Dagaal u dhaxeeyey ciidanka Somaliland iyo kuwo la sheegay iney ka tirsan yihiin jabhadda la magac baxday xoreynta SSC ee Khaatumo ayaa ka dhacay deegaanka Tukaraq ee gobolka Sool. Ugu yaraan Saddex qof ayaa dagaalkaasi ku dhaawacantay, waxayna Labada dhinac isku adeegsadeen rasaas culus. Korneel Axmed Xabashi oo ka tirsan jabhaddan ayaa u sheegay Goobjoog in dagaalkan uu dhacay abbaare 1-dii habeennimo ee xalay, weerarkuna ay iyagu qaadeen. Wuxuu tilmaamay in Somaliland ay duulaan ku timid Sool, inta ay ka baxayaanna ay wadi doonaan dagaallada, waa sida uu hadalka u dhigaye. “Annaga waxaan nahay jabhad deegaanka ah, weerarka sidan ah waan sii wadi doonnaa, waxaana ku soconnaa waddo xaq ah” ayuu yiri Korneel Xabashi. Dhanka Somaliland wax war ah kama aanay soo saarin dagaalkan, hase ahaatee waxaa horey deegaankaasi isku hayey ciidanka Somaliland iyo kuwa Puntland. Goobjoog News Source: goobjoog.com

Maamulka degmada Mahadaay ee gobolka Shabellaha Dhexe ayaa faah faahin ka bixiyey fatahaadda uu Wabiga Shabelle ku sameeyey degmadaasi iyo sidoo kale deegaannada ku dhow. Axmed Xuseen Afrax, guddoomiyaha degmadaasi ayaa u sheegay Goobjoog News, in illaa Shan tuulo oo hoostaga degmada Mahadaay uu Wabiga si xooggan ugu fatahay, qaarkoodna ay go’doon galeen. Sidoo kale, guddoomiye Axmed ayaa sheegay in uu joogsaday isku socodkii Jowhar iyo Mahadaay kadib markii wadadaadii isku xireysay degmooyinkaasi ay biyaha kasoo rogmaday wabiga ay jareen. “Sida muuqata biyahan wey naga adag yihiin, fatahaaddu waxay saameysay dhammaan tuulooyinka hoosyimaada degmada Mahadaay, biyuhu waxay jareen wadada isku xirta Mahadaay iyo Jowhar” ayuu yiri guddoomiyaha. Ugu dambeyn, guddoomiyaha degmada Mahadaay ayaa ugu baaqay maamulka Hirshabelle, DFS iyo hay’adaha samafalka ah iney u gurmadaan dadka ku go’doonsan tuulooyinka hoostaga degmadaasi. Wabiga Shabelle ayaa xilli roobaadka sidan oo kale ugu fataha meelaha uu ka maro gobollada dalka, iyadoo tani ay noqotay mid iska soo daba laabata sanad walba. Goobjoog News Source: goobjoog.com

Wershaddii Koowaad ee daqiiqda ” Soomaaliland Flour Mill, ayaa laga hirgaliyey Gobolka Saaxil magaaladdiisa Berbera, Wershadan ayaa noqonaysa Wershad lagaga Maarmo daqiiqdii innooga iman jirtay Dibada Taas oo kor u qaadaysa Waxsoosaarka iyo Horumarka dalka ka socda, waxaannay kor u qaadaysaa sumcadda waddankeena, Wershadan ayaa waxa ka hawlgali doonna shaqaale badan oo muwaadiniin ah, kuwaas oo yarayn doonna shaqo la’aanta baahsan ee dalka ka jirta. Wershadadan daqiiqda ayaa kor u qaadi doonta dhaqalaaha dalka ee dhinacyadda cashuuraha dhoofinta iyo dajinta ba leh, wershadan waxaa xadhiga ka jari doonna Madexweyne Muuse Biixi iyo wafti balaadhan oo uu hoggaaminayo. The Flour Mill ayaa laga yaabbaa innay sabab u noqoto in maalgashayaal badani ku daydaan Ganacsataddan. Ganacatadan ayaa lacag Malaayiin doolar ah galiyey wershadan, iyagoo ujeedkoodu ahaa innay kor u qaadaan horumarka Soomaaliland iyo shaqo abuurka dalkaba. Hirgalinta Wershadaha ayaa Soomaaliland ka bilaabmay Sannadihii u dambeeyay iyada oo laga yaabbo in sanadaha soo socda Soomaaliland noqoto Waddankii Wershadaha. Farxaanmxd@gmail.com Rakad Mxd Sultan Berbera Qaran News

Xildhibaan Daahir Amiin Jeesow oo ka mid ah mudanayaasha golaha shacabka ee baarlamaanka federaalka Soomaaliya ayaa wareysi uu siiyey Goobjoog News, wuxuu kaga hadlay xaaladda gobolka Hiiraan, oo maalmahan dambe aad u kacsan. Jeesow ayaa ugu horreyn wuxuu ka tacsiyeeyey geerida taliyahii ciidanka Booliiska ee qeybta gobolka Hiiraan, wuxuuna sheegay in arrintaasi wax laga xumaado ay tahay. Dhanka kale, xildhibaan Jeesow ayaa sheegay in guddoomiyahii gobolka Hiiraan Yuusuf Dabageed looga baahan yahay inuu si nabad ah xilka ku wareejiyo. “Guddoomiye Yuusuf marar badan ayaa xilkaan loo magacaabay waana laga qaadayey, marka in ay arrin culus hadda ku noqoto oo dhibaato ay ka dhalato arrin aan filaayey ma ahan, waxaan codsanayaa in xiisadda la dejiyo” ayuu yiri Xildhibaan Daahir. Sidoo kale, xildhibaan Jeesow ayaa sheegay in qorshahooda uu yahay iney safar ku tagaan Hirshabelle oo ay la kulmaan madaxweyne Waare iyo guddoomiye Yuusuf. Dabageed ayaa iska diidey xil ka qaadistii lagu sameeyey, isaga oo sheegay in waddo sharci ah aan loo soo marin xil ka qaadistiisii. Goobjoog News Source: goobjoog.com

Wararkii ugu dambeeyey ee ka imaanaya magaalada B/weyne ee xarunta gobolka Hiiraan ayaa waxay sheegayaan in halkaasi ay ka taagan tahay xiisad u dhaxeysa ciidankii shalay ku dagaallamay deegaanka Kalabeyr. Waxaa gudaha magaalada ka socda dhaq-dhaqaaqyo ciidan oo qalqal geliyey shacabka ku dhaqan degmadaasi, sida uu soo sheegayo wariyaheenna C/risaaq Al-cadaalla. Ciidamada AMISOM ee ku sugan magaalada B/weyne ayaa aad u adkeeyey ammaanka xarunta gobolka ee magaaladaasi, waxaana dadweynaha loo diidayaa iney maraan nawaaxiga xaruntaasi. Xaaladda magaalada B/weyne ayaa maalinba maalinta ka dambeysa cirka isku sii toleysa, iyadoo weli aanu jirin xal rasmi ah oo la gaaray. Xiisaddan ayaa salka ku haysa kadib markii uu Yuusuf Dabageed iska diiday xil ka qaadis dhowaan lagu sameeyey. Warkaan wixii kusoo kordha kala soco wararkeena kale Goobjoog News Source: goobjoog.com

Madaxweyne ku-xigeenka ahna ku-simaha madaxweynaha dowladda Puntland Axmed Cilmi Cismaan Karaash ayaa kulan la qaatay saraakiisha ciidanka qalabka sida ee Puntland gaar ahaan kuwa ku [...] Source

Wasiirka arrimaha dibadda iyo iskaashiga caalamiga ah ee dawladda Federaalka Soomaaliya Amb. Axmed Ciise Cawad oo maalmahan ku sugnaa magaalada Minneapolis Gobolka Minnesota ee dalka Mareykanka ayaa kulan la qaatay qaar ka mid ah Jaaliyadda Soomaaliyeed ,qaybaheeda kala duwan & Madaxda Gobolka Minnesota,. Wasiir Cawad ayaa ka war-bixiyey xaaladda dalka iyo guulaha laga gaaray arrimaha Siyaasadda,Ganacsiga iyo xariirka caalamiga ah. Kullankaan oo ay iskaashadeen hay’adda Global Minnesota oo ah Hay’ad ay kullansadeen ganacsatada Gobolka & Jaamacadda Augosburg ayaa waxaa wasiirka Su’aalo laga waydiiyey Xaaladda dalka,isagoo jawaabo waafi ah ka siiyey dadkii goobta ku sugnaa. Ugu danbayntii wasiirka ayaa Xusay doorka ay jaaliyadda Soomaaliyeed ku leedahay dib-u-dhiska Soomaliya,kulana dar-daarmay in ay tallo,Toosin & tabarucaadba uga qayb-qaataan kalin mug & miisaan ba leh. Source: goobjoog.com

(SLT-Hargeysa)-Abaarro 2-dii habeennimo ee Xalay waxa dagaal bariga deegaanka Tuke-raq ee Gobolka Sool ku dhex maray Ciidammada Somaliland ee halkaa fadhiisimada ku leh iyo Ciidamo la sheegay inay ahaayeen kuwa Khaatumo. Ciidamo ka mid ah kuwa Khaatumo ayaa Weerar ku qaaday Ciidammada Somaliland ee fadhiisinimada ku leh Tuke-raq, gaar ahaan Saldhigga dhanka Bariga, waxaana halkaa ka dhacay Dagaal la isku adeegsaday Noocyada kala gedisan ee Hubka. Weriyaha HCTV ee Sool oo Somalilandtoday warkan ka soo xigatay ayaa waxa uu sheegay in Sarkaal ka mid ah Khaatumo uu u sheegay in Ciidamadoodu Weerar ku qaadeen Ciidammada Somaliland ee fadhiya bariga degmada Tuke-raq, balse illaa hadda lama oga khasaaraha soo kala gaadhay labada dhinac. Dhanka kale, Dadka ku nool deegaanka uu Dagaalku ka dhacay ayaa Weriye Olol u sheegay inay ku tooseen deryanka hubka, arrintaasina ay cabsi ku abuurtay. Halkan kala soco wixii warar ah ee ka soo kordha Source

(SLT-Hargeysa)Xildhibaan Maxamuud Maxamed Yaasiin (Dheeg), oo ka mid ah Xildhibaanada Golaha Guurtida ayaa ka hadlay in ciidan uu leeyahay Booqor Buurmadow oo tikniko leh ay u dhaqaaqeen dhanka maamul gobaleedka Puntand, Halkan hoose ka DAAWO Source

Muqdisho (Caasimada Online) – Jeneral Thomas D. Waldhauser oo ah taliyaha Ciidamada Mareykanka ee AFRICOM iyo safiirka Mareykanka ee Soomaaliya Donald Yamamoto ayaa la sheegayaa in talaadadii ay magaalada Muqdisho kula kulmeen ra’isul wasaaraha Soomaaliya Xasan Cali Kheyre, iyaga oo kala hadlay sida Mareykanka diyaar ugu yahay iney Soomaaliya ka taageeraan soo-celinta amniga iyo xasiloonida. Wadahadalka labad dhinac oo sidoo kale ay qeyb ka ahaayeen madax badan oo ciidamada xoogga ka tirsan waxaa la sheegayaa in lagu soo qaaday la-dagaalanka Al-shabaab. “Caawinta Mareykanka waxaa qeyb muhiim ah ka ah in aanu la shaqeyneyno dadka iyo dowladda Soomaaliyeed si loo helo nabad iyo xasilooni”. “Nabadda iyo xasiloonida Soomaaliya waxaa ay micnaheedu tahay in gobolka oo dhan uu helo xasilooni. Waxaa ay micnaheedu tahay in dadka Soomaaliyeed ay awoodaan iney xoogga saaraan dib u dhiska iyo horumarka” ayuu intaasi raaciyey. Mareykanka ayaa xarun ku leh Shabeellada hoose, waxaa ay si joogta ah u duuqeeyaan Al-shabaab, waxaa kale oo ay tababar siiyaan Danab oo ka tirsan ciidamada qalabka sida. Halkan ka daawo wararkii maanta oo muuqaal ah. Caasimada Online Xafiiska Muqdisho caasimada@live.com

Ciidanka sida gaarka ah u tababaran ee Soomaaliyeed gaar ahaan kuwa DAHAB ayaa waxa ay howlgallo qorshaysan ka sameeyeen duleedka magaalada Kismaayo ee xarunta gobolka [...] Source

Somalia is set to get continued support from the United States Government, as they seek to restore stability after decades of anarchy. U.S. Marine Corps Gen. Thomas D. Waldhauser, commander, U.S. Africa Command and U.S. Ambassador to Somalia Donald Yamamoto made this commitment during a visit to Mogadishu on Tuesday. During the visit, Waldhauser and Yamamoto met with Prime Minister Hassan Ali Khaire and key Somali defense officials. Their talks revolved towards destabilizing Al-Shabaab terror group, which is responsible for thousands of killings within and the region, Kenya being the worst hit. “U.S. security assistance to Somalia is an important part of our efforts to work with the people and government of Somalia for peace and stability,” said Yamamoto. “Peace and stability for Somalia means more stability in the entire region. It also means that the people of Somalia will be able to better focus on building a prosperous future.” Kenya Defence Forces are among a more than 10, 000 strong AMISOM forces fighting the militants. To complement their efforts, the US Forces have launched tens of air strikes, killing the terrorists right from their hideouts. Somali National Security Forces and their AMISOM partners continue to make advancements into the territory previously beset by terrorists. In a statement, the US Africa Command says, ” these Somali-led operations are necessary to advance Federal Government of Somalia objectives, spur economic activity and development, and release Somali citizens from the oppression and coercion of al-Shabaab.” Somali forces recently cleared the south of the Shabelle River near the village of Bariire and established a security presence in the area. The mission was the latest in a series of operations designed to force al-Shabaab out of strongholds in Lower Shabelle. “Operations such as this enable the Somali government to restore critical infrastructure in places like Bariire, leading to increased economic activity,” reads the statement. On his part, Gen. Waldhauser said, “Employing an integrated interagency defense, diplomacy, and development approach, our efforts in Somalia help contain a potentially broader regional security threat.” “The assistance provided in Somalia is truly an international effort and there are encouraging signs of change, progress, and emerging options for Somalis.” While Al-Shabaab has extensively been weakened, they still launch pockets of attacks within Somalia and the region. On January 15 to 16, the militants launched an attack on the DusitD2 complex, a luxurious facility located within the leafy suburbs of Riverside drive, often frequented by foreigners. At least some 21 people were killed, and tens others injured, with more than a 1,000 saved from the ugly face of terror. View the full article

(SLT-Hargeysa)-Qoys Laba Maalmood Goob Bannaan Ah U Hoyday Ka Markii Gurigoodii Gubtay + Codsi Dareen Leh Oo Ay U Direen Bulshada Muslinka Ah Xukuumadda Somaliland, Halkan hoose ka DAAWO Source

(SLT-Hargeysa)-Guddoomiyaha xisbiga mucaaridka ah ee WADDANI Cabdiraxmaan Maxamed Cabdillaahi Cirro ayaa boggiisa Twitterka ku faafiyay farriin ku socota madaxweyne Muuse Biixi Cabdi oo nuxurkeedu yahay in uu fuliyo heshiiskii dhexmaray Dr Cali Khaliif Galaydh iyo madaxweynihii hore Axmed Siilaanyo. Farriinta Cirro ayaa u dhigan “Xukuumadda KULMIYE waxa aan ugu baaqeynaa in ay fuliso heshiiskii ay la galeen Dr. Cali khaliif Galaydh iyo maamulka Khaatumo, Waxaana muhim ah in wax walba laga horeysiiyo maanta mideynta dalka iyo dadka.” Dr Cali Khaliif Galaydh ayaa madaxweynihii hore ee Somaliland Axmed Siilaanyo la galay heshiis nuxurkiisu yahay sidii loo dhammayn lahaa tabashada bulshada gobolka Sool ka qabto Somaliland, waxaana la filayay in madaxweyne Biixi fuliyo arrimahaasi laakiin, marar badan ayuu niyad jab ka muujiyay Cali Khaliif fulin la’aanta heshiiska. Ma cadda waxa xilligan keenay baaqa Cirro laakiin, waxa jira hadal hayn ku saabsan in xilligan oo madaxweyne Biixi la daala-dhacayo fashilaadda kaga timid Bariga Sanaag oo ay kaga xoog badatay Puntland uu Cali Khaliif ku laaban doono degaankiisa gobolka Sool una sheegi doono in uu quus ka taaggan yahay heshiiskii sidaas awgeedna ay aayahooda ka tashadaan. Haddii Cali Khaliif talada ku celiyo gobolkiisa waxa la filan kara saamayn ka weyn tan gobolka Sanaag Bari in ay xukuumadda madaxweyne Biixi ku yeelan doonto guuxa ka aloosma arrintaasi. Madaxweyne Biixi ayaa loo arkaa in aanu haysan wasiirro iyo masuuliyiin culus oo saamayn ku leh degaannadooda, islamarkaana u noqon kara baalal uu ku duulo si uu degaannada kala duwan ugu yeesho saamayn hoggaamineed. Source

Burco(SL-T)”Boqor Buurmadow Waxan Leeyahay Cago Dhigo ” Beeldaaje Xandule Oo Si Adag Ugu Jawaabay Boqor Buurmadow Source

(SLT- Stockholm)-Dowladda Sweden ayaa war kasoo saartay warar maalmihii ugu dambeeyay la isla dhex marayay oo ku aadan inay dowladda Sweden u diiday madaxweyne Biixi inuu safar ku tago magaalada Stockholm. Wararka ayaa sheegaya in socdaalka madaxweyne Biixi ku tagi lahaa Caasimada Sweden ay la xidhiidhay ka qeyb galka dood ku saabsaneyd sida Somaliland ay ku heshay nabadda iyada oo ku taalla gobol colaado badan ay ka jiraan. Sida wararka aan ku heleyno warqad loo soo diray Muuse Biixi oo uu shirka uga qeygali lahaa ayaa waxaa ku qorneyd in uu khudbad ka jeedin lahaa kana hadli lahaa mowduucaas. Hayeeshee markii ay warqaddaasi soo baxday ayaa la xaqiijiyay in Dowladda Soomaaliya ay la xidhiidhay Safaaradda Sweden ee Nairobi iyo Wasaaradda arrimaha dibadda dalkaas. Labada dhinac ayaa hadda beeniyay inay ka warhayeen socdaalka madaxweyne Biixi ku tagi lahaa Stockholm, waxaana hadda baaqday safarka Muuse Biixi Cabdi ee magaaladaasi. Socdaalka Madaxweyne Muuse Biixi waxaa abaabulayay dadka ka soo jeeda Somaliland ee ku nool dalkaas iyo xildhibaan ka mid ah Guddiga saaxiibada Baarlamaannada Somaliland iyo Sweden oo lagu magacaabo Magnus Oscarson. Wafdi uu hoggaaminayo Wasiirka arrimaha dibadda Somaliland ayaa la filayaa in ay ka qeybgalaan kulankaas waxaana baaqday safarkii uu Muuse Biixi uga qeybgeli lahaa iyada oo aan si rasmi ah loo shaacin in baajinta safarkaas ay dalbatay dowladda Federaalka Soomaaliya. Source

Gen. Thomas D. Waldhauser oo ah Taliyaha Ciidamada Mareykanka ee AFRICOM iyo safiirka Mareykanka ee Soomaaliya Donald Yamamoto ayaa la sheegayaa in talaadadii ay magaalada Muqdisho kula kulmeen ra’isul wasaaraha Soomaaliya Xasan Cali Kheyre, iyaga oo kala hadlay sida Mareykanka diyaar ugu yahay iney Soomaaliya ka taageeraan soo-celinta amniga iyo xasiloonida. Wadahadalka labad dhinac oo sidoo kale ay qeyb ka ahaayeen madax badan oo ciidamada xoogga ka tirsan waxaa la sheegayaa in lagu soo qaaday la-dagaalanka Al-shabaab. “Caawinta Mareykanka waxaa qeyb muhiim ah ka ah in aanu la shaqeyneyno dadka iyo dowladda Soomaaliyeed si loo helo nabad iyo xasilooni”. “Nabadda iyo xasiloonida Soomaaliya waxaa ay micnaheedu tahay in gobolka oo dhan uu helo xasilooni. Waxaa ay micnaheedu tahay in dadka Soomaaliyeed ay awoodaan iney xoogga saaraan dib u dhiska iyo horumarka” ayuu intaasi raaciyey. Mareykanka ayaa xarun ku leh Shabeellada hoose, waxaa ay si joogta ah u duuqeeyaan Al-shabaab, waxaa kale oo ay tababar siiyaan Danab oo ka tirsan ciidamada qalabka sida. Goobjoog News Source: goobjoog.com

(SLT-Qaahira)-Hal sano ka dib markii dawlada Masar ay aag badalatay ‘Maalgashiga aduunkuna uu dhamaaday’ dadka arimaha maaliyada iyo dhaqaalaha ka faalooda ayaa ku tilmaamay in meesha suuqeedu uu kulul yahay isla markaana uu hoos u socdo dhaqaalaha dalkaasi. Egyptian President Abdel Fattah el-Sisi meets with Managing Director of the International Monetary Fund Christine Lagarde during their meeting as part of the G20 Leaders’ Summit in Hangzhou, China, on Sept. 3, 2016. Egyptian Presidency Press Office/Anadolu Agency/Getty Images Inkastoo ay jireen maalgashadayaal ku soo qulqulayey dalkaasi mudooyinkii u dambeeyey, isla markaana doonayey inay ku nasiibiyaan iyagoo rajaynaya inay wax ka samayntaan suuqa lacagta ee dalka Masar. Balse bishii December 2018-kii waxa uu hoos u dhucu noqday 20% marka loo eego sanadkii hore, waxaana sanadii dambe ee xigay 2019-ku uu ku sii socday isla jidkaasi. Mid ka mid ah bangiyada maalgashiga aduunka ayaa ku tilmaamay Masar inuu ka soo kaban doono isla markaana ay tahay meesha ka soo kabashada iyo isbadalka leh marka loo eego Bariga Dhexe, Afrika iyo Bariga Yurub. Hadaba si loo fahmo dhamaan caqabada xaqiiqada hubaal la’aanta dhaqaalaha dalkaasi ku keentay. Ayaa waxa jiray Warbixin uu daabacay Bangiga Aduunku bishii April 2019-kii, taas oo lagu xisaabiyey in “boqolkiiba 60% shacabka dalka Masar ay yihiin Sabool ama kuwo daciif ah dhaqaale ahaan.” Marka loo eegayo xaaladaha nolosha. Sidoo kale waxa dhaqaalahan aan kobcayn ee dalka Masar loo sibir saarayaa dhibaato maamul xumo ah oo dhinaca dawlada ah iyo dayac jira inuu sabab u yahay taas oo keentay in qiimo dhac farabadan uu ku yimaado lacagta dalkaasi. Waxaanay dawladdu ay wakhti xaadirkan u qoondaysay 38% miisaaniyada in ay ku bixiso sidii looga soo kaban lahaa hoos u dhaca, iyo daymo farabadan oo ay ka raadinayso hay’adda lacagta aduunka ee IMF-ta. Source

(SLT-Muqdisho)-Ballanqaadkaasi ayaa lagu muujiyey Hadal-qoraal oo si wadajir ah looga soo saaray Kulan ay shalay Muqdisho ku yeesheen Saraakiil ka tirsan Soomaaliya, Taliyaha Hawlgalladda Milliteriga Maraykanka ka jooga Qaraadda Afrika ee AFRICOM, Jeneral Thomas Waldhauser iyo Danjiraha Maraykanka u jooga Soomaaliya, Donald Yamamoto. Taliyaha AFRICOM iyo Danjiraha Maraykanka waxay ballan qaadeen inay xoojin doonaan Hawlgallada Ammaanka ee lagu taageerayo Deganaanshaha Somalia iyo Dagaalka ka dhanka ah Alshabaab. Danjiraha Maraykanka u jooga Somalia, Donald Yamamoto waxa uu tilmaamay in Taageeradda ay ka geysanayaan Ammaanka Somalai inay qeyb muhiim ah ka tahay dadaalka Maraykanka ee Soomaaliya iyo dadka Soomaaliya lagala shaqeynayo Ammaanka iyo Nabadda dalkooda. Waxa uu intaasi ku daray in Deganaashaha iyo Nabadda Somalia micnaheedu tahay Deganaanshaha dheeriga ee Mandiqadda Geeska Afrika iyo inay dadka Soomaalida awoodaan inay diiradda saaraan dhismaha Mustaqbal Barwaaqo ah, waasida uu hadalka u dhigay. Boqolaal Askar Maraykan ah ayaa ku sugan Saldhigyo ku yaalla gudaha Somalia, waxayna fuliyaan Hawlgallo ay Ciiddanka DFS iyo kuwa Hawlgalka AMISOM kaga taageeraan dagaalka ay kula jiraan Alshabaab, kaasi oo bilowday sannadkii 2007-dii. Source

(SLT-Kampala)-Dowlada Uganda ayaa xaqiijisay in dalkeeda uu soo gaadhay cudurka halista ah ee Ebola oo ka dilaacay dalka ay jaarka yihiin ee Dr. Congo. Cudurkan ayaa la sheegay in laga helay cunug 5 sanno jir ah oo kamid ah qaxootiga ka yimid dalka DRC oo Axadii lasoo dhaafay tagay wadanka Uganda, Wasiirka Caafimaadka ayaa sheegtay in wiilkan yar hada lagu hayo goob gaar oo lagu dabiibayo. Dalka Uganda ayaa heegan sare ku jiray tan iyo sanadkii tagay kadib markii cudurkan uu ka dilaacay wadanka DRC. Hay’ada caafimaadka WHO ayaa sidoo kale sheegtay inay dalkaasi u dirtay dhakhaatiir khaas ah si ay ulla dagaalamaan cudurkan. Wadanka Uganda ayaa kamid ah dalalka ciidamadooda ay ku sugan yihiin dalka Soomaaliya, sanadkii 2014 ayey dowlada Sierra Leone oo ay ciidamadeeda kamid ahaayeen AMISOM askarteeda kala baxday Soomaaliya kadib markii uu cudurka Ebola dalkaasi ku faafay. Source

Kismaayo (Caasimada Online)-Warar dheeraad ah ayaa kasoo baxaya howlgal qorsheysan oo ciidamada dowladda gaar ahaan kuwa DANAB ay ka sameeyeen deegaan ka tirsan gobolka Jubbada Hoose. Ciidamada DANAB ayaa howlgalka waxay ka sameeyeen deegaan ay ku sugnaayeen ururka Al Shabaab, sida saraakiisha ay sheegeen, waana saldhig ku yaala duleedka degmada Kismaayo ee gobolka Jubbada Hoose. Saraakiisha ciidamada DANAB ayaa sheegay inay howlgalkaasi fuliyeen, kadib markii ay heleen xog dhanka amaanka ah, iyaga oo ka hortagaya weeraro Al Shabaab ka geystaan deegaanada Jubbooyinka. Taliyaha qeybta Ururka labaad ee Ciidanka DANAB ee Gobolka Jubbada Hoose Gaashaanle Muraal, ayaa sheegay in Ciidanka degan deegaanka Baarsanguuni ay fuliyeen howlgalkaas, isla markaan ay dileen Xubno ka tirsan Al-Shabaab balse dhankooda aan wax khasaaro ah geysan. Taliyaha ayaa sheegay in howlgalka oo ahaa mid qorsheysan uu ku xigo doono kuwo kale oo laga fulayo deegaano ka tirsan gobolka Jubbada Hoose, halkaasi oo Al Shabaab ay ku sugan yihiin. Mudooyinkii u dambeeyay ayaa Ciidamada Dowladda iyo kuwa Jubbaland ayaa dhaq dhaqaaqyo waxa ay ka wadeen deegaano ka tirsan Gobolada Jubbooyinka halkaas oo ay ku beegsanayeen xubno ka tirsan Al-Shabaab. Caasimada Online Xafiiska Jubbaland Caasimada@live.com

(SLT-Khartoum)-Isbahaysiga Mucaaradka dalka Sudan ayaa soo afjaray ololihii shaqo joojinta ah oo ujeedkiisu ahaa in cadaadis lagu saaro Militariga dalkaasi si ay xukunka ugu wareejiyaan maamul rayad ah. Ergayga garaka ah ee dalka Itoobiya u qaabilsan dalka Suudaan oo dhex dhexaadinayay labada dhinaca ayaa sheegay in wadahadalada lagu dhisayo dowladda cusub ay si dhaqso ah dib ugu bilaaban doonaan . Mahmoud Derir ayaa sidoo kale sheegay in golaha Militariga ay ogalaadeen in xabsiyada laga siidaayo dadka u xir arrimah siyaasadda Ma jirto waqti cayiman oo loo qabtay in ay wadahadalada dib u soo cusboonaadaan ,balse waxay u muuqataa in go’aanka lagu dhawaaqay ilaa iyo hadda uu yahay mid ku filan in labada dhinac ay dib u bilaabaan wadaxaajoodka. Mucaaradka ayaa horey ugu baaqayay dadka reer Sudan in ay ka qayb qaataan ololaha shaqa joojinta ilaa militariga ay xukunka ku wareejinayaan dowlad rayid ah. Saddex maalin ka dib arrintaasi ma aysan hirgalin, balse mucaaradka ayaa imika shaqa ka fariisigaasi soo afjaray. Qayb ahaan waxaa soo afjaridda arrintani sabab u ahaa in dad badan ay shaqooyinkooda sii wateen gaar ahaan milkiilayaasha ganacsiyada yaryar iyo dadka ku tiirsan shaqooyiinka maalin laha ah ee ay quutu daruuriga ku helaan. Go’aankii ay militariga xabsiga uga siidaayeen maxaabiista dhanka siyaasadda ayaa hogaamiyayaasha dibadbaxyada siiyay rajo ay wadaxaajoodka dib ugu laaban karaan. Balse qaar ka mid ah mucaaradka ayaa waxay ka soo horjeedsadeen in shaqa joojinta la soo afjaro. Hogaamiyaha mucaaradka Sudan Yasir Arman oo isagu horey loogu tarxiilay magaalada Juba ayaa BBC u sheegay in uusan ka warqabin wax heshiis ah ooo ku saabsan in wadaxaajoodka dib loogu noqdo. Shuruudda ugu wayn ee mucaaradka ku xireen in wadaxaajoodyada ay dib u soo cusboonaadaan ayaa ahayd in baaritaan caalami ah oo madaxbanaan lagu sameeyo dilkii 100 qof oo rayid ah toddobaadkii aanu soo dhaafnay la dilay,Balse arrintaas imika laguma heshiin. Source

(SLT-Tell Aviva)-Wargeyska Macaarif ee laga leeyahay Israa’iil ayaa qoray inuu jiro xidhiidh gaar ah oo in ka badan 20 sanno si qarsoodi ah ugu dhaxeeyey Dowladda Imaaraadka Carabta iyo Maamulka Israa’iil. Sidoo kale wargeyska ayaa sheegay inuu jiro iskaashi dhanka Sirdoonka iyo Amniga oo qoto dheer kaasoo ka dhaxeeyo Israa’iil iyo Imaaraadka Carabta. Falanaqeeyaha wargeyskaan u qaabilsan dhanka Sirdoonka Yossi Maiman ayaa sheegay in sababta xidhiidhkooda ay tahay kadib markii uu batay danaha siyaasadeed ee labada dhinac iskaga xidhan. Yossi Maiman ayaa warbixintaan oo la daabacay sabtidii ku sheegay in Abu Dubai ay hormarisay xidhiidhka ay la leedahay Israa’iil, isagoo sheegay inay ula macaamisho sida wadan dhammeystiran. Wuxuu intaas kusii daray in Imaaraadka ay Israa’iil ka caawiso arrimaha Sirdoonka halka Tel Aviv ay iyadana howlo sirdoon ka sameyso gudaha Imaaraadka Carabta. Wargeyska ayaa sidoo kale sheegay in Dowladaha Israa’iil iyo Imaaraadka ay iska kaashadeyn sameynta isbaheysi ay ku mideysan yihiin Imaaraadka, Sacuudiga iyo Masar kaasoo loogu tallagalay in lagu tirtiro Ururka Ikhwaanul Muslimiin. Wargeyska ayaa fashiliyay in Si ay imaaraadka u gaadho danaheeda gaarka ah ay Israa’iil laba qarni bixineysay lacagaha lagu iibinayey Hub farabadan iyo Qalabka difaaca taaso qiimaheeda lagu sheegay Boqolaal Milyaar oo dollarka taasoo laga soo iibinayey dalka Mareykanka, waxayna arrintaas keentay inay Israa’iil xidhiidh wanaagsan la yeelato Imaaraadka Carabta. Imaaraadka ayaa kala shaqeysay Madaxweynaha Mareykanka Trump in Israa’iil laga caawiyo Farsamada casriga ah ee sameynta hubka si ay ugu isticmaasho dagaalka ay kula jirto Falastiin. Shirkadda NSO ee laga leeyahay Israa’iil ayaa dhankeeda Abu Dubai ka caawisay in la siiyo Barnaamijka Pegasus oo sirdoonka Imaaraadka ka caawinayo inay ku dhageysato taleefoonada dadka ay u aragto inay mucaarad ku yihihiin Maamulkooda. Fadeexadaan cusub ee uu faafiyey wargeyskaan laga leeyahay Israa’iil ayaa kusoo beegmaysa xilli ay Dowladaha Carabta si toos ah ula safteen Mareykanka iyo Israa’iil. Source

Wararka ka imaanaya degmada Dhuusamareeb ee gobolka Galgaduud ayaa waxay sheegayaan in deegaan duleedka ka ah degmadaasi lagu dilay Afar qof oo shacab ah. Sidey sheegeen dad ku sugan deegaanka Dhiin-waris oo ku dhow Dhuusamareeb, dadkan ayaa ahaa kuwo ka shaqeeya goob shinnida lagu hayo, waxaana dilay rag hubeysan. Illaa iyo hadda lama oga sababta ka dambeysay dilka dadkan, waxaana meydkooda loo qaaday dhanka degmada Dhuusamareeb. Maamulka Galmudug kama aanu hadal falkan ka dhacay duleedka degmada Dhuusamareeb, waxayna arrintan tahay mid aad loo hadalhayo. Warkaan wixii kusoo kordha kala soco wararkeena kale Goobjoog News Source: goobjoog.com

(SLT-Liibiya)-Hay’adda Dowladda Liibiya ugu qaabilsan Muhaajiriinta aan sharciga ahayn ayaa shaacisay inay ku guulleysatay inay dib u midoobaan qoys Soomaali ah oo si sharci-darro ah ku joogay dalkaasi. Hadal-qoraal oo ay maanta soo saartay Hay’addaasi ayaa lagu sheegay in in Aabaha qoyskaasi oo deganaa Degmadda Garji ee magaalladda Tripoli ay xaaskiisa iyo Wiilkiisa ku kala lumen xaallado aan kala caddayn. Qoyskaasi ayaa la sheegay inay ka diiwaan gashanaayeen Hay’adda QM ugu qaabilsan Arrimaha Qaxootiga ee UNHCR, isla markaana ay u kireysay guri, ilaa ay u ambabaxayaan dal kale. Hay’adda waxay sheegtay in la xaqiijiyey Dukumentiyadda laga rabay xaaska iyo wiilka ambadka ahaa oo la dhigay Faraca Waaxda Socdaalka ee ku taalla degmo ka tirsan Tripoli. Qoyska Soomaalida ee dib u midoobay lama shaacinin magacyadooda, balse, waxaa la soo bandhigay Sawiradooda oo keliya, sida lagu soo daabacay Shabakadda wararka Alwasat ee dalka Liibiya. Source