Dowlad deegaanka Soomaalida ayaa ku guuleystay tijaabada nooc cusub oo bariis ah, kaas oo lagu beeray degaanka beer-caano ee dhuleed magaalada Godey, waxaana munaasabad halkaas lagu qabtay lagu soo bandhigey wax soo saarka dalaggan aan ku badnayn beeraha dhulka Soomaalida. Bariiskaan oo laga tacbay mashruuca waraabka ee ka socda galbeedka magaalada Godey ee gobolka Shabeelle, ayaa munaasabadda lagu soo bandhigayay waxaa ka qeyb-galay madaxda ka socatay dowladda federaalka Itoobiya oo uu hormuud u ahaa ra’isulwasaare ku xigeenka dalkaas iyo madaxweynaha Dowlad-deegaanka Soomaalida Mudane mustafe Cagjar. Wasiirka Xaafiiska beeraha deegaanka Soomaalida mudane Cabdulqadir Iimaan oo warbaahinta la hadlay ayaa sheegay inay tabcidda bariiskan billaabeen bishii 5-aad ee sanadkan, islamarkaana ay doonayaan in mustaqbalka dhow uu deegaanku soo saarto dalag bariis oo baahidiisa ku filan. Sidoo kale wuxuu tilmaamay in mashruucan mid lamida ay horay uga hirgeliyeen gobolka Siti ee deegaanka Soomaalida, islamarkaana uu mira-dhal noqday oo hadda wax soo saarkiisu uu meel feecan marayo. Dhulka Soomaalida ayaa intii hadan ah carro hodan ah oo wax walba lagu beeran karo, balse raashinka iyo waxyaabaha kale ee dadka Soomaalidu ay sida maalinlaha ah u isticmaalaan intooda badan dibedda ayaa laga soo dhoofiyaa, ayadoo aan cidina waqti iyo tacab badan galinayn sidii wax soo saarka gudaha loo xoojin lahaa. Source: goobjoog.com

Hargeysa (Caasimada Online) – Waxaa markale ka dilaacday gudaha Somaliland jabhad cusub, taasi oo saldhigatay goob aan masaafo ahaan kasii fogeyn magaalada Hargeysa ee caasimada Somaliland. Jabhaddan ayaa hadda saldhig ku leh degmada Balligubadle ee gobolka Hawd ee Somaliland oo qiyaastii magaalada Hargaysa 65KM koofurta kaga beegan, una dhow xuduudda Itoobiya. Haddaba maxay tahay jabhaddan iyo ujeedka ka dambeeya? Jabhaddan ayaa ka dhalatay cadaalad darro ay Somaliland ka tirsanayaan shacabka deegaanka Balligubadle, gaar ahaan saami-qeybsiga maamulka, sida uu sheegay Iid Jiciir Aw-Axmed oo deegaanka ka soo jeeda, kana mid ahaa xubnihii SNM. Ninkan oo xog ogaalna u ah sidii ay jabhaddan ku bilaabatay oo la hadlay BBC ayaa waxa uu yiri “Balse waa mid ku timid rabitaanka shacabka deegaanka Balligubadle oo tirsanayey cadaalad darro dhanka baarlamaanka iyo doorashooyinka a.” Waxa uu intaas kusii daray “Markii la dhagaysan waayey ayaa rag dhallinyaro ah oo deegaanka ka soo jeeda ay hubka qaadeen, ayagoo diiddanaa sida wax loo wado.” Qiyaasta tirada raggaas ayuu sheegay inuusan ogeyn, balse ay u badan yihiin rag ka soo jeeda beesha degta Balligubadle, isagoo markaa iska ilaalinayey in uu tiro khaldan bixiyo, wuxuuse intaa ku daray in jabhaddu ay samaysantay muddo qiyaastii aan bil iyo bar ka badnayn. Iid oo ka mid ah dadka deegaan ahaan loo tiriyo jabhadaas laakiinse aan xubin ka ahayn wuxuu BBC u xaqiijiyey xog markii horeba soo gaartay oo ah in jabhadaas ay diiddan tahay doorashooyinka isku sidkan ee lagu wado inay dhacaan bisha Nofembar. “Tabasho iyo cadaalad darro weli halkeedii taagan oo aan la xallin ayey jabhaddu ka aasaasantay, taasoo ah mid ay qabaan reerka reer Balligubadle. Somaliland waxay ku aasaantay saami qaybsiga beelaha, markii loo gudbay dimoqaraadiyadda waxaa yimid xeerar wada qabyo ah oo kan baarlamaanku ka mid yahay oo dadku aysan kuraasta isku si ugu soo baxayn,” ayuu yiri. Waxa uu hadalkiisa sii raaciyay “Bil matal, waxaa jira laba xildhibaan oo midna uu ku dhacayo 5,500 oo cod, midna uu ku soo baxayo 800 oo cod, waana wax qof u fiirsaday mooyee uusan qof kale garan karin, waxayna arrimahaas ka mid yihiin arrimaha tabashada ee beeshan ay qabto.” Dhinaca kale, Suldaan Abshir Cabdi Boodhle oo kamid yahay odayaasha dhaqanka ee deegaankaas ayaa isna meel fagaare ah ka taageeray Jabhaddan, isaggoo yiri “Reerkii aan wax u doonnay ee aan wax ugu maqnayn halkaasey maanta ku dhan yihiin, waxaannu qaadannay wax allaale wixii ay qaateen, sababtoo ah wax noo hooseeya ma jiro.” Si dhab ah looma oga halka uu ku dambeyn doono jiritaanka jabhadda, ayada oo horey Somaliland uga sameysmeen jabhaddo badan, kuwaas oo markii dambe arrintooda lagu dhameeyay waan-waan iyo heshiis ay la gashay xukuumadda. The post Maxaan ka naqaan Jabhadda cusub ee ka dilaacday duleedka Hargeysa appeared first on Caasimada Online.

Muqdisho (Caasimada Online) – Maraakiib dagaal oo ka socda Turkiga ayaa ku soo wajahan biyaha Soomaaliya, tan oo qeyb ka ah heshiiskii difaac ee labada dal ay qalinka ku duugeen. Maraakiibta dagaal ayaa biyaha Soomaaliya ka ilaalin doonaan cadowga ku soo xad-gudba xeebaha, kalluumaysiga sharci-daradda, sunta lagu soo shubo iyo wixii la mid ah. Sidoo kale Turkiga ayaa ciidamo badeed u dhisaya dowladda Soomaaliya, sida uu qabo heshiiska iskaashiga difaaca badda iyo dhaqaalaha. Sidoo kale, waxaa la filayaa in dhamaadka bisha September ama bilowga October uu Turkiga usoo diro xeebaha Soomaaliya markab kale oo shidaal baaraya oo saddex balook oo badda dhexdeeda ah loo malaynayaa in gaas iyo saliid ay dhex ceegaagaan. Shaqadan ayaa waxaa loo xil-saarya shirkad dowladda Turkiga leedahay ee TPAO, taas oo qabaneysa baarista iyo soo saarka shidaalka Soomaaliya, iyadoo taasi muujineyso sida Turkiga uga go’an tahay inuu Soomaaliya kaalmo waaweyn ka qaato siiba dhinacyada dhaqaale kabis, dhisid ciidan oo cudud xooggan leh iyo abuurid ilo dhaqaale oo cusub. Waxaa kale oo xusid mudan in Turkiga shirkado laga leeyahay ay haatanba maamulaan garoonka diyaaradaha Adan Cadde iyo dekedda oo ah illaha dhaqaalaha ugu weyn dalka, iyadoo dhanka militeriga ay dowladda Turkiga tababarto ciidamo booliska iyo militeriga ka tirsan iyo kuwa cirka, taasi oo qeyb uga qaadaneyso dib u dhiska ciidanka qaranka oo lagu wado inay mas’uuliyadda amniga kala wareegaan ATMIS marka la gaaro bisha December ee sanadkan. Dabayaaqada sanadkaan ayaa lagu wadaa in la soo saaro shidaalkii ugu horreeyay ee laga qodo gudaha Soomaaliya, kaasi oo la filayo in uu noqdo maaddada ceeriinka ah, kadibna loo diri doono tijaabo baaritaan, sida uu kal hore sheegay wasiirka batroolka iyo macdanta ee Soomaaliya. Dowladda Soomaaliya ayaa sidoo kale rajeynaysa in shidaal qodista la bilaabo horraanta sanadka 2025-ka, sida uu sheegay wasiirka batroolka, iyada oo dowladda federaalka ay tallaabooyin dhowr ah u qaaday in laga faa’iideysto khayraadka shidaalka, waxayna heshiis arrinkaas ku saabsan la gashay dowladda Turkiga. The post XOGTA maraakiib dagaal oo kusoo wajahan SOOMAALIYA appeared first on Caasimada Online.

Taliyaha Ciidanka Booliska Puntland sareeyo guuto Muumin Cabdi Shire ayaa shir gudoomiyey shirka saraakiisha booliska Gobolka Mudug oo looga hadlayey hormarinta amniga Gobolka iyo dardargalinta shaqooyinka horyaala. Shirka waxaa ka qayb-galay Taliyaha qaybta Booliska gobolka mudug G/sare Maxamud Cabdixakiin Yusuf,taliyaha kuxigeenka hogaanka ilaalada canshuuraha G/Sare Ciise Axmed Maxamud,taliyaasha laamaha Gobalka,taliyaasha saldhigyada magaalada Galkacyo iyo saraakiisha Amniga booliska Gobalka. Taliyaha qaybta Booliska Gobolka Mudug G/sare Maxamud Abdixakiin Yusuf ayaa warbixin guud kasiiyey ,taliyaha ciidanka booliska dowlada Puntland sareeyo guuto Muumin Abdi Shire shaqada Amniga gobalka iyo xaaladihii amni ee u danbeeyey,iyadoo hormar fiican laga sameeyey dhanka amniga iyo wadashaqaynta bulshada iyo booliska Gobalka. Taliyaha Ciidanka booliska dowlada Puntland sareeyo guuto Muumin Abdi Shire ayaa ugu horeyn warbixin guud kasiiyey saraakiisha booliska Gobalka mudug qorshaha hormarineed,dhisme iyo tayeyneed ee lagu wado ciidanka booliska dowladda Puntland,taas oo ay muhiim tahay in ciidanka boolisku noqdo mid kuqalabaysan aqoon iyo xirfad. Ugu danbayn Taliyaha Ciidanka Booliska dowladda Puntland Sarreeye Guuto Mumin Abdi Shire ayaa saraakiisha Ciidan booliska Gobalka Mudug kubogaadiyey shaqada ay u hayaan bulshadda sidoo kalana faray iney labo jibaaraan shaqada ay u hayaan dalka,dadka iyo diintooda,lagana hortago kuwa cadowga ku ah nolasha dadka reer Puntland. PUNTLAND POST The post Saraakiisha Booliska Puntland oo shir ka yeeshay Amniga magaalada Gaalkacyo appeared first on Puntland Post.

The United Nations security council unanimously voted on 15 August 2024 to extend the mandate of the 12,626 men and women of the African Union Transition Mission in Somalia (Atmis). Source: Hiiraan Online

Kulan ay maanta isugu yimaadeen hogaanka dhaqanka ee beelaha West Burco Clan,ganacsatada, xildhibaano culimo awdiin iyo aqoonyahano ayaa waxa ay ka soo saareen baaq nabadeed oo ku saabsan colaada gobolka Sanaag in lagu soo af jaro nabad Waxa ay ku baaqeen in colaadaasi si deg deg ah loo joojiyo colaada Waxa ay labada beelood ee walaalaha ah ugu baaqeen nabad Qaran News

Muqdisho (Caasimada Online) – Maxkamadda ciidmada qalabka sida ayaa maanta go’aan ka soo saartay kiiska Dable Nisa Mahad Cali Cabdi (Madaxeey) iyo Dable Bol. Cadnaan Muuse Maxamed oo ka wada howl-galayay bar lagu hubiyo gaadiidka oo ku taalla isgoyska Taleex ee degmadda Hodan. Labada sarkaal ayaa ku eedeysan dil ka dhashay is qab-qabsi ka bilowday deysmada mid ka mid ah gaadiidka dadweynaha oo ay la socotay haweeney iyo cidda iska leh ka gudashada waajibka hubinta iyo amarka fasaxida. Arrintaan ayaa markii dambe isku beddeshay in hub la isku adeegsado, waxaana 27 bisha 6 ee sanadkaan is rasaaseen xaafadda Taleex ee Degmadda Hodon ku dhex-martay Dable Nisa Mahad Cali Cabdi “Madaxeey” iyo Dable Bol. Cadnaan Muuse Maxamed. Rasaasta ayaa waxaa ku dhintay Cabdiraxmaan Cusmaan Muuse oo ku howlanaa xalinta khilaafka ka dhex jiray labadooda. Baaris dheer kadib xafiiska xeer ilaalinta ciidamada ayaa codsaday qaadista kiiskaan, waxaana laga oggolaaday toban iyo todobadii bishaan. Garsoorka maxkamadda ciidamada qalabka sida oo waqti ku filan siiyey dhinacyadda dacwadda ayaa ugu dambeyn maanta ku xukuntay Mahad Cali Cabdi (Madaxeey) dil toogasho oo ah qisaasta marxuum Cabdiraxmaan Cusmaan Muuse, halka Cadnaan Muuse Maxamed uu Garsoorku amray in Xoriyadiisa la siiyo. Sida uu warbaahinta u sheegay Gaashaanle sare Xasan Cali Nuur Shuute guddoomiyaha maxkamadda darajada koowaad ee ciidamadda qalabka sida. The post Xukunka dil ka dhashay haweeney mareysay bar kontorool oo ku taal Muqdisho appeared first on Caasimada Online.

Beelaha wada dega gobolka Sanaag ayaa si deg deg ah waxa ay u abaabuleen in colaada Goof ka bilaabmatay ay si dhekhso ah u xaliyaan oo u soo af jaraan. Sida ay xaqiijiyeen ilo mihiim ahi waxa meel fiican maraysa oo bilow ah in labada beelood ee isku dilay Goof la dhex dhigo nabad waarta. Beelaha Warsangali, East Burco Clan iyo Gahayle ee wada dega gobolka ayaa arinkaasi u guntaday waxan la rajaynayaa in colaadaasi lagu soo dabaalo nabad galyo waarta beelahani ay colaadu dhex martay ayaa ah kuwo aan sinaba u kala maari karin iyaga oo ah dad walaalo ah oo ah wiil iyo abtigii isla markaasina dad wada dega oo noloshoodu isku xidhantahay. Hore waxa u soo baxay baaqyo nabadeed oo beelahaasi ay u direen higaamiyo dhaqameedyo xisbiga mucaaridka ah ee Waddani iyo xukuumadda Somaliland. Magaaladda Ceerigaabo ayaa maamulka degmada iyo ka gobolkuba ay ku soo rogeen bandoo iyada oo magaaladaasi laga mamnuucay in aan qof shicib ahi Magaaladda la soo gali karin wax hub ah ama aan la ogolayn qof qof kale wax u gaysan kara. Waxa aad loo adkeeyay amniga Magaaladda waxana aad loo ilaalinayaa amniga Magaaladda oo hada aad u sugan Qaran News

Mogadishu (HOL) — Somalia's new non-resident Ambassador to Turkmenistan, Fathudin Ali Mohamed, officially presented his credentials on Wednesday as Somalia continues efforts to expand its diplomatic reach. The ceremony took place at the Mejlis of Turkmenistan, where Chairperson Dunyagozel Gulmanova accepted the credentials on behalf of President Serdar Berdimuhamedov. Source: Hiiraan Online

457260164_2154710368229384_4556253905921930897_n Qaran News

Wakaaladda Horumarinta Biyaha Puntland ayaa shaacisay inay joojisay koror dhaqaale oo dhawaan si hoose shirkadda Biyaha Garoowe ee NUWACO ugu kordhisay macaamiisheeda. Sidoo kale waxaa meesha laga saaray nidaam cusub oo shirkadda Biyaha NUWACO macaamiisheeda dhaqaalaha uga hormarsanayso (Prepaid ) , waana hab lacag intaad hormarsato laguu siideynayo biyaha waxayna kuu joogayaan biyaha intaad lacag ahaanta u dirtsatay. Sida ku xusan xeerka Biyaha Puntland, dowladda keliya ayaa samayn karta waxka bedelka sicirka/qiimaha biyaha iyo nidaamyadda horumarinta ee biyaha waana xeerka ay soo xigatay Wakaaladda Horumarinta Biyaha. Waxaa shir isugu imaandoona dhammaan qaybaha ay khusayso arrintani sida Wasaaradda Tamarta, Macdanta iyo Biyaha Puntland, Wakaaladda Horumarinta Biyaha Puntland, Shirkadda NUWACO, Maamulka Gobolka iyo Maamulka Degmadda Garoowe. PUNTLAND POST The post Wakaaladda Horumarinta Biyaha Puntland oo joojisay tallaaba ay qaaday Shirkadda Biyaha Garoowe appeared first on Puntland Post.

Muqdisho (Caasimada Online) – Wasaaradda arrimaha gudaha Soomaaliya oo bayaan culus soo saartay ayaa ka hadashay xiisad horleh oo haatan kasoo cusboonaatay degmada Ceerigaabo iyo agagaarkeeda ee gobolka Sanaag, taas oo dhalisay khasaare xoog leh. Xiisadda oo u dhexeyso ciidamada Somaliland iyo maleeshiyaad hubeysan ayaa isku rogtay dagaal shalay ka dhacay halkaas oo lagu dilay ugu yaraan illaa 5 qof. Warsaxaafadeedka kasoo baxay wasaaradda arrimaha gudaha ayaa waxaa lagu sheegay in si dhow ay ula socoto colaadda halkaasi ka taagan, ayna aad uga xun tahay. “Wasaaradda Arrimaha Gudaha, Federaalka iyo Dib u heshiisiinta Xukuumadda Federaalka Soomaaliya XFS waxay so dhow ula socotaa xiisadda ka taagan degmada Ceerigaabo ee gobolka Sanaag iyo deegaanada ku dhow, iyadoo nasiib darro u aragta khasaaraha xanuunka badan ee ka dhashay”ayaa lagu yiri bayaanka wasaaradda arrimaha gudaha. Sidoo kale Wasaaradda ayaa sheegtay inay doorkeeda ka qaadan doonto sidii loo joojinlahaa dhiigga daadanaya, si looga hortago colaad horleh. “Wasaaradda Arrimaha Gudaha, Federaalka iyo Dib u heshiisiinta XFS waxay diyaar u tahay in ay ka gaysato wax alle wixii kaga aadan sidii loo heli lahaa xal waara oo ku dhisan wada-hadal iyo is-faham” ayaa mar kale lagu yiri warsaxaafadeedka. Waxaa kale oo qoraalka lagu sheegay in wasiirka arrimaha gudaha Cali Xoosh uu xiriir toos ah la sameeyay maamulka iyo dadka deegaanka, uuna ka hadlay joojinta dagaalka, si loo ilaaliyo nabadda iyo xisiloonida ka jirta halkaasi. Wsiirka ayaa ugu baaqay waxgaradka deegaanka oo ay ugu horreeyaan culimada inay u istaagaan xallinta xaaladaha kasoo kordhay aagga degmada Ceerigaabo ee gobolka Sanag. Somaliland oo dhankeeda ka hadashay waxa ay sheegtay in xiisaddan ay ka dambeeyaan kooxo cadow ku ah bulshada oo doonaya inay ka horkeenaan maamulkooda. “Xukuumadda Jamhuuriyadda Somaliland, waxay ugu baaqaysaa dadka walaalaha ah ee degaanada koonfurta gobolka Sanaag ee ay shalay shaqaaqadu ka dhacday in ay nabadda ilaaliyaan, kooxaha cadawga ku ah nabadda ee bulshada iska horkeenayana ay meel uga soo wada jeestaa” ayaa lagu yidhi warsaxaafadeed kasoo baxay maamulka Somaliland. The post DF Soomaaliya oo soo faro-gelisay xiisadda ka taagan Ceerigaabo appeared first on Caasimada Online.

Maxkamadda Ciidmada Qalabka Sida, ayaa maanta go’aan ka soo saartay kiiska Dable Nisa Mahad Cali Cabdi “ Madaxeey” iyo Dable Bol. Cadnaan Muuse Maxamed oo ka wada howlgalayay bar lagu hubiyo gaadiidka oo ku taalla isgoyska Taleex ee degmadda Hodan, kuwaasi oo ku eedeysan dil ka dhashay Is qab-qabsi ka bilowday Deysmada mid ka mid ah gaadiidka dadweynaha iyo Cida is ka leh ka gudashada waajibka hubinta iyo amarka fasaxida. Arrintaan, ayaa markii dambe isku beddeshay in hub la isku adeegsado, Waxaana Todobo iyo labaatankii bisha lixaad ee sanadkaan Is rasaaseen xaafadda Taleex ee Degmadda Hodon ku dhex martay Dable Nisa Mahad Cali Cabdi “Madaxeey” iyo Dable Bol. Cadnaan Muuse Maxamed ku dhintay Cabdiraxmaan Cusmaan Muuse oo ku howlanaa xalinta khilaafka ka dhex jiray labadooda. Baaris dheer kadib Xafiiska Xeer Ilaalinta Ciidamada, ayaa codsaday qaadista kiiskaan, waxaana laga oggolaaday toban iyo todobadii bishaan. Garsoorka Maxkamadda Ciidamada Qalabka sida oo waqti ku filan siiyey dhinacyadda dacwadda ayaa ugu dambeyn maanta ku xukuntay Mahad Cali Cabdi “Madaxeey” Dil Toogasho oo ah qisaasta Marxuum Cabdiraxmaan Cusmaan Muuse halka Cadnaan Muuse Maxamed uu Garsoorku amray in Xoriyadiisa la siiyo. Sida uu warbaahinta u sheegay Gaashaanle sare Xasan Cali Nuur Shuute guddoomiyaha Maxkamadda Darajada Koowaad Ee Ciidamadda Qalabka Sida. Source: goobjoog.com

Mogadishu (HOL) — The Somali government has accused Turkish firms Favori LLC and Al-Bayrak of breaching profit-sharing agreements critical to managing Mogadishu's key infrastructure, including Aden Adde International Airport and Mogadishu Port. These alleged breaches raise significant concerns about transparency and could potentially deprive the Somali government of crucial revenue. Source: Hiiraan Online

Xukumada Somaliland oo war ka soo saartay dagaalkii ka dhacay Gobolka sanaag Xukuumadda Jamhuuriyadda Somaliland, waxay ugu baaqaysaa dadka Walaalaha ah Degaanada Koonfurta Gobolka Sanaag ee ay shalay shaqaaqadu ka dhacday in ay nabadda ilaaliyaan, kooxa cadawga ku ah nabadda ee Bulshada iska horkeenayana ay meel uga soo wada jeestaa. Xukuumadda Jamhuuriyadda Somaliland, waxay ilaalinaysaa nabadgelyada shacabkeeda, wada noolaashaha Bulshada Gobolka Sanaag, waxayna Ciidamada Qaranka Jamhuuriyadda Somaliland amar ku qabaan in ay tallaabo ka qaadaan kooxa abaabulan, kuwaasoo waxyeelaynaya nabadgelyada guud iyo wada jirka Bulshada Gobolka Sanaag. Waxay Xukuumadda Jamhuuriyadda Somaliland ugu baaqaysaa mar labaad dadka shacabka ah in ay ilaaliyaan nabadgelyada, kuna wada noolaadaan nabadgelyo, cidkasta oo nabadooda waxyeelaynaysana ay ildheer ku eegaan iyagoo isku mid ah. Xukuumadda Jamhuuriyadda Somaliland waxay Tacsi u diraysaa dadkii ku dhintay shaqaaqadaas in Eebe samir iyo iimaan ka siiyo Qoysaskii ay ka geeryoodeen, intii ku dhaawacantayna Alle SWT Shaafiyo. Cabdillaahi Axmed Caarshe Agaasimaha Warbaahinta iyo Xidhiidhka Dadeynaha ee Wasaaradda Arrimaha Gudaha JSL. Qaran News

Waxa aan u dirayaa baaqa nabadeed beelaha walaalaha ah ee wada-dega Gobolka SANAAG, dhammaan dadka geeriyooday waxa aan Eebbe weyne uga baryayayaa in uu u naxariisto oo Jannatul-fardawsada sare ka waraabiyo qoysysaskoodii iyo eheladoodiinna samir iyo iimaan ha ka siiyo. Waxa aan ku baaqayaa in colaaddaas, dilalka iyo dhiigga shacbiga aan wax danbi ah galabsan sida ugu dhakhsaha badan loo joojiyo magaalada Ceerigaabo iyo deegaannada ka baxsanba. Walaalayaal waxa aan idiinku baaqayaa nabad iyo in aydun colaadda iyo fidnada hurudda kicinteeda joojisaan. Colaadda inan baa ku dhinta, colaadda Hooyo ayaa ku goblanta, colaadda ubad baa ku agoomooba! Degmada Ceerigaabo waxaa lagu majirtaa nabad, xasiloonni iyo wax wada-noolaansho, taas baa Somaliland oo dhan aad astaan ugu ahaydeen, waxa aan mar labaad idinku baaqayaa in aad isxakamaysaan ilaashataanna wada-jirkiinana, walaalnimadiinna, wax wada-lahaashihiinna iyo aakhiradiinnaba. Madax-dhaqameedka, culimada iyo wax garadkana waxa aan ugu baaqayaa in ay arrintan meel uga soo wada jeestaan, wada xaajoodka iyo nabadeyntana degdeg loo bilaabo. Xukuumadda yo maamulka gobolkuna waa inay si mug leh oo muuqata uga qeyb qaataan xaslinta, dejinta iyo soo af jarista xaaladda cloaadeed ee taagan ee soo noqnoqatay. Eebbe xaqa ha ina garansiiyo. Qaran News

MOGADISHU, Aug 28 (Reuters) - Egypt delivered its first military aid to Somalia in more than four decades on Tuesday, three diplomatic and Somali government sources said, a move likely to deepen strains between the two countries and Ethiopia. Source: Hiiraan Online

Beesha Khaatumo iyo Ceerigaabo? Magaalada gudaheeda,waxay ka yihiin 5% dhaqaale ahaan iyo Dad ahaan. Deegaanka ugu dhow ee ay degaan,waa 30-km Magaalada. SL Magaalada gudaheeda,waxay maamushaa 100%,Beesha Dhexe ee SL,waxay ka tahay Dhaqaale ahaan iyo Dad ahaan 50%. Beesha Sanaag Bari,waxay ka tahay Magaalada Dhaqaale ahaan iyo Dad ahaan 30%,waxayse ku qanacsan yihiin Maamulka SL. Ceerigaabo dagaal socon kara Maalmo oo heli kara gurmad,Saad iyo Caafimaad,waxaa ka ridi kara Beesha Isaaq iyo Beesha East Sanaag Clan. Beesha Khaatumo,xaalad way abuuri karaan kamase diriri karaan gudaha Ceerigaabo. PL diyaar uma ahan in ay taageerto colaad Ceerigaabo laga huriyo. Somalida kale ma taageerayaan Magaalo nabad ah in Dab la geliyo oo la mid mahan LC. BC si cad ayay uga digaysaa colaad la abaabulo oo hadii la maqli waayo,waxay ku dhiiranaysaa go’aamo in ay soo saarto. Dhan walba marka laga istaago Ceerigaabo SL lagulama tartami karo xukunkeeda mana noqon karto Magaalo Laba Qaybood ah sababaha aan soo sheegay awgood. Jibriil Qooby Qaran News

Muqdisho (Caasimada Online) – Dowladda Masar ayaa Salaasadii shalay waxay Soomaaliya gaarsiisay gargaarkii milateri ee ugu horreeyey, in ka badan afartan sannadood. Baraha bulshada iyo qaar ka mid ah mareegaha warbaahinta gudaha ayaa shalay lagu baahiyay sawirada qalab milateri iyo ciidamo lagu sheegay inay Masaari yihiin oo garoonka Muqdisho ka dagay. Saddex ilo-wareed diblomaasiyadeed ah iyo kuwo dowladda Soomaaliya ka tirsan ayaa wakaaladda wararka ee Reuters u sheegay in tallaabadan ay u badan tahay inay sii xoojin doonto xiisadda ka dhaxeysa Somali iyo Masar oo dhinac ah iyo Ethiopia. Diblomaasi magaciisa qariyay ayaa wakaaladda wararka ee Reuters u sheegay in talaabada Soomaaliya ay hubka uga keensatay Masar, ee ay ku colaadineyso Ethiopia ay la mid tahay iyadoo dab ku cayaareysa. Wasaaradaha arrimaha dibadda ee Soomaaliya iyo Masar, iyo afhayeen u hadlay dowladda Itoobiya ayaan si degdeg ah uga jawaabin codsiyo ay Reuters u gudbisay oo la la xiriira inay ka hadlaan arrintan. Masar iyo Soomaaliya ayaa sannadkan si weyn isugu soo dhawaaday ka dib markii Itoobiya ay heshiis horudhac ah la gashay maamulka Somaliland kaas oo ay uga kireyneyso Ethiopia dhul xeebeedka badda cas ah oo bedkiisu garayo 20 km, taa bedelkeeda ay Ethiopia aqoonsan doonto madax-banaanida Somaaliland. Dowladda Somaliya ayaa ayaa heshiiskaas ku tilmaantay mid ku xad-gudbay Qaranimadeeda, waxayna sheegtay inay kaga hortagayso wax walba oo lagama maarmaan ah. Isha: VOA The post Masar oo qalab milateri iyo ciidamo kasoo dajisay Muqdisho appeared first on Caasimada Online.

Dowladda federaalka Soomaaliya ayaa sheegtay in ay xabsiyada dalka dagaalada ba’ani ka socdaan ee Suudaan ka soo deysay 31 dhallinyaro Soomaali ah oo bilo ku xirnaa dalkaasi Suudaan, islamarkaana xaalad adag ku jiray. Dhallinyaradan ayaa la sheegay inay u badnaayeen tahriibayaal doonayay in ay gaaraan dalka Libya ka dibna ay uga sii gudbaan Yurub, waxaa sidoo kale jira dhallinyaro Soomaali ah oo la sheegay in wali lagu la’ yahay dalkaasi ka dib markii ay koox hubeysani weerartay gaari ay la socdeen. Safiir Soomaaliya ee Suudaan danjire Axmed Cabdi Xasan( Axmed Suudaani) oo warbaahinta VOA wareysi ayaa sheegay in dhallinyaradaas oo tahriib ah ay dowladda Suudaan uga shakisay inay doonayeen inay ka garab dagaallamaan fallaagada RSF, islamarkaana ay 3 bilood xabsi ku haysay. Safiir ayaa intaas ku daray in dhallinyaradan oo ka kooban 24 wiil iyo 7 gabdhood ay dowladda Suudaan kala hadleen sidii loo soo dayn lahaa, ugu dambeyna ay ku guulaysteen oo dalkooda dib loogu celiyay. Source: goobjoog.com

Muqdisho (Caasimada Online) – Xildhibaan Cabdiraxmaan Cabdishakuur Warsame oo qoraal soo saaray ayaa shaaca ka qaaday in xabsiga loo taxaabay maamullada afar isbitaal oo waa wayn oo ku yaalla magaalada Muqdisho. Siyaasiga Cabdiraxmaan Cabdishakuur oo ka hadlayay canshuuraha iibka ee ay soo rogtay dowladda federaalka ayaa sheegay in xittaa ay saameysay bukaanada ku jira isbitaallada, isaga oo sheegay in arrintaas muddo saddex maalin ah loo xiray maamullada Isbitaallada Shaafi, Kalkaal, Somali Sudanese iyo Muqdisho Hospital, kuwaas oo hadda dib u helay xoriyadooda. “Saddex maalin waxaa xirnaa maamulayaasha isbitaallada Shaafi, Kalkaal, Somali Sudanese, iyo Muqdisho Hospital, ka dib markii ay diideen in ay bukaannada ka qaadaan canshuurta iibka adeegga caafimaadka” ayuu qoraalkiisa ku yiri Xildhibaanka. Sidoo kale wuxuu sii raaciyay :Waxay maraysaa in bukaan ay dowladdu siin waysay adeeggii caafimaad ee uu xaqa ugu lahaa uu markuu jirado ee uu jeebkiisa iska daawaynayo laga qaado canshuur” Arrintan ayaa kusoo aadeyso, ayada oo shalay madaxda wasaaradda maaliyadda iyo agaasimeyaasha isbitaallada ay ka wada-hadleen sida canshuurta gadista ay u saameysay adeegyada caafimad ee ay bixiyaan Isbitaalada magaalada iyo in dowladda ay siiso tixgalin gaar ah xarumaha caafimadka si lamid ah wadamada ku bahoobay Bulshada Barig Afrika. Hoos ka akhriso qoraalka Cabdiraxmaan Cabdishakuur oo dhammeystiran:- Dowladdu waxay canshuur ka qaaddaa badeecadaha ka soo dega dekadda iyo garoonka diyaaradaha, goobaha ganacsiga, guryaha iyo gaadiidka, waxay lacag ka qaaddaa adeegyada kale ee dadwaynaha, waxay madaxda dowladdu iibiyaan hantidii shacabku lahaa ee danta guud, dhul iyo dhismayaal. Canshuurta laga qaado shacabka iyo hantida ummadda ee la iibiyo midkoodna looguma adeego, waxaana caddayn u ah in labadii isbitaal oo weligood adeegga caafimaad ee bilaashka ah bixin jiray (Banaadir iyo Martiini) lacag laga dhigay. Intaas kuma ay ekaan ee waxaa Saddex maalin xirnaa maamulayaasha isbitaallada Shaafi, Kalkaal, Somali Sudanese, iyo Muqdisho Hospital, ka dib markii ay diideen in ay bukaannada ka qaadaan canshuurta iibka adeegga caafimaadka. Waxay maraysaa in bukaan ay dowladdu siin waysay adeeggii caafimaad ee uu xaqa ugu lahaa uu markuu jirado ee uu jeebkiisa iska daawaynayo laga qaado canshuur. Tani canshuur maaha, dawladnimo maaha ee waa Isbaaro iyo madax furasho, shacabka xusuusinaysa waayihii hoggaamiye kooxeedka. Dulmiga caynkaan ah oo la diidaa waa dawladnimo. The post Maamullada 4 isbitaal oo waa wayn oo lagu xiray Muqdisho + Sababta appeared first on Caasimada Online.

Dowladda Soomaaliya ayaa maanta baaq nabadeed ka soo saartay colaadda ka taagan magaalada Ceerigaabo ee xarunta Gobolka Sanaag. Qoraal ka soo baxay wasaaradda Arrimaha gudaha iyo dib u heshiisiinta dowladda Federaalka Soomaaliya ayay baaq nabadeed ugu dirtay bulshada degmadaasi Ceerigaabo. Dowladda Soomaaliya waxay ugu baaqday dhammaan dhinacyada ay khusayso arrinta Ceerigaabo gaar ahaanna odayaasha dhaqanka beelaha in si deg deg ah loo joojiyo colaadda iyo dhiig danbe oo daata. Halkan ka akhriso baaqa nabadeed PUNTLAND POST The post Dowladda Soomaaliya oo ku baaqday in si deg deg ah loo joojiyo colaadda ka aloosan degmada Ceerigaabo appeared first on Puntland Post.

Mogadishu (HOL) — Two Egyptian military aircraft carrying personnel and equipment landed on Tuesday at Aden Adde International Airport in Mogadishu, signalling the first steps in a recently signed Defense and Security Cooperation Agreement between Somalia and Egypt. Source: Hiiraan Online

457205265_1071683910965938_9200588011503155467_n X Qaran News

Guddoomiyaha Baarlamaanka Turkmenistan oo matalaysa Madaxweynaha dalkaas ayaa warqadaha aqoonsiga danjiranimo ka guddoontay safiirka Soomaaliya Mudane Fatxudiin Cali maxamed oo fadhigiisu yahay magaalada Ankara ee dalka Turkiga. Munaasabad kooban oo ka dhacday xarunta Baarlamaanka Turkmenistan ayay marwo D. Gulmanova warqadaha aqoonsiga ugu guddoontay danjire Fatxudiin Cali maxamed, ka dibna waxay labada dhinac ka wada hadleen xoojinta xiriirka iyo Iskaashiga labada dal ee xubnaha ka wada ah ururka Iskaashiga islaamka, islamarkaana xariirkoodu uu billowday sanadkii 2019. Turkmenistan waa dal uu dhaqaalihiisu aad u korayo, wuxuuna safiirku sheegay inay ka wada-hadleen in laba dal ay iska kaashadaan dhinacyada hormarka, waxbarashada, sayniska iyo daryeelka caafimaadka. Source: goobjoog.com