Waxaa dalka Faransiiska ku geeriyooday Alle ha u naxariistee Proff Maxamed Cabdi Maxamed Gaandi. Profeysarka ayaa ka mid ahaa aqoonyahannada Sooomaaliyeed wuxuunka ku xanuunsanayay mudooyinkii dambe Isbitaal ku yaaalla dalka Faransiiska. Profeysarka ayaa ka mid ahaa Muasharixiinta u tartamayay xilka Madaxweynaha Soomaaliya, waxa uu sidoo kale ka mid ahaa Aas aasayaashii maamulka Jubbaland . Prof Gandi ayaana mudda dheer qeyb ka ahaa howlaha dib u dhiska dowladnimada Soomaaliya, isagoo xilal kala duwan ka soo qabtay dowladihii dalka soomaray . Source: goobjoog.com

Haweenay Soomaaliyada oo Cunsuriyad darteed loogu diiday Shaqo ay ka heshay Dalka Imaraaadka Carabta Haweenay Soomaaliyada oo lagu magacaabo Saamiya ayaa lagu cunsuriyadeeyay dalka Imaaraadka Carabta, kadib markii shaqo ay ka heshay iskuul kuyaala dalkaasi oo loogu diiday in ay Soomaali tahay darteed. Jariidada Monitor ee kasoo baxda dalka Mareykanka, ayaa qortay Haweenay asalkeeda Soomaali yahay balse heysata dhalashada dalka Britain loo diiday shaqo ay ka heshay gudaha Imaaraadka Carabta sababo la xidhiidha in Soomaaliya ay kasoo jeedo. Saamiya ayaa la sheegay markii ay shaqada ka heshay iskuulka xujo looga dhigay in ay soo hesho warqada ogolaanshaha shaqada, hasa ahaatee waaxda shaqada Imaaradka ayaa Haweenaydaasi u diiday in warqaada cadeynta shaqada siiyaan. “Waxaan ahay Soomaali balse waxaan kusoo koray kuna soo barbaaray dalka Britain ,Imaaradka waxa ay shaqada iigu diideen inaan ahay qof asal ahaan Soomaaliya kasoo jeeda, waxaan run ahaantii dareemayaa niyad jab ma aqaan wax aan sameeyo, waxaa la iigu diiday shaqada inaan ahay qof Soomaali ah lama tixgalin Basaboorka Dhalasho aan ka haysto UK”. ayey tidhi Saamiya. Dowlada Britain ayaana ku eedaysay Imaaraadka Carabta in gabadhan asal ahaan kasoo jeeda Soomaaliya balse haysato dhalashada UK kula kaceen cunsuriyad uguna diideen shaqada ay heshay asalka dalka ay kasoo jeedo. Imaaraadka Carabta ayaan jawaab rasmi ah ka bixin eedeyntan la xidhiidha falka cunsuriyarda ah ee ay kula kaceen gabadha Soomaaliyeed, waxa ayna arintan imaaneysaa xili uu meesha ka baxay xidhiidhkii ka dhaxeeyay dowladaha Soomaaliya iyo Imaaraadka Carabta. Qaran News

Mishiin Dadka waaweyn u wanaagsan Caruuttana looga digay? Waaxda amniga gudaha ee dalka Mareykanka ayaa uga digtay dadka inay joojiyaan isticmaalka mashiinka lagu ordo ee loo yaqaan Platonic. Waaxda dowladda u qaabilsan bad-qabka qalabka ayaa sheegtay in 39 shil oo ay sababeen mashiinadaan ay dhaceen. Sida ay sheegtay hay’addu, hal qof ayaa u dhintay mashiinka dartiis. Waxaa la xaqiijiyay in hal qof uu dhintay bishii la soo dhaafay waxaana looga digay carruurta in aysan u soo dhowaan mashiinka. Si kastaba ha noqotee, bayaan ka soo baxay hay’adda ilaalinta tayada alaabaha ayaa lagu sheegay in warkaan uu yahay mid runta ka fog oo u muuqda marinhabaabin. Platon oo ah mashiinka lagu ardo ayaa dad badan guryaha ku isticmaalaan iyagoo ku sameeyo jir dhis. Mashiinadaan ayaa qiimahoodu sare u kacay kadib markii dad badan guri joog noqdeen maadama dunida uu ka jiro fayraska karona oo dad badan ku qasbay in ay xaafadaha joogaan. Muuqaal la baahiyay Sabtidii shalay ayaa lagu arkay muuqaal muujinaya ilmo lagu jiidayo mashiinka. Bayaan ka soo baxay Waaxda amniga gudaha ee dalka Mareykanka,ayaa lagu sheegay in Mashiinku uu dhalaanka halis ku yahay loona baahanyahay in laga digtoonaado. Hay’ada dhowrista tayada qalabka ayaa sheegtay in mid ka mid ah 39-ka shil ee dhacay xili uu waalid uu isticmaalayay Mashiinka. Warbixinta ayaa lagu yiri waxaa wanaagsan in caruurta laga fogeeyo mashiinada marka ay waalidiintu isticmaalayaan . Dadka waaweyn ee isticmaala Mashiinka oradka ayaa lagula taliyay in ay qolalka xirtaan xiliyada ay ku ordayaan mashinka . Carruurta looga digay Mashiinkaan ayaa ah kuwa da’doodau ka yartahay 16 jirka. Qaran News

Hoggaamiyaha mucaaradka Ruushka “maalmo gudahood ayuu ku dhiman doonaa” Ninka aadka u dhaliila Vladimir Putin Alexei Navalny, ayaa la xiray February Dhaqaatiirta hoggaamiyaha mucaaradka Ruushka Alexei Navalny ayaa sheegay in “maalmaha soo socda uu dhiman doono” haddii aan daryeel caafimaad loo fidin. Dhaqaatiirta ayaa sheegay in baaritaankii dhiigga ee dhowaan laga qaaday uu muujinayo in laga yaabo in dhibaatooyinka wadnaha ah ay la soo dersaan amaba ay kilyuhu fadhiistaan. Navalny ayaa cuntada ka sooman muddo 18 maalmood ah, isagoo ka dabanaya in laga daweeyo xanuun daran oo dhabarka ah iyo suuxdinta lugaha. Ninkan oo aad u dhaliila Vladimir Putin, ayaa la xiray bishii February isgaoo loo heysto eedyemo hore oo musuqmaasuq. Afar dhaqaatiir, oo uu ku jiro dhaqtarkiisa gaarka ah, Anastasia Vasilyeva, ayaa warqad u qoray saraakiisha xabsiga iyaga oo weydiianaya inay si degdeg ah ula kulmaan. Having received test results we, the doctors of Alexey Navalny, address the head of Federal Penitentiary Service. Due to critical state of health of Alexay Navalny we express our concerns and our readinness to enter into discussion followed by consilium. 1/ pic.twitter.com/cRG2fkq9yk — Команда Анастасии Васильевой (@DrAnastasy) April 17, 2021 Warqadda, oo uu Dr Vasilyeva soo digay barta Twitter-ka, ayay khubarradu ku sheegeen in xaaladda Alexei Navalny ay aad halis u tahay. Dhaqaatiirta ayaa ugu baaqay saraakiisha xabsiga inay u oggolaadaan inay degdeg u baaraan Navalny, “iyaga oo xisaabta ku darsanaya baaritaannadii dhiigga iyo sumeyntii dhowaan loo geystay”. Alexei Navalny, oo 44 jir ah, ayaa geeri ku dhowaaday bishii August 2020 kaddib markii lagu sumeeyay sunta neerfaha waxyeeleysa ee Novichock. Wuxuu Madaxweyne Vladimir Putin ku eedeeyaa inuu amray sumeyntiisa, taas oo xukuumadda Kremlin ay beeniso. Xaaska Navalny, Yulia ayaa sheegtay in miisaanka seygeeda uu haatan yahay 76kg (168 pounds), iyadoo 9kg ay ka dhacday tan iyo intii uu raashiinka ka soomay, sida laga soo xigtay wakaaladda wararka ee AP. Alexander Polupan, oo ka mid ahaa dhaqaatiirtii daweysay markii Navalny la sumeeyay, ayaa soo wadaagay natiijada baaritaankiisa dhiigga, wuxuuna sheegay in natiijadu ay muujineyso inuu u baahan yahay daryeel caafimaad oo deg deg ah. Sidoo kale ilaa 70 qoraa, farshaxaniisteyaal iyo aqoon yahanno caan ah ayaa ku biiray baaqa ah in wax laga qabto xaaladda Navalny, kuwaas oo saxiixay warqad ay Madaxweyne Putin ugu baaqayaan in la hubiyo in Navalny uu helo daryeel caafimaad oo ku filan. Madaxweynaha Mareykanka Joe Biden ayaa shalay weriyeyaasha u sheegay in daawyenta caafimaad ee Navalny “ay gebi ahaanba tahay mid caddaalad darro ah oo aan habbooneyn “. Bishii March, sirdoonka Mareykanka ayaa sheegay in dowadda Ruushka ay ka dambeyso sumeyntii loo geystay Navalny. Maamulka Biden ayaa cunaqabateyn ku soo rogay saraakiil sare oo Ruush ah, haatanna Moscow ayaa sidaas si la mid ah sameyneysa. Navalny ayaa sheegay inuu la il daran yahay xanuun dhanka dhabarka ah iyo lugta midig oo suuxsan. Horraantii bishan wuxuu la il darnaa qufac daran iyo qandho saa’id ah, waxaana la geeyay xarun xabsiga ku taalla oo dadka xanuunsa la geeyo kuna taalla magaalada Pokrov. Maamulka xabsiga ee Ruushka ayaa sheegay inuu diiday in dhaqaatiirtooda ay daweeyaan. Qareennada Navalny, oo xabsiga ku booqanayay ayaa sheegay inaysan wax dhaqaatiir ah joogin xabsiga. Kooxaha u dooda xuquuqda aadanaha ayaa sheegya in xabsiga lagu yaqaanno xaalado aan wanaagsaneyn, Amnesty International ayaana sheegtay in Navalny uu la kulmay xaalado u dhigma jirdil kuwaas oo laga yaabo inay si tartiib tartiib ah u dilaan. Qaran News

Source

SLT-Asmara)-Dowladda Eritrea ayaa markii ugu horreysay ku dhawaaqday inay aqbashay in ciidamadeeda ay kala baxeyso gobolka Tigray ee woqooyiga Ethiopia, iyadoo dalka ku yaal Bariga Afrika uu qirtay inuu qeyb ka ahaa colaadda gobolkaas ka taagan. Eritrea oo uu saaran yahay cadaadis caalami ah oo sii kordhaya ayaa kaga dhawaaqday arrinkan warqad ay u qortay 15-ka dal ee xubnaha golaha ammaanka ee Qaramada Midoobay, taas oo Jimcihii barta Internetka ay ku daabacday wasaaraddeeda warfaafinta. Sophia Tesfamariam oo ah Safiirka Eritrea u fadhiya Qaramada Midoobay ayaa warqadda ku sheegtay in Addis Ababa iyo Asmara ay ku heshiiyeen inay ku dhaqaaqaan heerkoodii ugu sarreeyay ee ciidamada Eritrea ay kaga baxayaan islamarkaana si dhaqso ah dib loo geeyo cutubyo Ethiopian ah xadka la aamnisan yahay ee caalamiga ee u dheexaya. Milatariga Eritrea ayaa gacan ku siinayay ciidamada Ethiopia dagaalka ay kula jiraan xisbiga TPLF oo Ethiopia soo xukumi jiray, kaas oo soo billowday bishii November ee sanadkii hore. Dowladaha Ethiopia iyo Eritrea ayaa muddo bilooyin ah dafirayay in ciidamada Eritrea ay ku lug lahaayeen dagaalka gobolkaas, taas oo ka hor imaanaysa warbixinnada ay wariyeen dadka deegaanka, diblomaasiyiinta iyo qaar ka mid ah shacabka iyo milatariga Ethiopia, laakiin Ra’isawaasaare Aby Ahmed ayaa qirtay bishii March, iyadoo Asmarana ay ku dhawaaqday Jimcihii. Source

Muqdisho (Caasimada Online) – Wasiirka Amniga ee maamulka Galmudug, sidoo kalena ah xildhibaan ka tirsan golaha shacabka Axmed Macalin Fiqi ayaa raali-gelin ka bixiyay hadaladii kasoo yeeray xildhibaano xalay shir jaraa’id ku qabtay oo weeraray xildhibaanada tegay Shiirkole ee taageeray Saadaq John. Xildhibaanadaas oo ay soo abaabushay Villa Somalia, kana tirsan beesha Habargidir ayuu Fiqi ku tilmaamay “la haystayaal aan xor u aheyn aragtidooda,” islamarkaana ku hadlaya af aan kooda aheyn. “Halgamayaasha Shiirkoole waxaa ka raalli gelinayaa xildhibaanada walaalaha ah ee hiilkii ay u baahnaayeen markii ciidamadu dul fadhiyeen ka gaabiyey, ee aan haddana intaas ku ekaan,” ayuu yiri. “Reer Shiirkole waxaad mudnaydeen in la idinla qeybsado xaaladda qalafsan ee habeenadii la soo dhaafay guryihiina la idinkugu keenay, ama ugu yarraan aad mudnaydeen in la idinkaga tacsiyeeyo hurdo la’aantii, wel-welkii iyo cabsidii la idin dul keenay, haddii ay taasi dhici weydayna aad astaahisheen in qalbiga la idinkaga soo duceey”. Sidoo kale waxaa uu ka dalbaday xildhibaanada ay soo dirsatay Villa Somalia inay raali-gelin ka bixiyaan hadalkii xalay ay uga soo horjeesteen halganka socda, islamarkaana ay ka waantooban ficilada noocaas ah ee ay ku taageerayaan taliska Farmaajo. “Waxaa meeshii weerarka Shiirkole laga soo go’aamiyey meel aan sidaas uga dheereyn shir jaraa’id ku camirtay dhowr xildhibaan oo isku dayey in ay isku aadiyaan eed aysan lahayn ayagu, ku hadlaan af aan kooda ahayn, ayna isaga qaldantay qadiyadda dadeed iyo difaaca taliska waqtigu ka dhamaaday ee Villa Somalia.” Xildhibaanada uu weerarka ku qaaday ee Villa Somalia soo dirsatay ayaa waxa kamid ah; Ubax Tahliil Warsame, Warsame Joodax iyo Cabdikariim Khaliif Dhalac. Ugu dambeyntiina waxa uu sii xoojiyey taageerada kacdoonka looga soo horjeedo madaxweynaha waqtigiisu dhamaaday ee Farmaajo oo muddo labo sanno ah oo sharci darro ah kusii darsaday xukunka dalka, “Naga raalli noqda walalayaal, halgankuna sidiisii ha u socdo, garabkiina ayaan nahaye.” The post FIQI oo raali-gelin u diray ‘Halgamayaasha Shiirkoole’ appeared first on Caasimada Online.

MOGADISHU (HOL) - Two of Farmaajo’s key allies in the ongoing political stalemate are expected to declare their position on the term extension matter in a meeting with opposition presidential candidates. Source: Hiiraan Online

Muqdisho (Caasimada Online) – Siyaasiga Cabdiraxmaan Cabdishakuur Warsame oo ka hadlayey xaaladda siyaasadeed ee dalka, gaar ahaan go’aankii baarlamaanka ayaa shaaciyey in Axmed Qoor Qoor uu taageeray muddo korosiga Farmaajo. Horey wxaaa loo ogaa in madaxda HirShabelle iyo Koonfur Galbeed ay taageereen muddo korosiga Farmaajo, halka Qoor Qoor uusan caddeyn mowqifkiisa, hase yeeshee qoraal uu soo dhigay facebook ayuu Cabdiraxmaan Cabdishakuur ku eedeeyey saddexda maamulba in ay taageereen muddo kordhinta loo sameeyey madaxweynaha waqtigiisu dhammaaday, iyaga oo aan wax latashiyo ah la soo sameyn baarlamaanadooda, wasiiradooda iyo bulshadooda intaba. Sidoo kale wuxuu intaasi ku daray in saddexdan maamul ee taabacsan Villa Soomaaliya ay ka arkeen dadkooda, isla-markaana ay go’aanka ku sitaan jeebka, siduu hadalka u dhigay. Maamullada Jubbaland iyo Puntland ayuu dhanka kale ku amaanay, sida ay ugu kalsoon yihiin dadkooda, baarlamaanadooda iyo wasiiradooda oo ay la tashiyo la soo sameeyeen, kadibna si cad uga biyo diiday arrinta muddo kororsiga oo uu ku tilmaamay sharci darro. “Waxaa is waydiin mudan dawlad goboleedyada qaarkood bulshadii rayadka iyo waxgaradkii ayey la tashadeen, ka dibna golayaashii Wasiirada iyo Baarlamaanka ayaa go’aan ku diiday muddo kororsiga . Laakiin dawlad Goboleedyada Galmudug, Hirshabeelle iyo Koonfur Galbeed yey la tashadeen markii ay go’aanka muddo kororsiga Farmaajo ku taageereen? bulsho rayad, waxgarad, Gole Wasiiro iyo Baarlamaan ma lahan miyaa? Mise dadkoodeey ka arkeen oo go’aanka iyagaa jeebka ku sita?,” ayuu qoraalkiisa ku yiri. Dhinaca kale musharrax madaxweyne Cabdiraxamaan Cabdishakuur Warsame ayaa si cad uga horyimid la kulanka madaxweyne Maxamed Cabdullahi Maxamed (Farmaajo) oo dalab u diray qaar ka mid ah midowga musharraxiinta mucaaradka, balse ay ku gacan seereen. “Farmaajo isagaa irdaha u soo xiray wadahadaladii doorashooyinka, ka dibna hoggaamiye kooxeed noqday. Ma jirto cid xiisa u qabta la kulankiisa,” ayuu sii raaciyey. Hadalkan ayaa kusoo aadayo, iyada oo horey warbaahinta dowladda ay u shaacisay warqad la sheegay inay si wadajir u soo saareen maamul goboleedyada Galmudug, HirShabelle iyo Koonfur Galbeed oo lagu taageeray go’aankii baarlamaanka federaalka ah ee Soomaaliya. Si kastaba Soomaaliya ayaa gashay xaalad cusub oo jahwareer ah, kadib markii lagu kala kacay wada-hadalladii ka socda Teendhada Afisyoone ee magaalada Muqdisho. The post CC Shakuur oo shaaciyey in QOOR QOOR uu taageeray muddo kororsiga Farmaajo appeared first on Caasimada Online.

Garowe (PP News Desk) — In a closed, extraordinary session Puntland State Parliament yesterday rejected the two-year mandate extension for Somali federal institutions expedited by the Lower House. Puntland President Said Abdullahi Deni briefed MPs on his visit to Mogadishu, collapse of the electoral talks and the controversial mandate extension for the Federal Government of Somalia. Puntland Parliamentary Speaker Abdirashid Jibril reading out the result of the motion. MPs voted on a motion proposed by the Speaker of the Parliament Abdirahid Yusuf Jibril: Should Puntland State Reject the Mandate Extension by the Federal Institutions? 49 MPs have voted in favour of rejecting the federal mandate extension; 1 MP voted in favour of the mandate extension; 2 MPs abstained. Last week, the Somali Federal Parliament extended the mandate of the federal institutions by two years. Contrary to Puntland Parliamentary Speaker’s statement the Upper House did not have a role in the mandate extension for the Somali Federal Government and the bicameral legislature. © Puntland Post, 2021 The post Puntland Parliament Rejects Mandate Extension for Somali Federal Institutions appeared first on Puntland Post.

(SLT-Muqdisho)-Madaxweynaha Muddo xileedkiisa Dastuurigu dhamaaday, dhawaanna sameystay Muddo korodhsiga Maxamed Cabdullaahi Farmaajo ayaa codsaday in uu la kulmo Siyaasiyiinta ku bahoobay Golaha Midowga Musharixiinta madaxweyne. Kulan Muqdisho ku dhexmaray Madaxweynayaasha Galmudug, hirshabeelle iyo Midowga Musharixiinta ayaa laga soo xigtay in Madaxda labada Maamul ay madasha ka sheegeen dalab ay kawadaan Farmaajo oo ku aadan in uu doonayo la-kulanka Musharixiinta Golaha Midowga. Midowga Musharaxiinta ayaa ku gacan seyray farriintii ay wadeen Madaxweynayaasha Galmudug iyo Hirshabelle oo ahaa codsi ka yimid Madaxweyne Farmaajo inuu la kulmo Musharaxiinta. Ilo ku dhow dhow shirka ka dhacay guriga Madaxweyne Qoorqoor ayaa sheegaya inuu iskaga soo baxay Cabdiraxmaan Cabdishakuur, kaddib markii Qoorqoor iyo Guudlaawe ay shirka la yimaadeen wixii ay ka sugayeen wax aan aheyn oo ah inay farriin sidayaal noqdeen, halka markii hore laga sugayay inay mowqif cad ka qaataan muddo kordhinta labada sanno oo wixii ay kala soo kulmeen Farmaajo ka sheegaan shirka maalinta Isniinta. Golaha Midowga Musharixiinta ayaa Cali Guudlaawe iyo Axmed Qoor-Qoor ka dalbaday in marka hore ay caddeeyaan mowqifkooda la xidhiidha go’aanka Golaha Shacabka ee u codeynta Sharciga Jiheynta Doorashooyinka oo meesha ka saaraya rajada qabsoomidda Doorasho Dadban oo ka dhalatay heshiiskii 17-ka September 2020. Madaxweynayaasha Dowlad-Goboleedyada Galmudug iyo Hir-Shabeelle ayaa jawaab laga sugayaa ilaa Isniinta berri ah 19-ka April 2021 haddii ay kasoo qorshaha ka yimid Villa Soomaaliya ee uu ansixiyay Golaha Shacabka balse waayay taageero badan. Source

(SLT-Dubai)-Dowladda Imaaraadka Carabta ayaa waxaa ay diiday inay Fiiso Shaqo (A work Visa) siiyaan Haweeney haysata dhalashada UK, balse asalkeedu Soomaali yahay. Haweeneyda Somali-British-ka ah oo lagu magacaabo Saamiya waxay Barteeda Twitterka ku shaacisay in Dugsi ku yaalla Imaraadka ka codsatay shaqo, balse markii dambe ay Waaxda Kheyradka Aadanaha ee dalkaasi (The Human Resources Department) (la soo xiriireen, kuna wargeliyeen inay Dowladda Imraadka diiday inay u soo saaraan Fiisaha Shaqo iyo in Codsigeeda lagala noqday (That her offer was revoked). Waxay kaloo ay sheegtay in codsiga ay dirtay ku haminaysay inay u noqon doonto Riyo u rumowday (A drean come true). Qoraalkeeda waxay kaloo ku xustay in sababaha loogu diiday Fiisaha ay tahay iyadoo asalkeeda Soomaali yahay (A Somali descent), xitaa iyadoo ku dhalatay, kuna soo kortay UK. Saamiya waxay soo bandhigtay nuqulada E-mail-adii ay dirtay oo ay Screenshots ka soo qaaday, oo ay ku sheegtay inay ka walaacsan tahay Cunsurinimada lagula kacay. Dugsiga iyo Kaaliyaha Madaxa Macaallimiinta ee Dugsigaasi marnaba ma aysan beeninin in sababta shaqada loogu diiday tahay iyadoo gabadha asalkeeda Somali yahay (did not deny that the reason was her Somali heritage). Dabayaqaaqadii Bishii November ee sanadkii hore, Dowladda Imaaraadka waxay dhaqan gelisay in la joojiyo in Fiisooyinka Socdaalka iyo Shaqada (Travel and work Visas) ee loo soo saaro Muwaadiniinta Soomaalida iyo kuwa 12 waddan oo badankooda Muslimiin ah (The United Arab Emirates (UAE) has suspended issuing travel and work visas for citizens of 13 mostly Muslim-majority countries). Khilaafka labada dal ayaa ka sii daray labadii bilood ee ugu dambaysay, kadib, markii ay Dowladda Federalka ku eedeeysay Imaaraadka inay dhiirigelinayaan qorshe Afgembi ka dhan ah Madaxweyne Farmaajo. Source

Dowladda Eritrea, ayaa markii ugu horreysay si rasmiya u shaacisay, in ay ciidankeeda kala baxayso gobolka Tigray ee woqooyiga dalka Ethiopia. Warqad ay dowladda Eritrea u dirtay Golaha Ammaanka Qaramada Midoobay, ayay ku shaacisay in ciidankeeda ay kala baxayso Gobolka Tigray, kadib markii ay cadaadis caalami ah arrintaas kala kulantay. Safiirka Eritrea u fadhida Qaramada Midoobay Sophia Tesfamariam, ayaa warqadda ku sheegtay in Addis Ababa iyo Asmara ay ku heshiiyeen, in ay ku dhaqaaqaan heerkoodii ugu sarreeyay ee ciidamada Eritrea ay kaga baxayaan, islamarkaana si dhaqso ah dib loo geeyo cutubyo Ethiopian ah xadka labada dal. Milatariga Eritrea ayaa gacan ku siinayay ciidamada Ethiopia dagaalka ay kula jiraan xisbiga TPLF oo Ethiopia soo xukumi jiray, kaas oo soo billowday bishii November ee sanadkii hore. PUNTLAND POST The post Eritrea oo si rasmiya u shaacisay in ay Ciidankeeda kala baxayso Gobolka Tigray appeared first on Puntland Post.

(SLT-Tehran)-Dowladda Iiraan ayaa shaacisay nin ay sirdoonka dalkaas sheegeen inuu ka dambeeyay weerarkii toddobaadkii hore lagu qaaday xarunta nukliyeerka Natanz. Reza Karimi ayaa ka qaxay Iiraan wax yar kahor qaraxa, sida uu sheegay Network One, oo soo bandhigay sawirka ninka oo uu telefishinku sheegay inay raadinayaan booliiska Interpol. Interpol ayaa sheegtay in ayna xaqiijin karin in Mr Karimi uu ku jiray liiskeeda cas ee dadka la raadinayo. Iiraan ayaa weerarka ku eedeysay Israa’iil waxayna kordhisay howlaheeda nukliyeerka. Israa’iil ma xaqiijin mana beenin inay ku lug leedahay weerarkaas, balse ra’iyi dadweyne oo Israa’iil laga leeyahay ayaa ilo sirdoonka ah ka soo xigtay inuu ahaa howlgal dhanka internet-ka oo ay fuliyeen Mossad. Weerarka ayaa ku soo beegmay wax kahor Iiraan oo lagu waday inay ka qeyb qaadato wada hadallo looga gol lahaa soo celinta heshiiska nukliyeerka 2015 ee ay la gashay Mareykanka, UK, Faransiiska, Shiinaha, Ruushka iyo Jarmalka. Heshiiska ayaa looga gol leeyahay in lagaga hortago in Iiraan ay horumariso hubkeeda nukliyeerka, taas oo ay Iiraan beeniso inay u gol leedahay. Israa’iil ayaa ka soo horjeesatay heshiiska, iyadoo sheegtay in aanu ka hortageyn in Iiraan ay yeelato hubka nukliyeerka. Heshiiska, oo horseeday in Iiraan ay xaddiddo howlaheeda nukliyeerka iyadoo ku beddelaneysa in laga khafiifiyo cunaqabateynta, ayaa khatar ugu jiray inuu burburo kaddib markii madaxweynihii hore ee Mareykanka Donald Trump uu heshiiskaas isaga baxay sannadkii 2018. Hadalkii Iiraan ee ahaa inay soo saari doonto Yuraaniyam 60% la tayeeyay kaddib weerarkii Axaddii hore ayaa sii carqaladeynaya heshiiska, iyadoo sida uu heshiiskaas dhigayo loo oggol yahay inay yuuraaniyamteeda tayeyso keliya 3.67%. Ma cadda gebi ahaanba sida uu u dhacay weerarka. Si kastaba, Alireza Zakani, oo ah madaxa xarunta baaritaanka ee baarlamaanka Iiraan, ayaa sheegay in kumannaan mashiinno ah oo loo adeegsan jiray sifeynta nukliyeerka la burburiyay amaba waxyeello lagu gaarsiiyay Natanz. Weerarka ayaa ka dhacay xarun ilaa 50m (165ft) dhulka hoos u qodan, sida uu sheegay sarkaal kale. Shalay, telefishinka Iiraan ayaa ku dhawaaqay in wasaaradda sirdoonka ay “Reza Karimi, u aqoonsatay inuu ka dambeeyay weerarkaas”. “Tallaabooyin ku habboon ayaa socda oo lagu soo xirayo dibna loogu soo celinayo dalka,” ayay intaas ku dartay. Telefishinka ayaa sidoo kale soo bandhigay muuqaalka waxyeellada gaartay xarunta. Balse mar la weydiiyay in Mr Karimi uu ku jiro liiskeeda cas, ayay Interpol ka gaabsatay inay ka jawaabto. Wada hadallada looga gol leeyahay soo celinta heshiiska nukliyeerka Iiraan, oo Khamiistii ka bilowday caasimadda Austria ee Vienna, ayaa la sheegay in horumar laga gaadhay. Si kastaba, madaxa wada xaajoodyada Iiraan, Abbas Araqchi, ayaa sheegay in xaalku aanu fududeyn isla markaana ay jiraan arrimo la isku maandhaafsan yahay. Shiinaha, Ruushka, Faransiiska, Britain, Jarmalka iyo Iiraan ayaa dhammaantood ka qeyb qaadanaya. Maryekanku kuma jiro, inkastoo ay wafdi ka socda ku sugan yihiin hoteel agga ka dhow, sida laga soo xigtay wakaaladda wararka Reuters. Source

Jowhar (Caasimada Online) – Madaxweynaha dowlad goboleedka HirShabelle, Cali Cabdullahi Xuseen (Guudlaawe) ayaa si adag uga hadlay qarax miino oo shalay gelinkii dambe lagu dilay Korneyl Yaasiin Cabdi Tooxow oo ka tirsanaa ciidamada Xoogga dalka Soomaaliyeed. Ugu horreyn madaxweyne Cali Guudlaawe ayaa tacsi tiraanyo leh u diray ehellada, qaraxaada, asaxaabta iyo ciidamada Xoogga dalka Soomaaliyeed ee uu marxuumkaka baxay, isaga oo sidoo kale u rajeeyey inuu Eebbe ka waraabiyo Jannadiisa Firdowso. Sidoo kale madaxweynaha HirShabelle ayaa amray laamaha ammaanka inay jawaab deg deg ah ka bixiyaan falka lagu dilay sarkaalkaas oo ka howl-galayey Shabeelaha Dhexe. Korneyl Yaasiin Cabdi Tooxow iyo ciidamo oo watay ayaa qarax miino lagula eegtay deegaanka Gololey ee duleedka degmada Balcad, kaas oo uu ku dhintay, iyadoo sidoo kale dhaawacyo kala duwan ay soo gaareen qaar ka mid ah askartii la socotay. Al-Shabaab ayaa sheegatay mas’uuliyadda weerarkan qaraxa ah ee lagu dilay sarkaalkaasi ka tirsanaa ciidanka milatariga, sida ay ku baahisay Internet-ka. Inta badan waxaa jidka xiriirisa degmooyinka Balcad iyo Jowhar ka dhaca qaraxyo nooca miinada ah, waxaana kii ugu dambeeyey uu haleelay gaari ay la socdeen dad rayid ah, kaas oo ay ku dhinteen dad badan oo shacab ahaa, kuwa kalena ay ku dhaawacmeen. The post GUUDLAAWE oo war kasoo saaray dilka Korneyl Yaasiin appeared first on Caasimada Online.

At least two people, including a top national army commander, were killed when a roadside bomb targeted a military vehicle outside Bal'ad, Middle Shabelle region, an official said on Saturday. Source: Hiiraan Online

INTERNATIONAL - The three million African farmers who supply most of the world's cashew nuts aren't cashing in on the booming demand due to a lack of processing facilities, a UN body said on Friday. Source: Hiiraan Online

A lawyer says a woman has been deported from the United States to Rwanda after serving 10 years in prison for lying about her role in the 1994 Rwanda genocide to obtain U.S. citizenship Source: Hiiraan Online

Waxaa Xalay kulan ku yeeshay magaalada Muqdisho Xubnaha midawga Musharixiinta iyo Madaxweynayaasha Dowlad gobaleedyada Galmudug iyo Hirshabeelle. Kulanka oo si gaar ah uga dhacay Hooyga uu madaxweynaha dowlad gobaleedka Galmudug Axmed Cabdi Kaariye Qoor Qoor. Madaxweynayaasha Galmudug iyo Hirshabeelle ayaa midawga Musharixiinta kala hadlay sidii loo dajin lahaa xiisadda siyaasadeed ee ka dhalatay mudda kordhinta Golaha shacabka u sameeyen Farmaajo. Ali Guudlaawe iyo Qoor Qoor ayaa sidoo kale Midawga Musharixiinta kala hadlay fariin ay Farmaajo uga wadeen midawga musharixiinta taas oo ku aadan In midawga Musharixiinta ay kulan la qaataan Farmaajo. Wararka qaar ee Kulanka ay Goobjoog ka heshay ayaa shegaya in midawga Musharixiinta ay ku gacan seereyn dalabka ay Farmaajo ka wadeen Madaxweynayaasha Galmudug iyo Hirshabeelle. GoobJoog News Source: goobjoog.com

Shir Xerada Xalane ay ku yeesheen qaar ka mid ah Safiirada dalalka Beesha Caalamka iyo Madaxweynaha Waqtigiisa Dhamaaday Maxamed Cabdullahi Farmaajo ayaa Fashil ku soo dhamaaday kadib markii leysku fahmi wayay qodobada qaar ee shirka looga hadlayay . Safiirada dalalka Mareykanka, UK iyo Midowga Yurub oo uu Farmaajo Si gaar ah kulan ula qaatay ayaa Farmaajo loogu gudbiyay Fariimo ay Wadeen Safiirada , iyadoo sidoo kale Safiirada ay sheegen in ay ka fiirsanayaan haddii Farmaajo uu ku adkeysto Mudda kordhinta ay ka jarayaan Deeqaha ay siiyaan. Dhanka kale Farmaajo ayaa dhankiisa sheegay in ay intii wadahadalada ay socdeen Xukuumadiisa waqtiga uu ka dhamaaday dadaal ay ku bixisay sidii loo qancin lahaa madaxda dowlad gobaleedyada Puntland iyo Jubbaland, hasayeeshe ay ku guul dareysteen. Saaxibada beesha Caalamka ee Farmaajo uu la kulmay ayaa sheegay in aysan ka aqbali doonin Mudda kordhinta Golaha shacabka u sameeyen 12 April . Sikastabada Xubnaha Safiirada uu kulanka la qaatay Farmaajo ayaa isku fahmi waayay in Farmaajo uu ka noqdo mudda kordhinta taas oo markii dambe keentay in lagu kala tago Kulankii u dhaxeeyay Farmaajo iyo Safiirada UK, EU iyo Mareykanka . Source: goobjoog.com

Muqdisho (Caasimada Online) – Dowladda Mareykanka ayaa markale gudaha Soomaaliya dib ugu soo celisay saraakiil tababarayaal ah oo ay horey ugala baxday gudaha Soomaaliya, kadib go’aankii madaxweynihii dalkaasi, Donald Trump. Saraakiishan ayaa dib ugu laabtay xeradii ay ka howl-galayeen ee Balli-Doogle oo ku taalla gobolka Shabeelaha Hoose ee ee Koonfur Galbeed Soomaaliya. Sidoo kale saraakiishani oo kulan la qaatay ciidamada sida gaarka ah u tababaran ee Danab ayaa ballan qaaday inay si dhow ula shaqeyn doonaan, isla-markaana ay sii wadi doonaan taageerada joogtada ah ee ay siiyaan ciidamada dowladda Soomaaliya. Waxa kale saraakiisha ka socota Mareykanka ay shaaciyeen inay dib u bilaabi doonaan tababarada ciidamada Danab oo hakad galay muddooyinkii lasoo dhaafay. Dib u soo noqoshada saraakiishan ayaa wax badan ka bedaleysa ciidamada kumaandooska Danab oo heli doono qalab iyo tababaro dheeraad ah. Mareykanka ayaa ka mid ah dalalka sida dhow u taageero dowladda federaalka ah ee Soomaaliya, isaga sidoo kale ka qeyb-qaato dagaalka ka dhanka ah kooxda Al-Shabaab. The post Mareykanka oo dib u soo celiyey saraakiil uu kala baxay Soomaaliya appeared first on Caasimada Online.

Balcad (Caasimadda Online) – Ciidamada Xoogga dalka Soomaaliya ayaa Maanta howlgal qorsheysan ka fuliyey inta u dhaxeyso Magaalooyinka Balcad iyo Jowhar ee Gobolka Shabeellada Dhexe. Howlgalka oo qaatay dhowr saacadood ayaa waxaa lagu dilay madaxii Qaraxyada Gobolka Shabeellada Dhexe u qaabilsanaa Kooxda Al-Shabaab iyo qaar ka tirsan ilaaladiisa. Ciidamada Dowladda ayaa sidoo kale gacanta u dhigay laba xubnood oo ka tirsan Kooxda Al-Shabaab ee dagaalka kula jirto ciidamada Dowladda iyo kuwa Midowga Africa ee AMISOM. Dowladda Soomaaliya weli ma aysan shaacin magaca madaxii Qaraxyada Gobolka Shabeelada Dhexe u qaabilsanaa Kooxda Al-Shabaab ee howlgalkaas lagu dilay iyo xubnaha kale ee howlgalka lagu qabtay. Taliyaha Guutada 3-aad Qeybta 27-aad XDS Gaashaanle Sare Abshir Maxamuud Maxamed Shitaqeey, oo la hadlay warbaahinta ku hadasha afka ciidamada qalabka sida, ayaa sheegay in weli ay socdaan howlgal ka dhan ah Al-shabaab iyo sidii looga saari lahaa deegaanada ay ku sugan Al-shabaab. Al-Shabaab weli kama aysan hadlin sheegashada Dowladda Soomaaliya iyo khasaaraha kaso gaaray howlgalka ay Maanta fuliyeen ciidamo ka tirsan kuwa Xoogga Soomaaliya. Kooxda Al-Shabaab ayaa muddooyinkii ugu dambeeyey kusoo xoogeysaneysay jidka isku xiro Magaalooyinka Balcad iyo Jowhar, waxaana aad u yaraday madaxdii Hirshabelle ee safarka dhulka ah isaga gooshi jiray Jowhar iyo Muqdisho. The post Madaxii AL-SHABAAB ee qaraxyada Sh/Dhexe oo howlgal lagu dilay maanta appeared first on Caasimada Online.

Muqdisho (Caasimada Online) – Qalalaasaha daba dheeraaday ee doorashooyinka Soomaaliya ayaa wuxuu galay marxad halis ah, waxaa sidaas warbixin ay soo saartay ku sheegtay he’yadda xasaradaha caalamiga ah ee International Crisis Group oo sheegtay in khilaafka ka taagan doorashada Soomaaliya ay isku badali karto gacan ka hadal. Hey’adda oo ka hadashay muddo kordhinta loo sameeyey hey’adaha Dowladda Soomaaliya ayaa sheegtay inay sababi karto dib u dhac ku yimaado horumarka Soomaaliya, waxayna hey’adda muujisay cabsideeda ku aadan in xubnaha mucaaradka ay iyagana sameeyaan geedi socod barbar socdo kan Dowladda Soomaaliya. “Saaxiibbada dibedda ee Soomaaliya, oo uu hoggaaminayo Midowga Afrika (AU) oo ay taageerayaan Mareykanka, Golaha Ammaanka ee Qaramada Midoobay iyo Midowga Yurub, waa in ay u istaagaan abaabulidda iyo hoggaaminta wada-hadallo cusub oo dhexmara dhammaan saamileyda siyaasadda Soomaaliya si loo dejiyo khariidad loo maro doorashooyinka waqtigooda ku dhaca,” ayaa lagu yiri qoraalka Hay’ada ayaa tiri “Dhammaan jilayaasha dibadda waa inay si aan shaki ku jirin u muujiyaan inay diyaar u yihiin in cunaqabateyn lagu soo rogo dhinacyada hor istaagaya hindisaha cusub ee lagu doonayo waddo la isku afgarto oo horay loo socdo,” ayaa lagu sii yiri warbixinta. Crisis Group waxaa ay warbixinta kusoo jeedisay in loo baahanyahay dhex-dhexaadin saddexaad oo salka ku haysata oo lagu jabinayo caqabadda doorashada, iyada oo la tixgelinayo kalsooni darrada ka dhex jirta jilayaasha Soomaaliya. “Xaqiiq ahaan, si kastaba ha noqotee, doorasho kasta waxay u baahan tahay in si ballaaran loogu saleeyo xeyndaabka heshiiskii Sebtember 17, iyadoo la ogyahay in doorashada aan tooska ahayn ay tahay habka keliya ee suurtogalka ah ee lagu codeyn karo jawiga amniga ee maanta maadaama Al-Shabaab ka taliso dhul ballaaran oo koonfurta dalka ah,” ayay ku dartay warbixinta hay’ada. Crisis Group ayaa si cad u sheegtay in laga soo gudbay waqtigii la sugi lahaa in siyaasiyiinta Soomaalida ay kaligood go’aan gaaraan maadaama muddo badan la isku fahmi waayey, waxayna tilmaamtay in khilaafkaan u fursad weyn siiyey kooxda Al-Shabaab sidoo kalana uu caqabad ku noqday horumarkii ka socday dalka. Maamulka Farmaajo oo waqtiga ka dhamaadey 8-dii Febraayo isla markaana doonayo in dib loo doorto ayaa ganafka ku dhuftay hanjabaadaha caalamka kuna adkeystay ku darsiga oo uu ku sifeeyay mid awooda dib loogu celinayo dadweynaha. The post ICG oo beesha caalamka u jeedisay tallaabo xal u ah xiisada doorashada Somalia appeared first on Caasimada Online.

Qaran News

Iiraan oo shaacisay Ninka looga shakisan yahay weerarkii xarunteeda nukliyeerka Hatanz Telefishinka dowladda ayaa baahiyay sawirka ninka laga shakisan yahay Telefishinka dowladda Iiraan ayaa magacaabay nin ay sirdoonka dalkaas sheegeen inuu ka dambeeyay weerarkii toddobaadkii hore lagu qaaday xarunta nukliyeerka Natanz. Reza Karimi ayaa ka qaxay Iiraan wax yar kahor qaraxa, sida uu sheegay Network One, oo soo bandhigay sawirka ninka oo uu telefishinku sheegay inay doon doonayaan booliiska Interpol. Interpol ayaa sheegtay inaysan xaqiijin karin in Mr Karimi uu ku jiray liiskeeda cas ee dadka la doon doonayo. Iiraan ayaa weerarka ku eedeysay Israa’iil waxayna kordhisay howlaheeda nukliyeerka. Israa’iil ma aysan xaqiijin mana beenin inay ku lug leedahay weerarkaas, balse raadiye dadweyne oo Israa’iil laga leeyahay ayaa ilo sirdoonka ah ka soo xigtay inuu ahaa howlgal dhanka internet-ka oo ay fuliyeen Mossad. Weerarka ayaa ku soo beegmay wax kahor Iiraan oo lagu waday inay ka qeyb qaadato wada hadallo looga gol lahaa soo celinta heshiiska nukliyeerka 2015 ee ay la gashay Mareykanka, UK, Faransiiska, Shiinaha, Ruushka iyo Jarmalka. Heshiiska ayaa looga gol leeyahay in looga hortago in Iiraan ay horumariso hubkeeda nukliyeerka, taas oo ay Iiraan beeniso inay u gol leedahay. Israa’iil ayaa ka soo horjeesatay heshiiska, iyadoo sheegtay inuusna ka hortageyn in Iiraan ay yeelato hubka nukliyeerka. Heshiiska, oo horseeday in Iiraan ay xaddiddo howlaheeda nukliyeerka iyadoo ku beddelaneysa in laga khafiifiyo cunaqabateynta, ayaa khatar ugu jiray inuu burburo kaddib markii madaxweynihii hore ee Mareykanka Donald Trump uu heshiiskaas isaga baxay sanadkii 2018. Hadalkii Iiraan ee ahaa inay soo saari doonto Yuraaniyam 60% la tayeeyay kaddib weerarkii Axaddii hore ayaa sii carqaladeynaya heshiiska, iyadoo sida uu heshiiskaas dhigayo loo oggol yahay inay yuuraaniyamteeda tayeyso keliya 3.67%. Maxaa ka dhacay Natanz? M acadda gebi ahaanba sida uu u dhacay weerarka. Si kastaba, Alireza Zakani, oo ah madaxa xarunta baaritaanka ee baarlamaanka Iiraan, ayaa sheegay in kumannaan mashiinno ah oo loo adeegsan jiray sifeynta nukliyeerka la burburiyay amaba waxyeello lagu gaarsiiyay Natanz. Weerarka ayaa ka dhacay xarun ilaa 50m (165ft) dhulka hoos u qodan, sida uu sheegay sarkaal kale. Xarunta Natanz oo sawirkan laga qaaday 2005 Shalay, telefishinka Iiraan ayaa ku dhawaaqay in wasaaradda sirdoonka ay “Reza Karimi, u aqoonsatay inuu ka dambeeyay weerarkaas”. “Tallaabooyin ku habboon ayaa socda oo lagu soo xirayo dibna loogu soo celinayo dalka,” ayay intaas ku dartay. Telefishinka ayaa sidoo kale soo bandhigay muuqaalka waxyeellada gaartay xarunta. Balse mar la weydiiyay in Mr Karimi uu ku jiro liiskeeda cas, ayay Interpol ka gaabsatay inay ka jawaabto. Barta internet-ka ee Interpo kuma xusna magaca Reza Karimi. Mala badbaadin karaa heshiiska nukliyeerka? Wada hadallada looga gol leeyahay soo celinta heshiiska nukliyeerka Iiraan, oo Khamiistii ka bilowday caasimadda Austria ee Vienna, ayaa la sheegay in horumar laga gaaray. Si kastaba, madaxa wada xaajoodyada Iiraan, Abbas Araqchi, ayaa sheegay in xaalku uusan fududeyn isla markaana ay jiraan arrimo la isku maandhaafsan yahay. Shiinaha, Ruushka, Faransiiska, Britain, Jarmalka iyo Iiraan ayaa dhammaantood ka qeyb qaadanaya. Maryekanku kuma jiro, inkastoo ay wafdi ka socda ku sugan yihiin hoteel agga ka dhow, sida laga soo xigtay wakaaladda wararka Reuters. Qaran News