Xukuumadda Somaliland oo sheegtay in Dawladda Imaaraadky 55 million oo dollar ku bixisay Madaarka Berbera. Maareeyaha Hay’adda Madaarada iyo Duulimaadyada Cumar Cabdillaahi (Cumar Sayid), ayaa sheegay in mashruuca horumarinta ee Madaarka Berbera ay Dawaladda Imaaraadku ku bixisay lacag gaadhaysa 55 million oo dollarka Mareykanka ah “Mashruuca Horumarinta Madaarka Berbera ee madaxweyne Muuse xadhiga ka jaray waxa ku baxday aduun lacageed oo dhan 55 million oo dollar, oo ay dhamaanteed bixisay dawlada Imaaradka carabtu. Mashruuca qaradaas leh, iyo horumarka intaa leeg ee umadan u soo kordhay, ayaa shacbiga Somaliland iyo madaxweynahooduba u dabaal dagayeen.” Ayuu yidhi Maareeye Cumar Sayid, waxaanu intaasi ku daray isaga oo ka jawaabaya dhaliillo maalmihii u dambeeyey loo jeedinayey madaxweyne Muuse Biixi, “Waxaan arkayaa qoladii mucaaradka oo khudbadii madaxweynaha ka samri waayay, horta Gudoomiyaha Xisbiga Wadani ee cusubi laba jeer ayuu soo hadlay ilaa intii xaflada ka dambaysay, musharaxii xisbigaas odaygii cirona isna waa soo hadlay. Qaar badan oo kale oo iyaguna wali samri la ayaa jira oo wali hadlaya. Waxaan leeyahay qolada mucaaradka gaar ahaan xisbiga wadani goolkaasi wuu idinka dhashay, waayo waxaad tihiin oo shacbiguna idiin oghayay xisbigii ka soo horjeeday mashaariicda horumarineed ee Somaliland iyo imaaraadku ku heshiiyeen. Markaas maanta waa gartiin inaad iska soo daba hadashaan, kol hadii aydaan intood umada hor timaadaan khaladkii aydaan raali galin ka bixinayn. Siduu sheegay gudoomiye faysal raali galinta cirro qarsoodiga ku bixinayo shacbiga Somaliland ayaa u baahan in la raali galiyo.” Source

Salah Haji Jimale, once a well-off farmer in Somalia’s breadbasket Middle Shabelle region, is now working in a carwash to stave off hunger for his family living in an IDP camp. Source: Hiiraan Online

Hadal-heyntii Xooggan oo ka dhalatey Muqaal laga duubay Imaamkii hore ee Masjidul-Xarameynka+Sababta Hadal heyn xooggan ayaa ka dhalatay baraha bulshada dalka Sucuudiga kadib markii imaamkii hore ee Xarameynka Sheekh Caadil Al Kalbany uu ka soo muuqday muuqaal lagu xayeysiinayay bandhig dhaqameedka caalamiga ah ee Riyadh ee lagu qabto dalkaas. Sheekh Al Kalbany ayaa kasoo muuqday muuqaalka isaga oo ku labisan dareeska militeriga, isagoo hoggaaminayay bandhigga dagaalka ah ee caanka ku ah munaasabadda Riyadh. Waxaana muuqaalka lagu arkayay rag jilayo sida rasaasta loo rido iyo tababarada ku saabsan toogashada. Waxaa intaa dheer, Sheekha , xiddigo dhanka kubadda cagta ah iyo jilaayaal ayaa kasoo muuqday muuqaalka xayeysiinta ah waxaana kamid ah Maxamed Al Da’aya, Saciid Al Qawreyn, Khaalid Abdul Raxmaan iyo ninka ku takhasusay climul falagga Khaalid Al Zaqaq. Madaxa arrimaha madadaalada Sucuudiga, Turki Al Sheekh ayaa bartiisa Twitter-ka soo dhigay muuqaalka xayeysiinta ah, saacado yar gudahood waxaa muuqaalka daawatay ku dhawaad 5 malyan oo qof. Imaamkii hore ee Xarameynka ayaa si jeesjees ah jawaab uga bixiyay muuqaalka, wuxuu yiri, “Ma uma maleyn kartaa in aan ka qeybgeli karo jilidda filimada Hollywood-ka?” لا تجوووووووووون https://t.co/ZosrfKMOZ9 pic.twitter.com/V48ED3UfsI — TURKI ALALSHIKH (@Turki_alalshikh) November 18, 2021 ظنك يمدي اروح لهوليود؟ https://t.co/bfK9SD8li4 — عادل بن سالم الكلباني (@abuabdelelah) November 18, 2021 Hal ku dhigga-Kalbaany ee qabsaday baraha bulshada Markii uu Sheekha kasoo muuqday muuqaalka waxaa baraha bulshada Sucuudiga gaar ahaan Twitter-ka qabsaday magaca ‘Al Kalbaany’ Dood kulul ayaa dhexmartay taageerayaasha Sheekha iyo kuwa dhaliishan muuqaalka, Sheekha waxaa Twitter-kiisa ku xiran in ka badan 6.5 malyan oo qof. Dadka qaar ee adeegsada Twitter-ka waxay Sheekha ku eedeeyeen “In uu ahaa imaamkii masjidka barakeysan ee isu baddalay jilaaga iyo majaajileystaha” Qaarkood waxay ku eedeeyeen in uu taageerayo dadka garwadeenka ka ah beenta iyo musuq maasuqa. Taageerayaasha Sheekh ayaa ku dooday in uusan sameyn arrin kasoo horjeedo diinta Islaamka halka qaarkood ay sheegeen in Sheekha uu tusaale wanaagsan u yahay bulshada kale.”Waa tallaabo macquul ah in Imaamkii hore ee Xarameynka Al Kalbaany uu kasoo muuqdo halkan, wuxuu tusaale wanaagsan u yahay dadka” من أمام للحرم إلى مهرج وممثل.. عبارة تختصر كل شيء https://t.co/bjOJtiinXm — Adnan Alhussein (@Adnan_Alhusen) November 19, 2021 Taageerayaasha Sheekh ayaa ku dooday in uusan sameyn arrin kasoo horjeedo diinta Islaamka halka qaarkood ay sheegeen in Sheekha uu tusaale wanaagsan u yahay bulshada kale. “Waa tallaabo macquul ah in Imaamkii hore ee Xarameynka Al Kalbaany uu kasoo muuqdo halkan, wuxuu tusaale wanaagsan u yahay dadka” Waa kuma Al Kalbaany? Magaciisa saxda waa Caadil Bin Saalim bin Saciid Al Kalbaany. Waa imaamka masjidka Muxeysin ee ku yaalla xaafadda Ishbiliyah ee dhacda Riyaadh. Waxaana sanadkii 1429 A.H loo xil saaray in uu saaladda Taraawiixda ka bixiyo. Wuxuu ku dhashay Riyadh, waana sheekha caan ka ah gudaha Sucuudiga. Qaran News

Source

Muqdisho (Caasimada Online) – Siyaasiga caanka ah ee Cabdiraxmaan Cabdishakuur Warsame, sidoo kalena ka mid ah musharixiinta u taagan xilka madaxweynaha ayaa si lama filaana weerar dhanka afka ah ugu qaaday ra’iisul wasaaraha Mudane Maxamed Xuseen Rooble. Cabdiraxmaan Cabdishakuur oo qoraal soo dhigay bartiisa Facebook-ga ayaa marka hore su’aallo badan ka keenay xaaladaha soo kordhay, gaar ahaan sida uu ku soo dhammaaday kiiska Ikraan Tahiil oo uu ra’iisul wasaaruhu horay u ballan qaaday inay heli doonto cadaalad, dib u dhaca ku yimid doorashooyinka 2021, iyo dhalinyaradii loo qaaday wadanka Eritrea. “Raysalwasaare Rooble waxaa lagu aaminnay, isaguna ballan qaaday in uu qabanayo doorashado xalaal ah, wuxuu shacabka u ballanqaaday in uu kiiska Ikraan Tahliil caddaalad u raadinayo. Wuxuu guddi u saaray dhallinyaradii Eritrea loo qaaday, waalidkoodna aysan war iyo wacaal ka helin. Doorashadii waa taas iyadoo odayaashii iyo ergadiiba la aqoon musharraxiintii isdiiwaan gelinayaan. Raggii eedda Ikraan loo haystay waa taa la beri yeelay, wiilashii Soomaaliyeed ee Eretrea ku maqanna warkooda iska daa,” ayuu yiri. Sidoo kale wuxuu intaasi ku daray in arrimahan oo dil ay ku soo aadayaan, kadib safarkii Rooble uu ku tegay Qatar oo uu Cabdiraxmaan tilmaamay inuu shaku weyn ka dhashay. “Waxaan oo idil waxey dhaceen, kaddib safarkii shakiga dhaliyey ee uu Raysalwasaaruhu dalka Qatar ku tegey. Waxaan kaloo ogeyn in RW Rooble uu qayb ka yahay qorshaha AMISOM dalka looga saarayo,” ayuu markale ku yiru qoraalka uu soo saaray CC Shakuur. Dhinaca kale wuxuu hoosta ka xariiqay in maalin weliba garoonka diyaaradaha Aadan Cadde, gaar ahaan terminal-ka khaaska ah inay kasoo dagaan diyaarado gaar ah oo ka kala yimaada wadamada Qatar iyo Eritrea, sida uu hadalka u dhigay. “In uu ogyahay terminal khaaska ee Garoonka Aadan Cade ku yaalla ee ay diyaaradaha gaar ah ee Qatar iyo Eretrea ka yimaada ka soo degaan. Ujeedka ugu danbeeyana uu yahay in Al-Shabaab dalka loo gacan geliyo. Mar kale ayaa masiirka dalka iyo majaraha dowlad dhiska la habaabin rabaa,’ ayuu sii raaciyey hadalkiisa Cabdiraxmaan Cabdishakuur. Gaba-gabadii wuxuu yiri ‘Waxaan shaki ku jirin in folkaanaha cabbursan ee dulmiga, cadaalad darrida, ku tumashada xuquuqda muwaadinta, ku takri falka awoodda iyo hantida ummadda uu qarxi doono, laakiin ma garan karo nooca baaruudda qarxisada ah(trigger) . Waxaa loo baahan yahay dhiirranaan iyo ku dhac looga hortago qaraxa folkaanaha soo socda oo ina wada galaafan doona, sidii Afgaanistaan ama wadanka Itoobiya ka dhacday. The post CC Shakuur oo weerar culus ku qaaday Rooble + Sababta appeared first on Caasimada Online.

Xoghayaha Guud ee Xisbiga Waddani Khadar Xuseen Cabdi, ayaa sheegay in Madaxweyne Muuse Biixi u qaadan waa ku noqotay in Xirsi Cali Xaaji Xasan noqday Guddoomiyaha Waddani, Cabdiraxmaan Cirro-na ka tanaasulay inuu u tartamo “Waxa la furay Garoonka Diyaaraddaha ee Berbera, oo Xukuumaddii Siillaanyo soo bilowday, anigu waxan moodayey in la furay 2014-kii, laakiin Muuse iskaga ceshay mar labaad, sidii riwaayadihii. Waxa ka baqayaa in meelihii Siillaanyo hore u furay in liiskoodii la soo qaato in dib loo furo. Odayga (Madaxweyne Muuse Biixi) waxay xafladdu ka xumaatay oo uu firkanaxay markii uu arkay Xirsi oo Guddoomiye Xisbi ah oo soo hor fadhiya. Markaa Madaxweynaha Xafladdii Xirsi ayaa ka jiidhay, maxaa weli uu u qaadan la’yahay Xirsi ayaa Gudsoomiye ah, xataa waxan maqlay in maalintii Cirro sheegay in aanu tartamay, warkaaga Madaxtooyada uu geli waayey, markaa Warkaasi shalay ka hor ma gelin Madaxtooyada Guddooniyenimada Xirsi.” Xoghayaha Guud ee Xisbiga Waddani Khadar Hussein Abdi Source

Hal qof oo ah gabar 16 jir ayaa dhimatay kadib markii ciidamad aammaanka suudan ay madaxda xabad kaga dhufteen gelinkii dambe ee shalay, sida ay sheegeen ururka dhaqaatiirta magaalada Omdurman ee dalka Sudan. Dhacdadaan ayaa ka dhacday bartamaha magaalada Omdurman oo ay banaanbaxyo ka dhigayeen shacabka sudan. Tobanaan kun oo qof ayaa iskugu soo baxay banaanbaxyo ka dhacay caasimadda Khartoum iyo magaalooyinka kale ee Omdurman iyo Bahri. Ciidamada ammaanka ayaa riday rasaas iyo sunta dadka ka ilmeysiisa si ay u kala eryaan dadka banaan baxa dhigayay. Wararka ka imaanaya magaalooyinka Khartoum iyo Bahri, ayaa iyagana sheegaya in toboneeyo dhalinyaro ah ay ciidamada toogtoon kuwaas oo ka qeyb galayay banaabaxa ka dhacayay waddooyinka. Ra’iisul wasaare Hamdok ayaa heshiis la gaaray sarkaalka hogaaminayay afgambigii xukunka lagaga tuuray ee Abdel Fattah al-Burhan, isagoo dib xilka loogu soo celiyay si uu u hogaamiyo xukuumad rayid ah oo kumeel gaar ah. Heshiiskan ayaa wajahaya mucaaradad uga imaanaya kooxaha dimuquraadiyadda u ololeeya oo dalbaday xukun rayid ah oo buuxa la siiyo ra’iisul wasaaraha. Goobjoog News Source: goobjoog.com

Muqdisho (Caasimada Online) – Dowladda Canada ayaa war kasoo saartay qarixii is-miidaaminta ahaa ee habeen hore ka dhacay gudaha magaalada Muqdisho ee caasimada Soomaaliya, kaas oo lala beegsaday agaasimaha Radio Muqdisho iyo agaasimaha SNTV. Canada ayaa marka hore si xoogan u cambaareysay dilka Wariye Cabdicasiis Maxamuud Guuleed (Afrika) oo u dhintay dhaawac ka soo gaaray qaraxaasi oo ay sheegatay Al-Shabaab. Qoraalkan ayaa sidoo kale lagu sheegay inay haboon tahay in la joojiyo caga-jugleynta iyo hanjabaadyada ay la kulmayaan saxafiyiinta Soomaaliyeed. ”Dhammaan saxafiyiinta waa in ay ku dhaqmaan iyada oo aan la faragelin, caga-jugleyn, hanjabaad, rabshad iyo aargoosi la’aan,” ayaa war kooban oo kasoo baxay guddiga Sare ee ee dowladda Canada u qaabilsan wadamada Soomaaliya iyo Kenya. Sidoo kale qoraalkan ayaa waxaa baaq loogu diray hay’adaha amMaanka Soomaaliya oo laga dalbaday inay dabagal iyo baaris ku sameeyaaan kooxihii ka dambeeyey dilkaasi. Weerarkan is-miidaaminta ahaa ayaa waxaa sidoo kale ku dhaawacmay agaasimaha Telefashinka Qaranka Sharmaa’arke Maxamed Warsame iyo darawal la socday. AUN Cabdicasiis Afrika oo shalay lagu aasay magaalada Muqdisho ayaa ahaa saxafi ku dhowaad 15 sano ka howl-galayey warbaahinta dowladda, waxaana lagu xasuustaa barnaamijka Gungaar oo lagu wareysto xubnaha Al-Shabaab, xogtoodana lagu soo bandhigo. The post Canada oo war kasoo saartay dilkii wariye Cabdicasiis Afrika appeared first on Caasimada Online.

Muqdisho (Caasimada Online) – Madaxweynihii hore ee Soomaaliya Xasan Sheekh Maxamuud ayaa ka hadlay arrinta dhalinyaradii tababarka loo geeyey dalka Eritrea isagoo balan qaaday in hadii mar kale uu noqdo madaxweynaha Soomaaliya uu dalka dib ugu soo celi doono dhalinyaradaas, sidoo kale waxuu fariin u diray waalidiinta ay wiilashu ka maqan yihiin. Xasan Sheekh ayaa arrinta dhalinyaradaas aad ugu eedeeyey madaxweynaha waqtigu ka dhamaaday Farmaajo, isagoo tilmaamay in mudadii uu xukunka hayey uu Farmaajo ku guul dareystay in dadka Soomaaliyeed uu la wadaago mar-xaladaha jira. Sidoo kale waxa uu sheegay inay jiraan odayaal, xildhibaano iyo dhinacyo kale oo ku lug lahaa dhoofinta dhalinyaradaas, kuwaas oo ka gaabsaday markii la waayey dhalinyaradii meel ay jaan iyo cirib dhigeen. “Baaris iyo dabagal ayan ku heynaa odayaashii iyo xildhibaanada damiintay, mar dhow waan cadeyneynaa dadka Soomaaliyeed ayaana soo hor dhigeynaa,” ayuu yiri Madaxweynihii hore. Xasan Sheekh ayaa odayaasha qabaa’ilada iyo xildhibaanadii damiinta dhalinyaradaas waxa uu kula taliyey inay hadlaan oo cadeeyaan inta qof ee uu damiintay iyo cidda uu ku wareejiyey. Sidoo kale Xasan Sheekh ayaa waalidiinta ay dhalinyaradu ka maqan tahay waxuu kula taliyey in codkooda ay muujiyaan oo banaanka u soo baxaan. “Waalidiinta waxaan kula talinayaa nabadoonadii ilmihiina damiintay weydiiya, ku qasba inuu hadlo oo sheego cidda uu ku wareejiyey wiilkiina, dacwo geeya maxkamadaha, wadooyinkana tubnaada ilaa wiilashiinii laga helo,” ayuu yiri Xasan Sheekh. Madaxweynihii hore Xasan Sheekh Maxamuud oo wareysigaan siiyey TV-ga Goobjoog ayaa intaas ku sii daray, “Hadii aan ku guulaysto hoggaanka dalka, waxaa kow ii ah soo celinta dhallinyarada loo qaaday dalka Eritrea, maalinta aan xafiiska tago ayaan balan qaadayaa in aan ka howlgalo oo si joogto ah xogtooda ugu soo gudbiyo umadda Soomaaliyeed.” Hoos ka daawo The post Xasan oo shaaciyey arrinta ugu horreysa ee haddii dib loo doorto uu ku dhaqaaqayo appeared first on Caasimada Online.

Muqdisho (Caasimada Online) – Kadib geeridii Agaasimihii Radio Muqdisho, Cabdicasiis Maxamuud Guuleed “Afrika” oo habeenkii Sabtidii weerar ismiidaamin ah lala beegsaday ayaa waxaa soo baxayay falcelin iyo shaki laga muujiyay qaabkii uu weerarkaasi u dhacay. Wasiirkii hore ee amniga Galmudug, horayna usoo noqday agaasimaha hay’adda NISA, Axmed Macallin Fiqi ayaa iftiimiyay xog badan, oo sida uu sheegay, uu ku saleeyay wareysiyo iyo hubin uu la yeeshay asxaabtii ugu dhoweyd ee marxuum Cabdicasiis Africa. Fiqi ayaa sheegay in dilkiisa ay tuhmayaan in xafiiska madaxtooyada iyo in hay’adda NISA aysan ka marneyn, isaga oo intaas ku daray in todobaadyadii lasoo dhaafay uu la kulmayey hanjabaadyo isdaba joog ah. Caasimada Online ma xaqiijin karto xogta uu bixiyey Axmed Macallin Fiqi. Axmed Macallin Fiqi ayaa sheegay in tuhunkiisa u uku sababeeyay dhowr arrimood, wuxuuna marka hore uu sheegay in Cabdicasiis Africa, oo ahaa agaasimihii Radio Muqdisho in goobta lagu dilay ay aheyd meel amaankeeda aad loo adkeeyay, dhinac walbana ay ka joogeen ciidamada madaxtooyada, Nabad-Sugida iy boolis. Waxa uu sidoo kale sheegay in markii uu qaraxa dhacay aysan hay’addaha ammaanka qaadin tallaabo muujineysa baaritaan goobta laga sameeyay, sida caadada ahna goob walba oo qarax ka dhaca ay ciidamada booliska howlgal ka fuliyaan goobaha qaraxyada ka dhacaan, islamarkaama aysan jirin howlgal xilligaasi la sameeyay. Arrinta labaad ayuu ku sheegay in gaarigii lagu qarxiyay uusan aheyn midkiisii gaarka ah, islamarkaana uu lahaa farsamayaqaan ka tirsan wasaaradda warfaafinta, gaarigaasina uu ahaa mid muraayadihiisa mugdi ahaayeen, loona baahan yahay in wasaaradda warfaafinta dhexdeeda ay baaritaan sameyso, iyo in goobta maqaayada oo ku sugnaa warbixin kasoo gudbisay qof ku sugnaa. Fiqi ayaa carabaabay in qorshaha lagu dilay Wariye Afrika ay suuragal tahay in ay sal ku leedahay khilaafkii madaxweyne Farmaajo iyo Ra’iisul Wasaare Rooble ee bishii hore, kaasoo gaaray in Radio Muqdisho iyo TV-ga Qaranka laga mamnuuco wararka Madaxweyne Farmaajo in laga sii daayo. Axmed Macallin Fiqi waxa uu xusay in arrintaani aan la dhayalsan oo ay u baahan tahay baaritaan aan aheyn midkiii Guddoomiye Yariisoow iyo Sarkaalad Ikraan Tahliil loona baahan yahay in laga sal gaaro xaqiiqda. Axmed Macallin Fiqi ayaa fariin aan la dhayalsan karin u diray cid kasta oo ku raad laheyd khilaafkii madaxweynaha mudo xileedkiisa dhamaaday ee Farmaajo iyo Ra’iisul Wasaare Rooble, oo khilaafkii dhacay ay keentay in caga jugleyn iyo handadaad u keentay shaqaalaha Radio Muqdisho qaarkood, cid kastana inay muujiyaan feejignaan maadaama buu yiri Farmaajo uusan aheyn nin wax cafiyo, ciddii arrimahiisa gashana ay gacantiisa gaarto. Hay’addaha caddaalada ayuu sheegay Fiqi inay noqdeen kuwo ay dad leeyihiin, isagoo tusaale usoo qaatay baaritaankii kiiskii Inj. Yariisoow iyo Ikraan Tahliil, wuxuuna la barbar dhigay kiiskaan iyo dhacdada lagu dilay Cabdicasiis Africa kiisaskii Yariisow iyo Ikraan. Arrintan sida weyn loo hadal haayo ayaa ah in Farmaajo uu xarunta madaxtooyada ku qaabilay gabar calanka Soomaaliya xiratay oo Hargeysa lagu xiray oo uu madaxtooyada maamuus ugu sameeyay, xilna loogu magacaabay wasaaradda Warfaafinta, isagoona ka aamusay inuu ka tacsiyadeeyo ama ka hadlo agaasimihii Radio Muqdisho oo qarax ismiidaamin ah lagu dilay. Fiqi wuxuu ugu danbeyntii qiray in argagixisada ay noqdeen in cid kasta oo dooneysa in qof ay ka aarsato loo adeegsado, wuxuuna Ra’iisul wasaare Rooble uu ka codsaday in baaritaankii Ikraan Tahliil iyo Inj. Yariiisoow mid ka duwan in lagu sameeyo kiiska Wariye Afrika. W/D: Ali Muhiyaddiin Caasimada Online, London The post Video: Fiqi oo soo bandhigay qodobo ‘shaki gelinaya’ cidda fulisay dilka weriye AFRIKA appeared first on Caasimada Online.

Kooxda Daalibaan waxay shuruuc cusub kusoo rogtay haweenka dalkaas ee kasoo muuqda shaashadaha, iyadoo si gaar ah hadda u beegsatay kuwa dhiga riwaayadaha ama aksoo muuqda iyo kuwa ka hawl gala telefishadan maxaliga ah. Daalibaan waxay haweenka Afrikaanistaan ka mamnuucday in ay qayb ka noqdaan muuqaalada riwaayadaha, iyadoo imika wixii ka danbeeya loo ogolaan doonin haweenka dhanka jilliinka. Shuruuc kale ayay sidoo kale dul dhigtay haweenka ka shaqeeya telefishanada kala duwan eeb dalkaas, kuwaas oo ay khasab kaga dhigtay in ay xidhaan xijaab ama madaxooda qariyaan. Waxa jirtay cabsi laga qabay nooca xukunka Daalibaan tan iyo markii ay xukunka la wareeegtay bishii August. Source

(SLT-Nairobi)-Booliska Kenya ayaa billaabay baadhitaan ku aadan dhacdada weriye ka tirsaneyd BBC-da oo ku geeriyootay magaalada Nairobi. Kate Mitchell, oo u dhalatay Ingiriiska lana shaqeyneysay BBC Media Action isla markaana ka howlgaleysay dhowr dal oo Afrikaan ah ayaa geeriyootay Jimcihii xilli ay ku sugneyd huteelkii ay ka dagganeyd magaaladaas. BBC Media Action waa hay’ad caalami ah oo qaabilsan baarnaamijyada samafalka iyadoo mashaariicdeeda ay diiradda ku saarto si warbaahinta iyo isgaadhsiinta loogu adeegsado waxkaqabashada sinaan la’aanta ka jirta adduunka. Iyadoo aanan la ogeyn sababta ka dambeysay dhimashada gabadhan, booliska Kenya waxay warbaahinta gudaha u sheegeen inay baadhayaan dhimashada iyo sababaha la is odhan karo wey ka dambeeyeen. Source

Dhuusomareeb (Caasimada Online) – Xoogaga Ahlu Sunna ee ku sugan deegaanka Bohol, oo qiyaastii 30km dhinaca waqooyi kaga beegan tahay magaalada Dhuusamareeb ee Gobolka Galgaduud, ayaa la soo sheegaya in abaabul ciidan ay ka wadaan halkaasi. Xoogaga Ahlu Sunna ayaa la tuhunsan yahay inay damacsan yihiin weerar ay ku qaadaan magaalada Dhuusamareeb ee Xarunta Maamulka Galmudug. Cabdullaahi Cabdi Raage oo ka tirsan Saraakiisha Ciidamada Ahlu Sunna ayaa mar sii horeysay bartiisa Facebook ku soo qoray “Ama Dhuusamareeb ama geeri, Insha’Allah.” Waxaa soo baxaya warar sheegaya in Xoogaga Ahlu Sunna lagu arkay deegaano dhaca bariga Magaalada Dhuusamareeb. Bashiir Nageeye oo ka mid ah dhallinta magaalada Dhuusamareeb ayaa sheegay in dhaqdhaqaaqa Ahlu Sunna ay baqdin ku keentay dadka deegaanka. “Ahlu Sunna oo aad u maleynayso inay ka careysan tahay hadalkii habeen dhaweyd ka soo yeeray Ra’iisal Wasaare Rooble ee ahaa inay nabadiid yihiin ayaa keentay abaabulka ay hadda ka sameynayaan gobolka. Nimankan siyaasadda ayay daneynayaan, dowladdiina ma ogolo in laga soo qaybgeliyo,” ayuu yiri Bashiir Nageeye. Waxa kaloo uu yiri “Xalay waxaa la sheegay inay yimaadeen deegaanka Gadoon ee bariga Dhuusamareeb, taa waxaad mooddaa inay baqdin gelisay dadka deegaanka, qaar ka mida.” Bashiir Nageeye ayaa intaasi ku daray “Reer Dhuusamareeb cidda ay wax ka maqlaan waa Odayaasha Dhaqanka, dhaqankiina waxay taageersan yihiin maamulka meeshaan ka jira.” Hoggaamiyaha Guud ee Ahlu Sunna Waljameeca, Macalin Maxamuud Sheekh Xasan Faarax ayaa 8-dii bishan wareysi uu BBC siiyay waxaa uu ku sheegay inay doonayaan in heshiis awood qaybsi ah ay la gaaraan Maamulka Galmudug, maadaama ay markii horeba ahaayeen maamulo wax isku darsaday, sida uu yiri. Hoggaamiyaha Ahlu Sunna ayaa tilmaamay in daba-yaaqadii bishii October ee Guriceel uga baxeen dadaalo ay garwadeen ka ahaayeen dhinacyo kala duwan, ayna Galmudug diidan tahay in horumar laga sameeyo waan-waantii xilligaasi laga dhex bilaabay. Macalin Maxamuud ayaa xusay in Dowladda Federaalka iyo Galmudug ay qaadayaan masuuliyadda tobanaanka qof ee dagaalkii Guriceel ku dhintay. Ahlu Sunna oo dhowr iyo toban sano ka arrimineysay Gobolada Dhexe ayaa door muuqdo ku laheyd labadii xilli doorasho ee ugu dambeysay ee dalka laga qabtay, sanadihii 2012 iyo 2016. The post Xog: Ahlu-Sunna oo abaabul dagaal wadda kuna siqday magaalada Dhuusomareeb appeared first on Caasimada Online.

Hooyada dhashay Sarkaalad Ikraan Tahliil ayaa ka hadahsya jawaabta natiijada baarista ah ee sida horudhaca ah u shaaciyeen xafiiska xeer ilaalinta maxkamadda ciidamada qalabka sida. Qaali Maxamuud Guhaad oo ah hooyada dhashay marxuumadda ayaa sheegtay in natiijada la soo bandhigay ay tahay mid ay soo abaabuleen dadkii la eedeeyay. “Farmaajo, Fahad iyo kuwii gabadheyda dhibaateeyey ayaa ka soo shiray waxaan, mana aqbaleyno, umada Soomaaliyeedna kuma qanceyso, intii gabadheydu maqneed ayaa laga soo shaqeynaayey beentaan,” ayey tiri Qaali. Qaali Maxamuud Guhaad ayaa sidoo kale sheegtay in galka dacwadda gabadheeda uusan shaqo ku laheyn gacantana ku haynin xeer ilaaliyaha guud ee maxkamadda kaas oo shalay ku dhawaaqay natiijada. “Xeer ilaaliyihii dacwada iga qoray ee galkeyga gacanta ku hayey ma ahan ninka galabta dhawaaqay, ninkaan waxaa soo adeegsaday Farmaajo, Fahad iyo Kullane Jiis, ma aqaano, waligeyna wax uma dirsan,”ayeey tiri hoyo Qaali. Hooyada dhashay sarkaalada Ikraan Tahliil ayaa sheegtay in gabadheeda Soomaaliya ay cadaalad uga weysay, waxa ayna xustay in garsoorka uu yahay mid la isku awood sheegto. “Nimankii gabadheyda dhibaateeyey ayaa lagu leeyahay waxay soo baareen, wax ka jira maleh, waa meel la isugu xoog sheegto,” ayeey tiri Qaali Maxamuud Guhaad. Maxkamadda ayaa sheegtay shalay in baaris lagu sameeyay dhamaan cadeymihi ay soo bandhigen taliska NISA, balse haba yaraate wax dambi la lagu waaye dhamaan tuhun sanayaasha. Goobjoog News Source: goobjoog.com

Madaxweynaha Puntland Siciid Cabdullaahi Deni ayaa maanta safar ku tegaya magaalada Qardho ee Xarunta Gobolka Karkaar. Madaxweyne Siciid Deni ayaa halkaas tababar ugu soo xiraya cutubyo ka tirsan Ciidamada Puntland oo in mudda ah tababar uga socday Xerada Xorgoble. Guddiga dib u-habaynta ciidamada Puntland oo ay hoggaaminayaan wasiirada Maaliyadda iyo Amniga ayaa madaxweynaha uga sii horreeyay magaalada Qardho si ay u diyaariyaan munaasabadda. Xukuumadda Puntland ayaa sannadihii u dambeeyay dib u habayn iyo tababarro ku waday ciidamada kala duwan gaar ahaanna Booliiska iyo Daraawiishta. PUNTLAND POST The post Madaxweyne Deni oo Qardho tababar ugu soo xiraya cutubyo ka tirsan Ciidamada Puntland appeared first on Puntland Post.

Two mobile phones and a flash disk are likely to help detectives unravel how three terror convicts escaped from Kamiti Maximum Security Prison and travelled for more than 300 kilometres without detection. Source: Hiiraan Online

Muqdisho (Caasimada Online) – Faah faahino dheeraad ah ayaa waxaa laga helayaa toogasho ay xalay koox hubeysan ka geysatay magaalada Muqdisho ee caasimada Soomaaliya, gaar ahaan qeybo ka mid ah degmada Kaaraan ee gobolka Banaadir. Wararka ayaa sheegaya toogashada oo loo geystay wiil dhalinyaro ahaa ay ka dhacday xaafadda Jamhuuriya ee degmadaasi, iyada oo ay baxsadeen raggii ka dambeeyey falkaas. Marxuumka ayaa waxaa lagu magacaabi jiray, Mukhtaar Yalaxow, wuxuuna ka mid ahaa dadka deegaanka ee ku dhaqan halkaasi, sida ay innoo sheegeen ilo deegaanka ah. Sidoo kale wararka ayaa intaasi ku daraya in kooxda dilka fulisay ay gurigiisa ugu galeen marxuumka, kadibna ay rasaas ku fureen, taas oo sababtay dhimashadiisa. Ilo wareedyo lagu kalsoon yahay ayaa sidoo kale innoo sheegay in ragga dilka fuliyey ay ahaayeen burcad dooneysay inay dhacaan marxuumka, iyaga oo isla goobta ku toogtay. Ciidamo ka tirsan kuwa ammaanka ayaa goor dambe tegay meesha ay wax ka dhaceen, waxaana howl-gallo kooban ay ka sameeyeen degmada Kaaraan ee gobolka Banaadir. Kaaraan ayaa ka mid ah degmooyinka ugu badan ee xilliyada habeenkii ah ay jiraan falalka ammaan darri, gaar ahaan dhaca loo geysanayo dadka shacabka ah ee ku nool halkaasi. Si kastaba, arrimahan ayaa kusoo aadaya, iyada oo haatan dowladda federaalka ay ku mashquulsan tahay arrimaha doorashooyinka, maadaama uu dalka ku jiro kala guur. The post Wararkii ugu dambeeyey dil kale oo ka dhacay Muqdisho appeared first on Caasimada Online.

The State of Qatar has expressed its strong condemnation and denunciation of the explosion that took place in the Somalia capital, Mogadishu, killing a journalist and injuring another. Source: Hiiraan Online

A committee assigned to investigate the murder of Ikarm Tahlil, a spy with Somalia’s National Intelligence and Security Agency (Nisa) who disappeared on June 26 this year, has concluded that her bosses had no role in her death. Source: Hiiraan Online

Qaran News

Qaran News

Ciidamadda ilaalada xeebaha dalka Tuunis ayaa sheeegay maanta oo Axad ah inay soo badbaadiyeen 223 qof oo doonayay inay tahriib badda ah ku galaan wadamada Yurub. Afhayeenaka ciidamada ilaalada xeebaha Tuunis Xusaam Al-Diin Al-Jabaali ayaa warbaahinta u sheegay in dadkaan la soo badbaadiyay isagu jiraan 112 qof oo kasoo jeeda waddamo Afrikaan ah, halka inta kale ay yihiin muwaadiniin reer Tuunis ah. Muddooyinkii u dambeeyay dalka Tuunis waxaa si aad ah ugu soo badanaayay muhaajiriinta dooneysa inay u gudbaan wadamada Yurub kuwaas oo dalalkoodi uga soo cararary dhibaatooyin dhaqaale iyo amni xumo. Dowladda Tuunis ayaa dadaal badan ku bixineysa si ay uga hortegi leheed tahriibayaalka u isticmaalaya xuduudeeda si sharci darro ah. PUNTLAND POST The post Ciidamadda Badda Tuunis oo soo badbaadiyay in ka badan 200 oo tahriibayaal ah appeared first on Puntland Post.

Dhuusamareeb (Caasimada Online) – Madaxweynaha dowlad goboleedka Galmudug, Mudane Axmed Cabdi Kaariye (Qoor Qoor) ayaa kulan dhanka Zoomka ah la yeeshay qaar ka mid ah wakiilada Beesha Caalamka ee uu fadhigooda yahay magaalada Muqdisho. Qoor Qoor ayaa si gaar ah wada-hadallo ku aadan doorashooyinka ula yeeshay wakiilada Qaramada Midoobay, Ingiriiska, Mareykanka iyo sidoo kale Danjiraha Midowga Yurub. Labada dhinac ay waxa ay diiradda saareen qodobo ay ka mid yihiin doorashooyinka, amniga dalka, ilaalinta qoondada haweenka iyo taageerada dhaqaale ee Caalamka. Madaxweynaha Galmudug oo hadal ka jeediyey madasha ayaa u ballan qaaday xubnaha uu la shiray ee Beesha Caalamka inuu doorashada Golaha Shacabka, gaar ahaan xubnaha ka imaanaya deegaanada maamulkaasi uu soo gaba-gabeyn doono dhammaadka 2021-ka. ”Waxaan u xaqiijinnay inaan soo gebagebeyneyno doorashada ka hor dhammaadka 2021-ka,”ayuu yiri madaxweyne Axmed Cabdi Kaariye (Qoor Qoor). Sidoo kale wakiilada Qaramada Midoobay, Ingiriiska, Mareykanka iyo Midowga Yurub ayaa dhankooda shaaca ka qaaday in Galmudug ay ku garab siinayaan dhammeystirka doorashada xubnaha Golaha Shacabka oo dhowaan ka bilaabaneyso maamulkaasi. Soomaaliya ayaa waxaa haatan meel wanaagsan maraya doorashooyinka baarlamaanka oo muhiim u ah tan madaxweynaha oo marar badan dib uga dhacday waqtigii loo qorsheeyey. The post Madaxweyne QOOR QOOR oo hal arrin ka ballan-qaaday xubnaha Beesha Caalamka appeared first on Caasimada Online.

Nin qaboojiyaha Meydadka la geliyo ku baryey hal Habeen oo la arkay isagoo nool Nin Hindi ah oo dhakhaatiirtu ay sheegeen in uu dhintay ka dib shil gaadhi oo uu galay ayaa qoyskiisu ka war heleen in uu neefsanayo oo wali uu noolyahay, ka dib markii hal habeen uu ku baryey qaboojiyaha madaydaka la galiyo. Srikesh Kumar ayaa loola cararay cisbitaalka ka dib markii meel u dhow magaalada Delhi ay ku dardartay mooto dhugdhugley ah. Waa lagu dhawaaqay in uu dhintay isla markii la geeyey xarun caafimaad oo gaar loo leeyahay ka dibna waxaa loo sii gudbiyey cisbitaal ay dowladdu leedahay si baadhitaan dheeri ah loogu sameeyo. Hase ahaatee markii qoyskiisa iyo booliisku ay yimaadeen lix saac ka dib waxay la kulmeen Mr Kumar oo wali neefsanaya.Ninkaas ayaa haatan la dawaynayaa balse wali miyirkiisii ma soo noqon. Baadhitaan ayaa ku socda sababta dhakhaatiirtu ay sida khaladka go’aanka ugu gaadheen in ninkaasi uu mayd yahay. Qaran News

Shirkadda Labaad ee Diyaaradaha ee ugu weyn Dalka Iran oo kombiyuutaradeeda la weeraray Shirkadda labaad ee diyaaradaha ee ugu weyn Iran ee Mahan Air, ayaa sheegtay in burcad dhanka kumbuutarrada ah ay markii labaad bartilmaameedsadeen xogta shirkaddaas. War qoraal ah oo ka soo baxay shirkaddaas diyaaradaha ayaa lagu sheegay in ay ka hortagtay weerarka lagu soo qaaday nidaamka kumbuutarradeeda isla markaana uu sii socon doono jadwalka duulimaadayadeeda. Waxaanse wali shaqaynayn barta shirkaddaasi ay internet-ka ku leedahay. Afhayeen u hadlay Mahan Air ayaa sheegay in shirkaddaas dhowr xilli oo kala duwan la bartilmaameedsaday. Shirkaddan oo ah tan ugu weyn shirkadaha diyaaradaha ee gaarka loo leeyahay ee Iran ayaa haatan ku jirta liiska madow ee dowladda Maraykanka. Qaran News