Qaran News

M/weyne Erdogan oo kashifay Codsi Xasaasiya oo Boqortooyada Sacuudigu u soo gudbisay Madaxweynaha Turkiga, Rajab Tayib Erdoğan Madaxweynaha Turkiga, Rajab Tayib Erdoğan ayaa shaaciyay in Boqortooyada Sacuudi Carabiya ay ka codsatay in dalkiisa uu ka iibiyo diyaaradaha dagaalka ee aanu duuliyaha saarneyn (Drones). Erdoğan ayaa warkan sheegay xilli uu ka falcelinayay dhoolatus milateri oo ka dhacay caasimadda Athens, kaasoo ay ka qeybgaleen ciidamada Giriigga, Faransiiska, Masar, Sacuudiga, Imaaraadka iyo Baxrayn. “Wa arin lala yaabo in [Sacuudiga] uu ka qeybgalayo dhoolatuskaas ciidan ee Giriigga, halka dhanka kale ay naga codsanayaan inaan ka iibino drones-keena. Waxaan rajeyneynaa in aan arintaas si degan ku xallino,” ayuu yiri Erdoğan Turkiga ayaa u arka dhoolatuska ciidan ee ay dalalka ka sameeyeen Giriigga mid looga soo horjeedo Ankara, oo uu khilaaf kala dhexeeyo xukuumadda Athens. Xiriirka Ankara iyo Riyadh Xiriir Ankara iyo Riyadh ayaa gaaray meel xun kadib dilkii weriye Jamal Khashoggi sanadkii 2018 loogu geystay gudaha qunsuliyada uu Sacuudiga ku leeyahay magaalada Istanbul. Ankara ayaa Sacuudiga cadaadis ku saartay dilkaas, waxaana markii dambe hoos u dhacay xiriirka ganacsi ee labada dal kadib markii aan si rasmi ahayn ay magaalooyinka Boqortooyada u dhimeen iibsiga alaabta lagu sameeyo Turkiga. Labada dal ayaa sheegay inay ka shaqeynayaan sidii ay u wanaajin lahaayeen xiriirka ka dhexeeya. Wasiirka arimaha dibedda ee Turkiga, Mevlüt Çavuşoğlu ayaa todobaadkii hore shaaciyay in Ankara ay dib u soo celisay xiriirka diblomaasi ee ay la lahayd Masar, oo ay xulafo dhaw yihiin Sacuudiga. Turkiga iyo Masar ayaa kala taageersan dhinacyada isku haya colaadda Liibiya. Qaahira ayaa sidoo kale heshiis dhanka badda ah la saxiixatay Giriigga, taas oo ka caraysiiyay xukuumadda Ankara. ,Dilkii weriye Jamal Khashoggi ayaa meel xun gaarsiiyay xiriirka Ankara iyo Riyadh Drones-ka Turkiga Diyaaradaha dagaalka ee aanu duuliyaha saarneyn ee uu sameeyay Turkiga ayaa guulo muuqda ka soo hoyay furimaha dagaalka ee Nagorno-Karabakh, Liibiya iyo Suuriya. Diyaaradahaas ayaa aad ugu soo caan-baxeen colaaddii Nagorno-Karabakh ee u dhexaysay Azerbaijan iyo Armenia, iyagoo la sheegay inay u sahleen ciidamada Azerbaijan inay yeeshaan gacanta sare. Dalalka kale ee iibsaday diyaaradaha drones-ka Turkiga ee loo yaqaan Bayraktar TB2 ayaa waxaa kamid ah Qatar iyo Ukraine. Shirkadda Turkiga laga leeyahay ee Baykar, ahna tan samaysa diyaaradaha drones-ka ayaa sanadkii 2020 iibkeeda dibedda ka macaashtay 360 milyan oo dollar, sida uu qoray wargeyska Daily Sabah. Drones-ka Bayraktar TB2 Dadka ka faallooda arimaha ammaanka ee Sacuudiga ayaa rumaysan in Boqortooyada ay dooneyso in drones-ka Turkiga ay u adeegsato colaadda Yemen, kadib markii qaar kamid ah dalalka Galbeedka ay joojiyeen hubkii ay ka iibin jireen. Sacuudiga ayaa sanadihii dambe ku lug laha colaadda Yemen, waxaana uu dagaal xooggan kula jiraa xooggaga Shiicada ah ee Xuutiyiinta. Qaran News

Kooxa Hubeysan ayaa dalka Niger dil ugu geeystay ku dhawaad 60 qof xilli ay ku socdaalayeen gobal u dhaw xadka uu Mali la wadaho dalkaas . Dadka la dilay ayaa gaaraya 58 qof kuwaas oo kooxa wato Mootooyin ay jidka u galeen iyagoo saaran gaari Bas ah xilli ay ka soo noqdeen suuq lagu iibiiyo xoolaha oo ku yaalla xadka dalka Niger uu la wadago Mali . Dowladda ayaa sheegtay in falkan uu dhacay gelinkii dambe Isniinta sida ku cad war ka soo baxay dowladda Talaadadi . “kooxo hubaysan, oo aan wali haybtooda la aqoonsan ayaa afar baabuur oo rakaab siday ka celiyey suuqa toddobaadlaha ah ee Banibangou illaa tuulooyinka Chinedogar iyo Darey-Daye,” ayay dawladdu sheegtay . “Khasaaraha ka dhashay falalkan naxariis darrada ah waa 58 qof oo dhintay, mid dhaawacmay, iyo laba gaari oo la gubay . Ma jirto koox sheegatay mas’uuliyadda, laakiin Niger waxay la halgameysaa laba olole oo jihaadi ah – galbeedka ku dhow Mali iyo Burkina Faso, iyo kacdoon toban sano jirsaday oo ka socda koonfur-bari xadka ay la wadaagaan Nigeria. Weerarkan ayaana ka dhaca gobolka Tillaberi oo ku yaal aagga saddexda-xuduud oo ay wadaagaan Niger, Burkina Faso iyo Mali. Mar sii horeysay, mid ka mid ah dadka deegaanka ayaa u sheegay wakaalada wararka ee AFP in weerarada ay ku bilowdeen weerar lagu qaaday bas u safrayay Chinedogar, halkaas oo “kudhowaad 20 qof lagu dilay.” Qof kale oo ka mid ah dadka deegaanka ayaa sheegay in dadka la dilay ay ka dukaamaysanayeen Banibangou, oo ah magaalo weyn oo suuq ah oo waxyar uun u jirta xadka Mali. “Burcad hubeysan” ayaa kadib weerartay tuulooyinka abaare 6-dii fiidnimo waqtiga maxalliga ah , halkaas oo ay ku dileen ilaa 30 qof, ilo amniga ah ayaa sidaas sheegay. Dowladda ayaa ku dhawaaqday saddex maalmood oo baroor diiq qaran ah laga bilaabo Arbacada Maanta ah . Source: goobjoog.com

Maraykanka oo cunaqabateyn ku soo rogaya Ruushka+Sababta Warbixin uu Talaadadi shalay shaaciyay sirdoonka Mareykanka ayaa lagu sheegay, in madaxweynaha Ruushka Vladimir Putin ay u badan tahay inuu si toos ah u amray, isku day lagu fara-geliyay doorashadi madaxtinimada Mareykanka ee sannadki 2020-ki. Warbixinta ayaa sheegeysa in Ruushka uu sameeyay isku day ah inuu fara-geliyo hannaanki doorashadi lasoo dhaafay, si uu ugu guuleysto madaxweynihi hore ee Mareykanka Donald Trump, laakin sirdoonka Mareykanka ayaa sheegay, in ugu danbeynti aysan dhicin saameyn wax ka baddashay natiijadi kasoo baxday doorashadi Mareykanka ka dhacday bishi November ee sannadki 2020-ki. Warbixinta oo ka koobneyd 15 bog isla markaana kasoo baxday xafiiska Agaasimaha Hey’adda Sirdoonka Qaranka ee Mareykanka ayaa sidoo kale lagu sheegay, in Iran ay isku dayday in ay wiiqdo kalsoonida shacabka Mareykanka ee nidaamka codbixinta si ay u dhaawacdo in Trump mar kale uu kusoo baxo doorashadi Mareykanka ee sannadki hore. Washington ayaa lagu wadaa in ay todobaadka danbe cuna-qabateyn kusoo rogto Moscow, sababo la xiriria fara-gelintani la sheegay in ay ku sameeysay doorashadi madaxtinimada ee Mareykanka ee sannadki 2020-ki. Qaran News

Nairobi (Caasimada Online) – Dowladda Kenya ayaa si layaab leh ugu adeegsatay weerarkii Al-Shabaab ay ku qaaday hotelka DusitD2 ee Nairobi dooddeeda kiiska dacwadda badda ee dhageysigiisu ka socdo maxkamadda caalamiga ah ee cadaaladda (ICJ). Kenya ayaa qaadacday inay ka qeyb gasho dhageysiga dacwadda, hase yeesee waxaa maxkamadda yaalla dokumentiyo ay u gudbisay, halkaasi oo qeyb ka mid ah doodaheeda ay ku jirto weerarkan Nairobi ka dhacay 15-kii Janaayo 2019. Kenya ayaa maxkamadda ka codsatay in kiiska badda aan loo xukmin Soomaaliya, waxayna sheegtay in haddii sidaas ay dhacdo ay muwaadiniinteeda halis ugu jiri doonaan weeraro argagixiso, waxayna tusaale usoo qaadatay weerarkii DusitD2. Ma cadda waxa iska galay kiiska badda iyo weerarada argagixiso, hase yeeshee tani waa astaan kale oo muujineysa sida Kenya aysan u haysan wax dood oo sharci ah oo ay ku qaadan karto badda Soomaaliya. Kenya ayaa saddex goor horey u codsatay in kiiska dib loo dhigo, ayada oo laba mar laga aqbalay, balse markii saddexaad lagu gacan seeray taasi oo horseeday inay qaadacdo ka qeyb-galka kiiska. Doodda la xiriirta weerarka DusitD2 ayaa ku biireysa doodo kale oo lagu qoslo oo horey Kenya ay qiil uga dhigatay, ayada oo mid ka mid ah sababaha ay u qaadacday dhageysiga ay ahayd inaysan haysan lacag ay siiso qareenada, xilli la ogyahay inay dhaqaale ahaan ka wanaagsan tahay Soomaaliya.

Xeer ilaaliyaha guud ee Qaranka, Dr. Sulaymaan Maxamed Maxamuud ayaa faah faahin dheeraad ah ka bixiyey halka ay mareyso dacwadda badda ee Soomaaliya & Kenya, taas oo ay haatan dhageysigeeda ka socoto magaalada Hague, gaar ahaan maxkamadda ICJ. Dr. Sulaymaan ayaa shaaca ka qaaday inuu soo xirmay wareega koowaad ee dhageysiga dacwadda badda, islamarkaana Qareenada Soomaaliya ay soo bandhigeen doodooda. Sidoo kale wuxuu intaasi ku daray in rajadooda ku guuleysiga kiiskan ay tahay mid aad u sarreysa, wuxuuna tilmaamay in shacab & dowlad loo mideysan yahay dacwadda badda. “Waxaan halkan Ummadda Soomaaliyeed uga sheegayaa, in dawladda iyo shacabka Soomaaliya oo midaysan ay diyaar u yihiin difaacidda gobonimada iyo dhul badeedka Soomaaliya, iyada oo aan rajaynayo in natiijada ka soo baxaysaa ay noqoto mid Ummadda Soomaaliyeed oo dhan ka farxin doonta,” ayuu yiri xeer-ilaaliyaha guud ee Qaranka. Si kastaba dowladda Kenya ee muranka-gelisay baddeena ayaa ka maqan fadhiga maxkamadda, taas oo horey u dalbatay in dib loogu dhigo dhageysiga dacwadda, balse waxaa ku gacan seyrtay maxkamadda cadaaladda adduunka ee loo yaqaano ICJ. View the full article

Madaxweynaha dowlad Goboleedka Galmudug Axmed Cabdi Kaariye Qoor Qoor oo shalay a dib ugu soo laabtay Magaalada Muqdisho ayaa xalay kulan la qaatay xubno ka tirsan Midowga Musharraxiinta Mucaaradka ee u taagan xilka madaxweynaha Soomaaliya. Qoraal kasoo baxay Madaxtooyada Maamulka Galmudug ayaa waxaa lagu sheegay in kulanka uu Qoor Qoor la qaatay Midowga Musharaxiinta uu hordhac u yahay kulamada guud ee looga arrinsanayo arrimaha doorashooyinka dalka ee sanadkan 2021-ka “Kulanka ayaa wuxuu hordhac u yahay kulamada guud ee looga arinsanayo arimaha doorashooyinka” ayaa lagu yiri Qoraalka kasoo baxay Madaxtooyada Maamulka Galmudug. Sidoo kale Madaxweynaha Hirshabelle Cali Cabdullaahi Guudlaawe ayaa goobjoog ka ahaa kulankii dhex-maray Madaxweyne Qoor Qoor iyo xubnaha mucaaradka. Kulamada siyaasadeed ee haatan ka socda magaalada Muqdisho ayaa kusoo aadaya, xilli la filayo in dhowaan uu furmo shirka wada-tashiga ee dowladda & dowlad goboleedyada. View the full article

Muqdisho (SMN)- Halkan ka Dhageyso Warka Subax Idaacadda Shabelle. Hoos riix si aad u dhageysato. http://www.radioshabelle.com/wp-content/uploads/2021/03/Warka-Subax-1732021.mp3 View the full article

(ERGO) – Abdulqadir Mohamed Isaq, 36, a salt miner in Usbo, 40 km north of southern Somalia’s Luq in Gedo region, is among hundreds of former pastoralists facing unemployment caused by the prolonged dry season. Source: Hiiraan Online

Three more South Wales officers and one custody detention officer are to be investigated Source: Hiiraan Online

MOGADISHU, Somalia (AP) — Somalia launched COVID-19 vaccinations Tuesday with the inoculation of the health minister, who received the jab publicly to reassure the nation about its safety. Source: Hiiraan Online

Ciidamada Puntland ayaa hawlgal qorshaysan oo ay ka fuliyeen Buuraleyda Golis ee Gobolka Bari, waxay ku dileen dagaallamayaal ka tirsan Al-shabaab, sida ay xaqiijiyeen saraakiil ciidan. Hawlgalkaas oo ay saacadihii u dambeeyay si wadajir ah u fuliyeen Ciidamada kala duwan ee difaaca Puntland, waxa lagu dilay xubno iyo saraakiil ka tirsan Al-shabaab, inkastoo aan tiradooda la xusin. Sidoo kale, waxa Al-shabaab hawlgalka looga furtay hub fara badan oo nooca fudud ah iyo qalab kale, oo ay u isticmaali jireen dagaalka. Ciidamada Puntland ayaa hawlgalo xiriir ah ka wada Buuraleyda Gobolka Bari, kadib weerarkii dhowaan lagu qaaday xabsiga weyn ee Boosaaso. PUNTLAND POST The post Ciidamada Puntland oo saraakiil ka laayay Al-shabaab appeared first on Puntland Post.

(SLT-Hargeysa)-Somaliland, ayaa sheegtay inay qab-qabatay isla-markaana ay dalka ka Mastaafurisay Shaqsiyaad si sharci-darro ah dalka u soo galay isla-markaana waday hawlo Macdan baadhis ah. Wasiirka Wasaaradda Macdanta iyo Tamarta Somaliland Jaamac Maxamuud Cigaal, ayaa sheegay inay Xukuumad ahaan dalka ka mastaafuriyeen Dad waday Macdan baadhis sharci-darro ah. Wasiirka oo Shalay la hadlay Telefiishanka SAAB ayaa isagoo arrimahaa ka hadlaya wuxuu yidhi “Shaqsiyaad si sharci-darro ah u soo gadhay Dalka oo tallaabooyin Macdan ka shaqayn ah ka shaqaysay waanu qabanay, dalkana waanu ka saarnay, waxaanu uga digaynaa Ciddii hawshaa dib ugu soo tahambaabta in tallaabo Adag oo Sharciga waafaqsan laga qaadi doono..” Wasiirku wuxuu sheegay oo kale in dalka laga helay shidaal, ka dib baadhis muddo dheer la waday “Waxaynu ognahay in Waddanka shidaal ku jiro oo waalla helay, baadhitaannadaa hore ee la sameeyayna rejo wanaagsan ayay muujinayaan, waxay u baahan tahay in la ogaado in shidaalkaa la arkay ee meeshaa ku jiraa ma yahay mid Ganacsi geli kara, si loo maalgeliyo, taasina waxay u baahan tahay in qoditaan lagu sameeyo, qoditaankii baana loo diyaar-garoobayaa, waxaana dib u dhigay Xanuunkan dunida ku soo noqday, kaasaana weli dabada inna jiidaya..” Ugu dambayn, Wasiirka Wasaaradda Macdantu ma sheegin Dadka ay mastaafuriyeen Dalka ay u dhasheen. Source

Wasiirka Amniga Xukuumadda Federaalka Soomaaliya Xasan Xundubey Jimcaale oo ku sugan magaalada Dooha ee Caasimadda dalka Qatar ayaa kulan la qaatay Ra’iisul Wasaaraha ahna Wasiirka Arrimaha dibadda Qatar Sheekh khaalid Bin Khaliifa bin Cabdiaziiz Al Thaani. Kulanka dhexmaray Wasiir Xundubey iyo Ra’iisul wasaare Sheekh khaalid Bin Khaliifa ayaa inta uu socday waxaa looga hadlay xoojinta xiriirka ka dhexeeya dowladdaha Soomaaliya iyo Qatar ee ku saleysan dhinacyo kala duwan. Qoraal uu soo saaray Wasiirka amniga Xukuumadda Soomaaliya Xasan Xundubey ayaa waxaa uu ku sheegay in kulan gaar ah uu la qaatay Sheekh khaalid Bin Khaliifa Al Thaani, uuna uga mahadceliyay tageerada Qatar ay la garab taagan Soomaaliya. “Waxaana aan ka wada hadalnay is kaashiga amniga ee labada dal ee Soomaalia iyo Qatar, anigoo kaga mahadceliyay tageerada dowlada Qatar ay la garab taagantahay shacabka iyo Xukuumadda Soomaaliya” ayuu yiri Xasan Xundubey. PUNTLAND POST The post Wasiirka Amniga Soomaaliya oo la kulmay Ra’iisu wasaaraha dalka Qatar appeared first on Puntland Post.

Madaxweynaha Dowlad Goboleedka Koonfur Galbeed Soomaaliya Cabdicasiis Xasan Maxamed (Lafta-gareen) ayaa tacsi tiiraanyo leh u diray guud ahaan Umadda Reer Koonfur Galbeed, gaar ahaan qoyska iyo qaraabada uu ka baxay Allaha ha u naxariistee Malaaq Xasan Shurre Maxamuud. Madaxweyne Lafta Gareen ayaa xusay in Malaaqu uu ahaa hurmuud dhaqan,door muuqdana ka soo qaatay dib u heshiisiinta, adkeynta wadajirka iyo dadaalladii dib u dhiska dowladnimada. “Innaa Lillaahi Wa Innaa Ileehi raajicuun Alle ha u naxariistee Malaaq Xasan Shure Maxamuud oo ka mid ahaa tiirarka dhaqanka Koonfur Galbeed Soomaaliya oo xalay ku geeriyooday magaalada Baydhabo,malaaqa waxa uu astaan u ahaa saldanad dhaqan oo facweyn oo kaalin muhiim ah kaga jirtay wada noolaashaha bulshada Koonfur Galbeed iyo guud ahaan dalka” ayuu yiri Madaxweynaha Dowlad Goboleedka koonfur Galbeed. Madaxweyne Cabdicasiis Xasan Maxamed (Lafta-gareen) ayaa Marxuumka Alle u weydiiyay in uu hoygiisa ka yeelo Jannatul Fardowsa, samir iyo iimaanna uu ka siiyo qoyskiisa iyo guud ahaan Reer Koonfur Galbeed ee uu ka geeriyooday. PUNTLAND POST The post Malaaq Xasan Shurre oo geeriyooday iyo Lafta Gareen oo ka tacsiyeeyay appeared first on Puntland Post.

Xeer Ilaaliyaha guud ee Qaranka Soomaaliya Dr. Sulaymaan Maxamed Maxamuud, ayaa sheegay in uu si rasmiya u soo xirmay wareega kowaad ee dhegaysiga dacwadda badda ee u dhexaysa Soomaaliya iyo Kenya. Dr Sulaymaan, wuxuu bogaadiyey sidii habsamida lahayd ee qareennada u doodayay Soomaaliya ay u soo bandhigeen xujooyin cad-cad oo muujinaya xaq ahaanshaha gal dacwadeedka Soomaaliya iyo mabaadida caalamiga ah ee la xiriirsan xeerka badaha. “Waxaan halkan umadda Soomaaliyeed uga sheegayaa, in dawladda iyo shacabka Soomaaliya oo midaysan ay diyaar u yihiin difaacidda gobonimada iyo dhul badeedka Soomaaliya, iyada oo aan rajaynayo in natiijada ka soo baxaysaa ay noqoto mid ummadda Soomaaliyeed oo dhan ka farxin doonta.” Sidoo kale, wuxu tilmaamay in wakhtiga uu bilaaban doono wareegga labaad ee dhegaysiga dacwadda ku saabsan kiiskan ay go’aan ka gaari doonto Maxkamadda ICJ kadibna ku wargelin doonto Wefdiga Soomaaliya. PUNTLAND POST The post Dowladda Soomaaliya oo shaacisay in uu soo xirmay wareega kowaad ee dhegaysiga dacwada badda appeared first on Puntland Post.

Qaran News

Madaxweynaha Galmudug Axmed Cabdi Kaariye Qoor Qoor ayaa xalay hoyga uu ka deganyahay Muqdisho wuxu casho sharaf ugu sameeyay xubno ka tirsan Midowga Murashixiinta Muqdisho. Madaxweyne Qoor Qoor oo uu weheliyo Madaxweynaha Hirshabeelle Cali Cabdullaahi Xuseen Guudlaawe ayaa intaas kadib kulan gaar ah la yeeshay xubnaha Midowga Murashixiinta mucaaradsan Villa Somalia. Kulankan oo hordhac u ahaa Shirka Arrimaha Doorashada ee la filayo in uu maalmaha soo socda Muqdisho ka furmo waxa labada dhinac uga wada-hadleen xallinta muranka siyaasadeed ee ka taagan hirgelinta Doorashada. PUNTLAND POST The post Qoor Qoor iyo Guudlaawe oo kulan gaar ah la yeeshay Midowga Murashixiinta Muqdisho appeared first on Puntland Post.

Dacwadda Badda ee Soomaaliya iyo Kenya: Maxaad ka taqaannaa qareennada Soomaaliya ku matalaya dacwadda badda ee ICJ? Xarunta maxkamadda ICJ ee magaalada Hague Maxkamadda caalamiga ah ee Caddaaladda (ICJ) ayaa maalintii labaad dhageysaneysa dacwadda muranka badda ee u dhaxeysa Soomaaliya iyo Kenya, waxaana labada maalmood ee ugu horreysa fursadda la siiyay qareennada matalaya dowladda Soomaaliya. Waxaa kiiskan ka maqan qareennada dhinaca Kenya kaddib markii xukuumadda Nairobi ay isaga baxday dacwadda, iyadoo arrimo dhowr ah u sababeysay. Mid ka mid ah waa in Kenya ay maxkamadda ku eedeysay inaysan dhexdhexaad ka ahayn kiiska ku saabsan xad badeedka saddex xagalka ah ee uu cabirkiisu yahay 62,000 sq miles (160,000 sq km). Soomaaliya oo hadda kaligeed dacwadda laga dhageysanayo waxaa u taagan ilaa shan gar yaqaan oo heer caalami ah oo difaacaya doodda Soomaaliya ee ku aaddan in badda ay iyadu leedahay. Sidoo kale waxaa jira qareenno kale oo ka qeyb qaadanaya caawinta Soomaaliya. Maxaan ka naqaannaa qareennada u doodaya Soomaaliya? Markii ugu horreysay garyaqaannada Soomaaliya waxaa ka mid ahayd Muna Sharmaan oo si weyn loo bartay xilligii ay socotay dhageysigii dacwadda badda. Hase yeeshee waxay doorkaas ka baxday sanadkii bishii October ee sanadkii 2019-kii. Waxaa hadda Soomaaliya wakiil uga ah kiiska qareenno ajnabi ah. Qareennadan ayaa ah kuwo sumcad ku dhex leh shuruucda caalamiga, waxayna u kala dhasheen waddamo kala duwan. 1-Paul S Reichler Gar yaqaan Paul S Reichler Mr Paul S Reichler waa gar yaqaan khabiir ah oo u dhashay dalka Mareykanka. Waxa uu aqoon dheer oo takhasus ah u leeyahay sharciyada la xiriira muranka xad ka badda. Sidoo kale waxa uu ka tirsan yahay ururka ay ku bahoobeen garsooreyaasha ka howl gala maxkamadda ugu sarreysa dalka Mareykanka. Mr Reichler waxa uu kasoo qalin jabiyay kulliyadda cilmiga sharciga lagu barto ee Jaamacadda Harvard. Wuxuu si fasiix ah ugu hadlaa luuqadaha Ingiriiska iyo Spanish-ka. 2-Prof. Philippe Sands Gar yaqaan Prof. Philippe Sands Prof. Philippe Sands, oo ay da’diisu tahay 60 sano waa qareen British-French ah oo ka tirsan garyaqaannada caanka ah ee dunida. Waxa uu ka soo qalinjabiyay jaamacadda Harvard qeybteeda sharciga. Prof. Sands waxa uu macalin ka yahay jaamacadda London iyo sido kale jaamacado kale oo ku kala yaalla dalalka Mareykanka, UK Canada, Faransiiska iyo Australia. Waxa uu horey isaga oo dhinacyo kala duwan matalaya qareen uga soo noqday oo uu hortagay maxkamada ICJ, maxkamada cadaaladda iyo xuquuqda aadanaha ee Yurub iyo maxkamadda dambiyada caalamiga ah ee ICC. Prof. Philippe Sands waxaa uu horey u qoray buugaag uu ka diyaariyay shuruucda caalamiga ah. 3-Prof. Alain Pellet Gar yaqaan Prof. Alain Pellet Waa qareen 72 jir ah, oo u dhashay dalka Faransiiska islamarkana muddo dheer ku jiray xirfadda shuruucda caalamiga ah. Mr Pellet ayaa waxaa uu culuumta sharciga ka bartay Jaamacad ku taalla magaalada Paris oo lagu magacaabo de Paris Ouest – Nanterre La Défense,. Prof. Alain Pellet ayaa sidoo klae horey la taliye dhanka sharciga ah ugu soo noqday dowladda Faransiiska. 4-Alina Miron Garyaqaan Alina Miron Garyaqaan Alina waa macallimad wax ka dhigta jaamacadda Angers ee dalka Faransiiska, oo ah waddanka ay kasoo jeeddo. Waxay horay iyada oo qareen u hor tagtay maxakamadaha ICJ iyo ITLOS. Waxay hadda ka mid tahay qareennada khibradda leh ee Soomaaliya ku matalaya dacwadda badda ee hor taalla maxkamadda Caddaaladda Adduunka ee ICJ. Mageeda waxaa lagu xusay bayaanka maxkamadda, shalayna waxay ka mid ahayd qareennadii hadlay. 5-Edward Craven Gar yaqaan Edward Craven Mr Craven – oo u dhashay dalka Ingiriiska – waa qareen caalami ah oo ku takhasusay noocyada kala duwan ee shuruucda caalamiga ah . Arrimaha uu ku xeel dheer yahay waxaa ka mid ah shuruucda caalamiga, shuruucda dib u soo celinta hantida, shuruucda deegaanka, shuruucda saxaafadda, shuruucda ganacsiga iyo shuruucda la xiriira dambiyada. Qareennada kale ee gacanta ka geysanaya kiiskan, dhanka Soomaaliyana ka socda waxaa ka mid ah Benjamin Salas Kantor oo ka howlgala shirkadda dhanka sharciyada ee Foley Hoag LLP. Waa qareen dalalka madaxa banaan ku matala shuruucda caalamig ah gaar ahaan murada caalamiga ah. Mr Kantor waxaa uu horey la taliye ugu ahaa madaxwaynaha Chile oo uu lasoo shaqeeyay sanadihii u dhaxeeyay 2018 iyo 2020. Nicholas Renzler ayaa isagana ka mid ah garyaqaannada la safan Soomaaliya, waana qareen ku taqasusay shuruucda caalamiga ah islamarkana dalalka ku matala maxkamadaha caalamiga ah. Qaran News

Shixnad Tallaalkii ugu Horeeyey ee Covid-19 oo Soo Gaadhay Somaliland Diyaaradii siday tallaalka cudurka Covid-19 ayaa maanta ka soo dagtay garoonka diyaaradaha ee Cigaal International Airport ee magaalada Hargeysa. Tallaalkan oo noqonaya kii ugu horeeyey ee nooccciisa ah ee soo gaadha Somaliland ayaa ah COVAX, kaas oo lagu wareejiyey Wasaarada horumarinta caafímaadka Jamhuuriyadda Somaliland. Wasaarada caafímaadka ayaa sheegtay in tallaalkan la siin doono dadka shaqaalaha ah ee safka hore kaga jira la dagaalanka COVID19 kuwaasi oo kala bahda Caafimaadka , Ciidanka Socdaalka, Ciidanka Booliska iyo shaqaalaha cashuuraha ururiya, kuwaas oo inta badan la kulma dad farabadan. Qaran News

Garoowe (Caasimada Online) – Faah faahino dheeraad ah ayaa waxaa laga helayaa howl-gal qorsheysan oo ay saacadihii lasoo dhaafay ciidanka sida gaarka ah u tababaran ee PSF-ta Puntland ka sameeyeen qeybo ka mid ah gobolka Bari ee maamulkaasi. Howl-galka ayaa ka dhacay dhinaca dhulka buuraleyda ah ee gobolkaasi, halkaas oo ay ku xoogan yihiin dagaalyahanada Kooxda Al-Shabaab. Wararka ayaa sheegaya in iska hor imaad uu dhex-maray labada dhinac, kaas oo geystay khasaare kala duwan oo isugu jiro dhimasho & dhaawac. Saraakiil ka tirsan Puntland oo la hadlay warbaahinta ayaa shaaca ka qaaday in howl-galkaasi ay ku dileen xubno ka tirsanaa Al-Shabaab, walow aysan shaacin tiradooda. Sidoo kale saraakiisha ayaa intaasi kusii daray inay hub kasoo furteen dagaalyahanada Al-Shabaab, islamarkaana ay haatan ku sugan yihiin goobihii lagu dagaalamay. Muddooyinkii dambe ciidanka Puntland ayaa sare u qaaday dhaq-dhaqaaqyada milatari ee ay ka wadaan gobolka Bari oo ay ku sugan yihiin kooxaha Daacish & Al-Shabaab.

Nairobi (Caasimada Online) – Dowladda Kenya ayaa markii u horeysay beenisay warar isasoo tarayay oo sheegayay inay qarka u saaran tahay inay lumiso dekedda weyn ee Mombasa, islamarkaana uu kala wareegayo Shiinaha. Wasiirka maaliyadda Kenya, Ukur Yatani ayaa arrintaas waxba kama jiraan ku sheegay, isagoona meesha ka saaray in dowladda Shiinaha kala wareegayso dekedda weyn ee Mombasa sababo la xiriira deymo uu ku leeyahay Shiinaha oo dhisay mashruuca khadka tareenka. Yatani ayaa sidoo kale waxa uu ‘mid waxbo kama jiraan ah oo marin habaabin ah’ ku tilmaamay wararka sheegaya in Kenya ay deymaha Shiinaha iskaga bixineyso dekeddaas, ayada oo meesha looga saaray ‘Gebi ahaanba halista in Shiinaha ama dal kale uu la wareegayo dekedda Kenya’. Wuxuu intaas ku daray in deynta tareenka ee Shiinaha ‘aanan lagu bixin karin lacago kale ama ay bixiyaan ha’yado kale iyadoo uusan ansixin baarlamanaka’. Hadalkaan ayaa imanay ayada oo maalintii shalay uu Wargeys maxali ah ku warramay in Shiinaha uu la wareegi karo dekedda weyn ee Mombasa, haddii dowladda Kenya ay ku guul-dareysato inay iska bixiso deynta Shiinaha oo lagu sheegay inay gaareyso 3.2 bilyan oo doolarka Mareykanka ah.

Jabuuti (Caasimada Online) – Dalka Jabuuti ayaa waxaa lagu wadaa in 9-ka bisha April ee sanadkaan 2021 ka dhacdo Doorashada Madaxtinimada dalkaas, ayada oo dhawaan si rasmi ah u furmayo ololaha doorashadaas. Diyaar-garowga doorashada ayaa si weyn uga socda Jabuuti, waxaana doorashada todobaadyo kadib ka dhaceysa dalkaas, waxaana ku tartamaya Madaxweynaha tallada haya ee Ismaaciil Cumar Geelle iyo Musharax kale oo saaxada ku cusub. Liiska tartamayaasha ayaa waxa soo gudbiyay Wasaaradda Arrimaha Gudaha, waxaana ugu dambeyn saxiixay Madaxweynaha talada haya, waxayna u dhigan yihiin sidan; 1-Ismaaciil Cumar Geelle: Madaxweynaha Jamhuuriyadda Jabuuti ahna Murashaxa Xisbiga PRP. 2-Sakariye Ismaaciil: oo ah Murashax madax bannaan sida ku xusan Sooyaalkiisa. Ismaaciil Cumar Geelle oo ah Madaxweynihii labaad ee Taariikhda Jamhuuriyadda Jabuuti soo maray tan iyo xornimadii Gumeystihii Faranasiiska oo haatan laga joogo muddo dhan 44-sano, kala bar waxaa hoggaanka u haya Madaxweyne Geelle. Geelle ayaa ku dooda inta badan inuu horumar balaaran ka sameeyay Jabuuti tan iyo intii uu talada hayay, wuxuuna dhowr jeer kalsooni ka muujiyay doorashada inuu kusoo bixi doono maadama horumar, waxqabad & hoggaan wanaag uu ka sameeyay Jabuuti Muddada 22-sano uu xilka hayo. Madaxweynaha Jabuuti ayaa waxaa badanaa lagu eedeeya in uusan diyaar u aheyn inuu wareejiyo tallada dalka, islamarkaana uu sameeyo doorasho gacan ku rimis ah oo indhaha iskaga jeediyo bulshada, wallow uu iska fogeeyay eedeymahaas.

Hargeysa (Caasimada Online) – Diyaarad sida talaalka cudurka Coronavirus oo mar labaad soo laba-kacleeyey ayaa shalay ka degtay magaalada Hargeysa ee caasimada Somaliland, sida ay Saraakiisha garoonku u sheegen Caasimada Online. Talaalankan oo lagu magacaabo Astrazaneca ayaa waxaa soo saartay jaamacadda Oxford ee dalka Mareykanka, ayaa waxa uu shalay kasoo degay magaalada Muqdisho ee caasimada dalka, ayada oo si rasmi ah loo daah-furay. Farsamada tallaalkan oo markii hore ka yimid dalka India ayaa waxa gacanta ku haysay Qaramada Midoobey, taasi oo soo gaarsiisay dalka, waxaana bilaabatay gaarsiinta goboladda qeybta koowaad ee tallaalkaan. Cudurka Koronaha ayaa faro ba’an ku haya Somaliland, waxaana laga diiwaan gelinayay maalmihii u dambeeyay kiisas hor leh, ayada oo cudurka uu ku dhacay madaxda u sareysa ee xukuumadda. Madaxweyne ku-xigeenka Somaliland, Cabdiraxmaan Saylici ayaa waxaa laga helay cudurka Covid-19, sidoo kale waxaan dhawaan laga helay cudurkaas Wasiir ku-xigeenka Caafimaadka Somaliland iyo Wasiirka Maaliyada oo iyaguna ka tirsan xukuumadda Somaliland ee uu hogaamiyo Muuse Biixi. Waxaa lagu wadaa in daah-furka tallaalka Coronavirus oo wajigiisa koowaad ay ka faa’iideysan doonaan madaxda dowladda iyo shaqaalaha caafimaadka uu hormuud ka noqdo Muuse Biixi oo ay ku wehlinayaan wasiiro ka tirsan xukuumadiisa.

Somali security forces killed five al-Shabab militants on Monday in an intense clash with the fighters in the southern town of Mahaday, an official said on Monday evening. Al-Shabab fighters attacked bases run by government forces in the town, but the army repelled and pushed them back, said Ahmed Hussein Afrah, governor of Mahaday town. “Our forces killed five al-Shabab militants during an intense clash between the army and the attackers,” Afrah said. The forces are now controlling the town, said the official, denying militant claims of occupying the town. Locals said the militants who attacked the town are still running some villages in the area, including Ka’anka village where they are addressing the residents. The southern regions of Somalia have seen clashes between government forces and al-Shabab since the militants were chased out of the capital, Mogadishu, in August 2011 by African Union forces and the Somali army. View the full article