Nin Dad laayey,Qaarna si xun dhaawacay oo codsadey in la toogto Dacwad oogeyaasha gobolka Nevada ayaa soo jeediyay in Zane Michael Floyd lagu dilo qaabka loo adeegsado irbadda Nin lagu helay dambiyo dil ah, oo ay suuragal tahay inuu noqdo qofkii ugu horreeyay ee xukun dil ah ku wajaha gobolka Nevada ee dalka Mareykanka muddo 15 sano ah kaddib, ayaa codsaday in dilkiisa loo fuliyo qaab toogasho ah halkii irbad laga duri lahaa. Qareennada u doodaya Zane Michael Floyd, oo u dagaallamaya sidii ay u baajin lahaayeen dilka laga yaabo in lagu fuliyo bisha June, ayaa sheegay in codsiga ninkan uusan ujeeddadiisu ahayd “xeelad dib u dhigid ah”. Warqadaha maxkamadda oo ay aragtay Wakaaladda Wararka ee Associated Press, waxay qareennadu ku sheegeen in qaabka uu codsaday uu “ka xanuun yar yahay” qaabka kale. Aad ayay dhif uga tahay Mareykanka in dilalka dambiileyaasha loo fuliyo qaab toogasho ah. Brad Levenson, oo ah qareen heer federaal ah ayaa sheegay in Floyd uu doonayay inuu ka hor tago habka israbadda dawooyinka geerida sababa loogu dhufto dadka la dilayo, kaasoo ah hannaan uu gobolkaas adeegsado. Hase yeeshee, tallaabo kasta oo hannaankaas wax looga baddalayo wuxuu u baahan yahay in lasoo gudbiyo qaab lagu baddali karo, Mr Levenson ayaana sheegay in rasasta ay tahay “sida ugu fiican ee bani’aadanimo leh”. Dilalka toogashada ah waxaa hadda Mareykanka laga oggol yahay oo kaliya saddex gobol – oo kala ah Mississippi, Oklahoma iyo Utah – habkanina lama adeegsanin tan iyo sanadkii 2010-kii. Dacwad oogeyaasha ayaa sheegay inay raadin doonaan oggolaansho ay dilka Floyd ku fuliyaan bisha soo socota, taasoo suuragal ka dhigeysa in la dilo horaanta bisha June. Wuxuu noqon doonaa dilkii ugu horreeyay ee gobolka Nevada ka dhaca tan iyo sandkii 2006. Floyd, oo hadda 45 jir ah waxaa lagu helay dambi ku saabsan inuu afar qof toogasho ku dilay afar qof halka qof kalena uu dhaawac halis ah u geystay. Falkaas wuxuu 1999-kii ka dhacay suuq ku yaalla magaalada Las Vegas. Waxaa dil lagu xukumay sanadkii xigay kaddib markii uu qirtay dambigiisa. Laakiin marar badan ayuu Floyd racfaan ka qaatay xukunka lagu riday, qareennadiisuna waxay sheegeen inuu 22-ka bisha June cafis ka dalban doono guddiga cafiska ee gobolka Nevada. Sanadkii lasoo dhaafay, maxkamadda ugu sarreysa Mareykanka ayaa diidday codsi uu uga doonayay inay kiiskiisa dhageysato. Codsigiisa ugu dambeeyay ayaa yimid xilli uu socdo olole lagu doonayo in gobolka Nevada looga joojiyo sharciga dilka. 70 qof ayaa hadda dil suge ku ah gobolka Nevada – oo ka mid ah 27-da gobol ee wali laga fuliyo xukunnada dilka ah. Qaran News

Idriss Déby: Kumuu ahaa madaxweynihii la dilay ee Chad? Taliska militariga waxay sheegeen in Idriss Déby uu u dhintay dhaawac kasoo gaaray dagaalka jiidda hore Madaxweynihii dalka Chad, Idriss Déby, ee geeriyooday isagoo ku sugan jiidda hore ee dagaalka ayaa marar badan ka badbaaday isku dayo dil iyo afgambi ah oo lala damacsanaa. Déby wuxuu qudhiisa xukunka ku qabsaday afgambi kaddibna wuxuu wajahay dhowr isku day oo sidaasoo kale loogu doonayay in xilka looga tuuro. Lix doorashoo oo ka dhacday dalkaas – oo tii 11-kii bishan April ay ugu dambeysay – ayuu ku guuleystay si uu madaxweyne usii ahaado. Qaar ka mid ah doorashooyinkaas waxaa qaaddacay xisbiyada ugu waaweyn mucaaradka Chad oo sheegay in aysan ahayn doorashooyin xor ah. Bishii April ee sanadkii 2006 wuxuu ka badbaaday isku day lagu damcay in lagu afgambiyo kaddib markii xoogagga fallaagada ay weerar ku qaadeen magaalada caasimadda ah, mar kalena wuxuu weerar noocaas ah ka badbaaday sanadkii 2008. Fallaagada waxaa markaas ka adkaaday ciidamada dowladda ee gacanta ka helayay diyaaradaha dagaalka ee Faransiiska iyo saraakiil xeeladaha dagaalka u dajinayay. Faransiiska ayaa sidoo kale Chad ku taageerayay sirdoon. Sanadkii 2013-kii, dowladda Chad ayaa sheegtay inay fashilisay afgambi kale oo la qorsheynayay, xilligaasna waxaa la sheegay inay ku lug lahaayeen saraakiil ka tirsan taliska militariga iyo xildhibaan mucaarad ah. Kumuu ahaa Idriss Déby siduuse ku noqday madaxweynaha Chad? Idriss Déby wuxuu ku dhashay magaalada Fada ee bariga dalka Chad sanadkii 1952-kii. Isagoo ah askari ka tirsan militariga ayuu siyaasigii lagu magacaabi jiray Hissen Habre ka caawiyay inuu xukunka ka tuuro Goukouki Oueddei, sanadkii 1982-kii. 1989-kii, wuxuu u baxsaday dalka Suudaan kaddib markii lagu eedeeyay inuu qorsheynayay afgambi militari. Laakiin hal sano kaddib xisbigiisa oo la magac baxay dhaqdhaqaaqa waddaniga ayaa kacdoon hubeysan oo ay sameeyeen xukunka uga tuuray Mr Habre oo dalka dibaddiisa u cararay. 1991-kii ayay ku dhawaaqeen in Mr Déby uu yahay madaxweynaha Chad. Idriss Déby wuxuu geeriyooday isagoo 68 jir ah Wuxuu ku guuleystay doorashadii ugu horreysay ee Chad ka dhacday waqtigii gumeysiga kaddib oo la qabtay sanadkii 1996-kii. Dib ayaa loo soo doortay sannadkii 2001, kaddibna 2005 wuxuu ku guuleystay afti qaran oo u oggolaaneysay inuu mar saddexaad u tartamo xilka madaxweynaha. Warbixin ay sanadkii 2013-kii soo saartay hayadda xuquuqda aadanaha u doodda ee Amnesty International ayaa Mr Déby loogu eedeeyay inuu si arxan darro ah ula dhaqmo dadka dhaliila maamulkiisa, uuna iska indho tiray ballaan qaadyo uu u sameeyay inuu ilaalin doono xuquuqda aadahana markii uu xukunka qabsanayay sanadkii 1990-kii. Mr Déby wuxuu dhowr jeer farogalin ku sameeyay arrimaha ku saabsan dalalka dariska la ah. Ciidamadiisa ayaa galay dalalka Afrikada Dhexe iyo Mali. Bishii January ee sanadkii 2012-kii ayuu muran xoog leh abuuray kaddib markii uu guursaday gabar uu dhalay Musa Hilal oo la sheegay inuu ahaa kooxdii ka jirtay Suudaan ee Janjaweed. Sanadkii 2016-kii wuxuu ballan qaaday in haddii la doorto uu dib usoo celin doono sharcigii xakameyn jiray inta jeer ee uu qof madaxweyne noqon karo, laakiin sanadkan ayuu mar kale tartamay. 1-da bisha December waxay ku aaddan tahay 30 sano guurada kasoo wareegtay markii uu Idriss Déby la wareegay xukunka dalka Chad. 30-kii sano ee xukunka Idriss Déby muxuu u keenay dalka Chad? Markii uu awoodda maamulka ku qabsaday afgambi xilka looga tuuray Hissene Harbe, Déby wuxuu si deg deg ah isaga dhigay dharka militariga oo uu iska ruqseeyay wuxuuna isu baddalay siyaasi. Sanadkii 2016-kii ayaa Habre lagu helay eedeymo loo maxkamadeymnayay oo ku saabsanaa inuu geystay dambiyo dagaal. Maxkamad khaas ah oo ku taalla dalka Senegal ayaa kiiskiisa gacanta ku heysay. Tan iyo markii uu madaxweynaha noqday wuxuu la tacaalayay mucaarad ka dhan ah maamulkiisa iyo kooxo fallaago ah oo hubeysan. Madaxweynaha 68 jirka ahaa isagoo adeegsanayay qabiilkiisa awoodda badan ee Zaghawa oo daacad u ah ayuu aasaasay xisbiga Dhaqdhaqaaqa Waddaniga ah ee badbaadada qaran. Taas waxay u sahashay inuu ka badbaado saameynta kacdoonno badan oo qaar ka mid ah dalalka ku yaalla bartamaha Afrika ay ku burbureen kaddib markii ay maleyshiyaad la wareegeen maamulka kheyraadka biyaha, dhulka iyo macdantaba. Waxaa horay loogu eedeeyay inuu hoggaaminayay dowlad hal xisbi uu awood leeyahay, inkastoo doorashooyin su’aalo la galinayay ay dhacayeen. Xilliyadii ay socdeen doorashooyinka ama mudaharaadyada, xukuumadda waxaa lagu dhaliilayay inay jareysay adeegga internet-ka. Déby oo ah rug caddaa dagaallo badan kasoo qeyb qaatay intii uu militariga ku jiray wuxuu ka baaqsaday dagaallo qaarkood xitaa ay isaga dan ugu jirtay. Si taxaddar leh ayuu u wajahay xasaradihii ka dhacay dalalka dariska la ah ee Suudaan, Liibiya iyo Afrikada Dhexe. Isagoo heysa ciidan awood badan haddana waxaa loo arkayay nin nabadda ku dadaala oo coladada ka wareegta. Idriss Déby wuxuu Chad madaxweyne ka ahaa 30 sano Ilaa hadda, waddanka Chad wuu ka badbaaday qalalaasaha gilgilay dalalka Niger, Mali iyo Burkina Faso. Ciidamada Chad waxaa sidoo kale lagu amaanay inay la tacaalayeen kooxda Boko Haram ee fadhigeedu yahay dalka Nigeria, ayna dhibaatooyin badan gaarsiiyeen. Waddan dhaqaale ka hela saliidda oo sabool ah Waxaa u suuragashay inuu saaxiib la noqdo dalkii horay u gumeystay Chad ee Faransiiska iyo sidoo kale waddamada Mareykanka iyo Shiinaha. Paris wuxuu inta badan ka kaashanayay dhinaca taageerada militariga halka Beijing uu ka helayay caawinaadda dhaqaalaha. Siyaasiyiinta kasoo hor jeeda Déby waxay ku dhaliili jireen inuu lacagta kasoo xaroota kheyraadka saliidda ku iibsado taageerada dalalka awoodda leh iyo inuu kusoo baddasho hub halka shacabkiisuna ay saboolnimo ku nool yihiin. Sida laga soo xigtay Qaramada Midoobay, Chad waa mid ka mid ah dalalka ugu saboolsan guud ahaan caalamka – waxaana 66.2% ka mid ah shacabka dalkaas oo tiro ahaan gaaraya 15.5 milyan oo qof ay ku nool yihiin faqri heerka ugu daran ah. Sanadkii 2019-kii, waddanka Chad wuxuu kaalinta 187-aad uga jiraa liiska dalalka dadkoodu ay horumareen ee ka kooban 189. Qaran News

Muqdisho (Caasimada Online) – Madaxweynaha dowlad goboleedka Koonfur Galbeed Soomaaliya, Mudane Cabdicasiis Xasan Maxamed (Lafta Gareen) ayaa qaabilay saraakiil ka socotay howl-galka AMISOM iyo Ingiriiska, kuwaas oo sidoo kale ka qeyb-galay shirka golaha amniga maamulkaasi oo lagu qabtay magaalada Baydhabo Kulanka oo saacado badan qaatay ayaa waxaa sidoo kale goobjoog ah saraakiil ka tirsanaa ciidamada Koonfur Galbeed iyo kuwa Xoogga ee ku sugan deegaanada Koonfur Galbeed. Intii socday kulankan ayaa waxaa lagu soo qaaday xaaladaha ammaanka ee deegaanada Koonfur Galbeed iyo sidii sare loogu qaadi lahaa howl-gallada ka dhanka ah Al-Shabaab. Sidoo kale qaar ka mid ah saraakiisha ammanka oo warbixin laga dhageystay ayaa xusay inay labo jibaareen inta lagu guda jiro bisha Ramadaan howl-gallada lagu sugayo amniga. Dhankiisa madaxweynaha Koonfur Galbeed oo madasha ka hadlay ayaa marka hore u mahad-celiyey saraakiisha AMISOM iyo kuwa dowladda Ingiriiska, isaga oo ku booriyey sida ay u garab taagan yihiin ciidamada Soomaaliya oo dagaal kula jiro kooxda Al-Shabaab. Lafta Gareen ayaa sidoo kale ciidamada Soomaaliyeed ku amaanay, sida ay mar-weliba ugu heelan yihiin shacabkooda, si ay nabad-gelyo ugu naaloodaan. Koonfur Galbeed oo ka kooban Shabeelaha Hoose, Baay iyo Bakool ayaa waxaa weli magaalooyinka qaar go’doomin ku haya Al-Shabaab oo ku xoogaan gobolladaasi. The post Sawirro: Lafta Gareen oo la kulmay saraakiil ka socota AMISOM iyo Ingiriiska appeared first on Caasimada Online.

Michael Rubin oo ah Diblumaasi Maraykan ah isla-markaana ka Tirsan Mac-hadka American Enterprise Institute, ayaa mar kale wax ka qoray Sida Dawladaha reer Galbeedka ee uu Maraykanka ka mid yahay Dhaqaalaha badan ugu caawinayaan Soomaaliya, iyaga oo taa beddelkeedana indhaha ka lalinaya Jamhuuriyadda Somaliland. Michael Rubin oo Maqaal dheer ku baahiyey Internet-ka, ayaa sheegay in Maraykanku isku hawlayo in Xaaladda Soomaaliya gacan ka geysto, xilligaasi oo Wasaaradda Arrimaha dibedda ee Maraykanku is-diidsiinayso guusha Somaliland oo la jaar ah Soomaaliya. Wuxuu sheegay in Sanadihii u dambeeyay uu Maraykanku Malaayiin dollar ku shubay Soomaaliya, sidoo kalena gacan ka geystay dhismaha Ciidammada kala duwan ee Soomaaliya, sida Booliska iyo kuwo kale ee Amniga, laakiin aanay Tallaabooyinkaasi oo dhami waxba ka beddelin Xaaladda Soomaaliya. Rubin wuxuu ka warramay Xaaladda Runta ah ee Soomaaliya xilligan ka jirta, isaga oo ku tilmaamay in Madaxweyne Maxamed Cabdillaahi Farmaajo uu dariiq aan sax ahayn u maray Muddo-kordhinta uu u sameeyay Baarlamaanka oo laftiisa uu muddo-xileedkiisu dhamaaday. Fool-xumooyinka uu Mr. Rubin qoraalkiisa ku sheegay waxa ka mid ah in la shaqada laga fadhiisiyey Taliyihii Ciidammada Booliska ee Gobolka Banaadir Saadaq Joon oo ka hor-yimid Muddo-kordhinta loo sameeyay Madaxweynaha, laakiin Taliyaha Ciidanka Booliska ee Gobolka Banaadir loo Magacaabay Askari uu Rubin sheegay inuu ka mid ahaan jiray Xoogagga Al-shabaab ee xidhiidhka la leh Al-qaacida, kaasi oo uu xusay inuu hore caan uga dhex ahaa kooxdaasi. Rubin wuxu sheegay in aanay ahayn markii koowaad ee Dawladda farmaajo xil u Magacowdo qof ka mid ah koox Argagixiso ah, balse uu hore Taliyaha Ciidammada Sirdoonka ugu Magacaabay Fahad Yaasiin oo uu xusay inay jiraan dhukumantiyo sheegaya inuu xidhiidh la lahaa Al-shabaab iyo kooxo kale oo Argagixiso ah. Micheal Rubin oo Qoraalkiisu dheeraa, ayaa waxa kale oo uu ka warramay in laga yaabo in syaasadda Madaxweyne Farmaajo ay saamayn ku yeesheen Ruushka iyo Shiinaha oo dabcan saamayn ku leh Itoobiya iyo Jabuuti. Wuxuu is waydiiyey waxa Maraykanka isagoo og xaaladda siyaasadeed ee Soomaaliya uu indhaha uga leexinayo Somaliland oo uu tilmaamay inay Tobanaankii Sano ee u dambeeyay qabsanaysay doorashooyin Cod iyo Qof ah. Wuxuu xusay in Somaliland Dadkeeda ku diwaangelisay Habka Biometric-ga ah ama la sawiro bu’da indhaha Dadka, si ay qabsato doorashooyin sugan oo amaan ah. Micheal Rubin wuxuu qoraalkiisa ku sheegay in Somaliland weli haysato Jihada siyaasadeed ee reer Galbeedka uu Maraykanku ka mid yahay, sidoo kalena ay xidhiidh la samaysatay Taiwan, waxaanu mar labaad su’aal iska waydiiyey waxa iyada oo waxaasi oo dhami jiraan uu Maraykabku uu u cunaqabataynayo Somaliland. “Haddii siyaasadda Arrimaha dibedda Maraykanka ee xilligani ku indho beeshay Sawirka xuduudka (Somaliland/Soomaaliya), muxuu Congress-ku toos ula xidhiidhi waayay Somaliland..” ? ayuu qoraalkiisa ku sheegay Micheal Rubin. Geeska Qaran News

Former Minneapolis police officer Derek Chauvin has been convicted of murder and manslaughter in the death of George Floyd, which was captured on video and sparked worldwide protests over racism and police brutality. Source: Hiiraan Online

Wargeyska The Tennessee Tribune oo ka soo baxa dalka Maraykanka, ayaa war-bixin dheer ka qoray Doorka Dawladda Imaaraadka Carabta oo Saaxiib dhow la ah Somaliland ku leedahay Dalalka Koonfurta Qaaradda Aasiya iyo Bariga Afrika. Wargeyska The Tennessee Tribune wuxuu sheegay in Imaaraadka oo qayb libaax ka qaaday heshiiskii Dawladaha Eritrea iyo Itoobiya uu xilligan isku dayayo inuu dhexdhexaadiyo Dalalka Pakistan iyo Hindiya ee Koonfurta Qaaradda Aasiya, kuwaasi oo ku muransan Gobolka Kaashmiir. War-bixinta ayaa lagu sheegay in Imaaraadku qorshaynayo inuu Xalka khilaafka Pakistaan iyo Hindiya ka ciyaaro mid la mid ah kii uu ka qaatay heshiiskii ay wada gaadheen Itoobiya iyo Eritrea. Imaaraadka ayaa xidhiidh Ganacsi oo weyn la leh Pakistan iyo Hindiya, si gaar ah sannadkii hore ee 2020 waxa dhex maray Ganacsi lagu qiimeeyay $59,110 million, halka Pakistan ay xidhiidhka Ganacsi ee ay la leedahay Imaaraadku uu sannadkii 2019-ka uu ahaa $6 billion, sida uu sheegayo The Tennessee Tribune. Wargeysku wuxuu War-bixintiisa ku soo qaatay Xidhiidhka uu Imaaraadka Carabtu la leeyahay Dalalka Geeska Afrika, gaar ahaan Jamhuuriyadda Somaliland. Arash Azizi oo ah Taariikhyahan ka tirsan Jaamacadda New York University oo u warramay Warbaahinta Zenger News isla-markaana uu soo xigtay Wargeyska The Tennessee Tribune ayaa sheegay inaan Dad badan rumaysnayn doorka Milletari ee Imaaraadka, laakiin Imaaraadku uu xidhiidh wanaagsan la leeyahay Somaliland oo ah halka ugu nabdoon dalkii la isku odhan jiray Jamhuuriyadda Soomaaliya “Halka ugu nabadda badan Soomaaliya (wixii la isku odhan jiray Soomaaliya) waa Somaliland oo uu Imaaraadku ka taageero Awoodda Milletariga.” ayuu yidhi Taariikhyahan Arash Azizi, waxaanu intaa ku daray in Imaaraadku uu Somaliland ka taageero Tiknoolajiyadda Ciidammada iyo Tababbarka. Source

Michael Rubin oo ah Diblumaasi Maraykan ah isla-markaana ka Tirsan Mac-hadka American Enterprise Institute, ayaa mar kale wax ka qoray Sida Dawladaha reer Galbeedka ee uu Maraykanka ka mid yahay Dhaqaalaha badan ugu caawinayaan Soomaaliya, iyaga oo taa beddelkeedana indhaha ka lalinaya Jamhuuriyadda Somaliland. Michael Rubin oo Maqaal dheer ku baahiyey Internet-ka, ayaa sheegay in Maraykanku isku hawlayo in Xaaladda Soomaaliya gacan ka geysto, xilligaasi oo Wasaaradda Arrimaha dibedda ee Maraykanku is-diidsiinayso guusha Somaliland oo la jaar ah Soomaaliya. Wuxuu sheegay in Sanadihii u dambeeyay uu Maraykanku Malaayiin dollar ku shubay Soomaaliya, sidoo kalena gacan ka geystay dhismaha Ciidammada kala duwan ee Soomaaliya, sida Booliska iyo kuwo kale ee Amniga, laakiin aanay Tallaabooyinkaasi oo dhami waxba ka beddelin Xaaladda Soomaaliya. Rubin wuxuu ka warramay Xaaladda Runta ah ee Soomaaliya xilligan ka jirta, isaga oo ku tilmaamay in Madaxweyne Maxamed Cabdillaahi Farmaajo uu dariiq aan sax ahayn u maray Muddo-kordhinta uu u sameeyay Baarlamaanka oo laftiisa uu muddo-xileedkiisu dhamaaday. Fool-xumooyinka uu Mr. Rubin qoraalkiisa ku sheegay waxa ka mid ah in la shaqada laga fadhiisiyey Taliyihii Ciidammada Booliska ee Gobolka Banaadir Saadaq Joon oo ka hor-yimid Muddo-kordhinta loo sameeyay Madaxweynaha, laakiin Taliyaha Ciidanka Booliska ee Gobolka Banaadir loo Magacaabay Askari uu Rubin sheegay inuu ka mid ahaan jiray Xoogagga Al-shabaab ee xidhiidhka la leh Al-qaacida, kaasi oo uu xusay inuu hore caan uga dhex ahaa kooxdaasi. Rubin wuxu sheegay in aanay ahayn markii koowaad ee Dawladda farmaajo xil u Magacowdo qof ka mid ah koox Argagixiso ah, balse uu hore Taliyaha Ciidammada Sirdoonka ugu Magacaabay Fahad Yaasiin oo uu xusay inay jiraan dhukumantiyo sheegaya inuu xidhiidh la lahaa Al-shabaab iyo kooxo kale oo Argagixiso ah. Micheal Rubin oo Qoraalkiisu dheeraa, ayaa waxa kale oo uu ka warramay in laga yaabo in syaasadda Madaxweyne Farmaajo ay saamayn ku yeesheen Ruushka iyo Shiinaha oo dabcan saamayn ku leh Itoobiya iyo Jabuuti. Wuxuu is waydiiyey waxa Maraykanka isagoo og xaaladda siyaasadeed ee Soomaaliya uu indhaha uga leexinayo Somaliland oo uu tilmaamay inay Tobanaankii Sano ee u dambeeyay qabsanaysay doorashooyin Cod iyo Qof ah. Wuxuu xusay in Somaliland Dadkeeda ku diwaangelisay Habka Biometric-ga ah ama la sawiro bu’da indhaha Dadka, si ay qabsato doorashooyin sugan oo amaan ah. Micheal Rubin wuxuu qoraalkiisa ku sheegay in Somaliland weli haysato Jihada siyaasadeed ee reer Galbeedka uu Maraykanku ka mid yahay, sidoo kalena ay xidhiidh la samaysatay Taiwan, waxaanu mar labaad su’aal iska waydiiyey waxa iyada oo waxaasi oo dhami jiraan uu Maraykabku uu u cunaqabataynayo Somaliland. “Haddii siyaasadda Arrimaha dibedda Maraykanka ee xilligani ku indho beeshay Sawirka xuduudka (Somaliland/Soomaaliya), muxuu Congress-ku toos ula xidhiidhi waayay Somaliland..” ? ayuu qoraalkiisa ku sheegay Micheal Rubin. Source

Muqdisho (Caasimada Online) – Madaxweynihii hore ee dalka Shariif Sheekh Axmed oo hadal ka jeediyey shirweynihii beelaha Mogadishu Clan ee Muqdisho ka dhacay ayaa wax aan la aqbali karin ku tilmaamay in xilligaan shaki la geliyo doorashooyinkii soo jireenka ahaa ee dalkan. Waxa uu sheegay in dadku ay mudo soo dul qaadanayeen, balse hadda ay qasab tahay in go’aan deg deg ah la qaato oo doorashada laga heshiiyo. “In ku filan dadka Soomaaliyeed waa ay u soo dul qaateen dowladda, cod dheer ayey mudo dheer kula hadlayeen, balse maanta war ma harin, waa in jawaab deg deg ah la bixiyo oo la tago teendhadii Afisyooni, doorashana la aado,” ayuu yiri Sheekh Shariif. Madaxweyne Shariif Sheekh mas’uuliyadda waxa dhacaya oo dhan waxa uu dusha ka saaray madaxweynaha wartigu ka dhamaaday Maxamed Cabdullahi Farmaajo. “Cidda doorashada diidan waan wada ognahay oo teenadhadii gogoshu taalay kasoo tagtay, tii halkaan ka fidsaneed laabtay, masuuliyaddu laba maaha hal qof ayaa iska leh, madaxweynuhu hadii uusan go’aansan in dalka ay doorasho ka dhacdo, cid ka qaban karta ma jirto, meeshaan waan soo marnay waana naqaan,” ayuu hadalkiisa ku sii daray Sheekh Shariif. Sidoo kale waxa uu sheegay in cid kale aysan eed ku laheyn waxa socda, isagoo u mahad celiyey beesha caalamka, waxuuna muwaadiniinta Soomaaliyeed ku baraarujiyey in dowlad dhiska dalkan ay daacad ka noqdaan. “Madaxweynaha iyo madax goboleedyada, waxaan ugu baaqeynaa in teendhada degdeg loogu noqdo, hadii taasi dhici weyso, wixii dhaca masuuliyadooda waxaa si gaar ah u qaadaaya madaxweynaha,” ayuu yiri Shariif Sheekh Axmed oo hadal ka jeediyey shirweynihii beelaha Mogadishu Clan ee Muqdisho ka dhacay. Hoos ka Daawo The post Daawo Sheekh Shariif: “War ma harin, waa in jawaab deg deg ah la bixiyaa” appeared first on Caasimada Online.

Madaxweynaha Dalka Kenya Uhuru Kenyata oo booqasho Sadex maalmood ah ku tagay Dalka Congo ayaa waxaa halkaas kusoo dhaweeyey Dhigiisa Felix Tshisekedi. Madaxweyne Kenyata ayaa inuu Dalkaas joogo wuxuu booqan doonaa Xaruamaha Dowlada Dalkaas. Booqashadiisuna waa mid Sharafeed, Sida ay sheegtay Madaxtooyadu. Madaxweynaha Wakhtigiisubdhamaadey idla markaasna Wakhtiga kororsadey ayaa maalin ku maqnaa Dalka Kongo, waxaana halkaas kusoo dhaweeyey Madaxweynaha Kongo Xaaskiisa. Puntlandi.com Nairobi The post Madaxweyne Kenyata oo si diiran loogusoo dhaweeyey Kinshasa appeared first on . Source

Shir beesha Mogadishu Clan ay maanta ku yeesheen magaalada Muqdisho ayaa lagu go’aamiyey in beesha kasoo horjeedo muddo kordhinta Farmaajo iyada oo ku baaqday in lagu laabto oo dib loogu noqdo heshiikii September 17. waxaa kale oo ay sheegtay in ku adkeysiga muddo kordhinta wixii ka dhasha ay mas’uuliyaddeeda saareen Farmaajo . Haddaba halkaan ka akhriso warmurtiyeedka ay soo saartay beesha. Goobjoog News Source: goobjoog.com

Muqdisho (Caasimada Online) – Ra’iisul Wasaaraha Soomaaliya Maxamed Xuseen Rooble ayaa u yeeray guddoomiyaasha guddiyada doorashooyinka qaranka, si loogu war-geliyo go’aan ay gaartay dowladda federaalka Warar lagu kalsoon yahay oo ay heshay Caasimada Online ayaa sheegaya in kulankan uu caawa ka dhici doono xafiiska Ra’iisul Wasaaraha Soomaaliya, waxaana ka soo baxaya xogo hordhac ah. Ilo ka tirsan guddiyada ayaa sheegay in Rooble uu guddoomiyaasha guddiyada fasixi doono islamarkaana uu la geli doono ballan ah in ay noqon doonaan dadka ugu horreeya haddii shaqadan ay ka gudubto caqabadaha horyaalla. Sidoo kale waxa uu kaga mahad-celin doonaa dhabar adeegii ay sameeyeen intii ay joogeen Muqdisho. Arrintaan ayaa ku soo aadaysa iyadoo Golaha Shacabka ee baarlamanka Soomaaliya uu muddo laba sano ah ugu dareen Madaxweyne Farmaajo, taas oo ka dhigan in laga maarmay baahidii guddigan. Guddiyadan ayaa noqday khilaafkii ugu horreeyey ee caqabadda ku noqday doorashada, kadib markii ay dowladda kusoo dartay xubno ay mucaaradka iyo maamul goboleedyada qaar sheegeen inay yihiin sirdoon. The post Xog: ROOBLE oo u yeeray madaxda gudiyada doorasho kadib go’aan ay gaartay DF appeared first on Caasimada Online.

Muqdisho (Caasimada Online) – Shirweynaha Beelaha Mogadishu Clan oo goordhoweyd oo fiidkii ka furmay Hotelka Jazeera ee magaalada Muqdisho ayaa si adag looga hor-yimid muddo kororsiga labada sano ee madaxweynaha waqtigiisu dhamaaday. Shirweynahaan oo ay ka qeyb-galeen Musharaxiinta mucaaradka, Xildhibaannada, Senatarada, Odayaasha dhaqanka, Aqoon-yahan iyo dad kale oo lagu martiqaaday shirka ayaa waxa laga soo saaray War-murtiyeed xasaasi ah. Mahad Salaad oo ka tirsan mudaneyaasha golaha shacabka ayaa warbaahinta ka hor aqriyay war-murtiyeedkaas, ayaa sheegay in shirweynaha uusan madaxweynaha Soomaaliya u aqoonsaneyn Farmaajo, oo weli ku sugan Villa Somalia. “In si deg-deg ah looga laabto go’aanka muddo kororsiga sharci darada ah, Shirweynahana waxa uu ku adkeynayaa in wado kasta lagu hor-istaago muddo kororsiga si uusan u meel-marin,” ayaa lagu yiri War-murtiyeedka kasoo baxay Shirweynaha Beelaha Mogadishu Clan. Sidoo kale waxa lagu sheegay War-murtiyeedkaan in si dalka loo bad-baadiyo ay shir deg-deg ah isugu imaadaan madaxda maamul goboleedyada iyo saamileyda siyaasada, kaasi oo uusan goobjoog ka aheyn Farmaajo, si dalka uu doorasho u aado. “Shirweynaha waxa uu ka digaya cawaaqib xumada ka dhalata muddo kordhinta sharci darrada, wuxuuna cadeynayaa in mas’uuliyada ay qaadayaan madaxweynaha muddo xileedkiisu dhamaaday iyo guddoonka golaha shacabka.” Waxay digniin adag u direen taliyeyaasha ciidanka lugta, nabad sugida iyo booliska oo ay sheegen inay ku howlan-yihiin fulinta qaraarkii muddo kororsiga sharci darada ah, iyagoona dalbaday in ciidanka laga saaro loolanka siyaasadeed. Ugu dambeyntiina waxaa war-murtiyeedkaan lagu sheegay in go’aankii golaha shacabka ee muddo kororsiga aysan ku metelin shacabka Soomaaliyeed, islamarkaana ay si deg-deg ah uga laabtaan go’aankaas oo xasilooni darro u horseedaya dalka. The post DEG DEG: Shirweynaha Mogadishu Clan oo laga soo saaray war-murtiyeed xasaasi ah + Video appeared first on Caasimada Online.

Shirweyne ay isugu yimaadeen Beelaha Mogadishu Clan ayaa Warmurtiyeedkii kasoo baxay lagu cadeeyay in Madaxweynaha Xilkiisu dhamaaday uusan ahayn Madaxweynaha Soomaaliya. Qodobbkamida Warmurtiyeedka ayaa uqoran sidaan “ Beesha waxay kalsoonidii kala laabatay Maxaxweynaha Xilkiisu dhamaadey” Shirweynaha waxaa loogu baaqay Madaxweyne Farmaajo in uu kusoo laabto Teendhada Afisyooni, hadii uu taas samayn waayana uunisagu qaadayo Masuuliyada wixii Dalka ka dhaca. Madaxweynihii hore ee Dalka Dhariif Sheikh Axmed oo khudbadbka jeediyay Shirweynaha ayaa isna sheegay in Beesha ay u taagan tahay Midnimada iyo Dowladnimada Soomaaliya, wuxuuna Maxamed Cabdullaahi Farmaajo ka codsadey inuu kusoo laabto wadahadalka. Madaxweyne Shariif wuxuu sheegay in aan la aqbalayn in Dalka laga leexiyo dhaqankii qori isu dhibka Doorashada. Puntlandi.com Muqdisho The post Beesha Mogadishu Clan oo Aqoonsigii Madaxweynanimada kala laabatay Madaxweyne Farmaajo appeared first on . Source

Halkaan hoose ka dhagayso Warmurtiyeedkii Warmurtiyeedkii-Shirweynaha-B-Mogadishu Clan Khudbadii Cabdiraxmaan-Cabdiishakuur Cabfiraxmaan-CabdishakuurDownload Khudbadii Shiekh-Shariif The post Dhagayso Warmurtiyeedka Shirweynihii Beelaha Mogadishu Clan appeared first on . Source

Muqdisho (Caasimada Online) – Dowladda Qatar ayaa markii u horeysay si rasmi ah uga hadashay inay lacag Malaayiin doollar ah siiso madaxda waqtigoodu dhamaaday ee dowladda federaalka Soomaaliya. Waxay beenisay inay jiraan lacago ay Soomaaliya usoo mariso Agaasimaha Hay’adda Nabad-Sugidda iyo Sirdoonka Qaranka Soomaaliya (NISA) Fahad Yaasiin, eedeyntaasi oo uu dhawaan u jeediyay Safiirkii hore Mareykanka ee Soomaaliya, Stephen Schwartz. Dowladda Qatar oo qoraal rasmi ah usoo dirtay idaacada VOA-da oo wax ka weydiisay eedeynta Safiirkii hore ayaa gebi ahaanba meesha ka saartay inay si hoose dhaqaalo badan ku taageero dowladda waqtigeedu dhamaaday. Qoraalkaas ayaa waxay Qatar ku sheegtay inay jirto lacag dhan $20 Milyan oo sanadkii tegay ay ku taageertay miisaaniyada dowladda, waxayna hoosta ka xariiqday inaysan jirin lacag madow oo ay geliso Soomaaliya. “Qatar waxay door wax dhisid ah ka ciyaarta Soomaaliya, taasi oo aan uga gol leenahay in aan ku caawino madax-banaanida, degenaanshaha iyo horumarinta Soomaaliya. Dadaalada Qatar iyo mowqifkeedu wuxuu lamid yahay midka QM iyo saaxiibada kale ee Beesha Caalamka,” ayaa lagu yiri qoraalka Qatar. Sidoo kale waxay iska fogeysay inuu jiro xiriir hoose oo ka dhaxeeya Agaasimaha Hay’adda Nabad-Sugidda iyo Sirdoonka Soomaaliya, Fahad Yaasiin, islamarkaana ay taageerada qarsoodiga ah ee dowladda usoo mariso asiga, sida uu hore ugu eedeyay safiirkii hore Mareykanka ee Soomaaliya. Stephen Schwarts, Safiirkii hore Mareykanka ee Soomaaliya ayaa wareysi uu dhawaan siiyey idaacada VOA-da waxa uu dowladda Qatar ku eedeyay inay lacag sharci darro ah siiso madaxweynaha waqtigiisu dhamaaday, islamarkaana ay soo dhex-mariso Fahad Yaasiin oo uu sheegay inuu taas ka helay awood iyo saameyn siyaasadeed. Qatar ayaa muddooyinkii dambe lagu eedeynayay inuu heshiis hoose kala dhaxeeyo madaxda sarre ee dowladda federaalka, hase yeeshe inta badan waxaa eedeymahaas gaashanka u daruurta dowladda Qatar oo loolan adag ku wajahaysa gobolka. The post Qatar oo jawaab rasmi ah ka bixisay eedeyn la xiriirta Fahad Yaasiin oo loo jeediyey appeared first on Caasimada Online.

Source

Mogadishu (HOL) - The National Salvation Forum (NSF), a coalition of opposition leaders and regional heads, sent a letter to the UN Security Council on Monday urging the world body to reject President Farmajo's term extension ahead of a meeting to discuss Somalia's political situation. Source: Hiiraan Online

Muqdisho (Caasimadda Online) – Golaha Musharaxiinta Madaxweynaha ayaa jawaab kulul ka bixiyey dalabkii uu madaxweynaha waqtigiisa dhamaaday Maxamed Cabdullaahi Famaajo uga dalbaday Midowga Afrika inay dhex-dhexaadiyaan saamileyda siyaasadda Soomaaliya. Midowga Musharaxiinta ayaa si weyn cambaareeyey isku day ay sheegeyn in Farmaajo ku doonayo inuu ku dhinac maro heshiiskii doorashada ee 17-ka September, islamarkaana uu si sharci darro ah laba sano ugu darsaday muddo xileedkiisa kadib codsi uu u diray Midowga Afrika. “Soo jeedintii madaxweynihii hore Farmaajo ee ku aadaneyd in Midowga Afrika (AU) ay qaadato doorka hogaamineed ee fududeynta xalinta dhibaatada dastuurka ee uu sababta u ahaa isaga waa mid aan daacad aheyn madaama Madaxweynihii hore uu horay uga fogaaday sii socoshada wadahadalada u dhaxeeyo Soomaalida oo ay garwadeenka ka tahay bulshada caalamka ee AU lafteeda ka tirsan tahay,” ayaa lagu yiri war saxaafadeed kasoo baxay Midowga Musharixiinta. Midowga Musharixiinta ayaa madaxweynaha waqtigiisa dhamaaday ku eedeeyey inuu si aan cudurdaar laheyn usii wado diidmadiisa ku aadan dadaallada wadajirka ah oo ay waddo Beesha Caalamka isla markaasna uu iska dhaga tirayo baaqyada ka imaanayo Beesha Caalamka ah oo ah inaan la aqbali karin muddo kordhin. “Madaxweynihii hore wuxuu si aan cudurdaar lahayn u sii wadaa inuu diido dadaallada wadajirka ah ee bulshada caalamka, sidoo kalana wuxuu iska indha tirayaa baaqyada uga imaanayo Beesha Caalamka ee ah inaan la aqbali karin muddo kordhin. Goluhu wuxuu rumeysan yahay in Madaxweynihii hore looga baahan yahay inuu ku baraarugo xaqiiqda jirta ee dastuurka kumeelgaarka ah ee Soomaaliya oo dhigayo in doorashooyinka qaranka ee madaxweynaha iyo baarlamaanka afartii sanaba mar la qabto iyada oo aan wax waqti kororsi ah la sameynin iyo in 8-da Febraayo, 2021-ka ay ahayd dhammaadka waajibaadkiisii dastuuriga ahaa,” ayaa sidoo kale lagu yiri qoraalka kasoo baxay Musharixiinta. Sidoo kale Midowga Musharixiinta ayaa sheegay inay mar kale ku celinayaan mowqifkooda ah inay taagersan yihiin heshiiskii 17-kii September, waxayna musharixiinta ugu baaqeyn madaxweynaha waqtigiisa dhamaaday inuu ka laabto go’aankii 12 April ee muddo kordhinta. “Goluhu wuxuu mar kale ku celinayaa mowqifkiisa aan kala go’a lahayn ee ah inuu taageero heshiiskii 17-kii Sebtember iyo inuu horay u socdo, madaxweynihii hore waa inuu ka laabtaa go’aankii muddo kordhinta ee 12 Abriil oo ah mid sharci darro ah, wuxuu isku dayayaa inuu xukunka sii hayo oo uu iska indhatiro qalalaasaha siyaasadeed ee hareeyay Muqdisho iyo qeybaha kale ee dalka, madaxweynihii hore wuxuu sii wadaa inuu raadsado xalal milatari oo ku saabsan dhibaato kasta oo siyaasadeed,” ayaa lagu yiri warka Mushariixinta. Ugu dambeyntii Midowga Musharixiinta ayaa ugu baaqay Hoggaanka Midowga Africa inay il gaar ah ku fiiriyaan wixii ay madaxweynayaashii hore ee Soomaaliya ka digeyn iyo xeeladaha khiyaanada leh ee lagu doonayo in si sharci darro ah xukunka lagu sii heysto, waxayna madaxweynaha waqtigiisa dhamaaday ku eedeeyen inuu ku guuldaraystay inuu guto waajibaadkii loo dhaariyey ee ahaa inuu dalka ka qabto doorasho qof iyo cod ah, ama uu hirgeliyo doorashooyin dadban sida ku xusan heshiiskii 17-kii Sebtember. Halkaan hoose ka akhriso war saxaafadeedka kasoo baxay midowga Musharixiinta The post Mucaaradka oo jawaab ka bixiyey dalabkii Farmaajo u gudbiyey Midowga Afrika appeared first on Caasimada Online.

Madaxweynihii waddanka Chad, Idriss Deby Itno, ayaa maanta oo Talaado ah lagu dilay gudaha dalkaas, sida laga soo xigtay sarkaal ka tirsan Ciidamada. Idriss Deby oo dalka ka talinayay mudda 30 sano ah ,islamarkaana dhowaan dib loo doortay, ayaa u geeriyooday dhaawac ka soo gaaray isago ka qayb-qaadanayay dagaal dowladdu kula jirto mucaaradka. Deby ayaa Isniintii sheegay in uu tegayo jiidda hore ee dagaalka, si uu ugu biiro ciidamada la dagaalamaya wax uu ku tilmaamay “argagixisada,” waxaana lagu dhaawacay booqashadaas. General Mahamat Idriss Deby Itno oo loo yaqaan Kaka, oo ah wiilka hoggaamiyaha geeriyooday, ayaa loo magacaabay madaxweynaha ku-meel garaka ah ee dalka, sida uu sheegay afhayeenka ciidamada. PUNTLAND POST The post Madaxweynihii waddanka Chad Idriss Deby oo la dilay appeared first on Puntland Post.

Source

Garowe (PP News Desk) — Puntland State Government has officially taken custody of two girls whom an unidentified woman had abandoned at Garowe Airport. Puntland Human Rights Office told the local media that the two children under the age of five would be looked after by Puntland Government’s children’s services department. A local family looked after the two girls before the government resolved to exercise its duty of care towards the children. Authorities have not disclosed the relationship between the two girls and the women who abandoned them at the airport. © Puntland Post, 2021 The post Puntland Government Takes Custody of Two Abandoned Minors appeared first on Puntland Post.

Qaran News

Masuul ka tirsan Dawlada Somalia oo Qarax lagu dilay Guddoomiye ku xigeenkii dhinaca siyaasadda degmada Dayniile ee Gobolka Banaadir, ayaa saaka ku geeriyooday qarax lala beegsaday gaadhigiisa, siday xaqiijiyeen saraakiil ka tirsan laamaha Amniga dowladda Soomaaliya. Marxuum Cabdi Maxamed Maxamuud, oo ku magac dheera Fidicow, ayaa u geeriyooday dhaawac culus oo ka soo gaadhay qarax lagula beegsaday xaafadda Daaru-salaam ee magaalada Muqdisho. Qaraxa waxa sidoo kale dhaawacyo ka soo gaadheen qaar kamid ah ilaaladiisa gaarka ah.Ururka Al-shabaab, ayaa sheegtay mas’uuliyadda Qaraxaas lagu dilay Guddoomiye ku xigeenka dhinaca siyaasadda ee degmada Dayniile. Qaran News

Muqdisho (Caasimada Online) – Dowladda federaalka Soomaaliya ayaa markii u horeysay si rasmi ah uga hadashay inuu isbedel ku yimid iyo in kale qaraarkii uu Golaha Shacabka muddo kororsiga ugu sameeyay madaxweynaha waqtigiisu dhamaaday iyo hay’addaha kale ee dowladda. Hadal-hayntan ayaa soo shaac baxday kadib markii Farmaajo uu madaxweynaha DR Congo ka codsaday inuu dhex-dhexaadiyo saamileyda siyaasadda Soomaaliya, taasi oo dad badan ay u qaateen inuu diyaar u yahay wada-hadallo doorasho, oo uu ka tanaasulayo muddo kororsiga. Hase yeeshee, sii-hayaha Wasiirka Arrimaha dibadda, Maxamed Cabdirisaaq ayaa shaaca ka qaaday in marnaba uusan isbedel ku imaan qaraarkii Golaha Shacabka ee muddo kororsiga, isagoona carabka ku adkeeyay inay muhiim tahay doorashada wada-ogol ah. Waxa kale oo uu meesha ka saaray in madaxweynaha waqtigiisu dhamaaday ee Farmaajo uu kala hadlay dhigiisa Congo qaraarkii Golaha Shacabka, oo ay dalalka beesha caalamka culeys ku saarayaan in gebi ahaanba meesha laga saaro. “Doorashada mid dadban iyo mid toos ahba waa inay ahaataa mid la isku raacsan yahay oo natiijadeeda ay noqoto mid dadka oo dhan ay ku qanci karaan, waxna ismaka bedelin go’aankii uu garay baarlamaanka,” ayuu Wasiir Cabdirisaaq oo la hadlayey BBC-da. Sidoo kale waxa uu ku cel-celiyay Wasiirku inay lagama maarman tahay in doorashada Soomaaliya nooceey ahaataba ay noqoto mid xor iyo xalaal ah oo la isku raacsan yahay. Hadalka Wasiirka ayaa meesha ka saaraya in wada-hadalo dhex-mara saamileyda siyaasada uu meesha ka saaro qaraarkii Golaha Shacabka, maadama ay shalay wasaaraddu shaacisay in Farmaajo uu doonayo wada-hadallo la xiriira qabashada doorashooyin oo uu Midowga Afrika dhex-dhexaadinayo. “Madaxweyne Farmaajo ayaa ku dhowaaqay ‘Dowladda federaalka ayada oo tix-gelineysa dadaallada Soomaaliya ay ku qabaneyso doorashooyin loo dhan yahay, nabdoon oo waqtigooda ku dhaca, dowladdeyda waxay soo dhoweeneysaa in Midowga Afrika uu kaalin ka qaato fududeynta hanaan Soomaali ay hoggaamineyo, Soomaali-na ay leeyihiin oo hoggaamin kara wada-hadallo,’” ayaa lagu yiri qoraalka wasaaradda. Mucaaradka Soomaaliya ee Farmaajo codsanayo inuu la hadashiiyo madaxweynaha Congo ayaa si weyn u diidan muddo kororsigii uu dhawaan sameystay, ilaa haddana ma muuqdo isbedel ku aadan arrinkaasi oo dhanka dowladda federaalka, lamana oga ilaa hadda halka ay wax sal dhigan doonaan. Hoos ka dhageyso codka wasiirka https://www.caasimada.net/wp-content/uploads/2021/04/War-cabdirisaaq.mp3 The post DF oo ka hadashay haddii uu isbedel ku yimid qaraarkii BF ee muddo kororsiga appeared first on Caasimada Online.

Chad’s President Idriss Deby has died while visiting troops on the front line of a fight against northern rebels, an army spokesman said on Tuesday, the day after Deby was declared the winner of a sixth term in office. Source: Hiiraan Online