https://qarannews.com/wp-content/uploads/2024/05/VID-20240529-WA0010-1.mp4 Qaran News

Madaxweynaha Brazil Luiz Inacio Lula da Silva ayaa kala baxay safiirkii dalkiisa u joogay Israa’iil ka dib bilo ay xurguf u dhaxeysay labada dhinac,taas oo ka dhalatay dagaalka Israa’iil ay ka waddo marinka Qaza. Tallaabadan ayaa lagu shaaciyay faafinta rasmiga ah ee dowladda Brazil oo Arbacadii la baahiyay, mase jirto jawaab degdeg ah oo ka timid dhanka maamulka Israa’iil. Lula ayaa si joogta ah u dhaleeceyn jiray weerarka Israa’iil ay ku hayso marinka Gaza ee go’doonsan, kaas oo uu barbar dhigay xasuuqii Holocaust ee uu Hitler yuhuuddakugumaaday. Danjire Frederico Meyer ayaa loo wareejiyay Geneva, wuxuuna ku biiri doonaa ergada joogtada ah ee Brazil ku matalaya Hay’adaha Qaramada Midoobay iyo ururada kale ee caalamiga ah. Source: goobjoog.com

Madaxweynaha Jamhuuriyadda Federaalka Soomaaliya Mudane Dr. Xasan Sheekh Maxamuud oo ka qeyb galay Shirweynaha Hoggaamiyeyaasha Afrika iyo Madaxda Bangiga Horumarinta Qaaradda Afrika ayaa dul istaagay dhibaatooyinka ka dhashay Isbaddalka Cimillada Adduunka ee ka jira dalkeenna, kuwaasi oo ay ka mid yihiin abaaraha, daadadka iyo cimmilada sii kululaanaysa. Madaxweyne Xasan Sheekh ayaa soo bandhigay qorshaha Soomaaliya ee wax ka qabashada saamaynta taban ee Isbeddelka Cimmilada Adduunka, taasi oo uu sheegay in ay u baahantahay xal wadajir ah oo heer caalami ah. Afhayeenka Madaxtooyada Soomaaliya Cabdiraxmaan Xudeyfi ayaa faah-faahin ka bixiyey waxyaabaha looga hadlay Shirweynaha Hoggaamiyeyaasha Afrika iyo Madaxda Bangiga Horumarinta Qaaradda Afrika kaas oo uu ka qeybgalay madaxweynaha JamhuuriyaddaFederaalkaSoomaaliyaMudaneXasanSheekhMaxamuud. Xudayfa ayaa sheegay inuu madaxweynuhu shirka warbixin ka siiyay xaaladda guud ee dalka iyo mid dhaqan dhaqaale ee Soomaaliya, islamarkaana uu kulan doceedyo muhiim ah la qaatay Hoggaamiyeyaashii shirka ka soo qeyb-galay. Shirkan oo ah mid sanadlahaa ayaa diiradda lagu saaraa hormarka iyo kobaca dhaqaalaha Qaaradda, iyo caqabadaha guud ee afrika haysta sida abaaraha iyo isbadalka cimilada. Source: goobjoog.com

Madaxweynaha Dowlad Goboleedka Hirshabeelle Mudane Cali Guudlaawe Xuseen ayaa xarigga ka jaray In ka badan 20-mashruuc oo kala duwan oo laga hirgeliyey Degmada Matabaan ee Gobolka Hiraan. Mashaariicdan ayaa isugu jirtay xarunta maamulka degmada Matabaan, Saldhigga Booliska, Suuqa Xoolaha, Suuqa Ganacsiga, Garoonka Kubbadda cagta, Xarumo Caafimaad, Ceelal iyo Leyrarka Cadceeda ku shaqeeyo. Dadka deegaanka iyo Guddoomiyaha degmada Matabaan Bashiir Sheekeeye ayaa ugu mahadceliyay Madaxweynaha Hirshabeelle taariikhda uu ka sameeyay degmada Matabaan, waxana munasabadan goobjoog ka ahaa Xildhibaano ka tirsan Baarlamaanka Jamhuuriyadda Federaalka Soomaaliya iyo mausuliyiin ka tirsan Hirshabeelle. Madaxweyne Cali Guudlaawe oo ku sugan degmadaasi Matabaan ayaa halkaas ka wada kulamo kala duwan oo uu la yeelanayo waxgaradka iyo bulshada deegaanka. Source: goobjoog.com

Ciidanka Booliska Gobalka Banaadir, gaar ahaan Saldhigga degmada Hodan ayaa soo xiray eedeysane lagu magacaabo Asmar Daahir Faarax oo 23 jir ah, kuna eedeysan in uu ku kacay falal anshax-daro ah oo kasoo horjeeda diinta Islaamka iyo dhaqanka wanaagsan ee Soomaaliyeed. Dhanka kale booliska Soomaaliya ayaa bulshada ka codsaday inay loo wadaagaan xogta halka ay ku suganyihiin dhalinta ku kaca falalka nuucaan oo kala ah si loo wada badbaadiyo mustaqbalka jiilka soo koraya. Farriin qoraal ah oo ay bulshada u direen ayay ku yiraahdeen “Muwdaadin hadii aad la kulanto falal ammaanka iyo dhaqanka suuban liddi ku ah nagala soo xariir xafiiska gurmad ee Ciidanka Boliiska Soomaaliyeed”. Arrintan ayaa ku soo beegmaysa xilli dhowaan xabsiga loo taxaabay dhallinyaro badan oo lagu eedeeyay faafinta muuqaallo iyo dacaayado dhaqanka iyo diinta Islaamka lid ku ah, islamarkaana ay booliiska dalku wacad ku mareen in ciddii tillaabo nuucaas ah lagu helo ay gacan bir ah ku qaban doonaan. Source: goobjoog.com

Muqdisho (Caasimada Online) – Ciidanka Boliiska Gobalka Banaadir gaar ahaan Saldhigga Boliiska Hodan ayaa soo xiray Asmar Daahir Faarax oo ku eedeysan falal anshax-daro ah oo kasoo horjeeda diinteena suuban ee Islaamka iyo dhaqanka wanaagsan ee Soomaaliyeed. Qoraal ka soo baxay Taliska qeybta guud ee booliska gobolka Banaadir ayaa lagu sheegay in wiilkaan loo heysto eedeymo culus oo dhaqan-xumo ah, isla markaana sharciga la hor gey doono. Sidoo kale booliska ayaa bulshada ka codsaday in lagu garab-siiyo la dagaalanka anshax-xumada, iyadoo lagu soo war-gelinayo booliska, si ay tallaabo uga qaadaan. Qoraalka waxaa lagu sheegay in u jeedka ugu weyn ee qorshahaan laga leeyahay uu yahay in la badbaadiyo mustaqbalka jiilka soo koraya, maadaama dhalinyarada baraha bulshada wax ku baahisay ay qaarkood faafiyaan muuqaalo anshax xumo ah, si ay daawasho badan u helaan. “Waxaan ka codsaneynaa shacabka Soomaaliyeed ee ku nool Caasimada iyo hareeraheeda in ay nasoo gaarsiiyaan xogta halka ay ku suganyihiin shakhsiyaadka ku kaca falalka anshax darrada ah, si aan u wada badbaadino mustaqbalka jiilka soo koraya,” ayaa lagu yiri qoraal ka soo baxay Taliska qeybta guud ee booliska gobolka Banaadir. Asmar Daahir oo lagu soo sawiray dharkii u uku duubay muuqaalkii ugu dambeeyey ee sababay in lasoo xiro ayaa ku biiraya koox dhalinyaro ah oo u xiran booliska, kuwaas oo loo heysto muuqaalo anshax-xumo ah oo baraha bulshada ay ku baahiyeen. Intooda badan dhalintaasi waxay caan ka ahaayeen barta TikTok, waxayna maalmo badan ku jiraan xabsiga, booliska ayaa sheegay in la horgeynayo maxkamad, si loogu soo oogo dacwado la xiriira eedeymaha loo heysto. Muddo dheer ayaa laga digayey in baraha bulshada ay ku fasahaadayaan dhalinyaro badan, hadda booliska Soomaaliya wuxuu fahmay shaqadiis, maadaama uu yahay ilaaliyaha sharciga, waxaa bilowday howlgal lagu soo afjarayo baahinta anshax-xumada oo dhalinyarada qaar ay caadeysteen. The post Booliska oo soo bandhigay wiil kale oo caan ah oo loo heysto kiis culus appeared first on Caasimada Online.

Ururka Isbaheysiga islaamka ayaa si adag u cambaareeyey gumaadka joogtada ah ee ciidamada guumeysiga Israa’iil ay ku hayaan shacabka reer Falastiin, iyo beegsiga ku talo-galka ah ee teendhooyinka qaxootiga Falastiiniyiinta ay ka geysato. Hadal uu u jeediyay Xoghaynta Guud ee Ururka dowladaha iskaashiga islaamka, ahna Guddoomiyaha Hay’adda Culumada Muslimiinta Dr. Muhammad bin Abdulkarim Al-Ciise ayuu ku cambaareeyey xad-gudubyadan joogtada ah ee Israa’iil ku hayso dadka ku nool marinka Qaza, isagoo ku tilmaamay mid ka dhan ah dhammaan qaraarrada caalamiga ah, kuwa bani’aadamnimada iyo caadooyinka ka dhacaya caalamka oo dhan. Sidoo kale wuxuu tibaaxay in masiibadan bini’aadantinimo ee marinka Qaza ay tahay mid aan hore loo arag oo ay ku sugan yihiin dadka reer Falastiin, wuxuuna ku baaqay in faragelin degdeg ah lagu sameeyo arrintan. Hadalkan ayaa ku soo beegmaya xilli ay dadku reer Falastiin ku jiraan dhibaato bini’aadantinimo tii ugu darnayd, maamulka Israa’iilna uu sii wado duqeymaha iyo gumaadka arxan-darrada ah.u Source: goobjoog.com

https://qarannews.com/wp-content/uploads/2024/05/446555098_924519899363223_2671184115202590059_n.mp4 Qaran News

ROME: Thirty-seven migrants are missing after their boat capsized between Tunisia and the Italian island of Lampedusa, the International Organization for Migration (IOM) said on Friday, citing an account by four survivors of the shipwreck. Source: Hiiraan Online

Paris (Caasimada Online) – Dagaalka ay Israa’iil ku qaadday Qaza tan iyo weerarkii 7-dii October ayaa dib usoo nooleeyay dadaalka caalamiga ah ee lagu doonayo in Falastiiniyiinta la siiyo dowlad ay iyagu leeyihiin. Norway, Spain iyo Ireland ayaa Talaadadii noqday dalalkii ugu dambeeyay ee aqoonsada dawladda Falastiin, iyaga oo jabiyay aragtidii ay muddada dheer ay qabaan quwadaha reer galbeedka ee aheyd in Falastiiniyiintu ay heli karaan oo keliya dawlad qayb ka ah nabad lagala xaajoodo Israa’iil. Tallaabadan oo ka caraysiisay Israa’iil, ayaa 145 ka mid ah 193-ka waddan ee xubnaha ka ah Qaramada Midoobay ee aqoonsaday dawladda Falastiin ay ku biireen Norway, Spain iyo Ireland. Waxaa ku jira dalalka aqoonsan Falastiin wadamo badan oo ku yaalla Bariga Dhexe, Afrika, iyo Aasiya, laakiin kuma jiraan Maraykanka, Canada, inta badan Galbeedka Yurub, Australia, Japan, iyo Koonfurta Kuuriya. Bishii Abriil, Mareykanka ayaa u adeegsaday codka diidmada qayaxan ee Golaha Ammaanka ee Qaramada Midoobay si uu u hor istaago isku dayga Falastiiniyiinta inay xubin buuxda ka noqdaan Qaramada Midoobay. Dalalkani waxay aamin yihiin in Falastiiniyiintu ay ay dhistaan dawladooda: -1988-kii: Ku dhaawaqistii Carafaat ee asaasay dowladda Falastiin- Bishii Noofambar 15, 1988, intii lagu guda jiray kacdoonkii Intifada ee ugu horeysay ee Falastiin, hogaamiyahii Falastiin Yaasir Carafaat wuxuu si keligiis ah ugu dhawaaqay aasaaska dawlad madax banaan oo Falastiiniyiin ay leedahay oo ay caasimad u tahay Qudus. Arrintan ayaa lagaga dhawaaqay dalka Algeria, intii lagu guda jiray shir ay yeesheen Golaha Qaranka Falastiiniyiinta ee dibad-jooga ah, kaas oo hadaf ahaan u qaatay xal laba dawladood ah, oo ay is barbar socdaan dawlado madaxbannaan oo Israa’iil iyo Falastiiniyiin ah. Daqiiqado kadib, Algeria waxay noqotay waddankii ugu horreeyay ee si rasmi ah u aqoonsada dawlad madax-bannaan oo Falastiiniyiin ah. Toddobaadyo gudahood, tobannnaan waddan kale ah ayaa iyaguna aqoonsaday Falastiin, kuwaas oo ay ku jiraan inta badan dunida Carabta, Hindiya, Turkiga, inta badan Afrika, iyo waddamo badan oo Bartamaha iyo Bariga Yurub ah. Mowjadda xigtay ee aqoonsiga Falastiin ayaa timid dabayaaqadii 2010-kii iyo horraantii 2011, xilligaasi oo dhibaato ay ka jirtay hannaanka nabadda ee Bariga Dhexe. Waddamada Koonfurta Ameerika, oo ay ku jiraan Argentina, Brazil iyo Chile, ayaa ka jawaabay baaqyada Falastiin ee lagu taageerayo sheegashadooda dawladnimo. Arrintan ayaa jawaab u ah go’aankii Israa’iil ay ku soo afjartay xayiraaddii ku meel gaarka ahayd ee ay Yuhuuddu ku soo rogtay deegaamaynta ay ka dhisteen Daanta Galbeed ee la haysto. -2011-2012: Aqoonsiga Qaramada Midoobay- Sannadkii 2011-kii, iyadoo wadahadallada nabadeed ay istaageen, Falastiiniyiintu waxay horay ugu sii wadeen ololahooda ku aaddan inay si buuxda uga mid noqdaan Qaramada Midoobay si ay u dhistaan dowlad Falastiin ah. Dadaalkaasi wuu guuldarreystay, balse tallaabo dhaxal gal ah oo dhacday 31-kii Oktoobar ee sanadkaas, hay’adda Qaramada Midoobay ee UNESCO ayaa u codeysay in Falastiiniyiintu ay xubin buuxda ka noqdaan. Iyagoo ka jawaabaya tallaabadaas, Israa’iil iyo Maraykanku waxay hakiyeen dhaqaalihii ay siin jireen hay’addaas. Waxay si toos ah uga baxeen UNESCO 2018, inkastoo Maraykanku uu dib ugu biiray sannadkii hore. Bishii Nofembar 2012, calanka Falastiin ayaa markii ugu horreysay laga taagay Qaramada Midoobay ee New York kadib markii Golaha Guud uu si aqlabiyad leh ugu codeeyay in sare loo qaado maqaamka Falastiiniyiinta oo laga dhigo “dal goobjooge ah oo aan xubin ka ahayn golaha.” Saddex sano kadib, Maxkamadda Caalamiga ah ee Dambiyada waxay sidoo kale aqbashay in Falastiin ay tahay xisbi dawladeed u doodaya xuquuq siyaasadeed. -2014: Sweden oo noqotay dalkii ugu horreeyay ee Galbeedka Yuru oo aqoonsada Falastiin- Sannadkii 2014-kii, Sweden oo ay ku nool yihiin bulsho badan oo reer Falastiin ah, ayaa noqotay dalkii ugu horreeyay ee xubin ka ah Midowga Yurub ee Galbeedka Yurub ah oo aqoonsada dawlad Falastiin ah. Tallaabadan ayaa timid kadib bilo ku dhawaad iska horimaadyo maalinle ah ka socdeen Bariga Quddus, oo ay la wareegtay Israel. Lix waddan oo kale oo Yurub ah ayaa hore u aqoonsaday Dawladda Falastiin, kuwaas oo kala ah Bulgaria, Qubrus, Czech Republic, Hungary, Poland iyo Romania. Israa’iil ayaa si caro leh uga jawaabtay tallaabada Stockholm, iyadoo wasiirkii arrimaha dibadda ee Israa’iil ee xilligaas, Avigdor Lieberman uu u sheegay Swedishka in “xiriirka bariga dhexe uu aad uga adag yahay alaabta guryaha ee IKEA”. IKEA waa dukaan ay leedahay Sweden oo lagu iibiyo alaabaha guryaha. -2024: Ololaha aqoonsiga cusub oo Yurub – Duulkaanka joogtada ah ee Israel ku hayso Qaza, kaas oo ay ku dhinteen ugu yaraan 36,050 qof, sida ay sheegtay wasaaradda caafimaadka ee Gaza, iyada oo ka jawaabaysa dilka Xamaas ee in ka badan 1,170 qof oo Israa’iiliyiin ah, ayaa kordhisay taageerada Yurub ee dhismaha dawlad Falastiin. Digniin bilo ah kadib, Norway, Spain iyo Ireland ayaa ugu dambeyntii qaaday tallaabadan, iyadoo Ra’iisul Wasaaraha Spain Pedro Sanchez uu ku tilmaamay arrin “cadaalad taariikhi ah.” Malta iyo Slovenia ayaa sidoo kale muujiyay “inay diyaar u yihiin” si ay u aqoonsadaan dawlad falastiiniyiin ah marka “xaaladuhu noqdaan kuwo habboon.” Australia ayaa sidoo kale kor u qaaday suurtagalnimada in la taageero dhismaha dowlad Falastiin ah, halka madaxweyne Emmanuel Macron uu sidoo kale sheegay in arrinta aqoosiga Falastiin aysan hadda ka ahayn “xaaran Faransiiska,” isagoo ku adkeystay baahida loo qabo in sidaas la sameeyo “waqtiga saxda ah.” VOA The post Dalalka aqoonsan dowladnimada Falastiin oo tiradoodu gaartay 145 (Warbixin) appeared first on Caasimada Online.

Xaafadda Hodon ee magaalada Garoowe ee caasimadda Puntland ayaa guud ahaan biyaha laga jari doonaa muddo laba bilood ah. Waxaa la jari doona hanaanka biyo gelinta iyo dhammaan adeegyada ciidda hoos mara sida ay sheegeen mas’uuliyiinta dawladda hoose ee Garoowe. Xoghayaha dowladd hoose ee caasimadda Maxamuud Cali Gurey ayaa shacabka degan xaafadda Hodon ugu baaqay inay kaydad biyo diyaarsadaan muddadaasi. Tallaabadaan ayaa qayb ka ah qorshaha biyaha roobka looga saarayo xaafaddaasi iyo guud ahaan magaalada Garoowe. PUNTLAND POST The post Xaafad ka mid ah Garoowe oo biyaha laga jarayo muddo 2 bilood ah appeared first on Puntland Post.

Wasaaradda dekadaha iyo gadiidka badda xukuumadda federaalka Soomaaliya ayaa sheegtay in uu billowday xilliga bad-xiranka, waxayna kalluumeysatada iyo maraakiibta uga digtay inay ka digtoonaadaan galista gudaha badda. Wasiir ku-xigeenka wasaaradda dekadaha dawladda federaalka Soomaaliya Saadaam Maxamuud Cabdi oo shir jaraa’id ku qabtay magaalada Muqdisho ayaa ka digay dekadaha ku yaala badweynta Hindia inay jiraan mawjado iyo dabaylo khasaare gaarsiin kara. Wasiirka ayaa uga baaqay kalluumeysata, maraakiibta iyo cid kasta oo ku safraysa awoodna aan u lahayn inay iska difaacaan mawjaha in ay digtoonaadaan muujiyaan. “Waxaan ka digaynaa gaar ahaan dekadaha ku yaala badweynta Hindia inay jiraan mawjado xoog leh iyo dabaylo islamarkaana sababi karta inay dhibaato u gaysato cid kasta oo ku safraysa, cidkasta oo ka kaluumeysanaysa iyo gaadiidkasta oo aan awood u lahayn inuu u bareero mawjadaha badda” ayuu yiri wasiir Saadaam. Wasiirka ayaa waalidiinta Soomaaliyeed ee ku nool deegaanad xeebaha ah kula dardaarmay inay maalmaha fasaxa iskuulka ay caruurta ka ilaaliyaan inay u dabaal tagaan badda si aysan ula tagin. Xilliga badxiranka ayaa bilowda bisha May, waxaana uu socdaa ilaa bisha September xilligaas oo uu yaraado isu socodka gaadiidka badda islamarkaana uu istaago kaluumeysiga xeebaha Soomaaliya. PUNTLAND POST The post Dawladda federaalka oo ka digtay mawjado iyo dabaylo ka jira badweynta Hindiya appeared first on Puntland Post.

Ha’yadda qaxoontiga iyo barakacaaysha Qaranka ayaa kooxo soo samayn doona xog’ururinta barakacaaysha u kala dirtay gobolada Dalka. Guddoomiyaha hay’ada qaxoontiga iyo barakacayaasha Qaranka Somaliland Mudane Cabdikariim Axmed Maxamed Xinif, ayaa sheegay in kooxaha ay direen u direen sidii ay u soo ururinlahaayeen xogta dadka barakacayaasha ah oo si sannadle ah loo sameeyo, waxaanu faray in loo baahan yahay xog sugan, dhammeystiran, oo Qaranku ka duuli karo. Geesta kale waxa uu tilmaamay in kooxaha ay ka hay’ad ahaan direen ay soo ururin doonaan laba xogood, kuwaas oo kala ah xog hay’addu ay leedahay iyo mid ay hay’adda IOM ay la wadaagtay, waxaanu ku baraarujiyay in bulshada ay u shaqaynayaan ay ugu adeegaan si cadaalada, waxaanu ku adkeeyay in xogta ay ka soo ururinayaan dadka barakacayaasha ay noqoto mid rasmiya, waxaanu hoosta ka xariiqay in xogtaasi Qaranka lala wadaagi doono. Guddoomiye Xinif ayaa sheegay in ujeedada xog ururintan laga sameynaya Kaamamka barakacayaashu ay salka ku hayso helitaanka tirada dadka barakacayaasha ee sannadkan, waxa uu intaas raaciyay in goobaha xogtan laga soo ururinaya ay ku kooban tahay kaliya goobaha baracayaasha iyo bulshooyinka ku xeeran. Dawan Qaran News

Ankara (Caasimada Online) – Wasiirka difaaca xukuumadda Soomaaliya, Mudane Cabdulqaadir Maxamed Nuura (Jaamac) ayaa maanta kulan gaar ah la yeeshay dhiggiisa dalka Turkiga Yaşar Güler, kaas oo qabsoomay intii lagu guda jiray bandhiga EFES-2024. Wasiir Jaamac oo qoraal kooban soo saaray ayaa ka warbixiyay wada-hadalka uu la yeeshay Yaşar Güler, wuxuuna sheegay inay yeesheen kulan miro dhal ah. “Waxaan maanta kulan miro dhal ah la yeeshay Wasiirka Difaaca ee Jamhuuriyadda Türkiye, Yaşar Güler, intii lagu guda jiray bandhiga EFES-2024.” ayuu yiri wasiirku. Sidoo kale wuxuu wasiirka ku amaanay sida ay dowladdiisa uga qayb qaadato dib u dhiska ciidanka Xoogga dalka Soomaaliyeed oo haatan sameysanayo dib u kabasho wayn. “Walaalaheena Turkiga waxay kaalin weyn ka qaataan dhismaha ciidankeena, hormarintooda iyo la dagaalanka Khawaarijta,” ayuu sii raaciyay yiri wasiirka Difaaca. Turkiga dalalka saaxiibada dhaw la ah dowladda federaalka Soomaaliya, iyada oo ka taageerta dhismaha ciidanka Xoogga dalka iyo Booliska sida gaarka ah u tababaran, si lamid ah waxa ay ka qeyb qaadataa dhismaha kaabayaasha dhaqaalaha. Kulanka labada wasiir ayaa kusoo aaday xilli xasaasi ah, isla markaana labada waddan ay gaareen heshiis difaac oo uu Turkiga badda Soomaaliya ugu soo dirayo maraakiib dagaal. Heshiiskan ayaa kusoo aaday, xilli ay baahi wayn u qabtay dowladda federaalka, maadaama ay baddeeda ay soo damaacisay Itoobiya oo heshiis la gashay Somaliland. The post Muxuu wasiirka difaaca Soomaaliya kala hadlay dhiggiisa dalka Turkiga? appeared first on Caasimada Online.

Madaxweynaha Jamhuuriyadda federaalka ah ee Soomaaliya Xasan Sheekh Maxamuud ayaa ka qeybgalay shirka sanadeedka Madaxweynayaasha Afrika iyo madaxda Bangiga Horumarinta Afrika oo ka dhacay magaalada Nairobi ee dalka Kenya. Shirkan oo diiradda lagu saaray dib u habeynta qaab-dhismeedka maaliyadeed ee Afrika iyo isbadalka cimilada ayaa waxaa ka qeybgalay qaar ka mid ah Madaxweynayaasha Afrika, kuwaas oo goobta ku soo bandhigay horumarka iyo caqabadaha ka jiro dalalkooda, si gaar ah wada shaqeynta Bangigaga Horumarinta Afrika. Madaxweynaha Jamhuuriyadda federaalka Soomaaliya Xasan Sheekh Maxamuud oo shirkan ka hadlay ayaa madaxda Bangiga Horumarinta Afika uga mahadceliyey wada shaqeynta iyo taageerada maaliyadeed ee Soomaaliya, isaga oo hoosta ka xariiqay in Soomaaliya ay sameyneyso horumar iyo kobac dhaqaale, taas oo ku timid hufnaanta hanaanka maaliyadeed ee dalka. Shirkan oo muhiim u ah Soomaaliya ayaa madaxda Bangiga horumarinta Afrika ay xaqiijiyeen taageerada iyo wada-shaqeynta dowladda federaalka ah ee Soomaaliya. Madaxweynaha ayaa gunaanadka shirkan kadib kulan doceedyo la yeeshay qaar ka mid ah Madaxweynayaasha Afrika, isaga oo kala hadlay iskaashiga iyo xoojinta xiriirka diblomaasiyadeed. PUNTLAND POST The post Madaxweyne Xasan Sheekh oo ka qayb galay shir sanadeedka hoggaamiyayaasha Afrika iyo madaxda Bangiga Horumarinta Afrika appeared first on Puntland Post.

Guddoomiyaha Golaha Shacabka ee BJFS ayaa Magaaladda Nairobi ee dalka Kenya uga qeyb galay shirka guddoomiyaasha baarlamaanada wadamada Urur Goboleedka Iskaashiga Bulshada Bariga Africa (EAC) oo maanta si rasmi ah uga furmay Magaaladda Nairobi ee Caasimadda Dalka Kenya. Shirkan oo looga hadlayo xalinta caqabadaha hortaagan horumarinta ajandayaasha ururka ayaa guddoomiyaasha ka qeybgalay furitaankiisa waxa ay ka hadleen muhiimadda uu shirkan u leeyahay horumarinta ururka. Guddoomiyaha Golaha Shacabka ee BJFS Mudane Sheekh Aadan Maxamed Nuur (Madoobe) oo khudbad dhinacyo badan taabaneysa ka jeediyay furitaanka shirka ayaa marka hore dowladda Iyo shacabka Kenya uga mahadceliyay soo dhoweynta ay u sameeyeen isaga iyo wafdigiisa, wuxuuna sidoo kale sheegay in shirkan uu ku soo beegmay wakhti loo baahnaa muhiimna uu u yahay howlaha ururka. Guddoomiyaha Golaha Shacabka ee BJFS ayaa sheegay in Soomaaliya si la mid ah dalal badan oo ka mid ah dalalka Bariga Afrika ay sanadihii u dambeeyay la kulmaysay caqabado badan, hadana, adkeysi, go’aan, iyo taageerada saaxiibada gobolka ay sameysay horumarro la taaban karo oo ay kaga gudubtay caqabadahaas. Mudane Sheekh Aadan Maxamed Nuur Madoobe Guddoomiyaha Golaha Shacabka oo ka hadlay isbedelada horumarka ee hada dalka ka socda ayaa yiri:- “Soomaaliya maanta waxay cagta saartay wadadii horumarka iyo soo kabashada, dhaqaaluhu waa uu kobcayaa, xaaladda ammaankuna waa soo hagaagaysaa, bulshada Soomaaliyeedna waa kuwa firfircoon, waxayna hamuun u qabaan inay dhistaan mustaqbalkooda “ Ugu dambeyn waxa uu Guddoomiyaha sheegay Soomaaliya in diyaar u tahay in ay ka qayb qaadato horumarka Bariga Afrika islamarkaana ay noqoto dal xubin firfircoon ka ah ururka, sidoo kalena Baarlamaanka Soomaaliyeed ay ka go’antahay wada shaqeynta saaxiibadiisa Bariga Afrika si loo dhiso mustaqbalka nabada, xasilooni iyo barwaaqo ay helaan dhamaan Bulshada Bariga Afrika. Source: goobjoog.com

Garoowe (Caasimada Online) – Doorashada qof iyo cod ee golayaasha deegaanka degmooyinka Garoowe, Dangoroyo iyo Godab-jiiraan oo sanadkii hore la hakiyay ayaa laga gaaray heshiis cusub, ayada oo la shaaciyay goorta la qabanayo. Doorashada saddexdan degmo ayaa la isku raacay in la qabto 1-da August ee sanadkan 2024, kadib shir xalay ay yeesheen madaxweynaha Puntland Saciid Deni, ku-xigeenkiisa Ilyaas Lugatoor iyo madaxda 8 xisbi siyaasadeed. Sanadkii hore ayaa qorshaha ahaa in la qabto doorashada qof iyo cod ee saddexdan degmo, hase ahaatee khilaaf siyaasadeed oo xilligaas taagnaa darteed ay dib ugu dhaceen. Puntland oo horay u qabatay doorashooyin qof iyo cod golayaasha deegaanka ayaa hadda isu diyaarineysa inay mar kale ka qabato degmooyin cusub, iyada oo aanay weli diyaar noqon ama la suura-gelin in Muqdisho iyo degmooyinka dowlad-goboleedyada kale laga qabto doorasho dadweyne. Xisbiyada go’aankan cusub gaaray ayaa waxay kala yihiin; Mideeye, Horseed, Sincad, Ifiye, Mustaqbal, Shaqaalaha, Runcad iyo Kaah. Kulanka lagu gaaray heshiiskan ayaa sidoo kale waxaa ka qeyb-galay Wasiirka Arrimaha Gudaha Puntland Cabdi Faarax Juxa, Wasiiru-dowlaha Madaxtooyada Cabdifataax Maxamed Cabdinuur, Agaasimaha Guud ee Madaxtooyada Maxamed Jaamac Cabdiraxmaan iyo Af-hayeenka Ahna Agaasimaha Warfaafinta Madaxtooyada Jaamac Dabaraani. Sanadkii hore ee isla bishaan May ayay aheyd markii Guddiga KMG ah ee doorashooyinka Puntland uu hakiyay doorashada saddexda degmo ee ku jirto Garoowe, si aanay saamayn ugu yeelan doorashooyinka kale ee ka dhacay degmooyinka kale ee Puntland, kuwaasi oo loo dareerayey xilligaasi. The post Heshiis cusub oo laga gaaray doorashada Garoowe iyo laba degmo oo kale appeared first on Caasimada Online.

Madaxweynaha Jamhuuriyadda federalka ah ee Soomaaliya mudane Dr Xasan Sheekh Maxamuud ayaa ka qeybgalay shirka sanadeedka Madaxweynayaasha Afrika iyo madaxda Bangiga Horumarinta Afrika oo ka dhacay magaalada Nairobi ee dalka Kenya. Shirkan oo diiradda lagu saaray dib u habeynta qaab-dhismeedka maaliyadeed ee Afrika iyo isbadalka cimilada ayaa waxaa ka qeybgalay qaar ka mid ah Madaxweynayaasha Afrika, kuwaas oo goobta ku soo bandhigay horumarka iyo caqabadaha ka jiro dalalkooda, si gaar ah wada shaqeynta Bangigaga Horumarinta afrika. Madaxweynaha Jamhuuriyadda federalka Soomaaliya mudane Dr. Xasan Sheekh Maxamuud oo shirkan ka hadlay ayaa madaxda Bangiga Horumarinta Afika uga mahadceliyey wada shaqeynta iyo taageerada maaliyadeed ee Soomaaliya, isaga oo hoosta ka xariiqay in Soomaaliya ay sameyneyso horumar iyo kobac dhaqaale, taas oo ku timid hufnaanta hanaanka maaliyadeed ee dalka. Shirkan oo muhiim u ah Soomaaliya ayaa madaxda Bangiga horumarinta Afrika ay xaqiijiyeen taageerada iyo wada-shaqeynta dowladda federalka ah ee Soomaaliya . Madaxweynaha ayaa gunaanadka shirkan ka dib kulan doceedyo la yeeshay qaar ka mid ah Madaxweynayaasha Afrika isaga oo kala hadlay iskaashiga iyo xoojinta xiriirka diblomaasiyadeed. Source: goobjoog.com

Asc dhamaantiinba, waan ka xumahay in caqliga dadka lagu ciyaaro oo waqti lagaga lumiyo wax aan jirin. Sawirkaas lagu sheegaayo Musharaxa Xisbiga Wadani C/raxmaan Maxamed (Ciro) waa been cad. Muqaalka Sawirka AUN M. S. Barre iyo dharka la xidhan yahay waa qiyaastii dhamaadkii 50-kii ama horaantii 60-kii, sida la ii sheegay. Musharax Ciro imisa jir ayuu ahaa waqtigaasi? Waxa aan soo hubiyay in ninkaasi yahay AUN Warsame Cabdullahi Cali Camey (Warsame Indhoole) oo markaasi ku jiray Jamacada Bologna ee dalka Talyaaniga, markaas oo ay Siyaad ku kulmeen halkaasi. MSB xitaa muu aheyn Taliyaha Ciidanka Qalabka-sida ee Soomaaliya waqtigaasi iska daa madaxweyne eh. Qof ka mid ah qoyska Warsame waxa ay ii sheegeen in marxuun Warsame waqtigaas guursaday gabadh Talyaaniyad ah oo la odhan jiray Gabrielle, waan waqtiga uu Indho beeli doono qiyaastii. Markii denbe waxa uu ahaa Guddoomiye Ururka Iskaashatooyinka Soomaliyeed, waxa aanu la dhashay fanaanadii weyneyd ee Khadiija C/llaahi Daleys. Ahmed Yare Qaran News

Mogadishu (HOL) - Somali Minister of Defense Abdulkadir Mohamed Nur met with his Turkish counterpart Yaşar Güler during the EFES-2024 Exercise's Distinguished Observer Day in Izmir on Wednesday. Source: Hiiraan Online

Nairobi (Caasimada Online) – Madaxweynaha Soomaaliya, Xasan Sheekh Maxamuud oo ku sugan Nairobi ayaa kaga qeyb-galay shirka sanadeedka Madaxweynayaasha Afrika iyo madaxda Bangiga Horumarinta Afrika, kaas oo sanadkan ay martigelisay dowladda Kenya. Shirka oo diiradda lagu saaray dib u habeynta qaab-dhismeedka maaliyadeed ee Afrika iyo isbadalka cimilada ayaa waxaa kasoo qeyb-galay qaar ka mid ah madaxweynayaasha Afrika, kuwaas oo goobta ku soo bandhigay horumarka iyo caqabadaha ka jiro dalalkooda, si gaar ah wada shaqeynta Bangigaga Horumarinta Afrika. Madaxweyne Xasan Sheekh Maxamuud oo shirkan ka hadlay ayaa madaxda Bangiga Horumarinta Afrika uga mahadceliyey wada shaqeynta iyo taageerada maaliyadeed ee Soomaaliya, isaga oo hoosta ka xariiqay laba arrin oo Soomaaliya ay kuu guuleysaneyso oo ah inay sameyneyso horumar iyo kobac dhaqaale, taas oo ku timid hufnaanta hanaanka maaliyadeed ee dalka. Dhinaca kale, madaxda bangiga horumarinta Afrika waxa ay xaqiijiyeen taageerada iyo wada-shaqeynta dowladda federalka ah, maadaama uu shirkan muhiim u yahay. Intaas kadib madaxweynaha dowladda federaalka Soomaaliya ayaa gunaanadka shirkan ka dib kulan doceedyo la yeeshay qaar ka mid ah madaxweynayaasha Afrika isaga oo kala hadlay iskaashiga iyo xoojinta xiriirka diblomaasiyadeed. Shirkan waxaa barbar socday mid kale oo ay yeesheen Wasiirada Maaliyadda dalalka Geeska Afrika (Horn of Africa initiative), kaas oo uu ka qayb-galay wasiirka maaliyadda Soomaaliya Biixi Imaan Cige, waxaana looga hadlay saddex qodob oo kala ah:- Dib-u-eegista iyo qiimaynta mashaariicda socda laga soo bilaabo 2019, oo aay maalgelinayaan dhammaan deeq bixiyayaasha, iyada oo la muujinayo ka tarjumaysa daah furnaanta Madashaan. Sidoo kale waxaa laga dooday nidaamka wada shaqaynta xududuudaha iyadoo warbixin laga dhagaystay quburo loo xilsaaray arkiis, maadaama hore loo ansixiyay nidaamka wada shaqeynya Xuduudaha sanadii tagtay ee 2023-kii. ⁠Madasha Iskaashiga Dalalka Geeska Afrika, sanadkaan waxaa ku soo biiray deeq bixiyeyaal cusub oo maalgalin doona hadafka horumarineed ee wadamada dhaca Bariga Afrika. The post Sawirro: Madaxweyne Xasan oo shaaciyey laba arrin oo ay Soomaaliya ku guuleysaneyso appeared first on Caasimada Online.

Ankara (Caasimada Online) – Madaxweynaha Turkey Recep Tayyip Erdogan ayaa Arbacadii ugu baaqay “Dunida Islaamka” inay qaadaan tallaabo mideysan, kadib weeraradii ugu dambeeyay ee Israel ay ka fulisay Gaza. “Waxaan hayaa kalmado aan ku iraahdo dunida Islaamka: maxaad sugaysaan si aad go’aan midaysan u qaadataan?” ayuu Erdogan u sheegay xildhibaano ka tirsan xisbigiisa AKP. “Israel khatar kuma ahan Gaza oo kaliya balse waxay khatar ku tahay dhammaan bani’aadamka.” Madaxweyne Erdogan ayaa sidoo kale weerar culus ku qaaday Qaramada Midoobay, isaga oo sheegay in ruuxdeeda ay ku dhimatay Gaza. “Qaramada Midoobay xitaa ma ilaalin karto shaqaalaheeda, maxaad sugeysaan si aad tallaabo u qaadaan? Ruuxdii Qaramada Midoobay waxay ku dhimatay Gaza,” ayuu yiri Erdogan. Hadalka Erdogan ayaa ku soo beegmay xilli Golaha Ammaanka ee Qaramada Midoobay uu kulan ka yeeshay weerar lagu hoobtay oo ay Israel ku qaadday xero barakacayaal oo ku taalla galbeedka Rafah Talaadadii, kaasi oo ay ku dhinteen 21 qof, sida uu sheegay sarkaal ka tirsan difaaca madaniga ah oo ku sugan Gaza. “Ma jirto dal ammaan ah ilaa iyo inta aysan Israel raaceyn sharciga caalamiga ah oo aysan dareemeyn in uu qabanayo sharciga caalamiga ah,” ayuu yiri Erdogan isagoo ku celceliyay eedeymaha ah in Israel ay “xasuuq” ka geysanayso Gaza. AFP + VOA The post Madaxweyne Erdogan oo dalbaday tallaabo culus kadib weerarkii Israel ee Rafax appeared first on Caasimada Online.

Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, ayaa xafiiskiisa ku qaabilay Danjiraha Dowladda Kenya u fadhiya Soomaaliya, Ambassador Kubai Iringo kaasi oo ay ka wada hadleen xoojinta xiriirka diblamaasiyadeed iyo sare u qaadida iskaashiga u dhexeeya labada dal ee dariska ah. Ra’iisul Wasaaraha ayaa tilmaamay in labada dal ee Soomaaliya iyo Kenya uu ka dhaxeeyo xiriir taariikhi ah iyo iskaashi dhinacyo badan oo ay ka mid yihiin amniga, dhaqaalaha iyo ganacsiga. Ra’iisul Wasaaraha ayaa intaa ku daray in dowladda Soomaaliya xoojinayso fulinta dhammaan heshiisyadii dhawaan labada dhinac ku gaareen magaalada Nairobi. Danjiraha ayaa Dhankiisa sheegay in xiriirka labada dal uu yahay mid soo jireen ah, islamarkaana ay muhiim tahay adkeynta iskaashiga labada dhinac. Source: goobjoog.com

Ribada (Dulsaarka) Nebi Muxamed NNKH maalintaas ribada aad ayuu uga dardaarmay in la iska ilaaliyo laakiin hadda dunida Muslimka wey ku soo badatay oo waxay u muuqataa inayba caadi iska noqotay. Nebigu wuxuu yiri: “Ribo ( Dulsaar) dhammaanteed waa mamnuuc, ha yeeshee faa’idadiinna idinkaa iska leh.” Dhiigga bini’aadamka oo sabab la’aan la daadiyo Nebigu wuu ka dardaarmay dadkuna wuu uga digay in la daadiyo dhiigga bini’aamka sabab la’aan. Dunida hadda dhiigga la daadiyo ama in dadka is sahlan ama sabab la’aan loo dilo aad ayay u soo badatay. “Dadyohow dhiiggiinna iyo maalkiinnu, waa idinka xaaraansan yahay. Midkii idinka mid ah ee ammaano haya, ha u celiyo qofkii iska lahaa.” Dumarka Diinta Islaamka dumarka aad ayay xuquuqdooda u ilaalisay oo Nebiga maalintaas dumarka wuu ka dardaarmay in xaquuqdooda la ilaaliyo oo la xurmeeyo. Nebi Muxamed NNKH wuxuu khudbaddaasi ku yiri: “Ragow ogaada in dumarkiinnu xaq idinku leeyihiin, idinkuna aad iyaga xaq ku leedihiin. xasuunow in aad ku guursatay ogolaanshaha Alle iyo rumaysnaantiisa. Haweenkiinu waxay xaq idiinku leeyihiin, inaad si naxariisleh u quudisaan uguna labistaan. Ula dhaqan marwadaada si wanaagsan oo naxariis leh, sababtoo ah waa lammaanaagii nolosha iyo mid mar walba ku caawin doonta.” Rasuulka s.c.w. waxa uu ina baray in, runtii, haweenka iyo raggu ay shuraako yihiin. Haweenka iyo ragga waa ay is dhammaystiraan. Lamaanuhu, waxay ka dhigan tahay in aan wax badan wadaagno marka laga hadlayo ragga iyo haeenka. Waxaa loo baahan yahay in la isfahmo oo la isu naxariisto. Rasuulka NNKH wuxuu kor u qaaday maqaamkii dumarka xilligiisii. Dhawr hab-dhaqan oo aabbanimada Islaamka ka hor ayaa dib loo habeeyey. Haweenka ayaa la siiyay codad iyo goobo ay ku soo bandhigaan aragtidooda iyo cabashooyinkooda. Waxay kaalin mug leh ka qaateen horumarinta Islaamka. Ha is midab takoorina “Bini Aadamka oo dhammi waxay ka yimaadeen Aadan iyo Xaawo, Carabtu kama sarreyso kuwa aan carabta ahayn, kuwan aan carabta ahayna kama sarreeyaan carabta. Dadka Caddaanka ahi kama sareeyaan kuwa Madoow, Dadka madoowga ahina kama sareeyaan kuwa cad. Keliya waxaa lagu kala sareeyaa waa camaladiina. Ogaada Muslimiinta oo dhammi waa walaalo, IslaamniMaduna waxay ku dhisantahay walaaltinimo.” Dhammaanteen aan dib u fakarno oo intii aan dadka kale takoori lahayn aan si qoto dheer uga fikirno nafteena iyo qalbiyadeenna si aan u noqonno dad wanaagsan. Islaamku ma taageero sareynta isirkiisa iyo nasabka. Salaadda iyo tiirarka kale ee Islaamka Nebiga NNKH waxa uu maalintaas dadka u sheegay inay ku dedaalaan shanta tiir ee Islaamka. “Caabud Allah (SWT) oo kaliya, si joogta ah u tuko shantaada salaaddood, Soon bisha barakaysan ee soonqaad,ka bixi hantidaadda sakko, soo gudo waajibaadka xajka hadiiaad awoodid.” Hase yeeshee maantaa waxaad arkeysaa dad badan oo Muslimiin ah oo ka soo bixin qaar ka mid ah waajibaadkaas amaba dhammaantood bbcsomali Qaran News

Shirkaan oo ah kii 3aad ee Golaha Maareynta iyo Horumarinta Kalluumeysiga waxaa diiradda lagu saaray xoojinto wadashaqeynta u dhaxeysa Wasaaradaha heer Federaal iyo heer dowladaha xubnaha ka ah dowladda federaalka, Warbixinta iyo hadafka horumarinta Kalluumeysiga, ka doodista iyo Hirgalinta Habraacyada Golaha Maareynta iyo Horumarinta Kalluumeysiga (FMDC) iyo mudnaan siinta ka hortagga kalluumeysiga xad-dhaafka ah, Jillaabashada noole biyoodka dabar go’aya, la dagaallanka Kalluumeysiga sharci darrada ah iyo la socoshada saameynta isbadalka cimilada ee deegaan xeebeedyada. Madaxweyne ku xigeenka dowladda Goboleedka Galmudug Mudane Cali Daahir Ciid oo hadal kooban ka jeediyey shirka ayaa bogaadiyey shaqada wanaagsan ee laga qabtay horumarinta Kalluumeysiga iyo ka faa’iideysiga wanaagsan ee kheyraadka badaha ee dalka, waxa uu sheegay in Kalluunku uu kamid yahay kheyraadka uu ALLE ku manneystay dalkeenna haddii si wanaagsan looga faa’iideystana ay horseedi karto in la gaaro isku filnaansho dhaqaale oo waara. Wasiirka Wasaaradda Kalluumeysiga iyo Dhaqaalaha Buluugga ee Jamhuuriyadda Federaalka Soomaaliya Mudane Axmed Xassan Aadan ayaa furitaanka shirka ka sheegay in guulo wax ku ool ah laga gaaray shirarka Golaha Maamulka iyo Horumarinta Kalluumeysiga, waxa uu sheegay in mudnaansiinta horumarinta Kalluumeysiga qaranka ay tahay waxyaabaha munaanta koowaad u ah golaha Maamulka iyo Horumarinta Kalluumeysiga. Wasiirada Kalluumeysiga iyo kheyraadka badda ee dowlad goboleedyada Jubaland, Koofur Galbeed, Hirshabeelle, iyo ku xigeenka arrimaha bulshada ee Maamulka Gobolka Banaadir ayaa si wada jir ah u sheegay in meel looga soo wada jeesto sidii looga wada shaqeyn lahaa horumarinta Kalluumeysiga. Shirkan ayaa la filayaa laga soo saaro warmurtiyeed lagu faahfaahinayo qodobada mudnaanta u leh golaha ee diiradda la saari doono si guulo looga gaaro ajendeyaasha qaran iyo heer federaala ee dhinaca Kalluumeysiga. Source: goobjoog.com