Geneva (Caasimada Online) – Khabiir ka tirsan Qaramada Midoobay ayaa warbixin ku magacawday in ka badan 60 shirkadood, oo ay ku jiraan shirkado waaweyn oo sameeya hubka iyo kuwa teknoolajiyadda, iyadoo ku eedaysay inay ku lug leeyihiin taageeridda deegaameynta Israa’iil iyo hawlgallada militari ee ka socda Gaza, kuwaasoo ay ku tilmaantay “ol’ole xasuuq ah.” Francesca Albanese, oo ah qareenad u dhalatay Talyaaniga kuna takhasustay xuquuqda aadanaha, ahna Wakiilka Gaarka ah ee Qaramada Midoobay u qaabilsan Dhulka Falastiin ee la haysto, ayaa warbixintan ku soo ururisay xog ay ka heshay in ka badan 200 oo dhinac oo isugu jira dawlado, u doodayaal xuquuqda aadanaha, shirkado, iyo aqoonyahanno. Warbixinta, oo la daabacay Isniintii xilli dambe, ayaa ku baaqaysa in shirkaduhu ay joojiyaan la macaamilka Israa’iil iyo in lala xisaabtamo madaxda shirkadahaas ee ku lugta leh ku xadgudubka sharciga caalamiga ah ee lagu eedeeyay. “Xilli nolosha Gaza la baabi’inayo, Daanta Galbeedna ay wajahayso duullaan sii kordhaya, warbixintani waxay muujinaysaa sababta uu xasuuqa Israa’iil u socdo: waayo waa mid faa’iido u ah dhinacyo badan,” ayay Albanese ku qortay dokumentiga ka kooban 27-ka bog. Waxay ku eedaysay shirkadaha inay “dhaqaale ahaan ku xiran yihiin midab-takoorka iyo militariyadnimada Israa’iil.” Xafiiska wakiilka Israa’iil ee Geneva ayaa sheegay in warbixintu ay tahay “mid aan saldhig sharci lahayn, sumcad-dil ah, oo si bareer ah loogu takri-falay xafiiskeeda.” Xafiiska ra’iisul wasaaraha Israa’iil iyo wasaaradda arrimaha dibadda ayaan si degdeg ah uga jawaabin codsiyo loo diray oo ku saabsanaa arrintan. Dhanka kale, wakiilka Mareykanka ee Qaramada Midoobay ee New York ayaa ugu baaqay Xoghayaha Guud ee Qaramada Midoobay, Antonio Guterres, inuu cambaareeyo Albanese oo uu dalbado in xilka laga qaado, isagoo intaa ku daray “in tallaabo la’aanta ilaa hadda ay awood u siisay Ms. Albanese inay sii waddo ol’oleheeda dagaalka dhaqaale ee ka dhanka ah shirkadaha caalamka oo dhan.” Israa’iil ayaa iska diiday eedeymaha xasuuqa ee Gaza, iyadoo ku andacoonaysa inay xaq u leedahay is-difaacid ka dib weerarkii Xamaas ee Oktoobar 7, 2023, kaasoo lagu dilay 1,200 oo qof, isla markaana lagu afduubtay 251 qof, sida ay sheegeen tirokoobyada Israa’iil. Weerarada ka dhashay ee Gaza ayaa waxaa ku dhintay in ka badan 56,000 oo qof, sida ay sheegtay Wasaaradda Caafimaadka ee Gaza, wuxuuna dhulkaas u rogay burbur. Shirkadaha hubka ee warbixinta lagu xusay Warbixintu waxay shirkadaha ugu kala saartay qaybo, sida kuwa militari ama teknoolajiyadda, mar walbana si cad uma sheegayso inay la xiriiraan deegaannada sharci-darrada ah ama ol’olaha Gaza. Waxaa lagu sheegay in qiyaastii 15 shirkadood ay si toos ah uga jawaabeen xafiiska Albanese, laakiin jawaabahooda lama daabicin. Warbixintu waxay magacawday shirkado hubka sameeya sida Lockheed Martin iyo Leonardo, iyadoo ku eedaysay in hubkooda loo adeegsaday Gaza. Waxay sidoo kale liiska ku dartay shirkadaha qalabka culus keena sida Caterpillar Inc iyo HD Hyundai iyadoo sheegtay in qalabkoodu uu gacan ka geystay burburinta hantida dhulka Falastiiniyiinta. “Iibka hubka ee dibadda waa macaamil dhexmara dawladaha. Doodaha ku saabsan iibkaas waxaa ugu habboon inay ka jawaabto dawladda Mareykanka,” ayuu yiri afhayeen u hadlay shirkadda Lockheed Martin. Midkoodna shirkadaha kale si degdeg ah ugama jawaabin codsiyada faallo-bixinta ee ay u dirtay wakaaladda wararka ee Reuters. Shirkadda Caterpillar ayaa hore u sheegtay inay filayso in qalabkeeda loo isticmaalo si waafaqsan sharciga caalamiga ah ee bani’aadannimada. Shirkadaha waaweyn ee teknoolajiyadda sida Alphabet ama Google, Amazon, Microsoft, iyo IBM ayaa lagu magacaabay inay “udub-dhexaad u yihiin qalabka basaasnimada Israa’iil iyo burburka ka socda Gaza.” Shirkadda Alphabet ayaa hore u difaacday qandaraaskeeda adeegyada cloud services ee qiimihiisu yahay $1.2 bilyan oo ay la gashay dawladda Israa’iil, iyadoo sheegtay inaan loogu talagalin hawlgallo militari ama sirdoon. Shirkadda Palantir Technologies ayaa sidoo kale lagu xusay inay ciidanka Israa’iil siisay agab sirdoonka macmalka ah (AI tools), inkastoo aan la faahfaahin sida loo adeegsaday. Warbixintan ayaa sii ballaarinaysa keyd-xogeed hore oo ay Qaramada Midoobay ka diyaarisay shirkadaha lala xiriiriyo deegaannada Israa’iil, kaasoo markii ugu dambaysay la cusboonaysiiyay Juun 2023, iyadoo ku soo kordhisay shirkado cusub ayna faahfaahinayso xiriirka lagu eedeeyay ee ay la leeyihiin colaadda Gaza ka socota. Warbixinta ayaa la horgeyn doonaa Golaha Xuquuqda Aadanaha ee Qaramada Midoobay (U.N. Human Rights Council), oo ka kooban 47 xubnood, maalinta Khamiista. Inkastoo Goluhu aanu lahayn awood sharci oo qasab ah, haddana kiisaska ay diiwaangeliyaan baaritaannada Qaramada Midoobay waxay mararka qaar saldhig u noqdeen dacwado caalami ah. Israa’iil iyo Maraykanka ayaa isaga baxay Golaha horaantii sanadkan, iyagoo ku sababeeyay eex ka dhan ah Israa’iil. Liiska shirkadaha waxaa ka mid ah: Heavy Machinery / Infrastructure Caterpillar (USA), Leonardo-owned Rada Electronic Industries (Israel/Italy), HD Hyundai (South Korea), Volvo Group (Sweden) Rental / Tourism Platforms Booking.com (Netherlands), Airbnb (USA) Energy / Commodities Drummond Company (USA), Glencore (Switzerland) Agriculture / Food Bright Dairy & Food (China), Tnuva (Israel), Netafim (Israel), Orbia Advance Corporation (Mexico) Banking / Finance BNP Paribas (France), Barclays (UK) Investment Firms BlackRock (USA), Vanguard (USA) Oil & Gas Chevron (USA) Arms Manufacturers / Military Tech Lockheed Martin (USA), Leonardo S.p.A (Italy), FANUC Corporation (Japan), Elbit Systems (Israel) Technology Companies Microsoft (USA), Alphabet (USA), Amazon (USA), IBM (USA), Palantir Technologies (USA) Insurance Companies Allianz (Germany), AXA (France)

Muqdisho (Caasimada Online) – Maareeyaha Hay’adda Duulista Rayidka, Axmed Macallin oo wareysi gaar ah siiyay Telefishinka Qaranka Soomaaliyeed ayaa warbixiyay diyaaradda milatari ee maanta ku burburtay garoonka diyaaradaha magaalada Muqdisho. Axmed Macallin ayaa xaqiijiyay in diyaaradda oo aheyd Helicopter ay lahaayeen ciidamada howlgalka AUSSOM, isla markaana ay kasoo kacday garoonka Ballidoogle ee gobolka Shabeellaha Hoose. Maareeyaha ayaa xusay in cilad ay ku timid diyaaradda, kadib markii ay dul timid garoonka ay kusoo dhacday qaybta xigta Afisyoone, halkaas oo ay gebi ahaan ku gubatay. “Saaka aroortii diyuurado normali kusoo kici jiray, si caadiyan ah kasoo bixi jiray garoonka Ballidoogle oo imaan jiray magaalada Muqdisho diyaaradahaas oo ay lahaayeen ciidamada Howlgalka AUSSOM markii ay diyaaradda timaaday garoonka Muqdisho dushiisa ayaa wax ku dhacayba kolley baaritaanka ayaa sheegi doona ku dhacday qaybta Afisyoone ee garoonka Aadan Cadde Sidoo kale wuxuu tilmaamay in diyaaradda ay la socdeen illaa 8 qof, welina aynan ogeyn xaaladdooda, maadaana weli uu socda gurmadka iyo damninta dabka ka dhashay burburka diyaaradda. “Illaa iyo hadda macluumaadka aan hayno, maadaama ay wei arrintu socoto oo qolada dab damiska la tacaalayaan. Sideed qof ayaa diyaaradda saarnaa,mana ogin illaa iyo hadda in ay badbaadeen iyo in waxyeelo gaarto, laakiin dib ayaan ka ogaan doonaa” ayuu raaciyay. Axmed Macallin oo hadalkiisa sii wata ayaa xusay in qaybta ay kusoo dhacday diyaaradda ay xireen maadaama uu burburka saameeyay, laakiin shaqadii kale ay garoonka ay socoto, diyaaradana ay soo dageen iyo kuwa kalen ay haatan ka duuleen Aadan Cadde. Dhacdadan ayaa si weyn u tabisay warbaahinta, iyada oo baraha bulshada sidoo kale lagu faafiyay burburka diyaaradda uuro ka dhalatay dabka oo qabsatay hawada garoonka. Shilkan waxaa ka horreeyay mid kale oo horraantii bishii April ee sanadkan ka dhacay garoonka Muqdisho, kadib markii diyaarad nooceedu ahaa De Havilland Dash 8 (DH8D) ay shil ku gashay Garoonka Caalamiga ah ee Aadan Cadde, waxaana ku timid cilad farsamo. Ma jirin wax khasaare nafeed ah oo ka dhashay shilkaasi, marka laga reebo burburka soo gaaray diyaaradda, sida ay horay u shaacisay Hay’adda Duulista Rayidka Soomaaliyeed. Si kastaba ha’ahaatee, Garoonka Caalamiga ah ee Aadan Cabdulle ayaa ah garoonka ugu mashquulka badan Soomaaliya, waxaana inta badan laga fuliyaa howlaha gargaarka iyo socdaallada diblomaasiyadeed ee gobolka Geeska Afrika.

Saaka abaare 7:30 subaxnimo, diyaarad ay leeyihiin Midowga Afrika oo ay wadeen ciidamada Uganda (UPDF) ayaa si degdeg ah ugu dhacday garoonka diyaaradaha Aadan Cadde ee Muqdisho. Diyaaraddu waxay kasoo duushay saldhigga milatari ee Baledogle gobolka Shabeellaha Hoose. Diyaaradda waxaa saarnaa 8 qof, Waxaa ka badbaaday Saddex qof oo kaliyah oo hadda lagu dabiibaayo isbitaal ku yaalla Xalane. Waxaa socda hawlgallo lagu baadi-goobayo dadka kale ee saarnaa diyaaradda kuwaasoo ku dhex gubtay Diyaaradda. Hay’adaha duulista hawada ayaa bilaabay baaritaan rasmi ah si loo ogaado sababta keentay shilka. Source: goobjoog.com

Abdiqani Hirad, the Finance Minister of SSCK. Laascaanood (PP News Desk) — The Finance Ministry of the Federal Government of Somalia has granted the Finance Ministry of the Sool, Sanaag, Cayn and Khatumo (SSCK) Administration membership in the Intergovernmental Fiscal Federalism (IGFF) Technical Committee. This membership status obliges the new administration to harmonise its public finance procedures with those of other Federal Member States. “This development aligns with the Intergovernmental Relations Act of 2012 in Somalia, which mandates technical committees to facilitate fiscal co-operation, potentially boosting SSC-Khatumo’s economic autonomy,” tweeted Abdiqani Hirad, the Finance Minister of SSCK. Fiscal federalism is a key pillar of state-building initiatives in the Federal Republic of Somalia and is supported by the World Bank. Federal Member States have an obligation under the IGFF to implement transparent public finance processes. Disclosure of revenue streams and reliable audits of public finances by Federal Member States constitutes an important part of fiscal federalism in Somalia. © Puntland Post, 2025 The post SSCK Becomes Intergovernmental Fiscal Federalism (IGFF) Technical Committee Member appeared first on Puntland Post.

Sharma’arke Beeldaaje Agaasimihii wasaaradda Kalluumeysiga Puntland, Sharma’arke Yaasiin Beeldaaje oo dalka dibaddiisa ku maqan ayaa beeniyay in uu lacag ka lunsaday wasaaraddaas, oo aysan jirin cid caddayn u keeni karta eedeynta loo jeediyay. Sharma’arke Beeldaaje oo ka jawaabayay eedeyntaasi oo uga timid wasiirka Kalluumeysiga Puntland, Cabdirisaaq Cabdullaahi Xagaa, ayaa sheegay in aysan jirin wax lacag ah oo uu ka lunsaday wasaaradda, islamarkaana lagu been-abuurtay. “Majirto meel aan lacag ku dhacay iyo cid caddayn karta, waa been abuur iyo waxba kama jiraan, Wasiir Xagaa weligiis buu dadka aflagaadeyn jiray tana lagaga hari maayo oo caddaynteeda looga baahan yahay ” ayuu yiri Sharma’arke Beeldaaje Yaasiin oo beeniyay warka ku saabsan in uu lacag ka dhacay wasaaradda Kalluumeysiga Puntland. Dhinaca kale, Sharma’arke Beeldaaje Yaasiin waxa uu wasiir Xagaa ku eedeeyay in uu xiriir hoose la lee yahay kooxda argagixisada ah ee Daacish, inkastoo aanu soo bandhigin wax caddayn ah oo muujinaya run ahaanshaha warkiisa, marka laga reebo eedeyn uun. PUNTLAND POST The post Sharma’arke Beeldaaje: Wasiirka Kalluumeysiga Puntland wuxu xiriir hoose la lee yahay Daacish appeared first on Puntland Post.

Dowladda Soomaaliya ayaa faahfaahin ka bixisay shil diyaaradeed oo saacado ka hor dhacay gudaha xayndhaabka garoonka diyaaradaha ee Aadan Cadde, gaar ahaan qeybta ay degganyihiin ciidamada Midowga Afrika ee AUSSOM. Maareeyaha hay’adda duulista rayidka ah ee Soomaaliya Axmed Macallin Xasan oo la hadlay warbaahinta ayaa sheegay in diyaaradda oo ahayd nooca qumaatiga u kaca, islamarkaana ay lahaayeen ciidanka AUSSOM ay so subaxnimadii saaka ka soo duushay garoonka militariga ee ballidoogle. Meereeyuhu wuxuu sheegay in shilku aanu wax khasaare nafeed sababin, dhammaan dadkii saarnaa diyaaradda oo sideed ruux ka koobnaana ay bedqabaa, wuxuuna intaa ku daray inuu socdo baaritaan ku aaddan waxa dhaliyay shilka. Si kastaba ha ahaatee Shilku wuxuu sababay in la xiro qeybo kamid ah garoonka, sida uu sheegay maareeye Axmed Macallin, balse ma jiro war rasmi ah oo ciidamada AUSSOM ay dhacdadan ka soo saareen. Source: goobjoog.com

Somalia’s Immigration staff pose with Director General Mustafa Duhulow after completion of the new screening training/HANDOUT Somalia has officially rolled out a new biometric border security system, backed by the United States, to fight human trafficking, curb illegal migration, and strengthen national and global security. The launch followed a four-day training in Mogadishu where US experts trained Somali immigration officers on using the Personal Identification Secure Comparison and Evaluation System (PISCES), a US-developed biometric platform used at major entry points. This system allows Somali authorities to screen travellers in real time against global watchlists, detect identity fraud, and track suspicious movement. “This is not just about adopting technology — it’s about protecting our people and restoring trust,” said Mustafa Duhulow, Director General of Somalia’s Immigration and Citizenship Agency. The training was facilitated by the US Embassy in Somalia. In addition to PISCES, Somalia has introduced a new third-generation e-passport embedded with biometric chips and strong anti-forgery features, meeting international standards. The upgrade provides Somali citizens with secure identification and limits misuse by criminal networks. A new digital e-Visa platform is also now live, allowing foreign visitors to apply online. The system aims to cut visa fraud and streamline entry procedures. Somalia’s Immigration team is appraised on use of the new screening system that aims to detect identity fraud and track suspicious travel patters/HANDOUT The US Embassy in Mogadishu worked closely with Somalia’s immigration agency and American security bodies to ensure successful deployment of these systems. “These systems save lives, stop crimes, and build trust in institutions,” said a US Embassy official. This initiative signals a deeper US-Somalia partnership that extends beyond defence to civilian infrastructure. It is also part of Somalia’s broader plan to digitise public services and strengthen governance. With its location at the Horn of Africa, Somalia has long battled porous borders exploited by traffickers and terrorists. The adoption of advanced biometric and digital tools marks a significant shift in border control and security efforts. Somalia is also expanding cooperation with global bodies such as INTERPOL, with a recent agreement to integrate watchlist data and improve intelligence sharing across borders. Source: star.co.ke The post Somalia launches biometric border system to tackle trafficking, terrorism appeared first on Puntland Post.

Mogadishu (HOL) — A military helicopter crashed and burst into flames at Mogadishu’s Aden Adde International Airport on Tuesday, according to two airport staff who witnessed the incident. Source: Hiiraan Online

Afhayeenka hawlgalka Calmiskaad S/guuto Maxamuud Maxamed Axmed (Faadhigo) oo waraysi bixiyay ayaa faahfaahiyay hawlgal qorshaysan oo ciidamada difaaca Puntland ka fuliyeen degaanka Walinsoor ee buuraha Calmiskaad kaasi oo lagu diley firxad ka tirsan mileeshiyaadka Daacish. “Daacish waxay waayadaan bilaabeen inay galaan godadka si ay uga nabadgalaan ciidanka dhulka iyo diyaaradaha dagaalka ee cirka ka beegsanaya, iyagoo doonaya inay ka nabad galaan ciidanka difaaca dowladda Puntland maadaama aysan iska celin karin, ciidanka oo ku taagan raadkooda ayaa ku helay deegaanka Walinsoor ee aagga Camayra, dagaal ayaa ka dhacay rag badan ayaana looga laayey goobtaasi” ayuu yiri Afhayeen Faadhigo. Afhayeenka hawlgalka Calmiskaad u qaabilsan ciidamada difaaca Puntland S/guuto Maxamuud Maxamed Faadhigo ayaa sidoo kale sheegay in firxadka Daacish oo koox-koox u socdaa ku kala lumeen buuraha Calmiskaad, halkaasi oo ciidamada difaaca Puntland ka wadaan sifayntiiu danbaysay ee kooxdaasi. PUNTLAND POST The post Puntland oo faahfaahisay hawlgal ay ku dishay xubno badan oo Daacish ah appeared first on Puntland Post.

Mogadishu (HOL) — The Somali National Army's elite Danab Commandos have killed a senior Al-Shabaab leader and eight of his bodyguards in a targeted operation conducted in the Bariire area of the Lower Shabelle region. Source: Hiiraan Online

Waxa aan halkan ka beeninayaa war xalay laga sheegay xaflad uu qabsaday Cali Cabdilaahi Daahir oo uu ku shaaciyay in la nakala reebay oo uu isagu yahay musharax kali ah ee u sharaxan beeshayada. Arinkaasi waa mid waxba kama jiraan ah isla markaasina been abuur ah. Waxa aan dadka sharafta leh ee i taageersan u sheegayaa in aan ahay musharax u taagan golaha wakiiladda Somaliland gaar ahaan gobolka Maroodijeex. Ma jirto meel aan ku tanaasulay iyo meel aanu ku tartanay toona Cali Cabdilaahi Daahir. Waxa aan tixgalinayaa golaha Maxamed Ismaciil oo aan doonaayo in aan u noqdo musharax u tartami doona doorashada golaha wakiilada ee gobolka Maroodijeex. Wax aan ka fogaaday oo iska ilaaliyay in aan qabto xaflad shaacin ah in aan u sharaxanahay golaha wakiilda, aniga oo tix galinaaya beesha Maxamed Ismaciil oo aan ka hordhacaynin xaflada lagu midaysnaan doono. Alle Mahad leh Xamse Saxardiid Kaahin Qaran News

Mogadishu (HOL) — Somali President Hassan Sheikh Mohamud on Tuesday night attended a high-level ceremony hosted at the Office of the Prime Minister to commemorate the 65th anniversary of Somalia’s Independence and National Unity Day. Source: Hiiraan Online

Mogadishu (HOL) — The United Nations Secretary-General’s Special Representative for Somalia, James Swan, and the Chairperson of the African Union Commission, Mahmoud Ali Youssouf, have extended their heartfelt congratulations to the Government and people of the Federal Republic of Somalia on the occasion of the country’s 65th Independence Anniversary. Source: Hiiraan Online

Mogadishu (HOL) — The Speaker of the Arab Parliament, Mohammed bin Ahmed Al Yamahi, has extended warm congratulations to the leadership, government, parliament, and people of the Federal Republic of Somalia on the occasion of the country’s 65th Independence Anniversary, celebrated on Tuesday. Source: Hiiraan Online

Iran-linked hackers have threatened to disclose more emails stolen from U.S. President Donald Trump's circle, after distributing a prior batch to the media ahead of the 2024 U.S. election. Source: Hiiraan Online

Kenya and the United Kingdom have agreed to introduce six additional Kenya Airways flights between Nairobi and London every week in a move which President William Ruto says is aimed at addressing persistent cargo and passenger challenges. Source: Hiiraan Online

Muqdisho – Wararka naga soo gaaraya magaalada Muqdisho ayaa sheegaya in diyaarad helicopter ah ay ku dhacday Saaka agagaarka teendhada Afisyooni ee xarunta xeendaabta Xalane. Goobjoogayaal ayaa sheegay in diyaaradda ay si lama filaan ah u soo dhacday, iyadoo ay muuqato in ay jirto khasaare nafeed. Dab xooggan ayaa ka kacay diyaaradda taasoo sababtay in ay gubato guud ahaan. Ma jiro weli war rasmi ah oo ka soo baxay AUSSOM ama dowladda Soomaaliya oo xaqiijinaya tirada dhimashada iyo dhaawaca rasmiga ah. wixii kusoo kordha kala soco Goobjoog.com Source: goobjoog.com

Gonzalo Garcia's second-half header lifted Real Madrid to a 1-0 victory over Juventus on Tuesday, securing the Spanish side a place in the FIFA Club World Cup quarterfinals. Source: Hiiraan Online

Iranian Minister of Foreign Affairs Abbas Araghchi has ruled out a quick resumption of talks with the United States after President Donald Trump said US negotiations with Tehran could restart as early as this week. Source: Hiiraan Online

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa caawa si rasmi ah u soo xiray xuska Todobaadka Xorriyadda iyo Midnimada, oo ku beegan sannad-guuradii 65-aad ee kasoo wareegtay mideynta gobollada dalka iyo aasaaska Jamhuuriyadda. Madaxweynaha oo munaasabadda xiritaanka kaga qeyb-galay Xarunta Golaha Xukuumadda ayaa khudbad uu ka jeediyay waxa uu shacabka Soomaaliyeed ugu hambalyeeyay munaasabaddan qiimaha badan ee 1-da Luulyo, isagoo ku bogaadiyay sida wadaninimada leh ee ay shacabka iyo qurba-joogtu ay u xuseen sannadkan. “Xuska Todobaadka Xorriyadda waa maalmo aan dib ugu jaleecno halka uu hayaankeenu ka soo bilowday, jidka dheer ee aan soo marnay, iyo himilada aan hiigsanayno. Waa waajib qaran in la xasuusto halgankii sharafta lahaa ee horseeday xornimada, midnimada iyo qarannimada Soomaaliyeed”. Madaxweynaha Jamhuuriyadda ayaa tilmaamay in dowladda Federaalka ay ka go’an tahay xoojinta midnimada dalka, dib u heshiisiinta iyo dhammeystirka hannaanka dowlad-dhiska, isagoo si gaar ah u xusay muhiimadda ay leedahay in dib loo bilaabo wada-hadallada Dowladda Federaalka iyo walaalaha Somaliland. “Waxaan diyaar u nahay in miiska la isugu yimaado si daacadnimo iyo kalgacal ku dhisan, loogana wada shaqeeyo xal u helidda arrimaha taagan, si aynu u xaqiijino dareenkeenna walaaltinimo iyo midnimada ummadda Soomaaliyeed”. Madaxweyne Xasan Sheekh Maxamuud waxa uu shacabka ku boorriyay in ay ka qeyb qaataan dib u dhiska dalka, isla markaana ay garab istaagaan dowladda dadaalka ay ugu jirto sugidda amniga, xoreynta dhulka ay ku dhuumaaleysanayaan Shabaab iyo gaarsiinta dalka doorasho toos ah. Source: goobjoog.com

Maareeyaha Guud ee hay’adda Duulista dowladda Federaalka Soomaaliya, Axmed Macallin Xasan oo ka warbixiyay diyaarad saaka ku dhacday garoonka Aadan Cadde ee Muqdisho ayaa sheegay in diyaaraddaasi ahayd nooca qumaatiga u kaca oo ay leeyihiin howlgalka Midowga Afrika ee AUSSOM. Maareeye Axmed Macallin Xasan ayaa tilmaamay in diyaaraddda oo ka soo kacday degaanka Baledoogle ay ku dhacday qeybta Afasiyooni ee garoonka diyaaradaha ee magaalada Muqdisho. Sidoo kale waxa uu sheegay in diyaaradda ay saarnaayeen 8 qof kuwaas oo aan weli la xaqiijin karin xaaladdooda maadaama ay socdaan gurmadyo la xiriira deminta dabka ka kacay diyaaradda ku bur-burtay halkaas, lana ogaan doono sababta keentay soo dhicista diyaaradda. Maareeyaha ayaa sheegay in shaqada garoonka hadda sidii caadiga aheyd ay ku socoto, balse la xiray ilaa 600 oo mitir oo ah qeybta diraadaha ay ku ordaan xigtana dhanka Afasiyooni, maadaama halkaas ay ku soo dhaceen walxo la xiriira bur-burka diyaaradda. PUNTLAND POST The post Dowladda Soomaaliya oo ka hadashay shil diyaaradeed oo ka dhacay garoonka Muqdisho appeared first on Puntland Post.

Paris (Caasimada Online) – Dalal ay ku jiraan Faransiiska, Soomaaliya, Barbados iyo Spain ayaa Isniintii daah-furay isbahaysi cusub oo ku baaqaya in canshuur lagu soo rogo rakaabka diyaaradaha ee hodanka ah, si looga caawiyo wadamada saboolka ah inay la tacaalaan saamaynta isbeddelka cimilada, sida lagu sheegay war ka soo baxay xafiiska madaxtooyada Faransiiska. Isbahaysigan, oo ay sidoo kale ku bahoobeen wadamada Kenya, Benin, Sierra Leone iyo Antigua iyo Barbuda, ayaa sheegay inuu u olalayn doono sidii loo kordhin lahaa tirada wadamada canshuura tikidhada diyaaradaha, gaar ahaan duulimaadyada heerka ganacsiga (business-class) iyo diyaaradaha khaaska ah. Duulimaadyada ayaa ah isha ugu weyn ee qiiqa wasakhaysan ee sii kordhiya kulaylka adduunka, kaasoo dhibaatada ugu daran ku haya wadamada soo koraya ee nugul, kuwaas oo ah kuwa ugu yar ee ka mas’uulka ah dhibaatadan. War-saxaafadeed ka soo baxay madaxtooyada Faransiiska ayaa lagu sheegay, iyadoo loo diyaar-garoobayo shir-madaxeedka Qaramada Midoobay ee cimilada oo bisha November ka dhacaya dalka Brazil, in isbahaysigu ka shaqayn doono sidii waaxda duulimaadyada looga dhigi lahaa mid si weyn uga qayb qaadata maalgelinta la-qabsiga isbeddelka cimilada. Bayaanka ayaa intaa ku daray in ujeeddadu tahay in ugu yaraan qayb ka mid ah dakhliga canshuurta laga helo loo weeciyo “maalgashi adkeysi leh iyo isbeddello caddaalad ah,” iyo in laga caawiyo wadamada saboolka ah inay kordhiyaan dakhligooda gudaha, taasoo ah qodob muhiim u ah horumarka. Dalalka Faransiiska, Kenya iyo Barbados ayaa horey ugu ololeeyay waxa loogu yeero “canshuuraha iskaashiga” si lacag loogu uruuriyo wax-ka-qabashada cimilada, iyagoo soo jeediyay in canshuur lagu soo rogo maraakiibta, shidaalka fosilka, caaga (plastic) iyo lacagaha dhijitaalka ah (cryptocurrency). Kooxdan ayaa soo jeedisay in canshuuraha duulimaadyada laga uruurin karo lacag gaaraysa ilaa 187 bilyan oo Yuuro ($220 bilyan) haddii si guud loo wada hirgeliyo. Hay’adda Greenpeace ayaa soo dhaweysay tallaabadan, kuna tilmaantay “tallaabo muhiim ah” oo lacag dheeraad ah looga uruurinayo “nooca safarka ee ugu wasakhaynta badan uguna qaalisan,” kaasoo ilaa hadda aan si ku filan loo canshuurin. “Tallaabo geesinimo leh oo iskaashi ku dhisan oo wasakheeyayaasha lagu ciqaabayo ma ahan oo kaliya caddaalad — waa lagama maarmaan,” ayay tiri Rebecca Newsom, oo ah madaxa siyaasadda caalamiga ah ee Greenpeace, war-saxaafadeed ay soo saartay. Ku dhawaaqistan ayaa timid xilli uu dalka Spain ka socday shirka Qaramada Midoobay ee horumarinta, kaasoo looga gol leeyahay in dardar cusub la geliyo waaxda horumarka oo la daalaa dhacaysa dhimis ba’an oo lagu sameeyay kaalmada dibadda, taasoo saamayn ku yeelatay dagaalka ay wadamada saboolka ahi kula jiraan isbeddelka cimilada. Wadamada hodanka ah, ee taariikh ahaan sida weyn uga qayb qaatay isbeddelka cimilada, waxaa waajib ku ah inay bixiyaan dhaqaale ay kaga caawiyaan wadamada saboolka ah la qabsiga cawaaqibka ka dhasha, sida ku cad Heshiiskii Paris ee Cimilada (Paris Agreement) ee 2015.

Washington (Caasimada Online) – Xiisaddii siyaasadeed ee qaraareyd ee u dhaxaysay Donald Trump iyo Elon Musk ayaa Talaadadii dib usoo cusboonaatay, kaddib markii madaxweynaha Maraykanku uu ugu hanjabay inuu dalka ka masaafurin doono maalqabeenkan weyn ee dhinaca teknoolajiyadda, uuna ka jari doono dhaqaalaha dawladda dhexe ee ay helaan shirkadihiisa, sababo la xiriira dhaleecaynta uu u jeediyey hindise-sharciyeedka miisaaniyadda ee uu wado Trump. Qofka dunida ugu taajirsan ayaa ahaa deeq-bixiyihii siyaasadeed ee ugu weynaa ee Trump doorashadii 2024-kii, wuxuuna noqday xulufo aan ka harin bilooyinkii ugu horreeyey ee uu ku soo laabtay Aqalka Cad isagoo madax ka ah Waaxda Hufnaanta Dawladda (Department of Government Efficiency – DOGE). Balse, maamulaha shirkadaha Space X iyo Tesla ayaa hadda ku gooddinaya in uu hantidiisa u adeegsado loollan ka dhan ah Trump, isagoo ka fiirsanaya aasaasida xisbi siyaasadeed oo la tartama xildhibaannada Jamhuuriga ah ee u codeeya sharciga madaxweynaha ee loogu magac daray “Hindisaha Weyn ee Quruxda Badan” (One Big Beautiful Bill). Trump, oo 79 jir ah, ayaa si aargoosi ah uga jawaabay Talaadadii xilli uu ku sii jeeday furitaanka xarun cusub oo lagu hayo muhaajiriinta oo ku taalla Florida, taasoo loogu magac daray “Alligator Alcatraz.” “Waa inaan eegno arrintaas,” ayuu ku yiri weriyeyaasha mar la weydiiyey inuu ka fiirsanayo masaafurinta Musk, kaasoo dhalashada Maraykanka haystay tan iyo 2002-dii. Trump wuxuu kaloo muujiyey inuu beegsan karo qandaraasyada waaweyn iyo kabka dhaqaale ee ay shirkadaha Musk ee gantaallada ee Space X iyo adeegga internet-ka dayax-gacmeedka ee Starlink ka helaan dawladda Maraykanka. “Waxaa laga yaabaa inaan DOGE ku dirno Elon. Ma taqaannaan DOGE? DOGE waa bahalkii laga yaabo inuu dib ugu laabto oo uu cuno Elon,” ayuu yiri Trump. Trump wuxuu intaas ku daray mar dambe oo uu Florida joogay: “Uma maleynayo inuu ciyaartaas ila ciyaari karo.” – ‘Dalkaaga dib ugu laabo’ – Isagoo ka jawaabaya qoraal lagu baahiyey bartiisa bulshada ee X oo lagu soo bandhigay hadallada Trump ee ku saabsan masaafurinta, ayuu Musk Talaadadii yiri: “Aad bay u xiiso badan tahay inaan arrintan sii huriyo. Aad iyo aad. Laakiin hadda waan iska deynayaa.” Qiimaha saamiga shirkadda Tesla ayaa hoos u dhacay ku dhowaad shan boqolkiiba Talaadadii kaddib hanjabaadaha Trump. Trump wuxuu horay u sheegay hadallo tan la mid ah Isniintii, isagoo sheegay in Musk uu sharciga u weerarayo sababtoo ah wuxuu ka xanaaqay in laga saaray qodobo lagu taageerayey warshadaha baabuurta korontada ku shaqeysa (EV). “Kaalmo la’aan, Elon waxaa laga yaabaa inuu xiro meheraddiisa oo uu ku laabto dalkiisa Koonfur Afrika,” ayuu Trump ku yiri bartiisa Truth Social. Ninkan maalqabeenka ah iyo madaxweynaha waxaa dhex maray xiriir saaxiibtinimo oo gaaban laakiin aad u xoogganaa kadib markii uu Trump ku soo laabtay awoodda bishii Janaayo. Isagoo xiran koofiyadaha baseball-ka ee halku-dheggoodu yahay MAGA, Musk wuxuu ahaa qof si joogto ah u garab taagan Trump. Trump isna wuxuu abaal-gud uga dhigay inuu u ololeeyey baabuurta korontada ee Tesla xilli ay dad caraysan beegsanayeen sababo la xiriira dadaallada kharash-dhimista ee Musk ka waday waaxda DOGE. Laakiin waxaa dhex maray isku dhac weyn oo fagaare ah bishii May markii Musk uu dhaleeceeyey hindise-sharciyeedka miisaaniyadda, kadibna uu isaga tagay xukuumadda. – ‘Ha musalafin Ameerika’ – Musk wuxuu is qarinayey toddobaadyadii la soo dhaafay, laakiin wuxuu dib ugu soo laabtay loollanka xilli uu hindise-sharciyeedku billaabay marin adag oo uu ku dhex marayo Aqalka Koongareeska. Wixii xilligaas ka dambeeyey, wuxuu si joogto ah u soo dhigayey qoraallo ka dhan ah sharcigaas bartiisa bulshada ee X, oo uu isagu leeyahay. Dhaleecaynta bilyaneerkan waxay salka ku haysaa sheegashooyin ah inuu sharcigu kordhin firaaqa u dhaxeeya dakhliga iyo qarashaadka dowladda Maraykanka. Wuxuu sidoo kale ku eedeeyey Jamhuuriyiinta inay ka tanaasuleen dadaalladii lagu doonayey in Maraykanka laga dhigo hormuudka kacaanka baabuurta korontada iyo tamarta nadiifta ah. “Waxa kaliya ee aan codsanayo waa inaan Ameerika la musalafin,” ayuu ku yiri baraha bulshada Talaadadii, isagoo ku eedeeyey Jamhuuriyiinta inay taageersan yihiin “addoonsiga deynta.” Waxaase laga yaabaa in tan ugu welwelka badan ee Trump ay tahay sida Musk uu u doonayo inuu u beegsado xildhibaannada Jamhuuriga ah ee nugul kahor doorashooyinka xilliga dhexe ee Maraykanka ee 2026. Musk wuxuu sheegay inuu aasaasi doono dhaqdhaqaaq siyaasadeed oo u gaar ah oo la yiraahdo “Xisbiga Ameerika” (America Party) haddii sharciga Trump la meel mariyo, kaasi oo maanta la ansixiyey. Wuxuu ballanqaaday inuu maalgelin doono musharrixiin ka horyimaada xildhibaannada ku ololeeyey dhimista kharashka dawladda dhexe, balse markii dambe u codeeyey sharcigan. “VOX POPULI VOX DEI 80% waxay u codeeyeen xisbi cusub,” ayuu yiri kadib markii uu ra’yi-ururin ku saabsan fikraddan ka bilaabay bartiisa X.

Washington (Caasimada Online) – Maamulka madaxweyne Donald Trump ee Mareykanka ayaa mudnaan siinaya in dhalashada Mareykanka lagala noqdo kooxo gaar ah oo ka mid ah dadka soo-galootiga ah. Qoraal-amar ah oo uu Aqalka Cad u gudbiyey Qaybta Madaniga ee Wasaaradda Cadaaladda (DOJ) ayaa faraya shaqaalaha inay bilaabaan “mudnaan siinta kala noqoshada dhalashada” muwaadiniinta Mareykanka ah ee “ku lug yeeshay dembiyo dagaal, dilal ka baxsan sharciga, ama xadgudubyo kale oo halis ah oo ka dhan ah xuquuqda aadanaha,” ama kuwa lagu helay dembiyo loo arko inay “halis” ku yihiin dalka. Sidoo kale, qoraalka amarka ah wuxuu xusayaa in xubinnimada kooxaha dembiyada abaabulan ay sabab u noqon karto in qofka lagala noqdo jinsiyaddiisa. Inkastoo awaamiirtan la qoray 11-kii Juun 2025, haddana waxaa la shaaciyey waqti dhow. “Kuwa ku helay [dhalashada] si sharci-darro ah ama qarinaya macluumaad muhiim ah, ma sii haysan doonaan faa’iidooyinka helitaankaas sharci-darrada ah,” ayaa lagu yiri qoraalka. “Qaybta Madaniga waa inay mudnaan siisaa oo ay si buuxda u raacdaa dacwadaha dhalasho kala noqoshada dhammaan kiisaska uu sharcigu oggol yahay oo ay caddaymuhu taageerayaan,” ayaa lagu amray qoraalka. Dadka ugu horreeya ee la beegsanayo waxaa ka mid ah kuwa “halis gelin kara amniga qaranka,” waana magacaabid uu maamulkan go’aamiyey in Xoghayaha Arrimaha Dibedda, Marco Rubio, uu keligii awood u leeyahay inuu sameeyo. Wuxuu weli isku dayayaa inuu dalka ka masaafuriyo Mahmoud Khalil, oo ahaa arday hore uga tirsanaa Jaamacadda Columbia University, kaasoo hadda dammaanad ku jooga, isagoo ku eedeeyey inuu halis ku yahay siyaasadda arrimaha dibedda ee Mareykanka sababo la xiriira u dhaqdhaqaaqistiisa Falastiin. Xaqa deganaanshaha rasmiga ah ee Khalil, oo loo yaqaan ‘green card’, ayaa weli lagala noqday. Qofka haysta kaarka deganaanshaha rasmiga ah (green card) wuxuu muddo dheer lahaa xuquuq la mid ah tan muwaadinka, marka laga reebo awoodda uu u leeyahay inuu ka codeeyo doorashooyinka. Qaybaha kale ee la beegsanayo waxaa ka mid ah kuwa “galay dembiyo waaweyn oo aan la shaacin intii lagu jiray hannaanka dhalasho qaadashada” iyo qof kasta oo ku lug leh dembiyo galmo ama musuqmaasuq maaliyadeed — oo aan ahayn oo kaliya mid ka dhan ah dowladda, balse sidoo kale ka dhan ah shakhsiyaad kale. “Qaybta Madaniga waxay xaq u leedahay inay sii waddo kiisaska ka baxsan qaybahan sida ay u aragto inay habboon tahay,” ayaa lagu soo gaba-gabeeyey qoraalka. Qorshaha maamulka Trump ee lagu masaafurinayo soo-galootiga aan sharciga haysan wuxuu ku bilowday si tan la mid ah, markii uu madaxweynuhu ololaha doorashada ku jiray sheegay inuu beegsan doono “dembiilayaasha rabshadaha wada.” Laakiin tan iyo markaas, Aqalka Cad wuxuu dembiga laftiisa dib ugu qeexay inuu yahay sharci-darrada qofka soo-galootiga ah, taasoo keentay in ciidamada socdaalka ee wajiyada soo duubtay (Immigration and Customs Enforcement) ama ICE ay xarig ka fuliyaan dalka oo dhan. Muuqaallo dhowr ah oo ay baraha bulshada soo dhigeen qaraabo ama dad goobjoogeyaal ah ayaa muujinaya hooyooyin iyo carruur murugaysan oo si kedis ah loo kala kaxaynayo, iyadoo midkood la saarayo gawaarida xabsiyada si loogu qaado masaafuris. Habka rabshadaha wata ee xarigga loo fulinayo oo ah mid dadka u muuqda, iyo sidoo kale xarig silsilad ah oo si qaldan loogu geystay muwaadiniin Mareykan ah oo asal ahaan ka soo jeeda Hisbaanik, ayaa abuuray jawi cabsi leh oo ku baahay bulshooyinka soo-galootiga ah, iyo sidoo kale dadka haysta fiisooyinka Mareykanka, marka la eego ballanqaadka Rubio ee ah inuu la noqon doono inta ugu badan ee suurtagal ah ee xaqa deganaanshaha ku-meel-gaarka ah. Dhalashada dhaxalka ah Sida laga soo xigtay Machadka Siyaasadda Socdaalka (Migration Policy Institute), qiyaastii toddobo boqolkiiba dadka Mareykanka oo gaaraya 340 milyan waa muwaadiniin dhalasho qaatay. Muwaadin dhalasho qaatay waa qof Mareykanka u soo haajiray oo dhalashada ku helay hannaan sharci ah, kana duwan kan lagu helo dhalashada dhaxalka ah. Laakiin hadda, xitaa in lagu dhasho Mareykanka waxaa laga yaabaa inaysan ku jirin dammaanad dhalasho. Marka loo eego wax-ka-beddelka 14-aad ee Dastuurka Mareykanka, dhammaan carruurta ku dhalata gudaha Mareykanka — marka laga reebo dhowr xaaladood sida diblomaasiyiinta iyo kuwo kale — waxay si toos ah u noqdaan muwaadiniin Mareykan ah. Laakiin maamulka Trump wuxuu doonayay inuu baabi’iyo xaqaas tan iyo markii uu xafiiska la wareegay bishii Janaayo. Trump wuxuu 20-kii Janaayo saxiixay amar madaxweyne oo lagu soo afjarayo xuquuqda dhalashada tooska ah. Amarkiisu wuxuu dhigayaa in carruurta ay dhalaan waalidiin ku jooga Mareykanka si sharci-darro ah ama fiisooyin ku-meel-gaar ah aysan si toos ah u noqon doonin muwaadiniin. Tallaabadan oo si weyn loogu murmay ayaa waxaa ka dhashay dacwado isdaba-joog ah, kuwaas oo aakhirkii horseeday in garsooreyaal ka tirsan maxkamadaha degmooyinka ee saddex gobol ay soo saaraan amarro xayiraad ah oo dalka oo dhan ah, kuwaas oo hor istaagay dhaqan-galka amarkaas. Wasaaradda Cadaaladda (DOJ) ayaa kaga jawaabtay iyadoo kiiska u gudbisay Maxkamadda Sare. Kiisku si toos ah uguma saabsanayn dhalashada dhaxalka ah, laakiin wuxuu ku saabsanaa in hal garsoore maxkamad degmo federaali ah uu xaq u leeyahay inuu xayiraad dalka oo dhan ah ku soo rogo amar madaxweyne isagoo adeegsanaya amar xayiraad guud ah. Jimcihii, Trump wuxuu sheegtay guul ka dib markii Maxkamadda Sare ay go’aan 6-3 ah ku go’aamisay in xayiraadaha dalka oo dhan ah ee ay soo rogaan garsooreyaasha maxkamadaha degmooyinku ay “u badan tahay inay ka gudubsan yihiin awoodda sinaanta ee uu Congress-ku siiyey maxkamadaha federaalka.” Isniintii, qareen u hadlay dowladda ayaa sheegay in carruurta aan haysan ugu yaraan hal waalid oo ah muwaadin Mareykan ah ama haysta kaarka deganaanshaha rasmiga ah aan loo tixgelin doonin kuwo la masaafurin karo ilaa ugu yaraan 27-ka Luulyo, markaas oo uu amarka Trump ee dhalashada dhaxalka ahi dhaqan geli doono. Ma cadda in sharcigan dib-u-eegis lagu samayn doono iyo in kale. Inta u dhaxaysa hadda iyo markaas, waxaa heer gobol lagu diyaarinayaa dacwado badan oo isku-dhaf ah (class action lawsuits) oo lagu doonayo in lagu horyimaado amarka, marka la eego in Maxkamadda Sare ay banneysay fursad dib-u-dhigis ah oo loo maro dacwadaha isku-dhafka ah halkii laga sugi lahaa go’aanno keli ah oo ka yimaada garsoore federaali ah. Keyd xogeed qaran Toddobaadkii hore, idaacadda National Public Radio (NPR) waxay daaha ka rogtay in Wasaaradda Amniga Gudaha (DHS), oo kaashanaysa Waaxsda Hufnaanta Dowladda (Doge), ay markii ugu horreysay dhistay keyd xogeed (database) ay ka eegi karto in qofku yahay muwaadin Mareykan ah iyo in kale. Barnaamijkan waxaa loogu talagalay inuu ka caawiyo mas’uuliyiinta deegaanka iyo kuwa gobollada inay ka dhex saaraan wixii codad been-abuur ah ee doorashooyinkooda, laakiin u doodayaasha arrimaha gaarka ah iyo xorriyaadka madaniga ah waxay sheegeen in tirada codadka khaldan ay aad uga yar yihiin inay wax farqi ah oo dhab ah ku sameeyaan doorashooyinka Mareykanka. Walaacooda, waxay yiraahdeen, wuxuu ku saabsan yahay siyaabaha kale ee barnaamijkan loo adeegsan karo. In kasta oo haysashada diiwaanka muwaadiniinta ay tahay wax iska caadi ah oo laga filayo dalal badan oo adduunka ah, haddana sidaas ma ahayn xaaladda Mareykanka sababtoo ah qaab-dhismeedkiisii gumaysi-dejin tan iyo aasaaskiisii. Xisbiga Jamhuuriga gaar ahaan, sida ay sheegtay NPR, waxay had iyo jeer dhaleeceyn jireen in dowladda ay isku keento xog ballaaran. Laakiin waxaa laga yaabaa inaysan sidaas ahayn hadda, marka la eego taageerada aqlabiyadda ah ee ay siinayaan Trump. Khabiirro sharci oo la hadlay NPR ayaa sheegay inay jiri karaan arrimo badan oo la xiriira keydka xogta, laga bilaabo la’aanta hannaan ogeysiis dadweyne. Caadi ahaan, si ay dowladdu u ururiso macluumaad intan le’eg oo ku saabsan dadka deggen Mareykanka, waxay u baahan tahay inay marka hore bixiso ogeysiis dadweyne oo ay hesho ra’yi-celin. Waxa kale oo jirta su’aasha ah in la qaadayo tallaabooyin lagu kalsoonaan karo oo lagu sugayo amniga xogta. Intii lagu jiray maamulkii hore ee Trump, gobollada qaar ayaa diiday inay xogtooda cod-bixiyayaasha ku wareejiyaan dowladda federaalka, maadaama gobol kasta uu maamulo xaashiyaha cod-bixinta ee wareeg kasta oo doorasho, oo ay ku jiraan kuwa madaxweynaha Mareykanka. Qaar kale waxay ku doodayaan inay noqon karto horumar wanaagsan oo dhinac walba ah, kaasoo u oggolaanaya muwaadiniinta inay si hufan uga qaybgalaan doorashooyinka, maadaama aysan u baahnayn inay soo saaraan dukumeentiyo aqoonsi si ay u caddeeyaan cidda ay yihiin.

Weftigii uu hoggaaminayey Madaxweynaha Jamhuuriyadda Somaliland, Mudane Cabdiraxmaan Maxamed Cabdilaahi (Cirro) oo maalintii 4-aad safar shaqo ku jooga dalka Qatar ayaa labadii cisho ee ugu danbeeyey kulamo kala duwan oo muhiim ah la yeeshay Masuuliyiin sare oo ka tirsan Golaha Wasiiradda Dawladda Qatar; Maamulka sare ee Hay’adda Sanduuqa Horumarinta Qatar (Qatar Development Fund) iyo Hay’adda Qatar Al-Khayriya (Qatar Charity). Kulammaduna waxa ay u dhaceen sidan soo socota: 𝟏. 𝐊𝐮𝐥𝐚𝐧𝐤𝐚 𝐖𝐚𝐬𝐢𝐢𝐫𝐮-𝐃𝐚𝐰𝐥𝐚𝐡𝐚 𝐀𝐫𝐫𝐢𝐦𝐚𝐡𝐚 𝐃𝐢𝐛𝐞𝐝𝐝𝐚 𝐞𝐞 𝐐𝐚𝐭𝐚𝐫: Madaxweynaha Jamhuuriyadda Somaliland iyo weftigiisu waxa ay kulan diblumaasiyadeed la yeesheen Wasiiru-Dawlaha Arrimaha Dibadda ee dalka Qatar, Mudane Dr. Maxammed bin Abdulaziz Al-Khulaifi. Labada dhinac waxa ay ka wada hadleen arrimo muhiim u ah labada dal, oo ay ka mid yihiin xoojinta xiriirka labada dal, horumarinta iskaashiga dhaqaalaha, horumarinta amniga iyo xasilloonida gobolka. Madaxweynaha Jamhuuriyadda Somaliland iyo weftigiisu waxa ay si cad hoosta uga xarriiqeen in Jamhuuriyadda Somaliland aanay haba yaraatee ka tirsanayn Dawladda Faderaalka ee Soomaaliya, balse ay tahay dal ka madax bannaan oo iskeed isu xukumayey 34-kii sano ee ugu dambeeyey. Kulankan ayaa waxa uu ka tarjumayey waaqiciga xagga diblumaasiyadda ah iyo xidhiidhka togan ee ay Somaliland la leedahay Beesha Caalamka. 𝟐. 𝐊𝐮𝐥𝐚𝐧𝐤𝐚 𝐖𝐚𝐬𝐢𝐢𝐫𝐤𝐚 𝐀𝐫𝐫𝐢𝐦𝐚𝐡𝐚 𝐆𝐚𝐧𝐚𝐜𝐬𝐢𝐠𝐚 𝐃𝐢𝐛𝐞𝐝𝐝𝐚 𝐞𝐞 𝐐𝐚𝐭𝐚𝐫: Madaxweynaha Jamhuuriyadda Somaliland Madaxweyne Mudane Cabdiraxmaan Maxamed Cabdillaahi (Cirro) iyo weftigiisu waxa kale oo ay kulan wax-ku-ool-ah la yeesheen Wasiirka Arrimaha Ganacsiga Dibedda ee Dawladda Qatar, Mudane Dr. Axmed Maxammed Al-,Sayed. Wadahadalka ayaa waxa diiradda lagu saaray arrimo muhiim u ah horumarinta dhaqaalaha iyo ganacsiga u dhexeeya labada dhinac iyo weliba soo jiidashada Maalgashiga Qatar, gaar ahaan xagga Xoolaha, Kalluumeysiga, Beeraha, Batroolka iyo Macdanta, Kaabayaasha dhaqaalaha iyo tamarta. Madaxweynaha iyo wefgigiisu waxa ay Wasiirka Arrimaha Ganacsiga Dibedda ee Qatar u iftiimiyeen xaaladaha ganacsi ee fur-furan ee ka jira Somaliland kuwaasi oo la isku hallayn karo, goobta istiraatiijiga ah ee ay Somaliland ku taallo (Badda Cas iyo Gacanka Cadmeed) oo halbowle u ah isku-xidhka ganacsiga caalamka. 𝟑. 𝐊𝐮𝐥𝐚𝐧𝐤𝐚 𝐒𝐚𝐧𝐝𝐮𝐮𝐪𝐚 𝐇𝐨𝐫𝐮𝐦𝐚𝐫𝐢𝐧𝐭𝐚 𝐐𝐚𝐭𝐚𝐫: Madaxweynaha Jamhuuriyadda Somaliland Mudane Cabdiraxmaan Maxamed Cabdilaahi (Cirro) iyo weftigiisu waxa kale oo ay kulan midho-dhal ah la yeesheen maamulka sare ee Sanduuqa Horumarinta Qatar (Qatar Development Fund-QDF). Labada dhinac waxa ay ka wada hadleen taageerada uu Sanduuqa Horumarinta Qatar uu ka gaysan karo horumarinta Somaliland, gaar ahaan dhinacyada waxbarashada, daryeelka caafimaadka, kaabayaasha biyaha, iyo xoojinta shaqo abuurka iyo kobcinta farsamada gacanta ee dhalinyarada Somaliland. Weftigu waxa ay iftiimiyeen sida ay Somaliland uga go’an tahay iskaashi horumarineed oo hufan, waxa aanay soo dhaweeyeen iskaashi mustaqbalka dhex mara labada dhinac kaasi oo ku wajahan horumarinta hab-nololeedka bulshada iyo horumarinta kobac waara oo aayatiin wacan u leh labada dal. 𝟒. 𝐊𝐮𝐥𝐚𝐧𝐤𝐚 𝐇𝐚𝐲’𝐚𝐝𝐝𝐚 𝐐𝐚𝐭𝐚𝐫 𝐀𝐋-𝐊𝐡𝐚𝐲𝐫𝐢𝐲𝐚: Sida oo kale, weftigii Somaliland ee ku sugnaa Qatar waxa kale oo ay kulan muhiim ah la yeesheen masuulka ugu sarreeya Hay’adda Qatar AL-Khayriya (Qatar Charity), Mudane Yuusuf Ibn Ahmed Alkawaary. Weftigu waxa ay Hay’adda Qatar Al-Khayriya uga mahad naqeen mashaariicda horumarineed iyo kuwa baniaadannimo ee ay Hay’addu ka fuliso Somaliland. Dhammaan arrimihii labada dhinac ay ka wada hadleen si weyn baa la isugu af gartay. Hay’adda Qatar AL-Khayriya (Qatar Charity) waxa ay dhinacooda ballan qaateen in ay sii labanlaabi doonaan hawlaha gargaarka bini’aadannimo iyo mashaariicda ay ka fuliyaan Jamhuuriyadda Somaliland. 𝐀𝐋𝐋𝐀𝐀 𝐌𝐀𝐇𝐀𝐃 𝐋𝐄𝐇 𝐗𝐮𝐬𝐞𝐞𝐧 𝐀𝐚𝐝𝐚𝐧 𝐂𝐢𝐠𝐞 (𝐃𝐞𝐲𝐫) 𝐀𝐟𝐡𝐚𝐲𝐞𝐞𝐧𝐤𝐚 𝐌𝐚𝐝𝐚𝐱𝐰𝐞𝐲𝐧𝐚𝐡𝐚 𝐉𝐚𝐦𝐡𝐮𝐮𝐫𝐢𝐲𝐚𝐝𝐝𝐚 𝐒𝐨𝐦𝐚𝐥𝐢𝐥𝐚𝐧𝐝 Qaran News