Qaaradda Afrika waxaa ku badan dilalka Madaxda marka la barbardhigo Qaaradaha kale, waxaa lagu toogtay Madaxweynayaal xilal ka hayay dalalkooda, qaarkood ayaa la dilay iyaga oo shaqo ku mashquulsan. Madaxweynayaasha la toogtay iyaga oo xilalka haya ayaa kala ah: 1- Cabdirashiid Cali Sharma’arke – Soomaaliya: Cabdirashariid Cali Sharma’arke Madaxweynihii labaad ee Soomaaliya sidoo kale soo noqday Ra’iisul Wasaarihii Dalka 1960-kii ilaa 1964-dii waxaa lagu toogtay Magaalada Laascaanood ee xarunta Gobolka Sool 15-kii October 1969-kii. Dilkiisa kadib waxaa talka Afgambi aan dhiig ku daadan waxaa ku qabsaday Militarigii oo muddo kadib hoggaan ka dhigtay Maxamed Siyaad Barre oo dalka heystay intii u dhaxeysay 21-kii October 1969-kii illaa 26-kii January 1991-dii. 2- Mucammar Al-Qadaafi – Libya Col. Mucammar Al-Qadaafi waxa uu xilka Madaxweynaha Liibiya hayay 1-dii September 1969-kii illaa 20 October 2011, xilkaan kuma aanay helin doorasho oo waxa uu ku qabsaday awood Militari. Waxa uu sababsaday kacdoonkii Guga Carabta oo galaaftay xilalka Madax kala duwan, waxaa lagu dilay Sirte, kadib maalmo kooban oo dagaal ay isku wajaheen askartii daacadda u ahayd iyo xoogagga kasoo horjeeday. 3- Idriss Deby – Chad Madaxweynihii 6-aad ee Chad Idriss Deby waxa uu xilka ku qabsaday xukun marooqsi, April 2021 ayuu ku geeriyooday dagaal ka dhan ah Fallaagada kasoo horjeedda Dowladdiisa, waxa uu xafiiska joogay 2-dii December 1990 illaa 20-kii April 2021-ka. 4- Sheekh Cabayd Aman Karume – Zanzibar Sheekh Cabayd Karume waxa uu ahaa Madaxweynihii ugu horreeyay ee Zanzibar iyo ku xigeenkii ugu horreeyay ee Tanzania, waxaa lagu toogtay dhismaha xarunta dhexe ee Xisbiga Afro-Shirazi (ASP) ee Zanzibar 7-dii April 1972-dii. 5- Laurent-Desire Kabila – DR Congo (Jamhuuriyadda Dimuqraadiga Kongo) Laurent-Desire Kabila Waa Madaxweynihii 3-aad ee Jamhuuriyadda Dimuqraadiga Kongo (DR Congo) oo xiligiisa loo garanayay Zaire, waxa uu dalka xukumayay 17-kii May 1997-dii ilaa 16-kii Janaayo 2001. Geeridiisa waxaa la shaaciyay 18-kii Janaayo 2001-dii, Wasiirkiisa caafimaadka Leonard Mamba waxa uu ku sugnaa qofka ku dhegan kan lagu toogtay Madaxweynaha, waxaana toogtay Kabila mid kamid ah ilaaladiisa gaarka ah. 6- Gen. Ibrahim Baré Maïnassara- Niger Madaxweynihii 5-aad ee Niger Gen. Ibraahim Barre waxa uu hoggaamiye ka ahaa dalkaas intii u dhxeysay 27-kii January 1996-dii illaa 9-kii April 1999, kadib markii dalkaas uu galay rabshad ka dhalatay Doorashooyinka. 7- Samuel Doe – Liberia Samuel Kanyon Doe waxa uu hoggaamiye u ahaa militariga awoodda ku qabsaday William Tolbert, ciidamada waxa uu ka gaaray heerar kala duwan, xukunka waxa uu ku qabsaday qori isaga oo hayay intii u dhaxeysay 12-kii April 1980 – 6-dii January 1986. Waxa uu ku eedeysanaa in uu geystay xadgudubyo ka dhan ah Aadanaha maadama muddada uu xafiiska joogay uu ku sifoobay kali talisnimo & cabsi gelinta dadka isku daya in ay ku hamiyaan xilkiisa. 8- João Bernardo Vieira – Guinea Bissau Joao Vieira waxa uu hoggaamiye ka ahaa Guinea Bissau saddex waqti doorasho, markii ugu horeysay waxa ay ahayd 1980 illaa 1984, markiisii labaad 1984 ilaa 1999, halka markii saddexaad uu ku guuleystay 2005 ilaa 2009. Askartiisa ayaa toogatay saacado kadib markii la dilay Taliyihii Ciinka Gen. Batista Tagme Na Waie, qarax ayaa la maqlay markii la dilayay waxa uu dhaliyay shaki la xiriira in Bam lagu dilay inkasta oo aanay la caddeyn. Isha: BBC Somalia The post Liisla madaxweynayaasha dalalka Afrika ee la toogtay iyaga oo xilal haya (Aqriso) appeared first on Caasimada Online.

Wasiiru-dawlaha Wasaaradda Ganacsiga iyo Warshadaha Xukuumadda Federaalka Soomaaliya Cabdulqaadir Shariif Sheekhunaa Maye ayaa maanta ka qeyb-galay shirkii lixaad ee ay yeeshaan Wasiirada Ganacsiga dalalka Afrika ee ku bahoobay heshiiska urur Ganacsiyeedka Aaga Ganacsiga Xorta ah ee Afrika ( Africa Continental Free Trade Ara). Shirka waxa looga hadlayey dhammeystirka heshiiska iyo sidii loo bilaabi lahaa dhaqan-gelintiisa Afrika dhexdeeda. Waxa kale oo uu sheegay in loogga hadlay sidii wadamada Afrika ay iskaashi uga sameyn lahaayeen horumarinta dhinacyada Ganacsiga iyo sidoo kale siddii meesha looga saari lahaa caqabadaha ganacsi ee ka jira Qaaradda Afrika. Mudane Cabdulqaadir Shariif Sheekhunaa Maye oo shirka ka dib la hadlay Warbaahinta, ayaa xusay in shirkani uu daba socday shir hore ee Agaasimeyaasha Ganacsiga Afrika ay ku yeesheen dalka Ghana. Wuxu sidoo kale ka hadlay, waxyaabaha uu heshiiskan ganacsi u so kordhin karo ganacsiga Soomaaliya iyo midka guud ahaaneed ee Qaaradda Afrika isaga oo carabka ku dhuftay in Soomaaliya ay ka helayso suuqyo ganacsi oo caalami ah oo loo dhoofiyo wax-soo-saarka dalka iyo sidoo kale inay noqon doonto xudunta isku xirka qul-qulatooyinka ganacsiga Adduunka ee mari doona badweynta Hindiya. PUNTLAND POST The post Dowladda Soomaaliya oo ka qayb-gashay Shirka Ganacsiga Xorta ah ee Afrika appeared first on Puntland Post.

Ra’iisul Wasaaraha Xukuumadda Federaalka Soomaaliya Maxamed Xuseen Rooble oo la kulmay ciidamada Taliska qeybta 43-aad ee ka howlgala Jubbooyinka ayaa bogaadin u jeediyay ciidankaas. Ra’iisul Wasaaraha oo la hadlay ciidamada ayaa uga warbixiyay dadaalka dowladda iyo sida ay lagama maarmaanka u tahay in laga jawaabo baahiyada ay qabaan ciidamada. R/wasaare Rooble,waxa uu ciidanka ku ammaanay guulaha ay ka gaareen dagaalka ay kula jiraan kooxaha Nabad-Diidka. Isagoona balan qaaday in xukuumaddiisu ay mudnaan gaar ah siin doonto wax u qabashada ciidamada. Ra’iisul Wasaaraha waxaa kulamada uu la qaatay ciidanka ku weheliyey Madaxweynaha Jubaland Axmed Maxamed Islaam, Wasiirro, Xildhibaann iyo madax heer federaal iyo dowlad-goboleed ah. PUNTLAND POST The post Rooble iyo Axmed Madoobe oo kulan la qaatay saraakiisha Ciidamada Jubooyinka appeared first on Puntland Post.

Finland's Supreme Administrative Court has ruled that the Finnish Immigration Service Migri can deport a Finland-born, Somali-background man due to his criminal record. Source: Hiiraan Online

Muqdisho (Caasimada Online) – Ilo-wareedyo kala duwan lagu kalsoon yahay ayaa Caasimada Online u sheegay in guddoomiyaha guddiga doorashooyinka ee Heer Federaal (FIET) Maxamed Xasan Cirro iyo madaxtooyada Soomaaliya uu khilaaf soo kala dhaxgalay ka hor doorashadiisa. Xogta ayaa tilmaameysa in Cirro iyo Villa Somalia uu khilaafkooda yimid markii guddiyada lagu sameeynayay baaritaanka oo ay ka dhax arkeen magaciisa 67-ka xubnood ee ay mucaaradka gudbiteen, waxayna markaas kadib aamineyn in uusan soo laaban doonin oo laga saari doono iyo in haddii uu soo laabtana uusan xilkaan heli karin, kadibna ay xiriirka u jareen. Sidoo kale, xubno ku dhow madaxweynaha ayaa la sheegay in marar badan oo uu xiriir lasoo sameeyey Cirro intii uu baaritaanka socday aysan ka jawaabin wicitaanadiisa, ayaga oo rumeysnaa inuu ku biiri doono xubnaha laga saarayo guddiga ee liiskooda la gudbiyey. Si kastaba, Cirro ayaa si lama filaan ah uga badbaaday xubnaha la tuuray, wuxuuna kadib olole u ogolay inuu noqdo guddoomiye, isaga oo aan isku haleeneyn Villa Somalia. Xogta aan helnay ayaa intaas ku dareysay in guusha Cirro ee doorashada guddoomiyaha guddiga ay ka dambeeyeen xubno kamid ah Midowga Murashaxiinta si gaar ahna Xasan Cali Kheyre, inkasta oo markii dambe madaxtooyada ay taageero ku dartay markii ay dareentay inuu guuleysanayo. Madaxweynihii hore ee Soomaaliya Xasan Sheekh Maxamuud, Murashax Xasan Cali Kheyre iyo xubno kale oo mucaaradka kamid ah ayaa la sheegay in ay aad u taageereen in doorashadii guddiga FIET uu ku soo baxo Maxamed Xasan Cirro oo hore xilkaan u hayay aadna ugu dhawaa Villa Somalia balse ay mar dambe xumeeyeen. Sidoo kale guushiisa waxaa la sheegay in uu door ku lahaa Madaxweynaha Maamulka Puntland Saciid Cabdullaahi Deni oo ay wararku sheegayaan in uu yahay Murashax Madaxweyne. Maxamed Xasan Cirro iyo xubno guddiga kamid ah ayaa Arbacadii kulan la qaatay Ra’iisul Wasaarihii hore ee Soomaaliya Xasan Cali Kheyre waana Murashaxii ugu horreeyay ee la kulma guddiga FIET. The post XOG: Sidee ku xumaaday xiriirka VILLA SOMALIA iyo guddoomiye Maxamed Cirro appeared first on Caasimada Online.

The King Salman Humanitarian Aid and Relief Center (KSrelief) concluded its livelihood support workshops for women and youth in Somaliland. Source: Hiiraan Online

Madaxweynaha Mareykanka Joe Biden ayaa difaacay go’aankiisa uu ciidamada milatariga ugala baxayo Afghanistan, isagoo sheegay in howlgalada Mareykanka ay dhamaan doonaan 31 Ogoosto. Biden ayaa ayaa sidoo kale difaacay sida xowliga ah ee u socdo bixitaanka ciidamada Mareykanka, isagoo sheegay in ciidamadu badbaadiyeen nafaf badan. Hadalka Mr Biden ayaa imaanaya iyadoo kooxda mintidka ah ee Taliban ay sii wadaan inay gacanta ku dhigaan qaybo badan oo dalkaas ka mid ah. Ciidamada Mraykanka ayaa Afghanistan ka dagaallamayey ku dhawaad 20 sannadood, ka dib weerarkii argagixiso ee 11 September ee sannadkii 2001-dii. PUNTLAND POST The post Joe Biden Oo Difaacay Go’aankiisa Uu Ciidamada Milatariga Ugala Baxayo Afghanistan appeared first on Puntland Post.

With peace and stability returning to Somalia, the country is beginning to enjoy international banking and financial services that can link the country to global financial networks for ease of doing business, and also support the growth of local industries. Source: Hiiraan Online

Port-au-Prince (Caasimada Online) – Laba nin oo la rumeysan yahay inay yihiin Mareykan – oo mid ka mid ah uu waardiye ka ahaan jiray safaaradda Canada ee Port-au-Prince – ayaa loo xiray dilka madaxweynihii dalka Haiti Jovel Moise. Mathias Pierre, oo ah wasiirka doorashooyinka Haiti, ayaa u sheegay wakaaladda wararka AP in mid ka mid ah raggaas lagu magacaabo James Solages. Labada nine e Mareykanka ah ayaa la sheegay inay asal ahaan kasoo jeedaan Haiti, waxayna ka mid yihiin lix qof oo loo xiray dilka madaxweyne Moise oo aroortii Arbacada ka dhacay gurigiisa gaarka ah. Toddoba tuhmane oo kale ayaa lagu dilay is-rasaaseyn dhex-martay booliska, sida uu sheegay Agaasimaha Booliska Qaranka Haiti, Léon Charles. Peirre ma bixin xog dheeri ah oo ku saabsan James Solages iyo magaca muwaadinka labaad ee Mareykanka ah. Waaxda Arrimaha Dibedda Mareykanka ayaa sheegtay inay ka war heyso wararka ku saabsan in muwaadiniin Mareykan ah loo xiray dilka Moise, balse aysan xaqiijin karin. Solages ayaa isku sheegay inuu yahay “wakil diblomaasiyeed oo diiwaan-gashan,” iyo inuu maamulo hay’ad u ololeysa caruurta oo 2019-kii uu ku aas-aasay gobolka Florida ee dalka Mareykanka. Website-ka hay’addiisa ayaa waxaa ku qoran in Solages uu waardiye ka ahaan jiray safaaradda Canada ee Haiti. Safaaradda Canada weli kama hadlin arrintan. Goobjoogeyaal ayaa sheegay in labada nin ee Mareykanka ah Khamiistii laga helay ayaga oo ku dhuumanaya howd ku yaalla magaalada caasimadda ah ee Port-au-Prince. Ra’iisul Wasaaraha ku-meel gaarka ah ee Haiti Claude Joseph ayaa Arbacadii sheegay in madaxweynaha “ay gurigiisa ku dileen koox ajnabi ah oo ku hadlayey luuqadaha English-ka iyo Spanish-ka.” Haiti waxaa looga hadlaa luuqadda Faransiiska. Saraakiisha illaa iyo hadda ma sheegin sababta loo maleynayo inay dhiiri-gelisay dilka madaxweyne Moise. Dhinaca kale, garsoore Carl Henry Destin ayaa wargeyska Nouvelliste u sheegay in 12 xabad lagu dhuftay madaxweynaha, kuwaas oo kaga dhacay madaxa, xabadka, sinta iyo caloosha. Xaaska Moise ayaa iyana lagu dhaawacay weerarka, waxaana lagu daweynayaa isbitaalka Ryder Trauma Center ee magaalada Miami ee dalka Mareykanka oo diyaarad helicopter lagu keenay. Gabadhooda Jomarlie oo guriga ku sugneyd markii weerarka uu dhacay ayaa ka bad-baaday kadib markii ay sariir hoosteeda isku qarisay, sida uu sheegay Destin. Waxa uu intaas ku daray in adeegto iyo laba shaqaale kale oo guriga ku sugnaa ay gacmaha iyo lugaha ka xireen kooxda weerarka soo qaaday. Moise, oo aan taageero badan haysan ayaa Haiti oo ah dalka ugu saboolsan Latin America, ku xukumayey dikreeto kadib markii doorashooyinkii sharci-dejinta ee lagu waday inay dhacaan 2018 dib loo dhigay. The post Dilka madaxweynihii Haiti oo lugaha la galay saraakiil Mareykan ah (Xog cusub) appeared first on Caasimada Online.

Iibka Xoolaha Soomaalida oo si xawli ah uga socda Dalka Imaraadka Carabta+Qiimaha oo sareeya & Habka Iibka oo la fududeeyay Dalka Imaaraadka Carabta ayaa hirgeliyey nidaam fudud oo uu Soomaalida uga iibsanayo xoolaha xilli hadda lagu guda galay xilliga iibsiga xoolaha ka hor Ciidul Adxaa oo ay naga xigto wax ka yar laba toddobaad. Nidaamkan ayaa ah in xoolaha lagu kala gato qaab Online ah, taasi oo sahashay in Imaaraadka Carabta la geeyey sanadkan xoolo tiro badan oo laga qaaday Soomaaliya, iyadoo ay Imaaraadka marisay tijaabo caafimaad oo qaadatay waqti badan, kadibna Sida lagu daabacay Gulf News qiimaha “Wanka Soomaaliya” laga qaado ee yar oo dhan 12kg isla markaana ah Lix bil jir waxaa la iibinayaa lacag u dhaxeysa 925 ilaa 980 Dirham oo u dhiganta ($251-$266). Dowladda Imaaraadka ayaa dadka shacabka ah u fududeysay kawaano Online looga iibsan karo Xoolaha loogu talagalay Ciidul Adxaa, dadka ayaa dalbanaya kadib waxaa loogu keenayaa Guryahooda. Waxaa socdo diyaar garow xooggan oo loogu jiro Ciidda Carafo oo la filayo inay noqoto 20 July 2021, maadaama ay dadka gooracayaan xoolo waxaa loo diyaariyey goobo hoosstaga Dowladda Hoose ee Imaaraadka Carabta. Suuqa Online-ka ah ayaa waxaa lagu kala iibsanayaa Ariga, Lo’da & Geella, waxaana xoolaha inta ugu badan laga keenay dalka Soomaaliya oo ah dal hodan ku ah xoolaha. Mas’uuliyiinta Abu Dhabi ayaa sheegay in qaabkaan uu fududeynayo dalabaadka dadka & gudbinta Xoolaha ay dooqdaan, xafiisyo kala duwan ayay shirkadaha ka sameysteen xaafadaha Magaalooyinka waaweyn. Sidoo kale, dalka Sacuudi Carabiya ayaa kamid ah wadamada xoolaha Soomaaliya loo dhoofiyo, gaar ahaan waqtiga Ciidul adxaa, waxaa dhowr jeer dib loo soo celiyey xoolo laga qaaday Soomaaliya oo la geeyey Sacuudiga, waxaana sababta lagu sheegay in xoolahaas ay xanuunsan yihiin. Qaran News

Madaxweynaasha Afrikaanka ah ee Toogasho lagu dilay iyaga oo xukunka haya Dhacdooyinka dilalka qorsheysan ee ka dhaca wadamada waaweyn ayaa aad hoos ugu dhacay sanadihii la soo dhaafay, balse waxay u muuqataa wali in ay dalalka qaar ka dhaceyaan. Madaxweynaha dalka Haiti, Jovenel Moïse ayaa shalay la toogtay xilli uu ku sugnaa gurigiisa oo ku yaalla caasimadda dalkaas. Rag hubeysan oo aanan heybtooda la aqoon ayaa weerar ku qaaday guriga madaxweynaha qiyaastii koowdii habeennimo ee waqtiga dalkaas. Kusimaha ra’iisul wasaaraha ayaa sheegay in la qaaday tallaabo kasta oo lagu badbaadinayo dalka, wuxuuna haatan la wareegay awoodda dalkan ku yaalla gacanka Caribbean-ka, isaga oo shacabka ugu baaqay in xasillooni ay muujiyaan. Dhacdooyinka dilalka qorsheysan waxay ka dhacaan dunida oo dhan, balse inta badan waxay ka dhacaan Bariga Dhexe, Koonfur-bari Aasiya iyo Saxaraha hoose ee Afrika. Halkan kaga bogo qaar ka mid ah madaxweynayaasha Afrika ee toogashada lagu dilay iyaga oo weli xukunka haya. 1: Idriss Deby – Chad Madaxweynihii dalka Chad, Idriss Déby, ayaa si lama filaan ah ku geeriyooday kaddib markii uu dagaal dhacay isagoo ku sugan jiidda hore ee dagaalka ay ciidamada waddankiisa kula jiraan xoogagga fallaagada,. Déby oo 68 jir ahaa ayaa ciidanka booqanayay xilli ay xoogagga fallaagada ku ah dowladdiisa ku howlan yihiin olole ay ku qabsanayaan dhul hor leh. Dagaalka madaxweynaha lagu dilay waxaa fuliyay fallaagada ku sugan xadka u dhaxeeya Chad iyo Liibiya, halkaas oo ah goobta uu tagay Déby. Mr Déby wuxuu xukunka ku qabsaday afgambi dhacay sanadkii 1990-kii, in ka badan 30 sano ayuuna xilka hayay. Idriss Déby wuxuu ku dhashay magaalada Fada ee bariga dalka Chad sanadkii 1952-kii. Isagoo ah askari ka tirsan militariga ayuu siyaasigii lagu magacaabi jiray Hissen Habre ka caawiyay inuu xukunka ka tuuro Goukouki Oueddei, sanadkii 1982-kii. 1989-kii, wuxuu u baxsaday dalka Suudaan kaddib markii lagu eedeeyay inuu qorsheynayay afgambi militari. Laakiin hal sano kaddib xisbigiisa oo la magac baxay dhaqdhaqaaqa waddaniga ayaa kacdoon hubeysan oo ay sameeyeen xukunka uga tuuray Mr Habre oo dalka dibaddiisa u cararay. 1991-kii ayay ku dhawaaqeen in Mr Déby uu yahay madaxweynaha Chad. 2: Sheekh Cabayd Aman Karume – Zanzibar Wuxuu ahaa Madaxweynihii ugu horreeyay ee Zanzibaar iyo ku-xigeenkiisii ​​ugu horreeyay ee Tanzania. Sheekh Karume waxaa lagu toogtay dhismaha Xarunta Dhexe ee Xisbiga Afro-Shirazi (ASP) oo ku taala Zanzibar, bishii Abriil 7, 1972. Waxaa la sheegay in nin ka mid ahaa ilaaladiisa gaarka ah uu fuliyay weerarka, in kastoo aan ilaa hadda la hubin, sababo la xiriira ku dhawaaqida geerida hoggaamiyaha oo aan horay loo sii shaacin, taas oo aan laga ilaabi doonin taariikhda jasiiraddii xoraynta. 3: Mucamar Qadaafi – Libya Waxaa lagu xasuustaa awoodiisa militari ee ka caawisay inuu xukunka la wareego sannadkii 1969. Waa la qabtay oo la jirdilay ka hor intaan la dilin, bishii Oktoobar 20, 2011, ka dib isku dhacyo taxane ah oo loogu magac daray ‘Dagaalkii Sirte’ ee u dhaxeeyay askarta daacada u ahaa isaga iyo ciidamada NTC oo aan adeecin. Arrintaas waxay ka dhalatay kacdoonkii dalalka carabta oo dalka Libya gaaray, illaa xukunka laga tuuray Qadaafi. 4: Cabdirashiid Cali Sharmaarke – Soomaaliya Cabdirashiid Cali Sharmaarke wuxuu xilka madaxweynaha hayay muddo ku dhow laba sano iyo bar. Madaxweynihii labaad ee Soomaaliya, Cabdirashiid Cali Sharmaarke ayaa la dilay 15 October, 1969. Wuxuu ahaa madaxweynihii labaad ee Soomaaliya ee si nabad ah xilka kula wareegay, balse dilkiisii ka dib, waxaa xukunkii dalka la wareegay militarigii uu hoggaaminayay Maxamed Siyaad Barre. Cabdirashiid wuxuu sidoo kale noqday Ra’iisul Wasaarihii Soomaaliya, 1960 illaa 1964. 5: Laurent-Desire Kabila – DR Congo Wuxuu ahaa Madaxweynihii seddexaad ee DR Congo, oo xilligaas loo yaqaanay Zaire. Wuxuu dalka xukumayay laga soo bilaabo 1997 illaa markii la dilay, bishii Janaayo 2001. Markii xukunka uu la wareegay madaxweynihii isaga ka dambeeyay, Mobutu Seseseko, wuxuu badelay dastuurka wuxuuna dib usoo celiyay DRC wuxuuna tirtiray magaca Zaire. Laurent-Desire Kabila Waxaa lagu toogtay xafiiskiisa, bishii Janaayo 16 2001. Waxaana isla markiiba loo qaaday Zimbabwe si loogu daweeyo. Geeridiisa ayaa la shaaciyey Janaayo 18. Wasiirkii caafimaadka ee xilligaas, Leonard Mamba, wuxuu ku sugnaa qolka labaad, markii uu weerarku dhacayey. 6: João Bernardo Vieira – Guinea Bissau Vieira wuxuu u hogaamiyay Guinea-Bissau sedex xilli oo kala duwan, laga soo bilaabo 1980 ilaa 1984, wuxuu xilka qabaty markii labaad 1984 ilaa 1999. Mar saddexaad ayuu haddana ku soo noqday 2005 ilaa 2009. Vieira wuxuu Guinea-Bissau hogaamiyay 19 sano. Afar sano ka dib (2-da Maarso 2009) waxaa dilay askartiisa, saacado uun ka dib, dilkii taliyaha ciidanka General Batsta Tagme Na Waie. Warbixinnada ku saabsan dhimashadiisa ma cadda. Dadka qaar waxay aaminsan yihiin in lagu dilay bambo, kuwa kalena lagu dilay rasaas markii dambena bambo lagu qarxiyay. 7: Samuel Doe – Liberia Samuel K. Doe wuxuu ahaa Madaxweyne laga bilaabo Abriil 12, 1980, wuxuuna hoggaaminayay afgembigii militariga ee Monrovia ee xukunka looga tuuray William Tolbert. Samuel Kanyon Doe, oo ah ruug cadaa ka tirsanaa ciidamada qalabka sida, oo xukunka kula wareegay qori, wuxuu madaxweyne ahaa 10 sano, intii u dhaxeysay 1980 illaa 1990. Wuxuu caan ku ahaa xukun kaliye talisnimo ah ee xadgudubyada xuquuqda aadanaha. 8: General Ibrahim Baré Maïnassara- Niger Maïnassara, wuxuu ahaa xubin ka tirsan Maouri ee qowmiyadda Hausa, wuxuuna xukumayay Niger muddo seddex sano ah – intii u dhaxeysay 1996 iyo 1999. Wuxuu soo afjaray xukunkii militariga sannadkii 1991, ilaa Maarso 1995. Maïnassara wuxuu noqday Taliyaha Ciidamada Difaaca ee dalkaas. Doorashadii baarlamaanka ee Janaayo 1995, waxay dhalisay xiisad u dhaxeysay madaxweynihii xilligaas Mahamane Ousmane iyo aqlabiyadda baarlamaanka oo ay hoggaaminayeen xildhibaannada mucaaradka ee uu horkacayay ra’iisul wasaaraha, Hama Amadou. Taas waxay sababtay in dowladdu ay khalkhal gasho oo ay noqoto mid awood la’aan ah, waxayna ahayd markii uu Maïnassara, abaanduulaha ciidanka, uu xafiiska la wareegay oo uu madaxweyne noqday, bishii January 27, 1996. Geeridiisii ​​ka dib, Raiisal wasaare Amadou iyo hogaamiyeyaasha kale ee sarsare waxay ku dhawaaqeen in ay yihiin madaxweynayaal. Ka dib hogaamiyihii militariga Daouda Malam Wanke, ayaa soo faragaliyay wuxuuna isku magacaabay madaxwayne bishii Abriil 11, 1999, waxaa tallaabadaas lagu tilmaamay afgambi ula kac ah. Qaran News

Aabbo Soomaaliya oo 55 jir ah oo go’aansaday inuu noloshiisa wax bedelo,Isguulna Bilaabo+Wuxu la kulmay Aadan Muxumed Cumar, waa aabo Soomaaliyeed oo 55 sano jir ah, wuxuu wax ka bartaa mid ah iskuullada ku yaala magaalada Garissa ee Waqooyi Bari dalka Kenya. Wuxuu soo maray xaalado kala duwan, sida uu sheegay balse ugu dambayntii wuxuu go’aansaday inuu waxbarashada dhankeeda tijaabiyo. Aadan, fasalka uu dhigto waxaa ku wehliya arday da’yar, balse sheekada aabahan ayaa dhiiragelinaysa dad badan oo u haystay in qof weyn uusan wax baran karin. Aabahan ayaa BBC-da uga warramay sababta ku kaliftay inuu xilligan waxbarasho bilaabo, wuxuuna sheegay inuu rabo in uu tusaale uu u noqdo dadka aaminsan in qof weyn uusan xilligan xiran karin dharka iskuulka ee carruurta ay xirtaan. Wuxuu sidoo kale ka sheekeeyay inuu soo maray xaaladda kala duwan ka hor inta uusan go’aansanin inuu noqdo arday. “Wax badan ayaan soo maray aniga, reer baadiya ayaan ahaa oo xoolo ayaan soo raaci jiray, kaddib waxaan aaday Nairobi ilaa Kisumu, waxaana ka soo qabtay shaqooyin kala duwan,” ayuu yiri. “Waxaan mar ahaa waardiye, inta badanna dad ayaan u shaqaynaayay, marna anaa shaqaysanayaay oo alaab ayaan wareejin jiray waxaana wadi waayay shaqooyinkaas waxbarasha la’aan darteed, sababtoo ah dadka magaalooyinkaas joogo luuqada kale ayey ku hadlaan.” Aaadan ayaa sheegay in shaqooyinkii uu soo qabtay dhamaantood uu wadi waayay “waxbarasha la’aan darteed”. Caqabadda ugu wayn ee uu la kulmay waxay ahayd luqadaha ay dadka kale ku hadlaan, si gaar ah, magaaloyiinkii uu ka soo shaqeystay. “Muddo shan iyo toban sano ah ayaan dad u shaqaynayay ka dib ayaan ganacsi aan aniga leeyahay bilaabay. Waxaan ogaaday ugu dambayntii in waxbarasha la’aan aan meel la gaari la’ahay”, ayuu u sheegay BBC Somali. “Hadaad rabto in aad ganacsi ka shaqayso, waa in aad aqoonteeda leedahay. Hadaad rabto in aad xafiis ka shaqayso, waa inaad aqoon leedahay. Hadaad rabtid in aad siyaasad gasho, waa inaad aqoon leedahay. Marka aqoon la’aan meel looga maarmo malahan,” Ayuu yiri Aadan. Ninkan 55 sano jirka ah wuxuu ardayda da’da yar ku booriyay muhiimadda ay waxbarashada leedahay, wuxuuna tilmaamay in iskuulka uu u xirto dharka loogu talagalay, isaga oo awoodo inuu dharkiisa caadiga ah la tago. “Waxaan go’aansaday in aan qof walba u muujiso in dharkan la xiran karo oo aysan da’da ku xirnayn.” “Waxbarashada da’ malahan. Marka waxaan go’aansaday in aan wax barto oo aan tusaale u noqdo ilmaha hadda joogan. “Waxabarashada maadiga ah waxay kaa caawinaysaa wax badan, haddii aad xitaa diinta faafinayso waxay kaa caawinaysaa in aad luuqad kale dadka ku gaarsiiso,” ayuu sheegay. Wuxuu intaa ku daray: “Awal dadka ayaan ka codsan jiray in ay wax ii aqriyaan ama wararka luuqadda Ingiriiska lago qoro i fahansiiyaan, balse hadda aniga ayaa wax walba aqristo.” Qaran News

Yaa ka dambeeyey dilka madaxweynihii Haiti Jovenel Moise? Jovenel Moise Booliska dalka Haiti ayaa dilay afar “calooshood u shaqeystayaal” oo ay sheegeen inay ka dambeeyeen dilka madaxweyne Jovenel Moise, ayaga oo laba kalena xabsiga dhigay. Booliska ma aysan shaacin xogta dadkan iyo sababta ay u weerareen guriga Moise ee magaalada caasimadda ah Port-au-Prince, halkaasi oo sidoo kalena ay ku dhaawaceen xaaskiisa, Arbacadii. Madaxa booliska qaranka Haiti Leon Charles ayaa sheegay in weli ay baxsad yihiin xubno kale oo ka tirsanaa kooxda weerarka fulisay. “Afar calooshood u shaqeystayaal ah ayaa la dilay, laba kalena waa lasoo qabtay oo gacanta ayaan ku haynaa. Saddex boolis oo na laga afduubtayna waa lasoo badbaadiyey,” ayuu yiri Charles. Weerarka ayaa abaare 1:00 am ka dhacay guriga gaarka ah ee madaxweyne Moise. Garsoore Carl Henry Destin ayaa wargeyska Nouvelliste u sheegay in 12 xabad lagu dhuftay madaxweynaha, kuwaas oo kaga dhacay madaxa, xabadka, sinta iyo caloosha. Xaaska Moise ayaa iyana lagu dhaawacay weerarka, waxaana lagu daweynayaa isbitaalka Ryder Trauma Center ee magaalada Miami ee dalka Mareykanka oo diyaarad helicopter lagu keenay. Gabadhooda Jomarlie oo guriga ku sugneyd markii weerarka uu dhacay ayaa ka bad-baaday kadib markii ay sariir hoosteeda isku qarisay, sida uu sheegay Destin. Waxa uu intaas ku daray in adeegto iyo laba shaqaale kale oo guriga ku sugnaa ay gacmaha iyo lugaha ka xireen kooxda weerarka soo qaaday. Ra’iisul Wasaare Joseph waxa uu sheegay in madaxweynaha “ay gurigiisa ku dileen koox ajnabi ah oo ku hadlayey luuqadaha English-ka iyo Spanish-ka.” Haiti waxaa looga hadlaa luuqadda Faransiiska. Safiirka Haiti ee Washington Bocchit Edmond ayaa sidoo kale sheegay in dilayaasha ay ahaayeen “xirfadlayaal” calooshood u shaqeystayaal ah, oo iska dhigay wakiilada maamulka Mareykanka u qaabilsan ka hortagga daroogooyinka ee DEA. Moise, oo aan taageero badan haysan ayaa Haiti oo ah dalka ugu saboolsan Latin America, ku xukumayey dikreeto kadib markii doorashooyinkii sharci-dejinta ee lagu waday inay dhacaan 2018 dib loo dhigay. Qaran News

Addis Ababa (Caasimada Online) – Agaasimaha guud ee Wasaaradda gaashaandhigga Soomaaliya, Xasan Maxamed Saciid Samatar iyo Agaasimaha Waaxdka Yurub iyo Maraykanka, Cabdidaahir Cabdiraxmaan Cabdi ayaa ku sugan magaalada Addis-Ababa. Xubnahan ayaa Soomaaliya ku metelaya shir ka furmay magaalada Addis Ababa, oo ay sidoo kale ka qeyb-galeen mas’uuliyiin ka socday dalalka IGAD ayaa waxa loogu magac daray First Technical Committee Meeting of the IGAD SSP IED Threat Assessment (Farsamo 1-aad ee barnaamijka Amniga dalalka IGAD ee qiimaynta halista qaraxyada ee heer gobobol). Kulanka shalay ayaa waxaa lagu qiimeeyay sida qaraxyada ay maleegan argagixisada ay u saameynayaan dalalka ku bahoobay IGAD, gaar ahaan dalalka Soomaaliya iyo Kenya oo halis amni ay arrintaasi ku hayso. Kulanka oo uu Shir-guddoominayay madaxa barmaajika Amniga IGAD (IGAD SPP) Gaanshale Sarre Abebe Muluneh Beyene ayaa sidoo kale waxaa diirada lagu saaray sidii qiimeyn guud loogu sameyn lahaa halista qaraxyadaas. Dalalka kulanka ka qayb-galay ayaa waxay kala ahaayeen; Soomaaliya, Uganda, Kenya, Suudaan, Konfuurta Sudan iyo Itoobiya, waxaana ka baaqday wadanka Habuuti oo kamid ah dalalka ay Ciidamada ka joogaan Soomaaliya. The post Warbixin: Maxay Ethiopia u joogaan wafdiga ay dirtay DF? appeared first on Caasimada Online.

Dubai (Caasimada Online) – Dalka Imaaraadka Carabta ayaa hirgeliyey nidaam fudud oo uu Soomaalida uga iibsanayo xoolaha xilli hadda lagu guda galay xilliga iibsiga xoolaha ka hor Ciidul Adxaa oo ay naga xigto wax ka yar laba toddobaad. Nidaamkan ayaa ah in xoolaha lagu kala gato qaab Online ah, taasi oo sahashay in Imaaraadka Carabta la geeyey sanadkan xoolo tiro badan oo laga qaaday Soomaaliya, iyadoo ay Imaaraadka marisay tijaabo caafimaad oo qaadatay waqti badan, kadibna Sida lagu daabacay Gulf News qiimaha “Wanka Soomaaliya” laga qaado ee yar oo dhan 12kg isla markaana ah Lix bil jir waxaa la iibinayaa lacag u dhaxeysa 925 ilaa 980 Dirham oo u dhiganta ($251-$266). Dowladda Imaaraadka ayaa dadka shacabka ah u fududeysay kawaano Online looga iibsan karo Xoolaha loogu talagalay Ciidul Adxaa, dadka ayaa dalbanaya kadib waxaa loogu keenayaa Guryahooda. Waxaa socdo diyaar garow xooggan oo loogu jiro Ciidda Carafo oo la filayo inay noqoto 20 July 2021, maadaama ay dadka gooracayaan xoolo waxaa loo diyaariyey goobo hoosstaga Dowladda Hoose ee Imaaraadka Carabta. Suuqa Online-ka ah ayaa waxaa lagu kala iibsanayaa Ariga, Lo’da & Geella, waxaana xoolaha inta ugu badan laga keenay dalka Soomaaliya oo ah dal hodan ku ah xoolaha. Mas’uuliyiinta Abu Dhabi ayaa sheegay in qaabkaan uu fududeynayo dalabaadka dadka & gudbinta Xoolaha ay dooqdaan, xafiisyo kala duwan ayay shirkadaha ka sameysteen xaafadaha Magaalooyinka waaweyn. Sidoo kale, dalka Sacuudi Carabiya ayaa kamid ah wadamada xoolaha Soomaaliya loo dhoofiyo, gaar ahaan waqtiga Ciidul adxaa, waxaa dhowr jeer dib loo soo celiyey xoolo laga qaaday Soomaaliya oo la geeyey Sacuudiga, waxaana sababta lagu sheegay in xoolahaas ay xanuunsan yihiin. The post IMAARAADKA CARABTA oo hirgeliyey hab fudud oo lagu iibsado xoolaha Soomaalida appeared first on Caasimada Online.

Cabdi Cali Raage oo sheegay in uu yahay musharax xildhibaan ayaa maanta diyaarad uu saarnaa laga celiyay garoonka diyaaradaha magaalada Kismaayo. Musharaxa oo markii hore ka duulay Muqdisho ayaa diyaaradii uu saarnaa markii ay ku hoobatay garoonaka Kismaayo lagu wargeliyay duuliyaha in uusan sababo amni awgood uga degi karin garoonka. Cabdi Cali Raage oo markii uu dib uga laabtay Muqdisho la hadlay warbaahinta ayaa sheegay in tallaabada loogu diiday Kismaayo ay tahay mid mugdi galinaysa doorasho hufan oo ka dhacda Jubaland. Muuqaalka Cabdi Raage Cabdi Cali Raage ayaa ah lataliyaha Madaxweyne Farmajo ee arrimaha doorashada. Dhanka kale maamulka Jubaland ayaa ka hadlay sababta ay Cabdi Cali Raage ugu diideen in uu ka soo dego Kismaayo. Taliyaha Booliska Qeybta Jubbada hoose Gashaanle Sare Sadiiq Maxamuud Dhogor oo la hadlay warbaahinta ayaa sheegay in ay maalmahii la soo dhaafay ay la socdeen dhaqdhaqaaqyo ay kooxo uu hormuud u yahay Cabdi Cali Raage ka wadeen gudaha Kismaayo, kuwaas oo sida uu tilmaamay doonayay in ay magaalada soo galiyaan hub sharci darro ah. Taliyaha ayaa sido kale sheegay in ay maanta ciidamadu ka warheleen in Cabdi Cali Raage uu ka soo kicitimay Muqdisho isaga oo isticmalaaya magac aan kiisa ahayn si uu u yimaado magaalada Kismaayo, kaddibna ay ciidammu amreen in uusan kaso degi larin garoonka diyaaraha Kismaayo. Muuqaalka Taliyaha PUNTLAND POST The post Musharax xildhibaan oo loo diiday Kismaayo iyo Jubaland oo ka hadashay waxa sababay appeared first on Puntland Post.

Muqdisho (Caasimada Online) – Xog ay heshay Caasimada Online ayaa sheegeysa in guddigii uu dhawaan Ra’iisul Wasaaraha Soomaaliya u xil saaray baaritaanka dhalinyarada Soomaaliyeed ee ku maqan dalka Eritrea aysan wali shaqa gelin. Xogta ayaa tilmaameysa in guddigaan ay la kulmeen culeysyo dhinaca Villa Somalia ah kadib markii lagu wareejin diiday xogta carruurtaas, halka warar kale ay sheegayaan in dowladda Eritrea oo fulineysa codsi ka yimid dhinaca Farmaajo aysan wali aqbalin in guddiga ay shaqa galaan ama wax xiriir ah lasoo sameeyaan. Sidoo kale waxaa jira warar sheegaya in Eritrea ay baaritaanka carruurtaas iyo xaaladooda ku xirtay in la siiyo lacagihii lagula heshiiyay ee tababarka ciidanka Soomaaliyeed, oo la filayey inay bixiso dowladda Qatar balse ay diiday. Guddiga ayaa ku suga Muqdisho mana jirto ilaa hadda waalid, mas’uuliyiin ama hay’ado kale oo ay la kulmeen marka laga reebo in qaarkood oo wasiirro ah looga yeeray xafiiska Madaxweynaha Soomaaliya. Markii la magacaabay guddigaan waxaa jiray qoraal ay soo saareen mucaaradka, kaas oo ay ku sheegeen in uusan aheyn guddi madax-banaan oo ka warrama xaqiiqda carruurta Soomaaliyeed ee ku sugan dalkaas. Waxaa isa soo taraya cadeymaha caamliga ah ee ku aadan in dhallinyaro Soomaaliyeed oo tababar u jooga dalka Eritrea ay ka qeyb qaateen dagaalkii ka dhacay gobolka Tigray ee Waqooyiga Itoobiya. Midowga Musharaxiinta ayaa dhowaan dalbaday in madaxweyne Farmaajo is-casilo, mar dambana aan loo ogolaan inuu xil ka qabto dalka, sababo la xiriira ku takrifal awoodeed iyo sida uu u haligay dhallinyaraas Soomaaliyeed. The post Xog: Guddigii uu Rooble u magacaabay baaritaanka askarta Eritrea ku maqan oo shaqada joojiyay appeared first on Caasimada Online.

Governor Abdirahman Mohamed Abdullahi discusses reviving Somalia’s war-damaged economy, re-creating a payments system, and dealing with remittances Source: Hiiraan Online

Kismaayo (Caasimada Online) – Maamulka Jubbaland ayaa ka hadlay dhacdadii maanta dib loogu celiyay diyaarad uu saarna La-taliyaha Farmaajo, Cabdi Cali Raage xili ay kasoo degi rabtay garoonka diyaaradaha ee magaalada Kismaayo. Saraakiisha amaanka Jubbaland ayaa saaka ku wargaliyay diyaaradii siday Cabdi Cali Raage in aysan ka soo dagi karin magaaladda Kismaayo, taasi oo keentay in diyaaradu dib ugu laabato magaalada Muqdisho. Taliyaha booliska qeybta Jubbada Hoose, Gaashaanle Sarre Sadiiq Maxamuud oo la hadlay warbaahinta ayaa sheegay in Cabdi Cali Raage uu qeyb ahaa abaabulka koox dooneysay inay hub sharci darro ah soo geliyaan magaalada, si ay u khal-khal geliyaan amaanka maamulka Jubbaland, oo ay ka hortageen. Waxa uu sheegay in maanta ciidamada ka war-heleen in Raage oo magac been abuur ah uga soo safray magaalada Muqdisho, uu ku soo wajahan yahay Kismaayo, taasi oo keentay in Pilote-kii diyaarada lagu amro in uusan soo degin karin, islamarkaana uu ku laabto Muqdisho. “Maalmihii lasoo dhaafay waxaa ka warhelnay in kooxo soo abaabulayeen inay soo geliyaan hub sharci darro ah gudaha magaalada Kismaayo, kooxahaas oo uu hormuud u ahaa nin lagu magacaabo Cabdi Cali Raage si amniga magaalada ka jiro khal-khal u galiyaan, ayada oo la ogyahay inay soo dhowdahay doorashooyinka federaalka oo amniga magaaladana la adkeeynayo” ayuu yiri. “Waxaa maanta ka warhelnay in uu kasoo kicitamay (Cabdi Raage) asaga oo adeegsanaya magaca aan magaciisa aheyn, baaritaan kadib waxaan ogaanay in diyaarad kasoo kacday Muqdisho uu saaran yahay, waxaana ku celinay meeshii ay kasoo kacday.” Sidoo kale waxa uu carabka ku adkeeyay in ciidamada amaanka Jubbaland ay marwalba u taagan yihiin inay gacan bir ah ku qabtaan cid walba oo isku dayda inay ka shaqeeyan khal-khal gelinta amaanka maamulka iyo waxkasta oo lid ku ah, hadey guddo tahay iyo haddey dibed tahay, sida uu sheegay. Jubbaland ayaa ku eedeysay Cabdi Cali Raage inuu muddo ka shaqeynayay curyaaminta maamulkooda, islamarkaana uu kamid yahay dadka isku dayey inay ka faa’iideystaan khilaafka dowlad goboleedka Jubbaland iyo dowladda federaalka Soomaaliya. The post Daawo: Jubaland oo shaacisay sababta ay u celisay Cabdi Cali Raage iyo xog yaab leh appeared first on Caasimada Online.

A family friend of a woman who was found dead in a lake in Harrow has said the family is 'broken and in total shock'. Source: Hiiraan Online

The head of state was shot while asleep at home by unidentified gunmen, with the government saying the “suspected killers” have been detained Source: Hiiraan Online

Source: Hiiraan Online

Muqdisho (Caasimada Online) – Xog ay heshay Caasimada Online ayaa xaqiijineysa in maalintii 3-aad garoonka diyaaradaha ee Muqdisho ay ku xayiran-yihiin dad gaaraya ku dhawaad 40 qof, kuwaas oo ku wajahnaa magaalada Garbahaareey ee xarunta gobalka Gedo. Dadkaan oo u badan shacab ayaa sababsaday laba qof oo lagu sheegay siyaasiin degaanka u dhashay, sidoo kalane ahaa mucaaradka Villa Somalia, waxaana la joojiyay dhamaan rakaabkii saarnaa diyaaradda. Si rasmi ah looma oga tirada dadka ku xayiran garoonka Muqdisho hase yeeshaa waxaa lagu sheegay ku dhowaad 40 oo la socday diyaaradda oo qaada 60 qof. Dadkaan ayaa sidoo kale loo diday in ay ka baxaan garoonka waxaana laga ilaalinayaa in ay la hadlaan warbaahinta. Ciidanka NISA ee ku sugan garoonka ayaa sheegay in baaritaan uu ku socda laba qof oo rakaabka ka mid ah. Dowladda Soomaaliya ayaa soo rogtay amar qarsoodi ah oo dhigaya in Garbahaareey diyaarad kasta oo u socoto ay marka hore soo maraan ciidamada amniga iyadoo loo digay shirkadaha diyaaradaha dalka. Arrintaan ayaa ku soo aadaysa iyadoo Rooble uu guddi u saaray in dib u heshisiin loo qabto dadka gobalka Gedo gaar ahaan reer Garbahaareey si loo guda galo doorashada Soomaaliya, waxaana la aaminsan yahay in arrintaan ay culeys ku keeni doonto dedaalada socdo. Garbahaarey ayaa ka mid ah deegaan doorashooyinka loo asteeyey in lagu soo doorto xildhibaanada golaha shacabka, waxaana magaaladaas aad isugu haya Farmaajo iyo maamulka Jubaland ee uu hoggaamiyo Axmed Madoobe. The post Xog: DF oo Muqdisho ku xayirtay diyaarad ku socotay Garbahaareey + Sababta appeared first on Caasimada Online.

Muqdisho (Caasimada Online) – Guddoomiyaha gobolka Banaadir oo sidoo kalena ah duqa Muqdisho, Cumar Filish ayaa eedeyn culus u jeediyey Wasaaradda waxbarashada Soomaaliya oo uu sheegay inay ka haysato caqabad weyn. Cumar Filish oo maanta ka qeyb-galay munaasibad uu gobolka ku shaacinayay natiijada Imtixaanka Shahaadiga ee Fasalka 8-aad ayaa sheegay in wasaaradda waxbarashada ay lugaha hayso heshiiskii ay kal hore ugala wareegen maamulka waxbarashada gobolka. “Wareejintaas ficil ahaan weli umaysan dhaqan gelin, waxaan rajeynaynaa in waxaas oo dhan ay dhamaan doonaan, si ubadkeena waxbarashada ku jira horumar u gaaran.” Sidoo kale waxa uu sheegay in arday badan ay dhigtaan iskuulada gobolka Banaadir, hase yeeshe ay jiraan kuwo kale oo badan oo wax-baran oo dhibaato ku haya dadka iyo dalka, oo ay tahay in wax laga qabto. Hadalka Filish ayaa imanaya xili uu maanta maamulka gobolka Banaadir uu shaaciyey natiijada imtixaankii uu qaaday gobolka, kaasi oo uu maamulku uu wado sanadkii labaad oo xiriir ah. The post Cumar Filish oo weerar culus ku qaaday mid ka mid ah wasaaradaha dowladda appeared first on Caasimada Online.

Source