaan looga xaqiijin lahaa suurtagalnimada wada noolaanshaha. Dhiniciisa, madaxweynihii hore ee Afgaanistaan Xamiid Karzai ayaa sheegay inuu la xiriiray hoggaamiyeyaasha dhaqdhaqaaqa Taalibaan si loogu xaliyo dhibaatada Afgaanistaan waddo nabadeed oo walaalnimo ay ku dheehan tahay. Falcelinta Caalamka ee isbadalada ka socda kaabul. Wasaaradda Arrimaha Dibadda ee Ruushka ayaa sheegtay in la wareegista Taaliban ee caasimadda Afqaanistaan, ay lama filaan ku noqotay Moscow, iyada oo utixgelinaysa in tani ay ka dhalatay fashilka Mareykanka ee Afghanistan. Ergayga gaarka ah ee Madaxweynaha Ruushka ee Afganistan, Zamir Kabulov, ayaa sheegay in aysan ka baqayn in Afgaanistaan ay noqoto meel ay Daacish ku xoogaysato xilligii Daaliban. Ergayga Ruushka ayaa intaas ku daray in aysan suurtagal ahayn in laga hadlo in Taalibaan laga saaro liiska ururada argagixisada, taasina ay tahay arin utaal Golaha Ammaanka. Wasaaradda Arrimaha Dibedda ee Ruushka ayaa ku dhawaaqday maanta, Isniintii, in safiirka Ruushka ee Kabul, Dmitry Zhirnov, uu la kulmi doono berri oo Talaadada ah, isku-duwaha Daaaliban, si ay ugawada hadla ammaanka diblomaasiyiinta Ruushka eeku sugan afgaanistaan. Wasiirka gaashaandhigga Ingiriiska Ben Wallace ayaa shir jiraa’d oo uu warfidiyeenka la yeeshay waxa ku sheegay in dhaqdhaqaaqa Taaliban uu hadda gacanta ku hayo Afgaanistaan, isaga oo ka jawaabaya su’aal ku saabsan suurtagalnimada in Britain iyo Gashaan buurto (NATO) ay ku laabtaan Afghanistan, mr Wallace ayaa xaqiijiyay in arinkaasi uusan miiska saarnayn. Mar wax laga weydiiyay in Brtain ay u aqoonsan doonto Daalibaan dowlad ahaan, Wallace wuxuu sheegay in waqtigeedii aan la joogin, arrintaasi ay ku xiran tahay ficillada dhaqdhaqaaqa ee aysan ku xirnayn hadaladood. Dhinaca kale, Wakaaladda Wararka Faransiiska ayaa ka soo xigatay Wasaaradda Arrimaha Dibadda Shiinaha in Beijing ay diyaar u tahay xiriir saaxiibtinimo oo layeeto Taaliban. Dhiniciisa, Wasiirka Arrimaha Dibadda Qatar Sheikh Mohammed bin Abdulrahman Al Thani ayaa sheegay in ay ku Tageerayaan in dhammaan dadaallada ku aaddan sidii awoodda si nabad ah loogu kala wareegi lahaa Afghanistan, loona gogol xaaro xal siyaasadeed oo dhameystiran, isagoo intaas ku daray in Qatar ay la shaqeyneyso saaxiibbada caalamka iyo Qaramada Midoobay si ay gacan uga geysato soo celinta xasiloonida Afghanistan. Bayaan wadajir ah, oo in ka badan 60 dal soosareen ayaa ugu baaqay dhammaan dhinacyada Afgaanistaan inay ixtiraamaan oo ay fududeeyaan in si nabadgelyo ah ay uga baxaan ajaanibta iyo Afgaanistaa iyiinta doonaya inay ka baxaan dalka. Bayaanka ayaa lagu sheegay in dadka reer Afgaanistaan ay mudan yihiin inay ku noolaadaan ammaan iyo sharaf, beesha caalamkuna ay diyaar u tahay inay ka caawiso arrintaas. Isbeddelladaan kasocda afgaanistaan aya liddi ku ah gulufkii galbeedka ku qaaday Afgaanistaan 20 sano ka hor. Goobjoog News Source: goobjoog.com

Baydhabo (Caasimada Online) – Madaxweynaha dowlad goboleedka Koonfur Galbeed Soomaaliya, Mudane Cabdicasiis Xasan Maxamed (Lafta Gareen) oo xalay munaasabad u sameeyey Senataradii lagu doortay magaalada Baydhabo ayaa ka hadlay qaabka ay ku billowdeen doorashooyinka dalka, gaar ahaan tan Golaha Aqalka Sare ee Soomaaliya. Ugu horreyn Lafta Gareen ayaa dardaaran u jeediyey sideeda Senatar ee Koonfur Galbeed ku metalaya Aqalka Sare, isaga oo ugu baaqay inay ka shaqeeyaan horumarka guud ee dalka, siiba tan deegaanada maamulkaasi, maadaama ay ku metalayaan dowladda dhexe. Sidoo kale wuxuu tilmaamay in Senatarada lasoo doortay ay yihiin kuwa xul ah, isla-markaana leh aqoon durugsan, sidoo kalena isugu jiro dhalinyaro, dadweyn & gabdho. “Marka aad fiiriso senatarada sida ay kusoo baxeen, sida loo xushay & sida ay hadda yihiin waa xikmad rabbaani ah, ilaahbaa nagu toosiyay, waxa ay ka siman yihiin aqoonta, waxa ay u qaybsan yihiin saddex qaybood oo Bulshada laga rabay oo kala ah dhalinyaro, dadweyn iyo gabdhao” ayuu yiri Madaxweynaha maamulka Koonfur Galbeed Soomaaliya. Dhinaca kale Lafta Gareen oo hadalkiisa sii wata ayaa dhaliilay qaabka markii hore loo dhisay Aqalka Sare, wuxuuna shaacaiyey in loo maray si degdeg ah oo aan laga fiirsan. Madaxweyne Cabdicasiis Lafta Gareen ayaa xusay inay aheyd in saddex qorshe lagu cabbiro balse middood laguma saleyn, sida uu hadalka u dhigay. “Dhismaha Aqalka Sare waxaa loo maray si degdeg ah oo aan laga fiirsan, Marka aad fiiriso Aqalka sare waxa uu ka kooban yahay 54-Senatar, waxa uu ahaa in saddex qorshe lagu cabbiro balse middood laguma saleyn, waxaa lagu cabbiray 18-kii Gobol ee Soomaaliya in Gobol weliba uu helo saddex Senator & tan labaad oo ah nidaamka Aqalka Shacabka ee awood qaybsiga 4.5-ta & Dowlad-Goboleedyada oo aan loo simin balse laguma saleyn saddexdaas tallaabo” ayuu hadalkiisa raaciyey Cabdicasiis Xasan Maxamed (Lafta Gareen). Hadalkan ayaa kusoo aadayo, iyada oo dhaliilo xoogan ka yimaadeen doorashooyinka Golaha Aqalka Sare ee ka billowday maamul goboleedyada, kadib markii inta badan hoggaamiyeyaasha maamullada ay tartan la’aan soo saareen xubno iyaga daacad u ah. The post Sawirro: Lafta Gareen oo war la yaab leh kasoo saaray Aqalka Sare? appeared first on Caasimada Online.

Beledweyne (Caasimada Online) – Faah faahino dheeraad ah ayaa kasoo baxaya weerar dil iyo dhaawac loogu geystay dad shacab ahaa, kaas oo xalay ka dhacay deegaanka Bacda oo hoostaga degmada Matabaan oo ka torsan gobolka Hiiraan ee bartamaha Soomaaliya. Weerarka oo ahaa mid qorsheysan ayaa waxaa fuliyey dabley hubeysan, kuwaas oo rasaas ku furay dad rayid ah oo ku sugnaa halkaasi, waxaana soo gaaray dhimasho iyo dhaawac. Ugu yaraan labo qof ayaa ku dhintay weerarkan, halka ay ku dhaawacmeen afar qof oo kale, sida ay innoo xaqiijiyeen ilo dadka deegaanka ah. Labada qof ee geeriyootay ayaa waxaa lagu kala magacaabi jiray, Gallad Xasan Siyaad iyo Raxma Xiirey, kuwaas oo si weyn looga yaqaanay duleedka degmada Matabaan. Sidoo kale wararka ayaa intaasi kusii daraya in dhacdadan ay daba socoto xiisad salka ku heyso aano Qabiil oo weli ka taagan qeybo ka mid ah gobolka Hiiraan. Illaa iyo hadda ma jiro wax hadal ah oo kasoo baxay maamulka gobolka iyo dowlad goboleedka HirShabelle oo ku aadan weerarkaasi lagu beegsaday dadka shacabka ah. Xaaladda ayaa saaka deggan, waxaana deegaanka ay mashaqadu ka dhacday gaaray ciidamo ka tirsan kuwa ammaanka oo billaabay howl-gallo lagu baadi goobayo kooxihii ka dambeeyey falkaasi oo goobta isaga baxsaday, kadib markii ay fuliyeen weerarkaasi.. Hiiraan oo dhaca bartamaha Soomaaliya ayaa waxaa inta badan kusoo laa laabta dagaal beeleedyada, kuwaas oo uu khasaaraha ugu badan uu kasoo gaaro dadka shacabka ah. The post Weerar lagu beegsaday dad shacab ah oo ka dhacay HIIRAAN + khasaaraha appeared first on Caasimada Online.

8 Mine-Resistant Ambush Protected vehicles among cars handed over to Somali officials Source: Hiiraan Online

Farah left Somalia before civil war broke out in 1991. Prior to that time, Somali immigrants had mostly come to the U.S. as students and professional workers. Source: Hiiraan Online

Washington (Caasimada Online) – Madaxweynaha Mareykanka Joe Biden ayaa difaacay ka bixitaanka ciidamada Mareykanka ee Afghanistan, isaga oo sheegay inuu weli ku adkeysanayo siyaasaddaas, ayna tahay xilligii ay ka tegi lahaayeen dalkaas, 20 sano oo dagaal ah kadib. “Waxaan ahay madaxweynaha Mareykanka, mas’uuliyaddana anigaa leh,” ayuu yiri Biden oo khudbad aad loo sugayey ka jeediyey Aqalka Cad, kadib maalmo uu ka aamusnaa xaaladda Afghanistan. Biden ayaa sheegay “inuu si qoto dheer uga murugooday” sida xaaladdu isu beddeshay, wuxuuna ballan-qaaday inuu difaaci doono xuquuqda haweenka Afghanistan, oo hadda wajahaya soo laabashada xukunka Taliban. Hase yeeshee wuxuu si aan gabasho laheyn ugu adkeystay inuusan ka qoomameeneyn soo saarista ciidamada Mareykanka, inkasta oo si aad ah loogu dhalleeceeyey qaskii ka dhacayey halkaas, maalmihii tegay. “Waxan si buuxda u taageersanahay go’aankeyga. Kadib 20 sano, si adag ayaan u bartay in marnaba aysan jirin waqti wanaagsan oo lasoo bixiyo ciidamada Mareykanka,” ayuu yiri. Madaxweynaha Mareykanka ayaa qirtay in dowladda Afghanistan u burburtay si ka deg deg badan sidii uu filayey – wuxuuna soo jeediyey inaysan laheyn rabitaan ay kaga hortaagan Taliban. “Runta ayaa ah inay u kala fururmeen si ka dhaqso badan sida aan fileynay,” ayuu yiri. “Waxaan siinay fursado badan oo ay go’aan uga garaan mustaqbalkooda. Hase yeeshee ma aynan siin karin rabitaanka ay ugu dagaalamaan mustaqbalkooda.” Biden ayaa ugu dambeyn diginin culus ugu jeediyey Taliban inaysan arbushin ama aysan halis gelin daad-gureynta kumanaanka qof ee isugu jira diblomaasiyiinta Mareykanka iyo tarjumaanadooda reer Afghanistan ee ku sugan garoonka diyaaradaha Kabul. “Waxaan dadkeena ku difaaci doonnaa awood xoog badan haddii loo baahdo,” ayuu yiri Biden. The post Joe Biden oo si yaab leh uga hadlay xaaladda Afghanistan, jeediyey hanjabaad cusub appeared first on Caasimada Online.

Qaran News

A vessel was attacked in transit whilst six nautical miles offshore of Somalia in a rare incidence of attempted piracy off the Horn of Africa. Source: Hiiraan Online

When former al Shabaab combatant Hussein Mohamed* (not his real name) returned to Kenya, he had dreams of starting over after his misadventure. Source: Hiiraan Online

The Taliban's swift takeover of Afghanistan has raised concerns that it could encourage other Islamist militant groups around the world, such as al-Shabab in Somalia. Experts warn that when and if international forces there try to hand over security to the Somali government, the world could see a repeat of what happened in Afghanistan. Source: Hiiraan Online

Ex-Xildhibaan Xasan Shahar oo weerar qaawan oo Afka ah ku qaaday Ex-wasiir Maxamuud Xaashi Maxamuud Xaashi Geel aanuu lahayn ayuu raacay , waxaa uu ka korodhsadayna waa hashaa magaceed , halkii uu wax ka heleyay ama uu wax ka noqonayayna wuu ka abaday , Waxay ahayd inuu xisbigiisii uu sharafta ku lahaa ee uu karaamada ku lahaa ee darajadaad ogtihin u ka gaadhay ee dal iyo dadba lagu bartay Kulmiye ayay ahayd may ahayn xusbi kale “. Xildhibaan hore Xasan Shahar . ” Nin xildhibaana oo musharrax ahaa shirgudoonka Cumar Jaamac Faarax ayuu ninkaasi xambaarsanaa oo uu dhabarka ku sitay oo uu yidhi Cumar anaa soo saaraya , wuxuu Maxamuud yaala halka uu Cumar yaalo uun (Dhicid) , wixii uu ka shaqeeyayna intaasa igu filan”. Qaran News

Qaahira (Caasimada Online) – Ra’iisul Wasaaraha Soomaaliya Maxamed Xuseen Rooble iyo wafdiga ku wehelinaya booqashada uu ku joogo dalka Masar ayaa kulan laba geesood ah la qaatay Ra’iisul Wasaaraha dalkaas iyo xubno ka tirsan Golahiisa Wasiirrada. Rooble iyo wafdigiisa ayaa kala hadlay Ra’iisul Wasaare Mustafa Madbuuli oo ay wehelinayeen Wasiirrada Waxbarashada iyo Arrimaha Dibadda ee Xukuumadda Masar Saddex qodob oo muhiim ah oo kala ah: 1- Sidii kor loogu qaadi lahaa doorka ay ku leeyihiin dalkaasi waxbarashada Soomaaliya iyo sidii loo kordhin lahaa deeqaha waxbarashada ay siiyaan ardayda Soomaaliyeed. 2- Fududeynta socdaalka dadka Soomaaliyeed ay ku tagaan dalka Masar. 3- Fududeynta ganacsiga labada dal iyo maalgashiga Masar ee Soomaaliya. Labada dhinac waxa ay iska xogwareysteen muhiimadda xiriirka walaaltinimo ee dhaxeeya labada dal, iyadoo Ra’iisul Wasaare Mustafa Madbuuli uu bogaadiyey Xukuumadda Federaalka Soomaaliya iyo hoggaaminta Ra’iisul Wasaare Maxamed Xuseen Rooble ee arrimaha doorashooyinka dalka. Booqashada rasmiga ah ee Ra’iisul Wasaaraha iyo wafdigiisa ay ku joogaan dalka Masar ayaa qaadanaysa muddo 3 maalmood ah, taas oo kulamo kala duwan uu la qaadanayo madaxda iyo masuuliyiinta ugu sarreysa dalkaas. Safarka Rooble waxaa ku wehliya Wasiirka arrimaha Dibada Xukuumadda Federaalka Soomaaliya Mudane Maxamed Cabdirisaaq Maxamed, Wasiirka Waxbarashada, Hiddaha iyo Tacliinta Sare Mudane Cabdullaahi Abuukar Xaaji, iyo masuuliyiin katirsan goleyaasha Dowladda. The post Rooble oo saddex qodob ka dalbaday dowladda Masar appeared first on Caasimada Online.

Forces belonging to the Africa Union Mission in Somalia have shot and killed seven civilians following an ambush by al-Shabab militants last week, a Somali governor told VOA Somali. Source: Hiiraan Online

Dabley hubaysan ayaa xalay dad ku laayay degaanka BACDA oo ka tirsan degmada Matabaan ee Gobolka Hiiraan, sida laga soo xigtay Goob-joogayaal. Weerarka waxa la xaqiijiyay in ay ku dhinteen laba qof oo kala ah nin iyo haweenay, islamarkaana ku dhaawacmeen afar ruux oo kale. Labada marxuum ayaa magacyadooda lagu sheegay Gallad Xasan Siyaad iyo Raxma Xiirey, waxaana dilkooda lala xiriiriyay xiisad aanooyin qabiil oo ka jirta degaankaas. Kooxdii weerarka fuliyay ayaa goobta isaga baxsaday, iyadoo ilaa iyo haatan aysan dilkan ka hadlin mas’uuliyiinta iyo saraakiisha Amniga Gobolka Hiiraan. PUNTLAND POST The post Dad lagu laayay Gobolka Hiiraan appeared first on Puntland Post.

Qaran News

Guddoomiyaha Guddiga Doorashooyinka Heer Federaal Maxamed Xasan Cirro ayaa ugu baaqay Madaxda Dowlad Goboleedyada weli harsan in ay soo dhammaystiraan Doorashada Aqalka sare. “Guddiga waxa uu cod dheer ugu baaqayaa Maamul Goboleedyada dhammaan in ay xil adag iska saaraan fulinta heshiisyadii horey loo gaaray oo runtii ah is-afgarad sahlaya in aan si nabdoon ku gaarno nidaam sharci ku dhisan”. ayuu yiri Mudane Maxamed Xasan Cirro. Guddiga doorashooyinka Heer Federaal ayaa soo dhaweeyay natiijada doorashada Aqalka sare ee 15-kii Agoosto ka dhacday Koonfur Galbeed, kaasi oo lagu soo doortay saddexda xubnood ee Aqalka Sare uga harsanaa Koonfur Galbeed. Guddiga Doorashooyinka Heer Federaal ayaa u mahadceliyya Dowlad Gobaleedka Koonfur Galbeed oo si buuxda u soo dhameystirtay doorashada xubnaha siddeeda ah ee Baarlamaanka Aqalka Sare. Warbixinta Guddiga ayaa lagu sheegay in Dowlad Goboleedka Koonfur Galbeed ay noqotay Maamul Goboleedkii labaad oo soo dhammeystira doorashada xubnaha Aqalka Sare ee 2020/2021 Puntland kadib. PUNTLAND POST The post Guddiga Doorashooyinka Soomaaliya oo baaq soo saaray appeared first on Puntland Post.

Wasiirkii hore ee amniga Maamulka Jubbaland Cabdirashiid Janan oo dhawaan heshiis la galay dowladda federaalka, gaar ahaan garabka Farmaajo ayaa mar kale dib uga gurtay heshiiska, wuxuuna ku biiray mucaaradka ka soo hor jeeda Farmaajo ee ku sugan magaalada Muqdisho. Sida aan xogta ku helnay Janan ayaa lasoo xiriiray xubno mucaaradka ka tirsan, gaar ahaan hoggaanka xisbiga Wadajir iyo siyaasiyiin kale, wuxuuna sheegay inuu dareemayo cadaadis, cabsi, ku takrifal iyo ballan ka baxyo, isla markaasna uu doonayo inuu kasoo baxo dhanka Farmaajo. Janan wuxuu daganaa guryo kasoo horjeedo xarunta Nabadsugidda iyo sirdoonka qaranka, sida uu ka sheegay shir jaraa’id oo uu ku qabtay Hotel Jazeera ee magaalada Muqdisho. Waxaa la sheegay in loo diray gaadiid dagaal oo kasoo bixiyey gurigii uu daganaa, waxaana loosoo wareejiyey qeybta ay magaalada Muqdisho ka dagan yihiin siyaasiyiinta mucaaradka ah, taas oo ah goob aad loo ilaaliyo. Shir jaraa’id oo magaalada Muqdisho uu ku qabtay ayuu Janan isku dayey inuu uga leex-leexdo xaqiiqada jirta, isagoo ka dhigay in uusan dagaal uga soo wareegin dhanka Farmaajo, laakiin haddii ay nabad jirto isagoo dhinaca Farmaajo jooga ayuu ku dhawaaqi lahaa inuu yahay musharax u taagan xilka kursiga xildhibaan ee beeshiisa. Hoggaamiyaha xisbiga Wadajir Cabdiraxmaan Cabdishakuur ayaa la sheegay inuu soo dhaweyn wanaagsan u sameeyey, waxaana la dajiyey xarunta xisbiga Wadajir, halkaas oo deegaan u ah xilligaan la joogo. Cilaaqaad ay kooxda Farmaajo lasoo sameysay si uu dib ugu laabto halkii uu daganaa oo laba maalin socday ayaa lagu guul-dareystay, sida ay xaqiijiyeen illo muhiim ah. Muxuu tabanayaa Janan? Cabdirashiid Janan waxaa lasoo wariyey in ballamihii looga baxay, wuxuu u sheegay dad uu la kulmay in loo ballan-qaaday inuu noqdo Xildhibaan, balse wuxuu ku dooday in ugu dambeyn Farmaajo iyo Fahad Yaasiin ay ballantii uga baxeen. Waxay kaloo dad aad ugu dhow sheegeen inuu jiray ballan-qaad lacageed markii uu isku soo dhiibay dowladda federaalka, taasna waa looga baxay, sida ay xaqiijineyso xogtaan. Hadda Cabdirashiid Janan wuxuu Muqdisho kaga dhawaaqay inuu yahay musharax xildhibaan, waxuuna u hanqal-taagayaa kursiga tirsigiisu yahay HOP116, kaas oo afartii sano ee lasoo dhaafay uu ku fadhiyey Xildhibaan Cabdulqaadir Aadan Nuur. Janan wuxuu u sheegay xubno uu la kulmay inuu ka dalbaday kooxda Farmaajo inuu aado Gobolka Gedo si uu usoo xaliyo xiisado ciidanka dhexdooda ah oo ka jira Gobolka, laakiin garabka Farmaajo oo aad uga shakisan in Janan qorshihiisa bedelo markii uu gobolka Gedo ayaa ka diiday in loo fasaxo safarkaas. Saraakiil ciidankiisa ka tirsan oo Muqdisho ku sugnaa oo uu Gedo u diray ayaa iygana Muqdisho lagu xiray oo loo diiday inay baxaan. Janan arrimahaas is biirsaday waxay ku qasbeen inuu usoo ruqaansado dhanka mucaaradka, laakiin wuxuu jeediyey kalmado maldahan oo uu ku fududeysanayo geedigiisa cusub. Hadda muxuu u baahan yahay Janan? Cabdirashiid Janan waxaa la sheegay inuu rabo inuu aado Gobolka Gedo oo la fasaxo, waxaa arrintaas la gaarsiiyey Ra’isul wasaare Rooble, maadaama uu isaga sheegay inaan qofna laga celin karin halka uu u socdo oo aan laga hor istaagi karin inuu ka duulo garoonka diyaaradaha ee magaalada Muqdisho. Hadda way adag tahay in kooxda Farmaajo ay weerarto halka uu dagan yahay Janan oo ay soo qabtaan, arrintaan Xamar waa ka dhammaatay wixii ka dambeeyey dagaalkii 25-kii April, xilligaas oo dib looga saaray magaalada ciidankii xoogga ku soo galay ee Badbaado Qaran. Ra’isul wasaare Rooble ayaa hadda la sheegay inuu ku maqan yahay xalka safarka Cabdirashiid Janan ee gobolka Gedo, lamana yaqaano sida ay arrintaan ku aqbali karto kooxda Farmaajo . Ujeedka xisbiga Wadajir ee marti-gelinta Cabdirashiid Janan Xisbiga Wadajir ee uu hoggaamiye Cabdiraxmaan Cabdishakuur Warsame waxaa la sheegay in siyaasad gooni ah aysan ka laheyn marti-gelinta Janan, laakiin uu isagu u arkay cidda uu isku aamini karo, waxay gudanayaan waajibaadka marti-gelinta siyaasadeed. Kooxda Farmaajo oo culeys badan saareysa kuraasta taalla gobolka Gedo waxay u muuqdaan kuwa aaminsan in Janan uu ka hor imaan doono, haddii uu ku laabto Gobolka, lamana yaqaano sida ay hadda ku hor istaagi karaan socdaalka uu qorsheenayo inuu ku aado gobolka Gedo. Janan oo kamid noqday musasalka siyaasadeed ee Soomaaliya, waa siyaasi shacab iyo ciidanba ku heysta gobolka Gedo, haddii isaga iyo Farmaajo oo kala aragti ah la guda galo doorashada ka dhaceysa magaalada Garbahaarey, waxay u badan tahay inay halis gali doonto 16-ka kursi ee Farmaajo ku xisaabtamayo ee taalla magaaladaas. AFEEF: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada caasimada@live.com Mahadsanid The post Ma la aamini karaa JANAN, muxuuse damacsan yahay? appeared first on Caasimada Online.

Telefishanka Black News oo Isbarbar-dhig ku sameeyay Dawladnimada S/land & Xasilooni darrada Somalia ka oogan Hargeysa(Dawan)- Wasiirka Horumarinta Maaliyadda Jamhuuriyadda Somaliland Dr. Sacad Cali Shire ayaa sheegay in Somaliland ay u qalanto in beesha caalamku aqoonsato, maadaama oo ay tahay dal ka baxay midow uu galay, hase ahaatee aanay ahayn gobol ka go’ay Soomaaliya. Wasiir Sacad wuxuu sidaasi ku sheegay waraysi uu siiyey Telefishanka Maraykanka ku yaalla ee Black News TV, oo ay soo xigatay Wakaaladda Wararka ee SOLNA, waxaanu ka warramay inay Somaliland leedahay taariikh ka duwan Soomaaliya, isagoo tilmaamay inay Somaliland ahayd maxmiyadii Ingiriiska muddadii u dhexaysay 1897 ilaa 1960 oo shacbiga Somaliland ay xornimadoodii ka qaateen Boqortooyadii Ingiriiska, isla markaana ay la midoobeen Soomaaliya 1960kii. Wasiirka Horumarinta Maaliyaddu wuxuu u sheegay Telefishanka Black News, in markii midowgaasi uu shaqeyn waayey ay shacabka Somaliland ka noqdeen midowgaas. Wasiir Sacad wuxuu sheegay in Somaliland tan iyo 1991kii ay gaadhay Nabadgelyo, isla markaana samaysatay Dawladnimo dimuqraadi ah oo ay leedahay Madaxweyne, Baarlamaan iyo Goleyaal deegaan oo la soo doortay. Waxa kaloo uu tilmaamay inay Somaliland ku naalloonayso xasilooni iyo dawladnimo aan ka jirin Soomaaliya. Wasiir Sacad oo la weydiiyey asbaabaha Somaliland loo aqoonsan waayey, waxa uu sheegay inay Jamhuuriyadda Somaliland leedahay xuduudihii, isla markaana ay buuxisay shuruudihii dal madax-bannaan looga baahnaa oo dhammaystiran iyo dawladnimo shacbigu soo doortay. Waxaanu intaas ku daray inay Somaliland xidhiidh la leedahay dalal ka mid ah caalamka oo madaxda dalka la siiyo hab-maamuuskii ay mudan yihiin. Wasiirka Maaliyaddu wuxuu sheegay in wefti ka socday Midowga Afrika oo Somaliland xaqiiqo raadin u yimid ay soo saareen 2004tii bayaan ay ku caddeeyeen inay Jamhuuriyadda Somaliland u qalanto aqoonsi caalamiya. Wasiir Sacad wuxuu sheegay inay Jamhuuriyadda Somaliland ay aqoonsiga ugu baahan tahay si ay xubinimo buuxda uga hesho Qarammada Midoobay, waxaanu iftiimiyey in aqoonsi la’aantu ay ku hayso caqabado ay ka mid yihiin in aanay kasban karin maalgashi badan, isla markaana aanay hay’addaha lacagaha la xidhiidhi karin. Wasiirka Maaliyaddu wuxuu u sheegay Telefishanka Black News in Somaliland iyo Soomaaliya wadahadalladoodu soo socdeen tan iyo 2012kii, oo labada dhinac yeesheen 10 shir, hase ahaatee aanay Soomaaliya xushmayn heshiisyadii la gaadhay, waxaanu ku eedeeyey madaxweyne Farmaajaha Soomaaliya carqaladeynta wadahadalka, waxaanu tilmaamay in marka Soomaaliya ay doorato Madaxweyne cusub ay Jamhuuriyadda Somaliland la geli doonto wadahadal kale. Telefishanka Black News, waxa uu isbarbar-dhigay colaadaha iyo nabadgelyo darrada ka jirta Soomaaliya iyo dawladnimada iyo nabadgelyada cagaha adag ku taagan ee ka jirta Somaliland. Qaran News

Lo’jir Madaxeyne loo doortay+Sooyaalkiisa Taariikheed Madaxweynaha la doortay ee Zambia, HH Waa markii u dambaysay ee uu nasiibku u hiiliyo Hakainde Hichilema oo kama dambaystii noqday madaxweynaha Zambia shan goor oo hore oo uu isku dayey oo aanu ku guulaysan ka dib. Hichilema wuxuu ka adkaaday ninkii uu la loolamayey oo ah madaxweynaha talada ka degaya Edgar Lungu oo uu kaga badiyey hal milyan iyo dheeraad cod. Laakiin su’aashu waa, waa kuma madaxweynaha cusubi? Muxuu se u guulaystay sannado badan ka dib? Hichilema oo 59 jir ah ayaa isku sheega inuu yahay “lo jir” raaci jiray xoolaha qoyskooda markii uu yaraa intaanu noqon ninka ugu hodansan Zambia. Madaxweynaha la doortay oo ah hogaamiyaha xisbiga United Party for National Development (UPND) waxa dadku badanaa u yaqaanaan HH. Wuxu ka dhashay qoys sabool ah ka dib waxa u suurto gashay inuu deeq waxbarasho ka helo Jaamacadda Zambia ka dibna wuxuu ka qalin jabiyey Jaamacadda Birmingham ee Ingiriiska oo uu ka qaatay shahaadada labaad ee MBA. Wuxuu ka shaqaystay ganacsiga maaliyadda, dhismaha, beeraha, adeega caafimaadka iyo dalxiiska. Wuxuu labada heer ee noloshiisa uu soo marayba ku soo jiidatay dadka codbixiyeyaasha ah. Wuxuu codbixiyeyaasha u sheegay in ay u baahan yihiin ganacsade tanaaday oo fahmaya sida dhaqaaluhu u shaqeeyo in uu hogaanka u qabto dalkaa macdanta copper-ka hodanka ku ah. Wuxuu sidoo kale adeegsaday sooyaalkiisa beeralaynimo si uu u soo jiito codadka beeralayda dalka isaga oo sheegay in uu Zambia ka dhigi doono dal gobolka quudiya. Laakiin waxa Hichilema iyo da’ yarta isku xidhay malaha guushiisana udub dhexaadka u ahaa waa sida uu ugu guulaystay nolosha. In ka badan todobada iyo badhka milyan ee codbixiyeyaasha Zambia ka diiwaan gashanaa waxay da’doodu ka yarayd 35 jir oo qiyaastii shantiiba midkood bilaa shaqo yahay. Xisbiga talada hayaa Patriotic Front (PF) wuxuu guusha ku hantay sannadkii 2011 balanqaad uu sameeyey oo ahaa “cashuur yar oo ka dhigan in dakhli badani dadka soo galo iyo shaqooyin badan”. Laakiin balantaas loogama *****n da’yar badan oo haatan iyaga oo malaayiin ah u weecday dhanka Hichilema. Qaababka uu kula xidhiidhay da’yarta waxa ka mid ahaa adeegsiga baraha bulshadu ku xidhiidho. Markani ma ahayn kolkii u horaysay ee uu Hichilema isku dayo inuu adeegsado Facebook iyo Twitter si uu ula xidhiidho codbixiyeyaasha laakiin doorkan guntiguu dhiisha iskaga dhigay. Sidoo kale wuxuu aqbalay inuu la qasto siyaasiyiinta. Sannadkii hore wuxuu baahiyey muuqaal cinwaan looga dhigay “waayaha laba aqoonyahan…..” kaas oo ku tilmaamay Hichilema ganacsade caqli badan oo masuul ah halka Lungu na uu ka dhigay qof lacagtiisa oo dhan ku bixiyay baararka iyo goobaha cawayska. “Labadaa kee caqli badan?” su’aashaas ayaa muuqaalku dadka weydiinayey. Hichilema wuu badanaa ka qayb galayey faalaynta qododobada bulshadu ku hadal hayso baraha bulshada ee aan siyaasadda ahayn gaar ahaan kubadda cagta, taas oo ahayd waxa si toosa ugu xidhayey codbixiyeyaasha. Wuxuu sidoo kale mararka qaar si kaftan ah uga toocsan jiray taageerayaasha kooxaha Manchester United iyo Arsenal marka kooxahooda laga badiyo. Wuxuu sidoo kale u hambalyeeyey ciyaartoyga reer Zambia ee fursadaha lacagta badan ka helay Yurub oo uu ka mid yahay Patson Daka, oo dhawaan ku biiray kooxda Leicester City iyo Fashion Sakala oo isna heshiis la galay kooxda haysata horyaalka Scotland ee Rangers. Wuxuu xataa ka falcelin jiray ciyaaraha saaxiibtinimo isaga oo isu muujinaya inuu xiise dhab ah u qabo xirfadooda. Lungu ayaa isku dayey inuu farsamadaas oo kale bilaabo laakiin dad badan ayaa u qaatay in ay tahay arin lagu dirqiyey. Hichilema wuxuu badanaa baraha bulshada u adeegsadaa erayo suuqdi ah sida erayga “bally” oo ah eray af-suuqdi ah oo loo adeegsado qof aabahaa oo kale ah. Hal qabsiga Twitter ee #BallyWillFixIt ayaa ka mid ahaa isku daygii uu kula qabsaday afka suuqdiga ee goobaha suuyqada iyo baararka dadka ka xoogsada ee aanu lahadlayn oo keliya ganacsatada lacagta leh. The tale of two professionals… pic.twitter.com/EytgRFQ4Au — Hakainde Hichilema (@HHichilema) September 23, 2020 Waxaad mooddaa in farsamadaasi shaqaysay. Kumanaan taageerayaasha Hichilema ah ayaa iskugu soo baxay dariiqyada Lusaka markii uu guulaystay iyaga oo ku dhawaaqayaya “let’s go Bally”. Hichilema wuxuu muujiyey dhabar adayg intii uu siyaasadda ku jiray. Shantii goor ee uu doorashada ku guul darraystay ka sokow, waxa kale oo uu had iyo goor dadka xusuusiyaa in la xidhay 15 toban goor intii uu siyaasadda ku jiray. Sannadkii 2016 waxa lagu eedeeyey khiyaamo qaran madaama oo uu baabuurta madaxweynaha wadada uga bixi waayey. Afar bilood ayuu ku jiray xabsi aad loo ilaaliyo markii dambe se eedaas waa la laalay. Khudbadiisii guusha, madaxweynaha la doortay Hichilema wuxuu ninkii xilka uga horeeyey u fidiyey gancan gacaltooyo. “Ha baqan, waxba xumaan maayaan, lagaa aargoosan maayo sunta dadka ka ilmaysiisana laguu adeegsan maayo” ayuu yidhi Hichilema oo badanaa dhaliili jiray waxa uu ku sheegay isku dayo lagu doonayey in lagu cabsi geliyo oo lagu aamusiiyo isaga oo hogaamiye mucaarada ah. Mar haduu ku guulaystay xafiiska dalka ugu sareeya, Hichelema wuu damaashaadayaa. Laakiin madaxweynaha cusub ee la doortay waxaa qasab ah inuu hawsha dhakhso ugu bilaabo dalka oo dhibaatooyin badani haystaan. Shaqo la’aanta badan ka sokow waxa kale oo aad u kordhayey sicirka machiishadda. Markii ugu horraysay tan iyo 1998 ayaa Zambia dhaqaalaheedu ragaaday sannadkii hore oo uu hoos u dhacay in ka badan 12 bilyan oo doolar. Waxay taasi ka dhigan tahay in xukuumaddu ugu yaraan 30% kharashka soo galaa yahay amaaho dulsaar saaran yahay oo ay soo qaadato sida ay sheegtay hay’adda qiimaynta deymaha ee S&P Global. Sannadkii hore Zambia waxay ka baaqsatay in ay bixiso dayn dulsaar lahayd taas oo ka dhigaysa dalkii ugu horeeyey ee Afrikaan ah ee amaah lagu leeyahay iska bixin kari waaya inta uu jiray safmarka korona. Waxa sidoo kale dalka haysta culaysyo uu iskaga bixin kari la’yahay deymo kale oo lagu leeyahay. Daafadda taageerada Hichilema hoos bay u dhici doontaa hadii uu si dhakhso ah wax uga qaban kari waayo dhibaatooyinkaas qaarkood. Qaran News

Dowlad Goboleedka Jubaland, ayaa ka warbixiyay khasaaraha ka dhashay dabaylo xooggan oo ku dhuftay xeebaha Gobolka Jubada Hoose. Wasiirka Kalluumeysiga Jubaland, Cabbaas Cali Ibraahim ayaa sheegay in dabayshu ay ridday 11 doonyood oo nooca kalluumeysiga ah, kuwaas oo ka jillaabanayay xeebaha Gobolka. Wasiir Cabbaas ayaa sheegay in shilkaas ay ku dhinteen shan ruux oo kalluumeysato ah, kadib markii ay rogmadeen doonyihii ay wateen dadkaas. Sidoo kale, wasiirku wuxu tilmaamay in dabayshu burburisay gurya badan oo ku yaalla xaafadda dhanka xeebta xigta ee Calanley (Kismaayo). Wasiir Cabbaas Cali Ibraahim ayaa ugu baaqay dadka ku nool xeebaha Gobolka Jubada Hoose, in ay taxaddar dheeriya ka muujiyaan dabaylaha xooggan ee ka jira xeebta. PUNTLAND POST The post Ilaa shan kalluumeysato ah oo ku dhintay xeebaha Gobolka Jubada Hoose appeared first on Puntland Post.

Madaxweynaha waddanka Maraykanka, Joe Biden ayaa si weyn u difaacay go’aankiisi ​​ahaa, in ciidamada Mareykanka laga saaro Afghanistan. Madaxweyne Biden, ayaa iska diiday cambaarayn xooggan oo uu kala kulmay bixitaankii ciidamada Maraykanka, iyadoo ururka Daalibaan la wareegay talada dalkaas. “Anaga waligeen Afghanistan uma tagin inaan dhisno Qaranka Afghanistan ee danaheena ayaan ka fulisaneeynay” ayuu yiri madaxweyne Joe Biden “Iyaga ayey ahayd inay dalkooda iyo qarankooda dhistaan. Yaan nagula eedeyn. 88 Bilyan ayan ciidankooda ku bixinay, waan u tababarnay. Waa kuwaan maanta isdhiibay” ayuu sii raaciyay. Hadalka madaxweynaha Maraykanka ayaa ku soo beegmay maalin kadib markii ururka Daalibaan qabsaday dalka Afghanistan. PUNTLAND POST The post Biden oo si weyn u difaacay go’aankii Ciidamada Maraykanka looga saaray Afghanistan appeared first on Puntland Post.

Turkiga oo Go’aan cusub ka qaatay Qadiyada Taalibaan Xaaladda Afghanistan ayaa waji cusub yeelatay kaddib markii ay kooxda Taalibaan la wareegeen magaalada caasimadda ah ee Kabul, halkaasoo ay 20 sano ka maqnaayeen. Maalmihii lasoo dhaafay Turkiga ayaa sheegayay inuu la wareegi doono garoonka diyaaradaha caalamiga ah ee Kabul, uuna ka difaaci doono xoogagga Taliban. Hase yeeshee qabsashada Taalibaan waxaa la saadaalinayay in aysan usoo dhakhsanin sida ay hadda kadiska u noqotay. Sarkaal sare oo ka tirsan divlomaasiyiinta Turkiga ayaa BBC-da laanteeda Turkiga u sheegay inay dowladdiisu si dhow ula socotay isbaddalka ka socday Afghanistan iyo dhaqdhaqaaqyada kooxda Taalibaan. Dhanka kalena, waxaa wali socda wadahadallo u dhaxeeya Turkiga iyo madaxda Taalibaan. “Suurtagal nooma aha inaan tallaabo kale ku qaadno Afghanistan” Sarkaal sare oo ka tirsan militariga Turkiga ayaa BBC-da u sheegay in marka la eego sida ay xaaladda isku baddashay aysan Turkiga macquul u ahayn inuu ku dhaqaaqo qorshihiisii ku saabsanaa inuu la wareego garoonka diyaaradaha ee magaalada Kabul. Ankara ayaa ku gooddineysay in ay qabsan doonto garoonka xitaa haddii Taalibaan ay gudaha u galaan caasimadda. Madaxda Taalibaan ayaase ku gacan seyray arrintaas, iyagoo sheegay in ciidan walba oo shisheeye ah ay la dagaallami doonaan. Turkiga ayaa hadda qaaday tallaabooyinka lagama maarmaanka ah ee ku aaddan sidii uu u daad gureysan lahaa diblomaasiyiintiisa iyo muwaadiniinta kale ee ka jooga Afghanistan. Mareykanka iyo waddamada kale ee reer Galbeedka ayaa sidaas si lamid ah ugu howlan inay badbaadiyaan dadkooda rayidka ah. Sida kaliya ee Turkiga uu ula wareegi karo garoonka diyaaradaha waa in uu heshiis arrintaas ku aaddan ka dhasho kulanka ay la leeyihiin hoggaamiyeyaasha Taalibaan. Magaalada Kabul Sarkaalka la hadlay BBC-da ayaa sheegay in wali ay waqti hore tahay in go’aan rasmi ah laga qaato xaaladda Afghanistan marka la eego dhaqdhaqaaqa Taalibaan iyo joogitaanka ciidamada NATO. Maxay Taalibaan u diidday inay heshiis la gasho Turkiga? Markii madaxda Turkiga ay bishii June ku dhawaaqeen inay qaadi doonaan mas’uuliyadda garoonka diyaaradaha caalamiga ah ee Kabul, mowqifka Taalibaan wxa uu ahaa mid aan sidaas usii adkeyn. Mareykanka ayaa taageeray in ciidamada Turkiga ay tagaan garoonkaas, kaddibna waxaa billowday in Taalibaan ay hadallo kulkulul jeediso. Balse arrinta ayaa sii adkaatay markii ugu dambeyn hogaanka Taalibaan ay magaalada Dooxa Turkiga si toos ah ugu sheegeen inaysan ka oggolaan doonin qorshahaas. Xukuumadda Ankara ayaa aaminsan in xaaladda ay xumeynayaan dalal shisheeye oo kasoo horjeeda in Turkiga uu ku lug yeesho dhaqdhaqaaqyada ka socda magaalada Kabul iyo in uu saameyn ku yeesho Taalibaan. Dowladda Ruushka oo si cad u muujiyay in uusan ku qanacsaneyn wadaxaajoodka u dhaxeeyay Iiraan iyo Turkiga ayaa ka mid ah dalalkaas. Khubarada dhinaca amniga ayaa sheegay in sababta ay Taalibaan qallafsanaanta ugu muujineyso Turkiga ay tahay sidii ay xiriir heer sare ah ula yeelan lahayd waddamadaas uu ka mid yahay Ruushka. Pakistan iyo Qadar oo saameyn ballaaran ku leh Taalibaan ayaa la aaminsan yahay inay iyaguna ka gaabibiyeen sidii ay door uga qaadan lahaayeen in la heshiisiiyo Turkiga iyo Taalibaan. Qaran News

Manta waa sanad guuradii 3aad tan iyo markii la ii magacaabay Taliye-Xigeenka Ciidanka Boliiska Soomaliyeed. Wallow xusida malinta sanadguurada ay madaxda waxqabadkooda soo bandhigaan waxaan go’aansaday in qaab ka duwan aan ku xuso sanad guuradeyda oo idinla wadaago dhibka uu leeyahay xilka. In wax qabadkeyga idiin soo bandhigo wax micno ah ay yeeleeyso ma jirto waayo xisaabta saxda ah waa maalinta qiyaamo oo ma ahan dokumentari aan isku soo jarjaray iskuna faaniyay. Qoraalkaan aan idinla wadaagay igama ahan niyad jebin balse waxaa rabaa in aan taabto xaqiiqad jirta (reality) si gabar walba oo dooneeyso in hey’ad iyo bey’ad ay ragg u badanyihiin madax ka noqoto ay isku tashato kana tashato qaar ka mid ah caqabadaha aan la kulmay. 1) Ku tasho Doqon walba inuu ku daan-daansado; Dhaqankeena suuban waxuu qoraa in gabdhahu ixtiraam gaar ah la siiyo, in la gardareesanin weliba hadii ay kuu gafto aanan gar u qabsanin kana aargoosan. Balse xil hadaa haysid qodobkaan kuma quseeyo waxaase ku tashataa in doqon walba ku daan-daansado, isku kaa kibriyo iskuna dayo in niyada kaa dilo. Raggeenu weli uma tababarna inay qof dumar ah ka amar qaataan ama goob shaqo ku maamusho, sidaa darteed waxaa lagaa rabaa inaad u heshid farsamo xikmad ku dhisan oo aad ku maareeysid. Hadaa sideeyda oo kale aad walaal, wehel iyo waalid dalka kuu joogin, ku tasho cadaadis dheeri ah iyo dagaal culus oo weliba kuu sii dheertahay in aanan heysanin qof culeyskaas kula qaada. Adkeeysi xoogan yeelo! 2) Dumarka u hiili lkn haka filanin hiil Markaad tahay gabarta xilka ugu sareeysa haayso waxaa waajib gaar ah kaa saaran u hiilinta gabdhaha adiga kaa hooseeya balse lahayn awoodaada. Waxaa lagaa rabaa in waxeey dhihi karin u dhahdid, waxeeysa gaari karin gaarsiisid qofkii u gafana ka qabatid. Laakiin marnaba ha filanin in wax garab ah laguugu abaal-mariyo, bal waxeey u badantahay cadowtinamada ugu badan inaay kaaga imaata dhanka dumarka gaar ahaan kuwa aad si gaar ah madax u tahay. Ku tasho in weerarka laguuga soo qaadi doona inuu ka duwnaan doona kan lagu qaado ragga dhigahaaga ah waayo markii la rabo in nin madax ah la caayo waxeey u badantahay in lagu tilmaamo qabyaaliste, beenloow ama masuqmaasuq balse markaad tahay gabar madax ah si walba aad isku dhowrtid wax aanan ahayn sharaftaada lama abaaraayo. Ku tasho in eriyo anshax xun iyo sumcad dil ah laguu isticmaali doona, hadaa xitaa shahaado PhD wadatid waxaa lagu leeyahay waxeey xilka ku heshay tumasho. Waxaase ogaataa qof walba waxuu asiga yahay ayuu dadka kale ka dhax arkaa ee haka caroonin hana ka aarsanin kaliya ku kalsoonoow kartidaada waajibaadkaadana gudo. 3) Ku Xigeenimadu waa qud-basiro ee xilkaaga qiimo u yeel. Ciidamadu weey xeer adagyihiin oo sideedaba taliye xigeen kama weyno kaaliye taliyaha guud. Balse xilku waa magac, sida aad adiga ugu awood yeeshid ayaa u awood yeelanee. Markaad tahay gabar u taliso ragg badan hadana xilkaaga awoodiisa uu xakameeyay xeerka aad ku shaqeeysaan waxaa u baahantahay inaad ku dadaashid sidaad awood ugu sameyn lahayd. Raggu markeey awood doon yihiin xoog ayee isku sheegtaan balse gabdhaha waxaa laga rabaa inay xikmad la imaadaan. Inkastoo xilalka ugu sareeya dowlada lagu qeybiyay hab qabiil hadana hadaa gabar tahay ha ku tashanin qaab qabiil inaad awood ugu yeeshid xilkaagu waayo awalbeey raggu ku maahmaheen “naag qabiil ma laha”. Waxaa raadisaa xirfad aad ooga fiicantahay ragga dhigahaaga ah xirfadaas xoojiso kuna xooji xilkaaga. Tusaale ahaan Taliska Ciidanka Boliiska waxaa ugu sareeyo 3 xubnood 2 ay ragg yihiin. Taliyaashaas ragga ah wey isku xoojin karaan qaab qabiil waayo mid waxuu abti u yahay Madaxweyna halka midka kale ina adeerkiisa uu yahay Ra’isul-Wasaaraha dalka. Anigu fursadaas ma haysto sidaa darteed intaan iskugu haleeyn lahaa qab qabiil waxaa ka doorbiday qab qaran in aan sumcad ka raadsado waxaana xooga saaray kasbashada bulshada aan dartood u dhaartay waana sababta maanta la dhihi karo in aan ka mid ahay taliyasha dhanka siyaasada iyo bulshada ugu saameynta badan. Wallow aanan haysanin xitaa awood aan askari istaaf ah soo badasho hadana farsamada aan ciyaaray waa sababta ugu weyn oo iga hor istaagtay in ragga qaar weerar cad igu soo qaadan halka qaarkood xitaa la dhihi karo inay iiga baqaan. Xoogu waa caqli ragguyee, gabaryaheey xikmada iyo caqligaaga saliimka ah ku tasho! 4) Siyaasadu waa dhiiqo intaa iska dhowri kartid iska dhowr Siyaasada Soomaliya waa mid 95% ay isku haystaan ragg waxa ay isku haystaan 100% ay tahay “aniga kaa xiniyo weyn” iyo “anigaa kaa mudan”. Sidaa darteed hadaa tahay gabar xil sare hayso ogoow 95% dagaalaha socdo inaysan ku quseyn waxaana kaliya xooga saartaa waajibka kaa saaran qaranka inaad dhowrtid. Waayo garoon ay ragg isku garacaayaan gabar gar ma ka gasho tan ku dhax dhacdana guul kama gaarto gurmadna ka heli mayso. Ku ekaaw waajibaadkaaga; hadaa si hoose u xalin kartid qilaafka markaas taagan xalkeeda gal laakiin sida ragga dhigahaaga ah ha isku moodin inaad garoonka kubada garsoore ka noqon kartid. 5) Qalad walba aad gashid waxaad u qoonsan doontaa gabdhaha kaa dambeya ee fejignoow Hadaad tahay gabartii ugu horeeysay, middii sadaxaad ama middii boqolaad oo xil qabato ogoow qalad walba aad gashid inaysan adiga kugu koobneen oo lagu qiimeeyn doona hoggaaminta dumarka Soomaliyeed oo dhan. Sidaa darted iska ilaali inaad qalad gashid gaar ahaan qaladaadka ay galaan ragga dhigahaaga ah. Suaalaha ugu badan oo la i weydiyo waxaa ka mid ah sababta aanan weli u yeelan goof, guri ama hanti ma guurta ah madaamo ragga dhigaheyga ah iyo kuwa iga hooseeyo ay sameysteen. Wallow aan la kaftamo oo aan dhaho guriga iyo hantida sheegeysiin waxaa laga rabaa ninka doonaayo in faciisa ugu booteeyo in gabar jeneraalad ah ayaa ka soo ag-kacay hadana xaqiiqada waxa weeye in aan aad iskaga ilaalinaayo gabar taliye ah oo musuq-maasuq cagaha la gashay. Gabdhaha waxaa lagu tilmaamaa inay ka daacadsanyihiin ragga kana maamul fiicanyihiin; hadaan manta xilkeyga u adeegsado sidaan u yeelan lahaa hanti soo kama shaqeeynin in gabdhaha dib dambe lagu tilmaamin daacadnimo? Jiilalka soo socda waxeey naga mudanyihiin sunno iyo taariikh fiican in aan ugu tagno. Ogoow markaa tahay gabar madax ah in sharuudaha (criteria) laguuga qiimeenaaya inay ka duwanyihiin kana adagyihiin kuwa lagu qiimeeyo ragga dhigahaaga ah. Ma ahan wax xaqq ah balse waa xaqiiqada jirto oo loo baahanyahay inaad xalkeeda hesho. Ugu dambeyn, hadaa nahay Soomali waxaa moodaa in xilka uu yahay wax lagu xaragoodo. Haku sirmin gaariga bullet-proofka ah aad wadatid, am ciidan iyo shaqaale kaa daba ordaaya ama ragg waaweyn oo ku soo wacanaaya ama dhalinta masuwaro kula galaaya. Waxaas oo dhan waa dhalanteed oo halaagay ragg iyo dumar badan oo kaa horeeyay kaana dambeyn doona. Imisaa ayaa sanadihii la soo dhaafay awood xoogan baladka kulahaa mantana kuwii shalay ay yasaayeen baryaaya? Xilku waa xabsi aduunyo iyo xisaab aakhiro; ama sidii Nelson Mandela xabsigaaga guul ugu badalo ama sidii Saddam Xussein ku dhax dhimo. Waa sidaa adiga xikmada u adeegsatid. FG; Mandela iyo Saddam diintooda kama hadlin kaliya hoggamintooda kala duwan ayaan tusaale ahaan u soo qaaday ee qiblada yeeysan kaa wareerin…. W/Q: Jeneral Zakiya Xuseen AFEEF: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada caasimada@live.com Mahadsanid The post Jeneraal Zakiya: Casharadii aan ka dhaxlay hoggaaminta ragga Soomaliyeed – Maqaal appeared first on Caasimada Online.

Ra’iisul Wasaaraha Xukuumadda Federaalka Soomaaliya Maxamed Xuseen Rooble iyo mas’uuliyiinta ku wehelinaya booqashada uu ku joogo dalka Masar ayaa kulan laba geesood ah la qaatay Ra’iisul Wasaaraha dalkaas iyo xubno ka tirsan Golahiisa Wasiirrada. Kulanka labada dhinac ayaa diiradda lagu saaray xoojinta xiriirka soo jireenka ah iyo iskaashiga faca weyn ee ka dhexeeya labada dal, iyo sidii loo kordhin lahaa deeqaha waxbarashada ay siiyaan ardayda Soomaaliyeed, fududeynta socdaalka, ganacsiga iyo maalgashiga. PUNTLAND POST The post Ra’iisul wasaare Rooble oo kulan la qaatay dhiggiisa waddanka Masar appeared first on Puntland Post.