Kismayo (HOL) - Jubaland has released the names of the candidates who will be vying for the remaining four federal senatorial seats. Source: Hiiraan Online

Dunidan in aad Bilyuuneer noqoto waa wax adag, oo ay gaaraan uun dad fara ku tiris ah, waxay ku timaadaa shaqo adag, hawlkarnimo iyo nasiib, waxaana iska caadi ah in waalidiinta ay geerida kadib dhaxalka hantidaas uga tagaan caruutooda, laakin waxaa jiro dadka balaayiin heysto, oo go’aan ku gaaray in caruurtooda aaney dhaxli doonin hanti ka badan baahidooda. 1. Warren Buffett oo hantidiisa ay Forbes ku qiyaastay 2021-ka ilaa 103.1 billion USD waxaa uu sheegay in hantidiisa 85% uu uga tagi doono hey’adaha kheyriga ah ee ka shaqeeya sadaqada, isaga oo ku dhiirigeliyey hantiileyaasha kale iney sidaas sameeyaan. “Aniga ma ahi dadka u xamaasadeysan in qoyska in hanti badan la iska dhaxlo, gaar ahaan marka ay 7 Bilyan kale fuqaro yihiin” ayuu yiri Warren Buffett. 2. Bill Gates: Waa Bilyuuneer kale oo go’aan ku gaaray in caruurtiisa aaney ka dhaxlin wax ka badan baahidooda, isaga oo sheegay in midkiiba uu uga tagi doono $10 million, lacagtaas waa mid kula badan ilaa aad ka ogaato in lacagta Bill Gates ay Forbes ku qiyaastay 2021-ka ilaa 132.7 billion USD. Milkiilaha Microsoft oo arrintan ka hadlay waxaa uu yiri “Fikradda ah in caruurta la dhaxalsiiyo hanti badan ma aha wax fiican”. 3. George Walton Lucas oo ah hindisaha “the Star Wars” , waxaa ay Forbes hantidiisa ku qiyaastay 2021-ka ilaa 7.1 billion USD, waxaa uu wacad ku maray in marka uu geeriyoodo sadaqeynayo kala-u-bar hantidiisa, si wax looga qabto horumarinta waxbarashada. 4. Mark Zuckerberg oo ah milkiilaha Facebook, 37 jirkan waxaa ay Forbes hantidiisa ku sheegtay ilaa 116.2 billion USD, isaga oo sheegay in isaga iyo xaaskiisa Priscilla Chen ay sadaqeyn doonaan 99% hantida si lagu dhiirigeliyo sinnaanta iyo horumarinta caruurta. 5. Gordon Matthew Thomas oo loo yaqaano Sting, ahna fanaan Ingiriis ah, hantidiisa waxaa lagu qiyaasaa $300 million, waxaa uu sheegay in caruurtiisa aanu uga tagi doonin wax hanti, oo ay waajib tahay iney shaqeystaan, isaga oo intaa raaciyey in haddii ay dhibaato heysto keliya uu caawin doono. 6. Jackie Chan oo ah atoore Shiinees ah, waxaa hantidiisa lagu qiyaasay $350 million, waxaa uu sheegay in hantidiisa kala-ubar uu sadaqeyn doono, waxaase la yaab laheyd markii uu sheegay in aanu shilin siin doonin wiilkiisa Jaycee. “Haddii uu hawlkar yahay waa uu shaqeysan, haddii aanu aheynna lacagteyda ayuu ku fataalayaa” waxaa yiri Jackie Chan. 7. Simon Cowell oo ah maskaxda American Idol, America’s Got Talent iyo barnaamijyo kale oo caalami ah waxaa uu horay u sheegay in aanu dhalin wiilkiisa Eric in hantidiisa uu sadaqeyn doono isaga oo intaa raaciyey “Ma rumeysni in jiilasha ay hantidad isaga tagaan”. 8. Nigella Lawson oo ah boqoradda cunti karinta waxaa ay heysataa ilaa $20 million, waxaa ay sheegtay in labadeeda canug ee Cosima iyo Bruno aaney lacag ka dhaxli doonin, taasi oo keentay in iyada oo seygeeda ay murmaan. 9. Gloria Vanderbilt ah ayaa diiday in canugeeda ay wax lacag ah dhaxalsiiso, waxay ka tagtay $200 million. 10. Andrew Lloyd Webber oo hantidiisa lagu qiyaasat ilaa $1.2 billion, waxaa uu sheegay in xaasaskiisa iyo caruurta aaney lacag ka dhaxli doonin, oo uu hantida uga tagi doono in lagu caawiyo fanaaniinta yaryar. Goobjoog News Source: goobjoog.com

Ciidamada dowladda Itoobiya ayaa sii xoojiyey weerarada iyo gulufka ka dhanka ah Tigrayga ee ay ka geysanayaan gudaha gobalka iyo qeybaha ay ku sugan yihiin Jabhadda. Magaalada caasimadda u ah gobalka Tigrayga ee Mek’elle, ayaa weerar dhanka cirka ah waxaa ka fuliyay ciidamada dowladda saacadihii la soo dhaafay. Warbaahinta afka Tigrayga ku hadasha ayaa xaqiijisay in dad shacab ah ay waxyeello ka soo gaartay weerarka dhanka cirka ah ee magaalada ka dhacay. Jabhadda ayaa ku guuldareeysatay in ay iska caabiso weerarka, xilli jihooyin kala duwan ay kaga yimaadeen diyaaradaha dagaalka. Inta la xaqiijiyay weerarka oo ka dhacay xaafadaha magaalada waxaa ku geeriyooday in kabadan 4 qof, halka labaatameeyo kalena uu dhaawac ka soo gaaray weerarka ciidamada Itoobiya ay ka fuliyeen caasimadda gobalka Tigrayga. Isbitaalka weyne ee magaalada oo lagu dabiibayo dadka weerarka ay waxyeelada ka soo gaartay ayaa dhaqaatiirtu ay sheegen in magaalada laga geeystay xadgudubyo ka baxsan xuquuqda aadanaha. Jabhadda TPLF ayaa dhankeeda shaacisay in weerarka ciidamada Itoobiya ay soo qaaden in aysan jirin cid ciidamadooda ka tirsan oo waxyeello ay ka soo gaartay. Gobalka ayaa laga soo warinaya in ay ka taagan tahay 24-ki saac ee la soo dhaafay xaalad kacsanaan ah kadib markii ciidamada Itoobiya ay bilaabeen howl gallo ka dhan ah TPLF. Midawga Yurub iyo Mareykanka ayaa ku baaqay in dhinacyada dagaalka uu ka dhaxeeyo ay sameeyaan heeshiis xabad joojin ah lana ilaaliyo xuquuqda aadanaha. Afhayeenka Waaxda Arrimaha Dibedda ee Maraykanka Ned Price ayaa yiri “Waxaan ku boorinaynaa dhammaan dhinacyada inay si degdeg ah u joojiyaan colaadda iyo in dowladda Itoobiya iyo kooxda TPLF”. Gobalka ayaa tan iyo markii ay ka bilaawdeen dagaalada waxaa hay’adaha u dooda xuquuqda aadanaha ay ku eedeyeen in labada dhinacba ay geeysteen xadgudubyo ka dhan ah xuquuqda aadanaha. Kufsi, jirdil iyo dilal aan loo meel dayin ayeey diiwaan geliyeen hay’adaha u dooda bini’aadanimad tan iyo November. Dagaalka Xulafada Abiy iyo Jabhadda TPLF ayaa waxaa haatan u buuxsamaya sanad kadib markii uu November sanadkii hore ku dhawaaqay ra’iisul wasaaraha Itoobiya in dagaal lagu qaado gobalka Tigrayga. Goobjoog News Source: goobjoog.com

(SLT-London)-Kamaradaha CCTV ayaa muujinaya ninka la tuhunsan yahay inuu dilay xildhibaan ka tirsanaa Baarlamaanka Ingiriiska Cali Xarbi Cali oo maraya waddo ku taalla Waqooyiga London saacado uun ka hor inta aan la sheegin inuu tooreey ku dilay xildhibaan Sir David Amess kulan ka dhacay deegaanka Essex. Fiidiyowgu wuxuu u muuqdaa inuu muujinayo 25-jirkan, oo ay booliisku u hayaan tuhunka dilka Sir David, isagoo si tartiib ah u socda laamiga subaxnimadii Jimcaha isagoo sita shandada dhabarka iyo jaakadda baarkinka cagaaran iyo muraayadaha indhaha. Waxaa la fahamsan yahay in muuqaalka laga duubay banaanka dukaanka Highgate Road 8.44am. Cali, oo ku noolaa dhowr waddo oo ka durugsan, ayaa loo malaynayaa inuu xilligaas u socday saldhigga tareenka ee Gospel Oak. Booliisku waxay hadda baadhayaan dhaqdhaqaaqyada Ali saacadaha ka horreeya weerarka waxayna eegayaan inuu tareen ka raacay Gospel Oak si uu ugu safro Leigh-on-Sea, halkaas oo Sir David uu ku qabanayay kulan kaniisadda Belfairs Methodist. 69-jirka ruug-caddaaga ah ee Tory, oo ah nin katoolik ah oo si weyn u taageersan Brexit oo markii ugu horreysay loo doortay baarlamaanka 1983, ayaa la sheegay in tooreey lagu dhuftay 17 jeer galabnimadii Jimcaha. Maamulaha dukaanka ayaa Sky News u sheegay in boolisku codsaday in la arko muuqaalka CCTV subaxnimadii Sabtida. Wuxuu sheegay inay si gaar ah u codsadeen in la arko waqti u dhexeeya 8.30am ilaa 9am subaxnimo oo uu ku wareejiyay nuqulka muuqaalka. Saaxiibadii hore ayaa ku andacooday in ninka looga shakisan yahay dilka Sir David uu noqday mid xagjir ah isagoo daawaday YouTube -ka ee wacdiyihii Anjem Choudary oo booliis iyo MI5 ay sidoo kale eegayaan in Sir David loo doortay taageerada uu u hayo Qadar, oo muran ka taagnayd saamaynteeda Soomaaliya, dalkii uu ku dhashay aabihiina xilal ka soo qabtay. Baadhayaasha hadda waxay rumeysan yihiin in ayna jirin ujeedo gaar ah oo loo bartilmaameedsaday Sir David, iyo in 69-jirkan tooreey lagu dilay maxaa yeelay ninka la sheegay inuu dilay wuxuu ku guuleystay inuu ballansado kulan fool-ka-fool ah oo uu kula yeesho kaniisadda Leigh-on-Sea Jimcihii. Waxaa maanta shaaca laga qaaday in aabbaha tuhmanaha dilka xildhibaanka ay hanjabaad dil ah u direen ururka argagaxisada ee Alshabaab xilli uu ku sugnaa dalka Soomaaliya. Xarbi Cali Kullane ayaa mar ahaa dhakhtarka isboortiga ee ra’iisul wasaaraha Soomaaliya ka hor inta aanu u cararin London wax yar ka hor inta aanu curadkiisa Cali ku dhalan Southwark sannadkii 1996. Waxaa sidoo kale ugu dhalatay saddex carruur ah dalka Ingiriiska. Ilo amni ayaa yidhi: ‘Wuxuu si aad ah ugu lug lahaa ka hortagga farriinta al-Shabaab ee ku aaddan xilka agaasime-ku-xigeenka, wuxuuna ka helay hanjabaad dil ah oo ku aaddan arrintaas, taasoo ah wax iska caadi u ah qof kasta oo ku lug leh jago sare oo ka tirsan Dowladda’ .ayaa lagu daabacay wargeyska DailyMail. Mr Kullane ayaa la sheegay inuu la hadlay booliska la-dagaallanka argagixisada ee Scotland Yard oo ay la socdeen khubaro la shaqeeya MI5 iyo MI6 si ay u falanqeeyaan taleefankiisa si ay u eegaan haddii ay wax sharraxaad ah ka bixinayso ujeedka wiilkiisa ama dhaqdhaqaaqiisa maalmo iyo saacado ka hor inta uusan Xildhibaanka Tory lagu dilay kaniisad Leigh-on-Sea. Ilo ku dhow dhow baadhitaanka ayaa rumeysan in Cali laga yaabo inuu ku fikiray inuu dilo xildhibaanno kale, oo ay ku jiraan siyaasiyiinta Shaqada iyo Tory, ka hor inta uusan dooran Sir David, sida uu qoray The Telegraph. Mid ka mid ah dadka u dhuun daloola dawladda ayaa u sheegay wargeyska: ‘Nasiib ma lahayn. Lama bartilmaameedsan xisbigiisa siyaasadeed dartiis. David Amess si gaar ah looma bartilmaameedsan. ‘ Xigasho: DailyMail Source

Kismaayo (Caasimada Online) – Madaxweynaha dowlad goboleedka Jubbaland, Mudane Axmed Maxamed Islaam (Axmed Madoobe) ayaa maanta xafiiskiisa ku qaabilay ku xigeenka ergeyga Qaramada Midoobay ee Soomaaliya Marwo Anita Kiki Gbeho oo maanta gaartay magaalada Kismaayo ee xarunta gobolka Jubbada Hoose ee koonfurta Soomaaliya. Axmed Madoobe iyo wafdigan ka socday Qarmada Midoobay ayaa ka wada-hadlay xaaladda dalka, gaar ahaan arrimaha doorashooyinka iyo ammaanka guud ee dalka. Qoraal ka soo baxay madaxtooyada Jubbaland ayaa lagu yiri “Kulanka ayaa lagaga hadlay arimaha Doorashooyinka oo Dowlada Jubaland ay xalay soo dhamaystirtay xubnahii ku dhimanaa er Aqalka Sare taas oo dardar galin doonta howlaha Doorashooyinka 2021-ka” Marwo Anita Kiki Gbeho madasha ka hadashay ayaa ku boggaadisay hoggaanka dowlad goboleedka Jubbaland, sida ay u ilaalisay qoondada haweenka ee aqalka sare, maadaama afarta kursi ee uu liiskooda xalay shaaciyey Axmed Madoobe lagu soo daray dumar. Sidoo kale ku xigeenka wakiilka Qaramada Midoobay ee Soomaaliya ayaa shaaca ka qaaday in QM ay tageerayso howlaha doorashooyinka iyo sidii loo dardar galin lahaa. Kulankan ayaa ku soo aadayao, iyada oo haatan Jubbaland ay soo gaba-gabeyneyso doorashada Aqalka Sare, waxaana la dooran afarta senatar ee ku harsan maamulkaasi. Soomaaliya ayaa waxa ay ku jirtaa marxalad kala guur ah iyo xaalad doorasho, waxaana dowlada federaalka iyo dowlad goboleedyada ay wadaan dadaalkooda ugu dambeeyey. Si kastaba, dhowaan ayaa la filayaa in la guda-galo doorashada Golaha Shacabka oo ka xiiso iyo xamaasad badan mida Aqalka Sare e baarlamaanka Soomaaliya. The post Sawirro: QM oo hal arrin ku bogaadisay Axmed Madoobe appeared first on Caasimada Online.

Nairobi (HOL)- Fishermen based in Lamu County have vowed to defy a recent ruling made by the International Court of Justice (ICJ) that saw awarded Somalia a majority portion of a disputed maritime territory. Source: Hiiraan Online

(SLT-Washington)-Ergaygii ugu sareeyay Mareykanka ee Afghanistan ayaa xilkiisa iska casilay wax ka yar laba bilood kadib markii ciidamada Mareykanka ay ka baxeen dalkaasi. Zalmay Khalilzad ayaa hoggaaminayay wada hadalladii Mareykanka ee Taliban, laakiin wada -hadallo diblomaasiyadeed oo socday muddo bilooyin ah ayaa ku guul -darreystay in laga hortago in kooxda xagjirka ah ay awoodda qabsato. Kooxda Talibanka ayaa xukunka la wareegtay bishii August kadib markii ay qabsadeen caasimadda Kabul. Xoghayaha arrimaha dibadda ee Mareykanka Antony Blinken ayaa sheegay in ku xigeenka Mr Khalilzad, Thomas West, uu xilka la wareegi doono. Source

Ergeygii ugu sareyay ee maamulka madaxweyne Biden u qaabilsanaa dalka Afghanistan ayaa iska casilay xilkiisa kadib laba biilood un markii ay ka soo wareegatay kabixitaankii Mareykanka Afghan 21 sano kadib. Zalmay Khalilzad, ayaa xafiiska sheegay in uu baneeyay isagoo warqaddiisa iscasilaadda soo gudbiyay, waxaana si kumeel gaar ah loogu bedalay in howlaha xafiiska sii wadaya ku-xigeenkiisii Tom West. “Maadaama uu Wakiilka Gaarka ah ee Dib -u -heshiisiinta Afganistan Zalmay Khalilzad uu ka degay kaalintiisii, waxaan u mahadcelinayaa tobannaankii sano ee uu u adeegayey dadka Mareykanka,” ayuu yiri xoghayaha arrimaha dibadda mareykanka Antony Blinken. Khalilzaad ayaa warqaddiisa iscasiladda ku sheegay in qorshaha Taliban iyo Afghanistan uusan sii socon doonin isagoo sheegay in dib uu ka faahfaahin doono. “Qorshaha siyaasadeed ee u dhexeeya dawladda Afgaanistaan ​​iyo Taalibaan uma sii socon sidii loogu talo galay. Sababaha arrintaani waa kuwo aad u adag waxaanan la wadaagi doonaa fikradayda maalmaha iyo toddobaadyada soo socda, ka dib markaan ka tago adeegga dawladda,” ayuu Khalilzad ku qoray warqaddiisa iscasilaadda. Zalmay Khalilzad, ayaa la shaqeeyay madaxweynihii hore ee Mareykanka Doland Trump iyo kan hadda ee Joe Biden oo uu labada wakiil uga ahaa Afghanistaan. Goobjoog News Source: goobjoog.com

Nairobi (Caasimada Online) – Raila Odinga oo kamid ah musharixiinta u tartameysa xilka madaxweynimo ee doorashada Kenya ee 2022 ayaa ololihiisa si rasmi ah ugu daray inuu dib usoo celin doono suuqa Qaadka Kenya iyo Soomaaliya ee la joojiyey sanadihii ugu dambeeyey ee dowladda uu hoggaamiyo Maxamed Cabdullaahi Farmaajo. Qaadka ay Kenya usoo dhoofin jirtay Soomaaliya oo muwaadiniinteeda ay ka heli jireen dhaqaale aad u badan ayaa waxaa joojisay dowladda Soomaaliya kadib markii uu khilaaf soo kala dhex-galay labada dowladood, wuxuuna Odinga ballan qaaday inuu dib usoo celin doono suuqaas si uu cod uga helo dadka Kenyanka ah ee ku tiirsanaa dhaqaalahaas. Odinga oo khudbad ka jeedinayey Magaalada Mau Ismaamulka Meru ayaa xusay inuu ka war qabo dhibaatada dhaqaale xumo ee heysata dadka deegaanka, taasoo sababta ugu weyn ay tahay xirnaanshaha suuqii qaadka ee dalka Soomaaliya & Jamhuuriyadda Dimuqaarida Congo. Raila ayaa taageerayaashiisa uu la hadlay waxa uu ku dejiyay in uu ka shaqeynayo haddii uu ku guuleysto xilka Madaxweynaha Kenya ee doorashada sanadka 2022-ka in uu u raadinayo suuqa Qaadka ee Soomaaliya. “Waxa aan fahamsanahay dhibaatooyinka heysta Beeraleyda Qaadka, waxaa iga go’an in aan xal u raadiyo sidii ay u heli lahaayeen Suuqa loo iib geeyo Jaadka sida Soomaaliya & Jamhuuriyadda Dimuqraadiga Congo” ayuu yiri Raila Odinga oo u muuqday mid fursadaan u arko mid ka saacidi karta ku guuleysiga doorashada. Raila Odinga waxa uu sheegay in ay Somaliland horey ugu heshiiyeen in Qaadka Miirooga loo dhoofiyo, laakiin ay dowladda Soomaaliya ka hor -joogsatay in Kenya halkaas u dirto. Ra’isulwasaarihii hore ee Kenya Odinga haddana ah madaxa Xisbiga ODM ayaa dhanka kale ballan qaaday in uu xal u raadinayo khilaafka Kenya iyo Soomaaliya oo xooggeystay wixii ka dambeeyey markii dacwadda Badda laga gudbiyay Nairobi, wuxuuna xusay inay tahay in labada dal ay diiradda saaraan maslaxadooda. Dowladda Kenya ayaa marar badan awoodi weysay inay dib usoo celiso suuqaas, waxayna dowladda Soomaaliya suuqii Qaadka u wareejisay dalka Itoobiya oo u xiriir wanaagsan kala dhaxeeyo, waxaana adag in suuqaas dib loo soo celiyo haddii uu mar kale dalka madaxweyne ka noqdo Maxamed Cabdullaahi Farmaajo. Qaadka Kenya ayaa hadda lagu iibiyaa qaar kamid ah suuqyada Qaadka ee Soomaaliya, waxaana qaab suuq madow ah usoo geliyo dalka ganacsato, balse uma badno sidii uu ahaan jiray. The post Raila Odinga oo ololihiisa ku daray dib usoo celinta arrin uu Kenyatta ka dhaadhicin waayey Farmaajo appeared first on Caasimada Online.

Wararka naga soo gaarayo gobalka sheebbalaha dhexe ayaa sheegay in qarax miino oo ka dhacay tuullo lagu magacaabo Buulo-quute oo hoostagta degmada Balcad ay ku dhinteen dad shacab ah. Qaraxa ayaa waxaa uu ahaa miinada nooca dhulka lagu aaso waxa uuna haleelay dad shacab ah xilli ay ku socdaalayeen wadada xirirsa balcad iyo tuulada Buulo-quute. Dadka ayaa saarna mootada nooca khudaarta lagu qaado ee seddax lugooleyda ah, waxaana qaraxa ku dhinta dad gaaraya Lix qof. Shan ka mid ah dadka dhintay ayaa ahaa rag, halka qofka kale uu ahaa qof haweeney ah oo la socotay mootada qaraxa uu haleelay. Goobjoog News Source: goobjoog.com

Waxaa saaka markale xaalad cakiran ay ka taagan tahay magaalada Guriceel ee gobalka Galgaduud halkaas oo ciidamada dowladda iyo kuwa Ahlu-sunna isku hor fadhiyaan. Kooxda Ahlu-sunna ayaa waxaa ay xalay magaalada ka sameysay dhaqdhaqaaqyo hor leh oo ay ku soo bandhigayeen ciidamadooda. Ahlu-sunna ayaa sidoo kale waxa ay gudaha magaalada ay ka sameysatay fariisimo, waxa ayna bilaabeen in xaafadaha magaalada ay isku fidiyaan. Dhanka kale ciidamada dowlad gobaleedka Galmudug oo kaashanaya kuwa Dowladda federaalka ayaa kaabiga ku soo haaya magaalada ay ku sugan yihiin kooxda suufiyada. Shacabka ayaa isaga barakacay xaafadaha magaalada iyagoo ka cabsi qabo in dagaal kor kooda uu ka bilaabmo, kaas oo xilli walba la filan karo. Labada ciidan ayaa wado diyaar garow xooggan, xaaladda magaalada ayaan ah mid u muuqato mid colaadeed oo deegaanka ku soo cusboonaatay. Goobaha ganacsiga ayaa muddo afar maalin ka badan xiran iyadoo shacabka ay carruurtooda iyo hantidooda magaalada kala baxayaan. Isku socodka gaadiidka ee magaalada ayaa sidoo kale hakad ku jiro iyadoo Ahlu-sunna ay xalay diideen in magaalada ay soo galaan gadiidka ka yimaada magaalooyinka iyo deeganada guraceel ka agdhaw. Xalay illa saaka ciidamada Suufiyada ayaa baaritaanno ka wada gudaha magaalada, kuwaas oo ay sheegeen in amniga magaalada ay ku suganayaan. Dhanka kale waxaa weli leysku fahmi la’yahay wadahadalo ay wadeen odayaasha dhaqanka Guraceel kuwaas oo labada dhinac ugu baaqayay in xaaladda ay nabad ku soo dabaalaan. Waan waanta ay wadaan Odayaasha dhaqanka ayaa u muuqda kuwa ku soo gaba gaboobaya natiija la’aan xilli la sheegay hogaanka Ahlu-sunna ay ka biya diideen in magaalada isaga baxaan kadib markii loogu baaqay in xaaladda magaalada la dejiyo. Goobjoog News Source: goobjoog.com

London (Caasimada Online) – Soomaalida ku nool UK ayaa sheegay in ay soo gaareen Fariimo hanjabaad ah oo uga imaanaya Dad ka xun dilka loo geystay Xildhibaan David Amess oo dilkiisa loo xiray Wiil Asal ahaan Soomaali ah sida ay xaqiijiyeen Hay’adaha ammaanka Britain. Jaaliyadda Soomaalida ee UK ayaa bilaabay iney Soomaalida u sharaxaan sidii ay u wajihi lahaayeen xaaladda soo cusboonaatay, kadib markii dhawaan ruux Soomaali ah uu diley xildhibaan Ingiriis ah. Jaaliyadda Soomaalida ayaa sheegtay in tiro kamid ah Muwaadiniinta Soomaaliyeed ay soo gaartay hanjabaad qaarkood lagu wargeliyay in loo dili doonno sabab la xiriirta Cali Xarbi Cali oo ku eedeysan dilka Xildhibaan David Amess. Hoggaamiyayaasha jaaliyadda ayaa bilaabay inay ka wacyi galiyaan Soomaalida nidaambkii ay ula dhaqmi lahaayeen, haddii booliisku ay la kulmaan, ama su’aallo in la weydiiyo loo baahdo. Kaahiye Cilmi oo ah Afhayeenka guddiga ay ku mideysan yihiin Jaaliyadda Soomaalida Ingiriiska oo la hadlay BBC-da ayaa sheegay in Dowladda ay u gudbiyeen wax ka qabashada Caga-jugleynta lagu hayo Muwaadiniinta Soomaaliyeed. “Warbaahinta ayaa nagu bidhaameysa Dadka Hanjabaya, Dadka waddankaan degen waxa ay fiirinayaan Magaca Soomaaliya oo ma eegayaan kan British, Dadka neceb Ajaanibta gaar ahaan Muslimiinta ayaa bilaabay in ay direen Waraaqo Hanjabaad ah, waxaana la xiray Xafiisyada qaar si looga feejignaado sheekadaan socota” ayuu yiri Kaahiye Cilmi. Waxaa xiran wiil asalkiisu yahay Soomaali, kaasoo lagu magacaabo Ali Harbi Ali, da’diisuna tahay 25 sano jir. Wiilkaan ayaa ku dhashay Ingiriiska, wuxuuna diyaarinayey takhasus dhakhtarnimo. Sidoo kale, waalidka ruuxa xiran ayey dhawaan booliiska Ingiriiska ka qaadeen taleefankiisa gacanta, si baaritaan dheeraad looggu sameeyo. The post Jaaliyadda Soomaalida ee UK oo sheegtay iney soo wajahday halis appeared first on Caasimada Online.

Since moving to Gahanna during the offseason, senior Sharmarke Ali has enjoyed becoming a part of the community and competing for the Gahanna Lincoln boys cross country team this fall. Source: Hiiraan Online

Somaliland and UN locked horns after the two sides traded allegations pertaining to the deportation of nationals hailing from southern Somalia from Lasanod, Sool’s provincial capital. The President of the republic of Somaliland H.E Musa Bihi Abdi yesterday lambasted UNOCHA of showing double face after it released a statement regarding the expulsion drive enforced by Somaliland’s security forces stationed in Lasanod. Bihi said: ” I hoped that what UNOCHA talked about was not the vested interest of families that were deported from Lasanod. They came to the town as underprivileged refugees. OCHA had not supplied water tanker to the refugees for one day. It had not distributed plastic sheets as well as tablets against the prevention of malaria.” Bihi had alleged that OCHA sought financial aid by exploiting the dire situation of the deportees which he said was an act of shame for the UN. Bihi said: “What did OCHA contribute to the refugees for the past 30 years? What had they done for the refugees if they could show a high sense of compassion to the dire situation of the refugees? Why didn’t they send humanitarian aid to them? Why did OCHA express concern over the deportees? UNOCHA is a double-faced. It is a big shame for UN to seek financial aid on behalf of people that were expelled from Lasanod.” The UNOCHA report disclosed that Somaliland deported 7, 250 people from Lasanod and its environs during the implementation of the deportation drive enforced by Somaliland security forces. Qaran News

Conservative MP was chairman of parliamentary group on Qatar and visited Gulf state last week Source: Hiiraan Online

Sir David Amess: 4 dilal oo hadal hayn dhaliyay oo dad ‘Soomaali ah ay ka geysteen’ dalal reer galbeedka XIGASHADA SAWIRKA,SWP Booliska Britain ayaa gacanta ku haya nin Soomaaliya kasoo jeeda oo lala xiriirinayo dilka xildhibaan ka tisanaa baarlamaanka UK, balse ma aha Soomaaligii ugu horreeyay ee fal noocaas ah ku lug yeesha, gudaha Britain iyo meelo kale oo ka mid ah dalalka reer Galbeedka. Dilalka ka dhaca London waxaa sidoo kale dhibaneyaal u noqday dhallinyaro badan oo Soomaali ah, iyadoo arrintaas ay sababtay in waalidiinta qaarkood ay wiilashooda u diraan Soomaaliya si ay uga fogeeyaan dambiyada lagu geysto mindiyaha iyo isticmaalka daroogada. Dhacdooyinkan waxay soo kordheen wixii ka dambeeyay burburkii dowladdii dhexe ee Soomaaliya, markaasoo dad badan oo Soomaaliya ka tagay ay dibadda u qaxeen. Marka laga soo dilka ugu dambeeyay ee dhacay 15-kii bishan October, waxaa jira kuwo kale oo rag Soomaali ah ay ku lug lahaayeen. Waxaan eegeynaa qaar ka mid ah dilalkii ugu hadal heynta badnaa ee lala xiriiriyay dad Soomaali ah oo ka dhacay waddamada UK, Jarmalka iyo Australia. 1- Cali Xarbi Cali Dilkii dhawaan loo geystay Sir David Amess oo ka tirsanaa baarlamaanka Britain waxaa loo soo xiray nin Soomaali ah oo magaciisa lagu sheegay Cali Xarbi Cali. Eedeysanaha ayaa loo heystaa inuu xildhibaanka oo ka tirsanaa xisbiga asal raaca ku dilay toori, xilli uu booqasho ku joogay deegaanka laga soo doortay oo uu dadweyne kula kulmayay. Falkaas ayay dowladda UK ku qeexday mid argagixisanimo ah. XIGASHADA SAWIRKA,PA MEDIA Qoraalka sawirka,Dilka xildhibaan Sir David ayaa loo adeegsaday toori Waxaa la rumeysan yahay in Cali uusan horay ugu jirin liiska dadka ay diiradda ku haysay hay’adda sirdoonka Ingiriiska ee MI5. 25 jirkan oo heysta dhalashada UK balse kasoo jeeda Soomaaliya ayaa lagu qabtay isla goobta uu dilka ka dhacay. Tan iyo maalintii Sabtida waxaa socda baaritaan ay boolisku ku hayaan kiiskan. 2- Cabdiraxmaan 25-kii bishii June, nin ku hubeytsan toori ayaa saddex ruux ku dilay magaalada Würzburg ee dalka Jarmalka, halka dhowr qof oo kalena ay ku dhaawacmeen weerarkaas, sida ay sheegeen laamaha amniga. Ninka falkaas geystay oo Soomaali ah ayay warbaahintu magaciisa kusoo koobeen Cabdiraxmaan J. XIGASHADA SAWIRKA,GETTY IMAGES Qoraalka sawirka,Boolisku waxay sheegeen in aan la ogeyn ujeeddada ka dmabeysay falkaas Booliska dalkaas ayaa sheegay in ay gacanta ku dhigeen ninka la tuhunsan yahay oo 24 jir ah kaddib markii ay lugta ka toogteen. Hase yeeshee markii dambe waxa ay sheegeen in uu ahaa qof dhimirka ka xanuunsan, iyagoo intaas ku daray in la daweynayo. 3- Raage Maxamed Bartamihii bishii Deecember ee sanadkii 2020-kii, booliska Australia ayaa toogasho ku dilay nin asal ahaan Soomaali ah oo lagu tuhmay argagixisanimo. Saraakiisha ayaa sheegay in Rage Maxamed Cabdi uu “sameeyay hanjabaad dhanka afka ah” inkastoo qareennadiisa ay sheegeen in uu ahaa qof dhimirka ka xanuunsan. Ninkan oo 22 jir ahaa ayaa markii la dilayay ku hubeysnaa toori sida uu tabiyay telefishinka ABC ee fadhigiisu yahay Australia. Laamaha amaanka oo ay soo wargaliyeen dad shacab ah ayaa ninkaas kula kulmay waddo mashquul badan. 4- Maxamed Cali Cige Ilaa hadda waxa ay booliska Britain ku howlan yihiin raadinta nin Soomaali ah oo lagu magacaabo Maxamed Cali Cige, kaasoo loo heysto dil gudaha UK ka dhacay sanadkii 2010-kii. Ninkan oo ah eedeysanaha loogu doondoonista badan yahay Wales ayay sheekadiisu wali taagan tahay, inkastoo falka loo heysto uu dhacay 11 sano ka hor. XIGASHADA SAWIRKA,SOUTH WALES POLICE Qoraalka sawirka,Booliska ayaa shaaciyay sawirrada Maxamed Cali Cige oo laga qaaday xilli ay gacanta ku hayeen booliska Hindiya sanadkii 2013 Maxamed Cali Cige, oo 43 jir ah ayaa markii hore u cararay dalka Hindiya, isagoo ka baxsanayay booliska Wales oo ku raad joogay. Sanadkii xigay ee 2011-kii ayaa lagu xiray gudaha Hindiya isagoo loo heysto tuhun la xiriira dil. Laakiin wuxuu baxsaday sanadkii 2017-kii xilli ay booliska Hindiya isku diyaarinayeen inay u soo gacan galiyaan booliska UK. Wuxuu ku dhex dhuuntay musqul ku taalla xarun tareenka ee magaalada New Delhi. Cige waxaa loo heystaa dambi la xiriira dil loo geystay Aamir Siddiqi, oo xilligaas ahaa 17 jir. bbcsomali Qaran News

(ERGO) – Saqo Ali Ibrahim could not afford to sit idle when food aid stopped being delivered to her IDP camp in Lug, southern Somalia’s Gedo region, so she borrowed money and launched into the male-dominated livestock trade. Source: Hiiraan Online

Muqdisho (Caasimada Online) – Xeer ilaaliyaha guud ee Qaranka Soomaaliya Suleymaan Maxamed Maxamuud ayaa sheegay inay jiraan dowlado shisheeye iyo hey’addo kale oo ku howlan kaluumeysi sharci daro ah oo biyaha Soomaaliya ay ka wadaan. Suleymaan ayaa xusay inay jiraan dadka Soomaaliyeed oo hey’adahaas iyo dalalkaas ku gacan siinayo kaluumeysi sharci daro, taasoo uu ku tilmaamay inay tahay wax aan la aqbali karin. Xeer ilaaliyaha ayaa sheegay in dowladda Soomaaliya ay si dhameystiran uga go’an tahay inay ka hor tagto kalluumeysiga sharci darrada ah oo ay biyaha Soomaaliya ka wadaan shirkadaha shisheeye. Wuxuu xusay in Wasaaradda Kalluumeysiga Soomaaliya ay ku howlan tahay sidii loola dagaalami lahaa kalluumeysiga sharci darrada ah. “ Kalluumeysiga sharci darrada ah ee ka socda dalka wuxuu kamid yahay musiibooyinka waaweyn ee ka jira Kheyraadka dalka, waxaana Soomaaliya usoo shaqo tagay dad rabo inay si sharci darro ah uga faa’ideystaan kheyraadka dalkeena” ayuu yiri xeer ilaaliyaha. Ugu dambeyn Xeer ilaaliyaha Qaranka ayaa waxaa uu faray Ciidamada Badda Soomaaliya inay soo qabtaan maraakiibta shisheeye ee sida sharci darrada ah uga kalluumeysta xeebaha Soomaaliya si loo marsiiyo caddaaladda. Hadalka kasoo yeeray xeer ilaaliyaha Qaranka Soomaaliya ayaa kusoo aadayo xilli 12-ka bishaan ay maxkamadda Cadaaladda Adduunka ay Soomaaliya u xukuntay murankii ka taagnaa qeybo kamid ah Badda Soomaaliya oo ay sheegatay Kenya. The post DF oo shaacisay shirkado kalluumeysi sharci darro ah ka wada biyaha Soomaaliya appeared first on Caasimada Online.

Ambassador of Somalia Khadija Mohamed Almakhzoumi visited Naval Headquarters in Islamabad on Monday and met Chief of the Naval Staff Admiral Muhammad Amjad Khan Niazi. Source: Hiiraan Online

Kenya: 3 Guul darro oo ay ka mid tahay dacwdada badda oo ku dhacday dowladda Uhuru Kenyatta XIGASHADA SAWIRKA,KENYA STATE HOUSE Go’aankii maxkamadda ICJ ee kiiska badda waxa uu ahaa xukunkii saddexaad ee ay maxkamad ku dhawaaqday oo niyad jab ku noqday dowladda uu hoggaamiyo madaxweyne Uhuru Kenyatta, sida uu qoray wargeyska Standard ee ka mid ah warbaahinta ugu afka dheer dalka Kenya. Hal isbuuc gudihiisa ayay xukuumadda Kenyatta guul darro kala kulantay labo kiis oo waaweyn, kuwaas oo mid uu la xiriiray arrimaha gudah, halka mid ka kalena uu ahaa dibadda. Waxay guul darrooyinkaas ku mid yihiin arrin kale oo dhowr bilood ka hor ahayd: Dacwadda Badda Kiiska ku saabsanaa muranka xadka badda ee u dhaxeeyay Kenya iyo Soomaaliya ayay 12-kii bishan October go’aan kasoo saareen garsooreyaasha maxkamadda caalamiga ah ee caddaaladda, ICJ. Kenya ayaa ku gacan seyrtay xukunka maxkamadda oo aaggii lagu muransanaa badankiis u sharciyeysay dhinaca Soomaaliya. Ka hor inta uusan go’aanka ugu dambeeya soo bixin ayay dowladda Kenyatta shegetay in aysan aqoonsan doonin natiijada, iyadoo dooneysay in kiiska dib loogu dhigo, balse maxkamadda ayaa ku gacan seyrtay codsigaas. XIGASHADA SAWIRKA,GETTY IMAGES Qoraalka sawirka,Soomaaliya ayaa soo dhaweysay go’aanka maxkamadda Madaxweynaha Soomaaliya, Maxamed Cabdullaahi Farmaajo, ayaa dhankiisa xukunka maxkamadda ku tilmaamay “guul usoo hoyatay dowladda iyo shacabka Soomaaliyeed”. Diiwaangelinta shacabka Kenya Kiiska labaad ee isla toddobaadkan gudihiisa ay dowladda Kenya caqabadda kala kulantay waxa uu ahaa mid maxalli ah oo la xiriira mashruuc weyn oo ay dowladda ku howlaneyd. Mashruucaas oo sannado badan laga war dhowrayay ayaa waxba kama jiraan laga soo qaaday kaddib markii amar ka soo baxay maxkamadda sare lagu diiday in lasii wado. XIGASHADA SAWIRKA,VANS HABIL | NMG Sida uu tabiyay wargeyska Standard, xukunka maxkamadda sare ee Kenya waxaa lagu sheegay in mashruucaas oo ku aaddanaa diiwaangalinta dadweynaha uu ka hor yimid xeerka keydinta xogta rayidka. Mashruuca ay maxkamaddu sharci darrada ku tilmaantay ayay dowladda ku kharash gareysay lacag gaareysay 10 bilyan oo shilin oo u dhigantay in ka badan $90 milyan oo doolar. Mashruuca BBI Kani waxa uu ahaa mashruuc siyaasadeed oo horseedi karay in isbaddal weyn lagu sameeyo hannaanka siyaasadeed ee Kenya iyo dastuurka. Maamulka waddanka Kenya ayaa u ololeynayay in wax laga baddalo dastuurkii la ansixiyay 2010-kii, si dowladda loogu yeelo waji kale. Siyaasiyiin iyo qaar ka mid ah shacabka gobollada ayaa ka soo horjeestay mashruucan, balse waxa uu u muuqday mid dadaal badan lagu bixinayay. 20-kii bishii August ayay maxkamadda sare ee Kenya ku dhawaaqday xukun gabi ahaanba meesha ka saaraya mashruuca BBI. XIGASHADA SAWIRKA,AFP Waxaa tallaabada garsooreyaasha maxkamadda racfaanka loo arkayay mid dhabarjab ku ah madaxweyne Uhuru Kenyatta oo markii hore miiska soo saaray hindise sharciyeedkaas. Sida uu xusay Wargeysku, dowladda Kenya ayaa hadda u baahan inay isbaddal ku sameyso qorsheyaasheeda si ay uga soo kabato culeyska soo wajahay inkastoo dad badan ay lama filaan ku noqotay guul darroonyinka dhinaca sharciga ee is xigay ee ay la kulmeen qareennada firfircoon ee dowladda. Qaran News

MOGADISHU (Xinhua)) - The United Nations humanitarian agency said Monday it has stepped up response to support drought-stricken communities in Somalia especially in the southern region to avert a further deterioration of the situation. Source: Hiiraan Online

Halkan hoose ka akhriso magacyada iyo xilalka uu madaxweynaha ismaamulka Somaalida Itoobiya u mahacaabay xukumaddiisa cudub. 1- Xafiiska Madaxweynaha: Dr. Xuseen Qaasim 2- Xafiiska Beeraha: Dr. Cabdiqaadir Iiman 3- Xafiiska Hor. Xoolo dhaqatada: Subeer Xuseen Cumar. 4- Xafiiska Hor magaalooyinka: Cabdiraxman Ciid Daahir. 5- Xafiiska Waxbarashada: Cabdulaahi Laag. 6- Xafiiska Caafimaadka: Dr. Muuse Axmed Ibraahim 7- Xafiiska Maaliyadda: Cabdiraxmaan Axmed. 8- Xafiiska Adeega shacabka: Warsan 9- Xafiiska Jidadka: Eng. Saddaam Xuseen 10- Xafiiska Nabadgalyada: Mubashir Dubad 11- Xafiiska Cadaalada: Axmed Xaaji Samatar. 12- Xafiiska Biyaha: Xasan Daadhi 13- Xafiiska Xirfadaha iyo shaqo-abuurka: Xuseen Geydh 14- Xafiiska Arimaha Bulshada: Cabdullaahi Amaan. 15- Xafiiska Arrimaha Haweenka: Xaliimo Xasan Maxamuyd 16- Xafiiska Ganacsiga Iyo Gaadiidka: Malaw Maxamed 17- Xafiiska Maalgalinta iyo Warshadaha: Dayib Axmed Nuur 18- Xafiiska Ciyaaraha iyo dhalinyarada: Maxamed Mahdi. 19- Xafiiska Warfaafinta: Cabdiqaadir Rashid Ducaale. 20- Xafiiska Macdanta Iyo shidaalka: Khadra Bashiir. 21- Xafiiska Deegaanka iyo Kaymaha: Eng Muxiyadiin Cabdi Xuseen 22- Xafiiska Waraabka iyo dooxooyinka: Maxamed Fatah 23- Xafiiska Curinta iyo sayniska: Faaduma Deeqa. 24- Xafiiska Qorshaynta: Maxamed Sheekh Aden. 25- Xafiiska Dakhliga: Maxamed Naaji 26- Xafiiska Maaraynta Iyo khataraha: Axmed Yaasiin Sh Ibraahim. 27- Xafiiska Dhaqanka Iyo Dalxiiska: Maxamed ismaaciil. Qaran News

London (Caasimada Online) – Booliska UK ayaa baaraya in dilka xildhibaan David Amess uu xiriir la leeyahay xiriirka xildhibaanka kala dhaxeeyey dowladda Qatar, sida uu qoray wargeyska The Times. Sir David Amess oo ka tirsanaa xisbiga Conservative-ka ayaa waxaa lagu dilay mindi Jimcihii, isaga oo ku sugan deegaanka Leigh-on-Sea, waxaana dilka loo qabtay Cali Xabri Cali Kulane. Booliska UK ayaa sheegay in illaa hadda dilka ula macaamilayaan mid argagixiso, balse ay eegayaan suurta-galnimada ah in loo dilay xiriirkiisa dowladda Qatar darteed. Ilo-wareedyo amni ayaa The Times u sheegay “Arrinta Qatar waxay aheyd tii ugu dambeysay ee xildhibaanka uu soo tweet gareeyo. Booliska waa ay eegayaan.” Dhinaca kale, wargeyska Daily Mail ayaa qoray in Cali aabihii oo lagu magacaabo Xarbi Cali Kulane uu aad u dhaliilo dowladda Qatar, oo taageerto dowladda uu hoggaamiyo Farmaajo. Warbiixnta Daily Mail ayaa lagu sheegay in qoraal uu Xarbi Cali Kualne soo dhigay twitter 5-tii October uu faro-gelinta Qatar ee Soomaaliya ugu yeeray mid aan wanaagsaneyn oo ay tahay in joogitaankooda la baabi’iyo. Tweet-ka ayuu Xarbi Cali Kulane ku yiir “Tan iyo 7-dii Febraayo, waxaan nasiib darro aragnay ku lug lahaanshaha aan caafimaadka laheyn ee Qatar ee saaxadda siyaasadda Soomaaliya. Waxaa la joogaa waqtigii xiriirkan xun ee aan laga fiirsin la baabi’in lahaa, lana yareyn lahaa saameyntiisa.” Ilo-wareedyo amni ayaa u sheegay Daily Mail inaysan wax muujinaya in Xarbi Cali Kulane uu yahay xagjir. Xarbi ayaa aad uga argagaxay dilka. Amess ayaa madax ka ahaa guddi ka tirsan baarlamanka oo lagu magacaabo APPG oo taageera Qatar, kana shaqeeya wanaajinta xiriirka ka dhaxeeya dalkan ku yaalla Gacanka iyo UK. Amess ayaa 9-kii illaa 10-kii October booqday, halkaasi oo uu kula kulmay amiir Tamim bin Hamad Al Thani. The post Xildhibaan David Amess ma waxaa loo dilay xiriirkiisa QATAR iyo taageerada DF? appeared first on Caasimada Online.

Kismaayo (Caasimada Online) – Madaxweynaha Jubaland Axmed Maxamed Islaam (Axmed Madoobe) ayaa xalay soo saaray liiska murashaxiinta afarta kursi ee Aqalka Sare ee ku harsan maamulkiisa. Jubaland ayaa aheyd maamulkii ugu horreeyey ee qabta doorashada Aqalka Sare, hase yeeshee in ka badan laba bil ayey sabab aan la aqoon u haysteen doorashada kuraasta kale. Liiska uu soo saaray Axmed Madoobe ayaa laba ka mid ah kuraasta waxaa si gaar ah loogu xiray haween, halka mid kale ay ku tartamayaan haween iyo rag, midna rag kaliya ay ku tartamayaan. Afarta kursi iyo sida loogu kala tartamayo ayaa kala ah: Kursiga 5-aad: Layla Nuux Maax iyo Xareedo Maxamed Sheekh Kursiga 6-aad: Ibraahim Awgaab Cusmaan iyo Farxiya Macallin Cabdi Kursiga 7-aad: Maryan Faarax Kadiye iyo Samsam Maxamed Bishaar Kursiga 8-aad: Xasan Daahir Yarow iyo Cali Maxamed Cali Guddiga doorashada Jubaland ayaa lagu wadaa inay isla maanta shaaciyaan xilliga ay dhaceyso doorashada, ayada oo ay u badan tahay in la qabto isla toddobaadkan. Haddii doorashada Aqalka Sare ay kasoo dhammaato Jubaland, waxaa haraya kaliya laba kursi oo ku harsan maamulka Galmudug ee uu hoggaamiyo Axmed Qoor Qoor. Beesha caalamka oo shalay wada-hadal la yeelatay Qoor Qoor ayaa uga digtay inuu dagaal ku qaado Ahlu-Sunna, taasi oo qiil uu uga dhigan karo inuu doorashada dib usii dhigo. Hoos ka arag liiska uu soo saaray Axmed Madoobe The post AXMED MADOOBE oo soo saaray liiska murashaxiinta AQALKA SARE ee ku haray appeared first on Caasimada Online.

Guriceel (Caasimada Online) – Hal toddobaad ayaa laga jooggaa tan iyo markii Ciidamada Dowladda iyo kuwa Galmudug ay billaabeen inay u jiheystaan dhinaca Magaalada Guriceel ee Gobolka Galgaduud. Labada ciidan ayuu qorshahoodu yahay inay magaalada ka saaraan Xoogaga Ahlu Sunna, oo 1-dii bishan bilaa dagaal kula wareegay gacan ku haynta magaaladaasi. Ciidamada ayaa la soo sheegaya inay ku sugan yihiin goob aan ka fogayn Tuulo Sadiiq, oo hal habeen ka hor ay gaareen. Tuuladan ayaa ku taala jidka u dhaxeeya Guriceel iyo deegaanka Ceeldheere, oo 30km dhinaca koonfureed kaga beegan Magaalada Dhuusamareeb. Hawlgalka ciidamada oo gaabis badan uu ka muuqanayo ayaa loo aaneynayaa iyadoo Xoogaga Ahlu Sunna la tuhunsan yahay inay ka ag-dhow yihiin goobaha ay ciidamada ku safrayaan. Xoogaga Ahlu Sunna ayaa lagu arkayaa gudaha Magaalada Guriceel iyo wadooyinka soo galaba, iyagoo sidoo kalena bannaanada magaaladaasi ka sameystay dhufeysyo waaweyn. Colka ku sii jeeda Guriceel ayaa dadka deegaanka ku khasbay in intooda badan ay isaga barakacaan guryahooda, iyagoo gaaray miyiga fog ee Guriceel. Sidoo kale waxaa hakad-galay goobihii waxbarashada iyo ganacsigii ka jiray magaaladaasi, sababo ku aaddan dadka oo ka baxsanaya in lagu dul dagaalamo. Cabdulqaadir Jaamac Tarabi oo ka mid ah Maamulada Iskuulada Guriceel ayaa sheegay in xiisadda ka taagan gobolka ay saamayn weyn ku yeelan doonto, kaalmihii hore ee ardayda Galmudug ka geli jireen Imtixaanaadka Shahaadiga ee Dowladda Federaalka qaaddo. Sida uu sheegay Guriceel iyo bannaanadeeda waxaa ku yaala illaa afartan iskuul, oo ay wax ka baraneysay toban kun oo arday, arrinta walaaca ku haysana ay tahay hubinta la’aanta ka jirta gobolkaasi. “Inkastoo hadda waqti kooban ay tahay waqtiga waxbarashada hakadka ku jirto, laakiin midda walwalka nagu haysaa waxay tahay waqtiga ay dhammaanayso colaaddaan ayaynaan garanayna” ayuu yiri Cabdulqaadir Jaamac Tarabi oo la hadlay BBC. Odayaasha Dhaqanka ee Galmudug ayaa in badan ka digay xiisadda ka jirta gobolka, iyadoo ay qaarkood ku baaqeen in wada hadalo lagu dhammeeyo, waxaase mooddaa in dhegaha laga fureystay baaqyadoodaasi, inkastoo Hoggaanka Ahlu Sunna ay sheegeen inay diyaar u yihiin wada hadalo ay la galaan Galmudug, dagaal-na aanay doonayn in lagu khasbo mooyee. Sidoo kale, wakiilada Beesha Caalamka oo shalay la hadlay madaxweyne Qoor Qoor ayaa kula taliyey inuu sameeyo wax kasta oo looga baaqsan karo dagaal ka dhaca Galmudug, gaar ahaan magaalada Gurceel, iyagoo ka digay in hadii uu dagaal qarxo uu saameyn ku yeelan doono dhinacyo badan oo geedi socoda doorashooyinka dalka ay ugu horeyso. The post Gulufka dagaal ee Guriceel ku wajahan oo gaabis uu ku yimid – Maxa isbeddelay? appeared first on Caasimada Online.