Jowhar (Caasimada Online) – Faah-faahino dheeraad ah ayaa kasoo baxaya howlgal qorsheysan oo ay maanta ciidamada Booliska HirShabelle ka sameeyeen waddada dheer ee xiriirisa magaalooyinka Balcad iyo Jowhar ee gobolka Shabeelaha Dhexe. Howlgalkan oo ahaa bartilmaameed ayaa waxaa lagu soo qabtay koox burcad ah oo isbaaro soo dhigtay halkaasi, waxaana la geeyay saldhigga degmada Jowhar. Taliyaha saldhigga Bashiir Xasan Xalfooy oo la hadlay warbaahinta ayaa ka warbixiyay howlgalkan oo lagu soo qabtay 4 nin oo burcad ah, wuxuuna sheegay inay saaka ka war heleen, kadib ay ciidamo u direen, sidaasna lagu soo qabtay. “Waxaa saaka nasoo gaartay in niman burcad ah ay waddada ku jiraan dadka ay dhibaateynooyaan kadib ciidamada amniga ayaan u dirnay, waxaana lasoo qabtay iyaga oo qoryahoodii haysto iyo waxa ay dhaceen” ayuu tiri taliyaha saldhigga magaalada Jowhar. Bashiir Xasan Xalfooy ayaa sidoo kale xusay in cid kasta oo isbaaro dhigato ay ka hortegi doonaan, ayna ka qaadi doonaan tallaabo sharciga waafaqsan. “Dadka dhaca gaystay ee waddada u gala shacabka nooc kasto oo ay yihiin tallaabo ayaa laga qaadayaa sharcigana waan la tiigsaneynaa” ayuu mar kale yiri taliyuhu. Sidoo kale wuxuu sii raaciyay “Dadka isbaarada dhiganaayo dagaal ayaa naga dhexeeyo awooddooda haku tashadaano saacad kastana inaan umadda wixii dhibaayo ka qabanayo annaga ayaa mas’uuliyaddeeda qaadnay”. Ammaanka waddada xiriirisa Balcad iyo Jowhar ayaa muddooyinkii dambe aad u xumaa, waxaana sidoo kale weeraro ka gaysta maleeshiyaadka kooxda Al-Shabaab. The post Koox halis ah oo lagu qabtay waddada xiriirisa Balcad iyo Jowhar + Video appeared first on Caasimada Online.

Madaxweynaha somaliland Iyo Qaramada Midoobay Oo Doorshada Ka Wada Hadlay Madaxweynaha Jamhuuriyadda Somaliland oo kulan la qaatay Ergeyga xoghayaha guud ee Qaramada Midoobay. Hargeisa-21-09-2024-(Qarannews)-Madaxweynaha Jamhuuriyadda Somaliland, Mudane Muuse Biixi Cabdi, ayaa maanta qasriga madaxtooyada ku qaabilay ergeyga xoghayaha guud ee qaramada Midoobay Ambassador James Swan oo dalka booqasho ku yimi. Kulankan, ayaa diiradda lagu saaray guud ahaan xaaladda gobolka Geeska, doorashooyinka loo diyaar-garoobayo ee dalka kusoo foolka leh iyo wada-shaqaynta u dhaxaysa Jamhuuriyadda Somaliland iyo jimciyadda quruumaha ka dhaxaysa. Kulankan waxa madaxweynaha ku wehelinayey wasiirka arrimaha gudaha Maxamed Kaahin Axmed, wasiirka qorshaynta iyo horumarinta qaranka Mudane Axmed Maxamed Diiriye (Toorno) iyo wasiir-ku-xigeenka arrimaha dibadda, Marwo Rooda Jaamac Cilmi, halka dhinaca Ergeyga ay wehelinayeen saraakiil xafiiskiisa katirsan oo ay kamid yihiin Obinna Okamgba, Nikolai, Dana Palade, Ahmed Qalinle, Dahir Mohamed Dahir, Mustafa Khaire. ALLAA MAHAD LEH Maxamed Cilmi Xasan (Shiine) Agaasime ku-xigeenka Warbaahinta Madaxtooyada JSL Qaran News

Hargeysa (Caasimada Online) – Golaha wasiirada xukuumadda Somaliland oo maanta shirkoodii caadiga ahaa ku yeeshay gudaha magaalada Hargeysa ayaa kasoo saaray qodobo xasaasi ah oo ku aadan xaaladda maamulkaasi iyo arrimaha doorashooyinka. Shirka oo uu guddoomiyay madaxweyne Muuse Biixi ayaa waxaa marka hore warbixinno kala duwan looga dhageystay wasiirada arrimaha gudaha iyo maaliyadda oo faah-faahin dheeri ah ka bixiyay arrimaha ammaanka iyo sidoo kale dhaqaalaha guud ee Somaliland. Sidoo kale shirka golaha ayaa waxaa looga hadlay diyaargarowga doorashooyinka guud ee dhacaya 13-ka bisha November, ayada oo shacabka loogu baaqay inay u diyaargaroobaan doorashooyinkaas iyo difaaca qaranka, sida lagu sheegay bayaan kasoo baxay shirka. Hoos ka akhriso warsaxaafadeedka oo dhammeystiran:- WAR-SAXAAFADEED:-21-09-2024 Nuxurka qodobbo laga soo saaray shirkii golaha wasiirrada ee Maanta Fadhigii 132-aad ee Golaha Wasiirrada Jamhuuriyadda Somaliland oo uu Shir-guddoominayey Madaxweynaha Jamhuuriyadda Somaliland, Mudane Muuse Biixi Cabdi, ayaa maanta lagu naaqishay arrimo door ah oo la xidhiidha Amniga, dhaqaalaha dalka iyo u diyaar-garowga doorashooyinka. Ugu horrayn, waxa shirka warbixin la xidhiidha xaaladda guud ee Amniga dalka ka dhegaystay wasiirka wasaaradda arrimaa gudaha, Mudane Maxamed Kaahin Axmed, sidoo kale waxa warbixinta xaaladda dhaqaalaha dalka iyo diyaarinta oddoroska miisaaniyadda 2025 lagaga dhegaystay wasiirka wasaaradda horumarinta Maaliyadda, Dr. Sacad Cali Shire. Geesta kale, golaha wasiirradu waxa uu dood iyo falanqayn ka yeeshay qabyo-qoraalka xeerka Ciqaabta guud, sidoo kale, waxa wasiirka warfaafinta, Mudane Cali Xasan Maxamed iyo garyaqaanka guud ee qaranka, Mudane Cabdisamad Cumar Maal golaha usoo bandhigeen qabyo-qoraalka xeerka warbaahinta Somaliland, kaas oo beddelaya xeerkii hore loo odhan jirey, Xeerka Saxaafadda LR.27/2004, iyaga oo sharraxaad dheer golaha ka siiyey nuxurka iyo ahmiyadda uu leeyahay xaarkan cusub iyo waxyaabaha uu kaga duwan yahay xeerka uu beddelayo, iyada oo doodda labadan xeer halkaas kasii socon doonta fadhiyada soo socda. Ugu dambayntii, golaha wasiirrada Jamhuuriyadda Somaliland, waxa uu si qoto dheer ua dooday diyaargarowga doorashooyinka qorshaysan 13-ka Bisha November, sannadkan 2024-ka, sidoo kale waxa uu goluhu ugu baaqayaa shacabka Jamhuuriyadda Somaliland inay u diyaargaroobaan doorashooyinka iyo difaaca qaranka. ALLAA MAHAD LEH The post Sawirro: Golaha Wasiirada Somaliland oo maanta soo saaray qodobo xasaasi ah appeared first on Caasimada Online.

460259328_1672708336845896_6587277690411902485_n Qaran News

Madaxweynaha Puntland Siciid Cabdullaahi Deni oo khudbad ka jeediyay shir ku saabsan nabadda oo maanta Garoowe ka furmay ayaa sheegay in nabadda Soomaaliya ku imaan karto xal siyaasadeed. “Nabad dhalinta Soomaaliya waxaa ku gedaaman in la helo xal siyaasadeed. Haddaan xal siyaasadeed la helin nabaddu mar walba way nuglaanaysaa cid baana si’ uga faa’idaysanaysa dano siyaasadeed” ayuu yiri madaxweyne Deni. Madaxweyne Siciid Deni ayaa ugu baaqay dhammaan madaxda Soomaaliya oo uu ugu horreeyo madaxweyne Xasan Sheekh Maxamuud in la ilaaliyo wixii Soomaali ku heshiisay si aysan mar kale u kala daadan dowladnimada dalka. “Waxaan ugu baaqaya madaxda Soomaaliyeed oo uu ugu horreeyo madaxweynaha Jamhuuriyadda iyo madaxda kale ee Soomaaliya ee State-yada madaxda ka ah iyo cid kasta oo mas’uul ah in ay ilaaliso waxa dadku heshiiska ku yahay” ayuu sii raaciyay madaxweynaha Puntland. Madaxweyne Deni ayaa sidoo kale sheegay in nabadda Soomaaliya ka degi la’dahay fara-gelin siyaasadeed oo dibadda kaga imaanaysa waxaana uu ka digay in aan dalka lagu celin heer dib u heshiisiin sidii shirkii CARTA ee dalka Jabuuti lagu heshiisiyay Soomaalida. PUNTLAND POST The post Madaxweynaha Puntland oo sheegay in nabadda Soomaaliya ku imaan karto xal siyaasadeed appeared first on Puntland Post.

Garoowe (Caasimada Online) – Madaxweynaha maamul goboleedka Puntland, Saciid Cabdullahi Deni oo maanta khudbad ka jeediyay shir sanadeedka Nabadda ee PDRC ayaa ka hadlay arrimo xasaasi oo ku aadan dowlad dhiska, maadaama ay taagan tahay xiisad maamulkiisa kala dhexeyso dowladda dexe iyo mid kale oo Soomaaliya kala dhexeyso Itoobiya. Saciid Deni ayaa guud ahaaneed uga hadlay xaaladda dalka, wuxuuna jeediyay farriin culus isaga oo ka digay in dib Soomaaliya loogu celiyo xaaladdii laga soo gudbay ee Carte. Sidoo kale wuxuu soo jeediyay in la saxo qaladaadka jira, isla markaana la xoojiyo meelaha ay ka dabacsan tahay dowladnimada Soomaaliya “Soomaaliya yaan fursad dambe loo siinin mar labaad qadka inta ka baxdo dib loo yagleelin shir dib u heshiineed oo ballaaran oo Soomaali hadda ha la’isku keeno la oran” ayuu yiri. Sidoo kale wuxuu sii raaciyay “Waxaa haboon maanta meesha aan joogno inaanu dib uga noqonin Carte iyo shirarkii lamidka ahaa, laakiin meelaha ay ka liiceyso inaan ka toosino aan ku darsano xisaabta”. Dhinaca kale wuxuu toos ula hadlay madaxda dowladda dhexe, gaar ahaan madaxweyne Xasan Sheekh iyo hoggaaiyeyaasha maamul goboleedka oo uu ugu baaqday inay ilaaliyaan dastuurka iyo shuruucda kale ee ay dadka Soomaaliyeed heshiiska ku wada yihiin. “Waxaa sidoo kale fursaddan uga faa’ideysanayaa dhamaan madaxda Soomaaliyeed oo uu ugu horreeyo Madaxweynaha Jamhuuriyadda iyo madaxda kale ee maamul goboleedyada iyo cid kasta oo mas’uul ah in ay ilaaliso waxa dadka heshiisku ku yahay” ayuu kusii daray. Ugu dambeyn wuxuu ka hadlay farogelinta shesheeyaha uu ku hayo arrimaha gudaha ee Soomaaliya, wuxuuna yiri “Dagaalka Soomaaliya, Soomaali keliya hadii ay tahay waa hore ayey heshiin laheyd laakiin farogelinta deriska iyo Caalamka ayaa nagu jirta”. Hadalkan dabacsan kasoo baxay hoggaamiyaha Puntland ayaa kusoo aadayo, xilli ay taagan tahay xiisad meel xun gaartay oo maamulkiisa kala dhexeyso dowladda federaalka, taas oo illaa iyo hadda aan laga gaarin xal rasmi ah. The post DENI oo Xasan iyo madaxda Soomaalida uga digay arrin aan laga soo kabsan karin appeared first on Caasimada Online.

Hezbollah was reeling Saturday from an Israeli airstrike that killed two of its senior figures and dozens of other people, intensifying fears of all-out war in the Middle East. Source: Hiiraan Online

At least 1,500 civilians were killed or injured by 600 improvised explosive devices (IEDs) in Somalia over the past year, the UN reported late Thursday. Source: Hiiraan Online

Doolow (Caasimada Online) – Taliyihii hore ee amniga gobolka Gedo, Cali Xaashi oo wareysi gaar ah siiyay Telefishinka Somali Cable ayaa ka hadlay arrimo xasaasi ah oo ku aadan xaaladda gobolka Gedo, arrinta ciidamada Itoobiya eek u sugan gobolkaasi.. Cali Xaashi oo wax laga waydiiyay wararka la xiriira in garoomada Gedo ay la wareegeen ciidamada Itoobiya ayaa beeniyay warkaasi, wuxuuna sheegay in ciidamada Itoobiya ay horay u joogeen gobolka, hadana ay ku sugan yihiin, balse aanu jirin garoon ay si buuxda ula qabsadeen. Sidoo kale meesha ka saaray walaaca laga muujiyay ciidamo badan oo Itoobiya ay soo gelisay gobolka, si ay dhaq-dhaqaaq uga sameeyaan halkaasi. “Ma fahmin in la leeyahay gobolka Gedo, Itoobiyaankii ayaa la wareegay ciidamada Itoobiya awalbaka gobolka waa joogee ee ma ciidamo cusub baa yimid miyaa laga wadaa ma kuwii joogay ayaa meelo horleh la wareegay miyaa laga wadaa ma fahmi karayo” ayuu yiri Cali Xaashi. Waxaa kale oo uu intaasi kusii daray in aanu jirin war rasmi ah oo kasoo baxay dowladda dhexe iyo Jubbaland oo lagu xaqiijiyay in Gedo ay la wareegeen ciidamada Itoobiya. “DFS qoraal rasmi ah oo kasoo baxay oo ay ku leeyihiin Itoobiya ayaa la wareegtay ma jiro, inta aan xogta hayo sidoo kale ma jirto Gedo waxay ka tirsan tahay Jubbaland qoraal cad oo ay dowladda Jubbaland soo saartay oo leedahay waxaa la wareegay Itoobiyaan baa la wareegay ma jiro” ayuu sii raaciyay. Taliyihii hore ee amniga Gedo wuxuu qiray in ciidamada Itoobiya ay ku sugan yihiin inta badan degmooyinka gobolka, balse aanu awood u laheyn in garoon ay qabsadaan ama ay dad u diidaan. “Ciidamada Itoobiyaanka waa joogaan gobolka, horayna waa u joogeen oo waxay ka howlgalaan inta badan degmooyinka oo dhan, marka hadda sax ma’aha warka la baahiyay” ayuu mar kale yiri. Hadalkan wuxuu ksuoo aadayo, ayada oo walaac xoogan uu ka dhashay dhaq-dhaqaaq ay Itoobiya ka bilowday gudaha Soomaaliya, xilli ay taagan tahay xiisadda ka dhalatay heshiiska badda ee uu ra’iisul wasaare Abiy Axmed la galay maamulka Somaliland, kaas oo ay ka caroortay dowladda dhexe. The post Maxaa ka jira in ciidamada Itoobiya ay la wareegeen garoomada gobolka GEDO? appeared first on Caasimada Online.

Ciidanka Xoogga Dalka Soomaaliyeed, gaar ahaan guutada 9-aad qeybta 60-aad oo ka howlgasha gobolka Bakool ayaa saaka howlgal qorshaysan ka fuliyey deegaanka Qeydar-Cadde oo dhanka waqooyi galbeed kaga beegan magaalada madaxda Gobolkaaas ee Xuddur. Inta uu socday howlgalkan oo ka dhan ahaa kooxda Alshabaab ayaa sababay iska hor imaad uu ka dhashay khasaare dhimasho iyo dhaawacba isugu jira sida ay sheegtay warbaahinta ciidamada qalabka sida ee Soomaaliya. Saraakiisha howlgalkaan hogaaminaysay ayaa soo bandhigay hubkii laga soo furtay iyo godadkii difaaca u ahaa kooxda Alshabaab ee deegaankaas ku sugnaa, waxayna tillaabadani qeyb ka tahay gulufka ka dhanka ah Alshabaab ee ka socda meelo badan oo dalka kamida. Source: goobjoog.com

The blue shirts of Somali Youth Link members have become a staple around the Stone Arch Bridge, Boom Island Park and Dinkytown. And the program has continued to receive positive feedback. Source: Hiiraan Online

Madaxweyne ku xigeenka dalka Kenya Rigathi Gachagua ayaa shaaca ka qaaday jiritaanka khilaaf xooggan oo u dhexeeya isaga iyo madaxweyne William Ruto, asagoo xaqiijiyay inuu wajahayo cadaadis iyo caqabado ka dhan ah awooddiisa fulineed. Wareysi uu siiyay TV-ga maxalliga ah ee Citizen ayuu Gachagua ku sheegay in xafiiskiisu uu culays kala kulmaya saaxiibada madaxweynaha, wuxuuna ballanqaad beenoobay ku tilmaamay hadal-jeedintii William Ruto ee xilligii ololaha doorashada, taas oo ay qeyb ka ahayd inuusan oggolaan doonin in madaxweyne ku xegeenkiisa la xaqiro . Si kastaba ha ahaatee, Gachagua, ayaa daboolka ka qaaday mad-madow xoogani uu soo kala dhex galay asaga iyo Ruto, wuxuuna xusay in saaxiibada madaxweynuhu ay xil gudashadiisa caqabad ku yihiin, taas oo ah dhaqan madaxweyneyaashii soo maray dalkan ku yaalla bariga Afrika intooda badan lagu eedeyn jiray. Source: goobjoog.com

Mogadishu (HOL) — Somali President Hassan Sheikh Mohamud has issued a sharp warning against the possession and trade of illegal weapons, stressing that his government is determined to take strict measures against those involved. Source: Hiiraan Online

Muqdisho (Caasimada Online) – Wararka naga soo gaaraya magaalada Muqdisho ayaa sheegaya in mar kale xaalad halis ah ay kasoo cusboonaatay degmada Kaaraan oo mar kamid ahayd degmooyinka ugu amniga xun ee gobolka Banaadir. Ciyaal weero cusub ayaa dib uga soo baxay degmadan oo horay looga tirtiray kooxaha ciyaal weerada iyo sidoo kale burcadda hubeysan, kadib qorshe ay la timid dowladda. Dadka deegaanka ayaa haatan ka cabanaya xaalad cusub oo kusoo korortay,, gaar ahaan soo noqoshada ciyaal weeraro oo halis ku aha shacabka ku dhaqan halkaasi. Xaafadda Burka Diikow oo ka tirsan degmada Kaaraan ayaa lagu arkay kooxdan oo raxan raxan usocota, isla markaana dhagxeynaya guryaha, sidoo kalena dhibaateyda dadka shacabka ee lugeynaya. Qaar kamid ah dadka deegaanka oo la hadlay warbaahinta ayaa farriin u diray maamuka degmada iyo saraakiisha amniga, waxayna ugu baaqeen inay si deg-deg ah wax uga qabtaan xaaladda soo korortay. Sidoo kale waxaa baraha bulshada si weyn loogu baahiyay muuqaalka kooxda ciyaal weerada oo dhibaato ka gaysaneydo degmada Kaaraan ee gobolka Banaadir. Illaa iyo hadda ma jiro wax hadal ah oo kasoo baxay ma’uuliyiinta gobolka Banaadir iyo laamaha amniga oo ku aadan cabashada kasoo yeereysa shacabka degmada Kaaraan. Muqdisho ayaa muddooyinkii u dambeeyay ka nasatay kooxaha ciyal weerada, waxaana hadda laga digayaa in mar kale ay noqoto halis kusoo laabata dadka ku dhaqan caasimada. The post Xaalad halis ah oo ka soo cusboonaatay KAARAAN appeared first on Caasimada Online.

In 2006, Ethiopia stood as the unchallenged power in the Horn of Africa. However, nearly two decades later, internal conflict and misguided territorial ambitions have left it increasingly isolated, while Somalia, once labelled a failed state, is reemerging as a regional force. Source: Hiiraan Online

Muqdisho (Caasimada Online) – Guddoomiyihii hore ee maamulka gobolka Banaadir, Taabit Cabdi Maxamed oo qoraal soo saaray ayaa ka falceliyay khudbaddii uu Jimcihii shalay jeediyay madaxweyne Xasan Sheekh Maxamuud, taas oo uu uga hadlay arrimo xasaasi ah oo ay ugu horreyso arrinta midnimada, isaga oo sidoo kale ummadda Soomaaliyeed ugu baaqay inay ka shaqeeyaan wanaagga iyo wadajirka dalka iyo dalka.. Taabit aya sheegay in marka hore madaxweynaha loog baahan yahay inuu qaado tallaabo la xiriirta kuwa aflagaadada gaystay eek a tirsan dowladdiisa, si loola xisaabtamo, maadaama uu gef ka dhacay, sida uu hadalka u dhigay. “Madaxweyne haddii ficilkaagu khayr iyo wanaag yeesho dadkuna intaa iyo in la eg ka fillo, balse marka hore kuwa aflagaadada gaystay ee dowladdaada ka tirsan tallaabo ka qaad, markaas bay rummoobeysaa wanaagga isku kaashada, xumahana iska reeba” ayuu qoraalkiisa ku yiri duqii hore ee magaalada Muqdisho. Sidoo kale wuxuu ka hadlay arrinta xakameynta hubka, isaga oo ka horyimid go’aanka Xasan Sheekh ee ah in saq-dhexe la weeraryo cid kasta oo haysata hub sharci darro ah, wuxuuna taasi beddelkeeda ku taliyay in la raaco habraaca iyo nidaamka loo dajiyay xakameynta hubka. “Mida kale xakamaynta hubka habraac iyo nidaam dowladdeed soo ma lahan mise sagaal saac habeennimo in la is weerraro ayuu ka bilowdaa. In saqdhexe la isku duullo, duul baa ku jabay hortaa, dowladna laguma hagi karo” ayuu mar kale yiri Taabit. Hadalkan aya kusoo aadayo, ayada oo shalay Madaxweynaha Soomaaliya Xasan Sheekh Maxamuud uu si adag uga hadlay aflagaadada baraha bulshada loo marsiiyo qabaa’ilka iyo siyaasiyiinta, wuxuun cadeeyey in dowladiisa aan laga difaacin baraha bulshada, isla markaana uusan raali ka aheyn in dadka Soomaaliyeed lasoo aflagaadeeyo. “Walaalayaal hadalada xun hala joojiyo, waxaba ma tarto, waa aduunyo iyo aaqiro beel, nin siyaaasi ah oo dadka ka soo horjeeda aad u aflagaadeyso, waxaba uma tareyso,” ayuu yiri Xasan Sheekh. Madaxweynaha ayaa si cad u sheegay in siyaasadda aysan ugu jirin, isla markaana uusan jirin qof uu u wakiishay inuu soo aflagaadeeyo qofkii ka aragti duwan dowladda. “Ma rabno, siyaasad iyo xukun noogama jiro inaad darteen dadka u aflagaadeysaan, qof walaal ah aflagaadadiisa darajo ku gaari meyno, cid aan howshaas u dirsanay ma jirto, hada kadib waxaan rabnaa qofkii horay dadka u caayi jiray inuu joojiyo, kii soo caayi rabayna uu ka waantoobo arrintaas,” ayuu hadalkiisa ku sii daray Xasan Sheekh. The post Taabit oo u jawaabay Xasan: In saq-dhexe la isku duullo, duul baa ku jabay hortaa appeared first on Caasimada Online.

Wefdi ka kooban golayaasha dowladda Puntland ayaa saaka safar ugu baxay magaalada Boosaaso ee xarunta gobolka Bari. Wefdiga oo isugu jira wasiiro iyo xildhibaanno ka tirsan dowladda Puntland waxaa hoggaaminaya guddoomiye ku xigeenka kowaad ee Baarlamaanka Maxamed Baarri Shire. Xubnahan oo u badan mas’uuliyiinta ka soo jeeda gobolka Bari ayaa ku sii jeeda magaalada Boosaaso oo dhawaanahan ay ka taagnayd xiisad u dhexaysaa xukuumadda madaxweyne Deni iyo Ciidanka PSF. Socdaalka wefdigani ayaa imaanaya xilli ay socoto waan-waan lagu xallinayo xiisadda labada dhinac islamarkaana la sheegay in meel wanaagsan ay marayso waan-waanta oo ay garwadeen ka yihiin guddi ka soo jeeda magaalada Qardho. PUNTLAND POST The post Wefdi ka kooban golayaasha dowladda Puntland oo saaka safar ugu baxay Boosaaso appeared first on Puntland Post.

Gobolka Geeska Afrika waxa uu xilligan dhex maquuranayaa loollan bilow ah laakiin aan la saadaalin karin halka uu ku dambeyn doono, waxaana murqahooda fidsanaya dalalka awoodda militari iyo tan dhaqaalaba horboodaya caalamka—oo ay ugu horreeyaan Maraykanka, Shiinaha iyo Ruushka. Sidoo kale, waxaa iyana saameyntooda la iska indhatiri karin awoodo dhexe oo heer goboleed ah, afka cilmiga xiriirka caalamigana lagu dhaho “middle powers,” waxaa safka hore kaga jira Imaaraadka, Turkiga, Sucuudiga, Masar, iwm. Maraykanka waxa uu loollankan si dhab ah ugu soo biiray doorashada Donald Trump wixii ka dambeeyey, waxaana isbeddel lagu sameeyey qorshaha amniga qaranka iyo siyaasadda ku aaddan Afrika iyada oo dib loo qeexay “Cadowga Maraykanka” iyo cidda khatarta ku ah danihiisa istaraatiijiga ah. John Bolton oo xilligaas ahaa lataliyaha amniga qaranka ee Trump ayaa mar uu tilmaam ka bixinaayey cadowga koowaad ee Maraykanka waxa uu sheegay in Shiinaha iyo Ruushku ay khatar amni oo heer qaran ah ku yihiin, adduunkana u diyaargaroowo dagaal qabow oo cusub (New cold war). Geeska Afrika waxa uu leeyahay ahmiyad siyaasad dhuleed (geopolitical) oo aad u sarreysa, waxaana ku doodayaa cidda gacanta ku heysa ayaa ku guuleysan doonta dagaalka qabow ee socda. Dalalka sida gaar ah ahmiyadda u leh oo isha lagu wada haayo waxaa koow ka ah Soomaaliya. Marka koowaad, waa dal juqraafi ahaan isku xira suuqyada saddex bari oo kala ah: Bariga fog ee eeshiya sida India, Bangladesh, Pakistan Bariga dhexe Albaabka hore ee Bariga Afrika Marka labaad, saldhiga militari ee Berbera waa meel waqti xaadirkan muhiim u ah loollanka socda, waana mid ka mid ah sababaha ugu waaweyn ee Maraykanku u daneynayo Soomaaliya. Heshiiskii qudbasirada ahaa ee u dhexeeyey Muuse iyo Abiy Horraantii sanadkan 2024 waxaa xasiloonida gobolka gilgilay heshiis sharcidarro ah oo ay kala saxiixdeen Ra’iisulwaasaraha Itoobiya Abiy Ahmed iyo gooni-u-goosadka Soomaaliland oo uu hoggaaminaayey Muuse Biixi. Islamarkiiba, waxaa ka falceliyey Xukuumadda iyo Baarlamaanka Dowladda Federaalka Soomaaliya iyaga oo ku tilmaamay waxba kama jiraan iyo xadgudub ka dhan ah madaxbannaanida Jamhuuriyadda. Halkaas waxaa ka bilowday dagaal diblomaasiyadeed oo aan waxba la isku reeban, mararka qaar heer waxaa la isla gaaray in hadallo rabshado xambaarsan la isku weydaarsado baraha bulshada iyo warbaahinta maxaliga. Dalalkii sida tooska ah u taageeray Jamhuuriyadda Federaalka Soomaaliya, si cadna u sheegay in aan lagu xadgudbi karin gobonimada iyo midnimada dhuleed ee dalka Soomaaliya. Haddaba, maqaalkan waxa aan kaga hadli doonaa sababaha keenay in Maraykanku sidaas oo dhan inoo garab istaago, Itoobiyana cagta wejiga u saaro. Si kale u dhig, Maraykanka maxaa ku riixaya arrintan? Xiriirka Maraykanka iyo Itoobiya Maraykanka waxa uu markiisii hore saaxiib dhow la ahaa Ra’iisulwasaarihii hore ee Meles, xiriirka Itoobiya kala dhexeeyeyna waxa uu ku koobnaa qofka shakhsiga ah ee markaas xukunka fadhiya, waana meesha ay wax ka khaldameen. Waayo isku dhaca Maraykanka iyo Itoobiya waxa uu bilowday markii saaxiibkood Meles meesha ka baxay, Abiy Ahmed oo dhallinyaro ahna xukunka qabsaday. Maraykanku bilowgii hore waxay isku dayeen in ay xiriir dhow la yeeshaan, lana macaamilaan laakiin habkaas way u shaqeyn weyday, Abiy na waxa uu ku noqday qof madax adag, khiyaano badan, una weecday siyaasad ahaan dhanka Ruushka iyo Shiinaha isaga oo xubin ka noqday ururka BRICS. Ficilada Abiy waxay hurdo la’aan ku rideen Maraykanka, waana halka ay iska soo galeen danaha Maraykanka iyo kuwa Soomaaliya. Waayo labada dalba waxaa culeys ku ah Abiy, Maraykankuna waxaa ka go’an in ay ciqaabaan, afka ciidda u galiyaan ilaa inta uu ka soo laabanayo. Haddaba, su’aasha isweyddiinta mudan waxay tahay maxaa iska beddeli kara taageerada Maraykanka ee ku aaddan Soomaaliya mar haddii Abiy Ahmed soo towbad keeno, dibna u soo celiyo xiriirkii wanaagsanaa ee ka dhexeeyey Itoobiya iyo Maraykanka? Halkan waxaa ku jirta labalabeyn (dilemma) laakiin qaybta dambe ayaan si faahfaahsan uga hadli doonaa arrintan. Dhanka kale, waxaa suuragal ah in dadka qaar ku sirmaan doodda dhahaysa Maraykanka waxa uu daacad ka yahay ilaalinta gobonimada Soomaaliya waayo isaga ayaa dan ku qaba in la dhowro shuruucda nidaamka caalamiga. Waa dood raqiis ah waayo haddii ay dhab ka tahay muxuu isaga laftirkiisa ugu xadgudbay, una farogeliyey Ciraaq iyo Afgaanistaan? Sidoo kale, muxuu u taageeray ciidamadii Itoobiya ee xasuuqa ka geystay magaalada Muqdisho? Marka la joogo siyaasadda dunida, hal qodob in la isla fahmo waa muhiim, taas oo ah in dal kasta danihiisa gaarka ah ka shaqeeyo. Dalalka kuwooda waaweyn ee awoodda is-bida iyo kuwa yar ee laciifka ah waxay ku dhex jiraan aashuun afka ka xiran, xeerkiisuna yahay ninbow naftaa (self-help system). Marka doodda la xiriirta mooraalka waa mid raqiis ah, macno badanna kuma fadhiso. Taariikhdu armey dib isu soo celisaa? Dagaalkii Soomaaliya iyo Itoobiya ee dhacay 1977 inta uusan bilaabanin ka hor, dalka Soomaaliya waxa uu xulufo siyaasadeed oo istaraatiiji ah la lahaa Ruushka halka Itoobiya jirtay dhanka Maraykanka. Maxaa dhacay oo isbeddelay? Kaligii taliyihii Mengistu ee xukunka qabsaday markii uu dareemay khatarta ku soo socota waxa uu ku soo biiray xulufada Ruushka. Taasi waxay keentay in Ruushku beddelo go’aankiisii hore ee ahayd waa idin taageereynaa Soomaaliya. Si kale u dhig, Ruushku wuxuu ku booday Soomaaliya maadaama ay wax iska beddeleen danihiisii istaraatiijiga ahayd, waxa uuna qabay dood dhahaysa laba dal oo shuuci ah isma dagaali karaan. Haddaba, su’aasha hadda taagan oo xaalad labalabeyn abuureysa waxay tahay haddii Abiy Ahmed uu isbeddelo, iskuna dhiibo Maraykanka, dibna u soo celiyo xiriirkii hore maxay arrintaasi ka beddelaysaa mawqifka aqalka cad ee ku aaddan MoU da sharcidarrada ah? Jawaabta way sahlan tahay. Saadaashaydu waxa ay tahay, waxa uu gali doonaa jawi aamusnaan ah, indhaha ayuuna gacmaha saaran doonaa isaga oo leh “tuug ma aragtay, ma arkin.” Gebogebo Dowladda Federaalka Soomaaliya hadda waxay heysataa taageerada Maraykanka oo buuxa, waana fursad dahabi ah oo ay kaga faa’ideysan karto mashruuc la dhaho isku tasho iyada oo dhisaneysa cutubyo si gooni ah loo carbiyey, kana tirsan ciidamada badda, kuwaas oo awood u yeelan kara fulinta hawlgalo degdeg ah. Dhanka kale, waxaan ku talinayaa in taageerada Maraykanka loo qaadan haddiyad cirka ka timid oo weligeed nala joogeysa. Mar kasta waxaa la filan karaa in uu isbeddel ku dhaco siyaasaddiisa ku aaddan gobolka gaar ahaan xiriirka uu la leeyahay Itoobiya. Madaxda Soomaaliyana waxaa cashar ugu filan taariikhda oo ay dib u milicsadaan, waxne ka bartaan. WQ: Xasan Mudane Khabiir ku xeeldheer siyaasadda Afrika Mudanep5@gmail.com Source: goobjoog.com

Muqdisho (Caasimada Online) – Dowladda Soomaaliya ayaa sanadkii hor soo rogtay amar ah, in goobaha ganacsiga ee ku yaala waddooyinka iyo suuqyada lagu xiro Kaamirooyinka qarsoon ee loo yaqaan CCTV si la mid ah Guryaha ay dagan yihiin dadka shacabka ayaa la faray in lagu xiro Kaamirooyinka. Amarkaan ayaa dowladda Soomaaliya ku micneysay in lagu sugayo amniga caasimadda, kaalin uu ka qaadanaya badqabka Ganacsiga iyo Muwaadinka, kuwaas oo la kulma dhac, dil iyo dhaawac oo ay geysanayeen dad aan la aqoon heybtooda. Inta aysan soo rogin amarkaan dowladda Soomaaliya ayaa Hay’adda NISA waxa ay Kaamirooyin ku xirtay dhammaan Isgoysyada magaalada Muqdisho, taas oo sahashay in la raadraaco falal amniga liddi ku ah kuwaas oo ka dhacay Caasimadda. Askar ka tirsan ciidanka dowladda ayaa ka soo hormuuqday maxkamadda ciidadama qalabka sida, ka gadaal markii ay geysteen falal liddi ku ah amniga caasimadda, Xeer ilaalinta ayaa dacwadda Askartaan waxa ay marag ugu dhigtay muuqaallo ay duubeen kaamirooyinka qarsoon, si la mid ah waxaa maxkamadda ka soo muuqday rag lagu eedeeyey in ay ka tirsanaayeen Al-Shabaab, kuwaas oo Caasimadda ka fuliyey dilal qorsheysan iyo Qaraxyo. Mid ka mid ah Aqoonyahaannada ku nool magaalada Muqdisho ayaa aragtidiisa sidaan ku cabiray, “Dowladda Soomaaliya waan ku bogaadinayaa tallaabada ay qaadeen ee ah in magaalada Muqdisho lagu xiro Kaamirooyinka, waad aragtaan maxkamadda waxaa ka soo muuqday rag dhac u geysanayey dhallinyarada magaalada oo ah ubixii dalka, hadda waxaa aan maqlay in xaafadihii lagu xiray, waan tallaabo wanaagsan.” Sidoo kale Shacabka Muqdisho oo aan wax ka waydiinaya aragtidooda ku aadan Kaamirooyinka, mid ka mid ah ayaa sidaan u aragti dhiibtay, “Moobilkaan aad u jeedid Kaamirad ayaa lagu soo badbaadiyey, Xaafaddeyda afarta gees Kaamiro ayaa ku xiran.” Bilowga Xiritaanka Kaamirooyinkaan Ganacsatada Muqdisho ayaa caqabad kala kulmay, qaar ka mid ah goobo ganacsi oo ku yaala Suuqa Bakaaraha ayaa la qarxiyey, iyada oo halkaas ka dhashay dhimasho iyo dhaawac, taas oo markii dambe sababtay in ganacsatada suuqa ay xiraan goobaha ganacsiga. Isha: Mustaqbal The post Kaamirooyinka qarsoon ee lagu xiray Muqdisho ma yareeyeen dhaca mise? appeared first on Caasimada Online.

Ugu yaraan 77 qof ayaa lagu dilay weerar ka dhacay caasimadda Mali ee Bamako, sida ay wakaaladda wararka ee AFP ka soo xigatay ilo xog ogoal ah oo ku sugan gudaha dalkaas. Ku dhawaad ​​200 oo kale ayaa ku dhaawacantay weerarkan oo dhacay dabayaaqada todobaadkii hore , waxaana uu sababay in isbitaallada ay buux dhaafiyaan bukaanno dhaawac ah, sida uu wakaaladda wararka u sheegay diblomaasi codsaday inaan magaciisa la sheegin. si kastaba ha ahaatee, dadka deegaanka ayaa soo sheegay in rasaas iyo qaraxyo ay dhaceen, waxaa kale oo jiray qiiq ka dhashay dab qabsaday dhismayaashii meesha ka dhowaa. Masuuliyiinta dalka Mali ayaa sheegay in koox hubeysan ay weerar ku qaadeen dugsi tababar oo ciidamada booliska ee sida military-ga u laylyan lagu carbiyo, kaas oo ku yaalla degmada Faladie ee caasimadda Bamako. Dalkan ku yaalla galbeedka Afrika ayaa la daalaadhacaya weerarro argagixiso iyo fallaagooyin hubaysan oo mudda dheer xasilloonida gobolka oo ay maali, iyo Burkina Faso ugu horreeyaan halis ku ahaa. Source: goobjoog.com

Israa’iil ayaa duqeyn ay ka fulisay caasimadda Lubnan ee Beyruut ku dishay 14 qof oo uu ku jiray abaanduule sare oo ka tirsan ururka Xisbullah. Duqeynta oo lagu bartilmaameedsaday guri ku yaalla xaafadda ay dadka aadka ugu badanyihiin ee Daaxiya ee koofurta Beyruut, ayaa lagu dilay Ibrahim Caqiil oo ahaa abaanduulaha guutada ugu sarreysa Xizbullah ee loo yaqaano Radwaan. Afhayeenka millatariga Isra’iil Daniel Hagari, ayaa sheegay in ay dileen Ibrahim Caqil iyo 10 sarkaal oo kale oo tirsan saraakiisha Xisbulah. Wuxuu sheegay in ay sii wadi doonaan ugaarsashada cadawga Isra’il si ay u difaacaan muwaadiniintooda. Bayaan ay soo saartay Xisbullah ayay ku sheegtay in Ibrahim Caqil uu ahaa halyeey dagaayhan ah oo ku biiray safka shuhadada saraakiishi ka horreysay ayay yiraahdeen. Xisbullah ma aysan sheegin halka uu ku dhintay iyo sababaha dilkiisa. PUNTLAND POST The post Israa’iil oo duqayn ku dishay abbaan-duuliye sare oo ka tirsan Xisbullah appeared first on Puntland Post.

In the first episode of The Horn’s new season, Alan is joined by Crisis Group’s senior Eastern Africa analyst Omar Mahmood to discuss the escalating regional tensions involving Somalia, Egypt and Ethiopia, the uncertain future of the stabilisation mission ATMIS, which supports Mogadishu in its fight against Al-Shabaab and the presence of the Islamic State in Somalia. Source: Hiiraan Online

Agaasimaha Guud ee Hay’adda Socdaalka iyo Jinsiyadda Mudane Axmed Siciid Maxamed iyo Wafdiga uu hogaaminayo oo safar shaqo ku jooga wadanka Denmark ayaa la kulmay madaxda Garoonka diyaaradaha ee Copenhagen. Agaasimaha iyo Wafdigiisa ayaa ugu horrayn waxa ay warbixin ku saabsan habka uu u shaqeeyo garoonka ay ka dhageesteen madaxda Garoonka, Sidoo kale waxa ay booqasho kormeer ah ku tageen qaybaha uu ka kooban yahay garoonka diyaaradaha ee Copenhagen, gaar ahaan qaybta hubinta baasaboorada iyo qaybaha laga maamulo xogta duulimaadyada. Source: goobjoog.com

Djibouti City (HOL) — The World Bank has approved an additional $90 million in financing to expand the Djibouti Regional Economic Corridor, a major infrastructure project to boost regional connectivity and trade in the Horn of Africa. Source: Hiiraan Online

460407899_854499070116612_4698267654588443575_n Qaran News