Somaliland nidaamkeeda siyaasadeed, gaar ahaan, nidaamka shaqaalaysiinta shaqaaluhu waxa uu ku dhisnaa in muwaadinku hawl-wadeen dawladeed ku noqdo laba mid uun: waa midda kowaade, in uu caaqilkooda ka dhigto wasto ama weji si’ uu shaqaalenimada dawladda ugu fududeeyo, si’ taasi u timaadana waa in caaqilku la baryootamo masuuliyiin badana la xidhiidho sidii muwaadinkan loo shaqaalaysiin lahaa iyada oo la tixgalinaayo codsiga caaqilka. Laba, waa in muwaadinku uu siyaasiga reerkooda ama masuulka xilka haya hab qabiil ahaana ugu doonto shaqaalenimo dawladeed. Taasina waxay keenaysaa in muwaadinku kale kulmo caqabado kale geddisan oo waayaheeda leh, khaasatan aqoonyahanka faraha badan ee ka soo qalinjebiya jaamacadaha sanad walba waxay ku noqonaysaa niyad jab iyo mustaqbalkooda oo ay quus ka istaagaan. Waana sababta aqoonyahankii wadanka u soo kacaayey ay hididiiladoodii u yaraato, maanshiilnimadoodiina curyaanto oo loo waayey aqoonyahan bulshada wax ku soo kordhiya markii uu waayey cid aqoon, hanti ama awood dawladeed leh oo gacan qabata. In kastoo saddexdii sano ee ugu danbaysay shaqaale dawladeed oo koobani ay imtixaano ku soo baxeen si ay ugu biraan laamaha dawladda. Taasina ay yididiilo fiican u noqotay aqoonyahanka. Imtixaanadaas oo ka madhan eex iyo danaha aan kor ku soo sheegay. Hadaba Madaxweyne Muuse Biixi Cabdi, waxa uu 03, May 2018, daah furay barnaamijka SHAQO-QARAN, oo dhallinyarada aqoonyahanka ah fursad u siinaya in ay ku biiraan laamaha dawladda iyaga oo lagu soo xulanaayo aqoontooda, kana madhantay eex iyo qabiil. La gana qaadayo imtixaan caddaalad ah oo sida loo kale sarreeyo ay ku xidhantahay. Si kasta ha ahaatee, waa maxay macnaha Shaqo-Qaran?. Shaqo-Qaran waa tobabar u sahlaaya dhallinyaradu in ay ka qayb qaataan shaqada dawladda ee loo haayo shacabka muddo sanad ah. Waxaana la diiwaangelinayaa ardayda ka qalinjebisay jaamacadaha. Muddada tobabarkani socdaana waa saddex bilood sida caadiga ah. Tobabarka ka dibna dhallinyaradan waxay gelayaan 9 bilood Shaqo-Qaran ah. Wixii intaas ka danbeeyana waxay noqonayaan shaqaale dawladeed iyo masuuliyiin rasmi ah. Sidaa daraadeed Madaxweyne Muuse Biixi Cabdi waxa uu qaatay go’aan geesinimo leh oo dhallinyarada aqoonyahanka ah fursad loo siinayo in la baro carbis saddex bilood ah, lana geliyo inteershib shaqo-qaran ah, aakhirkana ay ka mid noqdaan shaqaalaha dawladda iyo masuuliyiin si ay kartidooda iyo aqoontooda ay ugu adeegaan qarankooda, kana kaaftoomaan cid gaara ay shaqo ka hoorsadaan, haddii ay ka heli waayaana niyad jab kale kulmaan. Hindisahan Shaqo-Qaran waxa uu ku abaaranyahay jihaynta dhallinyarada aqoonyahanka ah ee Somaliland ee waxbaratay dhinacyada Shaqo abuurka, kobcinta garaadka iyo wacyiga, dhisidda kalsoonida, is-dhexgalka dhallinta, dal-jacaylka, horumarinta iskaashiga iyo difaaca Qaranka markii loo baahdo. Ugu danbayn, Barnaamijkan Carbinta Barbaarta aqoonyahanku waxa uu soo kordhiyey is-dhexgalka dhallinyaro ka kale timid degaano aad u kale durugsan iyada oo ay ka midaysan yihiin aqoon iyo in ay wadankooda iyo mustaqbalkooda dhistaan. Sadam Osman Kaabash. Medical Lab Technologist Freelance Jornalist Hargeisa, Somaliland. — Mr. Sadam Osman Mohamed Qualifications: ■ Bachelar degree of science, Biomedical and Medical laboratory Science. ■ Diploma of pharmacology ■ Diploma of Computer science ■ Diploma of Leadership and management. ■ Certiface of WASH program ■ Certificate of Continuous Professional Development training ■ Certificate of Data Collection and Analysis Trainings: ● Culturing procedures ● Drug management and prescribing ● Drug Toxicity and management ● Laboratory Code and Conduct Management ● Work In Progress ● Somaliland election Card distribution and voting procedures. ● Parasitology Diagnosis and treatment. Address and Contact details: Hargeisa, Somaliland Mohamed Moge District, Dabada cadaada street, Boodhari Village. Tel:(+252) 0634010419 Tel:(+252) 0634845440 Sadamkabash99@gmail.com ■ candidate of post graduate of project manager. Qaran News

Booliska Bangladesh ayaa xiray boqolaal Islaamiyiin ah usbuucii la soo dhaafay, ka dib markii lagu eedeeyay in ay horkacayeen banaanbaxyo dhiig badan ku daatay oo looga soo horjeeday booqashadii Ra’iisul Wasaaraha Hindiya Narendra Modi, dalkaas booqasho ku tagay dhamaadkii bishii Maarso ee la soo dhaafay. Banaanbaxyadan ayaa waxaa hogaaminayay inta badan dad ka mid ah kooxda “Ilaaliyaasha Islaamka”, kuwaa oo Modi, ku eedeeyay inuu hurinayo rabshado diimeed ka dhan ah Muslimiinta ku dhaqan India, Booliska ayaa ku dhawaaqay qabashada hogaamiyaha dhaqdhaqaaqa Ilaaliyaasha Islaamka, Meynuun Al-Xaq, Axadii la soo dhaafay, ka dib markii ciidamada ay weerareen goob uu ka socday shir islaami ah oo ka dhacay caasimada dalkaasi ee Dhaka. Wakaaladda wararka France Presse, oo soo xigatay afhayeenka u hadlay Booliska Bangladesh, ayaa sheegtay Toddobaadkan gacanta lagu soo dhigay hoggaamiyihii toddobaad ee dhaqdhaqaaqa, Ilaaliyaasha Islaamka, Meynuun Al-Xaq. Booliska ayaa sheegay in 298 xubnood iyo qaar ka mid ah taageerayaasha dhaqdhaqaaqan laga soo qabtay bariga wadanka. PUNTLAND POST The post Boqolaal Muslimiin ah oo lagu xiray Bangladesh appeared first on Puntland Post.

Muqdisho (Caasimada Online) – Siyaasiga Cabdiraxmaan Cabdishakuur Warsame oo ka mid ah xubnaha midowga musharraxiinta mucaaradka ayaa si adag kaga hadlay falkii xalay lagu rasaaseeyey taliyihii hore ee nabad sugida qaranka Cabdiraxmaan Tuuryare. Marka hore Cabdiraxmaan Cabdishakuur Warsame ayaa cambaareeyey weerarka lagu qaaday siyaasiga Cabdiraxmaan Tuuryare oo ka mid ah xubnaha mucaaradka ku ah dowladda, wuxuuna ku tilmaamay in falkaasi uu yahay mid gar darro iyo oo beegsi ah. “Waxaan canbaaraynayaa falka weerar ee lagu qaaday taliyihii hore ee Nabadsugida Qaranka Generaal C/raxmaan Tuuryare. Waxaan joognaa xilli madaxweyne kii uu xilka ku weeraray iyo taliye nabadsugid oo kii ka horeeyey xabadaynayo,”. ayuu yiri. Musharrax Cabdiraxmaan Cabdishakuur ayaa sidoo kale shaaca ka qaaday in arrintan ay caddeyn u tahay daan-daansiga ay wadaan madaxweynaha waqtigiisu dhammaaday Maxamed Cabdullahi Maxamed (Farmaajo) iyo kooxdiisa, sida uu hadalka u dhigay. “Wax kale maaha ee waxay cadayn u tahay dhaqanka hoggaamiye kooxeednimo ee ina Farmaajo iyo kooxdiisa. Daandaansiga Farmaajo iyo kooxdiisa mid qof walba soo jeedinaya,” ayuu markale qoraalkiisa ku yiri siyaasiga Cabdiraxmaan Cabdishakuur. Si kastaba hadalkani ayaa kusoo aadayo, iyada oo xalay Cabdiraxmaan Tuuryare uu ka bad-baaday rasaas ay ciidamada dowladda federaalka Soomaaliya ku fureen gaarigiisa oo marayey isgoyska Miranaayo oo ku yaalla degmada Cabdicasiis ee gobolka Banaadir. The post CC Shakuur: Daandaansiga FARMAAJO waa mid qof walba soo jeedinayo appeared first on Caasimada Online.

Odayaasha dhaqanka Gobolka Sool, ayaa ku guulaystay in la joojiyo dagaal beeleed hubaysan, oo maalmo ka hor ka dhacay degaanka Dhabar-dalool oo ka tirsan degmada Xuddun. Waxgaradka iyo odayaasha Gobolka oo booqday dhulkii lagu dagaallamay, ayaa dhinacyada ku qanciyay in ay xabadda joojiyaan, islamarkaana wada-hadal lagu dhammeeyo colaadda u dhexaysa labada beelood. Odayaasha ayaa sidoo kale weli ku hawllan, waan-waan ku jihaysan sidii labada beelood heshiis rasmiya uga gaari lahaayeen colaadda degaanka, kadib markii ay dhinacyadu sheegeen in ay diyaar u yihiin Nabadda. PUNTLAND POST The post Odayaasha dhaqanka Sool oo ku guulaystay joojinta colaaddii Dhabar-dalool appeared first on Puntland Post.

Muqdisho (Caasimada Online) – Magaalada Muqdisho ee caasimada Soomaaliya waxaa soo gaaray ciidamo horleh oo ka mid noqonaya kuwa nabad ilaalinta Midowga Afrika (AMISOM) ee ka howl-gala dalka, kuwaas oo ay soo dirtay Nigeria. Ciidamada oo ah kuwa Booliis ah ayaa gaaraya illaa 144, waxayna u badan yihiin saraakiil, kuwaas oo soo qaatay tababar la xiriira howl-galka nabad ilaalinta. Sida uu sheegay isu duwaha howlaha Booliiska AMISOM Daniel Ali Gwambal 30 ka mid ah ciidamadan waxa ay muddo hal sano ah ka howl-geli doonaan gudaha magaalada Beledweyne, halka qaybta soo hartayna ay ka howl-geli doonaan magaalada Muqdisho. Sidoo kale isu duwaha ayaa hadalkiisa kusii daray in ciidamadan ay ka shaqeyn doonaan xoojinta nabad-gelyada, isla-markaana ay la howl-geli doonaan Booliiska Soomaaliya. “Si loo dhammeystiro howl sharciyeedka AMISOM ee lagu taageerayo Soomaaliya si gaar ah Booliiska Soomaaliya waxa ay saraakiishaan ilaalinayaan amniga si ay ula howlgalaan Ciidanka Booliiska Soomaaliyeed,” ayuu yiri isu duwaha howlaha Booliiska AMISOM. Daniel Ali Gwambal ayaa sidoo kale intaasi sii raaciyey “Waxa ay leeyihiin qibrad gudasho waajibaa waxa ay kormeerayaan baraha hubinta & saldhigyada Booliiska ay wada shaqeynayaan”. Si kastaba saraakiishan ka socda dowladda Nigeria ee ku biiraya howl-galka AMISOM ayaa imaantinkooda waxa uu kusoo aadayaa, xilli xasaasi ah oo ay Soomaaliya ku jirto marxalad adag oo siyaasadeed, taas oo ka dhalatay is mari-waaga ka taagan doorashooyinka 2021. The post Nigeria oo ciidan horleh u soo dirtay Soomaaliya appeared first on Caasimada Online.

Ciidamo gaaraya ilaa 144 oo ka tirsan saraakiil ka tirsan booliiska Nigeria ayaa soo gaaray Soomaaliya waxaa sidaasi axaddii sheegay AMISOM. Ciidankan oo loogu tala galay ilaalinta xasiloonida ayaa la sheegayaa in 30 ka mid ah la geyn doono Baladweyn halka inta kale ay joogayaan Muqdisho. Iskuduwaha booliiska ee AMISOM Daniel Cali Gwambal oo arrintan ka hadlay ayaa sheegay in loo adeegsan doono ilaalada gaarka ah iyo galbinta madaxda, tababarrada iyo weliba roondada. Goobjoog News. Source: goobjoog.com

Madaxweynaha dowladda Federaalka Soomaaliya Maxamed Cabdullaahi Farmaajo iyo wafdi uu hoggaaminayo ayaa gaaray magaalada Kinshaasa ee caasimadda dalka Koongo halkaas oo booqasho labo maalmood ah ay uga bilaabantay. Madaxweynaha iyo wafdigiisa ayaa waxa si heer sare ah ugu soo dhaweeyay Garoonka Caalamiga ah ee Injiili ee dalka Koongo Madaxda Dalkaas oo muujinayey mudnaanta ay siinayaan kobcinta xiriirka labo geesoodka ah ee Jamhuuriyadda Federaalka Soomaaliya iyo Jamhuuriyadda Dimuqraadiga ee Koongo. Safarka Madaxweynaha ayaa ku qotoma kor u qaadidda iskaashiga diblomaasiyadeed ee labada dal iyo midka heer qaaradeed ee dhinacyada amniga, dhaqaalaha, ciribtirka fakhriga iyo xagjirnimada. Diblumaasiyiinta ku wehelinaya safarkan Madaxweynaha Jamhuuriyadda ayaa inta ay ku sugan yihiin Koongo waxa ay kulan-doceedyo la qaadan doonaan dhiggooda dalkaas iyo Madax kale oo ka tirsan Midowga Afrika. PUNTLAND POST The post Muxu yahay ujeedka safarka madaxweyne Farmaajo ku tegay dalka KOONGO? appeared first on Puntland Post.

Madaxwwynaha Xilkiisu Dhaamaday isla markaasna Xilka kororsaday Maxamed Cabdullaahi Farmaajo iyo Wafdi uu hogaaminayo ayaa gaaray Dalka Jamhuuriyada Dimoqoraadiga Congo. Safarka Farmaajo ayaa lagu sheegay inuu yahay Booqasho sharafeed Rasmi ah oo mudo maalmo ah ku joogi doono Dalkaas. Qaar kamida Mucaaradka ayaa Booqashadaan ku macneeyey mid uu Madaxweynuhu kaga dhuumanayo Xiisada Siyaasadeed ee sii xoogaysanaysa. Faahfaahin rasmi ah oo intaas dheer lagama hayo Safarka Madaxweyne Farmaajo inkastoo Xafiiskiisu ay ku sheegeen inuu Safarku la xiriiro Xoojinta Xiriirka labada Dal. Hoos ka daawo Sawirada ay baahiyeen Villa Soomaaliya The post Madaxweyne Farmaajo oo Koongo gaarax Xili Muranka Siyaasadeed Sii xoogaysanayo appeared first on . Source

Qaran News

Banaanbax looga soo horjeedo Madaxweeynaha waqtigiisa dhamaaday Maxamed Cabdillahi Farmaajo ayaa xalay ka dhacay magaalada Muqdisho. Isusoo baxan oo si gaar ah uga dhacay Xaafadda Shirkoole oo fariisin u ah Sadaq John ayaa looga soo horjeday Farmaajo , iyadoo ay dadka banaanbaxa dhigayay ay ku dhawaaqayeen erayo ka dhan ah Maxamed Farmaajo. Inta badan waxaa la xiray wadooyinka soo gala Xaafadda shirkoolle ee degmada Hodan , iyadoo maalmihi la soo dhaafay Xaafaddaas fariinsin u aheyd Ciidamo uu wato Saadaq John iyo xubna ka tirsan mudanayaasha Baarlamaanka labada Aqal. GoobJoog Source: goobjoog.com

Muqdisho (Caasimada Online) – Magaalada Muqdisho oo maalmihii u danbeeyay xaalad cakirnaan siyaasadeed ah gashay ayaa waxay sababtay in qeybo ka mid ah xaafado ay ka baxaan gacanta dowladda, ayada oo isku fidiyeen ciidamo taabacsan midowga murashaxiinta iyo taliyihii hore ee ciidamada gobolka Banaadir Saadaq Joon. Mudo kororsiga labada sano uu ku dhaqaaqay madaxweyna muddo xileedkiisa dhamaaday ayaa sababtay in magaalada Muqdisho noqoto mid kala qeybsanta oo ciidamada taabacsan dowladda ay degmooyinka qaar ka caaganaadaan. Degmooyinka Kaaraan iyo Cabdicasiis ayaa waxaa inta bada ku sugan ciidamo taabacsan madaxweynihii hore Xasan Sheekh Maxamuud iyo Senator Muuse Suudi Yalaxow, kuwaasi oo ka hor istaagay ciidamada dowladda waqtigeeda dhamaday inay usoo gudbaan, waxaana isgoysyada degmooyinkaasi ku sugan ciidamo ku hubeysan gaadiidka dagaalka oo taabacsan Xasan Sheekh iyo Muuse Suudi. Sidoo kale qeybo ka mid ah degmada Hodan waxay u xeran yihiin Jeneraal Saadaq Joon ciidamadiisa oo aad u hubeysan, kuwaasi oo dhufeysyo adag ka sameystay isgoysyada iyo jid cadayaasha degmadaaasi. Xaaladahaan ayaa muujineysa saan saan colaadeed iyo isku dhacyo ciidan oo iska soo horjeeda, iyadoo xalay ay aheyd markii ciidamo ka tirsan dowladda ay rasaas ku fureen gaadiid uu la socday taliyihii hore NISA Jeneral Cabdiraxmaan Tuuryare oo ka badbaaday rasaastaasi xili uu kasoo gudbayay aaga ciidamada dowladda kaga sugnaayeen ee dhinaca degmada Cabdicasiis. Waxaa muuqata in Muqdisho xiligaan ay yeelaneyso qad cagaaran, taasi oo dib usoo xasuusineysa dadka Muqdisho waagii dagaaladii sokeeye 29 sano kadib. Dhamaan caqabadahaasi iyo yadadiilada colaadeed waa mid halisteed leh, balse looga baaqsan karo in madaxweyne Farmaajo uu dib uga laabto muddo kororsiga, si bulshada Banaadir nabad ugu noolaadaan, colaadna ugu nabad galaan. Ali Muhiyaddiin Caasimada Online The post Warbixin: Xaafado ka mid ah magaalada Muqdisho oo ka baxay gacanta dowladda appeared first on Caasimada Online.

Qaran News

OMAHA, Neb. —In Douglas County, 33% of adults finished their vaccinations. The health department hopes to boost that number with more walk-in clinics. Source: Hiiraan Online

Reese Farrell was walking near her home in the Loring Park neighborhood of Minneapolis on Wednesday night when more than a dozen armored National Guard vehicles rumbled down the block. Source: Hiiraan Online

Mogadishu, April 18, 2021 – A contingent of 144 police officers from Nigeria on Saturday arrived in Somalia, to serve under the African Union Mission to Somalia (AMISOM) for a period of one year, during which they will mentor and provide operational support to the Somali Police Force (SPF). Source: Hiiraan Online

Tartanka Qur’aanka Kariimka ah ee sannadlaha ah oo laga Daah furey Masjidka Cali Mataan-Hargeisa Tartanka qur’aanka kariimka ah ee sannadlaha ah ayaa laga daah’furey masjidka Cali Mataan ee magaalada Hargeysa. Tartankaas ayaa loo qabtay ardayda xafidsan Qura’aanka Kariimka ah kuwaas oo ka kala socda gobollada dalka oo dhan. Munaasibaddii lagu daah’furaayaay tartankaasi waxa ka qayb’galay culimaa’u diin, iyo sidoo kale guddida garsoorka ah ee tartanka Qur’aanka Kariimka ah. Ugu horeyn waxa halkaasi ka hadlay guddoomiyaha guddida hagaysa tartankaasi Sheekh Ismaaciil Cabdi Hurre (Dheeg) waxaana uu sheegay in sannadkii hore ee ina dhaafay ee 1441-tan duruufo jiray awgood aanay qaban tartankii Qur’aanka Kariimka ah ee sannad kasta la qaban jiray, isagoo xusay in sannadkan ay qabanayaan isla markaana ay ILLAAHEY ugu mahad’naqayaan u suurto’geliyay inuu qabsoomo tartanka Qur’aanka Kariimka ah ee gobollada dalka. Dhanka kale, guddoomiyuhu waxa uu tilmaamay in tartanka Qur’aanka Kariimka ah ay waafajiyeen tilmaamihii wasaaradda horumarinta caafimaadka Somaliland ee ahaa in la soo qaato af’xidh isla markaana la kala fogaado, iyagoo ka xidhay dadweynihii daawan jiray tartankaasi sannad kasta xaaladda Covid-19 awgeed. Qaran News

Muqdisho (Caasimada Online) – Odayaasha dhaqanka beesha reer Awqudub ee Sheekhaal ayaa raali-gallin iyo xaal-siin ugu tegay Madaxweynihii hore Soomaaliya Xasan Sheekh Maxamuud, oo la sheegay inuu dhibsaday hadal dhawaan ka soo yeeray Abwaan ka dhashay beeshaas. Kulanka ka dhacay hoyga Madaxweyne Xasan Sheekh uu ka deganyahay ayey odoyaasha dhaqanka beesha reer Awqudub uga raali-geliyeen hadal dhowaan uu warbaahinta ka sheegay Abwaan Bedel Kulmiye Xirsi oo ku beel ah. Odayaasha ayaa Xasan Sheekh saaray cimaamad, sidoo kalena ku sharfay kitaab Musxaf ah, waxaana la sheegay in madaxweyne Xasan Sheekh uu aqbalay raali gelintaas uga timid Odayaasha dhaqanka beesha reer Awqudub ee Sheekhaal Abwaan Bedel oo bilaawgii todobaadkan ka hadlayay munaasabad lagu taageerayay madaxweyne Farmaajo ayaa hadallo aan munaasab aheyn ku weeraray Xasan Sheekh iyo musharaxiinta kale ee mucaaradka ah, isagoo taageero u muujinayey madaxweynaha waqtigu ka dhamaaday Maxamed Cabdullahi Farmaajo. Abwaanka oo ka sheekeynayey xilligii uu socday ololihii doorashada Madaxweyne Farmaajo ayaa sheegay in markaas oo taageersanaa Sheekh Shariif, balse markii dambe uu u wareegsaday dhanka Farmaajo. Xasan Sheekh ayuu ku eedeeyey inuu isku jimeeyey doorashadii xilligaas, balse sidii uu rabay aysan u suurta gelin, sida uu hadalka u dhigay. Daawo hadalkii Abwaan Bedel, sawirradana hoos ka eeg The post Daawo: Odayaasha beesha Sheekhaal oo raali-gelin ugu tegay XASAN SHEEKH appeared first on Caasimada Online.

Xukumada Somaliland oo Shaacisay in Adduunkii oo Dhami Xoogiisii & Lacagtiisii-ba geliyay Muqdisho Balse…. Wasiir ku xigeenka arrimaha dibada Somaliland, ahna ku simaha wasiirka Liibaan Yusuf Cismaan, ayaa sheegay in adduunkii xoog iyo maal ba isugu geeyeen dowladda Soomaaliya, Somaliland na iska indhatireen. Wasiir Liibaan oo faah faahin ka bixiyay baaq ay dhawaan wasaaraddiisu ka soo saartay khilaafka siyaasadeed ee Soomaaliya, ayaa sheegay in dowlada Soomaaliya iyo mucaaradku ay laba sano ka heshiin waayeen doorashooyin dad ban. Liibaan ayaa taa badalkeeda sheegay in Somaliland ay qabsatay doorashooyin kala duwan oo qof iyo cod ah loona baahan yahay in caalamku eego, waxaanu sidan ku sheegay wareysi uu siiyay muuqbaahiyaha Sahan. Liibaan isaga oo arrimahaasi ka hadlaya waxaa uu yidhi.“Waxay 2 dii sano ee u danbeeyay ku muransanyihiin doorashooyin dadban, oo boqolal qof ay dooranayan madaxweynaha, Somaliland na doorashooyin fara badan baa ka dhacay” Wasiirku isaga oo hadalkiisa sii wata waxa uu intaas ku daray.“Imikana doorashooyin isku sidkan oo xilligoodii laga soo hor mariyay, ayaa ka dhacaya Somaliland.” Ku simaha wasiirka arrimaha dibada ayaa sheegay in adduunkii lacag iyo xoog ba iskugu geeyeen Soomaaliya laakin anay waxba is badalin ayuu yidhi.“Adduunkii oo dhami xoogiisi iyo lacagtiisii ba wuxuu galiyay Muqdisho, oo ilaa hada aan wax horumar ah laga gaadhin, haday noqoto dowlad dhis, nabad galyo iyo doorashooyin ba” Waxa kale oo uu sheegay in baaqii ay dhawaan wasaaradda arrimaha dibadu ka soo saartay khilaafka siyaasadeed ee Soomaaliya looga danlaha in caalamka la tuso waxay Somaliland qabsatay iyo in ay Somaliland la shaqeeyaan. Hadalka kusimaha wasiirka ayaa imanaya xilli ay dhawaan wasaaraddiisu soo saartay waraaq ay kaga dayrinayso khilaafka siyaasadeed ee u dhexeeya dowlada, madaxda maamulada iyo mucaaradka. Qaran News

Muqdisho (Caasimada Online) – Madaxweynaha muddo xileedku ka dhammaaday ee Soomaaliya Maxamed Cabdullaahi Farmaajo iyo wafdi uu hoggaaminayo ayaa xalay gaaray magaalada Kinshasa ee caasimadda dalka Jamhuuriyadda Dimqoraadiga ah ee Congo, halkaas oo booqasho labo maalmood ah ay uga bilaabantay. Farmaajo iyo wafdigiisa ayaa waxa garoonka diyaaradaha caalamiga ah ee N’djili kusoo dhoweeyey Madaxda Dalkaas, sida lagu sheegay qoraal kasoo baxay Villa Somalia. Madaxtooyada ayaa sidoo kale sheegtay in safarka Madaxweynaha uu ku qotomo kor u qaadidda iskaashiga diblomaasiyadeed ee labada dal iyo midka heer qaaradeed ee dhinacyada amniga, dhaqaalaha, ciribtirka fakhriga iyo xagjirnimada. Diblumaasiyiinta ku wehelinaya safarkan Farmaajo ayaa inta ay ku sugan yihiin Koongo waxa ay kulan-doceedyo la qaadan doonaan dhiggooda dalkaas iyo Madax kale oo ka tirsan Midowga Afrika. Safarkan ayaa ah kii ugu horreeyey ee Farmaajo uu dalka kaga baxo tan iyo markii uu muddo xileedkiisa uu dhammaaday 8-dii Febraayo iyo toddobaad kadib markii uu laba sano ku darsaday. The post Sawirro: Farmaajo oo gaaray magaalada KINSHASA appeared first on Caasimada Online.

Dawlada UK oo beenisay war cusub oo ka soo baxay xukumada Farmaajo Danjiraha UK ee Soomaaliya Kate Foster ayaa iska fogeysay warar ay xukuumadda Farmaajo ka faafisay kulan ay maanta la qaadatay Sii-hayaha ra’iisal wasaare ku-xigeenka dalka, Mahdi Guuleed. Afhayeenka xukuumadda Maxamed Ibraahim Macalimu ayaa qoraal uu ka baahiyay kulankii Kate Foster iyo Mahdi Guuleed ku sheegay mid looga wada-hadalay xoojinta iskaashiga labada dhinac, gaar ahaan dhaqaalaha iyo amniga. Daqiiqado kadib Danjiraha UK ayaa ka fal-celisay hadalkaas, kaasi oo u muuqday mid lagu maran-habaabinayo ujeedka dhabta ah ee kulanka maanta dhex-maray Mahdi Guuleed iyo Kate Foster. Kate Foster ayaa sheegtay inay Mahdi Guuleed kala hadashay mowqifka diidmada UK ee ku aadan qaraarka uu Golaha Shacabka ugu sameeyay muddo kordhinta madaxweynaha waqtigiisu dhamaaday iyo hay’addaha kale ee dowladda. “Kulan wax ku ool ayaa maanta yeelanay Mahdi Guuleed, kaas oo aan uga wada-hadalnay xaaladda siyaasadeed ee haatan taagan. Waxaan u xaqiijiyey in dowladda UK aysan taageeri doonnin muddo kordhinta loo sameeyay Farmaajo,” ayey tiri Kate Foster oo jawaab ka bixisay qoraal uu Afhayeenka xukuumadda Farmaajo ah uu ku baahiyey bartiisa twitter-ka. Constructive meeting with @KhadarGulaid discussing current political situation. Reaffirmed that the UK will not support term extensions. Emphasised the importance of an urgent return to a consensus-based electoral model. https://t.co/mloMdoMdOf — Kate Foster (@KFosterFCDO) April 18, 2021 Sidoo kale waxay sheegtay Kate Foster intii uu socday kulanka ay la qaadatay Mahdi Guuleed inay ku adkeysay muhiimada ay leedahay in si deg-deg ah loogu laabto ‘qaab doorasho oo ku saleysan is af-garad’, islamarkaana ay madaxdu dib ugu laabtaan wada-hadaladii fashilmay. Kulankaan ayaa qeyb ka ah kulamo ay dalalka beesha caalamka cadaadis xoogan ku saarayso madaxda dowladda waqtigeedu dhamaaday, tan iyo markii uu golaha shacabka meel-mariyay qaraar uu xukunka labo sanno ugu sii dheereynayo Farmaajo. Dowladda muddo xileedkeedu dhamaaday ayaa maalmihii dambe waday maran-habaabinta ujeedka dhabta ah ee kulamada ay la qaadato dalalka beesha caalamka, xili ay wajaheyso cadaadisyo dib looga laabanayo go’aankii golaha shacabka, ayada oo lagu goodiyay madaxda sarre inay wajahi doonaan cawaaqib xumada tallaabadaas. Qaran News

Taliyihii hore ee Sirdoonka Somalia oo xalay ka badbaaday Dil uu ku eedeeyay Ciidamo Daacad u ah Farmaajo Taliyihii hore hey’adda sirdoonka iyo nabadsugida NISA Jeneral Cabdiraxmaan Tuuryare ayaa ka badbaaday rasaas ay xalay ciidamo ka tirsan dowladda la beegsadeen gaari uu la socday oo marayay isgoyska Miranaayo ee degmada Cabdicasiis. Jen. Tuuryare ayaa sheegay in uu ka badbaaday isku day dil xili lagu rasaaseeyay isgoyska Miranaayada ee degmada Cabdicasiis, wuxuuna tilmaamay in ciidamada rasaaseeyay aaney aheyn kuwii degmadaasi ka shaqeyn jiray, islamarkaana ay yihiin ciidamo cusub oo goobtaas la geeyay xalay kuwaas oo lagu magacaabo Duufaan. Wuxuu sheegay Jen. Tuuryare in rasaastaasi lala beegsaday ay aheyd daandaansi si ula kac ah loo sameeyay iyo isku day dil, wuxuuna intaa raaciyay in uu la tashiyo la sameyn doono saraakiisha si jawaabta ku haboon uu uga bixiyo haddii aan laga jawaabin sababta keentay in la weeraro gaadiidkii uu saarnaa. Isgoyska Marinaayo ayaa xalay la lasoo dhigay ciidamo ka tirsan Dowladda, xili xaafadda Mirinaayo uu halkaasi degay madaxweynihii hore Xasan Sheekh Maxamuud, horayna uu u deganaa Muuse Suudi Yalaxow oo ka tirsan aqalka sare ee baarlamaanka. Xaalada magaalada Muqdisho ayaa xiligaan ah mid riman oo mar walba la filan karo dagaal u dhaxeeya dowladda iyo mucaaradka kasoo horjeeda oo xaafadaha Muqdisho qaarkood xirtay. Qaran News

Maxay tahay lacagta ay sidday diyaaradda Nairobi ka timid ee lagu qabtay Muqdisho? Ciidanka Saldhiga Booliska Garoonka Caalamiga ah ee Aadan Cadde ayaa maanta Gacanta ku dhigay lacago ay sheegeen in si sharci darro ah lagu soo galiyay dalka, taas oo ay siday mid kamid ah diyaaradaha u kala goosha magaalada Muqdisho iyo Nairobi.Baaritaan dheeri ah ayaa xilligan Ciidanku ku hayaan dhacdadan. Saadiq Adan Cali Doodishe, oo ah afhayeenka Booliska Soomaaliya oo BBC-da wareysi siiyay ayaa sheegay in abaare 9-kii subaxnimo saakay ay Booliska gacanta ku dhigeen lacag doolar ah oo si sharci darro waddanka lagu soo geliyay. Afhayeenkla ayaa sheegay in lacagta ay ka timid magaalada Nayroobi inkastoo uu sheegay inuusan nala wadaagi karin cidda ay ka socotay iyo ciddii ay ku socotay iyo sidoo kale cadaadda lacagta. “Sabata loo qabtay ayaa ah in shuruucda caalamaiga iyo tan waddankuba aysan ogolaanayn in lacag intaa la’eg oo aan la ogeyn meesha ay ku socota uu qof gacanta ku qaado, haddii si kale loo dhigana waa kontorabaan.” Ma jiraan cid loo xiray tallaabadaan? “Waxaa ilaa haataan loo xiray eedeysanihii waday lacagta wayna jiri kartaa cid kale oo ku lug leh, baaritaan ayaana weli wadnaa,” ayuu yiri Saadiq Adan Cali Doodishe. “Marka waxaan oo kale ay dhacaan dalka shuruuc baa u taalla taas ayaana lamarin doona cid kasto oo ku lug leh laakiin inta ka horreysaa waxaa waajib ah in la xafido lacagta oo ay ammaan ahaato waxaana loo gudbin doonaa maxkamadaha caddaaladda gaar ahaan maxkamadda Gobolka Banaadir.” Dhanka kale taliyaha Booliska Soomaaliya Cabdi Xasan Maxamed Xijaar ayaa bartiisa Twitter-ka soo dhigay qoraal uu boogaadinayo Ciidanka Saldhigga Booliska Garoonka Aadan Cadde. XIGASHADA SAWIRKA,SONNA Arrintaan ayaa imanysa iyadoo madaxweynaha Soomaaliya Maxamed Cabdulaahi Farmaajo oo goor sii horreysay waraysi siinayay Tv-ga Shabelle ee xaruuntiisu tahay Muqdisho uu Kenya ku eedeeyay inay faro gelin ku hayso Soomaaliya. Madaxweynaha ayaa oo la weydiiyay farqiga u dhaxeeya Itoobiya iyo Kenya ayaa sheegay in Itoobiya ay haatan joojisay farogelintii oo isbadal ka dhacay. Wuxuu sheegay in xilligii ay Itoobiya xukumaysay TPLF ay Soomaaliya farogelin ba’an ku hayeen. Qaran News

Wali waxaa isa soo taraya wararka la xiriira ka falcelinta tallaabadii dhawaan golaha shacabka ee baarlamaanka Soomaaliya ay wakhtiga ugu kordhiyeen hay’adaha dolwadda federaalka oo ay ugu dareen muddo laba sano ah. Agaasimaha Hay’adda xuquuqda aadanaha ee Human Rights Watch Kenneth Roth, ayaa bartiisa twitter-ka soo dhigay fariin qoraal ah oo uu ku muujinayo in madaxweynaha Soomalaiya Maxamed Cabdulaahi Farmaajo ku dayanyo madaxweynaha dalka Erateriya oo muddo badan xukunka haya. “Layaab malahan in madaxweynaha Soomaaliya Maxamaed Cabdullaahi Farmaajo ay Galaha Shacabku u sameeyaan muddo kordhin hal dhinac ah oo laba sano ah xili uu u muuqdo inuu qaadayo wadada madaxweynaha dalka Eratariya Isaias Afwerki isla markaana xukunka haya muddo dheer kaas oo bilooyinkii ugu dambeyay ay noqdeen xulufo aad isugu dhow” ayuu ku yiri qoraalkiisa Kenneth Roth. Hadalka Agaasimaha Hay’adda xuquuqda aadanaha ee Human Rights ayaa imaanaya xili wadamada beesha caalamku ay siyaabo kala duwan uga hadleen arrinta muddo kordhinta. Madaxweynaha Soomaaliya Maxamad Cabdillahi Farmaajo ayaa shalay wadahadallo kula yeeshay Teendhada Afisyooni wakiillada beesha caalamka ee fadhigoodu yahay Muqdisho. Shirka oo ahaa mid albaabadu u xiranaayeen ayaa labada dhinac uga wadahadleen xaalladihii ugu dambeeyay ee Soomaaliya iyo xiisadda ka dhalatay muddo kordhinta labada sanno ah ee loo sameeyay hay’adaha dawladda federaalka ee waqtigoodu dhamaaday.Balse ilaa iyo hadda lama shaacin qodobbada dhabta ah ee shirkaasi la iskula soo qaaday. Beesha Caalamku ma khasbi kartaa madaxda Soomaalida? Barfasoor Ibraahim Faarax Bursaliid, oo ah khabiir falanqeeya arrimaha siyaasadda Soomaaliya, ayaa BBC-da u sharraxay dhowr sababood oo uu fikir ahaan qabo in beesha Caalamku aysan cadaadis xad dhaaf ah ku saari karin siyaasiyiinta khilaafku u dhaxeeyo. Ugu horreyn wuxuu Prof Bursaliid qeexay in hadda laga soo gudbay xilligii Beesha Caalamku ay hoggaanka u heysay masiirka Soomaalida. “Beesha Caalamka ee la sheegayo waxay noqon karaan waddamo ay Soomaaliya u wada hadli karaan dal ka dal ama waa urur goboleedyo heer gobol ama heer qaaradeed ah ama waa ururro caalami ah sida Qaramada Midoobay iyo wixii la mid ah, marnaba Soomaalidu kuma khasbana Jamhuuriyad ahaan iyo ka dowlad ahaanba in xaanshi loo soo qoray ay ku dhaqanto ama ay raacdo. “Waxaad mooddaa in lasoo dhaafay xilligii xukuumadda Soomaaliya ay ku jirtay ku meel gaarnimada oo laga caawinayay dal dhiska, nabadeynta iyo dib u mideyntiiba. Tan iyo doorashadii 2012-kii waxaad mooddaa in laga baxay ku meel gaarnimadii, sidaas darteedna ay tahay in la xurmeeyo gobanimada iyo madax bannaanida siyaasadeed ee Jamhuuriyadda,” ayuu yidhi Prof Bursaliid. Waddada kale ee u furan beesha Caalamka ayuu Prof Ibraahim Bursaliid ku sheegay mid qallafsanaan ku imaan karta. “Dal walba wuxuu ku sabsan yahay inuu Soomaalida ku xurmeeyo go’aannadooda masiiriga ah, sida uu Shiinuhuba caddeeyay. Laakiin haddiiba ay noqoto in talooyin gurracan la siiyo waa in loo qariyo oo si hoose oo saaxiibtinnimo leh loogu sheego ama si hanjabaad ah loogu sheego, haddiiba uu jiro dal tun buuran sida Mareykanka, Ingiriiska iyo Turkiga.” Beesha caalamka ayaa ka soo horjeestay tallaabada muddo kordhinta ah waxaana ay ku goodiyeen inay jawaab ka bixi doonaan haddii aan warkooda la maqlin kaas oo la xiriira in la sameeyo hannaan oggalaanaya in doorasho loo dhanyahay dalka ay ka dhacdo. Heshiiskii 17 September yaa diiday? Madaxweynaha Soomaaliya Maxamed Cabdulaahi Farmaajo oo waraysi siinayay Tv-ga Shabelle ee xaruuntiisu tahay Muqdisho ayaa dhankiisa ku eedeyay maamullada Jubaland iyo Puntland in shirkii natiijo la’aanta ku soo dhamaaday ee ugu dambeyay ay ku soo bandhigeen maamullada JUbalnd iyo Puntland shuruudo cusub isla markaana ay diideen heshiiskii horey loo gaaray ee 17-kii September oo ay ku sheegeen inuu dhacay oo wakhtigiisa laga gudbay. Madaxweynaha oo la waydiiyay waxa ku kalifi kara inay sidaa dhahaan maadama ay horey u saxiixeen ayaa sheegay in aysna rabin in doorasho ay galaan. “Waxaa ku kalifi karay saan is leeyahay ma rabaan in ay galaan doorasho xaqiiqatan, maxaa yeelay markii aad loo murmay waxay waxay soo istaageen September 17 maaha sax September 17 waa dhacay wakhtigiisii” ayuu yiri madaxweyne Farmaajo. Mr Farmaajo ayaa sheegay in Jubaland iyo Puntland ay ku tala galeen in shirka ay fashilayaan oo aaney dooneyn in la gaaro heshiis wada jir ah si loo aado doorasho maadama ay soo kordhiyeen shuruudo cusub oo qaarkood laga aqbalay qaarna aaney sharci ahayn. Xigasho: BBC SOMALI The post HRW: “Farmaajo wuxuu ku dayanayaa Isaias Afwerki” appeared first on Caasimada Online.

Muqdisho (Caasimada Online) – Taliyihii hore hey’adda sirdoonka iyo nabadsugida NISA Jeneral Cabdiraxmaan Tuuryare ayaa ka badbaaday rasaas ay xalay ciidamo ka tirsan dowladda la beegsadeen gaari uu la socday oo marayay isgoyska Miranaayo ee degmada Cabdicasiis. Jen. Tuuryare ayaa sheegay in uu ka badbaaday isku day dil xili lagu rasaaseeyay isgoyska Miranaayada ee degmada Cabdicasiis, wuxuuna tilmaamay in ciidamada rasaaseeyay aaney aheyn kuwii degmadaasi ka shaqeyn jiray, islamarkaana ay yihiin ciidamo cusub oo goobtaas la geeyay xalay kuwaas oo lagu magacaabo Duufaan. Wuxuu sheegay Jen. Tuuryare in rasaastaasi lala beegsaday ay aheyd daandaansi si ula kac ah loo sameeyay iyo isku day dil, wuxuuna intaa raaciyay in uu la tashiyo la sameyn doono saraakiisha si jawaabta ku haboon uu uga bixiyo haddii aan laga jawaabin sababta keentay in la weeraro gaadiidkii uu saarnaa. Isgoyska Marinaayo ayaa xalay la lasoo dhigay ciidamo ka tirsan Dowladda, xili xaafadda Mirinaayo uu halkaasi degay madaxweynihii hore Xasan Sheekh Maxamuud, horayna uu u deganaa Muuse Suudi Yalaxow oo ka tirsan aqalka sare ee baarlamaanka. Xaalada magaalada Muqdisho ayaa xiligaan ah mid riman oo mar walba la filan karo dagaal u dhaxeeya dowladda iyo mucaaradka kasoo horjeeda oo xaafadaha Muqdisho qaarkood xirtay. The post Taliyihii hore ee NISA oo lagu weeraray Muqdisho appeared first on Caasimada Online.

It has been over 30 years since Somalia descended into full civil war which turned the country into a failed state. Of 70% of people in Somalia are under 30 Source: Hiiraan Online