Suldaan Maxamed suldaan Cabdillaahi Koor oo ka soo jeeda Gobolka Sanaag, gaar ahaanna degmada Yubbe, ayaa mudda saddex cisho ah u xiran Laamaha Amniga Somaliland. Laanta danbi-baarista Booliiska Somaliland ee C.I.D, ayaa saddex cisho ka hor xabsiga dhigtay suldaanka, sida laga soo xigtay xubno ka tirsan Qoyskiisa. Laamaha Amniga Somaliland weli kama hadlin sababta loo xiray suldaanka, waxaana arrintaas walaac ka muujiyay Ehelada iyo Qoyska suldaanka. PUNTLAND POST The post Suldaan ka soo jeeda Gobolka Sanaag oo muda sadex cisho ah u xiran Somaliland appeared first on Puntland Post.

Xoghayaha guud ee Qaramada Midoobey Antonio Guterres ayaa soo saaray digniin culus oo ku wajahan xaaladda dalka Afgaanistaan isagoo xusay inay gacanta kasii baxayso Afgaanistaan. Guterres ayaa ugu baaqay Taliban inay si deg deg ah u joojiso weerarka isla markaana ay gorgortan daacad ah uga gorgortamto si loo baajiyo dagaal sokeeye oo daba dheeraada, Guterres wuxuu kaloo sheegay in kooxdu ay xannibaadyo culus ku soo rogayso xuquuqda aadanaha, xoghayaha ayaa sheegay in Taliban si gaar ah u beegsanayso Haweenka iyo saxafiyiinta. Qaramada Midoobay ayaa hore uga digtay masiibo bini’aadanimo oo ka dhalan karta haddii dagaalada ku habsaday inta badan Afghanistan ay soo gaaraan waddooyinka caasimadda. Kooxda Taaliban ayaa badi gacanta ku dhigay Afgaanistaan ka dib markii xukuumadda Washington kala baxday Ciidankeedii,wararka ayaa sheegaya in caasimadda dalkaas ee Kabul khatar ugu jirto inay gacanta u gasho kooxda Taliban. PUNTLAND POST The post Qaramada Midoobay oo digniin ka soo saartay xaaladda Afgaanistaan appeared first on Puntland Post.

In ka badan 300 oo qof ayaa geeriyootay dhul-gariir xooggan oo ka dhacay waddanka Haiti. Madaxa Hay’adda Badbaadada Rayidka ee dalkaasi, Jerry Chandler ayaa sheegay in la xaqiijiyey in ay 304 qof ku geeriyootay dhul-gariirkaasi, halka ay ugu yaraan 1,800 oo kalena ku dhaawcmeen. Mas’uulkan oo xalay la hadlay Suxufiyiinta waxa uu tilmaamay in ay 160 dhimasho laga soo weriyey Waaxda Koonfureed ee Haiti, 42 dhimasho oo ka dhacday Nippes oo keliya. PUNTLAND POST The post Dad badan oo ku dhintay dhul-gariir ka dhacay dalka Haiti appeared first on Puntland Post.

Magaalada Baydhaba ee xarunta Gobolka Baay waxaa lagu wadaa in Maanta oo Axad ah ay ka dhacdo doorashada Saddex kursi oo ka harsan Sideeda kursi ee Aqalka Sare ku matala dowlad goboleedka Koonfur Galbeed. Labadii Bishaan ayaa waxaa Magaalada Baydhabo lagu doortay Shan kursi oo kamid ah 8 kursi ee Aqalka Sare ku matala Koonfur Galbeed, waxaana Maanta lagu wadaa in la dhameystiro 8 kursi ee Koonfur Galbeed ku leedahay Aqalka Sare. Ilaa lix Musharax ayaa Maanta ku tartami doona Saddexda Kursi ee doorashadooda ka dhaceysa Magaalada Baydhabo, kuwaas oo marka hore khudbadahooda musharaxnimo jeedin doona, waxaana Magacyadooda ay kala yihiin. 1: Xasan Xuseen Xaaji oo ah Wasiirka Gaashaandhigga Soomaaliya Cabdiraxmaan Maxamed Cabdullaahi 2: Cali Sheekh Maxamuud Gacal Cabdiqadir Cabdi Axmed 3: Cabdiwali Maxamed Ibraahim (Xaabsade). Cabdullaahi Roobow Maxamed PUNTLAND POST The post Doorashada kuraas kamid ah Aqalka sare oo maanta ka dhacaysa Baydhaba appeared first on Puntland Post.

Muqdisho (Caasimada Online) – Xog ay Caasimada Online ka heshay shirka Golaha midowga musharaxiinta maanta uga furmay Hotelka Jazeera ee magaalada Muqdisho ayaa sheegeysa inuu khilaaf xoog leh hareeyey kulankii maanta, kaas sababi gaaray in lagu kala tago. Khilaafka ayaa yimid kadib markii xubno ka tirsan golaha midowga musharaxiinta ay ka hor-yimaadeen in goluhu uu go’aan ka soo saaro hanaanka ay ku socdaan doorashooyinka dalka, gaar ahaan tan ka bilaabatay deegaanada dowlad goboleedyada, taas oo musharaxiinta qaar ay u arkaan inay ceeb ku tahay dimuquraadiyadda curdunka ah iyo sharafta dowladnimada Soomaaliya. Ilo xog ogaal ah oo ku dhaw golaha ayaa Caasimada Online u sheegay in musharaxiinta kala ah Xasan Cali Khayre iyo Shariif Sheekh Axmed ay musharaxiinta kale ka diideen in mowqif mideysan oo ka dhan ah sida ay doorashadu ku socoto lasoo saaro, waxaana jira tuhun ah in labadaas musharax ay lasoo xariireen oo xulufo ay la yihiin qaar ka mid ah madaxda dowlad goboleedyada. Iyadoo lagu kala tegi rabo shirkii maanta, maadaama la kala shakiyey ayey musharaxiintu goor dambe isla qaateen in waqtiga uu soconayo shirku la dheereeyo, oo la gaarsiiyo seddax maalmood, isla markaana wax la dharaan-dhiriyo la-tashiyadana la badiyo. Sababta keentay in musharaxiintu ay maanta shir isugu yimaadaan waxaa lagu sheegay inay hadda ku baraarugeen laba astaamood oo uga soo dhex-baxay qaabka ay u socoto doorashada dalka, kuwaas oo kala ah: 1 – In awoodii doorashada oo dhan, sida xulashada xubnaha ku soo baxaya Aqalka Sare iyo Golaha Shacabka ay gacanta u gashay madaxda dowlad goboleedyada. 2 – Iyo in Ergooyinka soo xuli doona xildhibaanada golaha shacabka ee laga sugayo odayaasha dhaqanka ay 80% soo xula doonaan madaxda dowlad goboleedyada. In madaxda dowlad goboleedyada ay saameyn ku yeeshaan soo xulidda Ergada soo dooraneysa xildhibaanada golaha shacabka waxaa la sheegay in si mal-dahan loogu daray heshiiskii 17-kii doorashada ee Sebtember, balse aan markaas lagu baraarugin. Ilaa hadda afar ka mid ah xarumaha dowlad goboleedyada dalka doorashooyin ka dhacay maalmihii lasoo dhaafay waxaa ku soo baxay 26-Senator, kuwaas oo madax goboleed kasta uu ku soo xushay rabitaankiisa, welina waxaa gobollada ka socota xulashada xubnaha ka mid noqonaya baarlamaanka 11-aad. The post Xog: Midowga Musharaxiinta oo laba u kala qeybsamay iyo shirkii maanta oo lagu kala tagi gaaray appeared first on Caasimada Online.

Madaxweynaha dowladda Federaalka Soomaaliya Maxamed Cabdullaahi Farmaajo oo ka qayb galay munaasabad lagu daah-furayey Guddiga Madaxa Bannaan ee La Dagaallanka Musuq-maasuqa iyo ka mid noqoshada Sharciyada Caalammiga ah ee La Dagaallanka Musuq-maasuqa ayaa tilmaamay in guddigani uu gundhig u yahay hufnaanta maamulka iyo maaliyadda ee Dalka. Madaxweyne Farmaajo ayaa u asteeyey 14-ka bisha Ogoosto ee sannad kasta maalinta La dagaallanka Musuq-maasuqa ee Soomaaliya. Madaxweynaha ayaa muujiyey muhiimadda ay leedahay in ay Soomaaliya ka mid noqoto Sharciyada Caalammiga ah ee La Dagaallanka Musuq-maasuqa, sida: Sharciga Heshiiska Midowga Afrika ee La Dagaallanka Musuq-maasuqa, Sharciga Heshiiska Jaamacadda Carabta ee La Dagaallanka Musuq-maasuqa iyo Sharciga Heshiiska Qarammada Midoobey ee La Dagaallanka Musuq-maasuqa. Madaxweyne Farmaajo ayaa kula dardaarmay Guddiga Madaxa Bannaan ee La Dagaallanka Musuq-maasuqa in ay waajibaadkooda u gutaan si ay ku dheehan tahay waddaniyad iyo hufnaan. Munaasabadda waxaa kale oo ka qayb galay Guddoomiyaha Maxkamadda Sare ee JFS Mudane Baashe Yuusuf Axmed, Wasiirro ka tirsan Golaha Xukuumadda Federaalka Soomaaliya, Xildhibaanno ka mid ah Baarlamaanka Federaalka Soomaaliya, Taliyeyaasha Ciidammada Booliiska iyo Asluubta Soomaaliyeed, Guddoomiyaha Guddiga Madax Bannaan ee La Dagaallanka Musuq-maasuqa. PUNTLAND POST The post Madaxweyme Farmaajo oo ka hadlay la dagaalanka musuq-maasuqa appeared first on Puntland Post.

Jowhar (Caasimada Online) – Caasimada Online ayaa heshay codad sir oo ku aadan xubno ka mid ah Golaha Wasiirada HirShabeelle oo ka cabanaya mushaar la’aan xoogleh oo ay wajahayaan muddo ka badan hal sano. Codadkaan oo la duubay bishii Ramadaanka, ayey wasiiradu ku dalbanayeen in bishaas uu maamulka u fidiyo gacan naxariis leh, maadaama aysan wax lacag ah qaadan muddo aad u dheer, sida ay sheegeen. Sidoo kale xogta ayaa tilmaamaysa in wasiirada iyo Xildhibaanada Baarlamaanka HirShabeelle ay ka cunteeyaan guriga Madaxweynaha kadib markii ay ku adkaatay iibsashada raashinka hoteelada iyo maqaayadaha. Waxay sidoo kale isla kireystaan guryaha kadib ay qolkiiba seexato 2-3 qof, kadibna ay isla bixiyaan lacagta kirada oo dhan $50. Maqaayadaha, hoteelada, iyo goobaha fadhi ku dirirka ayaa la sheegay in aysan tagi karin wasiirada, xildhibaanada iyo saraakiisha kale ee HirShabeelle, waxaana sababta lagu sheegay cabsi laga qabo Al-Shabaab oo joojiyay dhismiyaal badan iyo adeegyo kale oo muhiim u ahaa maamulka HirShabeelle. Bilooyinkii ugu darnaa oo soo mara Golaha Wasiirada HirShabeelle waxay ahaayeen bilihii Soon, Soon-fur iyo Carrafo, maadaama xiligaas qarash badan looga baahan-yahay. Wasiiradan ayaa codad isugu jira baryo iyo calaacal waxay soo dhigeen Group WhatsApp oo ay ku jiraan Golaha Wasiirada, Madaxweynaha iyo Madaxweyne ku-xigeenka. Xubno kamid ah dadka xog ogaalka ah waxay Caasimada Online u sheegeen in madaxda maamulka HirShabeelle ay xil ka qaadis iyo beegsi ku sameynayaan wasiirkii ka hadla dhibaatada ay wajahayaan. Bilooyin ka hor Madaxweynaha HirShabeelle ayaa xilkii ka qaaday mid kamid ah Golahiisa Wasiirada kadib markii lagu eedeeyay in uu lacag ka cunay gabar ay qaraabo ahaayeen oo u dirsatay VISO Turkey ah. Hoos ka dhageyso codadka The post Dhageyso: Codad sir ah oo laga duubay wasiirada HirShabeelle oo baahi iyo lacag la’aan ka cabanaya appeared first on Caasimada Online.

WAA IN AAN JAMHUURIYADA SOMALILAND LAGU MARIN HABAABIN EREY BIXINTA AFSOOMAALIGA EE MACNAYAASHA SHARCI XAMBAARSAN SIDA EREYGA (SOOMAALIYEED). Waxaa jira erey bixin dadka jamhuuriyada Somaliland adeegsadaan shacbi iyo dawladba oo sameynaya macneyaal kale ama dawlada soomaaliya u sameysatay erey bixin sharci si ay ujeedadeeda ugu gaadho iyo qaabka ay aduunka wax ugu sheegayso , oo ka duwan sidii loo adeegsan jiray hore . Erey bixinta sharci (legal terminology) ee dastuurka jamhuuriyada federaalka soomaaliya uu u adeegsado ereygan soomaaliyeed waxaa ay ku fadhidaa qodobka 8aad ee dastuurka kumeelgaadhka ah ee jamhuuriyada federaalka soomaaliya oo qoraya ; Qodobka 8aad ( shacabka iyo jinsiyada ) 1- Shacabka Jamhuuriyada Federalka Soomaaliyeed waa mid , lamana kala qaybin karo wuxuuna ka kooban yahay dhamaan muwaadiniinta. 2- Jinsiyada Soomaaliyeed waa mid qur ah , sharci gaar ah oo ay soo saaraan Golaha shacabka jamhuuriyada federalka Soomaaliyeed ayaa xadidaya sida lagu helayo , lagu laalayo ama lagu waayayo. Labada qaybood ee 3aad iyo 4aad na waa la mid qaabka ay wax u qorayaan. Sida ku cad Qodobka dastuurka jamhuuriyada federaalka soomaaliya ee 7aad oo sheegaya dhulka faqrada Qodobkaasi ee 5naad ayaa sidan u qoran ; 5) Xuduudaha Jamhuuriyada Federalka soomaaliya ; a) waqooyi : Gacanka Cadmeed b) waqooyi Galbeed ; Djibouti c) Galbeed ; Ethiopia d) Koonfur Galbeed ; Kenya e) Bari Badwaynta Hindiya Dastuurkani waxaa uu kaga duwan yahay dastuuradii Jamhuuriyadii Soomaaliya ( Somali Republic ) qofka uu u yaqaano muwaadinka Soomaaliyeed ayaa si dhab ah loo qeexay waxaana lagu soo koobay dadka jamhuuriyada Somaliland iyo dadka jamhuuriyada federaalka soomaaliya oo laga dhaxaysiiyey magaca ( jamhuuriyada federaalka soomaaliyeed ) , halkii ay dastuurada hore ee 1960skii qofka soomaaliga ahi ugu qeexnaa soomaalida 5 tii Soomaaliyeed. Waxaa halkaasi kaaga cad in dastuurkani loogu talogalay Jamhuuriyadii Somalia ( Somaliland iyo Somalia ) oo hadda kala ah Jamhuuriyada Somaliland iyo Jamhuuriyada Federalka Soomaaliyeed , ayaa waxa uu ka mid noqonayaa sheegashooyinka Jamhuuriyada Somaliland ee Soomaaliya oo sifo sharci loo soo dhigey. IFTIIMIN ; Sida ku cad dastuurka dalka jamhuuriyada Somaliland qodobkiisa 4’aad qofka muwaadinka jamhuuriyada Somaliland waxa uu u yaqaanaa ; Qodobka 4aad 1- Qof kasta oo u dhashay Somaliland kana isiran dadkii deganaa Somaliland 26 June 1960 kii iyo ka hor , waxa loo aqoonsanayaa muwaadin Somaliland. 2- Xeer baa cadeynaya sida lagu heli karo ama lagu waayo karo jinsiyada Somaliland. Xeerka muwaadinka jamhuuriyada Somaliland ama xeerka loo yaqaano xeerka jinsiyada waxa la yidhaahdaa xeer lr 22/2002 waxaana uu si cad u cadeynayaa muwaadinka jamhuuriyada Somaliland qodobkiisa 2aad. MAXAA DHIBAATO AH EE KU JIRA ADEEGSIGA EREYADA NOOCAN AH ? Qaranka jamhuuriyada somaliland waxa uu halgan ugu jiraa in uu aduunka iyo beesha caalamka ku qanciyo in uu yahay dal madax banaan oo dawlad gaar ah yahay, sida ku cad dastuurka dalka jamhuuriyada somaliland iyo go’aanadii dib ula soo noqoshada dawladnimada jamhuuriyada Somaliland ee ka soo baxay shirkii Burco 27 April ilaa 15 May la iskula qaatay , sidoo kale dastuurka dalka jamhuuriyada Somaliland afti dadwayne oo dhamayd ogolaansho 97% ah lagu ansixiyey 31-May-2001. Qadiyada jamhuuriyada Somaliland iyo raadinteeda aqoonsigu waxa ay ku taagan tahay laba tiir oo waaweyn oo aan aduunku iska indha tiri karin oo kala ah: 1- Dood sharci oo adag oo ay Somaliland haysato iyo cadaymo sheegaya in ay ahayd dal ama gobol gaar gobanimadiisa uga qaatay mahmiyadii ingiriiska 26-June-1960kii. 2- Doonista go’aanka shacabka jamhuuriyada Somaliland iyo waxgaradkoogu ay iskula qaateen shirkii Burco ee 27 April ilaa 15 May ee 1991 kii , iyo aftidii dadwaynaha jamhuuriyada Somaliland u qaadeen dastuurka dalka 31-May-2001. Haddaba waxyaabaha badan ee la rabo in lagu marin habaabiyo qadiyada iyo jiritaanka qaranka jamhuuriyada Somaliland oo loo tuso caalamka in uu yahay qayb ka mid jamhuuriyada federalka soomaaliya waxa la sameeyey xirfado iyo xeelado loogu talogalay in Somaliland lagu wiiqo oo badhna ka soo baxeen shirarkii wadahadalada , badhna ay yihiin beeno lagu celceliyo si aduunku u rumaysto oo ay ugu wayn tahay doorashada Somaliland baa muqdisho lagu qabanayaa. SOO JEEDIN Waxa aan u soo jeedinayaa hay’adaha xeer dejinta dalka , garsoorka iyo fulinta qaranka jamhuuriyada Somaliland; 1- in siyaasad cad iyo qorsheyaal qaran laga yeesho arimaha noocan ah ee ay ka mid yihiin erey bixinta dawlada jamhuuriyada Somaliland u taqaano wax badan oo hore loo adeegsan jiray in wax laga badalo laguna soo saaro faafin si aanay wax u yeelin oo u marin habaabin qadiyada iyo dawladnimada qaranka jamhuuriyada Somaliland. 2- In dib u eegis iyo is qiimeyn qaran lagu sameeyo shirarkii wadahadaladii jamhuuriyada Somaliland iyo jamhuuriyada federalka Somalia waxii ka soo baxay iyo saameynta uu Somaliland ku yeeshay faaiido iyo qasaare ba. 3- In xukuumadu mawqif cad ka istaagto siyaasada somaliya iyo Somaliland ka dhaxaynaysa , waxii aynu wadaagi karno iyo waxii lagu kala duwan yahay , aduunkana u cadeyso hadalada maalin walba lagu celcelinayo ee muqdisho in aanay ahayn qaar jamhuuriyada Somaliland quseeya. Mohamed Abdi Jama Mohamed Dhimbiil Qaran News

Muqdisho (Caasimada Online) – Waxaa faah-faahino dheeraad ah laga helayaa laba nin oo ciidamada ammaanka ay maanta ku dileen degmada Deyniile ee gobolka Banaadir, kuwaas oo watay mooto Labalugooley (FEKON) iyo qori AK-47 ah, sidoo kale nin kale ayey nolosha ku qabteen ciidamadu. Dadka ku nool xaafadda Gubta ee degmada Deyniile ayaa Caasimada Online u sheegay in ragaan ay marar badan dhac ka geysteen xaafadda, isla markaana ay maalmihii lasoo dhaafay baadi goob igu jireen ciidamada ammaanka oo lagu war-geliyey. Inta aan la dilin ragaas is-rasaaseyn kooban ayaa dhex-martay iyaga iyo ciidamada ammaanka ee ku sugan xaafadda Gubta ee degmada Deyniile, waxaana la toogtay iyagoo isku deyaya inay baxsadaan. Marka laga soo tago labada la toogtay, waxaa nolosha lagu qabtay nin kale oo la sheegay inuu ka mid ahaa ragii dhaca ka waday xaafadaas maalmihii lasoo dhaafay. Xubno ka tirsan maamulka degmada Deyniile ayaa Caasimada Online u sheegay in ragaan ay wateen markii la dilay taleefano ay dad ka soo dhaceen, kuwaas oo qoorkood isla goobta lagu siiyey dadkii lahaa, maadaama dadka xaafadaas ay isugu soo baxeen goobta uu dilku ka dhacay. Maamulka degmada ayaa goor dambe la sheegay inuu goobta ka qaaday meydadka labadaas nin oo ku lebisnaa Tuutaha Militeriga Soomaaliya, kadib markii ay isaga tageen askartii dishay. Inta badan xaafadaha degmooyinka gobolka Banaadir ayey tuugada ku lebisay tuutaha ciidamada dowladda waxay habeen iyo maalin ku dhacaan dadka shacabka ah, iyagoo ka furta taleefoonada, lacagaha iyo agabyada kale oo markaas ay wataan. The post Yey ahaayeen labadii nin ee maanta Muqdisho lagu toogtay? appeared first on Caasimada Online.

Diyaarad ay leeyihiin Ciidamada Cirka ee Maraykanka ayaa Madaarka magaalada Berbera todobaadkan ka soo degtay. Ma jiro war rasmi ah oo ka soo baxay hawlgalka ay u timid diyaaraddan laakiin, Mareegta Wararka ee Somalilandchronicle oo arrintan wax ka qortay ayaa tebisay in ay u muuqato in Maraykanku kordhiyay danayntiisa Somaliland lagana yaabo in ay arrintani xidhiidh la leedahay xiisadda ka aloosan Itoobiya. Wasaaradda Arrimaha dibadda Somaliland ayaan wax jawaab ah ka bixin xidhiidho Somalilanchronicle arrintan kala samaysay Source

Addis Ababa (Caasimada Online) – Madaxweynaha Dowlad Deegaanka Soomaalida Itoobiya, Mustafe Muxumed Cumar (Cagjar) ayaa digniin u jeediyay dadka uu sheegay inay taabacsan yihiin Ururka TPLF ee dagaalka kula jira Dowladda Itoobiya, isagoo dhanka kalena sheegay inaanay u dulqaadan doonin dadkaasi. Madaxweynaha ayaa sheegay inay ka soo horjeedaan isku day kasta oo TPLF ku dooneyso inay ku carqaladayso amniga iyo nidaamka dowliga ee dalkaasi ka jira. “Waxay maanta ku doodeysaa TPLF inay rabto inay soo celiso nidaam federaali ah oo dowladda hadda jirta ay diidan tahay, laakiin 27 sano wixii ay fulin weyday dib oo dambe uma fulin doonto,” ayuu yiri Madaxweynaha oo la hadlayay dadweyne maanta bannaanbax ka dhan ah TPLF ka dhigay Magaalada Jigjiga. Madaxweynaha ayaa yiri “Kooxdaasi waxay isku arkaysay inay qabatay shaqo muhiima, oo ah ka hortagidda qowmiyadaha, waxay isku dirtay Soomaalida iyo Oromada, waxay isku dirtay Amxaarada iyo Oromada, waxay isku dirtay Banishaaguli iyo Amxaarada.” “Marka maadaama ay u arkaysay inay dadka iska wada horkeentay waxay aaminsaneyd is bedelkii dhacay ma soconayo, oo cid la socon doontaa ma jireyso. Laba sano ayay ku jirtay howshaa, markii ay aragtay iyadoo nidaamkii iyo xisbiyadii dib loo habeeyay, iyadoo doorashooyinkii la’isku diyaariyay, iyadoo dadkii uu ka maarmay, waxay qaadatay go’aan ah in dagaal ay qaaddo mooyee wax dambe oo u harsan oo rajo ay leedahay oo saamayn siyaasadadeed ay ku yeelanaysaa inaanay jireynin.” Madaxweyne Cagjar ayaa ku hanjabay in gacan bir ah ay ku qaban doonaan Siyaasiyiinta Soomaalida, ee taageersan Jabhadda Gobolka Tigrayga ee TPLF, si aanay u carqaladeen amniga iyo horumarka ka jira Dowlad Deegaankooda, waana xilli siyaasiyiintaasi qaarkood maanta lagu xirxiray Magaalada Addis Ababa, oo ay ka wadeen shir ka dhan ah Maamulka Jigjiga. The post Ethiopia ‘oo beegsaneysa’ siyaasiyiinta Soomaalida ee… appeared first on Caasimada Online.

(SLT-Doha)-Budhcad mid ka mid ah uu hubeysan yahay ayaa galay qasri uu degan yahay amiirka dalka Qatar, oo ku yaalla xeebta Faransiiska ee Cannes, halkaasi oo ay ka qaateen saacado iyo alaabo kale oo qaali ah, sida ay ilo-wareedyo lagu kalsoon yahay u sheegeen AFP. Amiir Sheikh Tamim bin Hamad Al-Thani ayaa ka maqnaa qasriga markii ay kooxdan oo ka koobnaa afar qof ay galeen gurigiisa oo ku yaalla xaafadda Mouans-Sartoux, sida uu sheegay il-wareedka, taasi oo xaqiijineysa xog ay markii hore baahisay warbaahinta RTL. “Dad ku sugnaa qasriga ayaa u hoggaansamay hanjabaadda burcadda kadib markii ay arkeen hub ay wateen,” ayuu yidhi il-wareedka la hadlay AFP. Hase yeeshee wuxuu sheegay in dadka ku sugnaa qasriga aan bastoolad madaxa laga saarin. “Burcadda ayaa qaadatay alaab qaali ah, gaar ahaan saacado,” ayuu yidhi il-wareedka. In kasta oo Amiirka aanu ku sugneyn qasrigaa, waxaa joogay xubno ka tirsan qoyskiisa, oo uu ku jiro ra’iisul wasaarihii hore ee Qatar oo reer Al-Thani ah, sida ay sheegtay warbaahinta RTL Dhowr ka mid ah hay’adaha sharci fulinta ee magaalooyinka Grasse, Nice iyo Marseille ayaa furay baaritaan ku aadan kiiska. Qoyska Sheikh Hamad bin Khalifa Al Thani, oo sanadkii 2013 ka tegay boqortooyada, kuna wareejiyey wiilkiisa Tamim, ayaa qasriga lahaa tan iyo sagaashamaadkii, wuxuuna ku fadhiyaa dhul cabirkiisu yahay 30 hektar, kuna yaalla Mouans-Sartoux. Sanadkii 2016, wuxuuna hal milyan oo dollar ugu deeqay dadka degan xaafaddan yar. Source

(SLT-Garoowe)-Xidhiidhka kubbada cagta Puntland ayaa dhammaantood iska iscasilay xilkoodii kadib markii uu buuq iyo khilaaf hareeyeeyay tartankii kubbada cagta gobolada Puntland oo qarka u saarmay inuu fashilmo haatan. Guddoomiyihii guddiga xidhiidhka kubbada cagta, Maxamed Cali Ciise (Ciiro) ayaa ku sheegay sababta ay isku casileen in ay tahay, kaddib markii wasaaradda isboortiga ay faro galin ku sameysay go’aanno guddiga kasoo saareen tartanka inta uu socday. Guddoomiyuhu wuxuu sheegay in ay wasaaraddu arrimo siyaasadeed iyo kuwa qabiil soo dhex galisay isboortigii, taasoo uu sheegay in ay kugo’aansadeen in ay faraha kala baxaan tartanka gabi ahaanba. “Waxaan halkaan ka sheegaynaa in ay cayaarihii u istaageen markii ay wasaaradda isboortigu marin habaabin ku sameysay sharcigii u yaallay kubbada cagta,” ayuu yidhi guddoomiye Ciiro. Source

(SLT-Hargeysa)-Guddiga qandaraasyadda qaranka Somaliland ayaa shaaciyay shirkadda ku guulaystay dhismaha maxadka tababarka shaqaalaha dawladdaha hoose ee dalka. Kulan maanta ay isku yimaadeen xubnaha Guddiga qandaraasyadda qaranka Somaliland iyo shirkadihii u soo tartamay mashruucan ayaa la shaaciyay shirkadda ku guulaysatay. Ugu horrayntii guddoomiyaha Guddiga qandaraasyadda qaranka Somaliland Nuux Maxamed Xuseen ayaa madasha ka hadlay waxaanu yidhi “saaka oo sabti ah waxa aynu u ballansanay in aanu halkan idinka sheegno ciddii ku guulaystay qandaraaska maxadka tababarka shaqaalaha dawladdaha hoose, waxa ku soo tartamay 29 shirkadooda waxa habsaamay 3 shirkadood, waxa ku guulaystay qandaraaskaa Xaaji Muuse Construction Company, Xaaji Muuse waxa ay guddigu kula tartamaysaa inay qaranka u dhisaan dhisme tayo leh oo qurux badan sida ku cad nashqada ay wasaarrada hawlaha guud soo saartay, shirkadaha hadhay waxa aanu u rajaynaynaa nasiib wanaagsan, haddii ay jirto cid cabasho ka qabta go’aanka guddiga qandaraasyadda guddigu way dhagaysan doontaa cabashadooda. Dhankooda waxa iyaguna ka hadlay shirkadii ku guulaystay mashruucan, iyo shirkadihii lagaga guulaystay oo dhammaantood niyad sami ku soo dhaweeyay. Halkan hoose ka DAAWO Source

Beledweyn (Caasimada Online ) – Xildhibaano ka tirsan Baarlamaanka 10-aad ee waqtigiisa dhammaaday iyo Siyaasiyiin ayaa gaaray magaalada Beledweyne ee xarunta Gobolka Hiiraan, halkaasoo oo la filayo inay dhawaan ka dhacdo doorashada kuraas kamid ah kuwa HirShabeelle ee Aqalka Hoose. Xubnaha gaaray Magaaladab Beledweyne waxaa ka mid aha Wasiirkii hore ee Amniga Cabdirisaaq Cumar, Wasiirkii hore Waxbarashada Cabdullaahi Goodax Barre, Xildhibaan Qoone iyo Siyaasiga C/llaahi Sanbaloolshe oo sanadkii 2016 Xildhibaan loo doortay, balse markii Taliyaha NISA loo magacaabay ku waayay xubinnimadii Golaha Shacabka, tartan uu mar kale u galayna horaantii sanadkii 2018 looga adkaaday. Xubanaha gaaray Magaalada Beledweyne ayaa hordhac u ah wafdiga madaxweynaha HirShabelle Cali Guudlaawe oo la filayo inuu gaaro Magaalada Beledweyne. Wafdigaan gaaray Beledweyne ayaa la filayaa inay General Xuud iyo Beesha Xawaadle ku qanciyaan in madaxweynaha HirShabelle uu si nabad ah ku imaado Magaalada, waxaana muuqato in markaan loo ogolaan doono inuu ka dago Beledweyne. General Xuud iyo Beesha Xawaadle ayaa horey u diiday in madaxweynaha Hirshabelle uu yimaado Beledweyn kadib markii ay ku qanci waayeen awood qeybsiga maamulka Hirshabelle kadib markii laga wareejiyey xilkii madaxweynimo isla markaasna la siiyey xilka madaxweyne ku xigeen. Magaalada Beledweyne ayaa waxaa Maanta ka dagtay diyaarad siday gawaarida dagaalka iyo hub, waxayna wararka ka imaanayo magaalada sheegayaan inay dagan tahay. Beledweyne ayaa waxaa taala illaa 25 kursi oo Golaha Shacabka ah, waana kuraas intooda badan tartan iyo loolan adag uu ka jiro, waxaana ka mid ah Kursiga uu ku fadhiyo Xildhibaan Faarax Cabdulqaadir oo xifaaltan kala kulmayo Taliyaha NISA Fahad Yaasiin oo sanadkan raadinaya kursi Xildhibaannimo. The post Xildhibaanada beesha Xawaadle oo isugu tegay Beledweyne iyo ujeedka appeared first on Caasimada Online.

Ururka Midowga Afrika oo dhex fadhiya Fadeexad Weyn oo uu sababay Qof Shaqaale Itoobiyan ah Ururka Midowga Afrika ayaa Jimcihii sheegay inuu billaabay baaritaan kadib markii cinwaanka rasmiga ah ee ururka ee twitter-ka lagu weeraray Samantha Power, oo ah madaxa hay’adda USAID ee Mareykanka, oo ku baaqday in wada-hadallo lagu dhammeeyo colaadda Ethiopia. Power, oo booqatay Ethiopia bishan, ayaa dib usoo tweet gareysay tweet uu la-taliyaha amniga qaranka Mareykanka Jack Sullivan ku baaqay “in dhammaan dhinacyada [Ethiopia] ay isugu yimaadaan miiska wada-xaajoodka.” Power ayaa kadib qortay in xaaladda bani’aadaminimo ee Ethiopia “oo aad xun ay kasii dari doonto, haddii aysan dhammaan dhinacyada isku raacin wada-hadallo iyo in colaadda lasoo geba-gebeeyo.” Cinwaanka Midowga Afrika, oo xaruntiisu tahay magaalada Addis-Ababa ayaa kadib ugu jawaabay Power si deg deg oo jees-jees ah. “Waxaad ula jeedaa soo maaha si la mid waqtigii aad la fariisateen oo aad la hadasheen Daacish iyo Taliban. Ethiopia lama xaajoon karto kooxda argagixisada ah ee TPLF. Sidee qaddiyad dimoqraadi u horseedi kartaa in inta yar sida ay doonaan kusoo rogaan inta badan.” Qoraalkaas ayaa kadib la tiray, waxaana Midowga Afrika uu sheegay inuu baarayo dhacdadan. “Shaqaale ka tirsan Midowga Arika ayaa aragtidiisa shaqsiyeed kusoo qoray cinwaanka, taasi oo kasoo horjeeda xeerarka shaqaalaha Midowga Afrika. Qoraalkan la tiray kama tarjumayo mowqifka Midowga Afrika, waxaana loo arkaa mid jebin weyn ku ah anshaxa. Dhacdadan si gudaha ayaa loo baarayaa,” ayuu yiri Midowga Afrika. Sarkaal ka tirsan Midowga Afrika ayaa wakaaladda AFP u xaqiijiyey in qofka soo qoray qoraalka weerarka ah uu yahay Ethiopian. Qaran News

Muqdisho (Caasimada Online) – Ilo-wareedyo lagu kalsoon yahay, oo ka kala tirsan Villa Somalia, mucaaradka iyo xafiiska ra’iisul wasaare Rooble, ayaa Caasimada Online u xaqiijiyay in wasiirkii hore ee amniga ee maamulka Jubaland Cabdirashiid Xasan Cabdinuur Janan uu ka goostay Villa Somalia. Wasiir Janan ayaa bilo kahor isu soo dhiibay dowladda Soomaaliya kadib dagaalo qaraar oo ka dhacay degmada Beladxaawo ee gobalka Gedo, isagoo muddooyinkii ugu dambeeyay ku sugnaa Villa Somalia. Ilo xog-ogaal ah ayaa Caasimada Online u sheegay in shalay uu ka dhaqaaqay Villa Somalia oo uu muddooyinkii ugu dambeeyay ku ahaa xabsi guri, isagoo la sheegay in uu isu dhiibay xubno kamid ah Midowga Murashaxiinta Mucaaradka ah. Caasimada Online waxay ka gaabsatay in ay baahiso magaca siyaasiga uu u tagay iyo halka lagu hayo Janan, sababo amni aawgood. Xogta aan helnay ayaa sheegeysa in khilaaf soo kala dhex-galay Villa Somalia iyo wasiir Janan uu sabab u ahaa in uu ka baxsado Villa Somalia oo ku heysay cadaadis badan. Khilaafka ayaa la sheegay inuu ka dhashay ballamo dhowr ah oo looga baxay Janan, kuwaas oo loo sameeyey markii uu kasoo goostay dhanka Jubaland, ayada oo ay sii dheer tahay in cadaadis iyo xanibaado badan uu la kulmay. Cabdirashiid Janan ayaa laga soo dejiyey garoonka Aadan Cadde ee Muqdisho, 25-kii March 2021, maalmo kadib heshiiskii uu la gala dowladda. Janan ayaa xilligaas sheegay inay isku qabteen Axmed Madoobe, in kaliya uu doonayo inuu noqdo qofka ugu sarreeya iyo kan ugu hooseeya ee Jubaland, isla-markaana uusan waxba u ogleyn qof kale, sida uu hadalka u dhigay. Tan iyo markii uu Muqdisho yimid bishii March, wuxuu ka baxay mudadaas hal mar oo kaliya oo ku beegneyd bartamihii bishii June, isaga oo aaday dalka Ethiopia kadibna soo laabtay. Waa markii labaad ee Janan uu ka baxsado dowladda federaalka. Janan ayaa 28-kii Janaayo 2020 ka baxsaday xabsi guri uu ku jiray oo Muqdisho ah, isaga oo aaday Kismaayo. Si kastaba, Janan ayaa markan ku sugan gudaha Muqdisho, waxaana sababta lagu sheegay inuusan ka cabsi qabin dhib kaga yimaada dowladda, sababo la xiriira in Farmaajo muddo xileedku ka dhammaaday, amniga dalkana uu mas’uul ka yahay ra’iisul wasaare Rooble. Waxaa sidoo kale jirta, in qoraallo kasoo kala baxay xafiisyada Xeer Ilaalinta Guud ee Qaranka iyo Maxkamadda Gobolka Banaadir, shanti bishii April 2020, lagu shaaciyey in la soo xiray gal dacwadeedkii loo heystay Janan, taasi oo ka dhigan in dowladda aysan mar kale kiis sharci ku furi karin. Villa Somalia ayaa caan ku ah inaysan ka bixin ballamada ay la gasho siyaasiyiinta, ayada oo marka ku daneysata kadib iska tuurta. The post Xog: Cabdirashiid JANAN oo ka goostay Villa Somalia appeared first on Caasimada Online.

Guddoomiyaha Xiriirka Kubadcag Yaraha Soomaaliya Xaaji Aadan Cabdulle ayaa soo dhaweeeyay Xiriirka TEQBALL oo dalka ku soo biiray, isagoo sheegay in ay muhiim tahay in ay soo bataan xiriirada, si dhalinyarada ay u helaan fursado ay ku soo bandhigaan xirfadahooda isboortiga, ka dibna ay u matalaan Xulalka kala duwan ee Qaranka Soomaaliya. “Waxaan soo dhawaynaynaa Xiriirka TEQBALL oo dalka ku soo biiray, runtii xiriirkan wuxuu fursad u yahay dadka baahiyaha gaarka qaba in ay ka soo muuqdaan dhacdooyinka ciyaaraha dalka iyo dibadda , waxaana guul iyo horomar u rajaynaynayaa madaxda Xiriirka TEQBALL oo dalka ku soo biiray” ayuu Goobjoog Sports ugu waramay Xaaji Aadan Cabdulle Mahdi oo ah Guddoomiyaha Xiriirka Kubadcag yaraha Soomaaliya. Dhinaca kale Guddoomiyaha Xiriirka Kubadcag yaraha Soomaaliya Xaaji Aadan Cabdulle wuxuu balan qaaday in Xiriirka kubadcag yaraha uu si dhaw ula shaqeyndoono madaxda Xiriirka TEQBALL oo dalka ku soo biiray, wuxuuna dhinaca kale Xiriirada Soomaaliyeed kula dardaarmay in ay soo dhaweeyaan ayna caawiyaan Xiriirka Soomaaliyeed ee Teqbaalka. “Waa muhiim in ay soo bataan Xiriirada, sababtoo ah waxaa fursad heliya in badan oo ka mid ah dhalinyarada Soomaaliyeed oo iminka aan ka soo muuqan dhacdooyinka isboortiga dalka iyo dibadda” ayuu Goobjoog Sports u sheegay Guddoomiyaha Xiriirka Kubadcag yaraha Soomaaliya mudane Xaaji Aadan Cabdulle Mahdi. Daawo Dardaarankii Guddoomiye Xaaji Ee TEQBAAL Sidoo Kale Aqriso Warar Dheeri Ah Xiriirka TEQBALL Oo Soomaaliya Ku Soo Biiray W/D-Maxamed Xuseen Qalinle Source: goobjoog.com

Qaran News

Guddiga anshaxa ciyaaraha gobolada Puntland ayaa maanta go’aamiyey in lagu celiyo kulankii Nugaal iyo Sanaag ee muranku ka dhashay, waxayna sheegeen in labada kooxood midna khalad lahayn. Guddiga oo soo saaray qoraal ayaa sidoo kale go’aamiyay in ciyaartoydii muranku ka dhashay ee Cabdirisaaq Cali Ciise Abgaalow oo Sanaag u ciyaara iyo Bile Maxamuud Diiriye oo Nugaal u safta ay qabaan mid hal Jaale. Guddiga anshaxa ciyaaraha gobolada Puntland waxay soo jeediyeen in tallaabo laga qaado cidii sababtay in khalad ka dhaco ciyaartii Nugaal iyo Sanaag. Dhanka kale Wasaaradda Dhalinyarada iyo Ciyaaraha oo ka duulaysa tala soo jeedinta guddiga anshaxa ciyaaraha gobolada ayaa kala dirtay Xiriirka Kubadda Cagta Puntland oo maamulayay tartanka. PUNTLAND POST The post Xiriirka Kubbadda Cagta Puntland oo la kala diray iyo go’aan laga soo saaray ciyaartii Nugaal iyo Sanaag appeared first on Puntland Post.

Paris (Caasimada Online) – Burcad mid ka mid ah uu hubeysan yahay ayaa galay qasri uu degan yahay amiirka dalka Qatar, oo ku yaalla xeebta Faransiiska ee Cannes, halkaasi oo ay ka qaateen saacado iyo alaabo kale oo qaali ah, sida ay ilo-wareedyo lagu kalsoon yahay u sheegeen AFP. Amiir Sheikh Tamim bin Hamad Al-Thani ayaa ka maqnaa qasriga markii ay kooxdan oo ka koobnaa afar qof ay galeen gurigiisa oo ku yaalla xaafadda Mouans-Sartoux, sida uu sheegay il-wareedka, taasi oo xaqiijineysa xog ay markii hore baahisay warbaahinta RTL. “Dad ku sugnaa qasriga ayaa u hoggaansamay hanjabaadda burcadda kadib markii ay arkeen hub ay wateen,” ayuu yiri il-wareedka la hadlay AFP. Hase yeeshee wuxuu sheegay in dadka ku sugnaa qasriga aan bastoolad madaxa laga saarin. “Burcadda ayaa qaadatay alaab qaali ah, gaar ahaan saacado,” ayuu yiri il-wareedka. In kasta oo Amiirka uusan ku sugneyn qasrigaa, waxaa joogay xubno ka tirsan qoyskiisa, oo uu ku jiro ra’iisul wasaarihii hore ee Qatar oo reer Al-Thani ah, sida ay sheegtay warbaahinta RTL. Dhowr ka mid ah hay’adaha sharci fulinta ee magaalooyinka Grasse, Nice iyo Marseille ayaa furay baaritaan ku aadan kiiska. Qoyska Sheikh Hamad bin Khalifa Al Thani, oo sanadkii 2013 ka tegay boqortooyada, kuna wareejiyey wiilkiisa Tamim, ayaa qasriga lahaa tan iyo sagaashamaadkii, wuxuuna ku fadhiyaa dhul cabirkiisu yahay 30 hektar, kuna yaalla Mouans-Sartoux. Sanadkii 2016, wuxuuna hal milyan oo dollar ugu deeqay dadka degan xaafaddan yar. The post Koox hubeysan oo galay qasriga amiirka dalka Qatar appeared first on Caasimada Online.

Qaran News

BELEDWEYNE (HOL) - The Federal Government has deployed police vehicles to Beletwyene ahead of elections amid security concerns in the restive town. Source: Hiiraan Online

PRESS RELEASE Childhood Cancer Care in Africa Hit Hard by Pandemic Nearly 30,000 children in sub-Saharan Africa are believed to have died from cancer during the COVID-19 pandemic, according to the Regional Office of the World Health Organization (WHO) NEW YORK, United States of America, August 14, 2021/ — Drastic measures to prevent coronavirus spread, and heightened focus by health systems on response, led to disruptions in other essential health services on the continent. Cancer screening and treatment, including for childhood cancers, were hit especially hard. ‘Truly heartbreaking’ A WHO survey found screening was affected in 46 per cent of countries, while 13 per cent reported a more than 50 per cent disruption. “We estimate that more than 28,000 children died of cancer in sub-Saharan Africa in 2020. This is truly heartbreaking as childhood cancers are curable if detected early and comprehensive care provided,” said Dr. Jean-Marie Dangou, Noncommunicable Diseases Programme Coordinator at the WHO Regional Office. In Africa, the childhood cancer survival rate is around 20 per cent, compared to more than 80 per cent in high-income countries. As early diagnosis improves chances of survival, WHO stressed that significant improvements can be made in the lives of children with cancer by identifying the disease early and avoiding delays in care. The UN agency fears a significant backlog in screening and treatment due to the pandemic could lead to delayed diagnosis and treatment. This would put further strain on Africa’s overburdened medical resources and increase avoidable cancer deaths. Improve early detection “Substantial investment in cancer prevention and care, including quality training of medical professionals, must be made if we are to avert cancer deaths and cases, especially among children, in our region,” said Dr. Dangou. “As individuals, we must take the initiative to better understand the childhood cancer warning signs to improve early detection and treatment.” Naomi Otua from Ghana makes regular visits to her 10-year-old grandson, James, who lives in the Central Region of the country. On one of her trips, she noticed something was seriously wrong as the boy had jaundiced eyes and had lost a significant amount of weight. James was eventually diagnosed with Acute Lymphoblastic Leukaemia, the most common form of childhood cancer. He is among the roughly 400,000 children and adolescents diagnosed with cancer every year globally. James began chemotherapy, which he has continued for the past three months. “His condition has greatly improved,” said Ms. Otua, adding “I am very happy about that.” Prohibitive costs While 80 per cent of childhood cancers are curable, “this is dependent on early detection and progressive treatment,” according to Professor Lorna Awo Renner, Head of the Paediatric Oncology Unit at the Korle-Bu Teaching Hospital in Accra, where James was treated. Worldwide, most children with cancer live in developing countries like Ghana, but only around 20 per cent to 30 per cent receive treatment, often due to cost. In Ghana, cancer treatment is not covered under the National Health Insurance Scheme. The average cost to treat childhood cancer is about $1,000, and up to $7,000 for leukaemia, which is far beyond the reach of many citizens. “In Ghana, about 50 per cent of patients used to abandon treatment halfway due to lack of funds. However, this figure has been reduced to 15 per cent with support from a number of benevolent individuals and organizations,” said Professor Awo Renner. Home again Back in 2018, WHO announced a new Global Initiative for Childhood Cancers (GICC) and Ghana was among six countries selected to receive support for its implementation. One of the major strategic GICC partners is St Jude Children’s Research Hospital in the United States, whose financial support has helped improve childhood cancer care in Ghana, Senegal and Zambia. “Working closely with the Ghanaian government, we have helped to build and sustain a high quality national childhood cancer programme with a target of achieving at least 60 per cent survival rate by 2030,” said Dr. Francis Kasolo, WHO Representative in the country.  The UN agency has also provided technical support to health workers at Korle-Bu Teaching Hospital, in addition to monitoring and surveillance tools. For Professor Renner, sending children back home once they have been declared cancer-free provides a great sense of fulfilment. She remains hopeful that James will soon be able to beat the disease. “These children can still go on to lead full lives,” she said. “I see it happen all the time.” Distributed by APO Group on behalf of UN News. Access Multimedia Content SOURCE UN News Qaran News

Taariikhda Qofka madaxweyne ka noqon doona dawladda Islaamiga ah ee Afganistaan Hebatullah Akhundzada Hebatullah Akhundzada ayaa hoggaanka ururka Taalibaan ee Afgaanistaan la wareegay 26-kii May 2016, markaas oo golaha shuurada ee xaradaka ay xilkaasi u magacaabeen, si uu u badelo hogaamiyihii hore ee ururka ee Akhtar Maxamed Mansuur, kaas oo lagu dilay weerrar dhanka cirka ah oo ay 22-kii May 2016-kii soo qaadday dayuurad Ameerikaan ah. Waxaa la sheegaa in Akhundzada uu la dagaallamay ciidammadii Midowga Soofiyeet iyo ciidammada isbahaysiga ee uu Mareykanku horkacayay ee ku sugan Afgaanistaan, waxa uuna madax ka soo noqday maxkamadda milateriga ee Kabul intii dalkaas uu xukumayay ninka Taalibaan aasaasay ee Mulla Cumar. Inta uu hogaaminayay ururka Taalibaan, Akhundzada waxa uu ururkaasi heshiis nabadeed Mareykanka kula galay waddanka Qatar 29-kii bishii Febraayo ee 2020-ka, iyadoo Akhundzada uu heshiiskaasi ku tilmaamay “guul wayn” oo ururka u soo hooyatay. Tan iyo kowdii May 2021 Taalibaan ayaa waxa ay sare u qaadday howlgalladeeda milateri ee ka dhanka ah xukuumadda waxaana ay qabsadeen deegaanno ballaaran oo ka tirsan Afgaanistaan. Xogta shakhsiyadeed ee Hebatullah Hebatullah waxa uu dhashay 19-kii Oktoobar sanadkii 1967, sida lagu sheegay taariikhdiisa lagu shaaciyay barta internetka ee rasmiga ah ee ururka Taalibaan. Waxa uu ku dhashay degmada Bajway ee gobolka Gandahaar, waxa uuna ka soo jeedaa qowmiyadda Bashtuuga. Waxaa la rumaysan yahay inuu ka mid yahay xubnihii aasaasay xarakada Taalibaan waxaana kaaliye dhaw u ahaa aasaasaha urukaasi Mulah Maxamed Cumar. Akhudnzada waxa uu ka qeybqaatay dagaalladii ka dhanka ahaa xukuumadda Afgaanistaan ee gacansaarka la laheyd Ruushka ee uu hogaamin jiray Maxamed Nuur Tarqi, taas oo xukunka la wareegtay bishii Abriil 1978-kii, sida lagu sheegay taariikhda rasmiga ah ee uu ururku shaaciyay. Ugu dambayntii waxa uu isaga baxsaday Afgaanistaan oo waxa uu galay Pakistan-ta dariska ah halkaas oo uu ku noolaa xero qaxooti oo ku taal xadka gobolka Balochistan. Waxaa la sheegay in dabayaaqadii 80-yadii uu ka qeybqaatay dagaalkii ka dhanka ahaa ciidammada Ruushka, iyadoo “mujaahidiinta” uu inta uu dagaalka Soofiyeetka ee Afgaanistaan socday waxbari-jiray, sida ay Taalibaan sheegtay. 1996-dii, hogaamiyihii hore ee Taalibaan, Mullah Maxamed Cumar, ayaa waxa uu u magacaabay inuu hogaamiyo maxkamadda milateriga ee Kabul, si uu u fuliyo shareecada Islaamka halkaas oo uu ka ciyaaray dowr muhiim ah, sida ay Taalibaanku sheegeen. Ciidammada xukuumadda oo isku dayaya inay iska caabbiyaan Taalibaan Markii uu Mareykanka xoogga ku galay waddanka Afgaanistaan dabayaaqadii sanadkii 2001, Akhundzada waxa uu ka qeybgalay dagaalka isagoo weliba hogaamiye ah, mararka qaarka ciidammada isku dubaridi jiray si ay Mareykanka ula dagaalamaan iyo ciidammada kale ee isbahaysiga, sida ay Taalibaanku sheegeen. 30-kii July 2005-tii, Akhundzada waxaa loo magacaabay kuxigeenka hogaamiyaha cusub ee ururkaasi Mullah Akhtar Maxamed Mansuur, kaddib markii la xaqiijiyay inuu dhintay aasaasihii iyo hogaamiyihii ururkaasi Mullah Maxamed Cumar. 22-kii bishii May 2015 waxaa hogaamiyaha Taalibaan Mullah Akhtar Maxamed Mansuur lagu dilay duqeymo dhanka cirka ah oo ay fulisay diyaarad dagaal oo Ameerikaan ah, iyadoo weerrarku uu ka dhacay meel u dhaw magaalada Quetta ee gobolka Balochistan ee koonfur galbeed waddanka Pakistan halkaas oo ku taal xadka Afgaanistaan. Hoggaanka Taalibaan 25-kii May 2015 ayaa Taalibaan waxa ay xaqiijisay in hogaamiyahooda Mullah Akhtar Mansuur lagu dilay diyaarad Ameerikaanku uu leeyahay oo weerrar ku soo qaaday waxaana Akhundzada loo magacaabay inuu hogaamiyo ururkaasi. Afhayeenka ururka Dabiijullah Mujaahid ayaa bayaan uu soo saaray waxa uu ku shaaciyay in hogaamiyaha cusub ee ururka lagu go’aamiyay kulan ay yeesheen “golaha shuurada” ee hogaamiyaha Taalibaan. Shaacintii ugu waynayd waxaa la sameeyay 30-kii bishii July 2016 markaas oo la sheegay in heshiiskasta oo lala galo xukuumadda Afgaanistaan ay suuragelikarto haddii ay isaga harto xulafadeeda ajaanibta, waxaana qofkii bayaankaas shaacinayay uu yiri: “Taageeradiina iyo garabka aad u tihiin dadka soo duulay ayaa ka dhigan inaad ayiddeen wajiyo-xuntii taageeri jirtay Britain iyo Soofiyeetka. Taalibaan waxa ay haysaa barnaamij ay ku midaynayso dalka oo ay ugu hagayso shareecada Islaamka iyadoo “albaabada cafiska iyo dambidhaafka ay furan yihiin”. Qaran News