461016599_1955251371605051_2945630835582838135_n Qaran News

Britain ayaa sheegtay inay qorshaynayso cunaqabatayn cusub oo ka dhan ah dadka Israa’iil ee degan Daanta Galbeed ee dhulka Falastiin, ayadoo tilmaamtay in ay tallaabadaas qaadi doonto haddii sii socdaan xadgudubyada halkaas ka socdaahi. wasiirka arrimaha dibadda David Lammy ayaa sheegay Axaddii in dowladda Ingiriisku ay ka walaacsantahay falalka xadgudubyada ah ee ka socda Daanta Galbeed, isagoo intaas ku daray inay si dhow ula socan doonaan xaaladda deegaanadaas. Britain ayaa ku dhawaaqday in ay cunaqabatayn ku soo rogtay dadka Israa’iil deggan Daanta Galbeed bilihii February iyo May ee sanadkan, sababo la xariira waxa ay ku sheegtay kooxaha xagjirka ah ee gabood-fallada kula kacaya dadka reer Falastiin ee dhulkaas iska leh. David Lammy, oo noqday wasiirka arrimaha dibadda Ingiriiska bishii Luulyo ka dib markii uu ku guuleystay doorashadii Xisbiga shaqaalaha, ayaa tilmaamay in dowladda cusubi ay qaadi doonto tillaabooyin ay cunaqabatayn dheeraad ku saarayso Israa’iiliinta wada deegaamaynta sharci darrada ah iyo xadgudubyada ka dhanka muwaadiniinta Falastiin. Source: goobjoog.com

Safaaradda Masar ee Muqdisho ayaa uga digaysa dadka Masaarida ah inay u safraan Somaliland, waxaanay ugu baaqday muwaadiniinta halkaas ku sugan inay sida ugu dhaqsaha badan uga baxaan, iyadoo xustay in xaaladda ammaan ee mandaqada hadda ka jirta ay xaddidayso in wax kasta oo talooyin ah la siiyo dadka Masaarida ah ee jooga Somaliland Dawladda Somaliland ayaa laba todobaad ka hor xidhay Maktabadii ay masaaridu ku lahayd Somaliland sidoo kalena xiligaasi u qabatay dhamaan shaqaalaha ka hawl galaa in dalka isga baxaan mudo 72 saacadood gudahood. Colaada ka dhex qaraxday Somaliland iyo Masar ayaa salka ku haya isfahamka ay So.aliland la gaadhay dalka Itoobiya iyo sidoo kale dalka Masara oo aan dhex ka noqon arimaha siyaasada ee u dhaxeeya Somaliland iyo Somalia. Dalka Masar xidhiidhkii qarniyada badan soo jiray kama uu dhaxaynin Somalia iyo Masar ee waxa uu ahaa mid u dhaxayn jiray Masarar iyo Somaliland kaasi oo gaadhsiisnaa ilaa Faraaciintii. Qaran News

Hargaysa (Caasimada Online) – Somaliland ayaa weli si weyn ugu dhagan heshiiska Itoobiya ee 1-dii Janaayo ee sanadkaan ay qalinka ku duugeen madaxweyne Muuse Biixi iyo ra’iisul wasaare Abiy Axmed. Heshiiskan oo Itoobiya looha kireynayo dhul badeed dhan 20 km, ayey Somaliland uga beddelaneysa aqoonsi, xilli ay in ka badan 30 sano ku doodayso inay tahay dal ka madax-banaan jamhuuriyadda Soomaaliya. Heshiiskan ayaa waxaa si adag uga hortimid dowladda federaalka Soomaaliya, oo iyadu ku tilmaamtay mid xad-gudub ku ah qarannimadeeda, ayaa qaaday olole ay caalamka ku tuseyso gafka ay Itoobiya ku kacday, taas oo keentay in Itoobiya ay ku dhiiran weydo dhaqan-galinta heshiiskan. Haddaba, Maxay Somaliland ugu dhagan tahay heshiiskan ay ka horyimaadeen dowladda dhexe iyo caalamka? Madaxweynaha Somaliland Muuse Cabdi Cabdi oo wareysi gaar ah siiyay telefishanka Al-Carabiya ayaa sheegay in Somailand ay heshiiskan u daneynayso ama ay u dooneyso uu yahay inay hesho aqoonsi, taas oo ah arrin ay raadinayeen in ka badan soddon sano. Biixi waxa uu sheegay in Itoobiya ay dooneyso inay hesho marin badeed, halka Somaliland ay muhiim u tahay inay noqoto dal la aqoonsan yaahy, sidaasna ay ku heshiiyeen in dhinac kasta uu helo waxa uu doonayo. “Waxaan saxiixnay heshiis is-afgarad ah. Dowladdu (Somaliland) waxay mudnaan siineysaa sidii ay uga mira dhalin leheed danaheeda qaranimo iyo sidii ay u heli lahayd aqoonsi caalami ah. Itoobiya iyadu waxaa mudnaanta koowaad u leh sidii ay u heli leheed marin badeed,” ayuu yiri. Waxa uu intaas kusii daray “Kulan ayaan ka yeelanay, aan arrintaas uga wada hadalnay , sida aan sheegayna muhiimadeenu waxay tahay in la aqoonsado dowladdeena, diyaar ayaana u ahayn inaan siino marin badeed hadddii ay aqoonsadaan dowladnimadeena.” Madaxweyne Biixi ayaa sidoo kale waxa uu meesha ka saaray in bulshada reer Somaliland ay ku kala aragti duwan yihiin heshiiskan, xilli ay gudaha Somaliland ka dhaceen dibad-baxyo looga soo horjeedo tallaabadan maalmo un kadib saxiixa is-afgaradkan. “Bal eeg muwaadiniinta Somaliland, aqlabiyadda ugu badan waxay u hanqal taagayaan madax-banaanideenna. Ma jiraa xisbi weyn iyo siyaasi caan ah oo ka horyimid heshiiska is-afgaradka? Waxaan dhammaanteen isku raacsannahay in heshiiska is-afgaradku uu yahay mid dani ugu jirto dalkeenna.” The post Sababta ay Somaliland ugu dhagan tahay heshiiska Itoobiya xilli si adag looga horyimid appeared first on Caasimada Online.

Laamaha nabad-gelyada dowladda Soomaaliya oo isugu jira masuuliyiinta wasaaradda amniga, Taliyaasha ciidamada, iyo guddoonka maxkamadaha ciidamada qalabka sida ayaa shir degdeg ah ka yeeshay sidii loo xakamayn lahaa hubka sharci darrada ah ee dalka soo galaya, kaas oo halis ku ah xasilloonida. Shirka oo uu guddoominayey wasiirka Amniga xukuumadda Federaalka Soomaaliya senator Cabdullaahi Shiikh Cismaaciil Fartaag ayaa si gaar ah diiradda loogu saaray dhaqan-gelinta qaraarro ay horay usoo saareen Golaha Wasiirrada oo mamnuucaya iibinta iyo faafinta hubka sharci darrada ah. Shirka waxaa sidoo kale looga hadlay sidii hay’adaha amniga loogu adkeyn lahaa in ay qaadaan tallaabooyin degdeg ah oo ka dhan ah kooxaha ka ganacsada hubka sharci darrada ah, kuwaas oo gacan ka geysanaya hurinta colaadaha qabiillada iyo taageeridda kooxaha argagixisada ah ee Khawaarijta . Wasiirka ayaa ugu baaqay bulshada Soomaaliyeed in ay kaalin weyn ka qaataan soo celinta hubka sharci darrada ah ee gacanta maleeshiyaadka ku jira, si loo hubiyo amniga guud ee dalka. Source: goobjoog.com

Agaasimaha Ciidanka PSF Maxamuud Cismaan Diyaano ayaa laga soo xigtay in maanta qoyskiisa lagu rasaaseeyay magaalada Boosaaso. Telefishinka SBC ayaa ka soo xigtay agaasimaha Ciidanka PSF Maxamuud Cismaan Diyaano in maanta Boosaaso lagu rasaaseeyay baabuur land cruiser ah oo isagu lee yahay islamarkaana ay la socdeen qoyskiisa. Agaasime Maxamuud Cismaan ayaa sidoo kale laga xigtay in qoyskiisa baabuurka la rasaaseeyay saarnaa ay ka soo laabteen xagaa-bax balse ma sheegin khasaare ka dhashay rasaastaasi. Sidoo kale waxa la sheegay in agaasimuhu aanu faahfaahin ka bixin sida wax u dhaceen islamarkaana ma jirto cid kale oo ka hadashay jiritaanka dhacdadaasi. PUNTLAND POST The post Agaasimaha Ciidanka gaarka ah ee PSF oo sheegay in maanta Boosaaso lagu weeraray qoyskiisa appeared first on Puntland Post.

Israeli soldiers have raided Al Jazeera’s bureau in Ramallah in the occupied West Bank and ordered the Doha-based news network to shut down operations amid a widening Israeli crackdown on media freedom. Source: Hiiraan Online

Boosaaso (Caasimada Online) – Gaari uu lahaa agaasimaha ciidanka PSF General Maxamuud Cismaan ayaa lagu rasaaseeyay gudaha magaalada Boosaaso, sida uu xaqiijiyay agaasimaha. General Maxamuud oo la hadlay telefishanka SBC ayaa sheegay in gaariga la rasaaseeyay uu ahaa Land Cruiser ah ama loo yaqaano Layla Calaawi, xilli uu marayay magaalada. Xilliga la rasaaseeyay gaariga waxaa saarna qoyska agaasimaha, oo uu sheegay in markaas ay kasoo laabteen safar xaggaa bax ah. Agaasimaha PSF ma faah-faahin khasaaraha iyo sida ay dhacdadu u dhacday, wixii kasoo kordha dhacdadana waxaa idinkula wadaagi doona wararkayaga dambe Insha Allah. Dhacdadan ayaa imaneysa xilli ay magaalada Boosaaso ka taagan tahay xiisad xooggan oo u dhaxeysa hoggaanka ciidanka PSF iyo xukuumadda madaxweyne Saciid Cabdullaahi Deni. Dhawaan ayey aheyd markii ay xiisadda PSF iyo maamulka ay horseeday inuu maalmo xirmo garoonka diyaaradaha magaalada Boosaaso, kadib markii ay PSF u digtay diyaaradaha adeegsada garoonka. Inkasta oo shaqadii garoonka ay sidii caadiga aheyd kusoo laabatay, haddana waxaa magaalada Boosaaso ka taagan xiisadda u dhaxeysa hoggaanka ciidanka PSF iyo xukuumadda Saciid Deni, taas oo haatan mareysa meel xasaasi ah. The post Gaariga agaasimaha ciidanka PSF oo la rasaaseeyay iyo cidda saarneyd (Warbixin) appeared first on Caasimada Online.

Mogadishu (HOL) – Deputy Executive Secretary of the Inter-Governmental Authority on Development (IGAD), Mohamed Abdi Ware, stated that Somalia has no interest in siding with either Ethiopia or Egypt amid their ongoing dispute over the Grand Ethiopian Renaissance Dam (GERD). Source: Hiiraan Online

Mogadishu (HOL) – Deputy Executive Secretary of the Inter-Governmental Authority on Development (IGAD), Mohamed Abdi Ware, stated that Somalia has no interest in siding with either Ethiopia or Egypt amid their ongoing dispute over the Grand Ethiopian Renaissance Dam (GERD). Source: Hiiraan Online

Guddiyada Ololaha ee Beesha Isaxaaq Care, Cuqaasha, Salaadiinta, Madaxdhaqameedka, Aqoonyahanka, iyo Madaxda Xisbiga Waddani ee ka soo Jeeda Deegaanada Sabawanaag iyo Cadaadlay ayaa uu Casuumad u sameeyay Suldaanka Guud, Suldaan Yuusuf Muxumed Xiiray. Kulankaas oo ka dhacay Kaah. Qaran News

461006649_1247796192881845_1299452565718568525_n Qaran News

Muqdisho (Caasimada Online) – Taliyihii hore ee amniga gobolka Gedo, Cali Xaashi oo aad ugu dhow kooxda Nabad iyo Nolol ayaa bixiyay xog xasaasi ah oo ku aadan kala tega siyaasadeed ee madaxweynihii hore ee dalka Maxamed Cabdullahi Farmaajo iyo Fahad Yaasiin. Cali Xaashi oo wareysi gaar ah siiyay Telefishinka Somali Cable ayaa sheegay in kala tegga Farmaajo iyo Fahad uusan ku ekeen labadooda oo kaliya, isla markaana ay jiraan saaxibo aad ugu dhowaan Fahad oo la go’ay, kuwaas oo ka baxay xisbiga Nabad iyo Nolol. “Farmaajo iyo Fahad waxay ahaayeen laba nin oo odayaal ah oo soo wada shaqeeyay dhib ha’isku qabeenee ama dheef hadda waa kala tageen, labadooda oo kaliya xittaa ma kala go’in oo Fahad waxaa la go’ay kooxdiisii isaga saaxibada la’ahaa” ayuu yiri Cali Xaashi. Sidoo kale wuxuu sii raaciyay “Nabad iyo nolol weli waa taagan tahay waxaa kaliya oo ka baxay Fahad Yaasiin, waana sii shaqeyneysaa”. Taliyihii hore ee amniga gobolka Gedo, Cali Xaashi oo sii hadlayay ayaa sharraxaad ka bixiyay sababta ay ku kala tegeen labada nin, wuxuuna ku macneeyay rabitaan fara badan oo ka yimid dhinacaFahad Yaasiin Xaaji Daahir, kadibna uu ku qanci waayay Farmaajo. “Waxa lagu kala tegay waa rabitaanka saa’idka ah ee Fahad waxaa loo baahday in Refresh-ment fiican in lagu sameeyo xisbiya, si loo helo inay mar labaad tartamaan, taasina waxaa ka hortimid rabitaan oo uu leeyahay Fahad” ayuu sii raaciyay. Dhinaca kale wuxuu ka hadlay cidda faa’iido ku qabta kala taggooda Farmaajo iyo Fahad, wuxuuna sheegay in ninka faa’iidayo uu yahay madaxweynihii hore ee dalka. “Aniga waxaan aaminsanahay inuu faa’iido qabo Farmaajo, sababtoo ah waa madaxweyne Soomaaliyeed oo akhyaar ah, kuna fiican dowladnimada, waxaana faa’iido ugu jirtaa inuu ka haro Fahad” ayuu mar kale wareysiga yiri Cali Xaashi taliyihii hre ee gobolka Gedo. The post Yaa faa’iido ku qabo kala taga Fahad iyo Farmaajo? + Video appeared first on Caasimada Online.

Muqdisho (Caasimada Online) – Dowladda Federaalka Soomaaliya ayaa maanta qaaday xayiraad dhanka socdaalka ah oo ay horay ugu soo rogtay xildhibaannada kasoo jeeda deegaanada Koonfur Galbeed kuwaas oo horay qaarkood loogu celiyay garoonka Muqdisho. Xayiraadda la qaaday kadib ayaa waxaa suuragashay in xildhibaano ka tirsan baarlamaanka ay gaaraan magaalada Baydhaba, ayada oo arrintan ay qayb ka tahay fulinta heshiiska ay gaareen maamulka Laftagareen iyo iyo Villa Soomaaliya. Xildhibaannada tegay Baydhaba waxaa kamid ah Sareedo Maxamed Cabdulle oo maalin kahor lagu celiyay Muqdisho, ayada oo laga reebay diyaarad ku socotay Baydhaba. Sareedo iyo wafdi uu hoggaamineyso ayaa maanta si diiran loogu soo dhaweeyay garoonka Shaati Gaduud, iyada oo kadib loo galbiyay madaxtooyada oo ay kula kulmi doonto madaxda sare ee maamulka Koonfur Galbeed oo uu ugu horreeyo Cabdicasiis Laftagareen. Arrintan waxay kusoo aadeysa, ayada oo haatan ay yare qabowday xiisadda u dhexeysa dowladda dhexe iyo Koonfur Galbeed, kadib dadaallo dheeraad iyo dhex-dhexaadin la sameeyay, si la’isugu soo dhaweeyo Laftagareen iyo Villa Soomaaliya oo kala fogaaday. Labada dhinac ayaa isku afgartay dhowr qodob oo hordhac u noqonaya heshiis lagu soo afjarayo xiisadda madaxweyne Xasan iyo Lafta-gareen, waxaana dadalaadaas hormuud u noqday taliyaha ciidanka Asluubta Soomaaliya, Mahad Cabdiraxmaan Aadan (Shub). Waxaa sidoo kale heshiiskaas qayb ka ahaa in duullimaadyada iyo isu socodka Koonfur Galbeed gudaheeda iyo Muqdisho sidoodii caadiga ahaa ay ahaadaan oo aan marnaba la carqaladayn, taas oo maanta dhaqan-gashay. Si kastaba, Madaxweyne Xasan Sheekh Maxamuud oo hadda ka cararaya inuu ku furmo albaabka doorasho dadban ayaa dadaal badan ku bixinaya sidii uu Cabdicasiis Lafta-gareen u imaan lahaa magaalada Muqdisho, si xiisadda taagan uga gaaro xal dhabaha u xaari kara inuu meel marsado shuruucda qabyada ka ah ee doorashada qof iyo cod ah. The post DF oo fulisay heshiiskii laga gaaray xiisadda K/Galbeed – Maxaa dhacay maanta? appeared first on Caasimada Online.

Guddoomiyaha Aqalka Sare ee Baarlamaanka Jamhuuriyadda Federaalka Soomaaliya Mudane Cabdi Xaashi Cabdullaahi iyo wafdi uu hoggaaminayo ayaa maanta safar shaqo ugu ambabaxay magaalada Dubai ee caasimadda dalka isutagga Imaaradka Carabta. Guddoomiye Cabdi Xaashi ayaa la kulmi doona dhiggiisa Guddoomiyaha Golaha Midnimada Qaran ee Dowladda isutagga Imaaraadka carabta oo uu casuumaad rasmi ah ka helay, iyagoo ka wada hadli doona xoojinta iyo iskaashiga xiriirka labada Baarlamaan, gaar ahaan dhinacyada khibrad wadaagga, waayo aragnimada iyo horumarinta. Guddoomiyaha oo booqasho labo maalmood ah ku joogi doona Imaaraadka Carabta, ayaa waxaa safarkiisa ku weheliya xubnaha Baarlamaanka Soomaaliya ku metela Baarlamaanka wadamada Carabta. Source: goobjoog.com

Muqdisho (Caasimada Online) – Madaxweynaha Soomaaliya, Mudane Xasan Sheekh Maxamuud ayaa lagu eedeeyay inuu qaaday waddadii uu horay maray madaxweynihii isaga ka horreeyay ee Maxamed Cabdullahi Farmaajo, taas oo ah la weeraro siyaasiyiinta iyo in laga hor istaago madaxdii, siyaasiyiinta iyo xildhibaanada safarada gudaha ee ay galayaan. Xildhibaan Khaliif Cabdi Cumar oo ka tirsan baarlamaanka Soomaaliya ayaa sheegay dowladda uu hoggaamiyo madaxweyne Xasan Sheekh ay hayso raadka dowladda hore, wuxuuna sheegay in uu dhammaaday waqtigii la’isku dulmin jiray magaca dowladda. “Haddii dowladdii hore wax xun sameysay hadda la hayaa raadkeeda in wixii xumaa ee la koobiyeeeyo” ayuu wareysiga ku yiri Xildhibaan Khaliif Cabdi Cumar. Sidoo kale wuxuu soo jeediyay in dowladda dhexe ay xoogga saarto sidii ay dadka isugu soo dhaweyn laheydm iyada oo la sameynayo dib u heshiisiin laga soo bilaabayo gobollada. “Waxaan soo jeedinaa in wax laga barto wixii xumaa ee ahaa in madaxda lagu duullo, guribaa u dhacayaa qofbaan dilayaa qoray ayaa xoog ku qaadayaa maanta waqtigeeda maaha, waa inaan ka hadalnaa sidee ku heshiinaa? ayuu mar kale yiri xildhibaanku. Khaliif Cabdi Cumar ayaa intaasi ku daray in xaaladda dalka kaliya looga gudbi karo in laga shaqeeyo danta guud ee qaranka, si la’isaga kaashado horumarka dalka. “Horta wax walba waxay noqonayaan qabiil, haddii la rabo in dowladnimo la’isku adeegsado, sidaas darteed cid cid ku duuli karto ma jirto, marka laga reebo danta guud ee dalka aan ka wada shaqeyno” ayuu hadalkiisa sii raaciyay Xildhibaan Khaliif Cabdi Cumar. Hadalkan ayaa kusoo aadayo, ayada maalmihii lasoo dhaafay dowladda dhexe ay xayiraad saartay xildhibaanno kasoo jeeda Koonfur Galbeed oo kusii jeeday magaalada Baydhaba ee xarunta gobolka Baay, sababo la xiriira khilaafka u dhexe Villa Soomaaliia iyo Lafgareen. The post Xasan oo qaaday waddadii Farmaajo – Muxuu sameeyay? appeared first on Caasimada Online.

Qarax ka dhacay goob dhuxuul dhagaxda laga qodo oo ku taal bariga dalka Iran ayaa waxaa ku dhintay ugu yaraan 51 qof, halka tiro kalana y ku dhaawacmeen, sida uu ku waramay taleefishinka dowladdu. Wararka intaas ku daraya in tiro badan oo kamida shaqaalihii goobtaas ka howl-gelayay in laga Cabsi qabo inay ku xayiran burburka qaraxa hoostiisa. Qaraxa ayaa ka dhashay gaaska methane-ka ee kasoo daatay goob laga qodo dhuxusha oo ku taal magaalada Tabas, oo qiyaastii 540km u jirta, koonfur barina ka xigta magaalada caasimadda ah ee Tehran, sida ay sheegtay wakaaladda wararka ee IRNA. Source: goobjoog.com

Garoowe (Caasimada Online) – Madaxweynihii hore ee HirShabelle, haddana ah ku xigeenka Xoghayaha guud ee IGAD Maxamed Cabdi Waare oo ku sugan magaalada Garoowe ee xarunta Puntland, isla markaana khudbad ka jeediyay shir sanadeedka Nabadda ee PDRC ayaa ka hadlay arrimo xasaasi ah oo ku aadan xiisadda Soomaaliya, Itoobiya iyo Masar ee ka dhalatay heshiiska badda ee Abiy Axmed uu la galay Muuse Bixi. Waare ayaa si aan gambasho lahayn uga hadlay loolanka Itoobiya iyo Masar ee Soomaaliya, kaas oo sii xoogeystay maalmihii lasoo dhaafay, kadib markii heshiis iskaashi difaac uu dhex-maray Muqdisho iyo Qaahira, kaas oo ay ka xumaatay Addis Ababa. Ku xigeenka Xoghayaha guud ee IGAD ayaa sheegay in labada dal ee Itoobiya iyo Masar aanay wax dan ah u ahaynin Soomaaliya, waxaana uu si weyn uga horyimid in xilligan Masar lagu soo dhaweeyo magaalada Muqdisho, isaga oo su’aal ka keenay halkii ay jirtay 30-kii sano ee ay burburka la daala dhaceysay Soomaaliya. “Itoobiya iyo Masar nin annaga qaraabo nala ah ma jiro 30 sano ayaan halkan joognay nooma imaan maxay hadda soo dooneen?” ayuu yiri Maxamed Cabdi Waare. Sidoo kale wuxuu sii raaciyay “Qiil ayaan u raadineynaa Masar annagoo leh Islaam waayay, haddii ay Islaam tahay 30-kii sano ee la soo dhaafay xagee jireen?”. Maxamed Cabdi Waare ayaa sidoo kale intaasi kusii daray in Itoobiya iyo Masar oo xuduud ahaan aad noogu now aanay garab qaban Soomaaliya, taas beddalkeedna ay jiraan waddamo kale oo ka dhow, isaga oo tusaale usoo qaatay dalalka Turkiga iyo Yemen. “Taariikhdeenna markii ay Soomaalidu kala adkaan waysay Yemen iyo Turki ayay hub u kala doonan jireen hadda miyaan kala dooraneynaa kuwa Itoobiya la jira iyo kuwa Masar la jira? ” ayuu sii raaciyay. Waxaa kale oo uu Waare shaaca ka qaaday in arrintu haddii ay sidaan kusii socoto la waayi doono magaca Soomaali, isaga oo ka digay halis uu sheegay in dalka uu kusii socod. “Sida aan hadda ku socono haddaan kusii socono 20 KM oo bad ah ayaan hadda la yaabanahay dad Soomaali la yiraahdo ayaa halkan daganaan jiray ayaa la dhihi doonaa” ayuu markale yiri madaxweynihii hore ee dowlad goboleedka Soomaaliyeed ee HirShabelle. The post Daawo: Waare oo si yaab leh uga hadlay imaatinka MASAR appeared first on Caasimada Online.

Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, ayaa maanta ka qeyb galay salaadda Janaasada ee lagu dukaday Allah u naxariistee Marxuum Sheekh Maxamed Sheekh Cabdilaahi Sheekh Ibraahim Baardheere oo maanta maydkiisa la keenay Muqdisho. Mudane Xamsa ayaa marxuumka ku sifeeyey intii uu noolaa in uu ahaa daaci kaalin wayn ka qaatay nabadda iyo barashada diinteenna Suubban ee Islaamka, isagoo intaas ku daray in Sheekhu ka mid ahaa culimada Soomaaliyeed ee ugu caansan, gaar ahaan dariiqada Sheekh Cabdullaahi Baardheere oo laga yaqaan guud ahaan dalka. Ra’iisul Wasaaraha ayaa Alle SWT uga baryay in uu marxuumka jannadiisa Firdowsa ka waraabiyo, ehelkiisa, qaraabada iyo dhammaan shacabka Soomaaliyeedna samir iyo iimaan ka siiyo. Source: goobjoog.com

Ra’iisul Wasaaraha Xukuumadda Federaalka Soomaaliya, Mudane Xamse Cabdi Barre iyo wefdi uu hoggaaminayo ayaa saaka u ambabaxay magaalada New York ee xarunta Qaramada Midoobey. Ra’iisul Wasaare Xamse Cabdi Barre iyo wefdiga uu hoggaaminayo ayaa magaalada New York ee xarunta Qaramada Midoobey kaga qaybgalaya Kal-fadhigga 79aad ee Golaha Guud ee Qaramada Midoobey sida uu sheegay Xafiiska Ra’iisul Wasaaraha. Halku dhegga sanadkan ee Kalfadhiga Golaha loo dhan yahay ee Qaramada Midoobay, ayaa ku saabsan in aan Cidna laga tagin oo si wadajir ah caalamku uga wada shaqeeyo horumarinta nabadda, xaqiijinta horumar waara iyo ilaalinta sharafta bini’aadamka jiilalka maanta iyo kuwa mustaqbalka. Ra’iisul Wasaare Xamse ayaa ka hadli doona doorka muhiimka ah ee qaaradda Afrika ee dejinta ajendayaasha caalamiga, iyadoo si gaar ah xoogga loo saari doono ahmiyadda midnimada iyo kala duwanaanshaha oo aasaas u ah helitaanka nabad iyo horumar waara. PUNTLAND POST The post Ra’iisul Wasaare Xamse magaalada New York kaga qayb-galaya Kal-fadhigga Golaha Guud ee Qaramada Midoobey appeared first on Puntland Post.

Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre iyo wafdi uu hoggaaminayo ayaa u ambabaxay saaka magaalada New York ee xarunta Qaramada Midoobay oo uu kaga qaybgalayo Kalfadhigga 79aad ee Golaha Guud ee Qaramada Midoobay. Halku dhegga sanadkan ee Kalfadhiga Golaha loo dhan yahay ee Qaramada Midoobay, ayaa ku saabsan in aan “Cidna laga tagin” oo si wadajir ah caalamku uga wada shaqeeyo horumarinta nabadda, xaqiijinta horumar waara iyo ilaalinta sharafta bini’aadamka jiilalka maanta iyo kuwa mustaqbalka. Ra’iisul Wasaare Xamsa ayaa ka hadli doona doorka muhiimka ah ee qaaradda Afrika ee dejinta ajendayaasha caalamiga, iyadoo si gaar ah xoogga loo saari doono ahmiyadda midnimada iyo kala duwanaanshaha oo aasaas u ah helitaanka nabad iyo horumar waara. Source: goobjoog.com

Dalka Soomaaliya waxa uu dhacaa cirifka bari ee qaaradda weynta afrika ku magacaaban, wuxuuna leeyahay bed dhuleed balaaran oo isku darka talyaaniga iyo faransiiska ka wayn iyo mid badeed oo aad u dheer oo ka sukow shidaal, kalluunka, luulka, dahabka, iyo cambarka muushka ka ah rabbi qoondo iyo qadan uga dhigay marin biyood ganacsiga iyo isku gooshidda gaadiidka badda laf-dhabar u ah. Waxa uu kaalimaha hore kaga dunida hodanka ah markii la eego goobta uu ku yaal iyo barwaaqada jaad walba leh ee dhex ceegaagta, hayeeshee dadkiisu waa kuwo nabad-galyo xumada iyo saboolnimada astaan u ah oo markii labadaa mid kamida laga hadlayo tusaalaha koobaad loo soo qaato, asaagooduna lamid noqashadooda ka wadeecaystaan. Madaxda dalalka ayaa hadal-jeedintooda shirarka golaha loo dhanyahay ku soo dara weedho amaan ka tagan oo ay kamid yihiin”dalalka ay colaaduhu ka jiraan sida soomaaliya, dowladaha taagta daran ee soomaaliya, xaqootiga soomaalida ee halkaa ku nool, soomaaliya waxaan ugu deeqnay dhaqaale intaas la eg si wax looga qabto abbaarta ka jirta iyo nolol xumida dadkeeda haysata, ciidamadeena ayaa gobol soomaaliya kamid ah duqeymo ka fuliyay, ku dhawaad 2.4 malyan oo soomaali ah ayaa gurmad deg deg ah u baahan iwm”. Hadal-haynta caynkaas ah iyo firxadkooda ifkoo dhan ku baahsani waxay soomaalida ka dhigeen kuwo caan ah oo meel walboo dhulka Eebbe ka mid ah dhibaatada haysata lagaga sheekaysto, tiraab maalmeed uumiya iyo kulamada dadweynaha aduunkana si joogto ah loogu adeegsado oo madal kastoo la joogo ay hubaal tahay in wax uun ayaga ku saabsan lagu soo qaato. Waa run beri waan ahaan jirnay qaran awood badan oo cudud ciidan iyo dhaqaale dhisan ku caana maalaya, shacabkiisuna ay nabad ku caweeyaan ayagoo aan haba yaraatee walwal ka bad-qabkooda, iyo dhammaan baahiyadooda heer koobaad ah”aas-aasiga ah”, kuna taamayay inuu isku filnaasho buuxda gaadho oo uu ka maarmo waxyaabaha dibadda uga yimaada hayeeshee xilligaa waxaa ka dambeeyay wax aynaan warintooda waayo idil koobi karayn. Haddaba intaa garatay oo aniguna waan qiray adiguna iguma diidanid, yididiiladeeda dadkeenuna waa inaanu mar uu hoogan na daashaday iyo il-xumadan na halakaysay ka baxno, hayeeshee midda la yaabka leh ayaa ah inay jiraan dalal badan oo jecel inaanu meeshaan hadda joogno ku cimri dhammaysanno oo aynaan xasilooni helin, dhibteedunana ay u tahay wax ay ku dhaataan oo ay danohooda si feecan uga dhex arkaan. Kuwaasi cidda ay yihiin inaan kuu sheego uma baahnid maxaa yeelay waad garanaysaa, hadh iyo habeenna waxaad indhahaaga shantaa ku aragtaa ama dhegta ka maqashaa ayagoo fara-gelin toos ah, kala furfurid, iyo falal guracan oo midnimada iyo dagganaanta dalkeena halis ku ah maleegaya, gar-darro cad iyo gafaf joogta ahna inagu haya oo hadba doc inaga soo wareemaya si aan xarigba xarig inoogu qaban. Ayadoo ay taasi marag ma doonto tahay, waxyeelada aan ka waaqsashada lahayn oo ay deriskaa qalalaaseheena danta mooday inagu hayaahina ay u muuqato mid aan kala go’ lahayn ayaa tu kaloo anfariir lihi waxay tahay in dad soomaaliyeed oo jaad walba leh hagar-daamadaa fududaynteeda loo adeegsado oo ay masaarta/faaska shisheeyaha ee waxyaaba ina goynaysa/goynaya daab u yihiin, waxaan maqli jiray geed baa yidhi”gudinyahay haddaan gabalkay kugu guda jirin wallee sidan iima goyseen”. Ugu dambayn colka waraf ma lagu dayayba ha iska ahaatee, waxaa talo ahaan ila quman inaanu cadowga ina xagal-daacinaya isku kala daadintiisa ka waantowno oo aanu u midowna sidii aan taag darrada iyo tabaalada summadda inoo noqday isaga maydhi lahayn, dhulkeenana u tabcan lahayn oo gaajada iyo gaalo tuugsiga uga bixi lahayn. Source: goobjoog.com

Muqdisho (Caasimada Online) – Dowladaha Soomaaliya iyo Mareykanka oo kulan xasaasi ah ku yeeshay magaalada Muqdisho ayaa go’aan culus ka gaaray dagaalka adag ee lagula jiro Al-Shabaab, waxayna go’aamiyeen in lasii wado howlgallada xoreynta ah. Arrintan ayaa lagu go’aamiyay kulan gaar ah oo ay Muqdisho ku yeesheen taliyaha ciidanka Xoogga dalka Sarreeye Gaas Ibraahim Sheekh Muxidiin Cadow iyo taliyaha howlgallada gaarka ah ee ciidamada Mareykanka Colonel David Haskell oo soo gaaray caasimada. Kulanka ayaa waxaa looga hadlay ciribtirka kooxda Al-Shabaab iyo qorshaha dowladda Soomaaliya ee la xiriira dagaalka lagula jiro kooxda, sida lagu sheegay qoraal kasoo baxay taliska Xoogga dalka Soomaaliyeed. “Taliyaha ciidanka xoogga Dalka Soomaaliyeed S/gaas ibraahim Sheikh Muxudiin ayaa maanta kulan looga hadlayay ciribtirka dagaalka ka dhanka ah khawaarijta la qaatay Taliyaha howlgallada gaarka ah ee ciidamada Mareykanka Colonel David Haskell, waxaana kulanka diirada lagu saaray Qorshaha dagaal iyo sidii loo xureyn lahaa goobaha wili cadawgu kaga suganyahay Dalka” ayaa lagu yiri warsaxaafadeedka. Sidoo kale waxaa lasii raaciyay “Kulanka waxaa lagu go’aamiyay in biya kama-dhibcaan ay tahay in la qaado Howlgal ka dhan ah Argagixisada lagana saaro goobaha ay wili shacabka ku gumaadaan”. Taliye Ibraahim Sheekh Muxidiin oo sidoo kale madasha ka hadlay ayaa Mareykanka u sheegay inay muhiim u yihiin qorshaha dagaalka ee ka dhanka ah kooxda Al-Shabaab, waxayna ballan qaadeen inay diyaar u yihiin sidii Soomaaliya looga saari lahaa kooxda. Mareykanka ayaa kamid ah dowladaha waa wayn ee taageerada kala duwan siiya Soomaaliya, wuxuuna sidoo kale qayb ka yahay dagaalka Al-Shabaab, isaga oo duqeymo hawada ku tageero ciidanka dowladda, sidoo kalena tababaro siiyo Kumaandooska Danab. The post DF iyo Mareykanka oo go’aan culus ku gaaray Muqdisho appeared first on Caasimada Online.

Sida ay sheegtay Warbaahinta Daanta Galbeed ee la heysto Ciidamada Israa’iil ayaa maanta ku galay xafiiska telefishanka Al-Jazeera ee Ramallah, iyagoo dalbaday in xafiiska si buuxda loo xiro muddo 45 maalmood ah. Askar hubeysan ayaa aroornimadii hore gashay dhismaha, waqtigaas oo telefishanka uu toos hawada ugu jiray. Dadka daawanayay ayaa arkayay ciidamada oo warqada amarka xiritaanka siiyey madaxa Al-Jazeera ee Daanta Galbeed, Waliid Al-Cumari, kaas oo si toos ah uga akhriyay telefishanka. Israa’iil waxay horay u weerartay xafiisyada Al-Jazeera ee Nasaraat iyo Bariga Qudus, iyagoo ku andacoonaya in shabakadda ay khatar ku tahay amniga qaranka. Waliid Al-Cumari ayaa sheegay in weerarradan ay yihiin isku day lagu ciribtirayo runta, loona diidayo dadku inay helaan macluumaad sax ah. Intaa waxaa dheer, askartu waxay la wareegeen makarafoonka ugu dambeeyay, waxayna damiyeen kaamarada xafiiska, sida uu sheegay weriyaha Al-Jazeera, Maxamed Al-Saafin. Source: goobjoog.com

Natiijo hordhac ah oo saaka kasoo baxday doorashadii madaxtinimada ee ka dhacday dalka Sri Lanka ayaa muujineysa in codadka ilaa iyo hadda la tiriyay uu ku horreeyo hoggaamiyaha u janjeera dhanka fikirka maarkisiyada ee Anura Kumara Dissanayake. Dissanayake ayaa ku guuleystay boqolkiiba 53 codadka ilaa iyo hadda la tiriyay, sidaasi waxaa Axadda maanta ah shaaciyay guddiga doorashada. Waxaa kaalinta labaad ku jira hoggaamiyaha mucaaridka Sajith Premadasa oo leh 22%, halka kaalinta saddexaad uu ku jiro madaxweyne Ranil Wickremesinghe. Anura Kumara ayaa haddii uu guuleysto waxaa sugeysa shaqo adag oo ay ugu horreyso kor u qaadidda dhaqaalaha fadhiidka ah ee dalkaasi dhaca koofurta Aasiya, kaas oo aanan wali kasoo kabsan qalalaaso dhaqaale oo dalka ragaadiyay 10-ki sano ee lasoo dhaafay. Doorashadan ayaa ah tii ugu horreysay oo dalkaasi ka dhacda tan iyo marki uu dumay nidaamki dhaqaale ee Sri Lanka sannadki 2022-kim markaas oo dalka laga waayay sarrifka lacagaha qalaad, taasoo keentay in dad ay awoodi waayaan in ay soo iibsadaan waxyaabaha aas-aasiga u ah nolosha sida gaaska, dawada iyo cuntada. PUNTLAND POST The post Natiijo hordhaca oo ka soo baxday doorashadii madaxtinimada dalka Sri Lanka appeared first on Puntland Post.