(SLT-Hargeysa)-Guddoomiyaha Guddida qaban qaabada Shirweynaha Xisbiga WADDANI Mudane Ismaaciil Aadan Cismaan (Ismaaciil Yare) ayaa shaaciyay in la qaban doono araajida musharraxiinta u taaggan jagooyinka Hoggaanka Xisbiga ee Guddoomiyaha, guddoomiye ku xigeennada, xoghayaha guud iyo xoghaye ku xigeenka guud muddo 10 cisho ah oo ka bilaamata 06-10-2021 ilaa 16-10-2021. Waxa uu musharraxiinta hoggaanka Xisbiga isu taagaya la socodsiiyay in ay shuruudaha xeerka ka qaataan guddida qaban qaabada ee fadhigoodu yahay Xarunta Dhexe ee Xisbiga. Waxa kale oo uu laamaha dibadda, gobollada iyo degmooyinka ku booriyay in ay wakhtiga loo qabtay ku soo gudbiyaan ergooyinka ka qayb galaya shirweynaha Xisbiga WADDANI ee qabsoomaya 30-31 October 2021. Source

Qaran News

Kismaayo (Caasimada Online) – Wakiilada beesha caalamka ee Soomaaliya oo shalay booqasho ku tegay magaalada Kismaayo, halkaasi oo ay kula kulmeen madaxweyne Axmed Madoobe, ayaa qoraal kasoo saaray socdaalkooda iyo arrimaha doorashooyinka Soomaaliya. Hoos ka aqriso qoraalka. Booqashada Saaxiibbada Caalamka ee Kismaayo oo diiradda lagu saaray doorashooyinka Soomaaliya Wefti ka kooban qaar ka mid ah saaxiibbada Soomaaliya ayaa maanta Kismaayo tegay, iyaga oo ujeedkoodu ahaa adkeynta taageerada wadajirka ah ee Beesha Caalamka ee doorashooyinka Soomaaliya iyo in aan kala hadalno tallaabooyinka xiga ee geedi-socodka. “Intii uu socda wada-hadalkii la laheyn Madaxweynaha iyo xubnaha golahiisa wasiirrada, waxa aan Jubbaland ku bogaadinnay in ay noqotay Dowlad-goboleedkiu u horreeyey ee billaaba qabashada doorashooyinka Aqalka Sare, waxa aana carrabka ku adkeynay in loo baahan yahay in doorashooyinka haray ee kuraasta Aqalka Sare loo dhammeystiro si deg deg ah,” ayuu yiri uu wakiilka gaarka ah ee Xoghayaha Guud ee QM u qaabilsan Soomaaliya James Swan. “Waxa ay tani fududeyn doontaa in diiradda la saaro wajiga xiga ee doorashooyinka federaalka ah – oo ah kuwa Golaha Shacabka,” ayuu raaciyey mar uu warbaahinta kula hadlay magaalo madaxada ku-meel-gaarka ah ee Jubbaland ee Kismaayo, ka dib kulan ay kooxdu la yeesheen Madaxweyne Axmed Maxamed Islaam ‘Madoobe’ iyo kooxdiisa. Madaxa ugu sarreeya QM waxa uu ku hadlayey magaca wefti ka kooban Wakiilka Gaarka ah ee Guddoomiyaha Golaha Midowga Afrika, Danjire Francisco Madeira; Safiirka Midowga Yurub ee Soomaaliya, Danjire Tiina Intelmann; Qunsulka Siyaasadda ee Safaaradda Norway, Merete Dyrud; iyo La-taliyaha Nabadda iyo Dib-u-heshiisiinta ee Safaaradda Sweden, Johan Svensson. Dhankooda weftiga booqashada sameynayey, waxa ay ku dhiirri-geliyeen Madaxweyne Axmed Madoobe iyo Guddiga Hirgelinta Doorashooyinka ee Jubbaland in ay dardar-geliyaan geedi-socodkan iyaga oo dhisaya guddiyada xulista ergooyinka oo ka kooban odayaasha iyo wakiillada bulshada rayidka ah, iyaga oo sidoo kale diyaarinaya goobaha cod-bixinta ee Kismaayo iyo Garbahaarrey, caasimadda gobolka Gedo. Inti ay Kismaayo joogeen, weftigu waxa ay la kulmeen guddoomiyaha Guddiga Hirgelinta Doorashooyinka ee Jubbaland Siyaad Maxamed Mursal, iyaga oo booqday goobihii cod-bixinta ee doorashooyinka Aqalka Sare. Ka-qeyb-galka iyo Fagaaraha Siyaasadda Inti uu socday kulankooda, waxa uu weftigu carrabka ku adkeeyeen in geedi-socodyadani ay tixgeliyaan xuquuqda haweenka ee ah in ay si buuxda uga qayb galaan dhammaan dhinacyada siyaasadda iyo metelaadda haweenka ee ugu yaraan boqolkiiba sodonka ah (30%) in laga gaaro baarlamaanka. “Waxaa intaa dheer, in ay muhiim tahay in in fagaaraha siyaasaddu uu noqdo mid u furan dhammaan Soomaalida,” ayuu wakiilka gaarka ah intaa raaciyey. “Tanna waxaa ku jira, xorriyada hadalka, adeegsiga warbaahinta, xorriyadda isu-imaatinka iyo qabanqaabada – si loo hubiyo in geedi-socodka doorashadu noqdo mid lagu kalsoonaan karo oo daah-furan.” Weftiga ayaa sidoo kale ku dhiirri-geliney Madaxweynaha in uu xoojiyo dadaalladiisa in ka-qeybgelinta doorashada ee dhammaan saamileyda Jubbaland si loo gaaro dib-u-heshiisiin waarta. “Waxa ay tani taageeri doonta in la hubiyo wadajir siyaasadeed si diiradda loo saaro hortabinnada kale ee muhiimka ah sida horumarka iyo amniga, kuwaas oo ay ku jirto dagaalka ka dhanka ah Al-Shabaab, oo weli khatar wayn ku ah nabadda iyo deggenaanshaha Soomaaliya,” ayuu Md. Swan xusay. Booqashada Kismaayo waxa ay aheyd wareeggii u dambeeyey ee xiriirro joogto ah oo ay wakiillada saaxiibbada caalamku la lahaayeen Madaxda Dowladaha Xubnaha ka ah Dowladda Federaalka. Weftiga ayaa tobobaadkii hore booqday Puntland. The post Wakiilada beesha caalamka oo war cusub soo saaray iyo farriin culus oo loo diray… appeared first on Caasimada Online.

Ninka TikTok ugu caansan ee aan hal eray odhan KHABY LAME Markii sannadkii la soo dhaafay Talyaaniga lagu soo rogay xayiraaddii ugu horreysay ee lagu xakameynayay fayraska corona, Khaby Lame waxa uu waayay shaqo uu ka heystay warshad ku taalla meel u dhow magaalada waqooyiga ee dalkaas ee Turin. Wuxuu iska joogay guriga waalidiintiisa ee Chivasso, halkaas oo ay kula noolaayeen saddex walaalo ah, shaqo kale ayuuna rajeynayay. Maalin maalmaha ka mid ah, waxa uu soo dajistay app-ka TikTok, waxa uuna billaabay inuu muuqaallo isaga soo duubo qolkiisa jiifka. Muuqaallada uu soo dhigayay wuxuu ka soo galinayay cinwaan uu u sameeyay magaciisa Khaby Lame. Si tartiib tartiib ah ayayna ugu dhalatay xirfad cusub oo cajiib ah. Markii hore, sida dad badanba ay ku sameeyaan TikTok, wuxuu soo galin jiray muuqaalo uu iska soo duubay isagoo qoob ka ciyaaraya, ciyaaro daawanaya ama sameynaya waxyaabo shactiro ah. Kaddib, horaantii sannadkan, waxa uu billaabay inuu majaajilo ka dhigo xeelado la xiriira nolosha, uuna muuqaallo ka soo diyaariyo isagoo ka fal celinaya ficillo ay dad kale sameeyeen. Hal erayna ma soo raaciyo muuqaalladiisa falcelinta ah. Hadda Lame waa ninka ugu taageerada badan uguna caansan TikTok, wuxuuna heystaa 114 milyan oo ku taxan cinwaankiisa. Halka qof ee ka taageerada badan marka laga hadlayo TikTok waa Charli D’Amelio, oo ah gabar dhowr iyo toban sano jir ah oo ka soo jeedda California, taas oo soo bandhigta muuqaallo ciyaar ah, inta badanna ay la soo sameyso walaasheed ka weyn. Lame, oo 21 jir ahna, wuxuu muuqaalladiisa oo dhan caalamka gaarsiiyaa isagoo aamusan. TikTok dhexdiisa, aamusnaantiisa waa mid ka dhan hadal. “Fikrad ayaan la imid sababtoo ah waxaan arki jiray muuqaallo wareegaya, waxaana jecleystay in aan ku soo daro aragti wax fududeyn ah,” ayuu ku yiri wareysi uu siiyay telefishinka CNN. Muuqaaladiisa waa hal nooc Lame wuxuu ka soo jeedaa dalka Senegal, wuxuu leeyahay gacmo dhaadheer iyo waji dhuuban. Inta badan muuqaalladiisa gaagaaban, waxa uu gacmaha ku tilmaamaa muuqaallo ay dad kale soo sameeyeen iyagoo fulinaya xeelado dhanka nolosha ah oo adag. Wuxuu ugu jawaabaa muuqaallo si sahlan oo macquul gal ah loogu xallinayo isla arrimihii la adkeynayay. Lame wuxuu diraa farriin uu dadka ugu sheegayo in nolosha aan la adkeynin Mid ka mid ah muuqaalladiisa, Lame wuxuu gacantiisa ku fiiqayaa moos isagoo tilmaamaya qof moos mindi ku fiiqayay ka dibna ku jarjarayay. Mid kale, wuxuu ka fal celinayaa muuqaal ay haweeney iska soo duubtay iyadoo si dhib badan u fiiqeysa qajaar ay ilkaheeda u adeegsaneyso. Isagoo hoga tusaaleynaya ayuu ajaar ku fiiqayaa aalad yar oo loogu talogalay in khudaarta lagu fiiqo. Fal celintiisa marka laga soo tago labada gacmood ee uu ku taago waxa uu tilmaamayo, wuxuu sidoo kale ruxaa madaxa kaddib marka uu sheego qaabka sahlan ee laga rabay in howsha loo fuliyo. Gacmahana wuxuu soo fidiyaa isagoo ay calaacalihiisa kor u jeedaan. Mararka qaar indhaha oo kaliya ayuu dhaqaajiyaa, madaxana wuu ruxaa isagoo aan gacmaha ku dareynin. Dad badan ayaa isaga qudhiisa muuqaalladiisa dib u adeegsada ama qaabkiisa tilmaanta la min guuriya. “Waxaa laga yaabaa in sida aan wajiga ka dhigayo ay tahay qaab shactiro ah, howsha aan fududeynayana ay ka qoslineyso dadka, taas ayaana jeclahay,” ayuu yiri. Wuxuu diraa farriin Dad badan oo taageerayaasha Lame ah ayaa si joogto ah ugu soo dira muuqaallo ku saabsan dad adkeynaya waxyaabo loo baahnaa inay sahal ahaadaan. Lame says, “I started making videos because I wanted to make people laugh.” “Waxay og yihiin inaan ahay qofka xalliya dhibaatooyinkaas, sidaas darteed waxay igu soo lifaaqaan arrimahaas, waxayna u muuqataa sida iyagoo i dhahaya, ‘Khaby waa markaaga, xal u hel cilladdan sababtoo ah waan kuu baahan nahay,'” ayuu yiri. Si ka duwan xiddigaha kale ee baraha bulshada, muuqaalada Lame ma aha kuwo dhaadheer oo daqiiqado badan socda. Qalab badan ma isticmaalo, meelo gaar ahna uma raadiyo si uu ugu qurxiyo. Waxay u muuqdaan muuqaallo si aad u fudud loo duubay. Sheekadiisa waxay dhiirrigelin u noqon kartaa dadka ay saameysay xayiraadda uu sababay cudurka safmarka ah, maadaama isagu uu soo caan baxay intii guryaha la isku celinayay. Lame waa mid ka mid ah dadka sida ugu dhakhsiyaha badan u koriyay xogta ay soo galiyaan TikTok, dadka ugu badanna ay ku soo xirmaan maalin walba. Halkii maalin waxaa dadka ku taxan kusoo biira ku dhawaad 200,000 oo qof oo cusub. Wuxuu qarka u saaran yahay in uu mar dhow noqdo qofka ugu saaxiibbada badan TikTok oo malaayiin qof ay ku xiran yihiin. Laakiin taasi ma ahan sababta uu Lame ugu soo biiray ama uu muuqaallada u duubo. “Dan kama lihi inaan noqdo qofka koowaad ama qofka labaad ama qofka afaraad ee ugu caansan TikTok. Waxaan muuqaallada u soo duubi jiray si aan dadka uga qosliyo inta lagu guda jiro xayiraadda fayraska ee kalliftay in aan guriga laga soo bixin,” ayuu yiri. “Isla sababtaas awgeed ayaan usii wadi doonaa muuqaallada, waan ku faraxsanahay guulaha aan gaaray, balse arrimahaas ma aha kuwa ugu muhiimsan ee aan rabo.” Sida dadka taageera oo kale, Lame wuxuu taariikh ku leeyahay waddamo kala duwan. Waxa uu ku dhashay Senegal kaddibna waxa uu u wareegay Talyaaniga oo ay u kaxeeyeen waalidiintiisa, isagoo hal sano jir ahaa markaas. Qaran News

Qaran News

Ra’iisul wasaaraha xukuumadda federaalka Maxamed Xuseen Rooble iyo wafdi uu hogaaminayo ayaa safar ugu amba baxay magaalada Doxa ee dalka Qatar. Rooble ayaa casuumaad ka helay amiirka dalka Qatar Sheikh Tamim bin Xamad Al Thani, kaas oo ku casuumay dalkiisa. Ujeeddada booqashada Ra’iisul wasaaraha iyo Wafdigiisa ayaa ah sii xoojinta cilaaqaadka labada dal ee Soomaaliya iyo Qadar. Ra’iisul wasaare Rooble ayaa inta uu joogo Doha waxa uu kulan la qaadan doonaa Amiirka dalka Qatar Sheikh Tamiim Bin Hamad Al-Thani iyo Ra’iisul Wasaaraha dalkaas Khalid Bin Khalifa Bin Cabdulcasiis Althani. Socdaalka ra’iisul wasaaraha ayaa sido kale ku soo adaya xilli madaxweynaha waqtigiisu dhamaaday Maxamed Cabdullahi Farmaajo uu saaka dhankiisa dalka Itoobiya safar ugu baxay. Goobjoog News Source: goobjoog.com

Garowe (HOL) - Somali universities use English as the official language of instruction; however, the biggest challenge has been ensuring students master the language so they could fully understand the content and are equipped with the right communication skills upon graduation. Source: Hiiraan Online

GALKAYO (HOL) - About seven hundred people who were evicted by Somaliland government from Las'anod have been temporarily resettled by Puntland government. Source: Hiiraan Online

Addis Ababa (Caasimada Online) – Madaxweynaha muddo xileedkiisu dhammaaday, Mudane Maxamed Cabdullaahi Maxamed (Farmaajo) ayaa maanta gaaray magaalada Addis Ababab ee caasimada waddanka Itoobiya, halkaas oo si weyn loogu soo dhoweeyey. Farmaajo ayaa waxaa garoonka Addis Ababa uga hortegay mas’uuliyiin sar sare oo ka tirsan dowladda Itoobiya, sida wasiirka maaliyadda dalkaasi, Axmed Shide. Qoraal ka soo baxay Villa Soomaaliya ayaa waxaa lagu sheegay in Farmaajo uu ka qeyb-galayo munaasabada caleema saarka ra’iisul wasaare Abiy oo dib loogu dhaariyey xafiiska. “Madaxweynaha ayaa ka mid ah Madaxda dalalka Afrika iyo Caalamka ee lagu maamuusay ka qeyb galka munaasabaddan, iyada oo la adkeynayo xiriirka miro-dhalka ah ee ku dhisan is ixtiraamka Qarannimo iyo daris wanaagga ee ka dhexeeya Labada dal,” ayaa lagu yiri qoraalka. Sidoo kale madaxweynaha muddo xileedkiisu dhammaaday ayaa kulan duceedyo la qaadan doono madaxda kala duwan ee ka qeybgalaya caleema saarka ra’iisul wasaaraha Itoobiya. Safarkan waxaa Farmaajo ku wehelinayo Wasiirka Wasaaradda Qorshaynta Mudane Jamaal Maxamed Xasan, Wasiirka Wasaaradda Gaashaandhigga Mudane Xasan Xuseen Xaaji iyo Agaasime Ku xigeenka Guud ee Madaxtooyada JFS Mudane Cabdi Nuur Maxamed Axmed. Farmaajo iyo Abiy waa saaxiibo dhaw oo siyaasadeed, waxay kol-hore hoggaamiyaha kaligii talis ka ah ee Eritrea la yeesheen iskaashi abuuray tuhun badan, balse waayaahaan ma kulmin oo mid kasta xasarada ka oogan gudaha xukunkiisa ayuu ka badin waayey. Si kastaba, safarkan ayaa noqonaya kii ugu horeeyey ee Farmaajo uu dalka uga baxo, tan iyo 25-kii bishii April, xilligaas oo Muqdisho ay ka dhaceen qalalaase iyo isku dhacyo hubeysan oo looga hortegay mudo kororsigiisii labada sano ahaa. The post Sawirro: Sidee FARMAAJO loogu soo dhoweeyey Addis? appeared first on Caasimada Online.

Professor Mubarak: “Removing a citizen from his/her town of residence and relocating it to another town is illegal; it is against human rights principles, Islamic faith and our Somaliness” Hargeisa (PP News Desk) — Professor Mubarak Ibarim Aar, a law professor based in Hargeisa, has described the arbitrary displacement of Somalis in Lasanod as illegal. “Somaliland seceded from Somalia unilaterally but no country has recognised it. Therefore we are bound by the International Law” said Mubarak. Professor Mubarak drew attention to the Somaliland Constitution, which “emphasises individual responsibility for a crime, not collective punishment”. “We have to respect the Somaliland Constitution. I heard that people who were arbitrarily displaced and kicked out of Lasanod after being collectively accused of destabilising the town but that no legal process has been used to displace citizens. Removing a citizen from his/her town of residence and relocating it to another town is illegal; it is against human rights principles, Islamic faith and our Somaliness” added Mubarak. Mubarak’s comments will put more pressure on President Muse Bihi, who is facing calls to reverse the decision to displace Somalis from Lasanod whose Somali citizenship Bihi questions. Meanwhile Ali Warancadde, security advisor for Somaliland President, has defended the displacement of Somali citizens from the South “who predominantly live in Sool.” © Puntland Post, 2021 The post A Hargeisa-based Law Professor Accuses Somaliland Government of Arbitrary Displacement appeared first on Puntland Post.

Ra’iisul Wasaaraha Soomaaliya Maxamed Xuseen Rooble iyo wafdi uu hogaaminayo ayaa u dhoofay magaalada Doha ee dalka Qatar maanta ka dib casuumaad rasmi ah oo uu ka helay amiirka Qadar, Sheikh Tamim bin Xamad Al Thani. Ujeeddada booqashada Ra’iisul wasaaraha iyo Wafdigiisa ayaa ah sii xoojinta cilaaqaadka labada dal ee Soomaaliya iyo Qadar. Ra’iisul wasaare Rooble ayaa inta uu joogo Doha waxa uu kulan la qaadan doonaa Amiirka dalka Qatar Sheikh Tamiim Bin Hamad Al-Thani iyo Ra’iisul Wasaaraha dalkaas Khalid Bin Khalifa Bin Cabdulcasiis Althani. PUNTLAND POST The post Ra’iisul wasaare Rooble oo u ambabaxay waddanka Qatar appeared first on Puntland Post.

Dhuusamareeb (Caasimada Online) – Wararka naga soo gaaraya Galmudug ayaa sheegaya in saaka ciidamo horleh oo diyaarado looga qaaday magaalada Muqdisho laga dajiyey garoonka diyaaradaha magaalada Dhuusamareeb ee caasimada maamulkaasi. Ciidamadan oo ka tiran kuwa Booliska gaarka ah ee Haramcad ayaa gaaraya illaa 200 oo askari, sida ay Caasimada Online u sheegeen ilo wareedyo lagu kalsoon-yahay. Wararka ayaa sheegaya in ciidamadan ay ku biiri doonaan kuwa dowladda Soomaaliya ee ku sugan deegaanada Galmudug, gaar ahaan Dhuusamareeb, si ay uga qeyb-qaataan howl-gallo cusub oo ka bilaabanayo gobolka Galgaduud, gaar ahaan dagaalka Ahlu Sunna. Galmudug ayaa haatan guluf dagaal ka wada caasimada Galmudug ee Dhuusamareeb, waxaana qorshaheeda uu yahay inay Ahlu Sunna ay dib ugala wareegto Guriceel. Xaalad kacsanaan ah ayaa haatan laga dareemayaa gobolka, waxaana labada dhinac ay wadaan dhaq-dhaqaaqyo iska soo horjeeda oo sababi karo inuu dib u qarxo dagaal kale. Tan iyo wixii ka dambeeyey, markii ay soo cusboonaatay xiisadda ka taagan Galmudug, dowladda ayaa bilowday inay ciidamo ku daabusho gudaha magaalada Dhuusamareeb. Dib u soo rogaal celinta Ahlu Sunna ayaa weji cusub u yeeshay xaaladda Galmudug oo horey dagaal adag kula jirtay kooxda Al-Shabaab oo weli ku xoogan maamulkaasi. The post Xog: DF oo CIIDAMO horleh ka dajisay Dhuusamareeb iyo wararkii ugu dambeeyey appeared first on Caasimada Online.

Ra’iisul wasaarihii dalka Itoobiya Abiy Ahmed ayaa markale loo dhaariyay in uu noqdo ra’iisul wasaaraha dalkaasi dhaca geeska Afrika. Abiy Ahmed ayaa noqonaya ra’iisulwasaaraha Itoobiya shanta sano ee soo socota, kadib doorasho muran badan uu ka dhashay oo dalkiisa uu ka qabsaday. Doorashada baarlamaanka dalka Itoobiya oo goordhaw la soo gabagabeyay ayaa maanta oo Isniin baarlamaanka cusub ay si wada jir ah u dhaariyeen guddoomiyaha baarlamaanka iyo ra’iisul wasaaraha dalka. Xisbiga Barwaaqo ee uu hogaamiyo Abiy ayaa ku soo baxay Caqlabiyadda baarlamaanka doorashadii golaha wakiilada ee dalkaas ka dhacday. Abiy ayaa lagu wada in goordhaw uu soo dhiso xukuumaddiisa cusub ee shanta sano soo socota uu hogaamin doono. Ra’iisul wasaare Abiy ayaa waxaa weli hareeyay soo bixitaankiisa muran badan oo ku aaddan ku shubasho ka dhacday deegaanada doorashada lagu qabtay. Munaasibadda caleema saarka Abiy Ahmed Ali, ayaa waxaa maanta ka qeyb galaya mas’uuliyiin ka socota dalalka Afrika. Madaxweynaha waqtigiisu dhamaaday ee Soomaaliya Maxamed Cabdullaahi Farmaajo, ayaa saaka ka ambabaxay Muqdisho, isagoo Adis Ababa kaga qeyb galaya munaasibadda is caleema saarka Abiy. Goobjoog News Source: goobjoog.com

Jowhar (HOL) - Hirshabelle's state parliament will resume electing senators to Somalia's Federal Parliament on Monday after MPs abandoned the vote over two weeks ago due to a major disruption in the election hall. Source: Hiiraan Online

Muqdisho (Caasimada Online) – Ra’iisul wasaaraha xukuumadda federaalka ah ee Soomaaliya, Mudane Maxamed Xuseen Rooble ayaa qorsheynayo safar uu ugu baxayo dalka dibaddiisa, sida ay innoo xaqiijiyeen ilo wareedyo lagu kalsoon-yahay. Wararka ayaa sheegaya in Rooble uu casuumaad rasmi ah ka helay madaxda dalka Qatar, isla-markaana uu saacadaha soo socda u safrayo magaalada Dooxa ee dalkaasi. Rooble iyo wafdiga uu hoggaaminayo ayaa kulam gaar gaar ah la qaadan doono madaxda dalka Qatar, wuxuuna safarkan noqonayaa kiisii ugu horreeyey ee uu ku tego Dooxa. Qatar ayaa xiriir dhow la leh madaxweynaha muddo xileedkiisu dhammaaday Maxamed Cabdullaahi Maxamed (Farmaajo) iyo la-taliyaha amniga qaranka, Fahad Yaasiin Xaaji Daahir, iyada oo su’aallo badan la’iska weydiinayo safarka Rooble ku aadayo wadankaasi. Sida ay ogaatay Caasimada Online, Qatar ayaa dooneysa inay soo fara-geliso xiisadda ka taagan Villa Soomaaliya, si hoos loogu dhigo khilaafka Farmaajo iyo Rooble Sidoo kale wuxuu socdaalkan ra’iisul wasaaraha kusoo aadayo, iyada oo haatan khilaaf xoogan uu kala dhexeeyo Farmaajo iyo Fahad, kaas oo saameeyey wada-shaqeyntooda. Rooble ayaa horey u booqday dalalka, Jabuuti, Kenya, Masar, Sacuudiga & Ingiriiska isaga oo kulam gaar gaar ah la soo yeeshay madaxda wadamadaasi. Si kastaba, saaka ayey aheyd markii uu isna Farmaajo u baxay safar dalka dibaddiisa ah, gaar ahaan Itoobiya, halkaas oo uga qeybgalayo caleema saarka R/wasaare Abiy Axmed. The post XOG: ROOBLE oo u baxayo safar dibadda ah + Ujeedka appeared first on Caasimada Online.

(SLT-Laascaanood)-Puntland ayaa dib u dajin kumeel gaadh ah u sameysay boqolaal qoys oo ay Soomaliland kasoo tarxiishay magaalada Laascaanood ee gobolka Sool. Qoysaskan oo u badan carruur iyo haween, ayaa intooda badan lagusoo dhoweeyay magaalada Gaalkacyo, halkaas oo loogu sameeyay daryeel caafimaad iyo quudin. Wasiirka arrimaha gudaha Puntland, Maxamed Cabdiraxmaan Dhabancad, ayaa sheegay in ay 758 qof oo horudhac ah ay kusoo dhoweeyeen magaalada Gaalkacyo. Dadkaan ayaa qaarkood sheegay in ay qoysaskooda iyo hantidoodii kagasoo tageen magaalada Laascaanod, kadib markii si kedis ah looga soo tarxiilay magaalada Laascanood. Puntland waxay si degdeg ah hay’addaha samafalka ee ka shaqeeya deegaannadeeda ka dalbatay in ay ka qeyb qaataan sidii qoysaskan dib u dajin rasmi ah loogu sameyn lahaa. Dadka lagasoo barakaciyay Laascaanood oo warbaahinta la hadlay ayaa dalbaday in loo oggolaado in hantidooda iyo qoysaskooda kaga xayiran Laascaanood ay kalasoo baxaan. Source

Ra’iisul wasaaraha xukuumadda Federaalka Soomaaliya, Maxamed Xuseen Rooble iyo wefdi uu hoggaaminayo, ayaa maanta oo Isniin ah ku wajahan magaalada Dooxa ee waddanka Qatar. Ra’iisul wasaare Rooble iyo wefdigiisa, ayaa sida wararku sheegayaan marti-qaad rasmiya ka helay madaxda u sarraysay dowladda Qatar. Safarkan ayaa ku soo beegmay, xilli aysan heshiis ahayn Ra’iisul wasaare Rooble iyo madaxweyne Farmaajo, oo xiriir wanaagsan la leh dowladda Qatar. PUNTLAND POST The post Ra’iisul wasaare Rooble iyo wefdi uu hogaaminayo oo ku wajahan dalka Qatar appeared first on Puntland Post.

Nairobi (HOL) - Kenya's President Uhuru Kenyatta is amongst 35 global leaders and business people who have invested mainly in offshore assets. Source: Hiiraan Online

Muqdisho (Caasimada Online) – Sheekh Xasan Daahir Aweys oo weli u xiran dowladda federaalka ah ee Soomaaliya ayaa muuqaal uu iska soo duubay kaga hadlay xiisadda ka soo cusboonaatay gobolka Galgaduud, una dhexeyso Ahlu Sunna & Galmudug. Xasan Daahir Aweys ayaa marka hore weerar afka ah ku qaaday labada dhinac ee is haya, gaar ahaan Macalin Maxamuud iyo Madaxweyne Qoor Qoor. Sheekha ayaa shaaca ka qaaday in Macalin Maxamuud oo ka mid ah hoggaanka sare ee Ahlu Sunna uu u leeyahay aqoon gaar ah, wuxuuna tilmaamay inuu yahay shaqsi aan wax u ogoleyn dadka kale, isla-markaana uu kaliya wax la rabo naftiisa, caruurtiisa & walaalahiis. “Waxa uu doonaayo qof la taqaano ma jiro qof uu wax ka siinaayana ma jirto waxa uu ka helo isaga ayey ku egyihiin iyo wixii uu isagu dhalay. Haddii uu wasiir doono waa wiilkiisa ama walaalkiis, haddii uu xoolo doono isaga soo dhaafi meyso,” ayuu yiri Sh. Xasan Daahir. Dhinaca kale wuxuu sheegay in madaxaweynaha Galmudug, Axmed Cabdi Kaariye (Qoor Qoor) uu yahay qof iskala weyn Ummadda, wuxuuna sidoo kale ku eedeeyey in muddada uu joogay xafiiska uusan waxba ka qaban gobollada dhexe, sida uu hadalka u dhigay. “Qoor Qoor Ummadda dhan ayuu is kala weyn yahay wax uu qaban karaana aan la arag. Bal intaas ayuu meesha joogay muxuu ka qabtay?. Laba qolo ma heshiisiin karo laba qof xittaa ma heshiisiin karo wax kama qaban karo ” ayuu markale yiri Sheekh Xasan Daahir. Sidoo kale wuxuu intaasi sii raaciyey “Ahlu Sunna safiican ulama macaamiloon hadda marka ay wax uruursanaayeen kuma uu baraarugin meelahaas iyo meel jini ayuu wareegayaa. Sawir waaye caaqilna waa is-moodaa,”. Hadalkan ayaa kusoo aadaya, iyadoo Ahlu Suna ay kusoo rogaal celisay gudaha Galmudug, waxayna dib ula wareegtay Guriceel & deegaan kale oo u dhow magaalada Dhuusamareeb. The post Xasan Daahir Aweys oo si yaab leh uga hadlay xiisadda Ahlu Sunna iyo Galmudug appeared first on Caasimada Online.

Mogadishu (HOL) - President Farmajo left Mogadishu on Monday en route to Addis Ababa to attend the inauguration of Ethiopian Prime Minister Abiy Ahmed, following the latter's landslide electoral victory earlier this year. Source: Hiiraan Online

Jowhar (Caasimada Online) – Magaalada Jowhar ee caasimada HirShabelle waxaa saacadaha soo socda ka dhacaya doorashada labada kursi ee ugu dambeysay, kana harsanaa xubnaha Aqalka Sare ku metalata maamulkaasi, kadib markii xal laga gaaray murankii hareeyey kuraastaas, kaas oo sameeyey habsami u socodka doorashooyinka. Guddiga hirgelinta doorashada ee HirShabelle ayaa shaaca ka qaaday in maanta ay dhaceyso doorashada kuraastaasi, si loo dhammeystiro doorashada xubnaha harsan. Arrintan ayaa ku timid, kadib markii ay guuleysteen dadaallo muddooyinkii lasoo dhaafay socday oo xal loogu raadinayey is qab-qabsiga ka dhashay kuraastaasi. Sidoo kale waxaa kursi ka mid ah labada kursi ee maanta la qabanayo doorashadooda si gaar ah loo xiray dumarka oo iyagu ku tartami doono. Musharrixiinta tartameysa ayaa sidoo kale guud ahaan gaaraya illaa shan ruux, waxayna kala yihiin saddex rag ah iyo laba dumar ah. Kursiga 1-aad (#UH14) waxaa ku tartamaya: Cabdulqaadir Xanafi Sheekh Bashiir. Cali Shacbaan Ibraahim. Cabdalla Cabdi Xuseen. Kursiga 2aad (UH#08) waxaa ku tartamaya labo dumar oo keliya: Naciimo Ibraahim Yuusuf. ZamZam Cabdullaahi Axmed. Dhinaca kale waxaa kursiga labaad ka tanaasulay musharraxiinta kala ah Abuukar Xasan Cali (Maqaney) iyo Maxamed Macalin Xasan (Kulmiye oo labaduba qoraallo ay ku caddeynayaan inay isaga hareen tartanka u gudbiyey guddiga hirgelinta doorashooyinka. Halkan hoose ka aqriso:- The post Sidee lagu xaliyey muranka kuraasta Aqalka Sare ee HirShabeelle ka harsan? appeared first on Caasimada Online.

Waxaa magaalada Jowhar ee caasimadda dowlad gobaleedka Hirshabeelle lagu wadaa in maanta ay ka qabsoomto doorashada laba kursi oo ka mid ah kuraasta Aqalka sare Hirshabeelle ay ku leedahay. Doorashada labaan kursi oo muddo Isbuuc ka badan dib u dhac uu ku yimid ayaa maanta oo Isniin la shaaciyay in ay ka qabsoomeyso hoolka weyn ee baarlamaanka dowlad gobaleedka Hirshabeelle. Kuuraastaan ayaa waxaa ku tartamaya illa iyo shan musharax kaas oo mid ka mid ah kuraasta ay ku tartamayaan seddax musharax. Musharixiinta maanta tartameysa ayaa kala ah: Kursiga 1-aad : Cabdulqaadir Xanafi Sheekh Bashiir. Cali Shacbaan Ibraahim. Cabdalla Cabdi Xuseen. Kursiga 2aad : Naciimo Ibraahim Yuusuf. ZamZam Cabdullaahi Axmed. Goobjoog News Source: goobjoog.com

Somali Journalists Syndicate (SJS) and the Somali Media Association (SOMA) condemns the arbitrary detention of journalist Mowlid Ismail Diged on Saturday while covering forceful evictions by Somaliland forces in Lasanod. Source: Hiiraan Online

Uhuru Kenyatta mounted a political comeback by campaigning against corruption, his family’s secret fortune was growing offshore, a massive new leak shows. Source: Hiiraan Online

Muqdisho ( Caasimada Online) – Madaxweynaha muddo xileedkiisu dhammaaday Mudane Maxamed Cabdullaahi Maxamed (Farmaajo) ayaa goor dhow ka amba-baxay garoonka Aadan Cadde, isaga oo ku sii jeeda magaalada Addis Ababa ee caasimada dalka Itoobiya. Farmaajo iyo wafdigiisa ayaa ka qeyb-galaya caleema saarka ra’iisul wasaare Abiy Axmed oo ka dhacaya magaalada Addis Ababa. Mas’uuliyiin ka tirsan golayaasha dowladda ayaa kusii sagootiyey garoonka diyaaradaha caalamiga ah ee magaalada Muqdisho. Sidoo kale madaxweynaha muddo xileedkiisu dhammaaday ayaa kulan duceedyo la qaadan doono madaxda kala duwan ee ka qeybgalaya caleema saarka ra’iisul wasaaraha Itoobiya. Farmaajo iyo Abiy waa saaxiibo dhaw oo siyaasadeed, waxay kol-hore hoggaamiyaha kaligii talis ka ah ee Eritrea la yeesheen iskaashi abuuray tuhun badan, balse waayaahaan ma kulmin oo mid kasta xasarada ka oogan gudaha xukunkiisa ayuu ka badin waayey. Safarkaan uu Farmaajo ugu baxay Itoobiya ayaa sidoo kale ku soo aadaya iyadoo khilaaf xun oo la xali waayey uu kala dhaxeeyo Ra’iisul Wasaarihiisa Rooble, lamana oga wajiga socdaalka Farmaajo uu u jaheyn doono khilaafka kala dhaxeeya Rooble. Si kastaba, safarkan ayaa noqonaya kii ugu horeeyey ee Farmaajo uu dalka uga baxo, tan iyo 25-kii bishii April, xilligaas oo Muqdisho ay ka dhaceen qalalaase iyo isku dhacyo hubeysan oo looga hortegay mudo kororsigiisii labada sano ahaa. The post Farmaajo oo goordhow u baxay safar dibadda ah + Ujeedka appeared first on Caasimada Online.