Muqdisho-[Puntland Post]-Hay’adda Culimadda Soomaaliyeed ayaa baaq ka soo saartay Xaaladda Soomaaliya Xilli ay jiraan maalmihii Khilaaf u dhaxeeyay dowladda dhexe iyo dowlad goboleedyadda. Hay’adda ayaa soo saartay dhowr qodob oo ku saabsan Xaaladda dalka, iyo khilaafyada ka dhex jira Madaxda Maamulada iyo dawlada dhexe. 1: Dhammaan Mas’uuliyiinta dalka,sida Dowladda Federaalka iyo Dowlad Goboleedyada,waxaa waajib ku ah in ay ku dhaqmaan waxa alle uu faray oo ah inay sameeyaan wadatashi ku saabsan samatabixinta dadka Soomaaliyeed iyo in ay sidegan wax isku-dhaafsadaan. 2: Waa inay fuliyaan kana dhabeyaan dhaartii ay ku dhaarteen inay u Shaqeeyaan,Diintooda Dalkooda,dadkooda oo ay dadka hortooda ka balan qaadeen. 3:Waxaa Waajib ku ah dowladda uu hoggaamiyo Madaxweyne Farmaajo in ay dadaal dheeri ah ku bixiso mideynta dhinacyada Siyaasadeed ee dalka ka jira,sida xukuumadda iyo Dowlad goboleedyada. Sheekh Nuur Baaruud oo ka mid ah Hay’adda Culimadda Soomaaliyeed ayaa soo jeediyay in Dowladda Federaalka ah ay dalka amankiisa ka shaqeyso islamrkaana lagula xisaabtamayo dhibaatada haysata shacabka isaga oo xusay in aysan cudur daar u heleyn in maalin kasta shacabka Soomaaliyeed la laayo. Cabdiqani Boos Puntland Post The post Hay’adda Culimadda Soomaaliyeed oo baaq kasoo saartay Xaaladda Soomaaliya appeared first on Puntland Post.

(SLT-Burco)-Suldaan Maxamed Muuse Cune oo ka mid ah madax-dhaqameedka Galbeedka Burco ayaa dhaliilihii ugu cuslaa u jeediyey madaxweyne Muuse Biixi iyo xukuumadiisa. Suldaanka ayaa sheegay in xukuumadda Madaxweyne Muuse Biixi diyaarineyso dagaal sokeeye oo dalka ka dhaca, Halkan hoose ka DAAWO Source

Baydhabo ( Sh. M. Netwotk )-Guddiga qaban qaabada doorashada K/ Galbeed Soomaaliya ayaa goor dhow ku dhawaaqay in dib loo dhigay doorashada Hoggaanka maamulkaasi. Xubnaha ka haray guddigan oo maanta kulan ku yeeshay magaalada Baydhabo ayaa shaaciyay in doorashada la qaban doono 28-ka bishani Novermber ee 2018-ka. Sidoo kale waxa ay sheegeen in waqtigaasi lagu soo dhameystiri doono xubnaha guddiga, islamarkaana la qaban doono doorashada, si loo doorto Madaxweyne cusub. Doorashada K/ Galbeed ayaa la filayay in ay dhacdo 17 bishan, balse waxaa saameyn ku yeeshay is casilaadii ay sameeyeen xubno ka mid ah guddiga doorashada maamulkaasi. The post Doorashada maamulka K/ Galbeed Oo dib loo dhigay appeared first on Shabelle. View the full article

Qaran News

Muqdisho ( Sh. M. Network )-Maxkamadda Ciidamada Qalabks Sida ayaa maanta xukun ku riday illaa labo eedeysane oo la horgeeyay Maxkamaddaasi. Xuseen Daa’uud Cali Hafow iyo C/laahi Maxamed Axmed ayaa waxa ay Maxkamaddu ku eedeysay in ay tirsanaayeen Xarakada Al Shabaab. Eedeysanaha koowaad Xuseen Daa’uud Cali Hafow ayey Maxakamadda Ciidanku sheegtay in Al Shabaab uu u qaabilsanaa dhanka Miina tuurista, halka C/laahi Maxamed Axmed Maxkamaddu ay ku eedeysay in Al Shabaab uu u qaabilsnaa u kireynta Guryaha. Sidaas daraateed Maxkamadda Ciidamada Qalabka Sida ayaa xukun xabsi Ciidan ah oo gaaraya 15 sano iyo 1 sano ku kala xukuntay Raggaasi, sida uu ku dhawaaqay Xasan Cali Nuur Shuute guddoomiyaha Maxkamaddaasi. Halkan hoose ka dhageyso Codka. http://radioshabelle.com/wp-content/uploads/2018/11/Maxkamada-Ciidanka-Qalabka-Sida-Ayaa-Xukun-Kuriday-Eedeysanayaal-Lagusoo-Eede....mp3 The post Maxkamadda CQS Oo xukun ku riday labo Eedeysane appeared first on Shabelle. View the full article

Golaha Ammaanka ee QM oo go’aan cusub ka gaaray cunaqabateynta Somalia Golaha amaanka ee Qaramada Midoobay ayaa muddo sanad ah ku kordhiyay Cunaqabateynta hubka iyo dhoofinta Dhuxusha ee saaran Dalka Soomaaliya. 15 xubnood ee golaha amaanka ayaa sheegay in Al Shabaab ay dhaqaalo badan wali ka helaan dhoofinta dhuxusha oo mamnuuc ka ah dalka Soomaaliya, waxaana taasi ay qasabtay in muddo sanad ah lagu kordhiyo cunaqabateynta. Arinta ayaa kusoo aadeysa iyadoo golaha ay cunaqabateynta ka qaadeen dalka Eritrea oo xiriir wanaagsan uu hadda kala dhaxeeyo dalalka Soomaaliya iyo Ethiopia oo ah dalalka arintaan u ololeeyay. Warbixin ay gudbiyeen guddiga dabagalka Cunaqabateynta hubka ee Saaran Soomaaliya ayaa lagu sheegay in wali Soomaaliya ay kamid tahay dalalka Suuqyada lagu kala iibsado hubka. Waxii ka dambeeyay burburkii dowladdii Dhexe waxaa Soomaaliya saarnaa cunaqabateynta hubka, iyadoo hadda laga qaaday Dowladda Eritrea, waxaana muddada sanadka ah Somalia ku socon doono qiimeyn kale. Qaran News

Muqdisho ( Sh. M. Network )-Doorasho aysan soo xaadirin wax Musharraxiin ah ayaa maanta lagu qabtay magaalada Muqdisho, waxaana la sheegay in madashaasi lagu doortay Hoggaanka cusub ee xiriirka Kubadda Cagta Soomaaliya. Doorashadan oo aheyd mid laga soo hormariyay Jadwalkii loo qorsheeyay ayaa waxaa ka soo qeyb galay xubno ka tirsan xiriirka kubadda Cagta Soomaaliyeed iyo saraakiil ka socotay CAF oo kor joogto maqaar saar ah ka ahaa doorashadani. C/qani Saciid Carab ayaa la sheegay in loo doortay in uu sii maamulo xiriirka kubadd Cagta Soomaaliyeed. Balse arinta la yaabka leh ayaa noqotay in guddoomiyaha uusan joogin kulanka lagu doortay iyadoona sidoo kale uusan jirin Musharrax kale oo la tartamay. Qeybaha kala duwan ee Warbaahinta ayaa kulanka banaanka looga saaray markii ay bilaabatay doorashada oo aheyd gacan taag. Kooxaha heerarka kala duwan ee Soomaaliya ayaa marar badan dhaliilay hanaanka loo qorsheeyo doorashooyinka xiriirka kubadda Cagta Soomaaliyeed ,maadaama doorashooyinkaasi loo qabtay, si musuq-musuq ah oo ka hor imaanaya xeerarka u degsan ha’yadda xiriirka Kubadda Cagta Aduunka ee FIFA. Ku dhawaad toban Sano oo uu C/qani Saciid Carab ahaa guddoomiyaha xiriirka Kubadda Cagta Soomaaliyeed ayaan muddadaasi la kulmin wax loolan ah, waxaana xafiiska xiriirka uu noqday mid uusan marnaba ka dhicin gudddoomiyaha la sheegay in markale la doortay ee C/qani Saciid Carab. Sidoo kale muddada uu ahaa guddoomiyaha xiriirka Soomaaliyeed ee Kubadda Cagta ayaa waxaa jiray dayacaado fara badan oo ay la kulmeen ciyaartoyda soo matalay Astaanta Qaranka, kuwaas oo aan helin xuquuqdoodii caafimaad marka ay ku soo dhaawacmaan kulamo ay ku matalayeen xulka Soomaaliya. Xulka Kubadda Cagta Soomaaliya ayaa ka qeyb galay tartamo caalami ah inta uu hoggaanka xiriirka Soomaaliyeed ee Kubadda Cagta hayo C/qani Saciid Carab,taas oo rajo ay ka muujiyeen shacab weynaha Soomaaliyeed,maadaama xul walba oo safra ay la soo laabtaan guul-darooyin iyo natiijooyin liita. Maalin ka hor ayey aheyd markii xulka ka yar 23-ka Sano ee Soomaaliya ay khasaaro 4-0 kala kulantay xulka Ethiopia kulan ka dhacay magaalada Adis-Ababa ee caasimadda dalkaasi oo ka tirsanaa is ree-reebka ciyaaraha Olompikada Adduunka ee lagu qaban doono dalka Japan. Inta badan guddoomiyeyaasha xiriirada Kubadda Cagta Qaaradda Africa ayaa wax badan ku raaga Kursigaasi, taas oo FIFA ay aaminsan tahay in ay ku timaado doorashooyin la gacan bidixeeyay sida ka jirta Soomaaliya. The post C/qani Saciid Carab Oo ku soo baxay doorasho aan cidina kula tartamin appeared first on Shabelle. View the full article

(SLT-Addis Ababa)-Ciidamada Booliska ee Dalka Itoobiya ayaa Maanta xabsiga u taxaabay Taliyihii hore ee Ciidamada Booliska, ahna Taliye Ku Xigeenka Ciidamada Sirdoonka ee Wadankaasi Yared Zerihun. War kooban oo ka soo baxay Xeer ilaaliyaha Guud ee Wadanka Ethiopia oo lagu baahiyay Fana ayaa lagu sheegay in maanta ay ciidamadu xabsiga u taxaabeen Mr, Yared. Sarkaalkan ayaa laga soo qabtay Magaaladda Duken Oo 30 km Dhinaca Koonfureed kaga beegan Magaaladda Addis Ababa. Sidoo kale waxa isna la soo xidhay Colonel Gudeta Olana, oo dhinaca amaanka u qaabilsanaa shirkadda Isgaadhsiinta ee Ethio-telecom, Dhawrkii maalmood ee la soo dhaafay ciidamada Booliska ee Dalka Ethiopia ayaa gacanta ku soo dhigay ku dhawaad lixdan sarkaal oo xilal kala duwan ka soo qabtay xukuumadihii kala danbeeyay ee Ethiopia, kuwaas oo lagu soo eedeeyay in ay galeen musuqmaasuq iyo gabood falo ka dhan ah xuquuqda aadamaha. Source

Musharraxa xilka Madaxwaynaha Puntland Injineer Maxamuud Khaliif Xasan Jebiye, ayaa maanta magaalada Boosaaso kulan qado-sharafeed ahaa kula qaatay nabadoonnada gobollada Bari, Karkaar iyo Gardafuu. Kulanka ayaa ahaa mid musharraxa iyo nabadoonnadu isaga xog waraysanayeen xaaladda guud ee dalka, gaar ahaan baahiyaha ka jira gobolka iyo waliba dadaalka odayaasha dhaqanku ugu jiraan soo xulista xildhibaannada cusub ee baarlammaanka. Qaar kamid ah nobadoonnada oo goobta ka hadlay ayaa soo dhoweeyey taageero mug lehna u muujiyey ololaha Karti iyo Hufnaan ee Musharrax Maxamuud Khaliif hormuudka u yahay, iyagoo sheegay inay garab istaagi doonaan cid kasta oo la timaada qorshe wanaagsan oo horumar u horseedi kara bulshada reer Puntland. Injineer Jebiye oo ugu dambayntii hadalka qaatay, wuxuu bogaadiyey kaalinta ay nabadoonnadu kaga jiraan bulshada, isagoo xusay in odayaasha dhaqanku yihiin salka ay Puntalnd ku taagan tahay, sidaas oo ay tahayna aysan weli helin tixgelintii ay mudnaayeen. Musharrax Maxamuud Khaliif ayaa ballan qaaday haddii uu ku guulaysto xilka Madaxwaynaha Puntland, in uu mudnaan gaar ah siin doono saaxiib dhowna ka dhigan doono odayaasha dhaqanka, maadaama ay yihiin labeentii bulshada talooyinkooduna lagama maarmaan u yihiin taabbogelinta hannaanka dowladnimada. Musharrax Maxamuud Khaliif Xasan Jebiye ayaa weli ku guda jira socdaalkii uu ugu magac daray ‘Tashi iyo Tabasho’, kaasoo uu ku marayo qaybo kamid ah gobollada Puntland, si uu ugu kuurgalo xaaladda dhabta ah ee dalku ku jiro, islamarkaana ula tashado qaybaha kala duwan ee bulshada. Cabdiqani Boos Puntland Post-Bosaso The post Musharraxa Jebiye oo kulan qado ah la qaatay nabadoonnada gobollada Bari, Karkaar iyo Gardafuu. appeared first on Puntland Post.

(SLT-Philippines)-War ka soo baxay xafiiska madaxweynaha dalka Philippines Rodrigo Duterte ayaa lagu sheegay inuu shirar dhowr ah madaxweynuhu ka qeyb gali waayay, maadaama uu “nasiino ka qaadanayay xukunka”. Af hayeen u hadlay dowladda ayaa sheegay in Duterte uu maalintii Arbacada baajiyay afar munaasabadood oo lagu waday inuu ka qeyb galo, isagoo ka door biday “inuu seexdo oo uu nasto”. Duterte iyo hoggaamiyeyaal kale oo caalamka ka kala socda ayaa ku sugan waddanka Singapore, iyagoo ka qeyb galaya shirka golaha ay ku bahoobeen waddamada Koonfur-bari Aasiya. Madaxweynaha 73 jirka ah ayaa difaacay ficilladiisa, isagoo yiri: “Maxaa ka khaldan hurdayeda?”. Duterte ayaa horay uga baaqday shirar kale oo caalami ah iyo kuwo ka dhacayay gudaha Philippines. Sannadkan oo dhan waxaa socday hadallo la isla dhex marayay oo ku saabsan shaki la galinayo caafimaadkiisa, bishii Oktoobar ayuuna shaaca ka qaaday inuu ka cabsi qabay cudurka Kansarka. Af hayeenka madaxtooyada ayaa sheegay in ka baaqashada madaxweynaha ee shirarka aysan wax xiriir ah la lahayn xaaladdiisa caafimaad, haddana uu nasiino fiican helay. Duterte ma aha madaxweynaha kaliya ee sannadkan lagu arkay isagoo hurda xilli ay socdaan shirarka qaaradda Aasiya. Saxafi ka tirsan wargeyska Washington Post ayaa dhawaan sawir ka qaaday madaxweynaha Kuuriyada Koonfureed Moon Jae-in oo u muuqday inuu hurdayo, xilli uu ku jiray shir. Source

Qaran News

(SLT-Hargeysa)-Dawlada Jabuuti ayaa waxaa ay qaraar ka soo saartey Go,ankii xalay golaha amaanka ee Qaramada Midoobey uu xayiraada hubka kaga qaadey Dawlada Eretria Dawlada Jabuuti waxaa ay sheegtay inay soo dhaweynayso cuna qabteynta hubka ee laga qaadey Eretria isla markaana ay dalbaneyso in la soo daayo maxabiista Jabuuti ee uu xidhan Eretria, Halkan hoose ka DAAWO Source

Jabuuti ( Sh. M. Network )-Shaley aye aheyd markii Golaha ammaanka ee Qaramada Midoobay cod aqlabiyad leh ku ansixiyay soo jeedin ku saabsaneyd in Eritrea laga qaado cunaqabateynta dhinacyada, taas oo ay horgeysay dowladda Ingiriiska, Mareykankana uu ku taageeray. Wuxuu dhanka kale goluhu ku baaqay in labada dal ay sii wadaan wada xaajoodyada ay ku xallinayaan khilaafaadkooda. War murtiyeed ka soo baxay wasaaradda arrimaha dibadda ee xukuumadda Jabuuti oo uu ku saxiixan yahay wasiirka arrimaha dibadda, Maxamuud Cali Yuusuf, ayaa lagu yiri “dowladda Jabuuti waxa ay soo dhaweyneysaa qaraarka Qaramada Midoobay ee uu tirsigiisu yahay 244 ee xallinta khilaafaadkii u dhexeeyay dowladaha Jabuuti iyo Eritrea”. Qoraalkan ayaa sidoo kale lagu qeexay sida ay Jabuuti diyaar ugu tahay xalka “waxaan aqbaleynaa go’aanka lagu fududeynayo wax kasta oo lagu wada hadlayo oo ku aaddan dowladaha Eritrea iyo Jabuuti”. Lama oga sababta ku dhalisay Jabuuti in ay taageerto cunuqabateen in laga qaado Eritrea Horraantii bishii Agoosto ayay dowladda Jabuuti si weyn uga carootay baaq uu madaxweynaha dowladda Soomaaliya, Maxamed Cabdullaahi Farmaajo, ugu jeediyay Qaramada Midoobay inay cunaqabateynta ka qaaddo dalka Eritrea. Arrintaas ayay Jabuuti qaarkood u aragtay in Somalia ay “la safatay Eritrea”, xilli labada dal ay is hayaan, horayna uu gacan ka hadal u dhex maray. Sidaas awgeed, hadda iyadoo wali uu taagan yahay khilaafka u dhexeeya labada waddan ee Jabuuti iyo Eritrea, ee salka ku haya muranka xadka ayaa su’aalo badan la iska weydiinayaa waxa keenay in xukuumadda Jabuuti ay soo dhaweyso go’aanka Qaramada Midoobay ay hubka ugu fasaxday waddanka ay is hayaan. The post Dowladda Jabuuti Oo soo dhaweysay Cunaqabateyntii laga qaaday Eritrea appeared first on Shabelle. View the full article

Baydhabo (Caasimadda Online) – Magalada Baydhabo ee Xarunta Gobolka Baay waxaa kulan ku yeeshay Guddiga joogtada ee Baarlamaanka Koonfur Galbeed,iyaga oo ku iclaamiyay waqtiga ay dhaceyso doorashada. Xubnaha Guddiga doorashada oo shir jaraa’id ku qabtay magaalada Baydhaba ayaa sheegay in 20 Xubnood oo ka joogta Guddiga ay 15 ka mid ah isla garteen in doorashada dib loo dhigo muddo labo todobaad ah. Guddigu ma sheegin maalinta ay dhaceyso doorashada waxaana ay sheegeen in labo todobaad kaddib go’aan laga gaarayo. Doorashada Madaxtinimada Koofur Galbeed ayaa lagu waday in ay dhacdo Sabtiga soo socda ee 17ka Bishan laakiin maanta ayaa lagu dhawaaqay dib u dhigiddeeda. Arrintan ayaa salka ku heysa khilaaf Guddiga doorashada kala dhexgalay oo sababay in ay qaarkood is casilaan,waxaana hakad galay jadwalka iyo habraacii doorashada. Caasimada Online Xafiiska Baydhabo Caasimada@live.com

Shirkadda Telesom Oo Ictiraaf Teknoolajiyadeed U Soo Hoysay Somaliland Guddoomiyaha Telesom ayaa ku guulaystay agaasimaha ugu saamaynta badan Qaaradda Afrika dhinaca teknoolajiyadda iyo isgaadhsiinta sannadka 2018. Munaasabad ay ka Qayb Galeen 14000 oo qof oo ka dhacday Magaalada Capetown, ee Dalka Koonfur Afrika ayaa Gudoomiyaha Shirkadda Telesom, Cabdikariim Maxamed Iid, loogu Aqoonsaday inuu Yahay Hoggaamiyaha ugu Wanaagsanaa uguna Saamaynta Badnaa hoggaamiyeyaasha Shirkadaha Tiknoolojiyadda iyo isgaadhsiinta Qaarada Africa, qiimayntii u dambaysay ee la sameeyay sannadkan 2018 “CXO of the year 2018”. Qaran News

Muqdisho (Caasimada Online) – Xildhibaan Axmed Macallin Fiqi oo ka mid ah mudanayaasha golaha shacabka ee baarlamaanka federaalka Soomaaliya ayaa isaga oo saxaafadda kula hadlay magaalada Muqdisho wuxuu kaga hadlay weerarkii 9-kii bishan lagu qaaday Hoteelka Saxafi ee magaalada Muqdisho. Waxa uu sheegay in Hoteelkaasi ay deganaayeen xildhibaanno Labada aqal ah oo ka badan 50, wuxuuna tilmaamay in xukuumadda federaalka ay illaa iyo hadda wax baaritaan ah sameyn. Xildhibaanka ayaa tilmaamay in waxyaabaha ay ka shakiyeen ay tahay in raggii weerarka soo qaaday ay wateen dareeska ciidanka xoogga dalka, waliba kuwii ugu dambeeyey ee loo qeybiyey iyo sidoo kale hub dhowaan la siiyey dowladda. Dhanka kale, xildhibaan Fiqi ayaa sheegay in weerarkii Saxafi ay u arkeen shirqool iyaga lagu dili rabay. Waxa uu ku baaqay in guddi loo saaro arrintan, islamarkaana baaritaan dhab ah lagu sameeyo sida Al-shabaab u heleen hubka iyo dareeska ciidanka dowladda. Ma jiraan wax caddeymo ah oo si madax banaan u xaqiijin kara sheegashada xildhibaan Fiqi. dhinaca kale, kooxda Al-Shabaab ayaa si buuxda u sheegatay mas’uuliyadda weerarkaas. Halkaan hoose ka dhageyso https://www.caasimada.net/wp-content/uploads/2018/11/fiqi-2.mp3Caasimada Online Xafiiska Muqdisho Caasimada@live.com

Jabuuti (Caasimada Online) – Muuqaalo lagu baahiyey internet-ka ayaa muujinaya duqa magaalada Muqdisho Injineer Yariisow, oo ka heesaya kana cayaaraya xaflad dhowr habeen ka hor lagu qabtay magaalada Jabuuti. Yariisow ayaa la arkayey isaga oo ku cayaaraya kuna luuqeeynaya heesta Doon baa mareyso, ee uu horey u qaadi jira Cabdullaahi Sulfa. Heesta ayaa waxaa marka hore billaabaya fanaan kale, hase yeeshee markii ay cabaar socotay ayaa waxaa kala wareegaya Yariisow oo heesta qaaday. Yariisow ayaa dhowr maalmood u joogay dalka Jabuuti ka qeyb-galka shirka duq magaalooyinka Islaamka, oo halkaas ka dhacay. Heestan ayaa la rumeysan yahay inuu Yariisow qaaday laba ama saddex maalin kadib weerarkii Jimcihii lagu qaaday hotel-ka Saxafi ee magaalada Muqdisho, oo lagu dilay ku dhowaad 40 qof oo shacab ah. Inta badan madaxda dunida ayaa markii ay dhibaato ka dhacdo goobaha ay ka taliyaan lagu yaqaan inay soo gaabiyaan safarkooda oo ay deg deg usoo laabtaan. Dad badan ayaa arrin aan wanaagsaneyn ku tilmaamay in duqa Muqdisho uu hees iyo baashaal ku jiro, intii uu muujin laha damqasho oo murugada iyo tacsida la qeybsan lahaa dadka lagu xasuuqa magaalada uu ka taliyo ee Muqdisho.

Muqdisho (Caasimada Online) – Kaddib kulan ay shalay ku yeesheen magaalada Muqdisho Safiirka Ingiriiska u fadhiya Soomaaliya David Concer iyo Madaxweynaha Soomaaliya Maxamed Cabdullaahi Farmaajo ayaa war qoraal ah oo safiirku uu soo dhigay Twitterka waxa uu uga warbixiyay qoddobada ay ka wada hadleen Madaxweynaha. Ambaasaddoor Concer ayaa sheegay in Madaxweyne Farmaajo oo ku qaabilay Xarunta Madaxtooyada ay ka wada hadleen horumarka arrimaha siyaasadda iyo amniga ee Soomaaliya. Safiirka ayaa tilmaamay in uu Madaxweynaha Soomaaliya ugu hambalyeeyay dadaalka uu ku bixinayo nabadda iyo isdhexgalka Gobolka iyada oo loo marayo heshiiska seddax geesoodka ah ee uu la sixiixday madaxda Itoobiya iyo Eretereya. “waxaan u mahadcelinayaa Madaxweynaha Soomaaliya Maxamed Cabdullaahi Farmaajo oo igu casuumay Villa Somalia. Waxaan ka wada hadlnay horumarka arrimaha siyaasadda iyo amniga ee Soomaaliya. Waxaan ugu hambalyeeyay dadaallada uu ku bixinayo nabadda iyo is dhexgalka Gobolka ee loo marayo heshiiska iskaashi ee uu la yeeshay Itoobiya iyo Eritrea” Ayuu yiri safiirka Ingiriiska ee Soomaaliya Amb David Concer. Madaxweynaha Soomaaliya Mudane Maxamed Cabdullahi Farmaajo ayaa shalay sheegay in dalal kale lagu soo dari doono iskaashiga Gobolka iyada oo kulanka seddaxaad ee arrimaha Geeska Afrika looga hadlayo uu ka dhici doono magaalada Muqdisho. Caasimada Online Xafiiska Muqdisho Caasimada@live.com

Muqdisho ( Sh. M. Network )-Warar dheeraad ah ayaa ka soo baxaya dil kooxo hubeysan barqanimadii maanta ay ka geysteen degmada Wardhiigley ee G/ Banaadir. Dilkan ayaa la sheegay in loo geystay Wiil dhalinyaro ahaa oo ku sugnaa xaafadda laba Dhagax ee degmadaasi, sida ay Shabelle u xaqiijiyeen ilo deegaanka ah. Raggii ka dambeeyay dilkan oo ku hubeysnaa Bastoolado ayaa lagu soo warramayaa in ay goobta isaga baxsadeen dilka kadib. Illaa iyo had lama oga waxa uu aha shaqsiga la dilay, iyadoona Meydka Marxuumka ay goobta ka qaadeen Ciidamo ka tirsan kuwa ammaanka oo gaaray halkaasi. Sidoo kale ma jiro wax war ah oo ka soo baxay dhanka saraakiisha laamaha amniga oo ku aadan dilkaasi. Dhacdadan ayaa ku soo aadeysa, xilli maalmihii dambe Ciidamada DFS ay wadeen howlgallo lagu xaqiijinayo amniga, kadib qaraxyadii ka dhacay Hotel Saxafi ee magaalada Muqdisho. The post Wiil dhalinyaro ahaa Oo lagu dilay Wardhiigley appeared first on Shabelle. View the full article

Xildhibaan Axmed Macallin Fiqi oo ka mid ah mudanayaasha golaha shacabka ee baarlamaanka federaalka Soomaaliya ayaa isaga oo saxaafadda kula hadlay magaalada Muqdisho wuxuu kaga hadlay weerarkii 9-kii bishan lagu qaaday Hoteelka Saxafi ee magaalada Muqdisho. Waxa uu sheegay in Hoteelkaasi ay deganaayeen xildhibaanno Labada aqal ah oo ka badan 50, wuxuuna tilmaamay in xukuumadda federaalka ay illaa iyo hadda wax baaritaan ah sameyn. Xildhibaanka ayaa tilmaamay in waxyaabaha ay ka shakiyeen ay tahay in raggii weerarka soo qaaday ay wateen dareeska ciidanka xoogga dalka, waliba kuwii ugu dambeeyey ee loo qeybiyey iyo sidoo kale hub dhowaan la siiyey dowladda. Dhanka kale, xildhibaan Fiqi ayaa sheegay in weerarkii Saxafi ay u arkeen shirqool iyaga lagu dili rabay. Waxa uu ku baaqay in guddi loo saaro arrintan, islamarkaana baaritaan dhab ah lagu sameeyo sida Al-shabaab u heleen hubka iyo dareeska ciidanka dowladda. Halkaan hoose ka dhageyso: https://goobjoog.com/wp-content/uploads/2018/11/fiqi-2.mp3 Goobjoog News Source: goobjoog.com

Cadale ( Sh. M. Netwotk )-Wararka laga helayo gobolka Shabeelaha Dhexe ayaa ku warramaya in maanta xiisad dagaal ay ka taagan tahay deegaano ka tirsan gobolkaasi. Xiisada oo ah mid xoogan ayaa waxaa laga dareemayaa deegaanka Laba-Garas oo hoos yimaada degmada Cadale ee gobolka Shabeelaha Dhexe. Waxaana la sheegay in ay xiisadu u dhexeyso laba Maleeshiyo Beeleed oo wada daga halkaasi. Qaar ka mid ah dadka deegaanka oo la hadlay Shabelle ayaa sheegay in ay wal wal ka qabaan in markale dagaal uu ka qarxo deegaankaasi. Waxaana ay tilmaameen in labada dhinac ay dhaq dhaqaaqyo ka wadaan agagaarka degmada Cadale ee gobolka Shabeelaha Dhexe. Weli ma jiro wax hadal ah oo ka soo baxay dhanka maamulka HirShabelle oo ku aadan xiisadaasi. Hase’ahaatee waxgaradka deegaanka ayaa durbo bilaabay dadaallo nabadeed oo looga hortagayo colaadaasi. Dagaalkii xalay ee dhexmaray labadaasi Beeleed ayaa waxaa ku dhintay 2 Qof, halka ay ku dhaawacmeen 3 kale, oo isugu jiray dhinacyadii dagaalamay. The post Xiisad xoogan Oo ka taagan duleedka degmada Cadale appeared first on Shabelle. View the full article

(SLT-Hargeysa)-Wasaaradda Is-gaadhsiinta iyo Teknolojiyadda oo Telesom Ku Hambalyaysay guusha ay Somaliland usoo hooyeen. Halkan hoose ka akhriso: Source

(SLT-Hargeysa)-Madaxweyne Muuse Biixi Cabdi ayaa la filayaa in maalmaha soo socda uu markii labaad Muddo sannad ah oo isku shaandhayn ku sameeyo xukuumaddiisa. Madaxweynaha ayaa la sheegay in isku shaandheyntaas Maanta oo Khamiis ah ku jiro diyaarinteedii ugu dambeysay isla markaana uu fasaxay shirkii Golaha Wasiirada oo maanta ka qabsoomi lahaa xarunta Madaxtooyadda. Sidoo kale warbaahintu helayso ayaa waxa ay sheegaya in sababta shirkii golaha wasiirada loo fasaxay inay tahay diyaarinta iyo ku mashquulkan isku shaandheyntan oo bulshadu si weyn u hadal hayso kadib markii bulshadu si adag uga biyo diiday isku shaandheyn kooban oo madaxweyne Biixi samaayey Xogaha ayaa sidoo kale sheegay in isku shaandheyntan ay xilalkooda ku waayo doona wasiiro Badan oo gaadhaya ilaa 10 Wasiir iyo sidoo kale Taliyayaal ciidan, halka masuulyiin kale na xilalkooda la isku bedeli doono, balse xogan si rasmi ah umay kala cadeyn magacyada wasiiradan iyo taliyayaashan xilalooda waayi doona Source

(SLT-Hargeysa)-Guddoomiyaha Xisbiga UCID Eng Faysal Cali Waraabe ayaa waxa uu ka hadlay isbedelka ka socda geeska afrika iyo saamaynta uu ku yeelan karo Somaliland, Halkan hoose ka DAAWO Source

Muqdisho (Caasimadda Online) – Hay’adda Culimada Soomaaliyeed ayaa maanta shir ay ku qabteen Magaalada Muqdisho waxa ay kaga hadleen amaanka dalka, khilaafka u dhaxeeya Dowladda Federaalka ah iyo dowlad Goboleedyada. Sheekh Nuur Baaruud oo ka mid ah hay’adda ayaa sheegay in dowladda ay guulo muhiim ah ka gaartay siyaasadda arrimaha dibadda, la dagaallanka musuqa iyo dhismaha heykalka dowladnimo. Mar uu ka hadlayay arrinta amaanka ayuu dowladda ku dhaliilay in aysan waxbadan ka qaban amaanka,waxaana uu su’aal ka keenay sida saddex gaari oo wada walxaha qarxa ay ku soo galeen Muqdisho kuna weerareen Hotelka Saxafi. Waxaa uu dhaliilay isbeddellada ciidamada, xilka qaadista Taliyayaasha Ciidamada iyo sida ay dowladda ku ogaan weysay qaraxyada ka dhaca Muqdisho. Dowladda Federaalka ah ayuu sheegay in lagula xisaabtamayo dhibaatada haysata shacabka isaga oo xusay in aysan cudur daar u heleyn in maalin kasta shacabka Soomaaliyeed la laayo. Sheekh Nuur Baaruud ayaa soo jeediyay in Al-shabaab laga saaro labada Shabeelle si amaanka Muqdisho loo sugo,waxaana uu sheegay in ay dowladda Cambaareyn ku muteysan karto in aysan Gobolladaas ka saarin Al-shabaab. Sheekh Nuur Baaruud ayaa ku baaqay in Xaasaska iyo Carruurta Xubnaha ka tirsan Al-shabaab laga saaro Magaalada Muqdisho sida ay sameeyeen Magaalooyinka Kismaayo iyo Beledxaawo. Khilaadka dowladda dhexe iyo Dowlad Goboleedyada ayuu sheegay in dhibaatadaba ka dhalatay markii Madaxweynayaasha dowlad Goboleedyada loo bixiyay madaxweyne islamarkaana ay isu maleeyeen in ay isku awoodyihiin dowladda dhexe. Caasimada Online Xafiiska Muqdisho Caasimada@live.com