Mas’uuliyiin ka socotay Qaramada Midoobay iyo Midowga Africa ayaa maanta magaalada Baydhabo kulan arrimo badan looga hadlay kula yeeshay madaxweynaha K/galbeed Shariif Xasan Sheekh Aadan. Wakiilka Cusub ee Qaramada Midoobay dhawaan u soo Magacaawday Soomaaliya Nicholas Haysom iyo Wakiilka Midowga Afrika ee Soomaaliya Francisco Madeira ayaa Shariif Xasan kala hadlay arrimo ay ka mid yihiin ammaanka, khilaafka dowladda iyo maamul goboleedyada iyo arrimo kale. Waxaa sidoo kale kulankan lagu soo hadal qaaday doorashada la filayo iney dhowaan ka dhacdo magaalada Baydhabo ee xarunta gobolka Baay. Madaxweyne Shariif Xasan ayaa si kooban saxaafadda uga warbixiyey waxyaabihii ay ka wadahadleen mas’uuliyiintaasi, isaga oo aad ugu mahadceliyey UN iyo AU. Halkaan hoose ka dhageyso: https://goobjoog.com/wp-content/uploads/2018/10/Shariif-Xasan.mp3 Goobjoog News Source: goobjoog.com

Wareegto kasoo baxday xafiiska guddoomiyaha gobolka Hiiraan, Yuusuf Axmed Hagar Dabageed ayaa shaqadii looga joojiyey duqa B/weyne Cali C/qaadir Faarax iyo mas’uuliyiin kale. Xubnaha kale ee shaqada laga joojiyey ayaa kala ah Agaasimaha waaxda dhul bixinta dowladda Hoose iyo sidoo kale xoghayihii dowladda Hoose ee B/weyne. Halkaan hoose ka akhriso: Source: goobjoog.com

Muqdisho (Caasimada Online) – Golaha iskaashiga dowlad goboleedyada(GIDG) oo maanta ka soo jawaabay dalabkii aqalka sare ee ahaa inay soo magacaabaan wasiirro arrimaha khilaafka jira kala hadlo dowladda federaalka aha ayaa sheegay inay ka mahadcelinayaan sida golaha uga go’antahay xalinta khilaafka siyaasadeed ee dowladda dhexe iyo dowlad goboleedyada. Golaga iskaashiga waxaa uu qoraalka ku sheegay inuu kalsooni buuxda ku qabo doorka dhexdhexaadimeed ee aqalka sare iyo inay sidoo kale tahay waddo lagu gaari karo xal u helidda khilaafka jira. Golaha iskaashiga dowlad goboleedyada(GIDG) oo xusuusiyey aqalka sare ogaalkooda ku saabsan war-murtiyeedka ay GIDG ku qeexayaan xudunka ismariwaaga iyo xog uruurintii ay sameeyeen ayaa golaha aqalka sare ee baarlamaanka federaalka ah u soo-jeediyey in uu wada hadal la galo dowladda federaalka ah kadibna wixii go’aan ah oo xal u noqon kara khilaafka uu soo jeediyo, taas oo sida ay sheegeen Golaha iskaashiga dowlad goboleedyada ay dhinacooda aqbali-doonaan. Halkan ka akhriso, qoraalka Golaha iskaashiga dowlad goboleedyada oo dhameystiran

Golaha iskaashiga dowlad goboleedyada(GIDG) oo maanta ka soo jawaabay dalabkii aqalka sare ee ahaa inay soo magacaabaan wasiirro arrimaha khilaafka jira kala hadlo dowladda federaalka aha ayaa sheegay inay ka mahadcelinayaan sida golaha uga go’antahay xalinta khilaafka siyaasadeed ee dowladda dhexe iyo dowlad goboleedyada. Golaga iskaashiga waxaa uu qoraalka ku sheegay inuu kalsooni buuxda ku qabo doorka dhexdhexaadimeed ee aqalka sare iyo inay sidoo kale tahay waddo lagu gaari karo xal u helidda khilaafka jira. Golaha iskaashiga dowlad goboleedyada(GIDG) oo xusuusiyey aqalka sare ogaalkooda ku saabsan war-murtiyeedka ay GIDG ku qeexayaan xudunka ismariwaaga iyo xog uruurintii ay sameeyeen ayaa golaha aqalka sare ee baarlamaanka federaalka ah u soo-jeediyey in uu wada hadal la galo dowladda federaalka ah kadibna wixii go’aan ah oo xal u noqon kara khilaafka uu soo jeediyo, taas oo sida ay sheegeen Golaha iskaashiga dowlad goboleedyada ay dhinacooda aqbali-doonaan. Goobjoog News Halkan Ka Akhriso, Qoraalka Golaha iskaashiga dowlad goboleedyada(GIDG) Oo Dhameystiran: Source: goobjoog.com

Senatorada golaha Aqalka sare ee baarlamaanka federaalka ah ayaa goordhow ansixiyey sharciga kheyraadka biyaha iyo hey’adda maareynta biyaha qaranka. Weriyaha Goobkoog News ee aqalka sare ayaa soo sheegay in kulanka uu ku firmay 34 Senator, codeyn gacan taag ah oo la geliyey sharciga, ma jirin wax diiday ama ka aamusay, oo dhammaan gacantaag ayey ku meel-mariyeen. Aqalka sare ee baarlamaanka federaalka ah ayaa ka doodayey in muddo ah, waxaana sidaas ku soo xirmay sharciga kheyraadka biyaha iyo hey’adda maareynta biyaha qaranka. Horay golaha Shacabka ee Baarlamaanka Federaalka Soomaaliya ayaa kulankoodii 28aad,kalfadhigii 2aad ku ansixyey sharciga. Kulanka oo ay joogeen 150 xildhibaan, 147 Xildhibaan ayaa ogolaatay codeynta loo qaaday hindise sharciyeedka Biyaha halka 3 Xildhibaan iska diideen. sharciga kheyraadka biyaha iyo hey’adda maareynta biyaha qaranka ayaa hadda waxaa uu aadayaa xafiiska madaxweynaha, si uu saxiixo, kadibna lagu daabaco faafinta rasmiga ah. Goobjoog News Source: goobjoog.com

Baydhabo (Caasimada Online) – Wakiilada Qaramada Midoobay iyo Midowga Africa u qaabilsan Soomaaliya oo maalmihii ugu dambeeyay kulamo la qaadanayay madaxda maamul goboleedyada ayaa maanta gaaray magaalada Baydhabo ee gobolka Baay. Kulan u dhaxeeyay Shariif Xasan Sheikh Aadan, Nicholas Haysom iyo Francisco Madeira ayaa ka dhacay magaalada Baydhabo, waxaana diirada lagu saaray sidii xal looga gaari lahaa khilaafka u dhaxeeya dowladda Soomaaliya iyo maamul goboleedyada. Shariif Xasan Sheikh Aadan ayaa u gudbiyay wakiilada uu la kulmay walaaca ay ka qabaan faragelinta dowladda Soomaaliya ee doorashada dhawaanla filayo inay ka dhacdo magaalada Baydhabo ee gobolka Baay. Shariif Xasan, ayaa tartan adag kala kulmaya musharrixiin badan oo ku sugan Baydhab, waxaana warar soo baxaya ay sheegayaan in uu cadaadis saaray Guddiga doorashada oo ay ka mid tahay in ololaha doorashada ay dib u dhigaan islamarkaana shuruudaha ku daraan in musharrixiinta qaar aysan tartamin. Wakiilada Qaramada Midoobay iyo Midowga Africa ee Soomaaliya ayaa u sheegay Shariif Xasan inay wadaan dhexdhexaadin ay ka dhex bilaabayaan dowladda Soomaaliya iyo maamulada Soomaaliya. Waxay la kulmeen madaxweynaha Jubbaland iyo madaxweynaha Hirshabeelle iyaga oo hordhigay ujeedada iyo dhexdhexaadinta ay wadaan. Caasimada Online Xafiiska Baydhabo Caasimada@live.com

Muqdisho (Caasimada Online) – Puntland ayaa aadi doonta doorasho madaxweyne horaanta bisha Janaayo ee sanadka soo aadan. Madaxweyne Gaas ayaa doonaya inuu dib ugu soo laabto kursiga isagoo hada uun bilaabay dhaq dhaqaaqiisa doorashada. Musharaxiin u badan reer Qardho aya u taagan kursiga madaxtinimada Puntland ee shanta sanno ee soo socota, Garoowe iyo Gaalkacyo ayaa sidoo kale dhowr musharax kuleh doorashada. Aadbey u adagtahay in Putlander-ku ay dib u doortaan Cabdiweli Gaas marka la eego guuxa xildhibaanada iyo dareenka shacabka. Sida aan xogta ku helnay , madaxweyne Gaas ayaa taageero weydiistay xubnaha Puntland ku matala Dowlada dhexe ee Soomaliya ,laakiin wuxuu kala kulmay jawaab lama filaan ah. Mudane ka tirsan Baarlamaanka Soomaaliya oo kasoo jeeda Puntland kaas oo diiday in aan magaciisa xigano ayaa sheegay in Gaas uu weydiistay iney ololihiisa qeyb ka noqdaan oo ay shacabka ka iibiyaan inuu Puntland gaarsiin karo doorasho shacab hadii uu xafiiska kusoo laabto. Laakiin xildhibaankan ayaa sheegay in xubnaha Puntland ku matala Dowlada dhexe iney Cabdiweli u sheegeen iney Puntland u baahantahay isbadal. Kulan ay xildhibaanada iyo wasiirada reer Puntland ku yeesheen Muqdisho ayey badankood farta ku fiiqeen musharax Cabdi Faarax Siciid Juxa oo ay u arkaan nin Puntland badbaadin kara. Musharax Juxa oo dad badan u arkaan hogaamiye ruuxi ah, oo hadalkiisu cad-cad yahay ayaa sidoo kale la aaminsan yahay inuu heysto rabitaanka ganacsatada iyo bahda waxbarashada ee Puntland. “Cabdiweli waxaan u sheegnay in Puntland u baahan tahay isbadal, shantii sano ee uu xafiiska joogay wuu dadaalay laakiin ma uusan gaarsiin Puntland meeshii la filayay, waxaan badankeen fursad ka dhex aragnaa musharax Juxa ,hadiiba ay dhacdo in aan xildhibaanada iyo shacabka Putland la hadleyno waxaan dhihi doonaa Juxa doorta ayuu yiri xildhibankan oo diiday in aan magaciis xigano. Gaas ayaa waqti badan isaga lumiyay dagaalka Dowlada dhexe 19 bilood ee lasoo dhaafay, taas oo ay inta badan aad u dhaliileen siyaasiyiinta reer Puntland. Waxey aaminsan yihiin in arrintaas laga maarmi karay balse uu Cabdiweli Gaas ka dhex arkay dano shaqsi ah. Caasimada Online Xafiiska-Muqdisho Caasimada@live.com

Muqdisho (Caasimada Online) – Maamulka Gobolka Banaadir ayaa mamnuucay in magaalada Muqdisho dhexdeeda lagu iibiyo hubka, taasi oo qeyb ka ah xaqiijinta amaanka magaalada Muqdisho. Muqdisho ayaa kamid aheyd Caasimadaha sida caadiga ah loogu iibiyo Hubka, waxaana suuro gal aheyd in hubka ay iibsato qof kasta oo lacag heysta, taasi oo caqabad ku aheyd amaanka magaalada. Guddoomiye ku xigeenka Amniga iyo Siyaasada Maamulka Gobolka Banaadir Maxamed Cabdullaahi Tuulax oo la hadlayay BBC-da ayaa sheegay in isbadal wanaagsan oo dhanka amaanka ah laga dareemay magaalada Muqdisho. Waxaana taasi sababteeda uu ku sheegay inay tahay in ciidamo badan oo boolis ah laga howlgaliyay caasimada Soomaaliya ee Muqdisho, iyaga oo la dagaalamaya kuwa amni darada qeyb ka ah. “Howlgallada ay ciidamadu sameeyeen ayaa ku suurtagashay in amniga uu hagaago, waxaana jirtay in ciidamadu ay tageen goobo aysan horay u tegi jirin oo ku taalla degmada wadajir, waxayna aheyd meel hubka lagu keydsado dadkii goobtaas joogayna ciidamada tallaabo ayay ka qaadeen” ayuu yiri guddoomiye Tuulax. Ugu dambeyn wuxuu sheegay in laga bilaabo maanta aan la arki karin goob lagu iibiyo hubka, maadaama uu sheegay inay qeyb ka qaataan amni darada magaalada Muqdisho. Caasimada Online Xafiiska Muqdisho Caasimada@live.com

Wefdi ay hoggaaminayam wakiilka Qaramada Midoobay u qaabilsan Soomaaliya Nicholas Haysom oo uu wehliyay Danjiraha Midowga Afrika ee Arrimaha Soomaaliya,Francisco Madiera ayaa Khamiista berri ah ee ku beegan 1 November ku soo wajahan magaalada Garoowe ee caasimadda Puntland. Sarkaal ka tirsan madaxtooyada Garoowe ayaa warbaahinta Puntland Post u sheegay in socdaalka wefdiga Beesha Caalamku ay Garoowe ku imaanayan uu salka ku hayo xal u helidda khilaafka u dhexeeya xukuumadda Federaalka Soomaaliya iyo golaha iskaashiga dowlad goboledyada. Wefdiga ayaa kulan albaabadu u xidhan yihiin la qaadan doona madaxweynaha dowladda Puntland,Cabdiweli Maxamed Cali(Gaas) oo ay weheliyaan xubno ka tirsan golihiisa xukuumadda,waxaana inta badan kulankaasi diiradda lagu saaraya xal u helista khilaafka Villa Somalia iyo dowlad goboleedyada. Sidoo kale qodobada la isla’ soo qaadi doono ayaa waxaa kamid ah arrimaha doorashooyinka ku soo wajahan Puntland,xidhiidhka Puntland iyo Beesha Caalamka iyo qodoba kale. PUNTLAND POST Cabdiraxmaan Ciise Cumar The post Muxuu Haysom kala hadli doona Gaas? appeared first on Puntland Post.

Madaxweynaha dowladda Puntland,Cabdiweli Maxamed Cali(Gaas) ayaa guddoomiye cusub u magacaabay kooxda Fannaaniinta Waaberi Puntland. Digreeto ka soo baxday xafiiska madaxweynaha Puntland oo ku taariikhaysan 25-kii bisha October ayaa lagu magacaabay Ibraahim Ciise Maxamuud(Ibraahim Cajaa’ib) guddoomiyaha cusub ee kooxda Waaberi Puntland. Ibraahim Cajaa’ib ayaa beddelaya guddoomiyihii hore ee kooxda Fannaaniinta Waaberi Puntland, abwaan Cabdulqaadir Cabdi Shube oo in mudda ah xilka hayay. PUNTLAND POST Cabdiraxmaan Ciise Cumar The post Puntland: Kooxda Fannaaniinta Waaberi oo guddoomiye cusub loo magacaabay appeared first on Puntland Post.

Xisbiyada curdunka ah ee dalka ka billowday waxaa saaran culeysyo fara badan oo dhan kasta ah, marka laga eego qibrad-yarida nidaamka axsaabta ee guud ahaan dalka kajirta, caqabadaha xilligan ay dareemayaan xisbiyada waxaa ugu horreeya buuxinta shuruudaha sidii ay ku noqon lahaayeen xisbiyo qaran, sida diiwaan-galinta 10,000 qof oo taageerayaasha xisbi walba ah iyo xafiisyo in ay kuleeyihiin 9 gobol oo kamid ah 18-ka gobol ee dalku leeyahay iyo $1,000 (kun doolar) oo ah qidmadda diiwaangalinta xisbiga, waxaa shuruudahan kasii dhib badan shuruudaha kaqayb-galka doorashada ay ugu weyn tahay isu-dheelitirka liiska musharaxiinta beelaha iyo tirada musharaxiinta ee gaaraysa 275 musharax iyo 275 kuxigeenka, musharaxiinta marka loo baahdo in la buuxiyo kursi xubinta musharaxa baneeyo sabab kasta haku timaado’e. Waxaa ugu adag caqabadaha xisbiyada kala kulmayaan isu-dheelitirka liiska musharaxiinta iyo qoondada dumarka, keenista musharaxiinta 275-ka ah ee ka qaybgaleysa tartanka doorashada iyo 275-ka kursi-buuxiye, musharaxiinta helistooda ay adag tahay waxaa ugu horreeya musharaxiinta kasoo jeedda Somaliland, waxaa ka mid ah dadka kasoo jeeda deegaannada somaliland ayaa ah tirada ugu yar ee kunool goobaha ay maamusho dowladda FS, tusaale ahaan haddii ay dhacdo in 5 xisbi oo kaliya xaq uyeeshaan ka qaybgalka doorashada 2020-ka, waxaa xisbi walba laga doonayaa inuu la yimaado 61 musharax oo reer Somaliland ah iyo 61 Kursi-buuxiye iyo 11 Senator 11 Kursi-buuxiye, tirada guudna waxaa ay noqoneysaa, 61+61+11+11= 144 musharax oo Somaliland ah ayaa laga doonayaa xisbi walba, guud ahaan 5-ta xisbi waxaa laga doonayaa 720 = (5×144) Musharax oo ka soo jeedda deegaannada Somaliland. Mushkiladda kale ee Xisbiyada lakulmayaan waxaa kamid ah sida musharaxiinta loogu tixayo liiska 275-ka musharax ee ka kooban 30 xirmo, isla markaana halki xirmo ay noqonayso 9 qof kuna salaysan 4.5, sharcigan wuxuu xisbiyada farayaa isu-dheelitirka beelaha oo macnaheedu tahay isdhexgelinta beelaha ee liiska musharaxiinta sagaalleyda ah, tusaale ahaan (2 Darod, 2, Dir/isaq, 2 Mogadishu Clan, 2 Digil/Mirifle iyo 1, Beelaha Kale) tusaale haddii beesha XY 2 xubin kuleedahay baarlamaanka hadda jira, liiska sagaalleyda ah ee ugu horreeya, waxay ku leedahay 1 xubin, liiska kuxiga waxaa kasoo galaya xubin katimid beelaha kale ee kamidka ah beelweynta ay ka wada tirsan yihiin ee (Beesha shanaad). Liiska xubnaha musharaxiinta waxaa asal unoqonaya isu-dheelitirka beelaha si ay u helaan fursad isku mid ah beelaha, haddii 2 xisbi iskumid kanoqdaan liiska beelaha musharaxiinta, mudnaanta xulista iyo ansixinta musharaxiinta xisbiyada soo guuleystay waxaa lasiinayaa xisbiga ugu codadka badan tartanka doorashada, xisbiga kuxiga ayaa loo samaynayaa xulista iyo ansixinta musharaxiintiisa wuxuuna soo buuxin doonaa kuraasta beelaha kale ee aanan kahelin xubintooda ee liiska xisbiga isaga kahoreeyay, xisbiga kusiixiga ayaa sii buuxin doona beelaha kale ee ku qaday ama aan metelaad ku helin labada liis ee ka horreysay illaa beel walba ay ka hesho xubinteeda liisaska xisbiyada. Caqabadaha Xisbiyada wajahayaan waxaa kamid ah qancinta musharaxiinta sida loogu kala horreysiinayo liiska, musharaxa fursadda 1,aad lasiin doono iyo musharaxa lagu qorayo liiska xubinta 275,aad ee musharaxiinta xisbiga usharaxan, xisbiyada kama fursan doonaan in ay isku khilaafan talada iyo qofka go,aaminaya sida musharaxiinta ugu kala horreynayaan liiska xisbiga, waxaa kaloo xisbiyada usii dheer in musharax walba laga doonayo $2,000 (Laba kun doolar) oo macnaheedu tahay 275 x $2,000 = $550,000, (shan boqol iyo konton kun oo doolar) in ay kusoo shubaan sanduuqa lacagta ee guddiga doorashooyinka qaranka, lacagtani waxaa ay tahay qidmadda diiwaan galinta musharaxiinta sida ku qoran qodobka 24,aad faqradiisa 4,aad. Caqabadaha liiska musharaxiinta iyo Qarashaka aadka ubadan waxaa xisbiyada looga yareyn karaa, marka liiska musharaxiinta 275-ka xunbood ah umadax banaan yihiin xisbiyada, tirada musharaxiinta ay doonaan usoo sharaxdaan ugu yaraan 27 musharax iyo ugu badnaan 275 musharax. W/Q: Cabdiraxim Dhagey, Afeef: Aragtida maqaallada iyo faallooyinka waa kuwo u gaar ah qorayaasha ku saxiixan. Wixii fikrado ah ku soo hagaaji: info@goobjoog.com Source: goobjoog.com

Magaalada Muqdisho waxaa ka amba baxay kooxda qurbajoogta Soomaaliyeed oo labadii tobaad lasoo dhaafay ciyaaro saaxiibtinimo iyo is dhaxgal bulsho ka samaysay caasimada waxayna la ciyaareyn kooxaha kala ah Elman, Heegan, Dekedda iyo Horseed,iyagoo soo bandhigeyn farsamooyin aad loogu riyaaqay Kaliya ma aysan ciyaarin kulamadii loo qorsheeyay ee saaxiibtinimo waxa ay ka qeyb qaateyn olalaha is xilqaan oo dib loogu dhisay dalka,iyagoo ka qeyb qaatay dhismaha tiyaatarka qaranka iyo naadafaada garoonka Stadium Muqdisho oo ay dowlada la wareegtay bishii August ee sanadkan 2018 Feysal Axmed Xasan oo ka mid ahaa ciyaartooyda qurbajoogta ayaa loogu yeeray waajibaad xulka qaranka, kooxda xafidanaysa horyaalka Somali Premier League ee Dekedda iyadana waxa ay la wareegtay ciyaaryahan Qadar oo weerarka ugu ciyaaray qurbajoogta Sidoo kale waxaa jiray dhowr xirfadlayaal oo iyagana loogu wacay safka xulka,balse arimo farsamo ayay ugu baaqdeyn waxayna sida wajir u sheegeyn in ay jecel yihiin malataada dalkooda hooyo ee Soomaaliya arintan waxaa soo dhaweeyay macalimiinta,maamulka iyo qaar ka mid ah ciyaartooyda,iyagoo horomar u rajeeyay xirfadlayaasha ku kala beeray naadiga Dekedda iyo xulka qaranka Inta aysan ka baxin garoonka Aadan Cadde ayay la hadleyn Goobjoog News iyagoo sheegay in safarkooda kowaad ee Soomaaliya uu ahaa mid xiiso gooni ximbaarsan,balse sanadaha soo aadan ay badindoonaan safarada ceeynka oo kale si dhalinyarada qurbaha ko koray ay u arkaan horomarka ka jira dalka ay iyaga milkiiliyada u lee yihiin Waasarada ciyaaraha iyo dhalinyarada dowlada,xiriirka kubbadda cagta iyo maamulka Gobolka Banaadir ayaa wada da’daalo ku aadan in la balaariyo booqashada kooxaha qurbajoogta waxayna arinta go’gol xaar u tahay horomarinta isboortiga wadanka sida ay qabaan bahada ciyaaraha Halkaan Ka Daawo Warbixinta Bixitaanka Kooxda Qurbajoogta Source: goobjoog.com

Cheaper internet is on its way after a 5,400 km cable system linking Djibouti, Mogadishu and Mombasa undersea cable was launched. Source: Hiiraan Online

Magaaladda Garoowe waxaa lagu soo gabagabaeeyay Shir looga hadlayay diyaarinta hanaanka dib-u-heshiisiinta Qaran, kaasi oo socday muddo labo maalmood ah. Shirkan oo ay soo qabanqaabisay Wasaaradda arrimaha gudaha, dowladaha hoose iyo horumarinta reer miyiga waxaa ka qaybgalay xubno ka kala socday Hay’adaha dowliga ee Puntland iyo bulshadda rayidka ee Puntland, waxaa kaloo ka qaybgalay khubro ku takhakhustay xalinta khilaafaadka iyo dib-u-heshiisiinta. Agaasimaha guud ee Wasaaradda arrimaha Gudaha Maxamed Cali Nuur Jubba oo ka hadlay shirka ayaa sheegay in ujeedku yahay in la ururiyo fikradaha iyo talooyinka ku aadan dib-u-heshiista, ee ay hayaan howlwadeenadda hay’adaha dowladda iyo bulshadda rayidka ee Puntland. “ Hay’adaha dowladda iyo Bulshada rayidka ah waanu la kulanay, waxaanuna ka helnay fikrado iyo talo soo jeedino kal duwan iyo qaabka loo abaari karo hanaanka dib-u-heshiisiinta iyo sidii wadatashi guud looga yeelan lahaa halka loo marayo” ayuu yiri, wuxuuna sii raaciyay “ Mar haddii laga hadlay dib-u-heshiisiin, maxaa laga heshiinayaa, waxa laga heshiinaya ma aha labo reer oo is laayay, markii haddii dowladii dhexe ee Somaliya burburtay waxaa loo baahan yahay hanaan ku aadan dib-u-heshiista la iswafajiy, dabcan waxaa samaysmay dowlad goboleedyada iyo dowladda federaal ah. waxaanu u baahan nahay aarada dadka reer Puntland ee xasilinta dalka” ayuu yiri Wuxuu u mahadceliyay hay’adda Finland Church Aid (FCA) oo ka taageertay wasaaradda arrimaha gudaha qabashada shirka wadatashiga ah ee diyaarinta hanaanka dib-u-heshisiinta Qaran. Wasaaradda arrimaha Gudaha Puntland ayaa dadaal ugu jirta sidii loo diyaarin lahaa hannaan dhamaystiran oo dib-u-heshiisiinayd oo wax lagaga qabto khilaafyada bulsho iyo siyaasadeed ee ka jira degaamadda Soomaaliyeed oo ay ka mid tahay maamulka Puntland. PUNTLAND POST The post Shirweyne ku saabsan Dib u-heshiisiinta oo Garoowe ku soo xidhmay appeared first on Puntland Post.

Muqdisho (Caasimada Online) – Madaxweynaha dowladda Federaalka Soomaaliya Maxamed Cabdullaahi Farmaajo iyo wafdi uu hogaaminayo ayaa ka duulay magaalada Muqdisho. Wafdiga Madaxweynaha ayaa waxay ku wajahan yihiin dalka Suudaanta Koofureed, halkaasi oo ay kaga qeyb galayaan xafladda dhameystirka heshiiska Dhinacyada isku haya dalkaasi. Wasiiro, xildhibaano iyo masuuliyiin kale ayaa wafdiga madaxweynaha Soomaaliya ka sagootiyay garoonka diyaaradaha ee magaalada Muqdisho, waxaana ay maalmaha soo socdo ku sugnanayaan dalkaasi. Madaxweyne Farmaajo ayaa inta uu ku sugan yahay dalka Sudan waxaa la filayaa inuu kulamo gaar gaar ah la qaato madaxda ka qeyb galaysa munaasabada ka dhacaysa Suudaanta Koofureed. La soco waxii kusoo kordhaa Insha allah Caasimada Online Xafiiska Muqdisho Caasimada@live.com

Wasiirka Amniga Jubbaland Cabdirashiid Xasan Cabdinuur oo kulan la qaatay saraakiisha ciidamada maamulkiisa ayaa sheegay in ay mudnaanta kowaad siinayan xasiloonida iyo amnigaJubaland Wasiirka ayaa si faahfaahsan uga hadley inaysan ciidamadu qabiil iyo siyaasad midna shaqo ku laheyn ilaalinta amanka dalka iyo dadka ay shaqadoodu tahay waajibna ka saaranyahay. Sidookale wasiirka ayaa sheegey in aysan Jubbaland ka dhici karin sida hadda ka dhacdey magaalada Baydhabo oo ay dhawaan doorasho ka dhici doonto taas oo ay Dowladda federaalka ahi gaysey musharaxiin wata gaadiid iyo ciidan u gaar ah. Wasiirka ayaa sheegey in qofkasta oo isu soo sharaxaya xilka madaxtinimada Jubbaland uu xor u yahay inuu imaado lakin kaligiis oo aysan ciidan iyo wax khalkhal galinaya amniga la socon u kasoo dego garoonka lana soo dhaweynayo. wasiirka ayaa sheegey haddii la isku dayo tan Baydhabo ka dhacdey oo kale in garoonka laga celin doono musharaxiinta noocaas u dhaqma amniga iyo xasiloonida Jubbaland-na aan looga indha qarsan karin shakhsi usoo diyaar garoobey khalkhal galinta amniga gobolka. PUNTLAND POST The post Jubaland oo ka digtay fara-gelin lagu sameeyo doorashadeeda appeared first on Puntland Post.

Muqdisho-[Puntland Post]-Wafdi uu hoggaaminayo madaxweynaha Jamhuuriyadda Federalka Soomaaliya Mudane Maxamed C/llaahi Farmaajo ayaa saaka ka amba baxay magaalada Muqdisho,isago ku sii jeeda Dalka Suudaanta Koonfureed. Sida ay qortay Wakaalada wararka SONNA wafdiga Madaxweynaha ayaa ka qeyb geli doona munaasabadda lagu dhameystirayo heshiiska ay gaareen dhinacyada isku hayay dalkaas. Sidoo kale waxaa munaasabadaasi ka qeybgalaya hogaamiyaal ka socda Midowga Afrika,Urur Goboleedka IGAD,kuwaasi oo si dhow ula socday xaaladaha murugeysan ee ka taagnaa Dalkaasi Suudaanta Koonfureed. Dowladda Suudaanta Koonfureed ayaa kamid ah wadamada uu xiriirka diblomaasiyadeed uu kala dhexeeyo Soomaaliya,waxaana dalkaasi kunool kumanaan Soomaali ah,kuwaasi oo ganacsi waaweyn ku leh dalkaasi. Cabdiqani Boos Puntland Post The post Madaxweynaha Soomaliya oo Saaka u amba baxay Suudaanta Koonfureed appeared first on Puntland Post.

Maamulka gobolka Hiiraan ayaa sheegay iney wax ka qaban doonaan burburka waddooyinka magaalada B/weyne, kadib roobab xooggan oo ka da’ay magaaladaasi. Sheekh Xuseen Cismaan Cali oo ah guddoomiye ku xigeenka dhanka arrimaha bulshada ee maamulka gobolka Hiiraan ayaa u sheegay Goobjoog News, iney wadaan dedaal badan oo ku aadan wax ka qabashada waddoyinkan burbursan. Sidoo kale, waxa uu sheegay guddoomiye ku xigeenka in ay dib u habeyn ku sameyn doonaan meelaha ay biyaha kasoo galaan garoonka diyaaradaha magaalada B/weyne. B/weyne ayaa waddooyinka qaar waxay yihiin kuwo burbursan, iyadoo taasi ay dhibaato ku noqotay gaadiidkii marayey. Halkaan hoose ka dhageyso: https://goobjoog.com/wp-content/uploads/2018/10/Sheekh-Xuseen-sax.mp3 Goobjoog News Source: goobjoog.com

Soomaaliya ayaa gashay kaalinta ugu dambeysa ee dalka 54aad ee qiyaas dowlad wanaagga ee loo sameeyey qaaradda Afrika, sidaasi waxaa lagu sheegay cilmi-baarista Mo Ibrahim 2018 Index of African Governance. Dhinacyada laga eegay sidoo kale waxaa ka mid ah: Bad-qabka iyo sharciga iyo kala dambeynta oo aan ka galnay dalka ugu dambeeya 54, xuquuqul insaanka oo aan helnay kaalinta 53aad, oo waxaa naga liito uun sida la sheegay dalka Eretrea, fursadaha dhaqaale iyo horumarka Aadanaha waa meesha ugu hooseysa qaaradda 54, sidaasi ayey ku noqotay dalka ugu liita qaaradda Afrika. Inkasta oo Soomaaliya lagu sheegay dal soo hagaagaya hadana taasi waxba sooma kordhin markii ay gashay dalka ugu hooseeya dhan walba. “Hey’adaha ugu muhiimsan dowladda, uma hormarayaan si dhaqso ah, si ula jaan-qaadaan baahida dhalinyarada Afrikaanka ah, kuwaas oo hadda ah qeybta ugu badan qaaradda Afrika” waxaa sidaasi yiri, Mo Ibrahim oo ah in Suudaanes ah oo heysta dhalashada Ingiriiska. Mo Ibrahim ayaa daraasaddan si joogta u sameyn jirtay tan 2007-dii, waxaana inta badan sugta dalalka ku yaalo qaaradda Afrika, iyaga oo kala socda halka ay taaganyihiin. Goobjoog News Source: goobjoog.com

Suldaan Cabdi Cali oo ka mid ah waxgaradka K/galbeed, gaar ahaan kasoo jeeda gobolka Shabellaha Hoose ayaa sheegay in dowladda looga baahan yahay iney ka shaqeyso midnimada shacabka K/galbeed. Waxa uu sheegay in dowladda waxa kaliya laga doonayo ay tahay iney ka shaqeyso rabitaanka iyo danaha shacabka K/galbeed. Dowladda ayuu ugu baaqay iney farogelinta ka deyso doorashada K/galbeed, islamarkaana wax walbo ay kor un kala socoto. Shacabka ku dhaqan gobolka Shabellaha Hoose ayuu sheegay iney u baahan yihiin amni iyo sidoo kale iney si xornimo ah ku shaqeystaan, taasina lagu heli karo iyadoo DFS ay mashquulka ka deyso K/galbeed. Halkaan hoose ka dhageyso: https://goobjoog.com/wp-content/uploads/2018/10/WAREEYSI-DULDAAN-CABDI-CALI-.mp3 Goobjoog News Source: goobjoog.com

Ciidanka xoogga dalka, kuwa K/galbeed iyo ciidanka Itoobiya ayaa dib ula wareegay deegaanka Deynuunay ee gobolka Baay, halkaasi oo Todobaad kahor qabsadeen Al-shabaab. Ciidamadan oo aad u badan ayaa howlgal ay sameeyeen waxay dib ula wareegeen deegaankan, waxaana xaaladda deegaankaasi tahay mid deggan. Ciidamada la wareegay deegaankan ayaa la sheegay iney sameysteen fariisimo dhowr ah, iyadoo ammaanka deegaankana ay sugayaan. Jeneraal Ibraahim Yarow oo ah taliyaha qeybta 60-aad ee ciidanka xoogga dalka ayaa u sheegay warbaahinta in Al-shabaab dhexdooda ay dad isaga dileen deegaanka Daynuunay, dibna looga qabsaday deegaankaasi. Waxa uu sheegay taliyaha in ciidamada aanay ku ekaan doonin oo kaliya deegaanka Deynuunay oo ay aadi doonaan deegaanno kale. Halkaan hoose ka dhageyso: https://goobjoog.com/wp-content/uploads/2018/10/Warka-Baydhaab-Daynuunay.mp322222.mp3 Goobjoog News Source: goobjoog.com

Since becoming president, Donald Trump has often criticised Nordic countries. Source: Hiiraan Online

Police are investigating what happened to the duo and haven't ruled out suicide or murder. olice are investigating the cause of death of two sisters whose bodies were recently discovered in Riverside Park in Manhattan in New York City. Source: Hiiraan Online

Muqdisho (Caasimada Online) – Ergaygii Hore ee Xoghayaha Qaramada Midoobay u qaabilsanaa Soomaaliya Michael Keating, ayaa loo magacaabay xil cusub, kadib markii uu waayay xilkii uu ka hayay Somalia horaantii October. Mr Keating, ayaa lasoo shaqeeyay dowladda Soomaaliya, waxaana hadda loo magacaabay agaasimaha Machadka Nabadda ee Qaaramada Yurub. iyadoo Machadkaasi uu bartiisa Twitter-ka ku sheegay inay ku faraxsan yihiin xilka loo dhiibay Keating. Michael Keating, ayaa xilkaasi kala wareegaya Martin Griffiths oo hadda ahaa agaasimaha machadka Nabadda ee Qaaradda Yurub, waxaana la shaaciyay inuu xilka qaban doono 5 November. Agaasimaha hadda ka tagaya xilka Agaasinka Machadka Nabadda ee Yurub, ayaa isagana loo magacaabay wakiilka Xoghayaha guud ee Qaramada Midoobay u qaabilsan dalka Yemen, oo colaado ay halakeeyeen. Mac-hadkan oo uu fadhigiisu yahay Brussels, ayaa waxaa uu leeyahay 31 shaqaale joogto ah, waxaana Keating sugeysa in uu maamulo miisaaniyadda sanad laha ah ee Mac-hadka oo gaareysa Sagaal Milyan oo Yuro. Caasimada Online Xafiiska Muqdisho Caasimada@live.com

For $14.99 a month, riders get flat, heavily discounted fares that can save them 15 percent on travel Source: Hiiraan Online