Mohammed bin Salman, the Crown Prince of Saudi Arabia, ordered that Washington Post contributor Jamal Khashoggi be lured to that country from his home in the U.S. and detained, the paper reported Wednesday evening. Source: Hiiraan Online

The Somali national army took control of Gawaan village in Lower Jubba region in southern Somalia, military officials said on Wednesday. Source: Hiiraan Online

Muqdisho (Caasimada Online) – Warbixin ay soo saartay kooxda QM ee la socodka xayiraadda hubka ee saaran Somalia iyo Eritrea ayaa lagu sheegay in Imaaraadka Carabta ay si buuxda u jebinayaan xayiraadda hubka ee saaran Soomaaliya. Warbixintan oo QM ay soo bandhigi doonto bisha November, ayaa waxaa qeyb ka mid ah arkay taleefishinka Al-Jazeera, oo ku warramay inay ku jireen xadgudubyo waa weyn oo Imaaraadka Carabta ay ku hayaan madax-bannaanida Soomaaliya. Waxyaabaha warbixinta ku qoran ee Al-Jazeera ay sheegtay ayaa waxaa ka mid ah in Imaaraadka Carabta ay Soomaaliya kusoo daabulayaan hub sharci-darro ah oo laga keenayo dalalka Serbia iyo Croatia ee bariga Yurub. Waxaa sidoo kale warbixinta lagu sheegay in saldhigga milatari ee Imaaraadka ka dhisayaan magaalada Berbera uu yahay mid sharci darro ah oo xadgudub ku ah madax-bannaanida Soomaaliya iyo xayiraadda hubka. Dowladda Soomaaliya ayaa horey u diiday saldhigaas, waxaase iska indha-tiray Imaaraadka oo la macaamilaya maamulka Somaliland ee caalamku aanu aqoonsaneyn. Waxaa sidoo kale Imaaraadka ay ku eedeysay warbixinta, inay maal-gelinayaan kooxda Al-Shabaab ayaga oo iibsanaya dhuxusha Soomaaliya, oo Al-Shabaab ay ka hesho lacag badan. Warbixinta ayaa lagu sheegay in ganacsiga dhuxusha uu yahay mid ka mid ah ilaha dhaqaale ee ugu muhiimsan kooxda al-Shabaab, lagana soo xareeyo lacag dhan 7.5 milyan oo dollar, oo laga sameeyo baadda laga qaado baabuurta xamuulka ee dhuxusha sidda. “Dhammaan ficilladan waxay Shabaab usoo xareeyeen dhaqaale ay kusii wadi karto dagaalka” ayey tiri warbixinta kooxda UN Monitoring. Caasimada Online Xafiiska Muqdisho Caasimada@live.com

New York (Caasimada Online) – Warbixin ay soo saartay kooxda QM ee la socodka xayiraadda hubka ee saaran Somalia iyo Eritrea ayaa lagu sheegay in ilaha dhaqaalaha gudaha ee kooxda Al-Shabaab ay ka badan yihiin kana nidaamsan yihiin kan dowladda federaalka ah ee Soomaaliya. Warbixinta ayaa lagu sheegay in ganacsiga dhuxusha uu yahay mid ka mid ah ilaha dhaqaale ee ugu muhiimsan kooxda al-Shabaab, lagana soo xareeyo lacag dhan 7.5 milyan oo dollar, oo laga sameeyo baadda laga qaado baabuurta xamuulka ee dhuxusha sidda. Lacagta kasoo gasha dhuxusha ka sokow, Al-Shabaab ayaa sidoo kale malaayiin dollar sanadkii ka hesha lacagta ay ka qaado gaadiidka ay jidgooyooyinka u sameysteen ee sida dalaga beeraha iyo xoolaha. “Dhammaan ficilladan waxay Shabaab usoo xareeyeen dhaqaale ay kusii wadi karto dagaalka” ayey tiri warbixinta kooxda UN Monitoring. Jidgooyada ugu dakhliga badan al-Shabaab waa mid ku taalla meel 160 km u jirta Muqdisho, waxayna ku taalla waddada caaisimada ku xirta Baydhaba. Qof al-Shabaab kasoo goostay ayaa laga soo xigtay in jidgooyadaas ay maalinkii kasoo xarooto 30,000 oo dollar – 10 milyan oo dollar sanadkii. “Ayaga oo adeegsada xeelado la mid ah kuwa maafiyada, ayaa Shabaab waxay dadka saartaa canshuur, ayada oo fulinta lagu salleeyo rabshado iyo cabsi-gelin” ayay tiri warbixinta. Buug laga helay xisaabiye Shabaab ahaa oo la dilay ayaa faahfaahin ka bixiyey dakhliga Al-Shabaab uga soo xarooda iyo kan uga baxa gobolka Hiiraan, waxaana buugga uu muujiyey nidaam xisaabeed aad u horumarsan oo kooxdan ay adeegsato. Kooxda QM waxa ay sheegtay in habka canshuuraha al-Shabaab uu aad uga horumarsan yahay ugana tayo badan yahay kan dowladda Soomaaliya, ayada oo kooxdu adeegsato nidaam cad oo ku saleysan xisabatan dhab ah, halka dowladda Soomaaliya lacagta ay ciidankooda qaarkood ururiyaan aysan lahayn meel loo raaco. Caasimada Online Xafiiska Muqdisho Caasimada@live.com

Hargeysa (Caasimada Online) – Xukuumadda Somaliland ayaa ka jawaabtay baaq ay dhawaan jeediyeen safiirada dalalka Denmark iyo Holland u jooga dalka Kenya, oo sidoo kalena qaabilsan arrimaha Soomaalida. Safiirka Denmark ee Kenya Mette Knudsen iyo safiirka wadanka Holland ee Kenya Frans Makken, ayaa dhawaan ku baaqay in deg deg loo bilaabo wada hadaladii Somaliland iyo Soomaaliya islamarkaana la kulansiiyo madaxda Somaliland iyo Soomaaliya waxaanay hadalkan ka sheegeen magaalada Nayrobi. Wasiirka arrimaha dibadda Somaliland Dr. Sacad Cali Shire, ayaa yidhi “Inagu Somaliland ahaan marnaba kamaynu bixin wada hadalada, Madaxweynaha Qaranka Somaliland Mudane Muuse Biixi Cabdi, hore ayuu u sheegay inay Somaliland diyaar u tahay inay Somaliya la hadasho, marka la helo jawi lagu wada hadlo, waxaana xaqiiqo ah in Somaliya ka leexatay jawigii labada dal ku wada hadli lahaayeen” Waxa uu intaas ku daray “Waxaa xaqiqo ah in Farmaajo uu yidhaahdo wada hadalada Somaliland diyaar ayaanu nahay, haddana uu xaqiiqada iska indho tirayo, mar walbana mawqifkayguna in aanu Somaliland iyo Somaliya ahaadan laba dal oo jaar ah oo kala madax banaan, maxaa yeelay markii hore ee aanu isku darsanay ee aanu midawnay laba dal baanu kala ahayn, haddana waanu kala baxnay, si kasta oo loo wada hadlana sinaba suurtagal ku noqon mayso in qadiyada iyo mawqifka Shacabka reer Somaliland laga noqdo, oo ah in Somaliland ahaato dal madax banaan, waxaana 97% Shacabka reer Somaliland u coddeeyeen in aanay rabin inay Somaliya la midobaan”. Wasiir Sacad mar aanu wax ka weydiinay socdaalka ay Somaliland ku timid Wasiiru dawlaha Wasaaradda Arimaha Dibadda ee Britain u qaabilsan Afrika ayaa yidhi “Cid kasta oo Somaliland marka hore fikir kale ka aaminsan, markay arkaan oo ay yimaadaan, ayey qiraan nidaamka, dhismaha, dimuqraadiyada, nabadgelyada, horumarka iyo kala dambaynta ka jira, waxaana dhaba in Wasiirul Dawlaha inoo timid, ay ogaatay horumarka balaabadhan ee dhan kasta leh ee dalkeena ka jirta, iyo kala duwanaasha aynu kala duwan nahay Somaliya, waxaana dhab ah in Somaliland dhabihii horumarka hayso, halka Somaliyana aynu ognahay xaalada ka jirta”. Wasiirka Arrimaha Dibadda mar aanu wax ka weydiinay walaaca Beesha Caalamka ee dib u dhaca ku yimaada Doorashooyinka Deegaanka iyo Wakiilada ayaa ku jawaabay “Wax walba siday u dhacayaan ALLE ayaa og, qaybkana ALLE ayaa og, balse qorshuhu wuxuu ahaa in Doorashooyinka Golayaasha Wakiilada iyo Deegaanku inay qabsoomaan Sannadka dambe bishiisa Saddexaad, ilaa haddana qorshihii waa sidii wax iska bedelayna ma jiro, dib u dhac ku yimidna ma jiro, haddii ay dib u dhac ku yimaadana ilama ah in isla sannadkaas ay dhaafi doonto, aniguna waxaan saddexda Xisbi kula talinayaa inay ka heshiiyaan oo is fahan ka gaadhaan arimaha Komishanka, iyo arimaha Doorashooyinka ee lagama maarmaanka ah”. Caasimada Online Xafiiska Hargeysa Caasimada@live.com

Tehran (Caasimada Online) – Abaanduulaha ciidamada mutadawiciinta Iran ee Basij, General Gholam –Hussein Gheib-Parvar waxa uu ka digay iskaashi ay Sacuudiga iyo Israel kala sameynayaan Mareykanka sidii Iran loogu qaadi lahaa dagaal dhaqaale. “Maanta waxaan wajahaynaa dagaal buuxa oo dunida nooga imaanaya waxaana si cad u muujiyey xushmad daradda Madaxweynaha Mareykanka iyo cadaawadda uu u qabo Iran,” waxaa sidaas yiri General Gheib-Parvar, xilli uu la hadlayey dad isugu soo baxay Tehran Salaasaddii. Waxa uu sheegay in Mareykanka uu taageero uga helayo dagaalkan labaddiisa hub ee gobolka [Sacuudiga iyo Israel], sidoo kale waxa uu sheegay in Sacuudiga iyo Israel dowladahooda ay lacago badan ku bixiyaan sidii ay Washington ugu gudbin lahaayeen xogo sirdoon ah oo ka dhan ah dowladda kacaanka Islaamiga ah. Mas’uuliyiinta Iran waxa ay dhawr oo hore uga digeen in CIA-da iyo Mossad oo garabsanaya dowlad gobolka ah ay dagaal saxaafadeed iyo mid Borobagaan ku bilaabeen Iran. “Saxaafadda iyo ol’olaha Borobagaandada hore ayuu u socday, laakiin hadda ayuu xoogeystay. Sida xogta aan helay sheegeyso, wardoonka Mareykanka iyo dowladda Yuhuudda – iyo taageerada dhaqaale ee dowladdaha deriska nala ah – waxa ay dhiseen qalab warbaahineed oo dagaal waxa ayna si joogta ah ugu mashquulsan yihiin sidii ay hawada saxaafadda bulshadeena uga wasakheyn lahaayeen,” waxaa sidaas yiri hoggaamiyaha ruuxiga ah ee dowladda kacaanka Islaamiga ah Ayatollah Sayyed Ali Khamenei bishii Sebteembar, waxa uu xilligaas Tehran kula hadlayey xubno ka mid ah golaha khubrada ee Iran. Caasimada Online Xafiiska Qaahira Caasimada@live.com

London (Caasimada Online) – Dowlada Britain ayaa shaaca ka qaaday in Sacuudiga lagula xisaabtami doono kaalinta ay ku leedahay dilka weriyaha lagu magacaabo Jamal Khashoggi. Xoghayaha arrimaha dibeda Britain Jeremy Hunt ayaa sheegay in dowladiisa ay aad uga xun tahay falka foosha xun ee Sacuudiga uu kula dhaqmay Jamal Khashoggi oo ilaa iyo hadda lagu la’ yahay nolol iyo geeri. Wasiirka arimaha dibeda sacuudiga Adel al-Jubeir, iyo dhigiisa Britain Jeremy Hunt oo qadka taleefanka kuwada hadlay ayaa waxaa sacuudiga looga digay in nolosha iyo badqabka Jamal ay noqon doonto mid ku xirnaan doonta xiriirka labada dowladood. Qoraal lagu soo daabacay Twitter-ka Jeremy Hunt, ayaa waxaa lagu sheegay in Britain ay isha ku heyn doonto kiiska Weriyaha maqan, isla markaana ay kula xisaabtami doonto boqortooyada. Jeremy Hunt, ayaa ugu baaqay boqortooyada sacuudiga in ay jawaab cad ka bixiso maqnaashaha weriye Jamal Khashoggi oo la rumeysan yahay in goor hore la dilay. Haddalka Jeremy Hunt ayaa ahaa “Sacuudiga waa inay cadeysaa halka uu ku maqan yahay Jamal Khashoggi waa lagula xisaabtami doona go’aan mideysan ayaana laga qaadan doona arrinta dhacday” Sawirro laga soo saaray kaamirada qarsoon ee ku dhagan afafka hore Qunsuliyada ayaa waxaa lagu arkay Jamal Khashoggi oo markii ugu danbeysay booqasho ku tagay Qunsuliyada sacuudiga uu ku leeyahay magaalada Istanbul todobaadkii la soo dhaafay. Dowlada sacuudiga oo qudheeda dareen qabta ayaa si adag u beenisay in wariyahan uu gacantooda ku jiro, waxa ayna baahisay in Jamal Khashoggi uu banaanka uga baxay Qunsuliyada. Geesta kale, Dowladaha reer Galbeedka ayaa ka mideysan fal celinta maqnaanshaha Jamal Khashoggi oo lagu la’ yahay nolol iyo geeri. Caasimada Online Xafiiska London Caasimada@live.com

Muqdisho (Caasimada Online) – Guddoonka Golaha Aqalka Sare ee baarlamaanka Somalia ayaa dhawaan warqad dalaba u gudbiyay Taliska Ciidamada AMISOM, taa oo lagu dalbanaayay ciidamo ka tirsan taliska oo suga amniga Xarunta Golaha. Dalabka Guddoonka oo horay u baxay March 24, 2018, ayaa iminka waxaa ka jawaab celshay Taliska AMISOM oo markii hore ka gaabsaday ka jawaabida warqada. Taliska oo ka falcelinaya dalabka ayaa iminka ciidamo aad u hubeysan isla markaana wata gaadiidka gaashaman geeyay Xarunta Golaha. Ciidamadan ayaa la dhigay dhamaan hareeraha xarunta iyo albaabka laga galo xarunta, waxaana ka dhinac shaqeeya ciidamo si aada u tababaran oo ka tirsan NISA. Ciidamada AMISOM oo qaba dareen gaara oo muujinaaya cabsida keentay dalabkooda ayaa gaadiidka Xildhibaanada Aqalka Sare iyo kuwa shaqaalaha mariya baaritaano adag. Gaadiidka gaashaman qaarkood ayey ku jareen wadooyinka danbe ee laga soo galo xarunta sababo la xiriira cabsida ka jirta xarunta Golaha oo salka ku heysa weerar lagu qaado. Gudoomiyaha Golaha Aqalka Sare baarlamaanka Soomaaliya Cabdi Xaashi Cabdulaahi, ayaa sheegay inay ka mahad celinayaan falcelinta Taliska AMISOM, waxa uuna carab ***** in dalabkooda uu ahaa in loo keeno ciidamo ka tirsan AMISOM kuwaa soo oo loogu tala galay in ay suggaan Amniga xarunta Aqalka Sare. Xarunta Golaha Aqalka Sare ayaa ku dhinacyaal dhismaha Hay’adda Sirdoonka Somalia ee Maama Khadiija oo ah xarun aad loo adkeeyay amnigeeda. Si kastaba ha ahaatee, amniga xarunta oo aad loo adkeeyay ayaa waxaa iska kaashanaaya ciidamada Dowlada iyo kuwa AMISOM. Caasimada Online Xafiiska Muqdisho Caasimada@live.com

Wararka naga soo gaaraya magaalada Baydhabo ee xarunta gobolka Baay ayaa waxa ay sheegayaan in halkaasi goordhow uu ka dhacay weerar. Weerarkaasi ayaa waxaa loo adeegsaday Bambaanooyinka gacanta laga tuuro waxaana lagu weeraray gudoomiyaha haweenka Gobolka Baay marwo Muraayo. Dableey hubeeysan ayaa gudoomiyaha weerar ku qaaday hooygeeda xili la hurdo waxaana ay iska caabin dableeydaasi kala kulmeen ilaalada gudoomiyaha. ilaa hadda si rasmi ah looma oga qasaaraha ka dhashay weerarkaasi sababa xiliga oo habeen ah iyo ciidamo buux dhaafiyay halka ay wax ka dhaceen. Magaalada Baydhabo ee xarunta gobolka Baay ayaa waxaa ka dhaca dagaalo soo laa laabta oo u dhaxeeyo Al-Shabaab iyo Ciidamada Koonfur Galbeed oo gacan ka helaya kuwa AMISOM. Wixii ku soo kordha dib kala soco Insha allah Xasan Maxamed Samatar Cowke Puntland Post The post Weerar qaraxyo ah oo ka dhacay magaalada Baydhabo appeared first on Puntland Post.

Wararka naga soo gaaraya deegaanka Haraare oo 40 KM dhinaca Galbeed kaga beegan degmada Balan-bale ee Gobolka Gal-Gaduud ayaa waxa ay sheegayaan in halkaasi ay ku sumoobay in ka badan 30-ruux oo reer mii ah. Dadkaan oo ah reer mii ayaa waxa ay ku sumoobeen hilib geel ay cuneeyn iyaga oo isugu yimid meel alle bari ah. 1-ruux ayaa u geeriyooday suntaasi halka dad kale oo aad u badana lagu dabiibayo isbitaalada degmooyinka Balan-Bale iyo Guriceel ee Gobolka Gal-Gaduud. Gudoomiyaha Degmada Balan-Bale ee gobolka Gal-Gaduud Jaamac Xeyle Maxamuud oo la hadlay warbaahinta Puntland Post ayaa faah faahin ka bixiyay falkaasi iyo sida uu u dhacay, Gudoomiyaha ayaa ugu baaqay ha’ayadaha samafalka iyo ganacsatada in ay caawiyaan dadkaasi la dhibaateeysan sunta. Hoos ka dhageeyso wareeysiga waxaa wareeystay Xasan Maxamed Samatar Cowke https://puntlandpost.net/wp-content/uploads/2018/10/Wareeysi-Jaamac-Xeyle-Maxamed-Gudoomiyaha-Degmada-Balanbale-PP-By-Cowke-1.mp3 Xasan Maxamed Samatar Cowke Puntland Post The post In ka badan 30-ruux oo ku sumoobay Hilib ay Cuneeyn Gobolka Gal-Gaduud appeared first on Puntland Post.

Gudoomiyaha degmada Cadaado Cabdi Kariim Maxamuud Cilmi oo la hadlay warbaahinta caalamiga ah ee Puntland Post ayaa sheegay in ay ka hortagayaan doorashada Madaxweynaha Gal-Mudug oo dhowaan ay sheegeen Garabka Cadaado in ay ka dhaceeyso magaaladaasi. Gudoomiyaha ayaa sheegay in aanay u dul qaadan doonin qala laaso ka dhaca magaalada Cadaado ee xarunta Baarlamaanka maamulka Gal-Mudug. Mar aan wax ka weeydiinay Gudoomiyaha masuuliyiintaasi oo wata ciidamo iyo ciidamadooda in ay isku dhacaan ayuu sheegay in masuuliyada arintaasi ay qaadeeyso cidii doorashadaasi qabato. Xubnaha madaxweyne ku xigeenka Gal-Mudug iyo Gudoomiyaha Baarlamaankaasi iyo xildhibaano katirsan Gal-Mudug ayaa kulan ay ku yeesheen Cadaado waxa ay ku sheegeen in xilka ay ka qaadeen Madaxweyne Axmed Ducaale Geelle Xaaf. .Hoos ka Dhageeyso Wareeysiga Gudoomiyaha waxaa wareeystay Xasan Maxamed Samatar Cowke. https://puntlandpost.net/wp-content/uploads/2018/10/Cabdi-kariin-Maxamed-Cilmi-PP-By-Cowke.mp3 Xasan Maxamed Samatar Cowke Puntland Post The post Gudoomiyaha Cadaado” Waan Joojin Doonaa Doorashada Madaxweynaha Gal-Mudug” appeared first on Puntland Post.

Labo ruux ayaa ku geeriyootay kadib markii uu ku soo dumay darbi ay dhisayeen magaalada Muqdisho ee caasimada Soomaaliya. Falkaasi ayaa waxa uu ka dhacay xaafada Kaawo Godeey degmada Wadajir ee Magaalada Muqdisho. Waxaa halkaasi ku dhintay allaha u naxariistee Abshir Cabdulle iyo Cabdi Waaxid Maxamed mana jirto cid kale oo ku dhaawacantay. Warbaahinta Puntland Post ayaa arintaasi waxaa ay ka wareeystay Cismaan Maxamed Macoow oo la dhashay mid kamid ah Marxuumiinta dhintay waxaana wareeystay Xasan Maxamed Samatar Cowke. Hoos ka Dhageeyso Wareeysiga https://puntlandpost.net/wp-content/uploads/2018/10/Wareeysi-Dad-ku-soo-dumay-dhismo-PP-By-Cowke.mp3 Xasan Maxamed Samatar Cowke Puntland Post Muqdisho The post Shaqaale ku Dhintay Dhismayo ay ka shaqeeynayeen Muqdisho appeared first on Puntland Post.

Muqdisho (Caasimada Online) – Hay’adda NISA ayaa caawa shaacisay in ciidamada ammaanka garoonka diyaaradaha Muqdisho ee Aadan Cadde ay gacanta ku dhigeen koox ka shaqeysa lacag dhaqidda, arrintan oo si rasmi ah u shaacisay xogtii ay Caasimada Online daabacday 29-kii September. War qoraal ah oo kasoo baxay hay’adda NISA oo lsoo dhigay barta Twitter-ka hay’adda ayaa lagu sheegay in ciidamada ammaanka garoonka Muqdisho ay qabteen Shabakad ka shaqeysa lacag dhaqidda iyo sameynta doollar been abuur ah. Shabakadda lacagta dhaqda ayaa laga qabtay laba ruux halka kuwo kalana lagu daba jiro, sida lagu sheegay warka kasoo baxay NISA. “Ciidamada amaanka garoonka Adan Cade ee Muqdisho, waxay gacanta ku dhigeen shabakad ka shaqaysa fal-danbiyeedka lacag dhiqida iyo samaynta Dollar been abuur ah, waxaana gacanta lagu hayaa laba kamid ah shabakadaas, kuwa kalana waa lagu dabajiraa,”. Hay’adda Nabadsugidda ayaa sheegtay in shabakaddaas uu howlaha u sahlay mudane ka tirsan baarlamaanka Somalia,waxana galka baarista ee shabakadda loo gudbiyay hay’adaha sharciga. “Waxaa hawlaha u sahlay, sida gudbinta garoonka Mudane ka tirsan golaha shacabka, Galka baarista ee shabakadan waxaa loo gudbinayaa hay’adaha sharciga ee ku shaqada leh, si’ay uga qaadaan talaabada ku haboon,”. Ayey tiri NISA. Inkasta oo warkan ay NISA caawa shaacisay, sidoo kalena warbaahinta Soomaalida ka wada qaateen, haddana Caasimada Online waxay xogtay qortay 29-kii September. Halkan ka aqri warkii aan qornay xilligaas. Caasimada Online Xafiiska Muqdisho Caasimada@live.com

Mogadishu (HOL) - Somali militants Al-Shabaab have executed five men for allegedly engaging in espionage against the group. Source: Hiiraan Online

Maxakamadda Darajada 1-aad ee Ciidamada Qalabka sida ayaa ku xukuntay Maxamed Cabdi Salaad Nuur Sideed sano (8) oo xabsi ciidan ah halka eedeysanaha 2—aad ee Gacal Maxamed Cali Maxamed lagu xukumay Seddax sano (3) oo xabsi ciidan ah sida uu sheegay Gaashaanle Sare Xasan Cali Nuur Shuute oo ah Guddoomiyah Maxkamadda Darajada koowaad ee Ciidamada Qalabka Sida. Maxamed Cabdi Salaad Nuur iyo Gacal Maxamed Cali Maxamed ayaa loo heystaa in ay ka wada tirsan yihiin maleeshiyada Alshabaab gaar ahaan kooxda ay ugu yeeraan Amniyaadka, waxaana ciidamada amniga ka soo kala qabteen degmooyinka Cabdicasiis iyo Warta nabadda. Eedeysanaha koowaa ayaa Al-Shabaab kaga biiray gobalka Shabeelaha Dhexe sanadii 2015-kii gaar ahaan halka loo yaqaano Gamboole, waxa uu tababar seddax bil ah ku soo qaatay xero ku taalo duleedka Gamboole halkaasi uu ku bartay isticmaalka hubka fudud iyo tuurista bam gacmeedka (F1), intii uu joogay Shabeelah Dhexe ayuu ku fashilmay isku dayo dhowr ah oo loo diray balse waxaa loo soo bedelay magaalada Muqdisho, waxaana loo diray shaqa kale oo ku saabsan indha-indheynta goobaha dadka isugu yimaadaan ee ku dhirirsan xeebta Liido ee magaalada Muqdisho, sidoo kale waxa uu hordhac sahmin u ahaa weeraro ismiidaamin ah oo badi fashil ku dhamaaday, kuwaasi oo ay ciidamada amniga fashiliyaan sida kuwa lagu doonayay in lagu galo gudaha Madaxtooyada. Eedeysanaha ayaa sidoo kale qiray in uu aqoon u leeyahay eedeysanaha labaad Gacal Maxamed Cali Maxamed oo ay ka wada tirsanaayeen maleeshiyada Alshabaab, sidoo kale ay kawada tirsanaayeen hal koox oo ay ku sheegeen in uu horjoogahooda joogo halka loo yaqaan Sabiid, waxa uu qiray in ay wada degnanaan jireen degmada Kaaraan balse Gacal uu isku qariyo shaqada tima jaraha, Maxamed Cabdi Salaad Nuur oo ah eedeysanaha koowaad ayay ciidamada amniga soo xireen 13-ka Bishii labaad ee sanadkan. Gacal Maxamed Cali Maxamed oo ah eedeysanaha labaad ayaa iska diiday dhammaan eedaha loo jeediyay oo ay ka mid ahaayeen in uu magaalada ku soo dhaweeyay eedeysanaha koowaad ayna wada deganaayeen hal guri sidoo kale ay lahaayeen hal horjooge oo isagana ugu war dambeysay isagoo joogay halka loo yaqaano Sabiid, Gacal ayaa gacanta ciidamada amniga soo galay 18/ 4 ee sanadkan. Ugu dambeyn Maxkamadda ayaa go’aamisay in labada eedeysane lagu kala xukumo 1. Maxamed Cabdi Salaad Nuur 8 sano oo xabsi ciidan ah halka eedeysana 2-aad Gacal Maxamed Cali Maxamed 3 sano oo xabsi ciidan ah sida uu u sheegay dhammaan dhinacyada ka qeyb galayay dacwadda Gaashaanle Sare Xasan Cali Nuur Shuute guddoomiyaha Maxkamadda Darajada koowaad ee Ciidamada Qalabka Sida, balse Eedeysanayaasha ayaa heysta fursad kale oo ay ku dalban karo Rafcaan.

It shows the United Arab Emirates (UAE) is violating sanctions imposed in Somalia and Eritrea. Source: Hiiraan Online

Somaliland continues to push for its recognition internationally as it held an international forum in the capital Hergeisa on Wednesday. Source: Hiiraan Online

Baydhabo (Caasimada Online) – Musharax Muqtaar Roobow Cali (Abuu Mansuur), ayaa maanta magaalada Baydhabo ee xarunta maamulka Koonfur Galbeed kulan khaasa kula qaatay qaar kamid ah Xildhibaanada baarlamaanka maamulka. Mukhtaar Roobow ayaa Xildhibaanada kala hadlay arrimaha doorashooyinka maamulka, waxa uuna sidoo kale ka dalbaday in lasiiyo codka uu ku noqon lahaa Madaxweynaha maamulka. Roobow ayaa Xildhibaanada u sheegay inay muhiim tahay in codka lasiiyo maadaama uu diyaar u yahay inuu la imaado isbedel dhab ah. Waxa uu Muqtaar Roobow walaac ka muujiyay dib u dhaca ku yimid magacaabista Guddiga doorashada Madaxtinimada Koonfur Galbeed oo aan la magacaabin weli,iyadoo dhawaan la filayo in doorasho ay ka dhacdo Magaalada Baydhabo. Xildhibaanada ayuu ka dalbaday in maamulka jira ay kula xisaabtaman dib u dhacyada ku imaanaya magacaabida gudiyada doorashada Madaxtinimada Koonfur Galbeed. Sidoo kale, Roobow ayaa Xildhibaanada u muujiyay rajadiisa ku aadan inay siiyan codadka isagoo cod dheer ku sheegay inuusan dan gaara ka laheyn xilka uu raadinaayo balse uu doonaayo isbedel dhab ah. Si kastaba ha ahaatee, magaalada Baydhabo ayaa dhawaan lagu wadaa inay ka dhacdo doorashada Madaxweynaha Koonfur Galbeed oo ay ku tartamayaan musharixiin badan.

Muqdisho (Caasimada Online) – Waxaa galabta dib xorriydooda u heley wiilal dhallinyaro ah oo shantii bishii September laga soo xirey beerta madaxweynihii hore ee Soomaaliya Aaden Cabdulle Cismaan oo ku taalla degmada Jannaale ee gobolka Shabellaha Hoose. Wiilasha la xirey oo seddex ahaa, laguna kala magacaabo Xuseen Cabdullaahi Xaaji, Cusmaan Cabdullaahi Xaaji iyo Axmed Cali Cismaan ayaa waxa ka xeystay ciidamo isugu jirey Soomaali iyo ajaanib, waxaana lagu hayey magaalada Muqdisho. Dowladda Soomaaliya, ayaa hore raali gelin uga bixisey falka lagu galay guriga madaxweynihii hore ee Soomaaliya Aaden Cabdulle Cismaan, waxaana ralai-gelintaas bixiyey ra’iisul wasaare Xasan Cali Kheyre. Aabaha wiilasha la xirey Cabdillaahi Xaaji ayaa sheegey in baaritaanka wiilasha lagu sameeyey uu aha amid kooban balse sidaas oo ay tahay xabsi la isaga hayey muddo. Waxa uu sidoo kale sheegay in muddadi wiilashiisa la hayay ay sheegeen inaysan wax dhibaato ah la kulmin, marka laga reebo inay lumiyeen xorriyadooda. Caasimada Online ayaa horey u shaacisay in xariga wiilashaas uu ka dhashay warbixin sirdoon oo qalad ah oo la siiyey ciidamadii ajnabiga iyo Soomaalida isugu jiray ee galay guriga Aadan Cadde. Halkan ka aqri warkaas. Dhinaca kale waxaan weli la ogeyn halka ay ku dambeysay boorso gurigaas ay kala baxeen ciidamada. Boorsada ayaa xambaarsaneyd qiso cajiib ah, waxaana ka dardaarmay Aadan Cadde. Halkan ka aqris qisadaas. Dhageyso wareysiga Aabe Cabdillaahi Xaaji https://www.caasimada.net/wp-content/uploads/2018/10/bcb42a6b-71d3-45b1-9604-02499e81bd6d_48k.mp3Caasimada Online Xafiiska Muqdisho Caasimada@live.com

Muqdisho (Caasimada Online) – Xildhibaan Axmed Macalin Fiqi oo ka mid ah xildhibaanada Golaha Shacabka garabka mucaaradka ayaa shaaca ka qaaday in Ganacsatada Muqdisho ay ku shaqeeyan dhibaatooyin amni daro. Xildhibaan Fiqi ayaa tilmaamay in Ganacsatada Soomaaliyeed ee kudhaqan suuqa-bakaaraha ay bixiyaan lacago canshuur, hadana loo geysto dhac. Xildhibaan Axmed Fiqi, waxa uu sheegay inay sii kordheyso cabashooyinka Ganacsaatada suuqa Bakaaraha ee Magaalda muqdisho, waxa uuna su’aal ka keenay sababta looga qaadayo lacagta canshuurta marba haddii aan la sugeynin amnigooda. Axmed Fiqi, ayaa sheegay in xildhibaanada Golaha Shacabka aan looga baahneyn kaliya inay lacagaha dadka laga qaado xisaabiyan balse la doonayo inay indhaha ku hayaan dadka lacagaha Canshuurta laga qaado ee aan amni heysan. Waxa uu yiri Fiqi “Waa inaan leenahay caqli xisaabtamaa maaha inaan xisaab la dabataagnaano lacagaha dadka laga qaado waa inaan la socnaa xitaa amniga iyo cabashooyinka lagu hayo dadkii laga qaadayay lacagaha oo ah Ganacsatada” “Cabashooyinka canshuur qaadista iyo dhaca maaha in la dhaleelsado Xildhibaano arrintaan aan wax ka dhehno xili hore” Fiqi, waxa uu sheegay in Ganacsatada Suuqa weyn ee Bakaaraha ay Canshuurta bixiyan hadana la dhacayo oo ay amni darro ka cabanayaan, sida uu hadalka u dhigay. Sidoo kale, Xildhibaanada Golaha Shacabka ayuu ugu baaqay inay isha ku hayaan,isla markaana loo baahan yahay in amni ay helaan Ganacsatadaas. Haddalka Fiqi ayaa kusoo beegmaya iyadoo Kooxo ku labisan dareeska ciidanka ay dhac baahsan ku hayaan Ganacsatada Suuqa Bakaaraha ee magaalada Muqdisho. Caasimada Online Xafiiska Muqdisho Caasimada@live.com

Muqdisho (Caasimada Online)-Warar dheeraad ah ayaa waxa uu kasoo baxayaa Qarax gaari oo maanta ka dhacay duleedka magaalada Muqdisho ee caasimada Somalia. Qaraxa ayaa si gaara uga dhacay Isgoyska Ex Comtrol Afgooye kaa oo ka dhashay Khasaaro kala duwan. Qaraxa oo aad u xooganaa ayaa waxa uu ka dhashay miinada Dhejiska ee lagu xiro Gawaarida, iyadoo uu jiro Khasaare dhaawac ah oo soo gaaraya dadkii watay gaariga. Gaariga ayaa xiliga uu Qarxaayay marayay kaalinta Shidaal lagu iibiyo oo halkaa ku yaala waxaana lahaa Gaariga qarxay Cabdullaahi Daahir oo ka mid ah Shaqaallaha gobolka Banaadir. Laba kamid ah dadkii watay gaariga, ayaa dhaawac daran waxa uu ka soo gaaray qaraxa oo jugtiisa laga maqlay qeybo badan oo kamid ah magaalada Muqdisho. Labadii qof ee dhaawacyada gaaray, ayaa loola cararay goobaha Caafimaadka, waxaana argagax uu la soo darsay dadkii ku ganacsanaya hareeraha wadada. Qaraxa kadib ayaa waxaa goobta durbadiiba tagay Ciidamada dowladda oo Kontoroolo badan ku leh nawaaxiga goobta qaraxa uu ka dhacay.

Riyadh (Caasimada Online) – Ra’iisul wasaaraha xukuumadda federaalka Soomaaliya, (XFS) mudane Xasan Cali Khayre, ayaa maanta qasriga boqortooyada kula kulmay boqorka dalka Sucuudiga, Boqor Salman bin Abdulaziz Al Saud. Ra’iisul wasaare Khayre iyo Boqor Salmaan ayaa ka wada hadlay xoojinta xiriirka laba geesoodka ah ee Soomaaliya iyo Sucuudiga, iskaashiga dhinacyada amniga, dhaqaalaha iyo siyaasaddaa. Kulanka waxaa ka qeyb galay Wasiirka Arrimaha Dibada iyo Iskaashiga Caalamiga Mudane Axmed Ciise Cawad, Wasiirka Warfaafinta, Dhaqanka iyo Dalxiiska Xukuumadda Soomaaliya Mudane Daahir Maxamuud Geelle iyo Siihayaha Safaaradda Soomaaliya ay ku leedahay Sacuudiga Mudane Saalim Macow Xaaji Ra’iisul Wasaare Xasan Cali Khayre ayaa sidoo kale kulamo la qaadanaya madaxda Bangiga horumarinta Islaamka oo ay ka wada hadlayaan horumarka dhaqaalaha Soomaaliya, maal-gelinta iyo dib-u-habaynta ballaaran ee lagu sameeyay hannaanka maamulka maaliyadda dalka.

Magaalada Muqdisho ee caasimada Soomaaliya ayaa maanta waxaa ka dhacay fal ay dadka aad uga arga gaxeen kadib markii wiil dhalinyaro ahaa uu isku dal dalay degmada Kaxda ee Muqdisho arimo jaceyl aawgiis. Warar ay heshay warbaahinta caalamiga ah ee Puntland Post ayaa waxa ay sheegayaan in wiilkaan dhalinyarada ahaa uu isku dilay kadib markii gabar uu jeclaa ay diiday. Allaha u naxariistee Maxamuud Macalin Siidii ayaa kamid ahaa dhalinyarada barakacayaasha ee ku sugan waaxda 1-aad degmada Kaxda ee Muqdisho. Goobjooge goobtaasi ku sugan oo la hadashay warqabadka warbaahinta Puntland Post ee Muqdisho ayaa faah faahin ka bixisay qaabka uu falkaasi naxdinta leh u dhacay. Dhacdooyinka ceenkaan oo kale ah ayaa ka dhaca qaar kamid ah magaalooyinka Soomaaliya. Hoos ka Dhageeyso Codka https://puntlandpost.net/wp-content/uploads/2018/10/Cod-Goobjooge-Gabar-is-dishay.mp3 Xasan Maxamed Samatar Cowke Puntland Post Muqidhso The post Wiil Dhalinyaro ahaa oo jaceyl dartiis isugu dal dalay Muqdisho appeared first on Puntland Post.

MOGADISHU (Caasimada Online)—A Somali military court in Mogadishu capital has on Wednesday sentenced two suspected Al-Shabaab operatives to eight and three-years in prison. The two defendants, whose name have been released as Mohamed Abdi Salaad Nuur and Ga’al Mohamed Ali Mohamed were arrested in security operation carried out in Somali capital Mogadishu. The military court said Nour and Mohamed had been found guilty of being members of Al Qaeda linked Al Shabaab group, battling the weak-western backed government of Somalia. In a statement, the court said Nour had joined in the Islamist group of Al Shabaab in 2015 and was based in small town of Gambole in Middle Shabelle. Mohamed, a barber, who was also accused of living his friend Nour in Gambole town, had been sentenced to 3-years in jail, according to a statement by the military court. The defendants denied all charges. Two suspected Al-Shabaab operatives were arrested in February 13 and April 14 in this year following security operation in Somali capital Mogadishu. Caasimada Online Mogadishu News Desk Caasimada@live.com

Maamulka Cusub ee Gal-Mudug ayaa maanta soo saaray awaamiir ku aaadan in magaaladaasi aan lagu qaban karin shirar aanay ogeeyn maamulkooda. Gudoomiyaha Cusub ee Degmadda Cadaado Cabdi kariin Maxamed Cilmi oo soo saaray warqad uu u qeeybiyay warbaahinta ayuu ku sheegay in maamulkooda uu soo saarayo digniin ku aadan in shir uu san maamulka la socon lagu qaban karin. Amarkaan ayaa waxaa uu ku soo beegmayaa xili uu jiro khilaaf u dhaxeeyo maamulka Gal-mudug . Hoos ka aqriso warqada. Xasan Maxamed Samatar Cowke Puntland Post The post Maamulka Cadaado oo Amar soo saaray xili khilaafka Gal-mudug uu marayo meeshii ugu xumeyd appeared first on Puntland Post.