Murashaxa Madaxweynaha Xisbiga waddani Cabdiraxmaan Maxamed Cabdilaahi cirro ‘ Murashaxa Madaxweyne Ku Xigeenka Xisbiga Maxamed Cali Aw Cabdi Iyo Gudoomiyaha Xisbiga Waddani Xirsi xaji Cali Xasan Oo Ay Weheliyaan Gudoomiyaha Garabka Dhalinyarada Heer Qaran Cabdirashiid Cabdi Jaamac iyo Xoghayaha Horumarinta Beeraha Mukhtaar Xaaji Muxumed Faarax Ayaa Kulan la Yeeshay , Hogaanka dhaqanka Beelaha Madaxyoweyn (Gedabuursi) oo ka mid ah Aas-Aasayaasha xisbiga WADDANI Kulankaas Lagaga Hadlayey U diyaargarowga Doorashooyinka Iyo isbadalka waddani Looga Qaybqaadan Lahaa Qaran News

Baydhabo (Caasimada Online) – Xogo dheeraad ah ayaa laga helaya kulamo albaabada u xiran yihiin oo labadii cisho ee u dambeeyay magaalada Baydhabo uga socday madaxweynaha maamulka Koonfur Galbeed Cabdicasiis Lafta-gareen iyo taliyaha ciidanka asluubta Soomaaliya General Mahad Cabdiraxmaan (Shub). Sida ay Caasimada Online u sheegeen illo wareedyo ku sugan Baydhabo, kulamadan ayaa heshiis hordhac ah looga gaaray khilaafka dowladda dhexe iyo maamulka Koonfur Galbeed, kaasi oo maalmihii dambe cirka isku shareeray. Taliya Shub iyo Lafta-gareen oo laba maalmood oo xiriirka ah wada-hadallo kulahaa Baydhabo ayaa isku afgartay dhowr qodob oo hordhac u noqonaya heshiis lagu soo afjarayo xiisadda madaxweyne Xasan iyo Lafta-gareen. Sida ay inoo xaqiijiyeen illo wareedyada nala hadlay waxaa lagu heshiiyay in madaxweynaha Koonfur Galbeed uu tago magaalada Muqdisho, uuna ka qeyb-galo shirka madasha ee la filayo inuu caasimada ka dhaco daba-yaaqada bishaan. Sidoo kale waxaa kulamadii u dambeeyay ee xal u helista khilaafka lagu gaaray in xiisadda iyo hadallada xanafta leh la dejiyo, islamarkaana wixii dhiman Muqdisho lagu dhameeyo, oo ay halkaas isku hor fariistaan madaxweyne Xasan iyo Cabdicasiis Lafta-gareen. Waxaa sidoo kale qeyb ka ah heshiiskan hordhaca ah sida ay xogta sheegayso in duullimaadyada iyo isu socodka Koonfur Galbeed gudaheeda iyo Muqdisho sidoodii caadiga ahaa ay ahaadaan oo aan marnaba la carqaladayn. Jeneraal Mahad oo ay aad isugu dhow yihiin madaxweyne Lafta-gareen ayaa intii uusan Baydhabo tegin magaalada Muqdisho wada-hadal kula soo yeeshay madaxweyne Xasan Sheekh oo asagu u diray Baydhabo. Si kastaba, Madaxweyne Xasan Sheekh oo hadda ka cararaya inuu ku furmo albaabka doorasho dadban ayaa dadaal badan ku bixinaya sidii uu Lafta-gareen u imaan lahaa Muqdisho, si xiisadda taagan uga gaaro xal dhabaha u xaari kata inuu meel marsado shuruucda qabyada ka ah ee doorashada qof iyo cod ah. The post Xog: Heshiis hordhac ah oo laga gaaray khilaafka DF iyo maamulka Koonfur Galbeed appeared first on Caasimada Online.

Turkiga oo isku deyaya inuu xal u helo khilaafka u dhaxeeya Itoobiya iyo Soomaaliya, ayaa waxa uu shaaca ka qaaday inuu sii wadi doono dadaallada wada-heshiisiineed ee uu ka dhex wado labada dal. Sida uu sheegay wasiirka arrimaha dibadda Turkiga Hakan Fidan, Itoobiya ayaa qorsheynaysa inay wejigii saddexaad ee wadahadallo gooni gooni ah la yeelato madaxda dalkaas si loo qaboojiyo xiisadda Geeska Afrika ee ka dhalatay heshiiskii ay la gashay jamhuuriyadda iskeed ugu dhawaaqday madax-bannaanida ee Somaliland. Waxaa la xusuustaa in Turkiga oo xiriir dhow la leh Itoobiya iyo Soomaaliya uu Soomaaliya la gaadhay heshiis ah in laga wada shaqeeyo dhinacyo badan oo ay ka mid tahay iskaashiga milateri. Sidoo kale, waxaa la og yahay in Turkiga uu Itoobiya la leeyahay iskaashi dhaqaale iyo mid ciidan oo sanado soo jirey. Dhammaadkii bishii December ee sanadkii hore, Soomaaliya ayaa muujisay sida ay uga xun tahay heshiiskii Addis Ababa lagu saxiixay, kaasoo lagu doonayay in Itoobiya ay hesho bad ay isticmaasho halka Somaliland oo ay heshiiskaas wada galeenna ka faa’iidaysay ‘aqoonsi. Soomaaliya ayaa waqtigaas Itoobiya ku eedaysay inay ku xadgudbaynayso madax-banaanideeda, sabab la xidhiidha heshiisyadii is-afgaradka ahaa ee ay dhinacyadaasi saxiixeen. Waxaana ay isku dayday inay cadaadis ku saarto Itoobiya ka noqoshada arrintaas, iyada oo heshiisyo iskaashi la saxiixatay dalal kala duwan oo ay ku jirto Masar oo ay Itoobiya isku haystaan biyaha webiga Niil. Turkiga ayaa dhowaan isku dayay inuu xal u helo xiisadda labada dal, isagoo madaxda labada dal kula hadlay magaalada Ankara, si loo dajiyo xiisadda u dhaxeysa labada dal. Si kastaba ha ahaatee, waxaa la filayey in wareeg kale oo wada-hadal ah la isugu yimaado, maadaama aan la gaadhin natiijada laga filayey wada-hadalladaas. Labadii wadahadal ee aan tooska ahayn ee Itoobiya iyo Soomaaliya oo hore u dhex maray wasiirradooda arrimaha dibadda, ay mar kale la shaaciyey Talaadadii in laga shaqeeyo in wejigii saddexaad ee wada-hadalladaas fool ka foolka ah la filayo inay sii socdaan. Dhammaadkii bishii December ee sanadkii hore, Soomaaliya ayaa muujisay sida ay uga xun tahay heshiiskii Addis Ababa lagu saxiixay, kaasoo lagu doonayay in Itoobiya ay hesho bad ay isticmaasho halka Somaliland oo ay heshiiskaas wada galeenna ka faa’iidaysay ‘aqoonsi. Soomaaliya ayaa waqtigaas Itoobiya ku eedaysay inay ku xadgudbaynayso madax-banaanideeda, sabab la xidhiidha heshiisyadii is-afgaradka ahaa ee ay dhinacyadaasi saxiixeen. Waxaana ay isku dayday inay cadaadis ku saarto Itoobiya ka noqoshada arrintaas, iyada oo heshiisyo iskaashi la saxiixatay dalal kala duwan oo ay ku jirto Masar oo ay Itoobiya isku haystaan biyaha webiga Niil. Turkiga ayaa dhowaan isku dayay inuu xal u helo xiisadda labada dal, isagoo madaxda labada dal kula hadlay magaalada Ankara, si loo dajiyo xiisadda u dhaxeysa labada dal. Si kastaba ha ahaatee, waxaa la filayey in wareeg kale oo wada-hadal ah la isugu yimaado, maadaama aan la gaadhin natiijada laga filayey wada-hadalladaas. Labadii wadahadal ee aan tooska ahayn ee Itoobiya iyo Soomaaliya oo hore u dhex maray wasiirradooda arrimaha dibadda, ay mar kale la shaaciyey Talaadadii in laga shaqeeyo in wejigii saddexaad ee wada-hadalladaas fool ka foolka ah la filayo inay sii socdaan. Wasiirka arrimaha dibadda ee Turkiga Hakan Fidan oo isku dayaya in la isu soo dhaweeyo labada dal ayaa wakaaladda wararka ee Anadolu u sheegay in Turkiga uu sii wadi doono dadaalka uu ugu jiro isku soo dhaweynta Itoobiya iyo Soomaaliya. Waxa uu intaa ku daray in intii ay socotay khudbadda Ankara ay labada dal u suurtagashay inay isku soo “dhawaadaan qodobbo gaar ah”, waxa uuna sheegay inay rajeynayaan in xal loo helo dhibaatada jirta. Sidaa darteed, waxa uu yidhi: “Intii la iskugu keeni lahayn labada dhinac ee halkan [Turkiga], waxa aanu ka shaqaynaynaa ka hor is araggooda in la helo meel dhexe oo ay isugu iman karaan, kaddina la isugu keeno Turkiga iyaga oo wax la isla oggol” Wasiirka Arrimaha Dibadda ayaa sida oo kale tilmaamay in Turkiga uu go’aan ku gaadhay in arrintan si gaar ah loo maareeyo, isaga oo ka duulaya “Waayo aragnimada” laga helay labadii wareeg ee hore ee wadahadallada Soomaaliya iyo Itoobiya. Waxaana hore loo xasuustaa in madaxweynaha Soomaaliya, Xasan Sheekh Maxamuud uu sheegay in wareeggii labaad ee wada-hadallada ay natiijo la’aan ku dhammaadeen, iyado oo ay sabab u tahay Itoobiya oo aan doonayn inay ixtiraamto madax-bannaanida Soomaaliya. Madaxweynaha iyo madaxda sare ee Soomaaliya ayaa inta badan laga maqlaa iyagoo sheegaya in heshiis la geli doono marka ay Itoobiya diiddo heshiiskii is-afgaradka ahaa ee ay la gashay Somaliland. Is-afgaradka Itoobiya iyo Somaliland oo la sheegay in la dhaqan-gelinayo muddo bil gudaheed ah oo ay saxiixeen, isla markaana aan faahfaahintiisa la shaacin, ayaa hadda galaya bishii 9-aad, iyada oo aan weli la gaadhin dhaqan-gelintiisa. Bbcsomali Qaran News

Nairobi (Caasimada Online) – Dowladdaha Soomaaliya iyo Kenya ayaa dhawaan qorsheynaya inay qalinka ku duugaan heshiis cusub oo muhiim ah. Heshiiskan oo ah dhanka Kalluumeysiga ayaa xilligaan waxa uu maraya heer geba-gebo ah, iyada oo dhawaana ay qalinka ku duugi doonaan Soomaaliya iyo Kenya, sida uu sheegay Safiirka Soomaaliya u fadhiya Kenya Jabriil Ibraahim Cabdulle. Safiirka ayaa sheegay mar uu la kulmay wasiirka dhaqaalaha buluugga iyo macdanta ee Kenya in haddii labada dal ay mideeyan awoodooda ay abuuri karto fursado badan oo bulshada labada dal faa’iido weyn u leh. Wasiirka Kenya ayaa dhankiisa xoojiyay muhiimadda ay leedahay in la is-weydaarsado fikradaha iyo waaya-aragnimada Soomaaliya iyo saaxiibada kale ee gobolka, si looga faa’iideysto awoodda dowladaha deriska. Dowladdaha Soomaaliya iyo Kenya oo xiriir wanaagsan ka dhaxeeyo ayaa qorsheynaya inay horumariyaan xiriirkooda iskaashiga dhinacyada dhaqaalaha buluugga ah, kalluumeysiga iyo macdanta Labada dal oo haatan xubin ka ah urur-goboleedka iskaashiga dhaqaalaha bariga Afrika ayaa raba inay xiriirkooda derisnimo uga faa’iideystaan sare u qaadista iskashiga dhanka dhaqaalaha oo dan u ah bulshada labada dal iyo kan gobolka. Si kastaba, Soomaaliya iyo Kenya ayaa wadaaga xiriir soo jireen ah, iyaga oo iska kaashada dhinacyo badan oo muhiim ah, gaar ahaan amniga, ganacsiga, siyaasadda iyo waxbarashada. The post Xog: Muxuu yahay heshiiska cusub ee Soomaaliya iyo Kenya ay ka shaqeynayaan? appeared first on Caasimada Online.

Madaxweyne Xasan Sheekh Maxamuud, khudbaddiisii Jimcaha, wuxuu si qoto dheer uga hadlay muhiimadda midnimada iyo wadajirka shacabka Soomaaliyeed, isagoo carrabka ku adkeeyay in la xoojiyo iskaashiga bulshada si loo ilaaliyo qarannimada. Madaxweynaha ayaa sheegay in midnimadu tahay aasaaska nabadda iyo horumarka dalka. Waxa uu ka digay khataraha ka imanaya cadowga shisheeye, kuwaas oo mararka qaar isku dayaya in ay kala qoqobaan ummadda, taasoo keeni karta fowdo iyo burbur. Sidoo kale, Madaxweyne Xasan Sheekh wuxuu adkeeyay fulinta go’aannada xukuumadda ee la-dagaallanka hubka sharci-darrada ah. Wuxuu caddeeyay in hub sharci-darro ah uu khatar weyn ku yahay amniga shacabka iyo xasiloonida dalka, isla markaana la dagaallanka arrintan uu yahay talaabo muhiim ah. Madaxweynaha ayaa shacabka Soomaaliyeed ku booriyay in ay ka qeyb qaataan ilaalinta amniga, islamarkaana ay iska kaashadaan sidii loo horumarin lahaa dalka. Waxa uu sidoo kale ku adkeeyay in la xoojiyo wadajirka, si loo dhiso mustaqbal ka wanaagsan. Source: goobjoog.com

Beledweyne (HOL) – The administration of the Hiiraan region in Hirshabelle state has warned the Ethiopian government about actions that threaten Somalia's sovereignty along the Hiiraan-Ethiopia border. Source: Hiiraan Online

Addis Ababa (Caasimada Online) – Waxaa shalay ka dhacay magaalada Addis Ababa ee caasimada Itoobiya saxiix ay qeyb ka aheyd Soomaaliya iyo dalalka kale. Saxiixan oo ahaa midka qorshaha guud ee dalxiiska waara ee 2024–2034 ayaa waxaa qalinka ku duugay wasiiradda dalxiiska ee urur-gboleedka IGAD, kadib kulan ka dhacay magaalada Addis Ababa. Waxaa xusid mudan in wasiirka warfaafinta, dhaqanka iyo dalxiiska Soomaaliya uu ka baaqday shirkan, taas bedelkeedana uu saxiixan u wakiishay Danjiraha Soomaaliya u fadhiya Midowga Afrika iyo dalka Itoobiya Cabdullaahi Warfaa. Danjire Warfaa oo ka wakiil ahaa wasiirka warfaafinta, dhaqanka iyo dalxiska Soomaaliya Daa’uud Aweys Jaamac ayaa Soomaaliya u saxiixay qorshaha guud ee dalxiiska waara ee 2024–2034, kaas oo ay qalinka ku duugeen wasiirada dalxiiska ee dalalka ku bahoobay IGAD. Arrintan ayaa imaneysa xilli ay kasii dartay xiisadda Soomaaliya iyo Itoobiya, taas oo salka ku haysa is-afgaradkii ay Addis Ababa ku saxiixdeen madaxweyne Muuse Biixi iyo ra’iisul wasaare Abiy Axmed. Heshiiskan oo xad-gudub ku ah qarannimadda Soomaaliya ayaa waxaa si adag uga hortimid dowladda Soomaaliya, iyadoo caddeysay halka ay ka taagan tahay difaaca dhulkeeda, haddii ay Itoobiya ka laaban weydo is-afgaradkan sharci darrada ah. Waxaa sidoo kale fashilmay wada-hadallo uu laba jeer Turkiga u qabtay Soomaaliya iyo Itoobiya, halka uu baaqday wareegii 3-aad ee shirka dhex-dhexaadinta labada dal, kaasi oo la filayay in uu ka furmo magaalada Ankara. Si kastaba, Muqdisho iyo Addis Ababa ayaa maalmihii dambe hawada isku marinayay hadallo xanaf leh, kuwaas oo qeyb ka ah sii kala fogaanshaha labada dhinac iyo in haatan ay xiisadda kasii darto. The post Maxaad ka ogtahay saxiixa ay qeybta ka tahay Soomaaliya ee ka dhacay Addis Ababa? appeared first on Caasimada Online.

Ankara (Caasimada Online) – Dowladda Turkiga ayaa bilaabeysa qorshe cusub oo ay ku wajaheyso wada-hadallada Soomaaliya iyo Itoobiya, si xal loogu helo xiisadda ka dhex aloosan labada dal tan iyo horraantii sanadkaan. Turkiga ayaa qorsheynaya inuu si kala gaar ah ula kulmo madaxda Soomaalida iyo Itoobiya, kadib markii ay fashilmeen wareeggii 3-aad ee wada-hadallada labada dal oo qorshuhu ahaa in Talaadaddii lasoo dhafay ay ka furmaan magaalada Ankara ee dalka Turkiga. Wasiirka arrimaha dibedda Turkiga Hakan Fidan oo la hadlay wakaaladda wararka dowladda ee Anadolu ayaa xaqiijiyay qorshahaan, isaggoo sheegay in Turkiga uu dadaal ku bixinayo sidii uu labada dhinac isugu soo jiidi lahaa, kahor inta aan dhinacyada la isugu keenin si fool ka fool ah. Wasiirka ayaa sidoo kale markaas muujiyay rejo wanaag in dhinacyada ay xal gaaran, wuxuuna hoosta ka xariiqay inay casharo ka barteen labadii wareeg ee hore ee wada-hadallada, taasna ay dhabaha u xaari doonto xal u helista xiisadda taagan. “Intii aan isla dhinacyadii halkan u keeni lahayn wada-hadallo toos ah, kolayba si toos ah uma kulmi lahayn oo anaga ayey nala kulmi lahaayeen, waxaa ujeedku yahay in aan la sameyno xiriir mid mid ah, si ay isula meel-dhigaan mowqifyada, kadibna isu keenno dhinacyada marka ay mowqifyadooda meel isugu yimaadaan,” ayuu yiri Wasiir Fidan. Turkiga ayaa illaa hadda marti-geliyay laba wareeg oo wada-hadallo oo dhex-maray labadan dal ee deriska ah ee Bariga Afrika, ayada oo isku dayeysa inay hagaajiso xiriirkooda. Si kastaba, xiriirka Soomaaliya iyo Itoobiya ayaa aad u xummaaday bishii Janaayo, markii Itoobiya ay Somaliland la gashay heshiis ay uga kireysaneyso dhul badeed dhan 20 km, ugana beddelato inay aqoonsaneyso. The post Turkiga oo bilaabaya qorshe cusub kadib fashilka wada-hadalka Somalia iyo Ethiopia appeared first on Caasimada Online.

Garoowe (Caasimada Online) – Xogo dheeraad ah ayaa laga helaya hub fara badan oo kasoo gudbay xadka Itoobiya, kaasi oo xalay ay isku dayeen dad shacab ah inay boobaan sidii kal horey uga dhacday dalka. Hubkan oo qeyb ka tahay saanad ciidan ayaa la sheegay inuu maamulka Puntland kasoo iibsaday Itoobiya, ayaa waxaa saaka si nabad ah kusoo gudbiyay ciidamo hubeysan oo ka tirsan maamulka. Ciidamada Puntland dheeriga ayaa gurmaday kadib markii maleeshiyaad hubaysan ay xalay isku dayeen in ay furtaan hubkaasi oo marayay degmada Bookh ee gobolka Doollo, balse ay ka difaaceen ciidamo ka tirsan kuwa dowlad deegaanka Soomaalida. Wararka ayaa intaas kusii daraya in is-rasaasayn xooggan laga maqlay gudaha degmada Bookh kadib markii mileeshiyaadka hubaysan isku dayeen in ay furtaan gaadiidkii hubka saarna ee u siday dhinaca Puntland. Waxaase si adag hubkaasi u difaacay ciidamo ka tirsan dowlad deegaanka DDS, kuwaasi oo aroornimadii hore ee saaka ku wareejiyay ciidamada dowladda Puntland oo soo galbiyay islamarkaana si nabad ah ku keenay. Itoobiya ayaa muddooyinkan dambe kordhisay hubka dhankeeda ka soo gudbaya ee soo galaya gudaha Soomaaliya, xilli ay labada dal ka dhaxeyso xiisad xooggan oo salka ku haysa is-afgaradkii uu Abiy Axmed la saxiixday Muuse Biixi. Horay waxaa loo ogaa in deegaanno ka tirsan dowlad-goboleedka Galmudug ay hub sidan oo uga soo gudbay xadka Itoobiya lagu bililiqeystay degmada Caabudwaaq, kaas oo halis hor leh abuuray. Si kastaba, weli majirto war kasoo baxay dowladda federaalka Soomaaliya oo ayadu masuul ka ah dalka iyo dowlad-goboleedka Puntland oo la sheegay in hubkaan uu kasoo iibsaday dowladda Itoobiya. The post Hub ka soo gudbay xadka Itoobiya oo ku sigtay in la bililiqeysto + Cidda iibsatay appeared first on Caasimada Online.

Musharax Cirro iyo waftigii uu hogaaminaayay oo gurigiisa ku booqday Sheekh beladka Sheekh Cabdillaahi Sheekh Cali Jawhari Qaran News

Gabar da’adeedu ahayd ilaa afar sano jir oo lagu magacaabo Mustaqiim Axmed iyo hooyadeed Muna Jaamac oo Soomali ah ayaa ku naf-waayay webi ku yaala magaalada Paris ee caasimadda dalka Fransiiska. Gabadha yar ayaa la sheegay in markii hore ku dhacday webiga, taas oo keentay in hooyadu isku daydo inay soo badbaadiso inanteedi balse nasiib darro ay iyaduna biyuhu qaadeen sidaasina ay labadooduba ku geeriyoodeen. Axmed Ismaaciil Aadan oo webiga ku waayay xaaskiisa iyo gabadhiisa oo BBC-da u warramay ayaa dhacdadan xannuunka leh ku tilmaamay “qadar ku dhacday”. Webigan oo aan ahayn mid xiran ayaa la sheegay inay khatartiisu badantahay, wuxuun ku yaalaa aag ay carruurta ku ciyaaraan sida uu sheegay aabaha. Waxaa uu intaa ku daray inuu waddanka Fransiiska kula noolaa muddo afar sano. Gabadha iyo hooyadeed ayaa la arkay iyagoo biyaha dul sabeynaya. Faahfaahin la xirriirta sheekadan: Gabar iyo hooyadeed oo Soomaali ah oo ku qarqoomay webi Faransiiska ku yaalla Bbcsomali Qaran News

Dowladda Turkiga ayaa shaacisay qaab cusub oo ay u wajaheyso wada-hadallada ay ku dhex-dhexaadineyso Soomaaliya iyo Itoobiya kadib markii ay fashilmeen wareeggii 3-aad ee wada-hadallada. Wasiirka arrimaha dibedda Turkiga Hakan Fidan ayaa maanta sheegay in ay qorsheynayaan inay si kala gaar ah ula kulmaan Soomaaliya iyo Itoobiya, oo ay xal helaan kahor inta aan dhinacyada la isugu keenin si fool ka fool ah. Isaga oo la hadlayey wakaaladda wararka dowladda ee Anadolu, Fidan ayaa sheegay in Turkey ay sii waddo in Soomaaliya iyo Itoobiya ula hadasho si heer wasiir iyo heer madaxeed ah. Waxa uu intaas ku daray inuu rajo ka qabo in la helo xal maadaama ay dhinacyada ay “meel gaar ah isugu yimaadeen,” taasi oo qeyb ka aheyd wada-hadalladii Ankara. “Intii aan isla dhinacyadii halkan u keeni lahayn wada-hadallo toos ah – kolayba si toos ah uma kulmi lahayn oo anaga ayey nala kulmi lahaayeen – waxaa ujeedku yahay in aan la sameyno xidhiidh mid mid ah, si ay isula meel-dhigaan mowqifyada, kadibna isu keenno dhinacyada marka ay mowqifyadooda meel isugu yimaadaan,” ayuu yidhi Fidan. Waxa uu sidoo kale sheegay inay casharo ka barteen labadii wareeg ee hore ee wada-hadallada. Turkey ayaa illaa hadda marti-gelisay laba wareeg oo wada-hadallo oo dhex-maray labadan dal ee deriska ah ee Bariga Afrika, ayada oo isku dayeysa inay hagaajiso xidhiidhkooda. Wareeggii saddexaad ee wada-hadalalda oo la qorsheeyey in uu Ankara ka dhaco salaasadii ayaa la baajiyey. Xidhiidhka labada dal ayaa aad u xummaaday bishii January, markii Itoobiya ay Somaliland la gashay heshiis ay kaga kireysaneyso dhul badeed dhan 20 km, kagana beddelato inay aqoonsaneyso. Muqdisho ayaa heshiiska ku tilmaamtay sharci-darro, waxayna kaga aargudatay inay caydhisay safiirkii Itoobiya kuna hanjabtay in ay dalka ka saareyso kumanaan askari oo Itoobiyaan ah, oo gacan ka gaysta la-dagaalanka Al-Shabaab. Kadib labadii wareeg ee hore ee wada-hadallada, xiisadda labada dhinac ayaa kasii dartay ayada oo ay hawada isu mariyeen hadallo kulkul. Source

Israa’iil ayaa duqeymo ballaadhan oo xaga cirka ah ka fulisay koonfurta waddanka Lubnaan, iyagoo bartilmaameedsaday saldhigyada kooxda ay Iiraan taageerto ee Xisbullah. Millateriga ayaa sheegay in diyaarahooda dagaal ay duqeeyeen in ka badan boqol xarumood oo laga gano gantaallada urrurka xisbullah laguna keydiyo hubka qaar. Tani ayaa imaaneysa iyadoo wasiirka gaashaandhigga Israa’iil Yoav Gallant uu sheegay in ay ku jiraan “bilowga dagaal cusub”. Hogaamiyaha Xisbullah, Xassan Nasrullah, ayaa wacad ku maray ciqaab adag kadib markii in ka badan 30 qof ay dhinteen kumanaan kalena ay ku dhaawacmeen qaraxyo mar qura ka dhacay dalka Lubnaan. Source

Wefti Komishanka Doorashooyinka qaranka ah oo uu hogaaminayo Gudoomiyaha Komishanka Doorashooyinka Qaranka Mudane Muuse Xasan Yuusuf oo ay wehilayaan xubnaha Guddida Hawlgalinta Ururrada/Xisbiyada ayaa waxay safar shaqo ku tageen Degmada Caynabo. Ujeedada safarka masuuliyiinta Komishanka doorashiooyinka Qaranka ayaa ahaa sahaminta iyo xog-ururrinta goobaha codbixinta ee gobolada dalka JSL, taasi oo loogu diyaar garoobayo doorashooyinka ay diyaarinteeda gacanta ku hayaan Komishanku. Geesta kale weftiga Komishanka Doorashooyinka Qaranku waxay kulamo la yeesheen Guddida Amniga ee Gobolka Saraar oo uu hormuud u yahay Badhasaabka Ku-Xigeenak Gobolka Saraar iyo Taliyayaasha Ciidamada kala duwan, halkaasi oo ay ka wada xaajoodeen adkaynta amniga iyo sidii loo sugu lahaa nabadgelyadda ddorashada iyo goobaha laga codaynayo. Dhinaca kale Wefti ka socda Komishanka Doorashooyinka Qaranka JSL ayaa safar ugu baxay gobolka Awdal, kaasi oo ay hogaaminayaan gudoomiye Ku xigeenka Komishanka Doorashooyinka Qaranka Mudane Axmed Cismaan Xasan iyo Komishineer Ibraahim Macalin Aadan oo ay wehilayaan xubnaha guddida Hawlgalinta Ururrada/Xisbiyada waxay safar shaqo ku tageen gobolka Awdal Selel Ujeedka safarka ayaa sidoo kale ahaa sahaminta iyo xog-ururrinta goobaha codbixinta ee gobolada dalka JSL. Weftiga Komishanka Doorashooyinka Qaranka waxay kulamo la yeesheen guddida amniga gobolka Awdal oo uu hogaaminayo Badhasaabka gobalka Awdal iyo Taliyayaasha Ciidamada kala duwan, halkaasi oo ay ka wada hadleen sidii loo xoojin lahaa amniga iyo ilaalinta goobaha codbixinta, waxaana la isla qaatay in meel looga soo wada jeesto sidii loo sugi lahaa xaaladda guud ee amniga dalka xiliga lagu jiro u diyaar garawga doorashooyinka dalka ka qabsoomay 13 november 2024. Source

Dowladaha Mareykanka iyo Masar ayaa markale taageero xooggan u muujiyay Soomaaliya oo ay haatan si weyn isku hayaan dowladda Itoobiya. Mareykanka iyo Masar ayaa xaqiijiyay taageerada madax-banaanida iyo midnimada dhuleed ee Soomaaliya, iyagoo ka horyimid heshiiska taariikhiga ah ee dalalka Somaliland iyo Itoobiya. “Mareykanka iyo Masar waxa ay ka soo horjeedaan xad-gudubka iyo damaca dhuleed ee Itoobiya,” ayaa lagu yidhi qeyb kamid ah shir jaraa’id oo si wadajir ah magaalada Qaahira ay ugu qabteen wasiirka arrimaha dibadda Masar Badr Abdelatty iyo xoghaya arrimaha dibadda Mareykanka Antony J. Blinken. Dowladsa Mareykanka ayaa dhawaan si rasmi ah ugu dhowaaqday in ayna aqoonsan doonin heshiiska badda ee Itoobiya ay la gashay Somaliland, iyadoo ku baaqday in xal diblomaasi laga gaadho xiisadda Addis-Ababa iyo Muqdisho. Hehsiiska is-afgaradka, oo Itoobiya marin u siinaya xeebaha Badda Cas ee Somaliland, ayaa ka caraysiiyey dowladda Soomaaliya oo ku tilmaamtay xad-gudub ka dhan ah madax-banaanideeda. Mawqifka Maraykanka ayaa waxaa muujiyay danjirahooda Soomaaliya Richard Riley, wuxuuna shaaciyey dadaallo dhex dhexaadin ah oo xaaladda loogu qaboojinayo hab diblomaasiyadeed. “Aad ayaan uga warqabnaa, waxaana si wada jir ah uga shaqeyneynaa in aan xaqiijino in xal diblomaasiyadeed laga gaaro xaaladdan hadda jirta,” ayuu yiri Riley, oo wareysi lagula yeeshay xarunta safaaradda Mareykanka ee Muqdisho. Waxa uu intaas kusii daray “Waa xaalad nasiib darro ah, aadna u abuuraysa khalkhal, kana bilaabantay is-afgaradka Somaliland iyo Itoobiya. Dabcan ma aqoonsanin, waxaana isku dayeynaa in aan ku xalino dariiqo diblomaasiyadeed.” Arrimahan ayaa imanaya xilli ay xiisadda Itoobiya iyo Soomaaliya kasii dartay, ayada oo uu baaqday wareegii 3-aad ee shirka lagu dhex-dhexaadinayo dalalka Ethiopia iyo Soomaaliya, kaasi oo la filayay in maanta uu ka furmo magaalada Ankara. Si rasmi ah loma ogga sababta shirkaasi oo Turkiga dhex-dhexaadinayo uu u baaqday, laakiin fallan-qeeyayaasha ayaa sheegaya in iskaashiga militari ee Soomaaliya iyo Masar oo Addis Ababa ay ka xanaaqday uu labada dhinac sii kala fogeeyay. Sidoo kale Muqdisho iyo Addis Ababa ayaa hadallo xanaf leh hawada isku marinayay maalmahan, kuwaas oo qeyb ka ah sii kala fogaanshaha labada dhinac iyo in xiisadda kasii darto. Source

Ciidamada Suudaan iyo xoogaga RSF ayaa sheegay Arbacadi sheegay in ay diyaar u yihiin in xal nabadeed laga gaadho dagaalka sokeeye ee Sudan ka socda muddada 17-ka bilood ah. Hadalka kasoo baxay garabyada ku dagaallamaya Sudan ayaa u muuqdo mid ay uga jawaabayaan, baaq uu madaxweynaha Mareykanka Joe Biden salaasadii u diray millatariga Sudan iyo kooxda RSF, oo uu ku boorriyay in ay dib u wada hadlaan. Madaxa ciidanka qalabka sida ee Sudan, Abdel Fattah al-Burhan ayaa Arbacadi sheegay in dowladda Sudan ay u farantahay dhammaan dadaallada wax ku oolka ah ee hadafkoodu yahay in lagu dhammeeyo dagaalka. Waxaa isna saaka oo Khamiis ah bayaan kaasi la mid ah soo saaray hogaamiyaha RSF Mohamed Hamdan Dagalo. Hase yeeshee, labadan nin ayaa midbo midka kale ku eedeeyay guuldarrada soo afjaidda dagaalka lagu hoobtay ee Sudan, kaas oo tan iyo bishi April ee sannadki 2023-ki ay ku dhinteen in ka badan 12,000 oo qof. Madaxweynaha Mareykanka Joe Biden ayaa salaasadii ugu baaqay dhinacyada isku haya Suudaan in ay dib u wadahadlaan si loo soo afjaro dagaalka sokeeye. Mareykanka ayaa horay ugu eedeeyay labada dhinac in ay galeen dambiyo dagaal, waxaana uu cunaqabateyn saaray 16 qof iyo hay’ado ku lug leh dagaalka. Mareykanka wuxuu sheegay in uu indhaha ku hayo dagaalka isla markaana ay suuragal tahay in uu soo rogo cuna-qabateyn dheeraad ah. Source

Guddi ka tirsan Qaramada Midoobay ayaa Khamiistii ku eedeeyay Israa’iil inay “jebinayso” heshiiska caalamiga ah ee lagu ilaalinayo xuquuqda carruurta, isagoo sheegay in ficillada millatari ee Gaza ay ku yeesheen “masiibo” iyaga oo ka mid ah xadgudubyadii ugu xumaa ee taariikhda dhow. In ka badan 41,000 oo qof ayaa lagu dilay Gaza tan iyo markii Israa’iil ay billowday ololaheeda millatari ee ay kaga jawaabayso weerarrada xudduudaha ee Xamaas ee 7-dii Oktoobar halkaas oo 1,200 lagu dilay 250 kalena ay qafaasheen. Maamulka caafimaadka Falastiin ayaa sheegay horaantii todobaadkan in 11,355 ka mid ah dadka lagu dilay Gaza ay yihiin caruur, taas oo ku saleysan kaliya dhimashada si buuxda loo diiwaangeliyay. “Dhimashada naxdinta leh ee carruurtu waa mid taariikh ahaan gaar ah. Tani waa meel aad u madow taariikhda,” Bragi Gudbrandsson, oo ah guddoomiye ku xigeenka guddiga, ayaa u sheegay warfidiyeenka. “Uma maleynayo inaan horay u aragnay, xadgudub aad u weyn, sida aan ku aragnay Gaza. Kuwani waa xadgudubyo aad u xun oo aan inta badan arag,” ayuu yidhi. Weftiga Israa’iil ayaa horraantii bishan dhegaysiyo isdaba joog ah oo Qaramada Midoobay ku yeeshay ku dooday in aanu heshiiskaasi ka khusayn Gaza iyo Daanta Galbeed, waxaanay sheegeen in ay ka go’an tahay in la ixtiraamo sharciga caalamiga ah ee bini’aadantinimada. Waxa ay sheegtay in ololaha ay ka wado Qaza uu yahay mid lagu ciribtirayo maamulka Falastiiniyiinta ee Xamaas, isla markaana aysan bartilmaameedsanin dadka rayidka ah, balse ay mintidiintu ku dhex dhuuntaan, taas oo Xamaas ay beenisay. Source

Madaxweynaha dowladda Mareykanka Joe Biden ayaa si rasmi ah warqadaha aqoonsiga Danjirenimo ka guddoomay Safiirka cusub ee dowladda Soomaaliya u magacaawday dalka Mareykanka Daahir Xasan Carab. Danjiraha Soomaaliya ee Washington Daahir Xasan Carab ayaa sheegay in madaxweyne Biden uu kala hadlay adkeynta xidhiidhka labada dal ee Soomaaliya iyo Mareykanka. Danjire Daahir Carab ayaa sidoo kale sheegay inuu uga mahad celiyay dowladda Mareykanka taageeradeeda Soomaaliya ee dhinacyada amaanka, xuquuqul insaanka iyo bani’aadannimada iyo dhinacyada kale ee horumarinta. “Madaxweyne Biden wuxuu balanqaaday in mar walba ay garan taagan yihiin Soomaaliya, ayna ka caawinayaan dhinacyada nabada, horumarka, dib u dhiska iyo dowlad wanaaga” ayuu yidhi Danjire Daahir Xasan Carab. Source

Aalado ay ku jiraan raadiyaasha ama foomeeyayaasha gacanta oo ay xubnaha ururka Xisbullah iskula xidhiidhayeen, ayaa Arbacadi ku qarxay meelo badan oo ka mid ah koofurta Lubnan, iyadoo ay qaraxyadaasi sababeen dhimasho iyo dhaawac badan. Tani ayaa imaneysa maalin kaddib marki ay ku dhawaad 3,000 oo ka mid ah dagaalyahannada Xisbullah ay ku dhaawacmeen qaraxyo ka dhashay aaladda pagers-ka oo ah qalab is gaadh-siineed oo lagu wada xadhiidho, kuwaas oo ay Xisbullah ka soo iibsatay dibadda. Wasaaradda caafimaadka Lubnaan ayaa sheegtay, in qaraxyadi Arbacada dhacay ay ku dhinteen 20 qof halka ay ku dhaawacmeen 450 kale. Meelaha ugu badan ee ay raadiyaasha gacanta ku qarxeen ayaa ka mid ah deegaannada ku xeeran duleedka Beyruut iyo Dooxada Beqaac. Weerarradan oo si weyn loo rumeysan yahay inay Israa’iil ku bar-tilmaameedsatay Xisbullah, balse ay ku dhinteen dad rayid ah, ayaa sare u qaaday cabsida laga qabo in colaadda labada dhinac u dhexeysa ay isu baddasho dagaal dhan walba ah. Isra’il si rasmi ah ugama hadlin weerarkaan mana sheegan mas’uuliyaddiisa, hase yeeshee wasiirka difaaca Isra’il Yoav Gallant, ayaa isaga oo la hadlay ciidamada Isra’il Arbacadii sheegay, in Isra’il ay ku jirto billowga waji cusub oo dagaal. Ma soo hadal qaadin aaladaha qarxa balse wuxuu amaanay shaqada ciidamada Israa’iil iyo hay’adaha amniga, isagoo yidhi “natiijooyinka waa kuwo aad u cajiib ah.” Xisbullah waxay weerarkan ku eedeysay Isra’il. Waxayna wacad ku martay in ay ka aargudan doonto. Source

Muqdisho (Caasimada Online) – Waxaa magaalada Muqdisho laga daah-furay Gole ay ku mideysan yihiin Safiirada waddamada Carabta u qaabilsan dalka Soomaaliya. Daah-furka golahan oo ay goobjoog ka ahaayen mas’uuliyiin ka socda wasaaradda arrimaha dibadda, safiirada Carabta ee fadhigoodu yahay Muqdisho iyo marti sharaf kale ayaa lagu soo bandhigay muhiimadda golahan. Golahan ayaa ah mid inta badan ka dhisan waddamada dunida, waxaana loogu tala-galay inuu xoojiyo isku xirnaanta howlaha waddamada Carabta iyo wada-shaqaynta wakiiladooda. Furitaanka golahan ayaa lagu sheegay “mid kamid ah qorshaha xafiiska Jaamacadda Carabta ee Soomaaliya uu ku doonayo in kor loogu qaado xiriirka diblomaasiyadeed ee Carabta iyo Soomaaliya.” Wasiirka arrimaha dibadda Soomaaliya Danjire Axmed Macallin Fiqi oo madasha ka hadlay ayaa hoosta ka xariiqay in arrintan ay gacan ka geysaneyso xoojinta xiriirka ka dhaxeeya safaaradaha Carabta ee dalkeena. Sidoo kale wuxuu u mahad-celiyay Danjire Cabdullaahi Al-Cutiibi oo ah madaxa wakiilada Jaamacadda Carabta ee Soomaaliya dadaalka uu ku bixiyay golaha laga daah-furay magaalada Muqdisho. Wasiir Fiqi ayaa sidoo kale shaaca ka qaaday sida ay muhiimka u tahay midnimada Jaamacadda Carabta, ahmiyadda ay u leeyahay Soomaaliya iyo go’aankii ugu dambeeyay ee ay ka qaateen damaca guracan ee Itoobiya. “Waxaa dhaweynaynaa tallaabadan muhiimka ah ee muujineysa xiisaha ku aadan dhanka howl-galka Jaamacadda Carabta ee ku wajahan arrimaha Carabta. Waxaa naga go’an inaan xoojinno xiriirka aan la leenahay walaalaheen Carbeed si loo gaaro mustaqbal barwaaqo u horseeda dadkeena,” ayuu yiri wasiir Fiqi. Waxa kale oo uu ku bogaadiyay dalalka Carbeed sida geesinimada leh ee ay u garab istaageen Soomaaliya, ugana dhiidhiyeen xad-gudbka ay kula kacday Itoobiya. “Soomaaliya mar walba waxay awood ku leedahay walaalaheeda Jaamacadda Carabta, go’aamadii ugu dambeeyay ee ay Jaamacadda Carabta kasoo saartay xad-gudubyada Itoobiya ee ka dhanka ah midnimada iyo wadajirka geyiga Soomaaliyeed waxay muujiyeen sida ay uga go’an tahay Jaamacadda inay Soomaaliya ka taageerto qalalaasaha gudaha iyo dibadda ah.” Si kastaba, Soomaaliya ayaa xiriir qoto dheer la’leh waddamada Carbeed, waxayna xubno ka taha Jaamacadda Carabta iyo sidoo kale ururka iskaashiga Islaamka ee OIC. The post GOLE ka dhisan dunida oo si rasmi ah looga daah-furay magaalada Muqdisho appeared first on Caasimada Online.

Cutubyo aad u hubaysan oo ka tirsan Ciidamada Puntland ayaa saaka si nabad ah ku soo gudbiyay hub iyo saanad ciidan oo dowladda Puntland ka soo iibsatay Itoobiya. Mileeshiyaad hubaysan ayaa xalay isku dayay in ay furtaan hubkaasi oo marayay degmada Bookh ee gobolka Doollo balse waxa ka difaacay ciidamo ka tirsan dowlad degaanka Soomaalida DDS. Wararka ayaa sheegaya in xalay is rasaasayn xooggan laga maqlay gudaha degmada Bookh kadib markii mileeshiyaad hubaysan isku dayeen in ay furtaan gaadiidkii u hubka u siday dhinaca Puntland. Waxaase si adag hubkaasi u difaacay ciidamo ka tirsan dowlad degaanka DDS kuwaasi oo aroornimadii hore ee saaka ku wareejiyay ciidamada dowladda Puntland oo soo galbiyay islamarkaana si nabad ah ku keenay. PUNTLAND POST The post Dowladda Puntland oo Itoobiya ka soo iibsatay hub iyo saanad ciidan oo xooggan appeared first on Puntland Post.

Duqa degmada Gaalkacyo Xasan Maxamed Jaamac (Xasan Jidka) ayaa saaka si rasmi ah ugu dhawaaqay in uu iska casilay Xilkaasi. Guddoomiye Xasan Jidka oo saaka kulan la qaatay bulshada degmada Gaalkacyo ayaa shaaciyay in uu gebi ahaanba iska casilay xilkii guddoomiyaha golaha degaanka degmada Gaalkacyo. Xasan Jidka oo hadal u jeediyay bulshadii uu saaka la kulmay ayaa hortooda ka sheegay in uu banneeyay xilka duqa degmada Gaalkacyo oo markii hore loogu doortay doorasho qof iyo cod. Waxa uu sidoo kale cafis ka dalbaday cid kasta oo wax ka tabanaysay mudadii uu xilka hayay balse ma faahfaahin sababta keentay in uu is casilo. PUNTLAND POST The post Puntland: Duqii degmada Gaalkacyo Xasan Jidka oo saaka xilkii iska casilay appeared first on Puntland Post.

Mogadishu (HOL) – Somali police have seized illegal weapons and arrested four arms traders during a security operation across several districts in the Banadir region, officials reported on Thursday. Source: Hiiraan Online

Washington, D.C. (HOL) – U.S. President Joe Biden received the diplomatic credentials of Somali Ambassador Dahir Hassan Arab at the White House, marking a step toward reinforcing the relationship between Somalia and the United States. Source: Hiiraan Online

Muqdisho (Caasimada Online) – Hanti-dhowraha Guud ee JFS, Axmed Ciise Guutaale iyo wafdi uu hoggaaminayey ayaa dhawaan soo gaba-gabeeyay booqasho aad muhiim u ahayd oo uu ku tagay magaalada Oslo ee dalka Norway. Booqashadan oo ay ujeedadeedu ahayd sare u qaadista wada-shaqaynta istiraatiijiga ah ee u dhaxaysa xafiiska hanti-dhowrka huud (XHG) iyo saaxiibbada caalamiga ah, ayaa muujineysa sida ay dowladda Soomaaliya uga go’an tahay xoojinta iskaashiga caalamiga ah ee kor loogu qaadayo dowlad wanaagga iyo isla-xisaabtanka. Hanti-dhowraha guud iyo wafdigiisa ayaa, intii uu ku jiray booqashadaas, la qaatay kulan miro-dhal ahaa hindisaha horumarinta hay’adaha hanti-dhowrista guud ee caalamiga ah ee INTOSAI IDI, kaas oo diiradda lagu saaray ahmiyadaha istiraatiijiga ah ee qaab-dhismeedka taageerada laba-geesoodka ah, gaar ahaan qorsheynta istiraatiijiga ah iyo arrimaha la xiriira maareynta tayada. Kulanka ayaa sidoo kale lagu xaqiijiyey muhiimadda “mashruuca taageerada saaxiibbada” (Peer-support Project), kaas oo ah heshiis wada-shaqayn oo u dhaxeeya XHG, IDI iyo ururka hay’adaha hanti-dhowrada guud ee Afrika ee ku hadla af Ingiriiska (AFROSAI-E). Heshiiskan ayaa waxa uu ku eg yahay sanadkan 2024, balse waxaa doodaha kulanka qayb ka ahaa in la sii wado, lana sii xoojiyo iskaashigaas sanadaha soo socda. Intaas waxaa dheer in wafdigu uu la kulmay wakiillo sare oo ka socda wasaaradda arimaha dibadda Norway (MFA) iyo wakaaladda horumarinta iyo Iskaashiga Norway (NORAD). Dhamaan wada-hadallada dhacay waxaa xudun u ahaa sii wadida taageerada ay Norway ku bixiso dib-u-habaynta dowlad wanaagga iyo hindisayaasha horumarinta maamulka maaliyadda guud ee dalka. Kulamada dhacay waxay fursado hor leh siinayeen sahminta meelaha ay dowladda Norway sare uga sii qaadi karto kaalmada horumarineed ee dowlad-dhiska Soomaaliya iyo dadaallada lagu xoojinayo awoodda XHG, iyada oo diiradda la saarayo horumarinta joogtada ah ee hay’adaha dowliga ah iyo maaraynta hufan ee khayraadka. Booqashada waxaa, sidoo kale, qayb ka ahayd in hanti-dhowraha guud uu tagay xarunta barlamaanka Norway, halkaas oo isaga iyo wafdigiisuba ay kula kulmeen xubnaha guddiga joogtada ah ee baarista iyo arrimaha dastuurka. Inta ay booqashadaasi socotay, labada dhinacba, waxay dul-istaageen sida ay uga go’an tahay dhiiragelinta daahfurnaanta, isla-xisaabtanka iyo xoojinta dowlad wanaagga, waxa ayna diiradda saareen muhiimadda ay hay’adaha kormeerku u leeyihiin xaqiijinta la xisaabtanka dowladda, iyada oo uu hanti-dhowraha guud ka mahadceliyey waaya-aragnimada ay ka heleen baarlamaanka Norway. Si kastaba ha ahaatee, booqashadu ma ahayn oo kaliya in hanti-dhowraha guud ee JFS uu xoojinayo iskaashiga caalamiga ah ee uu XHG la leeyahay Norway, balse waxa uu bidhaamiyay sida ay Soomaaliya uga go’an tahay in ay dhisto haykalkeeda dowladnimo, iyada oo la kaashaneysa daneeyayaasha muhiimka ah oo dhan. La-macaamilka joogtada ah ee daneeyayaasha sida IDI, MFA, NORAD iyo baarlamaanka Norway waa qayb aad muhiim ugu ah dadaallada socda ee uu XHG ku xoojinayo maaraynta maaliyadda guud iyo horumarinta dowlad wanaagga Soomaaliya. The post Dowladda Soomaaliya oo arrimo muhiim ah ka dhaxashay booqashadii Norway ee… appeared first on Caasimada Online.