Port-au-Prince (Caasimada Online) – Booliska dalka Haiti ayaa dilay afar “calooshood u shaqeystayaal” oo ay sheegeen inay ka dambeeyeen dilka madaxweyne Jovenel Moise, ayaga oo laba kalena xabsiga dhigay. Booliska ma aysan shaacin xogta dadkan iyo sababta ay u weerareen guriga Moise ee magaalada caasimadda ah Port-au-Prince, halkaasi oo sidoo kalena ay ku dhaawaceen xaaskiisa, Arbacadii. Madaxa booliska qaranka Haiti Leon Charles ayaa sheegay in weli ay baxsad yihiin xubno kale oo ka tirsanaa kooxda weerarka fulisay. “Afar calooshood u shaqeystayaal ah ayaa la dilay, laba kalena waa lasoo qabtay oo gacanta ayaan ku haynaa. Saddex boolis oo na laga afduubtayna waa lasoo badbaadiyey,” ayuu yiri Charles. Weerarka ayaa abaare 1:00 am ka dhacay guriga gaarka ah ee madaxweyne Moise. Garsoore Carl Henry Destin ayaa wargeyska Nouvelliste u sheegay in 12 xabad lagu dhuftay madaxweynaha, kuwaas oo kaga dhacay madaxa, xabadka, sinta iyo caloosha. Xaaska Moise ayaa iyana lagu dhaawacay weerarka, waxaana lagu daweynayaa isbitaalka Ryder Trauma Center ee magaalada Miami ee dalka Mareykanka oo diyaarad helicopter lagu keenay. Gabadhooda Jomarlie oo guriga ku sugneyd markii weerarka uu dhacay ayaa ka bad-baaday kadib markii ay sariir hoosteeda isku qarisay, sida uu sheegay Destin. Waxa uu intaas ku daray in adeegto iyo laba shaqaale kale oo guriga ku sugnaa ay gacmaha iyo lugaha ka xireen kooxda weerarka soo qaaday. Ra’iisul Wasaare Joseph waxa uu sheegay in madaxweynaha “ay gurigiisa ku dileen koox ajnabi ah oo ku hadlayey luuqadaha English-ka iyo Spanish-ka.” Haiti waxaa looga hadlaa luuqadda Faransiiska. Safiirka Haiti ee Washington Bocchit Edmond ayaa sidoo kale sheegay in dilayaasha ay ahaayeen “xirfadlayaal” calooshood u shaqeystayaal ah, oo iska dhigay wakiilada maamulka Mareykanka u qaabilsan ka hortagga daroogooyinka ee DEA. Moise, oo aan taageero badan haysan ayaa Haiti oo ah dalka ugu saboolsan Latin America, ku xukumayey dikreeto kadib markii doorashooyinkii sharci-dejinta ee lagu waday inay dhacaan 2018 dib loo dhigay. AFP + VOA The post Yaa ka dambeeyey dilka madaxweynihii dalka Haiti? appeared first on Caasimada Online.

“Daggaaalka dadka Aaminsan Fikirka Calmaaniyaddu ay ku hayaan labadan nin oo ay u arkan cadow blse bulshada badbaado u ah” Waxa xulay dhalinyarada barraha bulshada fikir iyo afkaaro laga faafinayo barraha bulshada oo baryahan danbe aad usoo xoogaystay xadhkahana goostay kaas oo ku dhisan arragtida “Calmaaniyadda.” Cilmaani: waxaan ku macnayn karnaa “qof hab-fikirkiisu nololleed ka fogy-yahay diinta”. haddii aan si kale u dhigno waa arragti : waa qorshe lagu doonnaayo in noollaha ama aaddamaha lagu maamulo cilmi loo dajiyey iyo caqli, lagana foggeeyo arrimaha la xidhiidha diinta iyada oo la rabo in laga dhaadhiciyo bulshada in fikirka xorta ahi ka wanaagsanyahay kan diinta. diintuna aannay la jaanqadi karin dawladnimadda casriga ah iyo noloshan ilbaxnimada la xidhiidha ee wakhtigan lagu jiro. si taas dadka looga dhaadhaaciyo waxaa sawir xun laga bixinnayaa wax kasta oo “Diinta Islaamka” la xidhiidha , tusaale ahaan culimada oo dhan waxaa lagu tilmaamayaa in ay yihiin arragaxiso , in ay dadka cabudhiyaan , waxaa dacaayaddo loo samaynayaa malcaamaddaha oo lagu tilmaamayaa goobo ganacsi, waxa ceeb loo samaynayaa wax kasta oo diin la xidhiidha, waxaa xataa lagu odhanayaa lacagaha badan ee inaga gala Masaajidada, inaga oo iskuulo ka samaysana ayaa ka faa’ido badan ama waxyaabo kale oo dan-guuda iyo Dawladnimo la xidhiidha . Hooggooda ee gormaa ayay guryihii ilaahay loogu cibaadaysan jiray ay ka faa’ido bateen “Tiyaatarada ” iyo dhulka lagu caweeyaa, maaxaase masaajidka loo beegsaday ee arrinka looga weeciyay dhismayaal badan oo aan dan iyo diintoona ku jirina. Dadkan aan ka hadlayo waa dhalinyaro reer Hargaysa u badan balse iminka ololhooda gobolada oo dhan ku faafay, saamayn wayn ayuu ku yeeshay, sidii ay u gudbin lahaayeen arragtidaas ku dhisam calmaaniyadda. Labbadan nin ee taswiirtood aan soo qaatay waa Yuusuf Shaacir iyo Cabdimaalik muuse coldoon waa labo nin oo ku addag Diinta isla markaana waxaan odhan karaa, waxay kamid yihiin inta fahmsan duulaankan ka yimi dalalka shisheeye ee ku fiiday caasimada Haragaysa iyo guud ahaan dalka ,baraha bulshadana xooga ku yeeshay baryahan danbe, marar badan ayay ka hadleen khatar ay leeyihiin calmaaniyiinta dalka ku sugani iyo arragtiyaha ay gudbinayaan, sir iyo caadba way inoogu sheegeen lkn wali lama baraarugin dagaalkaasna way ku kaliyaysteen , kooxahaas oo xoog kuleh “Baraha Bulshada” dad badana fikirkooda gaadhsiiyay , waxay duulaan ku qadeen labadan nin, waxay u samayeen daacayaddo iyo hadal-tiro lagu ceebaynaayo sawracoodda , sharftooda iyo dadnimadooda ilaa loo sameeyay sawiro iyo daacayado ay dad badan oo aan waxba fahmsanaynin iska dabayl-raaceeen Barraha Bulshada. Weerarkii lagu qaaday maalmihii aynu soo dhaafnay Abwaan Yusuf shaacir, muu ahayn mid la xidhidhay reernimo iyo muqdisho ee wuxu ahaa daggaal ay soo qaaddeen dadka fikirkaa calmaaniga aaminsan oo ragan u arka cadawga kaliya ee hor istagi kara kuna ah caqabada , lakiin arrinkii markii danbe wuxuu noqday sidii Hees-Hawaleedka oo qof waliba dhinicii u rabay ayuu ula kacay, mid qabyaalad la doonta mid muxibada Somalilanimo madax martay oo isna dhinacaas dagaalka ka gala iyo qoladii awelba ciilka qabtay ee calmaaniyiinta oo dareenka dadka dilaala . Dadka ugu badan ee ay fikirkan ka dhaadhiciyaan Waa haweenka iyo dhalinyarada, waliba kuwa waxbartay lagu tilmaamo in ay noloshii xorta ahayd gaadheen. iyadda oo kuwa kalena loogu hoga-tusaaleeyo in ay ka maqantahay xornimo nololeed oo sal-balaadhin isla markaana noloshooda diintu la xidhiidho ay tahay dib u dhac iyo xorriyad la’aan. Dadka ugu badan ee fikirkan faafiyaa Waa Dad Qoraalka xiiseeya ama Qorraayaa, Garyaaqaano iyo dadkale oo ah team NGO -yo ah. Tallo waxaan usoo jeedin lahaa culimada, dhalinyarada iyo bulshada kale in dadkaas aan xusay il gaar ah lagu hayo, culimada waxaan jeclaan lahaa in ay soo galaan “Social Media ” oo halkaas ay ka bilaabaan dacwada iyo toosinta dhalinyarada iyo sidii dadkaas calmaaniga aaminay bulshada looga badbaadin lahaa looguna tilmaami lahaa . Waxaan soo jeedinayaa in dadkaas lala galo dagaalo ku dhisan aqoon iyo qalin lana masaxo Calmaaniyadda ay ka dhex wadaan barraha bulshada. Taladdayda ugu danbaysaa waxa weeye, ha baraarrugaan dhalinyarada barraha bulshadu oo dacwaddaa khaldan ee lagu fidinnaayo haka feejignaadaan, hana ka hortagaan, dadka aan ka hadlayo qof kasta oo barraha bulshada isticmalaa cid kamid ah ayuu garan donaa insha allaah. Waxa Qoray. Mustafe Axmed Maxamed Geeddi Facebook. Mustafe Ahmed Geedi WhatsApp. 0659555532 Qaran News

Somaliland: Duruus la siinayo qalinduureyaasha garaaca albaabada qarannimada Akhriste ilaa halgankii daraawiish waxaa somaliland ka socday legdan u dhexeeya xaqa iyo baadilka, legdankaasi maalinba heer ayuu joogay. Maalintii Soomaaliyi xorowday oo la asaasay jamhuuriyadii burburtay waxa la isla gartay in guushii gobanimada nin kastaa ha u halgamee ay tahay hanti somaliyeed oo loo siman yahay, somali ayaa guulaysatay isticmaarna wuu jabay. Dawladii la dhisay waxa qaadatay siyaasad lagu sharfayo halgameyaahii guusha, waana sida ay yeeli jireen dalalkii xoroobay oo dhami, waxaa arintaa markhaati u ah suugaantaa iyo qoraaladii la sameeyey intii u dhexaysay 1960-1969. iyadoo ummadu sidaa tahay oo dadkii isku waafaqeen amaanta halgameyaashii daraawiish, kuwii Syl, kuwii SNL, NUF iyo USP ayaa waxa dalka qabsaday saraakiil askar ah oo afgembiyey nidaamkii jamhuuriyadii Somaliya. askartaasi taariikhdii halganka somalida dhib umay geysan in muddo ah. Suugaantii somalida ee midaysnayd saldhigna u ahayd taariikhda qaranku way sii xoogaystay waxaana hormood u noqday abwaanada reer Somaliland, kuwaas oo ay ka mid ahaayeen xidigihii fanka ee tobanlihii 70naadkii, oo ay ka mid ahaayeen, Muuse Galaal, Hadraawi, Cabdiqays, Qaasim, Xasanganay, Muuse Cali faruur, Adancarab, Xasan sheikh mumin, Dheeg Yasin, Cabdilaahi qarshe, Cali Sugule iyo qaar kale oo badan. Akhriste waagaa waxaanu haysanay suugaan leh aragti midaysan marka laga hadlayo halgankii iyo taariikhda jamhuuriyadii Soomaliyeed oo uu ka mid yahay Seyid Maxamed Cabdille Xasan. Waxaase arini murugtay markii uu taliskii askartu isu bedelay talis uu nin keliyihi ka arimiyo, oo taliskiiba u ekaysiisay sidii meel uu boqor xukumo, taas oo la dilo ninkii boqorka wax ka sheega. Boqortooyo u egtu waxay bilowday bal inay yeelato taariikh iyada u gaar ah oo aan somalida kale la lahayn, taas waxay kaga dayanayeen dalalka boqoradu xukummaan. Waxa la shaqaalaysiiyey dad sameeya taariikh cusub oo ku fadhida ina Cabdulle Xasan iyo horjoogihii askartii inqilaabka, dadka waxa hormood u noqday Axmed faarax Cali (idaajaa) iyo Aw jaamac cumar ciise. Iyagoo ku shaqaynaya adeegsanayaa wax kastoo qaranku lahaa waxay isku dayeen inay sameeyaan taariikh iyo buugaag aad uga fog xaqiiqooyin ka jiray somaliland waqtigii maxmiyada, adiguba akhriso buugaagta ay ay raggasi qoreen ee ay dadka ugu kala saareen gaal iyo gaalo raac, dabodhilif iwm. Markiiba waxa bilaabantay falcelin abwaanadii dalku arintaa kaga falceliyeen silsilada maansada Deelley, waa markhaati cad sidii loo falceliyey, waa weerer iyo weerer celis. Markiiba laba iyo laba ayaa la isugu jawaabay iyadoo arin daaran tahay, maxaa qaranka aynu wado leenahay sidaa ugu gelaysaan iyo maxaad dawladayada ugu hadlaysaan. Dabeed arintiiba dagaal gacanta laysula tegey ayay ku dambaysay, qarankii la wado lahaana wuu burburay. Iyadoo sidii loo kala maqanyahay ayaa qaar ka mid ah qalinduuriyaasha Hargaysa ay ku soo dhoweeyeen Hargaysa Axmed Faarax Cali Idaajaa oo ay u abaabuleen gole uu ka hadlo. Qalinduureyaashaasi kuma ay cibri qaadan wixii ku dhacay raggii ay Idaajaa soo wado shaqayn jireen, isla markaana uu weli taaganyahay khilaaf suugaaneedkii waagaasi, kamay xishoon in Hargaysa ugu yeedhaan Idaajaa oo ay weliba u ammaan u xambaariyaan. Qalinduureyaashii mid ka mid ah oo la yidhaahdo Yusuf Shaacir ayaa todobaadkan isla soo hortaagay dadka reer somaliland inuu aqbalay guddi xeeldheereyaal ah oo idaajaa ka mid yahay oo Xamar looga taliyo. Haddii loo caqli celiyeyna wuxuu weli la taagan yahay “waan caawinayaa siyaasadni kuma jirto”. Qalinduureyaashu waxay u eg yihiin dad indho la,aan ku jiidhaya khadad cascas oo aan loo dulqaadan karin in laga gudbo. Waxaa hubaal ah haddii arintaa wax laga waydiin lahaa Baabe yusuf, Dheeg, Hadraawi, Cabdiqays, Adan Tarabi inay muujin lahaayen siday uga xunyihiin dhaqanka qalinduureyaasha, taas oo lagu koobi karo”rag dil wuu geyaa qadafse waa lagu duloobaa” Gebogebadii waxaan odhan laha qalinduure “hore hawgu dhicin waa intaad hanaqa waydaa” Mohamed Abokor/Gothenburg, Sweden mohmed.abokor@yahoo.co.uk Qaran News

Qaran News

Muqdisho (Caasimada Online) – Cabdi Cali Raage oo ah La-taliyaha sare ee arrimaha doorashooyinka ee madaxweynaha muddo xileedkiisa uu dhammaaday ayaa faah faahin dheeraad ah ka bixiyey sababta maanta Kismaayo looga soo celiyey diyaaraddii uu la socday oo ugu dambeyn dib ugu soo laabatay magaalada Muqdisho ee caasimada dalka. Raage ayaa shaaca ka qaaday in amar kasoo baxay madaxda sare ee dowlad goboleedka Jubbaland diyaaraddii uu la socday looga soo celiyey hawada magaalada Kismaayo, xilli ay dooneyso inay ka degto garoonka diyaaradaha ee magaaladaasi. Siyaasiyagan oo ay is hayaan Axmed Madoobe oo uu mar u soo noqday la-taliye sare ayaa sheegay in Pilotte-ka diyaaradda lagu amray inuu dib u laabto, kadibna uu la wadaagay dadkii saarnaa diyaaradda oo uu isagu jiray, sidaana loogu soo celiyey Xamar. Sidoo kale wuxuu shirkiisa jaraa’id ku sheegay in sababta loo beegsaday, looguna diiday inuu ka dago Kismaayo ay tahay kala duwanaashaha siyaasadeed ee u dhexeeya, isaga iyo madaxweynaha maamulka Jubbaland, Axmed Madoobe, sida uu hadalka u dhigay. “Diyaaraddu markii ay Kismaayo ku hoobatay oo ay ku dhoweyd inay degto ayaa Pilotte-kii waxaa soo gaaray farriin lagu amrayo inuu dib u noqdo arrimo amniga la xiriira aawgood. Ninkii Pilotte-ka ahaa wuxuu noo sheegay in farriintaasi ay soo gaartay, sidaas daraadeedna uusan u bareeri kareyn inuu dego, isla-markaana uu ku qasban yahay inuu dib ugu noqdo magaalada Muqdisho,”ayuu yiri siyaasiga caanka ah ee Cabdi Cali Raage. La-taliyaha Farmaajo ayaa sidoo kale intaasi kusii daray in tallaabadan ay cadayneyso in Axmed Madoobe uu beegsanayo siyaasiyiinta fikir & siyaasad ahaanBA kasoo horjeedo. “Anigu markii ugu horreysaba uu farriinta sheegay Pilotte-ka waan fahmay dad badan oo aan xog-ogaal aheyn ayaa saarnaa buuq badan ayaa meesha ka dhacay, laakin waan u sheegay oo waxaan ku iri Prolem ma jiro aniga oo ka duulayo farriimihii hore oo aan helay oo ah in uusan Axmed Madoobe Dooneyn inaan Kismaayo imaado,” ayuu raaciyey. Waxa kale oo uu xusay in u jeedkiisa uu ahaa in Kismaayo UU u tego ololihiisa doorashada, maadaama kursiga beeshiisa uu yaal Jubbaland, wuxuuna intaasi raaciyey is hortaaga lagu sameeyey uu qeyb ka tahay qorshaha lagu boobayo kuraasta taal halkaasi. Ugu dambeyn Cabdi Cali Raage waxa uu hoosta ka xariiqay in qoyskiisa ay dagan yihiin gudaha Kismaayo, isla-markaana uu markale dib ugu laaban doono magaaladaasi, sidoo kalena uu ka qeyb-geli doono tartanka doorashada loo galayo kuraasta taalla Jubbaland. Si kastaba, siyaasigan oo kal hore soo noqday la-taliyaha sarre ee madaxweynaha Jubbaland ayaa waxaa muddooyinkii dambe uu khilaaf xoogan kala dhaxeeyay Axmed Madoobe, kadib markii uu ku dhowaaday madaxweynaha waqtigiisu dhammaaday. The post Daawo: Cabdi Cali Raage oo ka warbixiyey sababta looga celiyey Kismaayo appeared first on Caasimada Online.

Welcome to Foreign Policy’s Africa Brief. The highlights this week: Somaliland’s latest pitch for independence, fresh protests rock Sudan’s still-fragile new democracy, and Mali’s looted history. A Case for Statehood For 30 years, Somaliland has called for its independence as a sovereign nation. Now, as Somalia is gripped by its latest democratic crisis and Somaliland unveiled a new strategically-located container port in Berbera last month, the semi-autonomous region hopes the international community will view its own election and economic potential as a sign it should be allowed to break away. Local election. On May 31, Somaliland held parliamentary elections, with more than a million people voting. The results were celebrated as a win for democracy when an alliance of two opposition parties gained the majority, giving them the power to run councils and select mayors. The Justice and Welfare Party added its 21 seats to the 31 seats secured by the Somaliland National Party, known locally as Waddani, to oust the ruling Peace, Unity, and Development Party, known as Kulmiye. Still, none of the 13 women who ran for office were elected, and the election was marred by reports that five opposition candidates were arrested ahead of the vote—not to mention the harassment of journalists. The election itself was also more than a decade late, delayed by a lack of funding and a dispute over the electoral commission’s composition. “We’re not saying we’re perfect; we’re saying we’re on the right path,” Bashir Goth, head of the Somaliland mission to the United States, told Foreign Policy. “Election is one factor, but there are areas we are doing well—security and other areas—and we hope with international recognition, we will be able to be a very good member of the international community and we will do even better.” International recognition. A former British colony, Somaliland gained its first taste of independence in 1960, but just months later, the new parliament decided to join the former Italian colony Somalia, in what they hoped would eventually become a federation of Somali states in the Horn of Africa. In a 1961 national referendum, a majority of northern voters in what is today Somaliland rejected unification (and many boycotted the vote), but a majority in the south voted in favor. Army officers led a rebellion to ensure Somaliland’s independence, but it was ultimately quelled—although tension has remained between the north and south of the Somali Republic. As Somalia devolved into a Marxist dictatorship, Hargeisa, the capital of Somaliland, wanted out. In 1991, Somaliland’s leaders decided to break away, forming a polity with all the trappings of statehood: a currency, a passport, and a president of its own. It also has a national day, each year celebrating its decision to break away with parades, with this year’s 30-year milestone attracting additional fanfare on May 18. What it never received, however, was recognition as a state. The United States and other Western powers have deferred to the African Union (AU), and the continental body has in turn avoided making a decision. Instead, it has continued to support efforts to stabilize Somalia as a country that includes Somaliland and other provinces attempting to break away: Puntland and Jubaland. Despite a 2005 fact-finding mission that found Somaliland’s situation to be “unique and self-justified in African political history,” the AU may also be deterred by the history of Eritrea and South Sudan, two countries that became mired in conflict soon after they gained independence. It’s a comparison Goth and others have heard before. “It’s a valid question, but it’s the wrong analogy. It’s like saying if one African country is not doing good, all African countries are bad,” Goth said. “All the 30 years we have been out of Somalia, we were building our peace, building our institutions, building our democracy. We have all the requirements of a state.” Building infrastructure. Perhaps most significantly, Somaliland has also built the Berbera Port, opening a new terminal on June 24 . Operated by Dubai Ports World, the new terminal increases the Berbera Port’s annual capacity from 150,000 containers to 500,000 containers along a key global trade route for crude oil. It also broadens a trade corridor between Somaliland and landlocked Ethiopia, which also has a large Somali community, and sent a high-level delegation to the opening. The Berbera project has strengthened ties between Gulf countries and the breakaway state, explains independent journalist Ismail Einashe. Along with Emirati investment, Turkey and Taiwan have also looked to invest in Somaliland. Kenya has considered opening a consulate in Somaliland while Kenya Airways planned to launch a route between Hargeisa and Nairobi, announcing a delay over operation requirements. “What is shifting is the engagement of regional and international players into the Somaliland situation,” Einashe said. “Somaliland is cementing its reputation as being a haven for democracy in the region, but it’s also increasingly getting the interest, in terms of business and other kind of investments, from countries that feel they no longer have to pay lip service to the Somali government, that are increasingly going out on their own and engaging directly with the government of [Somaliland] President Muse Bihi Abdi and Hargeisa directly.” Threats from within. For a state with no real recognition in a volatile region, Somaliland’s achievements are commendable. Yet, the very elections Somaliland touts as a sign of sovereignty could also be a threat to its stability, Einashe warned. Although the political elite remain singularly focused on gaining recognition, Somalilanders younger than age 30 have known nothing but this anguished political purgatory. “When you keep a place like Somaliland in a limbo state for so long, then perhaps there’s a kind of weariness around this democratization process because if it doesn’t deliver independence, why would people continue on that road? There’s always that danger,” Einashe said. Qaran News

(SLT-Hargeysa)-Wasiirka Gaadiidka iyo Jidadka ee Xukuumadda Federaalka Itoobiya, Degmawit Moges, ayaa sheegtay in casriyeynta lagu sameeyey Dekedda Berbera ay horumar dhaqaale u yeelanayso Somaliland, Itoobiya iyo Afrikaba. Wasiirka Gaadiidka Itoobiya waxay sidaas ku sheegtay barnaamij dukumantari ah oo uu baahiyey Telefishanka Qaranka Itoobiya, oo Wakaaladda Wararka ee SOLNA soo xigatay, waxaanay tilmaantay in hore loogu heshiiyey inay hal milyan oo Doolar ku kharash gareeyaan casriyeynta marsadda Berbera. Degmawit Moges waxay sheegtay in Itoobiya oo hore u isticmaali jirtay dekedda Jabuuti oo ku filnaan weyday, isla markaana ay ku qasbanaadeen inay qayb ka noqdaan isticmaalka dekedda Berbera, maadaama oo bulshada dalkoodu aad u badan tahay. Wasiirka Gaadiidka waxay intaas ku dartay in wejigii hore ee ballaadhinta dekedda Berbera dhammaaday isla markaana ay dekedda ku soo xidheen Maraakiib waaweyn iyo Koontiinarradii ugu badnaa waxaanay ku dooday inay dekedda Berbera ka faa’iidaysan doonaan dad ku dhow Laba Boqol oo Milyan oo qof oo ah dalalka aan badda lahayn ee Afrika. Waxa kaloo ay sheegtay in dekedda Berbera ay dabooli karto baahidii dekedeed ee ay Itoobiya haysatay, waxaanay xustay inay wadajir uga qaybqaadanayaan horumarinta dekedda dawladaha Somaliland, Itoobiya iyo DP World Wasiirka Gaadiidka Itoobiya waxa ay xaqiijisay in wax-soo-saarka Beeraha Koonfurta Itoobiya laga dhoofin doono dekedda Berbera, isla markaana wixii ay u baahdaan kala soo degi doonaan dekeddaas, waxaanay caddaysay inay dekedda Berbera ay qiime ahaan aad u macquul tahay. Slntv. Source

(SLT-Hargeysa)-Warar lagu kalsoon yahay oo Wargeyska Foore ka helayo Loolannka loogu jiro Shirgudoonka Golaha Wakiilada lasoo doortay ayaa sheegaya in Dadaalka ay Xukuumadda iyo Kulmiye ugu jiraan inay xubno ka soo fujistaan Mucaaridka, maadaama oo doorashadii lagaga awood batay ay marayso meel xasaasi ah oo aan indhaha la kala qarsanayn si muuqatana xildhibaannada qaarkood sawirro Madaxtooyadu kula gashay. In kasta oo ay adag tahay sida war rasmi ah looga helo arrintani , maadaama oo Suuqyo madaw wax lagu kala goosanayo oo lagu kulmayo haddana warar lagu kalsoonaan karo oo illo wareedyo muhiim ah oo Wargeyska Foore ka helay ayaa sheegaya in Xukuumadda iyo Xisbiga KULMIYE ay ku guulaysteen inay gacanta ku dhigaan illaa 9- Xubnood oo Golaha Wakiilada Cusub ka tirsan kuwaasi oo mucaaridka uga soo baxay Gobolada Galbeedka Somaliland oo ay Hargeysi kujirto, kuwaasi oo tirada Xildhibaanada Kulmiye haysto ka dhigaysa 40 Xildhibaan. Xubno miisaan ku leh Xisbiyada Mucaaridka oo magacooda qariyay oo ka niyad jabsan hannaanka wax u socdaan islamarkaana ka walaacsan inay wax iska baddelaan qorshihii is bahaysiga mucaaridka ayaa noo xaqiijiyay inay dareen mugleh ka qabaan oo aad looga shakisan yahay Xildhibaano illaa saddex tiradoodu tahay oo Xisbiyada WADDANI iyo UCID ugasoo baxay Gobolka Awdal islamarkaana kasoo jeeda Degmada DILA ee Gobolkaasi inay gacanta u galeen Xukuumadda, halka Xildhibaan kale oo isna Gobolkaasi uun kasoo baxay, gaar ahaan Degmada Xariirad in isna loo tirinayo innuu ka mid yahay Xildhibaannada Dhinaca Muxaafidka u janjeedhsaday. Sidoo kale wararkan ayaa sheegaya in Tiro gaadhaysa illaa shan Xildhibaan oo kasoo kala jeeda Degmada Sallaxlay ama Maxamuud Haybe, Degmada 31-May iyo Bariga Magaalada Hargeysa , gaar ahaan New Hargeysa ay iyaguna si rasmi ah ugu janjeedhsadeen Xisbiga Kulmiye iyo Xukuumadda arrintaasi oo walaac gaar ah ku abuurtay Xisbiyada Mucaaridka islamarkaana abuurtay, Markii ay ogaadeen, inay Xildhibaano door ahi Baraha Bulshada ku baahiyaan hadallo dhiilo leh oo ay uga dardaar warinayaan rag filkood ahaa oo mabda’oodii siyaasiga ahaa badelay islamarkaana aduunyo waydaarsaday sida ay hadalka u dhigayeen. Qaar ka mid ah ayaa waxa si toos ah loogu geeyay Madaxweyne Biixi iyadoo loo adeegsaday Odayaasha ama siyaasiyiinta beesha ay kasoo jeedaan, waxaana talaabooyinkani ka mid yihiin dadaalka ay Xukuumaddu ugu jirto inay Hogaanka ama Guddoomiyaha Golaha Wakiilada Cusub ugu cumaado Wasiirkii hore ee Arrimaha Dibadda Somaliland Yaasiin Xaaji Maxamuud Fartoon. Source

(SLT-Hargeysa)-Mansabkii Wasiirnimo ee Wasaaradda Arrimaha Dibadda iyo Iskaashiga caalamiga ah ee Somaliland ayaa wali haawanaya oo bannaan kadib tan iyo markii Bishii March saddexdeedii uu Wasiirkii hore ee Wasaaradda Arrimaha Dibadda iyo Iskaashiga Caalamiga ah Mudane Yaasiin Xaaji Maxamuud Xiir Faratoon uu si rasmi ah isaga casilay xilka wasiirnimo isaga oo maalmahaasi ka hor u gudbiyey warqadda is casilaadda oo Madaxweyne Muuse Biixi markiiba ka aqbalay si uu Ex. Wasiir Yaasiin isugu diyaariyo doorashadii isku sidkanayd ee Golayaasha Deegaanka iyo Wakiillada oo uu u sharraxnaa Golaha Wakiillada, markii doorashadu qabsoontayna uu ku soo baxay. Madaxweynaha Somaliland Mudane Muuse Biixi Cabdi ayaan wali soo buuxin booskan bannaanaaday ee Wasiirka Arrimaha Dibadda Somaliland oo ka mid ah mansabyada ugu muhiimsan dawladnimada qaranka Somaliland iyada oo muddodaasi uu xilka wasaaradda ku-sime ka yahay Mudane Liibaan Yuusuf Gaaxnuug oo ah Wasiir ku xigeenka wasaaraddan. Waxaana muddoda uu rasmi ahaan isku casilay Wasiirkii hore durba ka soo wareegtay 4 Bilood iyo Shan Maalmood wakhtigaasi oo ah mid aad u badan marka loo eego muhiimadda Wasaaraddani qaranka u leedahay. Inkasta dhaqdhaqaaqii siyaasadeed iyo diblomaasiyeed ee arrimaha dibadda Somaliland in muddo ah hoos u dhac weyni ka muuqay oo aanay jirin wax dhaqdhaqaaqyo ah oo ku aaddan dadaalladii ictiraaf raadinta iyo kasbashada beesha caalamka ayaan la garanayn sababta muddoda intaasi le’eg Madaxweyne Muuse Biixi Cabdi uu u soo buuxin waayay xilka wasiirnimo ee Wasaaradda Arrimaah Dibadda. Muhiimadda Wasaaradda Arrimaha Dibeddu marka laga hadlayo qaran casri ah waa tiir ka mid ah tiirarka ugu waaweyn ee xukuumaddu ku dhisan tahay iyada oo dawladda u qaabilsan jaan-goynta iyo habaynta xidhiidhka arrimaha dibeda, siyaasada dibedda, go’aanada dowladaha kale iyo metelidda dowladda Jamhuuriyadda Somaliland. Sidoo kale, wasaaradani waa hay’adda dawladda u qaabilsan ka qeyb galka la xidhiidhidda dhammaan shirarka iyo wada xaajoodyada dowladaha kale, ka qayb galka shirarka heer gobol, kuwo qaaradeed iyo kuwo guudba inkasta oo Somaliland wali tahay waddan aan la aqoonsan haddana waa wasaaradda looga baahan yahay laban laabka dadaallada iib-gaynta qaranka Somaliland. Muxuu Dhigayay Barnaamij Siyaasadeedka KULMIYE? Tiirka 5aad ee Bbarnaamij-siyaasadeedka Xisbiga KULMIYE ku galay doorashadii Madaxweynaha ee 2017 waxa uu ahaa Siyaasadda Arrimaha Dibedda, waxaanu KULMIYE wakhtigaasi ballan qaaday sidan: “Raadinta aqoonsi caalami ahi waa laf-dhabarta siyaasadda Arrimaha Dibadda ee Jamhuuriyadda Somaliland . Xisbiga KULMIYE waxa uu mudnaan aad u wayn siinayaa gudashada waajibaadka Qarannimo helitaanka Aqoonsi Caalami ah. Haddaba, si loo helo aqoonsi caalami ah waxa la abuuri doonaa agaasin gaar ah oo ka tirsan Wasaaradda Arrimaha Dibedda oo leh miisaaniyaddeeda, khubaradeeda iyo imkaaniyaadkeeda, taas oo shaqadeedu tahay ka midhadhalinta aqoonsigii Qaranka ee aynu aynu raadinayney muddada rubuc-qarniga ka badan”. Isku soo wada duuboo waxa dad badani saluug weyn ka qabaan tayada iyo awoodda uu Madaxweynuhu saaray siyaasadda Arrimaha dibadda isaga oo inta badan awooddiisa isugu geeyey arrimaha Gudaha marka laga tago dhawr safar oo uu ku tagay dalal Afrika ah oo aan inta badan wax natiijo ah oo muuqata laga haynin. Waxa kale oo aan Iyana la ogayn muddoda uu Madaxweynuhu soo magacaabi doono Wasiir xilka wasaaradda dardar galiya. Source

Mashruucii Madaxweyne Biixi Lagu Amaanay ee uu ku soo celiyay Gacanta Dawladda Oo U Muuqda Inaanu Hirgalin Iyo Qoraalkii Manhajka Oo Aan Wali Gacanta Wasaaradda Ku Soo Noqon. (SLT-Hargeysa)-Muddo sanad ku dhaw ayaa laga joogaa markii uu Madaxweyne Biixi soo saaray degreetu uu madbacadda Qaranka Somaliland ku soo celiyay Daabacaadda Manhajka Waxbarashada Dugsiyada Somaliland, Illaa haddana waxba kama suurtagalin inuu go’aankaasi fulo ama uu hirgalo. Xogo lagu kalsoon yahay oo Wargeyska Foore helay ayaa sheegaya in sababta Mashruucaasi illa hadda u hirgali laayahay ay ugu horayso inaan Gabi ahaanba Wasaaradda Waxbarashadu illa hadda helin qoraalkii manhajka oo softi ah ama qoraal ah kaasi ay gacanta ku haysay Shirkadda HEMO BOOKS oo mashruucaasi uu siiyay islamarkaana uu gacanta u galiyay Manhajka oo qoran Wasiirkii hore ee Waxbarashada Somaliland Cabdilaahi Ibraahim Habane, waxaana la sheegayaa in illaa hadda laga soo saari kari laayahay Shirkaddaasi oo aan wali ka samrin in mashruucaasi laga wareejiyay. Warar lagu kalsoon yahay oo aanu helnay ayaa sheegaya in wasiirka Waxbarashada Somaliland Mudane Axmed Maxamed Diiriye (Toorno) uu dadaal dheer oo uu sameeyay ay u suurtoobi wayday inuu Qoraalka Manhajkaasi kasoo celiyo Shirkaddii gacanta ku haysay oo iyaduna dhinaceeda ku dacwayaysa inaannu sharci ahayn go’aan mashruucaasi loogala noqday. Wargeyska Foore ayaa ogaaday In Wasiirku uu sidoo kale isku dayay inuu dib qoraal ugu diyaariyo Manhajka islamarkaana uu macalimiin guri ku ururiyay balse illaa iyo hadda aanay talaabadaasina u hirgalin. Wakhtigan oo dib loo furay sanad dugsiyeedkii Waxbarashada Shahaadiga ah ayaa si weyn looga dhursugayay inay Madbacadda Qaranku daabacaddeedii koowaad ee Manhajka Waxbarashada Dugsiyada H/dhexe iyo dugsiyada sare xadhiga ka jarto oo ay si rasmi ah ula wareegto balse ma suurtagalin, sababo la xidhiidha awgeed wasaaradda Waxbarashada oo tahli wayday inay lasoo wareegto manhajkii oo qoraal ah. Bulshada ayaa aad u soo dhawaysay markii uu Madaxweyne Biixi gacanta dawlada ku soo celiyay Mashruucan oo ay Xukuumaddii ka horaysay ku wareejisay Shirkad dad gaar ahi leeyihiin taasi oo mudo badan dheefsanaysay balse waxay hadda u muuqataa in Madaxweyne Biixi iyo Xukuumaddiisu ay culaysyo badan kala kulmeen qaabkii mashruucaasi loo taabo galin lahaa. Dhinaca kale waxa si weyn dib u hayn loogu sameeyay sida ay Wasaaradda Waxbarashadu hore u sheegtay Madbacadda Qaranka oo loo diyaariyay awoodii ay ku qaabil lahayd Daabacaadda Manhajka Waxbarashada dugsiyada Somaliland, iyadoo mashiino Cusub iyo agab kale loo soo iibiyay Madbacadda. Iskuday badan oo aanu samaynay inaanu khadka telefanka ku helno Wasiirka Waxbarashada iyo Masuuliyiinta Shirkadda HEMO BOOKS si aanu arintani wax uga waydiino, noomay suurtagalin, waxaanay naga qaban waayeen telefankooda gacanta oo dhacayay. Bulshada ayaa isha ku haysa halka uu ku dambeyn doono Mashruucani iyo sida ay Xukuukaddu ula soo noqoto Manhajkii qoraalka ahaa ee gacanteeda ka baxay oo ah caqabada illaa hadda mashruucaasi loo dhaqaajin laayahay. Xigasho: Wargeyska Foore Source

(SLT-Hargeysa)-Wargeyska The Daily Mail ee ka soo baxa magaalada London ee dalka Britain ayaa lagu ganaaxay lacag dhan 15,000 oo Geniga Ingiriiska iyo Kharashka Dacwadaha, kadib markii ay Hay’ad Islaami ah ku eedeeyeen inay Muhaajiriinta Soomaalida u soo tahriibiyaan dalalka Europe. Wargeyska waxa uu bishii December 10-dii ee sannadkii hore ee 2020-kii qoray Maqaal ku xidhiidhinaya Hay’adda Samafalka ee Al-Khair Foundation ee Xarunteeda Dhexe ku taallo dalka UK inay Muhaajiriinta Soomaalida ka taageeraan sidii ay u soo gaadhi lahaayeen dalka UK. Waa markii Labaad ee ay Hay’adda Al-khair loo xukmiyo Lacago Magdhow oo la xidhiidha Warbixinta beenta ee ay qaar ka mid ah Warbahinta UK ka faafiyeen. Bishii April ee sannadkan, Wargeyska kale ee The Times waxay oggolaadeen inay bixiyaan Ganaax lacageed oo dhan 50,000 oo Giniga Ingiriiska, Kharajka Dacwadaha iyo inay bixiyaan Raalli-gelin Daabacan, kadib markii ay Hay’adda Samafalka ee Al-Khair Foundation ka qoreen Warbixin aan raad lahayn oo ku aadan inay Hay’addaasi ku lug leedahay Is-xambaarka Muhaajiriinta ku sugan dalka Giriiga. Warbixinta Wargeyska The Times qoray ayaa waxa uu ku sifeeyey Hay’adda Samafalka ee Al-Khair Foundation iyo Asasaha Hay’adaasi oo lagu magacaabo Imaam Qaasim Rashiid Axmed inay ku lug leeyihiin Dembiyada Tahriibinta iyo sidii Muhaajiriinta Soomaalida ku sugan Turkiga uga taageeri lahaayeen sidii ay ku soo gaari lahaayeen dalalka Europe. Dhinaca kale, Afhayeen u hadlay Hay’adda Samafalka ee Al-Khair Foundation ayaa soo dhaweeyey Xukunkasi, isagoo xusay inay Kharajka magdhowga u adeegsan doonaan Hawlaha Samafalka ee ay ugu adeegaan dadka nugul ee ku nool qeybo ka midah dalalka Caalamka. Hay’adda Samafalka ee Al-Khair Foundation oo la asaasay sanadkii 2003-dii waxay Adeegyada Samafalka ee 10-kii sano ee la soo dhaafay ku bixiyeen kharaj dhan 200 milyan oo Giniga Ingiriiska. Source

Garoowe (Caasimada Online) – Guddoomiyaha guddiga ku meel gaarka ah ee doorashooyinka Puntland, Mudane Guuleed Saalax Barre ayaa ka fal-celiyey kulankii shalay dhex-maray mushrrax madaxweyne Xasan Cali Khayre iyo guddoomiyaha guddiga doorashooyinka dadban ee Mudane Maxamed Xasan Maxamed (Cirro). Guuleed Saalax ayaa shaaca ka qaaday in wax laga haboon yahay ay tahay in guddiyada doorashooyinka ay kasoo dhex-muuqdaan xarumaha ololaha doorashooyinka ee musharraxiinta, maadaama ay u dhexeeyaan xubnaha u tartamaya doorashooyinka. “Ma haboona in guddiyada doorashadu ka soo dhex-muuqdaan xarumaha ololaha musharraxiinta, maadaama ay dhex-dhexaad u yihiim dhammaan musharraxiinta,” ayuu qoraalkiisa ku yiri gudoomiyaha guddiga ku meel gaarka ah ee doorashooyinka Puntland. Sidoo kale wuxuu tilmaamay in loo baahan yahay in laga fogaado wax kasta oo dhaawici kara kalsoonida iyo shaqada guddiga doorashooyinka dadban ee heer federaal. “Waxaa muhiim ah in laga durko wax walba oo u muuqda ama keeni kara kalsooni darro,” ayuu hadalkiisa sii raaciyey. Kulanka Khayre iyo Ciro oo ahaa mid xasaasi ah ayaa waxaa looga hadlay arrimaha doorashooyinka, gaar ahaan sidii guddiga uga shaqeyn karaan doorasho madax banaan. Si kastaba arrimahan ayaa kusoo aadayo, iyada haatan si rasmi ah loo guda-galayo doorashooyinka dalka, maadaama lasoo saaray jadwalkii lagu wajihi lahaa doorashada. The post PUNTLAND oo ka hortimid kulankii dhexmaray Kheyre iyo Maxamed Cirro + Sawirro appeared first on Caasimada Online.

Galdogob, Puntland, Soomaaliya Wadanka Soomaaliya oo mudo dheer ku jiray dhibaatooyinkii ay keeneen dowlad burburku, waxaa dhinacyada dayacaad badani soo gaartay ka mid ah dhinaca juqraafiyada dhul, bad iyo cir. Maanta aduunka waxaa jehaynaya iclaanka technolojiyada xambaarsan oo uu ugu weyn yahay Internet-ku iyo arimaha la halmaala. Magaalada Galdogob waa degmo muhiim ah oo ka tirsan gobolka Mudug, Puntland, Soomaaliya, qaybta muujisyada juqraafiga dhulka iyo wadamada ee shirkadda weyn ee Google waxay magaaladaasi ugu suntantahay in ay ka mid tahay dalka Itoobiya, lama garanayo sababta keentay arinkaan, ma satellite-kooda ayaa u qabtay in magaaladaasi ka mid tahay dalka Itoobiya, ma dowladda Itoobiya ayaa u gudbisay in ay Galdogob ka mid tahay dalkeeda lama garanayo. Shabakadda Wikipedia oo ah mid uruurisa macluumaadka aduunka, ahna shabakad aad loogu kalsoon yahay ayaa Goldogob ka qortay sidan: Galdogob, also spelled Galdogob, is a border town wholly administered by the semi-autonomous Puntland State of Somalia, and serves as the capital of the Galdogob District within the Mudug region.Wikipedia Galdogob oo sidoo kale loo qori karo Goldogob waa magaalo xuduudeed, dhamaan ay maamusho dowlad goboleedka Puntland ee Soomaaliyeed, waana magaalo madaxda degmada Galdogob ee gobolka Mudug. Marin habaabinta ku jirta Google Map waa mid u baahan in wasaaradda teknolojiyadda ee Soomaaliya ay ka dacwooto, lana xiriirto shirkadda Google si dhakhso ah waayo shaqooyin badan oo dhinaca internet-ka ah ayaa ku xiran, magaalo dal ka tirsan basle dhinaca online dal kale ku astaysan waxay keenaysaa dhibaatooyin dhinaca sharciga ah . Tusaale qofka raba inuu u safro magaalada Galdogob, haduu internet-ka ka raadsho meesha loo maro magaalada ama habka lagu gaari karo, Google Maps waxay soo saaraysaa in magaaladu ay tahay Itoobiya taas oo markaa khasbaysa in qofkaasi fahmi waayo meesha wax ka khaldan yihiin. Sidoo kale waxaa xusid mudan in magaalooyinka waaweyn ee Soomaaliya uu Google places u yaqaan magaalo walba 2 ama 3 magac sida: (Muqdisho, Mogadishu) (Garoowe, Garowe) (Hargeysa, Hargeisa) taas oo keenaysa khalkhal dhinaca magacayada iyo weliba dhinacyada ganasiga iwm. Magacyada magaalooyinka Soomaaliya oo aan cadayn waxa ay nagu keeneen in aan si hagaagsan u adeegsan weyno google places api oo aanu uga baahannay samaynta barnaamijyada software-ka, waana dhibaato soo wajihi doonto cinwaan bixinta magaalooyinkeena, sidaa waxaa Puntland Post u sheegay Eng. Siyaad Cali Yuusuf oo ah maamulaha Shirkadda Ramaas Software Ltd iyo qoraa dhinaca teknolajiyadda. Ugu danbeyn waxaa loo baahan yahay in dawladda federaalka iyo maamulka Puntland kawada shaqeeyaan sidii loo saxi lahaa arinkaas waayo adeegyo badan sida safarada, ganacsiga iyo sharciga dhinaca online-ka ah ayaa ku xiran in magaalada Galdogob iyo kuwa kaleba lagu asteeyo dalka rasmiga ah ee ay ka tirsan tahay taas oo ah dalka Soomaaliya. © PUNTLAND POST The post Google oo Galdogob u aqoosan Itoobiya!! appeared first on Puntland Post.

Qaran News

Muqdisho (Caasimada Online) – Xarunta Aqalka Dowladda Hoose ee Xamar ayaa waxaa maanta lagu soo bandhigay natiijada Imtixaanka Shahaadiga Fasalka 8-aad ee dugsiyada gobolka Banaadir ee sanad dugsiyeedka 2020-ka illaa 2021-ka. Munaasabada oo ay soo qaban-qaabiyeen Agaasinka Waxbarashada maamulka gobolka Banaadir ayaa waxaa goob-joog ka ahaa Madaxda sare maamulka gobolka Banaadir, Madaxda maamulada Degmooyinka, Bahda Waxbarashada, Waalidiin iyo Marti Sharaf kale. Waxaa munaasibadaas lagu shaaciyey liiska 13-ka Arday ee kaalmaha hore ka galay Imtixaanka Shahaadiga ee Fasalka 8-aad, kaasi oo ay u fariisteen arday ka badan 25-kun, islamarkaana lagu galay 72 xarumood oo hoos yimaada gobolka. Guddoomiyaha gobolka Banaadir ahna Duqa magaalada Muqdisho, Cumar Filish oo asaguna qeyb ka ahaa munaasibada ayaa waxa uu ardeyda gudubtay iyo kuwa hartayba ku amaanay dadaalka ay muujiyeen, isagoona kula dar-daarmay in lagu dadaalo Waxbarashada si Bulshada u noqdaan kuwo aqoon leh oo jahliga la dagaalama. Wadarta guud ee Imtixaanka Shahaadiga Fasalka 8-aad ee gobolka Banaadir ee sanadkaan gudubtay ayaa waxaa lagu sheegay 24,198 arday oo isugu jira 10,275 Dumar ah iyo 13,923 Rag ah, waxaana dhacay gobolka dhan sanadkan arday dhan 1,687. Waxay noqoneysa sanadkii labaad oo xiriir ah oo uu qaado gobolka Banaadir Imtixaanka Shahaadiga Fasalka 8-aad ee dugsiyada waxbarashada gobolka Banaadir ee caasimada, tan iyo burburkii dowladii dhexe ee Soomaaliya. Hoos ka aqri magacyada ardayda gashay kaalmaha hore The post Magacyada Ardayda 10-ka kaalin ee ugu sarreeya ee Muqdisho oo la shaaciyey appeared first on Caasimada Online.

” kulmiye-nimaddu qaali bay igu joogtaa ” . In aan qabyaaladda la dagaalamo ,dadka isu Soo dhaweeyo xisbinimadanadana aan xoojiyo ayaan kulmiye isagga sharaxay anigoo og halista arrintaasi leedahey . Kulmiye in aan iska sharaxay awgeed waxaan ku waayay 3/2 (lsadex meelood labba codkii aan heli lahaa) , waxaana kulmiye awgii IGA codeeyey dadkii iigu dhawaa ehel iyo asxaab ntoodii badnayd iyagoo igu diidey kulmiye awgii . Maanta anagoo buuro dhaadheer iyo jarar waahwayn gurguurasho kagga Soo baxney Marnaba nama qabato in dad xisbiyo kale kasoo baxay nagu qabsadaan jidkii siraad ee aanu saawasaawaha kusoo maray . Wasiiraddii ku guuldaraystey in ay Hal xubin baarlamaan iyo deegaan xisbiga kasoo saaraana kama yeelayno in guushii aanu xiniinyahayagga ku keeney na seejiyeen . Ahmed Nour Guruje Qaran News

Sheekh Max’ed Cumar Dirir oo ka qeyb qaatey Olole Nadaafadeed saaka ka bilaabmay Hargeysa Sheekh Maxamed Sheekh Cumar Dirrir oo ka mid ah Culimadda Somaliland ee qayb ka ahaa olalaha naafadda dooxa weyne ee Hargeysa ayaa Culimada dalka ugu baaqay in ay qayb ka qaatan olale kasta oo lagu nadiifinaayo dalka . ” Sheekhu maaha in misaajid nadiifa iyo goob nadiifa uun uu suge waa inuu doorkiisa ka qaataa , waana mahadsan yihin maamulka dawladda hoose “. ayuu yidhi Sidoo kale wuxuu sheekhu yidhi ” Waxaan Jeclaan lahaa, haddii ay joogaan madaxdii dawladda hoose , inay madaxdii Ka Saraysay Ee dawladda dhexana Yimaadaan “ olalaha ayaa waxa ka qayb ahaa culimada iyo qaybaha kala duwan ee bulshada ku dhaqan Caasimadda Hargeysa Qaran News

Garowe (PP News Desk) — Puntland security forces in Burtinle have detained several men driving a lorry carrying 30 dead dik-diks. The men stand accused of killing dik-diks for illegal trade. “We brought this problem to the attention of authorities several years ago. Poachers are killing wild animals that make our countryside a place visited by people every year” said a former member of Burtinle district council. Poachers were transporting dead dik-diks for sale in Puntland cities. Nugaal Police have arrested poachers who were on the way to Garowe to sell dead dik-diks to potential customers. “Poaching, deforestation and illegal enclosures in the countryside are major problems we have been grappling with for a long time. We ask the Puntland government to enact laws against those illegal activities” said one elder. Nugaal Police promised to be tough with poachers and that lorries will be searched thoroughly at checkpoints. Some people buy dik-dik meat to treat children for whooping-cough. © Puntland Post, 2021 The post Poachers in Puntland Kill 30 Dik-diks at Burtinle Countryside appeared first on Puntland Post.

Kismaayo (Caasimada Oline) – Ra’iisul wasaaraha xukuumadda fedeeraalka ah ee Soomaaliya, Mudane Maxamed Xuseen Rooble oo weli ku sugan gudaha Kismaayo iyo madaxweynaha maamulka Jubbaland, Mudane Axmed Maxamed Islaam (Axmed Madoobe) ayaa maanta si wadajir ah u guddoomiyey shirka wasiirada maamulkaasi. Shirka oo ahaa mid ballaaran ayaa waxaa sidoo kale goobjoog ahaa wasiiro ka tirsan xukuumadda federaalka oo qeyb ka ah socdaalka Rooble ee magaalada Kismaayo. Intii uu socday waxaa shirkan diirada lagu saaray xaaladda Jubbaland iyo arrimaha doorashooyinka dalka oo ka dhacaya magaalooyin ka tirsan maamulkaasi. Sidoo kale waxaa kulanka golaha wasiirada Jubbaland oo ka duwanaa sidii hore lagu soo hadal qaaday sidii loo xoojin lahaa wada-shaqaynta wasaaradaha xukuumada federaalka ah iyo kuwa dowlad goboleedka Jubbaland, maadaama ay bah-wadaag wada yihiin. Rooble oo shalay gaaray degmada Kismaayo ayaa kulamo ka bilaabay magaaladaasi, wuxuuna xalay la kulmay siyaasiyiinta Jubbaland ee kasoo jeedo gobolka Gedo, isaga oo kala hadlay dadaallada uu wado xafiiskiisa ee ku aadan dib u heshiisiinta gobolkaasi. Waxa kale oo uu ra’iisul wasaaruhu booqday meelo ay ka mid ah tahay dekedda magaallo xeebeedka Kismaayo, isaga oo uu wehlinayey Axmed Madoobe. Waa safarkii ugu horreeyey ee Rooble ku tego Jubbaland, tan iyo markii loo magacaabay ra’iisul wasaaraha Soomaaliya, wuxuuna safarkan qeyb ka yahay socdaallo kala duwan oo horay ugu tegay xarumaha dowlad goboleedyada kale ee ka jira gudaha Soomaaliya. The post Rooble iyo Axmed Madoobe oo wada gudoomiyey shirka Wasiirada Jubaland + Sawirro appeared first on Caasimada Online.

Kismaayo (Caasimada Online) – Wararka naga soo gaaraya magaalada Kismaayo ee xarunta dowlad goboleedka Jubaland ayaa sheegaya in saaka garoonka diyaaradaha Kismaayo laga celiyey Cabdi Cali Raage oo ah shaqsi si weyn ugu dhow madaxweynaha muddo xileedkiisu dhamaaday, Maxamed Cabdullaahi Farmaajo. Saraakiil sarre oo ka tirsan garoonka Kismaayo ayaa Caasimada Online u sheegay in Cabdi Cali Raage lagu celiyey amar kasoo baxay madaxda sare ee Jubaland, kadib markii uu diyaarad kasoo raacay magaalada Muqdisho. Cabdi Cali Raage oo kal hore soo noqday La-taliyaha sarre ee madaxweynaha Jubbaland ayaa waxaa muddooyinkii dambe uu khilaaf xoogan kala dhaxeeyay Axmed Madoobe, kadib markii uu ku dhowaaday madaxweynaha waqtigiisu dhamaaday. Waxaa la rumeysan yahay in Raage uu qeyb ka ahaa xubnihii udub dhexaadka u ahaa khilaafkii Federaalka iyo Dowlad Goboleedka Jubbaland ee curyaamiyey qabsoomida doorashada. Ilaa hadda si rasmi ah looma oga sababta Cabdi Cali Raage looga celiyay garoonka diyaaradaha Kismaayo, waxaana xusid mudan in weli ay xiisad kala dhaxeyso madaxda sarre ee Jubbaland. Magaalada Kismaayo ee xarunta dowlad goboleedka Jubbaland ayaa waxaa ku sugan ra’iisal wasaaraha xukuumadda xil-gaarsiinta oo asagu gaaray shalay, si loo dar-dar geliyo arrimaha doorashooyinka iyo xal ka gaarista khilaafka mudada dheer ka taagna gobolka Gedo. The post Xog: La-taliyaha Farmaajo Cabdi Cali Raage oo laga celiyay garoonka Kismaayo appeared first on Caasimada Online.

Maamulka Gobolka Mudug ee Puntland ayaa maanta mas’uuliyiinta Galmudug ku wareejiyay taakulo ka kooban raashin iyo shidaal loogu tala-galay ciidamada Galmudug ee dagaalka kula jira Al-shabaab. Gudoomiyaha Gobolka Mudug Cabdiladiif Muuse Nuur ayaa mas’uuliyiinta Galmudug oo uu matalayo Maamulka Degmada Gaalkacyo Galmudug ku wareejinay bilowga Taakulada Puntland uga qayb qaadanayso la dagaallanka Al-shabaab ee deeganada Bacaadwayne iyo Wisil. Munaasibadan ayaa waxaa goobjoog ahaa Gudoomiye ku Xigeenka Gobolka Mudug, Duqa Degmada Gaalkacyo Puntland, Duqa Degmada Gaalkacyo Galmudug, Lataliyaha Madaxwaynaha Puntland, Taliyaha Qaybta Booliska Gobolka Mudug, Taliyaha Saldhiga Degmada Gaalkacyo ee Galmudug iyo Agaasimaha Warfafinta Gobolka Mudug. PUNTLAND POST The post Puntland oo Taakulo Raashin iyo Shidaal ah ku wareejisay Galmudug appeared first on Puntland Post.

Duqa Magaalada Muqdisho Cumar Maxamuud Maxamed ayaa xarunta Aqalka Dowladda Hoose ee Xamar kaga qeybgalay Munaasabad lagu soo Bandhigaayay Natiijada Imtixaanka Shahaadiga Fasalka 8-aad Dugsiyada Gobolka Banaadir ee sanad dugsiyeedka 2020-2021. Imtixaanka fasalka 8-aad ee sanadkaana ayaa waxaa u fariisatay ardey kor u dhaafeysa 10-kun waxaana ka gudbay imtixaanka 10,275 halka ay ku dhaceen 642. Sanadkaana ayaa waxaa maamulka Gobolka Banaadir u suurta gashay inay qaadaan imtixaanaadka shahaadiga ah ee Magaalada Muqdisho. Goobjoog News Source: goobjoog.com

Golaha amaanka ee Qaramada Midoobay ayaa si adag u canbaareeyay dilkii loo geystay madaxweynihii dalka Haiti Jovenel Moise. Golaha ayaa ku baaqay in si deg deg ah loo hor keeno caddaaladda shakhsiyaadkii ka danbeeyay falkaas. Golaha ayaa sidoo kale ugu baaqay dhinacyada siyaasadda ee dalka Haiti inay ka fogaadaan rabshado cusub iyo inuu dalku galo qalalaaso . Dhinaca kale,ciidamada ammaanka ee dalka Heyti ayaa dilay afar ruux oo looga shakisam yahay in ay lug ku leeyihiin dilkii madaxweynihii dalkaasi,waxaana gacanta lagu dhigay laba kale,halka la tilmaamay in qaar kale oo baxsad ah ay ku dhuumaaleysanayaan magaalada caasimadda ah ee Port-au-Prince. Taliyaha ciidamada Boliiska ee Heyti Leon Charles ayaa sheegay in dadkii ka dambeeyay dilka madaxweynaha la dili doono ama la soo qaban doono. Mr Moïse oo ah madaxweynaha la dilay ayaa ahaa 53-sano jir,waxaana haatan xaaskiisa lagu daaweynayaa Gobolka Florida. PUNTLAND POST The post Qaramada Midoobay oo si adag u canbaareeyay dilkii madaxweynihii Haiti appeared first on Puntland Post.

Muqdisho (Caasimada Online) – Ciidamada ammaanka ee dowladda federaalka ah ee Soomaaliya oo weli howl-gallo ka wada magaalada Muqdisho ayaa markale gacanta ku dhigay kooxo burcad ah, xilli ay dhac ka geysanayeen gudaha degmada Kaaraan ee gobolka Banaadir. Raggan oo watay mooto Bajaaj iyo qoray AK47 ah ayaa waxaa lagu qabtay howl-gal ay sameeyeen ciidamada ammaanka, kaas oo uu ka qeyb-qaatay maamulka. Sidoo kale saraakiisha laamaha ammaanka oo soo badhigay raggaasi oo labo ahaa ayaa shaaca ka qaaday in loo gudbiyey hay’adda CID-da, si loogu sameeyo baaris dheeri ah. Saraakiisha ayaa intaasi ku daray in burcada lasoo qabtay ay dhibaato weyn ku hayeen bulshada ku dhaqan degmada Kaaraan ee gobolka Banaadir, isla-markaana xilliga la soo qabanayey ay gacanta kula jireen fal-dambiyeedka lagu soo qabtay oo ah dhac baahsan. Howl-galkan ayaa qeyb ka noqonayo dagaal ka dhan ah burcadda hubeysan oo ay dowladda Soomaaliya ka billowday magaalada Muqdisho ee caasimada Soomaaliya. Tan iyo bishii hore oo ay billowdeen howl-galladan ayaa waxaa gacanta lagu soo dhigay kooxo kala duwan oo dhac ka waday qeybo badan oo ka mid ah gudaha caasimada. Arrimahan waxa ay kusoo aadayaan, xilli lagu jiro marxalad kala guur ah, dalkuna uu aadayo doorasho guud oo isugu jirto tan baarlamaanka iyo mida madaxweynaha intaba. The post Howl-gal ka dhacay Muqdisho oo lagu qabtay Burcad horleh appeared first on Caasimada Online.

Ra’iisul Wasaraha xukuumadda Federaalka Soomaaliya Maxamed Xuseen Rooble ayaa maanta ka qeyb galay Shirka toddobaadlaha ah ee Golaha Wasiirrada dowlad-goboleedka Jubaland. Shirka oo ay sidoo kale ka qeyb galeen wasiirrada heer Federaal ee Ra’iisul Wasaaraha ku wehliya socdaalkiisa Jubaland ayaa diiradda lagu saaray wada shaqeynta Wasaaradaha kala duwan ee heer federaal iyo Jubaland. Ra’iisul Wasaare Rooble ayaa sidoo kale xalay Kismaayo kula kulmay qaar ka mid ah siyaasiyiinta Jubaland ee ka soo jeeda Gobolka Gedo taas oo qeyb ka ah dadaallada Ra’iisul Wasaaraha ee dib u heshiinta Gedo. PUNTLAND POST The post Ra’iisul wasaare Rooble oo ka qayb-galay Shirka Golaha Wasiirada Jubaland appeared first on Puntland Post.