457173367_3735631239988597_4734066204952880672_n Qaran News

Muqdisho (Caasimada Online) – Xukuumadda ra’iisul wasaare Xamza Cabdi Barre ayaa Muqdisho ugu dabaal-degtay inay labo sano jirsatay. Waxyaabihii ay soo bandhigeen aad uguma qancin dadweynaha, loomana arag wax gaarsiisan faan iyo xaflad intaas le’eg, laakiin waxaa jirta hal arrin oo aan la inkiri karin, taas oo ka qabsoomtay wasaaradda waxbarashada ee dowladda federaalka ah ee Soomaaliya labadii sano ee lasoo dhaafay. Asbuucan waxaa imtixaan u fariistay 13,250 macalin, waxay u tartamayaan shaqo 3,000 macalin oo ay soo bandhigtay wasaaradda waxbarashada ee dowladda federaalka ah ee Soomaaliya. Imtixaankan ayaa lagu galay 45 goobood oo ay wasaaradda diyaarisay oo Muqdisho iyo gobollada dalka ku yaalla. Waa mashruucii labaad ee shaqaaleysiin macalimiin ah. Wasaaraddan waxaa maamula Faarax Sheekh Cabdulqaadir oo ka yimid bahda waxbarashada. Horey waxay wasaaraddan u shaqaaleysiisay 3,000 macalin oo hadda wax ka dhiga dugsiyada ay maamusho dowladda federaalka. Haatana 3 kun oo cusub ayaa la qaadanayaa oo imtixaan u fariisatay, kuwaas oo ay wasaaradda horey u sheegtay in mushaaradkooda la hayo. Shaqaaleysiinta 6,000 macalin muddo laba sano ah waxaa lagu tilmaami karaa shaqadii ugu weynayd oo ay dowladda madaxweyne Xasan Sheekh ka qabato arrimaha bulshada labadii sano ee lasoo dhaafay. Waxay kale oo tani muujineysa waxa u qabsoomi kara dalka haddii wasaarad walba loo dhiibo qof shaqadeeda iyo baahideeda yaqaan. The post Labo sano kadib: Muxuu yahay waxqabadka mudan in lagu bogaadiyo dowladda Xasan? appeared first on Caasimada Online.

Madaxweynaha Kenya, William Ruto ayaa maanta xarunta madaxtooyadda Kenya ka daahfuray ololaha ay Kenya ku raadinayso jagada guddoomiyaha Golaha Midowga Afrika oo uu u sharraxanyahay Raila Odinga. Munaasabadda , ayaa waxaa goobjoog u ahaa inta badan hoggaamiyayaasha bariga Afrika oo ay ka mid yihiin Samia Suluhu (Tanzania), Yoweri Museveni (Uganda), Salva Kiir (South Sudan), iyo Ra’iisul Wasaaraha Burundi, Gervais Ndirakobuca. Madaxweyne Ruto, ayaa munaasabadda ka sheegay inuu casuumay Madaxweyne Xasan Sheekh si uu uga soo qaybgalo daahfurka ololaha musharraxnimada jagada guddoomiyaha Midowga Afrika ee Raila Odinga, oo ay taageerreen hoggaamiyayaashii ka qeybgalay munaasabada, balse Madaxweyne Xasan oo casuumada aqbalay ayaa shalay Ruto u sheegay inuusan imaan karin , isagoo raalli gelin bixiyay, sida u sheegay William Ruto. Soomaaliya oo musharrixii ay u sharraxday jagadan ay isaga hartay tartanta, sababo la xiriira cadaadiska dhinaca hoggaanka Soomaaliya ayaa la aaminsan yahay inay taageerrayso musharraxa Jabuuti oo Wasiirka Arrimaha dibadda Maxamuud Cali Yuusuf , uu u tartamayo jagada Guddoomiyaha Golaha Midowga Afrika , iyadoo musharraxnimada Jabuuti la sheegay inay ka dambeysay inay tartanka isaga harto Fowsiyo Yuusuf Xaaji. PUNTLAND POST The post Madaxweyne William Ruto oo daah-furay ololaha ay Kenya ku raadinayso xilka Guddoomiyaha Midowga Afrika appeared first on Puntland Post.

Muqdisho (Caasimada Online) – Hantidhworaha guud ee Qaranka Axmed Ciise Guutaale oo maanta shir jaraa’id ku qabtay magaalada Muqdisho ayaa soo bandhigay warbixinta baarista ee 2023, taas oo lagu sameeyo hay’adaha kala duwan ee dowladda Soomaaliya. Hantidhowraha ayaa soo bandhigay natiijada shan baaris oo uu kasoo saaray siddeed warbixin oo faah-faahsan, kuwaas oo lagu muujiyay khaladaadka maaliyadda ee jira. “Si waafaqsan Sharciyada Xafiiska Hantidhowrka Guud iyo kan Maareynta Maaliyadda Guud, Xafiiska Hantidhowrka Guud waxa uu la wadaagayaa dadweynaha natiijada 5 baaris oo uu sameeyay, kana soo saaray 8 warbixin” ayaa lagu yiri warbixinta. Baaristan ayaa lagu ogaaday malaayiin dollar oo la waayay isla markaana aan lagu soo shubin qasanadda dhexe ee dowladda federaalka, sida uu shaaciyay Hantidhowraha. Waxaa kamid ah meelaha la tilmaamay saddex safaaradood, qunsiliyad guud iyo laba hay’adood, kuwaas oo uu Hantidhowrku sheegay inay isticlaameen lacagihii ay qabteen, kahor inta lagu shubin qasnadda dhexe ee dowladda. “Dakhli ay qabteen saddex safaaradood, qunsiliyad guud iyo laba hay’adood ayaa lagu isticmaalay isla goobtii lagu qabtay, kahor inta aan lagu shubin qasnadda dhexe ee dowladda, sidoo kalena aan lagu muujin warbixin maaliyadeedka uu soo gudbiyay xafiiska xisaabiyaha guud” ayuu yiri Hantidhowraha guud ee qaranka. Axmed Ciise Guutaale ayaa sidoo kale soo bandhigay lacagaha ku maqan safaaradaha saddexda ah, wuxuuna sheegay inay qabteen ku dhowaad saddex milyan oo dollar,taas oo aysan ku shubin qasanadda dhexe, sidoo kalena aysan soo gudbin xiisaabkii xirkii laga rabay. “Safaaradaha iyo qunsuliyadda la baaray ayaa uruuriyay dakhli dhan 2,790,000 safaaradahan ayaan soo gudbin xisaab xirka sanadlaha ah” ayuu mar kale yiri. Hoos ka daawo:- The post Baaris: Ku dhawaad $3 milyan oo laga waayay qasnada DF – Yey ku maqan tahay? appeared first on Caasimada Online.

Xudur (Caasimada Online) – Warar kala duwan ayaa kasoo baxaya dagaal qaraar oo maanta ka dhacay degmada Xudur ee xarunta gobolka Bakool ee koonfurta Soomaaliya. Dagaalka oo ahaa mid xoogan ayaa waxaa lagu soo warramayaa inuu u dhexeeyay Al-Shabaab iyo ciidamada Itoobiya ee ku sugan halkaasi, waxayna xaaladdu tahay mid cakiran. Ilo dadka deegaanka ah ayaa innoo sheegay in dagaalka uu yimid, kadib markii xoogag Al-Shabaab ay weerar xoogan ku qaadeen saldhig ay leeyihiin ciidanka Itoobiya, waxaana kadib sidaas ku qarxay dagaal foolka fool ah. Dagaalka oo saacado badan qaatay ayaa la’isku adeegsaday hubka noocyadiisa kala duwan, waxaana sidoo kale xigay madaafiic ay rideen ciidanka Itoobiya ee la weeraray. Ma cadda khasaaraha rasmiga ah ee soo kala gaaray labada dhinac, waxaana yar macluumaadka laga helayo dagaalka dhex-maray Al-Shabaab iyo ciidamada Itoobiya. Al-Shabaab oo war kaso saartay dagaalkan iyo weerarka ka horreeyay ayaa guul sheegatay, waxayna sheegtay in khasaare lixaadleh ay u gaysatay ciidanka Itoobiya. Dhankooda saraakiil u hadashay ciidanka la weeraray ee ku sugan magaalada Xudur ayaa sheegay inay iska difaaceen weerarka lagu qaaday, isla markaana haatan ay howlgallo amni xaqiijin ah ka waday aagga lagu dagaalamay. Xaaladda ayaa haatan ah mid deggan, waxaana dib u laabtay maleeshiyaadkii kooxda Al-Shabaab ee weerarka ku qaadan saldhigga ciidanka Itoobiya ee ku yaalla degmada Xudur. Bakool ayaa kamid ah meelaha ay ku xoogan tahay kooxda Al-Shabaab, waxaana sidoo kale kus ugan ciidamada dowladda iyo kuwa Itoobiya ee qaybta ka ah howlgalka ATMIS. The post Al-Shabaab iyo ciidamada Itoobiya oo dagaal culus uu ku dhex-maray XUDUR appeared first on Caasimada Online.

Waxaa dugsiga tababarrada ciidanka Booliska Soomaaliyeed ee jenaraal Kaahiye ee magaalada Muqdisho lagu qabtay Munaasabad tartan qur’aan loogu daahfurayay cutubyo halkaas carbis uga socda oo dhowaan kamid noqan doona Booliska Soomaaliyeed. Munaasabadda ayaa waxaa ka goobjoog ka ahaa wasiirro Xukuumadda Federaalka Soomaaliya ka tirsan, Taliyaha Ciidanka booliska, culumo awdiin iyo saraakiil ka tirsan ciidamada qalabka sida, waxaana masuuliyiintii meesha ka hadlay ay bogaadiyeen tartankan oo ah mid dhif ah markii la fiiriyo shaqooyin adag iyo hab-dhaqanka ciidamada Soomaaliya. Taliyaha Ciidanka booliska Sareeye Guuto Sulub Axmed Firin ayaa sheegay in ay xoogga saarayaan in ciidamadu ay noqdaan kuwo diinta si feecan u yaqaan, islamarkaana askarta ay qoranayaan ay ku dooran doonaan aqoonta iyo xafidsanaanta qur’aanka Eebbe si lamida shahaadooyinka jaamacadaha. Tillaabadan ayaa loo arkaa mid wax weyn ka badeli doonta hab-dhaqanka ciidanka Booliska oo loo baahanyahay inay noqdaan kuwo bulshada saaxiib la noqda, islamarkaana ilaalinta anshaxa guud iyo ka hortagga dembiyada u xilsaaran. Source: goobjoog.com

Sida ay qortay wakaaladda wararka ee Reuters biyo si sare ku socda ayaa burburiyay biyoxidheen ku yaala bariga dalka Suudaan taas oo sababtay in awoodii biyahii socday iyo kuwii biyo-xidheenkuba ay baabi’iyeen ugu yaraan 20 tuulo, waxaana ku dhintay ugu yaraan 30 qof, balse waxaa laga yaabaa in tiro intaas ka badan ay ku dhinteen, sida ay Qarammada Midoobay sheegtay Isniintii, tanina waxay noqonaysaa musiibo kale oo gobolka wajahayo oo markii horeba la daaladhacaayay dagaal sokeeye. Roobab mahiigaan ah ayaa sababay daadad ku soo rogmaday biyo-xidheenka Arbaat maalintii Axadda oo kaliya 40 km (25 mayl) waqooyi ka xiga Port Sudan, oo ah caasimadda hadda ee qaranka iyo saldhigga dawladda, diblomaasiyiinta, hay’adaha gargaarka iyo boqolaal kun oo barakacayaal ah. Xigashada Sawirka,Reuters Qoraalka sawirka,Daadadka Suudaan “Meesha lama aqoonsan karo, waxaa burburay korontadii iyo tubooyinka biyaha,” Cumar Ciise Haaruun, oo ah madaxa maamulka biyaha ee gobolka Badda Cas, ayaa farriin WhatsApp ah u diray shaqaalaha. Mid ka mid ah dadkii ugu horreyay ee soo jawaabay ayaa sheegay in inta u dhaxaysa 150 ilaa 200 oo qof la la’yahay. Waxa uu sheegay in uu arkay maydadka dadka dahabka qoda iyo qaybo ka mid ah qalabkoodii oo daadku ku burburay, waxana uu masiibadaasi barbar dhigay burburkii ka dhacay magaalada Derna ee bariga Liibiya bishii September ee sanadkii hore markii ay dabaylaha wateen ay jabsadeen biyo xidheeno, kaas oo ay qaadeen dhismayaal ay ku dileen kumanaan qof. Bbcsomali Qaran News

Tallaalka furuqa Daanyeerka ee’Mpox’ ayaa soo gaari doona qaaradda Afrika markii ugu horreysay tan iyo markii uu soo baxay nooc cusub oo dilaa ah oo cudurka ah. Toban kun oo dhoos, oo la dalbay ka hor inta uusan cudurka dillaacin, ayaa lagu wadaa in maanta uu gaaro dalka Nigeria. Waxaa jiray baaqyo ku saabsan in la dedejiyo jawaab calami ah oo laga bixiyo cudurkan ‘Mpox’. La-taliye ka tirsan Ururka Caafimaadka Adduunka, Professor Helen Rees, ayaa BBC u sheegtay in ay tahay in si degdeg ah loo oggolaado sharciyeynta daawooyinkan. W-H-O waxay horay ugu dhawaaqday qorshe lix bilood ah oo lagu xakameynayo fiditaanka cudurka mpox. Qaran News

Muqdisho (Caasimada Online) – Wasaaradda waxbarashada Soomaaliya ayaa maanta ku dhawaaqday natiijada rasmiga ah ee imtixaanka shahaadiga ah ee fasalka 12-aad ee dugsiyada sare ee dalka, kaas oo ay u fariisateen illaa 36,034 Arday. Wasaaradda ayaa sheegtay inay imtixaanka ku gudbeen arday gaareysa 33,666 oo dhigata iskuulo kala duwan oo ku kala yaalla magaalada Muqdisho iyo gobollada dalka. Kaalinta koowaad waxaa kusoo baxay Zakariye Xuseen Maxamed oo dhigta iskuulka Al-marwaazi oo ku yaalla degmada Dayniile ee gobolka Banaadir, sida ay shaacisay wasaaraddu. “Kaalinta 1’aad waxaa galay 𝐙𝐚𝐤𝐚𝐫𝐢𝐲𝐞 𝐗𝐮𝐬𝐞𝐞𝐧 𝐌𝐚𝐱𝐚𝐦𝐞𝐝 𝐂𝐢𝐬𝐦𝐚𝐚𝐧, oo ka socday 𝐆𝐨𝐛𝐨𝐥𝐤𝐚 𝐁𝐚𝐧𝐚𝐚𝐝𝐢𝐫, Dugsiga 𝐀𝐥-𝐦𝐚𝐫𝐰𝐚𝐳𝐢 𝐃𝐞𝐲𝐧𝐢𝐢𝐥𝐞, darjada uu heleyna waa 𝟖𝟗%” ayaa lagu yiri warsaxaafadeedka. Waxaa sidoo kale imtixaankan ku dhacay arday badan oo tiradooda gaareysa 2,366 Arday, sida ku cad natiijada ay ku dhowaaqday wasaaradda waxbarashada Soomaaliya. Dhanka kale wasiirka waxbarashada Faarax Sheekh Cabdulqaadir oo ka hadlay munaasabadda ayaa sheegay in dowladdu sannadkan waxbarasho siinayso 3,000 Arday, isla markaana fursad gaar ah la siin doono gabdho soo gudbay. Waxaa kale oo uu xusay in la bari doono tababbar macallinimo iyo Tababbarka Caafimaadka oo la baranayo mudo saddex sanno ah tan oo ah fursad u gaar ah hablaha Soomaaliyeed. Dowladda federaalka ayaa sanadihii ugu dambeeyay qaadeysay imtixaanaadka mideysan ee dugsiyada sare, waana mid kamid ah guulaha waa wayn ee uu dalku gaaray. The post Natiijada imtixaanka dugsiyada sare iyo arday badan oo dhacday appeared first on Caasimada Online.

Taliyaha guud ee ciidanka militariga Itoobiya, Jeneral Birhanu Jula Gelalcha ayaa booqasho rasmi ah ku jooga dalka Morocco, halkaasi oo uu kula kulmay dhiggiisa militariga Morocco. Shir ay ku yeesheen xarunta difaaca qaranka ee ku taalla magaalada Rabat, waxay labada dhinac dib u xoojiyeen iskaashigooda dhinaca militariga iyo sidii loo ballaarin lahaa. Taliyaha militariga Itoobiya ayaa sidoo kale tagay warshadaha difaaca iyo taliska guud ee ciidanka Morocco. Boqortooyadda Morocco ayaa mashaariic kala duwan ka fulisa Itoobiya oo ay sidoo kale taageerto hay’adaheeda, mid ka mid ah mashaariicdaa waa warshad bacriminta beeraha oo laga dhisayo Diridhaba, iyadoo mashruucaa uu ku baxayo in ka badan 3.7 bilyan oo dollar. Boqorka Morocco ayaa sidoo kale 2016 booqasho rasmi ah ku tagay Addis Ababa. Dalalka ku yaalla gobolka Maghreb ee Waqooyiga Afrika ayaa xiriir wanaagsan la leh Itoobiya, iyagoo ku jira jaamacadda Carabta , haddana bilowga xiisadda badda ee Itoobiya iyo Soomaaliya dalalkaasi waxay taageereen Itoobiya. PUNTLAND POST The post Taliyaha guud ee ciidanka militariga Itoobiya oo booqasho rasmi ah ku jooga dalka Morocco appeared first on Puntland Post.

MOGADISHU (Xinhua) -- Lido Beach in the Somali capital of Mogadishu used to be a popular hangout spot surrounded by striking beach hotels and restaurants, which were a favorite for many Somalis who spent time with family and friends and enjoyed the beauty of the Somali coastline. Source: Hiiraan Online

Ciidamada Israa’iil oo ku hubaysan taangiyada dagaalka ayaa Qaramada midoobey ku qasbay in ay hakiyaan howlihii gargaarka ee ay ka wadeen Deir el-Balah oo ku taal bartamaha Gaza. Qaramada Midoobey ayaa xaqiijisay in lagu qasbay in ay hakiyaan howlihii gargaarka ee Gaza, ka dib markii ay ka soo guureen Rafah oo ciidamada Israa’iil ay duullaan dhulka ah ku qaadeen horaantii sanadka. Wararkii u dambeeyay ayaa sheegay in saaka aroortii ciidamada Israa’iil oo weeraray Dier el-Balah iyo Khan Younis ay dileen ugu yaraan 14 qof, sida ay ku warameen wariyaasha ku sugan Marinka Qaza. Agaasimaha Cisbitaalka Kamaal Adwan ee Beit Lahia ayaa sheegay in Isreal ay diidday shidaalka qaybta caafimaadka, ayna doorbideyso in gabi ahaanba la burburiyo. Tirada dhimashada Falastiiniyiinta ayaa mareysa ugu yaraan 40,476 qof ,halka dhaawacana lagu sheegay 93,647 tan iyo dagaalkii bilowday 7-dii Oktobar ee sanadkii tagay. PUNTLAND POST The post Ciidamada Israa’iil oo Qaramada Midoobey ku qasbay in ay hakiyaan Gargaarkii Marinka Gaza appeared first on Puntland Post.

Ugu yaraan 73 qof ayaa lagu dilay gobolka Balochistan ee dalka Pakistan, kadib markii kooxo gooni u goosad ahi ay weerareen saldhigyada boolis , khadad tareen iyo waddooyinka waaweyn oo halkaas ku yaallay, waxaana ciidamada ammaanku ay bilaabeen howlgallo aargoosi ah, sida ay saraakiishu sheegeen deegaanku. Weeraradan ayaa ah kuwii ugu balaarnaa muddo sanado ah oo ay gaysteen kooxaha xagjirka ah oo wada kacdoon ay ku doonayaan ​​in ay uga go’aan gobolka wax soo saarka qaniga ku ah ee Koonfur-galbeed ee dalkaasi Pakistan ku yaalla ee Balochistan, halkaas oo ay ka socdaan mashaariic waaweyn oo Shiinuhu hormuud ka yahay sida deked iyo macdan dahab iyo naxaas ah. “Weeraradani waa qorshe si weyn looga fakaray oo lagu abuurayo fowdo gudaha Pakistan,” ayuu wasiirka arrimaha gudaha Mohsin Naqvi dalkaas oo arrin si kulul uga hadlay, Milateriga Pakistan ayaa ayaguna sheegay in askar badan iyo iyo maleeshaad lagu dilay dagaal dhacay ka dib weeraradii ugu weynaa ee dadka lagu laayay. Mid kamida masuuliyiinta sar sare ee gobolka Balochistan ayaa sheegay in 38 qof oo rayid ah la dilay, Saraakiisha deegaankuna waxay ay xaqiijiyeen in 23 ka mid ah lagu dilay weerar ka dhacay wadado gaadiidku maraan dad badan lagu diley, weeraradan ayaa ku soo badanaya gudaha Pakistan, ayadoo maalmo ka hor la diley ku dhowaad 20 askari oo booliis ah, ka dib markii weerar gaadmo ah lagu qaaday goob ay roondo ka wadeen. Source: goobjoog.com

Muqdisho (Caasimada Online) – Waxaa maanta magaalada Muqdisho ka furmay shir muhiim ah oo u dhaxeeya dowladda federaalka Soomaaliya iyo dowlad goboleedyada, kaasi oo qeyb ka yihiin wakiiladda caalamka. Shirkan oo uu daah-furay wasiirka arrimaha gudaha Soomaaliya Cali Yuusuf Xoosh waxaa goobjoog ka ahaa qaar ka tirsan wasiirrada arrimaha gudaha ee dowlad-goboleedyada, maamulka gobolka Banaadir iyo saxiibada caalamka. Wasiirka arrimaha gudaha oo halkaasi ka hadlay ayaa ku dheeraaday guulihii mashruucii dhammaaday ee JPLG, isaga oo sheegay in muddada uu socday 15 sano ah laga hirgeliyey dhammaan dowlad goboleedyada iyo maamullada dalka sida; Somaliland, Puntland, Galmudug, Hirshabeelle, Koonfur Galbeed, Jubbaland halka gobolka Banaadirna uu wax badan ka helay ayna ka faa’ideysteen 46 degmo oo dalka ah. Waxaa kale oo uu qeyb ka ahaa qorshayaasha magaalooyinka iyo kobcinta dakhliga degmooyinka, dhismaha goobaha lagu qabto adeegyada aasaasiga ah sida waxbarashada, caafimaadka, biyaha iyo faya dhawrka., kaabayaasha degmooyinka sida; wadooyinka, isbitaallada, iskuullada, ceelasha iwm. “Wasaaradaha Arrimaha Gudaha ee Dowlad Goboleedyada, SSC-Khaatumo iyo Maamulka Gobolka Banaadirna waa ku bogaadinayaa hawlaha ay wadaan waxaana kula dar-daarmayaa inay labo-jibaaraan dadaalkiis si adeegga iyo dowladnimadaba loogu dhoweeyo muwaadiniinta,” ayuu yiri wasiirka. Sidoo kale, wasiir Cali Xoosh ayaa shaaciyay 5 faa’iido oo muhiim ah oo uu xambarsaan yahay mashruuca uu ku saabsan yahay shirkan maanta u furmay dowladda dhexe iyo dowlad goboleedyada, kuwaas oo kala ah; 1. In saldhig looga dhigo, oo lagu dul shaqeeyo Mashruucii JPLG sida dhameystirka mashaariicdii socotay ee dowladaha hoose. 2. Dowlad-Kaab waxaa la socda mashaariic cusub oo la fulin doono 5-ta sano ee soo socota. 3. Dowlad-Kaab inta uu socdo waxaa la ballaarin doonaa degmooyinka iyada oo la tayeyn doona howlaha. 4. Dowlad Federaalka ah, waxaa ka go’an in Mashruucan Muhiimka ah loo qareemmo, oo dhaqaale loo raadiyo. 5. Mashruucan Dowlad-Kaab waxaa uu kabi doobaa dhismaha Mashaariic dhismo ee Dowlada Hoose ee soo socda. The post Xogta shir Muqdisho uga furmay DF iyo maamullada oo qeyb ka tahay beesha caalamka appeared first on Caasimada Online.

Natiijada imtixaanka dugsiga sare ee fasalka afraad (2023/2024) ee Soomaaliya waxaa shaacisay Wasaaradda Waxbarashada, Hiddaha, iyo Tacliinta Sare. Munaasabadda lagu dhawaaqay natiijada waxaa kasoo qaybgalay mas’uuliyiin heer sare ah. Sanadkan Imtixaanka fasalka 12aad waxaa si rasmi ah ugu fadhiistay 36,035 oo arday, Waxaa la baabi’iyay natiijada 2,905 arday oo lagu qabtay qish intii uu socoday Imtixaanka. sidoo kale imtixaanka waxaa ku dhacay 2,366. kaalinta 1’aad waxaa galay 𝐙𝐚𝐤𝐚𝐫𝐢𝐲𝐞 𝐗𝐮𝐬𝐞𝐞𝐧 𝐌𝐚𝐱𝐚𝐦𝐞𝐝 𝐂𝐢𝐬𝐦𝐚𝐚𝐧, oo ka socday 𝐆𝐨𝐛𝐨𝐥𝐤𝐚 𝐁𝐚𝐧𝐚𝐚𝐝𝐢𝐫, Dugsiga 𝐀𝐥-𝐦𝐚𝐫𝐰𝐚𝐳𝐢 𝐃𝐞𝐲𝐧𝐢𝐢𝐥𝐞, waxa uuna helay darjo ahaa 𝟖𝟗%. Natiijadan waxay muujineysaa horumarka iyo dedaallada ay Soomaaliya ugu jirto tayaynta waxbarashada, iyada oo imtixaanada noocan oo kale ah ay ka tarjumayaan kobaca nidaamka waxbarashada ee dalka. Source: goobjoog.com

457173470_1230355124638013_7580782103931410928_n Qaran News

Dowladda Soomaaliya ayaa sheegtay in ay xabsiyada dalka Suudaan gaar ahaan, magaalada Portsudan ka soo dayeen 31 dhalinyaro Soomaaliyeed oo muddo ku dhow 5 bilood ku xiraa halkaas, kuwaas oo maanta loo soo dhoofiyay Dalkooda Hooyo. Sii hayaha Safaaradda Soomaaliya ee dalka Suudaan oo la hadlay Wakaaladda Wararka SONNA ayaa u sheegay in ay xabsiyada dalka Suudaan gaar ahaan, magaalada Portsudan ka soo dayeen 31 dhalinyaro Soomaaliyeed oo muddo ku dhow 5 bilood ku xiraa halkaas, kuwaas oo maanta loo soo dhoofinayo Soomaaliya. “Waxaan noo suurto gashay inaan ka soo deyno xabsiyada magaalada Portsudan dhalinyaro soomaaliyeed oo kooxaha dadka tahriibiya ay si qaldan dalkooda uga soo tahriibiyeen, kuwaas oo gaaraya 24 wiil iyo 7 gabdhood , waxayna ku xirnaayeen xabsiyada mudo 5 bilood ku dhaw” ayuu yiri siihayaha Safaaradda Suudaan ee Soomaaliya Axmed Cabdi Xassan( Axmed Suudaani). Sii hayaha Safiirka Suudaan Amb Axmed Cabdi Xassan( Axmed Suudaani) ayaa sheegay dhanka kale sheegay in 11 dhalinyaro tahriibayaal Soomaaliyeed ah oo laga soo daayay xabsi ku yaala magaalada Dungula oo Portsudan u jirta kun KM ku dhawaad, lagala dagay baskii ay saarnaayeen, kuwaas oo aan laheyn ilaa hadda meesha la geeyay, balse uu tilmaamay in daddaal ku aadan helidda dhalinyaradaas ay wado Safaaradda. “Waxaa kaloo jira dhalinyaro gaaraya 11 oo iyagoo tahriibaya lagu xiray magaalada Dungula oo Portsudan u jirta 1000 KM ku dhawaad ,laakiin iyagoo loo soo wado Portsudan si aan ugu dhoofino halkaan ay koox hubaysan ay si xoog ah ugala dageen basaskii waday ilaa iyo hadan war laga haynin halka lageeyey” ayuu yari Amb Cabdi Xassan. ( Axmed Suudaani). Amb Cabdi Xasan ayaa sheegay in Koox hubeysan oo sitay qoryo inay baska istaajiyeen, dhaawacnna u geystay askartii waday dhalinyarada kana qaatay agabkii ay wateen, cagahana ka banjariyay baskii, kuwaas oo uu tilmaamay in loo badinayo inay ahaayeen maleeshiyaadkaas kuwii marka hore ka soo tahriibiyay Soomaaliya. “Suudan waxa ka jira Dagaal Sokeeye qofka ajaanibka ah ee sife qaldan ku soo galaa waxa loo arki karaa inuu yahay calooshiisa u shaqaysta raba inuu ka qayb noqdo dagaalka Sokeeye wuxuuna mudan karaa Xabsi dheer” ayuu yiri Sii haya Safiirka Safaaradda Soomaaliya ee dalka Suudaan. Sii hayaha Safaaradda Suudaan ee Soomaaliya Axmed Cabdi Xassan ayaa uga mahadceliyey madaxda Suudaan iyo hay’adda IOM oo kaalin wayn ka qaatay badbaadinta dhalinyarada Soomaaliyeed ee ku xirnaa halkaas. PUNTLAND POST The post Dowladda Soomaaliya oo dalka Suudaan ka soo deysay 31 dhalinyaro Soomaaliyeed ah appeared first on Puntland Post.

London, UK (HOL) — A Somali-born man with a decades-long criminal record has successfully avoided deportation from the United Kingdom after arguing that returning to Somalia would exacerbate his drug addiction. Source: Hiiraan Online

Garoowe (Caasimada Online) – Maamulka Puntland ayaa shaaciyay inuu Ma-gafe u aqoonsaday madaxweynaha Soomaaliya Mudane Xasan Sheekh Maxamuud. Wasiirka warfaafinta Puntland Maxamuud Dirir ayaa ku dhowaaqay arrintaan, isaggoo madaxweyne Xasan Sheekh ku eedeeyay inuu xanibay dhamaan mashaariicdii laga fulin lahaa deegaanada maamulka, inkasta oo dowladda dhexe ay horey ugu eedeysan Deni inuu hortaagan yahay arrintaan. Wasiirka oo wareysi siiyay Radio Daljir ayaa madaxweyne Xasan Sheekh u adeegsaday magaca Ma-gafe oo sida caadiga ah loo yaqaan shakhsiyaad qawleysato ah, kuwaasi oo lacag madax-furasho ah ka qaata tahriibayaasha. “Xasan Sheekh Maxamuud waa Ma-gafe waxa uu isbaaro u dhigtay dhammaan mashaariicdii horumarinta ee laga fulin lahaa Puntland,” ayuu yiri wasiirka warfaafinta Puntland. Waxa uu intaas kusii daray “Waxa uu rabaa in haddii aan isagu maamulayn uu sidaasi ku xannibo marka wa qof Ma-gafe ah oo isbaaro dhigtay.” Sidoo kale wuxuu madaxweyne Xasan ku eedeeyay dastuur jebin iyo ku tumashada sharcigii lagu soo doortay, uuna ku howlan yahay baabi’inta nidaamka dowladnimada Soomaaliya, taasi oo uu sheegay inay tahay mid aan gebi ahaanba la aqbali karin. Maamulka Puntland iyo dowladda dhexe ayaa muddo si toos ah u wada-shaqeyn, ayada oo uu si weyn u saameeyay khilaafka labada nin ee u sareeye waa Xasan Sheekh iyo Saciid Deni, kuwaas oo isa seegay tan iyo markii uu Xasan magacaabay xilka ra’iisul wasaaraha. The post Puntland oo MA-GAFE u aqoonsatay madaxweyne XASAN + Sababta appeared first on Caasimada Online.

Recep Tayyip Erdogan's government seeks to shore up trade and strategic interests across the continent Source: Hiiraan Online

More than 90,000 women and girls living in Canada may have experienced FGM/C, StatCan estimates Source: Hiiraan Online

Trouble has horns to hold but not tails. This Somali proverb, suggesting that disaster can be prevented but not easily controlled, feels very apt for East Africa right now. Trouble has certainly arrived. Thanks to Prime Minister Abiy Ahmed of Ethiopia’s expansionist ambitions and reckless designs, the Horn of Africa is on the cusp of a war that would imperil the region and rebound against the rest of the world. It must be stopped before it’s too late. Source: Hiiraan Online

Waan ku faraxsanahay hadalkii caal waaga ahaa ee ka soo yeedhay raisalwasaaraha kooxda Dhaxal Talyaani(ibrahim Hawd). Hadalkaas iyo weerarka kooxdaas oo mideeyay quluubtii kala jeeday ee shacabkii somaliland ee siyaasigoodu qaybiyay markii horeba. Waa mahad eebe hadii siyaasiyiintii somaliland la jaan qaadeen shacabka somaliland ee xariirta ah. Somaliland waxa loo baahan yahay in Madaxweynuhu isugu yeedho dhamaan daneeya yaasha siyaasada sida labada xisbi mucaarad madaxdooda iyo ururada. Waxa loo baahan yahay Madaxweyne Biixi inuu ku hogaamiyo dagaalkan midnimo qaran iyo wada jir. Somaliland kumay iman baryo iyo calaacal ee waxay ku timi cid waliba way ka dhereg santahay. Waxa Somaliland looga baahan yahay inay qaado talaabo degdeg ah oo soo hor dhigto beesha caalamka inaanay jirin wax somali Republic la yidhaahdaa waa in si degdeg ah Somaliland u tagtaa ICJ maxkamada caalamiga ah. Arinka furaha telefoonka ee 252 waxa iska lahayd Somaliland magaceedana waa lagu diiwaan geliyay. Somaliland waa inaanay kooxda Villa Wardhiiglay ugu yeedhin dawla iyo maamul toona. Waxa lagama maarmaan ah in somaliland isticmaasho goobtan istiraatiijiga ah ee ay ku taalo, waa inaanay ku koobnaan Ethiopia iyo dawladaha reer galbeedka qudha waa in si degdeg ah loogu diraa wafti Moscow iyo wadamada kale ee kala danta yihiin USA iyo GB arintaas oo soo dedejinaysa in caalamka dhakhso u soo faro geliyo. Ibrahim Duale Sulaiman Qaran News

Garowe (HOL) — Puntland security forces have seized a cache of "suicide" drones—weaponry not previously seen in Somalia—and arrested seven individuals believed to be linked to either Al Shabaab or Daesh. The discovery of these drones could alter the tactics of insurgent groups in the region. Source: Hiiraan Online

Muqdisho (Caasimada Online) – Waxaa si rasmi ah u howl-gashay xarunta bangiga dhiigga qaranka, taas oo si toos ah u shaqeyn doonta wixii maanta ka dambeeya, sida uu ku dhowaaqay wasiirka caafimaadka Soomaaliya Dr. Cali Xaaji Aadan. Munaasabadda shaacinta ololaha dhiigga bixinta ayaa waxaa wasiirka ku wehlinayey xidhibaano ka tirsan BF, agaasimaha guud ee wasaaradda caafimaadka Dr. Guuleed Cabdijaliil, maamulka agaasimaha bangiga dhiigga, agaasimaha isbitaalka Banaadir iyo xubno kale. Dhamaan madaxdii maanta tagtey ee uu hogaaminayey wasiirka caafimaadka ayaa dhiigooda ku deeqey waxay noqdeen mas’uuliyiintii ugu horreysey ee si mutadawacnimo ah usii bixiya maadaama ololahan ay ka wada qeyb qaadan doonaan dhammaan muwaadiniinta Soomaaliyeed. Dhismaha bangiga dhiigga ayaa soo marey heerar kala duwan waxaana ugu dambeyn lagu guuleystey dhamaystirkiisa iyo in uu si toos ah u howl-galo maalintii shalay oo ay taariikhdu aheyd 26, August 2024. Tan ayaa qeyb ka ah gaaritaanka yoolka horumarinta caafimaadka guud ee dalka, sidoo kale wuxuu si weyn u xoojin doonaa silsilada sahayda caafimaadka ee xudunta udub dhexaadka u ah kaydinta dhiiga iyo muwaadinku si sahlan uu uga dhiman dhiig la’aan. Howl-galinta Bangiga dhiigga waa tallaabo aad u wayn oo loo qaaday dhinaca horumarinta adeegyada caafimaadka guud ahaan, sidoo kale waa tallaabo horay loogu qaaday xaqiijinta hiigsiga xukuumadda Dan-Qaran ee ku qeexan qorshaha qaranka, sida ay sheegtay wasaaradda caafimaadka. Sidoo kale waa tallaabo door muhiim ah ka ciyaareysa yoolka fog ee ah in ay bulshadeennu ku naalooto caafimaad haqab-tiran. Bangigan ayaa fududayn doono hellitaanka dhiigga xilli kasta oo loo baahan yahay iyo in muwaadinka Soomaaliyeed la yiraahdo dhiig baa loo waayey, taas oo caqabad wayn ku aheyd in muwaadinka u baahan loo hello gargaarka dhiigga, waxa uuna bangigan ka qayb qaadan doona in ay fududaado bixinta adeegga caafimaadka gaar ahaan xilliyada gurmadka. Wasiirka wasaaradda caafimaadka iyo daryeelka bulshada xukuumadda federaalka ayaa sidoo kale ku dhawaaqey ololaha bulshada Soomaaliyeed ugu qeyb qaadan karto keydinta dhiigga si looga maarmo in mararka ay dhacdo xaaladaha deg-degga ah in baraha bulshada laga naadiyo dhiigagga loo baahan yahay ama la waayo. Wasaaradda caafimaadka ayuu sheegay inay ka go’an tahay horumarinta iyo tayeynta caafimaadka, si loo gaaro yoolka fog ee hiigsiga horumarinta caafimaadka, maadaama caafimaadku yahay kan ugu muhiimsan adeegyada bulshada. The post Maxay tahay xarunta sida weyn loogu baahna ee si rasmi ah u daah-furtay DF? + Sawirro appeared first on Caasimada Online.