Ciidanka Xoogga Dalka Soomaaliyeed, gaar ahaan guutada 9-aad ee qeybta 60-aad ayaa howlgallo qorsheysan waxay ka fuliyeen tuulooyin dhowr oo dhaca Galbeedka Magaalada Xuddur ee gobolka Bakool. Deegaanada ay ciidanku howlgallka ka sameyeen ayaa kala ah hiibow, Mey kooreebin, iyo bunka oo qiyaastii 20km u jira Magaalada Xuddur, dhinaca galbeedna uga beegan. Howlgalka waxaa hogaaminayey Taliyaha guutada 9-aad Gaashanle dhexe Yoonis aadan Xasan, iyadoo ujeedku ahaa in Alshabaab laga saaro goobaha ay ku suganyihiin ee deegaanada dhaca galbeedka magaalada Xuddur . Gobolka Bakool ayaa kamid ah meelaha ay si xoogga leh uga socdaan howlgallada ka dhanka ahaa kooxda Alshabaab, kuwaas oo ay wadaan ciidanka xoogga Dalku. Source: goobjoog.com

Beledweyne (HOL) – At least two people were killed and two others wounded in a clash between rival armed forces on the outskirts of Beledweyne town on Monday, local sources report. Source: Hiiraan Online

Madaxweynaha dowladda Federaalka Soomaaliya Mudane Xasan Sheekh Maxamuud ayaa maanta warqadaha aqoonsiga danijirenimo ka guddoomay Safiirrada Lix dal, kuwaas oo Soomaaliya ay u soo magacaabeen dalalka Guinea, Ireland, Romania, Spain, Switzerland iyo Zambia. Danjireyaasha causub ee Madaxweynuhu ka guddoomay warqadaha aqoonsiga ayaa kala ah: 1. Nounke Kaba, Safiirka Jamhuuriyadda Guinea 2. Caitríona Ingoldsby, Safiirka Ireland 3. Julia Pataki, Safiirka Romania 4. Cristina Díaz Fernández-Gil, Safiirka Boqortooyada Spain 5. Mirko Giulietti, Safiirka Switzerland 6. Rose Sakala, Safiirka Jamhuuriyadda Zambia Madaxweynaha Jamhuuriyadda ayaa Safiirada cusub ku soo dhoweeyay Soomaaliya, isaga oo hoosta ka xarriiqay muhiimadda ay leedahay in la xoojiyo xiriirka saaxiibtinimo ee ka dhaxeeya Soomaaliya iyo dalalka ay metalaan, isaga oo u sheegay Danjireyaasha in Soomaaliya ay diyaar u tahay in ay iskaashi dhow la yeelato dalalkooda, gaar ahaan dhinacyada amniga, dhaqaalaha, maalgashiga iyo horumarinta bulshada. Safiirada cusub ayaa dhankooda tilmaamay in ay xooga saaridoonaan horumarinta xiriirka labada dhinac, iyaga oo uga mahadceliyey dowladda Soomaaliya soo dhaweynta diirran iyo qaabilaadda wanaagsan. PUNTLAND POST The post Madaxweynaha Soomaaliya oo warqadaha aqoonsiga danijirenimo ka guddoomay Safiirrada Lix dal appeared first on Puntland Post.

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa maanta warqadaha aqoonsiga Danijirenimo ka guddoomay Safiirrada Lix dal, kuwaas oo Soomaaliya ay u soo magacaabeen dalalka Guinea, Ireland, Romania, Spain, Switzerland iyo Zambia. Danjireyaasha causub ee Madaxweynuhu ka guddoomay warqadaha aqoonsiga ayaa kala ah: 1. Nounke Kaba, Safiirka Jamhuuriyadda Guinea 2. Caitríona Ingoldsby, Safiirka Ireland 3. Julia Pataki, Safiirka Romania 4. Cristina Díaz Fernández-Gil, Safiirka Boqortooyada Spain 5. Mirko Giulietti, Safiirka Switzerland 6. Rose Sakala, Safiirka Jamhuuriyadda Zambia Madaxweynaha Jamhuuriyadda ayaa Safiirada cusub ku soo dhoweeyay Soomaaliya, isaga oo hoosta ka xarriiqay muhiimadda ay leedahay in la xoojiyo xiriirka saaxiibtinimo ee ka dhaxeeya Soomaaliya iyo dalalka ay metalaan, isaga oo u sheegay Danjireyaasha in Soomaaliya ay diyaar u tahay in ay iskaashi dhow la yeelato dalalkooda, gaar ahaan dhinacyada amniga, dhaqaalaha, maalgashiga iyo horumarinta bulshada. Safiirada cusub ayaa dhankooda tilmaamay in ay xooga saaridoonaan horumarinta xiriirka labada dhinac, iyaga oo uga mahadceliyey dowladda Soomaaliya soo dhaweynta diirran iyo qaabilaadda wanaagsan. Source: goobjoog.com

461164545_2510123742528298_7386435896635930023_n Qaran News

Madaxweynaha dalka Faransiiska Emanuel Macron ayaa warqadaha aqoonsiga danjirenimo ka guddoomay Safiirka cusub ee Jamhuuriyadda federaalka Soomaaliya u fadhin doona dalkaas. Danjire Maxamed Cali Nuur oo dhowaan la magacaabay safiirka Soomaaliya u fadhin doona magaalada Paris ee caasimadda dalka Faransiiska ayaa la filayaa inuu ka shaqayn doono xoojinta xariirka labada dal oo aan wixii burburkii dalka ka dambeeyay firfircoonayn. Faransiiska ayaa kamid ah 5-ta dal ee codka diidmada qayaxan ku leh Qaramada Midoobay, gaar ahaan golaha ammaanka, Soomaaliya oo dhowaan golahaas ku biirtayna waxaa muhiim u ah inay xariir wanaagsan la yeelato dalalka dunida ugu saamaynta badan sida ay xeeldheereyaashu qabaan. Source: goobjoog.com

Qaran News

An Egyptian warship has delivered a second major cache of weaponry to Somalia including anti-aircraft guns and artillery, port and military officials said on Monday, in a move likely to stoke further friction between the two countries and Ethiopia. Source: Hiiraan Online

Qaran News

Hargeysa (Caasimada Online) – Xukuumadda Somaliland ayaa walaac xooggan ka muujisay xiriirka cusub ee kooxda Al-Shabaab ay la yeelatay Xuutiyiinta Yemen. Wasiirka arrimaha gudaha Somaliland Maxamed Kaahin Axmed oo la hadlay telefishanka Al-Carabiya ayaa shaaciyay walaacooda ku aadan iskaashiga cusub ee labada kooxood, kaas oo ku qotoma qalqal-galinta ammaanka gobolka. “Waxa jira xirriir adag oo ka dhaxeeya kooxaha Xuutiyiinta iyo Al-Shabaab, taasina waxay khatar ku tahay nabada gobolka,” ayuu yiri wasiirka arrimaha dibadda Somaliland. Sidoo kale waxa uu wasiirka ugu baaqay dowladda Soomaaliya inay xakameyso iskaashiga kooxahan, oo iyagu halis weyn ku ah amniga iyo degenaanshaha gobolka, sida uu sheegay. “Dowladda Soomaaliya waxaa looga fadhiyaa inay qaado tillaabadii ay wax uga qaban lahayd wadashaqaynta iyo heshiiska u dhaxeeya labada dhinac,” ayuu yiri Wasiir Kaahin. Wasiir Kaahin ayaa tilmaamay in Somaliland kaligeed mas’uuliyadi ka saarnayn ilaalinta nabad-gelyada marinnada badda cas, wuxuuna geesta kale caalamka ugu baaqay in ay door wayn ka qaatan xakamaynta dhaq-dhaqaaqyada khatarta ku ah ganacsiga gobolka. Xiriirka iskaashi ee kooxaha Al-Shabaab iyo Xuutiyiinta Yemen oo jiritaankiisa uu horey u xaqiijiyey Mareykanka, ayaa waxaa haatan isa-soo taraya walaaca laga qabo, iyada oo laga cabsi qabo in Xuutiyiinta ay Shabaab u daabulaan hub xooggan, xilli ay wajaheyso guluf culus oo iska kaashanayaan ciidanka Soomaaliya iyo shacabka hubeysan ee deegaanka. The post SOMALILAND oo ka walaacsan xiriir cusub oo Al-Shabaab ay la yeelatay… appeared first on Caasimada Online.

Wasaaradda degaanka iyo isbeddelka Cimilada Puntland ayaa soo saartay go’aan looga joojinayo isticmaalka bacaha dhammaan degaannada Puntland. Qoraal ka soo baxay wasaradda degaanka Puntland ayaa lagu go’aamiyay joojinta ka ganacsiga iyo isticmaalka bacaha ee dhammaan degaannada Puntland. Qoraalka wasaaradda degaanka ayaa lagu caddeeyay laga bilaabo 22 bisha Sept. in laga joojiyay dhammaan-ba degaannada Puntland keenista, gadista iyo isticmaalka bacaha. Go’aankani oo lagu socod-siiyay dhammaan shirkadaha ganacsiga Puntland ayaa lagu sheegay mid ku salaysan ilaalinta degaanka waxaana shirkadaha laga dalbaday in ay keenaan badiil kale oo aan dhib ku ahayn degaanka. Halkaan ka akhriso go’aanka wasaaradda PUNTLAND POST The post Wasaaradda degaanka Puntland oo joojisay ka ganacsiga iyo isticmaalka bacaha appeared first on Puntland Post.

September sees multiple anniversaries of unsolved journalist killings Source: Hiiraan Online

Maxkamadda Gobolka Banaadir ayaa xukuno kala duwan ku riday qoys ku eedeysnaa in ay maalgalinayeen kooxda Shabaab islamarkaana ay dhaqaalo ugu aruurinayeen akoono ay u sameeyeen. Guddoomiyaha Maxkamadda Gobolka Banaadir Saalax Cali Maxamuud (Dabaan) oo ku dhawaaqay xukunka ayaa sheegay in Aabahaan reerka, labadii Xaas ee uu qabay iyo Gabadhiisa lagu helay dambiga taageerada Shabaab. Xasan Cusmaan Aadan ayaa lagu xukumay 13 sano oo xariga ah iyo Labaatan Kun oo doollar. Faadumo Xasan Cusmaan oo Gabadhiisa ah ayaa lagu xukumay laba Sano ah xabsi ah. Xasno Aweys Qaasim oo aheyd Xaaskiisa ayaa lagu xukumay laba Sano oo xabsi. Aamino Cabdullaahi ABBA Nuur ayaa lagu xukumay laba Sano. Source: goobjoog.com

Muqdisho (Caasimada Online) – Dowladda Federaalka Soomaaliya ayaa haatan qaaday tallaabo culus oo sii hurineyso xiisadda kala dhexeysa Itoobiya, ayada oo xalay dekedda wayn ee Muqdisho kula wareegtay hub uu siday markab ay soo dirtay dowladda Masar. Hubka ayaa dekedda looga soo daad gureeyay gaadiid waa weyn oo nooca ciidanka qaada ah, waxaana la geeyay xarunta wasaaradda gaashaandhigga ee magaalada Muqdisho. Wararka qaar waxay sheegayaan in hubkan ay dowladda Masar siisay Soomaaliya, halka warar kalena ay ku warramayaa in Soomaaliya ay soo iibsatay hubkaan. Hadda sidee looga falceliyay? Qaar kamid ah shacabka Soomaaliyeed ayaa si siyaabo kala duwan uga falceliyay hubkan soo galay gudaha dalka, kadib markii muuqaalo la helay lagu baahiyay baraha bulshada. Inta badan shacabka ayaa walaac iyo walwal xoogleh ka muujiyay in dagaal uu ka qarxo Soomaaliya, isla markaana ay isku fara saaraan Itoobiya iyo Masar oo si weyn isku haya. Maxamuud Darwiish “Weli lama arag lamana maqalin madaxweyne ogolaanaya in shacabkiisa lagu dhex dagaalamo dalka Soomaaliya wuxu geli doonna dagaal aan loo fiirsanin”. Ibraahim Abuukar “Masar dadkeeda Soomaaliya way kala baxeysa, waxeyna diyaar u tahay inay la dagaalanto Itoobiya waxa meesha ku dhimanaayo waa Soomaali kaliya”. Maxamed Cabdikariin “Ethopia hub faqiireed ayey soo galineysa Somalia, halka masar ay hub culus soo galineyso”. Galad Cabdalle Cali “Saanad ciidan oo so dageyso wa qalad in ay shacabka arkaaan”. Daahir Daacad “Cadowga ayaa kula dagaalameynaa hubkaas ee dowladda halagu garab istaago”. Maxamed Cadde “Khatarta laga qabo in wadankaan dagaal ka qarxo waa sii kordheysaa maalinba maalinta ka dambeyso ee allow xasilooni noogu soo dabaal wadankeyna”. The post Shacabka oo walaac xoog leh ka muujiyay tallaabada dowladda qaaday appeared first on Caasimada Online.

Boosaaso (Caasimada Online) – Wararka naga soo gaarayo magaalada Boosaaso ee xarunta gobolka Bari ayaa sheegaya in xalay xaalad kacsanaan ah laga dareemay magaaladaasi oo ay indhowanahayaan isku hayaan ciidamada PSF iy sidoo kale hoggaanka sare ee Puntland. Ciidamo ka tirsan kuwa ammaanka Puntland ayaa xalay lagu arkay bartamaha magaalada, kuwaas oo la soo dhoobay waddooyinka muhiimka ah ee magaaladaasi, iyaga oo ka bilaabay dhaq-dhaqaaq culus oo dadka deegaanka ku beeray cabsi dagaal. Taliska qaynta booliska gobolka Bari oo war soo saaray ayaa sheegay in ciidamada ay ku jiraan kaliya howlahooda shaqo, isla markaana aysan jirin wax dhibaato. Sidoo kale taliska ayaa shaaca ka qaaday in aysan jirin wax xiisad ah oo ka taagan Boosaaso islamarkaana ay xaaladda nabad-gelyada tahay mid deggan. “Ma jirto wax xiisad ah oo ka taagan Magaalada Boosaaso, ciidanka Amniga ee kala duwani waxay ku jiraan shaqadoodii caadiga ahayd ee sugidda Amniga sida Roondada iyo baaritaanka caadiga ah ee amaanka ku saabsan.” ayaa lagu yiri warka qoraalka ah. Waxaa kale oo warkan lagu xaqiijiyay in aysan jirin ciidamo hubeysan oo isku horfadhiyo bartamaha magaalada Boosaaso, ayna been abuur yihiin wararka la faafiyay. “Taliska Ciidan Booliska Gobolka Bari, waxa uu idiin xaqijiinayaa inaysan jirin wax ciidan ah oo wada Howl-gal gaar ah ama ciidamo is-horfidhiya” ayaa mar kale lagu yiri qoraalka. Booliska Puntland ayaa sidoo kale shacabka ugu baaqay inay is dajiyaan, ayna la shaqeeyaan ciidamada ammaanka, si looga hortago falalka ammaan darrida ah. “Dadka faafinaya wararka been abuurka ah waa kuwa ku sifoobay baahinta warar aan xaqiiq ahayn waxaan ugu baaqaynaa shacabka magaalada Boosaso inay is-dajiyaan oo la shaqeeyaan ciidanka Amniga” ayuu sii raaciyay warsaxaafadeedka. Xaaladda kasoo cusboonaatay Boosaaso ayaa ka dhalatay kadib digniin culus oo ay soo saareen ciidanka PSF-ta oo sheegay in loo diiday isticmaalka garoonka Boosaaso. The post WAR cusub oo kasoo kordhay xaaladda Boosaaso appeared first on Caasimada Online.

Madaxweyne Axmed Cabdi Kaariye Qoor Qoor ayaa maanta xarunta Madaxtooyada Galmudug ku qaabilay safiirka dowladda Turkiga u fadhiya magaalada Muqdisho. Warsaxaafadeed soo baxay xafiiska madaxweynaha Galmudug Axmed Qoor Qoor ayaa lagu sheegay in madaxweynuhu qaabilay safiirka Turkiga u fadhiya Soomaaliya Alper Aktas. Madaxweynaha Galmudug iyo safiirka dowladda Turkiga u qaabilsan Soomaaliya ayaa ka wada hadlay xaaladda guud ee dalka iyo la-dagaallanka argagixisada iyo sidoo kale taageeridda kaabayaasha dhaqaalaha. “Labada dhinac ayaa ka wada hadlay xaaladda guud ee dalka, la dagaalanka argagaxisada iyo taageeridda kaabayaasha dhaqaalaha sida Dekadaha iyo Waddooyinka” ayaa lagu yiri Warsaxaafadeedka Madaxtooyada Galmudug. PUNTLAND POST The post Madaxweynaha Galmudug iyo Safiirka Turkiga oo ka wada-hadlay La-dagaallanka Argagixisada appeared first on Puntland Post.

Muqdisho (Caasimada Online) – Wasiirka wasaaradda gaashaandhigga Soomaaliya, Cabdulqaadir Maxamed Nuur (Jaamac) oo qoraal kooban soo saaray ayaa ka hadlay imaatinka Masar oo si toos ah usoo caga dhigtay gudaha Soomaaliya, xilli ay taagan tahay xiisad culus oo u dhexeyso dowladda federaalka & Itoobiya oo ka dhalatay heshiiska badda. Wasiir Jaamac ayaa shaaca ka qaaday in Soomaaliya ay tahay dal xor ah, isla markaana cid kale aysan u daba fariisan doonin arrimaheeda gaarka ah. Sidoo kale wuxuu hoosta ka xariiqay in dalka ay doonto ay la macaaleyso, ayna kasoo gudubtay marxaladdii wax loo meerin jiray sida uu hadalka u dhigay. “Soomaaliya waxay ka gudubtey marxaladii la dhihi jirey cidaad la macaamileyso waa inaan anagu raali ka nahay” ayuu qoraalkiisa ku yiri wasiir Cabdulqaadir Maxamed Nuur. Waxaa kale oo uu hoosta ka xariiqay in dowladda federaalka ay iyadu leedahay go’aanka xulashada dalka ay la macaalimeyso, Masarna ay iyadu dooratay, sidaaasna ay ku timid Soomaaliya. “Danteena anagaa naqaana, sokeeyaheena iyo shisheeyaheena anagaa kala xulaneyno. Gobanimo!” ayuu mar kale yiri wasiirka gaashaandhigga Soomaaliya. Hadalkan ayaa kusoo aadayo, ayada oo xalay dekedda Muqdisho uu soo gaaray markab siday hub culus oo ka yimid Masar, kaas oo baabuur waawayn looga soo daabulay, waxaana la geeyay wasaaradda gaashaandhigga iyo meelaha kale ee lagu kaydiyo hubka dowladda. Tallaabooyinkan ayaa sii hurinayo xiisadda ka taagan gobolka Geeska Afrika, iyada oo haatan laga digayo in Soomaaliya ay ku dagaalamayaan dowladaha Itoobiya iyo Masar. The post DF oo war culus kasoo saartay imaatinka MASAR kadib hubkii ay lasoo degtay appeared first on Caasimada Online.

Dowladda Masar ayaa soo saartay amar ay uga digeyso muwaadiniinteeda inay u safraan dalka Somaliland, xilli dhawaan ay xukuumadda Somaliland xidhay Maktabaddii Masaarida ee Hargeysa. Masar ayaa waxay ugu baaqday kuwa hadda ku sugan gudaha Somaliland inay uga baxaan sida ugu dhaqsiyaha badan, iyaga oo adeegsanaya garoonka diyaaradaha ee magaalada Hargeysa. Safaaradda Masar ee Soomaaliya ayaa sidoo kale sheegtay in tallaabadan la qaaday, iyada oo la eegayo saamaynta nabad-gelyo la’aanta ay ku leedahay ammaankooda, xilli ay xiisadda labada dhinac kasii dartay kadib heshiiskii Muqdisho iyo Qaahira. “Xaaladda ammaan ee hadda jirta ayaa xadideysa awoodda howlihii qunsuliyadeed ee loo fidin lahaa Masaarida ku sugan Somaliland,” ayey tidhi safaaradda Masar ee Soomaaliya. Tallaabadan oo muujinaysa heerka ay gaadhay xiisadda ka dhalatay heshiiskii 1-dii January ee sanadkaan ay Addis Ababa ku saxeexeen madaxweyne Muuse Biixi iyo ra’iisul wasaare Abiy Axmed, kaasi oo Itoobiya heshiis taariikhi ah. Somaliland ayaa ku eedeysay dowladda Masar inay kasoo horjeedo madax-banaanideeda, kadib markii ay Masar heshiis difaac la saxiixatay Soomaaliya oo haatan ay is-hayaan Itoobiya. Source

Anura Kumara Dissanayake oo ah siyaasi u janjeedha fikirka Maarkiisamka ayaa ku guuleystay doorashadi madaxtinimo ee Sabtidi ka dhacday dalka Sri Lanka, sidaasi waxaa shaaciyay Axaddii guddiga doorashada. Shacabka Sri Lanka ayaa gees isaga riixay siyaasiyiinti hore ee wajiga u ahaa dowladihi dhawaa, kuwaas oo ay u arkeen in ay dalkaasi dhaca koofurta Aasiya ay ku riixeen qalalaasihi dhaqaale ee aadka u xumaa. Dissanayake, oo aad u taageera dabaqadda shaqeysa isla markaana kasoo horjeeday siyaasiyiinta af-miishaarrada ee caanka ahaa, ayaa taageero lixaad leh ka helay dhalinyarada taas oo soo dadajisay guusha uu ka gaadhay doorashada. Wuxuu ka badiyay hoggaamiyaha mucaaridka Sajith Premadasa iyo madaxweynaha xilka kasii dagaya Ranil Wickremesinghe, kaas oo kursiga ku fariistay laba sanno ka hor ka gadaal marki ay Sri Lanka gunta u gashay qalalaase dhaqaale oo aad u daran. Ku dhawaad 6 milyan oo cod ayuu ka helay codadki la dhiibtay sida ay shaaciyeen guddiga doorashada. Shaqada ugu weyn ee hortaalla ayaa ah xasilinta dhaqaalaha aanan wali soo kaban ee dalka Sri Lanka. Source

La taliyihii hore ee amniga raysal wasaaraha Itoobiya ahna agaasimihii Guud ee Sirdoonka iyo Nabadsugida Itoobiya, Redwan Hussien, ayaa ka dhawaajiyay Itoobiya in ayna doonayn deked, balse ay doonayaan inay bad helaan. Redwan Hussien ayaa aaminsan in Itoobiya mar hore lumisay fursad ay bad ku heli kartid, hase ahaatee, markaan wuxuu sheegay wax kaste haku qaadatee inay Itoobiya ka go’an tahay inay bad hesho “Waa inaan Bad helnaa ujeedkeena ma ahan Deked, wax kasta ay nagu qaadato waxaan luminay fursadeenii ugu horreysa xiligii Mililiq. Laakiin hadda nagama hoos bixi doonto,” ayuu yidhi Redwan Hussien Horraantii sannadkan ayaa wareysi laga qaaday sarkaalkan mar uu ahaa la taliyaha amniga ee raysal wasaare Abiy, wuxuu sheegay, in Soomaaliya iyo Itoobiya ay isla ogaayeen heshiiska Itoobiya iyo Somaliland ilaa heshiiska si rasmi ah loo saxeexay. Source

Ururka Xizbullah ee dalka Lubnaan ayaa sheegay in tiro gantaallo ah ay Axaddii shlay ahayd ku weerareen saldhig millatari oo ku yaalla gunta Israel, maalin kaddib marki ay duqeyn cirka ah oo ay Israa’iil ku garaacday caasimadda Beyrut ay ku dishay ugu yaraan 37 qof oo uu ku jiro Ibrahim Caqiil oo ahaa taliye sare oo ka tirsan garabka ugu sarreeya millatariga Xizbullah. Ma cadda in gantaallada Xizbullah ay ku weerartay Israa’iil ay ku dhaceen bartilmaameedkooda. Waaxda gargaarka degdegga ah ee Israel ayaa sheegtay in dhaawac fudud uu kasoo gaaray nin ku sugnaa tuulo ku taalla aagga la weeraray. Warbaahinta gudaha Israa’iil ayaa ku warramay in gantaallo laga soo tuuray Lubnaan ay ka hor tageen oo ay burburiyeen hubka lidka gantaallada meel u dhaw magaalada Xayfa. Xizbullah waxay sheegtay in ay Israel ku garaacday daraasiin gantaallo ah oo ay ku jiraan gantaallada Fadi 1 iyo Fadi 2 oo ah gantaallo cusub oo ay kooxda sheegtay in aysan hadda ka hor adeegsan. Waxay kaloo sheegeen in bartilmaameedku uu ahaa saldhiga ciidamada cirka Israel ee Ramat David ee ku yaalla koonfur bari ee magaalada Xeyfa. Weeraro isugu jiray duqeyn cirka ah iyo qaraxyo loo adeegsaday aalado is-gaarsiineed oo ay Xizbullah dibadda kasoo iibsatay oo ka dhacay Lubnaan, ayaa waxaa guud ahaan ku dhintay 39 qof, halka ay ku dhaawacmeen 3,000 oo ruux. Ra’iisul Wasaaraha Lubnan Najib Mikati ayaa sheegay inuu joojiyay safar uu ku imaan lahaa magaalada New York oo uu uga qeybgali lahaa shirka Golaha Guud ee Qaramada Midoobay. Source

Israa’iil ayaa duqeyn naadir ah oo ay ka fulisay caasimadda Lubnan ee Beyruut ku dishay 14 qof oo uu ku jiray abaanduule sare oo ka tirsan ururka Xisbullah. Duqeynta oo lagu bartilmaameedsaday guri ku yaalla xaafadda ay dadka aadka ugu badanyihiin ee Daaxiya ee koofurta Beyruut, ayaa lagu khaarijiyay Ibrahim Caqiil oo ahaa abaanduulaha guutada ugu sarreysa Xizbullah ee loo yaqaano Radwaan. Afhayeenka millatariga Isra’iil Daniel Hagari, ayaa sheegay in ay dileen Ibrahim Caqil iyo 10 sarkaal oo kale oo tirsan saraakiisha Xisbulah. Wuxuu sheegay in ay sii wadi doonaan ugaarsashada cadawga Isra’il si ay u difaacaan muwaadiniintooda, sida uu yiri. Goor danbe oo xalay ah, ayay Xisbullah xaqiijisay dilka Caqiil. Bayaan ay soo saartay ayay ku sheegtay in Ibrahim Caqil uu ahaa halyeey dagaayhan ah oo ku biiray safka shuhadada saraakiishi ka horreysay ayay yidhaahdeen. Xisbullah ma aysan sheegin halka uu ku dhintay iyo sababaha dilkiisa. Akil ayaa kasoo mid noqday golaha ugu milatariga Xisbullah ee loo yaqaanno Golaha Jihaadka. Mareykanka ayaa cunaqabateyn ku soo rogay kadib markii lagu eedeeyay inuu ku lug lahaa qaraxii sannadki 1983-kii lagu weeraray safaaradda Mareykanka iyo saldhigi ciidanka badda Mareykanka ee Beyruut, halkaas oo lagu dilay in ka badan 300 oo qof. Duqeynta lagu dilay Ibrahim Caqiil ayaa ku soo beegantay iyadoo ay sii kordheyso xiisad cusub oo u dhaxeysa Isra’il iyo Xisbullah, taasoo keentay cabsi laga qabo in dagaal buuxa uu ka qarxo Bariga Dhexe. Source

Muqdisho (Caasimada Online) – Guddoomiyaha maxkamadda darajada koowaad ee ciidamada qalabka sida, Mudane Xasan Cali Nuur Shuute oo ka hadlay kulan xasaasi ah oo ka dhacay magaalada Muqdisho ayaa ficil u beddalay go’aankii madaxweynaha ee ku aadanaa hubka sharci darrada ah ee lagu dhex haysto gudaha caasimada. Shuute oo digniinta madaxweynaha sideeda u qaatay ayaa sheegay in maxkamad lasoo taagi doonno cid weliba oo faraha kula jirto hub sharci darro ah. Sidoo kale wuxuu tilmaamay in ka maxkamad ahaan ay diyaariyeen xubno la shaqeeya ciidamada ammaanka oo marka lala wadaago xogta soo jaraya waaranka u ogolaanaya in la geli karo guryaha ama goobaha hubka lagu hayo. Guddoomiyaa maxkamadda ciidamada ayaa sidoo kale uga digay saraakiisha dowladda inay arrintan qayb ka noqdaan, isla markaana iyaga oo laga faa’iideysanayo darajaooda aan loo dhiiban karin hub, haddii ay taasi dhacdana ay tallaabo cad ka qaadi doonaan sarkaalkaasi. “Waa dambi weyn in laga ganacsado hub, waa jariimo lid ku ah badqabka muwaadinka iyo badbaadada Dalka, waxaa kale oo dambi ah in iyada oo lagu gambanayo mas’uuliyad in hub lagu heysto guriga, ka garsoor Ciidan ahaan waxaa diyaar naga ah marka la fulinayo howlgalka ka dhanka ah hubka sharci darrada ah Xeer Ilaaliye” ayuu yiri Xasan Cali Nuur Shuute. Hadalkan ayaa kusoo aadayo, ayada oo Jimcihii lasoo dhaafay madaxweyne Xasan Sheekh Maxamuud oo farriin digniin ah u diray cid kasta oo hub ku dhex haysata gudaha caasimada oo ay ku jiraan xubnaha mucaaradka, isaga oo sheegay in saq-dhexe la weerari doono guri kasta oo ay laamaha ammaanku ogaadaan inuu yaallo hub sharci darro ah. The post SHUUTE oo ficil u beddalay go’aankii madaxweyne XASAN SHEEKH appeared first on Caasimada Online.

Hargeisa (HOL) – Somaliland's Minister of Internal Affairs, Mohamed Kahin Ahmed, called on the Somali government to address the emerging relationship between the militant group al-Shabaab and Houthi fighters in Yemen. Source: Hiiraan Online

Baraawe (Caasimada Online) – Warar kala duwan ayaa kasoo baxaya howlgal qorsheysan oo xalay ka dhacay magaalada xeebeedka Baraawe ee gobolka Shabeelaha Hoose, kaas oo lagu soo qabtay xubin ka tirsan kooxda Al-Shabaab. Howlgal ay iska kaashadeen ciidamada NISA, qaybta Koonfur Galbeed iyo kuwa Xoogga dalka oo ka dhacay halkaas ayaa lagu soo qabtay ninkan oo ku howlanaa diyaarinta weerar qarax ah. Saraakiisha horkaceysay howlgalka ayaa shaaca ka qaaday in ninka lasoo qabtay uu qarax miino ku aasayay magaalada, balse ay kortageen, kadibna ay gacanta ku dhigeen. Sidoo kale waxa ay sheegeen in ujeedkiisa uu ahaa in qaraxaas uu ku dhibaateeyo shacabka iyo ciidamada ammaanka ee ku sugan halkaasi. Laamaha amniga ayaa sidoo kale sheegay in weli baaris ay ku hayaan eedeysanaha, isla markaana ay ku wareejin doonaan hay’adaha ku shaqada leh, si looga qaado tallaabo sharciga waafaqsan. Howlgalkan ka dhacay Baraawe ayaa qayb ka ah dadaallada lagu xaqiijinayo amniga magaaladaasi oo ah caasimada rasmiga ah ee Koonfur Galbeed. Shabeelaha Hoose, Baay iyo Bakool ayaa waxaa haatan ka soconayo guluf dagaal oo ka dhan ah Al-Shabaab, waxaana iska kaashanaya ciidamada dowladda iyo Daraawiishta Koonfur Galbeed. The post Ciidanka amniga oo qabtay nin qarax aasayay kadib howlgal ka dhacay… appeared first on Caasimada Online.