Muqdisho (Caasimadda Online) – Guddoomiyaha Aqalksa Sare Cabdi Xaashi Cabdullaahi ayaa laga yaabaa inuu Maanta diido ka qeybgalka munaasadda la filayo in lagu saxiixo heshiiska laga gaaray doorashooyinka Soomaaliya kadib cadaadis ay saareyn siyaasiyiin kasoo jeedo Waqooyiga. Cabdi Xaashi oo dadaal ay sameeyeen Ra’iisul wasaare Rooble iyo madaxda Maamul Goboleedyada kadib lagu qanciyey inuu aqbalo in guddiga doorashooyinka ee Waqooyiga laga siiyo 5 Xubin ayaa lasoo sheegayaa inuu cadaadis xoog leh kala kulmayo qaar ka tirsan siyaasiyiinta Waqooyiga ee ka tirsan garabkiisa. Siyaasiyiinta waqooyi ee garabka Cabdi Xaashi ayaa xalay soo saaray warqad ay ku diidayaan heshiiska, waxaase la sheegay inuu isagu ku qanacsanyahay qeybta la siiyay balse ay cadaadis saarayan xubno ay ka mid yihiin Maxamed Cabdi Xayir Maareeye, Ibraahim Iidle Saleebaan, Fowsiya Yuusuf Xaaji iyo Xuseen Carab Ciise, kuwaas oo ku cadaadinaya inuusan tagin kulanka Maanta lagu soo xirayo shirka. Qodobka ugu adkaa shirkii Muqdisho ugu socday Dowladda Federaalka Soomaaliya iyo madaxda Maamul Goboleedyada ayaa ahaa kan Gobolada Waqooyi, waxaana ugu dambeyntii lagu heshiiyey In Cabdi Xaashi hal xubin oo dheeri ah loogu daro soo jeedintii guddiga farsamada ee Baydhabo ku shiray kuwaas oo u ogolaaday 4 xubnood. “Waxaan u cadeyneynaa saamileyda siyaasadda, shacabka Soomaaliyeed iyo beesha caalamka, in wax talo ah aanaa ku laheyn, wax xoga oo sax ahna aanaa ka helin sida loo dhigay arrinta Somaliland oo ka mid aheyd seddax qodob oo xalkooda loo qabtay shirka,” ayaa lagu yiri qoraal ay soo saareyn Siyaasiyiinta ka soo jeeda gobollada waqooyi ee Somaliland, gaar ahaan garabka uu hoggaamiyo guddoomiyaha Aqalka Sare Cabdi Xaashi Cabdullaahi. Ugu dambeyntii qoraalka ay soo saareen siyaasiyiinta gobollada waqooyi garabka uu hoggaamiyo guddoomiye Cabdi Xaashi waxay ku sheegeen in hadii sidaan maanta lagu soo gabagabeeyo shirka ay bulshada Soomaaliyeed iyo warbaahinta la wadaagi doonaan faahfaahin la xariirta qadiyadda doorashada 57-ka kursi oo deegaan doorashadoodu tahay Somaliland, isla markaana ay ka qaadan doonaan go’aan masiiri ah. The post Xog: Heshiiska doorashada ma gudoomiye Cabdi Xaashi ayaa diidan mise xubno kale? appeared first on Caasimada Online.

Hargeysa (Caasimada Online) – Guddoomiyaha xisbiga Ucid, Faysal Cali Waraabe ayaa ka hadlay jawaab uu madaxweynaha Somaliland ka bixiyey eedeyn uu sheegay in uu dhawaan u jeediyay, islamarkaana dhalisay hadal hayn badan. Guddoomiye Faysal ayaa ugu horeyntii iska fogeeyay hadalka uu jawaabta ka bixiyey Muuse Biixi, kaasi oo uu ku sheegay inuu ugu yeeray “hogaamiye badow ah”. Muuse Biixi oo ka jawaabaya eedeyn uu sheegay inay uga timid Faysal Cali Waraabe ayaa isku sifeeyay wax uu ugu yeeray “Badownimo”, wuxuuna sheegay in midaasi uu ku hogaaminayo Somaliland oo xiligan ku jirta ololaha doorashooyinka golaha wakiilada iyo deegaanada oo sanado badan aan qabsoomin. “Shalay waxa hadlay Xisbiga UCID oo yidhi Dawladdu waa mid Badow ah oo Madaxweyne Badow ah ayaa u taliya, waar Anigu Badow baan ahay Soomaaliyeey, Badownimada waan ku faanayaa, badownimo ayaanan wax ku hoggaaminayaa, waxaanan u sheegayaa Guddoomiyaha Xisbiga UCID anigu Badownimada Abtiyaashay baan ka raacay oo waan haysanayaa,” ayuu yiri. Haddaba, Faysal Cali Waraabe oo daba-socda hadalka Muuse Biixi ayaa sheegay in madaxweynaha uu ku riyooday, islamarkaana aysan jirin meel uu ka sheegay sifada uu isku tilmaamay ee “Badownimada, sida uu hadalka u dhigay. “Madaxweynaha markuu hadlayay waxa uu sheegay in aan ku sheegay Badow, waxaan ka xumahay madaxweynaha kalmadaa ma odhan malaha wuu igu riyooday, kalmadaa ma odhan,” ayuu yiri Guddoomiye Faysal Cali Waraabe oo ka hadlayey meel fagaare ah oo isugu soo baxeen taageerayaasha xisbiga Ucid. Hadalka Muuse Biixi ayaa hadal hayn badan ka dhaliyey baraha bulshada, ayada oo siyaabo kala duwan loo fasiray, waxaana la yaab noqotay qaabka uu iskugu-sifeeyay. The post Arrinta yaabka laheyd ee uu isku sifeeyay Muuse Biixi Cabdi oo jawaab laga bixiyey appeared first on Caasimada Online.

Ramaallah (Caasimada Online) – Xoghayaha Arrimaha dibadda dalka Mareykanka Antony Blinken ayaa sheegay in golaha Congaress-ka uu ka codsan doono$ 75 milyan oo dollar oo ah gargaar loogu fidinayo Falastiiniyiinta ku sugan Gaza, kadib xabad joojintii dhawaan la gaaray ee lagu soo afjaray dagaalkii u dhaxeeyay Israel iyo ururka Xamas. Blinken ayaa ku dhawaaqista sameeyey kadib wadahadal uu Talaadadii Ramallah kula yeeshay madaxweynaha maamulka Falastiin Mahmoud Abbas. “Waan ognahay in wareeggii ugu dambeeyay ee colaadda ay calaamad u tahay arrimo intan ka ballaaran oo ay tahay inaan wax ka qabanno haddii aan ka hortageyno soo laalaabashadeeda, waana taas midda aan ka wada hadalnay,” ayuu yiri xoghayaha Arrimaha dibadda Mareykanka Antony Blinken. Waxa uu intaasi ku daray inay soo dhoweynayaan xabad joojinta sii socota, laakiin taasi aysan ku filneyn, ayna isku dayayaan in arrimaha ay ula dhaqaaqaan jiho dhab ah oo wanaagsan. Blinken ayaa Talaadadii sidoo kale ku celiyay in maamulka Mareykanka ee uu hoggaaminayo madaxweyne Joe Biden uu rumeysan yahay in xalka laba dhinac ee Falastiin iyo Israa’iil ‘uu yahay jidka kaliya ee si dhab ah loogu xaqiijin karo mustaqbalka Israel ee dowlad Yuhuud dimoqraadi ah, iyo dabcan, in la siiyo Falastiiniyiinta gobolka ay xaqa u leeyihiin.” Dibluomaasiga ugu sarreeya Mareykanka ayaa sheegay in Mareykanku uu dib u furayo qunsuliyadda magaalada Qudus uu ku leeyahay, kadib markii maamulkii hore ee Trump uu xiray sanadkii 2019-kii. The post Maxay tahay sababta uu Mareykanka kharashka badan ugu balan qaaday Falastiin? appeared first on Caasimada Online.

Hargeysa (Caasimada Online0 – Guddiga doorashooyinka Somaliland ayaa dhawaan soo saaray jadwal ay u dajiyeen ololaha doorashada isku-sidkan ee golayaasha wakiilada iyo deegaanka ee Somaliland, kaasi oo qorshihiisa uu fashilmay. Sida ay ogaatay Caasimada Online, Ololaha doorashada ayaa u dhacay qaab ka baxsan midkii ay u qorsheyeen guddiga, kaasi oo dhigayay in xisbi walba uu hal maalin sameeyo isku soo bax weyn, isagoo cududiisa kusoo bandhigaya fagaarayaasha magaalada. Komishanka doorashooyinka Somaliland ayaa dejiyay qorshe dhigayay in saddex xisbi qaran ee Ucid, Kulmiye iyo Waddani ay fagaarayaasha iskugu soo baxaan taariikhda 23,24 iyo 25-ka bisha oo keliya, halka maalmaha kale ee 26,27 iyo 28-ka isla bishaan ay ku ololeeyaan xafiisyada iyo xarumahooda oo keliya, ayaga oo sameynaya isku soo bax kooban. Qorshaha dambe ee dhigaya in xisbiyada ay taageerayaashooda iskugu yeeraan si gooni-gooni ah xafiisyadooda oo uga ololeeyaan ayaa gebi ahaanba uu hareer maray xisbiga Ucid, oo maanta uu qorshuhu ahaa in xafiisyadood oo keliya ku sameeyen isku soo bax kooban kuwaasi oo isku soo baxyo weyn ka dhigay fagaarayaasha magaalada. Sida ay Caasimada Online u sheegen qaar kamid ah howl-wadeenada guddiga doorashooyinka Somaliland, qorshaha guddiga ayaa ahaa oo keliya in xisbi kasta uu hal maalin oo keliya isugu baxaan fagaarayaasha, si loo yareeyo saameynta ka dhalan karta tiro badan oo dad ah oo iskugu imaanaya fagaaro weyn, arrimo jira awgeed. Lama oga sababta keentay in xisbiyadu hareer-maraan jadwalka Komishanka, kaasi oo saaka jabiyey xisbiga Ucid, sidoo kale ma cadda in xisbiyada Waddani iyo Kulmiye in ayaguna ay qaadi doonaan tallaabada uu maanta u horkacay Ucid iyo haddii ay u hogaansami doonaan jadwalka Komishanka qaranka uu u dajiyey ololaha doorashada. Somaliland ayaa 31-ka bishaan waxaa ka dhici doonta doorashooyinka golaha wakiilada iyo deegaanka oo muddo sanado badan ah aan qabsoomin, waxaana socota qaban-qaabadii u dambeysay ee u diyaar garowga doorashooyinkaas. The post Xog: Qorshe ay diyaariyeen guddiga doorashooyinka Somaliland oo fashilmay appeared first on Caasimada Online.

Kooxda kubadda cagta Villarrea ayaa ku guuleysatay koobka labaad kooxaha Yurub ee Europa League, markii ay riigoorayaal ku garaacday Manchester United. Ciyaarta kama dambeysta oo xalay ka dhacday dalka Poland ayaa ku dhamaatay 1-1 waqtiga caadiga ah iyo waqtiga dheeriga ah. Kooxda reer Spain ee Villarrea ayaa qaybtii hore ee ciyaarta la hormartay gool uu u dhaliyey Moreno, waxaase barbarraysay United oo qaybtii dambe uu u dhaliyey Edinson Cavani. Riigoorayaal loo dhigay labada kooxood ayaa 11-10 ku badisay Villarreal, waxaana Manchester United guuldarrada ku hoggaamiyey goolhayahooda David de Gea oo gool ku laadkii ugu dambeeyey laga qabtay. Villarreal ayaa ciyaareysay finalkoodii ugu weynaa abid, tababare Emery wuxuu markii afraad ku guuleystay koobka Europa League, horey wuxuu saddex jeer kula guuleystay kooxda Sevilla. Dad badan ayaa sanadkan Manchester United u saadaaliyay koobka Europa League, iyagoo ku qiimeynaya taariikhdeeda qotada dheer, balse taasi ma dhicin. PUNTLAND POST The post Villarrea oo ku guuleysatay koobka Europa League appeared first on Puntland Post.

Mogadishu (PP News Desk) — Progress on Somalia electoral talks seems to be facing another hurdle following a claim by the Upper House Chairman Abdi Hashi that he had not been consulted on the key points to be included in the communique on an electoral agreement to be signed today by key stakeholders. Hashi rejected the clause in 17 September electoral agreement that stipulates MPs and Senators from Somaliland will be selected by Hashi and Mahdi Guled, the Deputy Prime Minister. Somaliland MPs and Senators associated with Hashi have denounced the electoral agreement that had ended months of political uncertainty due to deadlock over the electoral model. Prime Minister Mohamed Hussein Roble reportedly sought to persuade Hashi to throw his weight behind the soon-to-be signed electoral agreement. Hashi has demanded full privilege to select Somaliland MPs and Senators. “Mahdi Guled will facilitate the selection process of the remaining MPs and Senators from Somaliland if Hashi keeps sticking to his guns.” said a pro-Union Somaliland political activist in Mogadishu. © Puntland Post, 2021 The post Disagreements over Selection of Somaliland MPs Overshadow Electoral Talks appeared first on Puntland Post.

Madaxweyne ku xigeenka Hirshabeelle Yuusuf Axmed Hagar (Dabageed), Guddoomiye ku-xigeenka koowaad ee Baarlamaanka Dowlad Goboleedka Hirshabeelle Siraaji Sheekh Isxaaq, Wasiiro iyo Xildhibaanno ka tirsan Dowladda Federaalka Soomaaliya oo dhowaanahan Beladweyne ka wada dadaallo lagu xalinayo beelo lagu dagaalamay duleedka Beladweyne ayaa kulan la qaatay horjoogayaasha maleeshiyaadka dagaalamay, kuwaasi oo ugu dambeyn balan qaaday inay Nabadda ka shaqeyn doonaan. Guddoomiye ku-xigeenka koowaad ee Baarlamaanka Dowlad Goboleedka Hirshabeelle Siraaji Sheekh Isxaaq, ayaa ugu baaqay bulshada inay Nabadda ka shaqeeyaan oo ay ka hortagaan cidkasta oo abuureyso amni darro. Madaxweyne ku-xigeenka dowlad Goboleedka Hirshabeelle Yuusuf Axmed Hagar (Yuusuf Dabageed) ayaa ugu baaqay shacabka ka barakacay deegaannada ay colaadda ka dhacday inay dib ugu soo laabtaan guryahooda, Maamulkana uu ka shaqeyn doono sidii Nabadgelyada loo xoojin lahaa. “Cidkasta oo dagaalka la ajligiisa uga qaxday Beladweyne, gaar ahaan xaafadda Hilaac haku soo noqoto guryahooda, Alle ka sokow anagaa u joogno oo u balan qaadeyno, ma arkayaan wax dhibaato ah, haku soo laabteen guryahooda iyo goobahooda ganacsiga” ayuu yiri Madaxweyne ku-xigeenka Hirshabeelle. PUNTLAND POST The post Dadkii ku barakacay colaadii Beledweyne oo loogu baaqay in ay dib ugu laabtaan guryahooda appeared first on Puntland Post.

Waxaa la la’ayahay dhowr qof oo ku nool Waqooyiga galbeed ee dalka Nigeria kaddib markii dooni ay saarnaayeen ay u kala go’aday laba qeybood kadibna quustay. Rakaabka saarnaa doonida ayaa u badnaa haween iyo carruur, kuwaas oo ka soo safray dalka Niger kuna sii jeeday gobolka Kebbi ee dalka Nigeeia Mid ka mid ah dadka badbaaday ayaa sheegay in ilaa 40 qof la soo badbaadiyey, laakiin xaalku uma eka in dad badan lasoo samata bixin doonin. PUNTLAND POST The post Dad lagu la’yahay doon ku degtay Niger appeared first on Puntland Post.

Siyaasiyiinta gobollada Waqooyi (Somaliland), gaar ahaan garabka Cabdi Xaashi hoggaamiyo ayaa sheegay in aysan qayb ka ahayn shirka wadatashiga dooarshada ee Muqdisho. Qoraal ay caawa soo saareen siyaasiyiintan ayay ku cadeeyeen in aysan qeyb ka ahayn go’aamada ka soo baxa shirka, dibna faahfaafin kala wadaagi doonaan shacabka Soomaaliyeed iyo warbaahinta. Labada garab ee siyaasiyiinta Waqooyi oo ay kala hoggaamiyaan Ra’iisul Wasaare ku xigeenka Soomaaliya Mahdi Guuleed iyo Guddoomiyaha Aqalka Sare Cabdi Xaashi ayaa ku heshiin waayay guddiga doorashada xildhibaannada Waqooyi. Qoraalka garab kamid ah siyaasiyiinta Waqooyi ayaa ku soo aadaya, iyadoo la filayay in berri la soo xiro shirka wadatashiga doorashada Soomaaliya oo muddo 5 maalmood ah ka socday Teendhada Afisyoone. Dhanka kale warar aan helnay ayaa sheegaya in Ra’iisul Wasaare Rooble iyo qaar kamid ah madaxweynayaasha dowlad goboleedyadu wadaan dadaalo lagu xallinayo khilaafka siyaasiyiinta Waqooyi, lagana yaabo in xal laga gaaro saacadaha soo socdo. PUNTLAND POST The post Shirka Muqdisho oo weli khilaaf ka taagan yahay appeared first on Puntland Post.

Muqdisho (Caasimada Online) – Siyaasiyiinta ka soo jeeda gobollada waqooyi ee Somaliland, gaar ahaan garabka uu hoggaamiyo guddoomiyaha Aqalka Sare Cabdi Xaashi Cabdullaahi ayaa caawa soo saaray qoraal ay ku cadeynayaan in shirka berri la soo gabagabeynayo ee heshiiska looga gaaray khilaafka doorashooyinka aysan cidna ku metelin, isla markaana wixii kasoo baxa aysan khusey doonin. Qoraalkaan waxay ku sheegeen in maalmahaan ay rajo ka qabeen in shirka ka socda Afisyooni laga qeyb geliyo guddoomiye Cabdi Xaashi oo ay u arkaan inuu muhiim u yahay midnimada iyo wax ka go’aaminta arrimaha masiiriga ah ee dalka, balse taasi aysan dhicin shirkuna uu u muuqdo mid gabagabo ah. “Waxaan u cadeyneynaa saamileyda siyaasadda, shacabka Soomaaliyeed iyo beesha caalamka, in wax talo ah aanaa ku laheyn, wax xoga oo sax ahna aanaa ka helin sida loo dhigay arrinta Somaliland oo ka mid aheyd seddax qodob oo xalkooda loo qabtay shirka,” ayaa lagu yiri qoraalka. Ugu dambeyntii qoraalka ay soo saareen siyaasiyiinta gobollada waqooyi garabka uu hoggaamiyo guddoomiye Cabdi Xaashi waxay ku sheegeen in hadii sidaan berri lagu soo gabagabeeyo shirka ay bulshada Soomaaliyeed iyo warbaahinta la wadaagi doonaan faahfaahin la xariirta qadiyadda doorashada 57-ka kursi oo deegaan doorashadoodu tahay Somaliland, isla markaana ay ka qaadan doonaan go’aan masiiri ah. Dhinaca kale, xog aan helnay ayaa sheegeysa in Cadbi Xaashi uu ogol yahay sida wax loo qeybiyey, balse waxa diidan yihiin xildhibaanada ku xiran. Berri oo Khamiis ah ayaa lagu wadaa in lasoo gabagabeeyo shirka ra’iisul wasaare Rooble, madaxda dowlad goboleedyada iyo duqa Muqdisho uga socday todobaadkaan teendhada Afisyooni, balse waxaa suurtagal ah in arrintaan ay sababto inaan berri lasoo xirin shirka. The post Garabka Cabdi Xaashi oo ka horyimid heshiiska doorashada appeared first on Caasimada Online.

Baydhaba (Caasimada Online) – Wasiirka waxbarashada maamulka Koonfur Galbeed Soomaaliya Maxamed Yuusuf Xasan oo maanta shir jaraa’id ku qabtay magaalada Baydhaba ee gobolka Bay ayaa eedeyn la xariirta imtixaanka shahaadiga ah ee dugsiyada sare waxa uu u jeediyey mas’uuliyiinta wasaaradda waxbarashada dowladda federaalka. “Dowlad Goboleedka Koonfur Galbeed Soomaaliya mas’uuliyad buuxda ayaa ka saaran waxbaridda dhammaan ardayda deegaanka Ceelasha Biyaha, degmada Afgooye iyo guud ahaan deegaanada dowlad goboleedka Koonfur Galbeed Soomaaliya,” ayuu yiri wasiir Maxamed Yuusuf. Wasiirka waxbarashada K/Galbeed waxa uu shirkiisa Jaraa’id uga hadlay seddax qodob, kuwaas oo kala ah: 1 – In waqti hore ay mas’uuliyiinta ugu sareysa wasaaradda waxbarashada DF, sida Wasiirka iyo Agaasimaha guud ay imtixaanka dugsiga sare halkooda looga qaado ardayda ku nool deegaanka Ceelasha Biyaha. “Wasaaradu waxay diiday in Ceelasha Biyaha xarun imtixaan laga dhigo, iyadoo ardayda deegaankaasi ay cabasho badan ka soo gudbiyeen, ayna ku adagtahay inay Muqdisho u aadaan imtixaanka dugsiga sare, maadaama ay dhibaato badan kala kulmayaan jidka.” 2 – In balan ka baxyo ay ku sameeyeen mas’uuliyiinta wasaaradda waxbarashada dowladda federalka. “Agaasimaha Guud ee Wasaaradda Waxbarashada iyo Wasiirkiisa waxa ay cadeeyeen in Ceelasha Biyaha aysan suurtagal aheyn in xarun imtixaan laga dhigo duruufo amni awgeed. Sidaa darteed waxay soo jeediyeen in ardeyda degaankoodu yahay Ceelasha Biyaha loo wareejiyay degmada Afgooye. Taasna Wasaaraddu waa nooga baxday.” 3 – In jahwareer iyo khalkhal uu soo wajahay ardeyda Koonfur Galbeed ee wax ku baratay deegaanka Ceelasha Biyaha. “waxay weli garan la’yihiin goobta ay Imtixaanka ku galayaan, iyadoo waqtigu uu ku dhamaaday.” “Dowlad Goboleedka Koonfur Galbeed waxay ka soo horjeedaa in lagu tunto xuquuqda ardayda deegaanka Ceelasha Biyaha. cawaaqibka iyo dhibaatada ka dhalatana waxaa qaadaya wasaaradda waxbarashada dowladda federaalka, maadaama la jahwareeriyay ardayda, waalidiinta iyo bulshada deegaanka intaba,” ayuu yiri wasiirka waxbarashada maamulka K/Galbeed. Waxa uu sheegay in degmada Afgooye ay ku diyaariyeen xarumihii imtixaanka ay ku gali lahaayeen ardayda wax ku baratay deegaanka Ceelasha Biyaha ee sanadkan u fariisaneysa imtixaanka shahaadiga ah ee dowladda dhexe. “Wasaaradda waxbarashada Koonfur Galbeed waxay si deg deg ah uga codsanaynaa wasaaradda waxbarashada DF in ardayda aan la geyn xarumaha lagu soo qoray ee Gahey iyo SYL Muqdisho, balse loo wareejiyo degmada Afgooye,” ayuu hadalkiisa ku sii daray wasiirka oo shir jaraa’id ku qabtay magaalada Baydhaba. Isagoo sii hadalyey ayuu yiri, “Hadii arrintaan jawaab deg deg ah aysan ka bixin wasaarada waxbarashada federaalka, waxay saameyn ku yeelan doontaa wadashaqeyntii fiicneyd ee ka dhaxaysay labada wasaaradood ee waxbarashada u kala qaabilsan Koonfur Galbeed iyo Dowladda Federalka.” Hoos ka Daawo The post DF iyo Koonfur Galbeed oo isku haysta deegaanka Ceelasha Biyaha appeared first on Caasimada Online.

Dhuusamareeb (Caasimada Online)-Dagaalamayaasha Al-Shabaab ayaa galabta Maqribkii weerar gaadmo ah ka geystay inta u dhaxeysa magaalada Dhuusamareeb iyo deegaanka Ceeldheere oo kala bara magaalooyinka Gurceel iyo Dhuusamareeb ee Galmudug. Weerarkaas ayaa si gaar ah uga dhacay tuulo lagu magacaabo Xaayow oo ay ku sugnaayeen ciidan Macawiisley ah, kuwaas oo isku baheystay in wadada laamiga ah ee xariirisa Gurceel iyo Dhuusamareeb ay ka difaacaan Al-Shabaab. Ugu yaraan seddax nin oo ka tirsanaa ciidanka Macawiisleyda ah ee iska abaabulay deegaankaas ayey Al-Shabaab dileen, halka dhaawacyo kalena la gaarsiiyey isbitaallada Dhuusamareeb, sidoo kale waxa ay gubeen gaari uu Saad u saarnaa. Wararka aan ka heleyno dadka deegaanka waxay intaas ku darayaan inay jiraan askar Macawiisley ah oo la weysan yahay nolol iyo geeri, kuwaas oo laga cabsi qabo inay Al-Shabaab afduubteen. Weerarka ayaa dhacay intii lagu jiray salaadii Maqrib, waxayna Al-Shabaab soo gaadeen raggaan oo aad u tira yaraa, waxaana la sheegay inay kala kulmeen iska cabin xoog leh, iyadoo ugu dambeyn laga taag roonaaday ciidankii lasoo weerar ee deegaanka. Wararkii u dambeeyey ee aan ka heleyno deegaankaas waxay sheegayaan in saraakiil iyo ciidan xoog leh oo ka tirsan qeybta 21-aad ay caawa gaareen tuuladii lagu dagaalamay, balse hortood waxaa deegaanka isaga baxay Shabaabkii soo weeraray. Tan iyo markii gacan ku heynta gobollada dhexe lagala wareegay ururkii Ahlu-Sunna. Kooxda Al-Shabaab ayaa culeys badan soo saartay magaalooyinka ugu muhiimsan Galgaduud ee Dhuusamareeb iyo Gurceel, waxaana cabsi lagu maraa wadada uu galabta weerarku ka dhacay ee xariirisa labadaas magaalo. The post Khasaare ka dhashay weerar culus oo Al-Shabaab ay ka fuliyeen duleedka Dhuusamareeb appeared first on Caasimada Online.

Ethiopia is currently going through a tough time with reports of mass killings being reported from every corner. Still, the military operation in Tigray is seemingly the only one getting the most media attention. Source: Hiiraan Online

Muqdisho (Caasimadda Online) – Waxaa Khamiista Berri ah lagu wadaa in heshiiska doorashada lagu saxiixo xerada Afisyooni kadib wada hadal socday muddo ku dhow todobaad oo guulo laga gaaray Munaasabaddan oo marka laga reebo ra’isul wasaararaha, madaxda maamul goboleedyada iyo guddoomiyaha Banaadir ay sidoo kale kasoo qeyb galayaan madaxweyneyaashii hore sida Sheekh Shariif, Xasan Sheekh iyo Farmaajo ayaa lagu wadaa in marka hore war-murtiyeed laga akhriyo, kadib khudbado la galo. Xubnaha bulshada rayidka ayaa sidoo kale la casuumay. Warar horudhac ah oo aan ka helnay shirka ayaa sheegaya in heshiiska uu noqonayo inta badan isafgaradkii guddiyada farsamada ee Baydhabo 15-16-kii February 2021-kii. Siyaasadda: War-murtiyeedka Khamiista soo baxaya waxaa la adkeyn doonaa in doorashada ka dhacdo labo deegaan doorasho oo maamul goboleed kasta ah iyada oo xal laga gaaray Gedo oo markii hore uu Farmaajo ku dheganaa. Waxaa kale oo sidii hore ahaan doonta tirada cod bixiyeyaasha ee dooran doonta halka kursi oo ah aheyd 101, waa golaha shacabka ee baarlamaanka federaalka ah ee Soomaaliya. Waxaa kale oo baarlamaannada heer Dowlad Goboleed ay soo dooran doonaan Xildhibaannada Aqalka Sare ee baarlamaanka federaalka ah ee Soomaaliya. Guddiyadii lagu mursananaa ay isabadal lagu sameeyey, iyada oo la filayo in ra’isul wasaaraha iyo maamul goboleedyada ay soo magacaabaan xubno hor leh. Waxaa xusid muran in Guddiga Hirgelinta Doorashooyinka Heer Federaal (FEIT) oo labo guddi ah oo midka doorashada iyo kan khilaafaadka ah uu ka kooban yahay 25 xubin, oo maamul goboleed kasta mid labo xubin ku leeyahay halka guddiga hirgelinta doorashooyinka heer dowlad Goboleed(SEIT) uu maamul goboleed kasta dhisayo 11 xubin. Arrinta Somaliland: Guddoomiye Cabdi Xaashi oo odeyga ugu sareeya siyaasiyiinta Somaliland waxaa ay Farmaajo iyo kooxdiisa u diideen in isaga iyo Mahdi Guuleed ay mid labo xubin ku lahaadaan FEIT, waxaa kale oo loo diiday in la kala barto guddiga SEIT. Guud ahaan 15-ka xubin ee laga sugayo Somaliland waxaa la siiyey Cabdi Xaashi 5 xubin oo keliya taas oo ka dhigan in Mahdi Guuleed oo ah gacanta midig ee Farmaajo uu inta badan maamulayo doorashada Somaliland. Amniga: Wararka waxaa ay sheegayaan in amniga doorashada ay sugi doonaan AMISOM iyo ciidamada booliiska iyada oo laga ilaalin doono xoogga dalka iney ku lug yeeshaan siyaasadda iyo arrimaha doorashada, waxaa kale oo la xusi doonaa in booliiska ay noqdaan kuwii hore, ee aan aheyn kuwa gaarka ah ee dhowaan sameystay Farmaajo. Xulista: In xulista ergada ay iska kaashanayaan odayaasha dhaqanka, bulshada rayidka ah iyo Dowlad Goboleedka. Qoodada Haweenka: In qoondada haweenka ee 30% ah la ilaaliyo. Jadwalka Doorashada: Wararka ayaa sheegaya in la dejinayo jadwal doorasho oo macquul ah iyada oo lix bil gudaheed lagu soo gabagabeyn doono dhammaan doorashooyinka 2021-ka. Inta badan waxba iskama badalayaan shuruuradaha laga rabo xubnaha ka mid noqonaya baarlamaanka iyo lacagta laga rabo oo $20,000 aqalka sare iyo $10,000, aqalka hoose. Maalgelinta: Doorashada 2021-ka, waxaa maalgelin doona deeqbixiyeyaasha caalamka iyada oo dowladda federaalka ah ay qeyb ka noqon doonto. Xigasho: Goobjoog News The post Nuxurka heshiiska doorashada ee Khamiista lagu saxiixayo Muqdisho appeared first on Caasimada Online.

(SLT-Hargeysa)-Iyadoo dharaaro koobani ay inaga xigaan wakhtigii ay dalka ka qabsoomayeen doorashooyinka isku sidkan ee Wakiillada Iyo degaanka, kuwaas oo toddobaadka dambe dalka ka qabsoomaya,ayaa waxa jirta loollan u dhaxeeye Xisbiyadda KULMIYE iyo WADDANI, kuwaas oo ku laacdamaya sidii uu mid waliba u noqon lahaa xisbiga heleya aqlabiyadda Xildhibaanada Golayaasha degaanka iyo Wakiillada ee Gobolka Awdal, waxaanay Xukuumaddu halkaas u dirtay Wefti uu hoggaaminayo Madaxweyne ku-xigeenka Somaliland Cabdiraxmaan Saylici,halka uu Xisbiga WADDANI u diray masuuliyiin uu hoggaaminayo Musharrax Madaxweyne ku-xigeenka Maxamed Cali Aw Cabdi Xisbiga WADDANI ayaa isagu ku mitidaya inuu sii haysto taageerada baaxad leh ee Gobolka Awdal,maddaama uu doorashadii ugu dambaysay uu ahaa Xisbiga ugu codadka baddan,halka ay Xukuumaddu doonayso inuu doorkan Xisbiga KULMIYE noqda mid aqlabiyad Xildhibaanada Golayaasha degaanka iyo Wakiillada gobolkaas helaya,isla markaana hoggaanka kale wareega WADDANI. Dhinaca kalena waxa muuqata in Xisbiga KULMIYE iyo xukuumaddiisu ay dooranka duub-ka u xidhaan,isla markaana ay dedaal ugu jiraan sidii ay taageerada reer Awdal u heli lahayeen oo ay doorashooyinka u noqon lahayeen Xisbiga helaya codadka ugu baddan Gobolkaas,waxaanay samaynayaan tallaabo kasta oo ay u arrkaan mid guul ay ku gaadhi karraan,iyadoo Madaxweynaha ku-xigeenka Saylici iyo Wasiiradda Xukuumadda ee reer Awdal ay lacago ku asqeyeen Gobolka,kuwaas oo ay soo jilaabanayaan cida ka soo horjeeda. Geesta kalene Xisbiga Mucaaradka ah ee WADDANI ayaa masuuliyiinta Gobolkaas ka soo jeeda ee uu hoggaaminayo Musharrax Madaxweyne ku-xigeenka Xisbiga Maxamed Cali Aw Cabdi ayaa ku dedaalaya iyana inay sii adkaystaan guushii Gobolka iyagoo dadka ku wacyigelinaaya ka cuna KULMIYE oo u codeeya,WADDANI,iyo kullamo hoose oo ay la yeelanayaan Musharraxiinta iyo beelaha oo farsamooyin watta . Gunaanadkii Xisbiga KULMIYE ayaa waxa ka go’an doorkan inuu kaga adkaado doorashooyinka Gobolka Awdal Mucaaradka,halka Xisbiga WADDANI-na uu doonaya inuu guushiisii Gobolka sii laba jibaaro, waxaynu eegnaa waa toddobaadka dambe iyo natiijadda doorashooyinka iyo kooxda Wasiiradda KULMIYE ee Madaxweyne ku-xigeenku uu hoggaaminayo iyo Kooxda Musharrax Madaxweyne ku-xigeenka Xisbiga WADDANI Maxamed Cali Aw Cabdi midka ku adkaada Awdal Source

(SLT-Hargeysa)-Madaxweyne Muuse Biixi ayaa Xukuumaddiisa waxa ka bannaan muddo bilo ah xilal dhawr ah oo mihiim u ahaa Qaranka, kuwaas oo ay iska casileen Musharraxiin u tartamaya doorashooyinka dhammaadka bishan May ka dhacaya dalka oo ka sharraxan Xisbiga KULMIYE,waxaana kamid ah xilalka bannaan Wasiirka arrimaha debada, Afhayeenkii, Madaxweynaha iyo masuuliyiina Hay’adda jidadka iyo xilal kale, kuwaas oo la filayey inuu baddelkooda magacaabo, balse aanu magacaabin ilaa hadda. Xoggo uu Wargeysa Waaberi ka helay illo wareedyo rasmi ah ayaa sheegay in Madaxweyne Biixi aanu wax magacabis ah samaynayn ilaa inta doorashadu ay ka dhacayso,isla markaana la soo saarayo natiijooyinka doorashooyinka. Xoggaha aanu helnay ayaan intaas ku daray in Madaxweyne Biixi uu masuuliyiin ay kamid yihiin Wasiirkii hore ee arrimaha debada Yaasiin Xaaji Maxamuud Faratoon oo kamid ah musharraxiinta Xisbiga KULMIYE ee Gobolka Sool inay Madaxweynaha ku ballameen in haddii uu ku guul-daraysto doorashada in uu dib ugu magacaabo xilkii uu iska casiley ee arrimaha debad,taas oo la sheegay inay tahay sababta uu mudda’daa dheer u bannaan yahay ee uu Madaxweyne Biixi u magacaabi waayey. Waxa kale oo xoggu sheegeen in Afhayeenkii hore ee Madaxweyne Biixi, Maxamuud Warsame Jaamac oo isna ah Musharrax uga tartamaya Xisbiga KULMIYE golaha Wakiillada ee Gobolka Sanaag in Madaxweynuhu uu u sheegay in haddii uu ku guul-daraysto tartanka doorashada inuu dib ugu magacaabi doonno doorashada kadib booskii uu hore iskaga casiley ee Afhayeenka Madaxtooyadda,waxaana la sheegay inay tahay sababta kor loogu hayo ee uu u soo magacaabi waayey,taas oo lala sugayo guusha iyo guul-dara uu Afhayeenkii hore ka gaadho doorashada. Si kastaba ha-ahaatee Madaxweyne Biixi ayaa u muuqda inuu ku dhici la’yey inuu buuxiyo xilalka ay iska casileen Wasiirkii hore ee arrimaha debada iyo Afhayeenkii Madaxtooyadda Maxamuud Warsamed iyo xilalka kale,kuwaas oo dhawr bilood ka hore iska casiley si ay ugu tartamaan doorashooyinka Wakiillada iyo Degaanka,balse waxa muuqata in kor loo hayo oo lala sugayo guusha iyo guul-darada ay ka gaadhaan doorashooyinka,waxaynu eegnaa doorashada kadib sida uu xaal noqdo iyo in masuuliyiintaa boosaskoodii dib loogu magacaabo haddii ay guul-daraystaan iyo in kale. Source

Reimbursements to Kenya for its troops fighting Al-Shabaab militia in Somalia fell short of target by Sh3.51 billion in nine months to March as the UN-backed planned date for troops withdrawal draws closer. Source: Hiiraan Online

(SLT-Burco)-Magaalada Burco ee Xarunta Gobolka Togdheer ayaa waxaa Goordhawayd ku geeriyooday Allaha u naxariistee Abwaan Sooraan Ismaaciil Sugule oo si weyn loo yaqaanay deegaanada Soomaalida. Abwaan Sooraan Ismaaciil ayaa maalmihii lasoo dhaafay la xanuunsanayay Cudurka halista ah ee COVID-19 oo ku dhacay, waxaana xanuunkii haayay uu ugu geeriyooday cisbitaal ku yaalla Magaalada Burco oo uu ku jiray. Geerida ku timid Abwaanka ayaa waxaa xaqiijiyay Agaasimaha Isbitaalka Burco Dr. Cabdi Suudi iyo qaar kamid Eheladiisa, waxaana geerida Sooraan Ismaaciil ka tacsiyeeyay Abwaano Mas’uuliyiin, siyaasiyiin iyo qeybaha kala duwan. Allaha u naxariistee Sooraan ayaa waxaa uu ahaa Majaajiliiste caan ku ahaa jilista sheekooyinka, isla markaana waxaa uu sidoo kale sameeyn jiray ruwaayadaha, waxaana dhowr jeer oo hore si been abuur ah loo shaaciyay inuu dhintay. Source

Qaran News

Hargeysa (Caasimada Online) – Madaxweynaha Somaliland, Muuse Biixi Cabdi oo ka qeyb-galay ololaha xisbiga Kulmiye ee uu guddoomiyaha u yahay ayaa fagaaraha ka sheegay arrin yaab leh, isaga oo ka jawaabaya eedeyn uga timid guddoomiyaha xisbiga Ucid. Muuse Biixi ayaa isku sifeeyay wax uu ugu yeeray “Badownimo”, wuxuuna sheegay in midaasi uu ku hogaaminayo Somaliland oo xiligan ku jirta ololaha doorashooyinka golaha wakiilada iyo deegaanada oo sanado badan aan qabsoomin. “Shalay waxa hadlay Xisbiga UCID oo yidhi Dawladdu waa mid Badow ah oo Madaxweyne Badow ah ayaa u taliya, waar Anigu Badow baan ahay Soomaaliyeey, Badownimada waan ku faanayaa, badownimo ayaanan wax ku hoggaaminayaa, waxaanan u sheegayaa Guddoomiyaha Xisbiga UCID anigu Badownimada Abtiyaashay baan ka raacay oo waan haysanayaa,” ayuu yiri. Hadalka Muuse Biixi ayaa hadal hayn badan ka dhaliyey baraha bulshada, ayada oo siyaabo kala duwan loo fasiray, waxaana la yaab noqotay qaabka uu madaxweynaha Somaliland uga jawaabay eedeyntii Faysal Cali Waraabe. Guddoomiyaha Xisbiga UCID ayaa dhawaan sheegay in Somaliland uu xukumo Madaxweyne Badow ah, oo ula jeedo Muuse Biixi oo haya xilka ugu sareeya ee Somaliland ahna hogaamiyaha xukuumadda Kulmiye. Jawaabta Muuse Biixi ayaa ayaduna noqotay mid lama filaan ah, ayada oo aan si rasmi ah loo ogeyn ujeedka dhabta ah uu ka leeyahay iyo in macnaha kalmada uu isku sifeeyay mid ka duwan uga dan leeyahay. The post Madaxweynaha Somaliland oo arrin yaab leh isku-sifeeyay appeared first on Caasimada Online.

Qaran News

Qaran News

Qaran News

Ethiopia said Wednesday that 22 officials from the interim administration in the country's Tigray region had been killed by forces loyal to its former ruling party during the six-month conflict there. Source: Hiiraan Online

Xubno ka mida goob joogayaasha caalamiga ah ee dusha kala socon doona doorashooyinka Wakiillada & Deegaanka oo Dalka soo gaadhay 12 Xubnood oo ah goob joogayaasha caalamiga ah ee dusha kala socon doona doorashooyinka isku sidkan ee Wakiillada iyo deegaanka ayaa soo gaadhay Somaliland kadib markii ay martiqaad ka heleen Komiishanka doorashooyinka Qaranka. Warsaxaafadeed ay goob joogayaashani soo saareen oo Wakaalladda wararka Solna ay soo turjuntay ayay ku sheegeen inay goob joogayaashan ay maalgeliso dawlada Ingiriiska. Waxay sheegeen in shaqadoodu noqon doonto u kuurgalida habka ololuhu u socdo, hannaanka doorashadu u dhacayso iyo fulinta shuruucda doorashada iyadoo ay goob joogayaasha caalamiga ah ay arrintaas ka saacidayaan kor joogtada Maxaliga ah. Goob joogayaasha caalamiga ah waxaa kale oo ay sheegeen inay dusha kala socon doonaan Maalinta doorashada iyo tirinta codadka Waxaa kale oo ay intaas ku dareen in goob joogayaashani ay ka kala socdaan dalalka Uk, Masar, Ethiopia, France, Jarmalka, New Zealand, Koonfur Africa, Maraykanka iyo Zambia. Michael Walls oo ah madaxa goob joogayaasha caalamiga ayaa sheegay in doorashadani ay ahmiyad weyn u leedahay dimuquraadiyada Somaliland maadaama la qabanayo doorashada Wakiillada oo lagu gelayo Diiwaangelinta codbixiyeyaasha waxaanu xusay in doorashadan ay ku lamaan tahay ta golayaasha deegaanka. Professor Michael Walls oo ka socda waaxda Horumarinta iyo Qorshaynta ee Jaamacadda UCL, ahna madaxa Kor-joogayaasha Caalamiga ah ayaa yidhi isaga oo daba socda kulan wada shaqayneed oo ay la yeesheen Guddida Doorashooyinka Qaranka: “Doorasho kastaa waa muhiim, doorashooyinka imika dhacayaa iyada oo ah markii labaad ee ay Somaliland qabato doorashooyinka golaha wakiillada, waxa ay noqon doonaan Gole Wakiillo oo ku soo baxay codka dadwaynaha. Isku darista labada doorasho ee deegaanka iyo golaha wakiilladu waxa ay sii kordhinaysaa muhiimadda codka ee bulshada reer Somaliland. Kormeerayaal ahaan, kaalintayadu maaha keliya ololaha, maalinta codaynta iyo natiijada oo keliya, laakiin waxa kale oo noo muhiim ah xeerarka doorashooyinka iyo sida loo fulinayo” Madaxa goob joogayaasha caalamiga ah ee doorashooyinka Somaliland ayaa intaas ku daray in afar bilood kadib ay soo saari doonaan warbixintooda. Qaran News